رواية حما وتلات سلايف بقلم مي علي الفصل التاسع والعاشر حصريه وجديده على مدونة النجم المتوهج للروايات والمعلومات
 |
رواية حما وتلات سلايف بقلم مي علي الفصل التاسع والعاشر حصريه وجديده على مدونة النجم المتوهج للروايات والمعلومات
الفصل التاسع
المفاجأه كانت ف اللي سمعته
انت عملت اي ف البت أخدتها وديتها فييين انا عارف انك شوفتني واللي وقفني واحد من ألاضيشك
- وانت اي اللي نزلك ورايا
- مش موضوعنا ودلوقتي انا عاوز أعرف لما شيلتوها وهيا قاطعه النفس ودتوها فين
انت قتلتها قولي انك قتلتها
- حد الله ليه يابني وهو انا قتال قتله
- انت أكتر من كده ولو مقولتليش عملتو اي ف البت انا هخرج من هنا ع القسم
- عاوز تحبس ابوك
- ابويا وامي وعيلتي بحالها انا ميهمنيش غير الحق انا مش زيكو مبخافش ربنا
- مقتلنهاش ولا زفتناها
- اومال ودتوها فين ولما انت استقبلتها تحت وطلعتها أخدتها علي فين ف المنطقه الهو دي
متقوليش مأذون مأذون اي ده اللي ف حته مقطوعه
- وطي حسك وانا هفهمك علي كل حاجه
- وطيت ها
- انت مرضيكش اخوك يتجوز واحده زي دي تجيب عيل ابن حرام يشيل أسمي ويفضحنا
- اه طبعا ميرضنيش ويرضيك انت ابنك يضحك عليها ويهرب
- محدش جبرها تفرط ف نفسها الصنف ده بيجي بمزاجه
- يا شيخ اتقي الله ده انت عندك حريم ف البيت
عملتووو فيها اي
- سقطناها
جبتلها دكتور عملها عملية إجهاض بنجناها ونزلنا العيل وأخدنا منها الورقه اللي معاها
وبعد مافاقت رضيتها بقرشين وروحتها
وشهر ولا حاجه وأشوفلها دكتور يرجعها زي ما كانت
- يعني اي الكلام ده ؟
رواية حما وتلات سلايف بقلم مي علي الفصل التاسع والعاشر حصريه وجديده على مدونة النجم المتوهج للروايات والمعلومات
- يعني زي ما بقولك
انا الشقه دي بتاعتي بس حسك عينك تجيب سيره لحد
دورت علي دكتور ليه ف السكك دي وجهز حاجته وجاب ممرضه وانا اديتو قرشين كويسين
ولما طلعت كتفناها وبنجناها والدكتور شاف شغله وخلاص مبقاش في عيل
ولما نزلناها كانت فايقه شويه
وطبعا اخدنا الورقه من شنطتها انا فهمتها تجيبها معاها عشان اوريها للمأذون
وف العربيه أخدتها وقفنا ف منطقه جمب بتها وفوقناها
ولما صحيت هددتها لو فتحت بوقها بكلمه هفضحها واصلا محدش هيصدقها
مفيش شهود ولا ورقه ولا اي
للكاتبه مي علي
- ولا اي بس ولا اي ايه
حسبي الله ونعم الوكيل للدرجه دي فلوسك عمتك مبقتش تزعل علي غالي
تشتري عرض الناس بالفلوس
حسبي الله ونعم الوكيل فيكو
- كنت عاوزنا نطبطب عليها
- كنت اعتبرها بنتك وبدل متعمل فيها كده كنت ساعدتها وربيت ابنك
واحده واثقت فيك تعمل فيها كده
افرض كانت ماتت
- مماتتش اهي والموضوع انتهي
- انا شايف لامبالاه ف كلامك اوي
صدقني ربنا بيمهل ولا يهمل وكل واحد هياخد حقه تالت ومتلت
حسبي الله ونعم الوكيل
طبعا انا كنت واقفه ورا الباب
وحسيت بي جاي ناحية الباب
طب انزل
لا هطلع ع السطح لحد ما ينزل
بس لقيت عمي نداله
مش هسمع اكتر من كده قولت اما ألحق أنزل بسرعه
وفعلا نزلت جري ودخلت وقفلت الباب
يااااه للدرجه دي جبروت
هههههه وانتي مستغربه ليه يا غرام
ده قتل أخوه اللي من لحمه ودمه وبيضحك ف وشي عادي
حسابكو معايا تقيل اوي
قعدت ورا الباب اعيط علي اللي حصل واللي لسه هيحصل من قرفهم
في ناس كده لما تديهم فلوس ونفوذ يفترو علي خلق الله
ضيعوها وضيعوني
والدور هيجي عليهم اكيد وهردهولهم بالقوي
الباب خبط
كنت عارفه انه كريم
بس مقدرتش افتحله
فضلت مكاني
وهو افتكرني نمت فطلع
والصبح اما شوفته وسألته مرضيش يتكلم وقال :
ملحقتهمش وخلاص يعني مش هسأل خلينا ف نفسنا
للكاتبه مي علي
زعلت منه ليه مقليش
بس هيقولي اي
هيقولي ابويا ابشع خلق الله
قصرو
خرج هو وبليل عدي عليا ودخل وقفل الباب وراه وقالي :
غرام احنا لازم نتجوز بقي الشقه قربت تخلص انا هشد العمال ونتجوز قبل المده كمان أي رأيك
- معنديش مانع بس ليه السرعه
- اديكي شايفه الحال انا قرفت من البيت وعاوز اطلع بس العين بصيره والأيد قصيره
نتجوز بس وربنا يكرمني وأخدك ونمشي من هنا
- خلاص يا كريم اللي تشوفه
وفعلا ف خلال أسبوع كان مخلص الشقه
وكلهم كانو فاكرين انه بس بيبوضب عادي وميعرفوش انه خلص
ونزلنا انا وهو واخترنا القاعه كمان وجه معايا نشتري حاجات ليا
واشترينا كل حاجه وطلعناها الشقه وجبنا واحده من ع النت دول اللي بتفرش شقق العرايس
للكاتبه مي علي
وانا اتفقت مع كوافيره
وكمان اخترت الفستان
كل ده وكل واحد ملهي ف بيته
لحد ما فاجأهم اننا هنتجوز
طلعنا بليل وهما قعدين زي اليهود كل واحد بيدبر للتاني
كانت ضحي وباسم وعمي وصباح قاعدين
بس سعد سكن الشقه اللي فوق لوحدو اللي كان هيتجوزشهد فيها وبتهتم بأكله وشربه وهدومه ضحي
عمي طلب منها ده
دخلنا وقعدنا
كريم :
بابا مش تقولي مبروك
- علي اي فرحني
- فرحي انا وغرام أخر الشهر
بصيت لباسم عشان اشوف وشه بعد الكلمه دي
حسيته بيبرقلي
ومن الناحيه التانيه عين ضحي عليه ومتبعاه بعينيها
للكاتبه مي علي
عمي :
مين قال كده وانت خلصت شقتك وبعدين غرام لسه مجبنلهاش حاجه ولا قاعه ولا
- بابا احنا عملنا كل ده
الشقه خلصت ونزلنا انا وغرام بقالنا أسبوع بنلف وجبنا كل حاجه
وفي واحده جت وضبت الشقه الصبح وفرشتها وكمان اخترنا القاعه والفستان
- الله ده انا نايم علي وداني بقي
- لا انت بس مش فاضي وانا خلاص عاوز اتجوز اظن مفيش حاجه تمنع
- حيث كده بقي مفيش مشكله مبروووك يا ولاد
باسم اتسحب من لسانه :
مبروك يعني اي ده مفيش دم خالص
البيت بيولع وانت عاوز تتجوز وتقضيها
كريم :
وانت مالك محدش خد رأيك ولا حد خد منك حاجه
بابا قال وقت متخلص تتجوز
وانا خلصت وغرام خلاص هتبقي مراتي
باسم :
الجوازه دي مش هتم
- ليه انشالله
- عشان لا انت شكلها ولا هي شكلك انت مبتعرفش تتعامل أساسا
- مش ده السبب الي خلاك تقول كده بس انا فاهمك وعارف انت ممانع ليه
- ليه يا أبو العريف
- عشان غرام تبقي مراتي وكل حاجه تخصها المحل بالأرض هيبقو تحت إدارتي وانت هتركن
- ههههههههههههههههههه لا والله
علي فكره بقي يا حلو لاموأخذه يا غرام
عمي لما مات والميراث هيتوزع لازم يبقالو ولد عشان يورث غير كده بيورثو نسبه قليله هي وامها ووالدتها تعيش انت ف أصبحت غرام هيا الوريث له وهيا مش ولد فمش هتورث ولو ورثت هتاخد ملاليم
بصتله وضحكت :
الله عليك يا حضرة المحامي
بس بقول اي لامؤاخذه يا عمي
في حاجه فاتتك يا باسم عشان انا نسيت اقولها
انا مش محتاجه أورث لأن الأرض والمحل وشقة جدي ملكي رسمي
ومحدش بيورث حاجه اتباعت بيع وشرا ليه
كله تنح وبصو لبعض كملت كلام وقولت :
اللي متعرفهوش يا باسم ان بابا الله يرحمو كان كاتبلي توكيل عام بالبيع
وانا ف اليوم اللي حضرت فيه شنطتي قبل ما اجي هنا روحت الصبح الشهر العقاري وسجلت الحاجه بأسمي
وعشان كده طلبت وقت ألم حاجتي فيه
عمي :
يعني انتي
- ايووووه يا عمي انا صاحبت المحل والارض والشقه
ومحدش يقدر يهوب غير بأذني وانا كنت سايبه باسم بمزاجي ودلوقتي انا هتجوز كريم وجوزي هو المسئول عن حاجتي بقي خلاص مش محتاجين باسم ف حاجه تاني
للكاتبه مي علي
بصلي باسم بغل وصباح ابتسمت اوي ابتسامه صفرا وعمي كان عادي طلاما كده كده الورث مش هيخرج برا ولاده
بصيتله بكيد وقولت :
قولي مبروك بقي يا باسم
قول مبروك والله طالعه من عينك اهيه
معلش بقي هستأذن عشان بكره لازم اروح بدري للكوافيره
وسبتهم ونزلت انا وكريم اللي متكلمش معايا ولا كلمه بس كنت حاسه انو مبسوط
وسابني وطلع
وانا دخلت نمت والصبح بدري صحيت
عشان اخرج للكوافيره
يدوبك بفتح الباب لقيت باسم ف وشي
وف لحظه زقني وقفل الباب ورفع السكينه علي رقبتي
- ااااه سبني
- علي حسك وانا هطير رقبتك تحت رجلك
- عاووووز اي
- انا حذرتك كام مره متلعبيش بالنار معايا يا غرام
واخر مره قولتلك علمي علي كلامي صح ولا لا
- ااه اه صح صح اااااه رقبتي
- وانتي منفذتيش ولا حاجه من اللي قولتو عوزاني اقتلهولك يا غرام حااااضر عنيا ورحمة أبوكي لهحسرك عليه
وحط حرف السكينه علي خدي وحركها حسيت اني اتعورت
- حرام عليك حرام عليك اوووعي
- فضل خانقني بأيدو
كان في جمب الباب زي شفونيره وعليها طفايا من بتوع زمان
وهو خانقني ومش شايف قدامو لقطتها وروحت مدياله بيها علي دماغه
اتفتحت والسكينه وقعت من ايدو
جريت عليها ورفعتها عليه وهو مرمي ع الارض وحطيتها علي رقبتو
- انا لو شوفتك هنا تاني انا اللي هجيب رقابتك ورقبة ابوك وامك واللي خلفوك بحالهم تحت رجلك
وزقيته ناحية الباب ودماغه جايبه دم
وفتحت الباب وانا ف ايدي السكينه وزقيته بره
للكاتبه مي علي
بصلي وقال :
والله لوريكي
- اعلي مافخيلك أركبو
وعدي الشهر بلعافيه وعنين باسم محوطاني من كل ناحيه
ومقلش حاجه عن خبطة دماغه
وجه يوم فرحي انا وكريم
كان كلو خوف وقلق
مكنتش مبسوطه وكنت بتعامل بحذر
وخلصو الساعتين علي خير
وطلعت شقتي
وانا حاسه اني غريبه
انا اي اللي عملتو ف نفسي ده
حاول كريم يقرب مني بس كل اما يحط ايدو عليا اتفض وابقي حاسه بأحساس وحش
وهو قدر خوفي وسابني أول يوم ونام بره
أخد هدومه وخرج وانا من تعبي وقلقي نمت بفستاني
والصبح كالعاده بيجو الأهل عشان يهنو
بس ف حالتي أنا والله ما عارفه جايين ليه
محدش اصلا طايقني
وانا قومت جري لبست واتبرفنت وخرجتلهم
وكريم كان متفاجئ بيا
وهما كمان
كان بيعاملني كملكه قدامهم
ومشيو وهما منكادين بالذات ضحي
اللي باسم سابها يوم صبحيتها ونزل مع اصحابو
للكاتبه مي علي
وحاول كريم يقرب مني بس انا مش طايقه نهائي
وسابني يوم والتاني
وهو بينام بره واحنا بنتعامل زي الأخوات
وبيحاول يعمل اي حاجه عشان يبسطني
وبعد تلت تيام جواز وانا مش مخلياه يقربلي حتي يمسك أيدي
وهو مكنش محسسني أنو مدايق
قومت ف يوم بليل عشان أشرب ميه
الدنيا كانت ضلمه
وسمعت صوت زي صوت العياط ف الاوضه اللي جوه خالص
قربت ناحية الأوضه كل ده وانا ماشيه ف الضلمه
لمحته تحت الشباك قاعد وفاتح الشباك ويدوبك مدخل شوية نور
قاعد بيعيط
دخلت الأوضه وفتحت النور فجأه
قام اتنفض وهو بيحاول يمسح دموعه
قربت منه
- كريم مالك في اي
بيحاول يخفي وشه عني
- كريم في اي ؟
كريم انت بتعيط
- لا مبعيطش
- كريم قلي في اي طب يارب أموت لو مقولتليش مالك
بصلي والدموع نزلت من عينه معرفش يلحقها وتقريبا صرخ ف وشي
وقالي
رواية حما وتلت سلايف
الفصل العاشر
الكاتبه / مي علي
ولما واجهته وحاولت افهم ماله
دموعه نزلت قدامي مقدرش يمسكها
وتقريبا كان بيصرخ فيا وقالي ...
عشان بحبك يا غرام
استغربت من رده
كمل وقال ..
بحبك وانتي حتي مش مدياني فرصه
بحبك من زمان وانتي مش حاسه بيا
- انت بتقول اي يا كريم
- بقولك اللي مش حساه من ناحيتي يا غرام اللي مش موجود عندك ولا هيكون موجود عشان انتي قلبك مع حد تاني
- كريم انت والله لا والله ابدا
- طول عمرك بتحبيه ومش شايفه غيرو
وطول عمري وانا بحبك وانتي حتي مش حاسه بيا
ولما وصلتلك مكنتش مصدق نفسي
كنت بتمناكي وانا عارف اني مش ف دماغك
اني جزء من انتقامك تحرقي قلبو عليكي زي ما حرق قلبك
كان كفايه عليا انك تبقي بس معايا
بس انتي حتي مش معايا
- كريم
- سيبيني اكمل كلام يا غرام
اعتبريني مجنون وبهزي
انتي متفاجئه اني بقولك بحبك لانك اصلا عمرك مشوفتي نظرتي ليكي عامله ازاي
- ممكن تسمعني انت بقي
انا باسم معدش ف حياتي ولما اتجوزتك كان برضايا
بس انا مش عاوزه اظلمك معايا ومكنتش مؤهله للجواز دلوقتي
- غرام من غير ما تبرري انا بني ادم وبحس
وانتي يا غرام بنت عمي قبل ماتكوني مراتي وحبيبتي طول عمري
وانا مش هجبرك علي حاجه ولا هطلب منك تديني حاجه انتي شيفاها مش من حقي
بس ارجوكي اديني فرصه
- فرصه لأيه بس
عيط وبصوت مبحوح ...
انك تحبيني
انك تشوفي فيا اي حاجه حلوه تعوضك عن اللي فات
فيا اي وحش
هو فيه اي زياده عني
فكل مواقفه الحلوه اللي كان بيعملها معاكي انا كنت السبب
من واحنا صغيرين وانا اللي بقوله يعمل اي
يجبلك اي
ويصالحك لو زعلتي
حبك ليه كان بسبب تصرفاته اللي كنت بقوله يعملها
كان نفسي يبقي انا بس هو ملك قلبك
وكان كفايه عليا اشوفك بس مبسوطه
ارجوكي اديني فرصه اوريكي انا مين
- اهدي طيب بس اهدي
- اوعديني تديني فرصه بس
وتفتحيلي قلبك اعتبرينا متجوزناش ونبدأ من جديد
- حاضر يا كريم حاضر بس ممكن تهدي مش حابه اشوف دموعك دي
للكاتبه مي علي
وفضلت قاعده جمبو لحد ماهدي
ونام علي رجلي زي البيبي الصغير
غلبان
انا فعلا عمري ملاحظت انو بيحبني
خساره يا غرام خدتي بالك منو متأخر اوي
ومن يومها وانا بتعامل معاه عادي
ملمسنيش
مكنش بيحبني لغريزه لا كان بيحبني عشاني انا
كل يوم ينزل يجيبلي كيس مليان حاجه حلوه
واعمل فشار ونقعد نضحك ونهزر ونتفرج ع التليفزيون
ونخرج ونتفسح
ولو نزلنا عند حماتي مكنش بيفارقني لحظه
ولو حد بصلي بس بصه بياكله
فعلا كان احلي حاجه حصلتلي من سنين
ومسك المحل والشغل
وانا مبقتش اخرج من البيت اصلا
ومهنيني ومستتني
لحد ما سعد اتجوز شهد
ف يوم وليله وكروته معرفش اي اللي حصل
لا عملو فرح ولا اي حاجه
حتي عمي احمد نفسو مسمعتش انو طلب ايدها من عمي جمال تاني
بس عرفت بعد كده ان شهد هيا اللي عرضت عليه ده
وهو وافق
واتجوزو ومكنش في ف البيت فرحه ولا اهتمام
لحد ما فيوم فتحت الباب اخرج الزباله بره في صندوق جمب الباب وفي حد يجي يلمها
سمعت حد بيتكلم ع السلم فوق من ناحية شقة شهد
وقفت شويه وركزت
ده صوت ضحي بتتكلم مع شهد بصوت واطي ع السلم
للكاتبه مي علي
وبتقولها ...
انا هنزل قبل ما باسم يجي
ولمي الدور ها وسيبيله كل حاجه يديرها
فكرك عمك مكنش عارف انك مش بنت وان ابنه مقلوش
مسألتيش نفسك ليه عمك والواد سكته
لانه مش هيلاقي فرصه احسن من دي عشان يديله حاجه يمسكها وانتي مراته يعني حاجتك حاجته
شهد ..
كان يوم اسود انا اي بس اللي وقعني الوقعه دي ماقولتلك اهرب ولا اعمل عمليه ولا اي زفت
انتي اللي قولتي مفيش غير سعد
- كان عندك حل تاني بعد ما السنيور بتاعك سابك وخلع ومنعرفلوش مطرح
امك كانت هتكشفنا لما رجعنا يوم مسقطتي
لو كانو عرفو كانو موتوكي
- مش اريح من القرد اللي قاعده معاه
- استحمليه بس شويه
وخلي بالك ان عمك عارف ومصهين وعلمي علي كلامي فخلي ابنه يعمل ما بداله مقابل انو ميفضحكيش
- لما يعدي وقت مش هيقدر يثبت وهبقي حرة نفسي متعودتش احط ايدي تحت ضرس حد
- خلاص بقي خليني انزل ونبقي نشوف الحوار بعدين
- طيب ياختي
سمعتها وهي نازله دخلت بسرعه
وقفلت الباب براحه وانا قلبي بيدق
ياولاد اللذينه
ده انتو شياطين
للكاتبه مي علي
بس لا ضحي مش بتساعد شهد عشان بتحبها
في حاجه تاني
اي القرف ده
استغفر الله العظيم يارب
بقي كده ياعمي ههه ياعمي يلي سقطت البت وسكتها بقرشين
لفيت لفيت وجوزته لواحده بردو ههه لا مواخذه
طب ع الاقل الاولانيه كانت بتحبه انما دي
سبحانك يارب
فضلت قاعده منكوده ومش عارفه اعمل اي
ولما جه كريم مقدرتش محكيلوش اللي حصل
وكان هيموت من الصدمه
- يعني شهد مكنتش بنت
- اه والله ده اللي حصل
- علي فكره ابوها وامها اكيد عرفين
- لا معتقدش بس ابوك عارف وصهين عشان البت تبقي تحت طوعه وصدقني واحده واحده هيخليها تتنازله عن كل حاجه
- عارفه انا مش هتكلم عشان هما فعلا يستهلو
وخلص الكلام علي كده
وبقيت حاسه اني قاعده ف خليه ارهابيه
للكاتبه مي علي
وشهد كل يوم والتاني صوتها عالي مع سعد
بس شويه وتسكت وشويه وتسكت
قولت ف نفسي ....
هههه وقعتي تحت ضرسهم يا حلوه
عمي احمد بقي طول الليل والنهار بره مبيجيش البيت
وصباح بقت بتخرج معرفش بتروح فين
اما ضحي فطول النهار فوق عند شهد
وباسم كل يوم يرجع وش الصبح شارب لما معمي
لحد ما فيوم
دخل البيت بواحده
وصحينا ف نص الليل علي صوت صويط ضحي
ونزلنا جري لقيناه واقف يزعق ويقول دي مراتي
وطبعا عمي مكنش مصدق
وضحي تصرخ ف وشو ..
اتجوزت عليا يا باسم
- انا مش متجوزك اصلا عشان اتجوز عليكي انا عمري محبيتك ولا هحبك
للكاتبه مي علي
ولقيته بصلي
عمي مخلهوش ينطق بكلمه
البت باين عليها شمال ولا مراته ولا زفت
قاله ..
ولا كلمه زياده ومن غير متسمع الناس بينا تاخد البت اللي ف ايدك وتطلع بره
تطلقها بقي تبلعها تندغها
المهم لما تفوق وترجع باسم بتاع زمان ابقي عتب البيت ده غير كده
لا انت ابني ولا اعرفك
وسحب باسم البت من ايدها وخرج
وتلت تيام ومرجعش البيت
وانا مبقتش مستحمله الجو ده
ف اقترح كريم عليا اننا نسافر نغير جو
وفعلا طلعنا اسكندريه
وقضينا اسبوع كان من احلي ايام عمري
لدرجة نسيت كل حاجه
نسيت الانتقام
وابتديت احبه
احبه اوي
نسيت حتي نفسي معاه
ورجعنا القاهره عشان الشغل
والله ما كنت عاوزه ارجع
واول موصلنا شوفنا باسم ف المحل بتاع مراته
عرفنا انه رجع البيت بس معرفتش تفاصيل
وقال لكريم ...
كريم حمدالله ع السلامه تعالي عايزك
للكاتبه مي علي
- لسه راجع ياعم سبني اروح بس
- عاوزك بقولك
- طب هروح غرام واجيلك
وفعلا اخدني وروحني
بصتله وقولت ...
عاوز اي منك
- مش عارف هروح اشوفه
- خلاص طب مش لازم تطلعني روح بس متتأخرش ها
- مش هتأخر عليكي يا قمرايتي
وطلعت الساعه كانت حوالي حداشر بليل لما رجعنا
وطلعت والبيت كان
هوس هوس
طلعت دخلت الشنط واخدت دوش كان كريم جه
اول ما دخل كان وشو زعلان
- في اي يا كريم
- مفيش
- كريم في اي مزعلك بس
- بابا ساب البيت ومشي من ساعة ما احنا مشينا ومحدش يعرف عنه حاجه
للكاتبه مي علي
- راح فين
- والله معرف
- لا يكون اتجوز
- لا يا شيخه مفيش الكلام ده
ده غير شهد
- مالها
- تعبت فجأه وف المستشفي ومرات عمي معاها هي وعمي
- اي ده اي اللي حصلها
- والله ماعرف باسم بيقول ضحي لقيتها واقعه ومبتفوقش واخدوها ع المستشفي ودخلت ف غيبوبه
- لا حول ولا قوة الا بالله
طب وفين سعد
- تلاقيه متلقح فوق
- وضحي
- معرفش ربنا ياخدهم كلهم
انا مش عارف البيت ده في اي متعفرت كده ليه
ابتسمت جوه نفسي
ده حق ولازم يترد
دخل كريم نام وفضلت صاحيه عماله افكر
ممكن يكون سعد ورا الحكايه
لازم اتأكد
طب ولو هو اللي وراها
طب ليه
فضلت قاعده دماغي بتون
الساعه كانت اتنين
بعد نص الليل
سمعت باب الشقه فوق اتفتح
للكاتبه مي علي
مين اللي خارج دلوقتي
مش معقول سعد نزل دلوقتي
جريت ع الباب ابص من العين السحريه
مفيش حد نزل ومفيش اي صوت ع السلم
عدا بالظبط ساعه
وانا قاعده جمب الباب
عندي احساس ان في حاجه
والباب اتفتح تاني
انا كان عندي لمبه منوره ع السلم قدام شقتي
مبطفيهاش
البيت كله مضلم الا الدور بتاعي
فضلت لازقه عيني ف العين السحريه
وفجأه لمحت ضحي نازله بتجري ع السلم بس براحه
وبصت علي بابي
وهيا نازله
للكاتبه مي علي
اتفاجئت واتخضيت
اي ده اي ده اي ده
اهلا انتي جيتي ف ملعبي
انتي اي اللي منزلك يا حلوه
ودلوقتي
قررت اراقبهم
ومجبتش سيره لكريم
ويوم ورا يوم ويحصل نفس الحكايه
لحد ما قررت استني لما تطلع
وفعلا بعد يومين حصل نفس الحكايه
واتقفل الباب
كريم كان نايم
سبته وطلعت
استخبيت ع السلم اللي مطلع ع السطوح
الجو كان برد
فضلت قاعده وخايفه بس ان كريم يصحي يدور عليا
وبعد نص ساعه اتفتح الباب
واتفاجئت بضحي خارجه ولابسه روب كاشف كل حاجه
وهو واقف بس بشورت
وبيحضنها وبيبوسها بحراره وهو بيقول ...
هتوحشيني اوي ها
هستناكي بكره
للكاتبه مي علي
بصتله بمياعه وقالت ...
كل يوم يا ولا
- الله واحنا ورانا حاجه مش متلقحه ف المستشفي خلاص بقي
- انا حاسه بالذنب يا سعد
- هو مش انتي بتحبيني وانا بحبك خلاص بقي خايفه من اي
قربت منه ...
بحبك اوي يا سعد متعرفش اد اي
- لا عارف
وقرب منها يبوسها
رجعت ورا بضهري خوفا ان عينه تيجي ع السلم بس اتخبطت ف خشبه بكوعي عملت صوت
بص ناحية السلم
وانا هموت من الرعب مش هلحق اقوم اجري
لقيته جاي ناحية السلم وهوووووب ..
تابعووووني للروايات الكامله والحصريه
انضموا معنا على تليجرام ليصلكم اشعار بالروايات فور نزولها من هناااااا
