رواية روح الصقر الحلقه الثالثه بقلم الكاتبه آيه أمير
 |
رواية روح الصقر الحلقه الثالثه بقلم الكاتبه آيه أمير
وهما قاعدين سمعوا صوت ضرب نار جامد روح بخوف
روح ( هيه القيامه قامت ولا اي في اي )
صقر ( اطلعي فوق يا حياه بسرعه )
روح ( لا انا خايفه هو انت الشيطان ولا اي ياعم الحج)
صقر ( بقولك اطلعي فوق )
روح كانت لسه هتطلع لقيت الازاز بيتكسر جريت وقفت ورا صقر بخوف
صقر طلع سلاحه ووجه السلاح عليهم
يحيي ( بقا انت تقتل اخويا عوض )
صقر ( اه اخوك يا اهلا يا الف مرحبا اخوك بدأ بالغدر انا بطبعي مبحبش الغدر انا شغلي كله نضيف و الغدار يحصل فيه اي يتقتل زي ما انت هتقتل دلوقتي كده )
يحيي ( ههههههه ومين الشاطره اللي مستخبية وراك ده احنا حتي عارفين انك راجل معقد ملكش في صنف الستات )
روح بخوف ( هما مين الاشرار دول.. هاه دول أهل النار ولا اي)
صقر ( متخفيش انتي في حمايه الصقر)
يحيي كان معاه رجالته و قالهم هاتوها )
الرجاله كانت بتقرب عشان تاخد روح فجاه ضرب صقر نار علي رجاله يحيي وقعوا كلهم ميتين )
يحيي بص علي رجالته بصدمه وبص علي صقر بخوف
صقر ( للاسف انت متعرفوش مين الصقر انا لو قدومي جيش بحاله هنتصر عليهم مثل الكتره تغلب الشجاعه دي مش معايا انا بقا ماشي بمبدأ الشجاعه هيه اللي تغلب الكتره )
روح اغمي عليها من منظر الدم
يحيي طلع يجري وهرب بسرعه من الصقر صقر نزل شال روح علي ايده وطلع بيها الاوضه جاب مياه وبدأ يرش عليها
روح فتحت عينها ( انا شوفت النار بعيني وشوفت اشرار كتير ده شكل القيامه قربت تقوم ولا اي )
صقر ( انسي انتي شوفتي اي احسن لك )
روح بخوف ( انت اللي قتلت لهم يا ماما )
صقر ( مش بقولك انسي احسن لك )
روح ( يا قاتل يا مجرم يا مسلح )
صقر ( وبعدين )
روح ( لا انا خايفه منك انت قتلت لهم كلهم في لحظه انت ازاي كده)
صقر طلع سلاحه ووجه السلاح عليها ( تنسي احسن ولا اخليكي تحصليهم )
روح ( هو انت مين اصلا انا اعرفك ياعم انا نسيت كل حاجه يا شبح تكك ضربه في قلبك )
صقر ( خدي علاجك )
خدت روح علاجها )
روح ( هو احنا هنفضل هنا انا خايفه)
صقر ( لا المكان ده مبقاش امان)
وخرج صقر يعمل تلفوناته عشان المكان الجديد يجهز )
صقر رجع لروح في الأوضه ( يلا عشان نمشي من هنا مع اني مش ناقص بس بعد اللي شوفتيه انتي لازم تفضلي معايا )
وخدها وراحوا علي فيلا تانيه دخلت روح الفيلا
روح ( الله علي الجمال ده )
صقر ( تفضلي هنا انا لازم اروح اشوف اشغالي )
ومشي صقر وقفل عليها كل الابواب و الشبابيك وخرج و سابها روح قعدت في الصاله وعماله تبص علي شكل الفيلا
راح صقر علي مقر المكان اللي بيعمل فيه مقابلاته )
صقر قرب منه علي بخوف
صقر بعصبية ( لما حصل عليا هجوم كنتو فين انا مشغل معايا بهايم )
علي بخوف منه. ( والله مكناش نعرف )
صقر ( مهو لو انتو شاغلين زي البشر كنتو عرفتو )
صقر ( انا اسف يا باشا )
صقر ( دلوقتي تجيب لي يحيي من تحت الارض فاهم لو مجبتش يحيي اعتبر نفسك موت أو اقتل نفسك قبل متيجي هنا فاهم انت عارف انا مبحبش اقرر كلامي مرتين )
علي بخوف ( حاضر يا باشا )
ومشي علي وكان خايف اوي من الصقر صقر بدأ يشوف شغله و يجهز صفقاته )
نروح عند باسم في بيته
انهار ( باسم ما تقدم استقالتك انا قلبي مش لعبه يا باسم انا كل يوم بيعدي عليا بموت من الخوف وأفضل قول. يا عالم هيرجع ولا لا و افضل اتخيل و مجرد الفكره بس بتقتل فيا بحس اني موت علي قيد الحياه ارجوك يا باسم انا اعصابي تعبت من كتر الخوف )
باسم حس بحزن من كلامها و اتكلم بحنان ( انا جنبك حبيبتي انتي مش واثقه في جوزك انه راجل ده شغلي يا انهار وده واجبي اتجاه بلدي لو كل واحد سمع كلام مراته وعمل زي ما هيه عايزه مين اللي هيفضل عشان يدافع عن البلد )
انهار بعياط ( وانا مبقتش قادره استحمل الخوف يا باسم والله )
باسم ( خليكي بس واثقه فيا انا مافيش حاجه تقدر تفرقني عنك يا هبله )
انهار ( لا في يا باسم الموت ارحمني و ارحم قلبي )
باسم حضنها واتبسم لها ( انا بحبك يا انهار و مقدر خوفك )
انهار حسيت براحه و احساس خوفها بدأ يروح
نرجع عند الصقر خلص شغله ورجع الفيلا
روح كانت في اوضتها طلع صقر و كانت روح واقفه قدوم المرايا وبتكلم نفسها و صقر واقف و روح مش واخده بالها منه
روح ( هو انتي عطلانه ليه يا دماغي طيب اجيب لك حجر عشان تشتغلي طاه طب ما تفتكري ياست جمجمه انا مين و اسمي اي بدل ابو لهب اللي انا قاعده عنده ده بالله عليكي يا دماغي قولي حاجه لجمجمه يمكن تسمع كلامك أو معقول شحن بطاريه دماغي نفذت )
صقر مقدرش يمسك ضحكته من كلامها وضحك وكان بيضحك بصوت لفت روح بخضه
روح ( يا شيخ وقعت قلبي قول احم ولا دستور ولا اي حاجه بدل ما انت طلعت زي العفريت كده )
صقر ( لا انا مش عفريت انا ابليس )
روح ( انا قولت كده من الاول بس منها لله دماغي مصدقتنيش )
صقر ( احنا هنهزر ولا اتعدلي )
روح ( هاه قولي قتلت كام واحد انهارده بقا يا نمس ما تعلمني كدهو اعمل زيك بس الاول لازم ارمي قلبي لقطط عشان ابقي زيك )
صقر ( قولتلك اني خلقي ضيق و اوي كمان )
روح ( طب ما تخليه استرتش كده )
صقر اتعصب وخرج و سابها خرجت وراه وكانت هتقع لحقها صقر بسرعه وهنا اتقابلت عيونهم في نظره طويله و سيطر عليهم السكوت )
روح بتوتر ( انا اسفه )
صقر بعد عنها بسرعه
روح ( مش هناكل طاه يا قيحه )
صقر ( الاكل عندك في التلاجه ما تأكلي ولا انتي صغيره وعايزه حد.يأكلك في بوقك )
روح ( اه اصل خايفه علي ايدي احسن تتوسخ .. وبعدين انا عايزه هدوم أحسن انا قربت اعفن في الهدوم دي )
صقر ( اعتبريها عندك )
وعمل مكالمه و فعلا بعد شويه جالها شنط كتير من الهدوم )
روح بصيت علي الهدوم وفضلت تضحك )
بعد مرور كام يوم علي جنان روح مع صقر و عصبيه صقر اللي مش بتخلص )
روح بتخبط علي اوضه صقر
روح ( انت يا ابليس يا شرير اين انت رد عليا هل تسمعني حول )
صقر فتح لها الباب وهو متعصب ( عايزه اي )
روح ( كل ده نوم دي مش اخلاق مجرمين ابدا يا كوتش )
صقر ( يابنتي اعتبريني مش موجود احسن موتك في مره علي ايده وقريب اوي علفكرة )
روح بزعل ( انا زهقانه اوي يا ابليس)
صقر ( وانا اعملك اي)
روح ( معرفش اتصرف يا اخي مش انت ابليس ذات نفسه مافيش حاجه صعبه علي ابليس)
صقر ( انا ممكن حالا اتحول علي عزرائيل )
روح ( هو انت عندك انفصام في الشخصيه ولا اي ياعم انت شويه ابليس و شويه عزرائيل كركبت دماغ امي معاك )
صقر دخل اوضته وقفل الباب في وشها روح باحراج
روح ( انا هقول أن الهوا اللي قفل الباب يا كوتش )
نروح عند رزان
رزان ( اي الملل ده اجيب الواد انور ارخم عليه شويه )
رزان رنيت علي انور وهيه صوتها بيطلع بصعوبه ( الحقني يا انور )
انور بخوف عليها ( في اي )
رزان ( انا بموت شكله اخر يوم في عمري و هترتاح مني افرح ياعم )
انور ( متقوليش كده انا جاي حالا )
ونزل انور بسرعه راح عند رزان وفضل يخبط ورزان عماله تضحك مش قادره )
رزان ( اول خطه نجحت )
انور ( افتحي يا رزان انا جيت اهوه )
رزان مش بترد راح كسر انور الباب عليها ودخل جري عليها وكانت عامله نفسها فاقده الوعي جاب مياه ورش عليها
انور( رزان مالك )
رزان فتحت عينها ( كويس اني شوفتك قبل ما اموت )
انور ( مالك يا رزان حصل اي )
رزان ( انا شوفت الموت قدوم عيني )
انور ( طب في اي طيب )
رزان فضلت تضحك جامد وقامت وطلعت لسانها ( عليك واحد وضحكت عليك يا اهبل ودخل عليك المقلب الله عليا )
انور مسكها من شعرها ( بقا كده يا رزان الكلب )
رزان ( ايدك ياباشا احسن توحشك انا بقولك اهوه )
انور ساب شعرها ( انا غلطان أني صدقتك والله )
رزان ( ههههههههه عشان انت اهبل و غلبان ظلمك اللي دخلك شرطه )
انور ( انتي وقعتي قلبي عليكي وده كله طلع هزار )
رزان ( خلاص بقا بهزر يا رمضان اي مش بتهزر )
انور ( هزار عن هزار يفرق كتير لكن دي سخافه يا رزان )
رزان ( طب خلاص متزعلش )
انور ( عن اذنك )
قفل الباب وراه ونزل وهو مضايق عشان هو فعلا خاف عليها
رزان ( انا فعلا وقعت قلبه بس هو خاف اوي كده ليه ده ..لا وخاف عليا كمان ماله الاستاذ )
نرجع عند روح
صقر خرج من البيت روح ابتسمت بشر وقالت ( هههههه الخطه بتاعتي كلها مشيت صح سجنك علي ايدي يا صقر كل دي ناس ماتت من تحت ايدك انا بقا هوريك انا لازم اروح مكتبه وامسك ادله كتير في ايدي )
وراحت مكتبه ودخلت و لقيت ملفات فيها مصايب صقر لسه هتخده وتخرج حصل ما لم يتوقع
تفتكروا حصل اي
بكده خلص الجزء ده
بقلمي أية أمير
