رواية_عشق_ارسلان بقلم_حليمة_عدادي الفصل الاول والتاني والتالت والرابع والخامس حصريه وجديده علي مدونة النجم المتوهج للروايات والمعلومات

 رواية_عشق_ارسلان بقلم_حليمة_عدادي الفصل الاول والتاني والتالت والرابع والخامس حصريه وجديده علي مدونة النجم المتوهج للروايات والمعلومات 

رواية_عشق_ارسلان بقلم_حليمة_عدادي الفصل الاول والتاني والتالت والرابع والخامس حصريه وجديده علي مدونة النجم المتوهج للروايات والمعلومات 

الفصل 1

كان بيزعق ويكسر كل حاجة قدامه وهي مستخبيه ورى أمها وشهقاتها بتعلوا

يانيس بغضب : كل يوم مشاكل بسببها وبتجي منين من جامعتها ..

صوفيا : هي معملتش حاجة هما السبب اهدى إنت ماشوفتش حالتها ..

يانيس بغضب : حالتها ماتهمنيش كل مرة أسيب شغلي بسببها النهاردة مديرة جامعتها جه يشتكي منها ..

صوفيا : هي عملت إيه بنتي ماعملتش حاجة من غير سبب ..

حياة ببكاء : أنا تعبت ياماما كل مرة بتعرض للتنمر بسبب حجابي كلهم بيهربوا مني ..

يانيس : قوليلها تقلع الحجاب دا وتغير الهدوم اللي هي لابساها دي وتلبس زي  البنات مابتلبس مش عايز أشوفك بالهدوم دي ثاني 

قال كلامه وخرج وهو متعصبة  

قربت منها أمها و حضنتها 

حياة بدموع : ماما هستغنى عن أي حاجة إلا حجابي دا فريضة من ربنا هو تاج على رأسي أنا مش هقلعه حتى لوقتلوني ..

صوفيا : منعني إني أشتغل علشان رفضت أقلعه وإنتي هيمنعك من دراستك ..

حياة بدموع : ماما مدير جامعتي قبلني بحجابي لكن كل اللي معايا بيتنمروا عليا مش عايزني معاهم أنا مش هكمل دراستي هنا ..

صوفيا : أومال هتكملي دراستك فين ..

حياة : في بلدي أنا عايزه أرجع بلدي ..

صوفيا : أبوكي مش هيسيب شغله هنا ..

                ***********************

في ذالك البيت الصغير كان قاعد جنب أمها بيأكلها

أرسلان : من يوم الحادث وأنا مسمعتش صوتك ياماما أنا بر بين الناس وحيد و إنتي هنا مش عايزه تتكلمي قولي حاجة ..

بصتله لكن ماتكلمتش 

أرسلان بدموع : ماما أرجوكي إتكلمي بقيت أمشي بين الناس و الكل بيهرب مني بصي لوشي الكل بيخاف منه ..

دلوقتي أنا هروح لشغلي باس رأسها وخرج من البيت وضع الغطاء على رأسه مشي قدام أهل الحارة الكل بعد عنه تصرفهم دا مجرحهوش لأنه خلاص إتعود عليه  

وصل للغابة لأنه بيجمع الخشب ويبيعها لست هي تستغل حالته تأخذ الخشب وتبيعها وتعطيه نصف الفلوس ..

                ***********************

أمل : أسيل دا أول يوم لكي في الشغل إتأخرتي ليه ..

أسيل : أنا جاهزة ماما هنروح سوى طريق المكتبة قريب من المدرسة ..

أمل : يلا بينا ..

خرجوا من بيتهم ركبوا عربيتهم الصغيرة

أسيل : ماما حياة ماتصلتليش من وقت طويل ..

أمل : إنتي عارفه التنمر اللي بتتعرضله بسبب حجابها ..

أسيل : أنا مش فاهمه هما إيه دخلهم بحجابها ..

أمل : أكثر حاجة بتوجع هو أبوها مش هامه غير الفلوس طلب منها تقلع الحجاب علشان مصالحه ..

أسيل : أستغفر الله هو دا أب المفروض هو اللي يدعمها علشان تحافظ على حجابها أقفي هنا ياماما أنا وصلت باستها ونزلت من العربية ..

أمل : حبيبتي خلي بالك على نفسك مع السلامه..

                  **********************

 يانيس : صوفيا صوفيا إنتي فين عايز أتكلم معاكي ..

صوفيا : مالك في إيه خرجت وإنت متعصب ورجعت مبسوط ..

يانيس : نادي على بنتك لازم أقولها هي كمان ..

خرجت حياة من أوضتها وقعدت معاهم 

يانيس : النهاردة طلب مني مدير الشركة طلب لوعملته هبقى مدير لواحده من شركاته ..

صوفيا : وإيه هو الطلب دا اللي هيخليك مدير ..

يانيس : في اليوم اللي جه فيه المدير لعندي  شاف حياة وعجبته وعايز يتجوزها .. 

صوفيا بعصبية : إنت اتجننت هو مش مسلم وبسن أبوها أو أكبر كمان ..

يانيس : إستني بس هو مسلم وعايش هنا من وهو صغير اما من ناحية إنه كبير في السن فهو قال إنه هيدفعلنا مبلغ كبير أوي..

صوفيا : إنت بتقول إيه عايز تبيع بنتك علشان الفلوس إنت أحقر شخص شوفته 

كانت بتسمع كلام أبوها و دموعها نازلة مش بتقف ..

يانيس : أنا هخرج دلوقتي فكروا بالموضوع وهتتجوزيه سواء وافقتي او رفضتي ..

خرج من غير خجل ومرفش ليه جفن علشان بنته

صوفيا : اللي قاله دا مش هيحصل مش هتتجوزي العجوز دا ..

حياة بدموع : ماما إنتي شايفه هو بيعاملني إزاي من وأنا صغيره وهو بيعاملني بقسوة وكنت بستحمل والنهاردة عايز يبيعني علشان مصلحته ..

صوفيا : لما يرجع هبلغه إنك موافقة ..

حياة بصدمه : إيه ..

صوفيا : علشان يكون عندنا وقت علشان أقدر أهربك بكره لعند خالتك لازم  تهربي على أول طيارة ..

حياة حضنتها بفرحة : إنتي أحسن أم في الدنيا وأخيراً هرجع لبلدي ..

              ************************

انتهى أرسلان من تقطيع الخشب وإتصل بالست اللي بتاخذ منه الخشب جت بعربيتها

أرسلان : الخشب جاهز إنتي كل مرة بتنقصي من الفلوس ..

الست : لولايا مكنتش بعت الخشب مافيش حد هيشتري من واحد مشوه أنا باخذ حق تعبي ..

أرسلان : تعب إيه إنتي بتاخذيه على الجاهز وتبيعيه وتاخذي المبلغ الأكبر من غير ماتتعبي ..

الست : لومش عاجبك مش هاخذوهم كل الناس رفضت إنها تشتري منك ..

أرسلان : طيب روحي حطلها الخشب فوق العربية واتحركت بالعربية ..

أرسلان قعد حزين بيستحمل استغلال الست دي علشان أمه مش ذنبه إنه مشوه لكن الناس بتحكم على الإنسان من شكله ..

الفصل 2

في الصباح كانت أمل قاعدة بتفطر هي وبنتها لأن النهاردة إجازة التلفون رن أمل بصتله بفرحة 

أمل : السلام عليكم ياحبيبتي إزيك وإزي حياة ..

صوفيا : مش وقت أسئلة ياأمل أرجوكي ساعدي حياة ..

أمل بخوف : في إيه اهدي ياحبيبتي وقوليلي أساعدك إزاي .. 

صوفيا حكتلها كل اللي حصل وإيه خطتها علشان تهرب بنتها

صوفيا : إسمعيني كويس حياة دلوقتي في الطياره استقبليها أول ماتنزل من الطيارة و خذيها عندك لحد ما ألاقيلها حل ..

أمل : إنتي بتقولي إيه حياة بنتي وهتبقى عندي قد ماتحب ..

صوفيا : أنا مش عارفه أشكرك إزاي حياة أمانة عندك وماتقوليش لأبوها إني إتصلت بيكي .. 

أمل : ماتقلقيش عليها هي مع والدتها خلي بالك من نفسك ..

صوفيا : مع السلامه أنا هقفل دلوقتي يانيس جه ..

أسيل : في إيه ياماما خالتي صوفيا كويسة..

أمل : إنتي سمعتي اللي حصل قومي غيري هدومك علشان تروحي تجيبي بنت خالتك من المطار على هنا هنا أمان ..

أسيل بفرحة : أخيراً جت حياة دي وحشتني أوي أنا زهقت من الوحده لبست أسيل هدومها بسرعة و خرجت علشان تروح تستقبل حياة ..

                     *********************

يانيس : حبيبتي إزيك فين حياة ياسر هيجي بعد شوية..

صوفيا : خرجنا علشان نشتري شوية حاجات وهي دلوقتي في أوضتها .. 

يانيس : أنا هروحلها علشان أتكلم معاها شوية راح ناحية أوضتها خبط على الباب لكن مفيش حد بيرد فتح الباب لقى الأوضة فاضية دور عليها ملاقهاش فتح دولابها لاقاه فاضي..

يانيس بغضب: صوفيااااا صوفيااااا ..

صوفيا جت تجري : في إيه إنت بتزعق كدا ليه .. 

يانيس بغضب : بنتك هربت إنتي كنتي فين اتكلمي أنا هقول إيه لياسر ضاع الشغل من بين إيديا ..

صوفيا : هو دا كل اللي يهمك الفلوس وشغلك وبس مش هامك بنتك فين دلوقتي هي مالهاش أصحاب هنا أرجوك رجعلي بنتي ..

يانيس : عنها مارجعت قرفت منها ومن عمايلها لولا شغلي مكنتش هدور عليها أنا هدور عليها وإنتي إعملي أي حاجة .. 

خرج بسرعة علشان يدور عليها بصت صوفيا لمكانه و حمدت ربنا إنه مشكش فيها ..

                   **********************

في المطار

 كانت حياة مستنيه أسيل وهي خايفه هي ماتعرفش حد لحد ماحست بإيد على كتفها إنتفضت من مكانها و بصت وراها بخوف 

نفخت حياة : أسيييل دي إنتي وقعتي قلبي كان هيغمى عليا بسببك ..

أسيل حضنتها بفرحة : حياة إزيك إشتقتلك يابت ..

حياة : وأنا كمان إشتقتلك كثير بقالنا كثير مشوفناش بعض .. 

أسيل : يلا بينا أنا جيت بعربية ماما هيا هناك وشاورت على العربية 

وصلوا للعربيه ركبوا واتحركوا على البيت

حياة : إشتقت لبلدي مستحملتش أبعد عنها..

أسيل : البنات بيحلموا إنهم يسافروا لفرنسا و إنتي عايزه ترجعي منها ..

حياة : أنا بحبها لكن هناك الكل بيتنمر عليا وكل مايشوفوا هدومي بيسخروا مني وأنا مش هسيب حجابي علشان حد .. 

أسيل : لما نوصل للبلد الوضع مش هيعجبك وهتتمني إنك ترجعي لفرنسا .. 

حياة : على فكرة أنا بحب بلدكم وبحب الطبيعة ولما نوصل عايزه اتمشى في كل مكان فيها ..

أسيل : تمام وصلنا نزلوا من العربية خبطوا على الباب فتحتلهم أمل وابتسامه على وشها سلمت على حياة وحضنتها .. 

حياة : أنا إشتقتلك ياخالتي ..

أمل : أهلاً بيكي ياحبيبتي وحشتيني أوي إنتي كويس ..

حياة : متقلقيش عليا ياخالتوا أنا كويسه ..

أمل : أنا جهزتلك الحمام تعالي علشان تاكلي وبعدها أدخلي علشان ترتاحي .. 

حياة : أنا كويسة أوي وبعد الأكل هخرج أتمشى في القرية كلها وبعدها عايزه أروح للغابة لوسمحتي لي .. 

أمل : تمام موافقة أسيل هتاخذك ..

                     *********************

قعد جنب أمه في ذالك البيت المظلم 

أرسلان : ماما حبيبتي اتكلمي معايا إنتي زعلانه مني الكل بيتجاهلني وانتي كمان 

طيب أنا هروح علشان أجيب الخشب لتلك الأفعى وهرجعلك باس رأسها  وخرج زي كل يوم وهو في طريقه للغابة شاف بنت واقفه ومرعوبه واثنين واقفين قدامها وواحد منهم ماسكها من ذراعها 

حياة بدموع : لوسمحت أبعد عني ..

الولد : أنا مش عايز حاجة ياقمر أنا بس عايز أتعرف عليكي ..

حياة : أنا مش عايزه أتعرف على حد أبعد عني ..

أرسلان بحدة : سيبوا البنت في حالها إنت مش سامع أنا قلت إيه ..

الولد : ههه شوف مين اللي بيأمرنا المشوه .. 

حياة بخوف ودموع : لوسمحت ساعدني وزقت اللي كان ماسك إيدها وجرت استختبت وراه ..

حياة بخوف : لوسمحت قلهم يروحوا .. 

الولد : مش هنروح قبل مانتعرف قرب علشان يمسكها لكن فجأة اتلقى بوكس في وشه وقعه على الأرض ..

أرسلان بغضب : لو مروحتوش من هنا هتشوفوا وش ثاني ماشوفتهوش قبل كدا ..  

الولد : ماشي هنروح دلوقتي لكن ابقى افتكرنا كويس .. 

أسيل : حياة أنا آسفة إتأخرت عليكي بسبب المكالمة بصت لوشها مالك حصل إيه  

حياة : أنا خايفه في شابين اعترضوا طريقي وحاولوا إنهم ياخذوني معاهم لولا الشاب دا هو اللي أنقذني 

ضمتها أسيل لحضنها 

أسيل:  اهدي ياقلبي خذي نفس أنا آسفه كله بسببي المكان هنا مش آمن ..

حياة : فين هو عايزه أشكره .. 

أسيل: هو مين .. 

حياة : الشاب اللي أنقذني كان حاطط غطى على رأسه لكن أنا شوفت وشه كان مشوه علشان كدا كانوا بيسخروا منه ..

أسيل: هو مش بيتكلم مع حد يلابينا نبدأ جولتنا ولاعايزه نرجع البيت ..

حياة: لا أنا كويسه يلابينا عايزه أتمشى في كل مكان ..

الفصل 3

بعد ماخلصوا جولتهم في القرية قعدوا وسط الغابة 

أسيل : لو ماما عرفت إننا روحنا الغابة هتزعل مننا أوي ..

حياة : وهتزعل ليه إحنا بس بنتمشى..

أسيل : حياة المكان عندنا هنا مش أمن زي المكان اللي كنتي فيه ..

سمعوا حد بيصرخ بغضب 

حياة  : تعالي نشوف في إيه في حد هنا ..

أسيل : حياة يلا نمشي إحنا مالناش دعوة ممكن تحصل مشكله ..

حياة : تعالي بس ماتقلقيش هنبص من بعيد ..

حاولت أسيل إنها تمنعها لكن حياة أصرت إنها تروح قربوا من المكان شافوا ارسلان بيزعق على الست إياها

حياة : دا الشاب اللي أنقذني أنا هشوف حصل معاه إيه ..

أسيل : لا ياحياة يلابينا نمشي إحنا اتأخرنا مالناش دعوة ..

حياة : طب بس نقرب علشان نفهم اللي بيحصل يمكن نقدر نساعده ..

أسيل : قلت لا مشاكلهم يحلوها بينهم ..

حياة مسمعتلهاش وقربت منهم 

أرسلان بغضب : كفاية استغلال بقى كل يوم بتاخذي مبلغ أكبر من اللي قبله المبلغ اللي بتدهوني مبقاش يكفي حتى ثمن الدواء لماما كل مرة بتاخذي الضعف ..

الست : لومش عاجبك مش هاخذ منك الخشب ثاني وابقى إستنى اللي ياخذ من مشوه ..

أرسلان حاول كتم غضبه : إتكلمي إنتي عايزه إيه ..

المرأة : أنا هاخذ المرة دي الضعف ولو رفضت مش هاخذ منك ثاني..

أرسلان : مع السلامة من النهاردة مش هتاخذي حاجة مش عايز أشوف وشك مرة ثانية ..

الست : إنت هتندم لما متلاقيش حد يشتري منك ..

 مشيت الست وهو قعد حزين وبيفكر ليه محدش عايز يشتري منه هو مخترش إنه يكون مشوه ضرب إيده على الشجرة بقوة والدم نزل منها ..

حياة جريت لعند أسيل 

حياة : أنا هروحله يمكن أقدر أساعدوا ..

أسيل : أنا مش هسيبك تروحيله يلابينا نمشي من هنا مسكتها من إيدها 

أسيل : ماتقوليش لماما حاجة لأنها هتعصب علينا .. 

حياة ماسمعتش هي قالت إيه لأنها كانت زعلانه عليه لأن قلبها طيب وماتقدرش تشوف حد حزين 

حياة : أنا زعلانه عليه ليه الناس بتحكم على الواحد من شكله ..

                     *********************

يانيس : أنا دورت عليها في كل مكان وملاقتهاش أنا خسرت كل حاجة بسببها ..

بصتله صوفيا وهي بتمثل إنها بتبكي 

صوفيا : علشان خاطري هاتلي بنتي أنا مش عارفه هي فين هي بخير ولالا أكلت ولالا ..

يانيس : لولقتها هقتلها المدير جابلي فرصة علشان أدور عليها هو لسه عايزها أنا هخرج أدور عليها ..

 أول ماخرج خذت التلفون وكلمت أمل 

صوفيا : السلام عليكم ياحبيبتي إزيك ..

أمل : بخير الحمدلله إنتي إزيك ..

صوفيا : أنا بخير الحمدلله لسه بيدور عليها دا حتى مديره لسه متمسك بيها ..

أمل : ماتقلقيش خالص حياة هنا في أمان أهي عايزه تكلمك ..

حياة بدموع : ماما وحشتيني أوي ..

صوفيا : مالك ياحبيبتي دول هما يومين بس لازم تكوني قوية بابا لسه بيدور عليكي ووقت مايلاقيكي هيجوزك ليه .. 

حياة : تمام ياماما متخافيش عليا أنا مع ماما أمل ..

صوفيا : مع السلامه ياحبيبتي خلي بالك على نفسك ..

قفلت التلفون مع مامتها وقعدت وهي حزينة 

أمل : مالك ياحبيبتي ليه الحزن دا كله الزعل ميناسبكيش ..

حياة : ليه بابا مابيحبنيش ..

أسيل : إهدي ياقلبي أنا معاكي وكملت بمزاح وهجلبلك شوكولاته وأنا راجعه من الشغل ..

حياة بفرحة كالأطفال : إنتي بتتكلمي بجد هاتيلي منها كثير .. 

أسيل : شوف البت أول ما جبنا سيرت الشوكولاته نسيت كل حاجة ..

أمل : من وهي صغيرة وهي بتحب الشوكولاته بجنون حتى وهي زعلانه ..

أسيل : تمام هجبلك شوكولاته لكن بشرط متخرجيش من البيت وماتروحيش لأي مكان ..

حياة : متعاملنيش زي الأطفال تمام مش هروح في حته .. 

خرجت أسيل وأمها حياة بصت لأثرهم واتكلمت مع نفسها

حياة : أنا آسفة يا أسيل لكن لازم أخرج علشان أساعده صحيح أنا معرفوش لكن أنا عايزه أساعده ..

أنا مقدرش أشوف حد محتاج مساعده ومساعدهوش ..

                   **********************

قعد جنب الخشب محدش عايز يشتريه منه وأمه مبقاش عندها أكل سمع خطوات حد وراه التفت لقاها وراه 

أرسلان : إنتي مين وبتعملي إيه هنا ..

حياة : أنا البنت اللي انقذتها إمبارح ..

أرسلان : عايزه إيه ..

حياة: جيت علشان أشكرك على مساعدتك ليا وكمان عايزه حاجة ثانية .. 

أرسلان : شكرك مقبول حاجة إيه اللي عايزاها ..

حياة : أنا هاخذ منك الخشب وأبيعهم إنت بس قلي أبيعهم فين ..

أرسلان : عايزه إيه في المقابل ..

حياة : لما أديك الفلوس جيبلي اللي إنت عايزه .. 

أرسلان : ليه عايزه تعملي كدا باين من لبسك إنك مش محتاجه الفلوس ..

حياة : متسألش كثير بكره إن شاءالله هجيب اللي يشتريه إسمك إيه ..

أرسلان : متسأليش عن أي حاجة متخصش الشغل الكل بيقولولي المشوه قولي زيهم ..

حياة : بالمناسبة أنا إسمي حياة وهعرف إسمك عاجلاً أم آجلاً نتقابل بكره في نفس الوقت ..

حياة غادرت المكان نظر لأثرها حمدالله إنه لقى اللي يساعده

أما هي كانت في طريقها وبتفكر إزاي هتلاقي اللي بيشتري الخشب ..

#رواية_عشق_ارسلان/#بقلم_حليمةعدادي

الفصل 4

كانت بتتعشى معاهم لكن عقلها شارد بتفكر إزاي هتعرف مين اللي بيشتري الخشب علشان تجيبه ويشتريه خطرت على بالها فكرة وعزمت على تنفيذها

أسيل : حياة الشوكولاته عجبتك..

حياة : أيوه طعمها حلو أوي أنا هتعود عليها ..  

التفتت لخالتها : خالتي لوسمحتي أنا عايزه أسألك سؤال .. 

أمل : اسألي ياحبيبتي براحتك ..

حياة : أهل القرية بياخذوا الخشب لفين ..

بصتلها أسيل بتساؤل 

أمل : بيشتريها منهم واحد إسمه حمزة وبياخذها للمصنع إنتي بتسألي ليه .. 

حياة : مافيش حاجة أنا شوفت أهل القرية بياخذوا الخشب من الغابه ومافيش مصنع علشان كدا إستغربت هما بياخد ها لفين ..

أمل : طيب يابنات أنا هدخل أنام عندي شغل بدري..

أمل دخلت أوضتها أسيل لمت الأطباق للمطبخ ..

قعدت حياة تفكر إزاي هتساعده هي صممت إنها تساعده ..

********************

في تلك الغرفة الصغيرة كان قاعد بيأكل أمه ويحكيلها عن يومه زي كل يوم 

أرسلان : أنا اتخلصت من تلك الأفعى كنت خايف ملاقيش حد غيرها لكن ربنا استجاب دعائي 

لكن ياماما البنت دي مش من القرية ومن هيئتها باين إنها مش محتاجه لشغل زي دا كنت هرفض لكن أنا محتاج الفلوس علشانك 

حط رأسه في حضنها ومسك إيدها حطها على رأسه بصلها بدموع

أرسلان: ماما أنا مش وحش لكن كلهم حواليا زي الجماد محدش بيحبني محدش بيكلمني أنا بقيت وحيد وإنتي كمان مش بتتكلمي معايا أنا اشتقتلك إنتي اللي بقيالي 

باس رأسها ونيمها على سريرها وغطاها كويس .. 

أرسلان باس جبهتها : تصبحي على خير ياقلبي ..

أرسلان طلع من عند أمه ودخل أوضته نام على سريره يفكر بشرود ..

******************

في أوضة أسيل وحياة

حياة كانت مبسوطه لأنها هتقدر تساعده 

أسيل : إنتي ليه كنتي بتسألي عن اللي بيشتروا الخشب ..

حياة : مجرد سؤال عادي مافيش حاجة ..

اسيل : حياة متكذبيش عليا أنا عرفت إنك خرجتي النهاردة إنتي بتفكري بإيه ..

حياة : مين اللي قالك إني خرجت إنتي بترقبيني ..

أسيل : حياة إنتي أختي وأنا خايفه عليكي المكان هنا مش زي المكان اللي جيتي منه المكان هنا خطير أنا مرقبتكيش أريان هو اللي قالي ..

حياة : مين أريان ..

أسيل : أريان إبن الجيران بلغني لما خرجتي ..

حياة حكتلها كل حاجة من لما خرجت لحد سؤالها

أسيل : مش هتروحي ياحياة انسي الموضوع من النهاردة مش هتخرجي لوحدك ..

حياة جت علشان ترد لكن فكرت في أمر ما

حياة: تمام مش هروح إنتي عارفه أحسن مني كنت عايزه أساعد وبس لكن لما سمعت كلامك خوفت تمام مش هخرج ..

أسيل : أنا قلقت عليكي أنا مش عايزه أمنعك إنك تساعدي حد لكن الموضوع خطير يلا ننام علشان نصحى نصلي الفجر ..

حياة : حاضر تصبحي على خير ..

*********************

في الصباح كانوا بيستعدوا علشان ينزلوا شغلهم 

أمل : حبيبتي ماتروحيش لأي مكان وماتفتحيش الباب لحد ..

أسيل: حياة زي ما إتفقنا متخرجيش لوحدك ..

حياة : ماتقلقوش مش هخرج أنا هرجع أنام ..

استنت لحد ما بعدوا غيرت هدومها بسرعة 

حياة : أنا آسفة إني كذبت عليكم لكن مقدرش أشوفوا بالحالة دي ومساعدهوش راحت للدكان اللي بيشتغل فيه أريان دخلت القت عليه التحية

أريان : أهلاً عايز إيه ..

حياة : أنا عارفه إنك هتبلغ أسيل إني خرجت لكن لوسمحت بلاش تقولها .. 

أريان : هتروحي فين في الوقت دا ..

حياة : احكيلي عن الشخص اللي إسمه حمزة وبيشتري الخشب ..

أريان : عايز منه إيه ..

حياة : هو من فترة خذ شوية فلوس من بابا وأنا دلوقتي قاعدة مع خالتي ومحتاجة الفلوس دي هروح علشان أخذها منه وأرجع أرجوك ماتقولهاش ..

أريان : تمام المرة دي بس لوخرجتي مرة ثانية هقولها .. 

حياة بفرحة : متشكرة أوي تمام مش هخرج مرة ثانية .. 

حياة جريت بفرحة 

*******************

وصلت حياة للغابة ومعاها السيد حمزة إشترى منها الخشب وأداها الفلوس ومشي من غير أي اسئلة 

قعدت تستناه وهي خايفة إن خالتها ترجع ومتلاقيهاش فاقت من شرودها على صوته

أرسلان : أنا مستنيكي من الصبح افتكرت إنك مش هتيجي .. 

حياة : ومجيش ليه أنا اديتك كلمة وأنا مبرجعش بكلامي إتفضل خذ الفلوس كلها ..

أرسلان : إنتي اخذتي حقك ..

حياة : لا ماخذتش استنيت لما تيجي وأخذ .. 

بص للفلوس اللي بين إيديه كم كانت تستغله تلك المرأة 

أرسلان : أولاً أنا متشكر خذي اللي إنتي عايزاه .. 

حياة : إنت اللي تعبت أنا بس جبت الشخص اللي اشتراهم هاخذ شوية بس مش عايزه إعتراض .. 

أرسلان : إنتي هتيجي ثاني ..

حياة : صعب إن أجي هنا كل يوم هاجي يوم واحد في الأسبوع كدا كويس ..

أرسلان : تمام هستناكي هنا ولوكان الشغل دا بيسببلك مشاكل متجيش ..  

حياة : ماتقلقش جهز إنت كمية كبيرة زي ما إتفقنا ..

#رواية_عشق_ارسلان /#بقلم_حليمة_عدادي 

الفصل  5

مرت أيام قليلة كان أرسلان بيجمع الخشب كل يوم ويستناها

لما جه موعد قدوم حياة في الصباح لما خلص أرسلان يجمع الخشب سمع صوتها اتخبى ورى الشجرة لحد ما الراجل اللي جه يشتري الخشب يمشي 

حياة : النهارده الخشب أكثر من المرة اللي فاتت فهتدفع أكثر ..

حمزة : تمام أنا عارف في المساء رجالتي هيجوا علشان ياخذوهم طلع محفظتة ودفعلها ثمن الخشب ..

حياة : تمام إتفقنا بس مش هكون هنا لما يجوا ..

حمزة : تمام أستئذن أنا دلوقتي..

نظرت حياة في كل اتجاه تبحث عنه لكن لم تجده 

حياة : هو فين إتأخر ليه

 لسه مكملتش كلامها شافته خرج من ورى الأشجار

أرسلان : السلام عليكم أنا متأخرتش كنت هنا من الصبح لكن محبتش أخرج قدام الراجل ..

حياة : وعليكم السلام خذ الفلوس وعدها علشان تتأكد ..

أرسلان : وأعدهم ليه هتخذي كام النهاردة .. 

حياة : اللي إنت عايزه خذت منه الفلوس بعدها قعدت جنبه ..

أرسلان : لازم تروحي لوحد شافك هتحصل مشكلة .. 

حياة : ميهمنيش حد أحكيلي بقى حكايتك إيه سبب اللي في وشك دا عندي فضول أعرف حكايتك ..

أرسلان : مش مهم روحي قبل ماحد من أهل القرية يشوفك ..

حياة : ماشي أنا هحكيلك عن حياتي مافيش حد في البيت علشان اتكلم معاه ..

أرسلان : مش عايز أسمع روحي ..

حياة ماهتمتش لرفضه وكلمت : 

أنا ولدت بفرنسا من صغري وأنا بتعرض للتنمر من الكل 

كنت عايزه أعيش في بلدي لكن محدش سمحلي لما كبرت ولبست الحجاب كنت كل يوم بتعرض لمشاكل من الناس ..

أرسلان بفضول : مين اللي ماسمحلكيش إنك تعيشي في بلدك ..

حياة : إنت قلت إنك مش عايز تسمع حكايتي ودلوقتي بتسأل .. 

أرسلان  : أنا غلطت لأني سألتك ..

حياة بضحكه : ههه تمام تمام هقولك بابا كان بيجبنا لهنا مرة في السنة وبعدها  مبقاش يسمحلي إني أجي .. 

أرسلان بتعجب : طب مين اللي جاب لهنا .. 

حياة : أنا هربت وهو دلوقتي بيدور عليا دلوقتي أنا مستخبيه عند خالتي ..

أرسلان : وهربتي ليه الهروب قرار غلط ..

حياة : أنا مهربتش علشان عايزه أعيش في بلدي ..

أرسلان : أومال هربتي ليه ..

حياة حكتله كل اللي حصل معاها

أرسلان : أنا ماشوفتش زي أبوك دا أبداً .. 

حياة : كنت عايزه أعرف قصتك لكن أنا إتأخرت إسمك إيه ولالسه مش عايز تقولي ..

 بصلها بتردد هو محدش اتكلم معاه قبل كدا علشان كدا هو مش متعود على حد 

حياة : تمام يعني مش عايز أنا ماشية مع السلامة بعدت عنه خطوات بسيطة .. 

أرسلان : إسمي أرسلان

 التفتله حياة : إسمك جميل أوي بتخبيه ليه .. 

أرسلان : لأن مافيش حد بيناديني بيه ..

حياة  : تمام مع السلامه هنلتقي في نفس الموعد .. 

أرسلان : مع السلامه ..

*********************

رجعت أسيل بدري من شغلها لأن صاحب المكتبة مجاش خبطت على الباب محدش بيرد فتحت الباب بالمفتاح لأن معاها نسخة من المفاتيح لقت البيت هادي دخلت تدور على حياة لكن ملاقتهاش حست بالخوف خرجت تجري وتدور عليها في كل مكان لحد مالاقتها في طريق الغابة 

حست حياة بالخوف من إن أسيل تكشفها

أسيل بغضب : أنا قلتلك إيه قبل ماخرج الصبح قلت متخرجيش من البيت المكان هنا مش آمن ..

حياة : أنا آسفة أوي زهقت قلت أخرج اتمشى شوية ..

أسيل بتحذير : آخر مرة ياحياة كنتي بتتمشي ولا في حاجة ثانية مخبياها .. 

حياة بتوتر : لا وهخبي إيه .. 

أسيل : يلا بينا على البيت لو ماما عرفت هتزعل منك أوي ..

حياة : بلاش تقوليلها مش هكررها ثاني ..

قطع أريان طريقهم

أسيل : في إيه مالك عايز إيه ..

أريان : أنا شايف إنك بقيتي بتخرجي كثير و تروحي للغابة لوشوفتك ثاني هناك وقتها تصرفي مش هيعجبك .. 

أسيل : أروح مكان منا عايزه دا شيء مايخصكش ..

أريان بعصبية : أسيل دا آخر تحذير ليكي وموضوع المكتبة مبقاش عاجبني الرجاله بتفضل داخله خارجه .. 

أسيل : الرجاله بيجوا علشان يشتروا مش علشان حاجة ثانية .. 

ابعد عن طريقي ولو ادخلت في حياتي مرة ثانية تصرفي مش هيعجبك ..

أريان مسكها من إيدها 

أريان بغضب : لوشوفتك بتتكلمي مع أي راجل وقتها هتكوني إنتي  سبب في موته جربي كدا وهتعرفي إذا كنت بتكلم جد ولالا يلا على البيت .. 

بصتله أسيل من غير ولا كلمة وبعدها مشيت على البيت 

*******************

وصلوا البيت قعدت أسيل تفكر في كلام أريان

حياة : قوليلي ياأسيل هو كان بيتكلم معاكي كدا ليه .. 

أسيل : معرفش كدا الوضع زاد عن حده ..

حياة : هو بيتكلم كأنه حبيبك وبيغير عليكي كام مرة قالك الكلام دا ..

أسيل : بقاله فتره طويله كل مابتكلم مع حد بيدخل مش عارفه أعمل إيه .. 

حياة : أنا شايفه إنه بيحبك لكن إيه اللي مانعه إنه يجي يتقدملك..

أسيل : يتقدملي إزاي بس أنا مش عارفه إذا كان دا حب ولاحاجة ثانية 

أسيل : أنا هدخل أرتاح شوية لحد ما ماما تيجي وهنروح البحيرة مع بعض ..

حياة : بجد هنروح ..

أسيل : أيوه قامت دخلت أوضتها 

استنتها حياة لحد مادخلت وخرجت من غير صوت وراحت لمكان شغل أريان 

دخلت حياة لقته قاعد 

حياة : السلام عليكم ..

أريان : وعليكم السلام  إيه اللي جابك هنا ..

حياة : عايزه أسألك سؤال واحد وعايزه إجابة واضحة ..

أريان : إسالي أنا سامعك ..

حياة : إيه معنى الكلام اللي قلته  لأسيل وليه بتدخل بحياتها ..

أريان : الموضوع مايخصكيش روحي من هنا ..

حياة : لو مقولتليش هقول لأسيل إنك دايماً بتقولي نفس الكلام ..

أريان : إيه أنا مقولتلكيش حاجة ..

حياة : تمام زي ماتحب أنا هروح وأقولها وقتها هتنزل من نظرها ..

أريان : إستني تمام هقولك أنا بحبها ومش عايزها تتكلم مع حد لأني بغير عليها ..

حياة : كنت عارفه إنك بتحبها طب لو كلامك صحيح ليه مجتش وطلبت إيدها من خالتي ..

أريان : قريب أوي هاجي وأتقدملها بس أوعي تقوليلها .. 

حياة : طيب أنا هروح دلوقتي جريت للبيت فتحت الباب من غير ماتعمل أي صوت اتنفست بصوت عالي لما ملقتش حد ..

تكملة الرواية من هنا