وبعدين انا حاسس كده انك متغير وفيك حاجه غريبه
ولسه يحيى هيتكلم
بيقاطعه خالد. ...... من غير كدب والا هسلط عليك تسنيم وانت عارفاها كويس
يحيى ....... ايه يا بنى البرود ده
كل الموضوع انى حابب ابدء من جديد.
خالد ...... وايه علاقه ده بتغيير الرقم
يحيى ..... يعنى حابب ابدء من جديد وانت عارف رقمى مع ناس كتير
خالد ..... قصدك بنات كتير
يحى ..... بالظبط مش عايز يكون ليا علاقه بحد منهم تانى أتمنى أن تكون فهمت
خالد ..... كل ده علشان مريم ما احنا كتير اتكلمنا معاك فى الموضوع ده
يحى...... يمكن الأول كنت زى ما بتقول عايز اتغير علشانها
بس دلوقتى بعمل كده علشان نفسى الأول انا كنت غلط
يمكن علاقاتى مكنش فيها تجاوزات كتير بس ده ميمنعش انها غلط
خالد ..... احنا كتير حاولنا معاك بس انت دماغك ناشفه
يحيى . ... معاك حق انا غلطت كتير بس بحاول اتغير
يمكن مريم تكون من نصيبى وممكن يكون لاء
علشان كده لازم التغيير ده يكون علشانى الأول قبل ما يكون ليها
يمكن لو اتغيرت علشانها هندم بعدين وارجع تانى للى كنت بعمله علشان كده لازم اكون مقتنع باللى بعمله وحاسس بيه
خالد ..... انا مبسوط بكلامك ده جدا وصدقني مش هتندم لأنك بتعمل الصح
يحيى ..... المهم كل تسنيم والبنات انا عازمكم على الغدا
خالد ...... انا كده صدقت فعلا انك اتغيرت والاحسن كمان
يحيى بغيظ ........ قوم من قدامى لانى مش عارف ممكن اعمل فيك ايه
وبيرجع يحيى لوقته وبعد ساعه بيتجمع الكل هناك وبيكون يحيى طلب الاكل
حمزة .... انا لحد دلوقتى مش مصدق ان انت اللى عازمنا بنفسك
همس ...... لاء وطلب الاكل كمان على ذوقه
يحيى ..... والله العظيم كلمه كمان وهطردكوا برا زى الكلاب
خالد...... انا ساكت من ساعه ما جيت
تسنيم ..... ها قول ايه المطلوب
يحيى ...... هى دى الناس اللى بتفهم المهم
يحيى للبنات ..... عايزكوا تكلموا مريم وتتفقوا معاها تتقابلوا فى اى مكان اول ما اوصل هتسيبوها وتمشوا علشان حابب انى اتكلم معاها على انفراد قبل ما اخد اى خطوة
همس..... ما انت عارف انها مش هتقبل تكون معاك لوحدها
حمزة..... متقلقيش انا هظبط كل حاجه
تسنيم ..... يحيى انا مش عايزة مريم تزعل او اخسرها بسبب اللى هنعمله هى مش هتحب اننا نحطها قدام الأمر الواقع
يحيى.... هو انتى مش كنتى عايزانى أتقدم ليها واتجوزها ايه اللى اتغير ولا فاكرانى مش عارف كنتوا بتخططوا لايه
تسنيم .... طبعا عايزة على العموم خلينا معاك للآخر لما نشوف
يحيى .... طيب يلا يا اختى كلميها وعرفونى هتعملوا ايه
يلا سلام
تسنيم .... رايح فين
حمزة .... عندى مشوار هعمله واكلمك تقوليلى عملتى ايه
تسنيم .... تمام ..يحيى استنى
يحيى .... فى ايه تانى
تسنيم ..... انا عندى فكرة احسن من اننا نروح المطعم وكده
يحى ..... ايه هى
تسنيم .... بكرا فرح هند صاحبتها وطبعا كلنا معزومين
دى هتكون فرصه كويسه جدا انك تتكلم معاها من غير ما نكبرها على حاجه ويكون وجودك هناك عادى يعنى حاجه مش مترتبه
يحى .....هى فكرة حلوة بسش انا مش بحب جو الأفراح والزحمه دى
تسنيم .... على راحتك بس بكرا ده فرح انت عارف وهيكون فى شباب كتير وممكن اى حد يحاول يتكلم معاها انت عارف مريم جميله واى حد هيعجب بيها
دى غير ان الستات الكبيرة اول ما بيشوفوا واحده حلوة تفضل لحد ما تعرف كل حاجه عنها وانت عارف كده ماما جابت ليك عرايس كتير بالطريقه دى
يحيى بغيظ .... انتى بتقولى كده علشان تحرقى دمى صح
تسنيم. .... هو مش بالظبط بس هو ده فعلا اللى بيحصل وعلى العموم براحتك
يحيى.... ماشى يا تسنيم خلينى وراكى للآخر
تسنيم ..... على فكرة انا كلمت ماما
يحيى باهتمام..... وقالت ايه
تسنيم .... رحبت جدا خصوصا بعد ما فضلت اشكر فيها وفى اخلاقها وانت عارفنى يعنى لما بحط حاجه فى دماغى
لازم اسيب البصمة بتاعتى
يحيى ..... انتى هتقوليلى
تسنيم ..... والله البنات كمان ساعدونى واكيد لينا الحلاوة لما الموضوع يخلص
يحيى..... ابتدينا يبقى الموضوع مش هيتم
تسنيم .....والله يا يحيى ماشى انا غلطانه ابقى شوف مين هيقف معاك تانى
يحى. .... اهدى شويه لما الموضوع بس يتم واللى انتى عايزاه
تسنيم ..... لما نشوف
وتانى يوم بيكون فرح هند
والكل بيجهز و بيكونوا كلهم احلى من بعض
خالد ..... هاه يا يحى انت فين
يحى...... انا لسه نازل
خالد ..... تمام هنتقابل قدام الفندق ندخل مع بعض
يحى ..... تمام انا مش هاخر مسافه السكه
يلا مع السلامه
خالد .... مع السلامه
تسنيم .... اتحرك ولا لسه
خالد .... ايوه ونتقابل هناك
تسنيم .... تمام
وبيوصلوا للفندق وببكونوا فى انتظار يحى
وبعد خمس دقائق بيوصل يحى كمان
والشباب اول ما بيشوفوا يحى بيصفروا
على ..... ايه ياعم الشياكه دى كلها من امتى
خالد .... عريس بقى يا ناس بلاش تكسفوه
كرم ..... ايه ده ده وش حمر من الكسوف ياختى با بيضه
تسنيم ..... لا وانت الصادق ده بيحاول يمسك نفسه عنكم
كرم ..... والله طيب انا فى القاعه جوا عن اذنكم وبياخد همس من ايديها ويمشى
يحى .... من الأفضل انكم تحصلوه وحسابنا بعدين
خالد .... لاء وعلى ايه مع السلامه ولسه هيمسك ايد تسنيم و هيمشى بتمسكها يحى
يحى .... لاء انت هتدخل لوحدك
خالد .... لا والله على فكرة دى مراتى
يحى ..... واختى يلا وسع كده وببسيبه ويمشى وتسنيم بتفضل تضحك على شكله
خالد لعلى .....عاجبك كده
على بضحك ..... طيب يلا بينا ندخل احنا كمان
وبيدخلوا القاعه وبيفضلوا يدوروا بعنيهم عليها
تسنيم ليحى ..... مريم اهى
يحى ....فين
تسنيم عند الكوشه جمب العروسه
يحى فى نفسه. .... شكل تسنيم معاها حق
تسنيم ..... انا هروح اسلم على العروسه ومريم وانت اتحرك بلاش تقف كده
يحى ..... استنى هاجى معاكى
وبيمر الوقت وبيلاحظ يحى انها بتخرج من القاعه ويخرج وراها وبيلاقيها واقفه لوحدها وبيستنى تشوف هتعمل ايه
..... واقفه لوحدك ليه
وبتلف مريم تشوف مين بيكلمها
