روايه وحش روضته انثي البارت الثامن عشر بقلم ميفو السلطان حصريه علي مدونه النجم المتوهج للرويات والمعلومات
كانت ليان تجلس حزينه فابنتها بمرور الايام تنفصل عنها ويوسف يقهرها ويعذبها بفتياته التي ياتيهم ليلا ليقضو معه وقت السمر احست ان روحها تنتزع منها و ايامها تطبق علي انفاسها لياتي يوم تدخل عليها الخادمه لتقول.. فيه ضيف بره يا مدام اسمه الاستاذ مازن.. ميفو ميفو
لم تعلم ليان لماذا رق قلبها حين سمعت اسمه رغم انه سبب العذب الذي هيا فيه.. فهيا حنت لعمها كثيرا ليدخل مازن بهيئه غير هيئته.. فمازن كان مستهترا ذو عيون حاقده اما من امامها شخص اخر يتسم بالطيبه وعيونه راحت منهم كل ما هو خبيث ليقترب منها ويهتف بحب.. ازيك يا ليان
لتقول.. عايشه يابن عمي.. حمدالله عالسلامه. سبحان الله وبحمده
ليطرق من محياها ويهتف.. انا عارف ان ماليش عين اقف قدامك ومش مصدق اللي عملتيه عشاني.
لتهتف ليان.. انا ماعملتش حاجه انا رجعتلك حقك اللي بقاله سنتين متاخد ظلم.. انت اه وجعتني بس الفلوس دي حرام وانا عايشه المرار فمش ناقصه حرام اكتر من اللي انا فيه
🌿 سبحان الله وبحمده 🌿
ليهتف مازن.. ليان انا عارف اني زباله في نظرك وماتسماش راجل وماستحقش بس بصيلي. يمين بالله انا تبت لربنا يا بنت عمي توبه نصوحه. سنتين سجن دعكو وش ابن عمك في التراب وعرفني اني ماسواش اساسا.. ربنا رزقني بناس ترجعني للطريق الصواب.. نعمه من عند ربنا. وعايش بتعذب اني رميت محصنه وسودت سمعتك وجبتلك واحد جاحد يأذيكي لتنزل دموعه لتندهش ليان ووجدته يقترب منها ليجلس امامها وينحني.. والنبي يا ليان انا واقع في عرضك انا مابنامش من قهرتي علللي عملته فيكي سامحيني.. عارف اني مجرم وهتقلي في النار.. بس ماليش حيل في اللي عملته.. ورحمه ابويا اللي غضبان عليا مقهور سامحيني يا انضف خلق الله.. سامحيني يا بنت ابويا وقلبه.. انت قلب ابويا يا ليان.. انا مستني اني لو مت هخش جهنم.. والله ما عايش والجريمه اللي عملتها ونهشت بيها عرضي هتموتني نفسي طابق عليا.. حاسس اني ميت وانت اللي هترجعيني للحياه.. عارف اني ماليش خاطر بس وخاطر عمك تسامحيني.. اهو خيره قعدله وصلح ابنه الفاسد ليمسك يدها يقبلها ابوس ايدك يا ليان تسامحي كانت دموعه تنزل بشده وهو راكع تحت قدمها ليكمل.. عارف ان اللي اتعمل فيكي مش قليل بس انا كنت شيطان مصاحب شيطان بس والله ربنا تاب عليا.. وربنا حنين وبيقبل التوبه.. اقبلي تبتي يا بنت عمي وانا هشيل جزمتك علي راسي طول عمري.. هبقي سندك في الدنيا واللي تعوزيه هكون خدامك ازحف اجيبهولك والله ولا هاممني فلوس ولا عايزها الله يحرقها حرقتني وحرقت ابويا ومات غضبان عليا انا حاسس بتمزيع وتقطيع والله تبت يا ليان. يمين بالله تبت.. كنت وسخ وزباله ومصاحب زباله شيطان اجر شيطان علي ملاك ينزع قلبها.. والله يا ليان انا عايش في نار. مابنامش قلبي بياكلني.. ربنا بيقبل التوبه بس حق العباد لا.. وانت يا حبيبتي ايوه حبيبتي وبنت عمي وبنت ابويا اشيل جزمتك علي راسي.. لتكوني فاكره ان عشان الفلوس.. تغور.. لا يا ليان ربنا نزل رحمته عليا.. خير ابويا في الدنيا اتردله ورجع ابنه للخير. ابويا مايستحقش عيل فاسد ونبت وبذره شيطان.. شكري الريميسي ما يستحقش كده.. الخير بيقعد واهوه والله والله لو جبتي جزمتك وحطتيها علي رقبتي ما هنطق. امي ربتني غلط وطلعت بايظ وما بعرفش ربنا.. دانا ماكنتش بركعها ولا اعرف يعني ايه فرض ربنا.. السجن كان خير ليا اتربيت صح وربنا بعتلي ناس ترجعني.. الظلم ظلمات وانا اتجبرت ونهشتك يا حبيبه اخوكي مستني نهشه جتتي في قبري مرعوب من اللي عملته ازاي كنت كده بنام اتخيل نفسي في قبري وربنا مضيق عليا تربتي واقوم مفزوع اصرخ اناديكي.. والله كل يوم بصرخ اناديكي سنتين اكلم علي يشوفك فين ابعتلك وابوس جزمتك سنتين نايم اتعذب بجهنم اللي هولع فيها.. قذف المحصنه بغير وجه حق.. سواد في الدنيا والاخره عذاب.. انا بنحرق يا بنت ابويا بنحرق من اللي عملته والنبي يا ليان ابوس ايدك ولو عايزه اوطي علي رجلك ورحمه ابويا هوطي .. سامحيني يا غاليه يا ريحه الغالي.
ظلت تنظر اليه وهو محني ينتحب بشده لتدخل مشاعره الصادقه الي قلبها.. كانت تحتاح لنفس يعيد لها جزء من نفسها واحست بوجود عمها لتهتف.. بس يا مازن ماتبكيش والنبي انا مش مستحمله والله. ميفو ميفو
ليهتف بحرقه.. انت كفايه عليكي الللي اتعمل فيكي انت ملاك يتعمل فيكي كده ليه بس يمين بالله ما هسكت ولا هسيبك انا حاسس ان القهره هتخلص عليا. مازن البايظ العيل بقي راجل انت فاكره انك لوحدك لا.. انا اقطع نفسي عليكي.. انت ليكي راجل يقفلك.. انت ماعتيش لوحدك.. مازن الريميسي بقي ابن شكري عن حق .... ارفعي راسك واقعدي واتشرطي وانا انهشلك قلب اللي يقرب منك.. ليقترب وينحني اكتر ويمسك يدها سامحيني بالله سامحيني هموت وماعتش قادر ضميري هيموتني.. لتنهمر دموعه ويبكي وتسمع نحيبه. استغفرالله العظيم 🌿
لتحس بحنين وتضع يدها علي راسه وتطبطب عليه وتهتف ارفع راسك يا بن عمي.. ابن شكري الريميسي مايوطيش لحد.. لتهتف بحنان انا مسمحاك يا حبيبي عن طيب خاطر انت ابن ابويا اللي رباني والله لو عامل ايه.. شايفه ابويا قدامي وانت ابنه احطك في عيوني انا كمان..
🌿🌿 سبحان الله العظيم 🌿
هنا صدح صوت ساخر مشوب بالغضب.(ياختااي يا مرك يا مهجه 😁😁) . اللهَم صلي عللبي ايه النحنحه والسحسحه دي كلها اجبلكو اتنين لمون وارشق شجرتين تحبو وتسحسحو براحتكو...والا اخش عليكو بفقره التنوره من فرط السعاده والانسجام.. ميفو ميفو
لتتجمد ليان وتسحب يدها برعب كان يوسف ينظر اليها مشتعلا فرؤيتها وهيا تضع يدها علي شعر مازن قد احرقه وولع قلبه.
هنا قام مازن بهدوء ومسح دموعه واقترب من يوسف ونظر له بتحدي وشد نفسه.. .. ليقول.. وماحبش واسحسح ليه يا يوسف بيه مش بنت عمي واختي.. وانا ابن عمها الوحيد.
ليهتف يوسف بغضب.. انت مصدق نفسك ياض انت اتجننت. بعد وساختك دي جاي.. ليك عين تيجي هنا.
لتقف ليان وتقف بجوار مازن كسند لها لتهتف بقوه.. ومايجيش ليه مش بيت بنت عمه.
لينظر يوسف ليها بذهول وبوقفتها التي خلعت قلبه.. انت اتخبلتي مش ده اللي وصمك وغرزك الغرزه دي.
لتبتسم.بسخريه. كويس انك عارف انها غرزه.. لتقترب منه بس اللي ماتعرفوش ان الانسان لما بيتوب بينضف.. ومازن ابن عمي راجع تايب ونضيف وانا ماهردوش ابدا.. التوبه تجب ما قلبها يا يوسف بيه.. الانسان بيتعظ وبيحس ولما يحصل يحمد ربنا انه حس مش يكمل حبروت.. مازن ابن عمي. دا اللي بقيلي في الدنيا بعد بنتي اللي بتروح مني.
🌿🌿صلوا على الحبيب 🌿
ليبهت يوسف.. نهارك اسود هيا بقت كده بقي هو اللي بقيلك طب لو عايزه ياختي تتكلي معاه اتفضلي الباب يفوت جمل.
🌿 صلوا على الحبيب المصطفى
ليصرخ مازن.. انت بتكلمها كده ليه.. كانت خدامه عندك والا عابده.. دي ليان الرميسي فوق لحالك يا يوسف بيه.
لينظر اليه يوسف. والله.. دانت اتبدلت وخدت حبوب الشجاعه.. اتكلم علي ادك يا شاطر واعرف انا مين.
ليهتف مازن بغضب ماهو اللي قاهرني اني عارفك وهيا لسه جنبك ونازل ذل فيها انت ايه يا اخي.. مابتتعظش مالكش قلب واحده ملاك زي دي نازل ذل فيها وحابسها ذي الكلبه انت فاكر ان مالهاش حد.
ليصرخ يوسف.. ايوه مالهاش وانا اللي ليها وابعد عنها احسنلك لانها بتاعتي اعمل فيها اللي اناعايزه فلم نفسك واعرف حجمك.
ليهتف مازن بقوه.. لما اموت يبقي مالهاش..لما انام علي ضهري يبقي مالهاش ضهر.. لا فوق... ابن الريميسي اتغير.. ابن الريميسي ماهيسكتلكش. ليان ليها ابن عمها يقفلك وينهش مصارينك يا يوسف.. ليان مش بتاعه حد وان كان علي حجمي.. انت اللي اعرف حجمك لاني اتغيرت يا يوسف مابقيتش العيل السيس الشريب بتاع النسوان. مازن ماعتش البايظ شرابه الخرج بتاعك.. مازن فاق وعرف الحق وربنا تاب عليه والراجل اللي ربنا في قلبه ما يخافش ولو علي رقبته حد السيف.. حجمي قادر اوريهولك كويس واعرفك مين مازن وبقي شكله ايه.. توب الرجاله ماكنش ليا بس خلاص ربنا بيحط في عباده اللي يستحقه وانا سعيت لربنا وربنا ما ردنيش.. انت غلبان لو تعرف حلاوه الحلال وان الدنيا تنداس هتعرف انك ماتسواش انا اقدر انهش قلبك واجيب حق بنت عمي واخدها من نن عنيك. فوق لنفسك وتقف عدل وولاد الريميسي ماحدش يدوسلهم علي طرف.. ليان هانم ماتنزلش ابدا.. ليان انط انهش قلبك عشانها.. يبقي انت اللي تعرف حجمك وتتلم. وهاخدها من نن عينك واخلع قلبك.
ليحس يوسف بنار داخله وخاف من قوه مازن وانه ممكن ان ياخذها منه ليهجم عليه يوسف.. تاخد مين يا زباله انت جاي تاخد مراتي قدامي.
لتصرخ ليان وتتجه بسرعه لتقف بينهم وتقول بس بقه بس انت ايه كفايه ليبهت من دفاعها عن مازن ليجدها تقول لمازن بحنين نهش قلبه.. امشي يا مازن امشي بالله عليك..ميفو ميفو
ليهتف مازن.. لا مش هسيبك له..لازم يعرف حجمه مش هسيبك انت ماتقعديلوش انت ليكي بيت وعيله ليكي سند انت ليكي انا اخدك من نن عينه وانهش قلبه لو فاكره اني ماعرفش اخدك واخد بنتك لا تبقي ماتعرفيش انا بقيت ايه.. لو هشحت لو هنقتل.. لو هتمزع عشانك هاخدك منه..
ليصرخ يوسف لا بقه انت عايز تتربي..
لتسدير وتحتضن يوسف وتبعده وتصرخ امشي يا مازن امشي مش ناقصه وجع قلب وحياه بابا شكري امشي..
كان دفاعها عن مازن وكلامها وحنينها له وكون مازن يشير الي انه سياخذها منه جن جنونه كان احتضانها له ودفاعها عن مازن قد فاق طاقته.. كان حبه لها ينهشه.. ذلك الحب الذي حاول مرارا ان يخمده طوال شهر وجودها ويتفنن في تعذيبها واصطحاب النساء وايهامها انه ينام معهم ولكنه يحترق ولا يلمس اخري.
ليجد مازن يمتثل لها ويستدير ويخرج ولكنه وقف مره اخري وهتف.. ليان انا في بيت ابوكي اللي هوا بيتك.. اي وقت تنزلي عليه انا ضيف عندك.. ولو احتاجتي اقطع نفسي عشانك هعملها.. وما تخافيش منه انا مش هسيبك له.. من هنا ورايح انا اللي ليكي هو ولا حاجه.. مازن الريميسي بيقولك.. مستنيك في بيت ابكي احطك في عيوني.. مازن الريميسي يا بنت ابويا هياخدك منه ويخلع قلبه بس اصبري.. لو فاكر انه هو يوسف صفوان الجبروت لا انا بقه بقه مازن الريميسي اللي عرف ربنا وهاخد جبروتي واطلبه من رب العباد واللي معاه ربنا قلبه شديد وحديد.. ماتخافيش انت بتخافي عارف. اصلبي طولك يا بنت فخري اصلبي طولك واقفي مازن ضهرك وامانك. عهد عليا لارجعك هانم تتشرطي ولا يطولك. عهد عليا لاخدك في حضني واخد بنتك احط جزمتك علي راسي العمر كله.. انا ماشي يا يوسف بس بمشيتي دي اعرف انك دخلت نار تنهش قلبك نار هتطولك وتخلع قلبك انت ماتستحقهاش.. انت ضفر ليان اللي بيتنطر من صباعها ما تطولش حتي تمسكه.. انا ماشي بس راجع وراجع بحق وربنا كبير قادر عليك وهينتقم منك وافتكر كلمتي ربنا هينتقم منك.. واستدار ومشي..
وكان يوسف قد تحول الي هلاك مطبق لم يعرف ان يفرغ غضبه ليسحبها الي فوق ويدخل الحجره لتنكمش من منظره ليحدفها بعيدا ويظل يدور بهياج يهدئ من حاله.. بقي البيه عايز ياخدك مني.. الفاجر جاي يقفلي ويتنحنح عايزك تروحيله ومش هيسيبك ليا.. البيه مش هيسيبك ليا كان يكسر في الحجره من غضبه البيه عايز يبقي امانك ليه وانا ايه شرابه خرج.. عايز ياخدك ابن الريميسي وانا ايه قرطاس لب ياخدك واطبله.. همووت اروح اقتله كان يدور بهياج وهيا منكنشه.. نهار اسود.. عايز ياخدك ويخلعلي قلبي ابن شكري.. عايز ياخد البت وتسيبوني ليه مش راجل.. جاي شارب حبوب الشجاعه وهيقفلي.. هيقفلي ابن شكري.. جبروت واقفلي فارد طوله وبيتبجح بعد ما كان صايع وشريب. .هو اللي ليكي ازاي وانا ايه. هياخدك مني ازاي.. نار قلبي قايد نار اروح فين انا ماقتلتوش ليه ليه.. يا سوادك يا يوسف . لا وانت واقفه ومبسوطه وبتدافعي عنه ايه القهر ده.. دا بدل ماتنغزيه علي اللي عمله.. واقفه تملسي علي شعره وتقوليه مسمحاك عن طيب خاطر ونازله تمليس علي راسه.. انا هتجنن يخربيتكو انتو اتجننتو انت اتخبلتي.. اهجم عليكي افلقك نصين.. البيه عايز يقطع نفسه عشانك ليقترب منها.. انطقي بتاع ايه يكلمك كده وله عندك ايه.. ايه اللي انا فيه ده انزل اقتله افلقه نصين ونازل سحسحه الواد الله يخرب بيته جاي يجلطني ابن شكري..
لتصرخ.. مالكش دعوه بعمي انت عايز ايه.. ابن عمي واحنا حرين ازعل اغضب احب انا حره..
ليرفع وجهه وينظر اليها بقهر وغضب كالبركان ليهتف.. سمعيني ياختي كده قلتي ايه..
لتنكمش وتخاف بشده. ايه ماقلتش انت عملت كده ليه.
ليقترب منها وعينيه تشع غضب ليمسكها لتصرخ.. ليهتف الهانم قالت كلمه كده عدت علي ودني صح.. عايزه ايه ياختي تحبيه.. ليمسكها ويعتصر يدها..
لتصرخ وتهتف بس بقه اتقي الله انت ايه يا اخي شيطان كفايه بقه وايه يعني ابن عمي واحبه براحتي واسامحه لك ايه عندنا..
ليهتف بفحيح.. بقي هيا كده.. تحبي وليا ايه عندك..لاليا كتير ليا كل حاجه ليا كل حاجه فيكي انت مالكيش في نفسك حاجه انت بتاعتي وملكي وكل حته بتاعتي وانا اللي اقول تعملي وماتعمليش ولو حصلت وبعدتي هقتلك واقتله.. يوم ماتروحي تحبي حد لا ساعتها اقتلك ولا يرفليش جفن.
لتصرخ فيه.. انت اتجننت احب ايه دا ابن عمي انت عقلك راح. انت مخك زباله دايما يا رب خدني بقه واجشت بالبكاء لتعود وتصرخ.. انت عايز ايه تاني ابعد بقه مش ذلتني وقهرتني عايزني افضل لوحدي طول عمري مش قادر تحس اني بني ادمه. لا عبده عندك ماليش انطق ولا اتكلم وجاي تقلي له عندك ايه..
ليحاول ان يتماسك فمحياها اصبح يدمي قلبه ليهتف.. يعني السماح دلوقتي طافح وراشق في قلبك وانا لما جيت اطلبه طفشتي وسببتيني..
لتصرخ انت ماطلبتوش ولا عمرك طلبته ولا هتطلبه. يوسف صفوان مابيعرفش غير انه يتجبر وبس .. انت قررت اني هسامحك واتراضي وافضل جمبك.. انت بتودي وتجيب فيا زي ماتحب وانا عندك ولا اسوي.. سماح ايه اسكت كفايه عذاب.. مازن حسسني بحب وحنيه ماشفتهمش من سنين انا لو طلت اسامحه الف مره هسامحه.. كفايه قلبه اللي خايف عليا
ليعود الغضب اليه مره اخري.. تاني مش راضيه تهمدي وقلبه وزفته علي دماغك.. انت ايه مابتحرميش لازم تولعي فيا عشان اخبطك بحاجه اموتك.. قلبه ايه اللي خايف عليكي وتحسي بقلبه ليه من اساسه.. ليقترب منها ويشدها بعنف. انت مالكيش تحسي بحد.. انت مالكيش تكوني لحد .. انت مالكيش حاجه خالص عند حد.. ..
لتشعر بالقهر وتنزل دموعها.. ليه يا يوسف.. بقيت ماسواش اوي كده في نظرك.. ماليش احس ليه مش بني ادمه.ماليش حد ليه واقعه ومرميه اوي كده.. ماليش حاجه خالص.. انا انتهيت بالنسبالك اوي كده . كانت دموعها تتساقط.. وهو ينظر اليها والي وجعها لا يعرف ماذا يقول كان يريد ان يقول انها ليس لها الا ان تحس به ولكن كلماته توقفت.. لتنغرز في قلبها وتشعر ان حياتها تنتهي ليهتف.. اسمعي عشان انا بغلي من جوا.. الواد ده مايعتبش هنا عشان هقتله لو قرب منك هسود عيشتك وعيشته.
لتصرخ مبتعده وقد انهك الوجع قلبها وتهالكت من القهر .. هتسودها اكتر من كده لفين وتقتله ليه عمل ايه انت عايز توحدني ابقي محتجالك علي طول..
ليهتف بقوه.. انا قلت كلمه ومش هكررها. وانت تنخرسي وتقولي حاضر وطيب..
لتصرخ اخيرا وتنظر بغضب.. وانا مش عبده عندك يا يوسف بيه كفايه ذل لحد كده.. ابن عمي له فيا كتير سندي في الدنيا واللي بقيلي.. وانت بقه كيف نفسك عشان انا قرفت من العيشه دي.. هو ليه وانت ماعادش ليك حاجه.. ماعتش ليك حاجه عندي انت مت واندفنت وشايفه جثتك قدامي حاجه تقرف.. مازن سندي وهروحله وهاخد بنتي من نن عينك.. مازن اللي ليا وانت مالكيش حاجه خلاص ويا ريت تحس بقه. دا حاجه تقرف.. .
ليظل واقفا والكلام يدور في باله يحاول ان يستوعبه ويكتم نفسه حتي لا يبرحها ضربها. ليهتف بهدوء غريب.. تصدقي.. والله فعلا حاجه كويسه.. بقي هو ليه عندك كتير وانا ماليش.. كان يقترب منها لتشعر بالخوف ليكمل وهو سندك وانا ايه قرطاس لب.. واكيف نفسي علي وجوده ليه قرني الواد يجي ياخدك وانا اطبله.. ومن جه العيشه اللي تقرف هيا بقت تقرف فعلا .. ليقترب اكثر ليلتصق بها وهيا ترتعش ليهتف ايه بتترعشي ليه مش انا ماليش حاجه عندك وقرفانه مني ليرفع يده ليتلمس شفتيها ويهمس.. بقي عايزاني اكيف نفسي.. تصدقي فعلا بقالي كتير ماكيفتش نفسي.. ليشدها اليه ويقبلها بعنف لتحاول ان تبتعد وتضربه بشده ليحملها ويرميها علي السرير لتصرخ لينحني فوقها ويثبتها بجسده وجسدها يحترق بشده.. ليهتف.. اهدي كده عشان انا قررت اكيف نفسي واعرفك انا ليا ايه عندك..
ليهجم عليها بغضب ويحاول تقبيلها وملامستها كانت مرتعبه منه فهو قاسي بشده كان كل ما يحدث فوق طاقته فقد انهكه بعدها وانهكه فكره انها ممكن ان تكون لغيره او تتقرب من غيره ليضرب بقرراته عرض الحائط ويتحول الي يوسف العاشق الذي يتمني حبيبته كان قد تحول الي حنان مفرط لا يعرف من اين انفجر.. فكبته لنفسه وبعدها. وتعذيبها كان مميت بالنسبه له.. تحول يوسف اخيرا لذلك الحنون المحب العاشق وهمساته الناعمه تدخل لقلبها بعد عذاب دام سنين.. كان يقتحمها بحب وهيام وينتظر ان تبادله ذلك والا سيجن كان يريد حبيبته بين يديه ليحس انها معه ولن تتركه ولن تذهب لاحد فكره فقدها جننته واعادت اليه رشده ليعود ويلهبها حبا لتحس هيا بحريق داخلها وقد اشتاقت ليوم تكون فيه محبوبه مرغوبه لتحس ان يوسف حبيبها معها لتستسلم شيئا فشيئا لتدخل عالمه وما اوقف قلبه انها لم تستكين فقط بل استجابت واستجابت واعطت بحب ليجن هو مما هو فيه كان كعاشق فقد معشوقته واضني البعد قلبه ليعود اليه العشق ويفجر داخله.. كان يشدها اليها وينهل من جمالها غير مصدق الملحمه التي دخلا فيها كان يده تمتد لتزيح ملابسها ومايطوله ياخذه ومايعترضه يمزقه بقوه من فرط جنونه وهيا متقبله وراغبه ليتوها معا ليسكن كل قلب للاخر لبعض الوقت.. ظلا هكذا لا يحسان بالدنيا ولا يريدان ان يتوقف زمنهما ويتوقف وجعهما.اصبح يوسف لليان العاشق الذي غاب عنها لتعيد اليها انفاسها واصبحت ليان قلبه الذي نبض خوفا من فقدانها.. كانت علاقه غريبه خوف وتسلط ولكن المكنون عشق غريب.. تاه الاثنين عن الزمن كل في جسد الاخر تاهت ليان من قسوه محب في حنان جسده المعطاء وتاه هو من خوفه وامراضه في عطائها واي عطاء.. انفجر الكبت من المحب الذي كبته لها علي مر شهر ليغرقها في عشق صارخ ليدخل كاملا الي جسدها يرويه بعد ان اصبح ارضا بور تشقق من نقص وحرمان تلك المشاعر.. كان ينهل من جسدها ويذوب ويذيبها ليلتحما معا وتتوقف الدنيا توقفت دنيا العذاب لها فاعطت وتاهت ونست الوحش الذي ينهشها ولم تري الا النور اما هو فجن من لمسها وصب عليها اشواقه كانت قبلاته تحرقها وتأوهاتها تروي قلبه العليل ليفجر نفسه وما بداخله َما كبته لسنتين بعاد وشهر وجع ليتوه ويتوه ويرتوي من تلك الجميله التي انتهت وهامت بين يديه . ليمر الوقت ليحس انه كان بداخل مطحنه خلعت له قلبه ليشدها اليه بقوه لا يفلتها من فرط رغبته وعشقه لها.. اما هيا فاستكانت وهربت من نفسها للنوم فلا تريد ان تحس الا بما حدث ولا تريد ان تحس بوجع منه فهيا تنتظر ان يوجعها لتنام علي صدره قريره العين تمنت لو ماتت فيكفيها عذاب بعده وبعد ابنتها احست بقلبها ينشق وعلمت ان عشقها ليوسف يفوق اي شئ وانها مهما فعل بها ستظل تعشقه..
ظل يوسف جنبها يتلمسها ويشدد عليها ليحس بنيران قلبه. كان لا يحس الا بها كان هناك بداخله براكين تطحن نفسه ليحس ان ذلك فوق احتماله ليظل يتقلي بجوارها وهيا نائمه. قلبي هينخلع اعمل ايه الواد جاي ياخد قلبي مني دانا اموتها واموت.. ابن شكري عايز يخلع قلبي.. دا قلبي والله هتجنن عليها.. جمالها حبيبي مالهاش وصف.. اروح فين مقهور بعشقها والله بعشقها.. لينظر اليها بحب.. ايه اللي كنا فيه ده انا بحلم. قلبي انهري.. دا حبيبي كان بين ايدايا قمر وانا قلبي شاط من حبها يا رب هعمل ايه اعمل ايه هتجنن.. كفايه كده عليك كفايه تعذيب ليك وليها ايه النار دي ايه الجمال ده هموت عليها.. كفايه مرضك يتحكم فيك كفايه هتتجنن ارجع لعقلك بقه انت ايه مجنون جاحد. البت هتموتك محصور بجمالها قربها نار وشفا لقلبك اياك تبعد هتتجنن انت اخرك مصيبه وربنا هيحدف عليك مصيبه اعقل بدل ما قلبك ينخلع انت اخرتك وحشه ارجع احسنلك .. ازاي بعد الجمال ده.. حاسس اني هتجنن من اللي داير جوايا .. . ليشعر بنيران تأكله وصراع ينهشه اراد ان يوقظها ويعاود ان ياخذها في احضانه لتعرف انه ليس لها غيره احس انه مس او جن. ليهب ويلبس ملابسه ويخرج يهرب من شئ يقتله..
مر وقت وقامت لم تجده لتتحسر علي حالها لتشعر بفقدان حبه كاملا. كيف يكون معها هكذا ويرحل هكذا دون ذره حنان ومراعيه. اهي له جسم رخيص وفقط لا يستحق منه بعض الحنان بعد ان اعطته وفاقت في العطاء الا تستحق دقيقه في احضانه يشعرها بوجودها وكونها غاليه ام ياخذ ما ياخذه كالخرقه الباليه ويرميها كانها لا تسوي شيئا. لتعلم ان يوسف ذهب بلا عوده وان حياتهم معا قد انهال عليها التراب ودفنت بلا رجعه وكتب علي قلبها لا يصلح للحب.. لتظل جالسه ينهشها القهر لتدخل لتغتسل وخرجت لتذهب الي ابنتها لعلها تطفي لهيب قلبها لتصاب بقهر فوق قهر فابنتها رفضت ان تاتي اليها من الاساس.. شهر بعاد وهيا طفله لا تفهم شئ..رفضت الطفله ان تمد يدها اليها وبكت وصرخت كان ليان وحش سيقتلها والتصقت بالمربيه هنا انخلع قلب ليان ونهشت الحسره قلبها.. ذهبت الصغيره ايضا ذهبت بلا عوده لتترك قلب ليان فارغا لا يروي من احد ولا يغذيه احد..
لتجلس ليان وبدات الدنيا تسود في اعينها وبدات انفاسها تضيق عليها..ليمتد اليها الياس والقهر وتظن ان انفاسها تقتلها ووجودها اصبح مميتا لها لتدخل في دوامه تنهش قلبها وتنهي عليها..ادركت ليان انها اصبحت وحيده في عالمها فقدت حبيبها وروحها ليتمزع قلبها ثم فقدت ابنتها التي تتحمل كل ذلك من اجله لتتوه ليان الي عالم ضبابي وتدخل في ظلمه حالكه لا تري فيها بارقه نور دخلت ليان الظلمه السوداء بلا انيس ولا حبيب حتي صوت حبيبها فقدته في احلامها لتعلم انه ليس مقررا لها ان تحب ويحبها احد ليس مقررا لها ان تعيش الامان من اساسه.
لتتزايد الغيوم ويعم الضباب وتنهال الافكار السوداء من كل حدب تخبطها فذكر حبها له وذكري اخري نهشه لها وذكري هروبها ثم ذكري عودتها وذلها.. ذكري حبيبها مع اخريات ثم ذكري نهشت قلبها وهيا تركه لها كالخرقه الباليه واخير الذكري التي قضت علي كل ما بداخلها من احساس وهيا فقد ابنتها لتحس انها تبلدت.. شعور بالخواء غريب.. اللا شئ واللا احساس.. فضا وسكون..
لياتيها الخيال يستدعيها لتقف ليان والوحش خلفها وصوت يوسف يذبل وينزوي ويبعد حتي اصبح صدي لا يسمع والغيوم تزيد والجرف امامها سحيق اسود ومظلم.. هنا علمت ليان ما هو مقرر لها لتستجيب له وتدخل فيه عن طيب خاطر وقد علمت انه لا مفر من قدرها.. قدر قُدر لها ان تفقد فيه الامان والحب لتقف وتخطو بارادتها الي ما ظنت انه مقدر ان تكونه..
هنا لا نعلم هل ليان قد انهت علي حب زائف ام انه حقيقي وتاه وسط الامواج يتلاطم بعشوائيه ليعود ويعافر..
هل ليان هكذا استسلمت وتركت قلبها يدخل الغيمات برغبتها لتحتضن الوحش وتنهال من علي الجرف وتترك الصوت الذي تركها.. ام ان الوحش ما زال بداخله شيئا غير السواد في وسط العتمه سيفعل شيئا يعيد تلك المسكينه الي الحياه ليدرك انه وحشا وانه لا يقوي ان يعيش وحشا الي الابد.. هل هناك فاصل بين الخير والشر اذا تخطاه يتوه الانسان في الشر ام ان النطفه السليمه تروي بالحب حين يحس الانسان انه فقده يعود الي رشده ليعالج نفسه ويخرج ما بداخله الذي يفيض عنه ولا يتغذي الا باعطائه للمحب العاشق..
لا نعلم من سيحل تلك المعضله.. اهو الحبيب العاشق الذي شرد ونزح ام المحبه التي فقدت رغبتها في دنيا الحب.. هل سيحس الحبيب العاشق بقلب حبيبه عندما ييخبو حبه ظنا منه انه ليس مقدر له ان يحب فيرحل بهدوء وفي سلام.. هل سيدرك الوحش ان توحشه سيقتله وبعد قتله قلب حبيبه سيقف وسط الضلمه وسط العتمه ينظر للجرف الذي سقط به حبيبه لينخلع قلبه ويزأر وجعا والما انه بقي وحشا ام انه سيمد يد النور من داخله لتلحق الحبيب قبل ان يهوي في الجرف المظلم..
ننتظر ونري من منهم سيكون له القرار في التغير. فامامنا جرف اسود ووحش غاشم ويدا بيضاء كامنه بداخله مستكينه تنتظر من يخرجها ومحبه فقدت روحها تتجه الي الجرف برغبتها.. هنا نتسأل كيف يعود يوسف الي رشده كيف يعود الي ما كان عليه وما الذي سيعيده .. لن تستقيم الحياه الا بعودته ولن يعود الا اذا كسر عنفوانه وتحطمت قسوته وتكسر ذلك الجبروت هنا سيعلم انه لا شئ ولا يستطيع ان يعيش في اللاشئ..
ولكن ما الذي سوف يكسر ذلك الجبروت ويحني ظهره ويجعله يبرك كانه سوي والتراب واصبحا شيئا واحدا .فليفجع عندما يرفع راسه ليجد نفسه بمفرده عالجرف والضلمه من حوله ولكن لا اثر لشعاع النور. المحب العاشق الذي هام به مره واخرج له نورا من داخله.. ليفجع ويدرك انه هكذا سيستمر وحشا ويعيش وحشا لا يفعل شيئا الا ان يزأر ويزأر ويصبح العويل والنواح حليفه.. فليتلفت حوله لا يجد الا سواده وسواد الضلمه من حوله والجرف يتسع ويتسع بعد ان بلع حبيبه سيبلعه عن اخره ويقضي عليه.. ... فلتعش وحشا اذا اردت او تقف لحبيبك وتاخذ نوره وتمد يدك لتاخذه من غياب الجرف المظلم الذي خطه برجله وبرغبته....
لا نعلم ما القادم ربما سئ وربما حالك وظلمه قتماء في ليله غبراء نسي المحب ان قلبه متعلق بذلك القلب الذي سينهال في الجرف وما ان ينهال سيخلع قلبه من اضلعه ويبقي الضلع فارغا ليتهالك ويتشح بالضلمه والسواد.. ضلمه واي ضلمه حلت علي تلك المسكينه.. ولكن من الظلمه ربما تاتي بصيص نور يزيح السئ ويشع قنديلا سراجا وهاجا ينير السماء بجماله ويظلل علي حالمه لم تفعل شيئا سوي انها حلمت بالامان..
توقوعاتكو ايه.. مش عايز هبد 😁 😁.بقلمي ميفو السلطان 🌛❤️
🌺🌹🌺🌹🌺🌹🌺🌹🌺🌺🌹🌺🌹🌺🌹🌺🌹🌺
الصفحه الرئيسيه للمدونه من هنا
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
اللي عاوز باقي الروايه يعمل متابعه لصفحتي من هنا 👇👇
لعيونكم متابعيني ادخلوا بسرعه
👇👇👇👇👇
جميع الروايات الكامله من هنا
