روايه نعم احببت بقلم سلمي ابو طبنجه حصريه علي مدونه النجم المتوهج للرويات والمعلومات الفصل العاشر قبل النهايه
وبيمر الوقت وبيلاحظ يحى انها بتخرج من القاعه ويخرج وراها وبيلاقيها واقفه لوحدها وبيستنى تشوف هتعمل ايه
يحى..... واقفه لوحدك ليه
وبتلف مريم تشوف مين بيكلمها
مريم....... استاذ يحى انت هنا من امتى
يحيى فى نفسه..... استاذ لاء شكلنا هنطول فى القصه دى
يحى ..... لقيتك خارجه من القاعه لقيتها فرصه لانى حابب اتكلم معاكى فى موضوع مهم
مريم باهتمام..... موضوع ايه
يحى ..... الجو هنا برد ممكن نقعد فى المطعم اللى هنا ونتكلم
مريم ..... بس
يحى ..... من غير بس انا كلمت والدك واخدت منه الأذن وممكن تكلميه وتتاكدى من كلامى
مريم باستغراب......انت كلمت بابا طيب ليه
يحى ..... خلينا ندخل ونقعد وهقولك كل حاجه
مريم .....ماشى
فى المطعم
مريم..... دخلنا وقعدنا ممكن افهم فى ايه
يحى ..... بصى يامريم انا هتكلم بصراحه
مريم .... ياريت
يحى ...... انا شخص كان ليه علاقات كتيرة بس دلوقتى انا اتغيرت ما بقتش نفس الشخص حاجات كتيرة فيا اتغيرت
مريم .... انا برضو مش فاهمه انا ايه علاقتى بالكلام ده
يحى ..... بصراحه يا مريم انا طلبت ايدك من والدك
بس قبل ما أتقدم رسمى وادخل بيتكم حبيت انى اتكلم معاكى الأول وعلشان كده اصريت على والدك انى اقبلك واشوفك وأعتقد أنه مكنش فى فرصة احسن من النهاردة ان نتكلم فيها
مريم بصدمه ... بس انا
يحى ...... مش عايز ردك دلوقتى انا عارف ان الموضوع مفاجئ بالنسبالك
مريم ... طيب ليه انا
يحى ...... هتعرفى كل حاجه لما اعرف رايك الأول وساعتها هنتكلم ونعرف كل حاجه انا بس طالب منك انك تفكرى كويس وتصلى استخارة
من ناحيتي عملت كده وصدقينى مرتاح جدا
ويقوم يمشى ولكن بيلتفت ليها
يحى ..... وصدقيني لما اقولك انى واثق انك هتكونى من نصيبى
هسيبك النهاردة ويومين كمان وهتصل اعرف امتى هاجى انا وعائلتى وبيمشى ويسيبها
مريم وهى مستغربه منه جدا مش ده يحى اللى كانت بتشوفه قبل كده ومستغرب اكتر من ثقته أن هى هتوافق
وبتروح مريم وبتحكى لوالدتها على كل حاجه حصلت معاها
رجاء ...... فكرى كويس وانا معاكى فى اى قرار هتاخديه
وفعلا مريم بتصلى استخارة اكتر من مرة
و كل مرة كانت بتحس انها مرتاحه جدا وان هى مبسوطه
وبتقرر انها توافق وبتعرف والدتها بموافقتها
وبعد ما بيعدى اليومين بيتصل يحى بوالد مريم وبيتفقوا على ميعاد على اخر الاسبوع عشان يحى يجيب عائلته
وبيمر الوقت بسرعه وبيجى ميعاد وصول يحى وعائلته عند مريم
فى بيت مريم
بيرن الجرس وبيفتح والد مريم الباب وبيكون يحيي وعائلته
وبعد ما بيتعرفوا على بعض وبيكونوا العائلتين مبسوطين
ومرتاحين لبعض
بيقرروا يقروا الفاتحه وبيتفقوا على ميعاد علشان يجيبوا الشبكه ويعملوا الخطوبه
يحى لوالد مريم ..... انا حابب أن اطلب من حضرتك طلب
والد مريم ..... اتفضل يا بنى
يحى.....انا حابب انها تكون خطوبه وكتب كتاب
والد مريم ..... بس يا بنى الخطوبه اتعملت علشان تقدروا تتعرفوا على بعض وتعرفوا طباع بعض الأول قبل الجواز
يحيى...... صدقنى انا عارف عنها اللى محتاج اعرفه وصدقني مفيش حاجه هتغير رأيى
وبيبص والد مريم ليه كويس وبيحس أن فعلا شخص كويس وانه بيحب مريم بجد فبيقرر يوافق ...... خلاص يابنى بس هيكون بعد شهر لانى مسافر وورايا حاجات اعملها
يحيى..... تروح وترجع بالسلامه يا عمى خلاص بعد شهر مفيش مشكله بس هننزل تشترى الشبكه على الاقل
والد مريم...... خلاص زى ما انت عايز يا بنى
وبيقوموا ويسيبوهم لوحدهم شويه
وبتفضل مريم ساكته
يحيى بابتسامه ...... مش متعود انا على الهدوء ده
مريم ....نعم ليه هو كنت ازاى قبل كده
يحيى.... يعنى عصبيه على طول ومش طايقه نفسك مثلا
مريم ..... لا والله
مريم ..... انا عايزة اعرف ليه طلبت نكتب الكتاب على طول
مش يمكن تغير رأيك بعدين
يحيى...... عمرى ما هغير رايى
ومريم بتبصله
يحى ..... متبصليش كده انا بتكلم بجد وبالنسبه لموضوع كتب الكتاب
انا حابب أن نكون على راحتنا تتكلمى معايا بحريه مش مقيده وانا نفس الكلام
حابب أن اخدك ونخرج فى اى مكان وصدقيني هى فترة صغيرة جدا وهنعمل الفرح
مريم بابتسامه..... ده انت مجهز كل حاجه
يحيى وهو بيتعدل ويحط رجل على رجل ...... طبعا دى اقل حاجه عندى انتى لسه متعرفنيش بس
وبينتهى اليوم وبيكون الكل مبسوط وفرحان
وبتفضل مريم طول الفترة دى يجيلها رسايل وبتعمل للرقم حظر لكن بتتفاجئ أن بيوصل لسه ليها رسايل وبتكون مستغربه مين بيكون بيبعتلها الرسايل دى
وفكرت أن ممكن حد يكون بيعمل فيها مقلب او حاجه وبتحس الرقم على الحظر مرة تانيه
و بتنسى الموضوع ويتنشغل بالتجهيز لكتب الكتاب
وتمر الايام بسرعه وييجى يوم كتب الكتاب
وفى حفله بسيطه بيتم كتب الكتاب فى وسط فرحه من الكل وبيكونوا فرحانين جدا لمريم ويحيى
ويتنتهى الحفله ويياخد يحى مريم وبيخرجوا
مريم .... قولتلى انك هتجاوب على سؤالى بعدين
يحيي ....اللى هو
مريم ..... ليه اخترتنى مع ان متأكده انك مكنتش بتطيقنى
يحيى...... على فكرة الكلام ده مش صح
مريم ..... فعلا
يحيى ..... ممكن يكون الظاهر كان كده لكن من جوايا الموضوع كان مختلف وده حصل من اول مرة شفتك فيها
صحيح كانت خناقه بس الوضع بعدين اختلق
مريم ...كنا بنتخانق ازاى احنا اول مرة اتقابلنا كنت مع تسنيم فى المطعم
يحيى ....لاء دى كانت تالت مرة لو تفتكرى الخناقه اللى حصلت فى الجيم هى اه من فترة طويله بس اكيد فاكرة
مريم ..... ايوه افتكرت متقولش انك كنت واحد منهم انت مكنتش واحد منهم صح دولا كانوا لسه شباب صغيرة
يحيى ...... ليه هو انا كبير اوى كده
مريم ..... مش قصدى يعنى عنهم ١٧ او ١٨ سنه بالكتير
يحيي ....... على العموم يا ستى انا كنت الشاب
مريم ..... استنى انت كنت الشاب المغرور اللى كان بيزعقلى
يحيى ......بالظبط بس واضح ان من كتر عصبيتك مختيش بالك من شكلى قوى
مريم ...... ممكن برضوا
بس ليه مقلتش قبل كده او حتى حد من البنات قال حاجه
يحيى .....يمكن مكنتش حابب انك تاخدي منى موقف وحش٠
يحيى ..... صحيح كنت مخنوق منك بس يعدين اول ما شفتك وانتى واقفه وبتضحكى مع البنات فى حاجه جوايا اتغيرت لقيت نفسى واقف ببص ليكى وبس
مريم ..... والمرة التانيه كانت امتى
يحيى. .... يا ستى المرة التانيه مكنتش مقابله بالظبط بس انا اللى شفتك
وبعد كده تسنيم مكنش ليها سيرة غير مريم قالت مريم عملت مريم اتصرفت كده
يعنى بمعنى أصح كنتى مسيطرة عليها وانا كنت بحب اسمع كل حاجه عنك كنت بحس بحاجه بتشدنى ليكى من غير ما اعرف ايه هى فكنت بسمع من غير ما ابين انى مهتم
مريم بضحك ..... عامل نفسك تقيل يعنى
يحيى.بايتسامه ..... تقدرى تقولى كده
وبيمر الوقت وبيتقرب مريم ويحيى جدا من بعض
وبيبدءوا التجهيزات للفرح والكل كان بيساعدهم وفرحتهم أن كل حاجه بتمر بسهوله وبدون مشاكل ده كان مطمنهم
لكن كان فى حاجه
يتبع
