رواية حكايات بنات الفصل الحادي عشر والثاني عشر والثالث عشر والرابع عشر والخامس عشر كامله
 |
حكايات بنات p11
يارا
روحت البيت لقيت ابويا داخل عليه وهو شكله مبسوط
محمود _ مش هنعاودو البلد
يارا _ كيه ياباي، ايه حصل
محمود _ تقريبا اكده لقيت شغل
يارا بفرحه _ صح ياباي
محمود _ ايوه يابتي وبكره هروح اشوفه
يارا _ هو ايه الشغل ده
محمود _ بواب بردو بس علي فيلا، لو شوفتي الافندي اللي جالي وعرض عليه الشغل كنتي حسيتي بأن الايام الجايه كلها خير
يارا _ ليه يا باي هو شكله عامل كيه
محمود _ تحسيه اكده غني
يارا _ المهم يكونو ناس بيتقو ربنا مالنا بغناهم احنه
محمود _ ان شاءلله هيكونو زنين متقلقيش
فرحت قوووي بالخبر ده، ونومت انا ومرتاحه، وجه اليوم التاني، وروحت الجامعه، قبل معادي بوقت.. ومعرفش ليه بقيت ادور على سامر بعيني ومستنيه اشوفه،... ضايقني الاحساس ده، بس انا اتعودت اني اشوفه كل يوم ويرازي في اللي خلفوني، النهارده عاد مشفتهوش خالص
منه _ ياصباح الخير على الناس اللي جايه بدري
يارا بإبتسامه _ يا صباح الجمال على ام عيون زرقه والله اتوحشتك
يارا بإبتسامه _ وانتي كمان، وشيري وأمنيه وحشوني هما فين
يارا _ وانا كمان والله بقالي يومين مقعدتش مع شيري ولا شوفت أمنية
منه _ طيب دقيقه اتصل بأمنيه يمكن تقدر تيجي ونتجمع شويه قبل معاد المحاضرات
يارا _ ياريت
شيري _ متتصلوش انا جيت وأمنيه راحت الشغل
منه _ هي البت دي مش خايفه علي مستقبلها
شيري _ لأ أهم حآجه انها تشتغل وخلاص
منه _ طيب انا هتصل بيها واشوف حكايتها، عن اذنكم خمسه
شيري _ اتفضلي
يارا _ اخبارك ايه اتوحشتك في اليومين دول
شيري _ وانتي كمان حبيبتي، اخبارك ايه
يارا _ انا زينه قوي، وانتي
شيري بخنقه _ كنت بتمنا الاقيكي علشان اتكلم معاكي
يارا باهتمام _ دا بينه موضوع كبير
شيري بدموع _ يمكن تشوفيه موضوع هايف بس انا بجد تعبانه يا يارا
يارا بقلق _ وه ايه الحكاية اتكلمي قلقتيني
بدأت تتكلم وتقولي اللي حصل مع أمنية والي قالو أسامة، وشكلها صح تعبانه قوي بسبب اللي حصل وبسبب احساسها تجاه اسامه اللي انا متأكده انه بيضحك عليها،، وقتها مجاش علي بالى غير سؤال واحد
يارا_ هو أسامة ده.ميعرفش انك يتيمه زيك زيه وضعيفه عشان احساسك باليتم ولا أيه
شيري بدموع_ ميعرفش انا مقولتلهوش
يارا _ ومقولتيش ليه
شيري_ مش عاوزة أحس بالعطف ولا عاوزة أحس انه بيكلمني تعطف عليه
يارا _ ايوه بس هو بيخدعك صدقيني، هو عاوز يخلص منك غلطك في امه قبل اكده،، روحي قوليلوه انك زيك زيه وشوفي هيتصرف معاكي كيه بعد اكده
شيري بدموع_ لأ انتي فاهمة غلط، اسامه بيحبني
يارا_ بيحبك؟... وهو اللى قالك اكده
شيري _ مقالش بس انا فهمت
يارا _ ياعيني على الجمال والحلاوه والفكاكه اللي امعتفط من بين عينيكي، وحسيتي كيه عاد، قريتيها في عينيه ولا حسيتيها من نبرة صوته الملتهبه بالعشق،،، انتي عاوزة تجلطيني يا شيري
شيري _ اه حسيتها وقريتها في عينيه، ومش موهومه أبداً
يارا _ لأ موهومه ومفهماش حآجه في دينيتك ولازم توعي لنفسك
شيري _ هو ده ردك علي كلامي، متشكره ياستي
يارا _ انا خايفه عليكي مبقولكش اكده علشان اضايقك، وأمنيه معاها حق تخاصمك وتزعل منك
شيري بدموع _ تزعل منى وتخاصمني وانا ابطل اكلم أسامة، وابقا لوحدي بسيطة،.. انا مزوداها.... انا رايحه محضراتي عن اذنك
شيري
محدش فاهمني وكلهم رأيهم ان أسامه وحش وبيخدعني،،،، لكن هو ولا مره قالي كلمه بعيد عن حدود الصداقه، يبقا بيخدعني ازاي...
كنت موجوعه بسبب اني خليته يمشي وهو زعلان وقلبت عليه المواجع، وروحت ل يارا علشان تريحني بس بالعكس هي جت عليه كمان، .. سبتها ومشيت، وفي طريقي لمدرجات شوفت اسامه داخل الجامعه ومحاولش يبصلي حتى، وانا قاومت رغبتي في الكلام معاه وروحت المحاضره، وطول ما انا هناك مركزتش في كلمة واحده من اللي بيقولو الدكتور
أسامة
روحت الجامعه وقصدت اوريلها نفسي علشان تيجي تكلمني بس معبرتنيش ودخلت المحاضره وبعد وقت طلعت وروحت،، ومحاولتش تيجي تكلمني، ف كان لازم الاقي اي طريقة تخليها تكلمني، ومفيش طريقة احسن من انها تعرف اني عيان، ف عملت تمثليه بايخه لكن مشي حالها واتصدقت، وهي اني بقيت اتوجع واصرخ والناس اتلمو عليه بما فيهم يارا كانت واقفه وبتتفرج، واتنين شباب ساعدوني وروحوني بعد ما الجامعه كلها شهدت اني كنت بموت. وجه تانى يوم وتالت يوم وانا قاعد في البيت، ومع الساعة اتنين الضهر رقم غريب رن عليه، ورديت وبقيت اقول الو محدش بيرد، لكن قدرت اسمع صوت نفس وشهقات خفيفه ف عرفت انها هي بس معرفش جابت رقمي منين
أسامة _ شيري.... عرفتك على فكرة... الوو
شيري بدموع _ ايوه انا... قالولي انك تعبت اول امبارح
أسامة _ فعلاً بس أنا دلوقتي بقيت احسن
شيري بدموع _ ومجتش الجامعة ليه طالما بقيت احسن
أسامة _ مش هروح تاني
شيري _ ليه
أسامة _ اروح اعمل ايه،
شيري _ علشان مستقبلك
أسامة _ انا ميهمنيش مستقبلي قد ما يهمني ان صحابي بيتغيرو عليه، انا بروح الجامعه علشانكم مش عشان اتعلم
شيري بدموع _ طيب ولو قولتلك تيجي علشاني انا
أسامة _ وبعد ما اجي عشانك، انتي بردو هتتجاهليني عشان متزعليش اختك،
شيري بدموع _ انا بحب أمنية اوي وبحبك انت كمان بس هي اختي مقدرش ازعلها
أسامة _ قولتيلي بتحبيني
شيري _ صحاب يعني
أسامة _ طمنتيني
شيري _ قلقتك الكلمة
أسامة _ طبعا، اذا كان الصداقه مرفوضه امال هيحصل ايه لو في حب
شيري بتردد _ بيتهيالي لو في حب هيكون في علاقه رسمية ف مش هيكون في مشاكل... لكن المشكله دلوقتي ان مفيش حب
أسامة بإبتسامة _ يعني أمنية واهلك بيفضلو دخول البيت من بابه
شيري _ ايوه
أسامة _ طيب ياريت، ، اصلا انا بقالي كتير عاوز اقولك حآجه مهمة بس كنت خايف أمنية تزعل وحاسسها مش هتوافق
شيري _ مش فاهمة قصدك
أسامة _ بكرة هقابلك وافهمك، انتي اول واحده لازم اقولها حتي قبل ما اطلب من أمنية واهلك
شيري بإبتسامة _ ماشي هستناك بكره
أسامة _ ماشي صديقتي الجميلة، هتوحشيني من هنا لبكره
شيري بإبتسامة _ وانت كمان
الموضوع جه بسرعه من غير تعب كتير، وخلاص مش باقي غير بكره وكل حآجه تنتهي،... امتي يجي بكره بقا
أمنية
عز الدين بقالو يومين بيعاملني بجدية زياده حتى مبقاش يقولي روحي محضراتك... وانا عرفت اني.كنت فهماه غلط وانه مش وحش زي ما انا بيتهيألي، مع حيرتي من نحيته علشان لطفه الزيادة معايا من غير سبب.
بعد تفكير قررت اعتذرله وفعلا روحت وخبطت عليه وقالي ادخلي ودخلت
عز بجدية _ ايوه
أمنية _ أنا اسفة
عز _ اسفة على ايه
أمنية _ على طريقتي البايخه معاك في الكلام
عز _ اقعدي يا أمنية
أمنية تقعد _ متشكره
عز _ تشربي كابتشينو
أمنية _ مش عايزة اعطلك
عز _ مفيش عطله
أمنية _ ماشي اشرب
جاب الكابتشينو وقعد قدامي
عز _ اتفضلي
أمنية _ متشكره
عز _ افهم من اعتذارك انك مبقتيش فهماني غلط
أمنية _ أنا مش فاهماك خالص، بس قدرت افهم ان نيتك مش وحشة نحيتي
عز _ وايه اللى مش فهماه
أمنية _ مش فاهمه سبب مساعدتك ليه
عز _ وانتي زعلانه من مساعدتي ليكي
أمنية _ لأ بس مش فاهمه ايه السبب، انتي مكنتش تعرفني عشان تهتم بيه كده.. دا حتي اللي اشتغلت معاهم قبل كده وحاولو يجرو معايا ناعم معملوش حآجه من اللي انت بتعملها
عز _ لأنك تستاهلي، وانا مش بعمل المستحيل، وكله بمقابل، انتي بتشتغلي وتاخدي مرتبك حتي محضراتك اتفقنا اني هعملك خصم على الساعات اللى بتغيبيها
أمنية _ جايز... على العموم انا متشكره
عز _ العفو
أمنية _ طيب استأذن حضرتك
عز _ اتفضلي
اجاباته مكنتش مريحه بنسبالي ولا كانت اجابات منطقيه، ولا اقنعتني، بس مش مشكلة هو اكل وبحلقه، خليه كده ومش مهم افهم،، المهم اني ارتاح من البهدله اللى كنت بشوفها بره
عز
كان صعب عليه اقولها احساسي نحيتها،.. اصلا انا بتكسف من نفسي بسبب احساسي ده،،،، انا قعدت تسع سنين مبصتش لواحده بعد سميره، وفجأه هي تيجي تخليني مشغول بيها طول الوقت، دا اسمه مراهقه متأخّرة، مش قادر اصدق ان ده حب.. واحب مين، بنت اصغر منى ب 13 سنه ومتجوزتش قبل كده كمان،، دي انانية مني لو حاولت اقولها او اتجوزها.. لأ خليني كده احسن، هي السكرتيره وانا المدير،،، الا لو حصلت معجزه وهي حبتني
منه
بقيت اروح الجامعه ومبتعاملش مع حد والنهارده معاذ جه المكتبة وانا اداريت منه رغم انه هو من نفسه مش هيحاول يكلمني... ده اللي انا كنت فهماه لغيت ما جيت امشى ولقيته طالع من الجامعه ورايا وبينده عليه
منه بجديه _ نعم يا دكتور
معاذ _ اسمي معاذ يا منه
منه _ مستغنيه عن. كرمك وسماحك ليه بذكر اسمك. من غير القاب
معاذ _ انتي فهمتي اني بعد ما سمعت كلامك اني مبقتش عاوز أكمل صح ؟
منه _ مبقاش يهمني تكمل ولا لأ ولا عمري جريت وراك وقولتلك ونبي حبني وكمل معايا
معاذ _ يا منه انا مشيت عشان الكلام كان تقيل عليه وكنت عاوز اهدا وبعدها بدقايق رجعت ملقتكش
منه _ طالما. كنت محتاج تهدا يبقا قلقت ومعجبكش الكلام
معاذ _ وانتى عاوزني ابتسملك. واقولك معلش حصل خير بس متكررهاش، انتي بتقولي غلطتي مع واحد مش بتقولي كسرتي كبايه
منه _ طيب وانت دلوقتي راي حضرتك ايه بعد ما عرفت اني غلطت غلط زي ده
معاذ _ اي حد هيسمعني بقول الكلام ده.. هيقول عليه كلام وحش، بس انا ميهمنيش اللي حصل قبل كده ولا يهمني حد كفاية عندي انك تكوني معايا، وافتكر انك كنتي منعزله عن الناس بسبب ندمك. على اللى حصل ولا أيه
منه بدموع _ بسبب تعبي وعدم ثقتي في نفسي،، بقيت خايفه أقرب من حد تاني
معاذ _ حقك طبعا وانا مش هعاتبك علي الماضي، المهم دلوقتي انا عاوز اتقدملك وبعدين نتكلم في كل حآجه
منه _ حتي بعد ما عرفت اني مش بنت
معاذ _ ايوه
منه _ الموضوع مش كده وبس في كوارث تانيه انت متعرفهاش
معاذ _ كوارث اكتر من انك مش بنت،، ايه انضميتي لتنظيم القعـ.ده
منه _ مش بظبط لكن اني مش بنت محدش يعرفها غيري انا وانت والي غلط معايا انما الباقي ممكن الكل يعرفه
معاذ بخنقه _ ممكن متقوليش غلط معايا دي تاني،، الموضوع كله يضايق بس كلمة غلط معايا دي رزله
منه _ امال هتعمل ايه لما يبصلك ويقول في نفسه جوز اللي غلطت معاها اهو
معاذ بنرفزه_ خلاص يامنه مضيقينيش
منه _ انا بقولك اللي هيحصل علشان متجيش تزعل بعدين
معاذ بخنقه _ طيب قولي ايه الكوارث التانيه
منه _ معاه صور ومحادثات حرجه
معاذ _ ايوة يعنى كنتو بتتكلمو في الأعراض مثلا
منه _ ايوة والصور بلبس داخلي مكشوف جداً
معاذ بغيظ _ طيب معندكيش فيديو ليكم انتو وبتغلطو تحدفيه في وشي بالمره
منه _ مش عارفه يمكن صورنا ومخدتش بالي
معاذ بغيظ _ منه انا بدأ يطلعلي قرون بسببك
منه _ اخدعك يعني
معاذ بخنقه _ ايوة اخدعيني، انا مش مستوعب اللي بتقوليه وحاسس انك بتكدبي
منه _ وهشوه صورتي ليه بالكدب
معاذ بخيبه_ طيب واللي حصل ده كان برضاكي ولا غصب عنك
منه _ برضايا انا كنت بحبه بس هو طلع متراهن عليه
معاذ بقهر _ طيب وانتي دلوقتي ندمانه ولا بعيدة عن الناس علشان مفيش ثقه وخايفه حد يعرف
منه _ كلهم
معاذ _ طيب وبعد ما هببتي اللي هببتيه رجعتي تكلميه
منه _ لأ علشان دخلت في غيبوبه مفوقتش منها غير بعد سنه، وبعدين عرفت انه سافر
معاذ _ يعني لو مدخلتيش في غيبوبه كنتي رجعتي تتعاملي معاه تاني
منه _ فاهمه عاوز توصل لأيه... انا هريحك
معاذ _ ياريت تقدري
منه _ اللي حصل ده حصل وانا 18 سنه مكنتش فاهمه ، وهو قربلي وبعد فتره حصل اللي حصل واكتشفت بعدها انه متراهن عليه، ف كنت ماشية منهاره وخبطتني عربية، وبعد ما فوقت وافتكرت اللي حصل بعدت عن كل الناس، وعمري ما فكرت اغلط كده تاني،، حتي هو رجع وقالي انه عاوز يتجوزني بس انا بكرهو ومستحيل اتجوزه
معاذ بخيبه _ منه انا بجد حبيتك ومكنتش بفكر العب بيكي نهائي بس كلامك ده برجلي دماغي، ارجوكي متفهميش صدمتي اني كرهتك او نزلتي من نظري، لكن بجد نفسي دلوقتي ارزعك قلم علي وشك
منه بدموع _ ماشي انا موافقه
معاذ _ موافقه علي إيه
منه ببكاء _ تضربني، انا بجد عاوزة اضرب
معاذ بقهر _ بتتكلمي جد
منه ببكاء _ ايوة يلا اضربني
معاذ يرفع ايده ويضربها بالقلم بغيظ
منه بألم _ ااه ايدك تقيله
معاذ بقهر _ اسكوتي، ويلا امشي ولو لقيتيني متجاهلك وبكرهك متخديش تصرفي انه رفض ليكي، انا بس عاوز فتره اهدا فيها
منه ببكاء _ انت مجنون على فكره
معاذ _ وانتي طلعتي مش سهله، وساهيه و وراكي داهيه
منه _ ماشي يلا امشي وانا هروح
معاذ بخنقه _ هاتى رقمك
منه _ ليه
معاذ بغيظ_ هاتى الرقم
منه _ طيب هات اكتبهولك
اللي حصل زمان مش سهل بس مكنش بالصورة اللي وصلتله، والمحادثات مكنتش ساخنه اوي مجرد كلام في الحب وبس، والصور كمان مكنتش صعبة لدرجة اللي فهمها.بس انا زودتها عشان اشوف صدق كلامه وممكن يتمسك بيه مهما حصل ولا لأ،،،
يارا
جهزنا حاجتنا وروحنا الفيلا اللي هنشتغل فيها، وكانت فيلا فخمه جداً وفيها جنينه وحمام سباحه وعربيات، وفيها نوال هانم وليه صابغه شعرها اصفر وحلقاه لغيت رقبتها ولبسها زي لبس الهوانم اللي في المسلسلات، وريحة البرفان بتاعها بتوج وج في المكان... اول ما دخلت بقت تبصلي بصات غريبه مريحتنيش
نوال _ ازيك يا شاطره
يارا _ زينه يا مدام
نوال _ انتي عندك. كام سنة
يارا _ 22 سنه
نوال _ اشتغلتي في بيوت قبل كده
يارا _ الحقيقه انا جايه مصر ادرس مش اشتغل بس مستعده اشتغل بعد الكليه
نوال _ وبتدرسي ايه بقا
يارا _ في كلية اداب
نوال _ اه بس انتي هتدرسي ولا هتشتغلي عشان افهم
يارا _ الاتنين
نوال _ اه،،، طيب هسيبك تحضري محضراتك وترجعي تساعدي سنيه في المطبخ والتنضيف،
يارا _ ماشي يا مدام. متشكره
نوال _ سنييييه
سنيه _ نعم نوال هانم
نوال _ يارا من النهارده هتشتغل معاكي وهتبات في اوضتك اوكي
سنيه _ ماشي يا هانم
نوال _ يلا خديها وريها المكان وفهميها هتشتغل ايه و المكان اللي هتبات فيه
روحت مع سنيه و ورتني المطبخ وكان مطبخ كبير وفخم اكده زي اللي بنشوفه في المسلسلات التركي، وبعدين خدتني في الاوضه اللي هنبيتو فيها، ودي كمان. كانت اوضه حلوه قوي وفيها سريرين مش سرير واحد.. من الواضح انهم بيهتمو بشغالين كمان.. وسنيه ست طيبه قوي فيها حنان الأم
سنيه بإبتسامة _ دي اوضتنا انا وانتي
يارا بإبتسامه _ حلوه قوي
سنيه _ دي بقا. متجيش حآجه في اوض البهوات اللي هنا
يارا _ بهوات مين هما مخلفين
سنيه _ معاهم ولد واحد عنده 26 سنه يعني راجل، نخلي بالنا ها
يارا _ يامري وعايش اهنه على اكده
سنيه _ ايوه طبعاً امال هيعيش فين
يارا _ ايوه علي رأيك،، ربنا يسترها عاد
سنيه بإبتسامة _ هيسترها طول مانتي هاديه ولطيفه
يارا _ يارب ياخاله سنيه لحسن انا معرفش الناس دي بتتعامل كيه مع الشغالين
سنيه_ هما بيحبو النظام والنضافه والأمانه، ولو مشيتي على نظامهم يبقا حياتك الجايه. هتكون زي الفل، انما بقا عكيتي انا. معرفكش ههههه
يارا _ ربنا يستر عاد انا جايه اتعلم واروح بكرامتي، مش ناقصه بهدله
سنيه _ مفيش داعي تقلقي كده، انا معاكي وهفهمك الصح والغلط هنا
يارا بإبتسامة _ تصدقي اني حبيتك من اول ما شوفتك
سنيه بإبتسامة _ وانا كمان حبيتك وارتحتلك، وانا طبيعتي بحس بمعدن الناس من اول بصه وانتي معدنك طيب
يارا بإبتسامه _ متشكره قوي... انتي مخلفه
سنيه _ لا حبيبتي ربنا مأردش واطلقت وعايشه هنا من تلاتين سنه
يارا_ وه، انتي عندك كام سنه علي اكده
سنيه بضحك _ 54
يارا _ ربنا يبارك في عمرك ياخالتي
سنيه_ تسلمي يا حبيبتي،، يلا فضي شنطتك وغيري هدومك علشان اعرفك النظام هنا
سامر
قررت ابات عند أسامة يومين، يكون يارا اطمنت في البيت ومتتخانقش معايا قدام نوااال هانم
أسامة _ ايوه ياعم جبتها بيتكم علشان تستفرض بيها
سامر _ استفرض بمين انت عبيط يلا
أسامة _ امال جايبها ليه، تعطف منك
سامر _ لأ مش تعطف بس مش عاوز استفرض بيها زي ما بتقول.. اسكوت قفلتني
أسامة _ هو انت حبيتها ولا أية
سامر _ ايوه ، حبيتها وعاوز اتجوزها بس المشكلة في اهلي مستحيل يوافقو
أسامة _ وانت محتاج رأي اهلك في ايه، مانت راجل وتجوز نفسك
سامر _ واصرف عليها منين، انا لسه باخد مصروفي من بابا
أسامة _ طالما عارف كده بتتنيل وتحب ليه مقضتهاش لعب وتسليه ليه
سامر _ اكيد مكنش قصدي احبها، مانت عارف ان السكه دى مش. سكتي
أسامة _ إيه اللي خلاك تحبها دي حتي بتعاملك زفت
سامر _ كلها علي بعضها تتحب
أسامة بشرود _ تصدق انا نفسي اجرب الحب ده، نفسي اعرف اي السر اللي فيه يخلي الناس تتعذب علشانه،.. بحسهُ تفاهه بس لما انت حبيت، الموضوع بدأ يخليني احس ان في حآجه بتتحس انا محستهاش
سامر بإبتسامة _ انا معرفش غير اني بحاول اتغير علشانها، وطبعا فيه عذاب بس عذاب حلو
سامر _ هو فيه عذاب حلو وعذاب مر
سامر _ ايوه، العذاب الحلو انه يوحشك لدرجة عاوز تضمه بين ايديك تكسر عضمه بس متقدرش
أسامة _ ههههه اااه يابن المهوسه
عز من الخلف _ تسمحولي انضملكم واشارك برأيي المتواضع
أسامة _ الحق ده بيتسنط
سامر _ اسكوت انت،،، ياريت يا عز عاوز اسمع رأيك
عز _ الواد ده هيفضل طول عمره. معندوش قلب ولا هيفهم اللي هنقوله سيبك منه
أسامة _ طيب احكي خلينا نسمع رأيك مانت حبيب قديم
عز _ بتتريق ماشي، مسيري في يوم اتريق عليك وانت جوه اوضتك بتبكي عشان سابتك
أسامة بضحك _ ههههه عيب تقول كده ، دا انا اسامه اؤس اؤس
سامر _ سيبك منه وقول رايك
عز _ لا قفلني، لكن هقولك حآجه يا اوس اوس، انت مش هتجرب الاحساس ده غير لما تحس باللي حوليك، وتفهم ان عندهم قلب ينجرح ويزعل وتحس بالندم، لكن طول مانت بتفكر كده وعايش حياتك توقع في البنات وميأسرش فيك كسرة قلوبهم اعرف انك عمرك ما هتحب
أسامة بشرود _ طيب ولو خوفت أذي مشاعر واحده او واحد، ده معناه إيه
عز _ ده معناه انك بدأت يكون عندك احساس
سامر _ وانت خايف تأذي مشاعر حد ولا أيه
أسامة._ انا بجاريكم بس امال اسيبكم تقولو عليه مبفهمش ههههه
عز _ يا برودك.. كملو انا رايح اوضتي.... وبيمشي
سامر _ خايف تأذي مشاعر مين بقا
أسامة_ مفيش حد
سامر _ ياااا أسامة عليه انا بردو طيب اقطع دراعي لو ماكنت تقصد شيري
أسامة_ هو انا أهبل زيك هنسا الرهان، لا طبعا مش هي
سامر _ هي يا أسامة،، طيب وليه ياصاحبي،طالما خايف تأذيها مكمل ليه
أسامة بتنهيده_ انا مش خايف عليها ولو بجد خايف مكنتش كملت...
سامر _ لو على الرهان انا.متنازل عنه وانت خلاص نجحت علشان خاطري بلاش تكمل
أسامة بقهر _ البنت دي عاوزة حآجه تنشفها ومفيش حآجه هتعمل كده غير ان قلبها يتوجع، تصور مكملتش أسبوعين معاها وهي نفسيتها تعبت علشان بعدت عنها يومين، افرض حد غيري حاول معاها،.. هتوافق بسرعه علشان محتاجه احتواء وكلام فاضي
سامر _ طيب ما تحتويها انت وبلاش تدي الفرصة لحد غيرك يعمل كده
أسامة _ لأ أنا مليش فى السكة دي انت عارف ثقتي في البنات زيرو، وحتي هي علي قد ماهي صعبانه عليه بس اسبتتلي انها سهلة ومش صعب.حد غيري يوصلها
حكايات بنات p12
شيري
الليله دي منمتش دقيقة واحدة وانا مستنيه الصبح يطلع علشان أقابله واسمع اللي هيقول، مع اني فهمت من كلامه معايا امبارح انه عاوز يتقدملي،، دلوقتي اقدر اكلمه بصفة رسميه من غير ما اخاف ولا حد يقولي بيخدعك،،
طلع الصبح ولبست اجمل حآجه عندي وحطيت مكياج خفيف جداً حسيت نفسي عروسة يوم فرحها مش رايحة الجامعة ... استنيت أمنية وعدي يمشو وانا مشيت بعدهم،، وكان النهاردة مفيش محاضرات وقعدت في الكافتيريا استناه وبعد وقت طووويل بيجي، وانا بقيت مكسوفه ابصله وضربات قلبي زادت وحسيت قلبي هيطلع من بين ضلوعي لما شوفته
أسامة بإبتسامة _ وحشتيني اوي
شيري بخجل _ اتأخرت ليه
أسامة يطلع علبة خاتم _ كنت بجيب ده
شيري بإبتسامة _ ايه ده
أسامة _ ده خاتم، شوفي
شيري بذهول _ حلو اووي
أسامة ينظر لوجها بتركيز _ عيونك الحلوة
شيري بارتباك _ شكرآ
أسامة_ حاسك عاوزة تقولي حآجه
شيري _ مفيش
أسامة _ فيه، قولي انا سامعك
شيري بارتباك _ مفيش بجد
أسامة _ مش هسيبك غير لما تقولي،،، ها يلا مستني
شيري بارتباك _ انا.....
أسامة _ ها
شيري _ أنا بحبك
أسامة بإبتسامة _ وانا كمان صديقتي الجميلة وعلشان نكون مع بعض دايما ومحدش يقولنا لأ متتكلموش، انا جاي دلوقتي علشان اقولك اني عاوزة اخطب أمنية وياريت توافق لأني اتعميت وحبيتها
شيري _ أمنية
أسامة _ ايوه .. اوعى تقولي هترفض
شيري بدموع _ معرفش أسألها
أسامة _ بتبكي ليه تانى
شيري بصوت متحشرج _ من الفرحة،
أسامة بإبتسامة _ عقبالك،.. وانا بأيدي هسلمك لعريسك، واقوله خلي بالك منها انت واخد اجمل حآجه في حياتي
شيري بدموع _ شكرا،، طيب انا لازم امشي
أسامة _ خليكي معايا شويه لسه عاوز اقولك حبيت اختك من امتي
شيري بدموع _ كان نفسي اسمع بس انا اتأخرت اوي
أسامة _ طيب، بس. كنت عاوز اقولك انك شكلك حلو اوى النهارده
شيري بدموع _ شكرا
مشيت وانا قلبي مكسور والكلام واقف في حنجرتي، حتى العياط بيطلع بصعوبه، وبعد ما بعدت عنه لقيت يارا قدامي
يارا بقلق _ شيري مالك
شيري بدموع _ مفيش
يارا تمسك ايدها بقلق _ فهميني مالك
شيري ببكاء _ سيبني يا يارا عاوزة اروح
أسامة
طول الطريق وانا متردد وبسأل نفسي اكمل ولا لأ، بس العِند عندي اسلوب حياه وقررت أكمل ومطاوعش نفسي
و وصلت هناك، لقيتها مظبطه نفسها وشكلها حلو اوي،.. وقفت جمبها وقولتلها اني عاوز أمنية،، وانا مركز علي تعبير وشها وهي بتتحول من الخجل للكسره... شكلها ، عذبني واتمنيت اني مكنتش قولت، او أغير كلامي واقولها اني كنت بكدب عليها، ..وهي بقت تطلع الكلام بالعافيه ، وبعدين مشيت من الجامعة كلها حتي مقعدتش مع يارا زي عادتها، وانا كمان رجعت البيت ودخلت الاوضه بتاعتي وحاولت انسا اللي حصل بس شكلها مكنش مفارق خيالي.. اتصلت ب سامر وطلبت منه يجيني بسرعه، مكنتش طايق نفسي بجد وعاوز اصلح اللي عملته ومش عارف ازاي.
سامر بقلق _ قلقتني في أية
أسامة بخنقه _ عملت اللي قولتلك عليه، وهي زعلت ونفسها اتكسرت اوي
سامر _ عملت ايه مش فاهم
أسامة _ قولتلها عاوز امنيه، وهي كانت جايه علي اساس اني هطلب ايدها هي واعترفلها إني حبيتها
سامر _ وانت زعلان ليه دلوقتي مش هو ده اللي كنت عاوزة
أسامة بخنقه _ ايوة
سامر _ طيب هي كده مش هتصدق حد تاني،.. ربع ساعه هروح اجبلك فلوس الرهان واجي وروح اتبسط شويه وفرفش
أسامة بغيظ _ مش عاوز فلوس اطلع بره
سامر _ انا قولتلك من امبارح بلاش انت قعدت تقولي اكسرها واجبسها، زعلان ليه دلوقتي
أسامة _ عشان زعلتها بشكل ده
سامر _ طيب روح صالحها
أسامة _ لأ، خليها تصالح نفسها بنفسها
سامر _ انا مبقتش فاهمك
أسامة _ ولا أنا، يلا شوف وراك ايه
سامر _ طيب ممكن تروق
أسامة بزهق _ ماشي يلا سيبني لوحدي
أمنية
كنت قاعده في المكتب وبفكر في حالي، وتعبي واحساسي بتعب من المسؤليه،.. بجد نفسي اضعف كرهت اني اكون قويه، نفسي اتسند علي حد مبقاش انا دايما السند،، نفسي اعيش دور الست تعبت من دور الراجل.. بقيت افكر بشكل ده ودموعي غلبتني ونزلت وبقيت ابكي من غير صوت خوف ان عز يسمعني من جوه.. لغيت ما قاطع بكائي وكلمني من المكتب وطلب اني اروحله ف مسحت دموعي وروحت
أمنية _ افندم
عز _ تعالي اقعدي
أمنية _ حاضر
عز _ ايه الاخبار
أمنية _ الحمدلله
عز _ مالك
أمنية _ مفيش
عز يمسك منديل ويدهولها _ دموعك لسه منشفتش
أمنية بدموع _ عيني اطرفت بس
عز يقوم ويقعد قدامها _ انتي كنتي بتبكي.. احكيلي
أمنية بدموع _ مش عاوز اضايقك،.. انا اسفة
عز _ مش هضايق، بس اتكلمي وانا مستعد اسمعك لصبح
أمنية بدموع _ اختصار لكل الكلام، اني تعبت
عز _ متختصريش قولي ايه اللي تاعبك
أمنية بدموع _ تعبت اكون قويه ومن إني اكون راجل، نفسي اعيش ضعفي يوم واحد تعبت من تحمل المسؤليه ومن كل حآجه
عز يمسح دموعها بأيده بحب _ تقدري النهارده ترتاحي
أمنية _ ازاي
عز _ دقيقة واحدة
بيقوم من مكانه ويتصل ب حازم ويطلب منه يدي اجازه لكل الموظفين النهارده
أمنية _ انت عملت إيه
عز يروح عندها _ الشركة فضيت اعملي اللي انتي عاوزاه وانا كمان همشي، وانتي كسري المكتب لو هترتاحي
أمنية باستغراب _ أكسر المكتب
عز _ عاوزك ترتاحي، ومفيش حآجه في دماغي اعملها غير اني اسيبك علي راحتك
أمنية _ عملت كده علشان ارتاح
عز _ لو عندك طريقه تانيه تريحك قوليلي عليها
أمنية تنظر له لبعض الوقت بدون كلام
عز _ متفكريش كتير، انا نفسي مش عارف بعمل كده لية
أمنية _ نجيب مين يعرفنا احنا الاتنين
عز بإبتسامة _ مفيش حد هيعرف
أمنية _ اكيد هيجي وقت ونعرف
عز _ مهما كان السبب المهم انك تكون مرتاحه
أمنية _ بعد اللي عملته مينفعش مكونش مرتاحه، متشكره علي كل حآجه
عز _ انا اللي متشكر
أمنية _ علي أيه
عز _ مش عارف بس حاسس إني لازم اشكرك
أمنية بإبتسامة _ العفو
عز _ طيب أمشى أنا؟
أمنية _ لأ تمشي ليه
عز _ عشان تكوني براحتك
أمنية _ أنا بقيت كويسة،
عز بإبتسامه _ كويس اوي
أمنية _ ممكن اشرب كابتشينو من المكنه دي
عز بإبتسامة_ ممكن،
أمنية _ هجبلك.معايا
عز _ ماشي
اول مره اشوف حد كده، من كتر ماهو مثالي انا مش.مستوعبه ولا مصدقه انه حقيقي، معقول يوقف الشغل من اول اليوم ويفضيلي الشركه مخصوص عشان ارتاح، ولا لما مسحلي دموعي بأيده، لو مش.خايف اكون ببص لفوق واعشم نفسي كنت قولت انه بيحبني...
مش هبقا مزوداها لو قولت ان النهارده اجمل يوم عدا عليه في.حياتي كلها، اول مره احس بأن في حد ممكن يعمل حآجه علشان ارتاح
عز
كنت بشوفها علي الكاميرا ولقيتها بتبكي وتحاول تكتم صوتها، خوف لا حد يسمعها، ف ندهت عليها واتكلمنا،، اول مره تبكي قدامي، استسلمت لضعفها وكشفت حزنها قدامي، كنت عاوز امسك ايديها أو احضنها علشان اطمنها بس خوفت من ردت فعلها واكتفيت بمسح دموعها ومشيت الموظفين عشان تكون على راحتها برغم انها حركه غبيه بس حسيتها نفعت معاها. وبعدين شربنا كابتشينو وقعدنا طول اليوم نتكلم مع بعض في اي حآجه وخلاص لغيت ما جه معاد الانصراف
أمنية _ الساعة تلاته جت
عز بإبتسامة _ بجد محستش بيها
أمنية _ ولا أنا،، هو كده الكلام بيعدي الوقت بسرعه
عز _ صح
أمنية _ طيب هنمشي
عز _ نمشي
أمنية
روحت البيت وانا مبسوطه وياريتني ما روحت
عدي _ اتاخرتي ليه
أمنية _ مالك ياعدي
عدي _ شيري من وقت ما جيت وهي قافله علي نفسها ومش بترد عليه
قلقني عليها ونسيت زعلي منها وروحت خبطت علي الباب
أمنية _ شيري افتحي .... ياشيري
عدي _ افتحي ياشيري خلاص امنيه مسمحاكي
أمنية _ ردى عليه متشغلنيش كده حرام عليكى
شيري تفتح الباب _ مالكم
أمنية بقلق_ قافله علي نفسك ليه
شيري _ كنت بغير
أمنية _ مالك يا شيري احكيلي حبيبتي
شيري _ مفيش حآجه، ممكن انام شويه علشان دمااغي هتتفرتك من الصداع
أمنية _ انتي كويسة طيب
شيري بإبتسامه باهته _ اه الحمدلله
أمنية _ طيب خلاص ارتاحي وبعدين نتكلم
شيري _اه كنت هنسا
أمنية _ ايه
شيري _ أسامة الي كنتي قلقانه عليه منه، عاوز يخطبك،
أمنية بصدمه _ مين اللي يخطبني
شيري _ أسامه، قولتلك اننا صحاب وانه هو كويس محدش صدقني، مبروك عليكي
عدي _ يعني هو عاوز يتجوز امنية مش انتي
شيري بإبتسامه خفيفه _ ايوة، احنا صحاب بس هو بيحب أمنيه
أمنية _ يحبني أنا، وانتي صدقتي
شيري _ وراني الخاتم وعاوز يطلب ايدك مصدقش ليه
أمنية _ انا مش موافقه
شيري _ وافقي مش هتلاقي حد حنين عليكي قده
أمنية بنرفزه _ انتي تسكوتي مش كفاية انك خلفتي بوعدك معايا وكلمتيه
شيري بحده _ انا مش صغيره، ولو شغلك وانك بتصرفي علينا هيخليكي تتحكمي فيه ف انا مش عايزة منك حآجه وهنزل اشتغل
أمنية _ أنتي ازاي تكلميني كده
شيري _ لما تفهمي اني كبرت ابقا اعرف اكلمك ازاي،
دخلت وقفلت الباب علي نفسها، وانا مش فاهمه ايه الهجه الجديده دي، فجأه اكتشفت انها كبرت.. ومين أسامه ده كمان اللي عاوز يتجوزني
شيري
اللي حصل خلاني مليش نفس لأي حآجه، لا أكل ولا شرب ولا مذاكره،.. بس روحت الجامعه علشان اشوفه، كان نفسي يقنعني انه مكنش بيمثل عليه،، وبيخطط لكده من الأول، مستحيل يكون انا اللي فهمته غلط ومعاملته دي كانت طبيعية من باب الصداقه
قعدت مستنياه وبعد ساعات جه ودخل الكافيتيريا وانا روحت وراه
شيري _ ازيك يا صديقي
أسامة _ اهلا ياشيري
شيري _ انت كنت معتبرني صديقه بجد يا أسامة
أسامة _ ايوة
شيري _ صديقه بس
أسامة _ صديقة بس
شيري _ يعني مكنتش بتحاول توصلي حآجه تانيه بالمداري
أسامة بتنهيده _ حآجه زي أيه مش فاهم
شيري بدموع _ انت فاهم وانا مش هقدر اوضح أكتر من كده
أسامه _ انا مش فاهم انتي بتتكلمي عن ايه
شيري بدموع _ طول الفتره اللي فاتت كنت قريبه منك عشان اهون عليك حزنك علي فراق اهلك، ونسيت اني انا محتاجه حد يهون عليه موت اهلي اللى ماتو من صغري، .. والله كنت بنسا حزني بمجرد ما احس اني هونت عليك
أسامة _ اهل مين اللي ميتين
شيري بدموع _ اهلي انا، كل ليلة بفتح اللبوم صورهم وابكي مع نفسي خوف لا اضايق حد، لغيت ما قابلتك ولقيت رحتي في مساعدتك، بس انت في المقابل اخترت تلعب بيه
أسامة _ علشان كده كنتي دايما بتبكي لما نفتح سيرتهم
شيري بصوت متحشرج _ ايوه،.. انا مش قادره اتأقلم مع غيابهم، ومحتاجه لأمي اوي، يمكن علشان كده اتعلقت بيك بسرعه لاننا نشبه بعض، بس دلوقتي انا بقا عندي شك ان اهلك يكونو ميتين أصلا
أسامة بدموع _ انا أسف يا شيري، مكنتش أعرف إني بزعلك بكلامي، بس مقولتليش ليه من الاول
شيري بدموع _ مكنتش حابة اشوف عطفك عليه
أسامة بخنقه _ طيب سيبيني دلوقتي
شيري بدموع _ كنت عاوزة اقولك اني بلغت أمنيه تقدر تيجي تطلبها يا صديقي
أسامة بدموع _ أمشى دلوقتي
شيري _ ماشية، بس اتمنا تكمل الي بدأته وتخطبها بجد
أسامة بنرفزه _ بقولك امشى... ولا اقولك انا. ماشي
سامر
رجعت بيت أسامة عشان أبات عنده لقيته قاعد في اوضته وبيشرب سجاير والطفايه مليانه و وشه بيلمع من العرق
سامر _ في ايه يابني ايه السجاير دي كلها
أسامة بشرود _ طلعو اهلها ميتين
سامر _ اهل شيري
اسامة _ اه
سامر _ طيب استهدا بالله ليه بتعمل في نفسك كده
اسامه بدموع _ كنت بفكرها بيهم وارجع اضايق منها علشان بتبكي بسرعه، كنت بقول انها ضعيفة، وانا لدلوقتي وانا راجل اهو لما بفتكر امي ببكي، بس هي مقالتليش والله ما قالتلي يا سامر
سامر يقعد جمبه _ انت مكنتش تعرف
أسامه بدموع_ انا حقير صح؟..، طول عمركم بتعملو حسابكم وانتو بتجيبو سيرة امهاتكم قدامي علشان متجرحوش احساسي وانا ملقتش طريقه تانيه العب بيها عليها غير اني اقلب عليها مواجعها
سامر بدموع_ طيب روق، انا عمري ما شوفتك بشكل ده
أسامة _ سيبني واطلع اقعد في الاوضه التانيه
سامر _ مش هسيبك وانت كده
أسامه بانفعال _ اطلع يا سامر انا عاوز اكون لوحدي
سامر _ خلاص متزعلش، هسيبك يلا تصبح علي خير
كانت حالته وحشه أوي، وعز مكنش موجود في البيت، وانا روحت البيت.. ومن نحيه قلقان عليه وهو لوحده ومن نحيه تانيه خايف يارا تشوفني، ف طلعت اتسحب لغيت اوضتي قبل ما تشوفني والحمدلله عدت
عز
رجعت البيت متأخر وروحت اطمن علي أسامة لقيته نايم ف دخلت اوضة النحت وكملت شغل في تمثال أمنية وضفتله ألمسات الاخيرة ولونته، بقا شبها اوي، كأني شايفها قدامي، نفس العيون والشفايف، ورسمة الوش، برغم اني معنديش صوره ليها لكن كنت ببص للكاميرات واحاول اظبط الشكل واخيرآ ظبط.. بقيت ابصله وافتكر شكلها واللى حصل في المكتب، وكلامنا اللي استمر ساعات من غير ما احس بالوقت،.. لغيت ما سمعت صوت باب اوضة أسامة بيتفتح، ف طلعت من الاوضه قبل ما يدخل ويشوف التمثال ويفهمني غلط
اول ما طلعت لقيته قاعد في الصالون وشكله كأنه طالع من سجن، شعره منكوش والتيشرت بتاعه متبهدل ومليان عرق..ف روحت عنده
عز _ مالك يا أسامه
أسامة_ مفيش
عز _ طيب صاحي ليه دلوقتي
أسامة بدموع _ حلمت ب أمي
عز _ و بتبكي ليه انت بقيت راجل دلوقتي في راجل يبكي
أسامة بدموع_ انا مش راجل، انا عيل هايف ومليش لازمه
عز _ ايه اللي حصل
أسامة بخنقه_ اللي حصل اني فاشل معنديش طموح واحلامي تافهه، ولا عاجبك شكلي وانا عندي 27 سنه ولسه في سنه تالته
عز _ طيب وايه الجديد مانت كده من زمان ايه اللي جد يخليك تزعل بشكل ده
أسامة_ مفيش
عز _ لأ فيه وفي حاجه كبيره كمان، اتكلم انا هسمعك
أسامة _ يووه مفيش يا خالي
عز _ طيب علشان خاطري تحكيلي، انا خالك وهساعدك
أسامة يسكت شويه وبعدين يتكلم _ انت كان عندك حق انا مبحسش
عز _ طيب ليه
أسامة_ من فتره اتراهنت علي بنت معايا في الجامعه، وكنت بستغل موت أهلي في استعطافها وهي رغم كرهها ليه في الأول، بس لما عرفت اني زعلان علي موتهم، قربت مني وبقت تهون عليه وتفرح لما تلاقيني هديت،
عز _ وبعدين
أسامة _ طلعت مخبيه عني انها هي كمان يتيمه، وانا كنت كل شويه اقولها مش ممكن تحسي احساسي واهلك معلموكيش تحسي بناس، وكلام من ده وهي كانت تبكي وبس، وانا على بالي انها بتبكي علشان ضعيفه ، مكنتش اعرف ان اهلها ميتين، غير لما خليتها تحبني وتتعلق بيه وتقولي انها بتحبني وبعدين كسرة نفسها وقولتلها بحب غيرها
عز _ طيب وايه الجديد مانت كل فتره تعمل.كده في واحده جديده
أسامة _ الجديد اني انا كبير وراجل ولسه محتاج لأمي، ما بالك هي بنت ضعيفه واهلها ماتو من صغرها، اكيد احساسها مضاعف عني... دي طيبه ورقيقه زي الورد ياخالي
عز _ ايوه يعني افهم من كده انك بتحبها ولا أيه
أسامة _ حب إيه، انا مش بتاع حب وانت عارف.. انا مبثقش في البنات اصلا
عز _ طيب مدام الموضوع كده زعلان ليه ما تخليها تزعل، وانت انسا وشوف غيرها
أسامة _ بتقول إيه يا خالي بقولك البنت يتيمه وكسرتها تقولي اشوف غيرها
عز _ خلاص اعتذرلها
أسامة_ مش هقدر ابصلها تانى
عز _ اتنازل شويه عن كبريائك وكلمها الموضوع يستاهل
أسامة _ تفتكر هتسامحني
عز _ معرفش
أسامة _ اكيد هتنسا بمجرد ما هكلمها انا متأكد،
معاذ
انا بحب منه من سنين واتمنا تكون ليه بس خايف حياتنا بعدين تعك بسبب اللي عرفته، وكنت عاوز اكلمها علشان اطمن انها اتغيرت بجد مش التغيير ده نوع من الخوف وعدم الثقه وبس
منه _ في حد يتصل في وقت زي ده
معاذ _ مقدرتش أنام وكان لازم اتكلم معاكي
منه _ قول
معاذ _ انتي ليه قولتيلي اللي حصل. مخوفتيش اقول لحد او اتعصب عليكي وافضحك
منه _ يبقا انا ربنا بيحبني وعرفتك قبل ما اتورط تانى
معاذ _ انا مش هكدب عليكي واقولك انه عادي وميهمنيش الماضي،، لأ يهمني جداً، بس في نفس الوقت انا عاوزك وحاسس إنك كويسه ولسه بحاول أصدق كلامك ومش راضي يدخل دماغي
منه _ فكر مع نفسك والقرار اللي هتاخده هيكون لصالحي مهما كان هو أيه
معاذ _ ازاي يعني
منه _ يعني لو بعدت هعرف انك مكنتش هتنفعني من الأول، ولو كملت هعرف اني مسنوده علي حيطة صلبه
معاذ _ ههههه ااه طيب
منه _ بتضحك علي ايه
معاذ _ بضحك علي خيبتي
منه _ يادكتور لو مضايق واحد في الميه ومتردد بلاش منها انا عادي خالص وشايله فكرة الجواز من دماغي
معاذ _ انتي شايله دماغك نفسه، لا ياستي انا عاوزك وبحبك وهنسا اي حآجه اتقالت
منه _ ماشي بس خليك عارف ان الاستاذ بيبتزني بالصور والمحادثات
معاذ _ هو نفسه الواد اياه
منه _ ايوه
معاذ _ طيب
منه _ طيب اية
معاذ _ يعني ليه فوقه بس اتقدملك الأول
منه بإبتسامة _ ماشي
معاذ _ روحي نامى
منه _ ماشي
معاذ _ يلا اقفلي
منه _ ما تقفل انت
معاذ_ ليدز فريست
منه _ ههههه ماشي تصبح على خير
معاذ _ طيب
منه بإبتسامة _ سلام
الغبية قفلت،.. مكنتش عاوزها تقفل، كان نفسي ارغي معاها شويه
تاني يوم
يارا
في شعور واخدني اليومين دول ومش مخليني ابطل افتكر سامر، معرفش ليه دايما جاي علي بالي حتي انا وبذاكر بيجي علي بالي..
النهارده صحيت بدري وصبحت علي سنيه وبعد شويه نوال هانم ندهت علي سنيه بس هي كانت دخلت الحمام ف روحتلها انا
يارا _ صباح الخير يا مدام
نوال_ صباح النور.. فين سنيه
يارا_ دخلت الحمام
نوال _ اه، طيب اطلعي فوق صحي البيه الصغير
يارا بتردد _ ينفع يعني
نوال _ لأ أروح اصحيه انا علشان جنابك.مكسوفه اخلصي روحي صحيه
يارا بخجل _ حاضر
طلعت فوق وخبطت علي اوضته
سامر _ ادخل
يارا _ حضرتك صاحي
سامر بإبتسامة _ ادخلي
دخلت لقيت واحد واقف جمب الدولاب وشعره منكوش ولابس بورنص قطن ابيض وبيشاورلي علي الكبايات اللي علي الكوميدينو، ف روحت اجيبهم وفجأه جري قفل الباب
يارا بصدمه _ وه انت
سامر _ ارجوكي بلاش فضايح محدش يعرف اني اعرفك هنا
يارا بغيظ_ انت اللي جيت لأبوي هناك
سامر _ ايوه انا اهدي وهفهمك
يارا بنرفزه _ وكيه تعمل اكده، انا مش ممكن اقعد دقيقه واحده اهنه
سامر _ علشان خاطري، اهدي علشان ماما ممكن تفهمنا غلط
يارا بغيظ_ ما تفهم الي تفهمه
سامر _ مينفعش تفهم اللي تفهمه انتي اهدي وهنتكلم في الجامعه
يارا بتنهيده _ ماشي، اما نشوف اخرتها معاك
سامر _ طيب يلا روحي قبل ما حد يجي
طلعت من عنده وروحت أجهز نفسي، ومعرفش ليه كنت مبسوطه، ومضايقتش،، انا بس زعقت ك عاده اتعودت عليها لكن انا من جوايا كنت مبسوطه
حكايات بنات p13
يارا
روحت الجامعه وقعدت في المكتب لغيت ما سامر جه
سامر _ صباح الخير
يارا _ لا صباح ولا مسا، فهمني دلوك عملت اكده ليه
سامر _ اعتبريها تكفير عن حركة الصور
يارا _ والتكفير ده مين اللي افتالك بيه، مين قالك اني مستعده اشتغل عنديكم ولا اقبل مساعدتك حتي
سامر _ انا عارف انك كرهاني بس مش لاقي حاجه اعملها تخليكي تسمحيني غير اني اساعدك تقعدي في القاهرة
يارا _ متبقاش تساعدني تاني
سامر _ حاضر بس ممكن تعدي الموضوع ده
يارا بزهق _ هعديه عشان ابوي بس
سامر _ كويس اوى
يارا _ طيب قوم عاوزة اقرا شويه
سامر _ ما انا كمان هقرا
يارا _ براحتك بس متعملش صوت
سامر بإبتسامة _ حاضر
فتحت الكتاب وبقيت اقرا وتركيزي معاه وهو قاعد ومركز في القرايه، كأنه طالب مجتهد من صح
سامر _ في حآجه يا يارا
يارا بلخبطه _ فيه انك بتعلوك في القرايه وممخلنيش اركز
سامر _ بعلوك ازاي
يارا _ بتقرا اكد بشبشبشبيممسمس اقرا في سرك
سامر بضحك _ ماشي هقرا في سري
زنقني ود المحروق، بس عرفت افلت منيه
سامر
كانت بتبصلي وانا واخد بالى منها ولما سالتها قالتلي بتعلوك في القرايه،، بس مش هو ده السبب.. الظاهر انها بدأت تهدا من نحيتي ومش بتكرهني زي الأول..
بعد شويه لقيت أسامة داخل المكتبه وبيدور علي حد، فهمت انه بيدور علي شيري، ف قومت وروحت عنده
سامر _ عامل ايه دلوقتي
أسامه _ هي فين
سامر _ شيري
أسامة _ ايوة
سامر _ مشوفتهاش النهاردة
أسامة _ يعني مجتش
سامر _ أكيد
أسامة بتنهيده _ طيب
سامر _ ناوي تعمل أية
أسامه _ هاعتذرلها
سامر _ مين يعتذر.. انت
أسامة _ ايوة
سامر بإبتسامة _ سبحانه
أسامه _ مخك ميروحش بعيد
سامر _ مخي مكانه، بس كويس اوي انك عاوز تعتذر
أسامة _ بس قول يارب تيجي، حاسس انها ناويه تختفي شويه
سامر _ مهما تغيب مسيرها ترجع
أسامة _ طيب انا رايح الكافتيريا يمكن تروح علي هناك
سامر بإبتسامة _ روح
أسامة _ هتيجي معايا ولا هتقعد مع بنت البواب
سامر ينظر لها بإبتسامة _ هاجي. يلا بينا
بعد تلات أيام
أمنية
كل يوم بيعدي بعرف ان عز مش وحش زي ما كنت فاهمه في الأول، كل يوم يجي عندي ويقولي اروح المحاضرات،.. وبيسأل عليه لغيت ما بقت شوفته بتفرحني،... ده من نحية عز
ومن نحية اخواتي بقا كله متلخبط.. عدي ساعات الاقيه بيكلم حد علي التليفون ولما يشوفني يتلخبط ويقفل ولما ابص علي الرقم الاقيه بأسم خالو، اسألو ايه مخليك تتواصل مع الراجل ده يقولي بقينا صحاب
وشيري دي لوحدها موال مبقتش تروح الكلية وكل ما بسألها تقولي تعبانه ومعرفش ايه... سألتها اذا بتحبي اسامه دا وزعلتي لما طلبني انا تقولي لأ طبعاً اسامه مين اللي اكبر منى ب 8 سنين، ومبقتش فاهمه ايه حكايتها... حتى أسامة ده لما يلاقيني يجي ويكلمني بس انا بصده قبل ما ينطق وتجاهلت موضوع طلب ايدي
عز _ صباح الخير
أمنية بإبتسامة_ صباح النور
عز _ عامله إيه
أمنية _ بخير وحضرتك
عز _ تمام، اقولك
أمنية _ اتفضل
عز _ في عشاء عمل في مطعم كده وكنت عايزك تيجي معايا، تظبطيلي الورق وتاخدي الارقام من العملا وكده
أمنية بإبتسامة _ ماشي
عز _ طيب انا جايبلك فستان يناسب المعاد ده
أمنية _ انا عندي كتير، هجيب من عندي
عز _ لا الحقيقه مينفعش دول اجانب وناس مهمة فهماني
أمنية _ هو لبسي وحش
عز _ بالعكس، جميل اوي بس مش هيناسب الموعد ده
أمنية _ ماشي بس بعد الموعد هرجعهولك
عز _ خدي بس شوفيه وقوليلي رأيك وبعدين نشوف هترجعيه ولا لأ
طلعته من الكيس، وكان شكله حلو أوي، وبالون الفضي الامع ومعاه طقم اكسسوارات كامل وجزمه بالون الاسود
أمنية _ حلو اوي بس غالي، انا اسفه مش هقدر
عز _ دا لشغل يا أمنية
أمنية بجديه _ انا اسفه مينفعش، مش. ممكن البس حاجه غالية كده، طالما مش هقدر اشتري زيها
عز _ بعد العشا متلبسهوش تاني، يلا خديه وخدي النهارده اجازة واجهزي وتعالي علي الساعة سته
أمنية _ مش عارفه اقولك إيه
عز بإبتسامة _ ابتسمي بس
أمنية بإبتسامة _ ماشي
عز بلخبطه _ اتفضلي يلا
روحت البيت ودخلت اوضتي وبعد ما قلعت هدومي عشان اقيس الفستان، الباب خبط وندهت علي شيري عشان تفتح وانا قست الفستان، وسرحت شعري وحطيت شوية مكياج خفيف طلعت حلوه اوي، وعز جه على بالي و كنت عايزة اشوف رد فعله لما يشوفني بيه
شيري
أمنية رجعت من الشغل ودخلت اوضتها والباب خبط، روحت افتح ف لقيته في وشي
شيري بصدمه _ انت.. عرفت عنوان البيت ازاي
أسامة _ مبتجيش الكلية ليه
شيري بغيظ _ رد عليه عرفت العنوان ازاي
أسامة _ زي ما عرفته، ها مبتجيش ليه
شيري _ امشي دلوقتي يا أسامة أمنية لو عرفت انك وصلت هنا هطين عيشتي
أسامة _ مش همشي غير لما اعرف مجتيش ليه، انا استنيتك كتير ومجتيش
شيري _ وانت عاوزني اجي ليه مالك بيه
أسامة _ صحبتي وبطمن عليكي
شيري _ انا مليش صحاب وهما كانو عندهم حق لما قالو عليك واطي وبتخدعني
أسامه _ خدعتك في أيه
شيري _ انت عارف
أسامة _ لا مش عارف، هو انا قولتلك حاجه بره حدود الصداقه
شيري _ انت عارف عملت ايه مفيش داعي تمثل عليه
أسامة _ لا قوليلي حاجه واحده عملتها بتحاسبيني عليها
شيري بدموع _ معرفش
أسامة يمسح دموعها وهي تذق ايده _ دا اللي انا عملته قبل كده، مسحت دموعك، ودي من ضمن تصرف الاصدقاء مفتكرش ان معناها حاجه تانيه
شيري _ وساعة الرز بلبن
أسامه _ اكلتك بأيدي قصدك
شيري _ ايوه
أسامة _ ودي فيها ايه انا بأكل صحابي بأيدي
شيري _ وبتاكول مكانهم بردو
أسامة _ انا كلت مكانك عشان. مكنش في معلقه تانية، .. مكنتش اعرف ان الحاجات دي بتأثر فيكى اوي كده والا كنت خدت بالى
شيري _ طيب انت عاوز ايه دلوقتي
أسامة _ عاوز اعتذرلك
شيري _ تعتذر عن أية. مانت بتقول مغلطتش اهو
أسامة _ غلطت لما كنت احملك همي وحزني وانا مش عارف انك يتيمه زيي
شيري _ لأ فيك الخير.... قولي طيب
أسامة _ ايه
شيري _ بتحب أمنية بجد
أسامة _ مبقاش ينفع طالما انتي كنتي فهماني غلط وشكلك كده مشاعرك اتحركت نحيتي
شيري _ يعني عاوزها بس مشكلتك انا
أسامة _ مش عاوزاها عشان مجرحكش
شيري _ لا متشغلش بالك انا مفييش مشاعر من نحيتك... عاوزها ولا لأ
أسامة بلخبطه _ ايوة عاوزة وبحبها
شيري _ طيب اتفضل ادخل
أسامة _ اتفضل فين
شيري بدموع _ جوه
أسامة _ انتي لوحدك ادخل ازاي
شيري _ مش لوحدي ... امنييييه تعالي حد عاوزك
أسامة بصدمه_ بتهزري صح
أمنية بتطلع من جوه _ مين ياشيري
شيري تبصلها وترجع تبصله _ سبحان الله جهزت من غير ما تعرف انك جاي
أسامة بخيبه _ حظوظ
أمنية باستغراب _ انت هنا
أسامة _ اه انا كنت جاي
شيري بمقاطعه_ جاي يتقدملك
أمنية _ اسكوتي انتي،، في ايه يا أسامة
أسامة بتردد_ زي ما قالتلك
أمنية _ أنا مش مستعده لموضوع ده دلوقتي
أسامة _ اوكى
شيري بمقاطعه _ اديها فرصه تفكر ونرد عليك
أمنية بحده_ شيري
شيري_ هتفكر ونرد عليك،.. اتفضل انت دلوقتي
أسامة يبص ل شيري بغيظ ويمشي
أمنية بغيظ _ ايه اللي انتي هببتيه ده
شيري _ شوفتك بطفشيه من غير ما تفكري ف لحقتك.. كفاية يا أمنية واتجوزي وشوفي حياتك
أمنية بغيظ_ وانتي بتدخلي في حياتي ليه اصلا، مين قالك تعملي كده
شيري _ من حقنا عليكي تسمعي كلامنا زي ما بنسمع كلامك
أمنية _ بتسمعو كلامي عشان انا الكبيرة هنا، وانا اللي بشتغل وبصرف، ورغم كده لما تيجي تجوزي مش هدخل في اختيارك
شيري _ متشتغليش يا أمنية، ومتصرفيش ولا تهتمي بينا، احنا. كبرنا.. وانا هنزل اشتغل، وانتي شوفي نفسك قبل ما تكبري ومتلقيش حد ينفعك
أمنية بانفعال _ واسامه اللي هينفعني يعني، وبعدين ايه اشتغل اللي طلعالي فيها دي، بت انتي والله لو ما اتعدلتي لا اعدلك
شيري _ انا قولت اللي عندي انا هنزل اشتغل وهسيب الكليه، انا مبقتش صغيره
أمنية _ أنتي ايه اللي غيرك كنتي كويسة
شيري _ وبقيت وحشه علشان عايزة اريحك يعني
أمنية _ متريحينيش انا مش عايزة ارتاح، وحتي لو عاوزة مش هتكون راحتي مع ده
شيري _ أمنية صدقيني ما هتلاقي احن منه هو. كويس وانتي تقدري تخليه يشد حيله مفيش واحده غيرك هتقدر، ورحمة بابا وماما توافقي
أمنية _ أنتي بتحلفيني برحمتهم عشان مين، انتي من كل عقلك فكراني مش فاهمة انك بتحبيه.. بس مش فاهمه عاوزة تورطيني معاه ليه يا شيري
شيري _ وانا لو بحبه هحلفك تجوزيه ليه
أمنية _ يمكن زعلك،.. مشوفتيش شكله لما قولتله مش موافقه كان هينسحب وانتي وقفتيه
شيري _ طيب والله لسه قايلي انه بيحبك، ومن كام يوم اشترالك الخاتم
أمنية _ لا ياشيري مش هتجوزه انا حره
شيري _ يبقا انا مش هقعد في البيت
أمنية _ امال هتروحي فين
شيري _ في اي حته المهم محسش انك مضيعه مستقبلك علشاني
أمنية بغيظ _ ربنا يعوض عليه في كل يوم ضيعته عشان اربيكم مكنتش اعرف انك هتكبري عليه
شيري _ وليه متحسبهاش اني عاوزة مصلحتك
أمنية _ شيري اعملي اللي انتي عاوزاه انا مش هتجوز اسامه
دخلت جوه وسابتني
انا فعلاً انانية لاني عرفاه بيكدب ومش عاوزاها، بس هي هتقدر تربيه وكمان يدفع تمن كدبه لما يلاقي نفسه اتورط بجد..
أسامه
ورطتني ورطه سوده وهي متأكده اني مش عاوز أمنية، ياريتني ما كنت روحت ماشي يا شيري فتحتي علي نفسك فتحه مهببه معايا
سامر بضحك _ ههههههههههههههه البببس
أسامه _ انت بارد يلااا بقولك ورطتني مع اختها وانت بتضحك
سامر _ اه ما انا سمعت بس الصراحه انت تستاهل
أسامه يرمي عليه ازازة الميه _ ياخي اسكت لا اموتك دلوقتي
سامر _ انت هطلع عصبيتك عليه انا مالي ياعم
أسامه _ انا الغلطان عشان عبرتها كان لازم اسيبها كده
سامر _ ياعم ده انت كنت هتجنن عشان تشوفها
أسامه _ لا خالص ولا كنت هموت ولا حاجه
سامر _ اه ما انا كنت واخده بالي ( كسرررتهااا يا ساااامر كسرتهاااا كااااك)
أسامه بغيظ _ وحيات ربنا هنفوخك ياض لو مسكتش، وانا ايه عرفني انها بشنبات وهتورطني
سامر _ طيب روق دمك كده وانا هقولك تحلها ازاي
أسامة _ ازاي يافكيك
سامر _ تعترفلها انك بتحبها
أسامة _ بس أنا مبحبهاش
سامر _ يا ولااااا علي سامر بردو
أسامة _ ياعم بطل نتنانة اهلك وقولي اتصرف ازاي
سامر _ طيب ما تخلع وهما هيقولولك مجتش تانى ليه
أسامة _ طيب ما كده هي هتزعل علي طول ومستحيل تكلمني تاني
سامر _ طيب ما تتفلق انت مالك بيها
أسامة بقرف _ صح... روح يا سامر عاوز انام
سامر _ مش واخد بالك انك كل شويه تطردني
أسامة _ واخد،.. خلاص اترزع ومتتكلمش
سامر _ لأ ماشي سلام
أسامة _ قولي الاول خدتها في الاوضه ولا لسه
سامر يرمي عليه الريموت بغيظ _ ما تحترم نفسك دا انت عيل وسخ
أسامة _ يا ولااا امال جايبها عندكم عشان تتملا في جمال عيونها
سامر _ خليني اجبلك شيري هنا وبعدين نشوفك هتعمل ايه
أسامه بإبتسامة _ امشي يا سامر امشششي
سامر _ ماشي
عيل رزل بصحيح، طبعا لو جت مش هكلمها عشان مخنوق منها مش حفاظآ عليها.... الجزمه كنت فاكرها هتفرح بشوفتي وتحضني مثلا بس لأ دي لبستني في الحيط وتقولي مفيش مشاعر من نحيتك قال، ماشي ياشيري هنشوف فيه مشاعر ولا مفيش بس تيجي تحت ايدي
سامر
طلعت من عنده وروحت البيت وكان بابا وماما قاعدين قدام التلفزيون، وانا بقيت ابص هنا وهناك علي يارا
نوال _ بتدور علي حاجه
سامر _ الريموت
شاهين _ اهو
سامر _ شكراً
خدته وبقيت اقلب وخلاص لغيت ما لقيت فيلم احمد مظهر وفاتن حمامة وهي كانت صعيديه فيه وشغاله عند احمد مظهر، ف سبته وبقيت اضحك في نفسي واقول يا مين يجيب يارا دلوقتي
سامر _ ماما ما تخلي حد يعملي شاي
نوال _ سنييييه
سنيه _ نعم ياهانم
نوال _ اعملي شاي لسامر
سامر يحدث نفسه _ مش دي يا ماما
قعدت شويه مركز مع الفيلم وكنت فقدت الامل ان هي اللي تيجى، بس قطع تركيزي صوتها وهي بتقول اتفضل اعتدلت في قعدتي وداريت وشي عن ماما وبابا
سامر بإبتسامة _ متشكر يا شاطره، انتي جديده هنا
يارا _ ايوه يا سعادة البيه حضرتك تطلب حاجه تانيه
سامر يأشر بعنيه علي الفيلم ويبتسم بخبث
سامر _ لا شكرا اتفضلي انتي
يارا _ حاضر
كان نفسي اضايقها بس ماما لو حست بحاجه مش هتسيبها في حالها،
رجعت ابصلها لقيتها واقفه عند المطبخ وبتبص لتليفزيون وهي مبتسمه، ولما شافتني كشرت ومشيت
مش قادر اوصف سعادتي بوجودها في البيت برغم اني مضايق عشان بتشتغل... كان نفسي يخلوها تقعد مع ابوها من غير ما تشتغل خدامه لحد
بعد وقت ماما بتروح الجمعيه وبابا بيروح الشغل وانا ك أي شاب قليل الادب استغليت الموضوع وروحت المطبخ عشان اعمل قهوه ف لقيتها هناك بتغسل المواعين وسنيه مش موجوده
سامر بإبتسامة _ ممكن كباية قهوه يا شاطره
يارا _ ده اسمه قلت ادب اطلع بره
سامر _ عاوز قهوه الله
يارا _ تقدر تفهمني معناها ايه بصتك ليه وانا واقدملك الشاي
سامر _ كنت بوريكي الفيلم غلطت في ايه
يارا _ كان يوم اغبر يوم ما شوفت وشك
سامر بإبتسامة _ ايوة ما انا عارف
يارا _ طيب روح وانا هجبلك القهوه
سامر _ هعملها لوحدي مش عاوز منك حاجه
يارا_ تريح
سامر بجديه _ مكنتش حابب اشوفك بتشتغلي كده
يارا _ امال انت جايبني ليه من الأول مش عشان تشوفني بخدمك
سامر _ لأ مكنتش عاوزك تخدميني
يارا _ انا فهماك زين أولها تنشر صوري وبعدين تجيبني اهنه واخرها بتلمح على الفيلم وانت فاهم غرض البطل كان عفش، انت كلك خراب
سامر _ انتي شيفاني وحش اوى كده
يارا _ ودي الحقيقه انت عفش قوي وربنا يستر من أيامي الجايه اهنه
سامر _ دا انا فكرت انك خلاص صفيتي من نحيتي طلعتي معبيه
يارا _ وايه يخليني اصفا وانت عملت ايه زين يخليني اطمنلك
سامر _ ولا حاجه.. سكي على القهوة
يارا
سامر مجنون ومش هيقعد على حيله لو حس بأني صافيه من نحيته، كان لازم اصده والا مضمنش ممكن ايه اللي يحصل بعدين.. وانا مش خايفه. منه قد ما خايفه من نفسي لأني بدأت اتشدلوه ومنجذبه ليه طول الوقت..
انا متأكده انه مش عاوز يأذيني لكن اول طرق الخراب، هو الاستسلام للمشاعر وانها تتحكم فينا وفي تصرفاتنا، واهنه مينفعش أبداً اني اطاوع نفسي والا أداس برجلين واجيب الإهانة لابوي
عز
جت الساعه سته وانا.كنت مستني أمنية قدام الشركه لغيت ما شوفتها جايه من بعيد مشي من غير تاكسي،.. شكلها كان حلو بالفستان، وكل ما بتقرب جمالها بيوضح اكتر، مقدرتش اشيل نظري عنها ومعملتش حساب انها ممكن تفهم مشاعري نحيتها
أمنية
لقيته مستنيني بره الشركه وبيبص عليه لغيت ما وصلته لدرجة كنت اتمنا اختفي من قدامه
أمنية _ مساء الخير
عز _ مساء النور
أمنية _ اتأخرت عليك؟
عز بتأمل _ اتأخرتي كتير، بس المهم انك جيتي في الأخر
أمنية _ كنت مستني من بدري ولا أيه
عز بتأمل _ اها.. حمدالله على السلامة
أمنية بارتباك _ الله يسلمك، نمشي
عز بإبتسامة _ اتفضلي
حسيت لكلامه معني تاني ، وبصاته مكنتش طبيعية، بجد حسيت اني عاوزة اختفي من قدامه من التوتر اللي حسيت بيه
وصلنا مطعم شكله غالي جداً وكل حآجه فيه حلوه ومزين بورد وانوار هاديه ومفهوش حد غير ناس بتعزف وعمال واقفين بيستقبلونا
أمنية _ لسه محدش جه
عز _ معادهم الساعه تمانيه
أمنية _ طيب وجينا بدري ليه
عز _ بحب أوصل قبل. معادي
أمنية _ اه
عز _ اتفضلي
روحنا عند التربيزه وشدلي الكرسي، بقيت مبلمه بسبب الجو ده والتعامل اللي مش ظابط مع معرفتنا ببعض
عز بإبتسامة _ عارفك بتفكري في إيه، انسي وقولي تشربي ايه
أمنية _ شاي
عز _ شاي.. ملقتيش غير الشاي
أمنية _ اهو اللي نضمنه مش احسن ما يشربونا خمره
عز بضحك _ هما هيجيبو اللي نطلبه مش هيشربونا علي مزاجهم
أمنية _ خلاص اي حاجه
عز _ هو مفيش غيره. الكابتشينو ايه رأيك
أمنية _ حلو.. خلاص كابتشينو
عز _ اتنين كابتشينو لو سمحت
أمنية _ هما هيتأخرو
عز _ مفتكرش
أمنية _ طيب وليه جاين بدري ساعتين
عز _ اعتبريها راحه من تعب اليوم
أمنية _ هو فين التعب انا نسيته
عز _ انا احسدك علي كده
أمنية _ تحسدني ليه، هو انت تعبان
عز _ لأ
أمنية _ هو انا ممكن اتطفل واسالك سؤال شخصي
عز بإبتسامة _ تطفلي براحتك
أمنية _ انت عايش مع مين، وليه متجوزتش بعد المرحومة
عز _ عايش مع ابن اختي انا وهو ملناش غير بعض. ومتجوزتش عشان مكنتش قادر اشوف غيرها
أمنية _ الظاهر أنك كنت بتحبها اوي عشان. كده مفكرتش تجوز بعدها
عز _ دي حقيقه هي مكنش فيه حد زيها
أمنية _ ربنا يسعدك
عز _ تفتكري اني لو لقيت واحده غيرها وعجبتني انا هعجبها
أمنية _ اكيد
عز بإبتسامة _ طمنتيني... طيب ممكن انا كمان اتطفل وأسالك متخطبتيش ولا اتجوزتي ليه
أمنية _ ورايا حاجات اهم
عز _ وهو ايه الاهم من كده
أمنية _ اخواتي، وكمان مجاش لسه اللى ارتحلو..... فكرتني بحاجه
عز _ هي أية
أمنية _ واحد اتقدم النهاردة ههههه شكله يقول كويس بس هو فاشل واختي مصره اتجوزه وقال ايه بيحبني
عز _ اه.... امم وانتي رأيك إيه
حبيت اشوف رد فعله ف قولت العب شويه
أمنية _ لسة بفكر،
عز _ بتفكري
أمنية _ ايوة بفكر هو ميتعيبش واختي بتقول اني ممكن اغيره مع الوقت
عز _ وانتي هتجوزي طفل تربيه علي ايدك يعني ولا إيه
أمنية _ هي بتقولي حنين، وانا اكتر حاجه بحبها الحنيه
عز بخنقه _ والحنيه دى هتأكل وتشربك ولا ناويه تشتغلي وتأكليه
أمنية _ هو مش محتاج لشغل ومعاه كتير
عز _ الموضوع موضوع انه معاه فلوس بقا مش موضوع حنيه
أمنية _ لا على فكره انا متهمنيش الفلوس قد ما يهمني احس بحنانه وحبه ليه
عز بخنقه _ حب وحنان ايه وانتي بتقولي انه فاشل وملقياش اللي ترتحيلو، الظاهر ان القصه قصة فلوس وبس
أمنية _ ده رأيك فيه
عز بخنقه _ انا برد عليكي انما انا ميخصنيش بتفكري ازاي
أمنية بدموع _ متشكره،، الناس اتأخرو وانا لازم امشي عن اذنك
عز بحده _ متقوميش
أمنية _ همشي وشغلك مش رجعالو تانى
قومت ومشيت وهو. جه ورايا و واقفني
عز _ ليه شغل العيال ده
أمنية _ ايوة انا عيله وعاجبني خليني امشي
عز _ متخلطيش الكلام بشغل، احنا دلوقتي بندردش عادى
أمنية _ متبقاش تدردش تاني ومش راجعه الشغل تاني
عز بعصبيه_ وانا قولتلك لو عاوزة تمشي ادفعي، مش كل شويه هحايلك فيكي زي العيال الصغيره، واتفضلي يلا علشان صوتنا طلع
أمنية بغيظ_ انت بتزعقلي
عز بزهق _ من فضلك خلينا نرجع بلاش فضايح العمال سابو شغلهم وبيبصو علينا
أمنية _ طيب اتفضل ومتكلمنيش بره مواضيع الشغل تاني
عز _ زي ما تحبي، بس بردو انتي مادية
أمنية بغيظ _ مادية فين ما كنت ممكن استغلك انت طالما كريم وبتدي من غير مقابل
عز _ أمنية، انا مبدكيش حاجه من غير مقابل اووكي واهدي بقا علشان انا اتخنقت
أمنية _ اديك بينت على حقيقتك وعاوز مقابل
عز _ ايوه طبعا وانا هساعدك بدون مقابل ليه، بس اطمني انا باخده من غير ما تعرفي
أمنية _ بتاخده ازاي
عز _ لما بتبتسمي، والنهارده مشوفتكيش ابتسمتي غير مره واحده
أمنية _ ابتسامتي هي المقابل؟
عز بإبتسامة _ايوه انا بتعجبني ابتسامتك، ممكن بقا تبتسمي وتهدي علشان الناس
أمنية بإبتسامه _ ممكن بس مش شايف ان ابتسامتي قليلة علي اللي بتعملو
عز ينظر لها بدون كلام لتنظر بعيد بخجل
عز _ لو مش هتفهميني غلط كنت صورتها و بروزتها وحطيتها في معرض لتحف
أمنية _ احم خلينا نرجع
عز بإبتسامة _ يلا
حكايات بنات 14
عز
خلص معاد الشغل والناس مشيت من المطعم وانا وأمنيه أتمشينا بالعربية ومحسناش بالوقت غير بعد الساعه واحده،.. وبعدين روحتها ورجعت البيت، لقيت أسامه نايم ف دخلت اوضة النحت وبقيت ابص لتمثال وانا بفكر اني اطلب ايدها بكره بس خايف من رد فعلها وانها تفهمني غلط أو انها تحس اني كبير عليها وأرمل كمان...
عدا الوقت و انا محتار اقولها او لأ، لغيت ما نمت مكاني..
وتاني يوم الصبح بصيت للكاميرات لقيتها في المكتب ف بسرعه جهزت نفسي وروحت وانا ناوي اقولها واللى يحصل يحصل،، مستحيل اخلي الواد اللي متقدملها ياخدها وانا اقف اتفرج
في المكتب
عز _ جايه بدري يعني
أمنية _ جايه الم حاجتي وماشيه
عز _ تمشي تروحي فين
أمنية_ هسيب الشغل
عز _ انتي بتهزري صح
أمنية_ مش بهزر
عز _ طيب ليه هو حد زعلك
أمنية _ خطيبي قالي اسيب الشغل
عز _ خطيب مين، انتي اتخطبتي امتي وازاي متاخديش اذني
أمنية _ اخد اذنك ليه ان شاءلله مين انت علشان استأذنك
عز بعصبيه_ مديرك وكان لازم تقوليلي قبل ما توافقي عليه
أمنية_ وهو مديري وليه امري يعني ولا أيه
عز بغضب_ احسبيها زي ما تحسبيها الخطوبه ده تتفشكل وفورآ
أمنية_ انت بتكلمني كده بصفتك إيه
عز بحده_ بصفتي اني بحبك وعاوز اتجوزك ومش هسمح لحد ياخدك منى
أمنية_ تتجوزني، مش مكسوف من نفسك وانت في سنك ده تبص لوحده صغيره
عز _ مالو سني.. كبير؟
أمنية_ انت بقيلك كام سنه وهتم الخمسين وتمشي علي عكاز ياعمو، عن اذنك.. قال يتجوزني قال.. مرااهق ومتصابي بصحيح
عز يقوم مفزوع من نومه
غفلت شوية وشوفت حلم زباله وكانه إشارة علشان.مغلطش واكلمها، دا لو حصل بجد مش هقدر ابص لحد.. واحد في الاربعين مراهق بيبص للبنات الصغيرة، تبقا اهانه في حقي... وعلشان مغلطش الغلط ده قررت قرار مهم لازم انفذه
أمنية
روحت الشغل وانا مبسوطه، ومش مستنيه اشوفه بعد سهرة امبارح،...
كان يوم جميل وهو كان لطيف اوي معايا، وللحظه حسيت انه بيحبني وبيحاول يوصلهالي باهتمامه بيه.. وانا كمان منكرش انه قدر يشدني ليه بحنيته وقلبه الكبير واهتمامه
وصلت المكتب وفضلت مستنياه يجي وبعد انتظار تلات ساعات اخيرآ جه
أمنية بإبتسامة_ صباح الخير
عز بجدية_ صباح النور
أمنية _ حضرتك عامل أية النهارده
عز _ تمام... اقولك يا أمنية
أمنية _ نعم
عز _ حد من العملا طلب ياخدك تشتغلي عنده جهزي نفسك عشان تروحي ومتقلقيش مرتب هناك اكبر من هنا
أمنية _ عاوزني امشي
عز _ ايوه وياريت تاخدي حاجتك بسرعه علشان في واحده جاية بدالك
أمنية بدموع_ طيب ليه هو انا قصرت في حاجه
عز _ لا خالص انتي مجتهده بس خلاص لازم وجه جديد يجي مبحبش الروتين
أمنية _ معنا كده ان في بنات قبلي
عز بإبتسامة_ طبعاً في قبلك كتير ولسه جاي بعدك
أمنية بدموع_ بس انت قولتلي ان اللي قبلي كانو رجاله
عز _ دا النهج اللي بتبعه مع الكل لازم يحسو انهم مميزين عشان يخِلصو لشغلهم، يلا لمي حاجتك، وأدي العنوان تقدري تمشي من هنا على هناك على طول
أمنية تمسك منه الكارت وتقطعه وترميه في وشه _ مش عاوزة شغل من وشك
في لحظة واحده كرهتو وبقيت عاوزة اضرب نفسي قلمين علي وشي عشان فكرته انسان كويس
مشيت من هناك وروحت البيت وانا ناويه اعك الدنيا و اوافق علي اسامه برغم اني متأكده انه مش عاوزني بجد لكن مكنتش شايفه قدامي ولازم عز يعرف ان في احسن منه واصغر منه وكمان غني
أسامة
روحت الجامعة الصبح ولقيت شيري هناك، قاعده جمب شجرة وبتقرا . ف روحت عندها
أسامة _ نقول صديقتي ولا نسيبتي
شيري بفزع _ قول ياصبح الله ياخدك
أسامة ببرود _ في حد يتخض من صديقه
شيري بقرف _ فضيناها سيرة انا مش بصاحب ولاد
أسامة _ وعلشان كدة حبيتك
شيري بلخبطه _ متلعبش بالالفاظ
أسامة _ نسيت انك بتضعفي لما بتسمعي كلمه حلوه
شيري بقرف _ طيب ممكن تسيبني اركز عشان الامتحانات قربت
أسامة _ إمتحانات ايه لسه بدري ، وسيبي الكتاب، المذاكره مش هطير
شيري _ لأ
أسامة ياخد منها الكتاب _ هتسمعيني ولا اقطعه
شيري بخنقه _ طيب هات الكتاب
أسامة _ أسمعيني الأول
شيري _ هاا
أسامة _ عاوز اعرف انتي ليه مصونتيش عهد الصداقه ومشاعرك اتغيرت نحيتي، ينفع تحطي بينا حاجز زي كده ولا يعجبك انك تبصي لخطيب اختك بصه محرمه
شيري بغيظ _ لو مشاعري اتغيرت من نحيتك يبقا بالكُره وبس
أسامة _ يعني مبتحبنيش
شيري _ لأ
أسامة _ طمنتيني، ها أمنيتي وافقت ولا لأ
شيري بقرف _ لسه بتفكر
أسامة _ أوعي متوافقش انا أملي فيكى أنتي
شيري _ اوعدك هتوافق وهزينهالك بأيدي وهزغرتلكم كمان
أسامة _ شكراً صديقتي الجميلة، كل يوم بتأكد اني عرفت اختار صحابي
شيري _ ممكن الكتاب طيب
أسامة _ ماشي حبيبتي اتفضلي
شيري تشد منه الكتاب بغيظ _ حبتك عقربه
أسامة _ قمررر وهي متعصبه
شيري_ دا انت رزل
سابتني وهي هتشد في شعرها مني،... واكتشفت ان هي ومتعصبه احلي من وهي هاديه بكتير
بعد ما مشيت روحت ادور على سامر اللي مصدق نفسه وبقا يحضر محضراته و لقيته في المكتبه بيقرا
أسامة _ يا دكتور، ايه ممعبرنيش ليه
سامر _ كنت مستني اخلص المحاضره واعدي عليك
أسامة _ انت مبتزهقش من الدكاترة ورغيهم
سامر _ مانت عارف انا داخل رهان وعند المراهانات مبزهقش
أسامة _ كله علشان عيون بنت البواب طبعا
سامر بتنهيده _ اه من بنت البواب، مش قادره تشيل الصوره الوحشه اللي في خيالها، دا انا جه عليه وقت حسيت انها مشدودالي بس امبارح قفلتها في وشي تاني
أسامة _ وانت تاعب نفسك ليه ما تسيبك منها
سامر _ مش قادر اسيبني منها
أسامة _ عملتلك أية علشان توصلك لكده عاوز افهم
سامر _ حبيتها ياسيدي
أسامة _ طيب ما تشوفلي بنت عمها احبها وتغيرلي حياتي انا كمان
سامر _ هو انت لسه هتحب، انا وانت مبقناش زي الأول وياريت تفهم ده بسرعه
أسامة _ بتخنق انا من كلام الافلام ده.. اوس اوس مش ممكن يوقع وقعتك
سامر بصدمه _ مش شيري اللي بتصرخ دي
أسامة يقف و ينظر خلفه باهتمام شديد _ فين
سامر _ هاهاها ههههه
أسامة بغيظ_ دا انت عيل بارد، لو قولتلي اي أسم غيرها كنت هتقوم بردو
سامر _ ههههه ما انا عارف
أسامة بغيظ_ تصدق انا غلطان علشان مصاحب عيل زيك
مشيت وسبته وانا مش طايقهُ
وانا خارج من الجامعة لقيت شيري ماشيه، ف مشيت وراها من غير ما تحس وقربت منها
أسامة ببرود _ سلميلي على حبيبتي
شيري بفزع _ الله يقطع سنينك ما تغور
أسامة ببرود _ هزعل منك جداً يا صديقتي الجميله
شيري بقرف_ اتفلق
أسامة بألم _ ااه، إيه ده
شيري بقلق_ مالك
أسامة_ حاسس مصريني بتتقطع
شيري تسنده _ طيب يلا هنروح لدكتور
أسامة بألم_ عاوز اروح العربيه ادوايتي فيها، ساعديني اوصلها بس
شيري _ حاضر، حاضر
ساعدتني لغيت ما دخلت العربية وهي دخلت من الجهه التانيه وبقت تدور علي العلاج بسرعه
أسامة بإبتسامة_ انتي ازاي طيبة كده
شيري _ ايه
أسامة _ انتي طيبة اوي بجد
شيري بغيظ _ بتكدب عليه تاااني، انت معندكش دم ولا أحساس
أسامة بابتسامة_ عندي صديقه عسل زيك
شيري تفتح باب العربيه وهو يشدها من أيدها ويرجعها تاني
شيري _ انت اتجننت ايه اللي بتعملو ده
أسامة _ شيري انا بجد اسف من هنا لصبح مستعد اتأسفلك ومش هيكفي
شيري _ بتتأسف عن ايه بظبط
أسامة_ عن كل حآجه وحشه حسيتيها بسببي
شيري _ انت لسه عاوز أمنية
أسامه _ ايوه
شيري_ يبقا اعتذارك مرفوض لانك كداب وبوشين
أسامه _ انتي عاوزاني اقولك بحبك انتي يعني
شيري _ انا عارفه انك مش بتحبني بس لما تقولي بتحب أمنية بالكدب يبقا انت غشاش ومنافق ومبتحسش
أسامة_ ولما انا كده عاوزة تجوزهاني ليه
شيري_ علشان انت بتقول عاوزها
أسامة _ اختك لما قلقت مني خلتك تبعدي عني وانتي لما قلقتي مني عاوزة تجوزهاني،، انانيه اوي
شيري بدموع_ هي مكنتش تعرفك ، بس انا عرفتك،، واطي وقليل الاصل بس حنين وهي عاوزة حد حنين، وانت عاوز واحده شديدة تربيك، وتعلمك الأدب
أسامة_ طيب وانتي
شيري_ وانا ايه
أسامة _ هتستحملي تشوفينا مع بعض
شيري _ ايوه
أسامة_ ولو جيتي تبكي بعدين
شيري بغيظ_ دا بعينك مفيش دمعه هتنزل من عيني علشانك، يا صديقي
أسامه _ ماشي اتفقنا انتي كملي وخليها توافق، ونشوف مين فينا هيفوز في الاخر، وانا متأكد انك انتي هتخسري عشان مش هتستحملي تشوفينا مع بعض
شيري _ وانا متاكده انك عيل هتتراجع ومش هتكمل
أسامة_ أمنية دي روحي مش ممكن اتراجع وأسيبها
شيري_ هنشوف
عجبني التحدي وطبعا امنيه هتعلقها ومستحيل توافق... اتمنا متوافقش انا مليش في الجواز ولا خطوبه وكمان امنيه دي مش ستايلي مش هننفع مع بعض.. اوقف جمبي يارب
شيري
دخلت معاه في تحدي صعب جداً، وبعدين زعلت من نفسي اني عامله التحدي علي مشاعر اختي ف قررت انسا اي تحديات ويغور هو والي يتشددله ولو كلمني هبلغ عنه عميد الجامعة
منه
كنت قاعده في اوضتي كالعاده بتاعتي من وقت ما رجع مروان ، وبعدين سمعت صوت حد بيتكلم، الصوت ده عرفاه كويس بس علشان اتأكد فتحت الباب حته صغيره ولقيته واقف وبيسلم على ماما وإبراهيم
إبراهيم_ اتفضل اقعد
معاذ _ متشكر
إبراهيم _ دا دكتور معاذ معيد في كلية منه يا ماما
الام_ اهلا وسهلا بيك يابني نورتنا
معاذ _ متشكر يافندم
إبراهيم _ تشرب إيه
معاذ _ متشكر مش هشرب حاجه
فضلت واقفه ورا الباب وفضلو يرغو في أي كلام لغيت ما في الآخر نطقها.. مكنتش متخيله انه هيجي بعد اللى قولتهوله، اي واحد مكانه مكنش بص في وشي، بس انا كده اطمنت من نحيته وعرفت انه بيحبني بجد مش بيخدعني، وقررت اقوله الحقيقه لو فضل متمسك بيه للاخر بعد البلاوي اللي هيشوفها ههههه
بعد شويه بيجي مروان ويلاقيه موجود عندنا
إبراهيم _ اتفضل يا مروان، اعرفك، استاذ معاذ.... ودا مروان صاحبي
معاذ _ اهلاً
مروان _ اهلا بيك
إبراهيم _ مروان مش غريب هو صاحبي. من زمان
معاذ _ صاحبك... تشرفنا استاذ مروان ونعمه الصاحب والله
مروان بقرف_ متشكر، اول مره اشوف حضرتك هنا خير
معاذ ببرود _ لو ربنا كرم هتشوفني كتير
إبراهيم _ استاذ معاذ طلب أيد منه
مروان _ و وافقتو
إبراهيم_ انا عن نفسي موافق لسه هنشوف رأي منه... اتفضلو دقيقة هجيب الشاي واجي
معاذ_ اتفضل
مروان ببرود_ جاي تهزق نفسك، ومنه مستحيل توافق عليك
معاذ_ خلينا نشوف
مروان _ ماااشي، بس هترفضك وبعدها انا مش هحلك والمره اللي فاتت كان كسر دراع المره دي كسر رقبه
كانت اوضتي قريبه من الصاله وقدرت اسمع كلام مروان ، ف طلعت وسلمت عليهم بإبتسامة
منه بإبتسامة _ مكنتش فاكره انك هتيجي بسرعه دي
معاذ بإبتسامة _ انا وعدتك اني مستحيل اتخلا عنك
منه _ تسلملي، ازيك يا مروان،
مروان بغيظ_ كنتى عارفه انه جاي يطلب ايدك
منه بإبتسامة _ اه طبعاً امال هيجي من غير ما يقولي
مروان بغيظ_ وانتي رأيك ايه
منه تبص لمعاذ بابتسامة _ موافقه طبعاً عمري ما هلاقي احسن ولا أرجل منه
معاذ بإبتسامه_ تسلميلي، يلا بقا روحي قولي ل إبراهيم انك موافقه خلينا نتفق.. ياريت تكون موجود في الاتفاق يا استاذ مروان
مروان _ طبعاً انا اول الحضور ثم يقترب من منه ويهمس في اذنها... ياترا لو شاف الصور هتعجبه
منه بخوف مصتنع_ عن اذنكم وبتمشي
مروان _ عن اذنك يا عريس
معاذ بإبتسامة _ ونبي متقطعش الجوابات
بعد ما دخلت بشويه اتصل بيه مروان وهددني انه هيبعت الصور ل معاذ يوم فرحي لو ما رفضتهوش واتعدلت معاه
منه _ ارجوك يا مروان متعملش كده
مروان بعصبيه _ قولت اللي عندي لو اتجوزتيه هبعتله صورك ومحدثاتك يوم دخلتك عليه
منه _ انت بتعمل. معايا. كده ليه
مروان _ عشان مش هخليكي تتهني مع حد غيري، انتي بتاعتي انا وبس
منه _ وانا مش عاوزاك ومش هتجوز غير. معاذ
مروان _ طيب اتجوزيه وهتبقي انتي المسؤله عن طلاقك من اول يوم ودي هتبقا أكبر من فضيحة الصور والمحادثات
منه _ لو ده يرضيك اعمله
قفلت معاه وبقيت اضحك، فاكر ان كده بيأذيني ميعرفش ان معاذ يعرف انه حصل مصايب اكتر من الصور، واللى مطمني انه مش هيقدر يبعتهم ل أبراهيم ويقوله ضحكت علي اختك
يارا
جه وقت الغدا وجهزنا كل حاجه علي السفره، وسامر كان قاعد علي السفرة ومحاولش يبصلي نهائي، معرفش ده زعل ولا عشان امه متاخدش بالها،
نوال _ فين الشربه
يارا _ هجيبها
نوال _ طيب شهلي بلاش الكاعه دي
يارا _ حاضر يا مدام
روحت اجيبها، وانا في المطبخ وقعت منى ومعظمها اتكب على يدي وهي سخنه مولعه،.. صرخت من شدة الوجع، وبعد شويه لقيت سامر جاى يجري عليه ولما شافني مسك يدي وحطها تحت الحنفية، وانا بقيت أبكى من شدة الوجع
سامر بقلق _ مش كنتي تاخدي بالك
يارا ببكاء _ بتوجع قوي
سامر _ طيب تعالي اقعدي هحطلك مرهم
نوال _ مش تفتحي عاجبك منظر المطبخ
سامر بغيظ _ مش وقته يا ماما،، هاتي مرهم الحروق يا سنيه بسرررعه
يارا بدموع _ بقت كويسه خلاص.. اتفضل انت
نوال بحده _ سيبها وروح كمل كُل
سامر ممسك بيد يارا _ بسررعه يا سنيه انتي بتجيبي من دوله تانيه ولا أيه
نوال _ بقولك سيبها وارجع كُل
يارا بدموع _ اتفضل انا بقيت كويسه
سامر يبصلها بحزن _ طيب بس حطي مرهم ولفيها بشاش كويس ومتعمليش حآجه ها
يارا بدموع _ حاضر
نوال بعصبيه_ ما تيلاا، وانتي ابقي نضفي المطبخ
يارا بألم _ حاضر
نوال تمشي قدامه وهو يبصلها بحزن وهي بتتألم
سامر _ انا اسف
يارا بدموع _ اتفضل عشان الهانم متزعلش
مصدقتش خوفه عليه الي شوفته، في تصرفه معايا ، حاجه فوق الوصف، كان ناقص يبكي
بعد وقت كنت في المطبخ ولافه ايدي بشاش، وماسكه الكتاب باليد التانيه وبقرا، وبعد شويه حسيت بحد واقف قدامي، بصيت لقيته هو. ف قومت علشان امشي
سامر _ رايحه فين
يارا _ رايحه الاوضه
سامر _ لا استني
يارا _ نعم
سامر يمسك ايدها _ مش لفاها كويس ليه
يارا تشد ايدها منه ف توجعها اكتر
سامر _ وريني متخافيش
يارا بدموع _ هتروق دلوك،
سامر يمسكها تانى _ طيب اقعدي انا هظبطهالك
يارا بدموع_ لا انا هظبطها، وحدي
مسمعش مني وبقا باصص ليدي وبيشيل الشاش ويرجع يلفه تانى، واني مقدرتش مبصلهوش واراقب حركاته وقلقه عليه، لغيت ما رفع عينه وخد باله مني
سامر _ هتكون كويسه، بس متعمليش حاجه لغيت ما تخف
يارا بارتباك_ متشكره
سامر _ يارا ايه رأيك تروحي سكن جامعي وانا هدفعلك
يارا _ طيب ليه
سامر _ هنا مش هترتاحي
يارا _ انا مبسوطه اهنه
سامر _ وانا مش.مبسوط بسبب اللي حصلك ده
يارا بدموع _ نصيبي اكده بتحصل مع كتير غيري
سامر _ هنا لو موتي محدش هيحس بيكي،
يارا بدموع _ ما انت حسيت بيه اهو...
سامر _ انتي مش فاهمه نتيجة احساسي ده هتوصلك لأيه، امشي احسنلك
يارا _ لدرجة دي مضيقاك قعدتي
سامر _ بالعكس انا فرحتي متتوصفش ، بس اخرتها وحشه
يارا _ ليه هو ايه اللي هيحصل
سامر _ لو ممشتيش هتعرفي بنفسك
يارا بدموع _ مهمشيش وهقعد مع ابوي
مشيت وسبته.. وبقيت مش فاهمه سبب قلقه من وجودي في البيت، ايه اللي هيحصل يعني
شيري
روحت لقيت أمنية في البيت وشكلها متعصبه
شيري _ مالك
أمنية _ سؤال وردي عليه بصراحه
شيري _ أسالي
أمنية _ انتي بتحبي أسامة ولا لأ
شيري _ قولتلك انه صديق وبس
أمنية _ متأكده
شيري _ ايوه
أمنية _ طيب قوليلوه اني موافقه على جوازاي منه
شيري بارتباك _ وايه اللي جد
أمنية _ اقتنعت برأيك،
حكايات بنات p15
أمنية
مكنتش حابه اعمل كده ومعرفش ليه دخلت الجواز في مشكلتي.. هو يعني ايه هيزعلو في اني اتجوز، انا كنت غلطانه لما حسيت انه ممكن يكون حبني،.. لانه لو حبني مكنش ضحك عليه، هو بظبط زي ما قال.. بيحب يحسس الكل بأنهم مميزين، بس الحقيقة اني انا مرحلة وعدت،، ومينفعش ادي لنفسي اكبر من قيميتها
جه تاني يوم وكنت هقول ل شيري متقولش ل أسامة بس لقيتها مشيت ف جهزت وروحت بسرعه علي الكلية علشان الحقها، قبل ما تقوله وفي طريقي قابلته كان واقف قريب من البيت واول ما شافني كلمني
عز _ امنيه
أمنية _ انت إيه جايبك هنا
عز _ جيت اديكي الشيك ده فيه ال 100 الف بتوع الشرط الجزائي
أمنية _ مش عايزة منك حاجه
عز _ ده حقك لو كنتى انتي اللي سبتي الشغل انا مكنتش هسيب حقي
أمنية _ تعرف انك اكتر انسان مخادع وبوشين قابلته في حياتي، انت ازاي عايش كده
عز _ هو انتي دايما شيفاني شراني كده، انتي مش كنتي عاوزة تسيبي الشغل وانا بتحايل عليكي تقعدي اديني مشيتك..
أمنية _ صح، خلاص هات ده كده... كام دول
عز _ 100 الف، لو عاوزة تاني ممكن ازود
أمنية _ خليهم 500 علشان أكمل جهازي واتجوز الغالي المحترم ابن الناس
عز _ يعني وافقتي خلاص
أمنية _ مقدرش موافقش وانا شايفاه متمسك بيا وابن ناس و دوغري مش بوشين ومنافق
عز يطلع دفتر الشكات ويكتب شك تاني _ ماشى ربنا يتمم بخير، اتفضلي
أمنية تبص للشيك بابنهار مصتنع _ واووو مليون جنيه، دا انت غنى اوى،. بس خلي بالك مش كل واحده تجيلك تضيع فلوسك عليها... كده هتفلس
عز ببرود _ بحب ابسط البنات اللي في حياتي، وانتي لو كنتي حبوبه معايا من الاول كنتي خدتي كتير
أمنية _ الحمدلله اني مكنتش حبوبه. وخد مليونك اتبخر بيهم لا تتحسد
عز _ هاتيهم اديهم ل ماهيتاب السكرتيره الجديد هتفرح بيهم اوي
أمنية _ طيب اتفضل بقا ومتجيش المنطقه دي تاني
عز بتردد _ قوليلي الاول، بتحبي الواد الفاشل ده
أمنية _ بحبه اوي ده روووحي
عز _ كويس اووي، ابقي يوم الخطوبه البسي الفستان الفضي هيتجنن لما يشوفك بيه
أمنية _ فكرتني استناني دقيقتين ورجعالك
عز _ مش هاخده ده هديه، ولو احتجتي وكيل يوم فرحك كلميني.. باي
قد ايه عظيم وحقاني، طردني من الشغل وجاي يجيبلي الفلوس، هما كده اللي معاهم فلوس بيفكرو بحسابتهم في البنك مش بعقولهم
عز
وحشتني ومقدرتش امنع نفسي من اني اشوفها زي كل ، ولما روحت قالتلي نفس الكلام اللي قالته في الحلم تقريبا،.. عندها حق، هتسيب واحد من سنها وتبص لواحد قدي ليه
سبتها وروحت اشوف عدي في المدرسه ولما وصلت كانو لسه في الفصول ف استنيت يكون الفسحه جت، وبعد شويه خرج من الفصل وشافني وجه عندي وهو فرحان.... عسل الواد ده بحس ان ابني بالإضافة اني بشوف أمنية في ملامحه،
عدي بفرحه _ واحشني
عز بإبتسامة _ وانت كمان.. ايه رأيك تاخد اذن وتيجي معايا نتمشا شويه بالعربية
عدي بإبتسامة _ اوكي، دقيقه وراجعلك،
راح جاب شنطته وخد الاذن وجه
في العربيه
عز _ حد بيضايقك في المدرسه تاني
عدي _ لأ خالص دول بقو يحترموني، وانا بقيت اتفشخر عليهم ههههه
عز بإبتسامة _ اتفشخر براحتك
عدي _ ممكن سؤال
عز _ طبعا
عدي _ أمنية سابت الشغل ليه
عز _ هي مقالتش علي السبب؟
عدي _ لأ، مرضتش تقول
عز _ كان لازم تمشي عشان تجوز، مبروك صحيح
عدي _ انا مش عارف وافقت ليه دي مبتقبلهوش خالص،
عز _ مبتقبلهوش؟
عدي _ ايوه، ومعرفش ليه وافقت
عز _ يمكن بتحبه ومكسوفه تقول
عدي _ لأ مبتحبهوش،.. اقولك سر
عز _ قول
عدي _ شيري هي اللي بتحبه بس مبتقولش، لكن انا عارف
عز بضحك _ بتفضح اخواتك انت خد بالك
عدي _ ههههه انا بحبك وعارفك مش هتقولهم
عز بإبتسامة _ طيب ولما شيري هي اللي بتحبه اتقدم ل أمنية ليه
عدي _ معرفش
عز _ و أمنية عارفه ان شيري بتحبه
عدي _ هي سألتها امبارح اذا بتحبه ولا لأ وهي قالت مبتحبهوش
عز _ ف أمنية فوراً وافقت عليه طبعاً
عدي _ ايوه،
عز بإبتسامة _ هما كده البنات مجانين متركزش معاهم
عدي _ طيب وانا ينفع اقولها اننا صحاب
عز _ اوعا دي ممكن تضربنا
عدي بإبتسامة_ صح هي اصلا مش طيقاك من وقت ما كلمتها في التليفون، وكل ما تعرف اني بكلمك تقولي احظر المتخلف ده
عز بضحك_ متشكرين ياسيدي
شيري
أمنية وافقت علي أسامة بعد ما انا غيرت رأيي، ، فضلت اقنعها انه مينفعش وانهصايع وهي تقولي انا حره.. وتاني يوم روحت واستنيته في الكافيتيريا وبعد شويه جه
أسامة _ كنت عارف اني هلاقيكي هنا
شيري _ علشان كده جيت
أسامة بإبتسامة _ كنتي جايه علشاني بجد؟
شيري _ ايوة
أسامة _ شكلك كده عاوزة تقوليلي حاجه منومتكش طول الليل
شيري _ صح.. بقيت صاحيه وبفكر هقولهالك ازاي مع اني مكنتش حابه اقولهالك
أسامة بإبتسامة _ قولي
شيري _ أمنية وافقت. مبروك
أسامة بصدمه _ وافقت على أيه
شيري _ علي جوازك منها
أسامة _ انتي بتهزري صح
شيري _ مبهزرش، هي اول ما شافتني ومن غير ما اتكلم قالتلي اقولك موافقه
أسامة بغيظ_ تصدقو انكم عيله انانية، ازاي توافق وهي عارفه انك بتحبيني
شيري _ مبحبكش يا أسامة، وانت اللي اناني و واطي، وبعدين انت زعلان ليه مش بتقول انك بتحبها
أسامة _ ايوه بحبها، وانا مش زعلان بالعكس مبسوط بس انتي صعبانه عليه انك تشوفينا سوا وتتعذبي،
شيري _ لا متقلقش عليا، استرجل انت بس وحافظ عليها
أسامة بخنقه _ طيب متشكر علي النصيحة
شيري _ العفو يا صديقي
عرف انه اتورط و وقع في شر اعماله، بس يستاهل خليه يتربا، وأمنيه هتعرف تربيه
أسامة
انا كنت مرتاح ومتأكد ان امنية هترفضني معرفش ليه وافقت،... انا مش بتاع جواز ولا نيله، الله يسامحك ياشيري، طيب وربنا لا اخليكي تبكي ليل نهار..
كانت ماشيه، ف أمنيه وقفتها
أمنية بقلق _ ايه الاخبار
شيري تبصل ل أسامة _ بلغته موافقتك، تعاله يا أسامه مكسوف ليه
أسامه_ واتكسف ليه، ازيك يا موني
أمنية بقرف _ اهلا بس اسمي أمنية
أسامة _ اجمل أمنية
أمنية_ لا بقولك ايه انا وافقت اه بس متعشش الدور غير بعد الجواز
أسامة _ طيب ياريت نقعد ونتفق علي الخطوبه قوام قوام عشان بعدين نتكلم في الفرح قوام قوام بردو
شيري _ عنده حق، خلينا نفرح بقا
اسامه_ حتى شيري مستعجله ايه رأيك نعمل الخطوبه بعد اسبوع
أمنية _ كويس، اتفق انت وشيري وبلغوني
شيري_ الموضوع يخصك انتي
أمنية _ ما انا عارفه انه يخصني بس انتي ولية امري قدامه، مش طلبني منك، اتفقي بقا
أسامة بإبتسامة_ عندها حق، استاذنك يا أمنية هعزمها بره ونتفق عشان الجامعة مش مكان مناسب للمواضيع دى
أمنية_ ماشي بس متتأخروش، وانت خلي بالك منها تيجي سليمة
أسامة _ في عنيه
شيري محاولتش تعترض نهائي، وراحت معايا وقعدنا في كافية بعيد عن الجامعة
شيري_ عاوزين عشره كيلو دهب و200 الف مهر والشقه والسجاد والمراتب والانتريه والمطبخ والاجهز الكهربائية عليك
أسامة بضحك _ بس كده
شيري_ لسه لما نشوف الناقص هبلغك
أسامة_ لا تنفعي ولي امر بجد
شيري _ ولو زعلتها مش هسيبك وهندمك بجد يا أسامه
أسامة_ دي روحي ازعلها ازاي، انا لما اشوفها مبتسمه بحس الدنيا ابتسمتلي ياصديقتي
شيري _ اه
أسامة_ انتي عارفه اول يوم شوفتكم مع بعض فيه، عيني وقعت عليها بس كان لازم اكسب صداقتك علشان كنتي مفتريه وهتمنعيني
شيري _ اه
أسامة بتأمل _ طيب انتي عارفه اني لما ابصلك بحس اني شايفها هي، نفس العيون الجميلة، ونفس الشعر والشفايف
شيري بارتباك _ ماشي ابقا قولها هي الكلام ده
أسامة _ انتي صديقتي وبفضفض معاكى
شيري _ متفضفضش معايا في مواضيع بارده
أسامة بإبتسامة_ ونفس شكلها العسل لما بتتعصب،.. بتكون زي القطط الشيرازي
شيري تقوم بانفعال_ انا ماشية
أسامه بضحك_ استني انتي بتغيري ولا إيه
شيري بغيظ _ مش بغير بس انت مستفز
أسامه_ طالما قومتي كده يبقا بتغيري ومش حابه اجيب سيرت واحده غيرك،..
شيري _ اسامة مضايقنيش وبطل طريقتك دي، انا عارفه كويس تقصد ايه بتلمحاتك المستفزه
أسامة _ انا مبلمحش انتي اللي بتاخدي الكلام علي نفسك، لكن كده مش هينفع لازم تنشفي انا بقيت خطيب اختك
شيري _ مبخدش الكلام علي نفسي وانت متهمنيش نهائي، ويلا وصلني ولا اروح وحدي
أسامة _ شيري لأخر مره بقولك لو بتحبيني قوليلي صدقيني هوقف الموضوع ده علشان خاطر مجرحكش
شوحت بأيدها ومشيت وهي مضايقه، وانا روحت وراها
أسامة_ ايه شغل العيال ده، احنا لسه.متفقناش
شيري _ ولا.هنتفق، روح اتفق معاها هي
أسامة _ انتي ولية امرها
شيري _ مستغنيه عن الولايه دى، من فضلك، ابعد عني، واعمل اللي انت عاوزة... اتخطبو واتجوزو وخلفو وسيبوني في حالي
أسامة_ طيب وانتي زعلانه ليه دلوقتي
شيري ببكاء _ علشان لو بابا وماما.موجودين كانو هما هيتولو المسؤليه دي مش انا... انا مفهمش في حاجه، حتي البني ادمين مفهمش فيهم
أسامة _ طيب خلاص متبكيش..... خلاص ياشيري الناس بتبص علينا
شيري ببكاء_ ملكش دعوه هبكي لصبح
أسامة يحط ايده علي خدها بحب _ انا اسف، مش هضايقك تاني،
شيري تذق ايده بغيظ _ انت بتعمل ايه
أسامة _ بهديكي في إيه دي
شيري بغيظ _ متبقاش تهديني تاني
أسامة _ خلاص اهدي وتعالي اقعدي انتي متعصبه ليه
شيري _ عاوزة امشي ورايا محاضره.. هتوصلني ولا اخد مواصلات
أسامه _ هوصلك طبعا اتفضلي
في العربيه
شيري _ في حد من أهلك هيعرف بموضوع الخطوبه
أسامة _ انا مسؤول عن نفسي
شيري _ انا متاكده انك واخدها لعب انت عمرك ما هتكون مسؤل ولا جد في حاجه
أسامة _ عشان أمنيتي ابقا مسؤول وجد كمان،، لجل الورد يتسقي العوليقه.. تشربي؟
شيري _ يعني انا عوليقه ماشي شكرا
أسامة _ ههههه انتي الورد.. لكن اطمني صديقتي الجميله، انا هحطها في عنيا وهقفل عليها برموشي
شيري _ اه ما انا عارفه انت هتقولي
أسامة _ بحبك وانتي عارفه صديقك
شيري _ شهل اتأخرنا
أسامة _ انتي عاوزاني اعمل حادثة باين عليكي
شيري _ ياريت
أسامة _ طيب وانتي هتموتي معايا
شيري _ ابقا ارتحت من وشك
أسامة بإبتسامة _ مانتي هتموتي معايا ومش بعيد يدفنونا في نفس القبر
شيري بقرف_ مش هيدفنونا في نفس القبر وبطل رغي وامشي
أسامة _ حاضر ياحبيبتي
شيري بتمتمه _ حبك برص
أسامة بضحك _ متشكر
شكلها حلو هي ومتعصبه، مكنتش عاوز اوصل وكان نفسي اقعد اضايقها شويه كمان
يارا
بعد ما خلصت اللي وراي بيد واحده دخلت جوه الاوضه لقيت سنيه بتصلي، ف قعدت علي السرير وبقيت اقرا لغيت ما سامر نده علي سنيه، وهي شاورتلي علشان اروحلوه... بقيت احس ان الجاذبيه وقاونين العقل الباطن متفقين يدبرولنا لقاء مع بعض،.. والمشكله اني مبسوطه بالموضوع ده وربنا يستر
يارا_ سنيه بتصلي حضرتك عاوز حاجه
سامر _ ايدك عامله اية دلوقتي
يارا_ بقت زينه
سامر _ طيب روحي ارتاحي
يارا _ حضرتك كنت عاوز حاجه من سنيه اقدر اساعدك انا
سامر_ ، لما تخلص سنيه
يارا _ ماشي
سامر _ لسة مفكرتيش في اللي قولتلك عليه
يارا _ مش هسيب ابوي واقعد في مكان تانى
سامر _ قولتلك مش هترتاحي هنا
يارا _ مش هرتاح ولا تقيله علي قلبك
سامر _ طيب اسكوتي، انا عاوزك ترتاحي،.. بس هنا اقل غلطه هتتحاسبي حساب تقيل عليها
يارا _ وجايبني هنا ليه من الاول طالما يهمك امري اكده
سامر _ مكنتش اعرف انك هتكوني مهمه عندي كده،.. ولو ماما حست بأهتمامي بيكي مش هتخليكي دقيقة واحده
يارا _ خلاص متهتمش
سامر _ مش بأيدي
يارا بارتباك _ دقيقه هندهلك سنيه
سنيه _ جيت اهو.. عاوز ايه يا حبيبي
سامر _ نسيت
سنيه تبص ليارا تلاقيه لسه واقفه _ في حاجه يا يارا
يارا بارتباك _ لأ عن اذنكم... وبتمشي
سامر
سابتنا ومشيت وانا وسنيه بقينا نتكلم
سنيه _ انت مهتم ب يارا كده ليه يا سامر
سامر _ على فكره دي زميلتي في الجامعة
سنيه _ لا ياحبيبي انسا الزماله البنت غلبانه وانت كده بتأذيها
سامر _ قوليلها يمكن تفهمك، وخليها تسيب البيت، لاني مش هقدر اتجاهلها
سنيه _ اقدر ياحبيبي شوف بنت غيرها اتسلا معاها بس دي لأ
سامر _ مش بتسلا
سنيه _ امال بتعمل ايه
سامر _ مبعملش حاجه،
سنيه _ ايه حكايتك مع البنت يا سامر عاوز منها ايه.،، مش كفاية اللي حصل مع المسكينة اللي قبلها
سامر _ الله يخليكي متجبلهاش سيره،
سنيه _ والله ربنا يسترها منك
كان عندنا بنت بتشتغل من سنتين، وانا اتراهنت عليها مع أسامة و بقيت الف وراها لغيت ما وقعتها وحبتني ، ولما ماما عرفت طلعتها من البيت بفضيحه كبيره، وبعد كده معرفتش عنها حاجه خالص.. ودا اللي هيحصل مع يارا لو ماما عرفت اني بحبها، وانا مش قادر اوضح ل يارا عاوزها تمشي ليه.. عشان متزعلش مني وتكرهني وكمان مش هي هتصدق اني اتغيرت علشانها
يارا
كنت قاعده في الاوضه وجت سنيه وقعدت جمبي
سنيه_ سامر بيقول انكم زمايل
يارا _ صح
سنيه_ طيب ومخبين ليه
يارا_ هو لما جيت قالي انه محدش يعرف عشان اكده مجبتش سيرة
سنيه_ ايوه... طيب ممكن متتعامليش معاه نهائي اكتر من انك تعملي الشغل اللي بيطلبه منك
يارا_ دا اللي انا بعمله، حتي في الجامعه مبتعاملش معاه ك زمايل
سنيه _ جدعه بنتنا ناصحه وعاقله
يارا _ هو مالو قلقانه منه اكده
سنيه_ هو قالي مقولكش بس بعد ما شوفت اهتمامه بيكي لازم اقولك عشان تعرفي ايه ممكن يحصلك لو عقلك ولا قلبك مالو
يارا باهتمام _ قولي
بدأت تحكي وتقولي على بنت اسمها صفاء كانت هنا وهو ضحك عليها وبسببه اتفضحت وطردوها من البيت
يارا _ سامر عمل اكده
سنيه_ ايوة وحياته كلها كده وانتي لو عايزة تسلمي منه متأمنلهوش بأي شكل
يارا _ انا فعلا مش بأمنلوه، حاضر يا خاله اوعدك مش هيعرف يضحك عليه
سنيه_ شاطره وناصحه
كنت عرفاه مستهتر وفاشل بس مجاش على بالي انه يأذي حد بشكل ده، وقررت انه عمره ما هيحس بأي قبول من نحيتي، ولو جه وقت اتشدتله ف ده مش هيحصل تانى أبداً
معاذ
اهل منه وافقو على طلبي والنهارده روحت الكليه ومستني اشوفها وفعلا جت السيكشن وبعد ما خلصت وكل الطلاب.مشيو ندهت عليها
معاذ_ استني يا طالبه
منه بإبتسامة_ نعم يا دكتور
معاذ_ شايفك مش.مركزه يا طالبه
منه _ ركزت، تحب اسمعلك قولت ايه
معاذ_ مستني اسمع حاجه جديده غير اللي قولته
منه بإبتسامة_ حاجه زي أية
معاذ_ بحبك يا دوك، بهواك يا دوك وحشتنى يا دوك
منه بضحك_ لما نتخطب رسمي يا دوك
معاذ _ منه انا بقالي اربع سنين هموت واسمعها منك، انطقي
منه _ لا والله ما يحصل، بعد الفرح ده لو تم
معاذ_ انتى لسه قايله بعد الخطوبه
منه _ رجعت في كلامي
معاذ_ يا عيله
منه بإبتسامة_ بردو مش هقولها
معاذ بإبتسامة _ اقولها انا
منه _ انت حر
معاذ _ انتي رزله علي فكره
منه بضحك _ متشكره ياسيدي كتر خيرك
معاذ _ طيب انا عاوز اعمل الفرح الشهر الجاي
منه _ لا طبعا مش قبل ما اخلص واشتغل
معاذ_ لاا ياحبيبتي بعد الجواز اعملي اللي انتي عاوزاه
منه _ لااا هعمل كل حاجه وبعدين نعمل الفرح
معاذ_ انا هساعدك بعد الجواز صدقيني مش هعطلك
منه بإبتسامة_ هفكر
معاذ_ متفكريش
منه _ خلاص هرد عليك بعدين
معاذ_ طيب علشان خاطري وافقي انا محتاجك معايا
منه بإبتسامة _ هشوف
تانى يوم
أسامه
روحت لخالي الشركه وانا مش عارف اقوله علي موضوع الخطوبه ده ولا لأ، ولما روحت نسيت كنت جاي ليه لما شوفت الكسرتيره، بنت صغيره وموزه، ليه حق خالي يحبها، ف قررت اغلس عليه واتبرع واقولها انا انه بيحبها
أسامة _ صباح الخير
ماهيتاب _ صباح النور يافندم اتفضل
أسامة _ هو انتي اسمك أيه
ماهيتاب _ ماهيتاب يافندم
أسامة _و انا أسامة ابن اخت المدير وممكن تقوليلي اوس اوس عادي
ماهيتاب بإبتسامة _ متشكره يافندم لحظه هبلغه
أسامة _ على فكرة خالى بيحبك جداً ابقي اهتمي بيه علشان هو مش عارف يقولهالك ازاي
ماهيتاب _ افندم
أسامة _ زي ما سمعتي، هو يبان عليه جد لكن هو فرفوش و بيقول عنك كلام حلو اوي
ماهيتاب _ حضرتك بتقول ايه
أسامة _ متستغربيش هو قالي انه معجب بيكي وبيحبك لكن عمره ما هيقولك غير لو حس منك بالاعجاب والحب المتبادل
ماهيتاب بضحك _ ماشى يافندم، دقيقه هبلغه
اتبسط جداً انى سهلت عليه وقولتلها اكيد هيتبسط اوي
عز _ ربنا يستر انت مبتجيش غير في المصايب
اسامه _ طلعت مش سهل يا عزوز البنت صاروخ
عز _ بنت مين
أسامة _السكرتيرة، ليك حق تحبها
عز _ مين يحب مين
أسامة _ انت، مش قولتلي قبل كده انك معجب بسكرتيره وشكلك حبيتها
عز بضحك _ ايوه حصل بس مش
أسامة بمقاطعه _ خلاص انا ظبطلك الدنيا وقولتلها خالي بيحبك
عز بصدمه _ قولت لمين
أسامة بغرور _ ل ماهيتاب
قولتله كده وفجاه قام وعنيه احمرت وطلعلوه انياب وضوافره طلعت وانا طلعت اجري وفي سكتي زعقت وقولتلها والله بيحبك
