 |
الفصل السادس والثلاثون
انجي بخوف .. انت عايز ايه . من فضلك امشي
وراحت تفتح باب الاوضة لاقيته مقفول بالمفتاح والمفتاح مش في الباب
انجي بدموع .. افتح الباب ارجوك واخرج . انت عايز مني ايه
ياسين قرب منها وهو بيقول .. عايزك ياانجي ومش عايز حاجه من الدنيا غيرك
انجي رجعت لورا برعب وقالتلو .. انتا مريض ياياسين مريض
ياسين .. مريض بيكي
انجي بدموع .. ابعد عني بقا وسيبني في حالي
ياسين .. مينفعش اسيبك ياانجي . استحالة اسيبك .انتي ملكي وعمرك في حياتك ما هتكوني لحد غيري .
انجي بلعت ريقها بخوف .. يعني ايه ت.تقصد ايه
ياسين .. يعني العيل اللي روحتي اتخطبتيلو ده تسيبيه ياانجي
انجي .. انت بتقول ايه
ياسين .. بقول اللي سمعتيه وهتنفذيه دلوقتي حالا
انجي وهي بتهز راسها برفض .. انت انتا مش طبيعي انت اكيد مجنون .
ياسين بكل هدوء .. تليفونك فين
قرب منها اكتر .. تليفونك فين يا انجي
انجي بعياط .. ع. عايزو ليه
ياسين .. هاتي تليفونك اخلصي
انجي مسحت دموعها .. انت مش من حقك اللي بتعملو ده . انا هقول لبابا وهو يتصرف معاك
ياسين .. مش هتقدري
وبعدين اتحرك في الاوضه وهو بيدور على تليفونها
لحد مالاقاه
ياسين مسك الفون وقرب منها
ياسين .. اللي هقولك عليه دلوقتي هتنفذيه بالحرف الواحد.. هتكلمي الواد ده دلوقتي وتنهي معاه الموضوع هتقوليلو انك مش عايزاه ومش هتقدري تكملي معاه وكل شئ قسمه ونصيب
انجي بعياط وهي بتهز راسها برفض .. لأ طبعا مش هعمل كده
ياسين بإصرار .. لأ هتعملي كده لأن صدقيني لو منفذتيش اللي بقولك عليه هق.تلو وده مش تهديد هعمل كده بجد
انجي حطت أيدها علي بوقها بصدمة فضلت تعيط ..
ياسين .. يلا انجي كلميه
انجي .. انتا شيطا.ن حرام عليك حرام عليك
ياسين .. صدقيني هق.تلو
ياسين .. هاا تختاري ايه تنفذي اللي بقول عليه وساعتها هاسيبه ولااقت.لو لو مسمعتنيش الكلام
ياسين وهو بيديها الفون .. كلميه يلا
انجي بعياط هزت راسها وقالت .. مش هكلمه ومش هعمل اللي بتقول عليه
ياسين .. يبقي انتي اختارتي . صدقيني مش هيلحق يتهني بيكي
انجي مسحت دموعها وقالت.. مش هتقدر تعملو. حاجه لأني هقول لبابا
ياسين ضحك وقالها .. وهو فين بابا . ياسين كمل وهو بيميل عليها وقالها .. انتي عارفه اننا لوحدنا هنا في الفيلا والباب مقفول بالمفتاح . يعني مش هتعرفي تخرجي . والشيطان شاطر . يعني ممكن اخد اللي انا عايزو دلوقتي
واحنا لوحدنا وهتكوني ليا في الاخر
انجي خافت ورجعت لورا برعب
ياسين ابتسم وقال .. اي رأيك
انجي بعياط .. انتا حيوان وواطي
ياسين .. وانا هوريكي دلوقتي الحيوان ده هيعمل ايه
وبدأ يقرب منها
انجي رجعت لورا برعب وقالتلو وهي بتعيط .. لأ اوعي تقرب مني ابوس ايدك
ياسين .. يبقي تنفذي اللي قولتلك عليه
انجي كانت بتعيط ومش عارفه تعمل ايه
ياسين .. يلاا كلميه قدامي دلوقتي
انجي مسكت تليفونها بدموع ورنت علي آدم
حطت الفون علي ودنها وهي منهارة
ياسين .. بطلي عياط وخليكي طبيعية مش عايزو يحس بحاجة
انجي هزت راسها وهي بتمسح دموعها وبتحاول تكتم شهقاتها
في الوقت ده كان آدم رد وهو بيقول .. انجي وحشتيني
انجي اول ما سمعت الكلمه غمضت عينها بوجع ودموعها نزلت تاني
آدم .. انجي انتي معايا
انجي اتمالكت نفسها وقالت .. ايوه معاك
انجي بصت على ياسين اللي بيبصلها بتحزير وبقول بصوت واطي . اخلصي
خدت نفس وقالت بوجع .. آدم انا مش هينفع اكمل معاك ل لازم نسيب بعض
آدم .. انجي مش ناقصه هزار علي الصبح
انجي بصعوبة .. انا بتكلم بجد .. انا مش هقدر اكمل معاك
آدم بصدمة .. يعني ايه .وليه جايه دلوقتي تقولي الكلام ده
انجي وهي بتمسح دموعها وبتحاول تبقي ثابته .. لأني اكتشفت اني هظلمك معايا
آدم .. يعني ايه هتظلميني
انجي .. انا كنت فاكره اني بحبك بس اكتشفت . اني مش بحبك ومش هعرف احبك . انا سفه . كل شئ قسمه ونصيب
وقفلت وبعدها انهارت من العياط
ياسين .. انتي كده عملتي الصح . ومكدبتيش انتي فعلا محبيتهوش
انجي بعياط .. اخرج بره
ياسين طلع ورقه من جيبه وراح علي المكتب بتاعها وخد من عليه قلم
ياسين فتح الورقه وقالها قبل ما اخرج .. امضي علي الورقه دي . امسكي
انجي مسكتها واول مابصت فيها قالت بصدمة .. دي .دي
ياسين وهو بيديها القلم .. دي ورقة جواز رسمي . امضي
انجي هزت راسها برفض وقالت .. استحالة اعمل كده
ياسين .. انتي كده كده ليا . امضي ياانجي قبل ماعمل حاجات تزعلك وانتي اللي هتندمي . لو مش عايزاني ااذيه امضي بهدوء
وبص علي جسمها وقال وبردو قبل ماتضطربني اعمل حاجه مش عايز اعملها . يلا ا امضي
انجي بخوف مسكت القلم واديها بتترعش وهي بتعيط بوجع ومضت
ياسين خد الورقه وطبقها وحطها في جيبه
وبعدين قالها .. هتكلم مع عمي تاني وهطلبك منو وانتي هتقوليلو انك موافقة وعايزاني وتقنعيه انو يوافق . تمام
وفتح الباب وخرج
وانجي قعدت علي الارض وفضلت تعيط
................................
عند حازم وريم كانو لسه مع بعض
ريم .. احنا رايحين فين كده
حازم .. هنروح نتغدي مع بعض
ريم .. ونشرب مانجا
حازم ابتسم بخفوت وقال .. ونشرب مانجا
بعد وقت كانو وصلو مطعم فخم ودخلوا بهدوء
وطلبوا الاكل
وحازم طالبلها مانجا علي بال مالاكل يجهز
وبعد دقايق كان الاكل اتحط قدامهم وقعدو ياكلو
ريم كانت قاعدة تاكل بشرود وكان باين عليها الزعل
حازم خد بالو وسألها .. مالك يا حبيبتي
ريم .. مفيش
حازم . مفيش الزاي . شكلك زعلان
ريم اتنهدت وقالت .. زعلانه علشان شيرين نفسي يرجعو لبعض هي وامجد
حازم .. اكيد هيرجعو بس لما يعرفو قيمة بعض الاول
ريم .. ولو معرفوش
حازم .. يبقي مالهمش قيمه عند بعض
ريم .. بس شيرين بتحبه . انت متعرفش حالتها عامله الزاي
حازم .. هو كمان بيحبها واكيد مش مبسوط انو طلقها
بس هي غلطت غلط كبير وهو كمان غلط . كان لازم الاتنين يبعدو عن بعض علشان كل واحد فيهم يحس انو غلطت في حق التاني
ريم هزت راسها بهدوء
حازم .. يلا كملي اكلك
ريم .. لأ انا شبعت
حازم .. كلي ياريم انتي مكالتيش حاجة
ريم .. بجد شبعت
حازم قام وطلع فلوس كتير من جيبه وحطها علي التربيزه
وخدها وخرجوا من المطعم
وبعد وقت كانو وصلو الشقة عند مامت ريم
ريم فتحت الشقة ودخلت وهي بتنادي علي مامتها
سحر خرجت من الاوضه علي الصوت
لاقت ريم وحازم واقفين
حازم علي طول قرب منها وباس راسها وقالها .. انا بعتذر علي كل اللي حصل مني . ياريت تسامحيني . انا اسف
واوعدك اني هحتطها في عيني ومش هزعلها
ريم راحت وقفت جمب مامتها ومسكت ايدها وباستها
..........................
تاني يوم عند شيرين
كانو ندي وريم راحو ليها
وقعدو يتكلمو معاها
كانو بيحاولو يخرجوها من اللي هي فيه
لحد ماندي قالت .. اي رأيكو نروح نعمل شوبيج
ريم قالت .. فكره والله انا محتاجه اشتري حاجات فعلا
وبصت لشيرين وقالت .. ايه رأيك ياشيري تيجي معانا
شيرين .. لأ روحو انتو انا ماليش نفس اجيب حاجه
ندي .. مترخميش بقا تعالي معانا . وبعدين. انتي عارفه مش بعرف اجيب حاجه من غيرك
وبعد محاولات قدور ريم وندي يقنعوها وخرجوا التلاته مع بعض
واشترو حاجات كتير وبعدين دخلو مطعم ياكلو
وهما قاعدين ياكلو
شيرين بصت لريم وقالت .. انا مبسوطه اوي ياريم عشان رجعتي انتي وحازم لبعض . هتعملو فرح امتي
ريم .. مش هنعمل حاجة غير لما تتصالحو انتي وامجد
شيرين .. لأ طبعا اي الهبل ده انا ماصدقت انكو اتصالحتو
اصلا .. وبعدين خلاص انا وامجد مابقيناش ننفع لبعض
ريم .. ان شاء الله هترجعو ولا هو يقدر يستغني عنك ولا انتي تقدري
شيرين بصت قدامها وقالت بشرود .. هو استغني خلاص
...........................................
تاني يوم
كانو كلهم متجمعين في فيلا مجدي اخو شهيرة وسحر
بعد ما مجدي عمل ليهم عزومه كبيرة علشان سحر
وكان بيحاول يلم الشمل تاني ويعوض سحر علي السنين اللي كانو بعاد فيها عن بعض
مجدي كان واقف وهو واخد ريم في حضنه بحب ومن ناحيه التانيه كان واخد دينا اختها
كاميليا نزلت من فوق بضيق
وفاء .. تعالي ياكاميليا سلمي علي عمتك
كاميليا قربت من سحر وسلمت عليها
سحر .. ماشاء الله بنتك زي القمر يامجدي
مجدي .. قربي سلمي علي بنات عمتك ياحبيبتي
كاميليا قربت من ريم ببتسامة مصتنعة وسلمت عليهابضيق
وريم هي كمان سلمت عليها ببرود
وسلمت علي دينا اللي كانت ملاحظه الضيق اللي باين عليها
....
في جنينة الفيلا ريم كانت واقفة هي وياسر بعد مااتعرفت عليه
ريم .. تعرف ان باباك الوحيد اللي كان بيسأل علينا . انا كنت صغيره بس فاكره
ياسر .. ابويا الله يرحمه كان بيحب عمتي جدا
ريم .. الله يرحمه
ياسر .. كان دايما يقول إنها بنته مش اخته
ريم .. ماما كمان كانت بتحبو اوي
ريم .. هو مش ليك اخ باين
ياسر .. اه .كريم الصغير
ريم .. امال هو فين
ياسر .. اكيد مع صحابه
ريم .. هي مامتك فين .انا ماشفتش جوا غير طنط مرات خالو مجدي
وكملت بصوت واطي .. وبنتها العقربه
ياسر سمعها وضحك وبعدين خد نفس وقال بسخرية .. امي اتجوزت
في الوقت ده كان حازم وصل بعربيته ونزل منها وشاف ريم وياسر واقفين مع بعض
حازم قرب منهم وسلم علي ياسر
حازم وهو بيسحب ريم جمبو اكتر وهو حاسس بالغيره .. عامل ايه ياسر
ياسر .. تمام . انتا اخبارك ايه
حازم .. تمام . عامل ايه في الشغل
ياسر اتنهد وقالو .. والله ياحازم اصعب وقت عدي عليا من يوم مااشتغلت في الداخلية هو الوقت ده
حازم .. ليه خير
ياسر .. بسبب القضية اللي ماسكها حالياً .الراجل مدوخنا وراه مش عارفين نمسك عليه حاجه لحد دلوقتي
حازم .. ان شاء الله تقبض عليه انت قدها
ريم لياسر .. ايه ده انتا مقولتليش إن انت ظابط
ياسر .. انا وحازم كنا دفعة واحدة . بس انا مكافحة مخدرات وهو مباحث آداب
ياسر كمل وقال .. مش كنت خلتني في مباحث الآداب
احسن من المجرمين والشمامين اللي الواحد يعتبر عايش معاهم
حازم .. اهم الشمامين دول ارحم من الستات اللي كل يوم بيدخلو علي الواحد وهما ملفوفين بالملايات
ياسر بص لريم وقالها .. تعرفي ياريم حازم مكانش موافق علي دخولو كليه الشرطه خالص بس عمي مراد هو اللي اصر انو يدخلها
ريم بصت لحازم وقالتلو .. هو انت مش بتحب شغلك
حازم .. عادي
ريم .. هو انت كنت حابب تدخل ايه
حازم .. هندسه
جوه
سحر كانت قاعدة مع شهيره ووفاء مامت كاميليا وبيتكلمو وكاميليا كانت قاعدة بعيد شويه هي وهنا
شهيره وهي بتبص حواليها .. هي ريم فين
وفاء .. تقريبا بره في الجنينه .كانت واقفة هي وياسر من شويه
كاميليا سمعت مامتها وهي بتقول وافقه مع ياسر
كاميليا اتضايقت جدا وهي حاسه بالغيرة وراحت قامت بسرعه وخرجت الجنينه
برا كان ياسر مشي
وحازم قرب من ريم وقالها .. كنتي واقفة معاه ليه
ريم .. عادي كنا بنتعرف علي بعض . مش هو ابن خالي بردو
حازم .. ابن خالك توقفي معاه كده
ريم .. كنت واقفة معاه الزاي .انا كنت واقفة عادي علي فكره
حازم بتحزير .. متتكررش تاني
ريم بصتله باستغراب
حازم كرر كلامو تاني .. متتكررش تاني فاهمه
ريم هزت راسها .. حاضر
حازم قربها منو اكتر وباس راسها
في الوقت ده كانت كاميليا خرجت
بس شافت ريم وحازم لأن ياسر كان مشي
كاميليا اتضايقت زياده والنار قامت فيها خصوصاً وهي شايفة حازم واقف وهو محاوط كتف ريم و كان بيبوس علي راسها
كاميليا كانت واقفة تبص عليهم بغل
وبعدين راحت قربت عليهم وقالت .. حازم عايزه اتكلم معاك
حازم .. اتكلمي سامعك
كاميليا بصت علي ريم بغل وقالت .. لأ لوحدنا
حازم ضم ريم ليه جامد وقال .. اللي عايزه تقوليه قوليه ياكاميليا هنا
كاميليا .. مينفعش لازم نبقي لوحدنا
ريم .. خلاص هسيبكم
وقبل ماريم تتحرك
حازم .. خليكي ياريم وبص لكاميليا وقال .. يا تتكلمي هنا قدامها ياتمشي
كاميليا بصت ليهم بحقد ومشيت
ريم بصت لحازم .. ليه كده كسفتها علي فكرة
حازم .. صعبت عليكي
ريم بتأثير مصتنع .. جداا
في الجنينه الخلفيه كانت يارا قاعدة سرحانه
يوسف من وراها .. الجميل سرحان في ايه
يارا لفت ليه بخضه وقالت .. خضتني
يوسف قعد جنبها وهو بيقول سلامتك من الخضه
يارا بصتله وقالت .. انا مش مسمحاك علي فكره
يوسف باستغراب .. ليه انا عملت ايه
يارا .. عشان انتا بتخوني
يوسف اتنهد وقالها .. يارا ياحبيبتي انتي شاربه حاجة علي الصبح
يارا .. والله عشان بقولك الحقيقة ابقي شاربة حاجة
يوسف .. حقيقة ايه
يارا .. انك بتخوني
يوسف .. بخونك الزاي بقا .فهميني
يارا .. مين البنت اللي انتا كنت سهران معاها
يوسف .. لسه بردو التخاريف دي في دماغك .سكت شويه وبعدين قالها .. يعني انتي مش عارفه كريم . دي حركه من حركاتو . وانتي غبيه وبسرعة صدقتيه
يارا .. يعني انتا مكنتش سهران يومها
يوسف .. لا انا كنت سهران فعلا بس مع صحابي الولاد
يارا .. متكدبش عليا يايوسف
يوسف بصدق .. يارا انا معرفش بنات غيرك ومش بحب غيرك بطلي بقا تشكي فيا
مسك ايديها وباسها وقالها .. انا بموت فيكي
يارا ابتسمت .. انا كمان بحبك اوي وبعدين قالت بحزن..
انت عارف انا ماليش غيرك يهتم بيا
يوسف .. ودي بردو اوهام في دماغك مش حقيقة
يارا بصتله .. مش اوهام يايوسف . كلهم بعاد عني .كل واحد فيهم مش بيفكر غير في نفسه وحياته
محدش فيهم بيحتويني . بس لما بغلط كلهم بيحاسبوني
يارا دموعها نزلت
يوسف مسحلها دموعها بحنية وقال .. حبيبتي والله كل اللي في دماغك ده غلط هما بيحبوكي بس اكيد علشان مشغولين بس
يوسف باس راسها وقالها .. مش عاوز اشوف دموعك دي
في الوقت ده ظهر ياسين وشافهم كده راح قرب بسرعه وشال ايد يوسف من علي يارا
ياسين .. قوم يلا انت ايه اللي مقعدك جمبها
يوسف قام وقالو في ايه ياعم .. دي خطيبتي
ياسين .. لسه مبقتش وحتي لو اتخطبتو متقربش منا انت سامع
يار كانت قاعدة ساكته
ياسين بصلها و لاحظ عليها انها كانت بتعيط
ياسين بحنية .. مالك ياحبيبتي . انتي كويسة
يارا هزت راسها .. ايوا
ياسين .. امال بتعيطي ليه
يارا .. مش بعيط
ياسين بشك .. مالك بس يا حبيبتي في ايه
وبص ليوسف .. انتا عملتلها ايه يلا
يوسف بخوف مصتنع .. والله ماعملتلها حاجة
ياسين .. امال بتعيط ليه
يوسف .. دي بتعيط علشان امتحان بكره . اصلها مش مذاكره
ياسين ضمها ليه وباس راسها وقالها .. الواد ده عملك ايه
يارا .. معملش حاجة
ياسين .. طيب كنت بتعيطي ليه
يارا .. ماهو قالك يا ياسين علشان الامتحان
ياسين .. مش مصدقك بس ماشي
وراح باس راسها تاني
يوسف ليارا .. شوفتي بقا
ياسين بصلهم باستغراب
........بعد شويه كانو كلهم متجمعين علي السفرة بياكلو في جو اسري جميل
حازم كان معاه مكالمة تليفون بره خلصها ودخل
وفاء مرات خالو .. يلا حازم الاكل هايبرد
حازم قرب وسحب كرسي جمب ريم وقعد
مجدي خالو .. انت كنت فين ياحازم
حازم .. كان معايا مكالمه شغل
مراد بص لريم وقالها .. تعالي ياحبيبتي ا قعدي جمبي
ريم قامت علطول وراحت جمب مراد
وحازم كان قاعد بضيق لانو كان فاهم عمايل ابوه
ريم بصت علي حازم وهي كاتمه ضحكتها ومراد ميل عليها وقالها بصوت واطي .. اي رايك في شكلو
ريم بصوت واطي هي كمان .. دا هيولع
مراد .. انا هعلمهولك الادب
ريم ضحكت وحازم كان قاعد متابعهم بضيق
...............................
تاني يوم في بيت شريف
كان قاعد وقدامه انجي اللي قاعده تفرك في ايديها من الخوف
شريف بغضب .. يعني ايه جايه دلوقتي تقولي مش عايزاه مش ده اللي جيتي تقوليلي دا كويس ووافق يا بابا عليه
انجي بتوتر وخوف .. هو كويس . ب بس
شريف بغضب .. بس ايه . اللي حصل
انجي .. يابابا انا اكتشفت اني مش بحبو وو مش عايزه اكمل علشان مظلموش معايا
شريف .. كان فين الكلام ده من الاول هاا ولا عاوزه تحرجينا مع الناس وخلاص
في الوقت ده دخل تامر
تامر باستغراب .. في ايه يابابا
شريف .. تعالي شوف الهانم اختك بعد ماعملت المستحيل علشان اوافق علي الولد اللي اتخطبتله جايه دلوقتي تقولي انا سيبتو يابابا علشان مش عايزاه
تامر .. مش عايزاه الزاي ياانجي امال بتتخطبي ليه من الاول ليه . دا احنا موافقناش غير لما لاقناكي متمسكه بيه
انجي .. انا كنت فاكره اني بحبه وو
انجي مكانتش عارفه تقول ايه
تامر فهم انها عملت كده علشان تنسي ياسين
تامر بهدوء .. خلاص يابابا قولهم كل شيء قسمه ونصيب
شريف بعصبية .. هو لعب عيال ماهو مكانش حصل حاجه من الاول بقا لازمتو ايه تحرجنا مع الناس
انجي .. انا اسفه يابابا
تامر .. مفيهاش احراج ولاحاجه وكويس اننا لسه علي البر
شريف شك للحظه ان ياسين ليه يد في الموضوع ده لكن هو شايف ياسين متغير طول الفترة اللي فاتت وكان باين عليه إنه بقا كويس خصوصا إنو مضايقش انجي ولا مره وبذات لما اعتذرله كان باين انو صادق
شريف كان هيتجنن وهو مش فاهم حاجه
تامر طلع فوق وفتح اوضته ولما دخل ملقاش هنا
تامر مسك تلفونه ورن عليها
تامر بضيق .. انتي فين
هنا .. انا عند ماما
تامر بزعيق .. بتعملي ايه . هو انا مرجعش البيت ولاقيكي موجوده خالص
هنا لما لاقيتو متعصب كده قالت .. انا جايه ياتامر سلام
هنا قامت بسرعة وخرجت من بيت باباها وراحتله
هنا فتحت الاوضة كان هو قاعد على السرير وباين عليه الغضب
هنا بتوتر . ا.انت حيت امتا
تامر .. هو انتي هتتأقلمي امتا علي انك خلاص بقيتي متجوزه وعندك بيت . وفي زفت المفروض يرجع من بره يلاقيكي مستنياه
هنا بتوتر .. هو حصل ايه يعني لكل ده
تامر .. لأ محصلش حاجه
وقام خد عليه السجاير و طلع البلوكنه وفضل يدخن بغضب
هنا فضلت واقفة مكانها شويه وهي مش عارفه تعمل ايه او تصالحو الزاي
هي فعلاً حست انها غلطانه ومقصره معاه
هنا غمضت عينيها وخدت نفس وبعدين راحت دخلت اوضة اللبس
بعد دقايق خرجت وهي لابسه قمي.ص نو.م
كان تامر بيقفل البلكونه
تامر لف لاقها كده
بصلها بسخرية وبعدين راح ينام لكن هنا وقفت قدامه وقالت .. انا اسفه . عارفه اني مقصره
وحاوطت رقبته وحضنته وقالت بدلع .. اسفه متزعلش مني بقا
تامر مقدرش يقاوم سحرها راح ضمها ليه جامد
وبعدين شالها ونزلها علي السرير
في الوقت ده تلفونه رن
هنا بهمس .. تامر . تليفونك
تامر وهو مشغول معاها .. سيبك منو
هنا طيب رد ليكون حد عايزك في حاجة مهمه
تامر مسكت الفون وكان اللي بيرن بوسي
تامر قفل الفون وقال .. مفيش حاجه مهمه غيرك وقرب منها
وبعدين.......
...........
............................
تاني يوم هنا فتحت عينيها لاقت السرير فاضي
قامت تشوف تامر لاقته في الحمام
رجعت تستناه
في الوقت ده تليفون تامر اعلن عن وصول رساله
هنا بصت للتليفون وبفضول مسكته وفتحت الرساله
واول ما شافتها اتصدمت
هنا بصدمة .. بتخوني ياتامر انا كنت متأكده
الم البداية
الفصل السابع والثلاثون
هنا بصت للتليفون وبفضول مسكته وفتحت الرساله
واول ما شافتها اتصدمت
كانت بوسي باعتالو وبتقولو .. حبيبي مش بترد ليه كلمتك كتير
وبعدين فضلت مستنياك امبارح مجيتش ليه . ولا انت بقا مبقتش تتبسط معايا . طيب تعالي النهاردة وانا
هنسيك اسمك هدلعك .. مستنياك اوعا متجيش علشان انتا واحشني موووت
هنا بصدمة وزهول .. بتخوني ياتامر انا كنت حاسه
تامر خرج من الحمام اتفاجأ ب هنا اللي ماسكه الفون بتاعه ودموعها نازلة
تامر قرب منها بسرعة وقالها بقلق .. مالك في ايه
تامر بص للفون لاقاه مفتوح علي الرسالة
تامر مسح علي وشه وهو مش عارف يقولها ايه
اما هنا قامت وقفت بهدوء واديتلو الفون في ايده
ودخلت جوه لبست وطلعت كل ده وهي لسه مصدومة
هنا لسه بتفتح باب الاوضة علشان تخرج تامر وقف قدامها وقالها .. رايحه فين ياهنا
هنا .. ابعد عني
تامر .. استني بس انتي فاهمه غلط
هنا بصتله جامد وكانت هتصرخ في وشه لكن رجعت تاني وقالت بسخرية .. بجد فاهمه غلط .. وايه هو الصح
تامر .. دي .دي رساله اتبعتت بالغلط
قرب منها وحاوط كتفها بأديه وقالها .. انا بحبك يا هنا صدقيني بحبك
هنا بعدت عنو بعصبية .. بطل كدب بقاا . انا كنت شاكه من زمان انك خاين بس دلوقتي اتأكدت . طلقني ياتامر طلقني بقا علشان انا استحالة اعيش معاك ثانيه واحده بعد النهارده
تامر .. طيب اهدي ممكن وانا هفهمك
هنا بعصبية .. اهدي اييه وهتفهمني ايه ماهي واضحة زي الشمس
هنا .. مروحتش ليها ليه كانت مستنياك وهتدلعك
تامر .. انتي فاهمه الموضوع غلط ياهنا .انا معرفش حاجه عن الرساله دي
تامر راح مسك تليفونه ومن حظه إن بوسي كانت باعتة الرساله من اكونت فيك ولا عليه اسمها ولا صورتها ولا اي بيانات ليها
تامر قرب منها وقالها .. بصي دي رساله اتبعتت ليا بالغلط
اكيد مش انا المقصود وبعدين انا معرفش مين هي صاحبه الاكونت ده
هنا بعصبية .. وانتا فاكرني هبله وهصدقك .انت طول عمرك زبا.لة ياتامر وبنات ستات وبتحب الرمرمة .. انا هروح عند بابا وياريت تتطلقني بهدوء
تامر .. طلاق ايه بس ياهنا اهدي
هنا بعياط قالت .. ايوه هتطلقني ياتامر لاني مش هعيش مع واحد خاين زيك
وفتحت الباب ونزلت تجري
تامر .. هنا استني
ونزل وراها
هنا خرجت من الفيلا وهي بتعيط ومنهارة
وتامر بيحاول يوقفها
حازم كان خارج ولسه بيتفتح باب عربيته شافهم كدة
حازم قفل باب العربية وقرب منهم وهو بيقول .. في ايه . مالكم
هنا بعياط .. انا عايزه اطلق ياحازم . خليه يطلقني
حازم .. حصل ايه
هنا بعياط .. انا عايزه اطلق ياحازم مش هعيش معاه بعد النهاردة
حازم .. حصل ايه يعني .اتكلمي .
وبص لتامر وقاله .. انت عملتلها ايه
تامر كان ساكت مش عارف يقول ايه
حازم .. ماتتكلموا
هنا وهي بتعيط .. البيه بيخوني
حازم بص لتامر اللي بص في الارض
حازم رجع وجه كلامه ل هنا .. وانتي عرفتي الزاي
هنا بشهقات .. لاقيت واحدة بعتالو رسالة وبتقولو مستنياك النهاردة والظاهر انو متعود يروحلها دايما
هنا بعياط .. انا عايزه اطلق مش عايزة اعيش معاه
حازم .. طيب ادخلي جوا
هنا دخلت وهي بتعيط
وتامر كان لسه هيتكلم
بس حازم قال .. انت مش قولتلي انك بطلت الموضوع ده
حازم .. بس تمام انا فعلاً هتطلقها منك ياتامر
تامر بسرعة .. لأ انا بحبها ومقدرش اعيش من غيرها
حازم .. بتحبها الزاي وانت بتخونها ولا انت خدت علي كده
تامر اتنهد وقال .. اختك هي اللي خلتني اعمل كده
انا مش بشوفها ياحازم . معظم الوقت قاعده عندكم
هي مش قادره تقتنع انها خلاص بقت متجوزة والمفروض تبقا في بيتها مع جوزها .. انا برجع البيت مش بلاقيها مستنايني . خلتني اتعودت علي انها عايشه معاكم مش عايشه معايا دا غير بقا طول الوقت خناق ونكد معيشاني فيه
حازم .. وهي بتتخانق معاك ليه ما علشان اللي انتا بتعملو ياتامر
تامر .. ماهي لواهتمت بيا انا مكنتش هاعمل كده
تامر خد نفس وقال .. انا عارف اني غلطان في اللي بعملو . بس هي السبب . هي اللي اديتني الفرصة اني ادور علي الاهتمام بره
.........................................
عند شيرين كانت قاعدة علي السرير و بتتفرج علي صورها هي وامجد بحزن
شيرين .. عارفه اني غلطت بس انت السبب انت اللي اتضطريتني اعمل كده . انا مقصرتش معاك في حاجة
ليه تبص بره وانت مش ناقصك حاجة . ليه تسمح لنفسك تبص لغيري ... بس انا استاهل . انا اللي قبلت علي نفسي كده من الاول ورضيت وانا عارفه انك عينك زايغة
شيرين دموعها نزلت .. بس انا بحبك . بحبك اوي وزعلانه من نفسي اوي اني حبيت واحد زيك
شيرين فضلت تعيط لحد مانامت
..............................
مساءا
في شقة ريم
ريم فتحت باب الشقه بالمفتاح ودخلت بعد يوم طويل قضته في شغلها
ريم بصت لاقت دينا قاعدة بتتفرج علي التلفزيون
ريم .. مساء الخير
دينا .. دينا مساء الخير .. اتأخرتي ليه
ريم وهي بتقعد علي الكنبة .. داليا مكانتش موجودة في المركز النهارده وانا اللي شيلت الشغل كلو
دينا .. مش في بنات بتشتغل
ريم .. اه . بس شكلي كنت واحشه الناس كل اللي تدخل عاوزاني انا اللي اشتغلها بأيدي
دينا .. صحيح بقولك ايه انا كنت عاوزة اجيلكم اعمل جلسة تقشير بشرة
ريم .. ريم مالها بشرتك يادينا ماانتي حلوه اهو ياحبيبتي . وكملت بهزار .. هو في في بشرتك ياقمر انتي
دينا ضحكت .. ثبيتيني انتي علشان متعمليش ليا
ريم .. قدامك الصالون كله اهو روحي اعملي اللي انتي عايزاه
دينا .. خلاص هو شعري بس . هعمل بروتين
ريم .. ماكانت بشرتك من شوية
دينا .. لأ بشرتي كويسة
ريم ضحكت وقالتلها .. المكان كلو تحت امرك . بس بشرط
انا مش هعملك حاجة علشان نبقي متفقين
دينا .. امال مين اللي هيعملي
ريم .. في خمسين بنت هناك اللي تعجبك خليها تعملك
دينا .. لأ انتي اللي هتعمليلي
ريم .. انسي انا ماليش غير في الميكب . عايزاني احتطلك ميكب معنديش مانع . هتقوليلي بقا بشره وشعري ابعدي عني
ريم .. هي ماما فين صحيح
دينا .. خرجت
ريم .. خرجت راحت فين يعني
دينا .. مش عارفه بس تقريبا راحت تقابل خالك كان بيكلمها وبعدين خرجت
دينا .. قوليلي صحيح البت اللي اسمها كاميليا دي شكلها كانت عايزه تولع فينا ليه كده
ريم .. اصلك متعرفيش . علشان بتحب حازم ف علشان كدة مكانتش طايقة نفسها
دينا بتفهم .. امم علشان كدااا .. طب خلي بالك منها بقا . شكلها مش سهلة
ريم .. علي نفسها . وبعدين هو اصلا مش بيحبها
دينا بغمزة .. هو بيحبك انت ياجميل
ريم ضحكت وبعدين قالتلها وهي بتحاول تغير الموضوع.. هو انتي عندك عندك امتحان بكره ولا انا بيتهيألي
دينا .. لأ عندي
ريم .. امال مش بتذاكري ليه . انتي من لما جيتي مشوفتكيش ماسكه كتاب . هو انتي بتحلي الزاي نفس افهم
دينا قالت بضحك .. بالبركة
ريم قامت وهي داخلة قالت .. هتسقطي ان شاء الله
دينا .. نعم مين دي اللي تسقط وكملت بغرور .. دا انا بطلع من الاوائل
ريم .. فعلا . مصدقاكي
ريم دخلت الاوضة وقبل ما تغير مسكت تليفونها ورنت علي شيرين تطمن عليها
بس شيرين مكانتش بترد
ريم قلقت وكلمت ندي وقالتلها تروح تشوفها وتطمنها لانها
بيتها قريب من بيت شيرين
................................
عند شيرين كانت لسه نايمة لانها كانت واخده منوم
ندي راحت ليها وفضلت تضرب في الجرس لكن مفيش رد
ندي طلعت مفتاح الشقة وفتحت بيه
ودخلت لاقت الشقة هاديه
ندي فضلت تنادي عليها لحد ما فتحت اوضة النوم لاقتها نايمة
ندي قعدت جمبها ومشت ايدها علي شعرها بحنان
بصت علي في اديها وهي نايمة كانت صورتها هي وامجد
ندي خدتها منها واتنهدت بحزن
وفتح الدرج علشان تشيلها لفت نظرها شريط الحبوب بتاع المنوم اللي هي واخداه
ندي اتنهدت بيأس وبدأت تصحيها
ندي .. شيرين . ياشيري . اصحي ياحبيبتي .
شيرين .. ...........
ندي .. شيرين . شيرين اصحي يلا
شيرين فتحت عينيها وهي بتقول .. ايه ياامجد
ندي بحزن عليها .. شيرين فوقي انا ندي
شيرين قامت اتعدلت .. بتصحيني ليه ياندي سيبني نايمة
ندي .. وانتي عايزه تفضلي نايمة كده علطول ماينفعش
ومسكت البرشام وقالتلها .. ايه ده ممكن تقوليلي بتاخدي منوم ليه . انتي مش عارفه انو غلط تاخدي منو كده عمال علي بطال
شيرين .. لما بنام برتاح ياندي من التفكير
ندي .. ولامتي هتفضلي كده . انتي ليه سلبيه ومش بتفكري في نفسك
شيرين .. عاوزني اعمل ايه يعني
ندي .. فكري في نفسك ياشيرين ومتستسلميش للحزن
متاخديش المنوم دا تاني علشان غلط . انتي دائما كده بتأذي نفسك ومش بيهمك .. يعني علشان تعاقبي امجد عاقبتيه بطريقة غلط وبدل ماتغلطي في حقه بس غلتطي في حق نفسك قبله
حرمتي نفسك من الخلفة زي ماحرمتيه . انتي غلطتي ياشيرين سواء في حق نفسك او في حقه
شيرين .. كفاية ياندي انا مش مستحملة
ندي .. ياحبيبتي انا بقولك الكلام ده علشان بحبك
...........................
تاني يوم في الصباح
في الجامعة
دينا بعد مخلصت امتحان وطلعت كانت واقفة بتكلم يارا في الفون وبتقولها انتي فين انا خلصت وطالعة اهو
يارا قالتلها هي مستنياها فين وبعدين قفلو
دينا اتحركت علشان تمشي لاقت اللي بيقرب عليها وبيقولها .. ممكن نتعرف
دينا بصتله وقالت .. لأ مش ممكن
هو .. ليه بس .دانا حتي بنات الجامعه كلهم يتمنو نظرة مني مش يتعرفو عليا
دينا بصتله بقرف وقالت .. بس بقا انا متمناش ولا عايزه اتعرف على حد
كريم .. دا احنا هنتصاحب عادي اي المشكلة
دينا .. وانا مش بصاحب
وراحت تمشي
راح هو ماسك ايدها .. وقالها استني بس
دينا بغضب شدت ايدها منو وكانت لسه هتضربه بالقلم وهي بتقول انت الزاي تمسك ايدي كده ياحيوان
لكن هو مسك ايدها اللي رفعتها قبل ماتضربه بغضب وقالها .. انتي اتجننتي . كنتي هتعملي ايه . انتي متعرفيش انا مين
دينا شدت ايدها منو لتاني مرة و قالتلتو بسخرية .. مين يعني . ابن رئيس الجمهورية
وسبتو ومشيت
وهو قال .. هجيبك بردو
دينا خرجت لاقت يارا ويوسف واقفين مستنينها
سلمت عليهم ووفقت تهزر معاهم
خرج كريم وهو. متضايق واول ما لمحها واقفة مع يوسف وبتهزر معاه
قرب عليها بسرعة وهو بيقول بسخرية .. ماالاانسه بتتعرف اهو وبتصاحب وبتهزر كمان . امال عامله فيها محترمة ليه
دينا بغضب .. اخرس ياحيوان
كريم .. اخرس ايه بقا مانتي مقضياها اهو . طب قولي انك مصاحبة مكانش ليها لزوم النمرة اللي عملتيها جوه دي وانك مش بتاعت الكلام ده
يوسف بحدة .. كريم اسكت في ايه.ايه اللي انتا بتقولو ده
يارا .. في ايه ياكريم انت الزاي تكلم دينا كده
كريم .. هي اسمها دينا
دينا .. هو انتو تعرفو الحيوان ده
يوسف ضحك وقال .. دا كريم ابن عمي
دينا بصدمة .. ايه . ابن عمك
يارا .. هو انتو متعرفوش بعض وبعدين اتذكرت وقالت .. ااه . انت مكنتش موجود في عزومة امبارح وماشوفتش دينا ولا تعرفها علشان كده
كريم كان مش فاهم حاجه
يوسف .. كريم دي دينا بنت عمتك سحر
كريم .. عمتي سحر مين
يارا .. عمتك سحر اللي كانت عايشه بعيد عننا
دي بقا دينا بنتها واخت ريم مرات حازم
كريم .. بجد وبص لدينا وقال . مش كنتو تقولو إن القمر دي بنت عمتي
دينا بصتلة بقرف
يارا .. اديك عرفت . ايه اللي حصل بقا بينكم جوا
كريم وهو بيبص لدينا بإعجاب .. لأ دا كان سوء تفاهم بس خلاص
دينا بصتلهم وقالت .. انا ماشية
وقبل ماتتحرك
كريم قال .. ممكن متزعليش مني
دينا مرتدش عليه وراحت تمشي
كريم قال .. استني لو سمحتي
دينا وقفت بنفاذ صبر
كريم .. ممكن اوصلك
دينا .. نعم!
كريم بسرعة .. عادي يعني بما اننا طلعنا قرايب . وبعدين انا عاوز اسلم علي عمتي . كان نفسي اشوفها بس ياخسارة رجعت بعد ما مشيت
كريم .. قولتي ايه
دينا ... ماتروح تسلم عليها براحتك انا مالي بيك
كريم .. وفيها ايه اني اوصلك في سكتي وانا رايح
يارا .. مفيهاش حاجه يادينا خليه يوصلك
دينا سكتت
كريم .. ها موافقة
دينا هزت راسها بهدوء .. اتفضل
......................................
مساءا
في الفيلا
كانو هنا وشهيرة قاعدين وتامر كان بيصالح في هنا حازم نازل من فوق
تامر .. يلا ياهنا بقا
هنا .. يلا علي فين
تامر .. تمشي معايا
هنا .. انا مش هامشي معاك ومش هرجعلك تاني يا ريت بقا تطلقني بهدوء .. يااما هخلعك
تامر باستغراب .. ايه هتخلعيني
هنا بقوة .. اه هخلعك ياتامر . ايه مش مصدقني بجد هاعمل كده لو مطلقتنيش . احسلك بقا تطلقني بهدوء وانا شايفة إن ده احسن ليك بدل مايتقل منك قدام الناس
تامر وهو موجه كلامو لحازم .. شايف اختك وقلة ادبها .يعني لما اقوم اكلها قلمين دلوقتي ابقي عندي حق ولا لأ
حازم .. امشي مع جوزك وبطلي جنان يا هنا انتي فاهمه الموضوع غلط الرسالة اكيد اتبعتت بالغلط زي ما قالك
هنا قامت بعصبية وقالتلو .. وانتا هتقول ايه يعني ماانتا لازم تدافع عنه . ماانتا ماتفرقش عنه حاجة. طول عمركم بتحبو الرمرمة . انتو الاتنين زباالة زي بع..
هنا مكملتش كلامها ومرة واحدة كانت واقعة على الأرض من شدة القلم اللي نزل علي وشها من حازم
شهيرة جريت عليها وقومتها وهي بتقول لحازم .. معلش ياحازم هي متقصدش
هنا وهي حاطه ايدها على وشها .. لأ اقصد . انا مقولتش حاجة غلط . ولا هي الحقيقة بتزعل
شهيره .. ماتخرسي بقا
حازم بغضب .. اقسم بالله كلمة زيادة وما هيطلع عليكي نهار
شهيرة .. صدقي اننا معرفناش نربيكي . تعالي معايا
وخدتها وطلعت على فوق
.............
تاني يوم انجي كانت خارجة من الجامعة وهي تايهة
فجأة لاقت آدم واقف قدامها
انجي بحزن .. آدم
آدم مردش عليها واتحرك ناحية عربيته اللي وافقة وركبها ما وقبل ما يتحرك
انجي قربت عليه .. آدم . ممكن نتكلم
آدم بجمود .. نتكلم في ايه
انجي .. آدم . انا اسفة
آدم . اسفة على ايه ياأنجي هات علي ايه
انجي ممكن بس نتكلم
آدم خد نفس وفتح العربية وقالها .. اركبي
انجي ركبت .. انا اسفه ياادم بس احنا فعلا مش هينفع نكمل مع بعض
ضحك بسخرية وقال .. دا انتي كنتي بتلعبي بيا بقا وانا مش واخد بالي . ايه حنيتي لحبيب القلب
آدم .. وانا اللي كنت مصدقك . مكنتش اعرف انك زبالة اوي كدة . كنت استبن انا مش كدة
انجي بدموع وبدون وعي قالت .. انت مش فاهم حاجه
اللي حصل كلو غصب عني . اناخايفه عليك افهم بقاا
آدم .. خايفه عليا من ايه . ويعني ايه غصب عنك
آدم قرب منها وقالها .. ياسين ليه يد في الموضوع ده صح
انجي بخوف هزت راسها برفض وهي بتعيط وقالتلو ..ل لأ
آدم .. لأ ايه . ممكن تفهميني ايه اللي حصل
آدم .. اصل لو غصب عنك يبقي مفيش غيره ياسين
انجي بعياط .. انا خايفه عليك انت مش قدو . مش هيسيبنا في حالنا انا عارفه
آدم .. وانتي فكراني هخاف منو
انجي .. لازم تخاف
آدم .. يبقي متعرفنيش
وقال في نفسه ياانا ياهو
انجي وهي بتعيط .. آدم انا آسفة مش هينفع نكمل مع بعض . ابعد. عني علشان متتأذيش بسببي
وفضلت تعيط جامد
آدم .. طيب اهدي انا مقدرك ومش زعلان منك
انجي .. بجد
آدم هز راسه وقال . ايوا انتي مالكيش ذنب في حاجة عارف انو غصب عنك
آدم .. انا هروح اجيبلك عصير علشان تهدي
انجي .. لأ انا ماشيه السواق مستنيني
آدم .. خمس دقايق هنشرب العصير بس
آدم نزل من العربيه وراح جاب اتنين عصير ورجع
فتح باب العربية وركب وقالها .. خدي اشربي
انجي خدت منو العصير وشربت منه
وبعد ثواني كانت نامت
وادم بص عليها بخبث وهو بيقول .. لما نشوف بقا ياياسين مين فينا اللي هيدوس علي التاني ويكسره
وشعل العربية وطلع بيها
الم البداية
الفصل الثامن والثلاثون
شهيرة .. صدقي اننا معرفناش نربيكي انتي قليلة الادب . الزاي تتكلمي مع جوزك وأخوكي بالطريقة دي
هنا وهي مش مصدقه موقفهم .. يعني بقيت انا دلوقتي اللي غلطانه
وابتسمت بسخرية
وقالت .. اخويا وجوزي دول خاينين ياماما اللي بتدافعي عنهم دول
شاورت علي تامر وقالت .. جوزي ده خاني . خاني انا ياماما
عارفه يعني ايه خاني .
وكملت كلامها بتكبر وتعالي.. الزاي انا اتخان الزاي . الزاي يسمح لنفسه يخوني
تامر قرب منها وقال .. هو ده عيبك ياهنا . طول عمرك غرورك وكبريائك هما اللي مسيطرين عليكي
تامر ابتسم وقال .. يعني كل اللي فارق معاكي دلوقتي الزاي تتخاني اذاي انتي هنا هانم تتخاني . الزاي واحدة زيك تتخان الزااي
.. طب ليه ماتسأليش نفسك انتي ليه اتخانتي . قولي لنفسك ليه
ليه يخوني . ودوري . دوري و شوفي نفسك شوفي ايه اللي يخلي جوزك يبص بره . راجعي نفسك شوفي انتي مقصرة ولا لأ اساليني وقوليلي .ليه
هنا بستهزاء .. هيكون ليه غير ان عينك زايغة
كملت بسخرية وقالت .. ومع ذالك اديني اهو بسألك . ليه . قولي علي اخطاءي قولي ياتامر باشا ليه خونتني . عملتلك ايه علشان تخوني . عملت ايه اناا علشان تعرف عليا ستات تانيين
تامرضحك جامد . وبعدين قال .. عملتي ايه . قولي معملتيش ايه .. انتي مهتمتيش ياهنا ولا عرفتي تحافظي عليا . ولا قدرتي حبي ليكي
تامر قرب وقالها ببتسامة وجع .. انا اتجوزتك عن حب واقتناع ورغبة . حبيتك ياهنا
طول عمري وانا بحبك وبعشقك طول عمري بتمناكي
عمري مااتمنيت غيرك تشاركني حياتي ..
لكن انا فين بقا في حياتك . موجود فين ياهنا
هنا كانت لسه هتتكلم
بس تامر قال .. خليني اقولك انا . انا مش موجود في حياتك خالص
خد نفس وقال ..
حياتك اللي كلها خروجات مع صحابك ولما ترجعي ترجعي هنا علي بيت ابوكي ولا كأنك متجوزة ومسؤلة عن بيت وزوج
دايما برجع البيت مش بلاقيكي . عمرك استنيتني ارجع . اهتميتي بيا .
هز راسه وقال .. لأ محصلش .. طيب انا كراجل ليا حقوق فين
صرخ بيها وقال .. قوليلي فين هيا ياهانم . فييين ....
متضايقه اني بخونك طب ماانتي السبب . كام مرة نبهت عليكي وانتي ولا الهوا . انا مش فارق معاكي ومش في اهتماماتك ياهانم . كل اللي فارق معاكي خروجاتك وصحابك والبراند اللي هتلبسيه ... بتخرجي وتدخلي براحتك ولا كأن في راجل متجوزاه تستأذني منه . بقيت بحس اني بلا قيمة
وقتها لاقيت اللي قربت واهتمت . لاقيت اللي عندها استعداد تقعد تحت رجلي وتتمني رضايا .
وبرغم تقصيرك وقلة اهتمامك ومع ذالك معرفتش اشوف غيرك ومش عارف اشوف غيرك .
خونت . اه خونت مش هنكر وقولك مخونتش . بس انتي السبب انتي اللي اديتيلي الفرصة دي انتي اللي مهتمتيش وخلتيني ادور علي الاهتمام بره ..
هنا بسخرية .. اهتمام ايه اللي بتتكلم عنه
تامر .. عندك حق اهتمام ايه .
هز راسه بيأس وابتسم وقال .. طيب واحدة زيك مش عارفه يعني ايه اهتمام اكلمها الزاي . واحدة مش مقنتعه اصلا . واحدة مش فارق معاها غير نفسها . واحدة اول ما تصحي من النوم تجري علي بيت ابوها .
تامر .. بصحي من نومي مبلاقكيش جمبي الاقيكي نزلتي . عمرك قولتي استني جوزي افطرو قبل ماينزل
ابتسم بسخرية علي نفسه وقال .. دا انا لما بحب اشوفك باجيلك هنا .... قوليلي كام مرة كلمتيني وسألتيني عن يومي . فكريني كده لما برجع وانتي موجودة بالصدفة بتفكري تحضريلي غدا او عشا . وتقعدي تتكلمي معايا ..
كمل بصوت عالي ..انا مش موجود في حسابات الهانم خالص
شهيره كانت واقفة مصدومه في بنتها بعد كلام تامر
وحازم كان متأثر من كلامو لأنو راجل زييو وفاهم انو محروم من حقوقه
اما هنا كانت بتسمعو ببرود وهي مش فارق معاها ومش مقتنعة باللي بيقولو اصلا وشايفه ان دي مش مبررات للخيانه
هنا ببرود وسخرية .. تمام طالما انا طلعت بشعة اوي كدة .. طلقني ياتامر وريح نفسك
تامر وهو شايف كبرياءها اللي واقفة بيه والبرود اللي ظاهر علي ملامحها والسخرية اللي بتتكلم بيها ابتسم وقالها .. مش هيحصل ياهنا وخلي كبرياءك ينفعك . وخليكي هنا لكن طلاق مش هتطلق . وهتجوز عليكي اللي تهتم وتراعي وتحسسني برجولتي اللي انتي دايسه عليها بجزمتك البراند
تامر خلص كلامه وخرج
وهنا كانت مصدومه من اخر جملتين قالهم وانو ممكن يتجوز عليها بجد
...............................................
عند انجي كان آدم خدها في العربية وطلع بيها علي شقته
قدام الجامعة ياسين وقف بعربيته ونزل منها وهو بيتلفت علي انجي بص لقي السواق الخصوصي ب إنجي واقف بعيد وباين عليه بيدور علي حد
ياسين قرب عليه بسرعة وهو بيقولو .. هي فين انجي ياابراهيم
ابراهيم .. انا بدور عليها مش لاقيها ياياسين بيه
ياسين بقلق .. الزاي يعني . يعني ايه مش لاقيها .هي خرجت اصلا من الجامعة
ابراهيم .. ايوا خرجت هي كانت هنا من شوية وقالتلي استناها في العربية عشر دقايق وبعدها راحت ركبت مع خطيبها عربيته
ياسين اول ماسمع كده قال بغضب .. خطيبها مين
ابراهيم ... استاذ آدم . لما شوفتها ركبت معاه . قولت يمكن هيوصلها رحت مكلمها عشان اسألها قالتلي
لأ. استناني
قعدت استناها في العربية ولما لاقيتها اتأخرت نزلت اشوفها ملقتهاش ولا لاقيت العربية ولا لا قيت استاذ آدم علشان اسألو عليها . واهو بحاول بكلمها من ساعتها تليفونها مقفول
ياسين كان بيسمعو بجنون وهو دماغو بتودي وتجيب
ياسين حاول يكلمها لاقي فعلاً تليفونها مقفول
ياسين بص للسواق بغضب .. وانت الزاي تسيبها تركب معاه . مامنعتهاش ليه
ابراهيم وه مش فاهم حاجه .. ماينفعش امنعها يا ياسين بيه دا خطيبها وبعدين هو اوقات كان بيوصلها . كنت باجي اخدها تقولي امشي انت وكانت بتركب معاه ويوصلها هو وعشان كده قولت النهاردة اكيد هيوصلها زي كل مرة . بس مستغرب علشان هي قالتلي استني وانها هتروح معايا
ياسين كان واقف يتنفس بغضب وعصبية وبعدين راح ركب عربيته بس قبل ما يطلع كلم حد بيفهم في التكنولوجيا وبعتلو رقم آدم وقالو انو عايز يعرف مكان الشخص ده فين عن طريق رقم الهاتف
وبعد دقايق كان الشخص رد عليه وقالو بالظبط مكانو فين
وكان العنوان هو شقة آدم اللي ياسين يعرفها كويس
وبسرعة كبيرة طلع بعربيتة علي العنوان
ياسين كان سايق بجنون وهو بيتخيل في دماغو مليون حاجة وبيدور في دماغو مليون سؤال وسؤال ايه اللي يخلي انجي تروح مع آدم شقته
ياسين غمض عينه بغضب ومرة واحدة راح خبط بإيدة علي العربية بغضب
.................................
عند انجي كانت نايمة على السرير فتحت عينيها بتعب لاقت نفسها في اوضة غريبة
قامت وهي مش فاهمه حاجه وقربت من باب الاوضة وفتحته لاقت آدم في وشها كان داخل
انجي وهي حاسه بصداع .. آدم انا فين وايه اللي حصل
وبصت حواليها وقالت .. انا هنا بعمل ايه وجيت امتا والزاي .انا مش فاكره حاجة . ايه اللي حصل
آدم .. مفيش انتي بس تعبتي شويه واغمي عليكي وانا جبتك هنا
انجي .. وانتي الزاي تعمل كدة وتجيبني هنا
آدم .. كنتي عاوزني اعمل ايه .انتي كان مغمي عليكي
انجي .. طيب انا عايزة امشي انا اكيد متأخرة .لازم امشي
وهي بتبص حواليها . فين حاجتي
آدم قرب منها .. استني بس .انتي لسه مش فايقة كويس
انجي .. ل.لأ انا كويسة
ولسه هتخرج من الاوضة
آدم بجمود .. انتي مش هتمشي من هنا ياانجي
انجي بصتلو باستغراب وهي مش فاهمه حاجه .. يعني ايه
آدم ببرود .. يعني انتي من حقي النهارده
انجي بدون فهم .. انت تقصد ايه
آدم .. يعني مش هتمشي غير لما اخد اللي انا عايزو
انجي بخوف لما بدأت تفهم .. ا.انت ع.عايز ايه
آدم ببرود .. عايز حقي فيكي
انجي برعب وهي بتبعد عنو .. حق ايه . انتي عايز مني ايه .سيبني امشي
وراحت تمشي بسرعه
لكن آدم قرب عليها بعد ما قفل الباب وهو بيقول بإصرار .. لازم اخد حقي .ماهو مش معقول ياسين هو اللي يكسب في كل حاجة
انجي كانت واقفة بزهول وهي بتسمعو ومش مصدقه
انجي بخوف .. انتي اكيد بتهزر صح . قولي انك بتهزر معايا و مش هتعمل كدة اكيد
آدم بحقد .. لأ هعمل كده
انجي هزت راسها برفض وهي مش قادرة تستوعب
ابتسم بسخرية وقال .. ومدام هو عايزك ومش هيتنازل عنك . ياخدك ويشبع بيكي . بس مش قبل ما انا اخد حقي
وكمان اعلم عليه . ولا انتي فاكرة اني هسمحلو هو اللي يعلم عليا .
وكمل بغل .. دا انا مش هرتاح غير لما اكسره بيكي وادوس عليه قبل ماهو يدوس عليا
انجي كانت واقفة دموعها نازلة وجسمها بيتنفض من الخوف وهي مصدومه في آدم وانو الزاي حيوان كدة
انجي بعياط وهي مرعوبه .. سيبني امشي ابوس ايدك . خرجني من هنا .انا مأذيتكش في حاجة حرام عليك
وراحت تفتح الباب
بس آدم وقف علطول قدامها .. رايحة فين
انجي بعياط .. خليني امشي ارجوك
آدم .. هتمشي بس بعد ما اخد اللي انا عايزو
انجي بغضب رفعت ايدها وراحت ضربته بالقلم
آدم مسكها بغضب وراح هاجم عليها
انجي فضلت تصرخ وتقول .. ابعد عني ياحيوان
آدم مره واحده شق هدومها وابتدي يعتدي عليها
وانجي فضلت تصرخ وتقول ابعد عني ابعد عني وهي بتحاول تقاومو
بس هو كان غير مبالي لصريخها وفضل مكمل
آدم مكانش شايف غير انو لازم يغتص.بها علشان ينتقم من ياسين
الم البداية
الفصل التاسع والثلاثون
ياسين وقف بالعربية قدام العمارة وقبل ماينزل خد سلا.حه ونزل دخل العمارة وطلع خد السلم في خطوتين
ياسين وصل قدام الشقه وبغضب راح دافع الباب برجله كسره واول ما دخل سمع صوت انجي وهي بتصرخ وبتقول .. ابعد عني ابعد عنييي
ياسين مشي ناحية الصوت بجنون وفتح باب الاوضة واول ماشاف المنظر كان هيتجنن
آدم كان زقها على السرير بغضب وبيحاول يعتدي عليها بعد ماقطع هدومها
ياسين بسرعة قرب من آدم بغضب وشدو من عليها وفضل يضرب فيه بغضب وغل
انجي كانت منهارة بعد ما رجعت لأخر السرير وكان جسمها كلو بيترعش من الخوف وهي ضامه نفسها برعب وهي شايفه ياسين بيضرب في آدم بغضب اعمي
ياسين بغضب وهو بيضرب فيه ... بقي عايز تلمس حاجه بتاعت ياسين المهدي يابن *******
ياسين مكانش شايف قدامه من الغضب لدرجة أن آدم من كتر الضرب اللي اخدو كان زي الجثه في ايدو مش بيتحرك ومش قادر حتي يدافع عن نفسه وياسين بردو مكمل
انجي كانت شايفه المنظر ومرعوبة وفي نفس الوقت مش قادرة تنطق ولا تقوم كانت حاسه نفسها مشلولة
لكن مره واحده استجمعت قوتها وقامت جريت علي ياسين وهي بتعيط وقالتلو بترجي .. سيبو سيبو هيمو.ت في ايدك وهي ماسكه فيه وبتترجاه
لكن ياسين كان الغضب عاميه
ولما انجي قالت كده ياسين افتكر انها خايفة عليه
راح زقها بعيد وطلع مسد.سه
انجي اول ماشافت المسدس فضلت تصرخ وتقول .. لاأ
اوعي تعمل كده عشان خاطري . عشان خاطري سيبو وهي بتعيط بانهيار
بس ياسين مرة واحدة راح ضارب آدم ط.لقه في كتفه
انجي وهي بتصرخ بجنون .. لييه قتلته . لييييه
وراحت واقعه علي الارض فاقدة الوعي
ياسين قرب منها وشالها ونزل بيها وحطها في العربيه وحاول يفوقها بس مفيش فايدة
ياسين وهو في الطريق كلم حد من رجالته وقالو انو يروح ياخد آدم من الشقه ويوديه علي المخزن ويجيب ليه دكتور يعالجه
الراجل قالو .. تمام ياباشا
ياسين فضل ينبه عليه ويقولو .. تجيب ليه دكتور في اسرع وقت وأكمل بغل وهو بيتوعدلو لأدم وقالو مش عايزو يمو.ت انا عايزو يعيش علشان الموت ليه رحمه من اللي هيشوفه علي ايدي
......................................
عند هنا كانت في اوضتها بتعيط ويارا جمبها بتهديها
يارا .. عشان خاطري متزعليش . هما كده الرجالة كلهم خاينين صدقيني هو مايستاهلش اصلا انك تزعلي علشانه
هنا .. انا مش زعلانه علشانه . انا زعلانه علي نفسي وعلي كرامتي اللي البيه هانها لما راح عرف عليا واحدة زبالة شبهو
شهيرة دخلت وهي سامعة كلامها بصت ليارا وقالت بهدوء .. سيبينا لوحدنا يايارا
يارا .. حاضر
وراحت قايمة وخرجت من الاوضة
هنا بصت لمامتها بعتاب
شهيره قعدت جمبها وقالت .. انتي اللي غلطانه
هنا بصت ليها بعصبية ولسه هتتكلم
بس شهيرة .. اي عايزاني اضحك عليكي واقولك انتي صح
شهيره اتنهدت وقالتلها .. بصي ياحبيبتي .. انا مش هقولك إن جوزك مش غلطان . بالعكس هو غلط
وغلط غلط كبير كمان . بس بصراحة انتي السبب ياهنا
ياما قولتلك ونبهت عليكي وقولتلك ان تامر بيحبك وبيشعقك خلي بالك منو واهتمي بيه .بس انتي مكنتيش بتسمعيني . ولما كنتي بتيجي تشتكي وتقولي شاكه انو بيعرف عليا ستات كنت بقوللك احتويه ومتخليهوش ناقصة حاجة ولو كان فعلا بيبص بره هيرجع لما يشوف اهتمامك وهيفضل معاكي وليكي لوحدك . قولتلك متضيعهوش من ايدك . بس انتي عملتي ايه مكنتيش بتسمعي ليا اصلا . طيب كنتي مستنيه ايه يفضل تحت رحمتك لوقت ماتحني عليه وتفتكريه . ماهو مفيش كده وكل واحد وليه طاقة ودا راجل
شهيرة .. دي الوحدة لما جوزها بيهملها ممكن تضعف من اي كلمه يقولها ليها اي راجل بره لما يحسسها بالاهتمام وممكن تغلط ساعتها لما تلاقي الاهتمام من حد تاني . مابالك بقا بالراجل
هنا وهي مش فارق معاها كل اللي شهيرة قالته .. يعني دلوقتي بقيت انا اللي غلطانه وهو الملاك البريء انتي بتبرريلو خيانته ليا . وابنك التاني بيضربني عشانه .. كملت بعصبية .. هو انا مش بنتكو . بتعملو معايا كدة ليه
دا بدل ماتيبقو في ضهري وتقفو ليه بتنصفوه عليا
شهيره .. مين اللي نصفو عليكي
هنا بسخرية .. انتو . مش ابنك ده اللي ضربني بسببو
شهيرة .. لأ ابني ده اللي هو اخوكي الكبير عمل كده لما انتي وقفتي وبجحتي فيه قدام جوزك وغلطتي فيه وفي جوزك .. كنتي عاوزاه يعمل ايه يطبطب عليكي .وانتي واقفه تشتمي وتغلطي ومش محترمه حد
هنا مسحت دموعها وقالت .. تمام انا غلطانه لو ده اللي هيريحكو . بس انا بقا هتطلق ومش هعيش معاه ثانيه واحده ولو موقفتوش جمبي انا فعلا هخلعه ياماما
شهيره هزت راسها بيأس وقالت .. مفيش فايده
اخربي بيتك وبهدلي بنتك علشان ترتاحي ياهنا
وسابتها وقامت
.................................
عند ياسين بعد ماراح المستشفى ب إنجي
كان واقف وهو مستني الدكتور يخرج
الدكتور خرج وياسين قرب عليه .. مالها يادكتور
الدكتور .. هي حالة انهيار عصبي
ياسين .. فاقت يعني
الدكتور .. شوية وهتفوق بس ربنا يستر ومتدخلش في في صدمة نفسية
الدكتور مشي وياسين فضل مستنيها تفوق علشان يعرف منها ايه اللي يخليها تروح مع آدم شقته
هو طبعا مايعرفش ان أدم خدها وهي نايمة بعد ماشربت العصير
ياسين كان هيتجنن ودماغو عمالة تودي وتجيب
ياسين قام دخل عندها وفضل يبص عليها بجمود وهي نايمة
..........................................
عند تامر راح لبوسي الشقة
بوسي فتحت الباب وأول ماشافته حضنته بلهفه وهي بتقول بفرحة وحب .. وحشتني وحشتني اوي
بوسي بستغراب لما لاقته هادي ومش بيتكلم
بعدت وقالت .. مالك ياحبيبي
تامر دخل بهدوء وهو ساكت
بوسي دخلت وراه وهي مستغربه
قعدت جمبه وهي بتقولو .. مالك
تامر بهدوء .. مفيش
بوسي .. يعني ايه مفيش . انت شكلك متضايق . في اي
ايه اللي مضايقك
تامر بغضب .. قولتلك مفيش . بتسألي كتير ليه
بوسي .. انا اسفة . بس كنت عايزة اطمن عليك
بوسي سحبت نفسها بهدوء وراحت عملت عصير ليمون
وبعد دقايق خرجت وهي معاها العصير وقعدت جمبه
كان هو حاطط راسه بين ايديه بحزن
بوسي وهي بتحط أيدها علي شعره .. تامر
تامر رفع وشه ليها وهو عينه حمرة من الحزن
بوسي مكانتش فاهمه حاجه بس خافت تسأله تاني
لكن حبت تخرجه من اللي هو فيه بطريقتها
بوسي مسكت كوباية العصير وقالت .. ممكن تشرب دي
تامر بصلها ومتكلمش
بوسي .. علشان خاطري
تامر خد الكوبايه من أيدها وشرب منها بسيط وحطها
بوسي قربت منو وحطت راسها علي كتفه ومسكت ايده
بوسي .. بحبك اووي . انت متعرفش انا بحبك قد ايه
تامر رفع راسها من علي كتفه ومسك وشها بأديه وهو بييبصلها جامد
بوسي .. بحبك ياتامر
تامر سابها وغمض عينه وهو بيتنهد بتعب
بوسي قربت منه وحضنته وبعدين بعدت وهي بتبص في عنيه وابتدت تقرب منه علشان تبوسه
تامر قرب هو كمان بضعف ولسه هايبوسها
بوسي غمضت عينيها
لكن تامر مقدرش
راح بعد مره واحده وهو بيمسح علي وشه
وبعدين خد مفاتيحه وقام فتح الباب وخرج
بوسي بصت عليه بدموع
.............................................
في المستشفى
انجي فتحت عينيها بتعب بصت لاقت ياسين قاعد قدامها وبيبص عليها وهو ثابت
انجي علطول اتذكرت اللي حصل وبدأت دموعها تنزل
ياسين بجمود .. روحتي معاه ليه
انجي كانت بتعيط بس
ياسين كرر سؤاله تاني بنفس الجمود .. روحتي معاه ليه
انجي بصتله وهزت راسها برفض وقالت .. مروحتش معاه
ياسين بسخرية .. . امال كنتي عندو الزاي
انجي بدموع وهي خايفة .. مش عارفه . ه هو قالي اني تعبت في الجامعة واغمي عليا
انجي .. انا مش فاكره حاجة
ياسين قرب منها وهو بيحاول يفهم .. مش فاكره ايه
انتي مش كنتي واقفة معاه قدام الجامعة . ايه اللي حصل وقتها
انجي .. حطت أيدها علي دماغها وهي بتحاول تفتكر
انجي مره واحده قالت .. العصير
ياسين كان مش فاهم حاجه
ياسين .. عصير ايه
انجي بتوتر .. ه هو ج جابلي عصير .سكتت ثواني وقالت .. اكيد كان فيه حاجه
انجي .. انا مش فاكره غير اني قومت لاقتني في شقته
انجي بخوف .. والله ماروحت معاه بمزاجي هو اكيد خدرني
ياسين بغضب .. وانتي ايه اللي خلاكي تقفي معاه من الاول
انجي بلعت ريقها بخوف وهي مش عارفه ترد
ياسين بغضب .. رددي
انجي .. ا.انا كنت بفهمو والله اننا مش هينفع نكمل مع بعض
وانو ينساني
ياسين بزعيق .. وتفهميه لييه . مايتفلق
ياسين مسك وشها بغضب وقالها .. هو ده اللي زعلانه عليه . دا كلب
انجي كانت بتعيط بشهقات وهي بتقول .. مكنتش . اعرف .انو.. هيطلع حيوان
ياسين ابتسم بسخرية وبعدين قالها وهو بقرب منها جامد .. انتي عارفه انا لو مكنتش جيتلك بالصدفة الجامعة وعرفت من السواق انك كنتي معاه كان زمان حصلك ايه دلوقتي ولا عمل فيكي ايه
انجي فضلت تعيط وهي بتتخيل فعلا لو كان ياسين مكانش لحقها في الوقت المناسب كان زمان الحيوان ده اغص.بها
ياسين تلفونه رن قام خرج ورجع وهو معاه هدوم ل انجي بدل اللي كانت لابسها
ياسين دخل وقالها البسي دول
وخرج
.................................................
في بيت شريف
مامت انجي كانت بتحاول تكلمها لما لاقت الوقت أتأخر وانجي لسه مرجعتش من الجامعة فضلت تحاول تكلمها بس الفون كان بيديها مغلق
ليلي قلقت علي بنتها وراحت كلمت جوزها
وقالتله
شريف .. يعني ايه لسه مرجعتش
ليلي بقلق .. مش عارفه وفونها مقفول
شريف قفل معاها وعلطول كلم السواق
والسواق حكالو علي اللي حصل وأنها كانت مع آدم
وقالو أن ياسين بردو جي وسأل عليها
شريف قفل وكلم ياسين
ياسين رد عليه وقالو أن انجي معاه وفي المستشفى
شريف قام بسرعه وطلع علي المستشفي
وبعد وقت قصير كان وصل ودخل المستشفى وهو قلقان
لقي ياسين خارج من الاوضة
شريف بغضب .. ايه اللي حصل عملت في بنتي ايه ياياسين
ياسين بهدوء شاورله علي جوه وقاله بنتك عندك اهي اسألها ياعمي
شريف بسرعة دخل ل انجي
شريف قرب منها بلهفة وخدها في حضنه
وانجي فضلت تعيط في حضن ابوها
شريف خرجها من حضنه ومسك وشها وهو بيقول بقلق
.. حصل ايه ياحبيبتي وتعبتي الزاي والكلب ده عملك ايه
قصده علي ياسين
انجي فضلت تعيط وهي بتحكيلو اللي حصل وعلي اللي آدم عملو ولولا ياسين لحقها كان زمانها ضاعت
شريف كان بيسمع بغضب وهو مش مصدق اللي حصل لبنته شريف خدها في حضنه وغمض عينه بغضب. وهو بيتوعد لأدم وعيلته
شريف خرج بره ل ياسين
شريف .. الواد ده فين دلوقتي
ياسين .. بعت الرجاله ياخدوه المخزن
شريف بتوعد .. خالي بالك منو . انا عايز الواد ده . اوعي يهرب منك ياياسين
ياسين .. متقلقش
بعد وقت كانو خرجوا من المستشفى ورجعو البيت
شريف دخل البيت وهو معاه انجي اللي باين عليها التعب
ليلي كانت قاعدة مستنيه اول مادخلو قامت بسرعه وخدت انجي في حضنها
ليلي وهي بتطمن عليها .. انتي كويسة ياحبيبتي . ايه اللي حصل
ليلي بقلق وهي شايفه منظر بنتها
بصت لشريف وقالتلو .. حصل ايه
شريف بهدوء .. طلعيها اوضتها تستريح . وبعدين قال ومتتكلميش معاها في حاجة سيبيها تستريح
ليلي خدتها لاوضتها وفضلت معاها لما نامت وهي قلقانه ومش فاهمه حاجه
وبعدين نزلت وسألت شريف انجي حصلها ايه
شريف قالها علي اللي حصل وهي كانت بتسمعو وهي مصدومه وفضلت تعيط علي بنتها وقعدت تحمد ربنا انو نجاها
......................................
عند حازم
بص لقي ياسين بيتصل
حازم رد عليه لقي ياسين صوته مخنوق ومش قادر يتكلم
حازم بقلق .. ياسين في ايه . انت كويس
ياسين بدموع .. انجي كانت هضيع مني ياحازم
حازم بقلق .. مالها حصل ايه
ياسين حكالو اللي حصل
ياسين .. انا خايف اخسرها ياحازم
كمل بندم واضح .. انا حاسس ان ده ذنب مرام .. بس انا والله مأذيتهاش ومخلتش حد يقرب منها
انا بس عملت التمثيلية دي علشان انتقم من ابوها
حازم .. اهدي واحمد ربنا أن انجي كويسة ومحصلهاش حاجة
..........................................
تاني يوم في الجامعة
دينا كانت خارجة
وفجأة في عربية وقفت قدامها وفرملت مره واحده
دينا اتخضت ومره واحده قالت بعصبية .. مش تخلي بالك ياحيوان
كريم نزل من العربيه وقالها .. انتي علطول كده . مش بتعرفي تلمي لسانك ده
دينا .. هو انت . انت عايز ايه .وجي هنا ليه اصلا
كريم .. جاي علشانك
دينا .. وانت جاي علشاني ليه
كريم .. مش انتي طلعتي بنت عمتي
دينا .. ايوا للأسف . بس بردو جايلي ليه مش فاهمه
كريم ببرود .. اركبي
دينا .. نعم !
كريم .. اركبي بقوللك
دينا .. اركب ليه
كريم .. هوصلك
دينا .. لأ متشكرين . انا هروح لوحدي
كريم بحده .. اركبي . معندناش بنات تمشي لوحدها
دينا .. نعم . وانت مالك بيا اصلا
كريم ببرود .. انتي لحقتي تنسي . انتي المفروض دلوقتي بنت عمتي وملزومة مني
دينا باستغراب .. ملزومة منك دا اللي هو الزاي يعني
كريم .. والله لما كنت مع عمتي امبارح . قالتلي خلي بالك منها
دينا بعدم تصديق .. ماما طلبت منك كده
كريم .. اه يرضيكي بقا ارفض ليها طلب ده حتي عيب .. يلا اركبي
دينا فضلت واقفة
كريم .. مستنيه ايه .. يلاا
دينا بصتله بغيظ وركبت
وكريم ابتسم وركب هو كمان
..........................................
عند ريم كانت في صالون التجميل بتاعها
ريم كانت واقفة مع بنت بتفهمها الشغل لحد ما تليفونها رن وكان حازم
ريم بصت للبنت وقالتها روحي اعملي زي ما قولتلك
البنت مشيت وريم ردت علي حازم اللي اول كلمه قالها .. انزلي ياريم انا تحت
ريم وهي مش مصدقه .. تحت فين
حازم .. مش انتي في شغلك
ريم .. اه
حازم انا مستنيكي تحت . انزلي
ريم بصت بسرعة من الشباك لاقت فعلا عربيته واقفة
ريم رجعت وهي بتقول باستغراب .. هو في حاجة
حازم .. مفيش بس عايز اشوفك بس . انزلي
ريم .. حاضر
وقفلت معاه ونزلت
ريم فتحت العربية وركبت وقالت .. في ايه . انت كويس
حازم مسك أيدها وقالها .. عايز ابقي معاكي النهارده ممكن
ريم كانت حاسه انو زعلان ف سألته تاني .. هو انت كويس
حازم خد نفس وقالها .. مخنوق شويه وعايزك تبقي معايا
.. تعالي نخرج
ريم هزت راسها .. حاضر
حازم باس أيدها وقالها .. ربنا يخليكي ليا
.......................................................
عدي اسبوع ماحصلش في اي تغيير
عند نرمين
كانت مستنيه يارا اللي كانت واخده يحيي ورايحالها
يارا وصلت ويحيي معاها نرمين اول ماشافت يحيي خدته في حضنها بحب ودموع زي كل مره بتشوفه
نرمين وهي شايله يحيي ومش عاوزه تسيبه .. تعالي يايارا اتفضلي
بعد ماسلمت عليها
يارا .. شكرا . انا عندي كورس ولازم اروح
يارا مشيت ونرمين خدت يحيي ودخلت جوه
صافي كانت قاعدة اول ماشافته ابتسمت وفتحت أيدها وهي بتقول .. حبيب تيتا واحشني اوي
يحيى جري عليها وهي حضنته بحب
بعدين يحيي قال . فين مرام
نرمين بصت لمامتها بحزن
يحيي .. فين مرام ياماما دي واحشاني اووي
يحيى .. هي في اوضتها . انا هروح اشوفها
وراح علطول يطلع علي فوق علشان يشوف مرام
بس نرمين وقفته وقالت .. هي مش فوق ياحبيبي
يحيي بزعل .. امال هي فين . هي لسه تعبانه
نرمين نزلت لمستواه وقالتله .. . اي رأيك نروح نشوفها
يحيى ايوا انا عاوز اشوفها هي وحشاني اوي
نرمين .. خلاص انا هطلع البس ونروح
..........................
وبعد وقت
في المستشفى عند مرام
دخلت نرمين ومامتها ومعاهم يحيي
نرمين ببتسامة .. شوفتي انا جبتلك مين معايا . جبتلك يحيي .
مرام بصت ليحيي ومتكلمتش
نرمين بصت ليحيي وقالتلو .. مش هتسلم علي مرام حبيبتك
يحيى طلع علي السرير جمب مرام وباسها في خدها
يحيى .. انتي وحشتيني اوي انا بسأل ماما عليكي كتييير بس هي بتقولي انتي تعبانة .يلا خفي بقا وارجعي عشان العب معاكي
مرام طبعا ساكتة مبتتكلمش
يحيى بص لنرمين وقالها بزعل طفولي .. هي مرام مش بترد عليا ليه ياماما هي زعلانه مني .انا مش عملت حاجه انا بحبها
نرمين بصت بحزن علي مرام وبعدين قالت ليحيي .. منا قولتلك ياحبيبي مرام تعبانة وهي مش قادرة تتكلم متزعلش بقا هي كمان بتحبك اووي بس هي تعبانة
يحي .. انا عايزها تخف
نرمين .. أن شاءالله هتخف .بص انت ادعيلها وقول يارب مرام تخف
يحيي ببراءة .. يارب مرام تخف
نرمين .. إن شاءالله ربنا يستجيب منك يايحيي
صافي .. تعالي ياحبيبي
وفتحت ايديها ليه
يحيى جري عليها
صافي حضنته بحب .. وقالت متزعلش ياحبيبي هي بتحبك بس مش بتقدر تتكلم علشان هي تعبانه
صافي وهي بتحاول تفرفشه
مسكت ايده وبصت عليها بانبهار وقالتلو .. ايه ده مين اللي جابلك الساعة الحلوة دي
يحيى ابتسم وقالها .. عجبتك
صافي قالتلو .. جداا
يحيى .. عمو ياسين اللي جابهالي
في الوقت ده مرام هزت راسها تلقائي وحطت ايديها على ودانها
يحيى ...انا قولتلو هاتلي ساعة زي بتاعتك وهو جابلي دي
نرمين ابتسمت
يحيي راح قرب من مرام وقالها بصي يامرام عمو ياسين جابلي ايه
مرام اول ما سمعت الاسم لتاني مرة فضلت تهز في راسها
و فضلت تصرخ بانهيار
صافي قامت بسرعه وقربت منها.. في ايه ياحبيبتي مالك .مالك
بس مرام فضلت تصرخ وتقول .. لااااا حرررام عليك متعملش فيا كدة متعملش فيا كدة متخليهمش يقربو مني حرام عليك حرام عليييك
نرمين جريت بسرعة علي الدكتور
وصافي فضلت تهدي فيها بعياط
ألم البداية
الفصل الاربعون
مرام اول ما سمعت الاسم لتاني مرة فضلت تهز في راسها
و تصرخ بانهيار
صافي قامت بسرعه وقربت منها.. في ايه ياحبيبتي مالك .مالك
بس مرام فضلت تصرخ وتقول .. لااااا حرررام عليك متعملش فيااا كدااا متخليهمش يقربو مني حرام عليك حراااام عليييك
نرمين جريت بسرعة علي الدكتور
وصافي فضلت تهدي فيها بعياط
شوية وكان الدكتور كشف عليها ونامت بعد ماادلها حقنة مهدئة
الدكتور .. هو ايه اللي حصل
صافي .. احنا كنا بنتكلم عادي . وفجأة فضلت تصرخ
الدكتور .. عموما هي اكيد اتعرضت لمؤثرات حسية نشطت مخها . اكيد سمعت حاجة أو شافت حاجة تخص اللي حصلها
نرمين .. يعني اللي حصل ده كويس يادكتور
الدكتور .. اه طبعا هي كده عقلها رجع للواقع اللي كانت رفضاه
صافي .. بجد يادكتور .يعني هيا كدة هاترجع تتكلم تاني
الدكتور .. لأ انا لسه مقدرش احدد حاجة زي دي . بس كل اللي اقدر اقوله أن اللي حصل ده كويس جدا في حالتها في تحسن أن شاءالله . عموما انا ادتها مهدئ ولما تفوق نشوف. وبإذن الله خير . اطمنو
الدكتور خرج
وصافي قعدت جمبها وفضلت تمشي أيدها علي شعرها بدموع وهي بتقول . حسبي الله ونعم الوكيل في اللي كان السبب في اذيتك ياحبيبتي
نرمين .. قصدك ايه يا ماما
صافي بدموع .. انتي مش واخدة بالك أن اول ما ابنك نطق اسم ياسين قدامها هو ده اللي خلاها عملت كدة
صافي .. والدكتور بيقول انها اكيد سمعت أو شافت حاجة فكرتها باللي حصل
نرمين .. يعني ايه . قصدك أن ياسين السبب في اللي حصلها
صافي .. انا متأكدة انو هو
نرمين .. لأ ياماما انا عارفه ياسين كويس . ياسين مايعملش كده ولا حازم .هما اه فيهم كتير بس مش هتوصل بيهم انهم يعلموا حاجة زي دي
نرمين .. وبعدين انا لما روحت لحازم قالي انو مالوش علاقه ولا هو ولا اخوه
صافي .. طيب تفسري اللي حصل ده الزاي
نرمين بحيرة .. مش عارفه .بس انا مش قادره اصدق ان ياسين ممكن يكون هو السبب
................................................
عند امجد كان في شقة الزمالك اللي قاعد فيها من يوم ماطلق شيرين
الباب اتفتح ودخل تامر
اللي قرب بهدوء و قعد علي الكنبة من غير ما يتكلم
امجد باستغراب .. مالك ياتامر
تامر وهو بيولع سيجاره .. مفيش بس شكلي هقعد معاك الفتره دي
امجد .. لسه مراتك غضبانة
تامر بشرود .. وشكلها مش هترجع
امجد .. يبقي تعالي جمب اخوك
تامر بصله وابتسم وقال .. شكلها كده
......................................................
في بيت شريف
دخل ياسين كان عمه ومرات عمه قاعدين
ياسين .. مساء الخير
شريف وليلي .. مساء الخير
ياسين بهدوء .. عمي ممكن اشوف انجي
شريف كان لسه هيعترض لكن ليلي قالت .. اه ياحبيبي ممكن
شريف بجمود .. عاوز تشوفها ليه
ياسين بهدوء .. اطمن عليها بس
ياسين كمل برجاء .. لو سمحت ياعمي
شريف بص لليلي وقالها .. اطلعي ناديلها .لما نشوف اخرتها
ليلي لسه هتقوم ياسين قال .. ممكن اطلع انا
شريف كان لسه هيتكلم
ياسين بسرعة .. لو سمحت ياعمي عاوز اتكلم معاها لوحدنا .. متقلقش
ليلي بصت لشريف بمعني انو يوافق
شريف بقلة حيلة .. اتفضل
ياسين طلع وشريف بص لمراته اللي قالت علطول .. ياسين بيحب انجي وهي كمان بتحبو بس هي خايفة
ليلي .. بس هو واضح انو بيتغير . ومين عارف مش يمكن يقدر يخرجها من الحالة اللي هي فيها .
كملت بحزن وقالت .. دي بقالها اسبوع مش بتخرج من اوضتها . حتي الامتحانات مكملتهاش
فوق ياسين كان طلع لأنجي اللي اول ماشافته قالت بغضب .. انت اي اللي جابك و عاوز مني ايه تاني
ياسين .. ممكن تهدي . انا عاوز اطمن عليكي بس . انتي عامله ايه دلوقتي
انجي بدموع .. هكون عامله ايه غير اني مدمرة وبسببك
ياسين باستغراب .. بسببي ليه . هو انا اللي قولتلك روحي اعرفي عيل وس.خ زي ده
انجي .. ايوه انت السبب انت اللي بسبب معاملتك معايا خلتني اكر.هك وروحت صدقت واحد حيوان زي ده علشان عاملني كويس في فترة انت كنت بتعاملني فيها معاملة أسوأ معاملة . انت السبب في اللي حصلي ده . انا بكر.هك بكر.هك ياياسين . بكره معاملتك اللي كلها عنف وأوامر ولو منفذتهاش تمد ايدك وتتغابي عليا .خلتني طول عمري بخاف منك وأخاف اصاحب حد أو اتعرف علي حد بسببك
كل حاجه عندك ممنوعة . ممنوع اتعرف على حد . ممنوع اتعامل مع حد غيرك
ياسين بندم .. انا اسف عارف اني كنت بتعامل معاكي بطريقة وحشه بس غصب عني أنا مقدرش اشوفك مع حد غيري . انتي ملكي انا لوحدي . بحبك وبعشقك مش عاوز غيرك من الدنيا .. عارف ان طريقتي غلط بس صدقيني انا بحبك
ياسين قرب منها وقالها .. وعارف أن انتي كمان بتحبيني واوعدك اني هغير معاملتي دي وارجع زي الاول
ياسين .. سامحيني ياانجي
انجي بدموع .. انا عمري ماهسامحك . انت السبب في اللي حصلي ده . هددتني وخلتيني اسيبه من غير سبب من غير مايعملي حاجة . كان طبيعي رد فعلو . واحد محروق وانت السبب .
انت السبب في كل حاجة وحشة بتحصلي في حياتي .
اللي حصلي ده ذنب مرام واللي انت عملتو معاها . دا دين وتردلك فيا . عمري ماهسامحك عمري .
انجي بعياط.. عملتلك ايه هيا علشان تدمرها كده
انجي علت صوتها مره واحده وهي بتعيط بانهيار .. عملتلك ايه ردد علييا انت واحد نج.س وو.سخ وز.بالة .. دمرتها ليه لييه عملت ايه اذيتك في اي علشان تضيعها و تضيع مستقبلها . انت حيوان حيواان .
وفضلت تضربه وهي منهارة
ياسين مسكها وقال بصدق .. انا معملتش حاجة فيها والله ماعملتلها حاجة ومأذيتهاش
انجي بعصبية .. انت كداب انا سمعاك وانت بتعترف لحازم انك انت اللي خطفتها وسيبت عليها رجالتك ياحيو.ان يا.زبالة
ياسين .. انا فعلا خطفتها بس مخليتش حد يقربلها صدقيني كل دي كانت تمثيلية انا عملتها علشان انتقم من ابوها
انجي بعصبية .. انتا فاكرني هبله وهصدقك مرام دخلت في صدمة نفسية بسبب اللي انت عملتو فيها بعد ماخليت رجالتك اغتصبو.ها
ياسين .. طيب ممكن تهدي وانا هفهمك
انجي ..اهدي ايه وهتفهمني ايه هتكدب عليا وفاكرني هصدقك
ياسين .. لأ اللي هقولو ده هو الحقيقة صدقيني مش كدب
انا فعلاً مأذيتش مرام
ياسين فضل يهدي فيها وبعدين حكالها علي كل حاجه
انجي كانت بتسمعو وهي مش مصدقه
انجي بدموع وهي مش مصدقه .. بجد يعني هيا محدش قربلها
ياسين .. انا خوفتها بس لكن والله ماحد قربلها
هي كويسة .انا بس عملت كدة علشان انتقم من ابوها بس انا مش كده انا مش وسخ كده
ياسين مسك أيدها وقالها .. ساعتها شوفتك وشوفت اخواتي ومقردتش ااذيها بجد ..
ياسين ..بس انا هصلح كل ده
انجي مسحت دموعها وقالت .. لو فعلا عاوز تصلح تعالي معايا وروح اعتذرلها .. يمكن لما تعرف الحقيقة تفوق وتخف
ياسين هز راسه بالموافقة وقال .. ماشي هروحلها واعتذر منها
.وفعلا انجي وياسين راحو لمرام المستشفى
وكانو نرمين ومامتها لسه معاها
مرام كانت فاقت من المهدئ بس كانت رجعت تاني ساكته مش بتتكلم لحد ماالباب خبط ونرمين قامت تفتح وكانو انجي وياسين
صافي اول ماشافت ياسين قامت قربت عليه بغضب وراحت ضربته بالقلم
لكن ياسين مصدرش منو اي رد فعل كان هادي
صافي بغضب .. انت اللي عملت في بنتي كده ياكلب .انت اللي دمرت بنتي ياحيوان
في الوقت ده كانت مرام اول ماشافت ياسين مسكت في نرمين بخوف واستخبت فيها وفضلت تترعش واتكلمت وقالت برعب .. متخليهوش يعملي حاجة يانرمين . انا خايفه انا خايفه وهي بتستخبي فيها اكتر
نرمين بدموع حضنتها وقالتلها .. متخفيش ياحبيبتي محدش هيعملك حاجة
ياسين بحزن لما شاف الحالة اللي هيا فيها قالها .. متخافيش يامرام .. انا مش جي ااذيكي . انا اساسا مأذتكيش
انجي قربت منها وهي في حضن نرمين ومخبية وشها وجسمها كلو بيترعش
انجي .. مرام ياحبيبتي انتي كويسة ياسين مخلاش حد يقربلك
انجي قربت من صافي وقالت .. مرام كويسة ياطنط ياسين مأذهاش
صافي باستغراب.. امال مين اللي عمل فيها كدة
ياسين بسرعة .. محدش عمل فيها حاجه مرام زي ماهيا محدش لمسها صدقيني
صافي بصتله وهي مش فاهمه وبتحاول تستوعب قالت .. الزاي .الزاي محدش لمسها والدكتور اللي قال إنها اتعرضت للاغت.صاب والحاله اللي هي فيها دي من شهور سببها ايه
ياسين قالها اللي حصل وهو باين عليه الندم
ياسين .. انا اسف عارف ان الانتقام عماني وخلاني انتقمت من الشخص الغلط
صافي بفرحة وكأنها نسيت اللي حصل قربت منو وقالتلو برجاء .. قولي انك مش بتكدب وبتقول الحقيقة .وبنتي كويسة بجد
ياسين .. والله بنتك كويسة وممكن تكشفي عليها وتطمني بنفسك
ياسين .. انا عيشتها في الوهم لكن في الحقيقة محدش قربلها
ياسين قرب من مرام اللي لسه في حضن نرمين بس كانت سامعه ومش مصدقة نفسها وقال .. انا اسف يامرام
وبص لنرمين وقالها .. واسف ليكي يا نرمين . اسف ليكو كلكم .
نرمين بدموع .. ليه عملت كدة
ياسين .. انااسف كان غصب عني . اللي ابوكي عملو مع ابويا خلاني مكنتش شايف قدامي
ياسين بص لمرام تاني وقالها .. سامحيني يامرام
مرام رفعت وشها من حضن نرمين وقالتلو .. انا بجد فعلاً لسه زي مانا انت مش بتكدب صح
وهي بتبصله بترقب ومستنياه يأكدلها تاني
ياسين .. والله انتي زي الفل وممكن تكشفي وتتأكدي بنفسك
مرام مرة واحدة هجمت عليه وفضلت تضربه وتقوله
.. ياحيوان عملت فيا ليه كده يا زبا.له ياحيوان
وفضلت تضربه بأديها علي صدره
ياسين .. انا اسف
انجي قربت من مرام بدموع وحضنتها
مرام فضلت تعيط وهي مش مصدقه
مرام .. انا كويسة ياانجي صح
انجي بدموع .. صح ياحبيبتي انتي محدش لمسك
صافي ونرمين كلهم حضنوها بفرحة وهما بيحمدو ربنا
...................................................
بعد اسبوع
في شقة ريم ومامتها
كان حازم ومراد وشهيرة ومجدي اخو شهيرة وسحر وريم
كانو قاعدين بيتكلمو و بيتفقو علي معاد الفرح
حازم .. انا بقول نعمله الخميس اللي جاي
مراد باعتراض .. الفرح هيتعمل مش اققل من شهرين
حازم بص لأبوه باستغراب.. ليه يعني وعشان ايه
مراد .. هو كده
حازم .. يعني ايه مش فاهم هو انا لسه هجهز نفسي . لازمته ايه التأخير
شهيرة .. يعني ايه يامراد الكلام اللي بتقول ده .لازمته ايه فعلاً التأخير
مراد .. انا قولت اللي عندي الفرح بعد شهرين من دلوقتي
حازم بعصبية .. يعني ايه يا بابا
مراد ببرود .. يعني زي ماسمعت ولو مش عاجبك خد امك وامشي . معندناش بنات للجواز
حازم .. نعم انت ناسي انها كده كده مراتي يعني اقدر اخدها في اي وقت
مراد .. طيب وريني هتقدر تعمل ايه ولا هتاخدها الزاي
انا ممكن أطلقها منك حالا وانت عارف اني اقدر اعمل كده
حازم نفخ بضيق وسكت لأنو عارف أبوه
حازم بهدوء مصطنع .. طيب ممكن نقرب المدة شويه . شهرين كتير
مراد .. لأ مش كتير كده كويس انا كنت ناوي اقولك سنة
شهيرة كانت قاعدة متغاظة من مراد ومن تحكماته
بصت لمجدي اخوها اللي قاعد وقالتلو .. ماتتكلم يامجدي
عاجبك اللي هو بيقولو ده
مجدي .. والله انا رأيي من رأيو وبعدين شهرين مش كتير
شهيرة بصتله بغيظ وحازم بصله بضيق
شهيره ل سحر .. وانتي رأيك ايه ياسحر
سحر بهدوء .. الرأي رأي خالها و مراد انا مقدرش اتكلم
شهيره .. وانتي ياريم
ريم كانت قاعدة جمب مراد اللي واخدها في حضنه
قالت .. انا ماليش رأي بعد رأي بابا
حازم باستغراب بصلها وقال .. بابا .. ابتسم بسخرية وقال.. لأ وبقي بابا كمان
ريم بصتله بتحدي وقالت .. ايوه بابا ولا انت فاكر انو باباك لوحدك
حازم فهم أنهم كده اتفقوا عليه
حازم اتنهد وقال .. تمام اللي يريحكم
وقام يمشي قبل مايولع فيهم
وقبل ما حازم يفتح الباب وقفه مراد لما قال
.. واعمل حسابك طول الشهرين دول متفكرش تقابلها لأنك مش هتشوفها
حازم بصله ومتكلمش وبعدين فتح الباب وخرج وهو مش طايق نفسه
شهيرة بصت لمراد بضيق وقالت .. عاجبك كدة لازمتو ايه يعني التحكمات دي
مراد .. دي قرصة ودن علشان اللي عملو
وبص لريم وقالها .. كده مرضية .اي رأيك
ريم ابتسمت وقالت .. ربنا يخليك ليا
شهيره .. دا انتو متفقين بقاا
تعليقات
إرسال تعليق