رواية روح الصقر الحلقه الثانيه بقلم الكاتبه آيه أمير
 |
رواية روح الصقر الحلقه الثانيه بقلم الكاتبه آيه أمير
صقر لاقي نفسه خبط في فتاه من غير ما يحس و الناس بدأت تتلم
الراجل ( حرام عليك دي بنت في اول شبابها )
صقر نزل من عربيته وبص علي البنت
الست ( بلغوا البوليس ده واحد ماشي يدوس علي خلق الله)
صقر بتوتر ( بوليس اي انا هاخدها و متكلف بمصاريف المستشفي و العلاج و كله )
الراجل ( لا هيه عندها حق لازم نبلغ البوليس)
صقر اتكلم بصوت حاد و قوي ( قولت هاخدها علي المستشفي )
صقر شالها البنت دي تبقي روح ودخلها العربيه
صقر ( كان ناقصني بلاوي انا طلعت لي منين دي ارميها في اي حته ولا اوديها علي المستشفي لا مستشفي اي هيبقي في سين وجيم انا اخدها عندي البيت واطلب الدكتور بتاعي )
وبدأ صقر يسوق عربيته وراح بيها علي الفيلا بتاعته وروح كانت لسه فاقده الوعي و يدخلها الفيلا و ينيمها علي السرير صقر ينادي علي طارق
صقر ( انت يا زفت يا طارق روح بسرعه هات الدكتور بتاعي )
طارق هز دماغه وراح علطول علي يجيب الدكتور رجع طارق وهو معاه الدكتور
الدكتور ( انا بحسب انت خدت طلقه تاني ولا حاجه بس شكلك زي البومب )
صقر بعصبيه ( انت ناوي تصاحبني ولا اي شوف شغلك احسن لك خبطها بعربيتي وانا ماشي )
الدكتور بدا يفحص روح و و دماغها كانت بتنزف جامد
الدكتور ( دي دماغها بتنزف جامد كده في خطر علي حياتها لازم تروح مستشفي)
صقر بعصبية ( تشوف شغلك هنا واي حاجه محتاجها قولي و في خلال دقايق هتكون عندك )
الدكتور خاف جدا من صقر وبدا يوقف لها الدم و يخيط لها الجرح )
الدكتور ( مش هقدر أقرر حالتها غير لما تفوق )
صقر ( تمام قعد تحت لحد ما تتنيل تفوق كنت ناقصاها )
الدكتور ( تمام )
نزل الدكتور قعد تحت صقر كان بيدخن سيجارته وهو قاعد قدومها منتظر انها تفوق و عمال يبص علي ملامح وشها وشكلها
صقر بغضب ( كنت ناقص تطلعي في وشي هو انا ناقص هم )
روح بدأت تفتح عينها بضعف وحطيت أيدها علي دماغها بوجع وكل بتبص علي الاوضه باستغراب
روح ( انا فين وانت مين )
صقر بصوت عالي ينادي علي الدكتور يطلع الدكتور
الدكتور ( حاسه بأيه دلوقتي)
روح ( هو في اي وليه دماغي تقيله كده و انتو مين )
الدكتور ( انتي اسمك اي )
روح سكتت فتره كأنها بتفتكر اسمها )
روح ( انا مش عارفه مش فاكره حاجه خالص مش عارفه اسمي اي )
صقر بغضب ( نعم ياختي ده شغل استلوح بقا ولا اي )
الدكتور ( معلش اصبر يا صقر .... طب مش فاكره بيتك اسم أهلك اي حاجه)
روح تعيط جامد ( انا مش فاكره حاجه خالص انا مالي في اي طب حصل اي ولا انتو مين )
الدكتور( شكل الحادثه اثرت علي دماغها جامد و فقدت الذاكره )
صقر ( نعم دي شكلها بتستلوح )
الدكتور ( لا حصلها فقدان ذاكره ولازم تمشي علي العلاج ده وان شاء الله يبقي في تحسن )
ومشي الدكتور
روح بصيت علي صقر ( انت يا اخ )
صقر بعصبية/ افندم بتقوليلي انا كده )
روح ( انت مين يا منيل علي عينك )
صقر ظهر علي وشه الغضب و بص لها بغضب جامد ( انتي بتقولي اي )
روح ( أيوة انا هنا ليه وانت مين وبعمل اي واسمي اي ما تنطق كده )
صقر ( شكلك عايزه اقطع لك رقبتك )
روح ( تك قطع رقبتك انت يا شيخ )
صقر ( بقولك اي انا مبحبش كده شكلك مستعجله علي موتك)
روح بصيت له بزعل و نزلت دموعها ( انا صحيت لقيت نفسي مش فاكره حاجه ولا حتي عارفه اسمي اي طب انت تعرفني طب انا هروح فين واجي منين )
صقر ( لا معرفكيش انا اللي خبطك بعربيتي )
روح ( وكمان انت اللي عملت فيا كده يا بجحتك يا قادر)
صقر ( قادر)
روح ( طب انا هعمل اي دلوقتي )
صقر ( مع نفسك بقا ويلا برا البيت انا مش عايز قرف )
روح قامت بضعف و دموعها بتنزل منها ( انت اي قلبك قلب كلب )
صقر مسك دراعها جامد اوي للدرجه اتوجعت روح وراحت معيطه
صقر ( بقولك برا )
روح مشيت كام خطوه بضعف واغمي عليها
طارق ( انا شايف انها تعبانه اوي ما تسيبها هنا لحد ما تخف )
صقر ( انا اللي أقرر مين يفضل ومين يقعد هنا )
طارق ( اسف يا زعيم )
صقر راح شال روح و نيمها علي السرير وخرج و سابها فاقده الوعي)
صقر ( روح هات لها العلاج )
طارق راح يجيب لها العلاج )
عند روح في الاوضه
روح فتحت عينها ( انا فين يالهوي انا مخطوفه يا خرابي )
طلع صقر علي صوت روح
روح ( انت خطفني صح يا جبروتك يا ابن الكلبش انت )
صقر بغضب و عينه ظهر عليها الشر ( لا كده كتير وانا خلقي ضيق جدا الاحسن تفضلي ساكته لحد ما تغوري من هنا )
وقفت روح علي السرير
روح ( مش كفايه قولتيلي أنك أنت السبب في حالتي دي لما احب افكر مع نفسي مثلا و أقول يابت يا كذا اقول اي يلا يلي فاقده الذاكره )
صقر ( نتنيل نقولك اسم)
روح ( مبقاش غيرك انت اللي تقولي اسم )
صقر ( والله العظيم انا ممكن اقتلك دلوقتي)
روح ( يا ماما انت اصلا شكلك يخوف تكك البلا في شكلك يا عره)
صقر ( اي عره)
روح نزلت من علي السرير
روح ( اه عره يا معلم )
صقر قرب منها وهيه بترجع لورا ومسكها من رقبتها ( انا ممكن اطلع زمره رقبتك في ايدك )
روح بدأت تتخنق وتكح بعد عنها صقر ( فا لمي الدور )
روح هزت دماغها ( حاضر )
صقر ( اما بالنسبه لي اسمك هسميكي حياه )
روح ( مش وحش ومش حلو )
صقر ( انا رايح اتقلب )
روح ( اي ده هو انت عربيه ولا اي تتقلب ازاي هتعملها ازاي يا ابن اللعيبه انت ما تعلمني اتقلب كده هييييه شكلي هعمل حاجه مجنونه هنا )
وفضلت تنطط وكان صقر هيتشل منها
صقر ( اتخمد قصدي)
روح ( تتخمد ازاي يعني هتحط مخده عليك و لا تنام تحت السرير ولا اي انت مال ام كلامك صعب و معقد زيك كده ليه تكك نيله فيك وانت معقد )
صقر ( العبي في عداد عمرك العبي )
روح ( هو حتي العمر بقا لي عداد ياعم الحج مش العداد ده بتاع الكهربا و الغاز هو انا اللي فاقده الذاكره ولا انت يا شبح والله انت شكلك غبي اصلا. )
صقر خرج وسبها عشان لحظه كمان و هيطلع سلاحه يضربها بيه )
روح رميت نفسها علي السرير وكانت بتضحك )
نروح عند باسم في المكتب في القسم
باسم ( تفتكروا روح اخبارها اي انا قلقان عليها يكون حصل لها حاجه ولا حاجه )
عزام ( ياعم دي يتخاف منها مش عليها )
باسم ( روح شوف يا انور رزان محتاجه حاجه ولا حاجه عشان لازم اروح اشوف مراتي عشان تعبانه شويه )
انور ( رزان لا بجد حرام انا لسه صغير علي الضغط و السكر )
عزام ( هههههه معلش )
انور راح عند رزان وخبط علي الباب
رزان من ورا الباب ( مين اللي برا قول اسمك ثلاثي و سيب صوره بطاقتك علي الارض )
انور ( افتحي يا بنت المجنونه انا انور )
رزان بخبث انور و جابت بلونه و فتحت الباب دخل انور واول ما دخل فرقعت علي دماغه بلونه )
انور ( انا كان مالي بيكي منك لله يا روح)
رزان ( يابني انا حتت سكره )
انور( اه اوي )
رزان ( عايز اي يا مضروب مني وجاي ليه وانا انثي قاعده لوحدي و الشيطان شاطر يا عنيا )
انور ( شيطان معاكي انتي لا يا حجه عيب عليكي انتي كده بتهيني نفسك قولي ابليس )
رزان ( اه يا واطي )
انور ( واطي لا انا عالي )
رزان ( طول عمرك بايخ ياباي علي تقل دمك اللي يلطش)
انور( زي ما انا نفسي الطشك قلم كده )
رزان ( وزي ما انا نفسي افتح دماغك )
انور( حلو اوي القلوب عند بعضها عايزه حاجه من تحت مع ان خساره في جتتك )
رزان ( عايزاك توريني عرض اكتافك )
انور( ليه هتصممي لي بدله ولا اي )
رزان ( لا قنبله علي مقاسك )
انور ( الله عليكي يابت يا رزان)
رزان ( برا ياض مش عايزه حاجه من اشكالك )
انور ( تصدقي انا غلطان )
انور مشي وهو عايز يديها ميت قلم رزان فضلت تنطط علي الكرسي وتضحك )
تاني يوم نروح عند روح صحيت و نزلت المطبخ تجهز فطار قرب منها صقر
صقر ( بتعملي اي هنا )
روح ( تتطفح معايا ما انا جعانه وعلي لحد بطني وانت ناس معفنه محدش جاب لي اكل كأنك هطلع الاكل من جلدك )
صقر ( اطفح )
روح ( يعني تسمم )
صقر ( كمان اتسمم )
روح ( تعالا ناكل مع بعض يا جلده يا معفن )
صقر يجز علي ايده بغضب منها ويهدي نفسه ويقعدوا عشان ياكلوا )
صقر ( الاكل شبه خلقتك )
روح ( مش احسن من مافيش ده انت انسان عامل زي القطط بصحيح تاكل و تنكر )
وفجاه وهما قاعدين يسمعوا صوت ضرب نار جامد و الباب يتكسر عليهم
ياتري في اي
وبكده خلص الجزء ده
بقلمي أية أمير
