رواية عشق أرسلان الفصل السادس عشر والسابع عشر والثامن عشر والتاسع عشر والعشرون بقلم حليمه عدادي حصريه وجديده علي مدونة النجم المتوهج للروايات والمعلومات
 |
رواية عشق أرسلان الفصل السادس عشر والسابع عشر والثامن عشر والتاسع عشر والعشرون بقلم حليمه عدادي حصريه وجديده علي مدونة النجم المتوهج للروايات والمعلومات
الفصل 16
عدى يومين أريان بلغ أسيل إن فرحهم هيتأجل شويه وشرحلها الموضوع و اتفقوا على موعد ثاني
الصبح وهما قاعدين بيفطروا رن جرس الباب
أمل : مين دا اللي جايلنا على الصبح ..
حياة : أنا هفتح الباب كملوا فطار ..
حياة فتحت الباب قبل ماتتكلم كان قلم نزل على وشها وقعها على الأض صرخت من الألم
يانيس بغضب : أمك عماله تكذب عليا وإنتي قاعدة هنا إنتي عارفه إيه المشكله اللي حصلت معايا بسببك ..
صوفيا : يانيس إنت عملت إيه هي ماعملتش حاجة غلط هي هربت بسبب قسوتك عليها ..
قامت حياة من الأرض وقربت من أبوها لكنه زقها بعنف
يانيس بغضب : متقربيش مني ثاني وهتندمي لأنك هربتي
وشاور على صوفيا أما إنتي ياصوفيا هتدفعي ثمن كذبك عليا ..
صوفيا : كنت عايزني أسلم بنتي لراجل أد أبوها علشان بنتي أنا ممكن أعمل أي حاجة ولا إني أسلمها ليك ..
يانيس : أنا رايح دلوقتي لكن هرجعلكم ثاني وقريب أوي وكل واحد هيتحاسب على اللي عمله
خرج بسرعة لحقته حياة مسكت فيه قبل ما يركب عربيته
حياة : بابا لوسمحت إسمعني ماما ماعملتش حاجة أنا اللي هربت هي مالهاش دعوة باللي أنا عملته ..
يانيس بغضب : لو لحقتيني مرة ثانية أنا هقتلك مفهووووم ..
ركب عربيته واتحرك بيها دخلت حياة وقعدت تبكي
صوفيا : اهدي ياحبيبتي مش هيقدر يعمل حاجة ..
حياة بدموع : ماما من اللي قاله إني هنا إنتي اللي قولتيله صح علشان أسافر معاكم ..
صوفيا : أنا مقولتلوش الظاهر إنه كان بيراقيني لازم نمشي من هنا قبل ما ياخذوكي ..
حياة : ماما قوليلي الحقيقة هو مش أبويا صح مافيش أب زيه هو ليه بيكرهني ليه بيعاملني بالطريقة دي من وأنا صغيره وأنا حاسه كأني يتيمة بيضربني وبسكت بقول دا مهما كان أبويا حطت رأسها بين إيديها وصوت بكاها بيعلى ..
صوفيا : بس ياحبيبتي اهدي كله هيبقى تمام ..
حياة ببكاء : إنتي عارفه ياماما أنا لما بقعد مع أرسلان بحس إنه أبويا وصديقي بيسمع كل مشاكلي أنا بحس إن هو ملجائي بيحس بيا أكثر من بابا ..
أسيل : اهدي ياقلبي إنتي لسه تعبانه تعالي معايا ندخل الأوضة علشان ترتاحي ..
أمل : قومي يابنتي علشان ترتاحي شوية خذيها ياأسيل..
*******************
كمل فطاره وقعد علشان يجهز خطه للقبض على الراس الكبيره سمع دق على الباب فتح لاقاه واحد من رجالته
أرسلان : مالك حصل إيه إنت مش بتيجي الا إذا كان في حاجة مهمه ..
مالك : إنت طلبت مني أراقب الآنسه حياة ..
لما سمع أرسلان إسمها و قف بسرعه
أرسلان : مالها حياة حصلها إيه إتكلم ..
مالك : ماحصلهاش حاجة لكن النهاردة الصبح في عربيه جت لبيتهم ودخل واحد وخرج بعد شوية خرجت وراه الآنسه حياة اتكلمت معاه بعدها مشي ..
أرسلان : قلت عربيه عرفت مين الراجل دا ..
مالك : لا يافندم أنا أول مرة أشوفوا هو مش من هنا بس إنت ممكن تعرفه ..
أرسلان بإستغراب : هعرفه إزاي وإنت لسه بتقول إنه مش من هنا ..
مالك طلع الموبايل : أنا خذت له صورة لما كان واقف بيتكلم معاها
بص أرسلان للصورة اتصدم وبرزت عروقه من شدة غضبه وعينيه بقت حمره زي الجمر كسر كل حاجه قدامه
أرسلان : مالك روح وراقب كل خطواتها ..
خرج مالك بسرعة هو ماشفوش متعصب للدرجة دي قبل كدا
أرسلان كسر كل حاجه مش مصدق اللي شافه اتمنى إن اللي شافه يكون مجرد حلم
أرسلان : مش ممكن يحصل اللي بفكر فيه فكر شويه وبعدها طلع تلفونه وإتصل بأريان مدالوش فرصة إنه يتكلم
أرسلان : أريان مش عايز كلمه عايزك حالاً قدامي ..
أريان : حاضر مسافة السكه وهكون قدامك ..
*****************
من لما أبوها جه وهي قاعدة بأوضتها مش بتتكلم مع حد قاعدة بتفكر ليه باباها مش بيحبها اتمنت لو كان أبوها بيحبها ويكون سندها بالحياة هي بتتألم لما بتشوف البنات مع أباهتهم ..
أسيل : حياة مش كفاية قعدتك دي والحزن اللي إنتي فيه تعالي معايا وبالليل هاخذك لأي مكان إنتي عايزاه مش عايزه أشوفك زعلانه كدا ..
رن تلفونها بصتله كان أريان هو اللي بيتصل
أسيل : السلام عليكم إزيك ياحبيبي ..
أريان : وعليكم السلام أنا بخير طول ماإنتي معايا يا أميرة قلبي ..
أسيل بمرح : أنا هتعود على الكلام الجميل دا خلي بالك ..
أريان : وأنا تحت أمر أميرتي أنا هنا علشان أقولك كل الكلام الحلو ..
أسيل : وأنا كمان تحت أمرك يا اميري ..
اريان : عايز أقولك حاجة لكن بلاش تسألي عن أي حاجة لحد ماأقولك بنفسي ..
أسيل : حاضر في إيه حصلك حاجة وأنا معرفش ..
أريان : لا ياحبيبتي ماحصليش حاجة لكن قولي لحياة إن أرسلان عايز يقابلها في أقرب وقت علشان حاجة مهمة ..
أسيل باستغراب : إنت و أرسلان بتعرفوا بعض منين ومن إمتا وإنت بتتكلم معاه ..
أريان : هقولك بعدين مع السلامة ياحبيبتي ..
حياة بلهفه : حصل إيه لأرسلان سمعتك بتتكلمي عنه هو بخير ..
أسيل : أريان إتصل بيا بيقول إن أرسلان عايز يشوفك في أقرب وقت علشان حاجة مهمة..
حياة : أسيل ساعدني علشان أروح ماما مش هتوافق بس صحيح أريان بيعرف أرسلان منين مافيش حد في القرية بيتكلم معاه ..
أسيل : أنا زي زيك مش عارفه حاجه بس دي آخر مرة أساعدك فيها ..
حياة : تمام آخر مرة راحت ناحية الدولاب علشان تغير هدومها ..
أسيل : سبحان الله لسه من شوية كنتي زعلانه ولما سمعتي إسمه نسيتي الزعل وحالك اتبدل ..
حياة : إنتي مش فاهمه حاجة غطي عليا علشان أخرج قوليلهم إني نايمه ..
*****************
في بيت أرسلان
أرسلان مش بيهدى الخوف كان بياكل قلبه
أريان : اهدى يابني أنا إتصلت بيها وهتيجي ..
أرسلان : أنا عارف إنها هتيجي لكن بتمنى مايحصلش اللي بفكر فيه ..
أريان : أرسلان حياة بنت بريئة ورقيقة مش ممكن تعمل الحاجات دي ..
أرسلان : أنا واثق فيها بس خايف إن حاجة تحصل ..
أريان : ماتخفش أن شاءالله خير بس بلاش تظلمها قبل ماتعرف الحقيقة ..
********************
خرجت أسيل من الأوضة بصت في كل مكان شافت أمها وخالتها في المطبخ رجعت عند حياة
أسيل : يلا بسرعة هما في المطبخ ومتتأخريش علشان مايكتشفوش غيابك ..
حياة حضنتها : إنتي أحسن أخت في الدنيا كلها هرجع بسرعة ..
طلعوا من الأوضة من غير صوت خرجت حياة ودخلت أسيل المطبخ
صوفيا : فين حياة ليه مجتش معاكي هي لسه زعلانه من اللي حصل ..
أسيل : أنا إتكلمت معاها هي كويسه قالت هتنام شويه ..
أمل : خليها تنام علشان ترتاح ..
خرجت أسيل من المطبخ بصت أمل لأختها
أمل : صوفيا حياة لازم تعرف الحقيقه هتفضلي لحد إمتا مخبيه عليها ..
صوفيا : أنا خايفه يحصلها حاجة مش عايزها تتعرض لصدمة ثانية ..
*******************
الباب خبط فتح أرسلان الباب دخلوا لجوا لقت أريان قاعد عنده بصتله بإستغراب
حياة : هو في إيه ياأرسلان أنا خرجت من غير ماحد يعرف قولي بسرعة عايز إيه علشان أمشي أريان إنت بتعمل إيه هنا ؟
أرسلان : حياة مش وقت الكلام دا بصي هنا وطلعلها لوحة مرسومة
بصت حياة اللوحة
حياة : دا بابا يا أرسلان إنت بتعرف بابا منين ورسمته ليه ؟
أرسلان : إنتي قلتي أبوكي لا مش ممكن لا لا
#رواية_عشق_ارسلان/#بقلم_حليمة_عدادي
الفصل 17
أرسلان : إنتي قلتي إيه دا أبوكي ..
حياة بإستغراب : أيوه بابا لكن إنت تعرف بابا منين يا أرسلان ..
أرسلان : روحي ياحياة مش مهم أنا أعرفه منين ..
حياة : أروح إزاي إنت قلتلي أجي علشان عايزني بحاجة مهمه ودلوقتي تقولي روحي أنا عايزه أعرف إيه اللي بيحصل هنا ..
أرسلان بغضب : حيااااة امشي من هنا من لازم تعرفي حاجة ..
حياة بدموع : أرسلان أنا معملتش حاجة إنت ليه متعصب عليا ..
أرسلان : حياة أنا مش عايز أذيكي أمشي دلوقتي ..
حياة : أنا همشي دلوقتي لكن هرجع مرة ثانية علشان أفهم إيه اللي بيحصل ..
خرجت وهي زعلانه و بتبكي هي مش فاهمه في إيه وليه أرسلان اتعصب لما عرف إن الصورة لباباها ..
*******************
في بيت أسيل
صوفيا : هشوف حياة لو صاحيه أنا عايزه أتكلم معاها ..
أسيل : خالتي سيبيها نايمه هي تعبانه خليها ترتاح ..
صوفيا : لازم أتكلم معاها دلوقتي إحنا لازم نمشي من هنا ..
جت تفتح الباب لكن أسيل منعتها إنها تدخل ..
أمل بإستغراب : أسيل ليه بتمنعي خالتك إنها تتكلم مع بنتها ..
أسيل بتوتر : أنا مش بمنعها حياة قالت إنها مش عايزه تشوف حد ولا تتكلم مع حد ..
صوفيا : أسيل إحنا لازم نمشي من هنا
دخلت الأوضة بصت للسرير ملاقتهاش دورت عليها في الأوضة برضو ملاقتهاش خرجت تدور عليها برا الأوضة
أمل : صوفيا بتدوري على إيه وفين حياة ..
صوفيا : أسيل إتكلمي فين حياة هي راحت فين هي بتخطط لإيه المرة دي ..
أسيل : ماتخافوش هي راحت لمكان قريب وراجعه ..
صوفيا : إنتي عارفه إن في خطر على حياتها ليه سيبتيها تخرج هي فين دلوقتي
في اللحظة دي اتفتح الباب ودخلت حياة
حياة : أنا هنا ياماما ..
صوفيا بعصبيه : كنتي فين خرجتي ليه من غير ماتقوليلي إنتي عارفه إن لسه في خطر على حياتك ..
حياة : مش مهم بسبب بابا أنا دائما حزينه والنهاردة كمان بسببه أنا خسرت أرسلان هو عايز مني إيه كل مابلاقي حاجة حلوة تدخل حياتي يجي هو ويخلي حياتي جحيم ..
صوفيا : يعني إنتي كنتي عنده في إيه بينك إنتي و أرسلان إتكلمي ..
حياة : مافيش بينا حاجة ياماما أنا تعبت لكن في سر أنا لازم أعرفه ..
صوفيا بتوتر : سر إيه ياحياة مافيش أسرار ولاحاجة ..
حياة : بابا وأرسلان بيعرفوا بعض منين وإيه اللي بينهم ..
صوفيا : لو باباكي و أرسلان في بينهم أي حاجة إبعدي عنه ..
حياة : ماما إنتي عارفه حاجة ومخبياها عني قوليلي ياماما ..
صوفيا : أنا معرفش حاجة جهزي نفسك بكره هنمشي من هنا ..
******************
في بيت أرسلان
أرسلان : هعمل إيه دلوقتي اللي كنت خايف منه حصل ..
أريان : حياة ماتعرفش حاجة ماتظلمهاش هي زي الطفلة متقدرش تعمل حاجة والمهم إنها بتحبك ..
أرسلان : بتحبني أنا اتخطيت مرحلة الحب أنا بقيت بعشقها إنت عارف أنا بتمنى في كل لحظة إنها تكون مراتي و أم ولادي بس دلوقتي أنا عرفت إن حلمي بقى مستحيل ..
أريان : متقولش الكلام دا قبل ماتعرف الحقيقة لازم تعرف كل حاجة ..
أرسلان : لسه هعرف إيه كل حاجة واضحه دا طلع أبوها ..
أريان : حتى لو كان أبوها هي مالهاش ذنب إنت عارف إنه مش بيحبها وبيعملها كأنها مش بنته ..
أرسلان : أريان أنا عايزك تعرف كل حاجة عنه وعن مراته ماتنساش أي حاجة أنا هروح المقر قرب موعد العملية المعلومات وصلت ..
أريان : أرسلان اهدى كدا ومتعملش حاجة وإنت متعصب علشان مترجعش تندم ..
أرسلان : متخافش أنا مش هعمل حاجة لكن جه وقت الإنتقام ..
أريان : أنا همشي علشان أجمع المعلومات نتقابل لما تخلص شغلك ..
****************
أسيل : حياة كفاية عياط بقى من لما جيتي من برا وإنتي بتعيطي ..
حياة : إنتي مش شايفه حياتي تعيسه إزاي بابا مابيحبنيش بهرب منه وكأنه مش أبويا الإنسان اللي حبيته واعتبرتوا أغلى حاجة في حياتي مش عارفه حصله إيه لما عرف أنا أبقى بنت مين اتعصب عليا ..
أسيل : ماتزعليش كل حاجة هتكون بخير بس قوليلي إنتي بتحبي أرسلان ليه خبيتي عليا ..
حياة : أيوه بحبه مش عارفه إمتا وإزاي لكن حياتي ما بتكتملش من غيره أنا أول مرة أشوفه متعصب بالشكل دا ..
أسيل : بس ياحياة إنتي عارفه ظروفه دا مابيشتغلش هتعيشي معاه إزاي ولو جبتوا ولاد هتصرفوا عليهم منين ..
حياة : أنا عارفه إنتي عايزه تقولي إيه بس أنا لما حبيته مافكرتش غير فيه هو وبس بس دلوقتي أنا شايفه إن حكايتنا إنتهت من قبل ماتبتدي ..
أسيل : ماتستسلميش ياحياة ياعالم بكره في إيه إن شاءالله خير ..
حياة : أنا الصبح هروحله علشان أفهم إيه الحكاية ..
أسيل : بس خالتي قالت بكره الصبح هتسافروا فرنسا ..
******************
في الصباح فاقت حياة قبل الكل راحت لبيت أرسلان خبطت على الباب فتحلها دخل من غير مايتكلم لحقت بيه
حياة : أرسلان أنا عملتلك إيه ليه مش عايز تتكلم معايا ..
أرسلان : حياة لوشوفتك هنا مرة ثانية هتصرف تصرف مايعجبكش مش عايز أكون زي أبوكي أمشي من هنا ..
حياة : أرسلان قولي بابا عملك إيه هو صحيح قاسي بس مش بيأذي حد أنا عرفاه ..
أرسلان : إنتي بتكذبي عليا أو إنك ماتعرفيش عنه حاجة ..
حياة : أنا مكذبتش عليك أرسلان إنت أكثر شخص أنا وثقت فيه إزاي هكذب عليك قولي قبل مامشي ..
أرسلان : إتفضلي أمشي وماترجعيش هنا ثاني لأنك لو رجعتي مرة ثانية أنا مش هرحمك وقتها كان بيتكلم معاها وقلبه بيتألم ..
حياة بدموع : دا آخر كلام عندك أنا مسافره النهاردة راجعه فرنسا كنت جايه أودعك قبل ما أسافر ومشيت من قدامه ..
بص لمكانها ودمعه نزلت من عينه
أرسلان : أنا آسف ياحياة بس كل ماشوفك هفتكر اللي عملوا فيا أبوكي قلبي بيتألم بس أنا لازم أنتقم
آسف يا أجمل حاجة حصلتلي في حياتي إحنا مالناش نصيب مع بعض أنا مكنتش عايز إن دا يحصل ..
******************
رجعت حياة للبيت لقت أمها مستنياها قدام البيت
صوفيا : حياة أنا قلتلك ماتخرجيش لأي مكان من غير ماتقوليلي ..
حياة مانطقتش بحرف وركبت العربية والدموع في عينيها افتكرت أول يوم التقوا فيه
حياة : ليه عملت فيا كدا ياأرسلان كنت عايزه أعمل أي حاجة علشانك
أنا مش عارفه بابا عمل معاك إيه خلاك تكرهني بالشكل دا ..
ودعت صوفيا أختها وبنتها وركبت جنب بنتها
بصت حياة للمكان للمرة الأخير بتودعه اتمنت إن أرسلان يلحقها ويمنعها من إنها تسافر لكن مش كل حاجة عايزينها بتتحقق ..
******************
في بيت أرسلان
أريان : أنا جبلتلك كل المعلومات عنه هو ومراته بس في حاجة مهمه تخص حياة هي سافرت النهاردة ..
أرسلان: هي جت هنا علشان تودعني بس أنا طردتها ..
اريان : حياة حياتها في خطر وصلت معلومات عن الزعيم شوف بنفسك
أرسلان قرأ كل الورق وطلع يجري لبرا ..
أرسلان : أريان هما عايزين يخطفوا حياة بلغ رجالتنا يلحقونا حياة بخطر ..
اسفه حبايبي على التاخير بس انتو بتعرفوا ظروفي و مع الزلزال بس نزلت علشان مش تزعلوا مني
ادعوا لنا أمر كل شيء بسلام
#رواية_عشق_ارسلان/#بقلم_حليمة_عدادي
الفصل 18
في المطار كان بيجري وأريان وراه لحد ماشاف صوفيا قاعدة على الأرض وبتبكي راحوا ناحيتها بسرعة لما شافت أريان وقفت وجريت ناحيته لأنها تعرفه
صوفيا ببكاء : أريان ألحق بنتي أخذوها مني مقدرتش أمنعهم أرجوك إعمل حاجة ..
أرسلان : اهدي مين اللي أخذها إنتي عرفتي حد منهم قوليلي علشان نقدر ننقذها ..
صوفيا : اللي أخذها رجالة أبوها هو مش هيرحمها ساعدوها إنت مين ..
أريان: دا أرسلان صديقها إنتي عارفه مكان جوزك أو تعرفي أي حاجة عنه ..
صوفيا ببكاء : أرسلان أرجوك إنت كنت كل حاجة ليها اعمل حاجة عشانها هي طول الطريق بتعيط ومستنياك تلحقها ولما خطفوها كانت بتصرخ بإسمك ..
أرسلان : ماتخافيش هنرحعها والمرة دي أنا مش هرحمه ..
أريان : ليه أبوها يخطفها إنتي عارفه حاجة ..
أرسلان : يلابينا هنروح لآدم باشا ونحل الموضوع دا ..
ركبوا العربية أرسلان كان حاسس بالحزن هو السبب لو منعها إنها تروح كان زمانها جنبه دلوقتي
كان بيسوق العربية بسرعه جنونيه وبيضغط بإيده على الدركسيون الدم كان بيغلي زي البركان في عروقه ..
******************
فتحت عينيها بفزع بسبب الميه اللي اتسكبت فوق رأسها سمعت صوت ضحكات بصت ناحية الصوت شافته بيبصلها بشر وبإيده مسدس
يانيس : أهلاً أهلاً بتمنى إن ضيافتنا تعجبك يابنتي الغاليه ههههه كان نفسي أشوف أمك هنا كمان بس إحنا مش بنقبل ضيوف كثير ..
حياة بدموع : بابا أنا بنتك ليه بتعمل معايا كدا حرام عليك ..
يانيس : هههه هي صوفيا مقالتلكيش إني مش أبوكي ..
حياة : كفاية بقى إنت بتقول إيه لو إنت مش أبويا مين هو أبويا ..
يانيس : إنتي بنت أخويا العزيز يوسف ..
حياة بصدمة : بنت أخوك إنت اتجننت أخوك مات من زمان ..
يانيس : معنى كدا إن صوفيا مقالتلكيش حيث كدا بقى أنا هقولك يانيس مش أبوكي هو عمك ويوسف هو أبوكي بعد موت يوسف أنا اتجوزت والدتك ..
حياة اتصدمت وافتكرت معاملته ليها
حياة بدموع : علشان كدا إنت كنت مابتحبنيش عايز مني إيه دلوقتي سيبني أمشي من هنا ..
يانيس : فاضل حاجة مهمه إنتي عارفه أبوكي مات إزاي ولا أقولك ..
حياة : مش عايزه أسمع حاجة ثانية فكني عايزه أمشي ..
يانيس : أنا اللي قتلك أبوكي الحبيب كان بيعترض على شغلي كثير وعلشان أخذ أملاكه وأكمل شغلي كان لازم اتخلص منه ..
بصتله والدموع مغطيه وشها
حياة : حرام عليك أنا هقتلك بإيديا ياحقييير
قلم نزل على وشها وبوءها جاب دم
يانيس بغضب : محدش هينقذك مني أمك لو متنازلتش عن
الأملاك أنا هقتلك ..
حياة : هيجي بطلي وهينقذني ويقتلك ..
يانيس بسخرية : المشوه صحيح هههه أنا هقتله بمجرد مايوصل هنا مع السلامه يابنتي أووو قصدي يابنت أخويا ..
خرج وسابها وسط صدمتها بتبكي اللي كانت فاكراه أبوها هو اللي قتل أبوها ..
*****************
في المقر العسكري كان قاعد وهو متعصب لسه ماوصلتوش أي معلومات عنها
أرسلان : يامدام صوفيا لوسمحتي لو كنتي عارفه حاجة قوليلي ..
صوفيا بدموع : أنا مش عارفه حاجة أنا أصلاً معرفش إنه هنا أنا سيبته في فرنسا هو اللي جه ورايا ..
أرسلان بغضب : لوحصلها حاجة أنا هقتله ..
آدم باشا : اهدي هو مش هيعملها حاجة دا مهما كان أبوها ..
أرسلان : حتى لو كان أبوها أنا أكثر واحد يعرفه أنا مش هستنى هنا لازم أعمل حاجة..
كان هيخرج لكن وقفه صوت صوفيا
صوفيا : أهو بيتصل أعمل إيه ..
شاورلها علشان ترد
يانيس : مراتي حبيبتي أكيد وحشتك ..
صوفيا : يانيس بنتي فين علشان خاطري متأذيهاش ..
يانيس : لو عايزه بنتك ترجعلك لازم تتنازلي عن كل أملاكك ..
صوفيا : تمام أنا هعملك كل اللي إنت عايزه بس ما تأذيهاش قولي إنت فين وأنا هجيلك ..
يانيس : فكرتيني مغفل أنا عارف إنك بلغتي البوايس وإنتي عندهم دلوقتي ..
صوفيا : لا أنا ببيت أمل ومش هقول لحد ..
يانيس : لسه بتكذبي عليا أنا مراقبك من لما طلعتي من المطار لو كذبتي ثاني أنا هبعثلك بنتك جثة ..
يانيس : أنا هقولك على المكان اللي هتيجي عليه ولو عملتي أي حاجة أو بلغتي البوليس أنا هقتلها ..
صوفيا بخوف : تمام أنا هاجي لوحدي قفلت التلفون وبصتلهم ..
أرسلان : هتروحي لوحدك وإحنا هنلحقك هنحاصر المكان من غير ماهو يحس بحاجة ماتعمليش أي حاجة يكون فيها خطر على حياتكم ..
أريان : هو دلوقتي بيراقب المكان روحي إنتي وإحنا هنخرج من مكان ثاني ..
*******************
من لما عرفت الحقيقه وهي تبكي سمعت صوت الباب بيفتح بصت ناحيته شافته داخل بصت قدامها
يانيس : أمك هتيجي دلوقتي علشان تاخذك بس الأول هتدفع ثمن كذبها عليا
متهتمش لكلامه وفكرت تسأله
حياة : إنت تعرف أرسلان منين ..
يانيس : مين أرسلان معرفش حد بالاسم دا ..
حياة : من غير كذب أرسلان صديقي أنا شوفته راسملك لوحه ومن عصبيته عرفت إنك عملت معاه حاجة ..
يانيس : قلتي إيه هو راسملي صورة أمه لسه عايشه ..
حياة : أنا اللي بسألك إنت تعرفه منين إيه دخل والدته ..
يانيس : حصلت حاجة زمان بيني وبين حد علشان كدا أنا بسألك أمه عايشه علشان أقولك أنا عملت فيه إيه ..
حياة : أمه مابتتحركش وفقدت النطق إنت اللي عملت فيها كدا وأبوه مات بحادثة إتفضل إحكيلي إنت تعرفه منين ..
يانيس بصلها بصدمه : رماح بعدها خرج بسرعة
فضلت باصه لأثره
حياة : أنا عملت إيه هو عرف مني كل حاجة هو هيأذي أرسلان ..
*******************
وصلت صوفيا للمكان لكن مالقتش حد بعد شوية وقت خرج واحد وهو حاطط قناع على وشه وحاطط غطاء على رأس حياة
صوفيا : يانيس أنا جيت أهو سيب بنتي ونحل الموضوع بيننا ..
مالقتش منه رد العساكر حاصروا المكان
أرسلان : سلم نفسك مش هتقدر تهرب المكان محاصر
المقنع رمى مسدسه على الأرض
قرب منه أرسلان وحط المسدس على رأسه قلع القناع لكن كانت الصدمه أكبر..
الفصل 19
أرسلان شال القناع لكن كانت صدمته أكبر لأنه مكنش يانيس شال قناع البنت مكنتش حياة حط المسدس على رأسها
أرسلان بغضب : فين يانيس وحياة اتكلمي علشان متتأذيش ..
البنت بخوف : أرجوك متأذنيش أنا معرفش حاجة هما خطفوني أنا معرفهمش ..
بصلها أرسلان شافها بتترعش وبتبكي من الخوف عرف من حالتها إنها ماتعرفش حاجة
أرسلان : إبعث البنت دي لآدم باشا هي والرجاله اللي قبضتوا عليهم ..
أرسلان مسك اللي كان لابس القناع ضربه بوكس وقعه على الأرض
اتحرك أرسلان من مكانه استغل الرجل تحركه وهرب مسك أريان مسدسه علشان يضرب عليه لكن أرسلان منعه
أريان : أرسلان دا بيهرب ليه نسيبه يهرب ..
أرسلان : إحنا بندور عن مكان يانيس والراجل دا هو اللي هياخذنا ليه ..
أريان : يلابينا نلحقه قبل ما يهرب ..
أرسلان : إنت خذ مدام صوفيا لبيت أختها وأنا هلحقه لمكان يانيس ..
أريان : لا إحنا هنروح سوى ..
أرسلان : اعمل اللي بقولك عليه أنا هروح لوحدي واتحرك علشان يلحق بالراجل ..
*****************
في عربية أريان كان الصمت سيد المكان لحد ماصوفيا قطعته بسؤالها
صوفيا : كنت عايزه أسألك عن حاجة فاجئتني ..
أريان : إتفضلي اسألي ..
صوفيا : حياة كانت دائما بتحكيلي عن أرسلان إنه فقير وهي كانت بتاخذ منه الخشب علشان تبيعهلوا وإن مافيش حد بيحبه
لكن في المقر العسكري أنا لاحظت إن الكل بيحترمه وبيخاف منه حتى الباشا بيحترمه ..
أريان : أرسلان هو أكبر قائد في القوات الخاصة ..
صوفيا : طب ليه كان عايش حياة الفقر ..
أريان : دي كانت مهمة سريه هو مايعرفش الهزيمة ..
صوفيا : اتمنى إنه يقدر يساعد بنتي وترجعلي بالسلامة ..
أريان : ماتقلقيش هينقذها وهترجع لبيتها إن شاءالله ..
********************
أرسلان كان لسه ماشي وراء الراجل لحد ماوصل لبيت جوا الغابة دخل البيت أرسلان بدأ يقرب من البيت بحذر
جوا البيت دخل الراجل وهو بيجري
يانيس : فين القائد رماح وصوفيا أنا قلتلك إني عايزهم عايشين ..
الرجل : ياباشا هما حاصرونا وقبضوا على كل رجالتنا أنا الوحيد اللي قدرت أهرب منهم ..
يانيس بغضب : ياغبي إنت مهربتش منهم هما اللي سمحولك إنك تهرب فتحوا عينيكم كويس وامسكوا أي حد يقرب من المكان ..
دخل عند حياة كانت بتبكي
يانيس : إنتي عارفه من اللي جه لعندك ..
بصتله من غير ماتتكلم
يانيس : حبيب القلب أرسلان أو القائد رماح ..
حياة بغضب : لو لمست شعرة واحده منه أنا هقتلك ..
يانيس : ماتخافيش عليه أوي كدا دا أهم قائد في القوات الخاصة ..
حياة : كلامك كله كذب مش عايزه أسمعه ..
دخل واحد من رجالته :
ياباشا إحنا مسكنا القائد رماح
قبل ما يتكلم رجالته دخلوا رماح وهو مربوط
يانيس : شرفتنا قائد رماح هيكون إيه موقف الباشا بتاعك لما يعرف إن قائد في القوات الخاصة معايا..
أرسلان : ملكش دعوه سيب حياة ونحل الموضوع بيننا ..
يانيس : حياة بتستنى بطلها أرسلان مش القائد رماح ..
وجه كلامه لحياة
بنت أخويا أعرفك على القائد رماح شيلوا القناع
حياة حست بصدمة ووقعت على الأرض لما شافت أرسلان قدامها
أرسلان بخوف : حياة إنتي كويسه يانيس سيب حياة دي مهما كان بنتك
يانيس : اربطوه جنبها استناني هرجعلك..
*****************
في بيت أمل
أمل : كل دا يحصل معاكي ومتقوليليش ..
صوفيا : مكنش في وقت علشان ابلغك من المطار لقسم البوليس قلبي وجعني أوي على بنتي ..
أسيل : ماتخافيش ياخالتي أرسلان هينقذها أريان قالك إنه هيلحقهم ..
أمل : اهدي ياحبيبتي هترجع بالسلامة إن شاءالله ..
صوفيا : أنا أعرفه كويس دا إنسان حقير مافيش حاجة بتهمه غير الفلوس أنا خايفه ليعملها حاجة ..
*******************
حاول إنه يتكلم معاها لكن من غير فايدة مش راضيه ترد عليه
أرسلان : حياة اتكلمي حتى كلمة واحدة عايز أطمن عليكي ..
حياة : ماتخافش ياقائد رماح أنا كويسه ماتزعجش نفسك علشاني ..
أرسلان : حياة أنا هحكيلك على كل حاجة بس مش دلوقتي مش وقته إنك تفضلي زعلانه مني ..
حياة : مابقاش في حاجة تهمني كل اللي حواليا بيكذبوا عليا كل اللي بحبهم كسروا قلبي ..
#رواية_عشق_ارسلان/#بقلم_حليمة_عدادي
الفصل 20
في المقر
آدم باشا بغضب : إزاي سيبتوا رماح يروح لوحدوا إنتوا عارفين إنهم من أكبر الإرهابيين جوا البلد وعايزين يقتلوه وعارفين إن هو هدفهم الأول ..
أريان : ماتقلقش ياباشا رماح عارف هو بيعمل إيه كويس ..
آدم باشا : استنوا منه أي خبر علشان نتحرك ..
أريان : أوامرك ياباشا ..
*****************
عند أرسلان
أرسلان : حياة علشان خاطري ماتعمليش معايا كدا اتكلمي قولي أي حاجة عدت كام ساعة وأنا ماسمعتش صوتك ..
حياة : أرسلان أنا مش عايزه أسمع صوتك من النهاردة لازم تنسى إنك عرفت واحدة إسمها حياة ..
أرسلان: أنا ممكن أنسى الدنيا كلها لكن مش هقدر انساكي حياة أنا عايش علشانك إنتي وأمي ..
حياة : يمكن تكون والدتك مهمة عندك لكن أنا كنت واحدة غبية بتصدق أي حاجة ماما قالتلي ماتثقيش بالناس لكن أنا قولتلها أرسلان قلبه طيب ومافيش حد زيه لكن قلبي غلط ..
أرسلان : قلبك مغلطش أنا كان لازم أعمل اللي عملته دا علشان أعرف أنتقم لبابا اللي اتقتل وأمي اللي مابقتش قادر أسمع صوتها ..
حياة بدموع : ماقلتليش ليه ولا مكنتش واثق فيا ..
أرسلان : الموضوع مالوش دعوة بالثقة أنا كنت عايز أحميكي إنتي لو عرفتي هتكوني نقطة ضعفي وعدوي هيستغلها ..
حياة : أي سبب العداوة اللي بينك وبين بابا وكملت بدموع قصدي قاتل بابا ..
أرسلان بصدمه : إيه يانيس مش أبوكي أومال مين هو أبوكي ..
حياة : يانيس عمي وهو اللي قتل بابا لأن بابا كان رافض شغله ..
أرسلان : يعني يانيس مقتلش بابا وبس لكن إحنا هنستنى إيه من واحد مجرم زي دا ماتشليش هم أنا مش هرتاح غير لما أقتله ..
حياة : معدش بيهمني حد لا هو ولا إنت أنا عايزه أخرج من هنا وهسافر ومش هرجع القرية دي مرة ثانية أنا لما شوفتك في الأول قلت إن دي بلدي لكن
أرسلان : أنا هخرجك من هنا لكن مش هسيبك تروحي لأي مكان بلدك هنا ..
اتفتح الباب ودخل يانيس ووراه رجالته و بإيده أدوات تعذيب
يانيس : إيه يارجاله بتزعجوا العشاق ليه لكن أنا سيبتكم مع بعض وقت طويل ..
أرسلان : أنا مش هسيب رأسك على جسمك ياحقير إنت أكبر ازعاج للعالم كله ..
يانيس : إي هي أكثر حاجة بتوجع القائد أنا عايز أشوفوا بيتألم ..
واحد من رجالته : تعذيبه هنعذبه من غير رحمه لحد مايصرخ من الألم ..
يانيس : هههه إنت غبي أكثر حاجة بتوجع القائد هو عشقه لو حبيبته إتألمت دا هيكون مؤلم أكثر من التعذيب ..
أرسلان بغضب : لو لمست شعره منها أنا هحرقك هنا ..
يانيس : تمام قرب من حياة ومسكها من شعرها صفعها عددت صفعات وهي بتبكي وبتصرخ
أرسلان حاول إنه يفك إيديه لكن من غير فايدة حس وقتها بالغضب والعجز ..
أرسلان : إنت بتخاف من الرجاله وبتستقوى على الستات ياجبان سيبها أنا قدامك أهو ..
يانيس : أنا همشي يارجاله عايز أسمع صوته واصل لعندي اجلدوه لحد مايغمى عليه ..
*******************
في بيت أمل كانت صوفيا قاعدة والقلق باين على وشها
أمل : صوفيا إنتي لازم تاكلي حاجة ياحبيبتي إنتي كدا هتتعبي شوفي نفسك بقيتي عامله إزاي..
صوفيا : مش عايزه حاجه منين هيجلي نفس أكل وبنتي مخطوفه
أسيل : هترجعلنا بالسلامة إن شاءالله مش هيحصلها حاجة ..
صوفيا : أريان قالك إيه هما عرفوا مكانهم ..
أسيل : هما مستنيين توصلهم معلومات من أرسلان ..
رن تلفون صوفيا بصتله شافت رقم غريب فتحت الخط
يانيس بضحك : هههههه أنا نبهتك إنك ماتبلغيش البوليس لو كنتي سمعتي كلامي كانت بنتك في حضنك دلوقتي شوفي حالتها إيه دلوقتي قفل الخط
وصلتلها رسالة فتحتها وبصتلها والدموع ماليه عينيها
كانت حياة بتبكي والدموع مغطيه وشها وهي بتترجاهم إنهم يسيبوا رماح اللي جسمه بقى كله دم ..
صوفيا ببكاء : محدش هيقدر يخلص بنتي أرسلان بين إيديهم ..
أمل : ماتخافيش ياحبيبتي لازم نكلم أريان وهو هيعرف يتصرف ..
أسيل : أيوه البوليس هيتتبع رقم التلفون وهيعرف مكانه يلابينا بسرعة ..
*******************
عند أرسلان
أرسلان أغمى عليه من شدة التعذيب حاولت حياة إنها توصل لعندوا لكن ماقدرتش
حياة بدموع : أرجوكم فكوني أنا مش ههرب بس عايزه أشوفوا اقفلوا الباب ..
واحد من الرجاله : فكها وإنت أخرج إحرس الباب من برا وإنتوا تعالوا معايا نروح عند يانيس باشا
فكوا حياة وخرجوا جريت ناحيته وحطت رأسه على رجليها وبدأت تمسح وشه
حياة ببكاء : أرسلان علشان خاطري افتح عينيك أنا خايفة ماتسيبنيش لوحدي لكن مالقتش رد منه
أرسلان ماتعملش فيا كدا علشان خاطري أنا ماليش حد غيرك مهما زعلت منك بس ماليش غيرك أنا خايفه منهم فتح عينيك
أرسلان بتعب : ماتخافيش أنا معاكي الإيد اللي هتقرب منك أنا هقطعها ..
حياة : أرسلان إنت كويس أنا آسفه كله بسببي إنت هنا بسببي ..
أرسلان : أنا هنا علشانك وعلشان انتقامي أنا مستعد إني أموت ولا إني أسمح لحد إنه يمس شعره منك ..
مسك إيدها حطها على قلبه القلب دا بينبض علشانك إنتي وبس بعد ماكان خلاص مات رجع ينبض من ثاني علشانك إنتي أنا كنت مش بصدق حاجة إسمها حب لكن لما شوفتك عرفت يعني إيه حب
أنا عايز اعرف حاجة واحدة إنتي بتبادليني نفس المشاعر إنتي بتحبيني زي مابحبك ..
ابتسمت حياة بخجل
حياة : في جوا قلبي عشق واحد لكن أنا بخبيه لشخص واحد وهو جوزي المستقبلي ..
أرسلان : إنتي بتحبي حد ثاني طب مين هو ..
حياة بابتسامه : واحد قاعد قدامي لكنه غبي مش بيفكر أنا مش عارفه إذا كنت هطلع من هنا ولالا علشان كدا أنا هقولك أنا حبيتك من أول ماشوفتك ومهما زعلت منك لكن قلبي مش بيقدر يزعل منك ..
أرسلان بفرحه : إنتي بتحبني بجد من النهاردة أنا مش هزعلك خالص هتمنى الموت على إني أزعلك هقولك على كل حاجة خبتها عنك
حياة : إنت تقدر تبعث رسالة للبوليس أو لأي حد علشان يجي ينقذنا ..
أرسلان : إزاي هبعثها
طلعت تلفون من تحت هدومها
أرسلان بدهشه : جبتيه منين ..
حياة : لما طلبت منهم إنهم يفكوني خذت تلفون واحد منهم من غير مايحس ..
أرسلان فتح التلفون بعث رسالة للواء بالمكان لكن فجأء اتفتح الباب
