القائمة الرئيسية

الصفحات

آخر الأخبار

رواية قلوب ارهقها نبضها الفصل الاول بقلم نرمين قدري

رواية قلوب ارهقها نبضها الفصل الاول بقلم نرمين قدري


رواية قلوب ارهقها نبضها الفصل الاول بقلم نرمين قدري

 الفصل الأول

في بيت قروي جميل تقف عواطف في نص دار 

عواطف رافعة رأسها لاعلي وبصوت عالي 

عواطف/مسك بت يا مسك ردي عليا يالي نتشكي في قلبك يا شيخة 

مسك/بزهق ااووف خير يا مرات ابويا صوتك عالي ليه في ايه في ايه الجيران زهقوا من صوتنا العالي ده كل يوم ايه مش بتزهقي خالص 

عواطف /انتي فين يابت بتعملي ايه كل ده عندك علي سطح بقالك ساعتين خير 

مسك/حكون بعمل ايه بس يا مرات أبويه بتفرج علي سيما باكل الطير زي ما قولتيلي مش بلعب يعني 


عواطف /كل ده بتاكلي الطير ليه دول حيلاله كام فرخه علي وزيتن علي عشر بطات يعني مش مزرعة علشان تقعدي كل ده فوق و سيباني لوحدي في شغل البيت ولا انا الخدامة اللي ابوكم جبهالكم انتي و اللي تنشك هيا كمان اختك 


مسك / برهق و قرف خلاص خلصنا يا مرات ابويا نزله اهو 

نزلت مسك بغضب منها ومش طيقها


مسك / بغيظ اهو نزلت خير عاوزة ايه اعمل علشان دوشة دي كلها الي انتي عملتيها 


عواطف /هي فين اللي تنشك في قلبها البت عطر مش باينه من صباحية ربنا 


في نفس اللحظة دخلت بنت تجري بتعدل طرحتها 


عطر/ بتأفف انا هو يا مرات ابويا صوتك مسمع لحد دوار العمدة خير في ايه القيامة قامت 


عواطف التفتت ليها كنتي فين يابت انطقي اه اكيد كنتي مع محمد هو احنا لينا شغلنا غير مرقعه وقلت حيا اللي مش بتخلص دي 

كان يوم ماطلعتلوش شمس يوم ما اتجوزت ابوكم بنات هم 


عطر/ بعصبية وآية لازمة كلام ده دلوقتي يامرات ابويا كلام ملهوش عازه ولا اي لازمة يتقال كل يوم تسمعهولنا ايه مش حافظه غيره 

و فجاءة شدتها عواطف من شعرها 


عواطف/ بغيظ وانتي بقي يا بت تهاني اللي حتعلميني اقول ايه ومقولش ايه و الله عشنا و شفنا 

عطر بصوات من الالم اااه شعري سيبي شعري يا مفتريه 


جرت مسك عليها عواطف وشدتها 


مسك بصوت عالي /بقولك ايه يا مرات ابويا حسك عينك تجيبي سيرة امي علي لسانك تاني او تلمسي واحدة فينا وعطر ماكانتش بتتمرقع مع محمد .زي ما كل يوم تسمعينا الاسطوانه المشروخه دي 

محمد في مقام جوزها هما كاتبين كتاب و محمد ابن عمنا يعني يخاف علينا اكتر من نفسة فاهمة 


في دخلت ابوهم علي صوتهم 


فايز /يافتاح يا عليم يا رزاق يا كريم هو كل يوم خناق مينفعش يوم يعدي كده الواحد زهق 


عواطف/كلام ده تقولوا لبناتك مش ليا انتو تحمدوا ربكم اني قبلت اقعد في بيت زي ده واربي بناتك واتحمل قرفكم كلكم 


فايز /خلصنا بقي يا عواطف اهدي كده واسمعي المفيد اعملي حسابك بكرة صبح تاخدي بنات وجري علي دوار العمدة عاملة ليلة علشان فرح ابنه امجد و الكل يخدم في مطبخ وانتي عارفة بقي العمدة بيعمل فرح عياله ازاي 

عواطف/هو ده اللي ناخده منك اوامر وبس ماشي لما نشوف اخرتها و التفتت ناحية بنات 

و انتي ياشملوله منك ليها أجروا خلصوا البيت ده علشان حنمشي صبح بدري علي دوار العمدة

عطر /متعملوش حسابي معاكم انا مش رايحة ولا جاية انا قاعده هما مش حتحرك من مكاني 


عواطف/ وليه بقي يا شملوله أن شاء الله علي رجلك نقش حناء


عطر / لا حنه ولا غيرة بس انا محمد منبه عليا مرحوش هناك انا حقعد استناك هنا وأشوف طلبات ابويا لحد ما ترجعوا 


عواطف / شوفت بقي بنتك و دلع بتعاها مش حتخلص من أوامر سي محمد ده تقولش السفيرة عزيزة و خايف عليها حكم 


مسك / مخلاص بقي يا مرات ابويا جوزها ومش عاوزها تروح انا رايحه معاكي خلاص بقي مش موضوع خلصنا 


عواطف /يا ما نفسي اقص لسانك ده اللي متبري منك قصره بقي انا داخلة انام اقوم الاقي كل حاجة. خلصت مفهوم ياختي منك ليها 


عطر / في نفسها اوف اخيرا حتنام ياساتر نوم الظالم خلينا نشم نفسنا بقا 


مسك / انتي بتقولي كده وكلها كام شهر و حتتجوزي محمد و تسبيني و تسافري اسكندريه انا بقي اعمل ايه معاها لوحدينا بجد انا كل ما افتكر قلبي يوجعني 


عطر /غصب عني فراقك يا مسك بس شغل محمد والله هناك بكرة ربنا يعوضك بواحد ينسيكي القرف اللي احنا فيه

مسك/ بجد يا عطر نفسي قوي احب و اتحب نفسي ابقي زي الاسطورات اللي بيتكلموا عليها عبله و عنتر و قيص وليلي

عطر/ ليه بتقولي كده حرام عليكي كل اللي بتقولي عليهم دول مكملوش مع بعض 


مسك/ ماشي يا ختي يلا قوي شوفي اللي وراكي علشان الحرباية لو قامت حتفرج علينا دنيا 


وعلي جانب تاني في دوار العمده

مظاهر الفرح تعم مكان الكل بيشتغل علي قدم وساق استعداد للفرح امجد ابن العمدة 


دخل ماجد وأمجد وبيجاد علي والدهم 


ماجد /خير يابوي سمعت انك شيعت حد ينادي علينا 


محمود /تعالو يا ولاد خشوا عاوزكم 


بيجاد/ في ايه يا حاج لتكون عاوز تجوز علي اشجان وتعمل فرحك مع امجد 

محمود/ اتلم يا ولا امك لو سمعتك حتعملك كفته 


بيجاد/ قول بقي أن الحاجة لسة بتغير عليك لحد دلوقتي يا حاج

في دخول اشجان و مغيرش عليه ليه بقي أن شاء الله

يا ولا اتلم بقي وخليك في حالك وفي خيبتك مش عارف تجبلنا عروسة نفرح بيها


بيجاد/ لا وعلي ايه اتلم احسن قال عروسة قال عبيط انا علشان اتجوز انا بعقلي كده مرتاح اروح اجيب لنفسي واحده تفضل تزن رايح فين اتاخرت ليه كنت فين لا دي سنجله چنتلة ولا ااايه


امجد /الله يكرمك وجاي تقول كده انهاردة طايب كنت قولتلي قبل ما تهبل واعمل فرح 


محمود/ خلاص بقي اقعدو علشان تسمعوا عاوزكم ليه 


اشجان/ خير يا ابو ماجد في ايه مالك افرح انهاردة فرح امجد بكره بيجاد بعده البت مفعوصة وبكرة تشيل عوضهم قول أن شله 


محمود / أن شله يا ام ماجد الا هي فين مفعوصة صح مش شايفها


بيجاد ،/ عادي تلاقيها بتعض حد من شغالين تحت ماهي اتسعرت

في دخول مروة يا سلام انا اتسعرت طايب تعالي اوريك بقي العض بيكون ازاي 


محمود /خلاص يا حبيت ابوكي تعالي هنا جامبي سيبك منه ملكيش دعوة بيه هو اللي اتسعر لكن انتي ست البنات سكر نبات 

التفتت مروة طلعت لسنها لبيجاد 


محمود / بصوا بقي انا عاوزكم انتم الأربعة في ظهر بعض مش عاوز ست تغيركم كلكم سند لبعض أنهارده داخل في عيلتنا واحده جديده وهي ندي مرات امجد البت مهما كان غريبة عننا عاوزنها تا خد اول انطباع عنا يكون كويس الشغل حيتقسم عليكم كلكم 

ماجد حايمسك شغل الأرض كله 

امجد الحسابات بتاعة شركات 

بيجاد حيمسك تعاملات خارجية وسفر تخليص جمركي بحكم أنه مش متجوز و يقدر يسافر براحته

ومروة حتمسك المعاملات البنكية ومشاكل العملاء

كده تكونوا ايد واحده والشغل حيكبر وتكونوا اكبر مجموعة في عالم التجارة والصناعة والزراعة 

اوعوا تدخلوا حد بنكم أو حد يغيركم 


مروة /بصوت واطي ويبعد عننا سم حيه اللي فوق 


ضحك بيجاد بصوت عالي وغمز لمروة أنه سمعها بصوا لبعض وضحكوا هما الاتنين 


ماجد/ماشي ماشي عارف بتضحكوا علي ماشي براحتكم 


اشجان /اوعي تزعلي من اخواتك يا ماجد هما بيحبوا يهزروا يعني مش عارف بيجاد و مروة لما يتفقوا سوا 


امجد/,كفايا بقي انا عريس ياناس عاوز افرح 


نطت مروة جامب بيجاد وهما الاتنبن بصوت واحد 

ياولاد بلانا يوم الخميس حكتب كتابي وابقي عريس و دعوة عامة وحنبقي لما وفاطمة لاء 


اشجان/ اتلم منك ليها وشوفوا بتعملوا ايه انا نزله المطبخ اشوف شغل علي بال ما عواطف تيجي بكرة تخبز 


وبليل دخل ماجد اوضه 


ماجد/ مساء الخير يا فاطمة قاعده زي بومة كده ليه كانك عندك مايت مش فرح 


فاطمة/ خير يا ماجد داخل بتقول يا شر اشتر ليه 


ماجد / أنتي اللي في ايه الكل تحت عمال يحضر لفرح بكره وانتي قاعده هنا لوحدك خير في ايه 


فاطمة/ ماهو يا تجبلي طقم الماظ زي اللي جابه امجد لندي يا مش قاعداك فيها 


ماجد /طايب ندي عروسة ودي شبكتها انتي عاوزة طقم بأمرة ايه وانتي جالك شبكه زيها


فاطمة / اه جالي بس مش الماظ زيها 


ماجد/ بنفاذ صبر ماكل واحد بيجيلوا رزقه ارضي باللي عندك علشان ربنا يراضيكي


فاطمة /مليش دعوة عاوز طقم الماظ مليش في يا اما مش قاعداك فيها 


خبط الباب ودخلت مروة شافت جو مكهرب 


مروة / في نفسها استر يارب شكلها مغيمة ابو نكدها بومة علي رأي الواد بيجو 


فاطمة/ خير يا مروة انتي جاية تسرحي عندن هنا ولا اايه 


مروة /مافيش يا فاطمة امي عاوزاكي تحت علشان الشغل كتير ياختي ولسة بكرة بنات البلد حاتيحي تساعد لكن انهاردة مافيش غيري انا وامي و البت روحيه وشغل كتير ورجاله في مندره عاوزين اكل 


فاطمة/ نزله اهو وراكي 

شاور ماجد لمروة. بمعني لا لا خوديها معاكي

ابتسمت مروة شبه ابتسامة خفيفة


مروة /لاء امي قالتلي منزلش غير بيكي وانا مقدرش انزل اقول لاشجان حتيجي ورايا 


قامت فاطمة نزله اهو ما هو مافيش غير فاطمة في البيت ده وسابقت مروة ونزلت 


مشت مروة وراها ورجعت بضهرها ومدت رأسها 


مروة /خلصتك منها عد جمايل ليا عندك واحده ماشي 


ماجد/اجري ابت علي تحت يابووووي سبيني استمتع بالاوضة لوحدي لاء وواد امجد عبيط رايح يتجوز والله ما بيفهم في البيت ده غير والولا بيجاد ده ملك اقسم بالله ملك علله بس ميتهورش هو كمان ويعملها 


مروة نزلت تضحك بصوت عالي وفي نفس وقت عينيها بتتحسر علي باخت اخوها ربنا وعده بزوجة طماعه مش بتشبع 


وتاني يوم استعدت عواطف و مسك وراحوا دوار العمدة 

مسك كانت ايه في جمال بشعرها الكستنايء مجعد طويل لحد نص ظهرها و عينيها لونها فيروزي و نمش احمر خفيف علي وشها لبست عبايا سودا وحطت طرحة علي رأسها وماشت مع مرات ابوها علي دوار العمده 

دخلت عواطف 

عواطف /يا اهل الدار سلامة عليكم. انا جيت .

ملكة القلم نرمين قدري


اشجان/ تعالي يا عواطف خوشي عوقتي قوي عاوزين نخبز ازيك يا الا انتي مين فيهم مسك ولا عطر


مسك /انا مسك يا خاله أنتي ازيك وصحتك عاملة ايه


اشجان /كويسة يابنتي مشاء الله واخده جمال امك تهاني رحمة الله عليها كانت ايه في جمال زيك أنتي واختك عطر كده 

امال هي فين عطر ماجنتش وياكم ولا ايه 


مسك /عطر سبنها في البيت علشان ابويا 


اشجان /ماشي يا بنتي خشوا بقي علي مطبخ شغل كتير والوقت بيجري 

دخلت مسك مطبخ سلامة عليكم ازيك يا بت ياروحيه 

روحيه/ اهلا مسك عاملة ايه وحشاني فينك 

مسك / تحت النظر يا ختي انتي اللي فينك 


في دخلت مروة مسك مش معقوله فينك يا بنتي وحشاني قوي ايه رحتي وقولتي عدولي ما شوفتكيش من سنه تقريبا

مسك /معلش بقي يا ست مروة انا بذاكر في البيت انتي عارفه الظروف ومرات ابويا بتحرجم تقاعدني من تعليم وعاوزانا نكتفي بالثانوية العامة


مروة انتم دخلتوا كليه ايه 

مسك في سرك محدش يعرف الكل عارف أننا قاعدنا بعد ثانوية عامة علشان مرات ابويا احنا دخلنا تجارة انتساب بنروح علي الامتحانات بس بذاكر انا وعطر سرقه كده 


مروة/ الله يكون في عونكم وبلاش ست مروة دي انتي اختي يامسك وانا بحبك وربنا يعلم 


في دخلت فاطمة بتغير من مسك جداا لجمالها 


فاطمة /ااايه حنفضيها كلام وشغل فوق راسنا والايه 

وانتي حتشتغلي بالعباية كده ياسنيورة


مسك / منا مش جايبة لبس معايا ولابسة من تحتها عباية البيت 

فاطمة/ ماشتغلي بعبايه البيت ياختي ولا لبسة الحرير وخايفه عليه 


بصت لها مسك نظرة تحدي 

وقلعت مسك عبايات سودا وكانت لبسة عبايات حمرا وفردت شعرها و غل فاطمة عليها اكتر من كتر جماله


مروة / بسم الله مشاء الله ايوا كده الله اكبر علي جمالك 


مسك /طايب محدش من رجالة يخش هنا صوح


مروة / لا اطمني الكل في مندرة احنا هنا كلنا حريم في بعض 

وانهمك كله في شغل البيت 

دخلت روحية 

روحية /ونبي يا مسك خودي صنية عصير دي طلعيها الست حاجة برا معاها ضيوف وانا ايدي مش فاضيه 


مسك /عنيا يا ورحيه هاتيها شالت مسك صنية وكانت تقيله عليها خرجت بحظر وباصة علي صنية علشان ماتقعش من ايدها 

وفجاءة خبط في حد وانقلبت كل صنية بالعصير عليه 

مسك بشهقه اايه مش تفتح وتبص قدامك 

بيجاد / والله اللي هو انا صح اللي افتح مش انتي اللي ماشية ومش باصه قدامك 


رفعت مسك عنيها جت في عنيه 


بيجاد / يا لهوووي هو في كده انتي مين اوعى تكوني جنيه مش بني آدم زينا انتي جنيه صح


مسك/ انت مالك انت أنا مين اعتذر علي اللي عملته اه انا جنية جاية من عند ملك جن خاف بقي 


بيجاد / انتي هبله يا بت مين اللي بعتذر لمين انتي اللي خبطيني ووقعتي عصير عليا 


مسك / وانا مش حعتذر علشان انت اللي ما كنتش باصص قدامك مش انا

بيجاد /ههه انتي بتحلمي مين ده اللي بعتذر واعتذر لمين اصلا 


ملكة القلم نرمين قدري


طلعت مروة علي صوت في ايه بس شافت بيجاد ماتت من ضحك

مروة/ الله مين عمل فيك كده يابيجو 

مسك / هههههههههههه بيجو اسمك بيجو وعمال تزعقلي 


بيجاد /والله جد عجبك الاسم 

وشد مروة عجبك كده يا مفعوصة ضحكتيها عليا بس مين قطة دي 

احمر وجه مسك بشدة وجرت علي مطبخ


مسك/ روحية اجري معلش نضفي الأرض برا احسن عصير وقع مني

وبرا بيجاد انطقي يا مفعوصة مين البت دي يخربيت كده 

مروة / معرفش وسيب شعري بقي احسن حقول لبابا وقولي صحيح بقي انت ايه اللي جابك هنا مش قاعد مع رجاله برا ليه. 


بيجاد خبط علي راسه اوف ناسيت يخربيت فقرك أبوكي عاوز شاي في المندرة اوعي تبعتيه مع قطة خالي روحية اللي تجيبوا 


وبراحتك يا مفعوصة حعرف هيا مين لوحدي حطلع اغير هدومي علشان زمان ابوكي استعوقتي وماتنسيش شاي الرجاله برا 

طلع بيجاد وعلي وشه ابتسامة غريبة مش عارف سببها



تعليقات

CLOSE ADS
CLOSE ADS
close