❤️🥀 بنت عمي لست أختي الفصل الأول《01》 🥀❤️
بقلم نافين ✍️❤️
❤️🥀 بنت عمي لست أختي الفصل الأول《01》 🥀❤️
بقلم نافين ✍️❤️
كان في أخوين اسمهم مصعب ومعاذ، من يوم وهم صغار ما كانوا بس أخوان، كانوا أصحاب وأصحاب عمر عديل، لو شافوا واحد منهم في مكان تلقى التاني وراه، ولو واحد زعل التاني ما بخليهو براهو، وحتى لمن كبروا وبقت لكل واحد حياتو، محبتهم لبعض ما اتغيرت، بالعكس بقت أقوى، لدرجة إنو أهلهم كانوا يقولوا ليهم: "إنتو أخوان ولا توأم؟" 😂❤️ مصعب كان أكبر من معاذ بسنتين، وكان هادي وعاقل وبتصرف في الأمور براحة، أما معاذ كان خفيف دم وونّاس وما بقعد في محلو كتير، لكن الاتنين كان بينهم اتفاق واحد ما بتغير: أهلهم فوق راسهم ومحبتهم لبعض ما فيها نقاش. مرت الأيام واتزوج مصعب من سارة، وكانت سارة بت طيبة وحنينة وهادية، دخلت بيت أهل زوجها من أول يوم كأنها واحدة منهم، وكانت بتحب معاذ وتحترمو زي أخوها، ومعاذ كان شايفها أختو وما بقصر معاها في حاجة. وبعد فترة ربنا رزق مصعب وسارة بولد، فرحتهم كانت ما بتتوصف، ولمن سألوهم حتسموه شنو، مصعب قال: "أحمد... عايز اسم بسيط وجميل." ❤️👶🏻 ومن يومها بقى أحمد هو حتة من قلب أبوه وأمو، ومعاذ كان متعلق بيهو بصورة كبيرة، كل يوم تقريبًا يجي يشيلو ويقعد يلعب معاهو ويقول لمصعب: "ياخ الولد دا أنا ح يجي يوم واشيلو منك." 😂 مصعب يضحك ويقول ليهو: "أمش أتزوج وأجيب ليك ولد." معاذ يرد: "لا لا، ولدك دا عاجبني." وبعد سنتين اتزوج نجلاء و ربنا رزق معاذ ببنت، لكن زوجتو نجلاء كانت مختلفة تمامًا عن سارة، نجلاء كانت شديدة في تعاملها، وما بتحب زول يتدخل في حياتها، وحتى علاقتها بسارة ما كانت أحسن حاجة، لكن مصعب ومعاذ كانوا دايمًا يحاولوا يبعدوا مشاكل النسوان عن علاقتهم، عشان ما يخلو أي حاجة تفرق بينهم. ولمن ولدت نجلاء بنتهم، سموها جنى. 👶🏻🌸 جنى كانت بت جميلة وهادية، ومن يوم كانت صغيرة كان أحمد متعلق بيها، مع إنو فرق العمر بينهم 3 بس، لكن الاتنين كبروا مع بعض، يلعبوا في الحوش، يتخانقوا على الألعاب، وبعد شوية تلقاهم راجعين يضحكوا كأنو ما حصل بينهم حاجة 😂❤️ لو جنى مشت مكان، أحمد وراها، ولو أحمد طلع يلعب، جنى تجري وراه، وحتى لمن أهلهم يحاولوا يفرقوهم عشان كل واحد يرجع بيتو، تسمع جنى تقول: "أنا ما ماشّة، أحمد لسه هنا." وأحمد يرد عليها: "خليها معاي يا عمي." 😂❤️ ومعاذ كان مرات يضحك ويقول لمصعب: "الولد دا متعلق ببنتي شديد." مصعب يرد عليهو: "ما مشكلة، ديل أولاد عم، خليهُم يفرحوا ويلعبوا." وكبرت الأيام وأحمد وجنى بقوا ما بيتفرقوا، محبتهم كانت محبة أطفال اتربوا في بيت واحد وبين أهل بعض، كل زول فيهم شايف التاني جزء من يومو وحياتو، ولو واحد غاب يوم التاني يسأل عنو، ولو واحد مـ.رض التاني يقعد جنبو وما برضى يمشي. وفي يوم من الأيام، مصعب كان قاعد مع أخوه في الحوش، وبعد ما اتونسوا فترة قال ليهو: "يا معاذ، مهما حصل بينا في الدنيا دي، أوعدني حاجة." معاذ استغرب وقال: "أوعدك شنو؟" مصعب ابتسم وقال: "أوعدني مهما الدنيا فرقتنا، ما تخلي أولادنا يحسوا إنهم أيتام، أحمد وجنى ديل أمانة في رقبتنا الاتنين." معاذ ضـ..ربو في كتفو وقال: "إنت مالك الليلة بتتكلم كلام غريب؟ ربنا يديك العمر الطويل ياخ." مصعب ضحك وقال: "آمين، لكن برضو الوعد وعد." معاذ قال ليهو: "أوعدك، أحمد ولدي زي ما جنى بنتي، وما في زول بقدر يفرق بينهم." مرت الأيام، لكن الدنيا ما بتدي زول ضمان، وفي ليلة هادية اتغير كل شيء... خبر نزل على البيت زي الصا*عقة، مصعب وسارة ما*توا، وخلو وراهم أحمد، الطفل الصغير، ما فاهم الحاصل شنو ولا ليه أبوه وأمو ما رجعوا البيت. معاذ لمن سمع الخبر انهار، لكن أكتر حاجة وجعتو لمن شاف أحمد واقف وسط الناس وعيونو مليانة حيرة، بفتش عن أبوه وأمو وما لاقيهم. قرب منو، شالو في حضنو، والولد مسك فيهو وقال بصوت صغير: "عمي... أمي وين؟ وأبوي متين يجي؟" معاذ ما قدر يرد، دموعو نزلت، وضم أحمد لصدره أكتر، وفي اللحظة دي تذكر كلام أخوه الأخير، وتذكر الوعد البينو وبينو، ومسح على راس أحمد وقال بصوت مكـ سور: "من الليلة يا أحمد... أنا ما بس عمك، أنا أبوك، وأبوك وصاني عليك... وإنت أمانة عندي، وما حخليك براسك أبدًا." 💔🥺 لكن معاذ ما كان عارف إنو وجود أحمد في بيتو حيفتح أبواب لمشاكل كتيرة، وإنو نجلاء ما حتكون راضية عن الأمانة البقت فجأة جزء من حياتهم...
يتبع ❤️🥀
تعليقات
إرسال تعليق