سكريبت ليله غيرت حياتي حصري علي مدونة النجم المتوهج للروايات والمعلومات

 سكريبت ليله غيرت حياتي حصري علي مدونة النجم المتوهج للروايات والمعلومات


كنت راجعه بالليل من عيد ميلاد صاحبتي

وقفت تاكسي ..لو سمحت مدينة نصر


اتفضلي يا آنسه 


ركبت ومسكت الفون ارد على رسالة لبنى  أختي ع الواتس

انا خلصت العيد ميلاد وجايه في السكه 


بصيت قدامي لمحت السواق بيبص لي 

بشكل مريب في المراية.. اول ما عيني جت في عينه

شالها على طول ..وبعدها مسكت الفون تاني 

اقلب فيه ..ورجعت ابص ع المرايا لقيته 

برضو باصص ..بس المرة دي فضل مركز معايا 

عينه في عينه مش عايز ينزلها 


نزلت انا عيني ورجعت ابص في الموبايل تاني 


وبعد دقايق لقيته بيهدي ..في واحد شاور له 


 ركب جنب منه 


كان معايا فون ومركزتش أوي مع الشخص الي ركب


وبقيت انا لوحدي في التاكسي مع راجلين 


طلع السواق علبة سجاير ولسه هيولعها


قولته له


انت بتعمل ايه يا أسطى 


خير يا انسه في حاجة !!


من فضلك بلاش تدخين انا عندي حساسيه 

ومش بتحمل ريحة السجاير


هفتحلك الشباك ومفيش دخان هييجي عندك 


لو سمحت أنا مش هتحمل الريحه


وانا مقريف وبصراحه طالبة معايا ادخن 


أتعصبت منه ..ومن نظراته ليا وزعقت فيه


ايه قلة الذوق دي !!


قلة ذوق كمان ...تصدقي انك وحده ...


اتدخل الراكب اللي جنبه وقال 


وحد الله يا أسطى مش كدا 


لا اله الا الله ..انت مش سامع كلامها يا هندسه 


طب معلش ..اكيد هي متقصدش 

ولا ايه يا انسه ..


ساعتها الراكب بص لي 

الحقيقة عيونه كانت جذابة بشكل مش عادي 

حسيت اني أتكهربت 


لقيت نفسي بلمت وأنا باصه لعنيه

هو كمان بص في عيوني  والنظرات ما بينا طولت 


السواق كان مستغرب ..واتعصب اكتر من الموقف 


يا حضرات . 


انت يا أستاذ 


كنا في عالم تاني 


عيونه لما شوفتها رجعت ليا ذكريات جميلة

كنت متخيلة اني نسيتها من زمان 


السواق فرمل مرة واحده وقال 


لا ماهو انا مش كيس جوافه هنا ..انتوا فاكرين نفسكم فين 


ساعتها بس فوقت وانا بقول 


احممم ..هو انت وقفت ليه يا أسطى 


وقفت عشان انزل واسيبكم على راحتكم

اصلي حاسس اني عزول 


ايه اللي انت بتقوله دا ..انت حيوان وقليل الادب 


انا حيوان .طيب انا هوريكي الحيوان اللي بجد بقى 


فتح الباب ونزل ..ولف وكان جاي عشان 

يتهجم عليا ..شوفت في عيونه نظرة شر 

مد إيده على الباب ولسه هيفتح 


الراكب مسكها وقاله 


انت بتعمل ايه !! 

وانت مال أهلك انت التاني 


مال أهلي كمان !!


فجأة مسك ايده ولفها مرة واحده 

الراجل جسمه اترفع وأتقلب في الأرض 


وهو لسه ماسك دراعه اللي كان اتكسر 

نتيجة اللفة والأرتطام في الأرض بشكل قوي وسريع 


السواق فضل يصرخ وقال 


خلاص ..خلاص يا بيه حرمت 


بقيت بيه دلوقت ..عشان كسرت دراعك 


اومال لما أكسر رقبتك هتقولي يا ايه 


ومسك رقبته وخنقه ..نزلت من التاكسي بسرعه 

وانا بقوله ..خلاص يا هشام ابوس ايدك سيبه 


السواق قال بذهول 


ايه دا أنتوا تعرفوا بعض ؟


اه دي معرفة قديمة 


قالها وحسيته اتخنق ودموعه هتنزل 


وسابني ومشي 


جريت وراه في الشارع وأنا بقوله 


حقك عليا انا اسفه 


اسفه !! مفيش داعي يا انسه هدى 


مش انسه ولا اقول يا مدام ؟


هشام أستنى 


نعم ؟


انا سبت محمود ..مقدرتش أكمل معاه 


بعد ايه ؟


انا خسرتك زمان لأني كنت ساذجة وعبيطة


صدقت اللعبة اللي اتعملت عليا من حسناء

ومفكرتش أسمعك ولا اصدقك

ومكنتش عارفه انها عملت دا بدافع الغيرة مني واتخطبت بعدها عشان أنساك ،لكن انا كنت غبية 


وانا اتوجعت وحسيت الدنيا ضاقت بيا 

وقررت أسافر واسيب البلد 


قولتله 


بعدها بكام شهر عرفت انه مش شبهي ولا فاهمني

معرفتش احبه ..قولت لازم اسيبه احسن ليا وليه


بصيت على ايده مشوفتش اي دبلة ..وكملت


وأنت اختفيت وتوقعت انك اتجوزت 

بس واضح انك لسه 


قالي 


نزلت أجازة من اسبوعين ..وأهلي نازلين زن عليا اتجوز 


كل أجازه بجيبولي بدل العروسه عشرة 


وانا اللي رافض الفكرة 


ليه ؟


يعني مش عارفه ؟


لا مش عارفه !


انتي متجوزتيش ليه لغاية دلوقت 


ها ..أصله !!


اظن انك عرفتي الأجابة دلوقت 


احنا مش لاقين روحنا مع حد تاني 

منكرش اني حاولت اتجوز وانساكي 

بس صدقيني معرفتش 


النهارده كنت رايح ازور واحد صاحبي

ومتوقعتش أبدا أني ممكن أشوفك 


انا مش مصدقة أن الصدفة جمعتنا من تاني

بعد كل السنين دي.. 


تعرف ان لبنى مش هتصدق لما أحكيلها اني شوفتك صدفه


ابقي سلميلي عليها 


طب ايه انت خلاص هتمشي 


اه رايح لصاحبي زي ما قولتلك 


طب وهتسافر أمتى ؟


مش عارف ..بس لما أخطب بقى عشان أرتاح من زنهم


هو انت خلاص نويت يعني ؟


اه لقيتها ..بنت ناس وطيبة 


ملامحي اتغيرت وانا بحاول أداري توتري 


طيب تمام  ربنا يوفقك ..سلام 


استني بس 


نعم !!


ماهو انا لسه مخدتش معاد من بابها 


كنت هنفجر في وشه وانا بقول 


طب وانا مالي !!


ابتسم وقالي 


كلمي بابا طيب عشان تحدد لي معاد معاه 


تمت


إرسال تعليق

أحدث أقدم

إعلان آخر الموضوع

CLOSE ADS
CLOSE ADS
close