رواية قاسي امتلك قلبي الفصل الثاني والثالث والرابع والخامس بقلم نرمين قدري
 |
الفصل الثاني
. ذهبت مليكه لغرفة النوم و بتفتحها . وفجاءة وقفت مكانها مصدومه مش مصدقه عينيها
احمد كان علي سريرها معاه واحده تانية وفي وضع مخل جدااا
وقفت مليكة متملكها. الصدمة لمده دقايق فاقت علي صوت نسرين
نسرين انا خلصت يا لوكا انتي واقفة متنحة كده ......
وشهقت نسرين ثم سكتت فجاءة
وقف احمد بسرعة يرتدي هدومه
خرجت مليكة تجري بدون هدف
احمد / مليكة استني بس حفهمك اصبري يا لوكا
مسكته نسرين من أيده
نسرين/ أقف هنا متروحش وراها انت بني ادم معدوم الإحساس ايه يا اخي هي قلت الأصل لدرجادي قصرت في ايه مليكة علشان تعمل معاها كده دي كان ناقص تشيلك من علي الارض
بس حنقول ايه طول عمرك قليل الاصل
استحملتك ,تلات سنين عمرك مادخلت عليها بورد بلاستك حتي و هي لا اتكلمت ولا طلبت
كانت بتجيب هدايا وتدهالك علشان تدهلها ادام امها علشان تكبر فيك قدامها
بس حنقول ايه مفيش عندك لادم ولا كرامه
احمد / افهمي بس يانسرين انا كنت بس ..
نسرين/ لأ والبجاحة علي سريرها اللي هي لسة منمتش عليه انا مشفتش كده
اتفضل خد الزباله اللي معاك واطلع برا
احمد /ايه يا ماما انتي ناسية أن دي شقتي
نسرين / شقت مين يا ابو شقة هو انت كنت جبت ايه اوعو تكون فاكر نفسك راجل انت لمؤاخده بس تربيتي متسمحش انطقها
عمرك شفت راجل يقبل علي نفسه أن واحده تصرف عليه يا راجل عمرك شفت راجل مبيدفعش حتي تمن البدله اللي يحضر بيها فرحه
لما انت بتسمي نفسك راجل امال الرجال الحقيقيه تسمي نفسها ايه
انت اندل و اقذر حد شفته في حياتي و اتفضل برا انت وزباله اللي معاك الحمد الله أن مليكة سمعت كلامي ومكتبتش الشقه باسمك برا يا زباله برا
احمد / انت مليكش دعوة دي حاجة خاصة بيني و بين خطبتي
نسرين / حاضر انت شايف كده وماله
يالهوي حرامي وفتحت الشباك تصرخ الحقوني اطلبوا الشرطة لقيت حرامي في بيتي
احمد بداء يشدها بس يا مجنونه حتلمي علينا العماره كلها اهدي خلاص نازل
نزل احمد واللي معاه
نسرين تنده علي البواب
نسرين /عم عوض عوض اطلعلي بسرعة
عوض/ خير يا انسة نسرين
نسرين / عم عوض عاوزة نجار بسرعة يجي يغيرلي كلون الباب
ومحدش يهوب نواحي الشقه غير انا أو الانسة مليكة غير كده لاء فاهم يا عمو عوض
عوض/ فاهم يا انسة
نزلت نسرين تبحث عن مليكة تليفونها مقفول والعربية تحت راحت فين دي يا ربي
اتصلت نسرين بمامت مليكه
نسرين/. الو ايو يا أنطي بقولك هي مليكه جت
سميرة /مليكه جت منين مش كنتم مع بعض رايحين الكوافير في ايه حصل يا نسرين مليكه مالها
نسرين/ اصل انا. بصراحة الفرح اتلغي
سميرة /يالهوي اتلغي ازاي اوعي يكون بنتي حصلها حاجة انطقي يا نسرين بسرعة مليكه فيها ايه بنتي مالها
نسرين /انا جاية و ححكيلك علي كل حاجة
سميرة/ وانا لسة حصبر لحد ما تيجي انطقي في ايه
نسرين /اصل احنا عدينا علي شقة مليكه قبل ما نروح للكوافير مليكه كانت جايبة حاجات وعاوزة تحطها
سميرة/ اخلصي ايه اللي حصل
نسرين/ لما دخلنا اوضة النوم لقينا احمد هناك
سميرة/ ها و بعدين اخلصي
نسرين/ أصله. كان يعني ..بصي هو كان معاه واحده وافهمي الباقي انتي
سميرة/ نهار ابوه اسود مطلعتلوش شمس ومليكه شافته كده يا عيني عليكي يا بنتي .. هو صحيح ميستهلش يتزعل عليه بس البت متعلقه بيه بس حنقول ايه قدر الله وماشاء الله والحمد لله اننا لسه علي البر
ومليكه فين دلوقتي
نسرين/ معرفش انا مرضتش امشي من شقه غير لما الزباله ده ينزل و غيرت كالون الباب
سميرة/ شاطرة يا نسرين تربيتي و حيات امه لما اشوفه انا مش حسكتله يصبر عليا ابن الكلب ده
وفجأه فتح الباب ودخلت مليكه
سميرة/ نسرين لوكا وصلت تعالي بسرعة
مليكه/ ماما انا جعانه عندك اكل ايه
سميرة /ومستغربه حاله مليكه كأنه مفيش حاجة أو أن فرحها هو اللي اتلغي
سميرة/ انتي كويسة يا لوكا
مليكه /اه الحمدلله مالي زي الفل جعانه بس وعاوزة نسكافيه ومسكت موبايلها تلعب بي
سمير/ استرها يارب البت مش طبيعية
دخلت نسرين انا جيت ياقوم
سميرة /شوفيها شكلها مش طبيعي خالص دي حتي مبتعيطش وطلبت اكل
نسرين /طنط سيبيها تعبر عن غضبها باي طريقة هي عاوزاها ،
ومتسألهاش مالك .. مليكه جواها كمية غضب تحرق العالم كله سبيها تنفس عنه ا حسن ما يحصلها حاجة
روحي انتي أعمللها الاكل وانا ريحلها
نسرين /لوكا القمر بتعملي ايه
مليكه /بمنتهي الهدوء بدور على شغل في أي مزرعة بعيده
مش ده كان حلمي من ايام الكليه اني امسك مزرعة كبيرة بس أجلت حلمي كتير وهو جيه الوقت اللي احقق في حلمي
نسرين /و تسبيني يالوكا
مليكة/ انا حسيب الدنيا كلها.
وفجاءة شوفي الاعلان ده طالبين دكتور بيطري في مزرعة علي طريق مصر اسكندريه الصحراوي بس ايه الشرط الغبي ده
نسرين,/ شرط ايه يالوكا
مليكه /شرط يكون راجل ايه هو في ناس لسة متخلفه لدرجادي لسة بتفكر بنت ولا راجل راجعيه
نسرين / وحتعملي ايه شوفي غيرة
مليكه / بتحدي لأ حشتغل هناك
نسرين /, ازاي يعني بقولك شرط قبول الوظيفه يكون راجل حتركبي شنب
مليكه/ ودقن كمان لو طلبت
جاء ت سميرة بالاكل كل ده ومليكه ملتزمة الصمت تام وفجاءة وقعت عنيها علي صورة لهم على الموبايل
تحولت مليكة من. شخص هادي لشخص قمة في الغضب
مليكه / ااااه اااه موجوعة موجوعة ااه قلبي حيقف من الوجع مش قادر اااه انا عاوزة اشيل قلبي من مكانه قوليلي يا امي انا غلط في ايه..
انا حبيته يعمل كده ليه قلبي يا امي قلبي واجعني حموت من وجعه مش راضي يسكت اااه
وفجاه الباب خبط فتحت نسرين
نسرين/ انت يابني معندكش دم مبتحسش جيت ليه
احمد ملكيش دعوة يانسربن انا جاي علشان خاطر لوكة قلبي من جوا وهي حتسامحني صح يالوكا غلطة كانت نزوة سامحيني يا حبي مش حغلط تاني
نسرين انت بني ادم بارد
مليكه ومسحت دموعها و رسمت القوة. نسرين بس خلصنا. وابتسمت
طبعا حسمحك يا حبيبي تعالي نتفاهم وفجاءة سحبت السك*ينة من صنية الاكل و حطتها علي رقبته
سميرة /. مليكة انتي اتجننتي حضيعي نفسك علي كلب
احمد بفزع لوكا انا حماده حبيبك اهدي بس ياروحي
مليكه / طلعت روحك يا ندل انت اللي جيت لقضاك انا حندمك علي اليوم اللي طلعت في صدفه قدامي
اتشاهد علي نفسك اوعي تكون فاكرني البت الضعيفة اللي حتقعد تندب حظها أنها خسره حبيبها
لا فوق دا انا مليكه انا اللي بصنع الوجع وانا اللي بكسرة اقلع يلا ه
ا
حمد /اقلع ايه انتي انعبطي
مليكه/. وتقرب سكي*نه اكتر بقولك اقلع هدومك مش انا اللي جيباها اقلع
احمد / اعقلي حقلع كده قدام امك ونسرين عيب ميصحش تعالي طيب جوا في الاوضه ماهي دخلتنا كانت انهاردة بردو
مليكه/ انت حتستظرف يا روح والدتك اقلع لاقسما بالله اشوهك وانا دكتورة حيوانات حخليك شبه الخنزير لو مقلعتش
مش كان نفسك تشوفني وانا بتعامل مع الحيوانات حوريك الحيوانات بتتعامل ازاي
اقلع بسرعة
قلع احمد التي شيرت اتفضلي
مليكه / كله كل حاجة انا جبتهالك تقلعها اظن كلامي مفهوم واخلص يلاه
قلع احمد الجزمة والساعة والشراب خلاص بقي كفايا كده
مليكة / ما انا بردو اللي جايبه البنطلون
احمد / مليكه متستعبطيش بنطلون ايه اللي حقلعه
قربت منه سكينه وجرحته جرح طفيف
احمد / ابعدي الزفته دي حتعوريني يا بني ادمه انتي
مليكه /وايه ياعني لما تتعور طظ في داهيه كلب وراح
احمد / وبعدين بقي في اليوم الاسود ده
مليكة / اليوم الاسود اللي عرفتك فيه ده انا بعد متغور من هنا ححتفل مش في شربات عندنا ياسوسو
سميرة / ايو يابنتي
.
مليكه / خلاص خشي اعمليه علشان حنزل اشرب الشارع كله
وحصلي ركعتين شكر لربنا أنه خلصني منه
مليكه / ب زعيق اخلص يلا مش فضيالك اخلع البنطلون بدل ما اخليك تزل من هنا زي مولدتك امك اخلص
قلع احمد البطلون وفضل باسروال الداخلي فقط
بعدت مليكه السكينه
ودلوقتي برا اطلع برا مش عاوزك في حياتي برااا
وسط ضحكات نسرين
نسرين /بطني مش قادرة والمفجاءة أنها كانت بتصور من الاول
مليكة / برا قلت اطلع برا بيتي
احمد / حنزل ازاي كده مش معقول
مليكه دي مش مشكلتي دي مشكلتك حلها مع نفسك
انا لما عرفتك كنت كده وانا اللي عملتلك قيمه برااا برا زقته مليكه برا الشقة وقفلت الباب ووقفت ورا الباب و انهارت في البكاء
سحبتها سميرة لحضنها معلش يا حببتي بس الضربه اللي متموتش تقوي وانتي غلطي يا حبيبتي
رفعت مليكه رأسها غلط علشان حبيت
سميرة / لا الحب عمره ما كان غلط بس انتي فهمتي الحب غلط انتي رخصتي نفسك قوي يا مليكة اوعي تكوني فكراني غبية و مصدقه أن احمد هو اللي جاب الحاجات دي كلها لاء ياقلبي انا كنت عارفه كل حاجة كل مرة بتطلبي مني فلوس باي حجه ببقي عارفه بس كنت بقول عديها رايحين بين بنتي
لكن انتي رخصتي نفسك قدامه متعبش علشانك انتي اللي كنتي بضحي بكل حاجة علشانه خلتيه يفتكر أن اللي بتقدمهولو حق مكتسب ولو قصرتي انتي غلطانه الدرس ده يعلمك تعززي نفسك كويس انتي غاليه قوي
يا قلب امك محتاجة حد يصونك ويعززك
مليكه / بدموع انا عمري ما ححب تاني خلاص
سميرة/ العيب مش في الحب ياقلبي
الفكرة هو ازاي نعرف نحب مينفعش الحب و العطاء لازم يكون من الطرفين مينفعش طرف واحدة بس هو اللي يدي و يحاول يثبت حبه
والتاني اناني اتعود ياخد بس من غير ما يدي ده ما سمهوش حب أسمه أنانية
لازم يا حببتي العطاء يكون بحدود لكن انتي لغيتي حدود عواطفك ومشاعرك غلبت عليكي وبقيت هي متحكمة فيكي
مليكه /خلاص يا ماما اتعلمت الدرس كويس بس دفعت تمن العلام ده غالي قوي
انا داخلة انام
دخلت مليكة غرفتها ودخلت نسرين وراها
نسرين/ علشان خاطري يا لوكا متزعليش نفسك بكره ربنا يعوضك خير ان شاء الله وتلاقي اللي يستاهل حبك
مليكة / انا قفلت قلبي خلاص موضوع الحب ده خلاص
انا حبص لمستقبلي وخلاص كل هدفي دلوقتي
انا عاوزة اشتغل في المزرعة اللي منزله الإعلان فرصة حياتي بجد مزرعة كبيرة وحلم اي بيطري يشتغل فيها
نسرين / بس هما حطين شرط مستحيل
مليكة. /وانتي تعرفي عني اني بعرف المستحيل
الفصل الثالث
نسرين / بس هما حطين شرط مستحيل
مليكة. /وانتي تعرفي عني اني بعرف المستحيل
نسرين/ يعني حتعملي ايه ياقرده
مليكة/ كل اللي حعملة دلوقتي حناام محتاجة اهرب من كل ده عاوزة انام لحد منسي
نسرين/ مليكة خلاص بقي انسي اللي فات واقفلي عليه عارفه أنه صعب بس حنعمل ايه
مليكه/ نسرين هو ممكن منتكلمش في الموضوع ده دلوقتي بجد عاوزة انام
نسرين وقد فهمت أنها عاوزة تختلي بنفسها فهي تعلم صديقتها جيداا
مليكة لا تحب تظهر ضعفها أمام أحد فهي قوية قدام الناس ولكن عندما تختلي بنفسها تكون هشا لدرجة الكسر
ومليكه انكسرت بشده
خرجت نسرين وتركت مليكه بمفردها
فور خروج نسرين وقفت مليكه تنظر لحالها أمام المراء
وقد استعادة كل ذكرياتها مع احمد منذ اول لقاء
فلاش باااك
مليكة/ حبيبي حتخرجني فين انهارده ايه رايك نروح النادي
احمد/ هو لازم نخرج ب صراحة يالوكا انا مش معايا فلوس اسف يا حبيبتي بس صدقيني اول ما حقبض حخرجك
مليكه/ ولا يهمك ياقلبي انا وانت واحد الخروجا عليا
احمد/ بس يا لوكا اصل
مليكه/ لا أصل ولا فصل وخد دول كمان علشان تعرف
تشتري لماما هدية عيد الام
احمد/ لو مكنتيش تحلفي بس يا لوكا بس دول سلف اول ما ربنا يفرجها حرجعهم يا كدا يا مش حاخد
لوكا /خلاص يا ميدو بقي
وفي عيد الام أحضر احمد هديه لأمها طقم كاسات
نسرين/ يا خرابي يا لوكا ايه اللي جايبه خطيبك ده لامك يالهوي يالهوي بصراحة عره قوي
لوكا /وشدت احمد من أيده وكلمته بصوت منخفض
ميدو هي الفلوس مكفتش والا ايه ايه اللي انت جايبه ده
احمد بعصببه قصدك ايه اني اخدت الفلوس شكرا
يا مليكه أنا ماشي
مليكه/ لا خلاص انا اسفه حقك عليا متزعلش علشان خاطري خلاص
باااااك
ياااه كل المواقف دي وانا كنت فين أنا كنت مغيبه كده لدرجادي
انا كنت رخيصة قوي كده انا استاهل اللي عمله فيا واكتر كمان
بس لحد هنا وبسس أنا مش حخلي حد يستغلني تاني
حطت مليكه جسدها علي السرير ونامت في ثبات عميق تخرج من كل شيء قد يورقها
فاقت علي صوت جرز الانذار كا العاده
نسرين/ ياحلوصبح يا حلو طول يا حلو صبح نهارنا فل
مليكة /وقد وضعت يدها علي أذنها كالعاده
مليكة/ يابنتي انتي انتي تحرمينا من الغراب اللي بيغني ده مين ضحك عليكي وقالك صوتك حلو اعوذ بالله عالصبح
نسرين/ كده يالوكا انتي حطمتي طموحاتي وأمالي انا كنت رايحة اقدم في ذا فويث علشان حد يكتشفني
مليكة/ بضحك اهدي يا هبله انتي اخرك تغني وانتي بتسرحي بعربية بطاطا معسله قوي يابطاطا مش تقوليلي ذافويث وكلام فارغ
نطت نسرين علي مليكه وهي نايمة انا عربية بطاطا تعالي هنا وبداءت تزغزغ مليكه و علا صوت ضحكهم
ربا اخ لم تلده امك
جات علي صوتهم سميرة
سميرة/ في أيه يا مصيبه منك ليها صوتكم عالي كده ليه يارب تدوم الضحكة يا حبايبي
نسرين/ تعالي ياسوسو شوفي بنتك بتقولي انا ينفع اغني بس علي عربية بطاطا
سميرة/ بضحك واللهي لوكا بتفهم دي كمان كرمامي انا كنت حقولك عربيه حرنكش
نسرين /ايه العيله اللي بتقدرني قوي دي
زقت مليكة نسرين من علي السرير وقامت وقعت نسرين
مليكة/ احسن تستاهلي
نسرين/ طيب هاتي ايدك اقوم طيب
مدت مليكه يديها لنسرين تقومها راحت نسرين شده مليكه عليها وقعوا علي الارض الاتنين
سميرة /ربنا ما يحرمكم من الهبل قومو اخلصو الفطار جاهز لو مجتوش في ظرف دقيقتين حشيلو وحضرو لنفسكم بقي
نسرين/ لوكا بصو لبعض وقامو بسرعة يلحقوا الفطار فهما عارفين سوسو كويس و كلامها سيف مش بينزل
جلسو وتناولو الفطور
نسرين /قررتي حتعملي ايه يا لوكا في موضوع المزرعة ده
لوكا/ حقدم واشتغل انا الاولي علي الدفعة ولا مش واخده بالك
نسرين /طيب حتعملي ايه في الشرط ده
لوكا/. بعد تفكير اكيد حشوفله حل اصل دي فرصه متتعوضتش ابدا
نسرين/ الحل اللي هو ازاي يعني حتقلبي راجل بشنب
ملكيه / نسرين قفلي بقي علي الموضوع مش انا قلتلك حتصرف
فهمت نسرين أن مليكه مش عاوزة تتكلم قدام مامتها
نسرين /, اتفلقي ياختي انتي حره تقلبي راجل تقلبي سحليه انتي حرة
وفي مكان تاني بعيد في مزرعه من اجمل المزارع ممكن تشوفها حيث الخضرة الحلوة و الحيوانات والطيور النادرة كأنها محمية طبيعية مش مزرعة عاديه
يوجد قصر عملاق وسط الخضرة و الزرع وكأنها لوحه فنية تفنن فنان في رسمها
غسان/ بقوة قولي عملت ايه في موضوع الدكتور انا عاوز دكتور من تحت الارض الأغنام فيها فيرس لو انتقل للبقر حتبقي مصيبه
محمود /واللهي يا غسان بيه احنا نزلنا اعلان علي النت بس كل اللي اتقدمو خبرتهم مفيش و الشرط اللي حضرتك حاطه مديق علينا البحث
غسان / بزعيق انا مش حتنازل عن الشرط ده و حتجبلي دكتور في ظرف يومين عالي الأجر وخليهم يجو وانا حقابلهم واختار الافضل منهم بنفسي ايه هو دكاترة الحيوانات الرجاله خلصو لما حنشغل الحريم وهي الحريم بتنفع في حاجة من اساسه
ومتنساش أن الدكتور ده حينام في مبني العمال اللي في المزرعة حضرتك تقولي بقي لو جبت دكتورة حتنيمها فين
بطل هبل روح دور عدل اللي عاوزين يشتغلو علي قفا من يشيل بطل بقي دلع
مشي محمود وهو بيبرطم واللهي ما بدلع هو انا غاوي يعني تهزيق ياربي هو احنا أمتي حيخش عندنا جنس ناعم بقي نفسي في حاجة تطري القرف اللي الواحد شايفه يا ربي ده محرم علينا اي حاجة فيها تاء مربوطة اموت واعرف ايه اللي معقده كده من جنس حوا
وهو في اجمل من تاء مربوطه بس اللي يفهم
وانا مالي دكتور دكتور اربط الحمار مطرح ميعوز صاحبه اساسا الدكتور اللي حيمسك المزرعة امه دعيا عليه حيطلع بوزه في الشغل غير الشخط و النتر بتاع غسان بيه
فتحت مليكة النت تبص في الاعلان تاني لقيتهم عدلو الإعلان ورفعو مبلغ الراتب و التأكيد أنه يكون طبيب وليست طبيبه لعدم الاحراج
مليكه ايه الوقعة الزفت دي حتصرف انا ازاي بقي مهو انا لازم ا الشغل دي فرصة من كل الجوانب
اولا حبعد عن هنا و عن كل حاجة حتفكرني بلزفت
تانيا مزرعة الغسان للانتاج الحيواني من اشهر المزارع االلي الواحد يتمناها
شكل زفت اللي اسمه غسان ده عجوزة ومكحكح و بيطلع عقده عل خلق ربنا بس علي مين دانا لوكا حاخد الشغلانه يعني حخدها بس محتاجة لفكرة بت ابلسه علشان اشتغل
اول حاجة انا حبعت اميل اني عاوزة اتقدم للشغلانه
ايه ده ردو بسرعة كده دول واقعين بقي وشكلهم فعلا محتاجين دكتور ضروري. حلوو ده في مصلحتي إبداء بقي في خطة الابداع بس محتاجة لبرص الحله نسرين تساعدني
بس لسانها فلتان مع سوسو لا انا حقولها متقولش حقوم اروحلها
مليكه/ ماما انا نزله عند نسرين شوية وراجعه
سميرة/ ماشي يا قلب ماما براحتك
نزلت مليكه وخبطتت علقت مليكه الجرس
فتحت الباب
مليكه ساعة يا زفته علشان تفتحي
ابتسمت مليكه اوو طنط انا اسفة بس افتكرت نسرين هانم هي فين
احلام والده نسرين \جوا يا حبيبتي خشلها قبل ما تخلص علي اكل البيت كله بعمل محشي وهي مش صابرة لما يخلص
مليكه طنط احلام انتي بتعملي محشي بجد طيب استني كده ححذر محشي ايه وبداءت تشمشم
ملكيه لاء لاء اوعي تقولي اللي في بالي
احلام بضحك فهي ربت مليكه مع نسرين وتعرف مدي حبهم لبعض
احلام /هو ياقلبي اللي في بالك ورق عنب و كمان في مكرونه بالبشاميل
مليكه/ وفراخ محمرة في الفرن صح
احلام/ صح طبعا خشي كملي علي باقي البيت ياربي الاتنين مصاريع في الاكل و ياريت بيبان عليهم
دخلت مليكة انتي يا زفته فينك مطلعطيش من الصبح ليه وحرمتينا من الكروان اللي بيصحينا
نسرين /, انتي هبله يابنتي امي عاملة ورق عنب فاهمة يعني ايه ورق عنب يعني ابيع ابويا علشان الحله مش أبيعك
مليكة اه يا جزمت الجزم ايه رايك بقي انا حقول لاحلام حببتي متأكلكيش يا سيد قشطة متنكر في كلب البحر
نسرين /انا سيد قشطة يا خرتيت الجناين صحيح انتي ايه سبب تشريفك عندنا اوعي تكوني طمعانه في طبق محشي
مليكه / وقد تصنعت الزعل انا بردو حطمع في طبق محشي منك انتي
انا اكبر من كده ياختي ا بكتير انا حاخد الحله كلها
يا ماما قال طبق قال
ثم ارتسمت الجد علي وجهها
مليكه / بقولك ايه بطلي بقي شغل الهبل ده وتعالي نخش اوضك علشان عاوزاكي في حاجة مهمة
نسرين / انتي تحولتي فجاءة كده ازاي عليكي عفريت صح
مليكة / نسرين بتكلم جد
نسرين/ لأ ده شكل الموضوع جد الجد تعالي يلا
دخلو غرفة نسرين و بداءت مليكه في رسم خطتها الشيطانيه علشان تفوز بلشغل في المزرعة
جاءت معاد مقابله الشغل ذهبت مليكة وهي علي اكمل استعداد للجاي
دخلت مليكة المزرعة وهي مبهوره بجمال المنظر فعلا كأنها لوحه فنية
مليكة واووو ايه الجمال ده نفسيت الواحد ارتاحت بس بمجرد النظر للخضرة و جمالها
توجهت مليكه لمكان المقابله لقت كتير متقدمين بسبب ارتفاع المرتب
مليكه بتكلم نفسها يالهوي كل دول مكنتش عاملة حساب كده
وهي بتكلم نفسها كالعاده مش بتبص قدامها خبطت في شخص
مليكه مش تفتح ايه البلاوي دي
الشخص انا بردو حصل خير
مليكه ما كفايا علينا العجوز اللي حيعمل معانا المقابله مش ناقصه بلاوي بقي
انتبه الشخص /مين قال إن غسان صاحب المزرعة عجوز
مليكه /باين قوي من ابشرط المهبب اللي محطوط قال مش عاوز ستات حيكون مش عاوز ستات ليه غير أنه عجوز ومكحكح وعنده عقده شوف بقي العقده دي منين بقي
الشخص /مش يلا علشان المقابله حتبداء
انتبهت مليكه أنها اتكلمت اكتر من اللازم كا العاده طبعا
مليكه / اه صحيح يلا احسن نتأخر و ميقبلوناش مش الاخ متقدم معانا بردو
الشخص / اخ اه الاخ معاكم بردو
مليكه بينها وبين نفسها يخربيت كده هو في كده مز قوي صراحة
بداءت المقابله وجاء الدور علي مليكه
دخلت واتفاجاءت أنه اللي بيقابلها هو نفسة الشخص اللي خبطت فيه
مليكه انت ايه اللي قعدك هنا قوم بسرعة قبل ما يجي صاحب المزرعة. وينيلها علينا
الشخص اتفضل قدم نفسك و شهادتك
فتحت مليكة بوقها و فهمت أنه هو صاحب الشغل
مليكه في نفسها يالهوي يا لهوي. هو انا علطول بعك كده يارب شكل الشغلانا طارت و المز ده حيروقني
غسان / يا حضرت يا دكتور سرحت فين
مليكه انتبهت لقت نفسها فاتحة بقها زي الهبله
معلش اسفه لا اسف
غسان/ اتفضل قدم نفسك
مليكه /انا مالك عمار الباشا
الفصل الرابع
غسان/ اتفضل قدم نفسك
مليكه /انا مالك عمار الباشا الاول علي دفعتي بحضر ماجيستير في انوع الاوبئه اللي بتصيب الحيوانات
غسان /انت بقالك سنتين متخرج مشتغلتش ليه لحد دلوقتي
مليكه / كنت عاوزة أتفرغ للماجيستير و بعدين كنت ناوي أحضر دكتوراه
غسان / طيب اشمعني دلوقتي فكرت تشتغل
مليكه /بصراحة أنا قريت الاعلان علي النت حسيت أن دي فرصة متتعوضش منها اني اشتغل بعائد مادي كويس ومنها أنها في صميم الماجيستير بتاعي
المزرعة علي ما اسمع انها شبه المحميات يعني حلاقي فيها معظم الحيوانات وممكن الاقي حيوانات أو طيور نادرة ده في صميم دراستي فالتاكيد شغلي هنا حستفاد بيه من كل النواحي علميا و ماديا وبصراحة كمان نفسيا لأن جو المزرعة هنا واووو يجنن
غسان /. نعم وواو
مليكه / انتبهت لنفسها قصدي يعني يافندم أن جو المزرعة بيفعل الطاقة الإيجابية
غسان /اه مفهوم مفهوم ماشي حضرتك كده مبدأيا معانا في الشغل وزي اي شغل عادي فترة اختبار شهر حضرتك. حتقيم معانا إقامة تامة في مبني العمال وده بيكون قريب من مزرعةالحيوانات
اصل انا هنا مقسم المزرعة اقسام يعني عندي قسم المواشي وده حيكون. قريب من السكن بتاعك
وعندي قسم الدواجن ده قريب من سكن الخدم بتوع السرايا
وقسم الطيور وده قريب من السرايا
بخصوص بقي السرايا حضرتك مش مسموحلك تدخلها غير. في الضرورات القصوي و في تعليمات للتعامل مع اهل المكان
اولا الادب و الاحترام مع كل الموجودين سواء عمال أو أهل السرايا ومن الاحسن متتعاملش مع حد داخل السرايا
لان في هناك بنات وانا مبحبش الاختلاط
مالك أو مليكه / تمام كل اللي حضرتك قلته تمام بس في حاجة كده عاوز استفهام
يعني ايه حنام في مبني العمال
غسان /ودي محتاجه توضيح حضرتك حتنام مع عمال المزرعة انا كل حد بيشتغل في المزرعة بينام هناك
مليكه / مفهوم يعني الاوضه بتاعتي مشتركه مع حد ولا حنام في اوضه لوحدي
غسان بسخرية/لا حنحجز لحضرتك جناح في الهلتون. او شيراتون ايه رايك
ثم تغيرت نبرة صوته للحده.. حضرتك احنا في مزرعة مواشي مش في اوتيل خمس نجوم الأوضه بتاعت سعاتك معاك فيها اتنين
وكمان وفي مطعم خاص بالمبني واخد الدور الارضي كله
يعني الاكل كله بمعاد
مليكه وهي تعدل موضع النظارة تمام تمام يافندم
فلاش بااااك
مليكه / نسرين اسمعي بقي اللي حقوله. ومش عاوزاكي تقطعيني خالص
انتي عارفه لما احط حاجة في دماغي يلا السلام انا موضوع المزرعة ده راشق جوا دماغي
نسرين/ مهو مينفعش يا لوكا ازاي بس الشرط واضح
مليكه / عارفه أن الزفت الشرط ده مشكله بس انتي عارفه اختك كل مشكله وليها حل
انا دخلت علي النت و جبت كيفية التنكر
قطعتها نسرين / اااايه شكلك اوعي يكون اللي في بالي
مليكه هزت راسها بثقة لنسرين
نسرين/ انتي بتكلمي جد حتتنكري في راجل يا لوكا يخربيت دماغك انتي عارفه لو انكشفتي فيها قضية تزوير و حبس
مليكه / ما انا مش حنكشف بقولك دخلت علي النت و شوفتهم بيعملوا التنكر ازاي
احنا نروح علي شقتي و هناك نحضر كل الحاجات اللازمة و اعمل المكياج بتاع التنكر قدامك علشان انا اللي حعملو لنفسي هناك .
نسرين / انتي مرتبه كل حاجة بس فايتك حاجة هما اكيد حييطلبو بطاقتك و شهاده التخرج وكل دول باسم مليكه
مليكه/ عيب عليكي ودي حاجة تفوتني امال انا نزلة لجانبك ليه و متحمله قرفك
نسرين /انا مقرفه ماشي يا لوكا الزفت شوفي مين حيساعدك وانسي خالص تأكلي من المحشي بتاع امي
مليكه/ بصي بقي اولا مدخليش محشي احلام هانم في الموضوع علشان ده انا راشقه في يعني راشقه
وبما انك اكبر برجرامر في مصر فحضرتك حدخلي الاوراق علي سكنر تلعبي في الاسم بس و تطبعيها
نسرين/ طيب الاوراق سهل اللعب فيها طيب و البطاقه
مليكه/لا دي اسهل مرحله هما اساسا طالبين صورة بطاقة مش الأصل فحضرتك بردو ياشطوره حتلعبي في الصورة
يعني احنا كنا. دخلناكي هندسة برمجيات علشان منستفدش منك بحاجة.
نسرين / يسلام اول ماشطح ازور تعرفي اني حلبس معاكي لو انكشفتي
مليكه عيب عليكي اختك جامدة و شكلك كده نسيتي الشعار بتاعنا
نسرين ومليكه في نفس واحد /, يا نعيش عيشة فل يا نموت احنا الكل .......
ضحكو الاتنين وحضنو بعض
مليكة /. بس اهم حاجه تحطي لسانك في بوقك و سميرة متعرفش حاجة كل اللي تعرفه اني حشتغل في مزرعة وخلاص فاهمة يا نسرين
نسرين / فاهمة ياختي و انا هبله علشان اقول لسميرة دي كانت قطعتني انا وانتي و حطتنا في كياس ورمتنا للكلاب والقطط
وفعلا ذهبت نسرين مع مليكة الي منزلها بعد إحضار كل مستلزمات التنكر
وبداءت مليكه تضع مكياج التنكر علي وشها وكان لازم تغمق لون بشرتها شويه لأن مليكة كانت ناصعة البياض و عنيها بصفاء السماء كانت ايه في الجمال
المشكلة الوحيدة كانت عند لبس الباروكه القصيرة لأن شعر مليكه طويل جدا وناعم لونه لون العسل الفاتح مخصل بخصلات شقرا من يراه يفتكر أنه مصبوغ ولكن ده لونه الطبيعي خصلات ذهبيه وخصلات بني فاتح
مليكة / حنعمل ايه في شعري اللي مش عاوز يثبت ده كل ما الفه يقع من تحت الباروكه
نسرين / استني كده وقامت نسرين مسكاه جامد باستك شعر و لفته وضعت عليه الباروكه
مليكه / تمام كده. بس ياريت اعرف اللفه كده لوحدي ربنا يستر بقي بدأت اشعر بخوف
نسرين/ لاء بقي اجمدي احنا لسة بنقول يا هادي امال لما تروحي هناك حتعملي ايه الله يسترك اوعي تنكشفي مستقبلي في أيدك
مليكه /يابنتي انتي مش عارفه بتتكلمي مع مين انا لوكا و الاجر علي الله
نسرين / طيب ياختي ماهو مش جيبلنا الفقر غير الانزحه بتاعتك
صحيح حضرتك نسيتي اهم حاجة حتلبسي ايه يا فالحة انتي عاوزة هدوم كتير علشان تغيري هناك
مليكه / يابنتي عيب عليكي بقي انتي بتتكلمي مع لوكا لوكا الاولي علي دفعتها
قامت مليكه و فتحت دولاب احمد اتفضلي دي هدوم الزفت انا كنت جيبهالو اهو نستفاد منه بحاجة
نسرين / الله علي دماغك يا لوكا معرفش كانت فين دماغك دي وانتي بتتعاملي مع الزفت احمد كنتي لغياها خالص
مليكة / نسرين لو سمحتي بلاش تفتحي معايا موضوع احمد بجد دمي بيتحرق لما افتكر
ويلا بقي ساعديني أحضر الشنطه وكمان عاوزة اقيس الهدوم علشان في حاجات محتاجة تقصير
نسرين / واكيد عاوزة تضيق
مليكة/ لا مش حديق حاجة خليهم واسعين احسن ممكن بس أضيق بنطلونات. . او بلاش حلبس بنطلوناتي الجينز مش حتبان
نسرين قشطه وعسل عليكي وحضنو بعض
باااك
غسان / هو في ايه انت جاي تسرح عندنا ولا ايه
مالك/ اسف معلش اسف
غسان اتفضل مع محمود علشان يوريك مكان السكن بتاعك
واعمل حسابك الشغل بيبداء من سابعة الصبح لازم تنام بدري علشان الشغل هنا مش هزار وعندك الصبح شغل كتير
ذهب مالك مع محمود تحت نظرات غسان المتفحصة بشده و القلوقه
محمود/اتفضل يا دكتور خش علشان اعرفك علي زمايلك في الأوضه
دخلت مليكه مبني عملاق متكون من خمس طوابق كل طابق به عشر غرف
انخضت مليكه من منظر المكان فكان المكان كله رجال فقط من جميع الأعمار وكله ماشي باريحيه كأنه في بيته
دخلت مليكه الغرفة مكونه من تلات سراير وحمام
دخل محمود اهلا ياقوم عاملين ايه اعرفكم بزميلكم الجديد مالك دكتور الحيوانات
نظرت له مليكه نظرة غضب
محمود / خلاص يا عم متزعلش اقدملكم دكتور مالك دكتور بيطري جديد معانا و حينام معاكم اتفضلو عرفوا انتم نفسكم للدكتور انا ماشي سلام
تقدم شخص انا محمد مهندس زراعي 29سنة
وانا زياد ماسك شغل الحسابات في مزرعة 27. سنه
وانا مالك دكتور بيطري
بعد ترحاب جلست مليكه علي سرير و عنيها زايغه مش عارفه تتصرف ازاي هي لازم كل يوم تعدل مكياجها و شعرها يا لهوي يالهوي شعري حيفضحني حعمل ايه انا في كارثة اللي وقعت نفسي فيها عملت حساب لكل حاجة بس معملتش حساب النوم استرها معايا يارب
وفجاءة شهقت مليكة و فتحت عينيها علي آخرها
احمد زميلهم خارج من الحمام بلفوطة بس
و التاني بيستعد لدخول الحمام بالسروال الداخلي بس
مليكة يا نهار اسود يانهار اسود
احمد / في ايه يا دكتور ايه عمرك ما قعدت مع رجاله في اوضة واحدة
ايه مكنتوش ايام الكليه بتطلعو رحلات أو مؤتمرات
مليكه / هزت راسها بالنفي ودورت وشها
ضحك احمد انا اول مرة اشوف راجل بيتكسف انشف كده حتعرنا
وفي مكان تاني كان غسان سارح و بتأمل المكان
دخل عليه حازم
استتتوب
حازم صديق غسان من الطفوله وهو الوحيد اللي مسمحله دخول السرايا
باااك
حازم / رحت لفين كل ده سرحان
غسان/ حازم انت هنا من امتي
حازم /من بدري قوي ايه يابني سرحان في ايه
غسان /في دكتور البيطري الجديد
حازم / ماله في ايه انا سمعت أنه معاه شهادات كويسة
غسان/ اه بس انا مش بتكلم علي شهاداته
حازم/ امال في ايه
غسان / معرفش في حاجة غلط طري كده متحسهوش ناشف وكل شوية يغلط و يتكلم بصيغة مؤنس معرفش في حاجة كده مش مريحاني و سيم جدا عمري ماشفت راجل بشرته صافيه قوي كده مع أنه لابس نظاره وكاله وشه كله بس واضح أن بشرته صافيه في حاجة غلط
عارف متحسهوش راجل كده
ضحك حازم امال حيكون ايه مصيبه يكون يا رجال يابت
غسان / فهم قصده وضحك لاء لم نفسك مش لدرجادي
حازم /ولا تزعل خش علي النت ودخل
اسمة و سنة تخرجه والرقم القومي وحتعرف كل حاجة عنه هي مش الاوراق بتاعته معاك
غسان اه فكره انا حقوم اجيب الاب توب
الفصل الخامس
حازم /ولا تزعل خش علي النت ودخل
اسمة و سنة تخرجه والرقم القومي وحتعرف كل حاجة عنه هي مش الاوراق بتاعته معاك
غسان اه فكره انا حقوم اجيب الاب توب
ترجع بقي مليكة و مصيبتها
محمد/ خير يا دكتور حتفضل قاعد مكانك كده كتير قوم اتحرك خدلك دوش زياد طلع خش وراه ولسة مليكة بتلتفت لقت زياد طالع بلفوطة
مليكة/ نصيبت ايه دي بس ياربي
زياد/ يلا بقي يا مالك خش دورك بس اعمل حسابك كل يوم واحد عليه تنضيف الحمام انت بكرة دورك
اخدت مليكة شنطتها ودخلت الحمام
مليكه/ ياربي حعمل ايه دلوقتي حنام ازاي يارب حلها بقي من عندك انا ايه اللي عملته في نفسي
انا احسن حاجة افضل قاعده هنا لحد ما ينامو بعدين اطلع بس افرض مناموش لاء حينامو الشغل هنا بيبداء من سبعة اكيد حينامو
سمعت خبط علي الباب
محمد /مالك كل ده جوا بتعمل ايه اطلع يابني عاوز اخش الحمام علشان أنام
مليكة /حاضر حاضر خلاص اهو وبدلت مليكة ملابسها بلبس نوم واسع رجالي طبعا
وخرجت ويا رتها ما خرجت
كان زياد و محمد بملابس الداخلية بينامو كده لان الجو في المبني حار جدااا
محمد /ايه يابني كل ده بتخترع وايه اللي انت لابسة ده الجو نار اقلع متكسفش كلنا رجاله زي بعض
مليكه/ هه لاء لاء انا كده مبسوط انا بحب انام كده شكرا
محمد/ انت حر انت اللي حتفطس من الحر اوعي كده خليني ادخل الحمام
مليكة جلست علي السرير و كانت فعلا حتموت من الحر غير أن الباروكه كانت حتموتها من الحر
نروح بقي لغسان باشا استرها يارب
دخل غسان غرفة المكتب و فتح الاب و بداء يبحث عن مالك عمار الباشا و كل مرة يطلع نتيجة البحث أنه مافيش حد بالاسم ده
دخل علي كليه الطب البيطري وكتب سنة التخرج و الاسم طلع اقرب حاجة للاسم مليكه عمار الباشا
غسان ازاي ده اكيد في غلط
دخل تاني بس بالرقم القومي بتاعها
طلع الاسم مليكه عمار الباشا الاول علي الدفعة بدرجة امتياز مع مرتبه الشرف
غسان / ينهار ابوها اسود ده تزوير انا حسجنها
غسان لنفسة لاء اسجن مين اهدي كده يا غسان وقول هديت دي فرصة وجات لحد عندي انتقم فى جنس حوا كلهم دانا حطلع عليكي القديم و الجديد بقي حته عيله تضحك علي غسان كيلاني دا انتي ايامك الجاية كلها هباب اصبري عليا يا مليكه هانم الصبر حلو
بس دي كارثه ازاي حتنام في المبني هناك
انا حسبها يومين تتربا بس يارب محدش يلاحظ انها بنت دول يكلوها حيا دول مبيشفوش جنس ناعم غير في التلفزيون استرها يارب
وانتي بقي ياست مليكة عاوزة تخطيط من عيار. التقيل لحد متقولي حقي برقبتي لأن السجن حيكون رحمة ليكي من اللي حعملو فيكي
نرجع بقي لست الحسن مليكة هانم
زياد / ايه يابني انت متكلفت بلغطا كده ليه داحنا قالعين وحنموت من الحر
مليكة / يا جماعة ما كل واحد يخليه في حاله أنا مرتاح كده
محمد /زياد سيبه بقي ده شكل معقد أطفي النور خلينا ننام. الشغل بكرة كتير. و الفطار لو فاتنا مش حناكل قبل الظهر
مليكة /مش فاهم يعني ايه لو الفطار فتاكم
زياد / بص ياعم المحترم تحت هنا في مطعم كبير خاص بالعمال في مواعيد ثابته يعني فطار من ستة الصبح لستة ونص بعد كده مفيش فطار لو ملحقتوش تستني معاد الغدا الساعة واحدة لحد اتنين ده البريك بتاعنا و بعدين العشا لما نخلص شغل بيكون من تمانية لتسعة بعد كده المطبخ ببقفل و ممنوع اكل يطلع الاوض
مليكة / ليه بقي افرد حد جاع بليل يعمل ايه او حب يشرب شاي او قهوه
محمد / اولا انت من كتر التعب بتاع طول اليوم مش حيبقي عندك وقت تجوع لانك حتنام زي الحمار حتي من غير. ما ترفص و بالنسبة الشاي و القهوة في كاتيل هنا بتشرب اللي انت عاوزة
مليكة / حمار وارفص شكرا علي التشبيه يا كبير تصبح علي خير
محمد و زياد و انت من اهله ياباشا
وفي صباح اليوم التالي نزلت مليكة المطعم لتتناول الإفطار لقت محمد وزياد قاعدين وسط عمال كتير و بيضحكو ويتكلمو
محمد لمح مالك
محمد / مالك مالك تعالي افطر معانا هنا
مالك سلام عليكم
محمد اعرفكم مالك معانا جديد في الاوضه الدكتور الجديد
خالد /ا هلا بدكتور و بداء يخبط علي كتفه مليكه اتزقت معاه
خالد / في ايه يابني انت طري كده ليه انت مفكش زقه في ايه
زياد/ هي زقه بس مشفتهوش واحنا نايمين انت عارف طبعا بنام ازاي من الحر مشفتش وشه جاب الوان الطيف كلها تقولي بنت بنوت و بتتكسف
ضحك خالد وكل الموحدين
احمرت مليكة من الخجل و نقذ الموقف دخول محمود
محمد /دكتور مالك غسان بيه عاوزك علشان يقولك حتبداء شغل ازاي خلص فطارك وتعالي
مالك / خلاص شبعت مش عاوز اكل
محمود/ لاء هنا الكلام ده مينفعش انك مش جعان أو ملكش نفس لأن وقت ما تجوع مش حتعرف تاكل غير في معاد الغدا و الشغل هنا شقي لازم تاكل كويس
مالك / حاضر اخدت مليكة صنيت الفطار وجلست علي تربيزة بمفردها تأكل في صمت ومخها شغال في اللي جاي
ياتري انا عملت الصح ولا غلط استرها يارب انا ادبست خلاص و مضيت العقد يعني مفيش راجعه كمان الشرط الجزائي اللي في العقد يخض
انا حكمل وخلاص زي ما تيجي بقي اما اروح اشوف غسان باشا ده كمان يا شمتك يا نسرين الكلب لما تعرفي الحوسة اللي انا فيها
ذهبت مليكة لغسان
مليكه / أيوة حضرتك طلبتني
غسان /أيوة اتفضل اقعد يا دكتور
جلست مليكه
غسان ايه عجبك السكن بتاعك
مليكة يعني
غسان واصطنع الغباء !!! مش فاهم معجبكش يعني
مالك/ لاء مش القصد اصلي انا طول عمري بحب الخصوصيه و زي ما حضرتك عارف انا قاعد مع اتنين في الاوضة صحيح هما كويسين بس انا اللي مش متعود علي الزحمة
غسان /معلش بكره تتعود و تصاحبهم كمان لازم تكون اجتماعي والا ايه
مالك/ اه تمام تمام
غسان/ ندخل بقي في الشغل بص يا سيدي انا عندي قطيع كبير من الأغنام فجاءة لقيت أنهم بيموت منهم اتنين أو تلاته في اليوم بشكل متكرر والباقي ظهر عليه أعراض حمي
وقفت مليكة وديني هناك بسرعة انت لسة حتتكلم يلا
غسان / في ايه انت وقفت كده ليه
مليكة / ده فيرس خطير وممكن يصيب الإنسان في حد اتعامل معاهم مباشرا بدون قناع و جوانتي
غسان / مش عارف بصراحة
مليكة / طيب يلا بسرعة حضرتك مقلتليش الكلام ده امبارح ليه كل لحظة بتعدي الكل هنا مهدد بلخطر ده احتمال يكون وباء
انت فصلت بقيت المواشي والا لاء علشان لو مفصلتش حتحصل مصيبه
غسان/ فصلتهم طبعا
مليكة /انت لاحظت الأعراض دي من امتي
غسان/ من اسبوع
مليكه/ ربنا يستر اسبوع كتير جدا.
اجمع كل اللي كانو بيتعاملو هناك و هات دكتور مناعة ضروري هنا في المزرعة
غسان/ احنا فعلا عندنا دكتورين متخصصين هنا في المزرعة
مليكة استدعيهم بسرعة
عقمت مليكة نفسها وعقمت الحارس و لبسو لبس واقي
ونفس الكلام غسان وبداء يتفرج عليها وهي بتشتغل مينكرش أنه اعجب بحماسها ولهفتها على الشغل و لاحظ أنها بتشتغل بمهارة عالية
مليكة /ا مسك كده معايا يا عم عارف لازم المصل ده ياخده القطيع كله
دخلو دكاترة بتوع التعقيم
غسان/ اهلا بالدكاترة ثواني
غسان /دكتور مالك ممكن ثواني الدكاترة وصلو
مليكة / سلام عليكم انا مالك دكتور بيطري جديد انا لحظت انا الأغنام عندها فيرس... وده فيرس زي محضرتكم عارفين ممكن ينتقل للانسان فا انا عاوز حضرتك فحص شامل لكل اللي كان بيتعامل مباشر مع الأغنام بما فيهم غسان بيه
غسان/ بس انا مكنتش بتعامل مع الغنم
مليكة /بس حضرتك اتعاملت مع البني ادمين اللي كانو
بيتعاملو مع الغنم والا ايه
استغرب من طريقتها في التحدي و الكلام
دكتور حسن /حضرتك عندك حق ولازم نعمل كشف كامل لكل العمال بس ده حياخد وقت احنا الاول نفحص اللي كانو بيتعاملو مباشر و بعدين ربنا يحلها
مليكة / تمام استأذن انا ورايا شغل كتير
حسن /وانت غسان باشا اتفضل معانا علشان الفحص
ذهبت مليكة لشغلها و من كتر الشغل نست معاد الغدا خلصت ملكية اعطاء المصل المضاد للفيروسات لكل الأغنام و قامت للكشف علي باقي المواشي حست بالتعب و الإرهاق
مليكة /انا اول مرة اجوع كده هي الساعة كام يالهوي الساعة ستة الغدا راح عااااا انا جعانه جداااا مش قادرة
ذهبت مليكة المطعم
مليكه / السلام عليكم أنا جعان ملحقتش غداء ممكن اي حاجة اكلها
الطباخ / اسف الاكل هنا بمواعيد بناء على تعليمات غسان باشا كل حاجة ماشي. بنظام
مليكة / بقولك جعان تقولي نظام احنا هنا في سجن والا ايه .
وعرق الجنان ركب عليها هي اساسا لما بتجوع بتاكل البيت كله .
اتفضل خش هاتلي اكل بقولك جعان يابني ادخل انت مبتفهمش عاوز اكل
الطباخ /, وبداء صوته يعلي انا بنفذ أوامر مفيش اكل في. مواعيد للاكل مش ذمبنا انك فاتك معاد الغدا اتفضل منها لوسمحت
خرجت مليكه تبرطم وتلعن الطباخ وكالعاده بتخبط مليكة في أي حد معندهاش خبر
خبطت مليكة في غسان
مليكه /وبعدين بقي في اليوم اللي مش عاوز يخلص ده
غسان هو أنا كل ما اشوفك القيك ماشي تبرطم وتكلم نفسك في ايه يا دكتور وايه اللي معصبك كدة
رفعت مليكه عينيها لفوق.
لقت غسان ومعاه بنوته قمر اصغر منه
مليكة اسف غسان باشا. اني خبط فيك اصلي كنت بتخانق مع الطباخ
غسان. عادي انا اتعودت كل ما شوفك تخبط فيا معندكش قواعد مرورور خالص احمد ربنا انك مش سايق
ليه بقي كنت بتتخانق أن شاء الله هنا معندناش الكلام ده
مليكة / انا كنت مشغول في الزريبه كنت بدي المصل و نسيت معاد الغدا من كتر الشغل محستش بالوقت غير دلوقتي وانا بصراحه جعان جداا .
قلت ادخل المطعم اكل اي حاجة لحد معاد العشا لكن الشيف اللي جوا مرضاش يديني اكل مش عارف احنا في سجن
وبعد نطقها اكتشفت انها عكت الدنيا كالعاده
أفاقت علي صوت ضحك البنت اللي معاه
ريما / متزعلش نفسك حضرتك هو ابيه غسان كده بيحب النظام بس معلش بعد اذنك يا ابيه حاخد الدكتور و اخلي داده فاطمة تحطلو ياكل شكله تعبانه ومرهق
ابتسم غسان فهو مطمئن أن بنت هي اللي حتخش السرايا مش راجل
غسان / بس يادكتور انا بس حسمح ابالتجاوز ده انهارده علشان انت لسة جديد معانا بس بعد كده تاخد بالك من مواعيد الاكل انا معنديش تهاون مع حد ومش ذمب الشيف اللي جوا انك معندكش احساس بالوقت اعمل حسابك انك في فترة العشا حتعتذرله و قدام كل العمال
ملكية / و قد احمر وجهها و أدمعت عينيها خلاص يا غسان بيه انا مش عاوز اكل حستنا العشا عن اذنكم و مشي
اول مرة غسان قلبه يوجعه علشان واحده اول مرة يحس أنه زودها
ريما / ليه كده يا أبية ده شكله كيوت خالص حرام كمان شكله جعان فعلا وتعبان بدل منقوله كتر خيرك علشان تعبه مع الأغنام ده لو هو مكنش موجود كان ممكن يحصل كارثه
غسان خلصنا هو مين قالك علي موضوع الفيرس
ريما ا/المزرعه كلها بتتكلم عن شطارة الدكتور الجديد وازي قدر يتحكم في الوضع و ازاي عمل قلبان في المزرعة و الكشف علي كل ناس
غسان / هو مفيش حاجة بتستخبي بصي يا ريمت قلبي الدكتور مبيشتغلش ببلاش ده بياخد مرتب و مرتب كبير جداا في مقابل شغله
ريما/ بس حضرتك بردو زوتها
غسان/ خلاص بقي يا ريما يلا علي السرايا
مشت ريما وعلي وجهها ابتسامة غريبة
ريما / ايه الواد المز ده بجد يجنن لا ودكتور برستيج بردو بصراحة يتاكل الحق اعلقه قبل ام اربعه وأربعين متشوفه بصراحة ميتسبش وانا مش حسيبه
تعليقات
إرسال تعليق