رواية هي الببجي عايزة مني إية الحلقه الاولى والثانيه والثالثه والرابعة والخامسة بقلم محمد منصور حصريه وجديده
رواية هي الببجي عايزة مني إية الحلقه الاولى والثانيه والثالثه والرابعة والخامسة بقلم محمد منصور حصريه وجديده
لعشاق الكوميديا والفانتازيا 😂😂
يعني إيه ألعب ببجي وأشوف اللي بقتلهم نايمين جنبي على السرير؟! 😳😂
عايزين تعرفوا الحكاية؟
طيب يلا... نفس عميق... وهوب! ننط جوه قصتنا! 😂😂
القصة مافيش من وراها أي هدف غير الضحك وبس، ويارب تكون دمها خفيف على قلوبكم، وماحدش فيكم يضربني بالشبشب بعد ما يخلصها! 😂
من تأليفي،،
محمد منصور
منص
وقبل ما نبدأ، نوحد الله ونصلي على خير خلق الله سيدنا محمد.
وعلى بركة الله نبدأ...
بسم الله توكلت على الله، وهو رب العرش العظيم.
شربات ياميش المصدي... ست مصرية بسيطة، عايشة في شقتها اللي في حدائق القبة، وخلفت توأم... ولد وبنت.
بس المشكلة إن التوأم دول مش شبه بعض خالص!
واحد فيهم لو شاف مصيبة يقول:
"أنا مالي؟"
والتاني لو شاف المصيبة يقول:
"فين الكاميرا؟ خليني أصورها!" 😂
ونبدأ بالبنت...
دوددا، صاحبة الـ25 سنة، ورغم إن دوددا دي بتجنن كل شباب الحتة بحلاوتها، إلا إنها بتعشق ضرب النار، وعندها خبرة في كل الأسلحة، ومدمنة لعبة ببجي.
واللي مايعرفش لعبة ببجي دي إيه، فهي لعبة بتتلعب بالنت، وظهر منها إصدارات وانتشرت من كام سنة، وبتجمع حوالي 100 لاعب من جميع أنحاء العالم، بيركبوا طيارة واحدة، وينزلوا واحد واحد من الطيارة على الأرض، وكل واحد يبدأ يدور على أسلحة ويحارب اللي قدامه عشان يفضل عايش للآخر.
واللي يفضل عايش من الصراع ده هو اللي بيكسب.
بس نسيت أقول لكم إن دوددا دي بطلة الجمهورية في الكونغ فو!
يعني لو دخلت معاها في خناقة، ماتقولش لها:
"إنتِ ست!"
لأنها ممكن ترد عليك وهي بتعمل لك حركة في رقبتك:
"وأهو الست عملت إيه فيك؟" 😂😂
ولها صاحبة واحدة متجوزة اسمها نسمة، ودي مجنونة ببجي زيها بالظبط.
وعاشت دوددا حياتها وهي بتكره مياصة البنات...
مع إنها مايصة!
وعجبي! 😂
والكل بيخاف منها ومن جنانها. 😎😂
أما ابن شربات الولد، فهو اسمه ياميش... على اسم جده.
ومش عايز أقول لكم قد إيه هرمونات ياميش خربانة على الآخر! 😂
اللي يشوفه يقول عليه بت...
وجبان جبن!
وبطل الجمهورية في الرقص الشرقي! 😅😂
ومشهور بين أصحابه البنات باسم شيفو، وملهوش ولا صاحب شاب واحد!
ودلوع قوي...
دلع من النوع اللي يفقع المرارة، ويخلي الواحد يسأل نفسه:
"هو ده ابن شربات ولا ابن شربات هي اللي عايشة في بيته؟!" 😂😂
وبعد ما اتعرفنا على أبطال قصتنا، تعالوا نبدأ حكاية شربات مع ببجي...
والحكاية بدأت من ليلة خميس، وبعد الساعة اتنين صباحًا، وفي عز التلج...
وساعة ما كانت شربات نايمة، سمعت صوت صريخ بنتها دوددا وهي بتقول بأعلى صوت:
الحقوني! الحقوني! داخل عليَّ الأوضة وهايقتلني!
قامت شربات بسرعة من تحت اللحاف وهي مخضوضة على بنتها، وقالت:
بنتي!
وفتحت باب اوضتها وخرجت، فسمعت صوت دوددا وهي بتصرخ:
خلي بالك! معاه سلاح وممكن يقتلك!
وبعد ما كانت شربات رايحة ناحية الأوضة، رجعت جري وقالت:
يا سنة سوخة! أم أصحي ياميش يلحق أخته!
ودخلت أوضة ياميش، اللي كان نايم تحت اللحاف، ومغطي نفسه من فوق لتحت، وبيتكلم في الموبايل بتاعه، وبيقول بدلع:
اسكتي بقى عشان الجو النهاردة تلج تلوجة، والله قربت أتجمد وأبقى شبه البطريق بطروقة!
ثم يضحك ضحكة مايعة ويقول:
بس بقى، وربنا أزعل منك... إنتِ عارفة إني بغير من تحت باطي!
فتقول شربات لنفسها:
هو ياميش معاه حد تحت اللحاف ولا إيه؟!
فترفع شربات اللحاف عن ابنها، فينظر لها ياميش ويقول:
ماما... كويس إني شوفتك. روحي هاتي لي مية.
شربات بعصبية:
مية إيه؟! قوم! أختك بتصرخ! باين كده في حرامي في أوضتها!
ياميش بخوف:
حرامي؟!
قال كدة وحط اللحاف على وشه
فترفع شربات اللحاف عنه وتقول:
قوم واسترجل! ده هايقتلها!
وتصرخ دوددا مرة تانية فتبص شربات لابنها وتقول:
سامع أختك بتصوت؟! قوم اعمل حاجة!
ياميش:
أقوم أعمل إيه بس؟! مش الحرامي ده راجل غريب عن عيلتنا؟!
شربات باستغراب:
طبعًا غريب! إيه السؤال العجيب ده؟!
ياميش:
طيب إنتِ بقى عايزاني أخش على راجل غريب وأقول له: سيب أختي؟! طبعًا هيقولي لأ! ساعتها هابقى أنا خارج من الأوضة ومكسوف كسفة كسوفة!
فتمسكه شربات من لايقة البيجامة اللي لابسها، وتخرجه من تحت اللحاف بالقوة، وترميه على الأرض وتقول:
كسوفة إيه؟! قوم دافع عن أختك!
فيقف ياميش، ويضرب رجله في الأرض، ويقول بانفعال ودلع:
ليه بس طلعتيني من تحت اللحاف؟!
شربات باستغراب:
وفيها إيه لما طلعتك من تحت اللحاف؟!
ياميش:
السرير هايرجع ساقع سقوعة، وأنا ما صدقت إنه سخن!
شربات:
هو إيه اللي سخن؟! استرجل يلا! يخرب بيت خلفتك! ده أنا أرجل منك! روح الحق أختك، وإلا قسمًا بالله العظيم...
ياميش مقاطعًا:
بس ما تحلفيش! أنا عارفك يا شربات! هتخليني أنام على السلم، والسلم بتاعنا أكمنه رخام بيبقى ساقع يح!
شربات وهي تلطم:
ساقع يح؟! والله هاتجيب لي المرض!
وتمسك شبشبها وتقول:
وعهد الله لو ما رحت ودافعت عن أختك، لأضربك بالشبشب على...
فيصرخ ياميش زي البنات:
لاااا! كله إلا التوتا! أنا عندي امتحان بكرة، وما ينفعش أروح بالتهابات!
شربات باستغراب:
امتحان إيه؟!
ياميش:
رقصة صعبة موت على الشيك شك شوك!
تبص له شربات ثانيتين في صمت...
وبعدين تمسكه من شعره وتقول بعصبية:
وعهد الله لو ما استرجلتش، لهاجيب لك خالك عسلية يعرف شغلته معاك! يلا غور! روح شوف أختك!
ياميش بعصبية:
طيب!
ويتجه ناحية الموبايل بتاعه، ويمسكه ويفتح النت على بث مباشر عن طريق الفيس، ويقول:
يا بنات! إنتوا فين؟! شيفو عنده مغامرة! مين هايشوفني ويتابعني وأنا بمسك واحد حرامي شرير؟!
فتضربه شربات بالشبشب في وشه.
آي!
ويبص في المراية ويقول:
عجبك كده؟! أهو وشي احمر حمورة!
فتمسك شربات فردة الشبشب التانية.
فيقول بسرعة:
خلاص والنبي!
شربات بانفعال:
روح شوف أختك يا مصيبة أمك!
يخرج ياميش من الأوضة ومع امه ، وهو في إيده شماعة بلاستيك، ويمشي وراء شربات اللي في إيدها سكينة، وهو مرعوب. فتبص له شربات وتقول:
إنت حاططني أنا في الوش يا جبان؟! وهاتخش على الحرامي بشماعة ليه؟! رايح تتخانق مع قميص؟!
ياميش:
ماما... أنا مش جبان! دي خطة! وأنا واقف وراكي هاشوف أحسن!
شربات:
وحياة أمك!
وتمسك ياميش وتحطه قدامها، فيصرخ ياميش ويرجع تاني وراها ويقول:
لا والنبي! لبعدين يحدفني بحاجة!
شربات:
يخرب بيت خلفتك! إنت خايف يحدفك بحاجة ومش خايف يحدفني أنا؟!
ياميش:
إنتِ طخينة! لو حدفك بحاجة هاترجع تاني في وشه!
فتضرب شربات ياميش بالقلم وتقول:
ليه؟ مرتبة سفنج؟!
فيمسك ياميش وشه، ويبص في مراية الصالة ويقول:
عجبك كده؟ أهو وشي...
فتكمل شربات الجملة بانفعال:
أحمر حمورة، صح؟! وحياة أمك لو ما اتعدلت ورجعت راجل لأخلي وشك يزرق زروقة ويخضر خضورة! ويلا نشوف أختك!
ويتجهوا هما الاتنين ناحية اوضة دوددا، ويقفوا قدام الباب.
وتحط شربات ودنها على باب الاوضة وتقول:
ولا... أختك مالهاش حس خالص!
ياميش يخرج من تحت باط شربات، ويبص لها ويقول:
يمكن قتلها... يلا بقي نروح و نصلي وندعي عليه!
فتخبط شربات بإيدها على صدرها وتقول:
بنتي!
وتفتح الباب مسرعة، وتدخل الاوضة وهي رافعة السكينة لفوق وتقول:
هاقتلك زي ما قتلت بنتي!
ولكنها تلاقي دوددا حاطة الهاند فري في ودانها، وبتلعب ببجي، وكل الكلام ده كان على واحد هايقتلها في اللعبة!
فتبص لهم دوددا وهي بتنتغ لبانة وتقول:
ماما... إنتِ إيه اللي مصحيكي دلوقتي؟ وماسكة سكينة ليه؟!
شربات:
إنتِ كنتِ عمالة تصرخي وتقولي: الحقوني! هايقتلني!
دوددا ببرود:
دي اللعبة يا ماما... روحي كملي نومك.
شربات:
لعبة إيه دي اللي هايقتلوكي فيها؟!
دوددا وهي لسه بتلعب:
ببجي.
وتقول دوددا في المايك لصاحبتها نسمة:
دوددا:
خلي بالك... في حد معانا!
فتبص شربات لياميش وتقول له:
انت يا زفت إيه الببجي دي اللي أختك بتقول عليها؟!
ياميش:
دي لعبة بشعة! ناس بينزلوا يقتلوا في بعض، والدم يطرطش طرطوشة، وحاجة تقرف القروفة!
فتحط شربات إيدها على قلبها وهي تقول بضيق:
ده أنا قلبي كان هايقف من الخوف عليها! وهي طلعت بتلعب! هاتموتني بعمايلكم!
ياميش:
شوفتي بقى؟! عملتي إنتِي دوشة على الفاضي، وخلتيني فتحت بث مباشر على الفاضي! أقول إيه دلوقتي للبنات صحابي؟! ماطلعش في حرامي! على آخر الزمن شيفو يطلع كذاب!
شربات بعصبية:
بس هو ده اللي همك؟! وقلبي اللي كان هايقف من الخوف على أختك مالوش حساب عندك؟!
وبحركة أم مصرية أصيلة، ترفع شربات رجلها لفوق، فيطير الشبشب بتاعها في الهوا، فتمسكه شربات بإيدها، وتنزل بيه على ياميش، كل ده في حركة واحدة وهي تقول:
مالوش حساب؟! الله يخرب بيتكم! تعبتوا قلبي!
وفي اللحظة دي تقول دوددا في الهاند فري لجارتها نسمة، اللي ساكنة في الشقة اللي قدامها:
نامي على بطنك! في حد جاي يقتلك!
فتنزل شربات على بطنها بسرعة وتقول:
لا والنبي! ماحد يقتلني! أنا عايزة أربي عيالي! والنبي!
فيبص ياميش لشربات وهو بيضحك ويقول:
قومي يا شربات! الكلام مش ليكي إنتِ!
فتقف شربات وتعدل هدومها وتضرب ياميش تاني بالشبشب وهي تقول:
أومال لمين بس؟!
ياميش وهو بيتفادى الضربات:
طيب وأنا مالي أنا؟! هي اللي اتكلمت!
فتبص شربات لدوددا وتقول:
أيوه صح... دي اللي عايزة تتربى!
وتروح ناحيتها، فتصرخ دوددا وتقول بعصبية شديدة لنسمة:
قلت لك يا نسمة سيبي السلاح ده! أنا عايزاه! وسيبي لي الكلايا دي ليه قتلتي إنتِ؟! يا بنت الكلب! أنا اللي كنت عايزة أشرب من دمه! الكلاليا ده بتاعي أنا! وإنتِ خديه!
فتبص شربات لدوددا، وتخاف منها ومن ملامح وشها المرعبة، وترجع لوراء وهي تضرب ياميش بالشبشب وتقول:
ليه نسمة خدت الكلبايا منها؟! ليه؟! اللي يخرب بيت أبوكم! البت بتضيع مني!
ياميش وهو بيتوجع:
أنا مااااااااالي يا شربات! كفاية ضرب فيا بقى! زمان جسمي دلوقتي بقى كله فقاقيع!
شربات وهي لسه بتضربه:
أومال أضرب مين بس؟!
ياميش:
اضربيها هي!
شربات وهي لسه بتضربه:
خايفة منها والله! ولازم أضرب حد عشان أهدى!
ولما تتعب من ضرب ياميش بالشبشب، ترمي الشبب ويطمئن ياميش ان الهجوم خلص لكت هوب تضربه شربات بالقلم. ياميش قال
آي! بقي
شربات وهي بتاخد نفس عميق:
أنا كده هديت! يا ولاد الجذمة
ــــــــــــــــــــــــــــــــــــ
ومن جوة معمل أبحاث في منطقة مهجورة في صحراء مصر، يقف عالم مصري اسمه فريسكا، وباين عليه إنه مجنون ومش طبيعي.
وكان بيحط تركيبات من مواد مختلفة ومشتعلة فوق بعض، وفجأة تنفجر التركيبة، وتمسك النار في البلطو بتاعه!
ولكن فريسكا لا يهتم!
ويمشي ناحية القلم الخاص بيه، ويكتب في ورقة ويقول:
بردو غلط... بس مسيري أوصل للتركيبة الصح!
وفجأة يفتح باب المعمل، ويدخل شمبانزي كبير في الحجم، لابس بالطو كبير، وكاب ونظارة، ودة اسمه مراهم.
يبص مراهم لفريسكا وهو بيتحرق عادي جدًا، وكأن مافيش حاجة حصلت!
ويخرج بيضتين من البلطو بتاعه، ويحطهم في حلة فيها مية، ويروح بالحلة ناحية فريسكا، ويحط المية فوق فريسكا اللي لسه بيولع ويقول:
بردو التركيبة طلعت غلط!
بص فريسكا للحلة اللي ماسكها مراهم ويقول له:
إنت بتعمل إيه؟!
مراهم:
فرصة وإنت مولع كده... أسلق عليك بيضين على السريع!
فريسكا يبعد الحلة عنه، ويدوس على زرار في البلطو، فتنطفئ النار اللي كانت مولعة فيه.ويبص لمراهم ويقول:
سيبك من البيض وقولي... زرعت ملف الخوف وسط ملفات ببجي ولا لسه؟!
مراهم:
حصل يا كبير! وكلها 24 ساعة بالظبط والدنيا هاتتقلب! بس عايز أسألك سؤال يا كبير.
فريسكا:
اسأل.
مراهم:
إحنا هنستفاد إيه من الملف اللي اتزرع ده؟!
فريسكا وهو بيضحك:
شوف يا مراهم... إنت معاشرني بقالك كام سنة ولسه حمار!
مراهم وهو بينظر لنفسه:
أنا قرد على فكرة! وماينفعش أكون حمار!
فريسكا:
وماله؟ قرد راضع على حمار تبقى حمار!
مراهم:
ما أنا راضع معاك من نفس الأم! يعني إنت كده الحمار اللي أنا رضعت عليه!
فريسكا بضيق:
خلاص اسكت! مش لازم تفكرني إنك أخويا في الرضاعة! الله يسامحه بابا لمبادة... عمل علاقة مع غوريلا وخلى لي أخ قرد!
مراهم وهو بيتباهى بنفسه:
قرد آه... بس عسل! وبعدين سيبنا من الحوار ده وقولي، هنستفاد إيه من ملف الخوف ده؟!
فريسكا:
الملف ده هايخلي الخوف يتحكم في كل اللي بيلعبوا ببجي، ومش هما وبس... دول هما وأهاليهم كمان!
وإنت عارف بقى إن ببجي بقت من أشهر الألعاب على مستوى العالم، ومحملها ملايين الشباب.
شوف كام واحد هايتعرض للخوف اللي أنا زرعته في اللعبة!
ومن كتر اللي هايشوفوه لاعيبة الببجي، هايتمنوا الموت ومش هايعرفوا يلاقوا له مفر!
مراهم:
بردو إحنا هنستفاد إيه؟!
فريسكا:
بعد ما ينتشر الخوف بسبب لاعيبة ببجي، العالم كله هايحاول يوصل لحل يمنع الخوف من إنه ينتشر بين لاعبي ببجي.
هنا بقى هاظهر أنا، ومعايا البرنامج اللي يقضي على الملف ده، وأبيع البرنامج للي هايدفع أكتر!
مراهم:
الله على دماغك يا فريسكا!
بس أنا هاموت وأعرف الخوف هاينتشر بين لاعبي الببجي إزاي؟!
فريسكا بنظرة جنون:
هاقول لك...
عايزين تعرفوا الملف ده هايعمل إيه في لاعبي الببجي؟
الحلقة الثانية
هي الببجي
عايزا مني اية
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★وبعد اذان الظهر تقف شربات قدام بنتها دوددا وتهز فيها وهي تقول
دوددا. يالا يا حبيبتي اصحي الساعة داخلة علي اتنين الظهر
فتبص لها دوددا بصعوبة وتقول
في اية يا ماما بس
شربات
هو اية اللي في اية الساعة داخلة علي اتنين وانتي لسة نايمة. وكلها كام ساعة وكريم وامة هايجوا عشانك
دوددا باستغراب
كريم مين دة وجاي لية
شربات
كريم ابن سوسن جارتنا اللي ساكنه في اول الشارع.
دة شاب زي العسل طول وعرض و،،،،،،،،
فتقاطعها دوددا بحدة وتبرق لها وتقول
جاي يعمل اية
شربات وهي خايفة منها
جاي علشان يطلب ايدك
فتقف دوددا فوق السرير غاضبا وتقول
تاني يا ماما. عريس تاني
شربات
يا دوددا دة عريس اخلاقه عالية وشغال في البترول وعندة شقة في الشارع هنا يعني هاتبقي جنبي
دوددا وهي بتنكش شعرها
بقول لك اية طالما هو لقطة كدة اتجوزي انتي
فتضحك شربات وتقول
ياريت ينفع. بس خلاص من بعد ما اتجوزت ابوكي وانا حلفت اني ما تجوز تاني
دوددا
ياااااا. يا شربات للدرجة دي بتحب بابا.
شربات
بحبة اوي لدرجة انه كرهني في صنف الرجاله كلة
دوددا
وانتي بقي عايزاني اكرة الصنف زيك
شربات
يا بنتي ما انتي لازم تتجوزي عشان دي سنة الكون وانا نفسي افرح بيكي. عشان خاطري اقعدي معه يمكن يعجبك
دوددا
عشان خاطرك انتي بس.
وتنزل دوددا من فوق السرير وتقف قدام شربات بالظبط وتقول
مش هاقعد معه
وتروح ناحية الموبيل بتاعها وتمسكه وتفتح لعبة ببجي وتبدأ تلعب وشربات بتقول لها
يا بنتي قومي من علي السرير واجهزي
دوددا
ماما عندي مهمه ولازم اخلصها
شربات
مهمه اهم من العريس
دوددا
طبعا. النهاردة الهلوين والهديا نازلة علي ودانها في الببجي وكمان في سلاح جديد قناصة هدغدغ بي الدنيا وال اربي بتاعي عايزا اعدله و،،،،،،،
فتصرخ فيها شربات صارخا وهي تقول
بس. يخرب بيتك اية دة كله هتجيب لي المرض المستعجل
ويفتح ياميش باب الاوضة وهو لابس جلبية محزقة ولونها حريمي ومدخل الجلبية جوة بنطلون جينز محزق وساقط لتحت وبيمد ايدة لشربات وبيقول لها
شربات. هاتي 200ج.
فتبص له دوددا. بطرف عينيها وتقول لشربات
وربنا دة اللي لازم يتجوز قبل ما يجيب لنا العار
ياميش بدلع
انا مش هاتجوز الا لما اتفق مع مراتي ونشوف العيال علي مين
فتبص شربات لدوددا مستغربة الكلام وترجع تبص
ل ياميش مرة تانية وتقول له باستهزاء
يا حبيبي العيال علي الماذون ما تتعبش نفسك انت
وتبص علي البنطلون المتسقط وتقول
ولا. ارفع البنطلون دة شوية. مش لازم تعرفنا لون البوكسر بتاعك اية. بطل قلة ادب
ياميش بعصبية
يا ماما بقي. هاتي الفلوس اتاخرت
شربات
انت برضو رايح امتحان الرقص اللي انت بتقول علية دة
ياميش
ايوة. ادعي لي انجح. انتي ما تعرفيش رقصة الشيك شك شوك دي صعبة ازاي.
شربات
يا ياميش عيب يا ياميش اختشي انت راجل. الرقص دة للستات بس
ياميش وهو يرقص
نزل منه للرجالة. وبعدين الكلام دة كان علي ايامك يا ماما دلوقتي الستات بيلبسو لبس الرجالة والرجالة بيلبسو لبس الستات. احنا بقينا في زمن الحرية والمهلبية
شربات
دة زمن منيل اللي احنا عايشنو دة. ارجع اوضك يلا. مش هاتروح في حتة
ياميش بضيق
لية بقي. تقفشي علية كدة وتبقي قفوشة
شربات بعصبية
انا قفوشة ومافيش خروج من البيت وتسترجل كدة وتبطل تلبس اللبس دة. يالا علي اوضك
ويخرج ياميش من الاوضة وهو بيبرطم وبيقول
يارب اموت وانا نايم عشان لما اصحي ما عرفش اني موت واريحكم مني خالص
وتبص شربات ل دوددا فتلاقيها بتلعب ببجي فتقول لها
انتي بتعملي اية انتي كمان
دوددا بحدة
اية بلعب ببجي. انتي لسة واخدة بالك
شربات بنرفزة
ببجي اية وزفت اية قومي يالا عشان نجهز الشقة الناس جاية بعد المغرب.
وتبص دوددا لشربات وتقول بعصبية
عجبك كدة اديني موت موت موت.
شربات وهي مرعوبه فهي بتخاف من جنون دوددا فتقول لها
العبي تاني حبيبتي. وان شاء الله تكسبي المرة دي
وتقول في سرها
انا ماليش غير ياميش ابني هو الوحيد اللي بعرف اعمل علية ام. انما القادرة دي. يارب اهديها من عندك
وتخرج شربات من الاوضة مسرعا، ،،،،،،،،،،،،،
وتدق الساعة السادسة مساء ويحضر كريم ومعه والدته عفاف وتفتح شربات لهم الباب ومعها اخوها الكبير عسلية وبعد تبادل السلامات والترحيب يدخل كريم وعفاف وقبل ما تقعد عفاف علي الركنة تسمع صوت دوددا تقول بصوت عالي
حاسبي حاسبي. يا بنت الكلاب
فتعتدل عفاف وتقف مسرعا فتبص شربات ناحية اوضة دوددا وتحرج مما حدث وتقول لعفاف
لا. مش انتي دي دوددا بنتي غاوية تمثيل وبتعمل بروفا
عسلية لعفاف
أقعدي يا ست الكل دة بيتك ومطرحك
عفاف بعد ما تقعد علي الركنة وتبص لكريم تقول
ل شربات
بس لية عروستنا بتعود لسانها علي الالفاظ دي
شربات
لا. خالص دي دوددا بنتي ما تطلعش العيبة من بوقها
صوت دوددا بعصبية
موتني تاني ابن الجاموسة قولت لك يا نسمة دول عيال ولاد تيت تيت تيت تيت تيت. ( معلش لازم احط تيت لغاية ما دوددا تخلص شتيمة واول ما تخلص هانرجع للقصة تاني اعتبروا اعلان) تيت تيت تيت
عفاف كل دة بتبص لي ابنها كريم مش مصدقة اللي بتسمعه فيميل عسلية ناحية شربات ويقول بصوت خافت
قومي سكتي بنتك عيب كدة
شربات
لو راجل سكتها انت
عسلية
انا عسلية عمرك شوفتي عسلية راجل
شربات
انت راجل وسيد الرجالة. وفي محل ابوها وهاتسمع كلامك
عسلية
بنتك مش متربية وممكن تهزقني
شربات
دوددا بتحبك. دة انا كل ما روح السوق تقول لي هاتي لي عسلية
عسلية
بتتكلم علي العسلية التانية ام سمسم. مش انا
شربات
طيب جرب بس
عسلية
انا هاقوم اجرب بس لو اتهنت. مش هاخش لك بيت تاني
ويروح عسلية ناحية اوضة دوددا وكان عمال يبص للباب وبيفكر ميت مرة قبل ما يخبط لكنه خبط علي الباب وقال
دوددا عندنا ضيوف. ممكن كفاية تيت
دوددا بعصبية
عسلية شوف حد يمصك وابعد عني الساعه دي
عسلية وهو مصدوم
يمصني.
ويرجع مكانه علي الركنة واول ما تبص له شربات يقوم معيط وهو بيقول
قالت لي اشوف حد يمصني. هو انا عشان عسلية تعملو فيا كدة. قولت لك بلاش اروح
ويبكي بشدة فطبط علية شربات وهي بتقول
معلش حقك علية.
وفي الوقت دة يخرج ياميش من اوضة وهو لابس نفس الجلبية وكان لافف حوالين وسطة ايشارب شيفون وبيقول وهو بيترقص
طيب شيك شك شوك. اديني يا حبيبي بوسة هوت دوج وتعالي نرقص بلدي حلاوة البلدي يا روح ،،،،،،،،،،،
ويسكت ياميش عندما تقع عينه علي كريم وامة اللي مستغربين اللي بيحصل فيقول
يا نتاشة في بيتنا ولد وشايب
فتقول شربات. باحراج
اعرفكم ببنتي التانية فيفي
كريم باستغراب
هو دة بنت ولا ولد
شربات
هو دة هرمونته فيها حاجة حمضانه فطلع جنس تالت. ايه رايك تتجوز ياميش وسيبك من دوددا خالص. صدقني دة مايع عنها
وفي هذة اللحظة يفتح باب اوضة دوددا وتخرج دوددا من جوة وتنظر ناحية كريم وعفاف وتقول
هو دة كريم
فيبص لها كريم ويعجب بيها وبحلاوتها ويقول
اة. انا كريم
فتروح دوددا ناحيتة وهي ماسكة الموبيل. وبتلعب وبتقول
يا ابن الكلبة
عفاف بغضب شديد
لا بقي كدة كتير اوي هي حصلت تشتمني
شربات
لا. خالص دي بتشتم البجبي. أصلها بتلعب
دوددا في الهاند فري
بت يا نسمة جاي لي عريس شبة احمد عز
ثم تسكت لي لحظات وتقول
ناوية علي اية هاتجوزة طبعا. دة احلي مني يا بت وربنا لحسن بي النسل في عيلتنا اللي كل خلفتهم قرود وشمبنزيات
فتضحك دوددا. وتقول
يا سافلة.
وتقعد في النص بين كريم وامه وكانت بتزق عفاف بجسمها وهي بتقول لها
ماتخشي يا حجة سيكا كدة. خليني اشوف كويس. الواحد ما بيشوفش عيال حلوة زي دي كتير
كريم وهو متنح وبيسبب شعره
شوفي براحتك.
دوددا وهي بتبص له في عيونه
يخرب بيت جمدان عيونك. ودول لونهم عسلي ولا بصلي
تبص لها عفاف بقرف وكريم كان بيقول
انتي عايزاهم اية
دوددا
انا عايزاك تكون بتلعب ببجي يا كيمو
كريم
انا ما بلعبش بس العب علشان خاطرك
ياميش لكريم
وهو هاينفع بردو تلعبوا هنا في الصالة. خش اوضة اختي احسن
فتضربة شربات في بطنة من الاحراج فيقول ياميش
اية بس. الشبكة جوة احسن من هنا.
شربات لي ياميش
اسكتي انتي. وخش غيري قميص النوم اللي انت لابسة ده والبس حاجة رجالي
ياميش وهو رايح ناحية اوضه بيبرطم ويقول
يارب اموت وانا مسافر عشان لما ارجع ما عرفش اني موت
وقبل ما يدخل اوضة يبص لكريم ودوددا اللي تقريبا هيتجوزا علي الكنبة 😂😂 وراح مغني وقال
لان الحلال افضل سنتظر. لكن يا خوفي شكل اختي لن تنتظر
فيبصو كل الموجودين لي باستغراب شديد وهو بيرقص وبيقفل باب الاوضة وراء منه برجله ،،،،،،،،
وبالليل ومن جوة اوضة نوم نسمة صاحبة دوددا واللي بتلعب ديما معها ببجي. كانت نسمة علي السرير وبتلعب ببجي فيدخل عليها الاوضة جوزها شفيع ويرفع اللحاف وينزل تحت منه وهو بيقول
تصبحي علي خير يا نسمه يا حبيبتي
لكن نسمه ما كنتش سمعه وكانت بتقول في المايك لواحد في التيم بتاعها
نام علي بطنك. قبل ما حد يشوفك.
فبص لها جوزها وباستسلام غريب قال
حاضر
وراح نايم علي بطنه. وماعداش نص ساعه يا مؤمنين وبعد ما راح الراجل في النوم يتفتح باب الاوضة وتدخل ريهام بنت نسمة الوحيدة واللي عندها 7 س. وتقف قدام امها وتقول
ماما. انا جعانة
نسمة وهي مندمجة في اللعب
ريهام روحي نامي. وأنتي تصحي شبعانة
ريهام
لا. انا جعانه ومش هنام الا لما اكل
نسمة بعصبية
وبعدين بقي.
ريهام بصريخ
ماليش دعوي عايزا اكل.
نسمه
طيب بس بطلي نكد. جتك القرف طالعا لي
فتبص نسمة لشفيع وتستغل انة ذاكرتة ضعيفة جدا وتملي بينسي وتصرخ نسمة في ودانه بطريقة مستفزة فيصحي شفيع مخضوض ويقول
اية في اية
نسمة
مالك يا حبيبي
شفيع
سمعت صوت سريخ
نسمة ببرائة
لا. يا حبيبي دة المنبة. مش انت اللي ظبطتة انة يرن دلوقتي
شفيع باستغراب
انا ظبط المنبة. طيب لية
نسمة وهي لسة بتلعب
عشان هاتطلع وتنزل وتقوم وتقف وتروح وتيجي
شفيع
ياااااا. دة انا ورايا حاجات كتير قوي. كويس اني صحيت
ويخرج شفيع من تحت اللحاف فتقول له نسمة
حبيبي طالما انت صحيت بقي اعمل سندويتش جنبة لريهام
شفيع
بس كدة. من عينية
وياخذ شفيع ريهام في أيدة ويخرج من الاوضة واول ما يخرج من الاوضة يدوس علي بطن شاب سوداني غرقان في دم موتته نسمة في اللعبة وكل دة حصل من غير مياخد بالة فصرخ الشاب وقال
انتي يا حمارة ياللي دوستي علي بطني
فتبص له ربهام وتصرخ من الخوف فيقول شفيع لبنتة
ريهام أستني ما تسريخش
ريهام
لية
شفيع
علشان بابا هيسرخ معاكي
ويصرخ شفيع هو كمان فتخرج نسمة من الاوضة وهي تقول
اية في اية
فتشاور ريهام علي الشاب السوداني فتبص نسمة لهذا السوداني وللدم اللي مغرق هدومة وتصرخ هي كمان فيقول شفيع لريهام
ريهام هي امك بتسرخ لية
ريهام
انت نسيت دة
وتشاور علي الشاب السوداني فيبص له شفيع تاني ويصرخ كمان مرة ، ،،،،،،
وفي نفس الوقت ومن جوة اوضة دوددا وساعه ماهي كمان كانت بتلعب قتلت لاعب من الصين ومش هي دي المشكلة المشكلة ان دوددا وهي بتلعب مع نسمة لقيت ايد اللاعب الصيني فوق منها و غرقانة دم وهو نايم جنبها علي السرير وبيبص لها ويقول
玉被某日本游戏 商塑造成风尘
无双》里，干脆从刘备关羽张
无双》里，干脆从刘备关羽张
برقيت دوددا. واحولت زي ما انتم عملته بالظبط كدة وصرخت وقالت
انت بتقول اية يا روح امك وجيت هنا ازاي .،،،،،،،،،،،،
وبدأ ملف الخوف يبدأ يشتغل ولاعبية الببجي هيشوفو اللي عمرهم ما شافو. استنوني في اللي جاي
الحلقة الثالثة
هي الببجي
عايزا مني اية
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن جوة اوضة شربات ووقت ما شربات كانت نايمة تسمع شربات صوت صريخ دوددا فتبص في الساعه وتلاقيها 2. ص. فتقول لنفسها
يخرب بيت ام دي لعبة اللي هاتجننك اكتر من انتي مجنونة
وتغمض شربات عيونها مرة تانية علشان تنام فتسمع صوت دوددا وهي تقول
الحقيني يا ماما. واحد عينية ضيقة ميت في اوضي
فتفتح شربات عيونها وهي مفزوعه وتقوم من علي السرير جري وتخرج من الاوضة بسرعه لاوضة ياميش اللي كان في بث مباشر مع البنات اصحابه. وبيرقص لهم وهو بيقول
طبعا يا بنات مش عايز اقول لكم انا بقالي قد اية بتمرن علي رقصة الشيك شك شوك دي. لغاية ما وسطي حفظها زي ما انتم شايفين
ويضحك ضحكة سافلة ويقول
المايصة اللي في اخر الفيديو بطلي نفسنه مني يا ام صورم
فتقف قدام منه شربات. وتبص في الفيديو وماتشوفش الا نفسيها ومعها ياميش فتقول
بتكلم نفسك يا خلف الحبايب
ياميش
يا بنات ماما شيفو اهه مين يحب يتصور معها صورة سوالفي. او تحبوا تاكلوها خص
فتمسكة من شعرة وتقول
ياكلة مين خص هو انا زرافة
ياميش وهو يتوجع
هو في زرافة طخينة.
شربات بعصبية
قصدك يعني اني انا،،،،،،
ياميش مقاطعة لها.
لا. لا. خالص. انتي ماما. ازاي بس أشتمك سيبي شعري بقي بيوجعني أي خالص
شربات
اي خالص اللي هو ازاي. انت فقعت لي المرارة
ياميش وهو يحاول الافلات منها
يا ماما بقي. انتي عايزا مني اية دلوقتي
شربات
هو انت مش سامع اختك بتصرخ
ياميش وهو يتوجع
سامع
فتمسكه وتحدفة ناحية باب أوضة دوددا وهي بتقول
طيب قدامي نشوف مالها
ويدخل ياميش في الباب وهو طاير تقريبا ويتفتح الباب من قوة اندفاع ياميش وتدخل وراء منه شربات فيلاقو الشاب الصيني نايم علي السرير والدم لسة بينزل منه وبيقول
玉被某日本游戏 商塑造成风尘
无双》里，干脆从刘备关羽张
无双》里，干脆从刘备关羽张
فتبرق شربات وتقول لدوددا
عملك اية دة يا قادرة علشان تعملي في كدة
دوددا وهي مخضوضة
ماعرفش انا كنت بلعب ببجي ولقيت دة جنب مني علي السرير وبيجيب في دم
شربات وهي بتمسكها من شعرها وتقول
وانا بقي هبلة وهاصدق الكلام دة. صح. مين دة يا بت
دوددا
والله يا ماما ما اعرفه وهو دة اللي حصل
فيقول الشاب الصيني مرة تانية
玉被某日本游戏 商塑造成风尘
无双》里，干脆从刘备关羽张
无双》里，干脆从刘备关羽张
فتمسك شربات شبشبها وتحدفة في بوق الشاب الصيني وهي بتقول
أنكتم انت
فيلبس الشبشب في بوق الشاب الصيني فيسكت الشاب الصيني والدم يطير منة علي وش ياميش فيخاف ياميش من منظر الدم ويقف وراء شربات وهو بيقول
اوف بقي. منظر الدم بشيع. انا هاطلع من هنا. عشان عندي سوبيا من شكل الدم
ولسة هايخرج مسكته شربات من شعره وقالت
سوبيا اية يا بتاع العرقسوس . خليك هنا لما نشوف المصيبة دي مش انت راجل المخروبة دي
ياميش بزهق وهو يحاول افلات شعرة من يدها
يارب اموت وانا اقرع عشان لما تيجي تمسكي شعري ما تلقيش حاجة تمسكيها
شربات
يا ابن الهبلة انا هامسك شعرك لية بعد ماتموت
وترجع شربات تبص ل دوددا وتقول
يا بت مين دة.
دوددا
والله ما اعرفه
شربات
أصدقك ازاي. انا فتحت باب اوضتك ولقيت واحد سايح في دمة علي سريرك. قولي يا بت اية اللي كان بينك وبين الجحش الصيني دة
ياميش
خرجت وهي خارجة قالت هرجع بنصيبي. لكانها غابت ورجعت بالصيني
ويبص للصيني ويكمل قائلا
وهو دة يستحمل يا بت دة بيبوظ بسرعه. دة انتي طلعتي صايعة صيوعه
دوددا بعصبية
ياميش اسكت انت وابعد عن وشي الساعة دي. انا مش طايقة نفسي. واتصرف وشيل المصيبة دي من علي سريري
ياميش مستنكرا
أنا شيفو. ملك الرقص الشرقي اشيل واحد بيموت عايزاني اتلبس وعرفيتة يخش فيا ومايرضاش يخرج
شربات
اختك بتتكلم صح. شيل المصيبة دي من هنا ووديها في اي حتة
ياميش
مش هاشيل حد ولو عملتة فيا اية
فتبص لة شربات بغل ودوددا تبص لة بشر ويقربو الاثنين منة وياميش يبص لهم ويترعب، ،،،،،،،،،
وكان في نفس الوقت ومن جوة شقة نسمة يقعد شفيع وهو مربع قدام الشاب السوداني وسادد لة مكان الجرح بازازة بيبسي. والشاب السوداني بيحكي وبيقول بصعوبه
انا اخر حاجة فاكرها اني كنت بلعب ببحي وواحدة ضربتني بالنار اسمها نسمة الدبدوب
نسمة بعصبية
اسمها نسمة الحبوب. يا بكار
شفيع وهو يلطم
مش وقتة يا ختي. وعايز اعرف انتي ضربتي باية يعمل الجرح دة كله في معدته
نسمة وهي بتضحك
بشوت جن . بس اية رايك مراتك نشينه صح
شفيع
الله يخرب بيتك يعني اقوم لك واسيب الخرم اللي عملتي في الراجل دة يجيب دم. انتي فرحانه وفي مصيبة في بيتنا
نسمه ببرود
انت بتزعقي انا بدل ما تلطشة قلمين. دة غلط في اسمي
شفبع بعصبية. انكتمي بقي خليني اسمع باقي الحكاية
ويبص شفيع للشاب السوادني تاني ويستغربه ويقول
انت مين
السوداني
انت جننتي معاك دي عاشر مرة اقول لك انا حمدون من السودان وبعد ما خد الطلقة في بطني ماحسيتش بحاجة ولقيت نفسي هنا.
ويبص حمدوان حوالين منه ويقول
هو انا فين صحيح
نسمة
انت في بيت. البت اللي شقلطتك يلا. انا نسمة الحبوب اللي ضربتك بالرصاصة في بطنك
حمدون بنرفزة
انا ماحدش يعرف يشقلطني. انتي هكر يا كلبة وانا بلغت عنك كتير
نسمة وهي بتردح
نعم.نعم. يا بكار. هكر مين يا ابو هكر انت بتقول كدة عشان انت بوط وانا احرف منك يالا. واللي يجئ علي سكتي في لعبتي اعورة حتي لو ابن حتتي.
حمدون
انتي كدابة وانا. لو شوفتك تاني في الببجي بتاعتي هاقتلك يا كلبه. وهحط عليكي
نسمة بعصبية
امك اسمها مليجي.
ثم تكمل قائلا
انت تحط علية انا. طيب افتح جيم دلوقتي. وخش لي مستودع يا روح امك
حمدون بتحدي
اخش لك مستودع.
ويبص حمدون لشفيع ويقول
روح هات موبيلي من علي الشاحن. علشان انا مخروم ومش قادر اتحرك
شفيع
هو انت بجد. واخد طلقة في معدتك ونص امعاءك برة والكلية انا شايفها اهه وعايز تلعب جيم. انت متخلف يلا
ويقوم شفبع ويقف قدام نسمه وهو متعصب وبيقول
يعني احنا في مصيبة وانتي عايزا تلعبي.
ويرفع ايدة علشان يضربها لكن نسمه تبص ل ايدة وتقول
اوعي تضرب انت فاكر اخر مرة لما ضربتني حصل لي أية
فيحاول شفيع ان يفتكر اللي حصل فتعيط نسمة كدة وكدة وتبص له وهي بتقول
والله حرام عليك. كل مرة كدة.
شفيع باستغراب
اية هو اللي كل مرة
نسمة
تضربني وانا ابكي علي حالي
وترمي نفسيها علي الركنة بحركة تمثيلة وتقول
كل ما افتكر احزن علي نفسي اتوجع علي حالي ويفيد باية يا ندم طالما القلم جاي منك انت. وعجمي
وتعيط اكتر واكتر. فيبص لها شفيع ويطبط عليها ويقول
طيب اهدئي خلاص مش هاضربك عشان ما يحصلش اللي انا ناسيه
نسمة ضاحكا وهي بتبوسة في خدة
حبيبي يا شفوعتي.
شفبع يبص لحمدون تاني اللي كان بيلعب في الامعاء بتاعته ويقول شفيع
انت مين
حمدون
انت راجل كلب اوي في نفسك
نسمه وهي بتلف ذراعتها حوالين شفيع قالت
ودلوقتي بقي خد المصيبة دي وارميها بعيد عن هنا أحنا مش ناقصيين مصايب
شفيع
اروح بي فين دة
نسمة
اتصرف يا شفيع وارمي في اي حتة بعيد عن هنا.
شفيع
انتي صح. وكلامك كلة معقول. بس هو في سؤال صغير
نسمة
سؤال أية
شفيع
هارمي مين، ،،،،،،،،،،
ومن قدام اوضة دوددا تقف شربات ومعها دوددا وكانو مستنين ياميش يخرج من اوضة وبتبص شربات لدوددا
هو اتاخر لية كدة في الاوضة
دوددا
ابنك شكله جاب وراء
لكن الباب يتفتح ويلاقو ياميش خارج وهو لابس هدوم تشبه هدوم الحانوتي وفي ايدة كيس مخدة فاضي وبيقول
وحدوا.
شربات
يخرب بيتك انت بتفول علينا يا بومة
ياميش
ابدأ خالص. بس انا رايح ادفن هلبس اية يعني قميص وبنطلون
فتبص دوددا لكيس المخدة اللي في ايدة وتقول
مش دة كيس المخدة بتاع اوضك
ياميش وهو بيبص للكيس
اة. هو
دوددا
واخدة معاك جوة لية
ياميش
علشان احط في الواد الصيني
فتلطم شربات وتقول
اشق هدومي منك.
ياميش
لية بس مش انتي اللي قولتي هات حاجة فاضية نحط فيها الواد الصيني
شربات
تروح جايب كيس المخدة بتاعك. هو انت هتشيل قطن
ياميش
اومال اجيب كيس المخدة بتاعك انتي. علشان كبير يعني وفي نفس حجمك
شربات
هو اية اللي نفس حجمي هو كيس المخدة دة لازم يكوني مقاسي. انت هتجيب لي السكر
ياميش
انا عايز اعرف بس انتي لية بتقفشي عليه قفوشه
شربات
انكتم
وتبص شربات لدوددا وتقول
خشي هاتي شوال فاضي من بتوع البصل اللي في السندرة
فتمشي دوددا وشربات تبص لياميش وتقول
اختك هتجيب لك الشوال تحط في اللي يتحرق و عرفت طبعا هاتروح بي فين
ياميش
عرفت. عند الخرابة اللي في اول الشارع المهجور
دوددا
ولو حد سألك اية اللي في الشوال دة هاتقول اية
ياميش
هاقول زبالة صيني
فتلطم شربات وتقول
يعني اية زباله صيني. قول زباله وبس
ياميش
حاضر بطلي بقي تزعيق فيا. وربنا بتعب وبيحصل لي نفسيات
فترجع دوددا بالشوال وتحطه في ايد ياميش وهي بتقول
يلا خش حط الواد ابو عيون ضيقة دي في الشوال وانزل بي
ياميش
وانتي مش هاتيجي تساعديني
دوددا
لا. انا عندي سوبيا من منظر الدم
ياميش بعصبية
نعم يا ختي انتي عايزاني اخش اشيلة لوحدي
شربات
ياميش انت راجل البيت وانت اللي لازم تشيلة لوحدك. اومال هما الرجالة لزمتهم اية غير انهم يشيلو المصايب
ياميش
انا مش راجل علي فكرة
شربات
لا. راجل ونص
ثم تفتح شربات باب اوضة نوم دوددا وهي تقول
يالا. خش
ياميش وهو بيدخل الاوضة
ابقوا شيلو الميتين اللي تحت
شربات وهي بتزقة جوة الاوضة
شيل انت دة واحنا هنشيل اللي تحت
وتقفل شربات الباب علي ياميش، ،،،،،،،
ومن قدام سرير دوددا يقف ياميش ويستعد لوضع الشاب الصيني في الشوال والشاب الصيني يقول له
玉被某日本游戏 商塑造成风尘
无双》里，干脆从刘备关羽张
无双》里，干脆从刘备关羽张
فيبص له ياميش وهو مرعوب وبيترعش و مش فاهم بيقول اية ويقول له
تعيش وتفتكر. ودلوقتي انطق الشهادة
فيقول الشاب الصيني
玉被某日本游戏 商塑造成风尘
无双》里，干脆从刘备关羽张
无双》里，干脆从刘备关羽张
ياميش وهو بيدخلة جوة الشوال يقول
هو انت معلق ولا اية. كل شوية تقول نفس الجملة
ويدخل الصيني جوة الشوال ويقفل ياميش الشوال. ويرفع الشوال علي ذراعه ويقول
الشوال خفيف لية كدة. باين عليه ارفته حلوة
وتقع عينه علي السرير فيلاقي الصيني فيتصدم ويصرخ ويبص للشوال فيلاقي فاضي فيدعك عينية ويقول
طيب ازاي. طيب فين. طيب اية. طيب يالا مع بعض نقول أحية
ويروح ناحية الشاب الصيني مرة تانية ويبص له اوي ويقول
يا ابن الناس. هو مش أنا دخلتك الشوال خرجت ازاي والنبي. هه.
فيقول الشاب الصيني
玉被某日本游戏 商塑造成风尘
无双》里，干脆从刘备关羽张
无双》里，干脆从刘备关羽张
ياميش
بردو مش مبرر. قولي حاجة اصدقها. طيب بص انا هادخلك تاني لو خرجت عرفني
ويدخل ياميش الشاب الصيني كمان مرة جوة الشوال ويتاكد انه جوة الشوال ويبص لة ياميش وهو جوة الشوال ويقول
انت جوة الشوال اهو انا هاقفل. لو عايز تخرج اخرج وهو مفتوح كدة حتي يبقي شكلها احلي. هه هاتخرج ولا اقفل الشوال
مايردش عليه الشاب الصيني فيقفل ياميش الشوال مرة تانية ويشيل الشوال ويلاقي فاضي والشاب الصيني علي السرير فيصرخ ياميش ويضحك ويزغرط كل دة في حركة واحدة ويخرج من الاوضة وهو خايف والشوال في ايدة وفاضي فتبص شربات ودوددا للشوال الفاضي وتقول شربات
فين الصيني
ياميش وهو بيضحك ومحول
الصيني في النيش والنيش في الصالة والصالة علي المحارة.
ويبص لدوددا ويمسك رقبتها وهو يقول
انتي السبب انا مش هرتاح الا لما اطلع زمارة رقبتك وازمر بيها شوية.
دوددا وهي بتبعد ايد ياميش عنها وتقول
ياميش انت اتجننت. ما حطيتش لية الواد الصيني في الشوال
ياميش
بيتزفلط من الشوال
شربات باستغراب
بيتزفلط يعني اية
ياميش
كل ما حطة يخرج. مع ان الشوال مقفول
في الوقت دة ينكسر باب شقة شربات ويدخل اثنين صنين ويقول اول واحد فيهم وهو في ايدة سلاح.
من فيكم قاتل يونج تي
شربات لياميش
ولا. اية اليونج تي دة
ياميش وهو لسة محول وبيلطم
دة الشاي الاخضر بتاع التخسيس
دوددا اللي كانت شايفة اسامي الاثنين فوق دماغهم زي اللعبة قالت
ولا. انت وهو مش انتم الفريق اللي انا ونسمة علمنا عليه في جيم المستودع
ياميش وهو لا لسة في حالة اللا وعي قال
لو رايحة المستودع هاتي انبوبة معاكي وانتي راجعة. وتكون بتفسي
الصيني رقم واحد
سوف اقتلك زي ما قتلتي يونج تي. اخي
ويخرج قنبلة يدوية من جيبة وقبل ما يرميها يتخبط علي دماغه بكرسي خشب فتقع منه القنبلة وتدتحرج علي الارض لغاية ما توصل عند ياميش فيمسكها ياميش ويقول
وهو بيبص للصيني اللي حدفها
يا حمار نسيت تشيل فتيل الامان
وسحب ياميش فوبص للقنبلة وقال
عيد ميلاد جرحي انا. عيد ميلاد جرحي انا
صرخت دوددا وقالت
ارمي القنبلة يا غبي. هتنفجر فيك
ياميش
سيبيها تولع علشان اقول هوف
وبص ياميش للقنبلة وفي الوقت دة، ،،،،،،،،،،،،،
أية اللي هايحصل وأية اللي مستني شربات وعيالها. وياتري ياميش هيلحق
الحلقة الرابعة
هي الببجي
عايزا مني اية
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★وسحب ياميش فتيل الامان وبص للقنبلة وقال
عيد ميلاد جرحي انا. عيد ميلاد جرحي انا
صرخت دوددا وقالت
ارمي القنبلة يا غبي. هتنفجر فيك
ياميش
سيبيها تولع علشان اقول هوف
وبص ياميش للقنبلة وفي الوقت دة ينقطع النور عن الشارع كله والقنبلة ما تتفجرش فتستغرب دوددا وتشغل كشاف الموبيل بتاعها وتلاقي الصنيين اختفوا ومبقاش ليهم اي اثر بدات تمشي في الشقة ونسمة قالت لها
دول اختفوا
فتبص دوددا لياميش وامها شربات اللي كانت بتقول لها
بت هما العيال اللي كانوا هنا راحو فين
دوددا
ماعرفش
ودخلت اوضتها تشوف الواد الصيني اللي كان مقتول علي سريرها وتلاقي مش موجود برضو فقالت لنفسها
يعني اية
ويرجع النور للشارع تاني وتنور شقة شربات وتقع عين دوددا علي الرواتر اللي رجع يحمل تاني وبدات لمبة وراء لمبة تنور ومع اخر لمبة. وبرجوع النت ظهر الصنيين في الشقة والقنبلة في ايد ياميش ترجع تظهر تاني فراحت دوددا بسرعه ناحية ياميش وشاطت القنبلة برجليها جت في واحد من الاثنين الصنيين وانفجرت وطار اللحم بتاعه في كل حتة في الشقة بص ياميش للمنظر وسرخ وخرج الصيني التاني قنبلة تانية ورماها صرخت دوددا فيهم وقالت
كله ينط وراء الركنة بسرعه
وفعلا الكل وبمنتهي السرعه ينطوا وراء الركنة وتنفجر القنبلة وتتحول شقة شربات لذكريات فتخرج شربات من وراء الركنة وتبص للشقة اللي بتولع وتقول بحرقة
الشقة يا ولاد الكلب
فتبص دوددا ناحية سلاح المرمي علي الارض واللي وقع من الصيني اللي انفجر فقالت لنسمه
لازم نوصل للسلاح دة بسرعه
في الوقت دة كان الصيني اللي عايش بدأ يضرب نار علي الركنة بشكل عشوائي فقالت نسمه
هنوصل ازاي بس والحمار دة مش مبطل ضرب نار
دوددا
نفكر
ياميش وهو بيبص لنسمه ودوددا يقول
ممكن اي بقرة منكم تفهمني اية اللي بيحصل دة.
دوددا
اللي قتالنهم في اللعبة واللي كانو معاهم في الفريق بنشوفهم
ياميش
نعم يا ختي. هي مالها قلبت جومانجي كدة
دوددا
مافيش وقت لاي كلام احنا في مصيبة ولازم نفكر ازاي نخرج منها
ياميش
فكروا انتو انا مش بتاع اكشن
وفي الوقت دة يسمعوا صوت واحد صعيدي بيقول بعد ما ضرب الصيني علي دماغه وقعه فاقد الوعي
هي فين بنت الكلاب اللي قتلت خوي
فيبصوا كلهم لبعض ويستغربو ويقول ياميش
هو الصيني قلب علي جحش لية كدة
فتلطم نسمه وتقول
دة مش الصيني دي فرقة حمادة السوهاجي اللي كسابنهم ليلة امبارح
شربات
الله يخرب بيوتكم.
وهنا يقف قدام منهم واحد ضخم ووراء منه ثلاثة ضخمين برضو. بص لهم ياميش وقال
الله اكبر دي احلوت اوي. وادي ياجوج وماجوج ظهروا
فيبص لهم الضخم دة واسمه حمادة. وقال
مين فيكم يا جاموس يا ولاد الجاموس اسمه دوددا
فتشاور دوددا ناحية ياميش وهي مرعوبه فيصرخ ياميش ويقول
وربنا لا. انا راجل بس منسون
فيصوبو كلهم اسلحتهم ناحية ياميش ويقول حمادة
ازاي راجل وانت لابس الجلبية المحزقة دي وعليها ترتر
فيبص ياميش للجلبية ويقول
يارتني كنت لبست التانية الشيفون. ما كنش شك فيا
فيسحب حمادة الاجزاء في سلاحة ويقول
كان في بت معاكي يا دوددا اسمه نسمة الدبدوب
نسمه بعصبية
نسمة الحبوب يا عم ذئاب الجبل انت
فيصوب حمادة السلاح ناحيتها وهو بيقول
ومالك اتزرزتي ليا كدة. هو انتي تعرفيها
نسمه وهي مرعوبه وبتشاور علي ياميش
اة. ما هي قاعدة قدامك اهه
فيبص حمادة لياميش ويقول
اة. وقعت في يدي يا نسمة
ياميش
يا عم الله يرضي عنك ازاي اكون دوددا ونسمه في نفس الوقت. هو انا اية مشترك
فيمسكة حمادة من رقبته ويرفعه لفوق وياميش يقول
وربنا انا راجل زيك
فيبص له حمادة بغضب شديد فيخاف ياميش ويقول
انت ارجل طبعا. بس احنا في حاجات كتير زي ماهي موجودة عندك موجودة عندي. يعني بص عندي شعر في صدري
ويبين ياميش صدرة لحمادة فيبص حمادة ومايقليش ولا شعرة فيقول حمادة
فين الشعر دة
فيبص ياميش لصدرة ويقول
يا دي الحظ. لسة شايلة امبارح
حمادة
بتشيلي باية
ياميش
بشيلة. وبعدين عايز تعرف لية
حمادة
هقول لمراتي تعمل زيك. بدل ماهي عفشة
ياميش
هي عندها شعر
حمادة
انا مراتي غوريلا. يا دوددا نسمه. وربنا المعبود انتي انظف منها بكتير
ويلف حمادة ايدة حوالين وسط ياميش ويقول
شكلي كدة هنسي التار اللي عندك يا دوددا نسمه. واتجوزك
ياميش
تتجوز مين يا كلب المعيز دة . انا راجل زيك
فيبص له حمادة تاني نفسه البصة اللي تخوف فيقول ياميش
ماقصدش بس فينا حاجات شبه بعض. حتي بص
وراح ياميش ناحية الحيطة وبدأ يعمل حمام مية وبص لحمادة وقال
في حد بيعمل الحركة المعفنه دي غير الرجاله
شربات وهي بتبص للحيطة اللي بيغرقها ياميش وقالت في سرها
نخلص بس من المصيبة دي واخليك تنظف الحيطة بلسانك
استغرب حمادة اوي وبص للرجاله اللي معه وقال
عملتيها ازاي دي يا دوددا نسمه. والله حريمات مصر دول عليهم عمايل ودين النبي لمتجوزك وكاتب لك نص ارضي باسمك. وما حدش هايسقيها غيرك
ياميش وهو بيعدل هدومة
هو انت حمار. انت لية مش عايز تصدق اني زفت راجل
حمادة وهو بيقرب منه
اصدق كيف بعد ما شوفت صدرك. دة انتي انظف من مراتي يا دوددا نسمه
وشالو حمادة فبص ياميش لدوددا وقال
اعملي حاجة الله يخرب بيتك
فتفكر دوددا بسرعه وتبص للرواتر وتفتكر اللي شافته فتقوم بسرعه وتجري ناحية الرواتر وتطفي فيختفي حمادة الصعيدي ويقع ياميش علي الارض فيتوجع ويبصوا للشقة اللي رجعت زي ماكانت فاستغربوا كلهم لكن اللي
ما ضيعتش وقت في الاستغراب كانت شربات اللي كان عندها مهمه اهم من انها تستغرب وطارت. هي وشبشبها وراحت ناحية ياميش وبدات تضرب في وتقول
بتشخ علي الحيطة يا معفن. انا علمتك كدة
ياميش وهو بيتوجع
يا ماما ما هو كان عايز يتجوزني كنت عايزاني اعمل اية يعني
شربات
تقوم تطرطر علي الحيطة.
ياميش
يا ريته نفع دة برضو شايفني دوددا نسمه. وبعدين بقي اللي المفروض تضرب هي بنتك اللي وصلتنا لكدة
فتبص شربات لدوددا وتقرب منها فتقول دوددا وهي بتبص للشبشب
ماما اهدي احنا في مصيبة سيبي السلاح اللي في ايدك لبعدين يطول وخلينا نفكر بالعقل نخرج ازاي من المصيبة دي
نسمه
انا شايفة ان لما النت بيتفصل كل شئ بيرجع لطبيعته وكل اللي بنشوفهم بيختفوا
دوددا
انا لاحظت كدة اول ما النور اطفي ورجع.
نسمه
بس دة مش حل.
وفي الوقت دة تلاقي نسمه شفيع جوزها داخل شقة شربات ومعه حمادة الصعيدي وبيقول
نسمه حبيبتي. الراجل دة بيسال عليكي
نسمه لدوددا
يا سواد الحلل النت عندي شغال
فيبص حمادة لياميش
واحشتيني يا دوددا نسمه
ويروح حمادة ناحية ياميش ويشيلة وياميش يبص لشفيع وهو بيقول
روح الله 9
يخرب بيتك
شفيع
لية بس
فيصرخ ياميش وهو بيبص لهم وحمادة بيخرج بي من الشقة وبيقول
الحقوني الله يخرب بيوتكم. دة حمار وممكن يدخل عليه فعلا رغم انه ما ينفعش
شربات لدوددا
بت احنا هانسيب اخوكي يتاخد فوق سطوح الواد حمادة
نسمه
لا. انا هاتصرف وهاروح افصل النت وكل حاجة هترجع زي الاول
ويجروا كلهم ناحية باب شقة نسمه ويحاولو يفتحوا الباب لكن الباب مش عايز يتفتح فتبص نسمه لشفيع وتقول
افتح الباب دة
شفيع
المفتاح جوة مش معايا
فيبصوا كلهم لشفيع وهما عايزين ياكلو وشفيع يبص لهم ومش فاكر هو عمل اية فتبص دوددا لنسمه
انا مش هسيب اخويا
نسمه
ولا انا هسيبة
دوددا
يلا زي ما علمنا علي تيم حمادة السوهاجي في اللعبة نعلم عليه في الحقيقة
نسمه
يلا
شربات
وانتم هتعرفوا مكان حمادة دة ازاي
دوددا
من الحساب بتاعه في ببجي
شربات
انا هجي معاكو
دوددا
دي فيها ضرب نار
شربات
مش هقعد انا حاطة ايدي علي خدي وابني مخطوف
نسمه
لازم امك تكون معانا
دوددا
انتي هتخشي تيم اربعه
نسمه
اة زي ما هما اربعه
دوددا
بس احنا كدة تلاته
نسمه
لا. اربعه
وتبص لشفيع وشفيع يبص لها وهو مش فاهم حاجة، ،،،،،
ومن جوة الصعيد كان ياميش جوة اوضة في دوار حمادة السوهاجي وقاعد مربع وحزين وبيقول لنفسه
انا شيفو ملك الرقص. يحصل فيا كدة
لكن يضرب نفسه وهو بيقول
اتلم بقي واسترجل. ما بسبب المياصة دي وصلت لهنا وخليت حمادة هيموت ويتجوزك
وفي الوقت دة اترزع الباب واتفتح ودخل حمادة ومعه امه الست نحمده وبص حمادة ناحية ياميش وقال لامه نحمده
هي دي مراتي الجديدة. دوددا نسمه فيها مزايا كتير اولا
ويشق الجلبية اللي لابسها ياميش من عند الصدر وهو بيقول
صدرها ما فيهوش شعر
اتفجات نحمدة وراحت مزغرطة وقالت
سمعنا كتير عن حريمات ماعندهمش شعر في صدرهم لكن اخيرا شوفنا واحدة منيهم.
ياميش
هو انت من كوكب شعراوي ما طبيعي الست ما يبقاش عندها شعر
وتخبط علي صدر حمادة صاحب الانجاز وقالت
مراة نظيفة. أة يا ابن المحظوظة. اللي هي انا
يبص لها ياميش وهو مستغرب لكن حمادة يكمل ويقول
وتاني ميزا يا ما. انها اسمها دوددا نسمه يعني اتنين ستات في بعض
فتزغزط نحمده كمان مرة. وتقول
اثنين يا ابن المحظوظة. اللي هي انا
يتفشخر حمادة بنفسه ويقول
واخر ميزا بقي وهي الميزا اللي هنبيع بيها
ياميش
هو في اية معلش انت بتبيع عبد
حمادة
فرحان بيكي يا دوددا نسمه
نحمده
شوقتني يا ولدي اعرف اخر ميزا عند مرتك الجديدة
حمادة وهو بيرفع جلبية ياميش من تحت لفوق
بيشخ وهو واقف
فتزغرط نحمده فيقول ياميش
اة يا ابن المحظوظة اللي هي دي
ويشاور علي نحمده. فتقول نحمده لياميش
دة انا يا دوددا نسمه هلف بيكي البلد كلتها واوريهم الحريمات اللي علي حق
لكن في الوقت دة تقف نسمه بلبسها في ببجي ووراء منها تقف نسمه وشربات وشفيع وكل واحد منهم في ايدة سلاح فيزغرط ياميش ويقول
جت لك اللي هاتنيم سوهاج كلها من المغرب
دوددا
سيب اخويا يا ابن العبيطة. ولا تحب اخرمك
حمادة
انتي يا بت تخرمي حمادة السوهاجي. كنك مش عارفة مين هو حمادة السوهاجي
دوددا
لا عارفة
وداست علي الزناد بتاع سلاحها لكن السلاح ما طلعش طلقات رصاص فبصت لشفيع وقالت
انت قفلت النت ولا اية
شفيع
بحمل فيلم سيلفستر الجديد
فتصرخ في نسمه وتقول
وقف تحميل متقل اللعبة
الحلقة الخامسة
هي الببجي
عايزا مني اية
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★وداست دوددا علي الزناد بتاع سلاحها لكن السلاح ما طلعش طلقات رصاص فبصت لشفيع وقالت
انت قفلت النت ولا اية
شفيع
بحمل فيلم سيلفستر الجديد
فتصرخ في نسمه وتقول
وقف تحميل متقل اللعبة
لكن حمادة يخرج سلاح من جيبة ويضرب دوددا بالنار فتقع غرقانه في دمها وتبدأ تطلع دخان اخضر فتقول نسمه لشربات وشفيع
اضربوا النار عقبال ما اسعف انا دودد
وتدوس شربات علي الزناد وتفرغ شربات خزنة الرشاش بتاعها في جسم حمادة الصعيدي فيقع حمادة ميت. وتقوم نسمة باسعاف دوددا زي ما بيحصل في اللعبه وتقف دوددا علي رجليها وتبص لشربات اللي لسة بتضرب النار علي حمادة ويخرج من حمادة دخان اخضر فيقول ياميش
كفاية يا شربات الواد اتخرم منك وطلع كل الدخان اللي جواة وهايعمينا من الريحة
وفي الوقت دة يجي باقي افراد التيم الخاص بحمادة. فتبص لهم نسمه وتقول لدوددا
احنا لازم نهرب من هنا حالا
فتبص دوددا لشفيع وتقول
شفيع افصل النت خلينا نرجع بيتنا
وفعلا يفصل شفيع النت. ويرجعوا لبيتهم ويقعدوا كلهم قصاد بعض في صاله البيت وكانوا بيبصو لدوددا اللي بتقول
في حاجة حصلت بتخلينا كل ما اجهزتتا بتتوصل بالنت نخش اللعبة. ويظهر لينا كل اللي ماتو واحنا بنالعبهم يعني لازم نبعد الموبيلات بتاعتنا عند النت. ولو حصل واي جهاز لقط نت لازم ندافع عن نفسينا لغاية ما نوصل لحل اللغز دة ونعرف اية السبب في اللي حصل لينا ونخرج من اللعبة. ولازم نقتل اللي يتعرض لنا عشان نفضل عايشين.
ياميش بحدة
نعم يا أختي. انا شيفو اقتل قتولة
دوددا
هو قانون اللعبة كدة لو ما قتلتش هاتتقتل
ياميش بعصبية
انا ماليش دعوي انا عايز اخرج من اللعبة الوحشة دي
دوددا بعصبية
ولا. اهدئة انا ماعرفش احنا دخلنا هنا ازاي عشان اعرف اخرجك منها
ياميش
اتصرفي مش انتي السبب
دوددا
اتصرف اعمل اية طيب.
ياميش
اتصلي بخدمة العملاء قولي لهم اتشفطنا جوة الببجي
شربات لدوددا
ياميش بيتكلم صح. وانتي يا زفتة زي ما دخلتينا النيلة دي خرجينا منها
نسمة لشربات
يا طنط. دوددا، ،،،،،
فتقاطعها شربات بعصبية شديدة وتقول
انتي اسمك زفتة
نسمة بكسفة
لا.
شربات
يبقي تنكتمي
نسمة لدوددا
هي امك بتعاملني وحش لية كدة
دوددا
ما انتي عارفة هي بتكرهك قد اية
وترجع دوددا تبص ليهم تاني وتقول
احنا لازم دلوقتي نعرف اللي بيحصل دة بيحصل لينا احنا بس ولا بيحصل لينا كلنا
وتقع عين دوددا علي شفيع اللي كان ماسك الموبيل بتاعه وباصص في فتقول له دوددا
شفيع انت بتعمل اية
شفيع
بكمل تحميل فيلم سلفستر
نسمه وهي بتطلم
انت فتحت نت تاني
شفيع
اة. لية
فتصرخ نسمة قائلا
افصل النت
لكن في الوقت دة يقف شاب هندي قدام دوددا ويستعد لضرب النار عليها ويقول
حق اخويا شخلع خان مش هيروح
لكن ياميش مسك طاسة البيض اللي كانت جنب منه وطار علي الواد الهندي دة وفضل يضرب في بمنتهي القوة والهندي يبص له وهو دماغه كلها بتجيب دم فيصرخ ياميش وييعد عنه وبدأ الشاب الهندي يطلع دخان اخضر
وبص ياميش للطاسة اللي كلها دم ورمها بعيد عنه وهو بيبص لدوددا وبيقول
عجبك كدة. اهو عفريتة هايطلع ويلبسني
فتبص له دوددا. مش مصدقة اللي عملة وتقول
ما سيبتهوش يقتلني لية
ياميش
عشان عفريتك ما يطلعناش في الشقة
دوددا مكررة سوالها
ما سيبتهوش يقتلني لية
ياميش
عشان انتي اختي ومستحيل اخلي كلب يلمسك طول ما انا عايش عيوشة
دوددا
من امتي الشجاعة دي
ياميش
ماعرفش من امتي هي بقي طلبت كدة. مع اني مايع شوية
دوددا
لا. مايع كتير
ياميش ضاحكا
مايع كتير. بس بردو بحبك وبحب شربات ومش هاعرف اشوف حد ياذيكم واقف اتفرج.
فتحضنة دوددا وتقول
اول مرة احس ان ليا اخ راجل بجد ممكن اتحاما في واحس ان وقت الشدة اللاقي واقف في ظهري
ياميش وهو يحضنها ويقول
مش راجل قوي يعني.
فتضحك دوددا. وتروح شربات ناحية ياميش وترفع له البنطلون لان البوكسر باين فيقول لها
مش عجبك لون البوكسر ولا اية.
فتحضنة شربات وتقول
اول مرة احس انك مش خلف الحبايب
ياميش وهو يحضنها فيبص لنسمة ويقول
وانتي اية مش عايزا تخدي حضن قبل ما اقفل
نسمة
لا يا خويا كفاية علية حضن شفيع جوزي،،،،،،،،،،،
وفي نفس الوقت ومن جوة المعمل الخاص بالمخترع فريسكا. يقف مراهم قدام فريسكا اللي يضحك ويضحك ويضحك وبيبص في كذا شاشة قدامه علي اللي بيحصل بين لاعبي الببجي وبعضيهم واللي بتنقله شاشات التيلفزيون وقال
أنا عبقري. انا عبقري. شوفت ازاي الرعب والخوف انتشر بين كل لاعبي الببجي وبقي الدم والموت هو اللي بيحكم اللعبة ياما لاعبي الببجي يكونو قتلة او مقتولين
مراهم
انت فعلا عبقري. العالم كلة حالة اتقلب والكل بيدور علي الطريقة اللي يخرجوا بيها من اللعبة اللي دخلو جوة منها واتحولو لسفاحين واظن بقي دلوقتي جة وقتك تظهر للعالم وتعلن انك انت معاك الحل الوحيد اللي تقدر تخرج لاعبي الببجي من اللعبة
فريسكا
مش دلوقتي. لان النت لما بيفصل يقدروا يهربوا من اللعبة وانا لازم الاقي حل واخلي النت يشتغل 24 س. علي موبيلات كل سكان العالم وماحدش يقدر يهرب من ملف الخوف اللي زرعته في اللعبة
مراهم
ودي بس هتعملها ازاي
فريسكا بتفكير عميق
سيبني افكر واكيد هلاقي ليها حل ،،،،،،،،
ويحل الظلام. ومن جوة شقة شربات وبعد العشاء تقريبا ووقت ما كانو كلهم قاعدين تبص ريهام بنت نسمه لامها وتقول
ماما انا جعانه
نسمه وهي تحضنها. وتقول
حبيبتي كلنا جاعنين. بس لو خرجنا من هنا واي حد جهازة لاقط نت هيفتكرنا عايزين نقتله وهيهجم علبنا.
ريهام وهي بتعيط
انا ماليش دعوي انا جعانه وجعانه اوي كمان
فتبص نسمه لشفيع وتقول
شفيع اتصرف بنتك جعانه
شفيع
اتصرف اعمل اية بس البلد كلها بقيت هايجة علي بعضها ودة بيجري وراء دة عايز يقتله ودة فاكر دة طالع من ببجي. ما انتي شايفة الاخبار في التيلفزيون بنفسك
شربات
مش انتو الرجاله هنا. انزل انت وياميش شوفنا لقمة ناكلها
لكن ياميش مايردش ولا كانه سامع حاجة
فتمسكة شربات من شعره وتقول بعصبية
خد اللي اسمه فشيخ دة وروح شوف لنا لقمة ناكلها
شفيع
فشيخ مين يا حجة. اسمي شفيع
شربات
ياعم اتنيل يعني غلط في اسم هيثم
نسمه
معلش يا شفيع زي امك
شربات وهي تحاول الهجوم علي نسمه ولكن دوددا تمنعها وشربات تقول
امه. ليه يا بت ده انا اصغر منك
دوددا
يا ماما مش وقته الخناق دة
شربات
سيبني عليها عشان انا مخنوقه منها هي اللي عرفتك طريق اللعبة الغم دي
ياميش
اهدئي يا شربات بدل ما يطق لك العرق عروقة
شربات لياميش
انت لسه هنا خد فشيخ ده وروح هات لنا اكل
فيخاف ياميش وشفيع منها ويجروا هم الاثنين من قدامها ودوددا تقول لهم
خدوا اسلحة معاكم وحاولو تبعدوا عن اي حد هيشك فيكم او هيفتكر انك خارج له من الببجي، ،،،،،،
ومن الشارع يمشي ياميش وشفيع وسط الناس بحذر شديد وفي ايديهم اسلحتهم لغاية ما يوصلو عند سوبر ماركت عم فاروق اللي اول ما شافهم داخلين عليه رفع في وشهم سلاحة وقال
انتو جائيين من الببجي.
ياميش خائفا
عم فاروق انا ياميش وجاي لك علشان عايز اشتري اكل
فاروق
وانا اعرف منك انك صادق مش ممكن تكون بتشتغلني
ياميش
والله ابدأ. نزل سلاحك بس ووحد الله
فاروق
مش هنزل سلاحي. انا كل شوية واحد يجي يقتلني ويمشي وشنطة الاسعافات اللي معايا قربت تخلص
وفي الوقت دة يدخل شاب في الثلاثينات من عمره للسوبر ماركت فيقول له عم فاروق
اثبت مكانك وما تقربش خطوة واحدة
الشاب
ولو ما اثبتش
فاروق
هضربك بالنار
الشاب
مش هيحصلي حاجة علشان انا مسحت اللعبة من عندي قبل المرض دة ما ينتشر
ويفتح الشاب احدي الثلاجات وفاروق يقول
انت كذاب ما حدش قادر يهرب من اللعنه دي واقفل الثلاجة بدل ما اقتلك
لكن الشاب فضل فاتح الثلاجة وعمال ياخد منها اكل فقال فاروق
كدة يبقي انت اللي جيبته لنفسك
ويضربه النار لكن الغريب انه ما حصلش اي شي في الشاب فستغرب ياميش وشفيع وهما عمالين يتفرجوا للي بيحصل فقال ياميش لشفيع
يعني اللي كان عنده اللعبه ومسحها ما يحصلوش اي شئ مابالك بقي باللي ما لعبش اللعبة خالص
شفيع
اكيد ولا هتقصر في اللعنه دي
ياميش وهو بيرفع السلاح ناحية شفبع فيقول شفيع بفزع
انت هتعمل اية
ياميش
انت ما لعبتش ببحي خالص
شفيع
ولا مرة
فيضرب ياميش النار علي شفيع فيصرخ شفيع بشدة ويصرخ ويصرخ وهو بيقول
أة. أة. أة.
ياميش
انت بتصرخ لية
شفيع
واحد مضروب بالنار عايزني اعمل اية.
ياميش
بس انت ما حصلكش اي حاجة.
شفيع وهو بيبص لجسمه
صدق صح. اومال كنت بصرخ لية
ياميش
علشان مايص
شفيع
بلاش انت. دة احنا مهربينك من عريسك
ياميش
طيب بس وخليني افكر. شكل نهاية المصيبة دي قريب اوي وهتكون علي ايدي باذن الله، ،،،،،،،،،،
وروح شفيع وياميش بعد ما جابو عشاء وحكي ياميش علي اللي عرفه فقالت دوددا
يبقي سامي. هو الحل الوحيد عشان نخرج من اللعبة دي.
نسمة
بس سامي دة مجنون وعبيط
دوددا
بس عبقري في النت. ومافيش قدامنا حل تاني غير اننا نهكر اللعبة ونضرب ملفاتها اللي علي النت. واللي عن طريقها كل لاعبي الببجي في العالم بيدخلو ايه بلد
نسمة
يبقي لازم نهكر اللعبة
ياميش
انتي صدي صوت ماهي لسة قايلة لازم نهكر اللعبة
دوددا
انت مالك يا ياميش بقيت حمش اوي كدة وصوتك بقي خشن اومال فين مايصة مويصة
ياميش
يعني دة وقتة افرضي موت اموت. وانا راجل نص سوي
دوددا
ماشي يا عم طالما بقي ضرب النار ما بيقصرش فيكم. تاخد شفيع معاك وتروحو عمارة ست ستات اللي في العجوزة وانتم هناك تتصلو بينا
ياميش
اشمعني
دوددا
هناك هتلاقي سامي
ياميش
طيب احنا هانعمل اية في العمارة دي
دوددا
من العمارة دي الحكومة بتتحكم في اشارة وسرعة النت. وخصوصا بعد ما مصر اتحولت لببجي فبقي كل النت في العمارة دي
شفيع
يعني العمارة كدة كلها حكومة. وهو احنا هانقدر علي الحكومة
دوددا
علي حسب ما كنت اعرف من حكايات سامي عن العمارة دي. فهي سرية جدا. يعني مش هتلاقي عليها حراسة وهايكون دخولها سهل بس ممكن تقابلو ظباط مخابرات متنكرين في أي صورة اوعي تخافو واتصرفوا طبيعي واللي يسالكم انتم رايحين فين. قولو انكم هتقابلو واحد صاحبكم. لغاية ما توصلو لسامي وانتو معه اتصلو بينا
ياميش
طيب ما تتصلي بي واحنا هنا
دوددا
انا ماعرفهوش رقم لما توصلو له. قولو له بس انكم من طرفي
ياميش
اتقفنا، ،،،،،
ومن شارع العجوزة يعدي شفيع وياميش علي عمارة ست ستات. ولكنهم لم يلاحظوا الاسم ويقفوا قدام عمارة تانية وهي عمارة ست الستات ويقول ياميش
وصلنا يا شفيع
شفيع
طيب يلا ندخل
ويدخلو الاثنين الي العمارة وهي كانت عمارة صاحبتها امراة سيئة السمعة تدعي ست الستات ويقفوا الاثنين امام صورة كبيرة لست تقف بمياصة وتضحك واللبانة هاتقع من بوقها فيبص شفيع لياميش ويقول
ياميش انت متاكد ان دي العمارة
ياميش وهو بيبص للصورة ومتنح
انت مش شايف صورة الرواتر العمومي
شفيع وهو بيبص للصورة
يعن
ي دي الرواتر العمومي
ياميش وهو بيملس علي الصورة
ياما الرواتر العمومي أو المدفعجية.
ويبوس ياميش الصورة وهو يقول
المخابرات بتاعتنا بقيت جامدة اوي
فتصرخ الصورة وهي تقول
اة يا قليل الادب.
وتضحك الست اللي في الصورة وفجاة يفتح باب سري اسفل ياميش وشفيع ويقعوا الاثنين وهم يصرخون، ،،،،،،،،،،،،،،
راحو فين دول. واية اللي مستنيهم. تابعوني
تعليقات
إرسال تعليق