رواية زوجوني زوجةاخي الفصل الثالث عشر والرابع عشر بقلم لمياء رفعت
رواية زوجوني زوجةاخي البارت الثالث عشر والرابع عشر بقلم لمياء رفعت
رواية زوجوني زوجةاخي الجزء الثالث عشر والرابع عشر بقلم لمياء رفعت
 |
ندى: حبك ايه
فارس: ايوة ياندى انا بحب إيلين
ندى: بزعيق وصوت عالي ولم انت بتحبها اتجوزتني ليه
فارس: أظن مش محتاجه اني اوضحلك حاجه زي كده ياندى انا مغصوب ع الجوازة دي من ابويا ولا نسيتي
ندى: بدموع يعني انت كدبت عليا لم قولتلي انك بتحبني صح
فارس: آآآآه كنت كداب
ندى: طب لييييييه انا عملتلك ايه عشان انك تكدب عليا وكنت عايز توصل لا ايه
فارس: بزعل من جواااه بس ماحبش يظهره قدام ندى........
ندى: انطق وكلمني زي مابكلمك كنت عايز توصل لا ايه معايه ف انك تكدب عليا
فارس: بصوت عالي وانتي ايه هايفرق معاكي اذا كنت قولت الحقيقه او كدبت عليكي حتى ...ردي وقوليلي هيفرق ايه معاكي انا اصلا مش فارق معاكي بالمرة
ندى: لحد كده وكفاية وهاتعيش معايه تحفظ كرامتي وماتحاولش تقل بيا قدام حد
فارس: تقصدي ايه
ندى: اقصد الا انت عملته النهارده اكبر غلط مع إيلين وخروجك معاه وانا ماليش اي اعتبار عندك ولا كأني مراتك
فارس: حضرتك مراتي ع الورق وقدام الناس لكن قدام ربنا لا ولا نسيتي
ندى: لا مانستش وعشان برضو انا مراتك قدام الناس فاحاول تحفظ كرامتي قدام الناس
فارس: اي أوامر تانيه
ندى: آخر مرة هسالك السؤال ده يافارس ليه كدبت عليا لم قولتلي انك بتحبني
فارس: حب يرد ليها نفس الوجع الا عاشه معاها.....وقال: تقدري تقولي كده كنت حابب اوصلك
___________________________
محمود: احلام افتحي يابنتي الباب
احلام: ادخل يابابا الباب مفتوح
محمود: عامله ايه يابنتي وقافلة ع نفسك ليه الباب دايما كده
احلام: الحمد لله يابابا....هعمل ايه الأولاد بوديهم الحضانه الصبح وباجي اقعد
محمود: طيب يابنتي انا بجهزلك حاليا ف محل جديد
احلام: لا طبعا يابابا كفايه محل المكن والقماش ابو ١٠٠ الف الا اتحرق منه لله بقى
محمود: انا عمري كله ليكي يابنتي انتي واخواتك هو انا شقاي وتعبي لمين ماهو ليكي برضو انتي واخواتك
أحلام: حضنت أبوها...ربنا يخليك لينا يابابا ومانتحرمش منك
محمود: ولا منكم كلكم يارب يابنتي...صحيح يااحلام الغفير يابنتي النهاردة وانا ف الغيط قالي الظابط عوزك تيجي تعطي اقوالك عشان بسام هيتعرض ع النيابة الصبح انتي رأيك ايه يابنتي اتنازل عشان اولادك وكل واحد يروح لحاله
احلام: لا طبعآ يابابا ازاي تقول كده مايغور في داهية يارب حتى لو فيها إعدام يتعدم مش سجن بس
محمود: ليه بس كده يابنتي ده برضو ابو اولادك
احلام: الا شوفته منه يابويا يخليني اقول اكتر من كده منه لله
محمود: معلش يابنتي الا بيدي الحقوق ربنا انا طالع دلوقت رايح الغيط
أحلام: ماشي يابابا اتفضل
____________________________
منار: خالد عايزه أروح عند ماما بكرة اقعد معاها شوية
خالد: عادي ياحببتي روحي
منار: طيب هتيجي معايه
خالد: ماشي موافق حتى عندنا فرح
منار: الللله مين
خالد: فرح الواد عبد الرحمن صاحبي جيران فارس برضو
منار: يعني عازم الكل
خالد: لا هو ماعزمش فارس بس انا هكلموا واصالحهم
منار: ليه
خالد: كانوا زعلوا بسبب انه راح مره وفارس مش موجود ف البيت وهم بصراحه عيال مش كويسين
منار: اممممممممم
خالد: امممممممم
منار: هو ايه ده أن شاء الله
خالد: هههههههههههههه بجرب اتكلم زيك ياقمر
منار: انت بتعاكس ياخالد بيه
خالد: بصراحة آآآآه
منار: ابتسمت وبصت بعيد
خالد: يانااااس ايه الحلاوة دي بس حتى وهو مكسوف
منار: ههههههه طيب عايزه اكل
خالد: يعني
منار: يعني تطلع تأكلني برة
خالد: بس كده عينيا طبعآ
_____________________
هدى: علي ياعلي خلص وقوم ياراجل انت
علي: في ايه يا وش الخير
هدى: قوم عشان تروح معايه مشوار
علي: ده فين ان شاء الله
هدى: هنروح عند ابوك
علي: وانتي هتروحي عند ابويا تعملي ايه
هدى: وانا ياراجل عشان اروح عند ابو جوزي ابقى لازم رايحه عشان حاجه وبعدين ابوك كان ماشي حاسه انه زعلان مني هروح اشوفوا
علي: انتي بتكلمي جد ياهدى يعني صحيح هتروحي تشوفيه عشان زعلان منك
هدى: ايوة طبعا وبعدين ياعلي انا طيبه انتوا الا واخدين عني فكره غلط
علي: ربنا يكملك بعقلك كمان وكمان طيب مدام كده انا هقوم البس وانتي البسي ماشي
هدى: ماشي
علي: فين العيال الأول
هدى: في المدرسه
علي: ماشي يلا
_______________________
ندى: ازاي كنت حابب توصلي
فارس: وحب يعيشها الجرح الا هو عاشوا معاها ....قرب منها وبمكر...كنت حابب اوصلك زي اي واحد ليه حقوق ع مراته
ندى: بدموع هو ده السبب الا خلاك تكدب عليا
فارس: آآآآه مفيش غيره
ندى: ضربته بالقلم ع وشه....انا فعلا مغشوشة فيك وانا غلط من جوايا اني صدقتك..وكانت بتكلم ودموعها كلها ع وشها.....انا فعلا غلطانة الا صدقت واحد زيك غشاش وسابته وخرجت وراحت اوضتها منهارة من العياط
فارس: ف الاوضة بينه وبين نفسه....مقصدش اجرحك ياندى بس حبيت اعيشك الا انتي عيشتهولي انتي حتى بعد وقفتك دي قصادي ماقولتليش حتى انا غلطانة اني حبيتك
___________________
خالد: بقولك ياحببتي اتصلي كده ع ندى شوفيها لتكون حصلت حاجه بينها وبين فارس بعد مارجع من عند إيلين
منار: اوكي ثواني اتصل عليها
تليفون ندى رن: الوووووو
منار: ايوة ياندى عامله ايه انا بس حابه اطمن عليكي
ندى: الحمد لله ومش قادرة تكلم من العياط
منار: مالك ياندى بتعيطي ليه اهدي حصل حاجه
ندى: هو انا وحشه يامنار
منار: لا ياحببتي طبعا مين الا قالك كده
ندى: انا استحق انا واحد يكدب عليا ويطلع مشاعره اتجاهي كدب وف الآخر يقولي انا كدبت عليكي عشان زييا زي اي واحد عايز يوصل لحقوقه مع مراته
منار: ___سكتت...ندى: بصي اهدي اكيد في حاجه غلط فهميني في ايه
ندى: قفلت السكه
خالد: في ايه
منار: _____________
خالد: هو فارس ذودها ليه كده
منار: بجد جرحها وجرح مشاعرها اوي ليه كده
خالد: اتصلي ب ندى وقوليلها تيجي بكره عندنا وبلاش تعرف فارس ويستحسن كلميها بكره لم تهدا
منار: طيب ليه
خالد: هفهمك بعدين
___________________________
محمود: راح القسم
الظابط: اهلا وسهلا ياحاج اتفضل
محمود: اهلا بيك ياباشا
الظابط: افتح المحضر يابني ..حضرتك متهم بسام بحرق المحل
محمود: لا ياباشا انا ماشوفتهوش شهادة لله
الظابط: بس أولادك جابوه متكتف لحد هنا وقال انه هو ناس شافته
محمود: العلم عند الله يابيه بس ده محلي انا مش محل أولادي ولمؤاخدة انا مش بتهم حد
الظابط: بس حضرتك عارف ايه عقوبة التستر ع مجرم
محمود: الا عندي قولته ياباشا اي أوامر
الظابط: اتفضل امضي ع المحضر
________________________
إلهام: انت اتجننت ياراجل رايح تتنازل عن المحضر
احلام: ايه حضرتك اتنازلت يابابا
محمود: ياناس هو يغور في داهية مش ف دماغنا بس انتي يااحلام يابنتي يراضيكي اولادك يتقال عليهم أولاد واحد مجرم ويراضيكي اولادك لم يكبروا يقولوا عليكي سجنتي ابوهم اعقلوا الكلام عشان انا خلاص قربت اتجنن
الهام: وفين حقنا ياراجل
محمود: الا بيدي الحقوق ربنا ياالهام ربنا قاعد بميزاته هو العبد بيدي حاجه ده ربنا فوق الكل انا رايح اصلي ركعتين لله
إلهام: يارب حرام رزقتني بواحد فات الجنان نفسه نفوخي خلاص هيروح مني
________________________
فارس: كان ف الاوضة ومش طايق وهو سامع عياط ندى ف الاوضة جنبوا
ندى دخلت وفتحت الباب عند فارس
ندى: لو سمحت طلقني
فارس: الا تشوفيه انا اصلا مسافر بعد يومين
ندى: براحتك بس قابل ماتسافر تطلقني
فارس: طيب تمام بس انا حابب اعرف حاجه قبل مااطلقك
ندى: ايه
فارس: شد ندى جامد وبقت بين ايديه وقريبة منه جامد...انتي ليه بتعيطي وزعلانه ليه لم عايزه تطلقي مني
ندى: وانت ايه مزعلك وبعدين هو انت بقيت حساس اوي كده الصبح حسيت باايلين لم كانت تعبانه ودلوقت حاسس بيا اني زعلانة ..ابعد بقى وبلاش تلمسني
فارس: ماشي ياندى الا تشوفيه
ندى: هطلقني امتى
فارس: انا مسافر بعد بكرة قبل ماامشي هسبلك ورقتك
ندى: لا
فارس: طيب عايزه ايه
ندى: دلوقتي
يتبع..
رواية زوجوني مرات اخي الحلقة الرابعة عشر
فارس: اخرجي ياندى بره بعد اذنك عشان عايز انام
ندى : لا مش هخرج الا لم طلقني
فارس: مش عايز اتعصب عليكي لحد دلوقت ولا عايز أعلي صوتي والناس بره تسمعني ف ياريت تدخلي الاوضة بتاعك علشان انا ماليش حمل ل كل ده وعشان ماعملش حاجه اندمك عليها ع وقفتك دي قدامي ادخلي اوضتك
ندى: اتوترت من طريقة كلامه وخرجت وراحت الاوضة بتاعتها
فارس: قاعد مضايق من نفسه.....وبيفكر ف نفسه ويقول انا غبي انا كان مالي ومال ده كله يوم مااتعلق ببنت واحبها وماتحبنيش انا غلط من البداية
_____________________
هدى: ياعلي انا لبست يلا
علي: وانا جاهز بس ابويا زمانه دلوقت في الغيط
هدى: احسن برضو عشان نقعد براحتنا
علي وهدى راحو الغيط عند محمود
علي: السلام عليكم يابويا عامل ايه
محمود: عليكم السلام ورحمة الله يابني اتفضل
هدى: عامل ايه ياعم محمود صحتك عامله ايه
محمود: الحمد لله بخير ياهدى تعالوا اقعدوا
علي: ايه يابويا يعني مش عامل شاي
محمود: كنت لسه هعمل دلوقت يابني بس ابن حلال كويس انكم جيتوا اهو نشرب مع بعض
هدى: والله ياعم محمود انا قولت اجي اقعد معاك شويه هنا من زمان مقعدناش مع بعض
محمود: سبحان من غير الأحوال
علي: شكلها دعواتك استجابت يابويا ههههههههه
محمود: ربنا يهدي يابني ويصلح الأحوال
هدى: بص ياحاج صلي علي النبي
محمود وعلي: عليه افضل الصلاة والسلام
هدى: انا عايزه اقولك على حاجه بس ياريت تخلي علي مايقطعنيش في الكلام عشان اعرف اخاد وادي معاك في الكلام وتفهم الا انا عايزه اقولوا
محمود: اتكلمي يابنتي
هدى: دلوقت ياعم محمود انت صرفت على بنتك احلام شئ وشويات لحد آخر مره رحت فتحتلها محل ب ١٠٠ الف ولا ب ١٥٠ وف الآخر جوزها حرقوا وفارس شرتله بيت
وانا دلوقت عايزه اسفر علي عشان أولاده بس هو مش معاه فلوس المفروض بقى زي مساعدت فارس واحلام تساعد كمان علي
علي: ايه ياولية ياخرفانة ده الا انتي قاعده تقوليه انتي جيباني معاكي هنا وجايه عشان الكلام البايخ ده اخص عليكي واحده معندهاش اصل
محمود: استنى ياعلي ياابني
علي: استنى ايه يابويا ماانت شايف الكلام الفارغ ده
محمود: بقولك استنى انت
محمود: بصي يامرات ابني اولا انا لم اساعد أحلام بنتي ده مش غلط ده ولية ومكسورة الجناح لا هي الا بتشتغل ولا هي الا موظفه ولا هي الا حد بيديها...يبقى لو ابوها مساعدهاش منيين يجيها
تاني حاجه فارس انا مشترتش ليه بيوت انا لم جوزته كده مرات المرحوم اخوه وحكمت فيه يايتجوز يااعمله مش ابني طول عمري الواد ماهانش عليه أبوه ووافق ادتله البيت صحيح التاني بتاعنا لكن انا مش مديهولوا عطف لسمح الله ولكن ده عرقه وشقاه في الغربة وانا يوم مااقبل عرق ابني ابقى راجل مفتري وظالم
علي: ابويا انت قاعد تشرح لمين شله مافهمت
محمود: اصبر ياعلي لم اتكلم قولتلك
محمود: وبالنسبه يامرات ابني ل علي انا اديلو عينيا من جوا وعلى فكره اسأليه واهو قدامك اهو عرضت عليه يسافر كذا مرة وهو رفض وقالي انا بشتغل في البلد مش هسافر وبعدين انا مديلو مبلغ فاتح بيه مشروع النجارة يبقى فين الفرق الا بعملوا بين أولادي
هدى: ياعم محمود...
علي قاطعها بالكلام... تلاته بالله العظيم كلمه تانيه ماتكوني مراتي ولا ع زمتي وقومي يلا على البيت انا غلطانة الا جبتك هنا قومي
وقام خد مراته ومشي.....والتفت ع محمود حقك عليا يابويا ومشي
محمود: استغفر الله العظيم من كل ذنب عظيم
____________________
منار :الووووووو ايوة ياندى معلش ممكن تيجي دلوقت ضروري
ندى: ليه في ايه
منار : هاتفهمي لم تيجي الأول اولادك فين وفارس
ندى : بيلعبوا اهو وفارس ف الاوضة
منار: طيب سبيهم وتعالي وماتعرفيش فارس
ندى: فهميني طيب
منار: لم تيجي
ندى: طيب نص ساعه وهكون عندك
______________
منار: فهمني طيب في ايه ياخالد
خالد: اصبري وهاتفهمي
شوية والجرس رن: منار فتحت اهلا ياندى اتفضلي
خالد: ازيك ياندى عامله ايه
ندى: الحمد لله بخير
ندى: معلش مش هقدر اقعد عشان سايبه الأولاد ف البيت
خالد: مش فارس ف البيت خلاص
ندى: ماهو مايعرفش اني خرجت
خالد: اقعدي طيب خمس دقايق
خالد: ندى انا عارف ماليش حق ادخل بينك وبين فارس لكن من حق الأخوه الا بيني وبين فارس تخليني اعمل اي حاجه
ندى: كمل
خالد: انتي بتحبيه
ندى: بخجل وبصت في الأرض
خالد: مش وقته ياندى الكسوف فارس مسافر خلاص لازم تدي لنفسك فرصة وبلاش تضيعي فارس من ايديكي لأن صدقيني مش هتلاقي زيه
ندى: على فكره فارس بيحب إيلين وهو قالي كده
خالد: طيب ثواني وطلع الفون من جيبوا وقال ل ندى ...ماتكلميش وفتح الاسبيكر
الووووووو ايوة يافارس قلقتني عليك انا قولت دي ندى قتلتك بعد ماخرجت مع منار ههههههههه
فارس: بس ياخالد انا جرحت ندى اوي وكدبت عليها وقولتلها اني بحب إيلين وقولتلها كلام ماكنش ينفع اني اقولهولها
خالد: طيب ليه يافارس ده كله
فارس: الا حصل بقى ياخالد انا خلاص اخدت قراري زي ماقولتلك هطلقها واسافر بلاش اعذبها معايه وهي مش بتحبني وكمان اعذب نفسي جنبيها
خالد: طيب وانت كده مفكر نفسك بتحبها مدام هتسيبها وتسافر
فارس:انا ماحبتش في حياتي حد غيرها بس خلاص كفايه لحد كده.... وهو بيتكلم دخل رامي وآدم الاوضة عمو ماما فين مش لاقيين ماما وهي مش ف البيت
فارس: سلام دلوقت ياخالد
ندى: ابتسمت وفرحت اوي ان فارس فعلا بيحبها
خالد: انا كده عملت الا عليا ادي لنفسك فرصة ياندى ولو بتحبي فارس بلاش تضيعيه من ايدك ويلا ع البيت علشان زي ماسمعتي اولادك بيدور عليكي وزمان فارس بيدور عليكي وبلاش تعرفي فارس انك كنتي هنا علشان مايزعلش مني وياخد موقف
ندى:ماتقلقش وشكرا بجد ياخالد وشكرا يامنار بجد ع وقفتكم جنبي وراحت ماشيه
_________________
منار: حضنت خالد: انت جميل اوي ياخالد بجد
خالد: وايه كمان
منار: واحلى حاجه في حياتي
خالد: وايه كمان
منار: وبحبك
خالد: اممم وايه كمان
منار: هههههه يارخم
خالد: هههههههههههههه ربنا يستر بس وفارس مايعرفش ان ندى كانت هنا
منار: اكيد مش هيعرف ندى مش غبيه يعني
_______________________
ندى فتحت الباب بالمفتاح الا معاها ودخلت البيت
فارس: كان واقف...مسك ايدها جامد وقالها كنتي فين
ندى: آآآآه ايدي بتوجعني سيب ايدي
فارس: بعصبيه بقولك كنتي فين انطقي وساب ايدها
ندى: قربت منه جامد.....وحطت ايدها ع صدره وبصوت واطي....وعايز تعرف ليه
فارس: بتوتر واستغرب من طريقتها
ندى: رد عايز تعرف ليه
فارس: بص بعيد وقالها كنتي فين ياندى
ندى: قربت منه اكتر.....وهفرق معاك يعني وهي لسه حاطه ايدها ع صدره ...رد عليا
فارس: مسك ايدها ونزلها من ع صدره وسابها وراح الأوضة
ندى : دخلت وراه الأوضة...ووقفت عند الباب وربعت ايديها وقالتله....ايه العصبيه دي كلها عشان خرجت
فارس: وهو قاعد ع السرير كان المفروض تقوليلي رايحه فين الأول ع الأقل عشان أولادك مش عشاني
ندى: راحت عنده وقعدت جنبه ع السرير طيب اسفه مش هتكرر المهم متزعلش مني
فارس: برفع حاجب وابتسامة خفيفه بستغراب ...و ده من ايه
ندى : من ايه ....امممممممم اقولك
فارس: قولي
ندى: لا مش هقولك وهروح انام وجات تقف تمشي فارس مسك ايديها
فارس: بصوت واطي كنتي عايزه تقولي ايه
ندى: بصوت طفولي ودلع ماقولتلك مش هقولك خلاص وجات تمشي
فارس: ندى: اول وآخر مرة تخرجي بالليل
ندى: حاضر...هروح بقى أنام
فارس: ماشي بس حابب اقولك ع حاجه
ندى: ايه
فارس: قام من ع السرير ووقف جنبها ومسك كتفها...على فكرة انا آسف
ندى: على ايه
فارس: على اي حاجه وجعتك من ناحيتي
ندى: ابتسمت وسابته وخرجت
____________________
فارس: شغل في الاوضة بتاعته أغنيه كاظم الساهر انسى العالم كله وانت بين احضاني.....انت بدنيا جميله انت بعالم تاني وحرفيا الجو كان جميل وكان هواء
ندى : كانت في اوضتها وسامعه الأغنيه وكانت مبسوطة
__________________
إلهام: محمود اخرت ليه كده النهاردة
يعني كنت بتروح بدري
محمود: مفيش ياالهام بس علي وهدى جو الغيط قعدو معايه شويه وبعد مامشوا رحت قعدت عند ناس معرفة
إلهام: وكانت جايه ليك ليه الحربايه دي اكيد زعلتك
محمود: عيب ياالهام دي برضو مرات علي مهم ان كان
إلهام: اوعى تكون قالتلك حاجه انا عارفه كلامها والله اروح افرج عليها الناس هناك واخلي اللي مايشتري يتفرج عليها
محمود: هههههههههههههه مش لدرجة ياالهام دي جات تقعد مع علي معايه في الغيط وبتقول جايه تمشي رجليها شويه
الهام: ماشي يامحمود ياخبر النهاردة بفلوس بكره يبقى ببلاش خليك ع راحتك المهم ادخل دلوقت احطلك العشا
محمود: لا ياالهام انا هدخل انام اكلت في الغيط الحمد لله
دخل محمود ينام وقفل النور ودموعه نزلت تجري ع المخده
ياااااه ياربي ع التعب الا انا فيه مبقاش فيه راحه خلاص مرات ابني جايه تورث فيا وبتحسسني اني عامل فرق في أولادي وانا كلهم عندي واحد ده انا ماطلعتش غير بيهم من الدنيا يارب لطفك بيا
______________________
فارس في الصباح دخل اخد شاور ولبس بنطلون جينز أسود ولبس قميص ابيض وشمر الكم لحد كوعه ورفع شعره لفوق وقعد ع السرير ب اللاب توب يكلم زميلته في الشغل ف تركيااا وكان بيسالها ع حال الشغل
ندى ف اوضتها اخدت شاور ولبست بنطلون جينز اسود ولبست بلوزة حمره وسابت شعرها كله ع ضهرها وحطت ميكب خفيف وراحت تجهز الفطار سمعت فارس ف الاوضة بيتكلم إنجليزي وبيضحك
ندى فتحت باب الأوضة بتاعته ف اللحظه دي فارس رفع عينيه في ندى
