رواية ابن مراته الحلقه الخامسه بقلم هويدا زغلول
رواية ابن مراته الحلقه الخامسه بقلم هويدا زغلول
 |
وفي الوقت ده مني انصدمت وقالت
مني _اي الكلام اللي حضرتك بتقولي ده انتي عايزه تديها كل حاجه وانتي عارفه انها مش بتحبك
فاطمه _يا بنتي اختي دي عاشت عمرها كله
رافضه تتجوز علشان معاش ابويا مش يتقطع
عملت شركه وكبرتها بعدها اتجوز جوزها
لما بقت غنيه وراح بعد جوازهم بشهر عمرها
ما شافت سعاده في حياتها ، وفي الوقت ده جت امل جنبي وقالت
امل _سيبك من كلامها يا حماتي انتي
بجد ناويه تعملي كده انتي ناويه تدي
رؤوف كل حاجه
الام _تقصدي ان مش هعمل كده انا هديكي
انتي كل حاجه وانتي هتكوني اكبر عقاب ليه
والله
امل _لا مش مصدقه انك هتعملي كده
بجد ربنا يديكي الصحه يا حماتي واقولك حاجه
انا هكون موافقه انك تيجي تعيشي معانا
في الفيلا
الام _حد الله ما اسيب بيت جوزي ابدا يا بنتي
انا اصلا مش عايزه حاجه من الدنيا دي
غير الستر وبس ، وبعدها نزلت ومشيت مني وامها وجه رؤوف من برا
امل _بجد متعرفش أنا فرحانه ازاي اكيد انت
كمان مبسوط امك عايزه تكتب ليا كل حاجه
ب اسمي انا ، وبعدها رؤوف اقعد
اي مالك يا رؤوف شكلك عامل ليه كده انت
مش فرحان ولا اي
رؤوف _ اسمعي يا امل انتي مراتي اه
بس أن الورث يتكتب ب اسمك ليه لا طبعا
انا مش موافق علي الكلام ده
امل _معقول لتقول ليا أنا الكلام ده طيب انا وانت اي مش واحد يا حبيبي
رؤوف _لا مش واحد وانا مش موافق ماما
تكتب ليكي كل حاجه ولو عايزه تطلقي انا
معنديش مانع
امل _دلوقتي جاي تقولي الكلام ده با رؤوف
هونت عليك تقولي كده
رؤوف _انا عملت علشانك كتير ضحي انتي بقي
لو مره واحده انتي ليه انانيه كده وعايزه
تخدي كل حاجه
امل _ علشان تعرف ان الموضوع مش فارق
معايا والمهم عندي
رؤوف _وانا اوعدك اي طلب تطلبي مني
هعمله ليكي بس غريبه امي وافقت بسهوله كده ازاي
امل _مش عارفه مع أن كنت حاسه انها هتقلب
الدنيا لما تعرف والله ، وبعدها أنا كنت قاعده
في شقتي وقولت
الام _عملت اي يا ربي علشان يحصل فيا كل
ده حرام والله اللي ابني بيعمله فيا ده
وفي الوقت ده الباب خبط وروحت فتحت
رؤوف _عامل ارن عليكي يا امي مش بتردي
عليا ليه
الام _ عايز اي يا رؤوف شوف ميعاد المحامي
أمتي وانا هاجي استلم واديكم الورث
رؤوف _هو انتي زعلانه مني يا امي والله
انا كنت .... ، وقبل ما يخلص كلامه
قولت
فاطمه _كلامي خلص يا رؤوف مش عايزه كلام
تاني بعد اذنك عالشان عايزه انام بقي
، وبعدها طلع وخلصت كل حاجه وسلمت
الورث كله ب رؤوف وفي يوم لقيت مني
جايه عندي
مني _مساء الخير يا ست الكل اي عامله اي
فاطمه _اي ده مني تعالي يا حبيبتي وبعدها
دخلت وكان الاكل محطوط حته جبنه ولقمه
ناشفه
مني _اي اللي حضرتك بتكلي ده
فاطمه _نحمد ربنا علي كل حال يا بنتي هعمل
اي الظروف طبعا الفتره دي
مني _طيب ليه عملتي كده ازاي تدي
ليهم كل حاجه
فاطمه _ يا بنتي مش هناخد حاجه معانا
وبعدين انا مرتاحه كده والله اقعدي اقعدي
وحشتني
مني _والله ياريت يكون عندي حما كويسه
كده ربنا يبارك في عمرك يارب
وفي فيلا رؤوف كان واقف يلبس قدام المرايا
وصحيت امل
امل _صباح الخير يا حبيبي اي نازل بدري
اوي ليه كده
رؤوف _بدري من عمرك الساعه 10حضرتك وانا
متأخر علي الشغل الأول في بيتنا القديم كنتي
بتصحي تعملي ليا فطار أو اي حاجه انما
دلوقتي بقيتي مش سائله فيا خالص
امل _يووو هو انت عايز اي مشاكل والسلام
ما فيه ناس مسؤولين أنهم يفطروك
رؤوف _ماشي المهم عملتي اي في موضوع
الصداع اللي بقي عالطول عندك
امل _روحت كشفت والدكتور قالي لازم اشاعه
عملتها امبارح وهروح انهارده للدكتور هو انت
مش جاي معايا
رؤوف _هو انا فاضي يا امل روحي وابقي طمنيني
بالتلفون خدي بالك من نفسك يا حبيبتي
وبعدها نزل وراحت امل للدكتور وبعدها راحت
الشركه عند رؤوف
رؤوف _اي ده هو انتي جايه هنا ليه
وازاي تيجي من غير ما ترني عليا
امل _انا في مصيبه يا رؤوف ومش عارفه
اعمل اي
رؤوف _يعني مكنش ينفع تصبري لحد ما اجي
البيت لازم تيجي لحد هنا
امل _ انا عندي ورم في المخ وحاله متاخره
صعب العلاج فيها ، والصدمه لما رؤوف قالها
رؤوف _وهو انتي فاكره واحده زيك كان يكون
نهايتها اي
امل _انت بتقول اي الكلام ده ليا أنا
رؤوف _انا من فتره قريبه بس عرفت
اللي انتي عملتي ف ام جوزك الاولي فاكره
ولا لا ,
مجمع الروايات الكامله من هنا
إللي عاوز يوصله اشعار بتكملة الروايه يعمل إنضمام من هنا
تعليقات
إرسال تعليق