رواية حكايات بنات الفصل السادس والسابع والثامن والتاسع والعاشر كامله
 |
حكايات بنات. P6
بعد أيام
عز
عدا كام يوم وامنيه بتيجي الصبح وتمشي الساعه تلاته ، وبتعاملني بجديه وهي مش طيقاني، وكأني موتلها عزيز
عز _ أمنية، تعالى عايزك
امنيه_ حاضر يافندم
**
امنيه _ افندم
عز بجديه_ خدي بقيت اليوم اجازه علشان تحضري محضراتك
امنيه بجديه _ انا مش رايحه
عز _ روحي انا مديكي اجازة
امنيه _ قولت مش رايحه انا حره
عز بتنهيده _ انتي ليه عنيده، ممكن اعرف
امنيه _ ودي تبع الشغل بردو ولا تطفل
عز _ ياريت تاخدي بالك انك بتتكلمي مع مديرك
امنيه _ مش انا اللي ناسيه
عز بخنقه _ طيب روحي على مكتبك
مشيت وانا قعدت مكاني وانا مضايق من ردودها المستفزه، ومضايق من نفسي علشان مستحملها، بقيت اهز في رجلي بغيظ وبعدين قومت من مكاني وندهتلها تاني
عز _ انتي تعالي
امنيه بتروح عنده _ افندم
عز _ انتي ليه بتعامليني كدا شوفتي مني ايه علشان تتكلمي معايا بطريقة دي ولا مش ملاحظه انك بتغلطي فيا كتير
امنيه _ لا حضرتك انا مبغلطش.. كلامي رد فعل، ولو مضيقاك تقدر ترفدني
عز _ ايووه قولي انك بتعملي كده علشان ارفدك، .. مش هيحصل، لو عاوزة تمشي ادفعي الاول
امنيه بغيظ _ انت خططت تجبني هنا وحطيت شرط زي ده وانت عارف ان مش معايا فلوس اصلا، انت انسان استغلالي وميهمكش غير نفسك
عز بنرفزه _ وانا عملت ايه لكل ده يعني كل ده علشان روحت المطعم اللي انتي فيه وضحكت علي شكلك انتي وبتتخانقي مع البنات
امنيه _ ولأنك استغليت الموضوع وبعتلي رجالتك يخدعوني عشان اسيب الشغل واجي اشتغل هنا، بس خليك عارف إن اللي في دماغك عمرك ماهتوصله
عز _ هو ايه اللي في دماغي ان شاءلله
امنيه _ انت عارف
عز _ عاوز اخدك منك حآجه يعني
امنيه _ معرفش بقا
عز _ الله الله، انتي رأيك كده،، يعني انا لو عاوز حآجه من واحده هسيب كل الستات اللي مناسبه لسني، وسيدات المجتمع والبنات اللي بيترمو عليه وهبص لواحده عامله راجل،،، انتي طبيعيه؟
امنيه _ امال اسميها ازاي دي
عز _ امشى يا امنيه،
امنيه _ مش هي دي الحقيقه
عز بحده _ امشششي يا امنيه امشي
امنيه _ حاضر
عز _ استني
امنيه _ افندم
عز _ طالما غبيه ومبتعرفيش تفكري ابقي تعالي اسأليني وانا ارد عليكي، وظنك فيه ده مش هعدهولك
امنيه _ زي ما تحب
عز _ روحي
ضيقتني اكتر من الأول، انا تاخد عني فكرة اني عاوز منها حآجه،..
من كتر خنقتي منها روحت عندها وانا متعصب و وقفت جمب مكتبها وخبطت عليه بقوه
امنيه بفزع _ افندم
عز _ انا ماشي،
امنيه _ وانا مالي ما تمشي
عز بغيظ _ اتكلمي كويس مع مديرك انتي فاهمه
امنيه _ اذا كان مديري بيحب يجيب لنفسه قلت القيمه
عز يمسكها من ذراعها ويخرجها من خلف المكتب بغيظ _ قولتي قلت القيمه ها
امنيه _ ايوة وسيب ايدي احسنلك
عز يضغط على معصم ايدها _ انا مطول بالي عليكي
امنيه بدموع _ سيب طيب
عز بحده _ بعد كده تكلميني بأدب ده لمصلحتك
امنيه بدموع _ ايدي وجعتني طيب سيب
عز يدفع يدها لتصتدم بالحائط
امنيه بألم _ اه، منك لله
عز بقلق_ انا اسف جداً وريني
جيت امسك ايدها وهي بعدتها عني هي وبتبكي
امنيه ببكاء_ ملكش دعوه
عز بخنقه _ انا بجد اسف،
امنيه بعصبيه _ مش كنت ماشي يلا اتفضل
عز يزفر بزهق _ ماااشي
مشيت علي طول واول ما وصلت عند الاستقبال لقيت ولد بيشد مع الموظفين وهدومه متبهدله وشكله كان في خناقه
عز _ ايه اللي بيحصل هنا
الموظف _ الولد ده عاوز يدخل
عز _ طيب خليك في شغلك انت... تعالي يابني
عدي _ انا كنت جاي لأختي وهما مش راضين يخلوني اقابلها
عز _ مين اختك
عدي _ اسمها امنيه بتشتغل هنا جديد
عز _ انت اخوها بجد
عدي _ ايوه
عز _ اسمك ايه وعندك كام سنة
عدي _ اسمي عدي 17 سنه
عز بإبتسامة _ تشرفنا يا استاذ عدي،
عدي _ وانت مين
عز _ عز الدين
عدي _ طيب ممكن اقابلها لو سمحت
عز _ بمنظرك ده، مش هينفع
عدي _ ماشي متشكر عن اذنك
عز _ استنا، انا كنت ماشي تعالى اوصلك في سكتي
عدي _ ملوش لازمه انا هاخد مواصله
عز _ يلا هوصلك
مرضتش اخليه يقابلها علشان شكله كان في عركه وهي لوحدها بتتخانق مع دبان وشها،
داخل العربيه
عز _ انت كنت بتتخانق صح
عدي _ اتخانقت في المدرسة
عز _ انت رايح تدرس ولا تتخانق
عدي _ ماهو اللي غلطان كل ما يشوفني يفضل يتريق عليه وعلي لبسي
عز _ مالو لبسك ماهو حلو
عدي_ هو عيل بارد وشايف نفسه علشان غني شويه
عز _ ههههه انتو كلكم زعلانين من الاغنيا كده
عدي _ بيشوفو نفسهم علينا عشان كده انا بكرهم
عز بإبتسامة _ هما يتكرهو صح... طيب كنت عاوز ايه من امنيه دلوقتي
عدي _ اصل المدرسه طالبه ولي امري بكره وكنت رايح اقولها، مش عارف ممكن تعمل فيه ايه لما تعرف
عز _ طيب ومخدتش باباك ولا مامتك ليه
عدي بخيبه _ ماتو من زمان
عز _ لا ياشيخ
عدي _ والله
عز _ وامنيه هي المسؤله عنك؟
عدي _ مسؤله عني انا و شيري اختي
عز _ من امتي وانتو كده
عدي _ كان عندي 10 سنين
عز بشرود _ يعني هي كانت عامله كده عشان تصرف عليهم
عدي _ عملت ايه
عز بتنهيده _ بتشتغل
عدي_ ايوة هي سابت التعليم عشان تشتغل بس رجعتلوه تاني
عز بإبتسامة هاديه _ طيب ممكن أحضر انا معاك بكره وبلاش تقولها
عدي _ هقولهم انت مين طيب،
عز _ قولهم صاحبي، ولا منفعش
عدي بإبتسامة _ تنفع
عز _ طيب اديني عنوان المدرسة وهقابلك هناك
عدي _ طيب ما اجيلك انا عند الشركة
عز _ انت عاوزنا نضرب احنا الاتنين، اختك تعرف ياعم
عدي _ ههههه صح انا كنت جاى وخايف اقولها
عز _ باين عليها شديدة
عدي _ شويه
عز _ هي مخطوبه؟
عدي _ لأ
عز بإبتسامة _ ماشي
مجاش على بالي انها تكون مسؤله عن اخواتها وأهلها ميتين، طلعت حكايتها حكايه، بنت شالت الهم بدري ونسيت نفسها علشان تربي اخواتها، وعجبتني شخصيتها رغم غلطها المستمر فيه، بس يلا خليها مسيرها تعرفني كويس ...
واخوها كمان ولد جميل وانا حبيته وشكلنا هنكون صحاب فعلاً
امنيه
بقيت اكره اكتر ما انا كرهاه، معرفش عاوز مني ايه الراجل ده، كان يوم اسود يوم ما قابلته، يظهر عليه الاحترام والوقار والهيبه بس محدش يعرف قد ايه هو ندل و واطي، ... ذق ايدي علي الحيط و وجعتني اوي ولونها بقا ازرق من شدة الخبطه، ..
بعد ما خلصت روحت البيت، وولعت النار على الطبيخ، ونضفت البيت، وبعدين روحت اغسل هدوم المدرسه بتاعت عدي ف لقيت التيشيرت بتاعه مقطوع من الرقبه
امنيه _ ايه ده ياعدي
عدي _ ايه
امنيه بعصبيه _ ايه قطع التيشرت كده
عدي بتردد_ مش عارف،، هو مقطوع؟
أمنية _ اه مقطوع قولي انك اتخانقت تانى علشان انتـ.حر واخلصك مني
عدي بارتباك _ محصلش، دا انا وصاحبي كنا بنهزر ف شدني برزاله واتقطع
امنيه _ كمااان،، طيب شوف حد يجيبلك تيشيرت جديد انا مفلسه محلتيش جنيه واحد
عدي _ يا امنيه قولتلك اسيب المدرسة واشتغل وانتي مش راضيه
امنيه _ تشتغل ايه ان شاءلله ولا عاوز تشحت تحت الكباري، الموضوع ده مبتفتحش تاني، ركز في تعليمك وملكش دعوه
عدي _ براحتك انتي اللي هتتعبي
امنيه _ عاجبني ملكش دعوه ... شيررري
شيري تطلع من الاوضه وهي شكلها زعلانه _ ايوه يا امنيه
امنيه بنرفزه_ ياشيخه انتي مبتحسيش، مش هاين عليكي تبصي علي الأكل يكون خلصت الغسيل
شيري _ طيب هشوفه انتي متعصبه ليه
امنيه بعصبيه _ علشان مفيش حد فيكم حاسس بيه اجي من الشغل اغسلكم واطبخلكم حتى كبايات الشاي مش بيهون عليكم تغسلوها
شيري _ كنت بذاكر ونسيت نفسي،.. انتي ارتاحي وانا هكمل
امنيه _ . تعالي هنا
شيري _ نعم
امنيه _ كنتي بتذاكري ولا بتبكي
شيري _ وابكي ليه،
امنيه _ هو انا، مقصره معاكي في اي حآجه
شيري _ لا
امنيه _ طيب تاعبه قلبي معاكي ليه، انا ممكن اموت نفسي علشان اجبلك اللي عاوزاه، لكن اهلنا اجيبهملك منين دلوقتي
شيري بدموع _ هو انا اتكلمت يا امنيه، قولتلك هشوف الطبيخ اعمل ايه تانى
امنيه _ انسي ياشيري وركزي في حياتك كده مش هينفع
شيري بدموع _ ماشي، هروح اشوف الطبيخ
امنيه تحتضنها بحب وتمد زراعها لعدي وتحتضنه هو الاخر _ انا يمكن مقدرش اعوضكم عن ماما وبابا، بس انا بعتبركم ولادي مش اخواتي،.. ولو انتو بتحبوني شدو حيلكم وذاكرو، وبلاش خناق ياعدي، عاوزين نطلع من العيشه دي ولا يرضيكم اعيش طول عمري بروح هنا وهناك واتمرمط في الشغل
شيري _ اتجوزي وسيبينا يا امنيه احنا هنقدر نتحمل مسؤولية نفسنا
امنيه تبعدهم عنها _ هو انا بقولكم كده علشان تقوليلي اتجوزي.. الصبر يارب من عندك، انا مش هتجوز ولو اتجوزت مش قبل ما تكبرو وكل واحد يشوف حياته،
عدي _ وانتي ذنبك ايه تعجزي بسببنا
امنيه _ نصيبي كده ايه هنعترض
شيري _ يعني انتي فكرك هتلاقي حد يتجوزك لما تكبرينا ونشوف حياتنا
امنيه _ مش عاوزة، انا اقدر اشيل نفسى مش محتاجه راجل يشيلني.. ويلا كل واحد يشوف وراه ايه،
شيري _ طيب ومحضراتك اللي سيباها هتعملي فيها ايه
امنيه _ انا مكنش ليه كليات من الأول، مش هروح تاني
شيري_ لأ طبعاً لو مكملتيش والله ما رايحه
امنيه _ ملكيش دعوه انتي
شيري _ والله لو ماكملتي انا ما هكمل يا امنيه
عدي _ ولا انا
امنيه _ انتو مالكم بيه
شيري _ دا اللي عندي عاوزاني اكمل تكملي معايا
مبقتش عارفه اعمل ايه، عز الدين قالي اروح احضر بس مش عاوزاه يحملني جميله علشان ميستغلهاش ويطلب مقابلها، وفي نفس الوقت اخواتي بيضغطو عليه
منه
مروان بقا يجي عندنا البيت كل يوم تقريبا، وانا بقيت اقضي كل اليوم في الجامعة ولما برجع بدخل اوضتي واتحجج بالمذاكرة علشان مشفهوش
والنهارده معاذ رجع الكليه وايده مربوطة وكل الطلبة سلمو عليه داخل السيكشن وبعد ما الكل مشي، روحت اسلم عليه قبل ما امشي
منه _ حمدالله على السلامة يادكتور
معاذ _ الله يسلمك.. اخبارك إيه
منه _ كويسه... عن اذنك
جيت امشي ف وقفني
معاذ _ مستعجله ليه
منه _ نوران مستنياني في المكتبه
معاذ _ طيب ممكن تستني شويه
منه _ ليه
معاذ _ منه انا عاوز اعرف ايه حكايتك، اوعدك مش هتندمي لو قولتيلي، بلاش تعتبريني معيد ممكن تعتبريني صديق
منه بزهق_ انت عاوز مني اية، هيكون ايه حكايتي يعنى كل شويه تحسسني اني ورايا مصيبه مخبياها
معاذ _ انتي عارفه عاوز منك ايه، ومفتكرش ان ده منظر واحد بيتسلا بالبنات
منه _ لا ماهو واضح
معاذ _ هو ايه اللي واضح... انتي عندك شك اني مليش في السكه دي
منه _ والله اللي خاطب او متجوز ويتودد للبنات يبقا ابو كده كمان
معاذ باستغراب _ مين ده اللي متجوز او خاطب
منه _ انت
معاذ _ انااا
منه _ ايوووه،، انت بأمارة البنت اللي اسمها ميرنا اللي كانت معاك في المستشفى، كدبني بقا
معاذ بضحك _ ميرنا دي اختي
منه _ امال ايه حبيبي وحبيبتي اللي بتقولوها لبعض دي
معاذ _ عمرك ما شوفتي اخوات بيقولو كده لبعض
منه _ مش اوي
معاذ بإبتسامة _ لا ياستي ميرنا اختي اكبر منى بسنتين
منه بإبتسامة _ ربنا يخليكم لبعض
معاذ _ متشكر
منه _ طيب ،
معاذ_ قولتي ايه بقا
منه _ في إيه
معاذ_ نكون صحاب
منه _ لأ
معاذ _ دماغك ناشفه، طيب ايه رأيك هنكون صحاب غصب عنك
منه _ ودي كمان فيها غصب
معاذ _ ايوه تحبي تشوفي
منه بإبتسامة _ هتعمل إيه يعني
معاذ _ ولا حآجه
منه بضحك _ ماشي،
معاذ بإبتسامة _ طالما ضحكتي يبقا في امل
منه _ أما نشوف، هفكر في الموضوع ده وارد عليك
معاذ _ طيب احلفي انك هتفكري
منه _ ايوة
معاذ _ طيب وحيات سيدك الفولي هتفكري
منه بضحك_ سيدي مين
معاذ _ سيدك الفولي، معقول متعرفهوش
منه _ لأ معرفهوش مالو ده
معاذ_ معرفهوش اهو اسم قولته وخلاص
منه بضحك _ ماشي، عن اذنك
معاذ_ هنبتدي الصداقه من دلوقتي ها
منه بإبتسامة_ ماشي
وافقت علي صداقته وندمت، وخايفه اوي اكون بعيد نفس الغلط مره تانيه، ومن جه تانيه خايفة من مروان اللي حذرني اقربله، اكيد مش هيسكت لو عرف
يارا
خلصت محضراتي، وجيت امشي لقيت منه جايه وبتنده عليه
منه _ يارا
يارا _ يا اهلا بناس اللي مش بتسأل
منه _ كنت مشغوله حبيبتي، اخبارك إيه وحشاني
يارا _ زينه، وانتي
منه _ مش كويسه،
يارا _وه مالك ياحبيبتي
منه _ مش عارفه مالي مش مظبطه الفتره دي
يارا _ وايه السبب عاد
منه _ هي امنيه مبتجيش ولا ايه بقالي كتير مشوفتهاش
يارا _ متغيريش الموضوع عاد، قولي ف ايه
منه _. مفيش حبيبتي مخنوقه من غير سبب... تعالي نتصل ب امنية نشوفها مبتجيش ليه
يارا_ يلا اتصلي
طلعت تليفونها واتصلت بيها
منه _ الناس البليده اللي مبتحضرش فييين
امنيه بضحك _ يختي ونبي ما فاضيه احك في جلدي
منه _ ونبي افضي وتعالي وحشتينا اوي
امنيه _ انت ومين بقا
منه _ انا ويارا
يارا _ هاتي البت دي اكلمها
منه _ خدي عاوزة تسلم عليكى
امنيه _ ادهاني
يارا _ وه يا ناس يا عفشين ياللي مش بتبعتو سلام حتي
امنيه بضحك _ حبيبتي في دي عندك حق، بس تصدقي حتي دي ما قادره اعملها، باجي هلكانه ومبقعدش مع العيال حتي... بس انتو مروحتوش ليه لدلوقتي
يارا _ حبيبتي الله يقويكي، راجله والله.. واحنا لسه مخلصين محضرات وهنمشي اهو
امنيه _ ماشي حبيبتي الله يقويكي
يارا _ هنستنوكي بكره اوعي متجيش
امنيه _ هشوف يارب اقدر
يارا _ اقدري ملناش دعوه بيكي
منه _ ادهاني
يارا _ منه معاكي
امنيه _ هاتيها
منه _ ايوة يا امنيه
امنيه _ عامله ايه حبيبتي
منه _ تمام.. ضروري تيجي بكره ها اوعي متجيش
امنيه _ ليه كده خير
منه بتنهيده _ محتاجاكي
امنيه _ انتي زعلانه من حآجه ولا أية
منه بخنقه _ ايوة، معرفش ليه عاوزة اتكلم معاكي، علشان خاطري تيجي ضروري بكره
امنيه _ حاضر جايه اكيد، بس خير يعني
منه _ متقلقيش مفيش حآجه وحشه
بقت تكلم امنيه وشكلها زعلانه وعاوزه تحكيلها حآجه، محكتهاليش،، لدقيقه زعلت بس رجعت وقولت لنفسي اني مش ضروري اكون المفضلة عند كل الناس، يمكن امنيه انها في نفس سنها هترتحلها اكتر،
سبتها تتكلم ومشيت وبعد ما طلعت من الجامعة لقيت سامر جاي ورايا وبينده على
سامر _ يارا لحظه من فضلك
يارا _ بتوقفني في نص الطريق ليه
سامر _ عادى بس انا ملحقتش اشوفك ف جيت اسلم عليكي
يارا _ طول ماحنا برا باب الجامعة لو شوفتني والعه متجيش تطفيني.
سامر _ وفي الجامعة بردو مبتسمحيش ليه اتكلم معاكي امال هنتكلم امتي
يارا _ مكانش بينا كلام وفضحتني ما بالك لو كان
سامر بارتباك _ فضحتك ازاي انا مش فاهم
يارا _ مقصدتش، خاني التعبير بس،.. عن اذنك
قصدت اقولهاله وسط الكلام علشان يعرف اني عرفاه وسيباه بمزاجي....
وخليه يخاف شويه ويتعلم الأدب، لغيت ما تخلص السنه واعرفه بت البواب هتعمل ايه، وهو هيكون لسه مكانه، فاشل وصايع
سامر
رغم انها متقدرش تعمل حآجه ولا عندها دليل الا ان سكوتها قالقني، مش عارف ممكن تعمل ايه ولا بتفكر ازاي، بقا كل.همي اني اعرف هي ناويه تعمل ايه،، ودا زاد تركيزي معاها، حتى الكتب اللي بتقراها بقيت اخدها بعد ما تسيبها وادور فيها، يمكن اعرف بتفكر في ايه وبردو مبلقيش، ولكن الكتاب بيشدني وبقراه كله لغيت ما بقت القراءه حآجه اساسيه في حياتي،...
بعد ما مشيت روحت البيت وكالعاده ماما راحت تحضّر نداوتها المهمه مع سيدات المجتمع الراقي.. الستات اللي بيكون شعرهم قصير دول واللى بيلبسو جيبه لعند الركبه عرفينهم،.... اه هما الستات اللي بيقولو، يا نوال هااانم دول... حياتنا مليانه منهم،، بيكون يوم مش معدي لما يعملو الندوه عندنا فى البيت...
وبابا كمان وكيل وزاره مبشفهوش غير فى المناسبات تقريباً، وانا كانت حياتى فى الأول مختصره على صحابي والنوادي الليليه لغيت ما بدأت أقرأ،ولقيت حاجه تانى اعملها غير الخروج والسهر.. والفضل يرجع ليارا ،البنت الغريبه والمميزه عن البنات اللي عرفتهم قبل كده، واحده غيرها كانت قعدت في بيتهم بعد اللي حصل، بس بالعكس، هي كملت عادي
تانى يوم
شيري
بقيت اروح الجامعه بدري من وقت ما بدأت اتعامل مع اسامه، وغياب امنيه كان مفسحلي الطريق، ايوه بكون زعلانه من نفسي علشان مخبيه عليها بس احساسي اني بساعده يعدي حزنه بيبسطني، جداً ومحاولتش اقوله اني انا كمان زيه اهلي ميتين، علشان ميعطفش عليه
اسامه بإبتسامة _ صباح الخير يا صديقتي الصغيرة الجميلة
شيري بخجل _ صباح النور
اسامه _ جيتي بدري النهارده كمان خير
شيري _ عندي محاضره الساعه تسعه محبتش اتاخر عليها
اسامه _ لسه بدري، تعالي نشرب حاجه قبل معادها
شيري _ كفايه يا أسامه، مينفعش تعزمني كل يوم
اسامه _ انا حابب اعزمك، وبعدين ده نسكافيه مش حآجه يعنى
شيري _ بلاش خلينا نروح المكتبه احسن
اسامه _ شيري احنا صحاب ف ليه عامله فارق بينا، فيها ايه لما اعزمك، انا بكون مبسوط وانا بتكلم معاكي احنا ونشرب النسكافيه
شيري بإبتسامة _ ماشي يلا اعزمني ياسيدي بس المره الجايه هعزمك انا
اسامه بإبتسامة_ عاوزة تعزميني علي حآجه يبقا تكون من اختياري
شيري_ عاوز ايه
اسامه بإبتسامة باهته_ بصي هو انا ممكن اشتري جاهز بس اللي بيتعمل في البيت بحب بيبقا احلي
شيري_ طيب قول
اسامه_ نفسي في رز بلبن، ماما.. كانت بتعملهولي، وقبل ما تتوفا بيومين كانت عملالي طبق ومن وقتها مدوقتش رز بلبن معمول بحب زيه
افتكرت الأكل اللي كانت بتعملو ماما عمري ما دوقت زيه برغم بساطته، وفعلا من وقتها محستش بنفس الطعم ده نهائي.. بس اسامه قالها، انه معمول بالحب.. مقدرتش امنع دموعي تنزل وهو افتكر اني ببكي لانه صعب عليه، ميعرفش انه فكرني بحالي
اسامه_ انتي ليه كل شويه تبكي احرم اتكلم معاكي تاني يعني
شيري _ لا طبعا اتكلم، انا بس مبقدرش اسيطر علي دموعي
اسامه_ طيبه اوي انتي، عكس ما شوفتك اول وتاني مره
شيري بإبتسامة باهته_ ممكن
اسامه _ اكييد، انتي طيبه وجميله وانا برتاح في كلامي معاكي
شيري بخجل_ مش هنشرب نسكافيه ولا أيه
اسامه _ اوووكي يلا
اسامه طلع طيب رغم فشله، وعلي عكس ما فهمته، انه بيحاول يوقع البنات، بالعكس خالص هو محاولش يلمحلي بحاجة كدا ولا كدا، ودايما يقولي صديقتي ومحاولش ياخد الموضوع لنحيه تانيه، ودي اكتر حآجه عجبتني فيه،
أسامة
مخدتش وقت كبير عشان اقرب منها، وانا كنت فاكر اني هتعب معاها،، بقينا كل يوم مع بعض في الكافتيريا وبقيت احسسها اني محتاجها وهي استجابت ليه، بسهوله، ودا عيب البنات العاطيفيه، بيصدقو،،، لكن في حتة كده جوايا بعيد عن التخطيط والاشتغالات، بتقولي ان فيها حآجه شيلاها في قلبها انا معرفهاش، وهي اصلا مبتتكلمش عن نفسها، لكن احسن انا بكره رغي البنات اللي ملوش لازمه.. وانا مستني انها تحبني وبعد كده اعمل الخطوه اللي هتزعلها بجد... هااانت اوي
حكايات بنات p7
عز
خرجت من البيت علي مدرسه عدي ولقيته لسه مدخلش ومستنيني
عز _ صباح الخير
عدي بإبتسامة _ صباح النور
عز _ اتأخرت عليك
عدي _ شويه
عز _ الطريق كان زحمه متزعلش
عدي بإبتسامة _ ازعل كمان كتر خيرك انك جيت اصلا
عز _ ومجيش ليه مش قولنا اننا صحاب
عدي _ ايوه
عز _ طيب يلا بينا ندخل، وخليني انا اللي اتكلم اوكي
عدي بإبتسامة _ اوووكي
دخلنا المدرسة وهناك لاحظة ان في ولد بيبصلوه بتركيز وتعند ف فهمت ان هو ده صاحب المشكله
عز _ هو ده اللي اتخانقت معاه
عدي بقرف_ هو
عز بإبتسامة _ تحب نديلو درس
عدي _ نضربه يعني
عز _ في طرق تاني ندي بيها دروس
عدي_ زي ايه يعني
عز _ هوريك
عدي _ هتعمل إيه
عز _ تعاله معايا وانت هتشوف
خدته وروحنا للولد ده وفضل يبصلي باستغراب ويرجع يبص لعدي وهو فكرني قريبه
عز _ اسمك ايه
منير _ اسمي منير
عز _ أنا خال عدي وزي ابوه.. مالكم زعلتو ليه بقا
عدي بإبتسامة_ ايوه خالي والعربيه الكبيره اللي هناك بتاعتو
عز بإبتسامة_ صح
منير بلخبطه_ هو اللي ضربني
عز _ وانت علقت علي هدومه،.. عدي عنده كتير بس متواضع مبيحبش يبالغ في لبسه
منير _ انا مقصدتش اهينه هو اللي بيزعل من الهزار
عدي بقرف _ هزار
عز يشد على يده _ هو لما ضربك كان بيهزر معاك زى ما كان تعليقك على هدومه هزار ف ليه زعلت انت بقا
عدي بإبتسامة_ قوله يا خالو
منير _ معرفش
عز _ طيب خلاص انت هزرت وهو هزر اظن كده ممكن تتصالحو
منير _ انا مش زعلان شوفو هو
عز _ ايه ياعدي،
عدي بإبتسامة_ مسامح يا خالو
عز بإبتسامة _ طيب يلا سلمو على بعض
الولد كان متكبر علي عدي علشان اغنا منه شويه ولما شافني حس انه اقل منه بكتير، عشان طريقه لبسي والبرفان والساعه، وانا قصدت ابالغ في لبسي والبس الساعه الغاليه مع الجزمه الماركه، علشان يفهمو ان وراه ناس... وفعلا الطريقه نجحت مع الولد زي ما نجحت مع المدير، واصتلحو بسرعه وصحابو بقو يسألوه من امتي عندك خال غني..
عدي بإبتسامة_ متشكر جداً حضرتك
عز _ خليها خالو..
عدي _ والله انت راجل محترم يا خالو
عز بضحك _ حبيبي... هات رقمك بقا علشان اطمن عليك
عدي باحراج _ معنديش تليفون، للأسف
عز بإبتسامة _ولا يهمك.. يلا روح وانا هجيلك تاني بكره ماشي
عدي بإبتسامة _ ماشي مع السلامه
مشيت من عنده وروحت علي الشركه ولما وصلت لقيت امنيه قاعده علي مكتبها، ف تجاهلتها خالص ومصبحتش عليها، وبعد ما دخلت مكتبي بشويه، جت و خبطت علي الباب
عز _ ادخل
امنيه بتدخل _ الورقه دي فيها كل مواعيد النهاردة
عز _ حطيها
حطت الورقه وفضلت واقفه
عز _ في حآجه؟
امنيه _ انا كنت عاوزة اجازه ساعتين
عز _ اه
امنيه _ اه ايه
عز _ ايه السبب
امنيه _ ورايا محاضره مهمه
عز _ ماشي، روحي
امنيه _ شكرا
عز _ أمنية!
امنيه _ افندم
عز _ لما يكون عندك محاضرات تقدري تروحي، ومتخافيش مش هعوز مقابل
امنيه _ ممكن نخليها خصم لو اطريت اروح تانى
عز _ ماشي، احضري محضراتك كلها ونخلي المرتب 4600 بدل 5000 اظن كده تمام
امنيه _ انا فهماك كويس مفيش داعي تعمل انك كويس معايا،
عز _ انا مستغربك، انتي مألفه فكره عني في دماغك وبتنميها، غلطت في ايه انا دلوقتي
امنيه _ عامل خصم 400 جنيه على غياب ساعات كل يوم وقال يعنى بتساعدني. تقدر تخصم نص المرتب احسن ما تتعطف عليه
عز بزهق _ امنيه انا وصلت معايا لهنا، روحي محضراتك وملكيش دعوة بشغلي، ده تقديري للخصم، يلا اتفضلي
امنيه _ ماشي
مشيت وبعد شويه جه حازم
عز بخنقه _ لو جاي تشتكيلي من الشغل متتكلمش
حازم _ شوفت امنيه ماشيه جيت اشوف في ايه... مالك زعلان ليه
عز بزهق _ البتاعه دي محسساني اني مفتري وعاوز اوصلها بطريقة ، ومن وقت ما جت وهي بطول لسانها عليه
حازم _ طيب ومستحملها ليه ما تطردها
عز _ اطردها؟
حازم _ ايوه تطردها طالما بتغلط فيك
عز _ لأ مش لدرجة دي
حازم _ مستنيها تعمل ايه اكتر من انها بتغلط فيك علشان تطردها
عز _ اصلك انت متعرفش دي طلعت يتيمه
حازم _ ودا سبب كافي يخليك محتفظ بيها بعد اللي بتعملو
عز _ متنساش ان انا اللي خلتها تسيب شغلها
حازم _ وانت خليتها تسيب شغلها ليه من الأول
عز _ مانت عارف يا حازم، كان عندي فضول نحيتها
حازم بخبث _ اااه في الاول كان عندك فضول ودلوقتي حاسس بالذنب
عز _ عاوز تقول ايه من الاخر يا حازم
حازم _ هو انا اتكلمت
عز _ انت فاهم غلط، انا محبتش ولا هحب غير سميره، وحتي لو حصل مش هتكون سنها صغير كده
حازم _ صغير ايه يا حبيبي دي عندها 25 سنه يعني اللي قدها اتجوزو وخلفو
عز _ وانا قربت أكمل الأربعين شوف الفرق انا لو اتجوزت بدري كنت جبت قدها
حازم _ يا سلام كنت هتجوز على 13 مثلا.. حبيبي فرق السن بينكم 13 سنه بس
عز _ ماشي بس صغيره بردو،
حازم _ يعنى هي عجباك بس المشكله السن
عز _ مش عجباني عاطفيآ، انا معجب بكفاحها وقوة شخصيتها بس
حازم بخبث _ اااه قولتلي
عز _ قوم شوف شغلك يا حازم
حازم _ طيب والله عجباك
عز _ ما تمشي يا حازم
حازم _ ماشي ياعم همشي بس والله عجباك
عز _ ماشي يلا اتفضل بقااا ورايا شغل
حازم _ ماشي هتتهرب منى بس هتهرب من نفسك فين
عز _ انت هتمشي ولا اندهلك الأمن
حازم _ مشيت
الله يقطعك يا حازم، مُصر اني معجب بيها، هيفهمني اكتر من نفسي يعني،،، دي عيله، وحتي لو نسيت الفرق ده هي مستحيل تبصلي دي مبطقنيش لله في لله
شيري
عملت رز بلبن وخدته معايا ل أسامه ولما وصلت ملقتهوش، ف دخلت المحاضره ولما رجعت بقيت ادور عليه تاني و مكنش موجود خالص، ف قررت امشي وفجأه سمعت حد بيقول بسبس .. استدرت بسرعه لقيته ورايا
شيري بإبتسامة _ ودا اسمه ايه
اسامه بإبتسامة _ كنت ببص عليكي وعرفت إنك بتدوري عليه،.. حبيت اشوفك هتدوري قد إيه
شيري بلخبطه _ اصلي جبتلك حاجه معايا
اسامه _ جبتيلي ايه بقا
شيري تطلع علبه من شنطتها وتدهالو
اسامه بإبتسامة _ خليني اخمن.... دا رز بلبن صح
شيري بإبتسامة _ صح
اسامه بإبتسامة باهته _ انا قولت اني زودتها لما طلبت منك ومكنتش اعرف انك هتفتكريني
شيري _ منستش اصلا
اسامه بإبتسامة _ طيب تعالى خلينا نقعد عند الشجرة اللي هناك بعيد عن اللي رايح واللى جاى عشان افترسهم
شيري بإبتسامة _ روح افترسهم لوحدك وانا همشي
اسامه _ لأ مش قبل ما ادوقهم واقولك رأيي، ولا انتى خايفة يطلعو وحشين
شيري بإبتسامة _ ان شاءلله يعجبوك بس انا لازم امشي
اسامه _ تعالي معايا علشان خاطري
المفروض مكنتش روحت بس مقدرتش ارفض، وروحنا جمب شجرة بتداري شويه، وقعدنا هناك. وحاول يفتح العلبه معرفش، رغم انها كانت ساهله في فتحها، بقا يشد فيها زي الاطفال، لقيت نفسي ببصله غصب عني لغيت ما خد باله
اسامه _ في حآجه
شيري بلخبطه _ لا بس انت ازاي مش عارف تفتحها، هات كده
اسامه _ اصلها غريبه
شيري_ تدوس علي الجوانب دول كده ف تتفتح كده
اسامه بإبتسامة _ مكنتش اعرف، بس برافو عليكي
شيري _ طيب اتفضل، وادي المعلقه
اسامه ياخد منها ويغرف شويه ويقدملها بأيده
شيري بارتباك _ لأ انا كلت
اسامه بتأمل _ دي بس
شيري بارتباك _ كل انت
اسامه يركز النظر في عينيها _ يلا، دي بس ... علشان خاطري
شيري بارتباك _ طيب انا هاكول لوحدي
اسامه يقرب المعلقة منها ويأشرلها بعنيه عشان تاكل من ايده وهي تاكل وترجع تبص قدامها بارتباك،
اسامه _ ادوق انا بقا، ثم ياكول من نفس الجانب الذي تناولت منه، ليزيد ارتباكها ثم تقف فجأه
اسامه _ رايحه فين
شيري بلخبطه _ ماشيه
اسامه _ انا متشكر أوى، الرز بلبن تحفه تسلم ايدك
شيري _ بالهنا، يلا اسيبك تكمل
اسامه _ اشوفك بكره علشان ارجعلك العلبه
شيري _ ماشي،
مشيت وانا مش حاسه باللي حولية، ومقدرتش مرجعش ابصله تاني بصه اخيره، ولقيته هو كمان باصص عليه، معرفش ايه حصلي،، فجأه،
حسيت ان الموضوع هيبتدي ياخد شكل تاني، غير الصداقه، والغريب اني حبيت الموضوع وكون مبسوطه
وانا وماشيه لقيت امنيه في وشي
امنيه _ رايحه فين
شيري بلخبطه _ انتي جيتي امتي
امنيه _ لسه حالا، مفيش محاضرات ولا ايه
شيري بارتباك_ لا لا خلصت انا كنت لسه ماشيه
امنيه بشك _ مالك في ايه
شيري بلخبطه _ مفيش تعبت بس من المحاضره، .. هتروحي معايا
امنيه _ تعالي روحي المكتبه استنيني يكون شوفت منه ونمشي مع بعض
شيري _ ماشي
سبتها وروحت المكتبه لقيت يارا بتقرا ف قعدت جمبها وانا لسه في دنيا تانيه، وشكله مش مفارق خيالي
يارا _ هوووي انتي
شيري _ هه، نعم
يارا بشك_ مالك
شيري _ مالي، انا تمام اهو ، بتقري ايه
يارا _ مش تمام حالك معجبنيش بقالك كام يوم
شيري _ مالي يعنى يا يارا ما انا كويسه اهو
يارا _ وصلتي لفين مع اليتيم
شيري بنرفزه _ هو اليتم بقا معايره دلوقتي،
يارا _ مقولتش اكده ما انا كمان امي ميته ومكملتش سنه بس ده مزودها هبابه
شيري بدموع _ لا على فكره مش مزودها خالص انا زيه واكتر، انا كمان مش قادره انسا اهلي ولا قادره اقتنع انهم خلاص ماتو وسابونا
يارا بحب _ حبيبتي انتي صغيرة وبت كمان طبيعي تزعلي انما هو منين حزين ومكسور وداير ورا البنات ومبلط بقاله قرن في الكليه
شيري بدموع _ لو اهله عايشين مكنش هيكون كده، هو مفتقد امه ومش لاقي حد حنين عليه
يارا _ وانتي قررتي تاخدي دور امه يعنى ولا ايه
شيري _ انا بس بحاول اساعده في الوقت اللي بنقعده مع بعض، والوقت ده مش كبير كلها عشر دقايق
يارا _ ياخوفي من العشر دقايق دول، يابتي دول كل همهم يوصلو للبنات وخلاص
شيري _ اه بس اسامه محاولش يقولي او يلمح بحاجه زي كده، هو معتبرني صديقه وبس
يارا _ عارف يوصلك كيه، هو زكي وبيفهم مش زيك
شيري بنرفزه _ انا ماشيه
يارا _ رايحه فين
مشيت وسبتها وانا دموعي علي خدي، وبره لقيت اسامه
اسامه بقلق_ مالك في ايه
سبته ومشيت ومستنتش امنيه وبعيد عن الجامعة بمسافه كبيرة لقيته جاي ورايا بعربيته و وقف جمبي
اسامه _ اركبي
شيري بدموع _ لأ
أسامة يطلع من العربيه ويوقف جمبها _ بلاش ، بس مالك
شيري بنرفزه _ ملكش دعوه
اسامه _ ليه، وهعرف في ايه
سبته ومشيت وجه وقف قدامي
اسامه_ مش هتمشي غير لما اعرف مالك
شيري ببكاء_ انت ممكن تكون بتحاول تضحك عليه صح يا اسامه
اسامه_ اضحك عليكي؟
شيري _ ايوه، يعني انت ممكن متكونش زعلان علي اهلك بس بتعمل كده علشان تقربلي
اسامه_ مش هرد عليكي بس هسألك سؤال واحد.... انا قولتلك ولا لمحتلك قبل كده اني بحبك مثلا،
شيري_ لأ
اسامه_ طيب يبقا هخدعك ازاي وانا بعاملك علي انك صديقه... شيري انا بعزك زي اختي الصغيره، لأني بحس معاكي بالأمان، انتي الوحيدة اللي همها حزني، عمري ما اخدعك ولا اقدر اشوف دمعه في عيونك بسببي، ولو كلامنا سمح لحد مش فاهم انه يجرحك خلاص انا هبعد عنك
شيري ببكاء_ لأ انا مش عايزة كده،
اسامه بتركيز _ مش عاوزة ايه بظبط
شيري _ مش عاوزة تبعد عني، ونكون صحاب
اسامه يركز النظر في عينيها _ وانا عمري ما هسيبك طالما انتي عاوزة كده، يا صديقتي الجميلة
شيري بإبتسامة تصاحبها دموع _ شكرا يا صديقي
اسامه يمسح دموعها وهو ينظر لعينيها _ مش عاوز اشوف الدموع دي تانى
شيري بارتباك _ ماشي
اسامه بإبتسامة_ انا هسيبك دلوقتي علشان الناس... خلي بالك من نفسك ها
شيري بإبتسامة_ ماشي،
اسامه
من الواضح ان مكنش ليها تجارب قبل كده ودا اللى خلاها تطب بسرعه،، بنت هشه وضعيفه، عكس ما شوفتها اول مره، متخيلتش انها تكون بشكل ده، اي كلمه او حركه زي اللي عملتها تأثر فيها ، ده غير انها بتبكي بسرعه علي أسباب تافهة، وخصوصآ لما احكيلها عن حزني بسبب موت امي، .. منكرش انها صعبت عليه وفكرت انسحب، لكن انا متعودتش ارجع في رهان زي كده، وعلي العموم كلها اسبوع والموضوع ينتهي بنسبالي، وهبعد عنها،
منه
خلصت المحاضره وبعدين لقيت معاذ مستنيني بره الكليه
معاذ _ حمدالله علي السلامه
منه _ الله يسلمك
معاذ _ استنيتك كتير لما الشمس فتحت دماغي
منه _ وايه خلاك تستناني في الشمس
معاذ_ قولت اجيبك من اول الخط قبل ما تهربي
منه _ دكتور معاذ انا اسفه بس مش هقدر اكون صديقه ليك
معاذ_ بلاش اصدقاء، خليني اتقدملك، واخطبك
منه بتنهيده _ انا مش مستعده لاي علاقات جديده في حياتي
معاذ_ طيب ايه السبب، هو انا وحش، طيب، فيه عيب رفضاني علشانه
منه _ العيب فيه انا،.. انت شخص كويس ومليون واحده تتمناك
معاذ_ وانا مش متمني غيرك انتي، من اول يوم شوفتك فيه وانا بحبك
منه _ انت يمكن حبيت شكلي بس متعرفنيش علشان تربط نفسك بيه طول عمرك
معاذ_ طيب انا عاوز فرصه واحده بس، اعرفك فيها، ولا انا مستاهلش فرصةواحده
منه بدموع_ لا انت ولا غيرك تستاهلو،، وصدقني لو عرفتني ما هتفكر فيه،. من فضلك متفتحش معايا كلام بره حدود التعليم. دا لو باقي علي الاحترام اللي بينا
معاذ_ زي ما تحبي،
سابني ومشي ولقيت امنيه واقفه وشكلها سمعتنا
امنيه _ يقطع الحب وسنينه
منه بإبتسامة _ حب مره واحده ،، تعالي تعالي
امنيه تحتضنها بإبتسامة _ عامله إيه حبيبتي
منه _ بخير ياقلبي وانتي .. ايه ده مال ايدك
امنيه _ اتخبطت في المطبخ انا وبنضف... قوليلي بقا ايه الحكاية قلقتيني عليكي بجد
منه بتنهيده _ زي مانتي سمعتي كده
امنيه _ طيب ايه الغلط اللي قالو الراجل قالك اخطبك ولا انتي مبتحبهوش
منه _ ولا بكرهو، بس انا بخاف
أمنية _ خايفه من ايه الراجل شكله محترم ما تديلو فرصة يمكن تحبيه، مش كل يوم هتلاقي واحد يحبك كده
منه _ عارفه المشكله اني معنديش ثقة بحد ولا بنفسي
امنيه _ ايه السبب طيب
منه _ مفيش أسباب
امنيه _ اكيد فيه،.. عدم الثقه في النفس وفي الناس ده وراه حآجه ،
منه _ مفيش ، مبثقش وخلاص
أمنية _ ما انتي لازم تتعاملي مع الناس امال هتجوزي ازاي
منه _ اتجوز... انا اتجوز
امنيه _ ههههه اه مالك مندهشه كده
منه _ لأ انا مش بتاعت الكلام دا ههههه
امنيه _ خلينا زي بعض احنا الاتنين ملناش جواز
منه _ وانتي معقده من الجواز بردو
أمنية_ ههههه لأ خالص، انا ليه أحلام،ونفسي اتجوز واحب واتحب بس الظروف بقا اجبرتني اكون راجل البيت
منه _ كان نفسي اقولك،هتقابلي الشخص اللى يحبك ويمدلك ايده ويطلعك من مشاكلك وهمومك، ويحتويكي ويحبك، بس للأسف ده مبيحصلش غير في المسلسلات التركي
امنيه بضحك _ قنبله تفائل... بس ايه رأيك ان حاسه انى هلاقيه، بس مش عارفه امتي، يمكن بعد الخمسين، جايز ليه لأ ههههه
منه _ طلعتي فتاه حالمه اهو.. طيب قوليلي موصفاته ايه يمكن الاقيه وابعتهولك
امنيه بإبتسامة _ بعيد عن الشكل انه لازم يكون وسيم ، بس انا كمان عاوزة يكون حنين وسند ليه
منه _ يبقا هتعنسي ونلتقي بعد اربعين سنه في دار المسنين
أمنية _ ههههه ماشي معادنا بعد اربعين سنه وامشي دلوقتي علشان هولاكو مستنيني
منه _ مين هولاكو
أمنية بضحك _ مديري في الشغل
منه _ ههههه الله يقويكي
امنيه _ يارب .. يلا هنرغي في التليفون كتير ها
منه _ ماشي حبيبتي مع السلامه
أمنية
خلصت مقابلتي مع منه وروحت ادور على شيري، يارا قالتلي روحت ،ف خرجت من هناك ورجعت الشغل علي طول ولما وصلت، اتسحبت لغيت المكتب وحطيت ودني على الباب عشان اسمع اذا هولاكو موجود ولا لأ، ومسعتش صوت نهائي، وكنت خلاص همشي الا والباب اتفتح فجأه و وقعت علي الأرض ولقيته واقف جمب الباب وبيحاول يداري ضحكته
أمنية بارتباك_ انا ايه جابني هنا
عز يمدلها ايده _ قومي
أمنية تقوم لوحدها _ تقتل القتيل وتمشي في جنازته
عز _ وانا مالي انا ايه عرفني انك بتتسنطي عليه
امنيه بلخبطه_ مكنتش بتسنط، انت جبت الكلام ده منين
عز _ حسيت
امنيه _ حسيس اوي حضرتك، عن اذنك
عز يمسك ايدها _ ايده بقا لونها ازرق، محطتيش عليها مرهم ليه
امنيه تشد ايدها _ ااناقولت يقتل القتيل ويمشي في جنازته مصدقتنيش
عز بإبتسامة _ اقولك سر عني انتي متعرفهوش،،، انا عمري في حياااتي ما طولت بالي علي حد زيك ف احترميني شويه انا في مقام عمك،
امنيه _ عمي؟، لا انا معنديش عمام الحمدلله
عز _ لو كان ليكي كانو اتجننو بسببك
امنيه بقرف _ رايحه مكتبي اي خدمه حضرتك
عز _ اتفضلي
بتبصله بقرف وتمشي بسرعه ف تخبط رأسها في الباب وعز يسندها قبل ما توقع
أمنية تحط ايدها على رأسها بألم _ ااه اتفتح
عز ينظر لها بإبتسامة _ لا متفتحتش
امنيه بدون الانتباه انه يضع يده خلف ظهرها _ خبطه شديدة جداً، المكتب ده هيجيب اجلي في يوم
عز _طيب ممكن تسندي نفسك
امنيه بصدمه _ انت بتلمسني... انتااا بتلمسني
عز _ كنتي هتوقعي
امنية تبعد عنه بغيظ_ انت خيالك مريض وسع كده خليني اعدي
حكايات بنات p8
عز
الشركه كلها فيها كاميرات حتى مكتب السكرتيرة، ولما شوفتها داخله الشركة، دخلت علي كاميرة مكتب السكرتيرة وشوفتها داخله تتسحب وحطت ودنها على الباب،
ف مشيت بشويش وفتحت الباب مره واحده، لتقع علي الارض، ورغم انها هي الغلطانة بس مبطلتش مقاوحه وطلعت انا الوحش وبقتل القتيل وامشي في جنازته،..
ورغم طولت لسانها عليه الا انها بضحكني بسبب تصرفتها، وكتير بكون قاعد وتيجي علي بالي وابتسم من غير ما احس، واسامه كل شويه يقولي اللي واخد عقلك يا عزوز، انا مش عارف ايه علاقة الضحك على موقف يضحك بأخد العقل، ملهاش علاقة أبداً بس هما بيحبو يعملو قصه من الهوا،
اسامه _ بقينا نبتسم مع نفسي خير يا عزوز اللي واخد عقلك
عز _ انت هايف اوي علي فكره،
اسامه _ بس قولي مبتسم ليه
عز _ مفيش سبب.
اسامه _ ما انا مش مرتاحلك الأيام دي، من امتي واحنا بنبتسم في السر
عز _ يابني مفيش، كل الحكاية اني افتكرت موقف حصل مع صحابي
اسامه _ صحااابك، طيب ابقا بوسهملي هنا وهنا وهنا
عز _ احترم نفسك
اسامه بضحك _ ايه ياحبيبي مش بتقول صحابك، يعني رجاله ف عادي
عز بزهق _ انا ماشي
اسامه _ رايح تبيع لبن ولا أيه
عز _ ايوه اجبلك كيلو
اسامه _ لا بجد رايح فين بدري كده
عز _ ورايا مشوار تبع الشغل
اسامه _ ماشي بسلامه
عز _ طيب خلص فطار واغسل الاطباق اوكي
اسامه _ اوكي
ومتنساش تتاكد من الحنفية كويس قبل ما تخرج
اسامه _ مش خارج النهارده
عز _ مش رايحه الجامعه؟
اسامه _ لأ،
عز _ دا انا قولت حبها وهينتظم
اسامه _ هروح بعد يومين بس دلوقتي عاوز اناااام
عز _ طيب وايه مصحيك بدري
اسامه _ جاني قلق عادي
عز _ انت بتقلق زينا عادي كده
اسامه _ ههههه لأ
عز _ طيب لينا قعده بالليل ونشوف موضوع القلق ده
اسامه _ وبالمره نشوف موضوع صحابك، ونبي وصلهم البوسه ضروري
عز بغيظ _ انت عيل بارد
اسامه بضحك _ انت هتتعصب عليه ،، يلا روح الحق مشوارك
سبته ودخلت جوه خدت الموبايل اللي جبته بالليل، وروحت على مدرسه عدي، وأول ما وصلت لقيته مستني في نفس المكان
عدي بإبتسامة _ كنت عارف انك هتيجي
عز بإبتسامة _ ما انا وعدتك ولازم اوفي.. ايه الاخبار
عدي _ زي الفل، لو شوفت زمايلي بيحترموني ازاي من امبارح ولا الواد منير وهو بيحاول يصاحبني
عز بإبتسامة _ عظييم... اتفضل
عدي _ ايه ده
عز _ افتحها وشوف
عدي يفتح الهدية يلاقي تليفون حديث
عدي بذهول _ لمين ده
عز _ ليك انت وفيه خط كمان
عدي بإبتسامة _ هو حلو اوي بس متشكر مش هقدر اخده
عز _ ليه بقا
عدي _ انا اسف مش هينفع
عز _ هزعل منك لو مخدتهوش
عدي _ أمنية هتزعل مني لو خدته
عز _ قولها لقيته
عدي _ متعودتش اكدب عليها
عز _ خده انت بس وقالها صديق جابهولك هديه
عدي _ هي عارفه كل صحابي مقشفين
عز _ قولها اي حآجه ياعدي
عدي _ هتخليني ارجعه وانا مش حابب ازعل حضرتك،
عز _ قولنا خالو، واتفضل خد تليفونك ويلا على الفصل
عدي بإبتسامة _ ماشي بس لو امنيه زعلت هرجعهولك
عز _ اوكي بس اوعدني انك لو قدرت متقولهاش انه مني، متقولش
عدي _ حاضر، مش هقولها
عيله كلها نفسها عزيزه، بس انا حبيته زيه زي اسامه وحبيت افرحه، لكن لو امنيه عرفت هتقولي بغري اخوها عشان اوصلها... متخلفه اوي
في الشركه
عز _ صباح الخير،
امنيه _ صباح النور
عز _ في مواعيد ايه النهارده
امنيه _ مجهزالك لسته بكل المواعيد
عز _ تمام هاتيها
امنيه _ اتفضل
عز ياخد منها الورقه ويبصلها
عز _ اول معاد الساعه 12 كويس، طيب لو عليكي محاضرات دلوقتي روحي وتعالي قبل 12
امنيه بحده _ متشغلش بالك بيه
عز بتنهيده _ براحتك، بس ممكن اعرف هتفضلي كده لأمتي
أمنية_ لغيت ما ترفدني
عز _ ولما ارفدك هتشتغلي ايه
أمنية_ دي حآجه بتاعتي انا ملكش فيها
عز _ طيب انا مستعد ارفدك في حالتين بس
أمنية_ هما أيه
عز _ تلاقي شغل كويس بمرتب زي هنا او تتخطبي لواحد كويس يساعدك
أمنية _ وانت يخصك في ايه اتخطب او لأ انت فاكر نفسك ولي امري ،، بجدمصدق نفسك انك كبير عليه ولا دي حركه من بتوعك علشان توصل للي عاوزة
عز بزهق _ يادي النيله، لحظة واحده........ بصي كده، دي صورة مراتي الله يرحمها، عمري ما بصيت لواحده غيرها حتى بعد موتها من تسع سنين، واكيد مش هاجي دلوقتي ابص لعيله في سنك
امنيه _ الله يرحمها.. طيب وافسر اللي انت بتعمله معايا بأيه
عز _ اثرتي اعجابي ياستي،وجديده عليه
امنيه _ اثرت أيه
عز _ مش زي ما فهمتي،قصدي اعجبت بكفاحك وجهدك
أمنية _ يمكن
عز _ اكيد
أمنية _ ماشي متشكره
عز _ افهم من كده انك هتبطلي تفهميني غلط
أمنية_ والله دي حآجه بأيدك انت
عز _ ماشي ياستي، ربنا يستر، بس انتي كمان اهدي عليه انا مش قدك وكمان كبير عنك، احترميني بقا
امنيه بتردد _ ع فكره انت مش كبير معرفش سنك كام بس شكلك صغير علي قولت انك كبير كل شويه
عز _ عندي 38 سنه،، قربت اقفل الاربعين،
امنيه _ اه، لا عادي مش كبير بردو
عز بإبتسامة _ متشكر ياستي، يلا اسيبك ولو وراكي محضرات وعاوزه تروحي بلغيني وروحي
أمنية بإبتسامه_ ماشي، متشكره
في دقيقة واحدة بس قالت كلمه عدله في حقي وابتسمت، كانت اول مره اشوفها مبتسمه،.. دلوقتي بس عرفت هي ليه مش بتبتسم، . لأن ابتسامتها، ساحره فعلاً وزادتها جمال، واتمنا تكون اخر مره الواحد مش ناقص
أمنيه
كلامه عن مراته مأقنعنيش قد احتفاظه بصورتها داخل محفظته، يمكن ضايقني في الاول بس اهتمامه وانه يجيبني اشتغل بالمرتب ده من غير ما يعرفني واهتمامه اني احضر محضراتي، هو اللي قلقني منه، هيكون بيعمل معايا كده ليه غير لو كان عاوز مقابل .. مفتكرش ان دي طيبه منه،، لكن قولت لنفسي مقبلش حآجه بدون مقابل و اعامله كويس لغيت ما نشوف اخر ما عنده، واتمنا يطلع طيب فعلا مش تمثيل، انا في امس الحاجه ان الاقي حد حنين عليه بدون مايكون عاوز مقابل،
شيري
الليلة اللي فاتت منمتش دقيقة واحدة وانا مشغوله ب اسامه، وبحنيته رغم حزنه اللي دايما شايله في قلبه،، وانا وبحاول اساعده لقيته نفسي معاه، كلامه فيه احتواء وحنيه، وكأنه بيمسح الحزن من قلبي ...
روحت النهاردة الجامعه وبقيت ادور عليه هنا وهناك وملقتهوش، عدت ساعه اتنين تلاته لغيت خمس ساعات وانا مستنياه وبردو مجاش،
يارا _ هتقعدي اكده لميته عاد
شيري بقلق_ تفتكري هو كويس
يارا _ في ايه يابتي ايه حكايتك مع الواد ده، ايه كمية القلق دي
شيري _ يارا ارجوكي ابقي قولي اللي عاوزاه لما اطمن عليه
يارا _ حرام عليكي نفسك بتعملي اكده ليه وعشان مين
شيري بدموع _ وانا عملت ايه يعني، زميلي غايب وقلقانه عليه فيها ايه دي
يارا_ زميل.. طيب يابوي ماكانش حد غولب
شيري بزهق_ اه زميل يا يارا، بس شبهي احنا الاتنين بنمر بنفس التجربه
يارا _ صدقيني، ما هتحسي بالي بتعمليه ده غير لما يرجعك مكسوره وساعتها مفيش قوه هتقدر تجبرك، انا قولتلك نصيحتي من الاول لأني خايفه عليكي،، بس انتي مصدقاه بشكل عمياني
شيري بدموع_ يكسرني ازاي وهو ولا مره حاول يوصلي موضوع الحب و الارتباط،.. انتي فهماه غلط صديقني، اسامه مفيش اطيب منه واللي بيقربله بيفهمو ده
يارا _ ماشي ياشيري، الله يسترها عليكي يابت الناس وانتي حره عاد، انا مروحه
شيري ببكاء_ انتي بتعملي معايا كده ليه، من غير سبب، افترضتي انه بيخدعني وكمان بتزعلي مني
يارا_ مين اللي قال اني زعلانه منك، أبداً ياحبيبتي انتي اختي الصغيرة وربنا يعلم حبيتك كد ايه وخايفه عليكي، بس لما ملاقيش استجابه وتفهم لكلامي يبقا ليكى الحريه وانا مش هضايقك تانى
شيري بدموع _ يارا حبيبتي انا فهماكي بس صدقيني اسامه مش زي مانتو شيفينوه
يارا _ ماشي حبيبتي انتي ادرا بيه مني، وربنا يسعدك ويبعد عنك كل شر
يارا
شيري، فاكره نفسها بتساعد اسامه متعرفش انها اتورطت امعاه، وانه هو اللي فهمها اكده، وبعد ما يكسرها عمرها ما هترجع زي الاول، لانه قدر يوصلها بطريقة ذكيه ومتأكده ان في النهاية هيأذيها، وهي زي المسحوره مش قادره تقتنع انه صايع وبيلعب عليها،،، منساش شكله هو وبيضرب كفه بكف سامر وقت الصور اللي اتوزعت، مستحيل واحد زي ده يكون مرهف الاحساس زي ماهو مفهمها، لكن انا اللي قاهرني منه انها يتيمه زيها زيه كيه معطفش علي حالها وقال دي بت محتاجة حد يحتويها واللى بيعملو ده جريمه في حقها
قبل ما اتكلم معاها كنت في المكتبه وشوفت سامر بيقرا وشكله حب القراءة قوي، برغم اني مش طيقاه بسبب اللي عمله الا اني اقدر افهم كويس ان اهتماماته اتغيرت للأحسن، ودي حآجه كويسه بردك،،، لكن ده منسنيش التحدي بيني وبين نفسي اني هعرفه في النهايه مين يارا بت البواب،
سامر
بقيت قاعد في المكتبة اكتر ما بقعد في البيت، السبب الاول اهتمامي بالقراءة وتاني سبب تركيزي مع يارا، اللي مصدرالي الوش الخشب من وقت ما عرفتها، بس انا اتعودت يعني مبقتش واخد الموضوع تحدي زي الأول، لكن همووت ونكون صحاب، محتاج واحده زيها في حياتي،
بعد وقت شوفتها ماشيه ف استعرت كتاب، ومشيت وراها ولقيتها بتكلم شيري، وسمعت حديثهم لاني كنت قريب ومخدوش بالهم مني،، بجد صعبت عليه وفي نفس الوقت عجبني كلام يارا ليها، ودا اللي خلاني اروح وراها واكلمها
سامر _ يارا
يارا _ نعم
سامر بتردد _ انا جاى اعتذرلك
يارا _ تعتذر عن ايه
سامر _ افتكر انك عارفه
يارا _ لا مش واخده بالي الحقيقه، وضح
سامر _ انا مش ضامن انك مش بتسجلي دلوقتي، بس ما علينا، انا بعتذر عن حركة الصور اللي انا عملتها
يارا _ ايه ده هو انت اللي عملتها حقيقي مجيتش علي بالى
سامر _ لا عارفه وبتستعبطي، بس انا مستغربك ليه محاولتيش تشتكي
يارا _ وانا هستفاد بأيه غير الفضيحة، وزي ما قولت انا بت بواب وانت ما شاءلله باين عليك ود وزير وانا اللي هخسر في الأخر
سامر _ لو عاوزاني اروح اقول للعميد اني انا اللي عملتها ف انا مستعد
يارا _ وايه يجبرك علي اكده
سامر _ احساسي بذنب
يارا _ طيب فى عقاب تانى ممكن تنفذه، دا لو ضميرك مأنبك صح
سامر _ هو ايه
يارا _ انت من الواضح انك مبتحبش الدراسة بدليل عجزت وانت ولسه في السنه التالته، ف العقاب اللي اختارهولك، هو انك تعدي السنه دي بتقدير جيد جداً، وصدقني دي اصعب من الحبس بنسبالك
سامر بإبتسامة _ عندك حق، بس اوكي مستعد انفذ العقاب
يارا _ وفيه عقاب تاني
سامر _ اللى هو ايه
يارا _ متبقاش توقفني نهائي وتكلم معايا اكده
سامر بإبتسامة _ حاضر
قالتلي كده ومشيت، واختارتلي عقاب انا فعلاً شايفة عقاب، مبفهمش اي حآجه من كلام الدكاترة، ولا في بينا استلطاف، لكن مش مشكلة هنفذ العقاب وهنجح فيه، اهم حآجه ننول الرضا من بنت البواب
مشيت من الجامعه وفي الطريق كلمت اسامة وطلبت اننا نتقابل ف قالي اروحلو البيت، وروحتلو
اسامه _ كويس انك جيت، انا عاوز نسكافيه ومكسل تعاله شجعني
سامر _ يلا ياسيدي
**
اسامه _ هات المجات وشطفهم اعملك حركه كده
سامر _ ماشي ياعم،، مجتش ليه الكليه النهارده
اسامه_ مليش نفس اروح وهو بالمره نسوي الرز علي نار هاديه
سامر _ الرز اللي هو شيري طبعآ
اسامة _ ايووه برافو عليك
سامر _ البنت استوت لما قالت بس، لسة شايفها بتعيط ل يارا علشان قلقانه عليك
اسامه _ يادي النيله البت دي انا اتخدعت فيها لو اعرف انها كده مكنتش اتراهنت عليها من الأول
سامر _ طيب ما كفاية كده اظن ان كده وصلت للي انت عاوزة
اسامه _ احنا قولنا كسر قلب، وهي لسه قلبها سليم
سامر _ لازمته ايه، ياسيدي انا اعتبرتك كسبت وهديك الرهان، وانت كفايه كده
اسامه _ لأ مش قبل ما اخلص للأخر
سامر _ انا عارفك ياصاحبي عنيد بس مكنتش اعرف انك قاسي كده
اسامه _ مين قال اني قاسي، بالعكس انا زعلان من نفسي جداً، وخصوصآ انها طلعت ضعيفه ومعملتش مجهود كبير، دا غير اهتمامها انها تخرجني من حزني، لكن انا مكمل لسببين
سامر _ هما ايه
اسامه _ اول سبب اني متعودتش انسحب وتاني سبب انها لازم تتقرص علشان تنشف بعد كده ومتصدقش بسرعه
سامر _ انا عيني دمعت ياض انت عظيم، عاوز تكسرها علشان مصلحتها وانا اللي كنت فاكرك واطي
اسامه _ شوفت بقا، ودي مشكلتي ههههه... ناولني السكر
سامر _ خد..... بس بجد يا اسامة حاول تكون هين معاها، بيتهيالي انها ممكن تعمل في نفسها حآجه لو اذيتها
اسامه _ انت عارف اني بعاملها على اساس صحاب ولغيت ما اخلص مش هقولها بحبك والكلام بتاع كل مره
سامر _ لا ياشيخ يعني هي عامله كده في نفسها علشان صحاب بس امال لو حب كانت عملت ايه
اسامه _ هي حبتني اصلا
سامر _ طيب وناوي على ايه بعد كده
اسامه _ بعد ما تكون اتعلقت بزياده هقولها عاوز اخطب يارا وهتكون هي الوسيط... بووووم
سامر _ تخطب مين ياخويا،، لأ عندك و وقف دي تبعي انا
اسامة _ انت غبي ياض دي كلمه هقولها وخلاص وبعدين يارا مبتقبلنيش ومستحيل توافق
سامر _ بردو مدخلهاش في الموضوع دور علي غيرها
اسامه _ ماشي يامعلم نشوف حد تاني قريب منها... بس ايه الحكاية هو السحر انقلب علي الساحر ولا أيه
سامر _ ايوة يااض،، بص مبنسهاش حرفيآ
اسامه _ ياخيبتك ملقتش غير بنت البواب اللي توقعك، طيب دي لو نوااال هانم سمعت بس هتطردك من البيت ولا وكيل الوزارة هيحبسك
سامر _ المشكله الاكبر من دول ان بنت البواب دي مستحيل تبصلي تصدقها دي
اسامه _ ومتبصلكش ليه بقا، ولا انت قليل... حلو وغني ناقصك ايه
سامر _ اللي زي يارا دي مبدورش على الحلاوه والفلوس مشوفتهاش مجتهده ازاي ومفتخره ب أنها بنت بواب، طيب والله انا بكل الفلوس اللي عندي ما حسيت برضا عن نفسي زيها
اسامة _ هات الكاتيل اللي هيستنجد بينا عشان نوقفه ده، وتعاله نقعد عند التلفزيون نسمع فيلم اكشن بدال كلامك اللي ينقط ده... ما ليها حق تشوف نفسها عليك طالما انت هزء كده
سامر _ امال لو عرفت المصيبه الكبيره
اسامة _ ايه
سامر _ روحت النهاردة واعتذرتلها عن اللي عملته
اسامه بصدمه _ بلغت العميد؟
سامر _ تصور لأ.. دي كانت هاديه جداً وكأني دوست علي جزمتها مش فضحتها، وخد الكبيره بقا
اسامه _ ايه
سامر _ اختارتلي عقاب، وهو اني انجح واجيب جيد جداً... مش جيد بس لأ ده جيد وجدآ كمان
اسامة _ وانت قولتلها ايه
سامر بضحك _ وافقت وناوي انفذ
اسامه_ هههااااااي متخيل منظرك ياض وانت جايب جيد جداً بعد كفاح عشرين سنة، هتبقا مسخره وسط الشله
سامر بضحك_ احنا بطبعنا بنحب التحدي والرهان ما تيجي نتراهن على اني اجيب جيد جداً واهو تكون حآجه مفيده بدال العب على البنات
اسامه _ اوووكي 5000 جنيه وعزومه على حساب الخسرانه ،، انا محتاج المبلغ والعزومه دول جداً
سامر بضحك _ دا انت حكمت اني هخسر كمان
اسامه_ عندك شك في كده
سامر _ لأ بس خلينا نجرب ونشوف
حكايات بنات p 9
امنيه
كنا قاعدين بالليل بنتعشا، وفجاه سمعت صوت ررنةتليفون
امنيه _ ايه الصوت ده
عدي بارتباك _ ده تليفون لقيته في الشارع
أمنية _ طيب ومعرفتش بتاع مين
عدي بلخبطه _ لأ معرفش
أمنية بشك_ طيب ما ترد وتشوف تليفون مين
عدي _ وارد علي ارقام معرفهاش ليه
أمنية _ هات
عدي _ ليه
أمنية بحده _ بقولك هات
عدي _ خدي
مسكت التليفون، لقيت اتصال من رقم بأسم خالو ف رديت عليه
أمنية _ الو
عز _ مين
أمنية _ دا تليفون، اخويا كان لقاه في الشارع من فضلك تقولنا اسم حد نوصلهوله
عز بإبتسامة _ انا صاحب التليفون،
أمنية _ طيب يافندم تقدر تيجي تاخده
عز _ للأسف انا مسافر بره مصر، دلوقتي ف مبروك عليه اعتبريه هديه ليه
أمنية _ حضرتك مين ومبروك عليه ازاي ده شكله غالي
عز _ عادي يا انسه انا مش هرجع عشان حتت تليفون
أمنية _ ولما حضرتك غني ومستغني عنه متصل ليه
عز بإبتسامة _ عشان ليه نصيب اسمع صوت حضرتك الجميل الموسيقي ده
أمنية بقرف_ يا استاذ لو سمحت ابعت اي حد ياخد التليفون وبلاش قلت ادب
عز بإبتسامة _ حد قالك قبل كده انك معقده ولسانك. متبري منك
امنيه بعصبيه_ انت متصل تقل ادبك علينا ياجدع انت، اتفضل خد تليفونك وغور سافر
عز بإبتسامة _ غاره اما تاخدك، انتي مالك مش بتقولي اخوكي لقاه، اطلعي منها متبقيش مستبده ومتسلطه
أمنية بعصبيه _ اهو انت وعقاب ليك مش هتشوف تليفونك تاني
عز بإبتسامة _ يابخت التليفون لامس خدك دلوقتي
أمنية تقفل في وشه وتلملم نفسها بارتباك
شيري _ في ايه
أمنية _ إنسان حقير وزباله
عدي _ قالك ايه
أمنية بلخبطه _ بيقول مش عاوزة،، خد واحظره ومش هيشوف تليفونه تاني، ولو راجل يرجع يتصل
عدي بفرحه _ يعني اخده بجد
أمنية _ ايوة مبروك عليك ولو حد اتصل من طرفه اشتمه واحظره
انسان مستفز اوي، وبارد... وكمان صوته مش غريب عليه حاسة اني سمعته قبل كده
عز
كنت قاعد في اوضتي وافتكرت عدي ف حبيت اطمن عليه، وهي اللي ردت قولت اضايقها شويه، وفي الاخر قفلت في وشي، وبقيت اضحك عليها لغيت ما اسامه فتح الباب ولقاني بضحك
اسامه _ ايه ياعم ايه يابااا
عز بإبتسامة _ عاوز إيه ياض
اسامه _ بص انا مش هسيبك تنام النهارده غير لما اعرف مالك من الصبح
عز _ طيب تعاله اقعد
اسامه _ اوك، اديني قعدت قول
عز _ اقول ايه انت اهبل
اسامه _ ياعزوز الي ربا بتاع مربا
عز _ سيبك مني وقولي ايه كان خانقك الصبح
اسامه _ بتتهرب صح.. طيب عليه الطلاق لا تقول
عز _ طيب اتجوز الأول وبعدين طلق
اسامه_ متدخلش بيني وبينها وقول ما انا مش سايبك النهارده
عز بإبتسامة _ ماشي... اصل عرفت بنت مجنونه شويه
اسامه _ مجنونه ازاي
عز بإبتسامة _ مجنونه
اسامه _ بتشد في شعرها يعني
عز بإبتسامة _ مش بظبط
اسامه _ بتحبها طيب ولا ايه
عز _ انت اهبل يا اسامه، من امتي وانا ليه في الحب بعد سميره
اسامه _ ، ومن امتي وانت بتضحك علي واحده وتفضل مبتسم علشانها
عز _ عادي يعني مواقف حصلت ومضحكاني مش لازم يكون حب
اسامه _ هي شكلها إيه
عز يشرد بإبتسامة _ شكلها حلو اوي، وشعرها طويل واسود وعيونها سوده و واسعه وبشرتها ناعمه، و...احم بنت عادية
اسامه بضحك _ ههههه دا انت ضايع خالص،
عز _ متبقاش رزل مش انت سألت على شكلها
اسامه _ ايوه انا سألت وانت سرحت انت وبتوصفها،
عز _ اصلي عاوز انام
اسامه _ اعترف يا عزوز انا ستر وغطا عليك
عز _ يابني انت مش فاهم، دي صغيره
اسامه_ قد ايه يعني
عز _ 25
اسامه _ وكده صغيره
عز _ صغيره عليه
اسامه _ لا مش صغيره ولا حآجه ما انت كمان صغير وشكلك حلو هتلاقي زيك فين
عز _ طيب وهي مش بتقبلني
اسامه _ المهم انك انت بتقبلها
عز _ لا عادى
اسامه _ بتقبلها ياخالي وبطل عِند
عز _ ممكن
اسامه _ اكيد
عز _ طيب بقبلها وبعدين
اسامه _ قولها
عز _ اقولها بقبلك
اسامه _ قولها بحبك انت مخك تخين ليه
عز _ بحبك مره واحده، انا مبحبهاش يابني
اسامه _ بتحبها الله، اسمع الكلام متخنقنيش
عز _ انت بتزعقلي
اسامه _ مانت ضايقتني اعملك ايه،
عز _ وبعدين يابن الغالية
اسامه _ اول حآجه تعترف انك بتحبها وبعدين اقولك تعمل ايه
عز _ لما احبها بقا
اسامه_ انت بتقاوح ليه، ما خلاص اديك قربت تكمل عشر سنين لوحدك، هتستنا لامتي
عز _ يا رفت مش عاوز اخون سميره
اسامه _ تخونها ايه الوليه الله يرحمها،، انت كده بتظلم نفسك
عز _ اسكت انا مخنوق من نفسي مجرد ما احس اني ميلت لغيرها
اسامه _ واحد غيرك مكنش كمل سنه علشان يتجوز وانت استنيت سنين لغيت ما حبيت البنت دي، كفايه كده وشوف نفسك
عز _ ماشي حتى لو وافقت علي كلامك، البنت مبتقبلنيش اصلا
اسامه _ مفيش أسهل من انك توصل لقلب البنات، هما شويه حنيه علي اهتمام وهتيجى على بوزها
عز _ رأيك كده
اسامه _ ايوه
عز _ هشوف
اسامه _ المره الجايه اسمع انك طلبت ايدها
عز _ ههههه بس قول يارب اقدر اقربلها الاول
اسامه _ لا ده انا لازم اديك درس كده مش هينفع
قعد طول الليل يشرحلي البنات بتحب ايه وبتكره ايه واقربلها ازاي،.. وجه الصبح وانا رايح ومتحمس واول ماقابلتها نسيت كلامه وافتكرت المكالمة، وبقيت احاول امنع نفسي من الضحك علشان متزعلش،
عز _ صباح الخير
امنيه _ صباح النور
عز _ هو النهارده ايه
أمنية_ التلات
عز _ اه... طيب ورانا مواعيد اية النهارده
أمنية_ اتفضل
عز _ متشكر.... طيب وراكي محضرات النهارده؟
أمنية _ مش عارفه
عز _ انتي عامل اية النهارده
أمنيه _ هو في حاجه
عز _ لأ، ليه؟
أمنية_ مش عارفه
عز _ بصراحه خايف اقولك نشرب قهوه تفهميني غلط
أمنية _ قهوه؟
عز _ بلاش قهوه خليها كابتشينو
أمنية بإبتسامه _ طيب
عز _ يعني موافقه
أمنية_ ماشي، بس هنا بلاش في مكتبك
عز بإبتسامة_ اوكي انا هجيب واجي
أمنية
جه المكتب ومكنش طبيعي خالص،.. وبعدين طلب اننا نشرب قهوه وانا وافقت علشان افهم دماغه، وفعلا راح جاب وجه قعد معايا
أمنية_ هو حضرتك متعود تشرب قهوه مع كل السكرتيرات اللي جم قبلي
عز _ اللي قبلك كانو رجاله وكنا بنشربها في مكتبي
أمنية _ وليه مكنش فيه ستات
عز _ بخاف منهم
أمنية _ بتخاف منهم؟
عز _ ايوه
أمنية _ طيب ليه، واشمعنا انا؛ ولا مش خايف مني زيهم
عز _ كل اللى بيتقدمو للوظيفة دي بيكون لبسهم اوڤر ومكياجهم كتير فاهمة انتي طبعا
أمنية _ طيب وانا اخترتني ليه
عز _ انتي تختلفي عنهم،... ولا مره شوفتك بمكياج ده غير انك كنتي عامله ولد وكمان مش طيقاني، مفيش خوف منك يعني
أمنية بضحك _ ههههه اقنعتني
عز ينظر لها بإبتسامه _ هو انا ممكن اعرف كنتي عامله ولد ليه
أمنية _ لنفس السبب اللي مخوفك من الستات
عز بإبتسامة_ انتي خوفتي من الرجاله ف لقيتي ستات ههههه
أمنية بضحك _ ربنا ما يعودها أيام،
عز _ ان شاءلله مش هيعودها،... طيب انا رايح المكتب وكنسلي علي مواعيد النهارده وروحي شوفي محضراتك
أمنية _ أنا مش فاهمة ايه حرصك اني اسيب الشغل واحضر محضراتي
عز _ بجد مش عارف، ولغيت ما الاقي جواب تقدري تروحي
أمنية _ ماشي، متشكره لحضرتك
عز _ العفو
ساعات بنقابل أشخاص بيكونو طيبين بزياده وبيعطو بدون مقابل، وبردو مش بنطمنلهم وبنحس ان ورا عطائهم ده حآجه كبيرة ،ودا اللي حساه نحيت عز دلوقتي
عز
روحت المكتب وفتحت الكاميرا لقيتها قاعده بتقلب في القلم وسرحانه، عرفت انها بتفكر فيه وقلقانه من نحيتي، وليها حق، هتثق فيه ازاي وانا طلعتلها فجأه واهتميت بيها من غير سبب يذكر
يارا
كنت قاعده بذاكر الا ولقيت ابوي داخل الاوضه عندي ومضايق قوي
يارا _ خير ياباي
محمود _ مفيش خليكي في مذاكرتك
يارا تقوم وتقف جمبه _ انت فيك حآجه مزعلاك، قولي في ايه
محمود _ صاحب العماره هيبيعها وقالي امشي
يارا _ فجأه اكده طب ليه
محمود _ شكلهم اكده هيهدوها ويبنو مطرها منتجع او معرفشي ايه اكده
يارا_ طيب وبعدين ياباي هنعمل اية
محمود _ الراجل قالي معاك اسبوع تدبر حالك فيه، وانا هدور علي شغل في مكان، وربنا يدبرها
يارا _ افروض ملقتش يا باي
محمود _ يبقا مقدمناش غير اننا نعاودو بلدنا
يارا _ طيب ودراستي انا مفضليش غير سنه هضيعها اكده
محمود _ ادعي بس الاقي شغل و وقتها هنقعد مش هنعاودو
يارا _ يارب تلاقي ياباي يارب
محمود _ ان شاءلله يابتي، يلا ارجع لمذاكرتك ومتشغليش بالك بحاجه
يارا _ حاضر يا باي
كيه مشغلش بالى وانا مستقبلي متوقف علي الموضوع ده، وهو حد لاقي شغل دلوك... خايفه قوي نعاودو قبل ما اخلص السنه اللي فضلالي،
مقدرتش ابطل تفكير في الموضوع طول الليل، ولغيت ما روحت الجامعه وحضرت محضراتي، ورجعت علي طول مكنش ليه مزاج اقرا ولا اكلم حد حتى
بعد يوم
شيري
النهارده تالت يوم ميجيش فيه، وانا هموت من قلقي عليه ومقدرتش استنا وروحت لسامر أسأله عليه
سامر _ معرفش عنه حآجه
شيري _ المفروض انكم صحاب ازاي متسألش عليه، مش يمكن يكون تعبان
سامر _ هكلمه النهارده بس بعد المحاضره
شيري _ اتصل دلوقتي لو سمحت
سامر _ حاضر
اتصل بيه قدامي وكلمه وانا لقيت نفسي باخد منه التليفون
اسامه _ لا مش جاى النهاردة
شيري _ ليه مش جاى
اسامه _ شيري
شيري _ ايوه انا، مجيتش ليه بقالك يومين
اسامه _ تعبان شويه ياشيري،
شيري بقلق _ ايه اللي تاعبك
أسامة _ دور برد
شيري _ سلامتك
أسامه _ الله يسلمك صديقتي الجميله
شيري _ هتيجي امتي طيب
أسامه _ شكلك قلقانه عليه اوي
شيري _ ايوه طبعا
أسامة بإبتسامة _ ميرضنيش اشوفك قلقانه، انا جاى النهاردة
شيري بفرحه _ بجد هتيجي
أسامة _ طبعا، وهجبلك العلبة بتاعتك معايا
شيري بإبتسامة _ ماشي، انا هستناك في المكتبه
أسامة _ انتي طيبة اوي ياشيري وانا محظوظ اني في حياتي بنت جميلة زيك
شيري بإبتسامة _ متشكره
أسامة _ ماشي يلا انا جاى.. انتى وحشتيني اوي
شيري بارتباك _ اية
أسامة _ وحشتيني، فيها إيه
شيري بإبتسامة _ ماشي يلا مستنياك
قفلت معاه واديت التليفون ل سامر
سامر _ مفيش داعي تقلقي زيادة كده اوكي
شيري _ مش قلقانه ولا حآجه
سبته وروحت المكتبه وجبت كتاب وبقيت اقلب وانا شارده وكل اللي سمعاه كلمه وحشتيني اللي قالهالي في نص الكلام،..
عدا الوقت وبعدين ببص لقيته قاعد قدامي من غير ما يتكلم وبيبصلي بإبتسامة
أسامة _ اللي واخد عقلك
شيري بإبتسامة _ انت جيت امتي
أسامة _ من عشر دقايق
شيري _ محستش بيك
اسامه_ اه ما انا خدت بالي.. بتفكري في مين بقا
شيري _ مبفكرش في حد
أسامه _ انتي شارده و مبتسمه ، والحاجات دي مش بنعملها غير لما نحب
شيري بأبتسامه _ وانت ايه عرفك،.. حبيت قبل كده؟
أسامه _ حبيت مره واحده
شيري _ امتي
أسامة يركز النظر فى عينيها _ الأيام دي
شيري _ اعرفها انا
أسامه _ عز المعرفه
شيري _ هي مين
أسامه _ هقولك بعدين
شيري بإبتسامة _ ماشي
أسامه _ وانتي طيب
شيري _ لأ مجربتش قبل كده
أسامة _ اقدر افهم اذا قلبك مشغول ولا لأ، متضحكيش عليه
شيري بإبتسامة _ مش مشغوله بالمعنى اللي تقصده
أسامة _ امال ايه
شيري _ معرفش بس انا بعتبر نفسي مسؤله عنه،، وبخاف عليه
أسامه _ هو عيل صغير ولا ايه
شيري _ لا كبير بس بيمر بأحسيس صعبه زي اللي بمر بيها كل ليلة.. وشوفت نفسي فيه
أسامة _ لأ مش فاهم يعني ايه شوفتي نفسك فيه دي
شيري بإبتسامة خفيف _ حاجات خاصه هقولك عليها بعدين
أسامه _ تصدقي انتي ولا مره قولتيلي حآجه عنك، انتي عايشه ازاي؟
شيري _ عايشه مع اخواتي وامنيه بتصرف علينا
أسامه _ طيب وفين امك وابوكي
أمنية بحده _ بتعملي ايه هنا
شيري بارتباك _ بقراء
أمنية _ بتقري ولا بترغي مع الأخ
أسامة _ مالك يا انسه، احنا زمايل وبنتكلم عادى
أمنية _ من فضلك متدخلش... وانتي امشي قدامي
شيري _ حاضر
أسامة _ انتي بتأمريها بتاع ايه
أمنية _ قوليلوه
شيري _ دي اختي مانت عارف
أسامه _ حتى لو اختك ليه تكلمك بالشكل ده
أمنية بتحذير_ اخر مره اشوفك بتتكلم معاها .. وانتي يلا قدامي
شيري _ حاضر
أسامة
اضايقت من شيري اكتر ما اضايقت من اختها، بنت ضعيفه وملهاش شخصية مقدرتش تقولها لأ، بالعكس دي راحت معاها من غير ولا كلمه... فين اهلها دي لما اختها تتحكم فيها كده.... انا دلوقتي فهمت هي ليه ضعيفه وما صدقت اني قربت منها..
خدتها ومشيت وانا روحت وراها
أسامة _ شيري استني
أمنية_ افندم
أسامه_ انا بكلمها هي مش انتي
أمنية_ طول مانا هنا انا اللي بتكلم،
أسامة _ انتي فاكره نفسك ايه، هي مش صغيره علشان تجريها وراكي كده
أمنية تبص ل شيري _ ايه رأيك انتي
شيري_ من فضلك يا أسامة امشي دلوقتي
أسامة بغيظ _ انتي جبانه وملكيش شخصيه
أمنية _ كلمه تانيه وهندهلك الأمن
شيري بدموع _ يلا يا أمنية،
أمنية بنرفزه _ مانتي لو مفتحتيش كلام معاه من الأول مكنش اتجراء يتكلم معانا كده بس انا غلطانه اني سبتك لوحدك حسابي معاكي في البيت
أسامه _ انتي ساكتلها ليه، علشان اختك الكبيره يعنى، حتي لو كده مينفعش تتحكم فيكى بشكل ده
شيري ببكاء _ ملكش دعوه اختى وتعمل اللى عاوزاه
أمنية _ عجبك الرد ده، امشي بقا وحافظ علي الباقي من كرامتك
اسامه _ تصدقي انا غلطان علشان اتعاملت مع واحده هايفه وضعيفه زيك من الأول، روحي معاها، خليها تضربك في البيت
قولت كده وسامر شدني وخدني بعيد عنهم
سامر _ انت ايه اللي عملته ده
أسامه بعصبيه _ مش شايف جراها وراها زي البهيمة ازاي والتانيه كل حياتها عياط وبس
سامر _ وانت مالك بيها هما حرين يتعاملو مع بعض زي ماهما عايزين
أسامة بغيظ_ الكلام ده لو مكنتش قاعدة معايا.. والله ما هعدهالك ولازم اكمل الرهان علشان تتعلم ازاي تكون جبانه تاني
سامر _ ياااسلام، اعتبر ده خوف من نوع جديد ولا ايه
اسامه بنرفزه _ ونبي بطل فزلكت اهلك دلوقتي انا ماشي.
سبته وروحت علي طول وانا حلفت لا ازعلها بجد بعد ماكنت عطفت عليها شويه
سامر
أسامة دايما بارد في معاملته مع البنات مهما يغلطو فيه بيتعامل معاهم ببرود بس المره دي كان مضايق بجد وشكله ناوي يعمل حآجه مع شيري.. رغم انه المفروض ينوي ل أمنية مش شيري بس الواد ده غريب محدش يفهمو
بعد ما مشي رجعت ادور على يارا في كل الجامعه وملقتهاش، .. ايه الحكاية دي مبيعديش يوم متجيش فيه، ومش معقول تكون جت ومشيت بسرعه ،، ولا يكون اهلها عرفو بموضوع الصور.... بقيت اسأل نفسي وأرد عليها لغيت ما تعبت من التفكير ورجعت المكتبة علشان استعير كتاب وامشي
منه
معاذ بقا يعاملني بجديه، وحتي الصباح مش بيصبح، وانا متعودتش منه علي كده، مهما اصده بيرجع يكلمني لكن المره دي اختصرني تماماً، وانا مقدرتش استحمل معاملته دي وتجاهله ليه، ف روحت كلمته وانا ناويه اعاتبه عشان بيتعامل معايا كده
منه _ هو انا قولتلك انك تكرهني ولا مش مستعده يكون في ارتباط بينا
معاذ_ بتقولي كده ليه
منه _ عشان تصرفاتك اللي بقت غريبه من وقت ما كلمتك
معاذ _ انتي مش حابه ترتاحي، اهو انا بريحك
منه _ انا كده مش مرتاحه.. مش معني اني محباش يكون بينا ارتباط انك تتجاهلني كده. دا انت حتى بطلت تصبح عليه
معاذ _ انتي عاوزة ايه دلوقتي.. لما كنت بكلمك كنتي بتزعلي ولما بعدت عنك بردو زعلتي ارضيكي ازاى انا دلوقتي
منه _ تعاملني زي اي واحده هنا مش لازم تميزني عنهم بس متحسينيش اني مش. موجوده
معاذ _ حتى في تجاهلي ليكي انتي مميز،.. انتي في حته لوحدك يا منه، ياريت تفهمي ده
منه _ اشمعنا يعني، زايده ايه عنهم
معاذ _ زايده كتير، انتي ملفته من غير ايه حاجه، عكس الباقين اللي بيحاولو يلفتو الانتباه بضحك واللبس والميكب، انتي زي ما قولتلك في حته لوحدك
منه _ متشكره بس ممكن لو سمحت تبطل تتجاهلني علشان بضايق بجد.. ممكن ولا مش ممكن ،، لو مش ممكن انا مش هحضر السيكشن تانى
معاذ _ موافق بس انتي كمان تتعدلي معايا،.. ياستي بلاش ارتباط خلينا صحاب
منه _ اقولك حآجه ومتزعلش
معاذ _ قولي
منه _ انت استغلالي
معاذ _ ماشي ياستي متشكر
منه _ دكتور انا بحترمك على المستوى الشخصي بس بجد بكره صنفكم ومعنديش ثقه فيكم
معاذ _ ياساتر ليه كده
منه بانفعال _ وحشين اوي كلكم سواد وضمايركم سوده، تخوفو بجد، حتى لو بصيت على الشباب هنا تلاقيهم بيتسابقو مين يكسر قلب البنات اكتر، انتو ليه كده بجد
معاذ بهدوء _ وايه تانى
منه بانفعال _ انتو خطر على البشرية بجد مبهزرش، عارف انا بخاف منكم، طول ما انا ماشيه وفي حالي كمان اسمع تعليقات تكسف من الشباب على لبسي، وجسمي، وشكلي، ليه مدين لنفسكم الحق انكم تتحكمو فينا،، لبسنا ايه وقولنا ايه، بصينا ازاي، .. ليه علشان انا بنت اتقيم من واحد عره ميسواش نكله
معاذ يستمع لها بتركيز _ كملي
منه ببكاء _ والله بكرهكم منكم لله
معاذ _ هو انتي اتعملتي مع كل الشباب يا منه
منه بانفعال _ لأ طبعاً ولا شايفني صايعه
معاذ _ انتي بتكرهي الشباب وبتخافي منهم وحكمتي ان كلهم مؤذين، طيب ليه قولتي انك بتحترميني، ايه التناقد ده
منه _ انا بحترمك بس في نفس الوقت بكره النوع نفسه، دي مشكلتي اللي مخلياني مبتعاملش مع صنفكم
معاذ _ اقولك حآجه حصلت معايا انا وصغير
منه _ قول
معاذ _ كنت في مره بلعب في التراب والطين وبعد ما خلصت لقيت ماما بتغسل الغيارات البيضه في الغسالة، ف أنا عملت اية .. غيرت هدومي ومسكت الغيار المتوسخ وحطيته مع الغيارات البيضه ف الميه اتعكرت والهدوم البيضه بقت متوسخه، وماما طلع عينيها عشان تنضفهم من الوسخ دا لغيت ما نضفتهم
منه باستغراب _ فين العبره اللي بتحاول توصلها يعني
معاذ _ الفكره ان لبس واحد متوسخ قدر يبوظ الون الأبيض، وانتي كده بظبط،،، تعاملتي مع واحد وشكله أذاكي اووو،،،، ف كل الناس بقو في نظرك زي الشخص ده، لكن لو انتي عملتي زي ماما ونضفتي ذاكرتك من الوسخ اللي اثر عليها ،، هترجع الحياة بيضا زي الهدوم بتوع ماما ههههه. مش عارف بقول ايه لكن اتمنا يكون فهمتيني
منه بشرود_ مفيش حد اذاني
معاذ بنبره هادئة _ انتي محتاجه تتكلمي مع اي حد بتثقي فيه، الكتمان ده هيموتك بالبطيئ
منه بدموع _ ثقه؟.... انا مفيش حآجه اذتني غير اني وثقت
معاذ _ وثقتي في الشخص الغلط، ودا مش معناه انك متثقيش تانى
منه بدموع _ والمفروض اني اثق فيك انت صح؟
معاذ_ لأ مش لازم انا، المهم انك تتكلمي وخلاص،، روحي لدكتور مثلا
منه _ لأ مش هروح ولا هثق في حد، انا حلوه كده
معاذ _ انتي حلوه في كل حلاتك، ومستعد استحمل عقدك وبقلب مليان
منه _ انت اللي اخترت
معاذ بإبتسامة _ افهم من كده انك هتطلعي عقدك عليه
منه _ شكلي كده
معاذ _ موافق،كل يوم نقعد تطلعي شوية عقد ونمشي،
منه بإبتسامة _ ماشي
معاذ _ طيب حابه تطلعي عقدتين قبل ما نمشي
منه بضحك _ كفايه كده النهارده
معاذ بإبتسامة _ كنت فاكرك مبتضحكيش عشان معندكيش اسنان، طلع عندك اهو
منه بضحك _ لأ عندي وطلعلي ضروس كمان
شيري
روحنا البيت، وانا كنت داخله اوضتي وانا ببكي و أمنية ندهت عليه بعصبيه
أمنية _ وقفي عندك
شيري ببكاء _ عاوزة إيه تاني مش كفاية اللي حصل في الجامعة
أمنية _ وانتي لسه شوفتي حآجه... انتي الظاهر نسيتي نفسك ونسيتي انك بنت وكله بيتحسب عليكي
شيري ببكاء _ وانا عملت اية يعنى، كل ده علشان قعدت مع زميل ليه فى المكتبه
أمنية _ مش علشان القعدة، انا على الكلام اللى سمعته وانا داخله عليكم،، مش هو ده الواد اللي اتخانقتي معاه اول يوم ولا دلوقتي بقا فيه سكر
شيري ببكاء _ احنا مقولناش حآجه غلط عشان تعملي كده، واسامه شاب كويس واحنا بقينا صحاب
عدي يخرج من غرفته _ مين ده اللي صاحبك ان شاءلله
أمنية _ متدخلش انت
عدي _ بتقولك بقو صحاب وتقوليلي مدخلش
أمنية بعصبيه _ ايوه يعني هتدخل تعمل إيه، تضربها يعني ولا إيه
عدي _ انا مقولتش كده بس ميصحش اللي قالتو ده
شيري ببكاء _ حتى انت هتقولي يصح وميصحش
أمنية _ شوفتي حتي الصغير شايف ان اللي عملتيه غلط، اعترفي انك غلطانه وبلاش مقاوحه
شيري _ انا مبعملش حآجه غلط ، وانا مش صغيره علشان تجرجريني كده قدام الجامعه كلها
أمنية _ طيب اتلمي واظبطي نفسك عشان انا تاني مره مش هجرجرك بس دا انا هضربك بشبشب كمان
شيري _ تضربيني؟
أمنية _ ايوه اضربك، ولا فاكره انك كبرتي علي الضرب
سبتها من غير ما ارد ودخلت الاوضه، وطلعت البوم صور بابا وماما وبقيت اقلب فيه، وبعد شويه عدي دخل وقعد جمبي
عدي _ انتي كل ما تزعلي تطلعي الالبوم ده، مش هتكبري بقا دا انتي عيله بارده
شيري بدموع _ وحشوني اوى
عدي بدموع _ طيب ما انا وحشوني كمان بس مش بعمل زيك،
شيري تحضنه وتبكي _ انا اسفه
عدي بدموع _ احنا عارفين انك متقصديش بس انتي بت بارده بتزعلي لما حد يكلمك
شيري تبعد عنه _ هو صعب عليه علشان ابوه وامه ميتين زي ابونا وامنا، وحبيت اساعده بس
عدي _ خلاص متزعليش حصل خير
شيري _ أمنية مجتش ليه تصالحني المره دي
عدي _ اعتبري نفسك متعاقبة اسبوع كامل
شيري _ يعني هي هتفضل مخصماني اسبوع كامل
عدي _ روحي كلميها يمكن تقصر المده
شيري _ طيب تعاله معايا وساعدني متبقاش ندل
خدته وروحنا عندها لقينها قافله الباب علي نفسها
عدي _ أمنية افتحي
شيري بدموع _ أمنية عاوزة اتكلم معاكي
أمنية من الداخل _ سيبوني دلوقتي
شيري بدموع _ انا اسفه والله يا أمنية اوعدك مش هكلمه تانى
أمنية بدموع _ قولت سيبوني، ولغيت اسبوع مش عايزة اسمع كلمه منك يا شيري
شيري ببكاء _ يا أمنية انا قولتلك مش هكلمه، ليه تخصميني اسبوع كامل
عدي _ افتحي طيب هي حلفت مش هتكلمه تانى
شيري ببكاء _ اه والله مش هكلمه وتقدري تراقبيني،
أمنية تجلس بالغرفة وتحتضنه وسادتها وتبكي بدون صوت
أمنية
وقفت بره باب الأوضة وشوفتها حاضنه عدي وفي ايديها اللبوم الصور وبتبكي،، كنت عاوزة اخدها في حضني واهون عليها، بس كان لازم اعقبها، وأحسن عقاب هو اني اخاصمها لانها بتخاف اني مكلمهاش، واكيد هتعمل حسابها المره الجايه ان العقاب ممكن يطول لاكتر من اسبوع..
بعد شويه وصلني اتصال من عز الدين وانا رديت عليه علشان اقوله مش جايه تاني النهارده
أمنية _ ايوة يافندم
عز _ اتأخرتي ليه
أمنية _ انا اسفه حصل ظرف ومقدرتش ارجع تانى
عز بقلق _ مال صوتك
أمنية بدموع_ مفيش با فندم
عز _ لأ فيه، اخواتك كويسين؟
أمنية _ ايوه الحمدلله
عز _ طيب مالك، انتي كنتي بتبكي؟
أمنية بصوت مبحوح _ لا يافندم، مع السلامه،... وبتقفل عليه
حكايات بنات p 10
أمنية
صحيت بدري ونزلت قبل ما يصحو، وروحت الشغل مشي، علشان موصلش بدري عن معادي، ، ولما وصلت ملقتش حد جه لسه، وبعد دقيقتين عز جه
عز _ صباح الخير
أمنية توقف _ صباح النور
عز _ جايه بدري ليه
أمنية _ مش بدري ولا حاجه
عز _ مالك
أمنية _ مفيش حضرتك
عز _ لما كلمتك امبارح كنتي بتبكي صح
أمنية _ مبكتش ولا حآجه
عز _لا بكيتي، وعلي فكره انا ممكن اساعدك لو واقعه في مشكله
أمنية _ متشكره مفيش مشاكل الحمدلله
عز _ براحتك،. بس اتمنا متتردديش انك تكلميني لو احتجتي اي حآجه
أمنية بنرفزه _ حضرتك مزودها اوي، انا اقدر اساعد نفسي مفيش داعي لاهتمامك الزيادة ده مش مستنيه مساعدة منك ولا من اي حد
عز _ تبقي لسة شايفه اني بحاول استغلك،
أمنية بنرفزه_ ملهاش تفسير تانى، لو دماغك بتلف ياريت ترفدني وتريحني
عز _ هو انتي فاكره اني لو عايز منك حآجه مكنتش اقدر اخدها غصب عنك يعني،.. مش بدل ما كنت بعت رجاله عشان يجبوكي تشتغلي كنت خلتهم يجبوكي في بيتي اسهل ما استحمل اهاناتك ليه كل شويه،،
أمنية _ امال افسرها ازاى.. ولا عاوز تعمل انك طيب وبتساعد لله في لله
عز بخنقه _ فسريها زي مانتي عاوزة.. انا ماشي
قالي كده ومشي.. انا مش عارفه ايه خلاني اهب في وشه كده، الراجل مغلطش فيه.. بس بجد انا مش عارفه عاوز مني ايه ولا بيعمل معايا كده ليه
حازم _ صباح الخير يا أمنية
أمنية _ صباح النور مستر حازم
حازم _ تسمحيلي اقعد
أمنية _ اه طبعاً اتفضل
حازم وهو يجلس _ يارب تكوني مبسوطه هنا
أمنية _ الحمدلله
حازم _ عز عامل اية معاكي
أمنية _ كويس
حازم _ انتي عارفه انك اول بنت تقعد على المكتب ده
أمنية _ عرفت، بس مفهمتش لية انا بذات
حازم _ ولا انا الحقيقة بس عز بيقول انك بنت بميت راجل ومش زي غيرك
أمنية _ وهو إيه عرفوه اذا بميت راجل او لا
حازم _ واحده تنسا جمالها وتعمل راجل ومتفكرش في شكلها تبقي بميت راجل ولا إيه
أمنية _ هو اللي قالك عليه قبل ما تجيلي صح؟
حازم _ ايوة طبعاً، قالي يا حازم انا عاوز البنت دي تيجي تشتغل هنا بدال بهدلت شغلانة الديليفري
أمنية _ وهو يهمه في ايه اتبهدل ولا لأ،،، ومتقوليش انه طيب
حازم _ هو طيب فعلاً بس مفتكرش ان هو ده السبب
أمنية _ هيكون إيه السبب طيب
حازم _ الحقيقه مقاليش، بس انتي شغاله معاه وتقدري مع الوقت تعرفي السبب
كلام مستر حازم، حيرني اكتر ما انا محتاره، دا لو يعرفني قبل كده كنت فكرت انه حبني علي تصرفاته وكلام حازم عنه، بس ده مشفنيش قبل كده هيحبني ازاي
شيري
أمنية راحت الشغل قبل ما تصبح عليه حتى، وانا قومت جهزت الفطار وفطرنا انا وعدي وهو راح المدرسه، وعلى الساعه تسعة، انا كمان روحت الجامعة، وكنت بدعي ربنا مقابلش أسامة هناك، علشان مش هقدر اكلمه تاني،، وفعلا ملقتهوش، ولغيت ما خلصت المحاضره ومشيت مكنش جه، وبعد مسافه بره الجامعه لقيته وقف قدامي بعربيته وطلع منها
أسامة _ قولتيلي ملكش دعوه وكسفتيني بس انا هطلع احسن منك وهكلمك، عارفه ليه، علشان انا بحبك
شيري _ بتحبني؟
أسامة _ صديقتي يعني،
شيري _ طيب لو سمحت متتكلمش معايا تاني يا أسامة
أسامة _ شيري هو حد قالك قبل كده انك جبانه
شيري _ انت
أسامة _ طيب حد قالك قبل كدة انك مهزئه ومعندكيش شخصية
شيري بنرفزه _ لأ، وبعد عن وشي خليني امشي
أسامة _ انا بقولك اهو انك مهزئه، ومعندكيش شخصية
شيري تذقه وتمشي وهو يمسكها من ايدها ويزفر بزهق
أسامة _ مش هتمشي غير لما تفهميني انتي ليه معندكيش شخصية، .. بقا انتي اللي غلطتي فيا اول مره شوفتك فيها،، امال راح فين لسانك لما اختك تجرك زي البهيمة وسط الجامعه
شيري بغيظ_ طيب سيب ايدي كده، وملكش دعوه بيه تاني
أسامة _ ضربتك في البيت صح
شيري _ خليها تضربني انت ميخصكش
أسامة _ تلاقيكي بتروحي تطبخيلها وتغسليلها رجلها فى البيت
شيري بدموع _ هي اللي بتعمل كل حآجه،، بتشتغل وتصرف وترجع تطبخ وتغسل، ومتحاولش تكرهني فيها عشان مهما تعمل مش هكرها
أسامة _ قصدك عشان معندكش شخصيه
شيري بدموع _ ايوه معنديش شخصيه ولا دم عشان تعاملت مع واحد زيك،
أسامة _ انا مبحاولش اكرهك فيها ولا تهمني في حآجه، انتي بس اللي تهميني ومش حابب اشوفك ضعيفه كده
شيري بدموع _ مين قالك اني ضعيفة، ولا علشان تعاطفت معاك يعنى
أسامة يركز النظر في عينيها _ شيري انتي في فترة صغيره بقيت مهمة عندي ومفيش اهم منك، وبحس انك مسؤله منى، وخصوصآ لما اشوف دموعك، بحس انك لسه طفله محتاجه اللى يحتويها، وانا عاوز احتويكي ومش عاوز اشوفك ضعيفه قدام حد غيري
شيري _ يعني ايه
أسامة بتردد مصتنع _ يعنى انتى صديقتي وتهميني
شيري _ بس كده
أسامة يسكت وميردش عليها
شيري _ بس كده يا أسامة
أسامة _ متغيريش الموضوع
شيري بدموع _ طيب بس انا وعدت أمنية مكلمكش تاني ممكن تبعد عني بقا
أسامة _ هتقدري متكلمنيش؟
شيري _ ايوة
أسامة _ وانا مش هقدر مكلمكش كل يوم واطمن عليكي
شيري بدموع _ براحتك، انا ماشيه
أسامة _ هتخليها تبعدك عنى بسهوله كده
شيري ببكاء _ انا اللي مش عايزة اعرفك تاني
أسامة بحزن مصتنع _ مش أول ولا أخر حد ميكملش معايا،.. روحي انا.مش هغصب عليكي ولا علي أي حد يفضل معايا بعد كده
قالي.كده وقبل ما ارد سابني ومشي، مبقتش عارفه اعمل إيه، أراضي أمنية ولا أروح وراه وأقوله مش عاوزة اسيبك ولا هقدر مكلمكش تانى
أسامة
هي قالت كده علشان اختها اجبرتها ومش بعيد تكون خلت أبوها او أمها يضربوها،. لكن الحقيقة ان هى تعبانه بسبب بعدها عنى، وانا مش هسكت غير لما هي تيجى لغيت عندى وتقولي مستبنيش، علشان ارجعها مكسوره،.....
على قد ما انا مضايق منها وناوي اكسرها الا أنى بجد خايف اعمل كده فيها، ومش عاوزها تبعد عنى،، علشان هي طيبه ومتستاهلش، بس بيتهيالي ان حركه زي دي هتشدها شويه، وتخليها تنشف وتبطل احساسها المرهف ده،.. دي مش ناقص غير انها تنومني على حجرها وتطبطب عليه لما تشوفني زعلان ، وكمان شخصيتها ملغيه قدام اختها،، واكيد لما اعمل اللى هعملوه هتضايق منها ومش بعيد تكرها وتخليها تبطل تتحكم فيها تانى
يارا
روحت الجامعة وانا مش عاوزه اتكلم مع حد ويأسانه من كل حآجه، وحاسه ان مستقبلي هيبوظ، وانا ماشيه ومش مركزه مع الطلبة ولا الطريق الا ولقيت سامر واقف قدامي
سامر _ ازيك
يارا _ انا مش قولت متوقفنيش تانى
سامر _ كنت عاوز اطمن عليكي مشوفتكش امبارح
يارا _ وتطمن ليه خليك في حالك
سامر _ يارا احنا زمايل ليه كل ما اكلمك تصديني كده
يارا بنرفزه _ عشان ترتاح انا هعاود بلدنا ومهنبقوش زمايل ولا جيران، ارتحت اكده
سامر _ يعني ايه تعاودي، طيب والكليه بتاعتك
يارا بدموع _ معرفش بقا اهو اللي حصل،
سامر _ فهميني لو سمحتي
يارا بدموع _ اللي حصل يا سامر، انا جد مش مصدقه اني هسيب الجامعه
سامر _ اوعي يكون لصور دخل بالموضوع ده
يارا باستحقار_ ده اللي همك، خايف تتأذي، بس متخافش انت بعيد عن الموضوع،، الحكاية ان مبقاش فيه شغل لابوي... بس تعرف الحسنه الوحيدة في اللي هيحصل ده اني مهشوفكش تاني
سامر _ لأ مش خايف علي نفسي طبعاً، انا يهمني انتي حرام تضيعي السنه بعد ما عديتي شهر واكتر
يارا _ ايووه دي نغمه جديده تكمل بيها لعبتك،
سامر _ انا مبلعبش يا يارا ،، انا يهمني امرك، ومش هخليكي ترجعي قبل ما تخلصي
يارا _ طيب يابوي، متشكرين، عن اذنك
انسان مستهتر، مبيضيعش فرصه يلعب بيها علي البنات،، فاكرني هصدقه لما يقولي يهمني امرك
سامر
علي قد ماهي فهماني غلط الا ان اللي حصل اداني فكره، وهي اني اجيبها هي وابوها عندنا في الفيلا، ولو قدرت اعمل كده يبقا ربنا بيحبني
روحت علي البيت علي طول ولقيت بابا وماما قاعدين ،
شاهين _ حمدالله علي السلامه
سامر _ الله يسلمك يا بوب، عامل ايه واحشني
شاهين _ وحشتك؟ تبقا عاوز فلوس
سامر _ معايا
نوال_ امال عاوز إيه
سامر _ هو انا مبقولكمش وحشتوني غير لما اعوذ حآجه ، لا زعلان منكم بجد
شاهين _ اللي ربا
سامر _ طيب ايه رايكم اني جاي وقاصد خير
نوال _ وهو ايه الخير ده ان شاءلله
سامر _ عم سالم كبر وحرام يشتغل لوحده، ليه منجبش ليه حد يساعده
شاهين _ وانت من امتي حنين كده
نوال _ ابني حبيبي حنين من يومه
سامر _ شوفت بقا
شاهين _ طيب ياخويا، نجبله حد يساعده مش هتكون احسن مني
سامر _ حيث كده بقا انا اعرف. راجل كويس ومحتاج شغل
نوال _ دا انت زعلان على الراجل ده مش علي سالم بقا
سامر _ بصراحه اه
شاهين _ تعرفه منين
سامر _ شغال في عماره ساكن فيها واحد صاحبي، وللأسف العماره دي وقعت
شاهين _ خلاص هاتو
نوال _ لوحده ولا معاه حد
سامر _ معاه بنت بس، وهتيجي معاه
نوال _ كويس، اهو تنفعنا في التنضيف
سامر _ لأ طبعاً من قلت الي بينضفو يعني
نوال _ امال هتيجي تعمل ايه
سامر _ تقعد مع ابوها
شاهين _ انت تعرف البنت دي
سامر _ لأ معرفهاش
نوال _ امال زعلان عليها ليه
سامر _ مش زعلان وانا ازعل ليه
شاهين _ خلاص لما يجو نشوف
نوال _ اوعااا يكون اللي فهمته صح، لو عينك من البنت دي متجبهاش احسن
سامر بزهق _ لا ياحبيبتي انا. معرفهاش ولا شوفتها قبل كده
نوال _ هنشوف
ماما ست بتحب المظاهر واكتر حآجه تكرها ان منظرها يبوظ قدام سيدات المجتمع بتوعها، واكيد لو حست اني بفكر في يارا هتزلها، انا عارفها كويس
بعد ما وافقو خدت العربية وروحت هناك قبل يارا ما ترجع من الجامعه، ولقيت ابوها قاعد قدام البيت
سامر _ السلام عليكم
محمود _ وعليكم السلام يافندي، اتفضل
سامر بإبتسامة _ متشكر، انا بس سمعت انك هتسيب هنا صح الكلام ده
محمود بأستغراب _ ايوه هو في حآجه
سامر _ كنت محتاجك عندنا لو مش هتمانع
محمود _ وانت مين قالك يافندي
سامر _ صاحبي ساكن هنا وهو قالي
محمود _ تلاقيك صاحب الاستاذ سمير
سامر _ صح سمير ده صاحبي الروح بالروح
محمود _ طيب اتفضل اطلعلوه
سامر _ مستعجل دلوقتى، المهم قولت ايه موافق ولا لأ
محمود _ ايوه بس اعرف هشتغل اية الاول
سامر _ هتشتغل بواب علي الفيلا بتاعتنا
محمود بأستغراب _ بواب ايه اللي علي فيلل يا فندي دلوقتي بقا فيه حراسات امن للحاجات دي
سامر _ فيه حضرتك، بس البواب حآجه أساسية عندنا.
محمود _ طيب يا أستاذ انا معايا بتي ومقدرش أجي من غيرها
سامر _ متقلقش هاتها وليها مكان تقعد فيه
محمود _ الله يباركلك يا استاذ،، اقدر اجي ميته طيب
سامر _ من النهارده لو تحب
محمود _ طيب اذا كان اكده انا هاجيلك بكره اشوف الشغل وبعدين اجيب بتي
سامر _ تمام ياعم... هو انت اسمك اية
محمود _ محمود
سامر _ ماشي ياعم محمود اتفضل ده العنوان تقدر تيجي بكره وتشوف الدنيا ماشيه ازاي
محمود _ شكرا يافندي، بس انت اسمك ايه
سامر بتردد _ اسمممي اسمي سامي شاهين
محمود _ ماشي يا استاذ سامي بكره هكون عنديكم
سامر _ ماشي ياحج مع السلامه
غيرت اسمي علشان اكيد هيقولها علي الاسم وهي لو عرفت مش هتيجي
عز
بعد ما اتخنقت من أمنية روحت البيت ودخلت الاوضه بتاعتي الخاصه بالنحت، الي مدخلتهاش بقالي شهور، وبقيت ابص للمكان الي اتملا غبار، وكل ما ايدي تيجي علي حآجه تتملي تراب، ف بدأت انضف وبعدين حسيت بالحنين لنحت وقررت أعمل حآجه جديدة، ف كلمت محل بيبع الادوات والحاجات المطلوبة، واستنيتهم يوصلو، وفي الاثناء دي كلمت عدي اسلم عليه
عدي بإبتسامة _ ازيك ياخالو
عز _ بخير حبيبي وانت عامل ايه
عدي _ كويس،
عز _ عامل ايه مع منير
عدي _ كويس اوي، مبقاش يتريق عليه
عز _ ايوه كده، طمنتني
عدي _ انت السبب من غيرك كان كمل تريقه،
عز بإبتسامة _ اي خدمه، لو حد ضايقك تانى كلمني انت بس
عدي بإبتسامة _ والله انت اجمل خال في الدنيا
عز _ ههههه وانت اجمل عدي
عدي _ هي أمنية عارف انك بتكلمني او تعرفني
عز _ من نحيتي مقولتلهاش
عدي _ ولا انا قولتلها، يجرا ايه لو عرفت صحيح
عز _ مش هيجرا حآجه، بس خليها شويه بلاش تعرف دلوقتي
عدي _ زي ماتحب
عز _ إلا قولي صحيح، هي مالها زعلانه
عدي _ زعلانه شويه مع شيري
عز _ اه... طيب ممكن اطلب منك طلب
عدي _ اه طبعا
عز _ لو في مره احتاجتو مساعدة او وقعتو في مشكله ممكن تكلمني
عدي بإبتسامة _ حاضر يا خالي
قفلت معاه وفتحت كاميرات الشركه من التليفون، ودخلت علي كاميرة مكتب السكرتريه، لقيتها حاطه رأسها علي المكتب ونايمه، بقيت ابص عليها شويه لغيت ما جرس الباب رن وروحت فتحت، لقيته الراجل اللي جايب ادوات النحت، خدتهم منه ورجعت الأوضه و وقفت شويه افكر اعمل أي شكل، وملقتش اي فكره جديده، ف مسكت التليفون علشان ابحث علي الإنترنت، ف عرفت اني لسه مشغل الكاميرا وأمنيه كانت صحيت واعتدلت علي الكرسي، ف جاتني الفكره اني اعملها تمثال نحت وفعلا بدأت اعمله وربنا يستر بقا،
منه
كالعاده روحت الجامعة من اول اليوم وخلصت محاضرات وبعدها روحت الكافيتريا، وطلبت ساندوتش ورجعت اقعد علي التربيزه، وبعد شويه لقيت معاذ جه وقعد جمبي
معاذ _ ازيييك
منه _ كويسه
معاذ _ بتعمممملي ايييه
منه _ باااكول
معاذ _ طيب اعزممممي
منه _ مااالك النهااارده، بتشد في الكلام لييييه
معاذ _ بفتحلك مجال للخناق، واخراج العقد بتوع النهارده
منه _ مليش نفس اطلع عقد النهارده خليها بكره
معاذ _ حلووو، اسأل انا بقا
منه _ اسأل
معاذ _ ايه بيقعدك طول اليوم طالما خلصتي
منه _ مفيش سبب
معاذ _ طيب واهلك مش بيسألوكي اتاخرتي ليه
منه _ بيسألو
معاذ _ بتقوليلهم ايه
منه _ بقرا مع صحبتي
معاذ _ مانتي كده بتكدبي
منه _ كدب مفيش منه ضرر
معاذ _ طيب ليه الكدب من الاساس
منه _ انت عامل إيه
معاذ _ عامل كويس، ها ليه بقا الكدب
منه _ مش بعتبره كدب
معاذ _ ملهاش مسمي تاني
منه _ ليها مسميات كتير... زي بخبي،،، او مش عاوزة اقول والاهم اني مش صغيره
معاذ _ غامضه انتي يامنه
منه _ ولا غامضه ولا حآجه انت اللي مركز بزياده
معاذ _ فعلاً انا مركز معاكي جداً ومن اول يوم شوفتك فيه
منه _ ليه بقا، ما في غيري كتير تركز معاهم
معاذ _ مبحبش الحاجات المفهومه دايما تلاقينا بنجذب لتعقيد
منه بإبتسامة _ يعني انا معقده
معاذ _ ايوة
منه _ مش اول حد يقول كده، بس عادي
معاذ _ عارفه،، انا بحس انك في دنيا تانيه لوحدك، وهموت وادخل الدنيا دي، ما تشاركيني اوعدك هدخل واطلع ومش هلمس حآجه ولا هعمل صوت
منه _ الدنيا مكركبه بقالي كتير منضفتهاش، ومينفعش تشوفها كده
معاذ _ ورغم كده، انا متأكد اني مش هضايق لو شوفتها،،، خليني اشوفها واوعدك هساعدك في الكركبه دي
منه بإبتسامة باهته _ اهو كلام بتقوله وانت مش فاهمه حآجه
معاذ _ مش كلام مستعد اثبتلك اني هساعدك تطلعي من اللي انتي فيه بس انتي افتحيلي قلبك
منه _ طيب انا غلطت مع واحد قبل كده
معاذ _ غلط من اي نوع
منه _ غلط كامل
معاذ _ منه اتكلمي جد
منه _ بكلمك جد ودي فيها هزار،، ها بقا مستعد تكمل ولا لأ
معاذ _ انا مش مصدقك علي فكره
منه _ لأ صدق،.. ها قررت إيه
معاذ بتنهيده _ من امتي الكلام ده
منه _ من ست سنين
معاذ _ منه انتي بتكدبي علشان تشوفيني هكمل ولا لأ.. صح
منه _ مبكدبش،
معاذ _ طيب انا ماشي وبعدين نتكلم
منه _ اتفضل
بيقولي هساعدك وهتقبلك ولما قولتله كده مقبلش علي نفسه ومشي، انا مغلطتش غلط كامل زي ما قولتله، بس حبيت اشوفه هيعمل ايه،، واللى عمله خلاني اعرف ان مفيش حد هيحبني لدرجة يتقبلني بالبلاوي اللي عملتها
معاذ
من تبع الأفكار اللي جت في دماغي من نحية منه انها تكون غلطت قبل كده لكن كان احتمال ضعيف بنسبالي، كنت دايما بقول لنفسي انت غلطان منه متعملهاش، لغيت ما صدمتني النهارده واكدتلي الفكره دي.. وانا رغم كده مكرهتهاش ولسه بحبها لكن كان لازم اكون لوحدي وافكر في اللي حصل.. وبردو مقدرتش ابعد كتير وبعد نص ساعة رجعت عشان اقولها إني مليش دعوة باللي عدا، عشان متفتكرش اني اتخليت عنها من اولها،، بس للأسف ملحقتهاش وكانت مشيت
