القائمة الرئيسية

الصفحات

الأخبار[LastPost]

رواية خداع مهندسه بقلم شهد امام البارت الخامس حصريه وجديده علي مدونة النجم المتوهج للروايات والمعلومات



 الجزء الخامس

شهد : ااهه دماغي هتتفرتك 

قعدت ربعت علي السرير و بتلفت حواليا مش فاهمه انا فين ولا ايه اللي جابني هنا حاسه اني دايخه رجعت رميت راسي تاني علي المخده شوفت ادم بس كان متشوش مش شايفه كويس حاولت افوق ايه دا بيكلم مين 

يونس !!!! رجعت للاسف دوامه سحبتني تاني 


______________________________


ماجده : انتي مين يا بنتي انا بشبه عليكي 


ابتسام : انا مرات جوز بنتك ولا اقولك انا مرات جوز بنت جوزك 


ماجده  بخوف شدتها من هدومها دخلتها الشقه و قفلت لحد من الجيران يكون سمعها 


ماجده بشر : ايه اللي بتقوليه دا و جبتي الكلام دا منين 


ابتسام بضحكه خبيثه وهي بتبص في عينيها: شكلك نستي باب المقبرة مفتوح 


ماجده بتوتر : مقبرة ايه 


ابتسام : ابنك طبعا اومال انتي مفكرة مقبرة ايه 


ماجده : و انتي عايزة ايه انتي لو كنتي عاوزه تقولي شهد مكنتيش جيتي هنا 


ابتسام : معاكي حق 

انا عاوزة شهد تبعد عن ادم زي ما خليتيه يتجوزها عشان يذلها تخليه يطلقها لانه بيحبها و قالها علي كل حاجه 


ماجده بقلق : قالها ايه 


ابتسام : قالها انك انتي اللي اصريتي وان حوار تعبك و مرضك كان فيك مزيف يعني عشان هي تتجوزه 


ماجده بشر : مستحيل دا انا هوديه في داهيه 


ابتسام قامت خنقتها : اقسم بالله لو اذيتيه أو جيتي جنبه لأكون باعته كل ملفاتك للبوليس و صور المقبرة الدهب اللي دافنه فيها ابنك يا وليه يا مجنونه ماشي انا جيت حذرتك و قولتلك ابعدي شهد عن ادم زي ما دخلتيها حياتنا ابعديها عننا ..


سابتها و مشيت و ماجده قاعده مذهوله ازاي هي عرفت كل دا لازم تخلص منها مش بعد كل اللي عملته ووصلتله تيجي واحده زي دي و تقضي عليها ........


_______________________________


                     

شهد اخيرا فاقت ...


ادم : انتي كويسه 

شهد بدوخه : اه انا فين 

ادم : احنا في لانش في نص الميه هنوصل علي جزيرة بعيد عن كل الناس ايه رايك 

شهد بإستيعاب : جزيرة ..!لانش ! انت خاطفني 

ادم : صح برافو عليكي فوقي بقا والبسي الفستان دا وانا هستناكي برا 

شهد : انت مجنون والله انت مش طبيعي 


ادم وهو بيخرج وبيقفل عليها الباب : يلا فوقي 


شهد بعدم إستيعاب : انا مخطوفه و المفروض جوزي خاطفني ايه ..دا ثانيه احنا كنا في المستشفي وهو هو بنجني هو مش كان تَعبان 


ده طلع تِعبان يخربيتك فستان ايه دا 


قامت تشوف الفستان 


شهد : يابن الورمه عاوز تلعب عريس و عروسه طيب انا هلعبك عسكر و حراميه ولازم افهم منه كل حاجه و يونس كان بيعمل ايه انا حاسه اني تايهه .....قال مهندسه قال انا حاسه اني مش فاهمه اي حاجه ...بس والله لاوريه ...


بعد ربع ساعه 


ادم بيخبط 


ادم : خلصتي 

شهد:...............

ادم : يا بنتي 


فتح الباب لما قلق لاقها قاعده علي السرير و لابسه الفستان و ظبطت شعرها و هو تنح 


شهد قامت وراحت لحد عنده : ايه مش قولتلي البس الفستان دا مالك 

ادم بحب و ذهول : مش مصدق انك سمعتي الكلام و مقوحتيش قصادي 

شهد بدلع وهي بتمسك لايقة قميصه: شوفت انا شاطره ازاي 

ادم بعد ايديها عنه بتوتر : بت انا مش مطمنلك 

شهد وهي بتسيبه و خرجت برا  : أخص عليك 

يا دومي كدا تبعدني عنك انا كدا زعلت 


ادم مذهول من تغيرها معاه : دومي ! و تبعدني عنك !!! مش معقول 


خرج ليها لقها واقفه و مديه ضهرها و شعرها بيطير من الهوا و ساندا بإيديها علي المركب 


ادم راح شغل مزيكا و شدها ليه و بدأو يرقصوا سوا 

ادم سرحان في عينيها ..و شهد استغلت الموقف 

شهد بدلع: ادم هو الكلام اللي انت قولته ليا في المستشفي كان حقيقي 

ادم : اه وللاسف مكنش ينفع تعرفي اي حاجه دلوقت و أنا من خوفي لاخسرك عرفتك كل حاجه و كان لازم اخفيكي عن عنيها عشان لو عرفت انك كشفتيها هتقتلك 


شهد بصدمه بتحاول تسيطر عليها عشان تفهم الباقي : و يونس يونس كان بيعمل ايه هنا


ادم بعد عنها و راح قعد علي الكنبه وولع سيجاره و هو بيبصلها وهي مستنيه يكمل 


شهد : سكت ليه 


ادم بيبصلها بغموض : انتي لبستي الفستان ليه 

شهد بتوتر : عشان انت قولت كدا يعني 

ادم بدأ يقرب منها لانه فهم أنها عملت كل دا عشان تستدركه في الكلام وهو قدر يلهيها عن الباقي و كمل خطواته في اتجاهها 

ادم : يعني علشاني ده معناه انك اديتيني فرصه 

شهد وهي بترجع لورا : لا بس انت بتقرب كدا ليه ادم ابعد انا بتخض


ادم مكمل هو يتقدم ليها وهي تبعد لحد ما 


شهد : اععااااااا 


________________________________


ماجده : فهمت هتعمل ايه 

مجهول : ايوا ابعتي بس صورتها 

ماجده : اول ما تقفل هتلاقيها عاوزاها تموت من غير ولا غلطه 

مجهول: اعتبري حصل


____________________________بقلم شهد إمام______


يونس : طب كدا مفيش اي خطر علي شهد يا فندم 


لو عملت اللي قولناه بالظبط مش هيبقي في خطر 

يونس : حاضر يا فندم هبلغ ادم يعرفها كل حاجه كدا اللعب بقا علي المكشوف 


__________________________________


شهد : اععععاااا


ادم مسك ايديها قبل ما توقع في الميه


شهد : ادم اوعي تسيب ايدي 


ادم بخبث : لازم اسيبك عارفه المكان دا مليان قروش لو رميتك هيبقي قدرك كدا و ضحك ضحكه شريرة 


شهد بتبصله بصدمه و دموع : ادم مش انت بتحبني بالله ما تسيبني 


ادم وهو بيشدها مرة واحده عليه ووقعوا علي أرض اللانش وهو بيموت من الضحك 


شهد و هي بتضربه و بتعيط : انت حيوان معندكش دم انت كنت هتقتلني 


الأيفون بتاع ادم كان بيرن شهد من غيظها وهو قاعد بيضحك راحت مسكت الايفون رمته في الميه  وقعدت تضحك 


ادم وقف ضحك وبصله بصدمه : يا غبيه دا عليه بلاوي الله يخربيتك و نط عشان يجيبه 


___________________________بقلم شهد أمام__


عند مني و مروة في شقة مني 


مروة : انا مش مستريحه لإبتسام

مني : ولا انا 

مروة : ايه رايك نقول لادم علي اللي حصل 

مني : انا معاكي عشان لو حصل حاجه ميقولش احنا و يعرف أننا بعيد عن الموضوع 

اتصلي عليه دلوقت واحنا مع بعض 


مروة اتصلت عليه 

مروة : مش بيرد 

مني اتصلي تاني 

مروة : اتقفل 

مني : طب ابعتي ڤويس لما يفتح الفون يشوفها

مني و مروه : 

"ادم ابتسام جمعتنا كانت عاوزة تإذي شهد عشان هي مفكره أنها واخدك من ولادها بس لما لقيت أننا ضدها اترجعت في كلامها بس احنا مش مطمنين ليه" 

______بقلم شهد امام________________


ابتسام بعد ما رجعت من عند ماجده قاعده بتفكر في خطتها اللي جايه و بعت رساله لادم أن ياسين تعبان ولازم يجي بسرعه


لانها عارفه أنه اكيد مع شهد ف عملت كل دا عشان يرجع ليها بسرعه قبل ما ماجده ما توصله و تإذيه ........


_______________________


يونس كان عمال يتصل علي ادم و مش بيرد لحد ما تلفونه اتقفل 


ف قرر يروح ليهم ب لانش تاني لان مفيش وقت 


__________________


ادم لقي التلفون و اللي ساعده أن الدنيا كانت لسه نهار ف قدر يشوفه بسرعه و يلحقه 


شهد : يا اخي دا انا فكرت قرش كلك لما نزلت لتحت كدا و قولت هروح ازاي 


ادم : والله لاوريكي طلع بعد ما حط التلفون في الشمس وراح يجري ورا شهد اللي كانت جريت اصلا ووصلت لآخر اللانش و كان مفتوح 


ادم : انا غلطان عشان مسبتيكيش تقعي بس يلا مبحبش اكرر الغلط مرتين 


شهد : لا يا آدم مش بعرف اعوووو


كان زقها خلاص 


شهد وهي بتطلع و بتنزل في المياه: ادم بغرق 


ادم نط وراها و مسكها وهي عماله ترفص و تضرب فيه 


ادم : اهمدي بقا كتف ايديها ورا ضهرها بإيد و ماسك وسطها و مقربها منه بإيد 


ادم : شكلك حلو و شعرك مبلول كدا 


شهد بتوتر من قربه : ادم ابعد

ادم بشر وهو بيسيب ايديها : انتي متاكده ابعد 


بقلم شهد أمام


شهد مسكت في رقبته جامد : لا لا متسبش 


ادم : حيرتيني معاكي و حيرتي قلبي كمان 


شهد وهي عماله تتلفت : ادم انت قولت ان في قروش هنا تعالي نطلع ونبي 


ادم قرب منها و انتهز الفرصه انها قريبه منه و مش هتسيبه و قرب لحد لما اخد منها اول قبلة و تاهوا مع بعض و هما في وسط المياه 


ادم بعد وسند علي رأسها  و قالها : بحبك 

شهد بتوهان : وانا كمان 


يونس من فوق اللانش : يا كتاكيت ....


__________________________________


ابتسام كانت نازله عشان توصل ياسين و ياسر لأتوبيس النادي بتاعهم وهي راجعه بتعدي الشارع عربيه خبطتها و داست عليها و مشيت بسرعه العربيه كانت من غير نمر والناس اخدوها علي المستشفي ......


توقعتوا بقا تفتكروا ابتسام هتعيش و ايه علاقة يونس باللي بيحصل مع أنه في الاول كان مع ماجده يلا ابهروني ❤️❤️


تابعووووني


الفصل السادس من هنا



بداية الروايه من هنا






تعليقات

CLOSE ADS
CLOSE ADS
close