رواية حين تقع في الحب البارت الثاني والستون والثالث والستون بقلم ندي على
 |
البارت_62
غسان بصدمه لقي السرير كله مليان دم
غسان بصدمه كأنه عقله وقف :لا لا لا نور نور وبدء يهز فيها ولكن ملقاش حل غير انه ياخدها علي المستشفي راح في ثانيه لبس وجاب لبس ولبسها ولكن النزيف شغال مش بيوقف وبدء ايد نور تقع من بين ايده وشفايفها تزرق
غسان شالها ونزل جري بدموع وخوف:نور نور اجمدي اوعي تسبيني ولادنا يا نور فكري في ولادنا يا نور وركب وجري علي المستشفي
……………………..
في منزل عمر
عمر قام لقي نورهان عمله فطار
عمر بذهول :الله الله ايه النشاط والشطاره دي من الصبح كدا
نورهان ببتسامه :قولت اكيد انت هتنزل الشغل النهارده فقاومت اساعدك
عمر باس خدها :طب يلا علشان معزومين علي الغدا عن امي علشان سلوي جيلها عريس
نورهان بفرحه :واو اخيراً في فرح في العيله
عمر ضحك ودخل الحمام ياخد شور
…………………..
في منزل منير
نسمه كانت في المطبخ
قاسم دخل :ممكن سندوتش علشان جعان
نسمه ببتسامه :حاضر ثانيه ويكون عندك
قاسم ركن علي باب المطبخ وفضل يبص عليها باشتياق
قاسم في نفسه :جرحتيني جرح كبير يا نسمه عندي وجع انتي بس اللي تقدري تنهيه
وفاق من شروده علي صوتها
نسمه ببتسامه :اتفضل السندوتش جاهز
قاسم اخده ومشي :شكراً
نسمه ببتسامه :انا متأكده انك هتقدر تسامحني وكملت ترتيب المطبخ
……………….
في المستشفي
كانت نور دخلت علي العمليات من حوالي ساعتين وغسان واقف برا قلقان وبيلعن في نفسه انه قرب ليها وبعد شويه الدكتور طلعت
غسان بلهفه :دكتور مراتي اخبارها ايه
الدكتور وهو بيقلع الكمامه :لو سمحت ممكن نتكلم شويه
غسان :طبعاً
الدكتور :اسم حضرتك ايه
غسان :معاد الرائد غسان الالفي
الدكتور :اتشرفت بحضرتك تعالي المكتب بتاعي اهر الطرقه ومشي وغسان معاه
………..
في المكتب
غسان بستغراب :في ايه يا دكتور قلقتيني
الدكتور :شوف يا حضرت الرائد انا راجل ذي ذيك والمدام كانت خامل لسه مكمليتش شهر ومكنش ينفع ان حضرتك تقرب منها مهما كان الامر يطلب
غسان بفهم :فاهم بس هي حالتها ايه وحالة الطفل
الدكتور :احنا منعنا النزيف وحاله الطفل مش مستقره خالص فهو لو نزل نزيف بسيط دا عادي بسبب العمليه لكن لو حست بوجع بعد العمليه لازم تيجو هنا فوراً
غسان قام وسلم عليه :تمام متشكر جداً يا دكتور
الدكتور :دا وجبي يا فندم
غسان طلع وراح علي غرفة نور
قعد علي الكرسي ومسك ايدها بعياط :اسف اسف اسف كل حاجه بعملها بتوجعك عارف انا غلطان وعارف انك حولتي تمنعيني بس مقدرتش اسف
نور هزت راسها بريق ناشف :مايه اشرب
غسان مسح دموعه بلهفه :اهدي تمام وراح جاب كوبيه وحط فيها مايه وشربها
غسان قعد وراها وحط راسها علي صدره وبقي يشربها
نور بعياط وهي مسكه بطنها :غسان اااه بطني بتوجعني
غسان بدموع :اهدي يا عمري اسف انا اللي غلطان
نور بعياط :انا حسه اني بمووت بطني هتموتني
غسان قام وحط مخده وراها ورجع راسها عليها واعد قدامها:نور بصي ليا يا روحي ومسح دموعها انا اسف سامحيني
نور مسكت ايده :البيبي يا غسان مات
غسان :لا يا عمري ابننا موجود وهو كويس
نور بفرحه :بجد يعني ابننا كويس
غسان بحب :وحياتك عندي كويس
نور بدموع :عوزه امشي من هنا
غسان مسك وشها بحب :حالاً هنزل ادفع الحساب ونمشي علطول يا قلبي
نور رجعت راسها بتعب وهزت راسها بالموافقه وغسان نزل
………………..
في منزل عمر
عمر قاعد في الصاله
عمر :نورهان اخلصي احنا كدا مش هنروح النهارده
نورهان :خلاص يا عمر بلبس الكوتش نورهان كانت لسه ملبستش
عمر بغيظ:لا حول الله البت دي هتشلني والله
نورهان بدور علي حاجه تلبسها
عمر دخل :يلا انتي لسه مخلصتيش
نورهان ببرائه :اعمل ايه يعني مش لاقيه حاجه علي مقاسي
عمر ضحك :نورهان بالله الواحد مستحمل نفسه بالعافيه فا الواحد مش ناقص مياعه ودلع
نورهان قفلت الدولاب وراحت عند عمر مسكته من لياقة قميصة :عمر انا عاوزه صبون من غير ريحه خالص
عمر بستغراب :صبون من غير ريحه ازاي وليه
نورهان بعيط:علشان لما بدخل الحمام واشوفه بكون عوزه اكله اكل
عمر بص ليها بذهول :تكلي الصابون ليه يعني
نورهان :هو كدا ويلا استني بقي لما اخلص لبس
عمر وهو طالع :عملت ايه في حياتي يا رب دا انا غلبان والله كنت اتشل ساعة لما جيت واتقدمت ليكي يا نورهان
……………..
عند غسان
نور غسان كان شايلها ونزل ركبها العربيه
نور بعدم راحه :غسان حسه ان رجلي تقيله
غسان بضحك:علشان البنج بيطلع وركب
نور بتعب رجعت راسها علي الكرسي
غسان :المهم هنطلع علي بيتكم نجيب الولاد ونروح
نور :لاء مش مروحه غير لما اخلص اول شهور الحمل
غسان :ياروحي خلاص لحظة ضعف ومتقلقيش وربنا مش هقرب ليكي
نور :لاء يا غسان بجد انا كنت هموت سبني بس الفترة الاولي
غسان مسك ايدها وباسها وهو بيبص علي الطريق :انا اسف وصدقيني هتكون اخر مره ومش هقرب منك غير بعد الفتره الاولي تمام
نور بنفاز صبر :امري لله بس انت هتطلع تجيب الاولاد علشان مش هقدر اطلع وبلاش تعرف ماما مش عوزاها تقلق
غسان :حاضر
…………………
في منزل منير
في المكتب
نسمه دخلت علي المكتب ومعاها قهوه
نسمه :جبت قهوه ليك
قاسم بص عليها :شكراً حطيها واطلعي
نسمه :اطلع
قاسم :علشان ورايا شغل
نسمه قربت علي قاسم بدموع :قاسم لو هتفضل تعاملني باسلوب دا طلقني
قاسم ببرود :…………
(انتظرو القاااااادم )
البارت_63
قاسم ببرود :ولما اطلقك ايه اللي هيتغير هنسي انك في يوم منعتيني من اجمل شعور في الدنيا
نسمه بدموع :وانا قولتلك مستعده اجيب ولاد وانت رفضت
قاسم :برافو انتي كدا بتكفري عن ذنبك يعني بس اللي انا اعرفه انك انتي استغفلتني ومنعتي نفسك 4 سنين معلش كملي بقيت حياتك من غير ولاد وبرضو مش هتنازل مش هلمسك غير لما اشوفك قدامي عيني بتخديها وسابها ومشي
نسمه بعياط:بس انا محتجاك بجد يا قاسم بجد تعبانة ومحتاجك جنبي
قاسم من برا بوجع:وانا محتاجك اكتر مني بس انتي غلطتي
…………….
عند نور
غسان طلع اخد الولاد وعرف سكينه انهم تصالحو
واخد الولاد ونزل
عاصي بلهفه :مامي
نور اخدتهم في حضنها بحب :وحشتوني المهم اركبو يلا علشان نروح
الولاد وكبو ورا وغسان مشي
وبعد وقت كبير في الطريق وصلو اخبراً حي الجماليه
غسان نزل ولاولاد نزلو وغسان راح عند نور
نور بصت ليه :غسان اوعي تعملها وتشلني انا بتكسف وعيب احنا في الحاره
غسان حمالها :اللي ليه حاجه عندي يجي ياخدها انتي مراتي وتعبانه يعني مش شايلك مياعه وطلع علي شقة نفين
نفين بحب :وحشتيني يا نور نورتي بيتك يابنتي وحضنت الولاد بحب
نور :وانتي اكتر يا ماما والله
غسان :نور حامل
نفين زغرطت :يآلف نهار ابيض يتربي في عزك وحضنت غسان
غسان :المهم هنطلع الشقه نغسل وننزل يا امي وراح علي نور علشان يشتالها
نفين :مالك يابنتي غسان بيشتالك ليه
نور بصت لغسان بأنه يرد
غسان :بصراحه يا يما نور حامل في شهر ومكنش ينفع اقرب منها وقربت وتعبت وجالها نزيف ودا اللي حصل بس هي كويسه
نور من شدة الكسوف من الموقف مبقتش عرفة تتكلم
نفين طبطبت عليه:خير يابني المهم ابعد عنها خالص ولو حسيتي بحاجه يانور انزلي نامي عتد وانا هاخد بالي منك يا بنتي
نور باست ايدها :اسلمي يا امي وغسان شالها وطلعها الشقه
غسان :عاصي اسر انت يلا انت وهو تعالي اطلع
عاصي :بابا احنا هنلعب شويه وبعدين هنطلع
غسان :انا مش قولت اطلع يا حيواااان منك ليه
اسر :خلاص جاين وطلعو
غسان دخل وقفل الباب
غسان بغضب:في حاجه كدا هبقي اعد معاكو فيها بس مش دلوقتي المهم يلا مش عاوز المح واخد فيكو قدامي
عاصي بغضب:كنا عوزين نلعب شويه يعني دبدام هنام نديت علينا ليه
غسان خبط طربيزه السفرة بايده :اقسم بالله لو سمعت منك كلمه لكون مكسر عضمك يلا علي القوضه
الولاد دخلو وهو دخل علي نور
………….
في غرفة النوم
نور اللي وقفه قدام الدولاب تطلع هدوم ليها ولغسان
نور بصت علي الباب لما غسان دخل :كنت بتزعق ليه
غسان :للولاد مش عوزين يطلعو من الشارع ومش عارف ايه الموضوع دا قعدتهم دايماً في الشارع دي غلط
نور :هما بيعملو ايه يا غسان دول بيلعبوا زي العيال هيفضلو في البيت يعملو ايه هما في الاجازه
غسان بغيظ:انا مش عارف الكلب عاصي دا جايب السان وقلة الادب دي من مين
نور فهمت وضحكت :المهم انا طلعت ليك هدوم ادخل خد شور وانا هكون عملت حاجه ناكلها
غسان قلع التيشرت :عرفه مأخدتش دش من الصبح وكنت ماشي قرفان بس اتلهيت في قصه النزيف
نور :طب ادخل اتشطف وانا هدخل بعدك علشان انا كمان من الصبح
غسان دخل الحمام وبدء ياخد شور ونور راحت المطبخ تعمل اكل
…………….
في غرفة الاولاد
نور دخلت الاوضة :عاصي اسر قوموا يا حبايبي كلو وناموا براحتكم
اسر قام :ماما مين قال لبابا انك شوفتي الصور مننا
نور بستغراب:مش عرفه بس انا متكلمتش معاه
اسر بخوف:بصراحه احنا خايفن منه جداً لانه عرف
نور شالت الغطا من علي عاصي :قوم ياروحي متخفش مش هخليه يقرب منكم
عاصي بتعب :مش قادر يا ماما جسمي وجعني جداً
نور حطت كف ايدها علي راسه لقيته سخن مولع :ينهار جسمك سخن اووي قوم ياروحي كدا
وقومت عاصي وقلعته هدومه واخدته علي الحمام وفتحت الدش وحطيته تحت تحميه علشان الحراره تنزل
عاصي بيرتعش:ماما كفايه طلعيني انا بردان
نور :معلش يا حبيبي استحمل علشان الحراره تنزل شويه
……………….
في الصاله
غسان طلع من الاوضة قعد علي السفره لقي اسر قاعد
غسان :ازيك يا استاذ اسر اخبارك
اسر بخوف:بابا صدقني دي كانت فكرة عاصي
غسان بصوت :انت وهو هيكون في عقاب كبير ليكو
ونده علي عاصي
اسر :ماما لقيته سخن مولع ودخلته الحمام
غسان اتنفض من علي السفره وجري علي حمام الولاد
غسان بخوف:عاصي حبيبي مالك
نور بتعب :غسان اشتاله حطه برا مش قادره اشيله
غسان اشتاله في حضنه طلعه علي السرير ونور بدءت تلبسه
نور :غسان خليك جنبه لما اروح اعمل ليه كمادات ميه بارده
غسان اخده في حضنه :لاء تعالي نروح لدكتور انا مش هسيبه كدا البسي يلا
نور :خلاص ماشي هلبس واجي نمشي علطول وراحت لبست وغسان اخد عاصي ونزل
…………
في شقة نفين
نفين بقلق:عاصي ماله يا نور في ايه
نور بدموع :سخن مولع يا ماما هنروح لدكتور وانتي خلي اسر معاكي
نسمه ايجت من ورا سكينه بفرحه:نوررر انتي رجعتني
نور وهي نزله علي السلالم :لما اجي احكيلك
نفين بفرحه :نور حامل
نسمه بفرحه :بجد ربنا يكمل ليها علي خير
نفين :عقبالك يا نسمه اناي وقاسم كدا يا نن عيني
نسمه :يارب ياماما تعالي يا اسر تعالي يا روحي نعد جوا
اسر بخوف:بس انا عاوز عاصي اخويا
نسمه حضنته:هيكون كويس يا عمري ويرجع لينا تاني
…………………..
في منزل انتصار
احمد كان جاب امه وابوه واخته اللي جمالها غريب وقاعدين في الصالون
وعمر ونورهان وانتصار وسلوي قعدين
جمعه ابو احمد :طبعاً يا حضرت القبطان انا يشرفني ان اطلب ايد اخت حضرتك لابني احمد
عمر :شرف ليا طبعاً طلبك دا وانا سألت علي احمد وعرفت انه طموح وشاطر في شغله
احمد :يبقي نحدد الفرح
الكل ضحك
عمر :تمام احنا موافقين بس بشروط يعني فترة خطوبه وتعرف الاول بعدين الفرح ولا ايه ياسلوي وبص عليه
سلوي بكسوف:اللي تشوفه يا اخويا
جمعه :واحنا موافقين نحدد موعد الخطوبه
عمر :اخر رد هيكون بكرا انشاء الله لما عيلة اخوالي يعرفه علشان الموضوع ايجة بسرعه وملحقناش نتكلم معاهم
سعيده ام احمد :انتو كل شويه تعطونا مواعيد مواعيد احنا بنشتري شقة ومستنين التشطيب
انتصار :قطع لسان اللي يقول علي بنتي حاجه وحشه شقة ايه وكلام فارغ ايه دا بنتي ست البنات
سعيدة بلوية بوز :ست البنات اه انا عارفه احمد ابني عجبة فيها ايه
عمر بهمس :نورهان اتكلمي الجوازة هتبوظ
نورهان :احم خلاص يا طنط خلاص يا ماما مينفعش كدا دا حتي علشان نفرح العرسان
سعيده :انتي حامل يا كبدي
نورهان :ايوا
سعيده :والنبي عسل حملتي في قد ايه
نورهان بستغراب :مش فهمه ازاي يا طنط
سعيده ببتسامه :يعني في وحده بتحمل من تاني يوم ووحده مبتحملش ولوت بوزها
عمر بضحك :حملت بعد جوازنا 4 سنين
سعيده بشهقه :تف من بؤقك يابني دول مبخلفوش
نورهان اللي مسكه نفسها من الضحك بالعافيه
عمر :المهم دا طلبنا
احمد بسرعه :موافقين موافقين
نورهان بهمس:الله يكون في عونك يا نورهان من حماتك
………………..
عند الدكتور
الدكتور كشف علي عاصي :عال العال دا شوية احتقان في الزور وبرد في عضمه وسخنية
عاصي بعياط:ماما مش عاوز حقنه
غسان :متخفش يابطل مفيش حقن وغمز لدكتور
الدكتور :اكتبله علي مضاد حيوي وحاجه تخفض الحراره ويريت بلاش اكل مواد حافظه خالص ويكون اكله كله مسلوق تمام
نور :تمام
الدكتور:تستنو ربع ساعه بس لحد ما اجهز جلسة الاكسجين
غسان :تمام يا دكتور وشال عاصي وطلعو قعدو برا
ست عجوزه من القعدين بتكلم اللي جنبها :يعني شوفي اللي قاعد دا طول بعرض بعضلات بجمال مشاء الله
الست اللي جنبها بإعجاب :والله شب زي الورده بس ازيك يابني
غسان بستغراب :بخير يا امي
الست الاولي:ومحترم وبيعرف يرد كمان
نور لغسان :في ايه
غسان بهمس :مش عارف
الست التانيه :دي اختك وابنها اكيد
الست الاولي :بس شوفي ابن اخته واخته جمال ازاي يحميهم يارب
نور :لاء انا مراته ودا ابننا
الست الاولي :ربنا يحميه لشبابه وليكي
نور ببتسامه :شكراً
الدكتور:حضرت الرائد الجالسه جاهزه
الاست الثانيه :ورائد كمان مراته محظوظه فيه
غسان بضحك :جاين يا دكتور
واخد نور وعاصي ودخل الجالسه وبدوء فيها
…………………
في شقة نسمه
قاسم دخل لقي اسر ابتسم :حبيب قلبي هنا
اسر جري عليه وحضنه :قاسم انا عوز انام
قاسم اهده في حضنه وغمض عينه :تعالي يا روح بابا وحياته
اسر نام علي كتفه وقاسم نيمه بحنان جداً وهو فرحان ونسمه فرحانه علي فرحه
نسمه ببتسامه:بكرا لما يعرف انك ابوه هينام معانا
اسر بنوم :انا عندي بابا واحد وهو عسان يا نسمه قاسم اخو بابا
قاسم بصدمه :…………….
مجمع الروايات الكامله من هناااا
إللي عاوز يوصله اشعار بتكملة الروايه يعمل إنضمام من هنا
تعليقات
إرسال تعليق