حماتي جوزتني عيالها التلاته الحلقه الثانيه بقلم هويدا زغلول
 |
وفي الوقت ده لقيت ايهاب قالها
ايهاب
ماشي يا اما انا طالع شقتي لما نشوف
اخرتها معاكوا ، وبعدها سابني وطلع وانا
كنت وافقه خايفه وقولت
منال
اب بقي الشروط معلش
توحه
أنا هنا الكبيره يا حبيبتي المفروض زي
زي حماتي بالظبط مش بعمل اي حاجه خالص
وشغل البيت هيكون عليكي انتي وروحيه
حماتي
جوزك ينزل شغله تنزلي هنا عالطول تروقي
تغسلي تعملي حاجات البيت كلها اه صحيح
ونسيت اقولك مافيش كلمه عايزه
اروح اشوف ماما دي خالص فاهمه ولا لا
منال
فاهمه حاجه تانيه يا حماتي ، وفي الوقت
ده روحيه جت جمبي وقالت
روحيه
اه مافيش حاجه اسمها اكل يتعمل
في شقتك الاكل كله هنا وبعدين
تكلي وتطلعي الشقق فوق علي النوم
وبس
منال
موافقه فيه حاجه تاني ولا اطلع شقتي بقي
وبعدها حماتي بصت ليا ومن غير ما تتكلم
شاورت أن اطلع ، وتوحه جت جنبها وقالت
توحه
اي ده لا حماتي دي موافقه موافقه امال
احنا هنعمل معاها ازاي مش المفروض
تقول لا
حماتي
اصبري يا بت أنا هخليها نطقك ، وفي الوقت
ده كان محمد قاعد في اوضته زعلان وأمه
دخلت عليه الاوضه وقالت
الام
متزعلش نفسك يا حبيبي ده كله نصيب
والله وانت ملكش نصيب فيها
محمد
نفسي افهم هو احنا عملنا اي في خالتي
علشان تعمل فينا كده حرام عليها والله
الام
يا حبيبي كل مكتوب وربنا مش كاتب البت
دي تبقي مراتك بطل تفكر فيها بقي
محمد
ماما انا عايز اعرف ليه انتي وخالتي مش بتكلموا
بعض اي المشاكل اللي بينكم
الام
مش هينفع اتكلم يا حبيبي خالص بقي قولتك
انسها ، وفي الوقت ده انا بعت
لمحمد رساله وهو بص في موبيله وبعدين
قال لامه
محمد
معلش يا ماما سبني أنا محتاج انام تعبان شويه
الام
ماشي يا حبيبي ، وبعدها خرجت وهو فضل
يقرا الرساله وانا بقولوا (عمري ما هنساك يا محمد واللي حصل ده كان غصب عني )وبعدها
فضل يرن عليا وانا كنت قفلت التلفون وفي
اوضتي كنت قاعده بالفستان ودخل ايهاب
وقالي
ايهاب
اي هو انتي هتفضلي قاعده كده بالفستان
كده ولا اي ما تقومي يلا أنا جعان
منال
للاسف مامتك مطلعتش اكل ومافيش
اكل هنا خالص
ايهاب
وهي مشكلتي ولا مش المفروض
الاكل علي العروسه ولا اي اه ولا نسيت
أن ظروفكم متسمعش تعملوا اكل خالص
منال
شكرا ليك ، وبعدها بصت ليا وقالي
بقولك اي أنا مبحبش حد يرد عليا فاهمه
ولا لا لما انزل اشوف عند امي لقمه
اكلها بدل سده النفس دي ،
وبعدها سابني
ونزل وبعدها أنا فضلت اعيط وفي المطبخ
عند حماتي كان قاعد ايهاب بياكل ودخل
ياسر اخو وقالو
ياسر
اي ده انت بتعمل اي هنا يابني مش المفروض
انك عريس وتكون في شقتك فوق ولا اي
ايهاب
يا عم انا مش طايقها اصلا مش عارف
امك ليه صممت علي الجوازه دي ، وياسر
راح وقف جمبه وقالو
ياسر
مراتك شكلها طيبه وبنت ناس حاول
تعوضها اللي حصل فيها مش كفايه امك
واللي عملته معاها
ايهاب
لا يا حبيبي امك مش عملت فيها حاجه دول
اهلها اللي باعوها علشان الفلوس وهي
تستاهل والله اللي حصل فيها
ياسر
مافيش فايده ماما عامله ليكم غسيل مخ
برحتك بس عايز اقول طول ما انت بتسمع
كلامها وانت كده هتسخر وقبل ما يخلصوا
كلامهم تلفون ايهاب رن ورد عليه
ايهاب
الو ايوه رت استاذ احمد اي معقوله أنا
اللي هسافر ده ربنا يخليك يا فندم لا لا عريس
اي أنا الاسبوع الجاي هكون جاهز ،وبعدها
قفل معاه شوفت دعوه الام أنا
اللي مسافر علشان اخلص شغل التكييفات
في الساحل الشمالي
ياسر
ربنا يوفقك يا اخويا واهو فرصه تاخد
مراتك وتروح شهر عسل
ايهاب
مين مين مين مراتي مين أنا رايح
اعيش تقولي مراتي برضه اوعي بقي من وشي
وبعدها طلع الشقه واخد هدومه ونام
علي الكنبه وتاني يوم صحيت علي صوت
حماتي وهي وافقه جمب السرير وبتقول
حماتي
اصحي يا غندوره اي نموسيتك كحلي بقي
انتي منيمه ابني علي الكنبه ونايمه انتي
علي السرير لوحدك ، وانا صحيت من النوم
وقولت ليها
منال
صباح الخير يا حماتي انا والله ما عملت كده
ومعرفش اصلا أنه طلع من عندك
حماتي
نعم ياختي هتعمليهم عليا يابت ، وفي
الوقت ده دخل ايهاب
ايهاب
اي يا اما فيه اي مالك علي الصبح
عملتي ليها اي يابت ، وبعدها حماتي بصت ليه وقالت
حماتي
عين امك يا اخويا بقي هي تنام علي السرير
وانت تنام علي الكنبه برضه
ايهاب
أنا اللي نمت علي الكنبه يا اما معلش
نسيت نفسي قدام التلفزيون
حماتي
برحتك شقتك وتنام مكان ما انت
عايز يلا يا حلوه يلا انزلي اعملي الفطار
، وانا قولت ليها
منال
حاضر يا حماتي ماشي ونزلت تحت وكنت
وافقه في المطبخ ولقيت ياسر داخل
ياسر
صباح الخير معلش بكره تتعودي
علينا والله ماما طيبه بس المشكله
انك كنتي مخطوبه ل ابن خالتي
منال
وانا ذنبي اي يعني مش كفايه أنها اخدتني من حبيبي وفي الوقت ده دخلت توحه مرات ياسر
وقالت
توحه
الله الله حضرتك بتعمل اي هنا يا استاذ
وعايز اي ، وهو ارتبك وقال
ياسر
اي اه اصل انا جاي اشرب هاتي كوبيا
مياه وبعدها خرج وعدا اسبوع وكلنا كنا
في شقه حماتي كنت وافقه أنا وحماتي وياسر وكان ايهاب مسافر وقال
لامه
ايهاب
عايزه حاجه يا حبيبتي ادعيلي بقي ربنا
يوفقني ، وانا كنت فرحانه أنه ماشي
وقولت ليه
منال
بعد اذنك يا ايهاب اروح اقعد عند ماما اليومين
دول لحد ما ترجع ، ولقيت حماتي بصت
ب غضب وقالت
حماتي
مافيش مرواح في حته وامك ياختي مش
فاضيه بتنقل في العماره الجديده الشقه
اللي أنا جايبها ليكم بفلوسي ، وانا زعلت
اوي من كلامها وقولت
منال
ماشي يا حماتي اللي تشوفي ، وبعدها طلعت
شقتي وهو مشي وعدا يومين وسمعت
صويت من شقه حماتي ونزلت جري ولقيت
حماتي بتقول
حماتي
يا حبيبي يا بني ياللي روحت وانت عريس
يا حبيبي ، والكل نزل من شقته وياسر قالها
ياسر
اي يا ماما فيه اي مالو ايهاب
حماتي
ايهاب مات مات كلموني وقالو ليا دلوقتي
تعالي استلمي جثته وانا كنت فرحانه اوي
بس مكنتش مبينه والصدمه لما كنا قاعدين
في العزا وكنت قاعده جمب سلايفي
توحه وروحيه ولقيت ام محمد دخلت وقالت
ام محمد
البقاء لله يا اختي والله زعلت علشانه اوي
وفجاه لقيت حماتي قامت وقالت
حماتي
انسي لو جايه تشتمي فيا يبقي بتحلمي
ومهما يحصل منال مش هتخرج من البيت
ده وبعدها حصل
