رواية حكايات بنات الفصل السادس عشر والسابع عشر والثامن عشر والتاسع عشر والعشرون كامله
 |
حكايات بنات p 16
عز
أسامة خلي شكلي زبالة قدام السكرتيرة وانا تقريباً مبصبحش عليها، دلوقتي تقول ببصبصلها من تحت لتحت
عز بصرامه _ يا انسه تعالي
ماهيتاب بإبتسامة _ افندم
عز _ الولد اللي دخل ده معاه شهادة معاملة اطفال ف بيقول اي حاجه، انسي اللي قالو، ها
ماهيتاب _ حاضر يافندم
عز _ و و و الفستان مقطوع عند الركبه ياريت تخيطيه او بكره تيجي بلبس غيره
ماهيتاب _ حاضر يافندم
عز _ وخفي الألوان اللي على وشك، انتي جايه تشتغلي مش جايه سيرك تضحكي الناس
ماهيتاب _ امرك
عز _ اتفضلي
غريبه اوي حاطه في وشها الوان كتير ولبسها متلبسهوش رقاصه.. يحصل ايه لو تلبس زي أمنية
يارا
روحت الجامعه وكان لسه باقي شويه علي معاد المحاضره، ف قعدت في المكتبه لغيت شيري جت عندي
شيري_ بقالي كتير مقعدتش معاكى مبتساليش ليه
يارا ترفع ايدها _ زي مانتي شايفه، عاوزة اللي يسأل عليه
شيري_ الف سلامه مال أيدك
يارا _ اتكبت عليها شربه سخنه
شيري_ سلامتك حبيبتي
يارا_ كنتى بتبكي ليه من كام يوم، معرفتش اسالك من وقتها
شيري _ طلع كلامك عن أسامه صح
يارا_ مالو
شيري _ كان بيلعب عليه
يارا _ عمل ايه واد المركوب ده
شيري بدموع _ طلب ايد أمنية، تصوري انا اللي بقيت ولية امرها وبتفق معاه علي الخطوبه والفرح
يارا _ حبيبتي، انا قولتلك انه كداب
شيري_ مكنتش اعرف هو مقنع لدرجة كبيره
يارا_ طيب ومقولتيش ليه ل أمنية اللي حصل
شيري _ هقولها ايه
يارا_ قوليلها كان بيكدب عليكي وانك حبتيه
شيري_ بقولك منطقش اي كلمه بره اطاره الصداقه، حتى تلمحاته لما واجهته بيها قالي انا.كده مع صحابي، وانتي ضعيفه بيأثر فيكى الكلام الحلو
يارا_ كلهم اكده ولاد كلب
شيري_ عندك حق.. بس هعتبره درس علشان متخدعش في حد بعد كده
يارا _ وانتي هتقدري تستحملي انه يتجوز اختك
شيري بدموع_ هقدر لازم يعرف انه ميفرقش معايا
يارا _ بس هو فارق
شيري تمسح دموعها _ من دلوقتي مش هيفرق معايا أبداً،
يارا _ ياريت الموضوع ينتهي ببساطة اكده
شيري _ ومينتهيش ليه، عادي خالص، هنساه زي ما انشغلت بيه
يارا بشرود _ جدعه شدي حيلك
شيري _ مالك حاجه حصلت معاكي انتي كمان ولا أيه
يارا بتنهيده _ له انا غيركم مبتشغلش ولا حد يهمني
شيري _ يكفيه شر الحاجات دي
يارا _ يارب
مشت شيري وبعد شويه سامر جه
سامر _ ممكن اقعد
يارا _ اتفضل انا اكده اكده ماشيه
سامر _ لأ استني،، مالك النهارده
يارا _ مفيش انا بس لازم الحق المحاضره عن اذنك
سامر
مش عارف مالها النهارده مش مدياني وش نهائي، مش فاكر اني ضايقتها في حاجه
أسامه _ نفضتلك يا معلم
سامر بخنقه _ انت هنا من امتي
أسامه _ من اول ما جيت انت
سامر _ طيب
أسامة _ مالكم انتو قافشين ولا إيه
سامر _ واحنا اصتلحنا امتي عشان نقفش، دي مش بتديني وش نهائي، مفيش غير اول امبارح لما اتلسعت، ف مسكت ايدها علشان اربطهالها وهي كانت بتبصلي ولما شوفتها اتلخمت
أسامة_ طالما اتلخمت تبقا وقعت يامعلم
سامر _ ما انا فكرت كده في الأول بس النهارده مش عارف مالها
أسامة _ اقولك تعرف ازاي اذا كانت بتحبك ولا لأ
سامر _ ياريت
أسامة _ ادلق علي نفسك حلة ميه سخنه
سامر _ ياخي عنها ما حبتني انت عاوز تسلقني يافقر
أسامه _ ياحمار افهم، انت اعمل الحركه دي ولو هي اتخضت عليك تبقا بتحبك،.. معبرتش امك تبقا خلاص انت في البلاله
سامر _ هتلبسني في الحيط انا عارف، بس تعرف انا هجرب لكن مش بميه سخنه طبعاً
أسامة _ بيس يا مان
سامر _ ماشي قولي بقا عملت ايه مع شيري واختها
أسامة _ هو انا مقولتلكش
سامر _ لأ
أسامة _ هخطب أمنية
سامر _ ايه ده بجد، يعني لبست كده
أسامة _ مين ده اللي يلبس، هو شهر وهطفشها بس اربي شيري الأول
سامر _ هتربيها ازاي
أسامة _ مش عارف، بس حابب العب معاها شويه
سامر _ تلعب معاها ازاي بردو
أسامة بإبتسامة _ اضايقها
سامر _ لا حرام البنت جميله وطيبه بلاش تضايقها وسبهالي انا
أسامة بحده _ اسبلك مين
سامر _ سيبلي شيري، بنت البواب مش نافعه وانا عاوز واحده حلوه زيي شيري
أسامه بغيظ _ طيب يارب اشوفك بتسلم عليها حتى
سامر _ وانت مالك مش بتقول مبتحبهاش
أسامة _ بس لسه معلقها معايا
سامر _ خلاص فكها، وانت خليك في أمنية وانا اخد شيري هموت وابوسها شوفت شفافيها صغيره ازاي،
أسامة يضربه لكمه في وشه يخرسه _ تبوس مين يا وسخ
سامر بألم _ ااه وشي الله يقطعك
أسامة _ بقولك ايه اقطع علاقتك بيه،، انت ناقص يلا
سامر بإبتسامة _ خلاص ياعم ااه ههههه
أسامة يضربه في كتفه _ دا ايه اللي تبوسها دي، احترم نفسك ها احترم نفسك
سامر _ خلاص ياعنتر،
أسامة بقرف _ انت عيل وسخ
سامر _ طب عاارف ما تقولي. مبحبهاش تانى والله لا هاخد ماما واروح اخطوبها
أسامة بغيظ _ طيب راجل اعملها
سامر _ وفيها ايه طالما البنت فاضيه
أسامة _ لأ مليانه انا لسه مخلصتش
سامر _ اوكي لما تخلص اخدها انا
أسامة _ ولغيت ما ربنا ياخدها متبصلهاش انت فاهم
سامر بضحك _ فاهم، بس انت اللي مبتفهمش، والله بتحبها
أسامة _ طيب والله هضربك
كنا بنشد مع بعض ف لقينا شيري بتبص علينا
أسامة بهمس _ الله يقطع سنينك
سامر بضحك _ شكلها سمعت
أسامة بارتباك _ اهلا صديقتي، في حاجه
شيري _ نسيت القلم بتاعي هنا، ممكن توسعو ولا لسه هتكملو خناق
سامر بهمس _ شكلها مسمعتش
أسامة _ لأ تعالي احنا خلصنا
سامر _ لأ لازم تشهد وتحل المشكله، انا هقولك
أسامة يضربه بكوعه _ اخرس بقا.. تعاله معايا.. هغوره وراجعلك يا صديقتي
سامر بضحك _ هيقولك حاجه مهمه
اسامه يشده ويرميه بره المكتبه
أسامة_ اتفوه عليك عيل ناقص
سامر _ هقولها وربنا لا اقولها
شيري
كنت راجعه ادور علي القلم ف سمعت كلامهم، واللي فهمته ان سامر بيقولو بتحبها وأسامه بيقول لأ، وعملت اني مسمعتش حاجه لغيت ما اشوف اخرتها معاه.
أسامة_ معلش يا صديقتي كنت بطرد الواد البارد ده
شيري_ كنتو بتتخانقو ليه
أسامة_ بيقولي عاوز العب ببنت كده بس انا قولتله لأ حرام تلعب بمشاعر البنات
شيري _ الله يكرمك ياريت كلهم زيك
أسامة _ ياريت يا صديقتي ياريت
شيري _ كانت الدنيا خربت
أسامة _ بالعكس كانت هتبقا حلوة اوي
شيري _ بقولك ايه يا صديقي
أسامة _ قولي ياغاليه
شيري_ انت دلوقتي بقيت نسيبي يعني في مكانه اخويا، كنت عايزة احكيلك موقف حصل معايا شاغلني اوي
أسامة باهتمام _ قولي
شيري _ بعد ما طلبت ايد أمنية مني،.. كنت.مروحه ف قابلت زميل ليه، وطلب يوصلني،
أسامة_ وبعدين
شيري _ هو شخص محترم جداً، لكن النهارده قالي انه معجب بيه، ف مش عارفه اعمل إيه
أسامة بحده _ معجب بيكي ازاي يعني
شيري _ بصراحه هو قالي بيحبني بس اتكسفت اقولك انه قال كده
أسامة بغيظ _ وعمل ايه معاكي تاني،.. انتي ليه سهل اي حد يتكلم معاكي كده،... وتركبي معاه ليه اصلا
شيري_ لا بقا، انا مش سهل اي حد يحكي معايا، انا بس لقيته مهتم بيه وكمان كان زعلان.من حاجه ف صعب عليه
أسامه بغيظ_ وانتى زي الحماره صدقتيه انه زعلان ومهتم ورايحه تركبي معاه العربية، افرضي حد عيطلك وقالك تعالي معايا الشقه هتروحي
شيري تضربه بالقلم بغيظ _ انت انسان زبالة
أسامة _ بتضربيني يا شيري
شيري _ واديك بجزمه كمان
أسامه بتحذير _ وحياااة ربنا لا هوريكي، قدامي
شيري _ لأ مش رايحه معاك
أسامة_ انتي هتمشي قدامي ولا ازعق ونلم الناس علينا وقول بتبعتلي رسايل قليلة الادب
شيري _ خلاص جاية بلاش فضايح
طلعنا من الجامعة وانا ماسكه نفسي بالعافيه علشان مضحكش واتكشف
في العربيه
أسامة بحده _ كملي
شيري _ أكمل ايه
أسامة _ حكاية زميلك
شيري _ مفيش غير اللي قولتهولك
أسامة _ وانتي رايك إيه في اللي قالو
شيري _ بصراحه انبسطت
أسامة بخنقه _ اتبسطتي علشان قالك بحبك
شيري _ اتبسطت عشان حد مهتم بيه وبيحبني،
أسامة_ طيب ما انا واخواتك وصحابك بنحبوكي ولا لازم حب من النوع التاني
شيري _ مش شرط بس انا محتاجه حد يكون جمبي في الحظات الصعبة اللي بتعدي عليه، انت اكيد بتمر باللحظات دي وفاهمني
أسامة _ عشان موت اهلك يعني
شيري _ ايوه
أسامة _ طيب ما احنا مرزوعين لو احتجتي اي حد في ثانيه هنكون جمبك تعرفي منين انتي ان زميلك ده مش عاوز منك حاجه
شيري _ مظنش اصله طيب اوي
أسامة بغيظ _ انتي غبيه ولا بتتغابي عاوز افهم.. انتي بتمثلي عليه صح، قولي انك بتمثلي
شيري _ مبعرفش امثل انا يا أسامة، ولو مش هتقولي اعمل ايه بهدوء سيبني وامشي
أسامة _ طيب لو قولتلك هتسمعي الكلام ولا هتخبي عليه بعدين
شيري _ هسمع
اسامه _ طيب بصي،... احنا الشباب كلنا بدون استثناء لما بنحب الواحدة بجد بنتقدملها رسمي ولو اترفضنا بنتقدم تاني وتالت،،، انما اللي بنقولهم بحبك من بره بره دول بنصاحبهم بس والصحبيه مراحل.. في مكالمات.. في صور. في ااااه يارب ال اااه دي تكون فهمتيها
شيري _ مفتكرش ان حوسو زيكم
أسامة بقرف _ حوسو
شيري _ اقصد حسام.. حوسو ده اسم الدلع هو قالي اندهلو بيه
أسامة بخنقه _ في سنة كام حوسو ده واسم بالكامل ايه
شيري _ مش هقولك اصله قالي بلاش حد يعرف
أسامة_ شيري وحيات ربنا لو ما اتعدلتي وبطلتي هبل لا اوريكي، بلاش تخلف ده بيضحك عليكي..
شيري_ لا انا مش هصدق غير لما اشوف بنفسي.. طيب دا حكا لامه عليه يضحك عليه ازاي
أسامة بانفعال _ يا روح امه، بقولك إيه انتي لو كلمتي الواد ده تاني انا هقول ل أمنية
شيري_ قولها، ما قالتلي عليك مكلمكش وبردو كلمتك
أسامة_ عشان كده انا مش واثق فيكى، ومتأكد مهما اقولك هتروحي تكلميه ولو طلب ايه هتوافقي عارفه ليه... علشان انتي سهله
شيري بدموع _ فعلاً انا سهله علشان صدقتك من الاول
أسامة _ لا بقولك إيه مدمعيش وتعيطيلي كل ما اكلمك، انتي سهله وأي حد يوصلك، واحمدي ربنا اني انا مزودتهاش معاكي كان زمانك ضيعتي
شيري ببكاء _ شوفت بقا انك كنت بتكدب عليه وقصدت تشغلني بيك.... انا كنت بكدب عليك مفيش حد وصلني ولا حد قالي معجب بيكي، واطمن بعد ما عرفتك انا من نفسي مبقتش اثق في اشكالكم
أسامة بخنقه_ طيب وليه التمثليه دي من الاول يعنى.. ما كنتي سألتيني بدل ما اعك في الكلام
شيري تبصله بكُره وتفتح العربيه وتطلع
أسامة _ شيري استنى... يابنتي بلاش شغل عيال
مشيت وانا ببكي بسبب كلامه وانه شايفني رخيصة علشان صدقته. وهو جه ورايا و وقفني
شيري بانفعال_ لو مبعدتش عني هصرخ والم عليك الناس
أسامه _ انا اسف بس انتي استفزتيني
شيري بغيظ _ بقولك سيبني امشي
أسامه _ خلينا نرجع و اوعدك مش هزعلك تانى
شيري بغيظ _ لا لا لا. الحقووووني
أسامه _ خلاص يخربيت اللي خلفوكي، خلاص امشي
أسامة
الغبية طلعت بتمثل عليه وانا زي الاهبل روحت انفعلت عليها ازاي مخدتش بالي انها بتكدب عليه... انا مش عارف مالي حتي لو كلامها صح ماهي حره تعمل اللي هي عاوزاه،
أمنية
بقا عندي ملل من القعدة من غير شغل، ف فكرت ارجع تاني شغلانة الديليفري،.. بس للأسف انا عكيت الدنيا معاهم قبل ما امشي... الله يسامحه علي اللي عملو معايا،، كان خلاني اسيب شغلي ليه من الاول لما هو هيفصلني،.. بقيت باحتقره ونفسي اكلمه اشتمه من قهرتي منه
عز
في فتره صغيره قدرت تشغلني بيها وبقت مهمه عندي، ولما مشيت حياتي فضيت، ياريتني كنت خليتها ومش لازم اعترفلها كان كفايه اشوفها وخلاص، ....
بقيت قاعد في المكتب وجايب رقمها ومحتار اتصل ولا لأ، وبعدين اتصلت من الرقم التانى وبعد رنتين ردت
أمنية _ الو......... الو... ما ترد
عز _ ازيك
أمنية _ هو انت
عز _ اه انا
أمنية _ متصل ليه
عز _ في ورقه ضايعه كنت عاوز اسألك اذا شوفتيها قبل ما تمشي ولا لأ
أمنية _ مشوفتش ورق
عز _ أمنية انتي ليه وافقتي على الولد الفاشل ده
أمنية _ وانت مالك
عز _ مالي،.. انتي مكنتيش موافقه في الاول ايه اللي خلاكي توافقي عليه
أمنية _ علشان جدع ومبيلعبش بمشاعر حد ولا بيعشمهم بحاجه
عز _ وانتي كنتي عشمانه معايا في ايه
أمنية _ مفيش
عز _ لا قولي يهمني اعرف، انتي فهمتي اهتمامي ازاي
أمنية بغيظ _ متتصلش هنا تاني. وبتقفل في وشه
كلامها معناه انها فهمت مشاعري نحيتها وكانت متقبلها كمان، والا هتتعشم في ايه،.. يخربيت دماغك كان لازم تستعجل يعني، اعمل اية دلوقتي
أسامة
فتحت الباب ودخلت دماغي ابص اشوف اذا عزوز موجود ولا لأ، لانه اكيد مش هيعدي اللي عملته..
بصيت كويس ملقتهوش، ف دخلت اوضتي وخدت نفسي وفجأه نزل علي وشي قلم حوجه من شدة الضربة
اسامه _ لا يا عزوز هنسا انك خالي وربنا
عز بغيظ _ نهارك مش بينله ملامح، خد ياض
أسامة يركب فوق السرير _ ياخالي افهم انا قولت افتحلك السكه
عز يركب وراه ويضربه برجله _ انا اللي هفتح دماغك، انت ايه دخلك يا صايع
أسامة يطلع برة الاوضه جري _ عاوز افرح بيك ياعم
عز بغيظ _ تعاله هنا والله ما هسيبك
أسامة يقرب من بحذر _ ياخالي عشان خاطري انا أسامه حبيبك،
عز يمسكه من قفاه _ انت مين قالك تدخل ، انا قولتلك تدخل
أسامه _ لأ
عز _ طيب فهمني ادخلت ليه
أسامه يشيل ايده _ مانت مكسوف تقولها قولت اساعدك ده جزاتي
عز بغيظ _ واد انت، انا اتخنقت منك، اقطع علاقتك بيه ياخي
أسامة _ انت متقدرش تعيش من غيري
عز _ اقدر وجرب كده، انت عيل مستهتر وبايظ
أسامة _ متشكر ياعم، داخل انام... اه بالمناسبة البنت صاروخ ارد جو
عز بغيظ _ طيب غور اتخمد
أسامه _ كنت عاوز اتكلم معاك في موضوع
عز بخنقه _ ولا تكلمني ولا اكلمك لغيت ما تعقل وتبطل تخلف
أسامة _ ياخالي اسمعني في موضوع مهم
عز بغيظ _ امشي يا أسامة مش عاوز اتكلم معاك
أسامة _ مااشي شكراً
دخلت وسبته وحلفت ما انا قايله وبعدين قعدت على السرير وجت علي بالي شيري ومقدرتش اشيلها من بالي لغيت ما نمت
شيري بدموع _ بكرهك يا أسامة
أسامة بإبتسامة _ ممكن تبطلي تبكي كل شويه
شيري ببكاء _ هبكي لغيت ما اموت وارتاح من عمايلك
أسامة بإبتسامة _ طيب ارضيكي ازاي
شيري _ معرفش
أسامة يتأمل ملامحها الطفوليه _ عارفه ان شكلك حلو انتي ومتعصبه، مستعد ازعلك على طول علشان اشوفك كده
شيري بدموع _ من وقت ما عرفتك وانا زعلانه، انت أذتني كتير
أسامة _ طيب انتي عاوزة ايه وانا اعمله
شيري _ معرفش اتصرف
أسامة ينظره لها بتأمل ويقترب منها ليقبلها، ثم يقع من على السرير
أسامة بصدمه _ لا لااااا انا حلمت بيها، وبتوحشني، وبزعل عليها وبغير، لا يارب علشان خاطري متعملش فيه كده انا غلطت كتير ومستعد اتعاقب الا العقاب ده يارب
حكايات بنات p17
منه
مروان بقا يجي كل يوم البيت ويتصل بيه يهددني اني لو كملت في الجوازه دي هيبعت الصور ل معاذ يوم الفرح وانا عاملة نفسي خايفة علشان ميعرفش انه معاذ عارف..
والنهارده معاذ كلمني في التليفون عشان يقنعني اوافق نتجوز علشان مروان ميزودهاش معايا
منه _ عاوزة اعرف انت مستعجل ليه
معاذ _ يعني ايه مستعجل ليه..
منه _ ايه السبب يعنى
معاذ_ اسباب كتير يا منه، وأولهم الاخ اللي بيتنططلك في البيت كل شويه واتصالاته وتهديداته ليكي
منه _ هو فعلا مزودها وخانقني، بس شهر قليل اوي
معاذ _ انا مش ناقصني حاجه،، وانتي كمان لازم تبعدي عنه، انا لو مش خايف من اللي هيحصل كنت رنيته علقه رقدته في بيتهم،..
منه _ مش عارفه
معاذ _ يابنتي هو طول ما فاكر اني مش عارف هيفضل تفكيره انه يفضحك يوم الفرح، انما لما نأجل بقا هيلاقي افكار تانيه، ف خلينا نتجوز قبل ما تعك
منه بإبتسامة _ هو انت ليه متمسك بيه بعد اللي عرفته
معاذ _ علشان بحبك ومش بحبك بس انا بعششقك، و انا مش هحاسبك علي مضيكي المهم اللي جاي
منه بإبتسامة _ في كلام كتير عاوزة اقولهولك في اللحظة دي، بس للأمان، فكرني اقولهولك بعد الفرح
معاذ _ انتي كده شغلتيني، قولي دلوقتي
منه _ مفيش حاجه تقلق، هو كلام عن احساسي دلوقتي نحيتك، وعن تمسكك بيه
معاذ _ اقدر افهمك، وعارف انك خايفه تندمي بعدين،، بس عشان خاطري توافقي نعمل الفرح بدري بلاش سنه دي
منه بإبتسامة _ ماشي، انا مقدرش ارفض بعد كلامك ده... وانا موافقه
معاذ _ ايوه كده فرحيني الله ينيلك
منه بضحك _ ههههه انت كده فرحان
معاذ _ عشان تكوني فهماني انا لساني دبش شويه لما افرح
منه _ ما انا خدت بالي..
أسامة
جه تاني يوم وانا مضايق من نفسي، وعاوز اروح الجامعه بس خايف اشوفها، وبعد تفكير وجدال بن قلب يريد وعقل يرفض انتصر القلب اللي مضيعنا دائما وروحت، و وقفت في نص الجامعه واتصلت ب سامر وبعد شويه جاني
سامر _ هااا عاوز ايه
أسامه بخنقه _ انا مضايق شوف هنعمل ايه
سامر _ امال فين رودي
أسامة _ رودي مين ... ااه لا مليش نفس لرودي دلوقتي
سامر _ طيب شوف حد من الشله وانطلق
أسامه بتردد _ امال البنت مجتش ليه
سامر _ بنت مين
أسامة _ شيري
سامر بإبتسامه _ سمعت انها عملت حادثة
أسامه _ سامر انا مش ناقصك اتكلم جد
سامر _ معرفش مشوفتهاش النهارده،.. مالك بيها
أسامة _ عادي، حابب اضايقها شويه
سامر _ طيب ما تكلمها
أسامة _ مش معايا رقمها
سامر_ مش بتقول كلمتك قبل كده
أسامه _ كلمتني من رقم اخوها
سامر _ طيب ايه هتقعد ولا تمشي
أسامة _ هستنا شويه
سامر _ اوكى، انا ورايا محاضره هخلصها واعدي عليك
أسامة _ اوك
فضلت مكاني مستنيها لغيت ما سامر رجع وهي مجتش بردو،..
سامر _ ايه الاخبار
أسامة _ مجتش
سامر _ دا انت مستنيها بقا
أسامة بخنقه _ لا خالص، يلا بينا
سامر _ في ايه مالك
أسامة _ مفيش، هتيجي معايا ولا امشي لوحدي
سامر _ لا روح انت انا رايح المكتبه
أسامة _ براحتك سلام
سامر
الظاهر ان اسامه اعترف لنفسه انه بيحبها بس مش قادر يقول، كان مستنيها بلهفه وزعل لما مجتش. وبعدين مشي... وانا روحت المكتبه عشان يارا المفروض تكون هناك، وفعلا لقيتها و قعدت جمبها
سامر _ اي الاخبار
يارا تقوم _ تمام
سامر _ رايحة فين
يارا _ خلصت ومروحه
سامر _ في ايه، انتي كل ما تشوفيني تمشي وتتهربي مني
يارا _ انا مبخدش بالي منك عشان اتهرب منك، ويادوب اروح عشان اتاخرت
سامر _ مبتخديش بالك مني... اااه لا كده يبقا في حاجه،
يارا _ مفيش ياولدي، يلا سلام
سامر بحده _ استني مش هتمشي غير لما افهم في ايه بقالك يومين بتعمليني كده
يارا _ وانا ميته عاملتك بطريقة تانيه، احفظ مقامك يا سامر بيه، انا الخدامه، عن اذنك
مشيت وسابتني، بس اكدتلي ان في حاجه مزعلاها مني.. لكن هي ايه مش عارف وقررت اروح البيت ومش هسيبها غير لما اعرف مالها،
روحت البيت وملقتش ماما وبابا موجودين، قولت عظيم كده هعرف اكلمها، ودخلت المطبخ لقيتها بتنضفه
سامر _ سيبي اللي في ايدك عاوز اكلمك
يارا تسيب القماشه وتيجي تمشي وهو يوقف قدامها
سامر بحده _ لما اكلمك توقفي تسمعيني، علشان انتي الخدامه
يارا _ نعم
سامر _ بتعمليني كده ليه،.. عملتلك ايه انا
يارا _ حضرتك عاوز تتغدا او اعملك حاجه تشربها
سامر _ مش عاوز زفت، واتعدلي انتي وبتكلميني،
يارا _ لو مش عاوز حاجه،، عديني ورايا مذاكره
سامر بخنقه _ طيب انا عملت حاجه زعلتك،، اتكلمي يا يارا في ايه
سنيه من الخلف _ في أيه
سامر يزفر بزهق _ عاوز اكل، خليها تجهز وتجبهولي في اوضتي
سنيه _ انا هجبلك
سامر بحده _ قولت هي، ومتتأخرش عشان جعان
رجعت اوضتي وبعد شويه جابت الأكل وانا قفلت الباب علشان متطلعش
يارا _ انت عملت ايه
سامر _ انا مش عاوز منك حاجه غير تقوليلي مالك متغيره معايا
يارا بغيظ _ طيب افتح
سامر _ انتي لو مقولتيش في ايه مش هتخرجي
يارا بغيظ _ قولتلك مفيش حاجه، وافتحلي قبل ما امك تيجي تبقا فضيحه
سامر _ صدقيني انا مش خايف من الفضايح، انتي بس اللي هتتأذي، ف قولي علشان تقدري تخرجي،
يارا تجري علي الشباك _ انت لو مخلتنيش أمشي والله لا ارمي نفسي من اهنه
سامر _ يارا بلاش جنان وتعالي هنا
يارا_ انت هتفتح ولا اوريك الجنان اللي من صح
سامر _ خلاص تعالي هفتحلك
يارا _ روح افتح الاول
سامر يفتح الباب _ اهو فتحت
يارا _ بعد من عندك
سامر يبعد _ تمام كده يلا
بعدت عن الباب وهي بقت تمشي بحذر واول ما وصلت طلعت تجري، ومعرفتش مالها بردو
يارا
طلعت من عنده جري ف لقيت نوال في وشي وكنت هخبط فيها هي وطالعه السلم
نوال بشك_ في ايه
يارا بارتباك _ اص اصل، اللبن على النار ورايحه الحقه
نوال بشك _ طيب روحي
سبتها وروحت على الباب الرئيسي عشان اكلم ابوي في موضوع سكن الطالبات ف وقفتني وجت عندي و وقفت وهي بتبصلي شويه بشك من غير ما تتكلم
نوال _ انتي مش بتقولي هتشوفي اللبن
يارا بارتباك _ ايوة صح بس كنت جايه اقفل الباب
نوال بحده _ لا انتي تيجي توريني اللبن اللي حطاه
يارا بارتباك _ ارتاحي وهجيبهولك
نوال بحده_ قدامي
يارا بقلق _ حاضر
مكنتش حاطه لبن علي النار وهي اصرت تشوف اذا كلامي صح ولا لأ،.. روحت معاها وانا خايفه من ردة فعلها لما تعرف اني بكدب، واكيد هتتهمني اني كنت مع سامر فوق بنعمل حاجه،
اول ما دخلت المطبخ لقيت لبانه علي النار
يارا بلخبطه_ اهو يا هانم شوفتي
نوال تبص في الغلايه تلاقى جواها لبن _ طيب متبقيش تسيبي اللبن تاني
يارا _ حاضر
مشيت وبقيت واقفه مكاني مش عارفه مين اللي حطهم لغيت ما سامر طلع من المطبخ
يارا بخضه _ اعوذ بالله، انت ايه دخلك اهنه
سامر يخرج بحذر _ قولت انقذك
يارا بغيظ_ انا بكرهك
سامر بهمس _ وانتي دماغك ناشفه وغبيه
يارا _ الله يشندل بالك ياخي، غور من اهنه متجبلناش المشاكل
سامر _ مش همشي غير لما اعرف مالك
طفيت على اللبن وسبته يحكي وروحت ل ابوي عند البوابه
يارا _ انا عاوزة اسيب اهنه يا باي
محمود باستغراب _ تسيبي اهنه ليه
يارا_ معرفاش اذاكر، بسبب الشغل اللي مبيخلصش
محمود_ طيب وهتروحي فين
يارا_ سكن الطلبات، كلهم بنات مفهمش راجل واحد وهكون زينه اهناك
محمود_ ياريت انا كمان مش مرتاح لقعدتك في نفس المكان مع رجاله غريبه
يارا بفرحه_ متشكره قوي يابوي..
بعد تلات ايام
شيري
مروحتش الجامعه بقالي كام يوم، لاني مكنتش عايزة اشوف أسامة بعد اللي قاله اخر مره، ولانه شايفني سهله رغم علمه اني انا قربتله علشان حزنه على اهله... والنهارده كنا قاعدين انا واخواتي والباب خبط، معرفش ليه توقعت انه يكون هو، ف قومت ودخلت اوضتي واستنيت اشوف مين قبل ما اقفل الباب، وفعلا طلع هو، وقبل ما يشوفني قفلت الباب ونومت واتغطيت وعملت اني نايمة، بس صوتهم كان وصلني
أسامه
بقالها كتير مجتش الجامعه، وانا كل يوم بروح واستناها تيجي ومبتجيش، ف قررت اروحلها، واهو بقالي حجه اروح عشانها، ولما وصلت، ولد فتحلي، الظاهر ان هو ده اخوها
عدي _ مين
أسامة _ أسامه
أمنية _ اتفضل.. دا أسامة يا عدي
عدي _ هو انت،
أسامة _ ايوه انا ايه رأيك فيه
عدي _ كويس اوي، اتفضل
أسامة بإبتسامة_ انت عدي شفت عرفتك لوحدي ازاي
عدي _ هما غششوك
أسامه _ بصراحه اه، .. عامله اية يا امنية
أمنية _ بخير اتفضل
أسامة _ لقيتكم مبتجوش الجامعه جيت اسأل عليكم
أمنية _ انا بدور على شغل و شيري مبتخرجش من اوضتها
أسامة _ هي تعبانة ولا إيه
عدي _ زي القرد بس بتحب تقبلها محزنه كل فترة
أسامة _ طيب ممكن اسلم عليها
أمنية _ دقيقه اندهالك
عدي _ انت شوفت أمنية فين
أسامة _ هما مقالولكش اننا في نفس الجامعة
عدي _ قالولي بس حبيت اعمل ولي امر،
أسامة _ ههههه ماشي اسأل ياعمي
عدي _ بتشتغل إيه
اسامه _ مبشتغلش
عدي _ امال بتاكول منين
أسامة _ انت عم شديد، خلينا صحاب احسن
عدي _ لا بجد بتاكول منين انا سمعت ان اهلك متوفين
أسامة _ دي حقيقة،، بس خالي مشغلي فلوسي وبصرف منها
عدي _ طيب متشتغل معاه وتشغلهم وحدك
أسامة _ تصدق فكره، اكيد هعمل كده في يوم
عدي _ كده اطمن علي اختي معاك
أسامة بإبتسامة _ طيب بقولك ايه ما تسيبك من الكلام ده وتخلينا صحاب ونخرج يوم مع بعض هفسحك فسحه تجنن
عدي بإبتسامة _ موافق يابو نسب
أسامه بهمس _ وناخد البت شيري نخرجها بدال ماهي حابسه نفسها كده
عدي _ وامنيه نسيبها لمين
أسامة _ اوك ناخدها معانا
عدي _ طيب هشوفهم وابغلك، احدف رقمك
اسامه بضحك _ القوف
أمنية _ شكلكم بقيتو صحاب
أسامة _ صح، انا حبيته
عدي _ وانا كمان... مطلعش صايع زي ما بتقول البت شيري يا أمنية
أمنية بارتباك _ ههههه بيهزر المزغود
أسامة بضحك _ لا ماهي بتقولي عادي
أمنية _ متزعلش هما بيحبو يهزرو
أسامة _ عادي مش زعلان، ااا امال هي فين مجتش يعني
أمنية _ نايمه وبصحيها تقولي تعبانه سيبيني
أسامة _ سلامتها،
قعدت شويه واستنيتها تطلع ومطلعتش، ف سلمت عليهم ومشيت وبعيد شويه رجعت ابص للبيت لقيتها واقفه على الشباك بتبص عليه ولما شافتني اتخبت، ف فهمت انها مكنتش نايمه وبتتهرب مني
أمنية
عدا كام يوم وانا قاعده في البيت من غير شغل، ف قررت أخرج وادور علي شغل تانى، ولما طلعت لقيت أسامة واقف لسه قدام البيت
أمنية _ انت لسه هنا
أسامة _ كنت ماشي
أمنية _ في حاجه طيب
أسامة _ لأ خالص بس وقفت اعمل مكالمة،، انتي رايحه فين
أمنية _ رايحه ادور علي شغل
أسامة _ انا ممكن اساعدك في الموضوع ده لو تحبي
أمنية _ متشكره انا هقدر الاقي
أسامة _ طيب ليه تدوري، انا خالي ممكن يشغلك في الشركة بتاعتو
أمنية _ ملوش لازوم، انا معنديش مؤهلات تنفع لشركات
أسامة _ خليني بس اكلمه واشوف اذا في شغل يناسبك ولا لأ
أمنية _ ماشي، مفيش مشكله بس انا هدور يكون رديت عليه
أسامة_ اوك
أمنية_ طيب عن اذنك
أسامة بتردد_ بقولك يا أمنية
أمنية_ اتفضل
أسامة_ انتي عارفه اني انا وشيري صحاب وهي اختي الصغيرة ف ليه منسعدهاش ونعرضها علي دكتور نفساني
أمنية_ هي مش محتاجه دكتور، هي محتاجه تطمن، انت عارف احنا لوحدنا ومفيش حمايه
أسامه _ صح، طيب والحل
أمنية_ الحقيقه معرفش، بس يمكن لما تجوز تلاقي حد يحسسها بالأمان
أسامه_ تجوز ايه في سنها ده
أمنية_ دي بيجيلها عرسان من وهي في اعدادي، وهي مش صغيرة يعنى، ف لو هتقدر تتعلم وهي متجوزه مفيش مشاكل
أسامة _ اه... كويس ربنا يرزقها بابن الحلال، طيب استاذنك انا
أمنية بشك _ اتفضل
معرفش ليه حاسه ان هما الاتنين مش مظبوطين وحطيني كوبري بينهم، دا من وقت ما جه وكل كلامه عنها وشكله نسي ان الخطوبه بعد يومين، بس مش مشكله انا كده كده مش هكمل معاه، انا وافقت من الاول علشان اضايق هولاكو وبس
عز
كنت قاعد في اوضة النحت بتفرج علي تمثال أمنية، وبحكيلو اللي مقدرتش احكيه لصحبته وفجاه الباب اتفتح ف غطيته بسرعه قبل ما يشوفه
أسامة بخبث _ غطيته ليه يا لئيم
عز _ اطلع بره شويه وجاي
أسامة يدخل ويحاول يكشفه وعز يمنعه
أسامة _ اشوفه ياعم في أيه
عز _ لأ وبطل رزاله
أسامة _ هي صح
عز _ وانت مالك يا رزل
أسامة _ خلاص ياعم ما انا شوفتها في المكتب
عز _ عاوز تشوفها تاني ليه بقا، اطلع بره
أسامه _ طيب تعاله عاوزك في موضوع
عز _ طيب احلف مش هتدخل هنا تاني
أسامه _ خلاص مش داخل
عز _ احلف ياحبيبي
أسامة _ عزوز قولتك مش هدخل يلا بس
عز _ احلف يا صايع
أسامة بنرفزه _ والله مش هدخل ارتحت كده
عز _ تمام كده يلا بينا برا
في الصاله
عز _ عاوز ايه
أسامه _ في واحده اعرفها محتاجه شغل ف ياريت تشوفلها شغلانه عندك
عز _ ليكون البنت اللي جبتها هنا قبل كده
أسامه _ لا ياعم، دي بنت كويسه ومكافحه
عز _ وانت تعرف بنات مكافحة منين
أسامة _ انا خايف اقولك تضربني
عز _ قول متخافش
أسامة _ طيب احلف
عز _ والله مش هضربك
أسامة _ هخطوبها كمان يومين
عز _ مين ده اللي يخطب
أسامه _ انا
عز _ تخطب ايه وانت لسه بتاخد المصروف
أسامه _ انا هخطبها مش هتجوزها دلوقتي يعنى
عز _ انت عيل فاشل، مش لما تشتغل وتشيل مسؤولية تبقا تخطب وتجوز ولا ناوي تجيبها اصرف عليكم انتو الاتنين
أسامة _ ياخالي متقلقش اوعدك مش هتجوزها غير لما اعتمد علي نفسي
عز بتنهيده _ هي نفسها البنت اللي. حكيتلي عنها
أسامة _ اه هي نفسها
عز _ واشمعنا دي يعني اللي اتمسكت بيها
أسامة بلخبطه _ حبيتها، مش انت قولتلي اني حبيتها وانا مصدقتش اهو انا فهمت مشاعري
عز _ ، كويس اوي بس الاصول انك كنت تقولي قبل ما تتفق علي خطوبه
أسامه _ اللي حصل بقا، هتيجي معايا صح
عز _ طبعا لازم اجي
أسامه _ متشكر يااعزوز، خلاص انت تشوفها يوم الخطوبه وتتعرف عليها وبعدين تشوفلها شغل عندك
عز _ قولي الاول.. هي لبسها محتشم كده ولا مكشوف
أسامة _ لا خالص لبسها محترم جداً
عز _ عندها كام سنه
أسامة _ لا مش عارف الحقيقه بس ممكن 23 24 كده
عز _ معاها مؤهلات ايه
أسامة _ لسه بتدرس في كلية تجارة
عز _ ماشي خلينا بس نخلص الخطوبه وبعدين نشوف ممكن تشتغل ايه
أسامة _ حبيبي يا عزوز
عز _ بس انا نفسي افهم ايه اللي خلاك تحبها مانت كنت معندكش ثقه في البنات
أسامة بإبتسامة _ معرفش ياعزوز، حبيتها وخلاص
أسامة
مكنش ينفع اقول لخالي اني خاطبها علشان تحدي مع اختها كان هيزعل مني ومكنش هيحضر الخطوبه، ويمكن كان قاطعني
حكايات بنات p18
يارا
روحت السكن الجامعي بعيد عن سامر، وببعد عنه علي قد ما اقدر وبحاول متجمعناش اي صدفه.. والنهارده كنت رايحه المحاضره، لقيته مستنيني ف دخلت ومكلمتهوش، وبعد ما رجعت لقيته لسه مكانه،، مشيت وسبته وهو جه ورايا وبقا ماشي قبالي
سامر _ يارا استني
مشيت من غير ما ارد وهو كمل كلام
سامر بعصبيه _ ممكن تردي عليه
يارا بزهق _ عاوز ايه يا سامر، مش سبتلكم بيتكم خلاص
سامر _ انتي بتعامليني كده ليه، فهميني وبعدين متبصيش في وشي ياستي
يارا بنرفزه _ عشان انت جواك اسود ومستحيل حالك هيتصلح .. مقنع السبب ده بنسبالك ولا اقول كمان
سامر _ يمكن كلامك صح.. بس انا اتغيرت.. ولا مش ملاحظه كده؟!
يارا _ انت زي الحربايه بتتلون، انا مبقتش عارفه احكم عليك انت زين ولا عفش، ف ارجوك بعد عني انا مش حمل مصايبك اللي بتعملها في البنات
سامر _ انا اعتذرتلك عن موضوع الصور وانتي نسيتي.. ليه زعلانه دلوقتي،
يارا _ صفاء اخبارها ايه يا سامر
سامر _ صفاء؟
يارا_ صفاء اللي ضحكت عليها وبعدين مشيتوها بفضيحه، .. انا مش احسن منها عندك علشان متكونش بتحاول تضحك عليه
سامر _ انا غلطت معاها ومع غيرها كتير وبعترف،.. بس مفيش واحده فيهم كانت مهمه عندي زيك،.. انا اتغيرت عشانك
يارا بدموع _ حتى لو اتغيرت، بعد ايه ما خلاص هي حياتها اتبهدلت واكيد غيرها كتير اتأذو بسببك،
سامر _ بس انا دلوقتي ندمان علي اللي عملته
يارا _ حاجه متخصنيش المهم انك تبعد عني وخلاص
سامر _ طيب اديني فرصه وانا هثبتلك اني بقيت كويس
يارا بدموع _ ميهمنيش بقيت كويسه ولا لأ،
سامر _ حتى لو اتغيرت علشانك، يارا انا حبيتك وبقيت انسان تاني من وقت ما عرفتك
يارا بدموع _ طيب متشكره ياسيدي متنازله عن الحب اللي اخرته ضياع ده
مشيت وسبته وانا مش قادره امنع دموعي انها تنزل
شيري
نزلت النهارده وروحت الجامعه وانا بدعي ربنا مقابلش أسامه، واول ما وصلت دخلت المكتبه اشوف يارا، وملقتهاش،.. ف طلعت تاني ولقيتها داخله وشكلها باكيه
شيري بقلق _ مالك حبيبتي
يارا _ شيري حبيبتي ازيك
شيري _ مالك انتي بتعيطي ولا إيه
يارا _ لا اعيط ايه دول شوية غبار دخلو في عيني
شيري _ لأ بتبكي.. مالك
يارا بإبتسامة _ مفيش حبيبتي تعالي واحكيلي عملتي ايه مع الواد ده
شيري _ مش هقول حاجه غير لما افهم مالك
يارا _ صدقيني مفيش، كل الحكاية ان الدكتور غلس عليه قدام زمايلي ف زعلت شويه
شيري _ طيب اروح اشبشبله دلوقتي
يارا بضحك_ لا الطيب احسن تعالي عاد واحكيلي عملتي ايه
شيري _ مفيش جديد غير ان الخطوبه بعد بكره
يارا _ انتي مقولتيش ل أمنية انك بتحبيه ليه
شيري _ كنت موهومه ودلوقتي عرفت اني محبتهوش،
يارا _ حتي لو اكده، مينفعش يخطب اختك وانتي فكرتي فيه في يوم
شيري _ الموضوع مبقاش يهمني وهو بيقول انه بيحبها خليه يتجوزها
يارا_ وانتي صدقتيه
شيري _ قولتلك انا مبقاش يهمني الموضوع
يارا _ ماشي حبيبتي ربنا يسعدك
شيري بإبتسامة باهته _ يارب
قعدنا في المكتبه وبعد شويه لقيته بيندهلي وعملت اني مش سمعاه، لغيت ما وقف عندي
أسامه _ شيري عاوزك دقيقة
شيري _ معلش يا أسامة بقرا دلوقتي
أسامه _ اقري بعدين
شيري _ روح دلوقتي هخلص الفصل ده واجيلك
أسامه _ طيب هستناكي عند الشجرة اياها، اوعي متجيش
شيري _ حاضر
مشي ورجعت يارا تكلمني
يارا _ هتروحي صح
شيري _ لأ
يارا _ امال قولتيلوه هتروحيلوه ليه
شيري _ علشان مش هيسكت غير لو روحت معاه
خلصت كلام مع يارا ومشيت علي طول من غير ما يشوفني ورجعت البيت، .. مردتش اروح علشان متاكده انه هيجرحني تاني بكلامه، ومش حابه اكون بخدع أمنية مع خطيبها حتى لو كانت خطوبه تمثيل مش حقيقي،
أسامة
فضلت مستنيها كتير ولما لقيتها اتأخرت روحتلها تانى المكتبه ملقتهاش، وعرفت من يارا انها روحت، ف فهمت انها كانت بتسكتني علشان تمشي، ومتتكلمش معايا زي ما عملت في بيتهم،.. ف قررت اروحلها البيت بحجة اني جاي ابلغ امنية ان خالي هيشغلها عنده، ولما روحت هي فتحتلي
شيري _ اسامه.. خير في حاجه
أسامة _ فين امنية
شيري _ مش موجوده
أسامة _ مجتيش ليه انا كنت مستنيكي ساعة
شيري_ اتأخرت وكان لازم امشي
أسامة _ اتأخرتي ولا كنتى بتهربي منى
شيري_ واهرب ليه
أسامه_ مش عارف قوليلي انتي
شيري_ مبتهربش، واتفضل بس علشان انا لوحدي والناس ممكن تتكلم
أسامة _ شيري، خطوبتي انا وامنيه بعد بكره، مش عايزة تقولي حاجه
شيري بإبتسامة_ عاوزة اقول الف مبروك،
أسامة _ بس كده
شيري _ ايوه بس، يلا بقا انا ورايا مذاكره كتير
اسامه _ انتي ممكن تكوني خايفه اكون بخدعك بس والله مش هيحصل، قولي علشان خاطري
شيري بإبتسامة _ انت مخدعتنيش يا صديقي، انت من الاول بتقول اننا صحاب، وانا دلوقتي اقتنعت بكده، ولو جه وقت كنت مشدوده ليك ف ده لأني كنت قريبه منك بزياده، بس دلوقتي فهمت انه شعور وهمي
أسامة _ يعني انتي مبتحبنيش
شيري بإبتسامة_ لا بحبك طبعاً، انت صديقي وخطيب اختي... عشان خاطري خلي بالك منها
أسامة _ كويس انا بس كنت خايف اكون هضايقك، لكن انا كده اطمنت، ياصديقتي الجميلة
شيري_ طيب يلا بقا مع السلامه
أسامة _ طيب ممكن نبقا نتكلم في الجامعة وبلاش تهربي منى تانى، طالما لسه صحاب
شيري _ أكيد
أسامة _ طيب اخر طلب،،.. انا هعدي على عدي اخده ونتفسح شويه بعد المدرسه،.. تيجى معانا
شيري _ لأ مش فاضيه وعاوزه اطبخ.. امنيه هتيجي تعبانه ومش هتقدر تعمل حاجه
أسامة _ ماشي براحتك
شيري _ شكراً
كنت عاوزها تقول انها بتحبني عشان مكملش الخطوبه دي بس هي بتعند وطريقتها اتغيرت، بقت تكلمني بإبتسامه وهدوء وقال يعني هصدقها،.....
سبتها وروحت الشركه ل خالي، وملقتهوش ف قعدت مع السكرتيره يكون جه وبدأنا نتكلم واتعرف عليها علشان خالي بيحبها وكده
أسامة _ عملتي ايه مع عزوز
ماهيتاب بإبتسامة _ اجبلك شيكولاته
أسامة بقرف _ شيكولاته، لا انا عاوز شيبسي
ماهيتاب _ حاضر يا قمر انت، بكره اجبلك معايا
أسامة _ قمر؟
ماهيتاب _ قمر وعسول كمان
أسامة بعصبيه _ مالك يابت شيفاني برضع في صباعي قدامك
ماهيتاب _ لا ياحبيبي انت راجل، خلاص روق وانا هجبلك عصير
أسامة يدور _ ياحبيبتي انا راجل شايفة راجل ازاي،
ماهيتاب بتمتمه _ ياربي لا يحاول يموتني، المجنون ده
أسامة بغيظ_ مين ده اللي مجنون يابت
عز يدخل _ في إيه
أسامة بغيظ _ دي عماله تكلمني زي ما يكون عيل صغير، اطردها ياعزوز
عز _ تعاله معايا
أسامة بغيظ _ وقت ما تحب تحبلنا سلعوه زي دي
عز يشده من قفاه يوقعه
أسامة يوقف ويعدل هدومه_ انت بتحرجني قدامها، مااشي يا عز ماااشي
عز _ قدامي الله يكسفك... وانتي زي ما قولتلك قبل كده متخديش عليه
أسامة _ قولتلها إيه
عز _ امشي قدامي وبلاش فضايح
في المكتب
اسامه _ عاوز اعرف قولتلها عني ايه
عز _ قولتلها انك مجنون ومتخلف
أسامة _ بقا كده، مااشي يا عزوز
عز _ اخلص وقول جاي ليه
اسامه _ عاوز فلوس
عز _ قد ايه
أسامة _ عاوز اجيب خاتم وفستان وباقي الحاجات المطلوبة
عز _ ماشي بكره هنروح مع بعض نحول فلوس،
أسامة _ حبيبي
عز _ والله انا ما مصدق انك هتخطب بجد
أسامة _ ، هخطب وهتشوف
عز _ طيب اشمعنا هي دي يعني وفجأه كده
أسامة _ بحبهاااا ايه عمرك ما حبيت،.. تحب اندهلك السلعوه من بره
عز بإبتسامة _ طيب وهي بتحبك
أسامة _ بتموت فيه
عز _ ماشي ياسيدي ربنا يسعدكم
اسامه _ بقولك ايه ما تيجي نخطب احنا الاتنين في يوم واحد
عز _ عندك عروسه ليه؟
أسامة _ عزوز بلاش انا،.. ها قولت ايه موافق ولا لأ
عز _ موافق علي ايه انت أهبل
أسامة _ موافق نعمل خطوبتنا مع بعض
عز _ يابني مش لما الاقي عروسه
أسامة _ امال اللي برا دي إيه
عز _ انت فاهم غلط، دي مش هي اللي حكيتلك عنها، التانيه مشيت
أسامه _ يادي المصيبة مشيت ازاي امال انا جرستك مع مين
عز _ مانت غبي رايح تقولها من غير ما تفهم
أسامه _ اوبس... اسف جدا،
عز _ بعد أيه
أسامة _ طيب قولي البنت التانيه مشت ليه هو انت مقولتلهاش انك بتحبها
عز _ لأ
أسامه _ لأ ليييه ياخي
عز _ اتكسفت من نفسي.. وهي متقدملها و وافقت
أسامة _ الغلط منك كان لازم تقولها
عز _ ماهو انت متعرفش إني انا مشيتها.. لا وشوهت صورتي قدامها كمان،
أسامة _ طيب قولي هي فين واسمها إيه وانا هظبطلك الدنيا
عز _ لا خليك برا الموضوع،، انت مش بعيد تشقطها من عريسها
أسامة _ بتتكلم جد
عز _ اه بتكلم جد
أسامة _ لا متشكر ، بقا كده ياخالي، انا اشقط واحده صاحبي يحبها، وكمان خالي
عز _ ومتشقطهاش ليه، تفرق ايه عن غيرها
أسامة _ تفرق اني مش انا اللي ابص لواحده تخص صحابي، الظاهر انك متعرفنيش كويس، علي العموم متشكر عن اذنك
عز بإبتسامة_ استنا، انت اتعصبت ليه
أسامة بنرفزه _ عشان شايفني ممكن احاول اشقطها زي ما بتقول،.. والحمدلله اني مشوفتهاش ولا عاوز اشوفها من الأساس
عز _ متزعلش انا بهزر،.. وعلي العموم ياسيدي هي خلاص هتجوز
أسامة _ اقولك حاجه ومتزعلش
عز _ قول
أسامة _ انت قليل الحيله وخواف،
عز _ متشكر يابن الغاليه
أسامة _ دي الحقيقه، انا لو حبيت واحده هحاول اوصلها مهما كان التمن
عز _ افرض هي مش عاوزاني ابقا احرجت نفسي معاها وخلاص
أسامة _ تجيبها غصب عنها وتتجوزها.. وهي تبقا تحبك بعدين
عز بضحك _ وايه كمان
أسامة _ مبهزرش، روح دلوقتي هاتها اللي زيك مش هيحب كل يوم
عز _ يعني لو البنت بتاعتك كانت راحت لغيرك. كنت سبتها ولا هتعمل بنصيحتك
أسامه يشرد شويه وبعدين يتكلم_، ايوه كنت هعمل كده واكتر
عز _ يعني انت رايك اروح اقولها في وشها انا بحبك
أسامة _ جرب الكلام و لو منفعش اخطفها
عز بضحك _ خطف خطف يعني.. مفيش مناوشات ومفوضات الاول
أسامة _ وربنا مابهزر، قوم دلوقتي روحلها وقولها انا بحبك، وافقت كان بها، موافقتش عبيها في شنطة العربيه وتعاله
عز بضحك _ يابن المجنونة
أسامه _ قووم انت لسه هتضحك
عز بإبتسامة _ عندك حق، انا رايح، سلام
أسامة _ ابقا طمني ها
مشي وانا طلعت انتقم من السلعوه اللي برا
أسامة _ انتي بصيلي هنا
ماهيتاب _ نعم
أسامة _ خااالي عز الدين باشا، مطلعش بيحبك وبيقول عليكي سعلوه وبيلاتشوه، وامشي علشان واحده غيرك جايه
ماهيتاب _ يافندم
أسامة _ انا رايح مشوار لو رجعت ولقيتك هخطفك في الشقة
ماهيتاب بإبتسامة _ عيب يافندم
أسامه يحدث نفسه _ دي عاجبتها الفكره، امشي يابا مش ناقصه بلاوي
عز
كلام أسامه شجعني وخصوصآ اني حسيت انها ممكن تكون اتشدت ليه في وقت من الأوقات ومع موافقتها علي العريس في لحظة غضب بعد ما زعلتها زاد تشجعي اني اكلمها... وفعلا قررت اروحلها واقولها اني بحبها، اول حاجه عملتها اتصلت بيها
أمنية _ افندم ضيعت ايه المره دي
عز _ المكتب غايب منه ورق مهم جداً ولازم اعرف راح فين
أمنية _ انت بتتهمني اني سرقته
عز _ مش بتهمك بس الكل هيتتحقق معاه، ولازم اقابلك دلوقتي
أمنية _ قول علي كده انا سمعاك
عز _ مينفعش علي التليفون، قوليلي انتي فين وانا هجيلك
أمنية _ في نفس المطعم اللي كنت شغاله فيه
عز _ بشخصية عادل
أمنية _ ايوه
عز بإبتسامة _ جايلك
قفلت معاها وروحتلها هناك ودخلت الحمام الرجالي وهي لما شافتني جت ورايا بلبس شاب وشنب وبروكه
أمنية _ اتفضل قول ورق ايه اللي متهمني فيه
عز بإبتسامة _ انا كده هضحك ومش هعرف اتكلم،ممكن تشيلي الشنب
أمنية_ لأ قول قبل ما حد يجي
عز بإبتسامة _ عاوزك تيجي معايا
أمنية _ اجي معاك فين
عز _ أمنية، انا مش عارف اقولهالك ازاي، بس انا كنت عاوزك معايا
أمنية بتركيز _ في الشغل يعني
عز _ في حياتي كلها
أمنية بلخبطه _ مش فاهمه
عز يشيل الشنب _ انا بحبك
أمنية بلخبطه _ انت كداب
عز _ مش بكدب، حاولت كتير اقولك بس خوفت من ردت فعلك
أمنية تقرب للباب عشان تمشي وهو يرجعها تانى ويقترب منها ويحيطها بالحائط
عز _ قولتي ايه
أمنية _ قولت عاوزة امشي
عز _ هتمشي، بس اسمع رايك الاول
أمنية _ وانا أيه عرفني انك مش بتكدب عليه
عز _ انتي رأيك اني بكدب عليكي دلوقتي
أمنية _ ايوه
عز يتحسس وجهها بلطف وينظر لعينيها _ مكدبتش عليكي غير لما قولتلك بحسس الكل انهم مميزين، لكن الحقيقه محدش متميز عندي غيرك انتي
أمنية بدموع _ امال مشيتني ليه
عز _ خوفت تيجي بعدين وتحسي اني كبير عليكي وانك اتظلمتي معايا
أمنية بدموع _ انا ولا مره ركزت في سنك، ولا شوفتك كبير عني،، حينتك عليه كانت منسياني اي حاجه حتي مشاكلي،
عز _ اوعدك عمرك ما هتشوفي غير الحنيه والحب طول مانتي معايا
أمنية _ حتي لو صدقتك.. انا خطوبتي بعد بكره
عز _ انتي مبتحبهوش، سيبيه
أمنية _ افرض بعد ما اسيبه تسيبني انت زي ما عملت قبل كده
عز _ عمري ما هسيبك
أمنية _ طيب احلف
عز _ وحياتك عندي عمري ما هسيبك
أمنية بإبتسامة _ ماشي، خلاص انا هروح اقوله مش عاوزاك
عز بإبتسامة _ ، وانا هاجي اطلب ايدك من اخواتك اول ما يمشي الفاشل
أمنية بإبتسامة _ اتفقنا
عز يقترب منها ويحتضنها بشغف وشوق لبعض الوقت
عز _ أمنية
أمنية _ نعم
عز بإبتسامة _ كفايه هنتمسك
أمنية تبعد عنه وتنظر لجهه الاخره بخجل _ انت اللي شدتني
عز بإبتسامة _ كلها كام يوم ومش هعمل حساب لحد، وهشدك قدام الكل
أمنية بإبتسامة _ ماشي، يلا اتفضل
عز _ مش عاوزة تقولي حاجه قبل ما امشي
أمنية _ لأ
عز _ طيب خلينا لصبح مورناش حاجه
أمنية بإبتسامه _ خلاص هكلمك بعدين بس امشي دلوقتي
عز _ بصي مش همشي غير لما تقولي
أمنية بإبتسامه _ ماشي، بحبك يلا بقا
طلعت من عندها وانا مبسوط والفرحه مش سيعاني، وروحت علي طول لمدرسة عدي، وفي طريقي كلمة أسامة علشان اقوله
عز بإبتسامة _ انت فين
أسامة _ رايحه المدرسه
عز _ قصدك الكليه
أسامة _ لا المدرسة
عز _ ليه المدرسة
أسامة _ رايح اخد اخو أمنية ونتفسحا شويه تيجي معانا؟
عز باستغراب _ هي البنت اسمها أمنية
أسامة _ ايوه
عز _ قولتلي رايح تجيب اخوها
أسامة _ ايوه اخوها في مدرسة ثانوي
عز _ اسمه ايه
أسامة _ اسمه عدي
عز _ واختها اسمها ايه
أسامة_ اسمها شيري.... ايه ده هو انا قولتلك ان عندها اخت
عز _ خلاص هكلمك بعدين
أسامة _ لأ استنا متهربش، لازم اعرف عملت اية
عز _ لقيتها سافرت
أسامة _ دور عليها بلاش خيبتك دي
عز بدموع _ الظاهر مليش نصيب اقابلها تاني
كانت اكبر صدمه بنسبالي،.. يعني دونآ عن كل البنات محبش غير البنت اللي بيحبها أسامة،،.. لا والمصيبه اني اعترفتلها وهي كمان ،، مبقتش عارف اعمل اية، وبعد تفكير كتير قررت اكلمها واجرحها تانى
أمنية بإبتسامة _ انت لحقت
عز بخنقه _ أمنية اسف بجد علي اللي قولته انا مش عارف قولتلك كده ازاي
أمنية _ آسف علي ايه
عز _ انا كنت شارب يا ومش عارف انا بقول اية، انا اسف
أمنية بدموع _ عز انت بتقول ايه
عز _ زي ما سمعت، انا اتصلت علشان الحقك قبل ما ترفضي خطيبك،.. انا مكنتش حاسس باللي بقولهولك... ارجوكي انسي اي حاجه قولتها
أمنية بدموع _ عز انت بتهزر معايا صح... هزارك تقيل متهزرش تاني عشان خاطري
عز بدموع _ انا كنت سكران ومش عارف بقول اية،،،
أمنية ببكاء _ سكران ازاي، انت بتلعب بيه تانى ياعز
عز بدموع_ العب اية انتي كمان، تعالي شوفي السكرتيره اللي عندي وشوفي الستات اللي يتلعب بيها مش بنت مسترجله زيك
أمنية ببكاء _ مسترجله
عز _ ايوه مسترجله ومفكيش ميزه تتحبي علشانها، مش عز الدين اللي يحب واحده اسمها عادل
أمنية بوجع_ منك لله،، ، ربنا ينتقم منك انا بكرهك
قفلت عليها وسبتها تبكي وانا اول مره أبكى من وقت موت سميره،،،
اسامه عمره ما حب ولما حب كانت هي نفسها أمنية، ليه بس، دي لو الدنيا قاصده تسخر منى مش هتعمل فيه كده
أمنية
لعب بيه وقدر يخدعني وانا صدقته وعشمت نفسي بزياده،،، انا في دقيقة واحدة فرحت لدرجة اني حسيت بأني ماسكه نجمه من السما، وفي دقيقة واحدة رسمت أحلام كتير، واتمنيت اعيشها معاه،،، وهو جاي يقولي سكران ومكنتش حاسس بنفسي ،، ومحبش بنت اسمها عادل،.. كان قاصد يكسرني،،، وانا اللي كنت بقول علي اسامه انه صايع وبيلعب بالبنات بس طلعت غلطانه، اسامه احسن منه، ومش هسيبه، لازم يعرف اني هتجوز واحد ارجل واصغر منه ومن سني وكمان مبيلعبش بيه زيه،،
كنت حاسه روحي بتتسحب وعاوزه اتكلم مع حد، ف اتصلت ب منه وطلبت منها تقابلني، وبعد وقت بتيجي واول ما شوفتها اترميت في حضنها وبقيت أبكى
منه بقلق _ حبيبتي مالك
أمنية ببكاء _ طلع بيتسلي بيه،.. في دقيقه واحده دمرني... انا مأذتهوش في حاجه عشان يعمل فيه كده
منه بدموع _ اهدي الله يخليكي وفهميني مالك
منه
اتصلت بيه وطلبت اقابلها، واول ما روحت وشافتني، اترمت في حضني وبقت تبكي، وحسيتها موجوعه اوي، وبعد محاولات لتهدئتها، قالتلي اللي حصل،.
منه بغيظ _ انتي بتبكي ليه دلوقتي ما يغور
أمنية بانفعال _ مبكيش ازاي، دا في.كل.مره حسسني إني اهم حد عنده وبعد ما اصدق واحس اني لقيت حد بيحبني وحنين عليه،،، يقولي كلام يد.بح،،، انا اللي قاهرني اني بصدقه،، بس والله بيعرف يمثل، لو شوفتيه ما كنتي صدقتي للحظه انه بيمثل، انا مش عارفه عملتله ايه... طيب مصعبتش عليه لما عرف اني يتيمه وشايله مسؤولية رجاله علي كتفي... ليه بيعمل معايا كده.. قوليلي
منه بعصبيه _ علشان احنا اغبيا، بنصدق اي كلمه تتقال،.. متبكيش انتي فاهمه، اياكي اشوف دمعه واحده، احمدي ربنا انها جت على قد الكلام وبس معملكش حاجه اكبر
أمنية ببكاء_ وهي كسرة النفس ساهله، طيب دا خدني في حضنه، ومن كتر الحنيه اللي حسيتها معاه مكنتش عايزة اسيبه، نفسي اعرف هو استفاد ب أية دلوقتي
منه بدموع _ رضا غروره ونقصه،.. الغلط مش منك، هو اللي غلط وربنا هيردله اللي عمله معاكي، بس اصبري
أمنية تحضنها وتبكي بوجع _ اتمنا اشوف قلبه مكسور وميلاقيش اللي يجبره
حكايات بنات p19
تانى يوم
أسامة
صحيت بدري ولحقت خالي قبل ما ينزل،
أسامة _ صباح الخير ياعزوز
عز _ صباح النور
أسامة _ هنروح نحول الفلوس النهارده؟
عز _ ايوه
أسامة _ طيب ايه رايك بعدها تروح معايا عندهم بدل ما اروح لوحدي
عز _ انا مسافر انهارده ومش هقدر احضر الخطوبه حتي
أسامة _ لا والله كده ازعل، تتأجل السفريه متهزرش ياعم
عز _ لازم اسافر
أسامه _ لا ياخالي مش هتسافر
عز _ يا اسامه بطل شغل عيال انت كبرت وتقدر تخطب لوحدك
أسامة _ بص مليش دعوه انت لو مجتش معايا انا مش رايح
عز بخنقه _ اسامه انا مش ناقص، قولت مسافر يعني مسافر
أسامة _ براحتك بس انا كمان مش هروح الخطوبة
عز بخنقه _ ياخي بقا
أسامة _ قولت اللي عندي وانت حر
عز بخنقه _ ماشي بس هما خمس دقايق وهمشي
أسامة _ اي حاجه المهم يشوفوك
عز بخيبه_ اه لازم يشوفوني طبعا... حاضر يا أسامه
أسامة _ حبيبي والله.. يلا بينا
روحنا حولنا الفلوس وكنت لسه هتصل ب عدي وخالي قالي ماشي
عز _ انا ماشي
أسامة _ رايح فين استنا انا هخليهم يجو ونروح نختار الفستان والخاتم مع بعض
عز بعصبيه _ لأ اختارو وحدكم، اناااا ورايا شغل
أسامة باستغراب _ خلاص متتعصبش روح
بعد ما مشي اتصلت ب عدي عشان اضايق شيري شويه
أسامه _ ازيك يا حبيبي
عدي _ بخير يا اوس اوس، فينك النهارده
أسامه _ هعدي عليكم دلوقتي علشان نروح نجيب الفستان والخاتم، فين شيري، اقصد امنية
عدي _ امنيه نايمه وشيري اهي جمبي... لا لا مش جمبي
أسامه بإبتسامة _ ادهاني
عدي _ بتقول انها نايمه
أسامه _ ههههه قولها كلمي لا يجيبك من شعرك
عدي _ خدي لا يجيبك من شعرك قال
شيري تاخد التليفون بزهق _ ايوه
أسامه بإبتسامة _ ازيك يا صديقتي الجميلة
شيري _ تمام، خير يا اسامة
أسامه _ ونبي تقولي للغاليه انها تجهز نفسها عشان نروح نجيب الفستان والخاتم علي ذوقها
شيري _ نايمه دلوقتي
أسامة _ صحيها
شيري _ تعبانه ومش هتقدر تقوم دلوقتي
أسامة بإبتسامة _ سلامتها ان شاءلله انا وهي لا
شيري _ ان شاءلله.. اقصد بعد الشر
أسامة بإبتسامة _ طيب انا جاي اطمن عليها
شيري
أمنية رجعت امبارح وهي زعلانه ومش بتكلم حد كل اللي قالته داخله انام محدش يصحيني ولما كلمناها الصبح قالت انها تعبانه ومحتاجه تنام، والنهارده أسامه كلِمنا وقال انه جاى، وبعد ساعه جه
عدي بإبتسامة _ اتفضل
أسامة ينظر لشيري _ متشكر،. ازيك ياشيري
شيري _ الحمدلله
أسامة _ قلقتوني اوي علي أمنية، هي فين
عدي _ نايمه وقالت محدش يصحيني
أسامة _ ازاي طيب والفستان مين هيجيبوه معايا
عدي _ انا
أسامة _ مش هنعرف لا انا ولا انت... اية رأيك تروحي معانا يا شيري
شيري _ انا قاعده مع أمنية
أسامة _ طيب عدي يقعد معاها وانتي تروحي معايا لأننا مش هنعرف نختار لوحدنا
شيري _ لا
عدي _ ما تروحي
شيري بحده _ قولت لأ اسكت انت
أسامة _ ما تروح تتحايل على امنية خليها تيجى هي اكيد ذوقها احلى منها
عدي _ ماشي هشوف
بيمشي عدي وهو بيبتدي يرخم
أسامة _ انا مش مصدق ان بكره خطوبتنا انا و روح قلبي
شيري _ الف مبروك
أسامة _ الله يبارك فيكي، عقبالك
شيري بإبتسامة _ قريب
أسامة _ قريب ازاي
شيري _ هتعرف في وقتها
أسامة _ لا افهم دلوقتي
شيري بإبتسامة _ واحد متقدملي واحتمال اوافق،
أسامة _ اه.... طب كويس ،، شكله ايه العريس ده
شيري _ اهو عريس زي اي عريس
أسامة _ وعاجبك
شيري _ ايوه هو كويس وابن حلال
أسامة _ وطلبك من أمنية ولا كلمك من بره بره
شيري _ كلم امنيه
أسامة _ انا مش موافق
شيري _ مش مهم
أسامة _ إيه هو اللي مش مهم
شيري _ موافقتك مش مهمه
أسامة _ انا بقيت خطيب اختك وفي مكانه اخوكي وقولت مش موافق،.. انتي لسه صغيره
شيري _ قول اللي انت عايزة انت بره الموضوع اصلا
أسامة بحده _ طالما بقيت واحد من عيلتكم يبقا ليه
شيري بإبتسامة _ ارتاح هروح اعمل ليمون
أسامة بحده _ بلاش استفزاز يا شيري، مش هتجوزي غير لما تخلصي تعليم
شيري _ وانت مالك، متنساش نفسك
أسامة بحده _ انسي مش هتجوزي
شيري _ اما نشوف، يلا اترزع هعملك ليمون
أسامة _ مش عاوز منك حاجه
شيري بقرف _ تريح.... عددددي كل ده بتصحيها
عدي _ اهي جايه استني
أسامة بتردد _ انا حلمت بيكي
شيري باستغراب _ بيه انا
أسامة _ ايوه
شيري _ كان ايه الحلم
أسامه _ مش فاكره كويس
شيري _ وبتقولي ليه
أسامة _ علشان كنتي في الحلم
شيري _ أسامة، انا فهماك كويس بلاش لعب
أسامة _ حاضر
شيري بغيظ _ انت انسان حقير علي فكره
أسامة _ وانتي كدابه
عدي _ انتو بتتخانقو ولا إيه
شيري بارتباك _ ايوه
عدي _ مالكم
أسامه _ مش راضيه تعمل لمون
شيري بغيظ _ انا مش قولتلك تشرب قولت لا
أسامة _ انا قولت لأ، ربنا يسامحك
شيري بقرف_ تشرب لمون ياعدي
عدي _ اشرب
أسامه_ حطي عليه نعناع
كان قاصد يشغل تفكيري بكلمته،.. بجد انسان حقير اوي وندل
أسامه
قولتلها علي الحلم بعد تردد كتير، ومعرفش قولتلها ليه، بس كنت عاوزها تعرف اني بقيت احلم بيها... ودي الحقيقه انا بقيت احلم بيها وافكر فيها، وبتوحشني، لما تغيب،..
انا فاهم ايه الاحساس ده كويس لكن خايف اصارح نفسي بيه، انا طول عمري متأكد اني شاطر مش هقع زي الباقين وان المواضيع دي تفاهه مش أسامة اللي يوقع فيها، لغيت ما عرفت ان ما يوقع الا الشاطر... ورغم كده انا خايف من الارتباط بواحده، انا لسه معنديش ثقه فيهم ومش هطمن من نحيتهم
أمنية
رجعت من برا ودخلت الاوضه ونمت كأني منمتش من سنين، ودلوقتي حاسه ان خاليه من اي احاسيس، مفيش زعل ولا فرح ولا رغبه لأي حاجه، ولا ثقه لاي حد، انا بقيت انسانه فاضيه وجسد بلا روح
**
أسامة كان جاي ياخدنا نشتري الفستان والخاتم، وروحنا كلنا اشترينا الخاتم وبعدين روحنا محل الملابس وبقو يختارو ويسألوني رأيي، وانا قولت لشيري تقيس بدالي لاننا نفس المقاس مع فرق بسيط في الطول... وبعد شويه شوفت عدي بيبعد عننا بحذر وشككني فيه ف روحت وراه.. كنت عايزة اشوف بيتسحب ليه،
ف لقيته واقف ورا شوية هدوم وبيتكلم مع واحد ويقوله يا خالو، قربت منه وشديت منه التليفون فجأه وحطيته علي ودني من غير ما اتكلم
عز _ لو احتجتو اي حاجه كلمني متتكسفش
أمنية بغضب _ مين ده
عدي بارتباك _ دا صاحب التليفون
أمنية بحده _ مين ده يا عدي
عز _ عز الدين.. مبروك يا عروسه
أمنية بغيظ _ انت اللي جبتله التليفون
عز _ لأ
أمنية بانفعال _ مين جابلك التليفون ده رد عليه
عدي _ هو
أمنية ترمي التليفون علي الارض تكسره
عدي بدموع _ ليه كسرتيه
امنيه تضربه بالقلم _ كدبت عليه ليه
عدي يحط ايده علي خده ويبكي _ علشان مكنتيش هتوافقي ولا كنت هقدر اجيب تليفون زيه في حياتي
امنيه بعصبيه _ ومقولتليش ليه كنت اتصرفت وجبتلك واحد بدال ما تشحت من واحد زي ده
عدي ببكاء _ انا مشحتش، خالي هو اللى جابهولي هديه
أمنية بانفعال _ خالك.. وخالك منين ان شاءلله
عدي بانفعال _ هو قالي اقوله كده ومش عاوز اتكلم معاكي تاني انا ماشي
أمنية _ عدي تعاله هنا ... عدي انت ياولد انا بكلمك
أسامة وشيري يجو علي صوتهم
شيري _ في ايه
أمنية ببكاء _ اجري الحقي اخوكي
أسامة _ هو راح فين
أمنية _ طلع على الشارع
أسامة _ طيب متقلقيش انا هجيبه
أسامة
سمعنا صوتهم ف روحنا عندهم لقينا أمنية بتبكي وعدي مشي، وانا طلعت ورا لقيته ماشي بسرعه وبيبكي،، روحت عنده و وقفته
أسامة _ رايح فين
عدي ببكاء _ سيبني يا اسامة
أسامة _ طيب تعاله بس واهدي
عدي بانفعال _ انا مش صغير علشان تضربني وتكسرلي تليفوني كده
أسامة _ انا اجبلك غيره ولا تزعل، وروق دمك
عدي بانفعال _ انا مش على التلفون، انا على معاملتها معايا كأني عيل
أسامه _ لا طبعا مش عيل انت راجل البيت دلوقتي، بس هي خايفه عليك
عدي _ خايفه عليه من ايه، كل ده علشان بكلم واحد هي مش حباه، انا مالي ما عنها ما حبته
أسامة _ واحد مين ده
عدي _ مفيش حد، انا ماشي
أسامه _ استنا بس، يلا ارجع معايا هي قلقانه عليك
عدي _ مش راجع يا أسامة، روح انت وانا مروح
أسامه _ ياحبيبي مينفعش استنا هوصلكم مع بعض
بقيت اتحايل عليه ومقدرتش ارجعه معايا، ف رجعتلهم تاني لقيت شيري حضناها وبتبكي.. عيله كلها دموعها قريبه
أسامة_ مرضيش يرجع معايا
أمنية _ أنا مروحه
شيري _ مش قبل ما تختاري فستانك
أمنية _ اختاري انتي، انا هروح اشوف عدي
شيري _ طيب انا جايه معاكي
أمنية _ انا عاوزة اتمشا لوحدي، سيبني علشان خاطري
مشيت امنيه وسابتها معايا، وهي راحت علي جمب وبقت تبكي زي العيل اللي امه سابته،
اسامه _ شيري بلاش تبكي زي العيال الصغيره
شيري ببكاء _ ما انت معندكش احساس هتفهم ازاي
أسامه _ مين قالك، طيب ده انا قلبي بيتقطع لما اشوفك بتبكي
شيري تذقه بغيظ _ ياخي دا انت بارد، خلصنا خلينا نغور
أسامة بإبتسامة _ ماشي هعدهالك، اتفضلي قدامي
روحنا نختار فساتين وكل ما يعجبني فستان اخليها تقيسه معظمهم طلعت قمر فيهم، كانها هي العروسه
شيري تطلع من البروفه وهي ترتدي فستان ازرق بحمالات رفيعه، بجسد رشيق وبشره ناعمه وبيضاء، وشعر ناعم يصل منتصف ظهرها بلون الاسود وعيون رماديه
شيري بانفعال _ دا اخر فستان هقيسه انا تعبت
اسامه باعجاب _ تمام ده حلو عليكي، اكيد هينفع معاها، انتو تقريبا نفس الطول بس هي اطول سنه
شيري _ ودا طويل عليه اكيد هينفع
أسامة بإبتسامة _ أنا بقول نشوف فستان غيره وانتى متقيسهوش
شيري بقرف _ اشمعنا
أسامة بتامل _ مفتكرش ان بعد ما لبستيهم هيطلعو احلي من كده علي حد تاني
شيري بارتباك _ طيب خلص وبطل رغي
أسامة _ شيري مش فاضل غير النهارده، وبكره الخطوبه هتكون رسمي فكري تاني
شيري _ وافرض قولتلك اللي عاوزه.. هتسيبها بعد ما جبنا الخاتم
أسامة _ انا مش عاوزك تزعلي لما تشوفينا مع بعض
شيري _ لا مش هزعل، وانت لو بتحبها صح مش هتسمح لحد يقولك سيبها....بس انت اناني ومستهتر
أسامة _ وانتي كدابه وبتحبيني وبتداري
شيري _ انا نفسي افهم هتعمل اية لو قولتلك بحبك دلوقتي
أسامة _ هسيب أمنية
شيري_ بس كده
أسامة _ بس كده
شيري _ يعني مش هتجوزني انا
أسامة_ لأ
شيري _ امال عاوزني اقولهالك ليه
أسامة_ علشان مجرحكش
شيري بضحك _ بتبهرني بنبل اخلاقك
اسامه ينظر لها باعجاب _ ميرسي
شيري _ طيب بطل رغي وخلينا نمشي، دقيقة اغير وجايه ،وهناخد الفستان ده اوكى
اسامه _ لأ، انا عاوز الفستان ده وهنشوف غيره ليها
شيري_ هتعمل بيه ايه
اسامه_ هلبسه
شيري_ كان ناقصك فستان فعلاً
أسامة بغيظ _ طيب اخلصي
شيري _ بكلمك جد والله انت ناقصك فستان وطرحه هيليقو عليك اكتر
أسامه بانفعال _ شيري خلصنا
شيري _ متزعلش اوي كده غيرك بيخدوها من قصيرها ويعملو تحويل
اسامه يمسكها بغضب _ تحبي اوريكي اذا راجل ولا لأ
شيري بغيظ _ طيب سيب
اسامه بحده _ ماشي بس خليكي فاكره كلامك ده كويس، عشان بكره لما تبكي مش هعبرك
شيري بدموع _ مش هبكي، و اوعدك اني هزغرتلكم وهرقص كمان..، وبتزقه بعيد عنها
راحت غيرت وجابت الفستان وانا شديته منها بغيظ، ورجعت خدت فستان تاني غيره، واشتريتهم هما الاتنين،، الأزرق هحتفظ بيه والتاني ل أمنية
تاني يوم
يارا
كنت في الجامعة ولقيت شيري بتدور عليه
شيري _ قلبت عليكي الجامعه كلها يابنتي
يارا _ ليه اكده
شيري _ جاية اعزمك علي خطوبه امنيه
يارا _ على اسامه بردو
شيري _ اه
يارا _ يابتي ايه العب ده كيه توافقو عليه
شيري _ اللي حصل، المهم انك لازم تيجى
يارا _ انا معرفش بيتكم هاجي كيه
شيري _ طيب تعالي معايا دلوقتي
يارا _ لسه ورايا محاضره وبعدين هرجع السكن اغير
شيري _ لا انتي سيبك من المحاضره وروحي غيري
يارا _ ماشي
شيري _ انا هروح اشوف منه وكام بنت زمايلي وهرجعلك هنا تاني
يارا _ ماشي حبيبتي
سبتها وانا وماشيه قابلت سامر
سامر _ ممكن نتكلم شويه
يارا _ مش ممكن
سامر _ يارا اسمعيني مينفعش تحكمي عليه قبل ما تفهمي اني اتغيرت
يارا _ قولتلك ميفرقش معاي تغيرك ده، ومتبقاش تكلمني تاني لحسن والله ابلغ عنك
سامر _ براحتك بس انا مش هيأس وهفضل وراكي لغيت ما تطمنيلي
يارا _ سمعت قصيدة الاستاذ احمد شوقي بتاعت الثعلب
سامر _ لأ بس سمعت فيلم الثعلب والأرنبه بتاع الكرتون
سامر
مبقتش راضيه تسمعني وكرهاني، ومش عارف ممكن اتعامل معاها ازاي وهي بتصدني كل ما اكلمها
مشيت من الجامعة ورحت ل اسامة في بيتهم لقيته بيشد مع عز
أسامة _ تعاله شوف ياعم سامر خالي مش عاوز يجي معايا الخطوبه
سامر _ ليه ياعز ينفع متروحش
عز _ انا مليش في المناسبات دي، روحو انتو
اسامه _ طيب والله لو ما روحت ما انا رايح وخلي البنت تتكسف وسط معازيمها
سامر _ خلاص ياعز وافق بقا
عز _ لأ
أسامة _ لأ لأ انا كمان مش رايح
عز بعصبيه _ امال خطبتها ليه من الاول لما مش هتروح، اتفضل روح يلا وبلاش لعب عيال
أسامة _ انا مش رايح من غيرك يا عزوز
عز بخنقه _ يوووه انت حر متروحش
سامر _ ليه مش عاوز تروح هو ينفع تسيبه في يوم زي ده بردو
اسامه _ سيبه يا سامر، لو مرحش انا مش رايح هو حر بعد كده
عز بخنقه _ ماشي يا اسامه هروح بس هسلم وامشي.. عن اذنكم
سامر _ انت زعلته في حاجه
اسامه _ لا هو كده من وقت ما موزته سافرت
سامر _ عز ليه موزه، طيب ازاي ده
أسامة _ ليه وطلع عاشق ولهان ده عملها تمثال ومحرج عليه اشوفه
سامر _ طيب قول والله
أسامة _ والله .. اسكت انا بفكر اروح اجبهالو من كتر ما انا شايفه زعلان
سامر _ وانت عارفها هي مين
اسامه _ لأ هو بيقول كانت سكرتيره عنده
سامر _ طيب بعد الخطوبه ابقا شوف موضوعها، بس يلا يدوب تروح للحلاق
أسامة بخنقه _ مش راضيه تعترف انها حبتني
سامر _ هي مين
أسامة _ شيري، قولتلها قولي قبل الخطوبة وهي تقولي مبحبكش وصديقي وكلام متخلف
سامر _ حد قالك انك بارد قبل كده
أسامة _ هي
سامر _ يابني انت هتشلني، عاوزها تقولك بحبك وانت خدعتها وبتخطب اختها
أسامة _ معرفش بقا
سامر _ طيب وانت زعلان ليه
أسامة _ كنت فاكرها هتوقفني وتمنع الموضوع ده
سامر _ طيب افرض منعته كنت هتعمل ايه بعد كده
أسامة _ مش عارف
سامر _ يابني ما لو بتحبها قول واحنا نخترع اي حجه علشان متمش الخطوبه دي
أسامة _ مش بحبها
سامر _ طيب خلاص انساها وركز مع أمنية
أسامة _ انا مش فاكرها اصلا، تولع بقا
عز
هبصلها ازاى بعد اللى حصل وهى قاعده مع ابن اختى وهتبقا مراته،، موقف زفت مش عارف هعديه ازاى، ومش ضامن رد فعلها لما تعرف اني خاله، هتسكت ولا تعمل فضيحه وسط الناس
أمنية
عدي طول الليل قافل على نفسه ومش راضي يرد عليه.. والنهارده طلع من الاوضه وهو لابس لبس المدرسة
أمنية _ استنا ياعدي
عدي بيمشي نحية الباب وميردش وهو توقفه عند الباب
أمنية بدموع_ مش عاوز تكلمني
عدي _ وسعي انا اتأخرت علي المدرسة
أمنية بدموع_ هتروح المدرسة في يوم خطوبتي، مش انت اللي هتظبطلي الحفله وتجبلي صاوريخ زي ما بتقولي دايما
عدي _ لما تعتبريني راجل ابقا اعمل كده
أمنية _ راجل وسيد الرجاله كمان، بس انت اللي كدبت عليه
عدي _ كدبت علشان انتي مكنتيش هتوافقي اني اعرفه وكنتي هترفضي التليفون
أمنية _ تعرفه من امتي، وليه مخبين عليه انت وهو
عدي _ هو قالي انك لو عرفتي هتزعلي،.. طيب انتي عارفه اني كنت هتفصل من المدرسه وهو اللي ساعدني وخلا منير يحترمني بعد ما كان بيتريق عليه
أمنية _ كمان راح معاك المدرسه ومتقوليش، كتر خيرك
عدي _ يا أمنية والله هو راجل كويس ومحترم، انا كنت عاوزك تجوزيه هو مش أسامة
أمنية _ انت متعرفهوش دا شيطان، ابعد عنه ، متخلهوش يدخل في حياتنا تاني
عدي _ ما خلاص انتي زعلتيه واكيد مش هيجي تانى ولا هيكلمني، الله يسامحك
أمنية _ هيسامحني علشان ببعده عننا،
عدي _ انتي بتكرهيه ليه اديني سبب واحد
أمنية _ كلني في فلوس
عدي _ مستحيل هو يعمل كده، قولي سبب تانى
أمنية بدموع _ لعب بمشاعري، حلو السبب ده صح
عدي _ لعب بمشاعرك ازاي مش فاهم
قولتله اللي حصل، وهو مصدقش
عدي _ هو طيب ميعملش كده، اكيد انتي فهمتيه غلط
أمنية بدموع_ ياريت اكون فهمته غلط، بس ده قالي بلسانه انه مستحيل يبص لواحده مسترجله بعد ما كان عندي من عشر دقايق في المطعم وبيقولي انه بيحبني وعاوز يتجوزني
عدي _ حتي لو عمل كده، اكيد في سبب يخليه يقولك كده
أمنية _ انت لسه صغير ولما تكبر هتفهم كلامي
عدي _ انا كبير يا أمنية واقدر افهم في الناس كويس، وخالي مش وحش زي مانتي فاهمه
أمنية _ حتي بعد اللي قولتهولك بتقول خالي
عدي _ ايوه،، انا هروحلوه واسمع منه متأكد انه هيطلع مظلوم
أمنية _ لا متروحش ومش عايزة اعرف انك اتعاملت معاه تاني
عدي _ هروح يا أمنية
أمنية _ لو هتروحلوه انسا ان معاك اخت
عدي يرمي الشنطه بنرفزه _ أمنية انا مبقتش صغير علشان تعامليني كده وتقوليلي اعمل ومعملش
أمنية _ وحتي لو عندك 50 سنه هتفضل صغير وبقولك اهو يا عدي لو روحتلوه انا هنسا انك اخويا
عدي بغيظ _ متشكر ياستي متشكر اوي
أمنية _ هتروح تجيب الصواريخ ولا غيرت رأيك
عدي _ بعد اللي سمعته انا مش موافق على جوازك من أسامه ومش هجيب صواريخ
أمنية _ براحتك، بس لغيت ما تخلص الخطوبه مش عايزة مشاكل ولا تحسس أسامه انك مش موافق
حكايات بنات p20
شيري
قبل حضور المعازيم بنص ساعة كنا انا ومنه ويارا مع امنية في الاوضه وانا بعملها ميكاج خفيف ، وطلعت زي القمر، وكانت لابسه فستان زهري مزين بالورود وتاج بالخرز الكريستال وشعر مموج مايل للبني، مع مكياج ناعم.. بقيت اصورها صور كتير وانا عامله نفسي فرحانه
انا كان ممكن اكون اسعد واحده في الدنيا النهارده لو كان خطيبها واحد تاني غير اسامه، بس بالعكس، انا كنت بحاول اداري حزني وبقيت ماشيه ازغرت زي المجانين، ومحدش فهم احساسي و وجعي غير يارا
يارا _ مفيش داعي تبيني فرحتك بزيادة كده هتخليهم يشكو فيكي
شيري بإبتسامة _ انا فرحانه فعلاً لدرجة اني نفسي اجري في الشارع واقول اختي هتتخطب النهارده
يارا _ لو كلهم صدقوكي انا عارفه انك نفسك تبكي، متزودهاش علي نفسك وابكي وقولي انها دموع الفرح
شيري بدموع _ بقولك ايه، روحي عندهم انتي عايزة تنكدي عليه انا عارفه، .. شويه ورجعالك
طلعت من عندهم قاصده الأوضة التانيه وانا بحاول اداري دموعي، ف لقيت اسامة داخل من الباب وشايفني،، داريت وشي منه وجيت ادخل الاوضه وهو نده عليه
أسامة _ شيري
مسحت دموعي وابتسمت _ ازيك يا عريسنا، ايه الشياكه دي
أسامه _ دي اقل حاجه تليق بأميرتي
شيري بإبتسامة _ وهي مش اقل منك في الشياكه النهارده، وانا اللي عملتلها المكياج بأيدي يارب يعجبك
أسامه _ هي قمر من غير مكياج
شيري _ ربنا يسعدكم
أسامة _ ويسعدك ... امال فين العريس اللي قولتي عليه
شيري بإبتسامة _ معزمنهوش
أسامه _ خسارة كان نفسي اشوفه
شيري_ اكيد هتشوفه،، عن اذنك داخله اشوف عدي
أسامه_ انتي كنتي وعداني تزغرتي ومشوفتش حاجه
شيري بإبتسامة _ انا صوتي اتنبح انا وبزغرت من الصبح
أسامة _ انا مشوفتش حاجه
شيري _ عنيا
زغرت زغروته كبيره وبعدين وقفت وابتسمتله
أسامه _ طلعتي بتعرفي تزغرتي
شيري بهمس _ وبعرف ارقص كمان، وهرقصلكم
أسامه بإبتسامه _ مستني
سبته ودخلت الاوضه وبقيت اهدي نفسي علشان اخرج من غير ما يبان عليه حاجه
أسامة
كنت وصلت البيت وبعد شويه لقيتها طالعه من الاوضه وبتحاول تداري وشها علشان متبانش انها بتبكي، ولما ندهت عليها مسحت دموعها وابتسمت وكأن مفيش حاجه، بس قدرت احس بحزنها اللى بتداريه بإبتسامتها، وشوية الزينه اللي حطاها في وشها،، كان نفسي تتكلم او تبكي حتى عشان اوقف الخطوبة بس ده محصلش بقيت تعِند وزغرتت وقالتلي انها هترقص كمان
بعد ما سابتني كلمت سامر وخالي اشوفهم هيجو امتي،،، سامر قالي جاي وخالي قالي هخلص الشغل واجيلك.. وبعد شويه جه سامر
سامر بإبتسامة _ عريس عريس يعني مفيش كلام
أسامة _ يعني واضح عليه ولا اوضح اكتر
سامر _ واضح اوى، امال فين العروسه
أسامة _ مشوفتهاش
سامر _ واخوات العروسه فين
أسامه_ شيري في الأوضة اللي هناك وعدي مش عارف راح فين
سامر _ عملت اية مع شيري
أسامة بخيبه _ ولا حاجه، بس هي مبسوطه ومتشيكه لأ وكمان زغرتت وهترقص
سامر _ طبيعي مش خطوبة اختها بردو
أسامه _ هي بتحاول تداري، انا متأكد انها بتبكي جوه
سامر _ مسيرها تنسا.. الموضوع مش سهل عليها بردو
أسامة بنرفزه _ لو مش سهل تقولي وانا اسهله عليها
سامر _ بالعكس انت هتأذيها وتخسرها اختها لو قالتلك انها بتحبك
أسامة بخنقه _ افرض مقالتش خالص هطر اتجوز امنية مش كده
سامر _ محدش ضربك علي ايدك انت اللي اخترت تلعب اللعبه دي، استحمل بقا
أسامة _ صح
بعد شوية بدأت السهرة وامنيه جت وقعدت جمبي ومشفتهاش ضحكت خالص وشكلها مش راضيه بيا اصلا.. بس دا كويس انا ارتحت..
بعد شويه شغلو اغاني وبنات و ولاد شكلهم غريب بدأو يرقصو علي اغاني المهرجانات، وشيري بقت مختفيه شويه وبعدين طلعت من الاوضه وهي بتسقف وتضحك مع يارا
اسامه _ شيري، خدي عاوزك
شيري بإبتسامة _ نعم يا عريس
أسامة بهمس _ متزودهاش عشان شكلك مكشوف اوي
شيري بإبتسامه _ باين عليه اني مش طيقاك يعني
أسامه بهمس _ ايوه باين،، بس متخدنيش في دوكه وتنسي الرقص
شيري _ لسه مشتغلتش رقاصه بس ماشي هوفي بوعدي
يارا
شيري بقت ترقص وسط الناس كلها، وكان رقصها رقيق وخفيف، وشعرها بيتمايل وراها، وضحكتها منوره، في الوقت اللي أسامة قاعد بيبصلها بتركيز ومبتسم ابتسامه خفيفه،، للحظه حسيت انه بحبها بس رجعت اقول انه لئيم وانه لو صح حبها كان خطبها هي مش اختها..
بقيت مركزه مع شيري وانا حاسه بمراقبه سامر ليه من وقت ما قابلته، هناك، وبعد شويه دخلت المطبخ اجيب كبايات ولقيته جه وراي
سامر _ مش كفاية كده يا يارا
يارا _ علي فكره عيب اللى بتعمله ده
سامر بخنقه _ العيب انك تعامليني كده ومتدنيش فرصه اثبتلك حسن نيتي
يارا _ صدقني انا متفرقش معايا نيتك انا كل اللي يهمني انك اتبعد عني وقتها بس هعرف انك كويس
سامر _ مقدرش اشوفك ومكلمكش
يارا _ اقدر
سامر _ لأمتي طيب
يارا _ لحد ما تموت
سامر _ انا هموت بجد لو بعدت عنك
يارا _ يبقا موت، لانك عمرك ما هتقرب مني
سامر بخيبه _ زي ما تحبي، انا اسف واوعدك مش هتعرضلك تاني
علي قد ما انا مضايقه منه بس مش قادره مصدقهوش، .. بكون نفسي اكلمه كويس بس خايفه من اللي ممكن يحصل، او انه يطلع زي اسامه يقدر يضحك عليه
أمنية
بقيت قاعده جمب اسامة وانا مش شيفاه وكل تركيزي مع عدي اللي قاعد علي جمب ومحاولش يجي يباركلي حته
منه _ طيب ايه مش هتلبسها الخاتم ولا عجبتكم القعدة كده
أسامه _ نستنا خمس دقايق يكون خالي وصل
منه _ تمام مفيش مشكله،
اسامة _ مشوفتيش خالي قبل كده انتي يا أمنيه
أمنية _ وهشوفه فين
أسامه _ اهو جاى وهعرفك عليه، وبالمناسبه لقيتلك شغل عنده
أمنية _ انا لقيت شغل متشكره
أسامه _ لا انتي هترتاحي هناك اكتر
أمنية _ طيب لما نشوف بعدين
أسامة _ انتي عارفه، هو اللي مربيني، وانا وهو صحاب وعايشين مع بعض
أمنية _ ولما هو كده مجاش يتعرف علينا ليه
أسامة _ مكنش يعرف غير من يومين، كنت عملهالو مفاجأة
أمنية _ مفاجأة؟
أسامة_ ايوة
عز
وصلت هناك وطلعت لدور بتاعهم وبقيت واقف قدام الباب مش قادر ادخل لغيت ما شوفت عدي واقف في وش الباب ولما شافني جه عندي
عدي _ خالي
عز بإبتسامة _ وحشتنى
عدي _ انا زعلان منك اوي
عز _ ليه يا عدي
عدي _ أمنية قالتلي على اللي انت عملته معاها،،
عز _ قالتلك ايه
عدي _ قالتلي على اللي عملته معاها في المطعم والكلام اللي قولته ليها في التليفون. انت تعمل كده ياخالي
عز بتنهيده _ ايوة انا عملت كده
عدي _ انا مصدقتهاش مع اني متأكد ان امنية مبتكدبش،
عز _ حد غيرك يعرف الموضوع ده
عدي _ مقالتش لحد غيري
عز _ طيب وانت شايفني ازاي بعد ما عرفت
عدي _ معرفش بس انا قولتلها خالي مش ممكن يأذي حد
عز بإبتسامة _ وليه مش ممكن أذي حد،
عدي _ عشان انت قلبك طيب
عز بإبتسامة _ انت عارف اني حبيتك زي ابني من اول ما شوفتك
عدي _ وانا كمان ياخالي
عز يحضنه بحبه _ لو قولتلك حاجه اطمن اني بكلم راجل ومش هيطلعها بره
عدي يبعد عنه ويبصله باهتمام _ اكيد
عز بتنهيده_ انا مكنتش اعرف ان اسامه خطيب امنية غير لما طلبت ايدها
عدي _ هي قالتلي انك كنت عارف انها مخطوبه
عز _ صح كنت عارف، وكنت عارف انها مش عاوزاه بس مكنتش اعرف ان خطيبها هو أسامه
عدي _ مالو أسامة يعني مش فاهم
عز بتنهيده _ اسامه ابن اختي، وانا وهو صحاب وانا اللي مربيه
عدي بذهول _ طيب ازاي يعنى مكنتش تعرف انه هو خطيبها
عز _ هو قالي انه اتكلم على واحده بس مكنتش اعرف انها هي غير لما كلمتها وطلبت أيدها، ف كان لازم ازعلها مقدرش اخسر ابن اختي اللي مربيه علي ايدي،
عدي _ بس هي عاوزاك انت مش هو
عز _ انا عارف بس مقدرش ازعل أسامه واخد منه خطيبته، الرجاله مبيعملوش كده
عدي بدموع _ بس انا بحبك وعاوزك انت تجوزها مش هو..
خليه يتجوز شيري هي صحبته وهينفعو مع بعض
عز بإبتسامة _ بس هو بيحب أمنية
عدي _ وانت بتحبها كمان، ليه هو ميسبهاش ليك
عز _ علشان ميعرفش اني عاوزها ولا اني اعرفها اصلا
عدي _ يبقا نقوله
عز _ لأ مش هنقوله،
عدي _ طيب ليه
عز _ لا هو هيعرف اني عاوزها ولا هي هتعرف السبب اللي خلاني ازعلها، احنا رجاله مبنطلعش السر صح
عدي _ مقدرش ياخالي
عز _ يبقا هزعل منك ومش هكلمك تاني
عدي بدموع _ ياخالي
عز _ انت وعدتني
عدي بدموع _ حاضر
عز بإبتسامة _ طيب توقف معايا في الموقف ده وتهديها علشان متعملناش فضيحه وسط الناس
عدي _ طيب
عز _ يلا بينا
دخلنا وشوفتهم قاعدين جمب بعض، حاولت اتمالك اعصابي ومظهرش حاجه لغيت ما شافتني ودخلت جوه
أمنية
فجأه لقيت عدي داخل وهو معاه، افتكرت ان عدي خلف وعده معايا وجابه، ف قومت ودخلت جوه وانا مضايقه من عدي ونفسي اشتم عز واطلع كل اللي في قلبي من نحيته، بس خوفت من كلام الناس وكل اللي عملته اني كسرت المرايا، وبعد دقيقة لقيت عدي داخل وقفل وراه الباب
أمنية ببكاء _ انا مش قولتلك لو كلمته انسا ان ليك اخت
عدي _ انا مكلمتهوش
أمنية بانفعال _ امال ايه اللي جابه يعني
عدي _ طلع خال أسامة يا أمنية
أمنية بصدمه _ انت بتقول إيه
عدي _ زي ما سمعتي
أمنية _ يعني هما الاتنين بيمثلو عليه وبيخدعوني
عدي _ لا لا، أسامة ميعرفش حاجه، حتي عز اتفاجأ انك انتي العروسه
أمنية بانفعال _ ازاي يعنى ودي حاجه تتصدق بردو
عدي _ اه والله هما الاتنين ميعرفوش لا عز كان يعرف انك خطيبة أسامة ولا أسامة يعرف انك كنتي شغاله عند خالو
أمنية ببكاء _ انا هروح امشيهم، مش هتجوز
عدي _ لا عشان خاطري بلاش
أمنية _ بلاش ليه مينفعش اتجوزه بعد اللي عمله خاله
عدي _ بعدين نتكلم، عشان خاطري عديها دلوقتي
منه تخبط وتدخل
منه _ في ايه يا أمنية
أمنية ببكاء _ شوفتي الحظ عز طلع خال أسامة
منه _ عز مديرك صح
أمنية _ ايوة
حكتلها اللي حصل وكنت متوقعه تقولي روحي اطرديهم بس بالعكس دي شجعتني اكمل
أمنية ببكاء _ انا هروح اطردهم
منه _ لأ استني... عدي روح قولهم بتظبط مكياجها وجايه
عدي _ حاضر.. وبيمشي
أمنية_ لأ ازاي، عارفه يعني ايه اتجوز ابن اخته
منه بحده_ مفيش طريقة تنتقمي منه بيها غير انك تكملي مع أسامه
أمنية بدموع _ انا مش عاوزة انتقم، كفايه اني مشوفش وشه تانى
منه _ وهتستفادي أيه لما متشوفيش وشه، لأ دا انتي تشوفي وشه وتضايقيه وتعرفيه انك خدتي ابن اخته اللي من سنك
أمنية بدموع _ مقدرش يا منه
منه _ اقدري، دا اهانك مرتين ويستاهل تنتقمي منه
أمنية بدموع _ وانتقم منه ازاي وانا مش مهمه عنده الكلام ده لو بيحبني
منه _ مش مهم يحبك، هو لما يلاقيكي استبدلتيه بواحد صغير وكمان ابن اخته هيتشل صدقيني
بقت تتكلم لغيت ما اقنعتني اكمل، وفعلا ظبطت مكياجي ورسمت ابتسامه على وشي وطلعت وقعدت مكاني وحطيت رجل على رجل
أسامة _ تعالي ياخالي، احب اعرفك دي أمنية خطيبتي وروووح قلبي
عز يسلم عليها_ الف مبروك
أمنية _ الله يبارك فيك يا عمو، ولا نقول يا خالو
عز بإبتسامة _ ايه حاجه
أمنية _ تصور مكنتش اعرف ان حبيبي عنده قرايب كبيرة كده
أسامة باستغراب _ حبيبي
أمنية بإبتسامة _ وروحي كمان
أسامة يبص على شيري اللي بتحاولي تداري غيرتها _ حبيبة قلبي ربنا يخليكي ليا
عز بخنقه _ الف مبروك يلا احتفلو
أسامة _ رايح فين مش هتمشي
عز _ ورايا شغل مهم
أسامة _ عزوز احنا هنمشي مع بعض اقعد لو سمحت
أمنية _ رايح فين ياخالو، لسه اوس اوس ملبسنيش الخاتم
عز _ طيب ممكن تشهلو عشان امشي
أمنية _ ممكن يا خالو، يلا يا حبيبي علشان تلبسني الخاتم
أسامة يبص لشيري اللي دخلت جوه وهي بتبكي _ دقيقتين وجاي، اتعرفو اه وبالمناسبه انا قولتلها انك هتشغلها..
أمنية _ كنت بقولك اسامه فاشل، مكنتش اعرف انك خالو
عز بتنهيده _ عيشي يا أمنية، وانسي اي حاجه مفيش داعي تحاولي تضايقني علشان مش هضايق
أمنية بدموع _ انا عارفه انك قلبك اسود وميهمكش غير نفسك، استفدت ايه انت دلوقتي لما اذتني
عز _ قولتلك كنت سكران ومش عارف بقول ايه، ومن دلوقتي مش عاوز الموضوع ده يتفتح
أمنية _ حاضر يا خالو
عز _ مبروك وبيمشي
اسامه
شافتنا انا وامنيه واحنا بنتمايع على بعض ودموعها نزلت ودخلت جوه، وانا استغليت انشغال الناس وروحت وراها
أسامة _ مشيتي ليه مش عاوزة تشوفيني وانا بلبسها الخاتم
شيري بدموع _ مش عايزة اشوف حاجه ولا عاوزة اشوفك، اطلع برا روح شوف كنت بتعمل إيه
أسامة _ بتبكي ليه دلوقتي عاوز افهم
شيري بدموع _ عشان امنية هتجوز
أسامة _ احنا لسه في الخطوبة متكدبيش وقولي مالك
شيري بدموع _ انا بورط اختي معاك وانا عرفاك صايع ومستهتر، وكل ده ليه نفسي افهم
أسامه _ عشان تثبتيلي اني عادي عندك،
شيري _ انت اقل من العادي، وبلاش تصدق نفسك اوي كده،
أسامة يقترب منها حتى يشعر بحرارة انفاسها
شيري بارتباك _ بتعمل ايه
أسامة _ خد نفس واهدي
شيري بارتباك _ انا هاديه اوي، بس وسع كده
أسامه يتحسس كف يدها بلطف _ انا لو عادى عندك مكنتيش هتتوتري كده
شيري بارتباك _ أسامه كفايه ارجع لخطيبتك
أسامة يزيل شعرها عن وجهها بحب ويقترب منها ليقبل وجنتيها لتغمض عينيها باستسلام وبعد وقت تفتح عينيها، ولا تجده
بتقولي عادي عندها ف حبيت اشوف عادي ولا لأ، وبعد ما استسلمت مشيت وسبتها، وبعد وقت طلعت من الاوضه ومقدرتش تبصلي
أسامة _ شيري
أمنية _ في إيه مالك بيها
أسامة _ عاوزها تشغل اغنية يادبلة الخطوبة عشان نلبس الخاتم بقا
أمنية _ ماشي ... شيري خدي
شيري تيجي وتكلم أمنية وهي مش قادره تبصلي
أسامة بإبتسامة _ تايهه كده ليه، دي باينها متخدره
أمنية _ مالك يا شيري
شيري بارتباك _ مفيش، عاوزة انام بس
أسامة بإبتسامة _ لما تخلص الخطوبة، روحي نامى واحلمي بالي حصل
شيري بارتباك _ كده خلاص يعني هتلبسها الخاتم
أسامه _ ايوه
أمنية _ شغلي الاغنيه اللي عاوزها أسامة عشان نخلص
شيري تبصله بارتباك _ اغنيه ايه
أسامة _ دبلة الخطوبة وبعدها اغنيه ( بحبك يا شيري)
شيري بارتباك _ ايه
أسامة بإبتسامة _ شغلي اغنيه بحبك ، يااا شيري اغنيه جنات يابنتي، مالك النهارده
شيري _ حاضر عن اذنكم
اللي نافعني ان أمنية تقريبا مش معانا والا كانت فهمت تلمحاتي وكنا روحنا في داهيه..
بعد ما شغلت الاغنية قررت اضايقها شويه واحب ف أمنية قدامها
عز
لبسها الخاتم وبعدين حاضنها وهي محاولتش تمنعه وبعد كده باسها على جبينها وبدأ يرقص معاها وهي مبتسمه وبتمثل انها مبسوطه، بس انا فاهم انها بتحاول تضايقني، وفعلا قدرت تضايقني ولولا خوفي من اللي ممكن يحصل كنت جبتها من شعرها، رغم اني لو مكان أسامه كنت عملت اكتر من كده، كنت حضتنها ونسيت ان في بشر حولينا،.. كنت خدتها وبعدنا عنهم،.. كنت رقصت معاها لصبح ولا يهمني حد
شيري
بقو يرقصو مع بعض وحضنها وباسها قدام الكل والغريب انها استجابت معاه،، وانا واقفه ورا الناس بتفرج وحاسي اني بموت من اللي بشوفه.. وحاسه اني بكرهو وخصوصآ انه قاصد يضايقني ويخليني أبكى عشان يثبت لنفسه اني بحبه
أمنية
من كتر زعلي من عز ناويت اضايقه، وعملت حاجات انا مش حباها وهي اني رقصت مع اسامة وسمحتله يحضني ويبوسني في خدي واظهرت ابتسامه عريضة علشان اعرفه اني بحبه وانه هو زي قلته وميفرقش معايا، وفعلا بصاته كلها كانت بتطلع غضب وشايفاه بيضم ايديه بغضب، وبعد شويه بيجي يشد اسامه من ايده
أسامه باستغراب _ في ايه ياخالي
عز بحده _ في انك لبستها شبكه مش. كتبت الكتاب.. وانتي ابقي وقفيه لما يزودها كده
أمنية ببرود _ حاضر ياخالو
عز _ شاطره ... وانت هتمشي ولا لسه قاعد
أسامة _ همشي بس دقيقه وراجعلك
**
عز بحده _ هو اي حد يقولك عاوزك تسمحيلوه يحضنك. كده
أمنية ببرود _ اصلي بحبه اووي يا خالو
عز بغيظ_ ولما حصل معايا. كنتي ايه
أمنية بهمس _ واحده وحضنة خالها فيها إيه دي
عز _ عندك حق، برافو عليكي انك اعتبرتيني خالك
أمنية بإبتسامة _ يشرفني يا خال الغالي
عز _ ماااشي.. هتيجي الوظيفه اللي قالك عليها اسامه ولا لأ
أمنية _ موافقه بس. كبر الشرط الجزائي عشان لما تطردني استفيد منه
عز _ ماشي، بس طول ماحنا بنتعامل مع بعض افتكري انك خطيبته ابن اختي
أمنية بقرف _ فاكره يا خالو بس يارب انت متنساش
عند شيري
أسامة _ كنت فاكرك هتفرحيلنا أكتر من كده
شيري _ انت ايه اللي عملته جوه ده
أسامة بإبتسامة _ عملت إيه
شيري_ أسأل نفسك
أسامة _ مش فاكر اني عملت حاجه
شيري بغيظ _ طيب امشي. امششي
أسامة بإبتسامة _ عارفة كان نفسي اكمل بس خوفت حد يدخل وخصوصآ انك سبتيلي نفسك
شيري بغيظ _ انت عيل سافل،
أسامة بإبتسامة _ قولتيلي جوه اني عادي اوي عندك ومفرقش معاكي مش كده
شيري تضربه بالقلم بغيظ _ ادي دقني لو دخلت البيت ده تانى
أسامة بضحك _ اه ايدك تقيله، بس دقنك ده احلقيه علشان هدخل تانى وبكره كمان... تصبحي على خير صديقتي الجميله
شيري بغيظ _ تصبح علي نقاله
