رواية روح الصقر الحلقه الخامسه بقلم الكاتبه آيه أمير
 |
رواية روح الصقر الحلقه الخامسه بقلم الكاتبه آيه أمير
نايا ( هههههه دلوقتي تكلم صقر و تقوله انه نسي حاجه هنا ويجي وانت تروح لست حياه في البيت واعمل اللي انت عايز تعمله معاها وسيب ليا انا صقر )
مارك ( هههههه يا دماغك )
رن مارك علي صقر
صقر ( الو يا مارك)
مارك ( انت نسيت البطاقه بتاعتك هنا تعالا خدها )
صقر ( تمام انا جاي)
نزلت روح قربت منه
روح ( في حاجه يا صقر ولا اي)
صقر ( مش عارف شاكك في حاجه وفي نفس الوقت عايز الحاجه دي تحصل )
روح ( حاجه اي يا صقر )
صقر ( هههههه هتعرفي دلوقتي)
روح ( واد يا ابليس انت اتكلم و غوشت قلبي؟
صقر ( متخفيش لو اللي في بالي هيحصل ها تلاقيني قدومك )
روح ( يحصل اي )
صقر ( انا ماشي دلوقتي )
مشي صقر و روح كانت قلقانه وهيه مش عارفه اي اللي بيدور في بال صقر ودخل الشك قلبها وقعدت في الصاله وهيه بتفكر صقر ركب عربيته وهو ماشي في الطريق شاف عربيه مارك رايحه علي البيت ابتسم ولف ورجع وراه روح كانت قاعده لقيت اللي بيخش عليها
مارك ( الصراحه دخلتي مزاجي اوي )
روح بخوف ( انت عايز مني اي )
مارك ( عايزك يا جميل انتي )
روح ( صقر هيجي يقتلك )
مارك ( هههههههه صقر مش هيعرف اصلا )
مارك عمال يقرب من روح وروح بترجع لورا خايفه تدافع عن نفسها بطريقتها تكشف فضلت تصوت/ صقر الحقني)
قطع لها مارك الكم وكانت روح بتصرخ دخل صقر بسرعه ونزل في مارك ضرب قلع صقر جاكت البدله و اديها الجاكيت )
صقر ( بقا عايز تعمل كده في مراتي يا حقير )
مارك بخوف ( انت فهمت غلط علفكرة )
صقر ( لا انا فهمت صح اوي انا هوريك هعمل فيك اي يا حيوان )
مارك ( انا اسف اطلب مني اي حاجه اعملها )
صقر ( شروط الصفقه انا اللي هقولها و فلوس الصفقه انسي الاتفاق الاخير دي مش فلوس )
مارك ( قولي عايز كام )
صقر ابتسم ( كده تعجبني اكتب الشيك دلوقتي يلا )
مارك ( حاضر)
وبدأ مارك يكتب الشيك مارك ( امشي )
صقر ( لا تمشي اي الراجل بتاعي هيروح ياخد الفلوس الاول )
وبعت صقر الراجل بتاعه ياخد الفلوس مارك كان خايف اوي من صقر
روح بصيت لصقر بحزن وطلعت اوضتها بعد شويه رجع راجل الصقر بلفوس و مشي المارك طلع صقر اوضه روح
صقر ( انا مكنتش اعرف انه هيعمل كده انا شكيت انه جاي يطلب رقمك مثلا يديكي رقم اوضته )
روح ( انت استغلتني يا صقر )
صقر ( لا يا حياه )
روح ( انت انسان حيوان يا صقر مكنتش اتوقع منك تعمل كده )
صقر ( والله مكنتش اعرف انا مكنتش هخلي حاجه تحصلك )
روح ( اهو كان هيحصل يا صقر )
صقر / حياه صدقيني مكنتش اعرف كان مجرد شك انا جنبك )
روح نزلت دموعها قرب منها صقر ومسح لها دموعها من علي وشها ( ممكن متعيطيش )
روح حسيت انها متخدره من لمسه ايده و اتوترت جامد اوي وزعلت من توترها ده
صقر ( متزعليش اعمل اي عشان ارضيكي طيب انا عمري ما عملت كده مع حد)
روح ( هات لي حاجات حلوة كتير اوي )
صقر (هههههه بس كده )
وطلب لها كل حاجه حلويات و فواكه و تسالي واكل
روح ( هييه انت احلي صقر في الدنيا)
وباسته من خده هيه فعلا فرحت اوي حسيت انها طفله والفعل ده طلع منها تلقائي اتوتر صقر من رد فعلها وحس بعاصفة في قلبه )
ونزل وسابها ومريت ايام عليهم صقر حب روح واوي كمان وروح حاسه بحاجه بتحاول تخبيها وتفكر نفسها دايما أنها هنا عشان مهمه
صقر ايده كانت متعوره جريت عليه روح بخوف ( انت كويس اي الدم ده حصلك اي)
صقر بص علي خوفها ( متخفيش انا كويس دي مجرد تعويره صغيره )
روح ( انت انسان مستهتر اوي مش تخلي بالك من نفسك يا صقر ليه الاستهتار ده
صقر ( خلاص خلاص يا حياه اي راديو اتفتح )
روح ضحكت ( هههههههه لا بلعه )
روح لفت له الجرح تيجي ننزل نلعب في الجنينه اللي تحت دي )
صقر ( نلعب )
روح ( اه يا خويا نلعب انا صغيره وحلوة وعايزه اللعب كده )
صقر ( ههههه و تلعبي اي ياختي )
روح ( هههه تمثيل اسكندريه )
صقر ( اي دي )
روح ( يعني تفضل واقف وانا افضل اضحكك وانت متضحكش ولا تتحرك ولو اتحركت هنفذ فيك حكم )
صقر( وانا موافق)
روح ( تماثيل اسكندريه تماثيل استديو مصر و التماثيل مابتتحركش )
صقر وقف مش بيتحرك قربت منه روح ( شوفت الفار السندق ياخويا وهو بينط حتت نطه اكيد شوفته ابن الكلب ده طب شوفت واحده مزه زيي كده قبل كده طبعا لا اضحك للدنيا تضحك لك ده محدش واخد حاجه )
مسكت روح خدود صقر ( هو انت ابليس في نفسك ليه ياخويا طب قولي بطاريه دماغي هترجع امتا ما تجيب لي شاحن كده ولا حاجه بس تصدق معرفش شاحن دماغي اي ممكن سامسونج)
صقر مقدرش يمسك نفسه ويضحك روح ( انت خسرت يا مان جاهز للعقاب )
صقر ( عجايب انا اللي دايما بعاقب الناس )
روح ( اعمل نفسك جمل واركب علي ضهرك؟
صقر ( نعم ياختي )
روح ( اهو ابليس مش قد التحدي )
صقر ( لا قده )
روح ( طب يلا )
صقر عمل نفسه جمل وركبت روح علي ضهره ( امشي يا جمل يا كسول تكك نيله شكلك عجزت )
صقر وقعها من علي ضهره وقعت علي الارض ( اخرت لسانك الجميل زيك )
روح ( مكنش العشم ياعم الابليس توقعني اكمني حرمه مكسوره الجناح )
صقر ( اه شوفتي )
روح ( انت مفتري اوي كده ليه قولي بس انت مولود في ايدك سلاح و قلبك مش موجود شكلهم بدل ما شدوك من رجلك شدوك من قلبك وطلع )
صقر افتكر حاجه وظهر علي وجهه علامات الوجع و القسوه خد نفس عميق اوي و قفل عينه استغربت منه روح
روح ( مالك ليه حزنت وفي قسوه ظهرت علي ملامحك )
صقر بعصبية ( تاني مره اسئلتك دي هتبقي سبب موتك في يوم )
وطلع جري و سابها طلعت روح اوضتها و كلمت باسل )
باسل ( الوو يا روح عامله اي انا خايف عليكي )
روح ( متقلقش عليا يا باسم انا كويسه و الأمور ماشيه زي ما انا مخططه بالظبط اخبار رزان اي )
باسم ( كويسه يا روح المهم هنفذ اخر جزء ونقبض عليه امتا )
روح ( ده انسان حريص اوي و خبيث مبيسبش اي حاجه عليه وقع في أيدي ورق وكنت هتقفش بس قدرت الحق نفسي )
باسم ( خلي بالك لو مش قدها ارجعي يا روح حياتك عندنا اهم )
روح ( لا انا اللي هكمل )
باسم ( ياريت نخلص منه و نعدمه )
روح ( انا لازم اقفل)
وقفلت معاه روح كلمه يتعدم خليت قلبها يتقبض جامد اوي قعدت علي السرير بالحزن ( اي بيحصل فيكي يا روح عارفه ده مين ده مجرم المفروض تحققي العدل و تقبضي عليه يا روح مالك مالك خوفتي عليه ليه لما قالك انه يتعدم مهو فعلا هيتعدم انتي عارفه قتل كام شخص انا حاسه اني تايهه اوي )
نروح عند باسم في المكتب
عزام ( خير يا باسم )
باسم ( صوت روح مش مطمني خالص حاسس في حاجه غلط روح مش بتاخد كل الوقت ده عشان تخلص مهمه )
انور ( انت عارف الصقر مش مجرم عادي و حويط اوي )
باسم ( فعلا )
عزام ( و روح مش متسرعه بالعكس بتحب تخلص شغلها علي احسن وجه
باسم هز دماغه و سرح انور نزل جاب شويه حاجات وراح عند رزان خبط انور رزان من ورا الباب
رزان ( مش عايزين انهارده يا راجل انت لف وارجع تاني )
انور ( ههههه افتحي يا مجنونه خلاص هرجع بالجاتوه )
رزان فتحت الباب بسرعه ( خد هنا ياض )
انور /. ههههه مش انتي مش عايزه انهارده خلاص امشي )
رزان ( خش يا منيل علي عينك )
دخل انور وطلع الجاتوه وبدأ ياكل رزان بصيت له ( يا ابن المفجوعة )
انور ( الله علي ذوقك )
رزان ( هههههه سيب الجاتوه يالا )
انور / يا بخيله)
رزان / اه ده ليا انا لوحدي مفهوم فكر تاكل حته كده وانا اقطع لك لسانك و اخلع سنانك واحده واحده )
انور ( عرفك مفتريه و تعمليها )
رزان ( يابني ما انا مبحبش اتكلم عن نفسي كتير الله )
انور / لا تكلمي اي )
رزان قعدت ( كول يا خويا هو انا بخيله زيك )
انور ( هههههههه انتي نتنه )
رزان ( تشكر يا مؤدب كول ولا اغير رأيي)
و كلوا مع بعض ومشي انور
ومريت ايام علي روح و صقر
عند روح و صقر
صقر ( انا عايز اقولك علي حاجه )
روح ( قول)
صقر ( انا )
روح ( انت اي )
صقر ( انا بحبك انا عمري ما حبيت عارفه يعني اي صقر يقول بحبك )
روح اتسعت عينها من كتر الصدمه دلوقتي هيه اللي تقدر تحقق العداله و بأيدها تخبي أفعال مجرم او تمحيها )
روح قالت
وبكده خلص الجزء ده تفتكروا روح هتقول اي هتختار العداله ولا قلبها )
بقلمي أية أمير
