رواية الحب كدا الفصل السابع والعشرون والثامن والعشرون والتاسع والعشرون بقلم أسماء إبراهيم حصريه وجديده علي مدونة النجم المتوهج للروايات والمعلومات
 |
الحلقه 27
صباح..عملت الاختبار ولقيت نفسي حامل.....
حسين بصدمه فرحه..اييي.....حامل حامل ازااي
صباح بفرحه واندهاش..والله ماعرف.......
حسين..تعالي بينا عالوحده الصحيه بسرعه يلا......واخدها وراحو...........
كانت سهام مع امين ببتكلمو.....
امين..اي..كنتي بتقوليلي انك عاوزه تقوليلي حاجه مهمه
سهام..بصراحه عاوزه افضفض مع حد ..ومفيش اقرب منك ليا يا امين
امين..قولي يا حبيبتي.....
سهام..ابويا كان اتجوز واحده اسمها صباح وحملت و.......
كانت طالعه هنا من تحت وداخله البيت...
هنا..يوسف...يا يوسف....ودخلت الاوضه لقيتو مغم عليه عالارض.....جريت عليه بسرعه.....
هنا بتوتر وعياط شديد..يوسف....حبيبي اي حصلك.....وكانت في حاله من التوتر والرعب الشديد....
هنا..هو ....كان قايلي الاسعافات دي ازاي.....اه اه.......يوسف...يوسف.......وبدأت تعملو الاسعافات وبدأ يفوق وهي عيطت اوي من توترها...
يوسف قام بابتسامه..شاطره يا هنا..انا كدا اطمنت ان في دكتوره معايا هنا
هنا بتض"ربو بانهيار..حرام عليك.....انت بتعمل فيا كدا لي...حرام عليك
يوسف بضحكه..والله يحبيبتي كنت بختبرك بس بشوف نفسي علمتك ولا لا...متزعليش ونبي
هنا..وسع كدا...ينفع يعني تخضني كدا ونا حامل......
حط ايده علي بطنها بحب..كام شهر ويشرف القمر ابن القمر........
هنا..وسع كدا...ملكش دعوه بيا تاني
يوسف بضحكه خفيفه..لا لا ونبي......مقدرش علي زعلك والله
هنا كانت بتدمع زي الأطفال..ابعد عني بقا......مش عملت اللي انت عاوزه
يوسف بخبث وابتسامه..لا لسه معملتش اللي انا عاوزه
هنا..يوسف انا مش طايقاك اصلا........
يوسف..هنا.....استني هرد عالتليفون....
هنا بغيره..مين بيرن عليك بالليل كدا.......
يوسف..دا عمي حسين.....الو.....اي يا عمي.....اي.....طب يا عمي الف مبروك يا حبيبي...بكرا هجيلك انا وهنا...سلام
هنا..اي في اي.......
يوسف..صباح...طلعت مشالتش الرحم ولا حاجه.....وحامل
هنا بفرحه..ايي.......طب ....لي كانو بيقولو كدا
يوسف اتنهد..للاسف....سهام وحسام هما اللي عملو كدا ......واتفقوا مع الدكتوره تقول كدا
هنا بصدمه..اييي...دول مستحيل يكونو ولاد عمي حسين...هما لي كدا يا يوسف..لي
يوسف..معلش يا حبيبتي...هنعمل اي بس......
هنا..انا عاوزه اشوف صباح دلوقتي
يوسف..هنا...قولت خلاص هنروح انا ونتي مع بعض بكرا...ولا ناويه تكرري نفس الغلط
هنا..لا ابدا....حرمنا خلاص يا حضرت الدكتور.......
ابتسم يوسف..بحبك يا هنا اوي بجد.....
هنا بابتسامه كسوف..ونا بحبك اوي يا يوسف...ونفسي اعملك اي حاجه انت عاوزها
يوسف..عارفه انا عاوز اي
هنا..اي يحبيبي......
يوسف..تعالي فحضني اوي.......ابتسمت هنا وراحت في حضنه باستمتاع من حضنه وهو كمان......
روح حسين وصباح البيت وهما فرحانين جدا......
صباح..انا بجد مش مصدقه....شوفت بقا ولادك
حسين..صباح حبيبتي.....الف مبروك اول حاجه...تاني حاجه بقا..انتي مش عاوزه تقوليلي حاجه
صباح بتوتر خفيف..بصراحه اه...وحسام عارفها
حسين..طبعا عارف انتي كنتي ناويه تعملي اي مع ولادي....بس حابب اعرف منك
اتنهدت صباح..انا هقولك...بس توعدني تسامحني
حسين بابتسامه خفيفه..اوعدك يحبيبتي.......
صباح..................
عدي اليوم وصحي حسين الصبح.......
حسين بصوت عالي جدا..سهاااام.........يا حساااام
سهام خرجت مفزوعه هي وحسام
حسام..اي يابا.......في حاجه ولا اي........
حسين بزعيق..اخر"س يلا.......انت راجل انت
سهام كانت مرعوبه وباصه في الارض........
حسين..صباح....مراتي...حامل...مش تباركولي
حسام بصدمه..اي.....حامل ازااي...هي مش شالت الرحم......
حسين..اسكت...مش طلعت مشالتوش.....بعد ما انت واختك بنت الك"لب دي...سقطوها
حسام..كلام اي دا يابا...انا معملتش حاجه
حسين..ونتي يا ست سهام...مش عاوزه تتكلمي تقولي حاجه انتي كمان.......
سهام بدموع شديده..والله يابا كانت ساعة شيطا"ن....ونا معرفش انا عملت كدا ازاي
حسين بزعيق اكتر..انتي واخوكي قات"لين......انتو الاتنين كلا"ب
حسام بزعيق..انت اللي راجل خلاص..كبرت وخرفت...رحت اتجوزت بت اصغر مني.....وكمان عاوزها تخلف منك....احنا هنحجر عليك
رفع ايده حسين وضر"بو علي وشو وقع في الأرض.....
حسين..اطلع برا بيتي يا كل"ب....انا متبري منك...لا انت ابتي ولا اعرفك...اطلع برأ يا كل"ب انت.......
قام حسام وبصلو بصدمه..انا هوريكو كلكو.....وسابهم وخرج......
حسين..إنما انتي بقا...انا هربيكي من اول وجديد.....غوري من وشي......غوري........
جريت سهام علي اوضتها برعب وعياط شديد وحاسه انها تعبانه اوي......
يوسف..صباح الفل يا حبيبتي
هنا بحب..صباح العسل.......
يوسف..بصي يا حبيبتي انا متاخر اوي...هروح بقا الشغل
هنا..مش هتفطر معايا..........
يوسف..معلش يا روحي.....هاكل بقا في الشغل....المهم انتي متتعبيش نفسك في اي حاجه
هنا بابتسامه..حاضر يحبيبي....
يوسف..يلا عاوزه حاجه....ولما اجي هنروح سوا لعمي
هنا..سلامتك يحبيبي.هستناك...با"س راسها وسابها ومشي.......
نزلت هنا تحت لقت صفيه بس اللي تحت
هنا..هي حليمه فين
صفيه بسخريه..حليمه؟!.....حليمه خرجت مع عادل راحو الزرعه
هنا..ومالك كدا مستغربه اني بقول عليها حليمه......انتي هنا خدامه عندنا
صفيه..كمان خدامه...شكرا ياستي....شكلك كدا نسيتي السيخ
هنا..شكلك انتي اللي نسيتي انك خدامه هنا....هاا
صفيه..ما بلاش تلعبي معايا يا هنا...بدل نا اجيبها كلها فوق راسك
هنا..انا بقا.....عاوزاها تيجي فوق راسي...اعلي ما في خيلك اركبيه......انا هنا في حما يوسف..لو تقدري تقفي في وش يوسف..اعملي كدا
صفيه لنفسها..عادل ومبقاش مظبوط معايا حليمه وبتعاملني اني خدامه فعلا...حتي البت هنا دي شافت نفسها عليا....يلا يا صفيه خدي حقك بقا
سابتها صفيه وخرجت راحه عند يوسف في العياده........
هنا بابتسامه..جدعه يا بت يا هنا...خليكي بقا كدا جامده
وصلت صفيه..لو سمحتي ممكن ادخل للدكتور
عايده..كشف ولا اي
صفيه..اه كشف......
عايده..طب اتفضلي هنا لحد دورك ما يجي.......عدي الوقت وجه دور صفيه ..دخلت وقفلت الباب
يوسف باستغراب..صفيه...اي مالك..تعبانه ولا اي
صفيه..اسمع يا يوسف..انت في لعبه كبيره اوي..ولازم تعرف كل حاجه
يوسف بعدم فهم..مش فاهمك....عاوزه اي
صفيه..بص يا يوسف...حليمه مش امك الحقيقه.....حليمه قت"لت امك زمان وعملت انها امك
يوسف بصدمه..انتي بتقولي اي...انتي هبله
صفيه..انا هثبتلك دلوقتي..انا مسجله كل كلام حليمه وعادل....وهسمعهولك.....دا حتي مراتك هنا كانت عارفه...اسمع يا يوسف
يوسف بدأ يسمع و................
رواية الحب كدا❤️
الحلقه 28
صفيه..اسمع يا يوسف....انت في لعبه كبيره اوي...ولازم تعرفها.......
يوسف..انا مش فاهم حاجة..فهميني....
صفيه..من الاخر كدا يا يوسف....حليمه دي مش امك...حليمه دي قت"لت امك زمان عشان ابوك كان عاوز يق"ل عمك حامد بس امك هددته انها هتبلغ عنو و.........
يوسف بصدمه..انتي بتقولي اي...انتي هبله ولا اي.....
صفيه بابتسامه سخرية..انا ....بص انا مسجله لحليمه وعادل كل كلمه قالوها من زمان وهسمعهالك حالا..دا حتي هنا مراتك عارفه...اسمع يا يوسف
بدأ يسمع يوسف وكان مصدوم مع كل كلمه بتخرج وبيسمعها..كل كلمه بتاكدلو انو كان في لعبه كبيره اوي ومؤسسها ابوه....كل كلمه بيسمعها بتزود عنده الغلل انو يق"تل حليمه وعادل ..حتي هنا اللي كانت عارفه وخبت عليه....خلص كل التسجيلات...
صفيه بخبث..صدقتني دلوقتي.......كان يوسف إيده محطوطه عالمكتب....رفعها بغلل شديد وكل قهرتو علي امو وعمو.....رفعها وخب"طها عالمكتب...من قوة الخبطه المكتب كاد ان ين"كسر.....والصوت خرج لحد برا للمرضي وعايده كمان...إنما صفيه اترعبت منو يعمل فيها حاجه
يوسف بصوت مليان غلل..اسمعي بقا...انا عاوز التسجيلات دي كلها....ومش عاوز اشوف وشك تاني......
صفيه..التليفون كلو تحت امرك اهو..ووشي مش هتشوفو تاني......سلامو عليكو.....وسابتو وخرجت
طبق يوسف علي ايده بغلل شديد حاسس انو جواه نا"ر...وبيتمني ميشوفش هنا اول حد عشان ميضرهاش.........خرج يوسف أدام المرضي
عايده..دكتور يوسف...ادخل اللي بعدو.....شاورلها يوسف بمعني انو ماشي..اعتذرت عايده للمرضي ومشيو.......
كانت سهام قاعده في اوضتها بتعيط اوي علي كل اللي عملتو في حياتها..وانها قضت حياتها في اذية الناس وبس...قامت اتوضت وصلت ودعيت ربنا من قلبها انو يسامحها.....لكنها للاسف قت"لت طفل برئ....هل ربنا هيسامحها؟......فضلت تدعي وعملت اللي عليها وتعيط كل ما بتدعي..
قامت راحت خبطت علي اوضت صباح....فتحت صباح وبصتلها بقرف...
صباح بقرف..نعم...عاوزه اي تاني مني.....جاية تقت"لي ابني دا كمان..ولا اي
سهام بدموع..ممكن بس تسمعيني لو سمحتي......
صباح بغضب..انتي معندكيش دم...انتي دم"رتي حياتي..وكنت هخسر دنيتي واخرتي بسببك...ابعدي عني بقا يا شيخه
سهام بعياط اكتر..والله العظيم انا توبت لربنا و....
صباح بزهق..بقولك اي.....انا ولا طايقاكي ولا طايقه ابص في وشك لا انتي ولا اخوكي......لو سمحتي امشي بقا.....وقفلت الباب في وشها. مشيت سهام راحت لاوضتها وفضلت تعيط اكتر........
روحت حليمه وعادل للبيت......
حليمه..اي دا.....انتي نزلتي يا ست هنا.......
هنا بقوة..بقولك اي..ان اتكلمتي معايا بالطريقه دي تاني...هقول ليوسف....خافي علي نفسك بقا
حليمه بغلل..ماشي يا هنا.....في صفيه
هنا..الخدامه بتاعتك معرفش راحت فين
عادل..يوووه بطلو بقا صدعتوني......هنا الورث بتاعك دا ....انا عاوزك تكتبيهولي
هنا..ودا لي بقا انشاءالله.........
عادل..كدا كدا الأرض بتاعتك انا اللي شغال فيها......خليها معايا بقا.......لسه جاية ترد لقو يوسف داخل البيت وظاهر عليه الغضب الشديد والجمود وبس.....
هنا..حبيبي..حمدالله ع سلامتك.......
بصلها يوسف بغلل شديد وبعدين بص لحليمه وعادل.......
عادل..مالك يبني فيك حاجه.........
يوسف..بقا انتو ...تعملو فيا انا كدا.........
عادل وحليمه بصو لبعض بقلق وهنا حست انو عرف.....
حليمه..قصدك اي يبني.....
يوسف بزعيق رج البيت..متستعبطوش.......انتي يا حليمه انا هقت"لك انهارده......
هنا حطت ايديها علي بطنها برعب وبدأت تحس بدوخه........
يوسف بنفس الصوت..قت"لتو امي وعمي يا ولاد الك"لب.....
عادل وحليمه بقم واقفين مش قادرين يقفو اصلا من رعبهم وخوفهم الشديد........
عادل حاول يتماسك..يوسف...انت جبت الكلام دا منين.......
قرب يوسف عليه خالص..انت لسه فيك طاقه تكدب...مش كفايه كدب بقا...معيشني طول حياتي دي في وهم وعاملي دور الاب ونت اصلا قا"تل..انت ازاي كدا...عايش كدا ازاي وجايب قلبك دا منين...هااا
حليمه..يوسف..كلم ابوك كويس.......قرب عليها يوسف ورفع ايده ضر"بها علي وشها من شدت القلم وقعت في الارض وكمان خدها طلع دم
كل دا وهنا واقفه هتموت من الرعب اكتر.......
يوسف..انتي لسه دورك جاي....دانا هقت"لك.....وربنا لاخليك تتمني المو"ت يا فا"جره......وشدها من دراعها دخلها اوضه حبسها فيها واخد المفتاح معاه....وبص لابوه بقهره.....
يوسف عينه دمعت..انا عمر ما حد كسر"ني ادك..وللأسف ولا هعرف اقت"لك ولا حتي اسلم التسجيلات للبوليس.....إنما الفا"جره اللي جوه...هقتلها بايدي وطلع جري عالاوضه جريت وراه هنا برعب وتنادي عليه....دخل عالمطبخ وطلع سك"ينه..هنا مسكتو بكل قوتها
هنا بانهيار وعياط شديد..بالله عليك متوديش نفسك في داهيه...وحياتي عندك اهدي
يوسف بزعيق رعبها..اهدي اييي...دول قت"لو امي وابوكي .اسكت اي وسعي
هنا بتعيط بحر"قه..بالله عليك....وحيات ابننا يا يوسف.....متوديش نفسك في داهيه...عشان خاطري انا مليش غيرك........
يوسف بعصبيه شديده..ابعدي يا عني لو خايفه علي اللي فبطنك وعلي نفسك
هنا..لو سيبتك هتودي نفسك في داهيه...ومدام كدا انت هتروح مني..يبقي انا كمان اروح معاك....سيب السك"ينه عشان خاطري يا يوسف
يوسف رمي السك"ينه في الأرض بحده ....بدأت تهدي هنا وحضنتو اوي وهي بتشهق زي الأطفال كانها دخلت في حضن ابوها....يوسف زق"ها بعيد عنو شويه....وهي كانت مستغربه شويه.......
يوسف بحده..انتي تخر"سي خالص انتي........انتي كنتي عارفه ياهنا كل دا ومقولتليش
هنا قلبها وجعها اوي وخافت اكتر..يوسف..والله العظيم انا....
يوسف بحده اكتر..اسكتي يا هنا...اسكتي متتكلميش ..اي كلمه هتخرج منك هتكون كدب ...اتعلمتي منهم
هنا بعياط شديد..لا ونبي..متقولش ليا كدا...يوسف متعملش كدا عشان خاطري......
يوسف..معملش كدا...دانا هوريكو كلكو....انتي لولا انك شايله ابني كان زماني ليا معاكي رد فعل تاني خااص
هنا..بالله يا يوسف اهدي انا....
يوسف..اخرسي بقا مش طايق اسمع صوتك ....انتي هتفضلي هنا في الشقه دي متخرجيش منها ابدا..لحد ما تولدي....وبعدها اخد ابني واسافر واطلقك.........
هنا الكلمه دي نزلت عليها وجعتلها قلبها جدا حطت ايديها علي قلبها برعب..تطلقني
يوسف..انتي متستهليش اني اكون جوزك خالص...........وسابها وخرج وهي فضلت مصدومه من كلامو وحلمها الجميل اللي اتحول لكابوس
نزل يوسف وخرج خالص من البيت وهو مخنوق جدا مش طايق يتكلم مع حد خالص.........
حليمه كانت محبوسه في الاوضه وحاولت تفتح الباب وفعلا فتحتو........طلعت من الاوضه ملقتش حد خالص برا لكن لقت عادل خارج ومشافهاش وراه.....مشيت وراه لحد ما وصل لبيت موجوده فيه صفيه.....دخل جوه ووقفت حليمه برا تسمع....
عادل..انتي اللي عملتي كدا ....صح
صفيه..ونت كنت عاوزني اعمل اي يعني...بعد ما خدت اللي انت عاوزه مني ورميتني ......
سمعت حليمه الكلمه دي وشهقت كدا بصدمه.....طلعت من صدرها مسد"دس وخبيتو ورا ضهرها وخبطت الباب و.......
يتبع..........
رواية الحب كدا ❤️
الحلقه 29
عادل بنرفزه..انتي يا صفيه اللي عملتي كدا صح.....
صفيه..ونت كنت عاوزني اعمل اي..بعد ما خدت اللي انت عاوزه مني ووعدتني هتطلق حليمه وتتجوزني..وبعدها رميتني....
سمعت حليمه الكلمه دي شهقت بصدمه وطلعت من صدر"ها مسد"دس وخبيتو ورا ضهرها وخبطت الباب......
عادل..هو في حد عارف انك هنا......
صفيه..لا......خش انت استخبي ونا هشوف مين...واستخبي عادل وفتحت صفيه اتصدمت لما لقت حليمه...
صفيه بتوتر..ست حليمه...خير في حاجه.......وعرفتي المكان دا ازاي........
حليمه بابتسامه..مش هتقوليلي اتفضلي ولا اي يا صفيه.....
صفيه بتوتر اكتر..احم...لا طبعا اتفضلي.....ودخلت حليمه ......
صفيه..تشربي شاي.......طلعت حليمه المسد"س واترعبت صفيه.......
حليمه بهدوء..نادي علي عادل يلا عشان مينفعش تروحي لربنا لوحدك.......
صفيه برعب..انتي بتعملي اي يا حليمه...وعادل مين بس واي هيجيبو هنا.....
حليمه..عندك حق....خلاص روحي انتي الأول وهو يجيلك بعدين.....وداست عالمسد"دس خرجت منو الطلقه جات في بطن صفيه وقعت في الارض..طبعا كان عادل هيموت من الرعب لكن خرجلها لان البيت متقفل ومفيهوش حتي شباك....
عادل بخوف..حليمه اهدي....عشان خاطري اهدي ونا هفهمك.......
حليمه..تفهمني اه.......تفهمني اي يراجل انت.....انك كنت بتكدب عليا...دنا كنت عايشه كل دا عشانك انت وبعمل كل اللي بتطلبو مني حتي وصلت لأنك خليتني قا"تله.......قولتلي كوني ام لابني قولتلك حاضر..قولتلي مش هنخلف خالص قولتلك عنيا......عملت كل اللي انت طلبتو مني...تقوم انت تخو"ني مع الخدامه بتاعتي.......مع السلامه يا عادل......وضر"بت طلقه تانيه جات في عادل ووقفت كدا تبصلهم وضحكت بهيستريا.....وفضلت تضر"ب فيهم طلقات كتير.......والبيت دا موجود في مكان مفيهوش ناس عشان كدا محدش سمع.....جايه تخرج من البيت لقت في وشها حسام اتخضت كدا لكن تماسكت........
حليمه..انت ماشي ورايا يا حسام....
حسام..اهدي بقا كدا عشان نتكلم....انتي لسه قات"له اتنين أدام عيني...يعني تقدري تساعديني....
حليمه..اساعدك؟! اساعدك في اي........
حسام..تعالي نتكلم.......وراحت معاه وقعدو يتكلمو........
كان يوسف بيتمشي في البلد ومصدوم من اللعبه الكبيرة اللي كان عايش فيها.....مش مصدق كمان ان هنا كانت عارفه كل دا وساكته...مش مصدق ان حليمه وعادل بيعملو كل دا...مش عارف ازاي ينتقم لامو وعمو حامد اللي كان بيحبو جدا......يعني ابويا انا هو اللي قت"ل عمي..ولي عشان خاطر الورث والفلوس...ملعون أبو الفلوس اللي ممكن تعمل كدا بين الاخوات.....ملعو ابوها بجد.......ودمعت عينه علي حب عمره هنا اللي هيسيبها ويسافر....وجاتلو لحظه حس انو عاوز يشوفها ادامو دلوقتي...مقدرش يمنع نفسو ومشي رايح للبيت........وصل يوسف البيت ولقا اوضة حليمه مفتوحه ومفيهاش حليمه...وابوه كمان مش موجود.....
يوسف بغلل..هربتها كمان يابويا......ماشي انا بقا هوصل التسجيلات دي للبوليس.......طلع يوسف الشقه بتاعتو لقا هنا قاعده في الأرض بتعيط ومحاوطه رجليها بايديها ودافنه راسها بين ايديها......وصوت شهقاتها طالع .......يوسف ولا اتهز ليها اول ما هنا سمعت صوته دخل قامت بسرعه جريت عليه......
هنا..يوسف..بالله تسمعني يا يوسف......
يوسف..مش طايق اسمعك يا هنا......
هنا انفجرت عياط ..انت مش عارف كانو بيعملو فيا اي......فاكر لما لقيت حر"ق في دراعي...كان ابوك وحليمه هما اللي عملو فيا كدا..وقالولي لو اتكلمت هيعملو فيا اكتر من كدا....انا عيشت طول عمري خدامه هنا في البيت...طلع عيني..بعمل كل اللي بيطلب مني.....لكن خلاص قولت يوسف جه هيرحمني من كل دا....
يوسف بعصبيه بدموع ووجع..ورحمتك فعلا يا هنا من كل دا....رحمتك وعاملتك احسن معاملة...حبيتك واعتبرتك مراتي فعلا بعد ما كنت جاي ناوي اطلقك اصلا.....مكنتش عاوز منك اي حاجه غير انك تكوني صريحه معايا....
هنا بانهيار..انا كنت صريحه معاك.....
يوسف بنفس طريقتها.. لا مكونتيش صريحه...مكونتيش صريحه يا هنا...كدبتي مره وشوفي انا كنت عامل معاكي ازاي..وفي الاخر سامحتك.....بس خلاص يا هنا رصيدك معايا خلص........مبقتش طايق ابص في وشك....ابعدي عني
هنا عيطت اكتر وقلبها وجعها اوي وضرب"تو في صدرو بوجع وضعف..متجيش عليا انت كمان....ابوك كان بيحر"قتي بالنار يا يوسف...خوفت والله علي نفسي وعليك...خوفت اقولك والله.......
يوسف..لو كنتي انتي اللي قولتيلي.....كنتي هتعلي في نظري اوي يا هنا......وتفضلي فعلا مراتي
هنا بارتعاش وخوف شديد وعيونها مليانه دموع..يعني......هتطلقني........
يوسف بص لحالتها وماثرتش فيه خالص لانو قلبو موجوع جدا بصلها بجمود..اه يا هنا هطلقك...قولتلك لما كنا في المستشفى انك لو خبيتي عليا اي حاجه....هتلاقي انسان تاني خالص......
هنا كانت بتحضن نفسها بدراعتها برعشه وحاسه انها بردانه اوي ..عاوزه تدخل جوه حضنو هي مش عاوزه حاجه غير حضنه وبس وبتعيط اوي مقدرتش تمسك نفسها وحضنتو اوي ومسكت فيه اوي وهو كان باصص ادامه بجمود ومنزل ايده اللي متحركتش حتي من مكانها عشان تحضن هنا..سابها في حضنه ومزقهاش لانو حس بحالتها شويه...إنما هنا حضنته اوي كانت عاوزه تستخبي جوه ضلوعه...فضلو في عناق زاد عن ال٦ دقايق....ويوسف منزل ايده زي ماهو ...بعدها هنا فكت ايديها براحه بعد ما حست انها احسن شويه بعد ما حضنتو وبعدت عنو مسافه صغيره وفضل هو باصصلها شويه بوجع شديد وهي كمان عيونها دبلانه وبصتلو بضعف....بعدها لف ضهره ودخل الاوضه وقفل الباب.....وراحت هي الاوضه التانيه وفضلت تعيط اوي علي حبيبها اللي قاسي اوي عليها.....عدي اليوم وطبعا الاتنين معرفوش ينامو..نامو نوم مقطع كدا.....صحيو هما الاتنين في نفس الوقت وفتحو باب الاوضه في نفس الوقت..هنا كانت باصه للارض بدموع وزعل شديد ...
هنا..يوسف.....رايح فين.......
يوسف..ملكيش فيه....ومتسالتيش انا رايح فين ولا جاي منين..انتي هنا زي الكرسي دا
هنا عيطت اكتر..طب سامحني.....وحياتي عندك سامحني......
يوسف بصلها كدا ومردش عليها......
هنا..طب خلاص بلاش انا لو مبقتش تحبني ولا بقي ليا غلاوه عندك...وحيات ابنك او بنتك اللي في بطني....بالله يا يوسف
يوسف مردش عليها وسابها وخرج ودا وجعلها قلبها اوي.....يوسف فعلا قاسي اوي ومش بيرحم وبيقدر يتحكم في قلبو ودي من أهم صفاتو...
خرجت سهام من البيت عشان تقابل امين....
سهام بعياط..نفسي صباح تسامحني بقا يا امين....والله العظيم توبت.....
امين..متقلقيش يا حبيبتي..صباح قلبها طيب والله وهتسامحك.....
سهام..طب ما هي اجرتك اهي عشان تاخد حقها
امين..وعندها حق يا سهام ونتي عارفه كدا كويس........
سهام..عارفه والله يا حبيبي...بس بجد نفسي هي وابويا يسامحوني.......
امين..طيب سيبي الموضوع دا عليا انا.......
خرج يوسف وقابل عمو حسين......
حسين بصدمه..انا مش مصدق اللي بسمعو دا يبني
يوسف..يعني يعمي انت مكنتش تعرف...انت كنت كبير ساعتها......
حسين..بص يبني الكدب خيبه....انا كنت عارف انك مش ابن حليمه امك كان اسمها هانم..وبعدها عادل قالي انها ماتت وانو اتجوز حليمه دي وقال اننا كلنا هنقول ان حليمه امك...والسر دا ادفن مع امك من زمان اوي..ونسينا والله
يوسف..يا عمي انا جوايا نا"ر بجد.....
حسين..اهدي يبني..وبصراحه بقا انت ظالم هنا
يوسف..هنا...هنا انا مش طايقها وهطلقها يعمي..عشان خبت عليا.......
حسين..طب اهدي...اهدي بس....وحليمه وعادل وصفيه فين دلوقتي....
يوسف..مش عارف بصراحه......بس هلاقيهم وهوصل التسجيلات دي كلها للنيابه..حتي لو هياخدو ابويا كمان......
حسين بقلق..انت سايب هنا لوحدها في البيت....
يوسف..اي العفريت هياكلها....
حسين قام وقف بخضه..لا...حليمه هي اللي هتاكلها..قوم معايا نروح نجيبها تقعد مع صباح هنا.......
يوسف بقلق خفيف..هي حليمه ممكن تاذيها...
حسين بسخريه..ممكن؟؟!....يلا يا يوسف بسرعه......
قامت هنا لبست النقاب عشان تبص شويه من الشباك لقت باب البيت بيخبط حست انها مش عاوزه ترفع النقاب مش عارفه ليه...فتحت الباب لقت حليمه وماسكه مسد"دس في ايديها....
حليمه..اخرجي معايا يالا يا هنا ومنغير اي صوت عشان مضر"بكيش طلقه في بطنك ناحية الجنين القمر بتاعك....
اتثبتت هنا مكانها برعب و...
تعليقات
إرسال تعليق