رواية حما تلات سلايف الفصل الاول والتاني بقلم مي على حصريه وجديده على مدونة النجم المتوهج للروايات والمعلومات
 |
رواية حما تلات سلايف الفصل الاول والتاني بقلم مي على حصريه وجديده على مدونة النجم المتوهج للروايات والمعلومات
الفصل الأول
عوزا بقي تفاعل كويس يا حبايبي ويارب تعجبكم
انا اسف يا غرام بس انا مش هتجوزك
انا متجوزش واحده كانت ماشيه معايا
حتي لو كانت بنت عمي
- انت بتقول اي يا باسم بعد كل السنين دي انت بتقول اييييييييي
- انا اسف يا غرام بس انتي مش فاهمه حاجه
- لا فاهمه قولي أن امك هيا اللي خلتك تقولي كده
قولي أنها عاوزه تجوزك واحده تانيه
- غرااااام متجيبيش سيرة أمي علي لسانك انتي سامعه ويلا بقي كفايه لحد كده
- مسيرك هتلف تلف وترجعلي يا باسم
- ده بعدك ونجوم السما اقربلك
- وحياتك نجوم السما هتقربلي فعلا واللي بعدتك عني عشان المصالح هيا اللي هتخليك توطي تبوس رجلي عشان تتجوزني وبردو عشان المصالح
الموقف ده حصل من سنين طويله اوي
واتفتح بعدها ابواب كتير اوي دمرت حياتي
ف الاول وقبل ما احكي حكايتي
احب اعرفكم بنفسي
اسمي غرام وقتها كان عندي ٢٠ سنه
وكنت ف كليه علوم
البنت الوحيده لأبويا وأمي
كنا عايشين ف بيت العيله من زمان لحد ما بقي عندي خمستاشر سنه
لان كان البيت كلو مشاكل وقرف
بعيد عنكم انا عندي عمين اتنين وعمه واحده
عمامي الاتنين كانو عايشين معانا ف البيت عمي احمد الوسطاني ف الدور الاول واحنا كنا ف التاني
وعمي جمال الكبير ف الدور التالت
وشقة جدي كانت ف الارضي لانه كان راجل كبير ف السن ميقدرش يطلع سلالم
كل واحد ف أعمامي متجوز عقربه
مرات عمي احمد اسمها صباح
ومرات عمي جمال اسمها عدلات
امي كانت مستحمله منهم بلاوي
كره وغل وقرف
بس كل الشر كان بيجي من صباح مرات عمي احمد
لانها كان عينها علي ابويا وكانت بتحبو وابويا الوحيد ف اخواته اللي اتعلم وخد شهاده عاليه وكمان زي القمر
ولما راحو يتقدمولها وجدي الله يرحمو كان واخد ابويا وعمي احمد معاه
هي كانت فاكره أنهم هياخدوها لأبويا
بس اتفاجئت أنهم بيطلبوها لعمي احمد
واتجوزتو مغصوبه عشان هيا كانت طايره من الفرح لما راحولها مكنش ينفع متوافقش وتقول لأ انا بحب أخوه
وابويا حكالي أنها لما اتجوزت عمي احمد كان هو لسه بيدرس
وكانت بتنزل بليل شقة جدي وأبويا كان بيلاحظ انها بتتعمد تنزل وجدي نايم وعمي احمد ف الشغل
مره تنزل بالاكل والشاي قال عشان يركز ومره تنزل تقعد معاه بس من غير كلام
والموضوع ابتدي يزيد
وبقي بيحس انها مش طبيعيه وان دماغها فيها حاجه غلط
وكان عارف انها بتحبه من نظراتها ليه ف الراحه والجايه هو بردو راجل وبيحس
وابتدي يصدها ويبعد عنها
ويتجنبها
وابتدت هيا تتجنن
لحد ما فيوم
الساعه كانت حوالي اتنين بليل
وكان سهران بيذاكر
وجدي كان نايم
ولقي حد بيخبط علي باب اوضته
ابويا وقتها افتكرها عمتي
فقال ادخلي من غير ميعرف مين
ولقي مرات عمي احمد نزلاله ولابسه قميص نوم
اول ما شافها غضب اوي
وقال ...
انتي اي اللي جابك هنا ف نص الليل ومين فتحلك
واي الهباب اللي مهبباه ف نفسك ده اطلعي بره
قربت منو وهي بتحاول تحضنه
- كفاياك بقي بعاد عني أنا عارفه انك بتحبني وانا كمان بحبك بحبك اوي يا عادل
- انتي اتهبلتي يا وليه ف نفوخك الله يخربيتك غووووري بره لو احمد شافك هنا هيقتلني انا وانتي اطلعي ابوس ايدك متوديناش ف داهيه
- مش مهم اي حاجه المهم اني بحبك وعوزاك وعارفه انك عاوزني
انا بحبك انت
كان لازم ابقي مراتك انت
- استغفر الله العظيم يارب انتي الشيطان عامي عنيكي اطلعي بره يا بنت الناس مش عاوز اعلي صوتي اكتر من كده
فضلت تقرب منو وبتحاول تحضنو
وابويا يبعدها
وأخر ما زهق فضل يزوقها
- ابعدي ابعدي ابعدييييي
وضربها بالقلم وقعت ع الأرض
وقال ...
كان يوم اسود يوم مدخلناكي بتنا وهتبقي ايام اخويا كلها سوده لو كمل معاكي
قليله الشرف
غوووووري
وشدها من شعرها ووقفها قدام باب الاوضه
- اطلعي شقتك والصباح رباح لولا ابويا العيان اللي راقد جوا واخويا اللي معمي لشوشته ف حبك كنت خرجتك بفضيحه
بصتله وقالت ....
هتشوف مين فينا اللي هيخرج بفضيحه يا عادل
وخرجت من الاوضه والغضب مالي عينيها
ازاي يرفضها ويصدها
وهو ابتدي يتجنبها ومتوقع اي حاجه ممكن تحصل منها
بس مقدرش يتكلم عشان جدي لو كان عرف كان هيموت وعمي كمان
لحد ما هي استغلت ف يوم جدي كان نايم كالعاده بعد ما أخد الدوا
وعمتي كانت وقتها قربت تتجوز وبتفرش شقتها
وعمي جمال فوق هو ومراته
وده كان دايما قافل عليه بابه ملوش دعوه بحد
وابويا كان ف اوضته بيذاكر
وفجأة ابويا سمع صوت عمي احمد بيزعق
- عاااااااااااادل
خرج مفزوع علي صوته
- في اي يا أحمد في اي
- انت اي اللي عملتو ده يا خسيس يا واطي
وضرب ابويا بالقلم
ابويا كان هيردهوله بس مسك نفسو لانه ميعرفش اي اللي حصل
بصله وقال ...
اي اللي حصل فهمني بس يا احمد
- استعبط يلا استعبط
ده انا هخلي اللي ميشتري يتفرج عليك
بقي انا تستغل اني ف الشغل وتطلع وتخش بيتي علي مراتي اللي بتعاملك بصفو نيه
تقوم تعدي عليها وعلي شرفي يا خسييييس
صرخ ابويا بعلو صوتو ...
محصلش محصلش اقسم بالله العظيم ما حصل دي كدابه دي هيا ال
- هي اللي اي يا واطي
وضربه تاني ف وشو
نزل عمي جمال
- في اي بس يا احمد استهدي بالله بس استهدي بالله
- شوف الواطي اعتدي علي مراتي وانا مش موجود وقطعلها هدومها
جمال ...
انت بتقول اي يا احمد
عادل عمرو ما يعمل كده
شخط بعلو صوته ...
يا صبااااااااح يا صباااااح
دخلت وهي عامله نفسها مكسوره ومحرجه
- هاتي اللي كنتي لبساه هاااااتي
طلعت جابتلو اللي كانت لبساه
رماه لعمي جمال وهو بيقول ...
بص كده شوف
بص وشها
هيا يعني اللي هتخربش وتعور نفسها
الكلب كان بيحاول يكتم نفسها
الكلب الواطي
ولسه هيرفع ايده عشان يضربو كمان
جدي كان سند نفسو وخرج من الباب ووقف
وجدي كان حسو عالي وقف وزعق وقال ....
اياك تمد ايدك علي اخوك وانا عايش يا احمد هقطعهالك
عمي احمد جاب ورا وقال ...
يابا انا
- اما انت بتعمل كده فيه وانا عايش
اومال لما اموت هتعمل فيه اي
- يابا ابنك اعتدي علي مراتي وانا مش هنا وقطعلها هدومها وعورها
جدي الله يرحمو كان ذكي وبيفهم
بصلها وقال ...
الكلام ده حصل يا صباح
هتفتح ف العياط شخط فيها وقال ...
انطقي وبطلي شغل حوريني يا كيكه ده
الكلام ده حصل
صباح بدموع كدابه ..
اه والله يابا الحاج حصل
أما كنت قاعده لا بيا ولا عليا قوم الباب خبط فقمت بصيت من العين السحريه لقيته عادل
ففتحتله
هو كان متعود ساعات يطلع عاوز شاي او ياكل أمر كده أمر كده
لقيته دخل ووشه غريب وقفل الباب وراه
قولتله في اي يا عادل مالك
مسكني من ايدي وحط ايدو علي بوقي
وقال قدامي ع الاوضه
انا سمعت الكلمه وجسمي اتلبش
زقيت ايدو وقولتلو انت بتقول اي انا مرات اخوك يا واطي
كتم نفسي وهو بيحذرني اوطي حسي
زقيت ايدو وجريت
جري ورايا
و و و اهئ اهئ اهئ
مش قادره مش قادره اكمل يا عمي
- لا كملي وبعدين اي اللي حصل
- قطعلي هدومي زي مانت شايف
رواية حما تلات سلايف الفصل الاول والتاني بقلم مي على حصريه وجديده على مدونة النجم المتوهج للروايات والمعلومات
رحت فضلت احسس بأيدي واخدت ألفاظه اللي كانت ع الشيفونيره وخبطته بيها وطلعت اجري ع الباب
قام وطلع يجري ورايا بس انا كنت صرخت
ففتح الباب ونزل جري
ابويا ...
الله لا بجد سقفه الله ع التمثيليه الله
اتفووووو عليك وعليها
انتو فعلا شبه بعض
لا وانا اللي مستغرب انت اتجوزتها ازاي
جدي ...
بس خلاص متردش وانا واقف
متأكده أن ده اللي حصل يا صباح
- اه وحيات النعمه يا عمي ده اللي حصل
ولو مش مصدقني انا ممكن احلفلك ع المصحف
- لا لا مفيش داعي صادقه يا صباح صادقه
خد مراتك واطلع يا احمد
احمد...
بس يابا
- قولت خد مراتك واطلع
وانت يا جمال يلا اطلع
اه صح يا جمال انت سمعت صوت مرات اخوك وهيا بتصرخ
جمال ...
الحقيقه يابا لا مسمعتش يمكن مكنتش مركز
- اه طب ابقي اسأل مراتك أن كانت سمعت
اصل يعني الشقه لو حد كح الكحه الشارع كلو يسمع ازاي مسمعتوهاش
صباح ...
انت بردو مش مصدقني يا عمي
وجريت ع المصحف
وقالت ...
وحيات المصحف ده وانشالله اعمي هو ده اللي حصل
- الله مقولتلك صادقه يا صباح
بس قوليلي
هو انتي لما فتحتي الباب فتحتي الباب بالقميص ده وانتي عارفه انو عادل
- ها لا انا كنت لابسه روب كده عليه
- يبقي الروب انقطع
هو روخره
- لا اصلو وانا بجري انفتح وبعدين ا
- وهو ينفع واحده تفتح الباب بالروب ايا كان مين
- مهو انا يا عمي فاكراه هيقولي اعملي شاي وينزل كالعاده
احمد ....
يابا انت بتحقق معاها ليه يعني هيا هتعور نفسها ولا هتقطع هدومها
انا مش هسيبو يابا انا هشرب من دمه ده اعتدي علي عرضي
- خد مراتك واطلع
اخدو بعض كلهم وخرجوا من الشقه
بص جدي لابويا وقال ...
تعالي ورايا يا عادل
ودخل ابويا وراه
- اقفل الباب وراك
بصله ابويا وقال ...
اقسم بالله العظيم ما في حاجه من دي حصلت اقسم بالله انا مبطلب منها حاجه يابا
انا بعمل حاجتي بنفسي ولا عمري طلعتلها فوق
يابا اقسملك بالله انا مهوبت ناحيتها
بصلو جدي وسكت شويه وبعدين قال ...
انا عارف ......
رواية حما وتلت سلايف
الفصل الثاني
الكاتبه / مي علي
اول بوست عندي يا جماعه اعملو فولو للصفحه والتفاعل لو سمحتم
جدي قال لابويا ادخل واقفل الباب وراك
ولما دخل وقعد يشرحلو ويحلفلو انو مجاش جمبها
جدي سكت وفاجئو برد وقال ....
انا عارف
- عارف ؟! عارف اي يابويا
- انت فاكرني ابن امبارح ولا اي هو انا شعري شاب من شويه
فكرك ان ابوك عجز ومبقاش يعرف يقري البني ادمين
- يعني انت مصدق اني مجتش جمبها
- انت اللي عبيط ومعرفتش تصدها لما عرفت انها حيه بسبع تلوان
كان لازم تقطعلها جذر من ساعة مجتلك الاوضه بليل
- يانهار ابيض انت عارف ديه كمان
- اومال فاكرني نايم علي وداني
اه انا العيه هدني بس انا مش ف غيبوبه وواعي لكل اللي بيحصل وبعدين انت ناسي ان اوضتك جنب اوضتي
انا بس عاتب عليك انك مقولتليش يا عادل
- يابويا انا خفت عليك تزعل ويجرالك حاجه وخفت علي احمد لحسن
- النصيب مبيغلطش يا عادل كل واحد بياخد اللي شبهو وهيا شبهو شبه اللي جواه فكرك انت لو كنت طلبتها انا كنت وافقت
ابدا عشان عمر ما ربنا هيوقعك ف دي
- طب ليه يابا نسبتها
- هو اللي طاح وراها وفضل يزن عشان اروح معاه واخطبهاله وانا قولتله بس هو مسمعش وربك هو المدبر واخدتهالو وانا عارف ان هيجيلنا من ورا النسب ده بلاوي
- طب وبعدين يابا
- اسمعها مني كلمه يا عادل الست اللي تخرج قدام اخو جوزها ولا انشالله ابوه عريانه وتتحلج يمين وشمال دي متبقاش نضيفه دي شطانها غاويها وانا عاوزك تتجنبها وتتجنبه خليك ف مذاكرتك واول متخلص امتحاناتك ونتيجتك تتطلع هروح اخطبلك تاني يوم
- انا فعلا كنت بفكر ف الموضوع ده يابا وكنت هفتحك فيه
- ايه يا ولا عينك علي واحده ولا اي
- صراحه يابا ايوا وكنت هاخدك ونروح هي تبقي فاطمه بنت الشيخ طاهر
- يادي الهنا يادي الهنا
بس دي شوفتها فين دي مبتخرجش
- لمحتها هي واختها اللي لسه متجوزه وتبقي مرات صحبي فوقفت سلمت عليه وشوفتها وكلمته عليها
ونويت والنيه لله ان هيا دي انا حبتها اوي يابا خطفت قلبي معرفش ليه
- حيث كده بقي علي بركة الله خلص امتحناتك ودي اخر سنه وانا من بكره هجيب رجاله يظبطولك شقتك
- يدومك ليا يابا ويديك الصحه والعافيه
- خليك بس مع اختك اليومين دول لحد ما تتجوز
واشغل نفسك ف اي حاجه ومتخرجش من اوضتك ولو حصل حاجه تقولي علي طول
- حاضر يابا
ابويا قال انو وقتها كان فرحان اوي
وفعلا جدي تاني يوم جاب ناس تشوف الشقه وتظبطها
وعمامي طالعين نازلين يبصو بس محدش سأل
لحد ما اتجوزت عمتي
وبعدها بشهر امتحن ابويا وخلص امتحانات
ويوم طلوع نتيجته وانو اتخرج من كليه التجاره
روح والفرحه مش سيعاه
وبالليل قعدو مع بعض كلهم عشان جدي قالهم ينزلو
ونزلو وقعدو كلهم
وفضلو يتكلمو عادي لحد ما عمي احمد سأل ....
الا صحيح يابا اي الناس اللي طالعه نازله ف الشقه اللي ف الدور التاني دول
انت ناوي تنقل ولا اي
جدي قال ..
كويس انك سألت يا احمد
انا عاوزك انت وجمال تجهزو نفسكو بكره عشان هنروح مشوار
وانتي كمان يا صباح
صباح ...
مشوار اي ده يا عمي
بص لابويا وابتسم وقال ..
هنروح نخطب لعادل
صباح وشها اتقلب ميه وتمنين درجه ومعرفتش تبلع ريقها
جمال ..
طب ومستعجل علي اي يابا
للكاتبه / مي علي
- مش مستعجل ولا حاجه انا هخطبلو بس وبعدين ربنا يكرم لسه عندنا تظبيطات كتير
صباح اتسحبت من لسانها ...
ياعمي بس هو لسه متخرج هيعرف يفتح بيت
عمي احمد قال ..
وانتي مالك يا صباح
ماشي يابا هتروح امتي
الا مين دي صح
- بكره بأذن الله انا شيعتلهم خبر
العروسه تبقي بنت الشيخ طاهر فاطمه
هبت صباح وقفت وقالت ...
لا كله الا دي
اص اص البت دي انا عارفاها كانت صحبتي زمان ومش حلوه صدقني
عادل ...
محدش خد رايك يا صباح هي هتبقي مراتي انا مش مراتك انتي
جدي كان فرحان من ردو
عمي احمد اتحرج وبصله وقال ...
ماشي يابا انا هقوم بقي وبكره انشالله حاضر هنكون معاك
يلا يا صباح عشان نطلع
وطلعم هما الاتنين والغل ماليهم
وصباح هتفرقع
جمال ...
الف مبروك يا عادل ربنا يتمملك علي خير يارب يا حبيبي
للكاتبه / مي علي
- الله يبارك فيك ياخويا
- طب يابا هستأذن انا عاوز حاجه
جدي ...
لا خلاص اطلع ومتنساش بكره
- حاضر بإذن الله
وفعلا تاني يوم راحو عشان يتقدمو لأمي
اللي كانت زي فلقة القمر
وصباح كانت بتغير منها عشان هيا جمبها زي الارض المطينه
وكمان عشان اخدت منها ابويا الي بتحبه وبتموت فيه
للكاتبه / مي علي
بابا كان طاير من الفرحه وفعلا خطبها
وكتب الكتاب بعدها عشان يقدر يخرج معاها وينقو العفش
وصباح كانت بتموت
كل اما تشوف امي وهي بتظبط حاجه ف الشقه او قاعده مع جدي اللي كان بيحبها جدا
وكانت بتقيد نار وهيا شيفاهم مع بعض
ولو قعدين مع بعض تتحجج بأي حاجه عشان تفركش وسطيهم
وحاولت كام مره تفركش الجوازه وتتكلم كلام وحش عن ابويا مع امي وتقولها كلام وحش عليه
بس امي كانت بتحبه
وهو فهمها كل حاجه
واتجوزو
وليلة فرحهم صباح كانت لابسه اسود وعينيها كلها شر
وابويا كان خايف علي امي منها
وليلة الدخله فضلت تصرخ بصوت عالي وادعت ان بطنها بتتقطع وعملت نفسها اغمي عليها
فكلهم جريو عليها حتي ابويا ساب امي وراح مع عمي احمد يودوها المستشفي
بس الدكتور قال مفيش حاجه
وجدي كان متوقع كده
واول ما شاف ابويا زعق فيه وقال ...
تاني مره لو الدنيا اتطربقت كده حسك عينك تسيب مراتك وتنزل ساااامع اطلع
للكاتبه / مي علي
وطلع فعلا ودخلو وكل حاجه كانت كويسه
لحد ما امي حملت بس مكنش فيا كان ف حمل قبل مني وسقطت بسبب صباح
الغل ملاها مع انها خلفت قبل امي ولدين ومن كتر غلها حملت مع امي بالظبط
حتي عمي احمد الغل ملاه وبقي كاره البيت باللي فيه
وكمان عشان كان شايف امي اللي كانت زي القمر وعينيه فتحت علي القرده اللي كانت معاه ف البيت
والدلع اللي مدلعاه لابويا
قررت صباح تسقطها ويمكن كان عاوزه تموتها
وكانت صباح بتنشر السجاد فوق السطح
وندهت لامي تساعدها بس تناولها مشابك
وكان السلم فوق ضلمه وامي اول مره تطلع
والسلم فوق في سلمه مكسوره حطين عليها خشبه
للكاتبه / مي علي
شالت صباح الخشبه وطلعت امي
ورجلها اتزحلقت من ع السلمه المكسوره
ووقعت امي
واتكسرت رجلها ودراعها وسقطت
وطبعا صباح عملت نفسها قلبها عليها
بس ابويا كان عارف ان هيا اللي ورا الحكايه دي وجدي كمان
علاقة امي بعدلات مرات عمي جمال اتحسنت وقتها وبقت زي الفل وكانت بتقعد معاها وتراعيها
والغيره والغل سكن صباح من الناحيه دي فبقت تقرب لعدلات هيا كمان
وامي حملت تاني مره بعدها بشهرين
وابويا حذر عليها تخرج من باب الشقه غير تحت عند جدي
وفعلا حافظو عليها لحد ما ولدت
وجيت انا الدنيا
للكاتبه / مي علي
واللي حصل ف جدي يومها كان عجيب
علي وشي انا قام واتحسن وصحته ضرب فيها الدم
واول ما شالني لف بيا وهو فرحان وكانت زي المعجزه انو فاق وبقي كويس
وكنت فرولاية البيت كله والحته الشمال عند جدي
رغم ان عمي جمال كان عندو تلت بنات وولدين
وعمي احمد عندو باسم و كريم وشذي اكبر مني بكام شهر
جدي الله يرحمو كان عطار بس ربنا كرمه وفتح محل واتنين وتلاته واشتري اراضي وبيوت
وفضلت حياتنا كويسه بس مبتخلاش من غل صباح من امي
وكرهها ليا
وكره ضحي بنت عمي جمال وأختها ليا
ضحي كانت بتكرهني عشان حاجات كتير
اولهم حب جدي ليا
والحاجه التانيه اني كنت شاطره ف المدرسه عنهم كلهم ومحبوبه من كل اللي حواليا
اما الحاجه التالته ف بسبب باسم ابن عمي احمد
من واحنا صغيرين واحنا مع بعض نلعب ونجري
واتزرع جوايا انا وهو شيء من الحب الطفولي
وابتدي يكبر مع الوقت
للكاتبه / مي علي
غصب عني وعنه
احنا ملناش دعوه باللي بين الأهالي
كل اللي بنا احساس اتزرع جوانا لوحدو
كرهها ليا خلاها تعمل فيا كتير
لدرجة مره سلطت البنات تتكلم عليا وتقول عني بتاعة صبيان
واي واحده اصاحبها هيا لازم تصاحبها وتبعد صحابي عني
واتنقلت بسببها
ويوم متنقلت وهيا عرفت
جت قالتلي ...
انتي مشيتي من المدرسه بس انتي معايا ف البيت
وبكره جدك يموت وتطردو زي الكلاب
للكاتبه / مي علي
مسكتها ساعتها ضربتها وعورتها
وجريت علي امها وابوها تشتيكلهم
ونزلت امها تتخانق مع امي وعاوزه تضربها
- انتي يا اللي اسمك فاطمه اطلعيلي هنا انتي وبنتك الشرشوحه
- انا بنتي مش شرشوحه ولمي لسانك يا صباح احسنلك
- ياما خفت خشي ف عبي خشي متيجي تاخديني قلمين
- نفسي يا صباح ومن زمان
- كده طب تعاليلي بقي انتي عاوزه تتربي
ومسكت ف امي وضربتها
وجدي جه ف اللحظه دي
وشاف امي بالمنظر ده
امي مكنتش هتنطق بكلمه لولا انا اتكلمت
جدي سأل بغضب ...
اي اللي عمل فيكي كده يا فاطنه
امي وهي بتعيط ...
مفيش حاجه ياعمي
- فاااااااطنه انطقي فييييه ايييي
رديت انا ...
انا هقولك يا جدي
وحكتلو اللي حصل
للكاتبه / مي علي
اول مره اشوف جدي بالمنظر ده
نده بغضب ....
صباااااااااح
طبعا كانت واقفه ع السلم تتصنط
نزلت جري ومعاها البت
- ايوه يابا الحاج
بصلها وقال ...
بصي علي فاطنه كده
بصي شوفي انتي عملتي فيها اي
بصتلها بقرف ولفت وشها وقالت ...
يابا الحاج دي عاوزه تتربي بترد عليا و
جدي والشر ف عنيه رفع ايدو وضربها قلمين علي وشها
وقعت ع الارض
ورفع عصايته ونزل علي جسمها ضرب ....... اعملو فولو للصفحه يا جماعه
تابعووووني للروايات الكامله والحصريه
انضموا معنا على تليجرام ليصلكم اشعار بالروايات فور نزولها من هناااااا
