رواية حما تلات سلايف بقلم مي علي الفصل الخامس والسادس حصريه وجديده على مدونة النجم المتوهج للروايات والمعلومات
 |
رواية حما تلات سلايف بقلم مي علي الفصل الخامس والسادس حصريه وجديده على مدونة النجم المتوهج للروايات والمعلومات
الفصل الخامس
وروني بقي التفاعل وعشر ملصقات عشان ننزل بالجديد يا احلي متابعين
رمت التليفون من أيدها
ووقعت ف الارض مغمي عليها
جريت عليها ومسكت التليفون وقلت ...
الووو يا بابا إلحقني ماما وقعت
صوت غريب رد عليا وقال ...
يا استاذه بقول لحضرتك صاحب التليفون ده لقيناه مرمي ف شارع ........... وغرقان ف دمه و و البقاء لله
حسيت ساعتها أن الدنيا اسودت
لوح ازاز ورشق فيه مليون حجاره
فضل الراجل يقول ...
الو الو
لا حول ولا قوه الا بالله
الوووو
رديت عليه وانا حاسه اني بموت ....
ممكن حضرتك تطلب البوليس والاسعاف لأقرب مكان واحنا جايين
قفلت التليفون وفضلت اصرخ واعيط بحرقه واصوط
لدرجة الجيران سمعو صوتي
ونزلو يخبطو عليا
قمت جري ع الباب
عاوزه حد ينجدني
إلحقونا يا خلق إلحقونا يا ناس
ابويا ضهري وسندي اللي مليش غيره ف الدنيا انا وامي
مات
لاااااا اتقتل قتلووووووووه قتلوووك يا ابوياااااااا
وشالو امي وحاولوا يفوقوها
ونزلت مع جوز جارتنا ثنيه وبقيت الجيران
هعمل اي ملناش حد
غير ربنا
وروحنا ع المستشفي والراجل حكا كل اللي حصل
وقال ..
انا شوفت عربيه جايه من بعيد ف الضلمه وكنت واقف ف البلكونه
وقفت دقايق وف حاره متفرعه من الشارع طفت نورها
هي مش عربيه هو كان مكروباص
ونزل منها واحد من ورا وقصادو راجل تاني جته
بصراحه مكنتش شايف اوي
مكملوش ثواني ومشيو
انا مهتمتش
لكن معداش دقايق ولقيت واحده ست بتصرخ
نزلنا جري نشوف في اي
لقينا الراجل ده مرمي وغرقان ف دمه بس وقتها كان لسه في الروح بس مش قادر يتكلم
خليناه زي ما هو وطلبنا الإسعاف بسرعه
بس يدوبك الراجل كلم الإسعاف من هنا وكان الراجل بيطلع ف الروح وبيشهق وطب ساكت
انا عماله اسمع وصوت بكايا يعلي
مش قادره هموت
وكمل كلامه وقال ...
دورنا ف جيبو علي اي حاجه تدل عليه لقينا تليفونه والرقم اللي رنينا عليه كان في منه ميسد كول ومسجله بالبيت
وبس واتصلنا بالانسه والاسعاف جت واتصلنا بالبوليس وده كل اللي شوفته وكل اللي اعرفه
الظابط ...
تقدر تفتكر ملامح الرجاله دول
اي علامه مميزه فيهم أو ف المكروباص
رقم المكروباص مثلا ملمحتوش
- الصراحه لا يا ساعدت الباشا والله اللي شوفته انا قولته دي روح بني ادم مش كلام
الظابط سألني ...
وانتي يا انسه ممكن تفهميني اي اللي حصل واي اللي نزل والدك ف الوقت ده
حكتله اللي حصل كلو وان في حد اتصل بيه وقاله أن المحل اتسرق
الظابط ...
تمام كل اللي قولتيه كويس
بس موبايل والدك اهو والرقم الوحيد اللي مكلمه هو البيت ورقم تاني اسمه المحل مفيش ارقام غير دي اتصلت بيه ف الساعات اللي فاتت
- يبقي اكيد مسحوه اكيد كان في حد مصتقصده وهو اللي عمل ده كلو عشان يقتلوه
- تمام
بتتهمي حد يا انسه
- ها ؟!
- بتتهمي حد
والدك كان في بينه عداوه وبين حد تاني
- اه يا حضرة الظابط
وهتهمه ف محضر رسمي
_ تتهمي مين
- عمي احمد اخو ابويا
- يااااه عمك مره واحده
واي أسبابك اللي بتتهمي بيها
- حكيتلو بردو كل اللي حصل
قال ...
تمام
طيب احنا هنستني بس لبكره ونشوف تقرير الطب الشرعي هيقول اي
والتحريات
وفضلت قاعده هناك مروحتش
مش هقدر اروح
مش هقدر اعيش ولا اكمل حياتي
عاوزه أشرب من دمهم
هما اللي قتلوه اكيد همااا
وطلع تقرير الطب الشرعي وقال إنه اخد ضرب وعدة طعنات متفرقه بجسمه لكن الضربه اللي أدت للوفاه احدثت نزيف بالمخ
حقك ف رقبتي يا ابويا وهنتقم منهم واحد واحد
وبعتو جابو عمي احمد اللي كان متفاجئ ومثل لدرجة انو بكي
والمتوقع منه قال ...
انا والله ما قربت منه
انا اليوم ده كان فرح ابني و
مقدرتش امسك نفسي قدام الظابط ...
انا عارفه انك هتقول كده
حسب الله ونعم الوكيل فيك ربنا ينتقم منك
انت اللي قتلته انت
رواية حما تلات سلايف بقلم مي علي الفصل الخامس والسادس حصريه وجديده على مدونة النجم المتوهج للروايات والمعلومات
فضل ساكت مبيردش وبيمثل والدمعه هتفر من عينه
- رد عليااااااا انت اللي قتلتو كفايه بقي تمثيل
ذنبنا اي
منك لله يا شيخ منك لله
حسبي الله ونعم الوكيل فيك
بس انا مش هسيبك والله العظيم مهسيبك
الظابط خلاهم يطلعوني بره لاني فعلا كنت هقتلو
وخرجت وانا علي أمل أنهم يحبسوه وفعلا اتحبس اربع تيام علي ذمة التحقيق
وانا قاعده علي اعصابي بقيت تقريبا عايشه ف الشارع
الدليل الوحيد هو الرقم اللي اتصل بيه والمكالمه المتسجله
وفعلا قدرو يوصلو الرقم
واكتشفوا أن الرقم ده لراجل من الرجاله اللي كانت شغاله مع جدي
ومشاه عمي بعدها من المحل
للكاتبه مي علي
دورو ع الراجل ده ملقهوش
ومفيش له أثر والخط اختفي اي تتبع ليه لانه اتكسر
وجرانه قالو أن ف اليوم ده فعلا طلع متأخر وخبط ع الراجل صاحب البيت دفعله الايجار المتأخر
وخد حاجته ومشي ف ليليتها
الظابط ...
للأسف يا انسه مفيش اي دليل ضد عمك
الناس شهدت انو مشي الراجل ده ومكنش ليه اي علاقه بيه
ومفيش له أثر
- يعني اي الكلام ده
- يعني احنا ممكن نعتبرها حادثة سرقه
- سرقة اي حرام عليكوووو
ده قتل مع سبق الاصرار
دول استدرجوه واخدوه وقتلوه ورموه ف الشارع
حرام عليكم ده ابويا حرااااام
- يا انسه احنا مش هنوقف التحريات
كل اللي حابب اقولهولك اننا هنفرج عن عمك لعدم كفاية الادله
للكاتبه مي علي
- كل الادله والكره ده وتقولي عدم كفاية الادله
عاوزين اي يعني
يصحي من موته يقولكم هو اللي قتلني
حسبي الله ونعم الوكيل يارب حسبي الله ونعم الوكيل
وخرجت وانا مش عارفه اعمل اي
كل ده وهو ف المشرحه
واتقفلت الدنيا علي كده
ودفناه
حتي مقدرتش اودعو
ورجعت البيت لأمي اللي مبقتش تقدر تقوم من ع السرير
بس انا قررت ابقي قويه وهاخد حقنا تالت ومتلت
مفيش وقت للحزن
نزلت المحل
والصدمه كانت ف باسم اللي نزل يباشر محل ابويا بنفسه
لما شوفته كده محستش بنفسي غير وانا داخله المحل وواقفه قدامه ومدياله بالقلم علي وشه
وطبعا هو مسكتش بس الناس حاشته عني
ووقفت وبعزم ما فيا ...
اوعي تفكر أن اللي انت عملته وابوك عمله هيعدي ده انا هعلم عليكو نفر نفر
وهخليكو تتمنو الموت علي وش الأرض
اطلع بره من هنا وعلي الله تهوب هنا احسن والله لهخرجك فاقد لكل حاجه تدل انك راجل
بصلي وبحس عالي وغل وشر مشوفتش زيه وقال ....
انا غلطان اني قولت اساعد واقف جنبكو
بس انا مش عاتب عليكي لانك كده كده ملكوش فيه حاجه ملاليم والورث لإخواته الولاد
- هههههه روح شوف عروستك رووووووووح
هههه قال سايب عروسته ومفكرش يروح لابوه القسم قال عشان يقف جنبنا
حتي الكدب معاكو مش نافع
اتكللللللل
ومشي
وانا روحت البيت وأجرت رجاله يحمونا ورجالة المحل كمان كل واحد يقوم بشغله وهباشر كل حاجه بنفسي
وف نفس اليوم بليل لقيت باسم وابوه جايين يعزو
يا بجاحتهم
امي ساعتها كانت هتتشل وفضلت تصرخ وتصوط واغمي عليها تاني
ولما فاقت ندهتني
وقالتلي ....
غرام انا عاوزه اقولك حاجه
متخفيش يا غرام ابوكي مسبناش كده
كان عارف اخوه ممكن يعمل فيه اي
ابوكي كتبلك كل حاجه بأسمك يا غرام
كل حاجه المحل وبيت جدك والبيت اللي ف دهشور والأرض اللي ف بلبيس
للكاتبه مي علي
- ياه يا ماما
قولتلي الكلام ده ف وقتك
- تعالي نمشي من هنا يا غرام تعالي نسيب كل حته يعرفونا فيها ونهج
- لا يا ماما مش ههج الا لما اخد حق ابويا
الا لما انتقم
- يالهوووووي غرام يا بنتي انا معدش ليا غيرك
- ارجوكي يا ماما متنقشنيش
المهم عندي دلوقتي انا عوزاكي تسمعيني كويس انتي لازم تختفي يا ماما
للكاتبه مي علي
- اختفي فين
واسيبك لوحدك انتي انجنيتي يا غرام
- اسمعي يا ماما
انا لازم احسسهم اني مكسورة الجناح ولازم اجر ناعم عشان انا هخش البيت ده وهدمر كل اللي فيه
بالذوق ولا بالعافيه
- هتعملي اي
- اسمعي يا ماما
انا هنادي علي الخاله بثينه وهنعمل خطه
من النهارده ورايح انتي موتي يا ماما
- غرام انتي بتقولي اي
- اسمعيني بس
احنا هنزيع الخبر انك موتي حزنا علي بابا يعني
وكل حاجه هتمشي طبيعي وانا هعمل كل حاجه ومحدش هيدري بشئ وانتي هتستخبي عند خالتي ف دمياط
ومترجعيش مهما كان اللي هيحصل
- غرام انتي عاوزه تموتيني
- بعد الشر عليكي يا ماما
انا بس بحميكي
طول مانتي موجوده مش هقدر اتحرك وهيشكو فيا
إنما أنا عاوزه ابينلهم اني لوحدي ومكسورة الجناح وكل حاجه بتاعتي هتبقي تحت أمرهم
للكاتبه مي علي
وفضلت اقنع فيها لحد ما وافقت وفعلا خططت كل حاجه
والخاله بثينه تعاونت معانا هي وجوزها
ومحدش كان يعرف بالموضوع غيرنا
وخرج من البيت غسل ونعش واتصلي عليه كمان
كل ده وهما فاكرين انها ماتت
بس هي كانت ف طريقها لدمياط
وودعت امي مؤقتا لحد ما احقق اللي ف دماغي
انا لازم ادخل البيت واعيش فيه وابقي ست البيت كمان
بس ازاي بقي يا غرام ازاي
فضلت افكر
وملقتش غير اني ادحلب علي باسم وابينلهم كلهم اني بقيت وحيده ومكسوره
والخبر لما وصلهم جالي عمي جري
وبدأت انفذ خطتي وكانت اولها اني رسمت ف وشهم القطه المكسوره
وفضلت اعيط واقوله وبقيت لوحدي يا عمي
ابويا وامي ماتو يا عمي
مين هيشيلني
هاكل واشرب منين ياعمي
وهما ابتدو يصدقو الشويتين دول
ومن غير مقرب من باسم هو لوحدو ابتدي يرجع تاني
ولكن حصل اللي مكنتش اتوقعه واللي كان احسن مما خططت
رجع كريم ابن عمي احمد
واللي يبقي اخو باسم من السفر
واول ما نزل جه عليا
وعزاني
وكان بيفوت عليا ومكنتش بحس منو شر ابدا
كنت بعزه عشان جدي وابويا كانو بيحبوه
وباسم وعمي نزلو مسكو المحل والأرض ف مقابل اكلي وشربي وسؤالهم عليا
وانا كنت مرحبه اوي ومدياهم الوش الحنين المكسور
للكاتبه مي علي
وبعد ما عدا تسع شهور بالظبط
وانا عامله نفسي واحده منهم
وبحاول اكسب ثقة صباح واتقرب من باسم اللي كان مدلوق لوحدو
واولع النار من تاني ف قلب ضحي
جالي كريم ف يوم وفاجأني بدون مقدمات وقال ...
تتجوزيني يا غرام
رواية حما وتلت سلايف
الفصل السادس
الكاتبه / مي علي
فاجأني كريم بطلبه ليا للجواز
تتجوزيني يا غرام ؟!
- بتقول اي ؟ اتجوزك ؟!
- اه تتجوزيني
انا بطلب ايدك منك دلوقتي اهو وعاوزك ف الحلال قولتي اي
سرحت بدماغي لبعييييد
فكرت ف مليون حاجه ف لحظه
دي فرصه كويسه اني ادخل البيت لا واي هولع الدنيا ف بعضها وهخلي باسم يغير هو كده كده اصلا بيكره كريم عشان احسن منه
وكمان كريم لما هيبقي جوزي هيمسك كل حاجه بتاعتي وهبقي ضربت عصفورين بحجر
انا شايفه أن دي احسن فرصه ممكن تجيلي
طبعا سرحت وانا بفكر قاطعني وقال ...
غرااام روحتي فين انتي مش معايه خالص
- لا لا لا معاك بس اصل
- بصي يا غرام خدي وقتك انا مش مستعجل
هسيبك وأقوم امشي بقي ووقت ما تقرري قوليلي
- لا استني رايح فين انا موافقه
ندمت جدا ع التسرع اللي انا اتسرعته
ليه اتسرعت كده يارب ميشكش فيا
بصلي بأستغراب وقال ....
موافقه ؟! بالسرعه دي
انتي حتي مفكرتيش
عملت نفسي حزينه وقولت ....
وافكر ليه انا كده كده مسيري هتجوز وزي مانت شايف ماعدش ليا حد
وانت كنت اكتر واحد بيهتم بيا ويودني من ساعة ما
ونزلتلي دمعتين وسكت
وطي وطبطب عليا وقال ...
انا مش عاوزك تعيطي انا انشالله هعوضك عن كل ده
انا هروح افاتحهم ف الموضوع وانا جاهز وهنتجوز بسرعه وهجبلك شقه بره لو عاوزه بعيد عن الوش والقرف
- وليه يا كريم
انا عاوزه اعيش ف بيت جدي علي الاقل ف الاول عشان احس انهم معايا مش كفايه اتحرمت منهم
- اللي تحبي ويريحك انا هعملهولك
انا همشي دلوقتي وهجيلك تاني عشان افرحك
- خلي بالك من نفسك
ومشي وانا حاسه بأنتصار وعارفه أن امه لا يمكن توافق بس اللي كان مطمني أن كريم مبياخدش أوامر من امه
وتوقعت حاجات كتير اوي
وفعلا الصبح صحيت علي صوت ترزيع الباب
قومت مخضوضه
فتحت الباب لقيت صباح ف وشي
انفزعت
قالت ...
اي شوفتي عفريت يا بنت فاطمه
- لا يا مرات عمي بس اصلي لسه صاحيه
- نوم الهنا ياختي
- اتفضلي
دخلت وقفلت الباب
- اتفضلي ارتاحي
- ومنين هتيجي الراحه طول مانتي ف حياتنا
- وانا عملت اي يا مرات عمي
- اتمسكني يابت
اوعي يكون خايل عليا تمثيليتك البايخه والمسكنه اللي انتي فيها
ما صدقت خلصت منك ف باسم عاوز تدحلبي وتلزقي ف كريم
بت انتي اسمعي أما اقولك شيلي عيالي من دماغك احسن ويمين لا اكون .....
كل ده وانا واقفه بس مبتكلمش
الباب خبط
سكتت
وانا روحت جمب الباب
- مين
صوت عمي احمد ...
افتحي يا غرام انا عمك احمد
فتحت الباب وصباح واقفه متنحه وغضبانه
دخل عمي احمد ومعاه كريم
بصلها وقال ...
الأمر ميسلمش منك يا صباح
- انت اي اللي جابك هنا
- جاي اصلح اللي انتي كنتي جايه تعمليه
وبصلي وقال ...
يا غرام انا جاي هنا عشان نقرا فاتحتك انتي وكريم
واخدك تعيشي معانا لحد ما كريم يوضب شقته
بصتله صباح والغضب ف عينيها ...
مش هتتجوزه يا احمد علي جثتي
زعق ف وشها ...
وانتي مين خد رأيك ده ابني وانا حر
- هجوزها لباسم كريم لا
كريم بصلها بأستغراب ...
انا مش فاهمك انتي ليه بتعملي كده
حتي ف جوازي بتعملي كده
بصتلها وقولت ...
هتجوزيني باسم ازاي وهو متجوز
مش جوزتوه لضحي
بصتلي وبكل جبروت قالت ...
هخليه يطلقها
عمي شاط ف وشها ...
بأيدك انتي تجوزي وتطلقي اسمعي يا صباح مسمعش حسك انتي فاهمه كريم هيتجوز غرام وخلص الكلام علي كده
موافقه يا غرام
للكاتبه مي علي
بصتله وابتسمت ...
موافقه يا عمي
- علي بركة الله يبقي تلمي حاجتك من الشقه دي وتيجي ف بيت جدك تقعدي عشان حتي لو كريم حب يشوفك ميجلكيش وانتي قاعده لوحدك الناس تاكل وشنا
- خلاص ماشي يا عمي
بس معلش اديني لبكره كده عبال مكون لميت حاجتي ولو بعد اذنك ممكن اقعد ف شقة جدي لو معندكش مانع
- ماشي يا غرام اللي تحبيه
من انهارده ورايح انتي مكتوبه علي اسم كريم ومن بكره هنكتب الكتاب ونلبس الشبكه مؤقتا لحد ما نخلص الشقه
للكاتبه مي علي
- اللي تشوفو يا عمي
بصلها وقال ...
يلا يا صباح ولا هتباتي هنا
مشيت وهيا بوزها شبرين والشر ف عينها
كريم قال ...
لمي حاجتك وبكره انا هعدي عليكي
- خلاص ماشي
ومشيو
وانا قعدت افكر
لا انا كده محتاجه تخطيط علي شديد اوي
صباح مش هتطلعني من دماغها يبقي لازم نلعبها صح
للكاتبه مي علي
وفعلا ابتديت ألم حاجتي
والصبح ع الساعه واحده كلمني كريم وقولتله اني جاهزه عشان اروح معاه
قالي مسافة السكه هيكون عندي
وفضلت قاعده مستنياه
ومفيش عشر دقايق والباب خبط
فتحت علي أنه كريم
بس لقيت باسم هو اللي ف وشي ...
باسم انت اي اللي جابك
- طب مفيش اتفضل
- اه اتفضل
ودخل بس انا مقفلتش الباب
- اي متقفلي الباب
- معلش خليه مفتوح
للكاتبه مي علي
قام وقفل الباب وشدني
وقال ...
اقعدي هنا متخفيش
- باسم كريم جاي دلوقتي وكده ميصحش
- وهو يصح انك تتجوزيه
- ومتجوزوش ليه ماله كريم طيب ومستعد يعمل اي حاجه عشاني
- وانا يا غرام
- انت اي ؟!
- وانا فين من حياتك
- ههههه حياتي ربنا يخليلك مراتك يا باسم
- مرات اي بس يا غرام هتفضلي طول عمرك كده مش فاهمه حاجه
- طب متفهمني
- مش مهم يا غرام المهم انا بحبك ولا يمكن اخليكي تتجوزي حد تاني ابدا
- من امتي بتحبني
- من زمان يا غرام
اي انتي نسيتي اللي بنا
- لا منستش انت اللي نسيت واستغنيت وخلاص بقي كل واحد من طريق
- لا يا غرام انا رجعت اهو
رجعتلك ومستعد من بكره اكتب عليكي وأطلق ضحي انا مبحبهاش ولا عمري هحبها
بصتله وبجبروت قولت ...
اسفه يا باسم انا هتجوز كريم انا عوزاه
وقمت وقفت واتكلمت بصيغة تحدي
للكاتبه مي علي
مسك دراعي جامد وقال ...
لو حصل مش هخليكي تتهني يوم واحد وانتي مش معايا
- اه سيب ايدي يا باسم سيب
الباب خبط
ساب ايدي وراح فتح الباب
كريم كان مبتسم بس اول ما شاف باسم
الابتسامه اختفت
- انت اي اللي جابك هنا يا باسم
- كنت جاي اطمن عليها هي مش بنت عمي انا كمان ولا اي
عديني عشان عندي شغل
وسابه ونزل
ودخل كريم وبصلي وقال ...
اي اللي جابه هنا وكان بيعمل اي وقالك اي
- معملش حاجه ومقلش حاجه وممكن نمشي بقي
- غراااام في اي
- مفيش حاجه يا كريم هو كان جاي يبارك ويسأل عليا
- يبارك ويسأل
طب تمام انا همنع الموضوع ده بطريقتي
حتي كلامه معاكي انا همنعه
يلا اتفضلي
واخدني وقفلنا الشقه ورجعت تاني علي بيت جدي اللي مكنتش دخلته من سنين
اطلال الباقي من البيت مجرد اطلال حتي الذكريات ذكريات سوده
ووصلنا للبيت ببص فوق
لقيت ضحي واقفه وراشقه عينها فيا من البلكونه وهيا غضبانه
ادي اول المصايب
ولسه ده انا هولع ف قلبك نار
الكاتبه مي علي
وفعلا دخلت ومرضتش اطلع فوق دخلت علي شقة جدي علي طول
وحطيت هدومي وغيرت وقعدت وكأن البيت بيتي
وطلعت فوق سلمت علي صباح
وطلعنا انا وكريم
وشقتي كانت فوق شقة ضحي
وانا طالعه لقيتها واقفه قدام الباب
بصتلها بكيد وقولت ...
ازيك يا ضحي
مردتش
وانا مهتمتش ترد ولا لا
وطلعنا انا وكريم فوق عشان اشوف هنظبط اي ونعمل اي
وبليل نزلت واتغديت معاهم وباسم كان ف المحل
والساعه جت حداشر ف استأذنت ونزلت علي تحت
للكاتبه مي علي
قعدت انا وكريم شويه وبعدين سابني وطلع
وخمس دقايق والباب خبط
قولت اكيد نسي حاجه
فتحت لقيت باسم ف وشي
وقفت وصدت الباب عشان ميدخلش
قال ...
واقفه كده ليه مش عاوزه تدخليني
- لا هنام واتفضل معلش اطلع لمراتك عشان وحشتها باين عليك
- اتكلمي معايا عدل
انا مش هسيبك وعلمي علي كلامي انتي بتاعتي بالذوق بالعافيه بت
كريم واقف ع السلم وفجأه قال ..
انت جيت يا باسم
- لا مجتش
- مش عادتك يعني تعدي علي شقة جدك وانت طالع
ده حتي وهو عايش مكنتش بتهوب ناحية الباب
للكاتبه مي علي
طلع باسم وعدي من جمبو من غير ما يرد
بصلي كريم وقال ...
اقفلي الباب ومتفتحيش تاني لحد الا أما تعرفي مين
يلا تصبحي علي خير
دخلت وقفلت الباب وانا مبتسمه
دي النار والعه لوحدها
عاوزين بقي نحرقهم بيها
وعدت ايام وانا ف البيت وباسم هيتجنن. وضحي بتراقب وصباح هاديه خالص ومش باينه
وعمي متغير ونزل عليه الحنيه فجأه
وكتبنا الكتاب ولبسنا الشبكه وعملنا ف اليوم ده فرح ع الديق
خطوبه يعني
حسيت أن باسم هيطلع طبنجه ويدينا رصاصتين
الكاتبه مي علي
وعدي اليوم عادي
وبليل فضلنا قاعدين بعد الفرح انا وعمي وكريم
بنتكلم
وعمي استأذن وطلع
وكريم بعدها بشويه خرج وقفل الباب وراه
وقلعت ودخلت نمت ومحستش بحاجه
وانا نايمه حسيت بأيد ماشيه علي جسمي ونفس سخن جمبي
مديت ايدي افتح الأبجوره اللي جمب السرير
ولفيت اشوف اي ده
لقيت باسم نايم جمبي ع السرير معرفش دخل منين وقالع التيشرت من فوق
وقبل ما اصرخ كان كتفني وكتم نفسي وكان زي الكلب الصعران وعينيه كلها شر ..
تابعووووني للروايات الكامله والحصريه
انضموا معنا على تليجرام ليصلكم اشعار بالروايات فور نزولها من هناااااا
