رواية حكايات بنات البارت الخامس والعشرون والسادس والعشرون والسابع والعشرون والثامن والعشرون كامله
 |
حكايات بنات p25
شيري
دخلت علي رفيق المكتب، لقيته ماسك صوره ولما شافني سابها ومسح دموعه
رفيق _ اهلا بالمتطفله
شيري بإبتسامة _ ملقتكش في البيت كله وجيت ادور عليك هنا.. بتعمل ايه بقا
رفيق _ ولا حاجه..
شيري_ ممكن اتطفل واسالك عن الصوره دي
رفيق _ دي صورة بنتي
شيري _ الله يرحمها
رفيق _ يارب... كنتي بتدوري عليه ليه
شيري _ كنت عايزة ارجع البيت اكيد اخواتي قلقانين عليه
رفيق _ انا ممنعتكش، بس لازم تقرري هتعملي ايه مع اختك لما ترجعي
شيري _ المفروض اني اعمل ايه.
رفيق_ تقوليلها الحقيقة
شيري _ مقدرش، اكيد هتزعل منى
رفيق _ لو هتقدري تخدعيها وقت كبير، يبقا براحتك ده قرارك
شيري _ انا ممكن اخليه يسيبها ويبعد عننا، ده حل كويس
رفيق _ و هو هيسيبك؟
شيري _ وميسبنيش ليه
رفيق _ انتي مش بتقولي شرطه انك تقوليلوه بحبك
شيري _ اه بس ده بعينه، هحذره لو مبعدش عننا هقول ل خاله
رفيق _ وخاله ده هيقدر عليه يعني
شيري _ اه بيحبه وهو اللي مربيه
رفيق_ كويس
شيري _ طيب هتوصلني ولا اتصرف لوحدي
رفيق _ مستعجله اوي.. شكلك زهقتي من القعدة هنا
شيري بإبتسامة _ بالعكس انا ارتحت اوي في الأيام اللي قضيتها هنا، بس لازم ارجع ل اخواتي
رفيق _ هتيجي تزوريني كل يوم
شيري _ اجي كل يوم من القاهرة للاسكندريه.. صعبه شويه.. هجيلك كل شهرين ايه رايك
رفيق _ احنا في القاهره بعيد عن المكان اللي جبتك منه ب ربع ساعه
شيري _ يعني ايه.. انت قولتلي اننا في اسكندريه
رفيق _ انا غنية شط اسكندريه وانتي اعتبرتيها اجابه
شيري _ اه بس انت كنت قاصد تفهمني كده
رفيق _ حسيتك محتاجه اجازه علشان كده قولت اصعبها عليكي
شيري _ صح كنت محتاجه اجازه، بس انت عملت معايا كده ليه، ايه المستفاده
رفيق يبص لصورة بنته _ قولتلك لما شوفتك فكرتيني ب بنتي
شيري _ اتمنا يكون عوضتك عنها في الأيام دي
رفيق بدموع _ انتي هتمشي كمان
شيري _ انت بتقول اننا قريبين هجيلك كل يوم
رفيق _ اما نشوف هتيجي فعلاً ولا بتفضي مجالس
شيري_ هاجى، وهاكول مكرونه بشاميل
رفيق _ وانتي ذنبك ايه تاكلي العك اللي كانت بتاكلو، دول القطط قرفو منها
شيري بضحك_ هاكولها بردو
رفيق _ اتفقنا..
شيري _ طيب هتوصلني ولا امشي لوحدي
رفيق _ اظن انك محتاجه تتكلمي مع الولد قبل ما ترجعي
شيري _ فعلاً لازم اظبط كل حاجه قبل ما ارجع ل اخواتي
رفيق _ بس مش هيضحك علينا تاني
شيري_ مش هيقدر
رفيق _ برافو... خدي كلميه
شيري _ الكارت بقا ب 11 جنيه
رفيق_ كلميه دقيقة واحدة متخلصيش الرصيد
شيري بإبتسامة _ ماشي
خدت التليفون وطلعت في الجنينة واتصلت بيه وانا مش طيقاه بس مجبره اتكلم معاه الاول
أسامة _ مين
شيري بقرف_ ستك
أسامه _ جدتي يعني
شيري بقرف _ انا شيري
أسامه بذهول _ انتي... بتهزري صح .. انتي مين
شيري _ قابلني عند الكافيه القريب من الجامعة ولو مجتش والله لا اقول ل خالك وامنيه علي اتفاقنا و اوديك في داهيه
أسامة _ قوليلي كنتي فين واختفيتي ليه
شيري _ هروح علي هناك ومش عايزة حد يعرف اننا هنتقابل، عاوزة اتكلم معاك الاول
أسامة بفرحه_ جاي فوراً
أمنية
بقيت طول اليوم بلف في الشوارع وادور عليها لغيت ما خدت ضربت شمس ومقدرتش اكمل.. ف رجعت البيت وانا خلصانه و اول ما وصلت وعدي فتحلي استسلمت لتعبي واترميت علي الارض
عدي بقلق _ أمنية مالك
أمنية بتعب _ تعبانة اوي
عدي _ طيب قومي معايا ارتاحي جوه وانا هجبلك دوا
ساعدني لغيت الاوضه وجابلي دوا وبقا يعملي كمدات
عدي _ انتي مولعه
أمنية بتعب_ وياريته جه بنتيجه، ملقتهاش خالص
عدي _ انا هنزل ادور عليها
امنيه بدموع _ شكلها كده مش هنشوفها تاني
عدي _ ماتقوليش كده اكيد هترجع
أمنية بدموع _ خمس ايام ومنعرفش عنها حاجه هترجع ازاي بس
عدي بدموع _ اكيد هي في مكان وكويسه
أمنية ببكاء _ ولما هي كويسه مرجعتش ولا اتصلت ليه... انا حاسه انها ممكن تكون ......
عدي بدموع _ ونبي متقوليش كده، هي عايشه دي بت بارده ومش هتموت بسهوله
أمنية بضحكه خفيفه _ طيب انا مولعه ومش بارده يعني هموت دلوقتي
عدي _ هتخفي انا هروح اغير الميه دي وراجعلك
أمنية_ مفيش داعي انا هنام شويه يمكن اخف
عدي _ ماشي نامي
عز
كنت في البيت لما جاني اتصال من أمنية، حاولت مردش بس خوفت يكون في حاجه مهمه او محتاجه مساعدة
عز _ الو
عدي _ عامل اية
عز بإبتسامة _ بخير حبيبي وانت عامل إيه
عدي _ زعلان منك اوي، كده متسالش علينا
عز بتنهيده _ غصب عني ياعدي
عدي _ غصب عنك طيب... دا انت حتي متصلتش تشوف شيري رجعت ولا لأ
عز _ انا متابع ومخلي ناس تدور عليها
عدي _ طيب وانا وامنيه مدورتش علينا ليه
عز بخنقه _ مشغول شويه سامحني
عدي _ قال هتسافر
عز _ ايوه بعد بكره علي طول
عدي _ طيب ليه يا خالي انا حبيتك اوي ومش عاوزك تسافر عشان خاطري متسافرش
عز بتنهيده_ لازم اسافر مينفعش اقعد هنا تاني
عدي _ ليه لازم، ما تقول ل أسامة الحقيقه وبلاش تجوزها لو خايف، بس خليك معانا عشان خاطري
عز _ أسامه لو عرف هيزعل ومش بعيد اخسره طول عمري
عدي _ ويمكن يفهم وميزعلش
عز _ خلاص يا عدي انا قررت ومش هرجع في قراري
عدي بخيبه _ ماشي
عز بتردد _ أمنية عامله اية
عدي _ خدت ضربت شمس و من بدري اعملها كمدات
عز بقلق _ سلامتها، اجبلها دكتور
عدي _ لأ دي لو عرفت اني.كلمتك مش هتكلمني تاني.
عز _ هي تعبانه اوى
عدي _ حرارتها عاليه
عز _ أسامة بيجيلكم
عدي _ مجاش ليه يومين
عز _ وهي نايمه دلوقتي ولا صاحيه
عدي _ نايمه
عز _ طيب انا جايلك دلوقتى ومتصحهاش
كنت حابب اشوفها قبل ما اسافر وفعلا روحت هناك وعدي فتحلي
أسامة
روحت اقابل شيري في المكان اللي اتفقنا عليه وبعد ما وصلت بشويه جت، وكان شكلها كويس ومفهوش حاجه، ولما قربت منها بعدتني بأيدها وقعدت
شيري _ اقعد
أسامة _ كنتى فين.. انا مسبتش مكان مدورتش عليكي فيه
شيري _ اقعد يا أسامه
أسامه باستغراب _ ايه الأسلوب الجديد ده
شيري _ ومفيش غيره من النهارده
أسامة _ انتى فكرتي اني خدعتك تانى صح
شيري بجديه _ مش موضوعنا، انا حبيت اتكلم معاك قبل ما ارجع البيت
أسامة _ اتكلمي طيب
شيري _ عاوزاك تفسخ خطوبتك مع أمنية وتبعد عننا خالص
أسامه _ مستعد افسخ الخطوبه بس مش مستعد ابعد عنك
شيري _ لا هتبعد عني كفايه كده،، انا مش هسمح لنفسي اني اخون اختي
أسامه _ انتي مخونتهاش.. انتي حبتيني قبل ما اتقدملها
شيري _ عمري ما قولتلك حبيتك
أسامة _ لأ قولتي
شيري _ قولتلها مره واحده من باب الصداقه ومش هقولها تاني
أسامة _ حتي لو مقولتهاش، انا عارف انك بتحبيني زي ما انا بحبك
شيري _ متقولش بتحبني،، انت مبتحبش غير نفسك.. ربنا خالقك علشان تأذي غيرك وبس
أسامه _ انا حبيتك بجد ومش بكدب عليكي
شيري _ اه مانت قولتلي كده وروحتلك الجامعة ملقتكش
أسامة _ لما نزلت من عندك اتصلو بيه وقالولي سامر عمل حادثه ومقدرتش مروحش
شيري _ مش هصدقك، ما سامر كمان صاحبك انتو الاتنين زي بعض
أسامه_ مش مصدقه، تعالي معايا المستشفى وشوفيه هو ومرمي هناك
شيري _ مبقاش عندي ثقه فيك... وانا مش جايه افتح في مواضيع انتهت، انا عاوزاك تبعد عننا وبس
أسامة _ شيري صدقيني مش بكدب عليكي والله انا بحبك بجد، انا كنت هتجنن عليكي ومكنتش هسامح نفسي لو مرجعتيش
شيري _ هتفسخ الخطوبه ولا لأ
أسامه_ لو هخطبك انتي بعد ما اسيب أمنية، انا موافق
شيري_ لا انا ولا هي، احسنلك تسيبها بذوق بدال ما اقولها هي وخالك علي التحدي اللى بينا
أسامة_ ميهمنيش حد غيرك،
شيري_ يبقا انا هقولها واخليها تسيبك هي
أسامه_ ماشي قوليلها، وانا هاجي معاكي علشان أئكد علي.كلامك
شيري_ علي فكره انا مش بهدد انا بتكلم.جد
أسامه_ وانا بردو.. لعلمك اناكنت هقولها بس مستنيكي ترجعي
شيري _ ماشي افتكر انك انت اللي قولت.. وبعد ما نقولها هي مستحيل تخليك تقربلنا تاني
أسامه_ هقربلكم، وهتجوزك غصب عنك حتي لو اطريت اخطفك
شيري _ انا ماشيه
مشيت قدامي وانا روحت وراها لغيت ما وصلنا عند الباب وخبطت
عدي _ مين
شيري _ انا شيري يا عدي
عدي يجري يفتح الباب بفرحه واول ما يشوفها يحضنها
عز
دخلت عندها وقعدت جمبها ابصلها شويه وانا عارف اني مش هشوفها تانى.. وكانت طول الوقت بتهلوث باللي حصل.. متسبنيش... انا عاوزك انت... انت اناني.... وكلام زي ده لغيت ما الباب خبط وبعد شويه لقيت شيري داخله وشافتني هناك وتجاهلتني، وقعدت جمب أمنية وهي قلقانه و بعد دقيقة دخل أسامة و استغرب وجودي
أسامه باستغراب_ انت هنا
عز _ انا كنت جاى...
عدي بمقاطعه _ كان جاي يشوفها مجتش ليه الشغل وانا قولتله انها عيانه، ودخل يطمن عليها
عز _ زي ما قالك.. عن اذنكم
جيت امشي وامنيه رجعت تهلوس بنفس الكلام وتقول متسبنيش وخليك معايا
شيري _ أمنية حبيبتي، انتي صاحيه
أسامه _ دي باين عليها بتهلوث
شيري _ حبيبتي أمنية انتي سمعاني
أمنية _ عز
حسيت ان الموضوع هيتكشف في دقيقة لغيت ما انقذتك الموقف وقالت عز انا بكرهك
أسامه _ باين عليك مزعلها اوي
عز _ واضح كده... انا ماشي، حمدالله على السلامة يا شيري، وسلامتها
عدي _ خليك معانا شويه
عز _ كفايه كده.. اشوف وشك بخير
أسامة _ لسة بردو مُصر تسافر
عز _ اه
أسامه بغيظ_ براحتك خالص. سافر ومترجعش لو حابب
عز بتنهيده _ البركة فيهم عيلتك الجديده
شيري
أمنية كانت بتهلوث بكلام غريب. معقول يكون أسامه قالها انه هيسيبها علشان كده بتهلوث بالكلام ده.. اول ما الهلوثه زادت وبدأت تدخل في حاجات خاصه خليتهم يطلعو من الاوضه و عز مشي من البيت واسامه قعد مع عدي وانا فوقتها ولما شافتني بقت تبكي بتعب ومقدرتش تسند نفسها
شيري بدموع_ سلامتك حبيبتي الف سلامه
أمنية ببكاء_ كنتي فين
شيري بدموع_ انا هنا.. لما تخفي هحكيلك كل حاجه
أمنية ببكاء_ كنت من شويه بقول لعدي انك موتي
شيري بدموع_ لا عايشه وقاعده على قلبكم. بس انا وقعت في الشارع و واحد ابن حلال خدني معاه
أمنية_ ومكلمتنيش ليه او جيتي
شيري_ كنت تعبانة ومقدرتش اجي ولا حافظه رقمك علشان اتصل
أمنية بدموع_ قلقتيني عليكي، خوفت مشوفكش تانى
شيري_ انا رجعت اهو ولقيتك تعبانه.. قومي هنروح لدكتور
أمنية بتعب_ لأ مش هروح انا بقيت كويسه لما شوفتك
شيري_ ياحبيبتي انتي مولعه
أمنية _ انا كويسه
شيري بزهق _ خلاص هجبلك دوا من الصيدلية ويارب نعند ومنخدهوش
أمنية بتعب _ طيب لو نمت صحيني لازم اعرف اللي حصل
شيري _ طيب حبيبتي نامى وانا هروح اجيب واجيلك بسرعه
طلعت من عندها وكنت هطلع ف أسامه كلمني
عدي _ رايحه فين
شيري_ هجيب دوا من الصيدلية
عدي _ هاتي انا هجيبه حالا واجي
شيري_ بسرعه طيب
مشي عدي وانا وقفت جمب أسامة
شيري _ شوفت بتهلوث تقول ايه، الظاهر انها كانت حاسه انك هتسيبها
أسامه_ دا تخريف هي مش عارفه بتقول ايه
شيري_ التخريف بيكون عن حاجات حاصله معانا
أسامة_ حتى لو كلامك صح انا هسيبها.. انا عاوزك انتي
شيري _ وانا مش عاوزاك حتى لو هي وافقت
أسامة _ لا ياشيري انتي بتحبيني انا عارف انك مش هتقدري تبعدي عني
شيري _ هقدر لاني مش عاوزاك أصلا... وبعد ما أمنية تخف هرجع مكان ما كنت وانت شوف هتقولها ولا تجوزها.. انتو حرين
أسامة يقترب منها _ مش هتمشي.. انا مش هسيبك مهما حصل
شيري بدموع _أمنية بتحبك، وانا مش هكسر قلبها عشان واحد ندل زيك
أسامة يمسك ايدها وهي تشدها وتضربه بالقلم
شيري_ اخر مره في حياتك تلمسني
أسامة يغمض عنيه بخنقه _ مش هسيبك.. وهتجوزك حتى لو غصب عنك
شيري _ اطلع بره
أسامه _ مش طالع وريني هتعملي إيه
شيري _ يا بجاحتك.. انت مبتحسش و معندكش دم
أسامة يقترب منها اكثر الا ان ترتطم بالكرسي وتقع عليه وهو يحاوطها بزراعيه
اسامه _ لا بحس،.. انا حاسس انك وحشاني دلوقتي
شيري بارتباك _ وسع
أسامه بهمس _ مش هوسع وخليكي جاهزة في اي وقت لأنك تتخطفي
شيري _ هقول لخالك خليه يربيك علشان انت مش متربي، وابعد عني كده
أسامة يذقها لتقع مره اخرى _ ولا تزعلي انا هروح اقوله بنفسي، وحتي لو رفض بردو هتجوزك
شيري _ بس انا مش عاوزاك ولا بطيقك.. هتجوز واحده مش بطيقك
أسامه يقترب منها اكثر حتى يشعر بحرارة انفاسها _ مش مهم
شيري تنظر له وتذداد ضربات قلبها
أسامة بهمس _ كنت ناوي لما الاقيكي اخدك في حضني ساعة كامله بس انتي بوظتيلي الخطه وعقاب ليكى هعمل حاجه احلي.... ثم يقترب منها وهي تضربه بركبتها بقوه ليقع على الأرض
شيري تقوم بغيظ _ اروح اصحيها دلوقتى علشان تشوف قلت ادبك
أسامه بألم _ هروح فيكى في داهيه
عدي يخبط
شيري _ يخربيتك هتودينا في داهيه قوم
أسامه _ سعديني طيب
شيري تمسك ايده وهو يشدها ليه
شيري بغيظ_ يا غبي وسع يخربيتك
أسامة ينظر لها بإبتسامة _ بتضربيني
شيري تضربه تانى وتقوم _ هسيـ.ـح دمك والله
عدي _ شيري كل ده بتفتحي
أسامة يقوم بتعب _ غوري افتحي انا هفتح دماغك بس بعدين
روحت فتحت وانا باين عليه الارتباك
عدي _ كل ده علشان تفتحي
شيري بارتباك_ اصل اصلي كنت بعمل حاجه ل أمنية
عدي ينظر ل أسامة بشك _ وانت مفتحتش ليه
أسامه_ اسكوت انا تعبان،... البيت ده في عرسه قرصتني في رجلي وربنا ما هسيبها
عدي ينظر لهم بشك_ عرسه؟
شيري بارتباك _ اه من بدري نجري وراها ف ف ف قرصته
عدي _ طيب الدوا اهو
خطفت منه الدوا وروحت عند أمنية وسندت نفسي علي الباب وبقيت اخد نفس وانا متوتر لغيت ما سمعت أمنية بتهلوث بأسم عز.. قربت منها علشان اسمع بتقول ايه، لقيتها بتردد اسمه كتير....
شيري باستغراب _ عز؟... مالو ده، وليه بتهلوث بأسمه
سامر
عدا يومين من وقت ما فوقت، وبقيت مستنيها تيجي تانى وبردو مجتش،
نوال _ عامل إيه دلوقتي
سامر _ كويس
نوال_ لسة زعلان منى
سامر _ انتي غلطتي في يارا مش فيه انا
نوال _ وبعد ما غلطت فيها يعني.. موتها يعني
سامر _ انتي شكلك مش حاسه انك غلطتي معاها أبداً
نوال_ ماشي غلطت وبعدين يعنى ايه المطلوب مني
سامر _ ترديلها اعتبارها
نوال _ اسمع انا هديها فلوس وخلاص متطلبش مني اعملها حاجه تانيه
سامر _ لو عاوزاني مزعلش منك اعتذريلها
نوال _ اعتذر لخدامه ياسامر ترضهالي
سامر _ مش خدامه يا ماما، وانا عاوز اتجوزها
نوال _ تعمل ايه.. لا قول تاني مسمعتكش كويس
سامر _ هتجوزها
نوال _ احسنلك تشيل الفكره دي من دماغك.. لو عاوز تصاحبها ماشي بس تجوزها مستحيل
سامر _ هتجوزها يا ماما، بس يارب هي توافق
نوال _ يبقا لا انت ابني ولا اعرفك
سامر _ كنت فاكرك هتتنازلي عن كبريائك شويه لما تشوفيني بموت، لكن شايف ان مفيش تغيير
نوال _ قولت اللي عندي لو اتجوزتها لا انت ابني ولا اعرفك
سامر _ زي ما تحبي
نوال_ طيب انسا ان ليك اهل من دلوقتي، ابقا اطلع من هنا وروحلها تعالجك
سامر _ وبابا رأيه أيه
نوال_ هيكون رأيه من رأيي... لا أحنا لا هي يا سامر
مشيت من عندي وهي متعصبه وبعدها دخل أسامه
اسامه_ مالها
سامر _ اتبرت مني
اسامه_ اتبرت منك ليه
سامر_ عشان عاوز اتجوز يارا
أسامة _ طيب وناوي تعمل إيه
سامر _ مش عارف بس اكيد مش هرجع البيت
أسامة _ انت تعبان هتروح فين
سامر _ اي حته
أسامة _ طيب اقولك ... خالي قرر يسافر ، تعاله نقعد مع بعض طالما حظنا فقر انا وانت ومحدش عايزنا
سامر _ خالك يسافر ليه
أسامة _ معرفش ياخي، فجأه كده قرر يهاجر، تعبت وانا بطلب منه يقعد معايا
سامر _ غريبه اوي، دا ملهوش حد غيرك وشغله كله هنا، ايه يخليه يسيب كل ده ويسافر
أسامة _ بيقولي عشان اعتمد علي نفسي بس طبعا مصدقتهوش
سامر _ يكون عاوز يروح ورا البت بتاعته، انت مش بتقول سافرت
أسامة _ اه بيقول ... بس ده قالي انها هتجوز هيروح وراها ازاي
سامر _ طيب اقولك حاجه تخليه يقعد او يأجل السفر لغيت ما تعرف السبب
أسامة باهتمام_ قول
سامر _ خبي الباسورد
أسامة _ تصدق فكرة هروح اعمل كده
سامر _ اي خدمه ابقا تعاله كل يوم
أسامة _ طيب دلوقتي هتروح معايا ولا لسه الدكتور مقالكش
سامر _ سندني كده.. انا جاي المستشفي خانقتني
اسامه _ طيب استنا نشوف الدكتور
سامر _ اسكوت هيزن كتير، يلا بس ناولني العكاز ده
أسامة _ الدكاترة لو مسكونا هيعلقونا اقعد متفضحناش
سامر_ راقبلي السكه بس انت
منه
عملت كيكة من اللي بيحبها إبراهيم وماما، وخدتها عندهم،
منه _ ماما
الام_ شيلي الي جيباه ده مش عاوزين منك حاجه
منه _ الكيكة اللي بتحبها يا إبراهيم
إبراهيم _ خدي حاجتك وامشي من قدامي
منه بدموع _ انا اسفه
إبراهيم بحده_ قولتلك امشي من قدامي
منه بدموع_ علشان خاطري سامحوني عارفه اني غلطت
الام _ غلطتي وبس انتي جبتيلنا العار، انتي ملكيش غير الد.بح
منه ببكاء_ مش زي مانتي فاهمه والله محصلش اكتر من كلام في التليفون و صور
إبراهيم بانفعال_ انا سامع معاذ بيقول كده بلسانه، رايحه تقوليلوه هو ومستغفلانه احنا
منه ببكاء_ انا قولتله بس والله كنت بكدب عليه،
ابراهيم بغضب_ عارفه لو ممشتيش من قدامي دلوقتى، انا هضرب السكـ.ين دي في قلبك، انا ماسك نفسي عليكي بالعافيه
منه ببكاء_ بلاش انت... ماما علشان خاطري صدقيني والله ما بكدب
الام_ اخوكي قالك ادخلي جوه، ولما تجوزي مش عاوزين نشوف وشك تانى،
منه ببكاء_ انا مستعده اكشف
إبراهيم بعصبيه_ لاخر مره بقولك أخفى من وشي
منه بدموع _ يعني مش مصدقني
الام_ ولا هنصدقك
بقيت واقفه قدامهم وهما بيبصولي بغضب وكارهني، لقيت عيني بتروح لسكينه اللي جيباها مع الكيك، ومسكتها وحطيتها علي ايدي
إبراهيم _ تبقي ريحتيني، يلا مستنيه ايه
الام_ سيبي وغوري من قدامي
إبراهيم_ متخافيش دي اخرها تغلط مع مروان وبس، دي لو عندها كرامه كانت انتحر.ت من زمان
منه تبصلهم وتبكي، وفجأه تقطع شرينها قدامهم
إبراهيم بصدمه _ الله يخربيتك ، وريني . ويمسك ايدها ويحاول يمنع النزيف
الام _ عملتي ايه الله ياخدك
منه ببكاء _ انتو مش مصدقني،
إبراهيم بعصبيه _ اخرسي.. اخرررسي، اعمل ايه دلوقتي، الله يخربيتك
إبراهيم كان بيحاول يوقف النزيف، وانا حسيت اني دايخه ومقدرتش اصلب طولي و وقعت
معاذ
بقيت اتصل عليها كتير ومبتردش، وبعدين اتصلت ب إبراهيم، وقالي انها في المستشفي وانها عورت نفسها، روحت وانا ناوي لو لقيتها عايشه اقتلها
حكايات بنات p 26
عز
بعد لف بالعربيه رجعت البيت لقيت أسامة وسامر هناك
عز _ ياخبر انت طلعت ازاي
سامر _ هربت، وزمانهم قالبين عليه المستشفى
عز _ ياعبيط، افرض انتكست دلوقتي
سامر _ انا هنتكس لو قعدت هناك
أسامة بجديه _ جبته يقعد معايا بدل ما اقعد لوحدي
عز _ ينور
سامر _ عاوز تمشي ليه ياعز
عز _ نفسي اشوف بنات اوروبا
سامر _ بسيطه احملك شويه من الانترنت وخليك هنا
عز _ خفيف اوي.. يلا ارتاحو انا داخل جوه
اسامه _ علي فكره انت قالقني وحاسس انك عامل عمله وبتهرب منها
عز _ عمله زي ايه
أسامة _ الله أعلم، اسأل نفسك
عز _ سالتها قالتلي انك عاوز تتربا.. يلا اسيبكم
أسامة بنرفزه _ ما تقول في ايه، ولا انت خايف من حاجه
عز يرجع ويقف قدامه _ ايوه خايف من حاجه.. هتقدر تساعدني، ولا هي قلت ادب وخلاص
أسامه _ لا الظاهر ان المشكلة معايا انا فعلاً يا ياض يا سامر... طيب ما تخليك صريح وتقولي في إيه
عز _ انا رايح أجهز شنطتي عشان منساش حاجه
أسامة بحده _ مش هتمشي يا خالي مش هسمحلك
عز _ همشي يابن الغاليه ..
دخلت جوه ونزلت الشنطة وبقيت الم هدومي وحاجتي وبعدين دورت علي الباسبورد عشان اجهزه بدال ما انساه. لكن ملقتهوش
أسامه
دخل جوه وبعد وقت طلع
عز _ شوفت الباسبورد بتاعي
اسامه يطلعه من جيبه ويقطعه قدامه
عز بانفعال _ يلعن ابو كده.. انت ايه اللي هببته ده
أسامه _ مش هتسافر
عز يمسك من قميصه بغضب _ انت غبي... وبردو مش هقعد دقيقة واحدة وانسا ان ليك خال
أسامه بانفعال _ انا غلطان انى عايزك تقعد معايا ومتسافرش، كان لازم افرح عشان هتروح وتسبني لوحدي.. الظاهر انى فعلاً تقيل عليك
عز بغضب _ جاي تفهم كده بعد ما قطعت الباسبورد كنت فهمت بدري شويه
سامر _ استهدو بالله مش كده .. انا مش قادر اقوم
أسامة _ مش شايفة عاوز يمشي ازاي زي اللي عامله عمله وخايف منها
عز بانفعال _ ايوه انا عامل عمله وبهرب منها ولو ممشتش هتعك اوي، عجبك السبب ده ولا اوضح اكتر
أسامة _ ايوة وضح انا عاوز اعرف السبب
عز بخنقه _ انا ماشي ومش راجع هنا تاني
أسامة بيكون معاه التليفون وبيضرب علي الارض بنرفزه _ روح يا خالي ومترجعش
روحت الاوضه سحبت الشنطة وطلعت
معاذ
روحت المستشفى لقيتها نايمة ومعلقين ليها محلول وابراهيم جمبها
معاذ بقلق _ عامله ايه
إبراهيم بخنقه _ للأسف لحقوها
معاذ _ هو ايه اللي خلاها تعمل كده
إبراهيم _ كانت عاوزانا نصدقها ولما مصدقناش عملت الحركه دي
معاذ _ صدقها يا ابراهيم هي بتقول الحقيقه
إبراهيم _ يا معاذ انت كمان،،... هو في واحده عاقله هتقول كده علي نفسها بالكدب
معاذ _ واحنا رايحين بعيد ليه ما نخلي دكتوره تكشف عليها
إبراهيم بخيبه _ مكنتش اتصور يجي اليوم اللي اتناقش فيه علي شرف اختي.. ياريتها كانت ماتت وريحتنا
معاذ _ كله هيتصلح، بس خلي دكتوره تكشف عليها عشان تكون مطمن
إبراهيم بخنقه _ ماشي
بعد وقت بتكشف عليها الدكتوره وبتبلغنا انها سليمه
إبراهيم بدموع _ حتي لو سليمة بردو غلطتها كبيره.. دا كفاية انها سابتني مصاحبة وهو بيجي ويروح علشانها
معاذ _ كانت صغيرة ومش فاهمة
إبراهيم _ اه صح صغيره.. انا ماشي
معاذ _ رايح فين مش هتطمن عليها الاول
إبراهيم _ لا مش هطمن ولا عاوز اشوفها تاني
مشي إبراهيم وانا روحت عندها وبعد شويه فتحت عينيها
معاذ _ حمدلله علي السلامه يا تعباني
منه بدموع _ شوفت اللى حصل.. مرضوش يصدقوني
معاذ _ تقومي تقطـ.عي ايدك .. طيب عارفه لو مش تعبانه والله كنت ادتلك قلم خليت دماغك تلف... انتي متخلفه يابت انتي
منه بدموع _ مقدرتش استحمل كرههم ليه، دول مش راضين يتعاملو معايا خالص
معاذ _ وايه يعنى،، لأمتي هتحلي مشاكلك بمشاكل اكبر. امتي هتعقلي
منه _ عندك حق انا غبيه ومبعرفش اتصرف.. انا من دلوقتي مش هعمل حاجه خالص،
معاذ _ كنت زعلان منك شويه دلوقتي انا مخنوق منك
منه بدموع _ كفايه زعلهم هما بلاش تيجي عليه بالله عليك
معاذ _ انا هزعل اكتر منهم، انتي عارفه كنتي هتعملي فيه ايه، افرضي مكنوش لحقوكي، كنت هعمل ايه من غيرك
منه بدموع _ تعبت ومفكرتش في حاجه
معاذ بحب _ كنتى فكرتي فيه.. هونت عليكي تسيبيني
منه _ لأ
معاذ _ لأ هونت ومفكرتيش فيه خالص
منه _ انا اسفه
معاذ _ مش هقبلها
منه _ اعمل ايه طيب علشان تسامحني
معاذ _ تقومي بسرعه علشان ورانا حاجات كتيره نعملها للفرح
منه بدموع _ انا اكتر حاجه مزعلاني اني كنت هضيعك من أيدي
معاذ بإبتسامة _ الحمدلله ان ربنا نور بصيرتك
منه بإبتسامة _ الحمدلله
شيري
انا و عدي قعدنا جمب امنية وهي نايمة ولسه بتهلوث بأسم عز. وبتقول متسبنيش وكلام من ده و عدي بيداري وشه مني.. وحسيته عارف الحكاية
شيري بشك _ في ايه
عدي _ في ايه
شيري _ شكلك عارف الموضوع .. مال عز
عدي_ معرفش
شيري _ عدددي قول انا عرفاك مخبي حاجه
عدي _ بصراحه كده عز وامنيه بيحبو بعض
شيري بصدمه _ عز خال اسامه
عدي _ اه هو
شيري _ من امتي ومحدش قالي ليه وازاي تحبه وهي مخطوبة ل ابن اخته
عدي _ بتحبه من قبل ما تتخطب ل اسامه
شيري _ ولما هما بيحبو بعض وافقت ليه علي اسامه
عدي _ ماهو لما عرف ان اسامه متقدملها وبيحبها سابها عشان ميخسرهوش
شيري _ طيب ما قولتوش ليه انا اخر من يعلم يعني
عدي _ وانتي كنتي هتعملي ايه يعني
شيري _ كنت هعمل كتير
عدي _ كنتي هتعملي ايه يعني
شيري _ خليك جمبها رايحه مشوار وهرجعلك... فين تليفونها
عدي _ فهميني هتعملي ايه
شيري _ فين التليفون ياعدي
عدي _ علي التربيزه بره
روحت جبت التليفون واتصلت ب أسامه بس اداني مغلق
وبعدين قررت اروح الجامعه ولما روحت ملقتهوش.. ف رجعت تاني
يارا
عدا كام يوم وانا بروح المحاضرات احضر وارجع علي السكن، ومش عارفه، اعرف اخباره....
ومن نحية تانيه قلقانه علي شيري اللي مختفيه ومحدش عارف هي فين
أسامه
خالي اختار يسيبني ومش بيقول سبب مقنع.. بقيت حاسس انه عامل عمله وخايف منها .. بس ليه يخاف مني هو انا هأذيه لو عرفت انه غلط في حاجه... ايه الغلط اللي ممكن يكون عمله يخاف يحكهولي
سامر _ اهدا دلوقتي هو يرتاح ويرجع.. هو شكله مضغوط من حاجه بس
أسامه بخنقه _ وهي ايه الحاجه اللي مش قادر يقولهالي... طيب يفهمني وبعدين يمشي براحته
سامر _ مانت عارف خالك مستقيم وممكن عمل حاجه هتشوه صورته قدامك.
أسامة _ قتـ.ل؟... غلط مع واحده؟ ... سرق؟... كل ده انا مش هزعل لو عرفت انه عملهم
سامر _ مش عارف بقا خلاص ريح دماغك اهو انت وقفت حاله من الصفر
أسامه _ مش هرتاح غير لما اعرف ... بس ازاي
سامر _ مش عارف
أمنية
صحيت ولقيت عدي قاعد جمبي
أمنية بتعب _ فين شيري
عدي _ بتقول رايحه مشوار وراجعه تاني
أمنية بتعب _ مشوار ايه وليه خلتها تخرج، افرض تاهت تاني
عدي بتردد _ ماهي عرفت موضوع عز
أمنية بصدمه _ انت قولتلها
عدي _ انتي كنتي بتهلوثي بأسمه وباللي حصل ف بقت تسألني وانا قولتلها
أمنية _ يانهار اسود اكيد هتقول ل أسامه.. وانا وعدت عز انه ميحسش بحاجة قبل ما يسافر
عدي _ انتي عارفه، انا حاسس ان بينها وبين أسامه حاجه
أمنية _ بتقول كده ليه
عدي _ لما روحت اجيب الدوا ورجعت بقيت اخبط وهي اتاخرت عشان تفتح ولما فتحت لقيتهم هما الاتنين متوترين وشكلهم مطمنيش
أمنية _ ايوه ماهما صحاب ممكن يكون بينهم سر مش لازم اللي في دماغك
عدي _ جايز
أمنية بحيره _ لا لا اكيد انت غلطان شيري مستحيل تعمل معاه حاجه وهي عارفه انه خطيبي،
عدي _ معرفش انا قولتلك اللي شوفته
كلام عدي لفت انتباهي لحاجات كتيره واولهم زعل واهتمام أسامه لما اختفت، ورومانسيته الزياده يوم الخطوبه .. كنت مستنياها تيجي عشان افهم منها وبعد شويه جت وقعدت جمبي وانا خليت عدي يطلع ويسيبنا لوحدنا
شيري _ مقولتليش ليه
أمنية _ لأ سيبك مني وقوليلي انتي مخبيه عننا إيه
شيري _ مش فاهمه
أمنية _ في اية بينك وبين أسامة
شيري بتردد _ بحبه وبيحبني
أمنية بدموع _ بتحبو بعض رغم انه خاطبني؟
شيري _ مانتي بتحبي عز وانتي مخطوبه ل أسامه ولا دي فيها انا الكبيره
أمنية _ فيها انك قبلتي تحبيه ويحبك وهو خاطبني.. يعني كنتي بتخونيني.. ورغم انكم بتحبو بعض بقيتي تزني عليه علشان اوافق عليه
شيري بدموع _ انا عارفه اني غلطت ودا السبب اللي خلاني اقع في الشارع، بس غصب عني
أمنية بدموع _ يعني بيخطبني عشان يفتح لنفسه طريق معاكي واكون انا الكوبري
شيري بدموع _ هو خطبك عشان يخليني اعترفله اني بحبه ولو كنت قولتله كان هيسيبك دي كل الحكاية
أمنية بدموع _ لا تصدقي كده انا ارتحت... طيب افرضي اني حبيته ومكنتش هسيبوه.. كنت هتجوزيه عادي
شيري _ لا لا .. انا مقولتلهوش اني بحبه ولسه النهارده حذرته انه لو مبعدش عننا هبلغ خاله عن اللي بيحصل
أمنية بدموع _ ربنا يسامحكم.. اهو عز سابني علشان مش عاوز يخسر أسامه وانتو الاتنين بتلعبو بينا
شيري بدموع _ انا هقول ل أسامة وهو هيفسخ الخطوبه دي وتجوزي عز
أمنية _ لأ مش هتقولي لغيت ما يسافر
شيري _ ليه مش بتقولي بيحبك وبتحبيه
أمنية ببكاء _ حصل بس هو اول حاجه بيعملها لما يخاف انه بيسيبني ويجرحني... مش عاوزاه خلاص
شيري _ غصب عنه لازم تعذريه
أمنية _ لأ لا هعذره ولا هعذرك،،، الكلام ده ميوصلش ل أسامة، والا والله هنسا ان معايا اخت وهعتبرك ميته
شيري بدموع _ علشان خاطري خليني اقوله
أمنية _ قوليلوه بعد ما يمشي عز.. وامشي وسيبيني لوحدي
شيري بدموع_ سامحيني الله يخليكي
أمنية _ امشي ياشيري مش عايزة
اشوفك
بعد.ما عرفت اللي حصلت حسيت بالخزلان من شيري.. ايوه انا.مبحبهوش نهائي ولا كنت هكمل بس صعب عليه انها قبلت تخوني.. وفي اللحظة دي فهمت وجهه نظر عز بان اسامه لو عرف هينجرح منه
بس بردو اللي ميتمسكش بيه ويختار يسيبني مع أول مشكله، مش هقدر اطمنله تاني
بعد ما مشيت زاد تعبي وحرارتي زادت اكتر وجه عدي لقاني بموت، ف ندهلها و ودوني المستشفي وانا مقدرتش حتي اقولهم بلاش من كتر التعب
سامر
طلع اسامه من البيت وراح يشوف شيري، وانا حسيت بالملل من القعدة لوحدي، ف اتسندت علي العكاز وبقيت الف في البيت،.. ولفت انتباهي الاوضه اللي دايما مقفوله، ف دخلت فيها .. لقيت تماثيل ومجسمات غريبه من النحت، ولفت انتباهي حاجه متغطيه علي التربيزه، ف روحت عندها وشيلت الغطا... لقيت تمثال ل أمنية .. هي بكل التفاصيل بس ناقص انها تتكلم... فهمت وقتها انه ممكن يكون عامله هدية ل أسامة، ف غطيته وطلعت من الاوضه وبعد ما طلعت لقيت عز راجع
عز
بعد ما وصلت الاوتيل افتكرت اني سايب التمثال هناك . ف رجعت بسرعه قبل ما حد منهم يشوفو، واطمنت ان عربية اسامه مش. موجودة يعني هقدر اروح هناك واكسره قبل ما يشوفه.. ولما دخلت لقيت سامر بيتمشي في البيت بالعكاز
سامر _ والله كنت حاسس انك هترجع
عز _ انا جاي اخد حاجه وهمشي
سامر _ ما تقولي انا في ايه و اوعدك هيكون سر
عز _ مفيش يا سامر، انا شويه وماشي
سبته ودخلت جوه اوضة النحت، وكشفت التمثال، بقيت ابصله شويه وانا صعبان عليه اكسره ولو كان في كرتونه علي مقاسه كنت خادته معايا .. وفي النهاية ملقتش غير اني اكسره، وبعدين اعمل غيره لما اسافر.. وفعلا مسكته ووقعته علي الارض بقوه، واتكسر على مليون حته، وكان فيه حتت كبيره بتوضح شكل العين، ف كسرتها لغيت ما خفيت اي ملامح، وبعدين طلعت لقيت سامر واقف وبيبصلي
سامر _ في حاجه يا عز.. ايه الصوت ده
عز _ المجسمات وقعت اتكسرت
سامر _ خسارة كان شكلهم حلو
عز بحده _ انت شوفتهم فين
سامر _ لمحتهم في ايه
عز بنرفزه _ ولمحت ايه تاني
سامر _ مفيش انا يدوب فتحت الباب وقفلته.. مكنتش اعرف انك هتزعل كده
كنت فاكره شافه كانت هتبقا مصيبة.. اكيد كان قال ل أسامه. وأسامه عارف ان التمثال ده للبنت اللي بحبها،
أسامة
روحت بيت امنية عشان اشوف خفت ولا لأ وبالمره اشوف شيري، ولما وصلت ملقتهمش في البيت والباب كان. مقفول ، وبعد شويه جارتهم طلعت وقالتلي انهم راحو المستشفى و أمنية تعبانه واخواتها بيسندوها. ف روحت بسرعة ، وسألت عليهم وعرفت الأوضة بتاعتها ولما وصلت لقيت أمنية نايمة ومتركبلها محاليل وشيري قاعدة جمبها وبتبكي و اول ما شافتني جت عندي وبقت تبصلي شويه وقبل ما اتكلم حضنتني،.. اتفاجأت وبقيت واقف وأنا مش فاهم في أيه
أسامة بقلق _ شيري
شيري تبعد عنه وتبصله _ أمنية تعبانه اوى
أسامه _ علشان كده حضنتيني،، لو اعرف.كده كنت.حطتلها شوية سم فى الأكل
شيري ببكاء_ اخرس تعرف تخرس
أسامه بإبتسامة_ حمدلله علي السلامة
شيري _ مش وقت رزالتك دلوقتي بقولك أمنية تعبانة اوي
أسامه بإبتسامة_ هشكر أمنية لما تصحا
شيري بدموع _ ادعيلها
أسامه_ متقلقيش دول شوية حراره وهتخف مش حاجه وحشه يعنى
شيري _ يارب
أسامه يداعب خدها بحب _ وحشتيني
شيري _ مش وقتك
أسامة بإبتسامة_ كل الوقت وقتي، لما نطمن عليها هكلمها ولو عصلجت هاخدك غصب عنها وعنك
شيري _ بعينك
أسامة_ قال يتمنعن وهن الراغبات
شيري _ تعاله عايزاك بره
أسامة بإبتسامة _ لو موضوع مهم ممكن ناخد اوضة
شيري بقرف _ انت عيل سا.فل ما تتلم.... قدامي
طلعنا بره الاوضه
اسامه _ في أية
شيري _ فين خالك
أسامة _ بتسألى ليه
شيري _ عشان يعرف ان امنيه تعبانه ومش هتقدر تروح الشغل
أسامة بخنقه _ سابلي البيت ومشي
شيري _ وسبته يمشي ليه ياخي
أسامة _ مش عاوز يقعد اعمله ايه.. وماسكلي في. موضوع السفر واسأله علي السبب يقولي اسباب غريبه ومتصدقش
شيري _ انت بتقول انك بتحبني صح
أسامه _ ايوة بس ايه العلاقه
شيري _ لو بتحبني متخليهوش يسافر
أسامة _ وانتي مش عاوزاه يسافر ليه
شيري _ عدي متعلق بيه اوي
أسامه _ اذا كان سابني انا ابن اخته هيتمسك ب عدي اللي. ميعرفهوش
شيري _ يعرفه ومن قبل ما انت تخطب أمنية
أسامه _ يعرفه منين
شيري _ يعرفه وخلاص، المهم دلوقتي توقفه لو بتحبني بجد.. ولو موقفتهوش هعرف انك بتخدعني للمره التالته
أسامة _ انتي عارفه ان ليه اسبوع بتحايل عليه يقعد، وهو رافض
شيري _ يبقا لازم تعرف السبب اللي مخليه عاوز يمشي
أسامة _ مالك النهارده.. انتي عارفه حاجه ومخبيه عليه
شيري _ معرفش غير ان عدي زعلان عليه
أسامه _ طيب هحاول مره تانيه بس يارب ينفع
شيري _ هينفع. بس انت قوله ان أمنية تعبانة و عدي بيبكي عليها وانت اللي هتقدر تهديه
أسامة بشك _ بس عدي مش هنا اصلا علشان يبكي
شيري _ يابني افهم . انت هتقوله كده علشان يرجع
أسامة _ هجرب
شيري _ متشكره
أسامة _ قوليلي بقا ايه سر الحضن اللي من شويه
شيري _ السر اني عاوزاك تسيب أمنية
أسامه _ لو قولتيلي انك بتحبيني اول ما هتفوق هسيبها
شيري _ بحبك
أسامة بإبتسامة _ لا مسمعتش قوليلها تاني. كده
شيري بإبتسامة خفيفه _ بحبك
أسامة _ لا كده مش هينفع مكنش ينفع تقوليها في اوضه احسن.. الناس حولينا كتير
شيري _ ممكن تبطل قلت ادب لحسن والله اسحبها
أسامة بإبتسامة _ لا متسحبهاش تعالي خلينا نشوف أمنية
دخلنا جوه لقيناها لسة نايمه
أسامة يقترب منها بإبتسامة _ عيدي اللي قولتيه برا
شيري _ بقولك ايه اتلم احسنلك
أسامه _ قولي .. ها يلا.. قولي
أمنية تفتح وتشوفه بيقرب منها _ انا فين
أسامة يستدير بارتباك_ حمدالله علي السلامه
أمنية بتعب _ حبيبي جيت علشاني
أسامة بوجه عابس _ يلا شدي حيلك وانا هروح اطمن من الدكتور
أمنية بتعب _ متتأخرش عليه انا ما صدقت شوفتك يا روحي
أسامه يهمس ل شيري _ الحرارة دخلت في دماغها باين .. مالها النهارده
حكايات بنات p 27
أمنية
قصدت اعقدله الموضوع زي ما عقدني ف بقيت اتمايص.. وهو خرج ومرجعش الواطي ولا كأننا مخطوبين
شيري _ سلامتك حبيبتي عامله ايه دلوقتى
أمنية بتعب _ ممكن نخف سهوكه مع الاستاذ يكون طلبك. مني دا لو قدر يقولي مش عاوزك يعني
شيري _ بعد حبة الحنان دي افتكر انه هيلاقيها صعبه شويه
أمنية _ انا كان لازم استعبط واطلع عينيكم عشان تستغفلوني تاني
شيري بإبتسامة _ انا كانت طالعه عيني بجد
أمنية _ تستاهلي. اخفي من وشي حرارتي بتزيد..
شيري _ حاضر. هروح اشوف الواد اتأخر ليه
أمنية_ هو راح فين
شيري _ راح يجيب الدوا
أمنية بتردد _ مجاش يسأل عليه
شيري _ ما انا بقولك رايحه اشوفه
أمنية _ مش قصدي عدي
شيري _ اه فهمت.. لأ جه لما رجعت لقيته عندك وانتي كنتي نايمه
أمنية _ ومصحتونيش ليه
شيري _ كنتى تعبانه وعماله تهلوثي
أمنية _ هلوثت بأسمه؟
شيري _ اه
أمنية _ وهو سمعني
شيري _ كلنا سمعناكي حتى اسامة ، بس هو افتكرك زعلانه منه علشان قولتي بكرهك ياعز
أمنية _ المهم عز يكون سمع بكرهك دي
شيري _ خرمت ودنه
أمنية _ يستاهل هولاكو ده
شيري _ بس كان قلقان عليكي
أمنية _ لو قلقان صح كان جه ولا اتصل... مكنش اتخلا عني من الأول
شيري _ الموقف صعب، وليه عذره
أمنية _ ملهوش عذر يخليه ميحاولش عشاني
شيري _ ما تخليني اقول ل أسأمه، وهو يقوله،، هو من حقه يعرف وبعد كدا احكمي
أمنية _لأ
اسامه
رجعت البيت ولقيت سامر في المطبخ محتاس ومش عارف يعمل اكل ف ساعدته يقعد وبقيت أجهز انا
أسامة بإبتسامة _ البنت نطقت
سامر _ بنت مين
أسامة _ شيري يابني
سامر _ قالتلك بتحبك
أسامة _ اه
سامر _ طيب وامنيه عملت معاها ايه
أسامة _ هقولها بس لما تخف
سامر _ الموضوع مش هيكون سهل خالص، اكيد مش هتقبل انك تخطب اختها بعد ما تعرف
أسامة _ متهمنيش انا هاخدها برضاها او غصب
سامر _ حلوه غصب دي
أسامة _ عارف شيري شرطها ايه علشان تثق فيه وتوافق
سامر _ أيه
أسامة _ مخليش خالي يسافر
سامر باستغراب _ اي دخل عدم سفره بثقتها فيك
أسامه _ بتقول عدي متعلق بيه ... بس المشكله دلوقتي هقنعه ازاي بعد ما طفش
سامر _ كان هنا من شويه علي فكرة
أسامة _ رجع شنطته يعني ولا ايه
سامر _ لأ، هو جه دخل اوضة التماثيل ومشي
أسامة _ عمل ايه هناك
سامر _ معرفش ، بس اسكت عامل حتت تمثال ل أمنية شبها بالملي
أسامه باستغراب _ تمثال ل أمنية؟ اشمعنا أمنية ومعمليش انا ليه
سامر _ يمكن كان عاوز يقدمهولك هدية
أسامة _ لحظه كده انا هشوفه
سامر _ بلاش ده زعل لما عرف اني دخلت
اسامة بحيره_ ليه
سامر _ معرفش
أسامة_ طيب دقيقه وراجعلك
دخلت الاوضه عشان اشوف التمثال ف لقيته مكسر ومش بينلوه ملامح، .. ف رجعت عند سامر اسأله ايه اللي كسره
سامر _ معرفش ان هو اللى اتكسر ده قالي ان المجسمات هي اللي وقعت
وقفت شويه افكر، وتقريبا فهمت ايه اللي حصل، وايه سبب زعله لما حضنتها يوم الخطوبه وسبب سفره وسبب مرواحه عندها من كام يوم وسبب خناقهم في المكتب.. وفهمت كمان اني شكلي كده بتخان
أسامه بخنقه _ هو اللى كسره، يعني هو نفسه التمثال اللي خباه مني قبل كده
سامر _ تمثال أيه
أسامة بتنهيده _ السكرتيرة... دلوقتى فهمت، بس ليه مقاليش من الاول
سامر _ انا مش فاهم حاجه
أسامة _ أمنية هي نفسها سكرتيره خالي اللي بيحبها، علشان كده عاوز يسافر
سامر _ أيه الفه دي طيب وانت مكنتش تعرفها من الاول
أسامة _ معرفش غير دلوقتي، محدش قالي فيهم انهم كانو يعرفو بعض حتى هي يوم الخطوبه عملت مش عرفاه وبقت تضايقه بيه
سامر _ وهو قرر يسافر علشان ميبصش لخطيبتك وخاف يقولك لا يخسرك
أسامة _ شكله كده
سامر _ طيب هو لازم يعرف انك خاطبها تحدي، ولا ناوي تستندل معاه
أسامة _ لازم يعرف طبعا بس بردو زعلان منه كان لازم يقولي، مكنش ينفع يروح عندها وهو عارف انها خطيبتي
سامر _ من الواضح انه هو حبها قبل ما انت تخطبها
أسامة _ ماشي بس كان لازم يقولي حتى لو الخطوبه تمثيل،... هو فضل مخبي ورحلها البيت ويعالم حصل ايه وهو عارف انها خطيبتي
سامر _ خالك عاقل متقلقش اكيد مفيش حاجه حصلت
أسامة _ طيب كل انت وانا هروحلو اهزء اللى جابه
سامر _ براحه طيب
أسامة _ اوك ، يلا سلام
ياه ياخالي ايه جو العشق الممنوع ده،، هو لو قالي من البداية كنت هقوله فوراً انها خطوبه تمثيل، ليه يعيشنا دور الخاين والمخدوع. وهي كمان عاوزة الضرب ازاي توافق عليه وهي بتحبه، ..
بعد تفكير كتير لقيت اني احرق دمهم الاول وبعدين اسيبهم... مش هسيبهم يفلتو من غير عقاب... وقررت أبدء ب أمنية وشيري عشان شكلها كانت عارفه ومخبيه
في المستشفى
أمنية _ حبيبي انت جيت
أسامة _ جيت ياروحي، يلا شدي حيلك عشان خالي مصر انه يجوزنا قبل ما يسافر
شيري _ انت بتقول ايه
أمنية _ وخالك يجوزنا بتاع ايه انت مش صغير عشان يجوزك
أسامه _ اللى حصل،.. جه وكلمني وقالي لازم تكتب الكتاب بكره قبل ما يسافر.. اصله بيحبني ونفسه يفرح بيه
شيري _ وانت موافق
أسامة _ طبعا موافق
أمنية _ هو اللى قالك انه عاوزنا نتجوز
أسامة _ اه، مالك مش مصدقه
أمنية بخنقه _ مصدقه هو يقولها فعلاً
أسامه بإبتسامة_ طيب وافقي بقا علشان نتجمع يا روحي
أمنية _ موافقه، بس هو يكون وكيلي
شيري بصدمه _ أمنية
أمنية _ روح اعمل المطلوب انا موافقه
أسامه بإبتسامة _ ماشي ياروحي. شيري خدي عاوزك
شيري بدموع _ لأ
أسامه _ قوليلها تيجي معايا يا روحي لازم نتفق
شيري بدموع _ لأ مش جايه
أمنية _ روحي اتفقي معاه مانتي ولية امري
شيري بدموع _ متشكره اوي
طلعنا بره وهي وقفت قدامي وهي زعلانه ومش بتبص في وشي
أسامه بإبتسامة _ مالك
شيري ببكاء _ تانى يا أسامة تاااني،، انا مش عارفه انت معمول من ايه
أسامة _ ايه اللي حصل لكل ده
شيري ببكاء _ مش عارفه ... انا نفسي اعرف انت ليه بتتلذذ بتعذيبي، انا اذيتك في أية
أسامة _ سرقتيني
شيري _ سرقتك؟
أسامه بإبتسامة _ سرقتي قلبي، مفيش واحده قبلك قدرت تعملها
شيري_ سرقت قلبك وهتجوز اختي انت معندكش دم، انا مش عايزة اشوف وشك تاني،.. اه وامنيه مبتحبكش وموافقه غصب عنها. خلي عندك دم ومتجيش تانى انت وخالك
أسامة باندهاش مصتنع _ مغصوبه ازاي ومين غصبها
شيري _ اسأل خالك اللى عاوز يجوزهالك وانت وافقت زي الاهبل
أسامة _ انا وافقت عشان ده شرطه عشان ميسافرش وانتي شرطك اني اخليه يقعد عشان عدي،.. يعني وافقت علشانك... المفروض تشكريني
شيري بدموع _ بكرهك بجد ياريتني ما شوفتك ياخي
أسامه بإبتسامة _ وانا بحبك
شيري بدموع _ غور يا أسامه .. روح عشان تلحق تجهز المأذون، يا عريس
أسامه _ بس هترقصي تاني بكره
شيري _ هرقص
أسامه بإبتسامة _ وطلب تاني كمان
شيري _ ايه
أسامه _ هجبلك الفستان الازرق تلبسيه بكره
شيري بدموع _ موافقه ابقا هاتو
أسامه يداعب خدها _ اضحكي دي اختك هتجوز بكره يا نكديه
شيري تمسك ايده وتعضها
أسامه بألم_ ااه يابنت العضاضه
شيري بغيظ_ تعرف تغور والا هلم عليك المستشفى
أسامه بإبتسامة_ احبك انت ومتعصب يا شرس انت يا متوحش
شيري
رجعت الاوضه تانى وانا موجوعه منهم هما الاتنين
شيري _ رغم علمك بكل حاجه رايحه توافقي عليه
أمنية _ إذا كان هو نفسه مستعد يسيبك علشان خالوه عاوز كده.. سيبك منه مش هينفعك
شيري _ وهينفعك انتي صح
أمنية بدموع _ عاوزة اشوف عز ازاى هيقدر يكون وكيلي ويجوزني،.. واوعدك لو موقفش الموضوع هوقفه انا وساعتها هما الاتنين مش هنشوف وشهم تاني
شيري بدموع _ كده كتير عليه انا مش هقدر استحمل...
أمنية _ معلش استحملي علشاني
شيري بانفعال _ استحمل طبعا وهرقصلكم تانى، .. والله انا بفكر اشتغل رقاصه علشان ارقصلكم كل ما تيجو تحتفلو بحاجه جديده.. انا هشتغل رقاصه طيب وربنا لا انا هشتغل رقاصه
أمنية _ وطي صوتك هتفضحينا
شيري بانفعال _ وهي الرقاصه بقت فضيحه، دا طلب منى ارقص ولازم ارقص وازرغرت واصرخ والم عليكم الناس يا أمنية
أمنية بضحك _ خلاص فضحتينا
عدي يدخل _ مالكم
شيري ببكاء _ عاوزة اشتغل رقاصه
عدي _ انتي مجنونه يابت انتي
أمنية _ يابنتي خلاص بطلي واحنا موافقين تشتغلي رقاصه. مش كده يا عدي
عدي _ ايه اللي بتقولوه ده ... في ايه يا أمنية
أمنية _ باركلي
عدي _ علي أيه
شيري _ كتب كتابها علي اسامه بكره، ايه رأيك في المفاجأة دي، انا عن نفسى فرحت، انت فرحت كمان صح
عدي _ ايه اللي بتقوله البت دي
أمنية _ زي ما قالتلك،
عدي _ يا امنية اتكلمي جد
أمنية _ بتكلم جد وآلله، خااالك مُصر يجوزنا قبل ما يمشي علشان يطمن علي ابن اخته وهو لوحده،، أسامة لسه مبلغني بكده
عدي _ خالي ميعملش كده، اكيد اسامه بيكدب
شيري بدموع _ هو فعلاً كداب بس في دي بيتكلم جد
عدي _ وانتي رأيك ايه
أمنية _ موافقه طبعا وخالك هيكون وكيلي
عدي بغيظ _ امنيه! لو الموضوع ده حصل والله ما هعرفكم تانى لا انتي ولا خالي ولا البارده دي اللي عايزة تشتغل رقاصه
بالليل
عز
مبقتش اطلع من الاوتيل ومحدش يعرف مكاني غير حازم ومن شويه الباب خبط افتكرت انه العامل ولما فتحت لقيت اسامة
أسامه _ شوفت عرفت اجيبك ازاي يا عزوز
عز _ ايه جابك
أسامه _ مش هتقولي اتفضل
عز بخنقه _ اتفضل وخلصني
أسامه _ اوضة مش بطالة بس اوضتك اللي في البيت احلي
عز _ وبعدين ادخل في الموضوع
أسامه _ انا جاي لسببين مهمين
عز _ السبب الأول
أسامه _ السبب الأول، اني من وقت ما مشيت وانا متعذب اني زعلتك ف جاي اصالحك واقولك اعمل اللي يريحك وانا راضي
عز _ بعد ايه ما انت قطع الباسبور
أسامه _ طلع غيره وانت هتغلب يعني
عز بزهق _ طيب وتاني سبب
أسامه بإبتسامة _ أمنية
عز _ مش فاهم
أسامة _ اتصلت بيه وكلمتني عنك كتير وعن اللي حصل خلاها تخرف بأسمك
عز بارتباك _ وطلع ايه السبب
أسامة _ زعلانه منك بتقولي ازاي يسافر ويسيبنا دا انا وعدي بنعتبره خالنا
عز _ ايوه وبعدين
أسامه _ أبداً ياسيدي بس هي شرطت شرط صغيره وتافه ومعرفش ليه محسساني انك متسحيل هتوافق
عز _ هو ايه
أسامة _ عاوزة تكتب كتابنا بكره وانت تكون الوكيل بتاعها
عز _ هي قالت كده
أسامة _ ايوه
عز بخنقه _ موافق
أسامة بإبتسامة _ متشكر اوي.. ياااه اخيرآ هنتجمع انا وروحي ويكون اسمنا جمب بعض في ورقه واحده
عز _ شكلك بتحبها اوي
أسامة _ بعشقها يا جدع.. طيب تعرف... احيانآ بكون قريب منها وحاضنها اووووي بحس انى مش عاوز اسيبها من بين أيديه
عز بخنقه _ احم ماشي ربنا يسعدكم
أسامه _ لا بس بجد بحبها اوووي ولا لما ببوسهااا
عز يضربه بعلبة المناديل _ ما تتلم... وهي بتسمحلك تبوسها ازاي
أسامه _ ههههه تسمحلي، دي هي اللي بتقربلي
عز بغيظ _ طيب خلصنا، انا جاي وهكون وكيلها زي ماهي عاوزة
أسامه بإبتسامة _ حبيبي يا عزوز، انا قولتلها هو اكيد هيوافق، وهروح دلوقتي اقولها انك فرحتلنا ومُصر بكره يكون كتب الكتاب اكتر منها
عز _ ماشي قولها مبسوط علشانكم واني نفسي افرح بيكم
أسامة _ حبيبي تسلملي... اه كنت هنسا، لما رجعت البيت الفضول خدني وخلفت بوعدي معاك، ودخلت اوضة النحت
عز بارتباك _ امتي
أسامه _ قبل ما اجيلك علي طول
عز _ وبعدين
أسامة _ لقيت حاجه متفشفشه وشكله كده كان تمثال الموزه بتاعتك،
عز _ ايوه صح
أسامه _ خساره، كان نفسي اشوفها اوي، هي اسمها ايه صحيح
عز بارتباك _ أماني
أسامه بإبتسامة _ اسمها حلو ... امااااني مش أمنية واحده
عز _ انت مش خلصت اللي جاي علشانه
أسامة _ وحشني ياعم وعاوز اتكلم معاك شويه
عز _ متتكلمش ويلا امشي عاوز انام
أسامة _ ماشي على راحتك بس متتأخرش بكره وعاوزك متأنق وشيك ورش من البرفان اياه وسرح شعرك كده، عاوزك تشرفني يا خالي
عز _ طالما امنية مصره ومعتبراني خالها ف لازم اتأنق طبعاً..
أسامة بإبتسامة_ حبيبي والله،
كان كلامه تقيل المره دي ، وحسيت بالقهر لما قالي انه بيبوسها ويحضنها، وهي بتسمحلو عادي.. الظاهر اني كنت غلطان في. حكمي عليها من الأول.. ولازم اروح واتأنق واحط برفان من الحلو.. خال العريس بقا
منه
رجعت البيت مع معاذ، والمقابله كانت ناشفه بردو بس حسيت منهم بالقلق عليه، بس مش مشكله الايام بتنسي واكيد هينسو اللي حصل
معاذ _ بقت كويسه بس الدكتور قال محتاجه تاكول عشان تعوض الدم اللي خسرته
الأم _ متشكرين يابني كتر خيرك
معاذ_ العفو يا طنط... معلش ممكن تساعديها عشان دايخه
إبراهيم يمسك ايدها ويسندها _ انا هساعدها، تعالى نامى فى اوضتك
منه بدموع _ شكرا
معاذ بإبتسامة _ الف سلامه عليها
دخلت جوه بمساعدة إبراهيم ونمت علي السرير ولما جه يمشي مسكت ايده
إبراهيم _ نعم
منه بدموع _ انا اسفه
إبراهيم _ مش وقته نامى دلوقتى
منه بدموع _ مكنتش فاهمه حآجه وهو كان بيلف حولية لغيت ما صدقته والله
إبراهيم _ هنتكلم بعدين
منه بدموع _ طيب قول انك مسامحني، عشان خاطري
إبراهيم يقعد جمبها _ رغم اللي عملتيه مش سهل وصعب اني اسامحك بسهوله،،، بس هحاول عشان عارف انك مش هتخبي عليه تاني
منه ببكاء _ عمري ما هخبي عليك حاجه تانيه
إبراهيم _ تمام، نبتدي صفحة جديدة، بس بردو لسه زعلان ومش هقدر انسا بسرعه
منه _ ماشي اكيد هيجي يوم وتسامحني
إبراهيم _ ان شاءلله ،، بس انتي شدي حيلك عشان تكوني قمر في الفرح، ولا نطرد الاخ ده
منه بإبتسامة _ ماشي
إبراهيم _ ماشي نطرده؟
منه _ لا اقصد ماشي هشد حيلي
إبراهيم _ ااه منك،، نامى
منه بإبتسامة _ ماشي
إبراهيم بدأ يسامحني عقبال ماما كمان... ومعاذ ده لو هحكي عنه لسنه قدام مش هوفيه حقه،، بجد ملاك علي هيئة بشر
تاني يوم
سامر
أسامة رجع امبارح وانا كنت نايم ولما صحيت لقيته بيجهز نفسه وبيلبس بدله
سامر _ انا بقلق منك لما بتتحول
أسامة بإبتسامة _ ليه ياعم
سامر _ لابس بدله يبقا في حاجه
أسامة _ هو انا مقولتلكش ان النهارده كتب كتابي
سامر _ كتب كتاب مين
أسامه _ انا
سامر _ ولاااا متجننيش في ايه
أسامه _ خطه جديده هربيهم بيها
سامر _ تربي مين
أسامه _ خالي و امنيه وشيري
سامر _ ياااربي،،، انا مش فاهم حاجه ما تفهمني في ايه
أسامة _ اقولك
سامر باهتمام _ قول
أسامه بضحك _ روحت قولت ل أمنية ان خالي عاوزنا نكتب الكتاب، وروحت قولت لخالي نفس الكلام والمفاجاه انه خالي هيكون وكيل أمنية
سامر _ يانهار اللي خلفوك اسود، هتكتب عليها بعد اللي عرفته
أسامة يبتسم بخبث وميردش
سامر _ ايه
أسامه _ فكك وقوم اجهز عشان هتروح معايا
شيري
روحت الجامعه ودورت علي يارا لغيت ما لقيتها، ولما شافتني فرحت وخدتني بالحضن
يارا بفرحه _ حبيبتي وحشتيني،.. كنتي فين.. وايه الغيبه دي كلها... وليه مكلمتنيش.. انطقي
شيري _ واحده واحده طيب هفهمك
يارا _ ماشي قولي
شيري _ بصي هنتكلم كتير الأيام الجايه بس انا محتجاكي النهارده
يارا _ في ايه
شيري بدموع _ النهارده كتب كتاب أمنية و أسامة
يارا _ انتي لسه بتفكري فيه
شيري بدموع _ايوه بتنيل، وهو بيقولي بيحبني وبردو جاي النهارده يكتب عليها، هتتتتشل اسنديني
يارا _ دا عيل معندهوش دم وعاوز الضرب علي وشه
شيري بغيظ _ انا بفكر اقتـ.له
حكايات بنات p 28
شيري
خدت يارا وروحنا البيت عشان كنت عاوزاها توقف جمبي بعد اللي هشوفه النهارده
وبعد وقت أمنية بدأت تجهز نفسها عشان المأذون هيجي، ومحستش انها حزينه ولا ضعيفة لحظه واحده، بالعكس كانت بتجهز نفسها ولبست فستان فضي كانت لابساه مره قبل كده، وكان شكلها جميله اوي. ومن جهه تانيه عدي ساب البيت وراح لصاحبه عشان مش عاوز يحضر كتب الكتاب ، وبعد شويه الباب خبط وروحت افتح لقيت اسامة جاي وفي ايده كيس وبيدهوني
أسامه _ خدي
شيري _ ايه ده
أسامة _ الفستان،
شيري بخنقه _ مش عاوزة منك فساتين، روح اديه لعروستك
أسامة _ علشان خاطري اخر طلب هطلبه منك
شيري _ ماشي بس يارب يكون اخر طلب واخر مره اشوفك واخر مره تكلمني،، كرهت شوفتك بجد
أسامة _ انا عارف بس عديها النهارده
شيري بدموع _ تيجي منين انك بتحبني ورايح تجوز اختي
أسامة _ عشان انتي لسه صغيره ومش هتجوزي دلوقتي وانا هتجوزها عشان اكون قريب منك
شيري بغيظ_ ما تغور.. انت مبتغورش ليه
أسامة _ اوووكي، اجهزو بس.. نص ساعه و المأذون هيوصل، واتجوز اخت حبيبتي ههههه
شيري بدموع _ ياخي غور من وشي اهو وبتقفل في وشه
انسان حقير لابعد حد،، جايبلي فستان عشان احضر بيه كتب كتابه علي اختي.. المفروض كنت ولعت في الفستان ده بس انا ناويت اني البسه عشان اتشل اكتر، وفعلا دخلت جوه ولبسته وجت يارا وشافتني بيه انبهرت
يارا بانبهار_ ايه الجمال ده، لا انتي كده هتغطي علي امنيه اقلعي احسن
شيري بخيبه _ أسامة هو اللي جابهولي تصدقي
يارا _ قطع وقطعت سيرته، والله الواد ده مكار، طيب دا لو شوفتيه هو وزعلان عليكي مكنتيش تقولي ان الندل ده هو نفسه اسامه
شيري ببكاء _ ولما هو زعل، بيعمل فيه كده ليه انا نفسي اعرف هجنن يا يارا،.. طيب انتـ.حر واجبله مصيبه
يارا _ بطلي نحيب زي المرا المطلقة خلاص اللي حصل حصل
شيري تحضنها وتبكي _ انا تعبانه اوي حاسه روحي بتتسحب منى
أمنية تدخل وتسمعها _ بتبكي عشان واحد مش عاوزك.. لا برافو عليكي
شيري _ عشان كل شويه يكدب عليه وانا بصدقه، شوفي الفستان ده مرضيش يجيبهولك في الخطوبه وخباه معاه وجبهولي النهارده... عشان يشلني،.. .. لما يوصلو احنا لازم نشتمهم ونطردهم هما الاتنين
أمنية _ مش قبل ما نحر.ق دم هولاكو وبعدين نرميهم في الشارع
يارا _ وه ايه عصابه ريا وسكينه دي، مالكم ما تهدو على نفسكم
أمنية _ هوووف، ايه رايكم فيه حلوة ولا اروح احط مكياج تاني
يارا _ انتو الجوز زي القمر، شكلكم يخبل والله
شيري بخيبه_ شكلنا قمرات ومناحيس كمان... انا متأكده اننا دوسنا على ديل قطه سوده في بيت مهجور في شارع ضلمه وفيه سحر اسود
أمنية بضحك_ الله يقطعك.. اهدي هتموتي
#عز
لبست بدله سوده اشتريتها جديد وجزمه ماركه وساعه غاليه اوي وروحت للحلاق يظبطلي شعري ودقني وبقيت شيك زي ما بيقولو، واهو بجملة الكيد، مش هي عاوزاني اكون وكيل ليها،،، مش هحرمها من حاجه •
كلمني اسامه وقالي ان المأذون وصل ولما روحت لقيته هو وسامر لسه تحت
عز _ واقفين هنا ليه وفين المأذون
أسامة _ كلمني قالي انه جاى، يلا خلينا نطلع يكون جه
عز _ يلا
طلعنا فوق وشيري فتحت لينا، ودخلنا ومشوفتش عدي ولا أمنية
أسامة بإبتسامة _ شوفت اخت عروستي بقت قمر ازاى ياخالي
عز _ جميلة فعلاً
شيري _ شكراً حضرتك
أسامة _ قوليلوه يا خالي زي اخواتك
شيري بقرف_ ملكش دعوه
عز _ مش هنخلص ولا أية
أسامة _ طيب قبل ما يجي المأذون انت اقعد مع امنيه شوف هي محتاجه ايه او هنكتب ايه في العقد
عز _ انتو مش اتفقتو علي كل حاجه
اسامه _ لأ هي عاوزاك وكيل ليها ف اسالها انت اعتبر نفسك خالها
عز _ طيب حد يندهلها
أسامة بإبتسامة _ اندهي العروسة يا شاطره
شيري بقرف_ طيب . وبتمشي
اسامه بهمس _ انا متأكد ان امنيتي هتكون اجمل منها.. ولا انت ايه رايك يا عزوز
عز _ مش بركز
أسامه _ عشان كده بحبك
عز _ هو المأذون اتأخر ليه
أسامة _ زمانه على وصول
سامر _ شكل عز مستعجل اوي
عز _ ورايا شوية حاجات اعملها
أسامة _ متقلقش مش هنضيع وقتك علي الفاضي
عز _ ماشي بس شهلو
أسامة _ اوك... حبببيبتي خدي يا روحي ... بتحب اندهلها بروحي اوي
كنت ماسك نفسي علشان مضربهوش بضهر ايدي، لغيت ما طلعت وعلي وشها ابتسامه صفره وشكلها ناويه تبتدي تضايقني والغريب انها كانت لابسه الفستان اللي جبتهولها وكان شكلها يأسر العين والقلب •
وجت قدامي ومدت ايدها بابتسامة وانا سلمت عليها ومقدرتش اشيل عيوني عنها وكنت حاسس انه هيبان تركيزي معاها
أمنية بإبتسامة _ ازيك ياخالي
عز _ كويس، وانتي
أمنية _ كويسة، متشكره انك جيت
عز _ مقدرش اسيب اسامه فى يوم زي ده
أسامة _ مش بقولك بيحبني... ميقدرش ميجيش
أمنية _ مفيش حد يعرفك وميحبكش يا اسامه، وعلشان كده حبيتك
أسامة _ ميرسي ياروحي
عز _ المأذون اتأخر
أسامة _ كويس يكون اتكلمتو وشوفت طلبتها ايه وموافقه عليه ولا لا..
أمنية _ انا رايي كده بردو، لازم نتكلم
أسامة _ يلا يا سامر خلينا نقعد في البلكونة ونسيبهم يتكلمو
مشيو وسابونا وحدنا وهي رجعت تبصلي وهي مضايقه
أمنية _ نورت البيت ياخالي
عز بجديه _ طلباتك ايه
أمنية _ عاوزاك تكون وكيلي
عز _ موافق
أمنية _ هتقدر
عز _ هقدر علي ايه مش فاهم
أمنية _ هتقدر تجوزني بنفسك؟
عز _ ومقدرش ليه، مش انتي مبسوطه اوي وبتحضنيه وتبوسيه عادي
أمنية بغيظ _ انت عارف ان هو اللي حضني فجأه وانا ولا مره بوسته
عز بسخريه _ مصدقك اوي
أمنية _ بتتريق
عز بحده _ أمنية قولي طلباتك وموافقه ولا لأ قبل ما يجي المأذون
أمنية _ انا مش عارفه بقلل من نفسي معاك ليه
عز _ الظاهر ان مش معايا انا لوحدي.. مفهمانا احنا الاتنين انك بتحبينا
أمنية _ انا مفهمتهوش حاجه احنا لما نكون مع بعض بنكون جد ومبنتكلمش في حاجه
عز _ اه ما انا سمعت بالي بيحصل لما تكونو انتي وهو مع بعض.... خلصيني يا أمنية قولي عاوزة ايه
أمنية _ مش عاوزة حاجه واتفضل خد ابن اختك وامشي
عز _ قولي الكلام ده ل أسامه مش ليه
أمنية _ انا لو قولت ل أسامه، هقوله علي اللي حصل،
عز _ انا ماشي وقولي اللى انتى عاوزاه
أسامه بيجي _ المأذون جه
أمنية _ تعاله هنا
أسامه _ نعم ياروحي
أمنية بغيظ _ متقولش زفت
((المأذون يخبط))
أسامة_ المأذون بيخبط روحي افتحي
أمنية بغيظ_ مش هتجوزك
أسامة _ ومين قالك اني هجوزك.. روحي افتحي بس
عز _ انت اهبل يلاا امال جايبنا هنا ليه
أسامه بزهق_ هفتح انا
بيروح يفتح للمأذون ويدخله في الصاله وامنيه بتدخل جوه
أسامه بإبتسامة _ يلا ياشيخ
المأذون _ فين العريس
أسامه _ انا
المأذون _ وفين العروسه
أسامة _ شييييري تعالي
عز بغيظ _ انت غبي ما بتقولك مش هتجوزك
أسامة _ لحظه يا شيخ،، سامر تعاله اقعد مع الشيخ شويه
خدني عند البلكونة و وقف قدامي وهو مبتسم ببرود
عز _ في ايه خلصني
أسامه _ انا ولا مره فكرت في أمنية، ولو ركزت لما المأذون قال فين العروسه انا ندهت على شيري مش أمنية
عز باستغراب _ امال خطبتها ليه من الاول
أسامه _ عشان شيري،، بس لا انا ولا أمنية عاوزين بعض
عز _ أسامه اتكلم جد
أسامه _ دقيقة واحدة... شيري خدي
شيري _ نعم
أسامة _ انتي عارفه انا خطبت امنيه ليه من الاول
شيري _ ايوه
عز باهتمام _ ليه
شيري_ كان عاوزني اقوله اني عاوزاه وكان بيضايقني بيها
عز بخنقه _ امال الكلام اللي قولته امبارح عن الاحضان كان ايه
أسامة _ ههههه كنت بكدب عليك
عز بغيظ_ وحياة امك
أسامه _ ممكن متجبش سيرتها دلوقتي
عز _ يابني انت هتشلني، مش هي دي اللي كنت بتقول بتحبها ومعرفش ايه
أسامة _ مكنتش هقدر اقولك اني خاطبها علشان اختها، خوفت تزعل منى
عز بخنقه _ ياخي دا انت عيل مستهتر وفاشل،، الله يقطع سنينك
أسامة _ بعدين هزقني براحتك، المهم دلوقتي انك هتكون وكيل شيري
شيري_ بس انا مش عايزة اتجوز دلوقتي
أسامة _ مباخدش رأيك انا بعرفك بس
شيري بغيظ_ قولت لأ
عز بزهق _ يعنى انت مش عاوز أمنية
أسامه _ لا ولا عمري فكرت فيها نهائي
عز _ الله يخربيتك انا اتخنقت منك بجد
أسامة _ طيب ممكن تكون وكيل شيري بدالها وبعدين افهمك
شيري _ لا انا مش موافقه
أسامة_ يلا يا خالي مستني ايه
عز _ مش لما توافق هي واختها الاول
اسامه _ انت روح اقنع امنيه وسيب الجزمه دي عليه
عز _ مااشي اما نشوف اخرتها
أسامة
محبتش اقول اني عرفت حكايته معاها علشان ميضيقش ولو هو حابب يقول هيقولي من نفسه
شيري_ تصدق اني انا كرهتك
أسامة _ انا عارف، ها موافقه ولا لأ
شيري _ لما اشوف رايي امنيه الاول
أسامه _ هتوافق
شيري _ توافق ازاي وانت سايبها دلوقتي
أسامة بإبتسامة _ خالي هيقدر يقنعها.. هو مقنع اوي
شيري _ اقولك حاجه بس متزعلش
أسامة _ لو هتقولي بتحبيني قولي غير كده لأ
شيري_ الموضوع يخص خالك وامنيه
أسامة _يبقا ميخصنيش،
شيري _ براحتك
أسامة _ انا آسف علي كل حاجه، انا عارف اني زعلتك كتير
شيري _ كتير اوى فعلاً، انا عيني طلعت بسببك
أسامة _ مانتي كمان طلعتي عيني لو اعترفتي من الأول مكنش دة كله حصل
شيري _ مانت اللي مستهتر عاوزني اقولك وانت مقولتهاش اصلا
أسامه _ كنت خايف اقولها،.. مكنتش عاوز اربط نفسي مع واحده طول عمري
شيري _ ودلوقتي اطمنت
أسامه _ شويه
شيري _ وليه شويه متطمنش كتير ليه
أسامه _ مش عاوز ابوظ اليوم بكلامي،
شيري_ يهمني اعرف قبل اي حاجه
اسامه _ خليها بعدين
شيري _ لا دلوقتي لأما انا اللي هرفض
أسامة بتنهيده _ طيب هقولك... اكيد توقعتي ان واحد زيي كان ليه علاقات كتيره قبل كده
شيري _ علاقات زي ايه
أسامه _ مع البنات وكل اللى تتخيليه عملته معاهم
شيري بغيظ _ و وصلت للمأذون ولا دا اسلوب جديد خاص بيه
أسامة _ لأ موصلتش للمأذون قبلك
شيري بغيظ _ انا مش موافقه
أسامة بإبتسامة _ العصبية دي هي اللي جابتني علي بوزي
شيري _ بردو مش موافقه
أسامة _ اسمعيني هقولك حاجه
شيري بنرفزه _ مش هسمع
أسامه_ هضربك،، بقولك اسمعيني
شيري _ مش هسمع ومش هتجوز واحد صايع زيك
أسامة _ شيري متستعبطيش، لو موافقتيش بذوق والله هخطفك وانتي عارفه اني.مجنون واعملها
شيري _لا يعنى لا ولو مبعدتش عني هقول لخالك
أسامة _ شيري عشان خاطري، والله انا بحبك
شيري _ وانا ايه ضمني انك متعرفش عليه بنات بعدين
أسامة _ مش هعرف ومن وقت ما عرفتك وانا بعيد عن الجو ده وافقي بقا
شيري _ مش مصدقاك
أسامة _ وحياتك عندي ده اللي حصل
شيري _ طيب سيبني افكر
أسامة _متفكريش المأذون مستني
شيري _ انا خايفه اربط نفسي معاك وبعدين تخوني
أسامه _ والله ما تخافي، انا عمري ما حبيت غيرك ولا هحب
شيري _ طيب ممكن تسبني دقيقة افكر
أسامة _ طيب العد التنازلي بدأ.. 60 59 58
شيري _ بااس بقولك افكر انت موترني
أسامة _ شيري بلاش بواخه.. انتي مش بتحبيني بردو
شيري _ ايوه بس خوفت دلوقتي
أسامة _ طيب بصي... احنا.نكتب الكتاب وقدامنا لغيت ما تخلصي تعليم ولو لسه مكونتيش اطمنتي نسيب بعض
شيري _ وابقا مطلقه مش كده
أسامه _ طيب والحل
شيري _ نتخطب خطوبه
أسامة _ ماشي فكرة مش وحشة بس لو خطوبه ف هنتجوز بعد سنه
شيري _ موافقه
أسامة بإبتسامة_ هو الشباك ده مينفعش يتقفل
شيري _ ليه، بردان؟
أسامه وهو يميل عليها _ مشتاق يا جميل
شيري _ عيب كل شويه اقولك انك صايع
أسامه بضحك _ بس عسل
شيري بإبتسامة _ مش عسل ولا حاجه، انت دمك تقيل
أسامه _ سيبك من دمي وقوليلي ايه الجمال ده
شيري _ شكرا
أسامة _ العفووو.. يا خالتي، ايه شكرا دي
شيري _ امال اقولك ايه
أسامه يميل عليها _ قولي ميرسي يا روووحي ومديها كده
شيري تبتسمله وفجاه تبعد وهو يوقع علي الارض
أسامة بألم _ موتك علي أيدي ياغبيه
بعد ما اتفقنا انها خطوبه وبس مشيت المأذون ورجعت اطين عيشيتها بس بغبائها كنت هوقع من البلكونة بس ربنا ستر وموقعتش
أمنية
لقيته بيخبط علي الباب وبيدخل عليه من غير ما ارد
أمنية _ انت ايه مدخلك هنا
عز _ أسامة مش عاوزك
أمنية _ ومين قالك علي الموضوع ده
عز _ هو
أمنية _ قالك ايه
عز _ قالي انه خاطبك عشان يوصل لشيري
أمنية _ ومقالكش ليه من زمان .. جاي بعد ما جهزت نفسي ويقول كده،
عز _ فكرتك هتفرحي لما تعرفي
أمنية _ افرح ليه
عز _ عشان هنكون لبعض
أمنية _ ومين قالك اني هوافق عليك اصلا... لعلمك انا عرفت بموضوعهم قبلك
عز _ كنتى عارفه ومخبيه عني
أمنية_ معرفتش غير أمبارح، وكنت مستنياك توقف الموضوع بأي شكل بس انت محاولتش مره واحده،، ايه يفرحني وانت ممكن تتخلا عني في لحظة
عز _ عاوز اعرف حسيتي ب أيه لما عرفتي انهم متفقين عليكي
أمنية _ متحاولش تبرر، انا عارفه ان احساس الخيانه وحش بس مكنتش هتنقص حاجه لو حاولت
عز _ اوعدك هعوضك عن كل حاجه بس متعقدهاش بعد ما اتعدلت معانا
أمنية _ لأ هعقدها، انا مش عاوزاك خلاص
عز _ أمنية متعمليش فينا كده
أمنية بحده _ قولتلك مش. موافقه ومشي المأذون من هنا واتفضل برا
عز بتنهيده _ الظاهر الكلام مش هينفع دلوقتي
أمنية _ لا دلوقتي ولا بعدين
عز _ طيب خلاص براحتك ، بس من بكره ترجعي الشغل
أمنية _ مش جايه
عز _ طيب ادفعي، بس المره دي مش 100 الف بس
أمنية _ امال كام
عز _ مليون
أمنية بصدمه _ كااام
عز_ انتي اللي قولتي ازود فلوس الشرط الجزائي ولا نسيتي
أمنية _ نهار اسود
عز _ هيكون اسود عليكي لو مجتيش
أمنية بغيظ _ متفرحش اوي كده، انت هترفدني بنفسك
عز _ هنشوف
أمنية _ بكرهك
عز بإبتسامة _ بحبك
أمنية بغيظ _ اطلع بره
يارا
من اول ما جه وانا قاعده في المطبخ عشان ميشوفنيش وبعد وقت المأذون مشي من غير ما يكتب الكتاب، وانا غصب عني بقيت احاول اشوفه من غير ما ياخد باله ولقيته قاعد لوحده وماسك عكاز وراسه مربوطة، وكان بيحاول يقوم عشان يشرب والعكاز وقع منه وهو وقع علي الارض... روحت عنده بسرعه وسندته للحظه مخدش باله اني انا وبعدين اتفاجأ لما شافني
سامر _ يارا
يارا _ قوم معايا.. اتفضل العكاز
سامر _ انتي هنا. من امتي
يارا _ ارتاح علي الكرسي
سامر _ مسألتيش عليه ليه انا كنت مستنيكي
يارا _ حمدالله علي سلامتك
سامر _ مسالتيش عليه ليه يا يارا
يارا _ عشان كنت فوقت خلاص
سامر _ وبعد ما فوقت مينفعش تسألي عليه يعني
يارا _ عن اذنك
سامر _ استني
يارا _ ايوه
سامر _ انا سبت اهلي وكل حاجه علشانك
يارا _ يعني ايه سبتهم علشاني، ومين قالك تعمل كده
سامر _ انا... انا عاوز اطلب ايدك
يارا _ استعجلت قوي كان لازم تعرف اذا هوافق عليك ولا لأ
سامر _ انا هروح ل ابوكي في بيته واطلبك منه، وهردله اعتباره، اظن كده عداني العيب
يارا _ وانا عمري ما هقبل اخدك من اهلك
سامر _ اهلي اكيد هيرضو في يوم بس انا. مش هستنا يكون حنو عليه و وافقو
يارا _ انا ميعبنيش حاجه علشان اتجوز واحد اهله مش هيوافقو عليه، وكمان انت نفسك لسه بتاخد مصروف
سامر _ انا هشتغل وهصرف علي نفسي
يارا _ عظيم قوي بتوفيق
سامر _ يعني موافقه
يارا _ لأ
سامر بزهق _ ليه لأ
يارا _ لو اشتغلت وأهلك وافقو وجم بنفسهم يطلبوني من ابوي في البلد انا هوافق ولغيت ده ما يحصل متتكلمش معايا في اي حاجه
سامر بخيبه _ انتي بتعجزيني ومش عارفه تقولي مش عاوزاك... قوليها عادي
يارا بإبتسامة _ المشكله مش عندي دلوك،،، دي مشكلتك لو قدرت تحلها انا موافقه
سامر _ يعني عاوزاني
يارا _ الف سلامه عليك
دخلت وسبته وروحت عند عصافير الكناري اللي مشو المأذون من غير ما يشتغل
يارا _ موخدينش منكم غير التعب والمشوره مشيتو المأذون ليه... شوف اهو خالك كمان ماشي
أسامة _ خالي رايح فين
عز _ ماشي
أسامة _ عملت اية مع أمنية
عز _ ولا حاجه
أسامة _ خالص
عز _ أمنية طلعت تعرف بحكايتكم قبلي ، مكنتش تعرف الموضوع ده انت
أسامة _ لأ مكنتش اعرف . طيب وهي رأيها أيه
عز _ مقالتش بس سيبك منها ، ، ولو عاوزين تكتبو الكتاب دلوقتي انا جاهز
أسامة _ لا ما خلاص هنعمل خطوبه بس والمأذون مشي
عز _ تمام اللي يريحكم
أسامة بإبتسامة _ متشكر، عقبالك... هي البنت مرجعتش تانى صحيح
عز بإبتسامة _ رجعت، بس منشفه دماغها، ومسيرها اكسر.هالها
أسامة _ كسرها هي تستاهل
تاني يوم
أمنية
روحت الشغل تاني يوم ومكنش في حد هناك، واول ما دخلت المكتب لقيت ورد وشيكولاته، بقيت ابصلهم شويه وبعدين سمعت صوته ورايا
عز _ نورتي
أمنية _ مين جاب الحاجات دي هنا
عز _ مش عارف
أمنية _ طيب وفين الناس
عز _ معرفش
أمنية _ امال تعرف أيه
عز _ مش عارف
أمنية بخنقه _ طيب ممكن تتفضل علي مكتبك علشان اشوف شغلي
عز _ مش عارف
أمنية _ انت علقت
عز _ مش عارف
أمنية _ انت كويس
عز _ لأ
أمنية _ طيب اتفضل اهو التعليق فك
عز بإبتسامة _ عازمك علي العشا النهارده
أمنية _ مش جايه واحفظ مركزك ومتنساش نفسك، انت المدير
عز بإبتسامة _ شايفك بتردهالي
أمنية _ لا اردهالك ولا تردهالي، ومن فضلك لو مش هترفدني، متكلمنيش بعيد عن حدود الشغل
عز _ اعندي براحتك بردو في الاخر هترضي
أمنية _ مش هرضا وافتكر غلطاتك واخرهم اتهامك ليه اني بحضن وابوس أسامة .. خليك فاكرها هاا
عز _ ماهو اللي قالي
أمنية _ وانت صدقت، طبعا ما انا سمحتلك قبل كده
عز بإبتسامة _ خلاص متزعليش انا اسف
أمنية تمسك القلم بغيظ _ تحب ادبه في عينك واقولك اسفه
عز _ موافق
أمنية _ فيك الخير اتفضل بقا
