رواية حكايات بنات الفصل الحادي والعشرين والثاني والعشرين والثالث والعشرون والرابع والعشرون كامله
 |
حكايات بنات p21
اسامه
رجعنا البيت انا وخالي،، وهو طول الطريق مش بيتكلم وكل ما اسأله مالك يقولي مفيش.. جه على بالي انه يكون زعلان علشان البنت اللي بيحبها سافرت لغيت ما زودتها في اسئلتي وهو اتعصب عليه
أسامة _ في ايه انا بطمن عليك بس
عز بعصبيه _ متطمنش عمال اقول مفيش مفيش، اخترعلك مشكله اقولهالك يعني
أسامة _ طيب روق كده في ايه خلاص متقولش
عز بنرفزه _ وانت رايح تحضن البنت اللي لسه ملبسها الخاتم مش عيب
أسامة _ وفيها ايه .. دا حضن عادي
عز _ وبوستها كمان ودي عادي
أسامة باستغراب _ هي بوسه طايري على خدها انت محسسني اني عملت مصيبة
عز _ حبيبي افهم لغيت ما تجوزها احفظ ادبك شويه
أسامة _ حاضر حتى ايدها مش هلمسها ممكن تروق بقا
عز بخنقه _ ماشي
أسامة _ هو ده السبب اللي مزعلك
عز بارتباك _ ايوه علشان عيب وميصحش
أسامة _ لا مش هو دا السبب انا عارف انك حسيت، بالغيرة
عز بارتباك _ انا اغير، انت باين عليك اتجننت
أسامة _ كان باين عليك بس انت غلطان انا قولتلك متسبش البنت ودور عليها انت اللي طنشت، كان زمانا خطبنا في يوم واحد
عز ياخد نفسه براحه _ مش غيره ولا حاجه بيتهيالي
أسامة _ هعمل نفسي مصدق
عز _ جدع يلا روح نام
أسامة بتردد _ طيب كنت عاوز اتكلم معاك في حاجه تخص واحد صاحبي
عز _ مالو صاحبك
أسامة بتنهيده _ في واحده شغلاه علي طول ومش قادر ميفكرش فيها، بس هو بيخاف يرتبط ويربط حياته بواحده طول عمره
عز _ هو بيحبها
أسامة _ شكله كده.. معرفش
عز _ مش متأكد يعني
أسامة _ ايوة
عز _ طيب ومشكلته ايه هو دلوقتي
أسامة _ مشكلته انه مش بيثق في البنات
عز _ لا شكله صاحبك اوي نفس التفكير بس انت اهو خطبت واقتنعت ان في حب انما هو الله يعينه
اسامه _ طيب هو يطمن ازاي نحيتهم
عز _ ينضف قلبه ويطلع من المزبله اللي عايش فيها..
أسامة _ ازاي
عز _ قصة صاحبك دي عامله زي حياة النحله والذبابه،.. عندك الذبابه حياتها كلها في الزباله مش بترتاح ولا تلاقي اللي بتدور عليه غير جواها.. علي عكس النحله حياتها كلها ورد وربيع وخضره،، ف قوله يطلع من الزبالة عشان يلاقي الورد
أسامه بضحك _ صاحبي بقا ذبابه
عز _ وذبابه قذره كمان
أسامة _ عندك حق انا اقتنعت
عز _ عظيم بركاتك يا أمنية
أسامة بإبتسامة _ انبر فيها
عز بتردد _ قولي صحيح انت اول حد في حياتها ولا كانت مخطوبه قبل كده
أسامه _ بيتهيالي انا أول واحد
عز _ لا بس واضح انها بتحبك
أسامة _ ههههه بتقول كده علشان اللى عملته النهارده... انا نفسي استغربتها ، هى مش كده خالص وجد اوي.. انت عارف ان قبلها بكام يوم عملت معاها مشكله في الجامعه
عز _ ده اليوم اللي كنت زعلان فيه انك جرحتها
أسامة باستغراب _ انا جرحت أمنية.... اااه فكرتني.. ايوه هي،
عز باستغراب _ في حاجه مخبيها عليه
أسامة _ لا يا راجل يلا تصبح على خير
كنت هتمسك وهقع في الكلام لغيت ما يعرف اني خاطبها تحدي وكان ولع فيه وزعل مني
دخلت اوضتي وغيرت هدومي ونمت علي السرير، وكالعاده وقتي عدا وانا بفكر في شيري وبفكر في اللي حصل النهارده،.. كانت جميله ورقيقه لأبعد حد، ومشوفتش غيرها مابين كل الموجودين.. واقدر اعترف لنفسي اني بحبها بس لسه مشكله الثقة موجوده عندي. وعاوز اطمن، شكلي كده.هروح لدكتور نفسي يساعدني
شيري
دخلت الأوضه وقفلت علي نفسي وغيرت هدومي ورجعت ابص للمرايا وانا مستغربه نفسي، ازاي سمحتله يقرب مني وازاي استسلمت ليه بشكل ده،....بس هو واد سافل ومنحط، واكيد هيستحلاها وممكن يكررها تاني، وعلشان كده هعمل ميته لما يجي وربنا ما اقابله تاني
تاني يوم روحت الجامعه وبقيت امشي بحذر عشان مشفهوش ويفكرني باللي حصل، وفجاه لقيت في وشي
أسامة بضحك _ بتتسحبي زي الحرامية ليه
شيري بارتباك _ ممفيش عن اذنك
أسامة _ استنى مش لما اطمن علي الغاليه خطيبتي
شيري _ راحت لخالك تشوف الشغل
أسامة _ يا خسارة كان نفسي اشوفها اوووي
شيري _ طيب
مشيت وسبته وهو جه ورايا وبقا يمشي بالعكس زي العبيط وميل دماغه علي كتفه
اسامه _ انتي عارفه اني منمتش طول الليل وانا بفكر في روحي
شيري _ طيب امشي عدل لا تخبط في حاجه
أسامه يعتدل _ طيب وقفي هقولك حاجه توصليها لروحي
شيري بزهق _ أرغى
أسامة بإبتسامة _ بحبك
شيري _ ما تقولها وحدك ولا لسانك اتقطع
أسامة _ بتكسف منها
شيري _ انا ولا هي اللي تتكسف منه
اسامه _ انتي انا، هي خطيبتي
شيري بارتباك _ طيب هقولها
أسامه بإبتسامة _ قوليلها (بحبك يا شيري)
شيري بنرفزه _ طيب والله لو ما بطلت تلعب بالالفاظ لا اقولها على كل حاجه خليها ترميلك الخاتم في وشك
أسامه _ انتي ليه غبيه انا بقولك قوليلها بحبك.... يا شيري قصدي قولي ل امنيه بحبك يا شيري فهمتي ولا اوضح اكتر
شيري برخامه _ حاضر هقولها بحبك يا شيري، غور بقا
أسامة بإبتسامة _ هتوحشيني يا صديقتي الجميلة
شيري تضربه في ركبته برجلها وتمشي
أسامة بالم _ ماشي والله لا يخلص منك
أمنية
بعد ما خلصت الخطوبه قعدت وانا محتاره اروح الشغل عند عز واحاول اخلص منه اللي عمله ولا احفظ كرامتي واسكت، لغيت ما عدي فضل يزن عليه اني اروح علشان اضايقه واخلص منه اللي عمله معايا، وانا صدقت ما لقيتها وكأني كنت محتاجة حد يقولي روحي حتى لو كان عيل صغير.. وروحت وقابلت السكرتيره الجديده، كانت بنت في سني بس لبسها ضيق اوي وقصير و وشها كله الوان، شكلها ضايقني اوي ورجعت قولت مناسبه للي زيه هو كده بيحب الرمرمه،
كلِمته وقالتله اني جيت ف قالها دخليها، ودخلت وانا متوتره ومش قادره ابصله بسبب الكلام والحضن اللي حصل قبل كده
عز _ اتفضلي
أمنية _ متشكره
عز _ اقعدي
أمنية _ مش جايه اقعد،
عز _ اقعدي عاوز اتكلم معاكي
أمنية _ افندم
عز _ تشربي كابتشينو ولا كرهتيه
أمنية _ من فضلك قول عاوز ايه
عز بتردد _ حسيتك امبارح بتحاولي تضايقني بأسامه
أمنية _ مش بضايق حد انا
عز _ مش موضوعنا، انا اصلا مش بضايق، بس كنت عاوزك تعرفي ان انا كل فترة مع واحده جديده... ولا مره واحده منهم شغلتني، وعلى رأسهم انتي يا عادل.. ولسوء الحظ انك طلعتي خطيبة اسامه الفاشل مش فاشل بردو
أمنية _ وبتقولي الكلام ده ليه دلوقتي
عز _ علشان تشيلي فكره انك تضايقني دي من دماغك وانسي اي حاجه اتقالت قبل كده وياريت أسامه ميعرفش حاجه عشان ميزعلش
أمنية _ ليه خايف انه يعرف طالما الموضوع كده
عز بإبتسامة _ اول سبب انه فاكرني مستقيم وتاني سبب علشان ميقلقش عشان حاجه مش مستهله
أمنية تبصله وتسكت
عز بإبتسامة _ ماشي ... ايه رأيك انتى هتشتغلي فى الحسابات
امنيه _ مفهمش فيها انا عايزة ارجع المكتب
عز _ للأسف ماهي شغلاه دلوقتي
أمنية _ مشيها انا هرجع مكتبي
عز _ وانا عاوز ماهي جمبي مقدرش تبعد عني
أمنية باستحقار _ هاتها هنا انما انا هرجع مكتبي،
عز _ عافيه يعني
أمنية _ دا لو مش عاوز أسامة يعرف حقيقتك
عز _ بتهدديني
أمنية _ اعتبرها زي ما تعتبرها
عز _ ولو قولتلك لأ
أمنية _ يبقا هبلغ اسامه باللي حصل
عز _ لا ارجوكي خلاص موافق ترجعي وامري لله كله الا زعل اسامه
أمنية _ طيب يلا مشيلي القطه
عز _ دا انتي طلعتي مش سهله... مااهيتاب تعالي عايزك
ماهيتاب تيجي _ افندم عز بيه
عز بإبتسامة _ قوليلي عز عادي متتكسفيش دي خطيبة ابن اختي
ماهيتاب باستغراب _ افندم
عز بإبتسامة_ بتتكسف تندهلي بأسمي قدام حد
أمنية بقرف _ عندها حق يا خالو
عز _ اسمي مستر عز لو سمحتي خالو دي في البيت.... ماهي انتي هتسيبي السكيرتريه
ماهي _ ليه يافندم هو انا غلطت في حاجه
عز _ انتي تغلطي مش ممكن، بس هتيجي تشتغلي معايا في المكتب وتكوني المساعده بتاعتي
ماهي باستغراب _ يعنى اية
عز _ روحي بس لمي حاجتك وانا هاجي عندك لما الأنسه تمشي
ماهيتاب _ امرك يافندم
أمنية بقرف _ وياترا تعرف انها بتستبدل زي ملابسك
عز بهمس _ لا أوعي تعرف لو سمحتي دي لسه جديده وحلوه ملحقتش اشبع منها
أمنية _ يا مسهل
عز بإبتسامة _ انا عارف انك عاقله ومش هتحاولي تطفشيها
أمنية _ أنت عاوزها اوي كده
عز _ طبعا دي هي اللي بتهون عليه ارهاق الشغل وقرف الستات التانيه
أمنية بإبتسامة _ طالما كده نخليها عشان مزاج حضرتك يا خالو
عز _ مستر عز
أمنية _ يا مستر عز
عز _ تقدري تبتدي من بكره
أمنية _ ماشي عن اذنك
عز _ قولي ل ماهي تيجيني
أمنية بقرف _ حاضر
طلعت عندها وكلمتها
أمنية _ مستر عز بيقولك خدي بقيت اليوم اجازه ومتدخليش عليه نهائي النهاردة
ماهيتاب _ مقالكش السبب
أمنية _ بيقول صحبته هتيجي ومش عاوز ازعاج
ماهيتاب باستغراب _ صاحبه مين
أمنية _ صحبتة بس مش فاكره ميرا ولا سالي... لا لا دا النهارده يوم مها
عز
لما طِلعت شوفت الكاميرات لقيتها بطفش ماهيتاب وبتشوه صورتي قدامها، وانا بدال ما اروح امنعها بقيت اضحك عليها وعلى جنانها، وهي فاكره انها هتقعد على مكتب السكرتيرة بلوي الدراع متعرفش اني كنت عاوزها ترجع بس مستني الاقي طريقة ارجعها بيها وحتي ماهيتاب انا كنت قاصد استفزها علشان تطفشها لاني بجد مخنوق من طريقة لبسها ومكياجها الاوڤر..... ..
حازم _ رجعتها تانى ليه
عز _ أسامة طلب كده
حازم _ واسامه يعرف انك بتحبها
عز _ ولا هيعرف
حازم _ طالما جبتها جمبك يبقا هيعرف لا انت ولا هي هتقدرو تخبو كتير
عز _ انا فهمتها ان هي واحده من ضمن مليون عرفتهم وانها عادية عندي، يعني مفيش بينا حاجه تتعرف
حازم _ عز كده غلط، لما تقعدها جمبك صدقني مش هتقدر تسيطر على نفسك كتير وهيبان عليك
عز _ انا عارف ان ده غلط ويعتبر خيانه ل أسامة بس مش قادر مشوفهاش علي الاقل، وصدقني مش هضعف ولا هخليها تحس بحاجه
حازم _ انا متأكد انها هتحس وهي هتحنلك
عز _ وانا مش هسمح بكده، انا زعلتها منى علشان اسامه،، مش هاجى بعد ما خطبها رسمي واعمل حآجه تزعله
حازم _ طيب وانت هتحس ب أيه وانت بتحب خطيبة ابن اختك
عز بخنقه _ خلاص بقا يا حازم قولتلك مش هسمح بحاجه غلط تحصل
حازم _ براحتك، ربنا يسترها
عز _ هيسترها متقلقش
حازم عنده حق اكبر غلط اني اجيبها جمبي وانا اناني في الموضوع ده، بس وجودها معايا بيخليني مرتاح، حتي لو مستحيل تكون وليه
بعد تلات ايام
يارا
من يوم خطوبه أمنية والكلام اللي قولته ل سامر، مشوفتهوش خالص، وبقيت قلقانه يكون حصله حاجه ومش قادره أسأل ابوي عليه لما اكلمه، وكمان حاسه اني مفتقداه قوي ف قررت اروح ل أبوي اسلم عليه واطقس من بره بره من غير ما أبان اني مهتمه وفعلا روحت وسلمت على ابوي وقعدت اتكلم معاه شويه وبعدين قولتله هدخل اسلم علي سنيه وروحت وخبطت علي الباب وسنيه فتحتلي وخدتني بالحضن
سنيه بفرحه_ يا حبيبتي وحشتيني
يارا بإبتسامة _ وانتى كمان ياحبيبتي عامله ايه
سنيه_ زعلانه منك اوي بقا كده.متسأليش عليه ولا حتي بتليفون
يارا _ اعذريني والله المذاكرة مطلع عيني
سنيه بإبتسامة _ ولا يهمك حبيبتي، انتي عامله ايه طمنيني عنك
يارا _ بخير يا خاله... الا فين نوال هانم وجوزها
سنيه بإبتسامة _ خرجو
يارا بتردد _ و و الاستاذ سامر اوعي تقولي موجود
سنيه بإبتسامة _ موجود... تعالي معايا عايزاكي جوه
سامر
مبقتش اروح الجامعه علشان مضيقهاش، والنهارده طلعت من اوضتي وكنت داخل المطبخ ف سمعت صوتها بتتكلم مع سنيه ف وقفت ورا الحيط وانا بسمع كلامهم
سنيه _ انتي جايه عشان سامر مش كده
يارا بارتباك _ لا خالص انا جايه عشان ابوي وقولت اسلم عليكي قبل ما امشي
سنيه _ حبيبتي انا عارفه انك. مجتيش غير علشانه، وكنت متاكده انك هتيجي
يارا _ وليه التأكيد ده بس يا خاله، وانا عملت حاجه اكده ولا اكده
سنيه _ ولا هتعملي عشان كده انا بحبك و واثقه فيكي
يارا _ طيب ليه فكرتي اني جايه علشانه
سنيه _ باين عليكي وانتي بتدوري بعينيكي في البيت، بس ده مينفعش يتكرر انا عارفه انه غصب عنك بس مره ورا مره المواضيع هتتعقد وهتتقابلو وتتكلمو فهماني
يارا _ انتي فاهمه غلط، يعني انا غلطانه اني حبيت اسلم عليكي
سنيه _ انا بفهمك الصورة كويس علشان تانى مره لما تحنيلوه وتيجي علشانه تفتكري انه هو من دنيا وانتي من دنيا تانيه وعمركم ما هتتجمعو ومش بعيد يكون مصيرك زي صفاء
يارا بدموع _ عمري ما هكون زيها، لاني واثقه انه عمره ما هيتغير حتي لو حبني... ومتقلقيش عليه انا اقدر اوقف نفسي لما احس ان الامور هتتسرسب من بين يدي
سنيه _ شاطره وناصحه
يارا بدموع _ انا ماشيه اشوف وشك بخير
سنيه _ متزعليش منى انا خايفه عليكي
يارا بدموع _ مزعلش منك أبداً عن اذنك
سامر يدخل عليهم
سامر _ استني
يارا _ عن اذنكم
سامر _ لا استني مش هتمشي قبل ما اتكلم
سنيه _ سيبها يا سامر قبل ما تيجي نوال هانم
سامر _ لحظه من فضلك
يارا _ انا اتاخرت و ورايا محاضره مهمه
سامر _ مش قبل ما اعرف ايه اللي يرضيكي اعمله عشان تقتنعي اني اتغيرت،
يارا _ قولتلك ميهمنيش تتغير ولا لأ
سامر _ طلع يهمك وسنيه طول عمرها بتفهم، ولسه قيلالك انك جايه علشاني مش كده يا سنيه
سنيه _ يابني بلاش الكلام ده دلوقتي وخليها تمشي انت عارف امك
سامر _ ايه يرضيكي يا يارا قوليلي وانا هعمله
يارا _ وانا مالي بيك علشان تعمل حاجه عشاني
سامر _ مالك اني بحبك... انا بحبها يا سنيه ومش بضحك عليها، فهميها اني لو لسه زي ما كنت ، مكنتش هفضل اتحايل عليها ترضا عليه، ولا كنت اهتميت اني انجح
سنيه _ حتي لو كده اهلك مش. هيرضو وانت عارف
سامر _ انا ميهمنيش حد يرضا غيرها بس تقولي ايه يرضيها وانا اعمله
يارا بدموع _ مصدقاك انك بقيت كويس بس انا مش عاوزاك
سامر _ شوفي مُصره تعجزني ازاي
يارا _ انا لازم امشي،
سامر بنرفزه _ امشي ومتجيش تاني دا لو كنتي جايه علشاني يعني
نوال من الخلف _ الله الله ، خدامه تاني يا سامر، يعني ابوك وكيل وزارة وامك سيدة مجتمع وانت تبص للخدامين،
يارا _ انا ماشيه
نوال _ ماشيه فين يا حلوه
سامر بحده _ ماما من فضلك انتي بره الموضوع ده
نوال _ بره ايه، دي مش هتمشي. من غير فضيحه هي وابوها، قال صعايده قال، خلي الناس تعرفها
يارا ببكاء _ انا معملتش حاجه
سامر _ ماما. من فضلك
نوال تشدها من ايدها لغيت الصالون وسامر يحوشها منها
نوال بغيظ _ انت بتتحداني، طيب حسابي معاك بعدين
سامر بتحذير _ لو الموضوع اياه اتكرر والله ما هتشوفي وشي تاني طول عمرك
نوال _ في داهيه... محموووود انت يا راجل ياللي. معرفتش تربي
يارا ببكاء _ الله يخليكي بلاش اكده ابوي ذنبه ايه يتبهدل في العمر ده
نوال _ ذنبه انه معرفش يربيكي ومقالكش متحوميش حولين ولاد الناس
سامر بعصبيه _ كفايه بقا ولا كلمه تانيه، يلا يا يارا امشى
نوال _ والله ماهي ماشيه غير لما ابوها يجي ويسمع
يارا ببكاء _ الله يسامحك، بعد عني اكده انت السبب
سامر بترجي _ ماما عشان خاطري لو بتحبيني بلاش
نوال _ انت تخرس يا بتاع الخدمات يا فاشل دا بدل ما تجوز بنت جناب السفير رايح تبصلي لخدامه... انت يا راجل ياللي اسمك محمود
محمود يركض بصعوبه لكبر سنه ويجد ان يارا تبكي _ ايه اللي حصل
سامر يمسك ايدها بترجي _ ماما تعالي معايا علشان خاطري يا ماما
نوال تشد ايدها منه _ انت خد بنتك اللمامه دي واطلع بره، وابقا ربيها مش اسمكم صعايده علي الفاضي
محمود بقهر _ مالها بتي ياست هانم، انا بتي متربيه احسن تربيه
نوال بسخريه _ ايوه صح عشان.كده بتحوم حولين سيدها
يارا ببكاء _ محصلش يابوي والله ما حصل
محمود يمسك ايدها _ متأكد يابتي، يلا بينا
نوال _ ارجعو بلدكم لمو الجله، تناسبكم اكتر من القعدة في الفيلل يا لمامه
سامر يبصلها بقهر لغيت ما بيمشو
نوال _ ما تيجى تضربني احسن
سامر بانفعال _ خليكي فاكره بس انك انتي اللي اخترتي تخسريني
نوال _ لو ابني هيشوه سمعتنا قدام الناس انا اللي مش عاوزاه
سامر بانفعال _ مااشي ، خليكي وسط الجمعيات والنوادي والندوات بتوعك وانا مش هتشوفيني تاني،.. اه ولو موت متجيش تزوري قبري
نوال _ سامر متنساش انك بتكلم امك
سامر يبكي بقهر _ امي فين دي،... علي شهادة الميلاد يعنى،.. انا عمري.ما حسيت انك ام ولا حسيت بحنيتك عليه، طول عمرك مشغوله في ندواتك مع صحابك، حتى متعرفيش عني حاجه،،، طيب انتي تعرفي انا دلوقتي في سنه كام ولا.كلية ايه ولا تاريخ.ميلادي حتي
نوال _ انا كنت بعملك قيمة وسط الناس علشان تمشي رافع راسك ده جزاتي.. طلعت دلوقتي ام وحشه
سامر ببكاء_ انا.مكنتش عاوز قيمة وسط الناس.. انا كنت عاوز ام تحن عليه وتاخدني في حضنها، وتعاقبني لما اغلط.....فاكره ساعة اللي.حصل.مع صفاء كنتي تسيبيني معاها لوحدي وتروحي النادي وجيتي بعدين فضحتيها ومفكرتيش تعاقبيني انا
نوال بدموع _ يعني علشان مكنتش بحب ازعلك ابقا وحشه وقصرت
سامر بانفعال _ ايوة يا ماما طول عمرك وحشه، والنهارده بذات طلعتي وحشه اوي وظالمه،.. يارا دي عمرها ما ادتني وش وانا اللي.كنت بترجاها ترضا عني علشان بحبها، وانتي جيتي تهينيها هي وابوها العجوز... كملتيها لنهايه وطفح الكيل.. انا متنازل عن ان نوال هانم تكون امي
طلعت من البيت وانا مش شايف قدامي والدموع مشوشه علي روأيتي، وركبت العربية، ومشيت بسرعة وأنا مش حاسس بنفسي ولا عارف افكر، وفجأه عربية طلعت في وشي وفي محاولة مني اني ابعد عن طريقها العربيه انحرفت عن طريقها واتقلبت بيه
يارا
مشينا من هناك، وابوي ماشي قدامي وهو. مزلول ومش قادر يصلب طوله. وانا السبب، علشان طاوعت قلبي لأول. مره، ياريتني ما كنت روحت
يارا ببكاء _ اباي
محمود _ متبكيش وارفعي راسك
يارا ببكاء _ عمري ما هسامح نفسي اني كنت السبب في إهانتك، لو عاوز تقتلني انا مستعده ياباي
محمود _ اقتلك؟، طيب ده انا. ممستنيش اشوفك استاذه ومتخرجه وبتدرسي للعيال مش يارا بتي اللي مربيها تخزلني،.. ارفعي راسك ومطاطيش طالما مغلطتيش
يارا ببكاء _ انا لو هرفع راسي، هيكون علشان انت أبوي، يارب ما يحرمني منك ويديمك تاج علي راسي
محمود بدموع _ ربنا يحفظك يابتي
يارا _ هنعمل ايه دلوقتي ياباي
محمود _ انا هرجع البلد وانتي هتقعدي لغيت. ما تخلصي الترم
يارا بدموع _ لا ياباي بلاه التعليم انا هرجع. معاك
محمود _ لا مينفعش انتي هتكملي للأخر وتنجحي.. مش بتي اللي تيأس وتستسلم من اول. مشكله تحصلها
يارا تقبل يده _ ربنا يخليك ليه ولا يحرمني منك
يارب يسترها معاك يا سامر 😢
حكايات بنات p22
أمنية
بقيت اروح الشغل واحاول ابوظله اي حاجه اقدر ابوظها وهو بارد، في مره زنقني وانا ببوظله لمبة المكتب ابتسم وقالي برافو عليكي بتغيري المبه المحروقه،، والنهارده روحت وانا بفكر ابوظله ايه يحرق دمه بس انا اللي اتحرق دمي لما لقيت ماهيتاب قاعده معاه في المكتبه وقاعده فوق المكتب نفسه مش علي الكرسي، ف سبتهم ورجعت مكتبي تانى وبعد شويه ماهيتاب مشيت وهو نده عليه
•أمنية _ افندم
•عز بحده _ لما تيجي ابقي خبطي قبل ما تدخلي ومتنسيش نفسك
•أمنية _ ماشي،
•عز _ كنتي عايزة أيه
•أمنية _ نسيت لما افتكر هقول
•عز _ براحتك اتفضلي علي مكتبك
طلعت من عنده وقعدت على مكتبي وغصب عني بقيت ابكي، وبعد شويه لقيته جاي ف مسحت دموعي بسرعه وحاولت مبينش حاجه
•عز _ تعالي عاوزك
•أمنية _ حاضر
روحت وراه في المكتب.. لقيته واقف عند الشباك وباصص للخارج ومحاولش يبصلي
•عز _ بتبكي ليه
•أمنية _ مش ببكي
•عز _ أسامة مزعلك
•أمنية _ لأ
•عز _ امال مالك
•أمنية _ حاجه تخصني
•عز يستدير _ طالما بتبكي في شركتي يبقا يخصني
•أمنية بغيظ _ لأ ميخصكش عاوز مني حاجه قبل ما ارجع مكتبي
•عز بحده _ بعد كده اتعلمي تتكلمي ازاي مع مديرك، وعلشان نبرتك دي مخصوملك خمس ايام
•أمنية بدموع _ كنت بزعق قبل كده وانت بتقبلها، ايه اللي اتغير
•عز _ قديمتي ومفيش حاجه عندك تلزمني.... وتاني مره احفظي لسانك معايا
•أمنية بدموع _ حاضر عن اذنك
•عز _ استنى
وقفت وانا باصه الجهه التانيه ولقيته جايب منديل وبيدهوني
•عز _ امسحي دموعك
•أمنية _ شكرا هجيب من هناك
•عز _ بصي.. انا مبحبش العياط ولا الدموع، بتخنق من اللي بيعيطو، من فضلك ابقي خدي بالك من النقطة دي
•أمنية _ يبقا ارتاح من عياطي ودموعي انا هسيب الشغل وهسيب أسامة
•عز _ ليه تسيبي اسامه
•أمنية _ هيكون رابط بيني وبينك وانا مش عايزة اشوفك ولو بالغلط.. انا بجد بكرهك
•عز _ وايه كمان
•أمنية بدموع _ انا مش عارفة ازاي صدقتك، دا انت حتي عينيك كانت بتتكلم وبشوف حنيتك في نظراتك ليه ، فاكر لما جيتلي المطعم و.. و حضنتني، وقتها حسيت ان ملكت الدنيا بحالها وحسيت بحنانك وحبك ليه، بس انت مكملتش ربع ساعه ورجعت كسرت قلبي وسودت الدنيا في عيني... قدرت تتحول ازاي بسرعه دي طيب كنت اخدعني شويه كمان
•عز بتنهيده _ احنا مش قولنا ننسا الموضوع دة.. عيب اوي تفتحيه تاني وانتي مخطوبه ل ابن اختي
•أمنية ببكاء _ مش قادره انسا،.. انا جاية هنا مخصوص عشان اعمل اية حاجه اضايقك بيها ولو عرفت اكسر قلبك مش هتأخر،
•عز _ طيب اهدي وبطلي عياط
•أمنية ببكاء _ مش هبطل غير لما تقولي، انا ليه مصعبتش عليك،.. كنت شايفني سعيدة بزياده والدنيا مظبطه ف قولت تزعلني ولا إيه.. رد عليه متبصليش كده
•عز _ روحي علي مكتبك
•أمنية ببكاء _ لازم تقولي الاول انت عملت معايا كده ليه
•عز بنرفزه _ قولت روحي مكتبك، واخر مره تنسي نفسك وتتكلمي معايا كده تاني انتي فاهمه
•أمنية بدموع _ لأ مش فاهمه،.. جبتني ليه من الأول لما مش عاوزني اتكلم... طيب هتكلم لغيت ما ترد عليه
•أسامة يفتح الباب ويبصلهم بأستغراب _ مالكم صوتكم طالع ليه
عز يبص ل أمنية وهي تبعد اسامه من طريقها وتمشي
•أسامة _ في آية يا خالي، مالها بتبكي ليه
•عز _ عشان خصمتلها خمس أيام
•أسامة _ كل الزعيق ده عشان الخصم... خلاص ولا تزعلو ادفعلها انا
•عز _ انتو حرين مع بعض انا اصلا جبتها عشان انت متزعلش
•أسامة _ هو ايه اللي حصل لكل ده... ليه الخصم من الاول
•عز بنرفزه _ انا حر اخصم للي عاوزة وقت ما انا عاوز
•أسامة _ طيب متعصب ليه دلوقتي، اهدي وانا هروح اكلمها
عز
لما شوفتها داخله الشركة طلبت من ماهيتاب تقعد علي المكتب علشان أمنية تقطع اي امل وتنهي اي مشاعر من نحيتي، ولما راحت مكتبها وشوفتها في الكاميرات بتبكي ،، صعبت عليه وكنت عاوز اصالحها بس مكنش ينفع ابينلها اني زعلانه علشانها، وبعدين جت عندي وبقت تسالني عملت معاها كده ليه وهي بتبكي... مسكت نفسي بالعافيه علشان محضنهاش او احاول اقولها السبب .....
أمنية مكرهتنيش هي بس مجروحه منى وانا بقيت بتكسف من نفسي واحس اني خاين لما ابصلها او افكر فيها، حتى التمثال كل ما اجي اكسره ايدي مطاوعنيش اعمل كده
وبعدين دخل علينا اسامه واتعصبت عليه وبعدين راح عندها وكنت شايفه يتكلم معاها وانا فاتح الباب وشايفها وهي بتكلمه وبتغيب وبتبصلي
أسامه
كنت رايح لخالي المكتب ف سمعتهم بيزعقو ولما دخلت وسألت خالي قالي عشان خصمتلها بس مقاليش السبب، ف روحت اتكلمت معاها وهديتها، ومنستش اسأل علي عدي اذا في المدرسة ولا لأ، مع علمي ان شيري في البيت وبقالها تلات ايام بتروحش الجامعة،
وعرفت ان عدي في المدرسه، ف مشيت من المكتب وروحت بيتهم
بقالي كام يوم بفكر اقولها او لأ بس. متردد بسبب خطوبتي انا وامنيه، وبعدين قررت اروح اشوفها و وقتها اعرف اذا هقدر اقول ولا اسكت
وفعلا روحت وخبطت عليها وهي فتحتلي وكانت هتقفل الباب بس انا لحقته ودخلت وقفلته تاني ورايا وهي خافت منى
•أسامة _ متخافيش انا جاي اشوفك وهمشي
•شيري _ لو حد شافك هتبقا مصيبه، امشي يلا
•أسامة يقرب منها _ انتي وحشتيني
•شيري _ طيب امشي الله يخليك متفضحناش
•أسامة _ كل يوم. كنت بستناكي ومبتجيش، مش عاوزة تشوفيني يا صديقتي
•شيري _ روح وانا هاجي وراك، والله بس امشي امنيه لو شافتك هتقول عليه بخطفك منها
•أسامة _ ياريتك تخطفيني منها،.. انا عاوز اقولك حاجه
•شيري بدموع _ امشي مش عاوزة اسمع حاجه... ياخي امشي
•أسامة _ همشي بس اشوفك شويه
•شيري بنرفزه _ ياعم انت عاوز مني اية، انت مش خطبت امنيه،مالك بيا انا، ماتروحلها هي
•أسامة _ خطبتها عشانك انتي، ومش عاوز اروح لحد غيرك
•شيري _ يعني ايه
•أسامة _ يعني انا عاوزك انتي وبس
•شيري بدموع _ اوعا تكون بتلعب بيا تاني... الله يخليك انا مش ناقصه لعب بمشاعري مره تانيه.. مش هستحمل
•أسامة _ انتي عارفه اني طول الوقت خايف اتورط الورطه دي، وكنت مستعد اتعاقب اي عقاب، حتى امشي اشحت في الشارع، اهون عليه من اني احب، لغيت ما اتورطت فعلاً وحبيتك
•شيري تذقه للخلف بغيظ _ والله ما هصدقك لو قولت ايه.. اطلع بره لا اصوت والم عليك الناس
•أسامة يمسك ايديها من المعصم _ المره دي مش بكدب
•شيري بانفعال _ طيب سيبني والله هصوت بجد
أسامة ممسك بيديها وهي تشد بانفعال
•أسامة _ شيري انا بحبك بجد ومش بكدب
•شيري تعض ايده وتذقه نحية الباب وهو يمسك ايديها ويكتفها بأيديه
•أسامة _ ما تهدي بقا تعبتيني
•شيري _ طيب سيب بذوق احسنلك
•أسامه بإبتسامة _ دا انتي طلعتي قطه شرسه اوي
•شيري _ عدي قرب يوصل الله يخليك ، انا خايفه
•أسامة _ وانا مش جاى اعمل حاجه، بس مقدرتش استنا تيجي، وانتي بتتهربي منى
•شيري _ علشان انت بتلعب بيه ومبتفكرش غير في نفسك، وأنا لو طوعتك هخسر اختي
•أسامة _ طيب انا هسيب أمنية
•شيري _ مينفعش، حتي لو سبتها انا مش هصدقك ولا هيحصل اللي بتخططله
•أسامة _ ، انا المره دي بتكلم جد، ومستعد اعمل حاجه علشان تصدقيني
شيري تحاول تفك نفسها وهي يضمها أكتر
•شيري _ متحاولش والله ما هضعف تاني،.. انا كنت متاكده انك هتحاول تكرر اللي عملته يوم الخطوبه
•اسامه _ لا خالص انا مش جاي عشان كده
•شيري _ لا جاي علشان كده، انت نيتك و.سخه، وكل شويه تقول كلمه وسط كلامك علشان تِشغلني، وجاي دلوقتى وانت عارف اني لوحدي، يبقا عاوز إيه
•أسامة _ ع فكره انا لو جاي عشان اللي في دماغك مكنتش هاخد دقيقة وانا بتحايل عليكي،. بس انا مش عاوز اعمل حاجه تأذيكي
•شيري _ طيب سيبني ممكن
•أسامة _ لأ قولتلك عاوز اشوفك شويه، وانا لسه مشوفتكش
•شيري _ طيب ممكن تشوفني في الجامعه علشان عدي قرب يوصل
أسامة يتأمل ملامحها وهو مبتسم
•شيري _ واخرتها طيب..... يازفت...... اسامه انت موت
•أسامة بإبتسامة _ موت في جمالك... على فكرة انتي عيونك جميله اوي، مستعد افضل باصصلها كده طول عمري
•شيري _ مش مصدقاك ومش هغمض
•أسامة بإبتسامة _ خليكي مفتحه
شيري تبص بعيد بزهق وهو يرجعها تانى
•أسامة _ يخربيت جمال عيونك امك
•شيري _ هنتمسك بجد وهتبقا فضيحه
•أسامه _ طيب هستناكي في الجامعة عارفه لو مجتيش والله لا اجيلك تانى وسط اخواتك
•شيري _ هاجي
•أسامه يسيبها _ بحبك
•شيري بإبتسامة _ ماشي
•أسامة بإبتسامة _ ماااشي جاكي مشش
مشيت من عندها وانا مبسوط وركبت العربيه وكنت رايح علي الكلية بس وصلني اتصال من سامر
•أسامه بفرحه _ فينك يا صايع
•المتصل _ صاحب التليفون عمل حادثة ياريت حد من اهله يجي فورا
•أسامة بصدمه_ ولااا متستعبطش انا فاهمك
•المتصل _ يا استاذ انا مبهزرش.. حد من اهله يجي مستشفى *****"
•أسامة بصدمه _ طيب هو حصله إيه
•المتصل _ هو في العنايه المركزه
قفلت معاه وروحت المستشفي بسرعه و روحت عند غرفة العنايه، لقيت الممرضات بيجرور برا وجوه، ف دخلت معاهم، لقيته كله دم ومش ناطق.. جريت عليه والدكاتره مسكوني
•أسامة ببكاء _ سيبوني انا صاحبه.. سامر رد عليه
•الدكتور _ لو سمحت مينفعش
•أسامة ببكاء وانفعال _ هشوفه وهمشي... سيبني ياعم لا اضربك.. ولا يا سامر قوم يلا
•الدكتور _ طلعوه بره بسرعه
•اسامه بانفعال _ مين ده اللي يطلع بره بقولك ده صاحبي وسعو.. ساامر قوم
طلعوني بره بالعافيه وانا بقيت الف حولين نفسي زي المجانين...
كان كله دم ومبينطقش ولا مفتح عينيه.. كنت مرعوب لا الدكتور يطلع ويقول حاجه وحشه عنه...
عدا الوقت وبعدين الممرضة طلعت وطلبت دم بسرعه، ولأن انا وهو نفس فصيلة الدم روحت اتبرعله ولما خلصت، دوخت ومحستش بنفسي تاني
شيري
في لحظه نسيت كل حاجه، ونسيت أمنية مفكرتش غير في اللي حصل، بقيت كأني عايش في الاحلام، ومكنتش مستنيه اوصل علشان اشوفه واقوله اني بحبه... ولما وصلت دورت عليه في كل الجامعة وملقتهوش، واستنيته ساعة ومجاش ف فهمت انه كدب عليه تاني... كل حاجه حلوه حسيتها انهارت، وافتكرت أمنية اللي أنا خنتها مع خطيبها....
طلعت من الجامعه وانا حاسه بالخزلان منه لتاني مره.. وروحت المقابر وقعدت جمب قبر ماما وبابا
وخدت ساعتين انا وببكي جوه وبعدين طلعت ونسيت شنطتي هناك وبقيت أبكى لغيت ما وقعت في مكان مفهوش ناس ومحستش بنفسي تانى
يارا
ابوي سافر وانا رجعت السكن وقولت ل منه تنقلي المحاضرات لاننا في نفس الكلية...
كنت عاوزة ابعد عنه ومشفهوش تانى بعد اللى حصل بسببه، هو مش احسن عندى من كرامتي وكرامة ابوي اللي اتبهدلت بسببه، بس منكرش اني هموت من القلق عليه، قلبي واكلني من وقت ما مشيت،
على قد ما المشاكل كلها بسببه بس ليه مواقف معايا كان كويس فيها،،، وعارفه انه حقيقي اتغير، بس مينفعش اديلو فرصه عمرنا ما هنتجمعو مهما حصل
منه
في الفتره ديقربت من معاذ وقدر يحببني فيه، وبقيت بفرح بشوفته وبيوحشني لما يعدي يوم مشفهوش فيه.. والنهارده جه وابراهيم مكنش موجود وامي كانت بتستحمي وحاجه كده اخر والشيطان ثالثهما»» ولما شوفته معملتش حساب لأي حاجه وحضنته،
•معاذ _ منه... انتي كويسه
•منه _ وحشتني
•معاذ بإبتسامة _ وانتي لسه وحشاني
•منه تبعد عنه _ طيب اتفضل عشان الحجه هتطلع تضربنا بالشبشب
•معاذ بإبتسامة حالمه _ اللي حصل ده كان اكبر امنياتي
•منه _ حسيت اني نفسي اعمل كده،.. ممكن يجي يوم وتفهمني غلط
•معاذ بإبتسامة _ تؤ.. انا فاهم
•منه _قولي بصراحه مفيش مره حسيت انك اتسرعت
•معاذ _ بصي هكون صريح معاكي... انا كان نفسي اكون أول واحد في حياتك، وتكوني ليه كلك علي بعضك من غير اي خدش... لكن بعد ما عرفت مش قدامي غير اني احبك بردو واتمناكي ومش هعتب عليكي عشان كنتي صغيرة
•منه بتردد _ مش عارفة لو قولتلك حاجه هتفرح ولا تزعل مني
•معاذ _ حاجة ايه
•منه _ خلاص هاقولك خليها بعد الفرح
•معاذ _ لأ قولي علشان خاطري
•منه _ خليها بعد الفرح،
•معاذ _ انتي كده شغلتيني، في أية تاني
•منه بإبتسامة _ متشغلش، اكيد هتعرف كلها عشرين يوم بس
•معاذ _ ربنا يستر
•منه بإبتسامة _ طيب يلا اقعد هتفضل واقف كده.كتير
•معاذ _ نقعد طبعا
•منه _ تشرب أية
قبل ما يقول كان الجرس بيرن وروحت افتح لقيته مروان
•مروان _ ازيك يا عروسه
•منه _ ابراهيم مش موجود
•مروان _ طيب ما دا كويس
•معاذ _ مين يا منه
•منه _ اسمه ايه ده
•معاذ يروح عندها _ روحي اعملي شاي..
•منه _ حاضر
•مروان _ وانت بقا بقيت صاحب البيت في غياب إبراهيم
•معاذ _ حاجه زي كده
•مروان _ ماشي... وانت لسه عاوز تجوز الانسه بردو
•معاذ _ ايوه لسة.. يضايقك فى حاجه الموضوع ده
•مروان ببرود _ للأسف هيضايقك انت بعدين
•معاذ _ ملكش فيه
•مروان _ ليه ياحبيبي منه بتحبني انا ومحدش هيتجوزها غيري
•معاذ _ طيب ما تخلينا نسألها
•مروان _ جرب،، بس هترجع قفاك بيقمر عيش
•معاذ _ طيب اهدا علي نفسك... منه!!
•منه تيجي من جوه _ نعم
•معاذ _ اتفضل أسألها
•مروان ببرود _ قال عايزة تجوزي الحلو يا منوش
•منه بإبتسامة _ انا وافقت من زمان دا سؤال بردو
•مروان _ لأخر مره هسالك،، موافقه علي الحلو
•منه تمسك ايد معاذ _ موافقه وبحبه... مقولتلكش اني بحبك قبل كده صح يا معاذ
•معاذ بإبتسامة _ لا ياروحي
•منه بإبتسامة _ بحبك يا ماظو.. مش دلع معاذ ماظو بردو
•معاذ ببرود _ اي حاجه منك حلوه ياقلبي...... اوبا نسينا الضيف
•مروان بغيظ _ بتتحديني.. وحيات امك لا تشوفي خراب من النهارده
•معاذ _ خراب؟.. فيلم جديد ده
•مروان _ لا صور ياخفيف
•منه بخوف مصتنع _ لأ ارجوك
•مروان بغيظ _ الظاهر انه عارف كل حاجه... دلوقتي فهمت مش خايفه مني ليه.. بس ماشي يا منه
•معاذ _ طيب اتكل شوف وراك ايه وطول مانت عايش متفكرش تتكلم معاها تاني
•مروان ببرود _ وقبِلتها علي نفسك تتجوز واحده صاحبت قبلك
•معاذ يضربه بغيظ _ كانت مصاحبة عيل عاوز يتربا
•مروان يمسك فيه _ العيل اللي يقبل علي نفسه يتجوز واحده صورها مع واحد تاني
•منه _ مروان كفايه واطلع برا والا هطلبك البوليس
•مروان _ مش لما نوريه الصور والمحادثات الاول
معاذ
طلع التليفون من جيبه و وراني الصور... كانت عادية مش زى ما فهمت، حتي المحادثات مكنتش وحشه اوي، كلام بين اتنين مراهقين بيخططو لاحلامهم سوا... بس الغريب انه مجابليش سيرة انه عمل معاها علاقه
•معاذ يمسك التليفون يضربه على الحيط يكسره _ فدايه هجبلك غيره
•مروان بغيظ _ انت عملت اية. ثم يضربه في وجهه
•الام _ ايه اللي بيحصل هنا
•منه ببكاء _ بيهزرو مع بعض... كفاية حرام عليكم
•مروان _ مبهزرش تعالي يا حجة شوفي بنتك اللي بتستغفلكم انتي واخوها من زمان
•معاذ _ اطلع بره
•مروان _ مش قبل ما تعرف انها معرفتش تربي
•الام _ في ايه،... معرفتش اربي ليه يا منه
•منه ببكاء _ مفيش حبيبتي ادخلي ارتاحي
•معاذ _ خليها تعرف عشان ميعشش الدور اوي ويفتكر ماسك عليكي زله... هتقولها ولا اقولها انا
•منه ببكاء _ معاذ اسكت عشان خاطري
•مروان _ قولها يا عريس
•معاذ بغيظ _ هقولها يا واطي
•منه بترجي _ ارجوك اسكت انت
•الام بتعب _ ايه اللي بيحصل ما تردو عليه
•معاذ _ الاستاذ اللي انتو مأتمنينوه ومدخلينوه بيتكم
•منه ببكاء _ ونبي بلاش.. معاذ هفهمك بعدين اسكت
•معاذ بعصبيه _ منه اسكوتي،... الزفت ده ضيع شرفكم وغلط مع بنتك
•مروان _ ورغم كده قابل على نفسك
•الام وهي تضع يدها علي قلبها _ غلط ازاي
•منه ببكاء _ معاه صور ليه عاديه جدآ والله، فين الصور.. اهو.. ايه ده مش شغال ليه... ماما والله صور بس
•معاذ بعصبيه _ وعمل معاها علاقه كامله... انت خايفه من ايه ماهي مسيرها تعرف
(( احبيبي يا ميزو ههههه ودا البنت في داهيه.. والله ما قصر))
•مروان باستغراب _ علاقة ايه اللي انا عملتها معاها انت عبيط يلا
•منه ببكاء _ كفايه اطلعو برا
•معاذ يبص ل منه _ هو في حاجه انا مش فاهمها
كنا بنشد مع بعض وفجأه امها.وقعت علي الأرض وبصينا لقينا إبراهيم جاي جري عليها، ولما منه قربتلها ضربها بالقلم بغيظ وبعدين قام ومسك فى مروان ضرب كان هيموت فى أيده
•منه ببكاء _ ماما ردي عليه ياحبيبتي
•معاذ يشد في ابراهيم_ خلاص يا ابراهيم هيموت في أيدك
•ابراهيم _ ابعد عني مش هيطلع من هنا، حي الخاين
•منه ببكاء _ ماما يا إبراهيم.... ماما ردي عليه علشان خاطري يا حبيبتي... والله ما حصل حاجه من اللي فهمتيها
بعد ما أبراهيم ضرب مروان مخلاش في حته سليمة راح ل منه وكان عاوز يقتلها.. وانا بالعافية حوشتها منه، وبعدين خد امه وروحنا بيها علي المستشفى، و انا بقيت مش فاهم حاجه..... مروان استغرب لما قولت علاقه وهي حلفت لامها انهم مجرد صور وبس
•معاذ _ هتكون كويسه متقلقش يا ابراهيم
•إبراهيم بانفعال _ علشان كده كانت بترفض الجواز، خايفه لا يعرفو انك عكيتي قبل كده،.. بس اطمن علي ماما والله لا هقـ.تلك واقـ.تله
•منه ببكاء _ مش زي ما فهمت والله يا ابراهيم
•إبراهيم _ ولا كلمه... وبيسيبها ويمشي
•معاذ _ هو في ايه... انتي مخبيه عني حاجه
•منه ببكاء _ قولتلك اسكت يا معاذ، ربنا يسامحك
•معاذ _ مش هو ده اللي حصل وكان لازم يعرفو علشان ميهددكش كل شويه ولا ايه
•منه ببكاء _ محصلش حاجه بيني وبينه اكتر من الصور والمحادثات اللي شوفتها. بس انت دلوقتي وقعتني في مشكله اكبر بكتير
•معاذ _ يعني كنتي بتكدبي عليه... طيب ولما مش هو اللي عمل كده مين اللي عمل، ولا ايه حكايتك بظبط
•منه _ مفيش حد قربلي
•معاذ _ واللهي... يعني كنتى بتكدبي عليه ... طيب ليه
•منه _ مش وقته دلوقتي
•معاذ بعصبيه _ امال امته وقته، عاجبك امك اللي بتموت ولا الفضيحة اللي حصلت... كان مالها الصور ايه المرعب فيها عشان تعيشينا في الرعب ده بسببها
•منه _ هنتكلم بعدين
•معاذ بخنقه _ تعرفي لولا الظرف اللي احنا فيه كنت مشيت ومرجعتش تانى
•منه _ عاوز تسيبني
•معاذ _ اسكوتي دلوقتي انا صدمتي فيكى النهارده اكبر من صدمتي الاولي.. اول مره في حياتي اشوف واحد تكدب كدبه زي دي،... افرضي مكنتش كملت وفضحتك دلوقتي
•منه بدموع _ معاذ من فضلك كفاية انا مش ناقصه
•معاذ _ طيب اتفضلي قوليلي هصلح العك اللى حصل ده ازاي وهنقنعهم ازاي انك مغلطتيش معاه
أمنية
روحت البيت لقيت عدي قاعد لوحده وشيري مش موجوده
•أمنية _ فين شيري
•عدي _ جيت ملقتهاش يمكن في الكليه
•أمنية _ يمكن
•عدي _ عملتي إيه مع خالي
•أمنية _ ممكن متقولش خالي دي قدامي
•عدي _ متزعليش منه هو طيب والله
•أمنية_ فعلاً طيب ومحترم اوي، يدوب بيتسلا بالبنات ويقعدو على مكتبه
•عدي _ تلاقيه بيضايقك
•أمنية _ عدي حبيبي انت عندك كام سنة
•عدي _ 17
•أمنية_ 17.يعني لسه صغير ومش هتفهم في الناس ولما اقولك ان هولاكو نجس تصدقني
•عدي _ انا وهولاكو صحاب وعارفو طيب انتي اللي مبتفهميش
•أمنية _ هولاكو شرير امال انا مسمياه هولاكو ليه
•عدي _ طيب هو لو شرير كان رجعك الشغل ليه. او وافق ان اسامه يخطبك بعد اللي حصل
•أمنية _ ماهو عشان واطي
•عدي _ أمنية ما تريحي نفسك وتقولي ل أسامه اللي حصل
•أمنية _ لا طبعا مش قبل ما انتقم منه
•عدي _ اقولك تنتقمي منه ازاي
•أمنية _ قول
•عدي _ تقولي ل أسامة اللي حصل وبكده هيزعل منه ويقاطعو
•أمنية_ عرفاك سوسه بتلف وتدور علشان اقول ل أسامة
•عدي_ ماهو كده كده هيعرف
•أمنية _ يعرف بس بعد ما انتقم من خاله
•عدي _ ما تفكري كدة وشوفي السبب اللي خلاه يقولك عاوزك وبعدها اتصل بيكي وقالك كنت سكران.. ليه مستناش يتسلا معاكي شويه
•امنيه _ قولتلك عشان واطي ومتقلب المزاج ومتخلف،، طيب تعرف وقت ما طردني من المكتب ... كان قبلها بيوم عازمني ولطيف وناقص شوية ويطلعله نور زي الافلام الدينية،، وتاني يوم طردني عادي
•عدي_ على فكره هو قالي وقتها انه طردك علشان هتجوزي
•أمنية _ واد انت اسكت
عدي _ طيب احسبيها مع نفسك
أمنية _ مصدعه مش هحسب... هي شيري اتاخرت ليه كده
عدي _ تصدقي صح
حكايات بنات p23
عز
روحت البيت ملقتش اسامه، واستنيته ساعات وبردو مرجعش، ف اتصلت بيه و رد عليه بصوت تعبان
عز _ انت فين يابني
أسامه بتعب _ في المستشفى
عز بقلق _ مستشفى ليه انت كويس
أسامه _ سامر عمل حادثه وانا اتبرعتله بدم وتعبت
عز _ طيب ومتصلتش ليه ياخي .. عنوان المستشفى ايه
**
روحتله المستشفى لقيته قاعد في الاستراحة ومش قادر يسند نفسه، ولما قعدت جمبه اتسند عليه بتعب
عز بقلق_ اسامه انت كويس
أسامه بدموع _ سامر تعبان قوي ياخالي،
عز _ هيكون كويس.. بس تعاله لازم ترتاح
أسامه بتعب _ انا بقيت كويس
عز _ يابني انت مش قادر تفتح عينك
أسامة _ هطمن على سامر الأول
عز _ انت هتنام في اوضه هنا مش هنروح.. يلا اسند عليه
أسامة ببكاء _ شوفته كله دم ومبينطقش ياخالي،
عز _ حبيبي هيكون كويس
أسامه ببكاء _ انت مشوفتش شكله كان عامل ازاي، دول لسه مقالوش حاجه واحده تطمني،
عز _ هروح اسأل الدكتور واقولك.. بس تعاله
نوال و شاهين يدخلو المستشفى جري
نوال ببكاء _ ابني فين يا أسامة
اسامه بدموع _ في العنايه
نوال ببكاء _اه يابني... سامر هيموت يا شاهين... ابني هيموت
شاهين ببكاء_ متقوليش كده
نوال ببكاء _ انا السبب انا السبب،
شاهين ببكاء _ اهدي يا نوال خلينا نشوف الدكتور هيقولنا اية
خدت أسامة ودخلته في اوضه وعلقوله محاليل وكانت الساعة واحدة الصبح لما رن تليفون أسامه
أسامة بتعب _ دي أمنية كلمها انت
عز _ سيبها لما تخف كلمها
أسامة بتعب _ اكيد في حاجه عشان تتصل في الوقت ده..
عز _ حاضر، هات
رديت عليها
أمنية بقلق _ أسامه
عز بارتباك _ انا عز
أمنية بعصبيه _ اديني أسامة
عز يديلو التليفون _ عاوزاك
أسامة بتعب _ ايوه يا أمنية
أمنية ببكاء _ مشوفتش شيري، او مقالتلكش رايحه مكان
أسامه يقوم _ لا هي راحت فين
أمنية ببكاء _ رجعت ملقتهاش ولغيت دلوقتي مرجعتش البيت
أسامة _ انا جاي حالا، متقلقيش
أمنية ببكاء _ بسرعه الله يخليك
قفل معاها وكان بيحاول يقوم و وقع تانى
عز يسنده _ رايح فين
أسامة _ شيري مرجعتش البيت لسه لازم اروحلهم
عز _ طيب ارتاح انت هتروح فين وانت تعبان كده، ارتاح وانا هروح
أسامة بدموع وخنقه _ لا انا رايح، سيبني
عز _ يابني انت مش قادر تسند نفسك، ارتاح وانا هطمنك عليها
أسامة ببكاء _ سيبني ياخالي انا هروح
عز باستغراب _ بتبكي ليه هي هترجع
أسامة بدموع _ اكيد راحت الكليه ملقتنيش
عز باستغراب _ راحتلك انت الكليه
أسامة بخنقه _ سيبني ياخالي مش وقته
عز _ مش هسيبك، ويلا نام وانا رايح ومش هسكت غير لما ترجع
أسامة بدموع _ ماشي بس ابقا طمني ها
عز _ حاضر هطمنك والله، بس ارتاح
سبته وروحتلهم و عدي فتحلي
عدي يحضنه ويبكي _ شيري يا خالي
عز _ حبيبي متقلقش هترجع
أمنية بعصبيه _ انت ايه جابك هنا
عز _ مش وقته دلوقتى
أمنية بعصبيه _ انت جاي تشمت فينا صح، اطلع بره
عدي _ أمنية استني لما نلاقيها ابقي اتخانقي
عز _ تعاله معايا ياعدي هنروح ندور عليها
أمنية _ لا يا عدي... احنا مش محتاجين مساعدة منك وقول ل أسامه انه مكنش محتاج يبعتك بداله
عز _ يلا يابني
أمنية بعصبيه _ طيب اخرج معاه كده
عدي بدموع _ خلينا نشوفها فين وبعدين ازعلي
أمنية _ قولت لا
عز _ خلاص يا عدي انا هروح ادور عليها لوحدي
عدي _ أمنية انا رايح معاه يعني رايح
أمنية بتردد _ لا استنو انا جايه معاكم
عز _ ما كان من بدري
أمنية _ انا حره
عدي _ طيب روحي انتي وانا هقعد هنا يمكن ترجع
أمنية _ لا تعاله معانا
عدي _ ولما تيجي وتلاقي البيت فاضي
عز _ يلا مش وقته
أمنية بتوتر _ ماشي عدي خلي التليفون معاك ولو رجعت اتصل عليه
**
عدي كان قاصدها... وانا انبسطت من جويا، ونسيت ان في مشكله جاي عشانها
خدتها وركبنا العربيه وبقينا نلف في الشوارع ورحنا بيوت صحابها بيت بيت ملقنهاش لغيت ما هي افتكرت المقابر وروحنا هناك، ولقينا شنطتها بس
أمنية تمسك الشنطة وتبكي _ شنطة شيري... يعني كانت هنا
عز _ طيب خلينا ندور يمكن موجوده في مكان قريب
أمنية _ يلا
طلعنا ندور وننده عليها ومفيش حاجه.. وبعدين وامنيه سندت علي الحيط وحضنت الشنطة وبقت تبكي،
عز _ هنلاقيها
أمنية ببكاء _ البنت حصلها حاجه، انا متاكده
عز _ صدقيني هي كويسه، لو حصلها حاجه كنا عرفنا
أمنية ببكاء _ شويه وراجعه معلش
راحت للمقابر تاني وانا وقفت جمب العربيه ولما اتأخرت روحت عندها لقيتها قاعده وبتبكي ، وقربت منها وقومتها
عز _ هتكون كويسه
أمنية ببكاء_ لا شيري حصلها حاجه، والا كانت رجعت
عز يبصلها وأيديه متردده _ هترجع
أمنية بدموع _ امتي طيب
عز _ في اي وقت بس هترجع متقلقيش
أمنية بدموع _ طيب يلا بينا يمكن رجعت البيت
عز _ يلا
بقيت متردد احضنها ولا لا، وفي الاخر قدرت امنع نفسي وخدتها وروحنا عند العربيه وقبل ما ندخل مسكت ايدي، حاولت ابعدها عني وهي بتتمسك بيها اكتر
أمنية بدموع _ جيت ليه
عز بتوتر _ سيبي من فضلك
أمنية بدموع _ لما ترد عليه... سبت ماهيتاب وجيت ليه
عز بخنقه _ انتي بتنسي نفسك كتير،
أمنية _ فعلاً انا نسيت نفسي لما صدقتك من الأول، بس دلوقتي عاوزة اعرف انت إيه جابك
عز _ جيت عشان اسامه تعبان وقاعد جمب صاحبه في المستشفي
أمنية _ يعني مجتش علشان عاوز تيجي
عز _ لأ، أنا سبت ماهيتاب في البيت علشان اتعب نفسي معاكى ومع اخواتك، وخلاص كده عملت اللي عليه
•أمنية بدموع _ هو انت عرفت امتي ان اسامه هو اللي متقدملي
•عز بتوتر _لما جيت الخطوبه
أمنية _ حاسه انك بتكدب عليه
عز _ ياريت تاخدي بالك من كلامك يا انسه، ومتنسيش انك مخطوبه.. يلا اتفضلي خلينا ندور
أمنية بدموع _ أمشى وسيبني انا هدور عليها لوحدي
عز _ مش هينفع تقعدي هنا لوحدك
أمنية _ قولت امشي وسيبني
عز _ مضايقينيش واتفضلي انا مش فضيلك
أمنية بدموع _ مش هدخل.
مشيت لوحدها وانا رجعتها بالعافيه ودخلتها العربيه وانا دخلت من الجهه التانيه
أمنية بانفعال _ انا مش عايزة اروح معاك ايه مبتفهمش
عز بحده _ صوووتك ميعلاش
أمنية بغيظ_ هيعلا ولو مسبتنيش هصرخ والم الناس عليك
عز _ هه هما فين الناس... مسمعش صوتك لغيت ما نوصل مفهوم
أمنية _ طيب خلصني عشان اغور من وشك
عز _ ماشي
أمنية_ حبيبي مالو
عز بصدمه _ انتي مبتتكسفيش
أمنية _ واتكسف ليه مش خطيبي
عز _ اه فهمت ... خطيبك تعبان في المستشفى
أمنية _ مالو
عز _ اتبرع لصاحبه بدم
أمنية _ حبيبي عليه شهم وابن ناس ومتربي
عز _ طالع لخاله
أمنية _ لا ماهو واضح
عز _ طيب اسكوتي وبطلي ترمي كلام
أمنية _ والله اللي علي راسه بطحه بقا
عز _ جملي دورك يا أمنية وخليني اركز في السواقه
أمنية تشد الدريكسيون فجأه والعربيه تحوج وهو يوقفها فجأه
عز بعصبيه _ انتي غبيه
أمنية بغيظ _ اهو انت اللي غبي وستين غبي
عز بخنقه _ والله هسيبك هنا للكلاب تاكلك
أمنية _ سيبني وخلي عند اهلك دم
عز _ طيب اطلعي
أمنية تذق في الباب وميفتحش _ افتح الزفت
عز يميل عليها علشان يفتح وهي تبص عليه بارتباك
عز _ يلا اطلعي
أمنية بارتباك _ ماشي
أمنية
طلعت ومشيت بعيد عنه لغيت ما وصلت عند مكان ضلمه ومفهوش نور خالص، وفجأه سمعت صوت كلب قريب، بقيت أرجع للخلف بخوف لغيت ما اتصدمت بحد ورايا
أمنية بفزع _ انت مين
عز _ انا
أمنية بدموع _ عز
عز _ ايوة
أمنية تحضنه وتبكي من غير صوت وهو يضمها بقوة ويخبئ وجهه في حضنها
أمنية ببكاء _ أنا بكرهك علي فكره
عز بتنهيده _ وانا كمان.. بكرهك اوي من سنين مكرهتش حد كده
أمنية ببكاء _ مش اكتر منى
عز _ ملقتيش غير اسامه اللي تتخطبيلو
أمنية بدموع _ يعني انت عملت كده علشان أسامة
عز بخنقه _ لأ.. عملت كده علشان قديمتي
أمنية بدموع _ كداب
عز يبعدها عنه _ انا هسافر يا أمنية
أمنية بدموع _ ليه
عز بخنقه _ مش هقدر اشوفك معاه ولا هقدر اخدك منه
أمنية ببكاء _ بس هو مبيحبنيش ولو قولناله الحقيقه اكيد هيسيبني
عز _ بيحبك،.. اسامه مكنش ممكن يخطب غير لو حب واوي كمان
أمنية بدموع _ المهم انا بحب مين،
عز وهو يتحسس وجهها بحب _ مبقاش ينفع يا أمنية
أمنية _ ينفع.. انا بكره هرجعله الخاتم بتاعه ونتجوز انا وانت
عز بخيبه _ مش هينفع، انتي مينفعش تكوني لأي حد فينا، بس لو لازم يكون في حد.. خليكي معاه هو وانا هسافر
أمنية بترجي _ لا عشان خاطري.. خلاص خليك وانا هتجوزه هو
عز بخيبه _ لو ده حصل اكيد، هنخونه" وانا مش عاوز ده يحصل... أسامة انا اللي مربيه..مينفعش اعمل فيه كده
أمنية _ طيب وانا مفكرتش فيه خالص
عز _ مشكلتي اني فكرت فيكى... من أول يوم شوفتك فيه وانتي جايه بشكل ولد وبتداري في نفسك،، وانتي مبعدتيش عن تفكيري دقيقة واحدة.. وتقوليلي مفكرتش فيكي
أمنية بدموع _ طيب مدام كده خلينا نهرب اونفهمهم اننا موتنا.. اي حاجه غير انك تسيبني
عز يحضنها بشغف
عز _وهنسيبهم لمين،، طيب أسامة كبير ويقدر ياخد باله من نفسه.. واخواتك هيعملو ايه
أمنية _ أنا مش عارفه بقول إيه، بس أنا مش عاوزاك تسيبني
عز يضمها بقوه ويصمت
أمنية _ عز
عز _ نعم
أمنية _ مش هتسيبني صح
عز بعد صمت دام طويل وهي بين احضانه _ هسيبك
أمنية تذقي بعيد بانفعال _ أمال بتحضني ليه، ولا انت فاكر الخيانه سرير وبس .. دا البصه خيانة والتفكير خيانه والاحساس خيانة
عز يقترب منها ويقبلها قبله طويله ثم يبتعد عنها
عز بخنقه _ودي كمان خيانه عارف، بس انا هسيبك ليه طول عمري، لو معملتش كده هعيش طول عمري مقهور
أمنية بدموع _ رجعني البيت اشوف اختي هي اللي بقيالي... وع فكرة لا انت ولا هو،... و هروح ارميلو الخاتم في وشه وبعدها مش عاوزة اسمع اسمكم تانى
عز _ طيب ممكن تعملي كده بعد ما اسافر
أمنية _ وهتفرق إيه
عز _ عشان مش هقدر ابص في وشه وانا السبب
أمنية _ هطلع احسن منك واعمل كدة
عز _ هتوحشيني أوي
أمنية _ انت مش ناوي تيجي تشوفني تاني قبل ما تسافر
عز _ لسه قدامي اسبوع يكون رتبت الدنيا هنا
أمنية بدموع _ كويس
عز يحضنها مره اخره _ ممكن لغيت ما امشى . أسامة ميحسش بحاجه
أمنية بدموع _ حاضر
مكنتش عايزة امشى ، اتمنيت الوقت يوقف فى اللحظة دي ومبعدش عنه،، بس كل حاجه ليها نهاية واللحظه دي كمان ليها نهاية...
وهو فلت ايدي لما لقاني مش عاوزة اسيبه...
أسامة
كنت تعبان وعندي هبوط ومش قادر اسند نفسي، وفي الوقت ده قالتلي امنيه ان شيري مرجعتش، عرفت انها كانت رايحالي واكيد افتكرت اني بكدب عليها.. بقيت عاجز اني ادور عليها وخالي راح بدالي ومع طلوع الفجر جه
أسامة بقلق _ لقيتوها
عز بخنقه _ لأ
أسامة _ انا رايح ادور عليها بنفسي
عز _ تدور عليها فين وانت كده
أسامة _ هدور عليها في كل مكان لغيت ما الاقيها
عز _ بكره هندور عليها تاني بس انت ارتاح دلوقتي
أسامة بانفعال _ بكره يكون حصلها حاجه، سيبني يا خالي
عز باستغراب _ في ايه مالك كده
أسامة بخنقه _ عشان خاطري سيبني، مينفعش سامر وهي يضيعو في نفس الوقت.. خليني الحقها
عز باستغراب _ يضيعو، وهي تضيع ليه تخصك في ايه هي
أسامة _ صحبتي واخت خطيبتي ويتيمه.. سيبني بقا
سبته وركبت العربيه وبقيت الف عليها في الشوارع وملقتهاش... خوفت اوي مشوفهاش تاني،..
و في اللحظة دي افتكرت يوم موت امي، وحسيت انه هيتكرر تانى مع سامر او هي....
شيري
فتحت عينى لقيت نفسي في مكان منور من كل مكان، والحائط بالون الأبيض و نجيله والورد مالين المكان من بره وديكور مريح للأعصاب، حسيت ان الهوا نفسه مريح ونقي.. وكان في كرسي يشبه الشزلونج بلون الأبيض، وعلى التربيزه كتب وجمبهم فنجان قهوه ونظارة نظر صغيرة ودفتر وقلم
قعدت مكاني وبعدين شوفت راجل يجي في سن الخمسين او اكثر شعره مختلط بالون الاسود والابيض،
رفيق _ صحيتي اخيرا
شيري _ انا فين
رفيق _ في بيتي
شيري _ وايه جابني هنا
رفيق _ قدرك و انا كنت الوسيط
شيري _ احنا فين... في اي بلد
رفيق بدندنه _ شط اسكندريه ياشط الهوا. روحنا اسكندريه رمانا الهوا،
شيري باستغراب _ حضرتك مين طيب وجايبني هنا ليه
رفيق _ اسممممي صديق او رفيق ايهما اقرب
شيري باستغراب _ انت مجنون
رفيق _ كلنا مجانين. والمجانين في نعيم
شيري _ طيب ممكن امشي
رفيق _ مش حابسك لو حبيتي تمشي اتفضلي
شيري _ اه بس انا مش هقدر اروح القاهره لوحدي
رفيق يقرب منها ويميل _ افتحي بوقك كده
شيري تفتح بوقها وتبصله باستغراب
رفيق _ ضروسك كلهم طلعو يعني كبرتي ف ايه يمنعك انك ترجعي لوحدك
شيري _ حضرتك فيك حاجه، انت طبيعتك كده
رفيق _ هو في حد هيظهرلك شخصيته الحقيقيه من اول مره... انا في الحقيقة الطف من كده بكتييير
شيري بضحك _ ومين قالك انك لطيف
رفيق بدندنه _ ابويا قااالي زمااان... بتحبيها الاغنية دي
شيري _ بحبها
رفيق_ ذوقنا مختلف جداً بس مش عيب.. اصلا اختلاف الاذواق بيرسم لوحه حلو... مستحيل هتعجبك لوحه بالون الاحمر بس مثلا
شيري بضحك _ صح... طيب وبعدين انا عايزة اروح
رفيق _ قولتلك البيبان مفتوحه مش حابسك
شيري _ يا استاذ انا مش هعرف الطريق ومش هعرف ارجع
رفيق _ الناس العاقله هي اللي مش بتخطي خطوه في طريق هي مش هتعرف ترجعه تانى
شيري باستغراب _ هو انت ممكن تكلمني طبيعي لازم تقول كلام غريب يعني
وفيق _ غريبه الناس غريبه الدنيا دي اعز الناس بيتغير عليه ... هو مين صحيح
شيري _ مين؟ مين
وفيق _ اللي وقعتي في الشارع بسببه
شيري _ مفيش حد
وفيق _ ياشيخه دي دموعك عملت طينه من كتر ما بلت التراب
شيري بوجه عابس _ كنت جايه من عند قبر بابا وماما
وفيق _ يتيمه؟
شيري _ ايوه
وفيق _ وانا كمان يتيم
شيري _ انت عندك كام سنه
وفيق _ بتسالي علشان شيفاني كبير علي كلمة يتيم
شيري بإبتسامة _ ايوة
وفيق _ 59 سنه، بس يتيم اهلي ميتين... اتخطفو خطف،،، الله يرحمه جد جدي لسه من يومين عاملين الاربعين بتاعو
شيري _ ههههههههههههههه
وفيق _ ههههه اضحكي
شيري _ انا اسفه
وفيق _ متتأسفيش انا بهزر هو مات من سنتين بس حبيت اضحكك لما تعرفي ان جد جدي مات قريب
شيري بضحك _ هو انت بتشتغل إيه
وفيق _ دكتور نفساني اي مش واخده بالك ولا اروح البس البالطوه
شيري بضحك _ واضح على المكان انما حضرتك مش اوي
وفيق _ انتي قولتيها في الاول .. مجنون!!
شيري _ مش قصدي
وفيق _ ولا قصدك..... اكيد جعانه
شيري _ بصراحه اه
وفيق _ طيب انا عندي شوية مكرونه بالباشميل هتاكلي صوابعك وراهم....
جهز اكل وجاب البشاميل وياريته ما كان جابها... وحشه جداً وحراقه
شيري بوجه عابس _ تجنن تسلم ايدك
رفيق _ الله يرحمها ماما كلتها من ايدي قبل ما تموت من شهرين... كملي وقفتي اكل ليه
شيري نفسها تجزع وتجري لبرا وبعد شويه ترجع تاني
شيري _ متأكد انك كنت عملها بنفس الطريقة
وفيق _ وهكدب عليكي ليه.. ايه وحشه
شيري _ تجنن
وفيق _ طالما عاجبتك لازم تاكليها كلها
شيري بوجه عابس _ عامله دايت
وفيق _ ياشيخه دايت ايه انتي جلد علي عضم محتاجة تتغذي
شيري _ ماهو دايت بيتخن، بس المكرونة ممنوعه فيه
وفيق بخيبه _ مين هياكولها دلوقتي
شيري _ كلها انت
وفيق _ لا وحشه جداً انا قولت اجبهالك اصلي مستخسر ارميها
يارا
الليله دي حلمت بيه وكان شكله تعبان وانا مش قادره اساعده.. فكرت ان دي اضغاس احلام بس قلقي خلاني انزل الجامعه يمكن اطمن حتي لو من بعيد. ولما روحت مشفتهوش خالص .. واستنيت شيري تيجي وبردو مجاتش، فكرت ف أسامه اني اساله عليها وبردو ملقتهوش، حتي منه وامنيه.. ملقتش غير اني اروح بيت شيري يمكن اعرف ايه سر اختفائهم كلهم اكده ولما روحت لقيت البيت مقفول وجيت امشي لقيت أسامة جاي وهو شكله تعبان ومرهق جداً
أسامة _ شيري رجعت؟
يارا _ رجعت منين
أسامه بخنقه _ تبقا مرجعتش
يارا بقلق _ فيه ايه مالها شيري
أسامه بحزن _ مش لاقينها
يارا _ يعني ايه مش لقينها ومن ميته الكلام ده
أسامه _ انا رايح ادور عليها وانتي لو كلمتك بلغيني
يارا _ ابلغ فين
أسامة _ اتصرفي
يارا بتردد _ هو... طيب
أسامه بدموع _ وسامر كمان بين الحيا والموت في المستشفي، لو مكسوفه تسألي عليه
يارا بدموع _ مالو
أسامة _ عمل حادثة
يارا _ اديني عنوان المستشفى
خدت منه العنوان وروحت
وانا مش عامله حساب اني الاقي امه هناك او هيفهمني كيه لو عرف.. مفكرتش غير اني عاوزة اشوفه، ولما وصلت لقيت امه هناك فعلاً، وعلى عكس توقعي تماماً استقبلتني بدموع وخوف علي ولدها
نوال ببكاء _ سامر بيموت يا يارا
يارا بدموع_ سلامته الف سلامه
نوال ببكاء _ ادخلي ليه، يمكن لو عرف انك جيتي يقوم
فتحت الباب وانا يدي بترتجف وخايفة.. ولما دخلت لقيته نايم ومتوصله خراطيم رفيعه في جسمه وجهاز تنفس على فمه.. قعدت جمبه وبقيت ابص لشكله وابكي من غير صوت، خوف لا يفوق ويشوفني، ويعرف اني مهتمه بيه، ورغم اكده مقدرتش مكلمهوش علي امل انه يرد عليه ويطمني انه هيعيش
يارا بدموع _ ايوه عاوز تموت قبل. ما تنفذ العقاب اللي فرضته عليك،، زهقت من القرايه بسرعه واخترت انك ترتاح منها.... قوم بلاش لوع خليك مسؤول مره واحده في حياتك .. طيب قول انك بتضايقني المره دي كمان، و اوعدك مش هزعل منك... قوم عشان خاطري انا طيب، وهديك فرصه والله بس خليك عايش
نوال من الخلف _ قوليلوه اني انا. كمان ههتم بيه وهضربه طالما عاوز كده... قوليلوه اني بتمنا اني كنت موت قبل ما اخليه يمشي زعلان منى
يارا تقوم وتبصلها والدموع علي خدها _ اكيد هيكون زين بس ادعيلوه
نوال ببكاء _ قالي قبل ما يطلع لو موت متزوريش قبري، خايفة يعملها بجد
يارا ببكاء _ متقوليش اكده، هو هيخف
نوال ببكاء _ يارب يارب
حالته كانت قادره تكسر غرور وكبرياء امه.... بس هو.كان لازم يبقا بين الحيا والموت عشان تقدره... ده طبع الناس كلها. حتي انا.. نفسي كانت عزيزه ولا مره تنازلت غير لما لقيته ممكن يروح وميرجعش
عز
رجعت البيت على الصبح ودخلت اوضة النحت وقعدت قدام التمثال ابصله وافتكر اللى حصل مع أمنية، علي قد ما كان الموضوع صعب عليه بس قدرت اكون معاها وقت كافي.. ولما بعدت عنها وحشتنى ف قررت اكلمها وانا وببص لتمثال، بحجة اني بطمن على شيري
عز _ اي الاخبار
أمنية بدموع _ مش لقياها انا خايفه عليها أوي
عز _ هنلاقيها، انا هطلع دلوقتي اقلب عليها البلد لغيت ما الاقيها
أمنية بدموع _ متشكره
عز _ متشكرنيش تاني
أمنية بدموع _ هو أنا ينفع اقولك إني محتجاك
عز بتنهيده _ ينفع.. انا جايلك حالا
أمنية بدموع _ استنا
عز _ ايه
أمنية بصعوبه في الكلام _ بحبك
عز بإبتسامة باهته_ وانا
حكايات بنات 24
أمنية
روحت البيت وبعد شويه عز جه ولما شوفته اترميت في حضنه وقت طويل وكأني مشفتهوش من سنين
عز _ وحشتيني
أمنية _ غيرت رأيك ومش هتسافر صح
عز يمشي ايده على شعرها بدون رد
أمنية _ مش هتسافر يا عز؟
عز _ انتي عارفه ان الليله اللي فاتت تعتبر اسعد ليلة عيشتها في حياتي كلها
أمنية _ رد عليه
عز _ ولو هختار شخص واحد اعيش معاه طول عمري، هتكوني انتي
أمنية تبعد عنه وتبكي _ يعني هتسافر
عز بإبتسامة باهته _ هسافر
أمنية بانفعال _ امال انت قربتلي ليه من الاول.. انا كنت مرتاحه في عيشتي قبل ما اشوفك... انت اناني ومبتفكرش غير في نفسك.. اطلع برا
عز _ اهدي الناس هتسمعنا
أمنية ببكاء _ خليهم يسمعو انا ميهمنيش حد
عز _ قولتلك اننا مننفعش مع بعض
أمنية بدموع _ محدش ينفع غيرنا بس انت مش حابب تحاول حتي تكلمه
عز _ اكلمه و اقوله ونبي سيب خطيبتك علشان انا بحبها
أمنية ببكاء _ اقوله انا
عز _ مينفعش. انا مقدرش اشوف بصاته ليه وهو شايفني خاين ليه، كفايه اللي انا حاسه دلوقتي
أمنية _ طيب وانا.. مش زعلان عليه
عز _ انا بموت من جوايا علشان هسيبك.. انتي جيتيلي في وقت انا مكنتش بفكر نهائي اني احب ولا ارتبط، وقبل ما اشوفك كنت معاهد نفسي اني عمري ما هبص لواحده غير سميره.. لغيت ما جيتي انتي
أمنية بدموع _ لو كده كنت اتمسكت بيه،، انا قولتلك خلينا نهرب انت اللي مش عاوز ولا حتي بتفكر في حل غير انك تسيبني
عز يسمع صوت خطوات بتقرب ثم يضع يده على فمها
عز _ اششش
أسامة من الخارج _ أمنية
عز ينظر لها وهي تبادله النظرات وتهداء
أسامة يخبط _ يا عدي!!.. حد جوه
عز يغمض عينيه بخنقه
وأمنية تشيل ايده وتحدث بهمس _ خليه يجي ونقوله والله مش هيزعل
عز يضمها ويحدثها بهمس _ هيفرح لما يلاقي خطيبته في حضن خاله صح
أمنية _ مش خطيبته انا مش عاوزاه
عز _ انتي مش قادر تفهمي انه مش هينفع يا أمنية
أمنية بدموع _ مش فاهمه غير اني عاوزاك انت مش هو
أسامة _ يا أمنية انتو نمتو ولا أيه
أمنية تمسك ايده وتدخله جوه _ هشوفه وارجعلك
عز بخنقه _ ماشي
روحت فتحت الباب ولقيته شكله تعبان وعنيه دبلانه
أمنية _ ايوه يا أسامة
اسامه _ من بدري اخبط كنتي فين
أمنية _ كنت مشغوله شويه
أسامه _ في اخبار عن شيري
أمنية بدموع _ لأ مفيش اي اخبار
أسامة يحضنها فجأه ويحاول يداري حزنه.. وعز يشوفه وهو حاضنها
أمنية بارتباك _ انت بتعمل اية
أسامة يبعد عنها ويمشي بسرعة علشان متحسش بحزنه عليها
وهي ترجع ل عز
أمنية بارتباك _ مشي
عز بخنقه _ وانا ماشي بصي من الشباك شوفيه مشي ولا لأ
أمنية بدموع _ هو اللي حضني انا مليش دعوه
عز بعصبيه _ وانا مالي، هو اللى من حقه يزعل مش انا، انا اللي بخونه معاكي مش هو
امنية تمسك ايده وهو يشدها منها بأنفعال _ خلاص، وقفي.. مفيش لمس ... بصي من الشباك شوفيه مشي ولا لسه
أمنية بدموع _ والله هو اللي حضني
عز بانفعال _ يحضنك او يبوسك، انا مليش دعوه
أمنية تقرب منه وهو يزقها لترتطم بالباب
عز بتحذير _ خليكي بعيد
أمنية ببكاء _ عشان خاطري متسبنيش
عز بخنقه _ هسيبك ومش هرجع تاني،، خليكي مع اسامه هو بيحبك،،، وانا الخاين المراهق اللي ببص لخطيبة ابن اخته... ايوه انا الغلطان مش هو.. مكنش لازم اجي من الاول
امنية ببكاء _عز ارجوك
عز بانفعال _ متجبيش اسمي علي لسانك مره تانيه، وكفايه كده
أمنية بدموع _ انت ازاي قادر تتخلي عني بسهوله دي... في اي لحظة تقولي امشي وتجرحني بالكلام عادي كده
عز بانفعال _ عشان حظي معاكي واقف، دونآ عن بنات العالم كله، اسامه يحبك ويخطبك،، طيب ليه محبش اختك ... ليه انتي
أمنية بدموع _ عشان مش مكتوبلي افرح
عز بدموع _ كده تمام احنا مش هننفع مع بعض ولغيت ما امشي متجيش الشركه تانى. مش عاوز اشوفك ولو بصدفه
أمنية بدموع _ تاني!! مكفكش المرتين اللي فاتو... مستاهلش انا تحاول عشاني مره واحده
عز بقهر _ لو طلبتي روحي مش هتأخر عليكي، بس مش علي حساب أسامه
أمنية بحده _ ماشي بس خليك فاكر انك ولا مره اختارتني انا
عز _ وطول ما أسامه عاوزك مش هختارك.. انا غلطت اني طوعت نفسي بس مش هطاوعها تانى
أسامة
روحت بيتهم علشان اشوف اذا شيري رجعت ولا لا ولما نزلت شوفت عربية خالي موجوده تحت،، بس مش عارف هي هنا من بدري ولا لسه جاي.. وقفت جمبها واستنيته يجي وبعد شويه لقيته نازل من نفس العماره شكله زعلان ومتعصب حتي مخدش باله اني هنا غير لما وصل عندي
عز بصدمه _ انت هنا
أسامة _ ايوة ... كنت فين
عز بارتباك _ طلعت فوق وبقيت ادور على بيت امنيه بس اتلخبطت في الشقق
أسامة بشك _ ما انت كنت هنا بالليل لحقت تنسا الشقة
عز بارتباك _ كانو واقفين هنا لما جيت المره الفاتت
أسامة _ طيب روحت ولا اوديك
عز _ اه وانا نازل من فوق لقيت أمنية فاتحه الباب
أسامة _ كنت جاى ليه
عز _ جيت اشوف البنت رجعت ولا لسه
اسامه _ طيب ومتصلتش اتصال ليه
عز _ تحقيق ده ولا أيه
أسامة _ لا ولا تحقيق ولا حاجه،
عز _ تمام يلا همشي
أسامه _ وبعدين ياخالي هندور عليها فين تانى، انا مسبتش مكان مدورتش فيه
عز _ يعنى منمتش ؟
أسامة _ انام ازاي والبنت تايهه
عز _ باين عليك بتعزها اوي
أسامة _ بقولك صحبتي ويتيمه ملهاش حد
عز _ لا حقك طبعا
أسامه _ المهم هنعمل ايه
عز _ مش عارف
كنا لسه واقفين ولقيت أمنية نازله وشكلها كانت بتبكي ف ندهت عليها
أسامه _ أمنية
عز بارتباك _ طيب انا ماشي
أسامة _ لا استنا هنروح مع بعض
عز _ تعاله لوحدك سلام
ركب العربيه ومشي.. وطريقتة مطمنتنيش وحسيت انه اتخانق تاني مع أمنية علشان لما جت مشي ومستناش
أمنية _ ايوه يا أسامة
أسامه _ مالك زعلانه ... متزعليش هنلاقيها
أمنية _ يارب. بس هنلاقيها فين ده احنا مسبناش مكان مدورناش فيه
أسامه _ معاكي صوره ليها
أمنية_ اه عندي على التليفون
أسامة _ هاتيها
أمنية_ مالك بيها
أسامه_ هندور عليها بيها وننشرها في الجروبات واللي شافها يوصلنا ليها
أمنية_ مش هينفع ننشر صورتها
أسامة_ ويعني ينفع نسيبها واحنا مش عارفين هي فين
أمنية _ طيب ماشي، هبعتهالك على الواتس
أسامه _ ممكن اعرف مالكم انتي وخالي
أمنية بارتباك _ مالنا مش فاهمه
أسامه _ شكلكم زعلانين من حاجه
أمنية _ مشاكل في الشغل
أسامة _ متزعليش منه هو طيب بس ساعات بيكون عصبي شويه
أمنية _ على نفسه انا مش رايحه الشركه تانى
أسامة _ طيب ليه
أمنية _ كده
أسامه بشك _ هو في حاجه اسمها كده... مالكم
أمنية _ مفيش حاجه،، يلا انا رايحه ادور علي شيري
أسامه بتردد _ أمنية، انتي وافقتي عليه ليه
أمنية _ شيري اقنعتني انك كويس
أسامة _ اه بس انتي كنتي شيفاني صايع
أمنية _ وشيري قالت انك طيب وانا صدقتها.. يلا اسيبك
أسامة _ جاوبيني الاول... انت متحمسه لجوازه دي
أمنية بتنهيده _ علي الاخر ..... متحمسه اوي ولا مش باين عليه الحماس
أسامه _ كويس انك متحمسه اصل انا كمان متحمس
أمنية _ هو انت ليه اخترتني دونآ عن كل البنات .. خالك قالي انك مستحيل كنت تخطب غير لو حبيت ... حبيتني يا اسامة
أسامة بوجه عابس _ حاجه زي كده... همشي انا
طلعت متحمسه واقتنعت اني طيب... الموضوع شكله هيكون صعب نخلص منه، حتي لو لقيت شيري مش سهل اني اقربلها
بعتتلي الصوره بتاعت شيري، وانا نزلتها في الجروبات وبعدين روحت البيت لقيت عز بيكلم واحد في التليفون ويقوله خلصلي كل حاجه قبل اسبوع علشان مسافر
أسامة _ شغل جديد
عز _ كويس انك جيت ... عاوزك تيجى بكره الشركة علشان تستلم كل حاجه تخصك،
أسامة بعدم فهم _ مش فاهم يعنى ايه
عز _ يعني انا هسافر
أسامة _ طيب وايه يعنى مانت بتسافر وترجع تكمل
عز _ المره دي هسافر على طول
أسامه _ تسافر على طول ازاي... تهاجر يعنى
عز بتنهيده _ اه.. ههاجر ومش هرجع تاني
أسامه _ بتهزر صح
عز _ مش بهزر.. انا بصفي شغلي هنا وهسافر
أسامه _ طيب وانا هتسيبني لمين
عز _ انت مبقتش صغير
أسامه _ لا اقعد كده وفهمني
عز _ ايه اللي مش مفهوم في كلامي ... انا هسافر وهعيش بره
أسامه _ طيب وانا يا خالي
عز _ اهتميت بيك كتير ودلوقتي كبرت، هسافر اهتم بنفسي شويه قبل ما تروح عليه
أسامه _ ومتعرفش تهتم بنفسك هنا يعنى ... انت بتهرب من حاجه مش موضوع تهتم بنفسك
عز _ صح انا بتهرب، بس منك انت .. انا تعبت من شيل مسؤليتك واستهتارك طول الوقت
أسامه _ عاوز ترتاح منى .. طيب ومقولتليش ليه اني تقيل علي قلبك كده كنت مشيت انا
عز _ عشان مبتحسش، وانا تعبت من اني اراعي طفل كبير بقا اطول مني
أسامة _ طيب وتهاجر وتتغرب ليه لما ممكن امشي انا ومحملكش مسؤليتي تاني... ولاا تزعل نفسك دقيقة هلم حاجتي وهمشي
دخلت جوه وجبت الشنطة من فوق وبدات الم هدومي وهو شدهم مني
عز _ انت بتعمل اية
أسامة _ مقولتليش ليه من زمان اني عاله عليك.. جاي تفاجئني يعني
عز بخنقه _ لازم تعتمد علي نفسك وده مش هيحصل غير لو لقيت نفسك لوحدك ومفيش حد تلجأله في مشاكلك
أسامه بدموع _ لا بجد متشكر اول مره اعرف انك بتخاف عليه اوي كده... وملقتش غير الوقت اللي مفيش حد جمبي فيه، واخترت تمشي... لا بجد شكلي تقيل عليك اوي علشان متقدرش تستنا يكون صحابي رجعو
عز _ لسة معايا اسبوع يكون سامر خف وشيري رجعت
أسامة بدموع _ محدش هيعوض غيابك علشان خاطري متسافرش
عز بتنهيده _ لازم يا أسامه
أسامة _ لازم ليه.. حد جابرك ولا عليك حكم وعاوز تنفد منه... ايه اللي لزمه عاوز افهم
عز _ سيبني على راحتك
أسامه _ براحتك اوي.. انا رايح ل سامر
منه
عدو يومين وماما اتحسنت بس لا هي ولا إبراهيم راضين يكلموني. ف بعدت عنهم وروحت الجامعه ولقيت ان معاذ كمان واخد جمب مني وبيكلمني بطريقة رسميه في اطار التعليم وبس... وبعد ما خلص السيشكن والطلاب مشيو انا لحقته قبل ما يمشي
منه _ انت كمان مش عاوز تكلمني
معاذ بجديه_ في حاجه مفهمتهاش وعاوزاني اوضحاهلك
منه _ انت زعلان ليه المفروض ان دي حاجه تفرحك
معاذ بجدية_ وقتي خلص، المره الجايه لو في حاجه وقفت معاكي اسألي فيها
منه _ معاذ
معاذ _ افندم
منه _ ليه بتعمل معايا كده
معاذ بخنقه _ تبقا مشكله بجد لو مش مقدره حجم الكدبه بتاعتك
منه _ انا قولتلك كده علشان اشوفك هتتمسك بيه ولا هتسبني
معاذ _ هه يا عيني،... طيب انتي عارفه ان حد غيري كان استغل الموضوع ده علشان يوصلك، ويعمل زي مروان واكتر .. انت مفكيش عقل تفكري بيه يعني
منه بدموع _ انا كان كل تفكيري اني اصعب الموضوع عليك علشان لو بعدين عرفت متزعلش كتير و تهون عليك المشكله
معاذ _ بالعكس صعبتيها، وبسبب كدبك ده امك تعبت واخوكي اضايق منك،... لو قولتي من الاول ان الموضوع موضوع صور كانت هتبقا هينه، وهما كانو هيزعلو شويه لكن هيكونو عارفين انك كنتي صغيرة ومش فاهمه
منه بدموع_ ما انا مكنتش اعرف ان ده كله هيحصل
معاذ _ طيب،، مش مشكله كله يتصلح دلوقتي، المهم دلوقتي تفهمي ابراهيم وامك اللي حصل
منه بدموع _ مش عاوزين يبصو في وشي حتى
معاذ _ حاولي لغيت ما يسمعو منك، وانا هحاول معاكي
منه _ يعني مش زعلان منى
معاذ _ لا طبعا زعلان وجدآ كمان، بس خلينا نراضي اهلك وبعدين تشوفي هترضيني ازاي
منه بإبتسامة _ ماشي
معاذ بجدية _ انا هقف معاكي بس متنسيش اني زعلان وعامليني علي الاساس ده متفكريش ان الموضوع انتها بنسبالي
منه بإبتسامة _ مش ناسيه...
معاذ _ اتفضلي
منه بإبتسامة _ علي فكره في حاجه مهمه عاوزة اقولهالك
معاذ _ اتفضلي
منه تقبله في خده وتطلع تجري
معاذ يحدث نفسه بإبتسامة _ بردو زعلان ومش هصتلح
شيري
عدا يومين وانا قاعده في بيت رفيق ومش عارفه اوصل لحد وهو بيقولي لو عاوزة تروحي البيبان مفتوحه ... ومش حافظة غير رقم اسامه، وانا مش عايزة اكلمه بعد اللى عمله معايا
رفيق بدندنه _ صبح الصباح فتاح يا عليم والجيب مفوهش ولا. مليم.... بتصرفي منين صحيح
شيري _ اختي بتصرف علينا
رفيق _ وانتي بتاكلي وتنامي وشكلك خايبه في الطبيخ
شيري _ انا شاطره في الطبيخ اوي
رفيق _ وشاطره في ايه تاني ..
شيري _ بس كده
رفيق _ يعني بتنامي وتصحي وتطبخي وباقي الوقت بتعملي فيه إيه
شيري _ بذاكر انا في كليه
رفيق _ يعني بتنامي وتصحي وتطبخي وتذاكري وترجعي تقعدي لوحدك
شيري _ بقعد مع اخواتي
رفيق _ يعني بتنامي وتصحي وتطبخي وتروحي الجامعة وتقعدي مع اخواتك
شيري _ شيفاك مستهون بالحاجات دي طيب تعرف اني مش بلاحق
رفيق _ خلينا نحسبها ونشوف ... 8 ساعات نوم و نقول 6 للكليه علشان لو حبيتي تقعدي في المكتبه شويه. وساعه طبيخ و ساعتين رغي مع اخواتك. و نقول 4 ساعات بتذاكري ... كده في تلات ساعات بيضيعو منك يومياً
شيري باستغراب _ ايه الحسبه دي.. الحياة ابسط من كده بكتير
رفيق _ الحياة معقده وخايب اللي يفتكرها سهله.. عندك انتي مثلا، قاعدة طول الوقت شارده واكيد مبتفكريش في طبيخ ولا مذاكره و لا ولا ولا. وبتفكري في اللي خلاكي تبكي في الشارع زي الهبله، شوفتي معقده ازاي
شيري _ متأكد انك دكتور نفساني
رفيق _ اوريكي الكارنيه
شيري _ لا مصدقاك... بس مين قالك اني بفكر في حد... انا مبفكرش غير ف أني ارجع البيت ازاي
رفيق _ لا مش حاسك، انتي المفروض كنتي تبكي وتكوني قلقانه، بس انا شايف هدوء وكأنك واخده اجازه
شيري بإبتسامة _ هو انت قاعد لوحدك ليه
رفيق _ انتي بتسأليني عادي كده
شيري باستغراب _ مانت بتسألني
رفيق _ دي شغلتي... انا بسأل مبتسألش
شيري _ طيب اسفه
رفيق _ قاعد لوحدي عشان كلهم ماتو... بما فيهم بنتي كانت زيك كده هبله،
شيري _ انت غريب علي فكره ... انت مش لسه قايلي مسألش
رفيق _ وانتي صدقتي ما لقيتيها
شيري _ ههههه انا محبتش اضايقك
رفيق _ شاطره
شيري _ يعني انت قاعد لوحدك
رفيق _ انتي معايا اهو
شيري _ انا اكيد همشي
رفيق _ لو قدرت تعتمدي على نفسك بقا.. انتي مستنياني انا اللي ارجعك
شيري _ هو انت ازاي جبتني من القاهرة ل اسكندريه ومحستش.. دي مسافه مش قليلة
رفيق _ هو انتي كنتي حاسه بحاجه .. انا جبتلك دكتور اداكي حقنه وكملتي نوم لصبح
شيري _ طيب وانا لو عايزة اروح اعمل أيه
رفيق _ مش عارف الحقيقه... بس ممكن تتصلي بحد من اهلك
شيري _ مش حافظة ارقام
رفيق _ كان عندي مريضة من كام سنة، اول ما شوفتها عجبتني وفي دقيقة حفظة رقمها ولغيت دلوقتي مش ناسيه... دايما في رقم مبنقدرش ننساه
شيري بإبتسامة _ وبتحكيلي ليه
رفيق _ انا بحكيلك عادى والا لو كانت القصة فكرتك بحاجه
شيري بتنهيده _ انا حافظة رقم فعلا بس لو كان هو الوحيد اللي هيرجعني مش هتصل
رفيق _ كان عندي دكتور في الكلية رزل اوي كنت بكرهو، بس كان لازم ابتسمله عشان اعدي السنة وبعد ما خلصت بعتله جواب من بتوع زمان ، مرسوم فيه رسمه مطلعه لسانها وكتبت عليها من اكتر كارهينك، اللي خد مصلحته منك وانت متعرفش انه بيكرهك
شيري بضحك _ قصدك اني اكلمه
رفيق _ براحتك بس مش هخليكي تكلميه من رصيدي... الكارت بقا ب 11 جنيه
شيري بضحك _ ماشى شكرا يا دكتور
رفيق _ كانت بنتي لما تعوذ حاجه من فوق الدولاب وتفضل تصرخ عليها كنت اقولها اتصرفي وهاتيها انا مش فضيلك.. ف كانت بتتعلا علي اي حاجه وتوقع ومره دماغها اتفتحت عارفه عملت إيه
شيري _ جريت بيها علي المستشفى طبعاً
رفيق_ سبتها
شيري بذهول_ سبتها ازاي دي بنتك
رفيق_ ماهو انا مخترتش الطريقه اللي اختارت توصل بيها، كان لازم تتعلم انها لما تختار تتحمل العواقب بحلوها ومرها. وان مش كل حاجه عجبانا تستحق المعاناة للوصول ليها
شيري بشرود _ يعني هي كان غلطها انها اختارت طريقه غلط علشان توصلها
رفيق_ اه بظبط.. افتكر ان كان عندنا سلم كان ممكن تركب عليه، بس هي جابت الكراسي وعليهم مخدتين وكرسي حمام واتشعبطت.. الله يرحمها كانت هبله
شيري _ يمكن من كتر ماهي نفسها في الحاجه دي معرفتش تفكر انها تروح تجيب السلم
رفيق _ ودا عيبها مكنتش تفكر.. كانت مركزه في الحاجه اللي عجباها واستسهلت
شيري بتنهيده _ عندك حق
رفيق _ جعانه صح
شيري _ متقله عليك انا اليومين دول
رفيق _ كنت مكسوف اقولهالك بس انتي فهمتيها لوحدك ههههه
شيري بإبتسامة _ هو انا خرفت واتكلمت وانا نايمة
رفيق _ دا انتي خرفتي وفضحتي نفسك على الأخر
شيري _ عشان كده بتحكيلي قصص من الصبح
رفيق _ بظبط
حكتله اللي حصل معايا من اول ما عرفت اسامه وبقينا نتكلم ونتناقش
شيري _ بس انا مكنتش بستسهل زي بنتك.. انا مفكرتش اصلا انا بعمل اية غير لما اتصدمت لتاني مره
رفيق _ لأ استسهلتي كان ممكن تكلمي اختك وتفهميها مش تسمحيلوه يضحك عليكي تانى... وادي النتيجة قاعده ومش عاوزة تروحي خايفه تبصي في وشها
شيري _ هو انا مش كل شويه اقولك اروح ازاي وانت بتعقدهالي
رفيق _ لو عايزة ترجعي كنتي اتصرفتي، بس انتي جبانه وبتستسهلي.. طبعا مش بتاكلي مكرونه بشاميل علي الجاهز
شيري _ على فكره المكرونة بتاعتك كانت وحشه وحراقه جداً
رفيق _ بنتي كانت تحبها كدة وكانت تاكولها كلها وانا لغيت دلوقتي بعملها بنفس الطريقه ولو ملقتش حد ياكولها بديها للقطط ومبياكلوهاش بردو ههههه
حسيته مفتقد لبنته وكل كلامه النهارده تقريبا عنها.
يارا
روحت المستشفى علشان اطمن عليه ولما روحت لقيت اسامة عنده وشكله زعلان
يارا _ مفاقش بردو
أسامة _ لسة
يارا_ طيب مفيش جديد عن شيري
أسامة _ لأ
يارا _ هتكون راحت فين
أسامة بحزن _ معرفش انا مسبتش مكان مدورتش فيه عليها
يارا _ ولما انت بتحبها اكده خطبت اختها ليه
أسامة _ كنت مبفهمش ولما فهمت اختفت
يارا _ طيب مستني ايه علشان تفسخ خطوبتك ب امنيه
اسامه _ مش قبل ما اطمن عليها.. لو سبت امنية مش هيكون ليه صفه عشان اقلق ولا ادور عليها
يارا _ ان شاءلله ترجع دلوقتي
أسامة _ تخيلي هي وسامر في نفس اليوم، وانا مش عارف اركز معاه ولا ادور عليها
يارا _ سامر معروف هو فين لكن هي لأ، روح دور محدش هيقدر يرجعها غيرك
أسامه بدموع_ وانا بدور بكون خايف الاقيها بعد فوات الاوان،،
يارا _ متقلقنيش الله يخليك اكيد هي زينه
كان بيتكلم وهو تعبان وهاين عليه يبكي.. وبعد وقت بيمشي وانا بقعد جمب سامر، وابصله واتخيله فتح عينه وكلمني، وبردو منستش اني اكلمه وانا عارفه انه سامعني وحاسس بوجودي جمبه
يارا _ شوفت جيت تاني كيه.. طبعا دلوك تلاقيك بتقول ياريتني عملت الحادثه من زمان دا لو مكنتش.مديه لنفسي اكبر من حجمها عندك يعني....... عارف كل يوم بروح المكتبه واتخيلك بضايقني زي عادتك بس النهارده تخيلتك لطيف مش غتت زي كل مره..
سامر بتعب وصعوبه في الكلام _ انا طول عمري لطيف بس انتي اللي مش واخده بالك
يارا بدموع وفرحه _ انت لسه عايش
سامر بتعب _ لسه بقيلي ايام اعيشها معاكي
يارا بإبتسامة باهته _ حمدالله على السلامة
فاق وبعد ما اطمنت عليه واهله جم، مشيت من عنده وانا مقرره ان اكده خلاص مش هروحلو تاني بعد ما عشم نفسه انه ممكن يكون ليه ايام معايا.. مهما يحصل وحتي لو امه ندمت مش هقبل اتنازل عن كرامتي ولا هنسا اهانة ابوي
عز
طول اليوم قاعد في اوضة النحت وبمشي الشغل بالتلفون، وخايف اطلع، اقابلها تاني واكرر الغلط اللي حصل من يومين.. برغم انها وحشتني ونفسي اشوفها
أمنية
بقيت الف طول اليوم في الشوارع والمستشفيات والاقسام عشان الاقي شيري وفي نفس الوقت اللي بكون هتجنن عشان اختفائها وقلقي عليها.. بردو مش قادره انسا عز وحاسه اني محتجالوه يوقف معايا في المشكله دي، بس هو خلاص اختار يبعد عني وينسحب من اولها... كان نفسي يتمسك بيه ويحاول مره واحده.. بس هو اختار الحل السهل وهو انه يهرب ويسيبني
