جميع الروايات كامله

 رواية شرسه ولكن البارت السادس والعشرون والسابع والعشرون والثامن والعشرون والتاسع والعشرون والثلاثون 

رواية شرسه ولكن الفصل السادس والعشرون والسابع والعشرون والثامن والعشرون والتاسع والعشرون والثلاثون 

رواية شرسه ولكن البارت السادس والعشرون والسابع والعشرون والثامن والعشرون والتاسع والعشرون والثلاثون 

شرسه ولكن ! 26 

*************

أوعوذ بكلمات الله التامات من شر ما خلق 

سبحان الله وبحمده وسبخان الله العظيم 

لا حول ولا قوة إلا بالله العلى العظيم 

💙💙💙💙💙💗💗💗💗💚💚💚💚💚

نور بتنطر ايديها فى الهوا : احنا ها نستهبل من اولها 

حازم : بيستوعب ... بصى من غير غلط 

نور : انت خليت فيها غلط والا صح .. ها تقعد تتسحلب وتتدحلب وبعدين تقولى مراتى شرعى وقانونى وبعدين البسى يا نور عيلين كملى بيهم باقى حياتك 

حازم تنح وحط ايده على بوئها : ايه ما صدقتى .. افصلى .. انا متعود على كدا لما كنت انام فى الصاله عشان اسمع أمى وهى تعبانه او محتاجه حاجه .. قمت من النوم دخلت اوضتى ونمت وانا مش حاسس .. بتحصل سعتك عادى جدا .. ايه الدنيا اتهدت وفى ثانيه النوايه السيئه طلعت 

نور : بص على رأى خالتى .. انا شكلى كدا ها اخلف معاك بدون قصد ونيتنا ها تكون حسنه قوم يا ابووو حسنه من هنا الاوضه دى ما تعتبهاش برجلك تانى 

حازم : ودا على اساس ايه .. دى اوضتى زى ما هى اوضتك 

نور ابتسمت برخامه وبتنطر ايديها لورا : كانت اوضتك .. دلوقتى وبتشاور بصباعها على السرير اوضتى لوحدى .. يعنى ملكيه خاصه 

حازم بعند : لا ملكيه مشتركه وبيشاور عليها وعليه 

نوربترفع مناخيرها لفوق  : نووو .. نووو .. خاصه ودا اخر كلام يا حازم 

حازم بيهز راسه ومغمض عيونه : مشتركه يا نور ودا نهاية الكلام .. ووسعى خلينى اريح جسمى بما انك صحيتى وزقها ونام على السرير 

نور بترفع ايديها لفووق وكانها عايزا تضربه .. وقااامت من جمبه وهى قايمه اقفلى النور والباب وانتى خارجه ومش عايز دوشه 

نور بتنزل ايديها وتطلعها : اصبر علياااا .. فتحت الدولاب جااامد وخبطت الضلفه 

نور : اهاااا.. مش دى ضلفتى .. مسكت الضلفتين وزقتهم بعزم ما فيها الناحيه التانيه .. وبتطلع الهدوم وحازم رافع راسه وبيبص عليها بغيظ ... ها نبتدى شغل المدايقه 

نور بتعمل علامه الصدمه بوشها : ايه دا .. سورى ياحازم نسيت انها مشتركه .. وجابت بجامه وزقت الضلفه خبطتها تااانى وبرخامه .. انت جايب دولاب مزعج اعوذ بالله .. وهى خارجه رزعت الباب .. وبعدين خبطت عليه جااامد ... وبتقول بصوت عالى ... نام براحتك يا زومى . 

حازم ابتسم : مجنونه .. وفعلا ناااام تانى وكل شويه يقوم مفزوع على صوت حاجه : وبعدين بقى فى الكائن الحى الغير طبيعى إلا برا دا .. 

نور فوق راسه : انت بتقول حاجه يا وحش 

حازم بخضه  رجع لورا  : ايه يا نور شغل العفاريت دا .. امال مين الا بيرزع برا 

نور : التلفزيون جايبه على توم وجيرى اصلى بحبهم ..

حازم : ولما انتى بتحبيهم واقفه فوق راسى ليه وبيشاور بايده على برا بعصبيه اتفضلى برا شوفى حبايبك 

نور : جايه اقولك ان الفطار جاهز وحضرتك قاعد بتزم فيا مع اصحابك ينفع 

حازم رفع حواجبه : اصحابى .. اصحابى مين 

نور : نواياااك السيئه إلا دايما ملموين عليك وبيلعبو فى دماغك شطرنج  .. وسابته وخرجت .. وحازم متنح من كلامها ورجع  يريح راسه على المخده تااانى وجسمه .. نور دخلت براسها من الباب وبصوت عالى .. مش ها تقوم تفطر انت واصحابك 

حازم بغيظ شال خداديه وبيحدفها بيها وهى جريت على البرا وبتضحك من غير صوت وبتطلع لسانها .. وبتقوله انت الخسران .. وبتلف لقت حازم فى ضهرها .. 

حازم : ايه بقى شغل العيال دا 

نور قعدت وبأستعباط ؛ حد دايقك يا بطل 

حازم بنبرة صوت عاليه  : والله .. نور ما تطلعيش 

نور رفعت ايديها الاتنين : والله ما انت مكمل .. روح استر نفسك باى ملايه  وتعالا افطر عشان انا جعانه 

حازم : على فكره انا ما بقعدش غير كدا .. وايه استر نفسك بملايه ما تتعدلى بقى  

نور بالامبلاه : مش مهم .. ياله طص وشك بشوية ميه وتعالا 

حازم قلب شفايفه : طص 

نور : بلاش طص .. رش بخر  وشك وانجززز .. وبتاكل 

حازم هز راسه وسابها ودخل الحمام اتوضى وخرج .. ودخل الاوضه تانى وبيصلى ..

نور : هو دخل الاوضه مطلعش ليه .. هو ها يشتغلنى دانا اشتغل بلد .. وقامت بتبص عليه لقته بيصلى .. راحت قعدت مكانها ومستنياااه .. على ما خلص .. وطلع قعد قدامها .. 

حازم : خلصتى أكل 

نور : قربت : لا مستنياك على ما تصلى .. تقبل الله 

حازم ابتسم : منا ومنكم يا شيخه نور ياتقوى يا ايمان 

نور : الله يباركلك يا مولاناااا .. ها تعزم على الاكل انا جوعت 

حازم ضحك من قلبه على رد فعلها السريع .. وبيسمى وبعدين كل .. ولاحظ ان نور بتاكل بطبيعتها جدا ما بتمثلش ابدا .. واخده راحتها .. 

نور : بتشيل الاكل بعد ما خلصوو  وحازم كمان بيشيل معاها 

حازم : وسعى أغسل انا اطباقى الاول 

نور تنحت وبصتله : نعم اطباقك .. لا سيب انا ها اعملهم

حازم : انا متعود على كدا من صغرى على فكره .. فا وسعى مش فاضيلك 

نور بعدت عن الحوض وواقفه تتفرج عليه .. خلص .. وبعد ما خلص ابتسم وقرب عليها  

حازم : تسلم ايدك الفطار كان طعمه جميل ومميز 

نور ابتسمت : ميرسى 

حازم : هههههه مش لايق عليك يا صاحبى .. وخرج بسرعه وهى حدفته بالفوطه الصغيره إلا على الحوض .. وبصت قدامها وابتسمت خرجت وواقفه فى البلكونه ومعاها السجاير وولعت سجاره .. حازم سحب السجاره من ايديها  رامها فى الشارع .  وخد علبة السجاير كلها .. ودخل على جوا.. 

نور قربت عليه وبتحاول تنتش السجاير بس هو رفع ايده : ايه إلا بتعمله دا 

حازم : بعمل إلا المفروض أعمله من يوم ما شفتك .. انسى سجاير فى حياتك تانى لاء فاهمه 

نور وقفت وحطت ايديها فى وسطها : انت مالك .. ومين انت عشان تمنعى منها .. بص ما تعصبنيش وتطلعو جننوتى وهات علبة السجاير 

حازم رفع حواجبه : اعلى ما فى خيلك اركبيه .. طول ما انتى معايا لا يمكن ها تشربيها تانى .. وسميه زى  ما تسميه .. وماعنديش مانع احبسك على فكره 

نور بزهق : اه ما انت راجل .. عايشين حياتكم عشان تأمرو وتتحكمو وبس .. انا مش ها ابطل سجاير وهجمت عليه  وبتحاول تاخد العلبه منه .. لف ايديه الاتنين حوالين وسطها وبقت السجاير عند ضهرها .. ونور فى حضنه  ووقع بيها على الكنبه .. وبقى هو فوقيها .. 

نور بصوت مبحوح : ابعد عنى 

حازم : مش ها ابعد يا نور .. وها تسمعى كلامى  والا افطصك وأخلص منك .. سجاير لاء فاهمه 

نور : مش فاهمه يا حازم .. مش فاهمه  

حازم وهو لسا زى ما هوو  مشى ايده على وشها وهى بتغمض عيونها .. وبهمس فتحى عيونك 

نور بنهجه : ابعد وبتحرك نفسها جااامد 

حازم : ليه عايزا تدمرى نفسك .. ادينى سبب لو هى بتفيد ها اشرب معاكى .. انما هى ها تعجزك وانتى فى عز شبابك 

نور بصوت عالى وصريخ : ابعد عنى .. ابعد 

حازم اتعدل وعدلها وهى زقته بغل وسابته ودخلت الاوضه وقفلت على نفسها من جوا وحازم متغاظ منها نفسه يلاقى سبب لكل إلا هى بتعمله دا .  الناس كلها عندها مشاكل وبتعانى حياتهم مش فل وتمام ..  

*************** 

محى بعد ما روح اتفاجئ بأخته وابنها موجودين عندهم .. حاولت تكلمه لانها قاعده وسهرانه عشان تتكلم معاه بس هو رفض ودخل اوضته ونام على طول .. الصبح على الفطار 

فوزيه : انت يابنى ضيف فى البيت 

محى : ليه يا ماما 

فوزيه : ما بتقعدش معانا نهائى .. ما بنصدق ترجع عشان تقعد معانا وانت تهرب ومأضيها 

محمود : سبيه براحته يا فوزيه .. شاب وعايز يعيش 

محى ضحك : تعيش يا حج .. منوره يا أميره 

أميره : مش باين يا محى  .. يا راجل واحشنى وكنت عايزاك وانت تقولى تعبان ونعسان وسيبتنى ودخلت نمت 

محى : تتعوض يا حبيبتى ولا يهمك فين محمد 

أميره بأبتسامه : لا ما بيصحاش دلوقتى خالص .. المهم 

محى : ايوا كدا ادخلى فى المهم 

أميره : ايه رايك فى الدكتوره هينووو الا ساكنه قدامى عشان تتقدم لها 

محى : هههههه  . هينووو .. دى دوا مغص  .. عايزا تجوزينى دوا مغص يا اميره .. لا يا حبيبتى ريحى نفسك انا عارف عايز اتجوز مين 

أميره سابت الرغيف وبصت له بأنتباه : مين يا حبيبى 

محى : بقولك ايه انا عارف انك جايه مخصوص بعد ما  محمود وفوزيه كلموكى عشان تيجى تقنعينى انى ابعد عن ورد  صح 

فوزيه : ايوا يا استاذ صح .. ادام احنا مش عاجبينك  ومش قادرين عليك 

محى : يا ماما .. يا حبيبتى انتو فوق راسى بس دى حياتى  والاختيار بالذات يخصنى انا وبس 

اميره : يعنى تضيع نفسك وتقول يخصنى .. مجنون يا محى .. مين البنت دى وبنت مين معاها تعليم ايه .

محى : لو انتوو  شايفنها ولا حاجه .. اعتبرونى زيها وبقولكم انا كمان ولا حاجه 

فوزيه : قطع لسانك .. بقى امك وابوك واهلك ولا حاجه 

محى : يااااه .. ليه كدا .. بتتعاملووو من فوق قوى وباصين للناس كانها مش زيكم  

محمود : انت ها تعقل والا اقوم أعقلك يالا .  دى اخرها تروح ترعى شوية غنم 

محى بهجوم : مش عيب .. الا بيرعى غنم عمره ما كان دا عيب فى حقه .. العيب علينا احنا اننا دايما بنتعامل بالمستوى وانت مين وانا مين .  انا ها اتجوز انسانه دم ولحم والانسان دايما يا حج قابل للتغير .. مش يمكن تبقى فى يوم من الايام  احسن من ابنك المهندس .. الا طافح الدم ومش قادر حتى يكمل تشطيب شقته والاسم مهندس .. على فاكره فى مهندسين بايعين وسواقين وبردو مهندسين زيى .. وفى ناس بنضرب لها تعظيم سلام ونقول لهم يا ساعة الباشا ويا بيه وهو مكمل تعليمه بالعافيه .. يعنى التعليم مبقاش بالاهميه إلا انتو متصورنها ابدا كله .. كله بيندب حظه اتعلم او لاء بيندب وطافحين الدم 

اميره : احنا مش عايزين فلفسه .. دى ها تتعبك مش ها تفهمك .. دايما جهلها ها يظهر عليها فى كل تصرفاتها وها تكسفك وتعرك قدام الناس 

محى بثقه : لا يا اميره  .  ورد ست البنات وانسانه محترمه وواعيه .. وانا حر دا اختيارى انااا 

محمود : يوم ما تفكر تتجوزها ما اشوفش وشك هنا تانى فاهم 

محى : ها اهون عليك .. ليه كل العداوه دى وعشان ايه 

فوزيه : عشان تعقل وترجع لعقلك 

محى قام : طيب انا ها أمشى واعرفوو انى ها اتجوز ورد ومش ها اسيبها ابدا  من غير زعل  ... وطلبت ايديها كمان 

محمود بعصبيه : من مين يالا .. دى مقطوعه من شجره  كدبت الكدبه وصدقتها 

محى : ان شاء الله بكرا ابقى انا كل أهلها .. بعد اذنكم وسابهم ودخل الاوضه 

فوزيه : انتوو  ها تسيبوه يتجوزها ويقضى على حياته 

أميره : بابا قوم اقنعه ان كدا غلط .. ها اقول ايه لجوزى دا عايز يعرنا كلنا 

محمود : خلاص مش عايز ولا كلمه ..  يغور ويشوف مين ها يساعده يروح يقعدها على المحاره .. وبكرا الايام تعرفه قيمة امه وابوه وخصوصا لما يلاقى محدش جمبه ولا بيساعده 

محى قاعد فى الاوضه مهموم وزعلان وبيلم حاجته .. هو مرتاح  وكل ركعه بيصليها بيدعى ربنا .. والراحه بتزيد مش بتقل ابدا  .. ليه بيبصو للناس بعنصريه وتميز .. ليه الحيااه دايما بنكلكعها ونعقدها وهى سهله وبسيطه وليه دايما إلا فى ايده حاجه .. علم .. فلوس .. حياه .. تفائل .. بيبخل على غيره وبيدور دايما على إلا زيه 

************

سيف واقف فى التأمين وكل كيانه مع سلوى .. 

محمود : ايه يابنى .. لسا مفوقتش والا ايه 

سيف : فايق يا عم 

محمود : عم .. لا دانت حالتك خطر .. وغمز .. هى البت لسا مغلابك بردو 

سيف : ما تطلع من نفوخى يا محمود على الصبح 

محمود : انا غلطان .. تعالا افطر وان شالله تتفلق .. اه يا اخويا هو فى زيك .. فى ايدك دبله ومظبط كمان 

 سيف : ما تاخد انت الدبله وتحل عنى رمتها لامى وكل ما اكلمها تقولى مش قادره ارجعها يابنى وكانها الدبله الملعونه 

محمود ضحك : انا مشغول حاليااا .. دور على غيرى .. ياله .. وقعدو ورا  وبيفطرو كلهم مع بعض .. والعساكر واقفه وسيف شال شنطه مليانه سندوتشات وبيدى كل واحد فيهم سندوتش قبل ما يأكل ..وبيهزر مع العساكر هما واخدين منه على كدا  والكنيسه خرجت لهم مشروبات  ...  

سيف مد ايده بابتسامه : شكرا يا جرجس 

جرجس بنفس الابتسامه : الشكر للرب يا باشا ودخل

سيف عطا الصنيه لعسكرى وخد كوبيتين شاى وبيناول محمود  

محمود : بجد ناوى تعمل ايه 

سيف : مش عارف يامحمود عايز افسخ الخطوبه باى طريقه وكل البابين مقفوله فى وشى زعل أمى وابويا بيأثر فيااا بس خلاص انا قولتلهم انا مليش فيها تانى 

محمود : هى دى حاجه صعبه قوووى كدا 

سيف : لو ابوك وامك واقفين لك فيها بيبقى صعب والا مصعبها اكتر مهما اتلكك وعايز اوصلها اننا ما ننفعش بعض بردو مفيش فايده 

محمود : والا يخلصك منها لو رجعت لقتها لازقه بردو 

سيف : ياريت 

محمود : هى حتة قضية صغيره واخلع منها وبعدين نخرجها منها 

سيف : اعوذ بالله ياخى .. لا طبعا حدالله انا أذى بنت او حتى اى حد .. الله الغنى .. انا بدعى ربنا يسامحنى لما بضعف فى الغلط كمان اروح وأذى حد 

محمود بغمزه : غلط يا عنتيل .. خلاص غلط بغلط نلبس البت قضيه ونستغفر ونتوب انا وانت 

سيف : 😂😂😂 يالا بطل تفكيرك السو دا .. وابعد عنى 

محمود :  بحسك غبى يالا .. هانخرجها منها مش ها نسيبها 

سيف : ليه طيب .. وها تخرج بعد ايه ما حياتها تتهد .. اهدى وقول هديت واسكت خلى حلولك لنفسك  ان شاء الل ارجع الاقيها فورجت من عند ربنا 

محمود : براحتك .. وقوم عشان انت خنقتنى شوف شغلك 

سيف : 😂😂😂 تموت فى المصايب 

محمود : 😂😂😂 دا شغل ياااد وقضايا وترقيات ايش فهمك انت ..

سيف ماشى وبيتكلم : صحيح ايه فهمنى ... وصرخ مره واحده وبيقول محمود بصوت عالى وبيجرى عليه وهو بيطلع سلاحه .. واتنين من على موتسكل واحد فيهم نزل ومعاه رشاش وبيضرب كل إلا بيقابله فى وشه والتانى نازل وبيجرى على جوا فى الكنيسه .. وواحد من العساكر جرى وراه وضربه طلقه قتله فى ساعتها .. 

وناس بتجرى على جوا وناس بتقع جمب بعض .. وحاله غريبه حصلت فى لمح البصر ..وكلمه يتحط تحتها سطور كتيرر .. مهما كانت قوتك او تحصينك بس الغدر عمره ما كان له حسابات .. 

محمود واقع على الارض وبيصرخ بعلووو صوته ودموعه بتنزل لوحدها : سييييف ... سييييييييف .. رد عليااا يالا .. انت لسا كنت بتكلمنى .. سيف وبيرفع راسه من على الارض وسيف بيحاول يفتح عيونه وبيشهق .. 

محمود بعياط قطع كل القلوب : سيف اتعدل عشان حياتك وحبيبتك مش نفسك تتجوزها .. ياله والله لاقول لامك وابوك عشان تتجوز يا صاحبى .. بس اتعدل 

سيف بيتكلم كلام مش مفهوم ودموع بتنزل: ق وم .. ال ع ي ال .. لا إ ل ه .. إلا ال ل ه  .. وصعوبه شديده فى الكلام ونطق محمد رسول الله بصعوبه أكبر ودموع بتنزل من عيونه 

محمود : بيبص حواليه وبيشوف العساكر والناس .. لقى ست واقعه ودم كتير نازل منها  .. وشابين واخدين رصاص فى كتفهم وقاعدين وبيعيطووو وهما باصين لامهم إلا واقعه ميته قدامهم .. وعسكرى فى حضن عسكرى تانى واخد رصاصه وبيشيله .. كله .. كله على الارض .. عقله مش قادر يستوعب دا حصل ازاى وليه وعشان ايه .. طيب إلا عمل كدا أستفاد ايه .. دم وحرقة قلب وموت أحلام ناس قبل ما تتولد . بتدمر بيوت وبتموت فيها الحياااه 

واحد من العساكر ..  ابعدو عنه اكيد لابس حازم ناسف .. ابعدو وبيخلو المنطقه كلها من الناس والاسعاف والدعم وصل بدء يوصل الحالات  .. ويشيلو فى كل المصابين وصلو المستشفى وكله بيجرى وناس بتصرخ ... وعربية الاسعاف إلا فيها سيف  فيها محمود برغم اصابته قاعد جمبه .. ومبطلش عياط وهو شايف صاحبه بيفارق الحياه بينقلو سيف ومحمود بيجرى وراه ودخلوو بيه الاوضه وبيحاولووو يعملو اى حاجه وصلو جهاز النبضات والنبضات بتضعف جدا .. جدا وبتقل .. وبيجهزوه عشان العمليه بعد ما رصاصتين استقرو فى صدره .. دخل العمليات وابوه وامه واخوه اول ما سمعو الخبر طلعووو يجرو وهما قلوبهم محروقه وموجوعه وبيدعو ربنا تكون حاجه بسيطه ... وصلو شافو محمود ومسكو فيه .. دراعه مربوط بعد ما  خرجو منه الرصاصه  وواقف قدام العمليات إلا طول فيها جدا بقاله ساعه ونص وعدو على محمود كانهم سنه ونص  

ساميه بلهفه : ابنى فين يا محمود .. سيف جراله ايه 

محمود ساكت ما بيردش 

خالد بعياط : قول يا بنى سيف ماله .

محمود : مش عارف يا عمى .. مش عارف 

سامر بعصبيه : يعنى ايه مش كنت معاه .. قولنا حالته .. اخويا بيموت والا مات ومخبين انطق 

ساميه بتقول لاء بصوت مكتوووم والدموع فى عيونها : ابنى ان شاء الله كويس صح يا محمود 

محمود انفجر فى العياااط وخبى وشه بين ايديه الاتنين ..  

خرج الدكتور بعد ما عدى اكتر من ساعتين وباين على وشه الأسف .. وكلهم جريووو عليه 

خالد : سيف عامل ايه يا دكتور طمنى 

الدكتور بأسف : ها يتنقل العنايه  حالا ربنا معاكووو ويصبركوو  وسابهم ومشى .. وسامر جرى وراه ومسكو  يعنى ايه ها تدخلوه العنايه وربنا يصبرنا .. هو عايش والا ميت  والا انتوو  بتلعبو بينااا 

الدكتور بيتكلم فى دخله نور وسلوى وحازم ومحى وورد وبيقول مسئله وقت بس بنعمل إلا علينا بعد اذنكم 

سلوى بصرخه : سيف ووقعت من طولها قدام الكل 

💗💗💚💚💙💙💙

بقلم : لبنى طارق 

💙💙💗💗💚💚

شرسه ولكن ! 27 

***************

سبحان الله والحمد لله ولا إله إلا الله والله أكبر 

لا حول ولا قوة إلا بالله العلى العظيم 

الله أكبر .. الله كبر .. ولله الحمد 

💙💙💙💙💙💗💗💗💗💚💚💚💚💚

نور وطت وبتشيل سلوى .. وورد بتساعدها .. وشاورت لحازم ومحى يعرفو ايه الحكايه وهى ها تفوقها .. وانظار الكل اتوجهت لهم ومحمود اول ما شاف سلوى فهم ان هى دى إلا خطفت قلب وعقل سيف من كلامه عنها 

نور وورد فوقها وبيقنعوها تكون متماسكه 

حازم ومحى قربو من والد سيف : السلام عليكم 

خالد بيرد بالعافيه : وعليكم السلام

حازم بيمد ايده : انا المهندس حازم صديق سيف ودا  المهندس محى صديقه بردو 

خالد بدموع : اهلا بيكم 

محى : حالته ايه يا عمى 

خالد عيط وشال النضاره بيمسح دموعه بالمنديل : ربنا يرعاااه ويقومه منها على خير ادعوله .. ادعوله ملوش غير الدعوه 

حازم : لا حول ولا قوة إلا بالله العلى العظيم  .. ربنا يطمنا عليه ويحفظهولك  ولحظات وكانووو مطلعين سيف من اوضه العمليااات  وماشين وبيعملو له تنفس صناعى وخراطيم طالعه من بوئه على اكياس .. ومستسلم تماما .. لا شايف ولا حاسس بيهم وهما بيجرو كلهم وراه .. 

سلوى قربت منه وبتعيط من قلبها زيها زيهم وبصوت عالى : سيف .. انا جمبك مش ها اسيبك اوعا تسيبنى .. اوعااا .. انا بتعلم القوه منك هو انت عايز تسيبنى ليه 

نور شدتها وبهمس : بطلى جنان ها اروحك 

سلوى بعياط : سيبينى يا نور .. سيبينى انتى مش شايفه عايزا يسيبنى ويمشى بعد ما علقنى بيه تانى .. ورفعت راسها لفوق .. يارب انا اتحرمت من بابا وقولت الحمد لله زى ما أمى ما قالت .. يارب ما تحرمنيش  من سيف وسامحنى على اى حاجه وحشه عملتها .. سامحنى والله ما ها اعمل كدا تانى 

ورد : سلوى .. حبيبتى .. يا إلا بيسمعك على ها الحكى بيجول إشيا كتيررر بحجك بيكفى .. وادعى بجلبك بيكفى 

نور : خوديها وروحى يا ورد انا ها افضل جمبهم  

سلوى : خلاص .. خلاص والله ما ها اعمل حاجه وحاطه ايديها على بوئها انها ها تسكت ودموعها نهر نازل من عيونها 

دخلو سيف العنايه وخرجوهم كلهم برا وامه منهاره تماما .. وابوه حالته صاعبه وبيحاول يفضل متماسك وسامر حاطت راسه على الحيطه وبيخبط عليها وبيعيط وبس وكل إلا على لسانه يارب نجيه يارب .. محمود واقف فى جمب مستسلم وحازم ومحى جمبه .. فضلو طول الوقت على حالهم دا والبنات خدت ساميه وقاعدين جمبها ونور منايمها على كتفها .. وحالة صمت ما بيقطعهاش غير اهاتهم وبس ... عدى وقت كبير والمستفشى طلبت منهم يمشووو لان ممنوع حد يقف قدام العنايه نهائى .. محمود اتصرف ودخل أمه جمبه .. والباقى نزل تحت محدش مشى .. 

ساميه ماسكه ايده وبتعيط وبتبوسها : سيف انا أمك سامعنى .. حاسس بيااا يا قلب أمك .. انا جمبك مش ها اسيبك .. عمرى يا ابن عمرى كله ما ها اسيبك ابدا طيب مين فى عز زعله منى بيطمن عليا وما بهنش عليه عمرنا ما هونا عليك ولا انت تهون علينا ابدا شايلنى وشايل ابوك والبيت وشغلك ومفيش مره اشتاكيت ابدا ااااااه على النار الا قايده يابنى كل ما اشوفك نايم كدا يارب ما حد يدوقها ولا يشوفها  .. وتوطى على ايده وتبوسها كل شويه وتحط خدها براحه عليه .. حبيبى .. ربنا ينجيك .. اتمسك بالله والحياه وقوم .. وفضلت تكلمه وتقرى قرأن طول الوقت ومحدش قادر يخرجها ..  

عدى يومان على الوضع دا والحاله مستقره لا جديد .. والدكاتره لاحظت تحسن بسيط جدا  .. فى اليوم التالت  كلهم دخلو زياره لا تتعدى الدقيقه .. ملمومين حواليه وكل واحد بيعبر عن حبه له وبيدعيله من قلبه .. فتح عيونه وقفلها فى لحظتها 

ساميه بفرحه وعياط : شوفت يا خالد سيف فتح عيونه .. سيف .. انت سامعنى لو سامعنى اعمل اى حاجه .. داس على ايديها بضعف شديد ... 

والممرضين الا فى العنايه طلبووو يخرجو 

سامر : طيب نشوف الاول فاق والا ايه 

المرضه : يا فندم لو فاق من الغيبوبه ها يتكلم 

خالد : ها يتكلم ازاى بالخراطيم إلا فى بوئه دى 

الممرضه : بينازع مش كلام بمعنى الكلام دا معناه انه فاق فعلا اى حاجه تانيه بتيبقى رد فعل من الجسم مش اكتر 

ساميه : والله فتح عيونه وداس على ايدى يا بنتى 

الممرضه : ملوش علاقه يا فندم .. ارجوكم اخرجو برا .. وخرجتهم وهما فى امل كبير حاسين بيه .. دعوات الناس بعد ما صور سيف ملت الفيس وناس كتير ما تعرفهوش بتدعيله .. سبحان الله فعلا الدعوه ممكن تخفف من اقدرانااا ربنا استجاب وبيفتح قدامهم باب من الأمل  .. قعدو برا وسلوى زى عادتها بتجيب ورد ونور وبتيجى لسيف  ولاول مره أم سيف تسئل مين دى او تبقى واعيه للحواليها 

خالد : علمى علمك يا ساميه .. بس دول بيجو مع المهندسين اصحابه 

ساميه : محمود .. يا محمود 

محمود : نعم يا طنط 

ساميه : هى مين الا بتيجى كل يوم ومقطعه نفسها من العياط على سيف دى 

محمود بص لسلوى ورجع بصلهم تانى باحراج : اتكلم والا مش وقته 

خالد : اتكلم يا بنى 

محمود : دى إلا بيحبها سيف وانتو قضيتو على حلمه بخطوبته الا جبروته عليها 

خالد : هااا .. هو سيف ابنى بيحب .. ازاى دى عمرها ما حصلت  

ساميه : دا عمره ما جاب لنا سيره الموضوع دا ابدا ومخبى ليه 

محمود :  كان عايز يتاكد من مشاعره ومشاعرها الاول .. طنط هى فين خاطيبته .. 

ساميه وكانها افتكرت صافى   دى حتى ما اتصلتش اطمنت عليه : مش عارفه والله يمكن فى حاجه مناعها 

خالد : ايه يمنعها تيجى تشوف خاطبها وهو فى حالته دى 

محمود : ربنا يقوم سيف بالسلامه ونطمن عليه  .. وكفايه  هم الخطوبه على قلبه وشيلوه انتو زى ما دبستوه فيها وكفايه تلاكيك   .. اخر كلام بينى وبينه انه ها يحاول يوصل لكم كل مشاعره تجاه سلوى وبيبص عليها 

ساميه عيطت : يقوم وانا اعمله إلا هو عايزه .. كل شئ قسمه ونصيب 

سلوى قربت عليهم وهى بتعيط وبصوت رقيق وهادى : نفسى ادخل اشوفه يا طنط 

ساميه قربت عليها وخدتها فى جمب ومسكت وش سلوى بين ايديه : انتى حبيبته حقيقى 

سلوى وهى بتعيط هزت راسها باحراج بمعنى اه 

ساميه حضنتها جااامد وبتمسد على ضهرها .. وبتقول لها ها احاول ادخلك .. سمعيه صوتك خليه يحس بوجودك جمبه 

سلوى : حاضر يا طنط 

ساميه ابتسمت : ايه الرقه دى انتى كدا بجد  تعالى .. وفضلت ورا الممرضات لحد ما دخلتها لسيف ونور وورد واقفين بعيد 

ورد : خيتى خايفه يفهمو ها المخلوجه الطيوبه فهم شين 

نور ابتسمت : سلوى  طيبتها بتغطى على قلوب كل الا حواليها .. سبيها بدال حياتها الا مأضيها خوف وحبسه 

ورد : يبى .. على اما نوجااا .. جدرنا نخرج ها اليوم بطلوع الروح خيتى  .. والا تاجى معنا من شان تشوف ايش فى 

نور : ههههههه انا خايفه تجيلى لا تلاقينى ولا تلاقيكم 

ورد : راح تبجى اشكال كبير ربك الستار 

سلوى بتقرب من سرير سيف  وعيونها متعلقه بيه وما بطلتش عياط .. مسكت ايده .. سيف انت هاا تقوم امتى وحشتنى قوى ... تعرف كل يوم بستنا تكلمنى او ترن . وافضل طول الليل سهرانه مش عارفه أغمض عيونى وعيطت جااامد انت هاتفضل سايبنى أكلم نفسى كتير   . رد عليا اول مره احس انى  محتجالك جمبى .. فعلا مابنحسش با إلا بيحبنا غير لما يبعد وعيطت بقهر رهيب وبتقول يارب ما تبعده عننا وخليه جمبنا ومعانا .. مش مهم اكون معاه  .. المهم يكون بخير .. والممرضه بتشاور لها عشان تخرج ... حبيبى انا خارجه فى رعاية الله .. وسابته وخرجت مشيت على طول خلاص تعبت من قلة النوم والاكل .. ووضع سيف ..بعد ما مشيت سلوى سيف فتح عيونه  الممرضه جريت تبلغ الدكتور ودخل له وحالة قلق  من امه وابوه واخوه ومحمود الا مش فاهمين فى ايه .... بعد لحظات دخل عليهم محى وحازم ... والدكتور خرج وفرحهم ان سيف فاق بس حالته لسا تعبانه لانهم خرجو رصاصه واحده بس ولسا فى واحده كمان ومنتظرين استقرار الحاله عشان العمليه التانيه  .. وحالة فرح وتفائل ملت المكان  كله .. 

نور بعد ما نزلو من المستشفى : وبعدين معاكى يا سلوى ها تفضلى كدا .. بطلى عياط 

سلوى بتمسح دموعها : صعبان عليااا قوى يا نور ما اتخيلتش ابدا ان ممكن حاجه زى دى تحصله .. 

ورد : ها دا جدره .. وهاى شغلانته .. ما عليكى غير بالدعاا  وبيكفى راح تهلكى حالك لا ابتاكلى اشى .. ولا بتغفلى .. ليش كل هاد منهم لربنا يا إلا بيعملو هيك حرجو جلوبنا وحلوب ابرياااا 

نور بتنهى الكلام   : تعالو ياله اركبو محى وحازم ها يقعدو هنا شويه لسا حازم قافل معايااا .. واحنا نفطر ونريح شويه فى شقتى بعيد عن نوجا عشان ها تتجنن من وضعك دا ولها حق .. وركبتهم  ومشيت وصلت شقتها ودخلو مع بعض   وسلوى وورد شهقووو 

ورد : ايش هاد يا نور مين يا إلا بيفرش هون 

نور بارتباك : هاااا .. وديقت عيونها .. وبينها وبين نفسها .. المنظم ابن نجيه ما شلش الفرش ليه انهارده .. قاصد يحرجنى .. وبتهز راسها .. ايوا قاصد 

ورد : نور .. نور  

نور ابتسمت : ههههههه .. الصراحه يا بنات اتقمصت من حازم وطلعت اتلقحت هنا  وهو ولا عبرنى ها اقول ايه ماهو راجل جبروت يعنى  

سلوى راحه على الفرشه ولسا ها تنام : طيب انام مكانك شويه اصلى تعبانه 

نور بصوت عالى ورفعت ايديها : لا .. اوعى .. تعالى جوا 

سلوى : ليه يا نور فى ايه مش انتى الا كنتى نايمه 

نور بمكر : انتى عارفه بتخنق من الكركبه وكمان لو حازم رجع ما يبقاش شكلك وحش 

ورد : نور ابتتكلم صح .. ادارى جوات الجوضه  على ما نجهز لجمه تاكليها وتتجواتى .. 

سلوى : مش عيب يعنى ادخل اوضه نومهم وانام جوا 

نور ضحكت ضحكه سريعه : تعالى يا بت .. بطلى هطل ..وخدتها نيمتها جوا وطلعت وبتشيل الفرش من الارض وورد معاها 

ورد : ايه .. زعلك شين جوى يا نور .. ليش كل ها الفرش خيتى .. بيكفى حاجه واحده 

نور : هههههههه خايفه على نفسى وبحافظ على بشرتى من الارض 

ورد فتحت بوئها : هاااا .. كيف يعنى ها الكلام 

نور : زى ما بقولك كدا .. بشرتى بتلمس مع الارض وبقوم متعصبه وعفاريت الدنيا بتتنطط قدام وشى 

ورد : وجوزك ابيعمل ايش او كيف بيتصرف يعنى .. 

نور : بيعمل من بنها سعته .. انتى ما تعرفيش حازم يا ورد اهئ اهئ 

ورد : ايه ما بعرفه اكيد 

نور : والأكد منه انى انا  كمان ما اعرفوش .. هههههههه 

ورد : هههههههههه .. ايه اتجوازتى بغمضت عين 

نور بصوت عالى : قصدك بغفوة عين .. غفلونى وربنا  اوعى تغفلى يا بنتى لتتغفلى .. وبتركب ورد الهوا ..  والا انتى و محى نفسكم تتغفلو 

ورد ابتسمت : ايه نفسينا نتغفلووو .. الجواز حلو والا متل ما بنسمع 

نور رمت الفرش من ايديها وبتنفض ايديها فى بعض وورد عملت زيها : بصى يا ورد من غير تزويق 

ورد بانتباه : ايه جولى سامعتك 

نور : الجواز دا عامل زى الافعى .. والراجل ديل الافعى .. فا عشان الافاعى تبطل لعب .. اقطعى ديلها 

ورد تنحت وبتعمل علامة السكينه وكانها بتقطع حاجه : كيف بجطعها هاى 

نور : امسكى ديل محى واقطعيه يا ورد بس بعد الجواز .. قبل الجواز سيبيه يلعب بديله شويه راجل وفرحان بديله فا سيبيه يكش يتهد 

ورد : محى لو فكر بس هيك يلعب بديله راح اجطع خبارته من الدنيا هاى .. مجنون والا ايه ها المحى 

نور بتعمل علامع اللايك بايديها الاتنين : عاش يا وحش الواد ها المحى دا ابن حلال ووقع مع راس الافاعى الكبيره ههههههههههه

ورد : هههههه  خيتى .. حازم نسونجى من شان هيك جولتى افعى 

نور ضحكت جااامد وتخنت صوتها : لا سكرى يا ورد .. كل يوم اروح اجيبه من عند بتاع عصير القصب لما خنقنى 

ورد بتهرش فى دماغها : سكرى .. وعصير جصب .. وهاى حالته خيطره 

نور : مش عايزا اقولك .. على عمايله السودا عدت الخطوره بكتير بعد كدا ها الاقيه بيشرب بريل 

ورد بصعبنيه مزيفه  : عينى عليكى خيتى ... ها الحين اتاكد انك بتعانى والله 

نور : تعالى نرغى فى المطبخ واحكيلك حكاية حازم مع عصير القصب وضحكت هى وورد ..  

*************

محى نازل من المستشفى هو وحازم وبيتكلمووو مع بعض ..

حازم : وانت ها تعمل ايه ها تتجوز غصب عن اهلك 

محى : حازم انا لو عملت قرد لا فوزيه ها توافق ولا محمود .. حتى اختى أميره بتقولهم اقول لايه لجوزى .. فى بلدنا دى يا حبيبى عشان تقنع حد بوجهة نظرك الا مش قادرين يفهموها لازم تحطهم قدام الامر الواقع 

حازم : دى حجة الناس الخايبه إلا بتستسهل زيك 

محى بصوت عالى شويه : اصماله عليك وعلى حواليك .. اتجوزت نور ازاى ياحازم 

حازم : نور دى اتب يا محى وطلعلى لا عارف اهرب منه ولا اشيله وهى انا قدرها ونصيبها خلاص خلصت  انا غيرك 

محى : ادينى انا اسوق واعيش اللحظه وربنا يخليلك اتبك ويهديه 

حازم ابتسم : ورما  لمحى المفاتيح وبيقوله خد ياعم عيش لحظه واتنين ... ها تيجى تتغدى معايا 

محى وهو بيسوق العربيه : ورد عندكم صح 

حازم : ايوا 

محى : يبقى على قلبك .. وهما ماشين فى الطريق شافو بنوته كبيره بتجرى وشابين بيجرو وراها 

حازم : ادخل وراهم بسرعه يا محى .. محى لف بالدريكسيون ودخل الشارع .. وحازم نزل بيجرى ورا العيال ومحى مسك البنت ركبها العربيه بسرعه .. وبعد لحظات كان حازم راجع بينهج 

محى : مسكتهم 

حازم هز راسه بنفى : جريووو منى ما لحقتش حد فيهم وبيبص للبنت جسمها بيتنفض ووشها اصفر .. عايزين منك ايه 

البنت رفعت راسها ومبرقه : ماعرفش .. قربو عليااا  ولما حسيت انهم قاصدنى انا جريت .. 

محى : انتى راحه فين 

البنت : راحه لبابا اخد منه مفتاح الشقه فى مصنع ال..... 

حازم : طيب كلميه خليه يجى ياخدك 

البنت باحراج : مش معايا رصيد 

محى طلع تليفونه : قولى النمره ... وقالت النمره ورد عليها .. ايوا يا حج .. ممكن تكلم .. وعطا التليفون للبنت واول ما كلمت ابوها انفجرت فى العياط .. ما فهمش منها حاجه وطلب يكلم حد من الا معاها .. 

حازم : ايوا يا حج  

الراجل : هى بنتى مالها يابنى 

حازم : قص له كل شئ 

الراجل بخوف : ربنا يسترك دنيا واخره .. وصلها البيت تقعد عند الجيران لانى  راجع  فى الطريق كنت بوصل طلبيه وقدامى شويه .. انا قولتلها طلعى نسخه على المفتاح بدال الا ضاعت ما سمعتش الكلام .. انا اسف يا بنى 

حازم : ولا يهمك يا راجل يا طيب .. طيب انا قريب من بيتى اخدها تقعد مع مراتى واخواتها لحد ما ترجع بالسلامه عشان حالتها وحشه .. وهى من سنهم ها يعرفو يهدوها 

الراجل بخوف على بنته : مش عايز اتعبكم 

حازم : ما تقلقش عليها يا راجل يا طيب .. انا المهندس حازم ال...... وساكن فى ال....... ها استنا تنورنى 

الراجل : ماشى يا حبيبى الف شكر ..شويه وها اتصل اطمن عليها 

حازم : انا ها اطمنك واخلى مراتى بنفسها تكلمك .. وقفل معاه ومش حاطت اى شئ فى دماغه .. واتحركو بالعربيه رايحين الشقه .. 

حازم : بيبص لها فى المرايه ..  اسمك ايه 

البنت بكسوف وبتحاول تتكلم : أيه 

حازم : طبعا سمعتى المكالمه يا ايه 

أيه : ايوا 

حازم : طيب ما تقلقيش وبطلى عياط الحمد لله جت سليمه المره دى... بعد كدا ما تمشيش فى اماكن مقطوعه لوحدك 

أيه : حاضر .. 

أيه بنوته محجبه وجميله جدا .. وهاديه  

محى : اسف يعنى فى السؤال : هى والدتك مش فى البيت 

أيه هزت راسها وعيطت تانى غصب عنها : بابا وماما منفصلين .. وانا عايشه مع بابا عشان ماما اتجوزت 

محى مد شفايفه : عادى يا أيه زعلانه ليه ..  ما ابويااا ها يطلق أمى بسببى وانا لا ها اعيش معاه ولا معاها ها اسيبهم كدا يمكن يعرفو قيمتى 

ايه ابتسمت غصب عنها وسكتت ومحى ماسكها طول الطريق هزار لحد ما وصلووو وطالعين مع بعض ... حازم رن الجرس ونور فتحت .. دخلت محى وحازم بيشاور لأيه تدخل .. وقالت السلام عليكم وسلمت على نور و دخلت واطمنت اول ما شافت نور... 

نور واقفه مستغربه وبتبص لحازم الا داخل وسايبها : خد هنااا ومسكته من دراعه .. مين دى 

حازم بتعب : ها يكون مين يعنى يا نور اتجوزت وقبل ما يكمل ..  نور شهقت جااامد وبرقت 

حازم تنح : ايه فى ايه جننتى امى 

نور : أنت بتقول ايه الله يخربيتك  

حازم : لمى لسانك يا نور ماتعصبنيش 

نور داخله على جوا جرى ..  وأيه وقفت ومحى وورد وسلوى طلعت اول ما سمعت صوتهم .. 

محى : ايه فى ايه مالك يا نور .. حاجه لدعتك برا 

نور : يا بجاحتك يا محى ..  يا بجاحتك .. جوزت الراجل وجاى معاه نافش ريشك وربنا منا سيباك 

محى بيشاور على نفسه : انا .. راجل مين الا جوزته يادى النيله 

نور بصوت عالى بتشاور على حازم : البيه .. يا جبروتك راجل .. يا جبروتك .. دا انا لسا ما سبعنتش 

حازم : يا نور افهمى وبعدين اتكلمى 

نور : افهم ايه .. وضحكت  ها ها ها ... اوعا تكون ضحيت ما انت راجل فدائى ..  جوازه ببلاش يا ولاد الحلال ..  وبتجرى ورا أيه . وأيه جريت بخوف بتستخبى ورا حازم .. ومش عارفين يفهمووو نور حاجه ...  طلعت على الكنبه وفاتحه ايديها على اخرها ورجلها وبتنط ومحى واقف عايز يحلق عليها وبيرفع راسه وينزلها  ... بصت لورد ولسلوى ..  شوفتو الحلاوه .. اتجوز .. شوفتوو  الجبروت اتجوز عليااا  ابن نجيه اتجوز 

حازم : يابنتى افهمى .. يابنى ادمه ما صدقتى عايزا تتخانقى 

نور : اتخانق .. دانت ما شفتش حاجه .. انت والحلوه البلحه المئمعه الا جمبك دى ها تتفرمووو .. اقول ايه للجيران اتجوز عليا بعد اسبوع اقول ايه للبشريه إلا ورايااا طلعت نور قورنى وبصوت عالى  يالهوى أسود ... يالهوى اسود يا محى 

محى : يالهوى اسود يا نور ... وبيلف لحازم وبعصبيه انت قولتلها ايه خلتها لسعت كدا وبيشاور على دماغه دى راحت من عندها 

حازم : انا لحقت أقول : بتقولى مين دى وبيشاور على أيه ... قولتها مين يعنى اتجوزت 

نور : اتجوز يا محى .. اتجوز .. يالهوى اسود  .. يالهوى اسود 

محى : كفايه لهوى اتجوز ايه انتى كمان .. وانت بتقول ايه انت التانى 

حازم بعصبيه : انتو مدينى فرصه اقول حاجه : انا قصدى اتجوزت مثلا .. ماسكنى ولا إلا ماسكه واحد عامل عامله .. فا بقولها مين يعنى اتجوزت مثلاااا .. هو دا الا اقصده 

أيه بتهز راسها بأه : والله ما اتجوزته ولا اعرفه 

نور : يعنى مين فى الاخر ردو عليا قبل ما اتهور وانط عليكو كلكو 

ورد : إعطى لجوزك وقت يفهمك واجعدى هالحين وجعتى جلوبنا 

محى : ايوا هو هالحين لازم نقعد عشان روكبى ضاعت منك لله  

سلوى : فهمها يا حازم مش ها تقعد 

حازم شدها نزلها من على الكنبه وخدها جوا اوضتهم وقفل الباب .. 

ورد : راح يضربها يا وجعتك يا محى .. يا وجعتك 

محى : هو مال محى فى أم الليله دى 

سلوى : يضرب مين يا ورد .. تعالى دا ها يفهمها .. 

ورد قربت على محى : مين هاى يا محى 

محى : هاتيلى كوباية ميه ... نشفتووو ريق محى من يوم ما شافكووو 

سلوى راحت جابت الميه .. وقاعده بتسمع من البنت نفسها 

أيه : انا اسفه ماعرفش ان ها يحصل سوء تفاهم كدا ...

سلوى : ولا يهمك .. معلش نور عصبيه شويه 

محى برق وبيقلدها : يالهوووى أسود شويه .. دى كانت ها تتهور وكلنا ها نتعور  

البنات : 😂😂😂😂 

نور : اوعا كدا 

حازم بيقرب عليها ومبتسم جااامد 

نور بتعوج شفايفها وبتكتم الضحكه : انت مالك كدا .. وبتشاور على نفسها شايف حاجه بتضحك 

حازم مركز فى عيونها وبيقول : مالى .. وبيرجع بيها لورا لحد ما خبطت فى الدولاب .. حطت ايديها على صدره 

نور : ابعد وبطل تقل دمك .. مين البنت دى 

حازم ضحك بصوت عالى : وقرب منها وهو محاوط وسطها : بتغيرى عليااا 

نور : ها ها ها ها ها .. بتحلم 

حازم : كنتى ها تعملى جنايه من شويه .. شكلى مهم عندك وبتكابرى 

نور : مش بقولك انت بتحلم .. عايزنى افرح لما الناس تعرف انك اتجوزت عليا بعد فرحنا بأقل من اسبوع فين الانبساط والحب ووووو و  .. فين 

حازم بغمزه :  كله موجود لو عايزا .. 

نور : يوووواه وبتزقه اوعا كدا وبطل رخامه 

حازم بعد عنها وهو مبتسم ولسا ها تطلع وتسيبه مسكها من ايديها شدها وقعدها على السرير ... واتكلم وحكالها على كل حاجه 

نور خبطت على اورتها : اخخخخ .. البنيه تقول عليا ايه دلوقت .. لازم تستظرف ما تقول على طول هى مين .. حلو منظرى كدا قدامها 

حازم ضحك تانى وبيقلدها زى محى : يالهوى اسود ... منظرك زى الفل وباس صوابعه وحطها على شفايفها ... وقام طلع برا على طول ونور ابتسمت على كل عمايلاها ...  وطلعت رحبت بأيه والاتنين يبصو لبعض ويضحكوو  لحد ما الاحراج راح ... نور خدت أيه المطبخ وبتتكلم معاها هى والبنات وواقفين يجهزو الغدا مع بعض ... حازم داخل عليهم واتنحنح الاول ..

نور وقفت قدامه وابتسمت : عايز حاجه سعتك 

حازم ابتسم زيها : نستينى بجنانك كنت ها اقولكم خبر حلووو .. 

نور بتلقائيه : ومستنى ايه يا حازم  ما تقول على طول عايزين نفرح  

حازم : ها تدفعى كام 

نور رفعت حاجب : دخلنا على المرواغه 

حازم : سيف فاق والحمد لله وهو دا كان الخبر 

نور بفرحه مسكت راس حازم بين ايديها وباسته من خده .. ودخلت لسلوى جرى تبشرها .. حازم لف وخرج على طول وهو مستعجب امرها جدا ... وبقى بيخاف من تلقائيتها دى .. يا ترى هى مع كل الناس كدا والا هووو بس ..  

سلوى بفرحه وعيونها دمعت : بجد يا نور ... الحمد لله .. الحمد لله .. اخيرا 

ورد : حمدالله بسلامته يا سلوتى 

سلوى : الله يسلمك يا ورد  . 

أيه بابتسامه : هو دا خطيبك 

كلهم سكتو وبصو لبعض وكانهم فاقووو .. هو سيف يبقى ايه لسلوى ولمين .. حبيبها مين ها يعترف باللفظ فقد مجرد كلمه لا اكتر ولا اقل 

نور : ايوا خاطيبها 

أيه : ربنا يشفيهولك 

سلوى بصوت واطى : يارب 

نور بتغير الموضوع : بتدرسى شكلك كدا معاكى كتب واشياء 

أيه : ايوا فى معهد خدمه اجتماعيه  اخر سنه 

نور : شيدى حيلك يا قطه .. بتحبى الجلاش بالحمه المفرومه والفراخ المشويه والرز البسمتى 

ايه ضحكت : احنا فى فرح 

نور : هههههههه .. كان ها يبقى فرح انما ايه .. يالهوى أسود 

أيه : الاكل كله بتاع ربنا جميل وتسلم ايديكم 

كلهم : تسلمى .

ورد : راح أخرج بالاطباق من شان ها دول يا إلا برا 

سلوى : طلعى ياله وانا معاكى وانتو ورانا بالباقى .. وخرجو كلهم رصو كل شئ على السفره .. وبياكلو  كلهم مع بعض فى جوووو مختلف ... عدى وقت ووالد ايه جالها وخدها بعد ما شكر حازم ومحى كتير وماكنش عارف يعمل ايه لهم .. وهما أكتفوو  ان ايه بخير ودا كان أهم حاجه ..  محى خد البنات عشان يروحهم .. 

محى : تعالو نتمشى شويه 

سلوى : روحنى واتمشى انت وورد براحتك 

محى : لا لازم تبقى معانا .. انا اتصلت على نوجا واستأذنت عشان نجيب شبكه لوردتى 

ورد : شبكه 

محى : شبكه ما اوعدكيش انى اجبلك حاجه كبيره .. بس اوعدك ان كل الا اقدر عليه ها اعمله عشان خاطرك 

ورد بفرحه : ربنا يخليك وما يحرمنى منك يا جدرى الحلو 

محى : انتى دنيتى يا ورد ان شاء الله وعلى طول تفضلى دنيتى  ومتفائل بوجودك خير ..  ايه رايك نكتب الكتاب 

ورد بابتسامه : إلا بتشوفه ما راح اعترض 

محى : هههههههه انتى مطيعه كدا ليه .. فين اتحشم يا محى 

ورد : ههههه لا تخجلنى 

سلوى حضنتها : مبروك يا ورد 

ورد : عقبال راحة جلبك يا جلب ورد 

محى بغمزه لسلوى : هى ورد رومانسيه يا سلوى والا انا بيتهيئلى 

سلوى : ههههههههه جدا يا محى .. اتبدلت .. 

محى : تعالو نقعد هنا عايز اخد رايك فى حاجه قبل ما اخد خطوه فيها 

ورد : خير ان شالله 

محى : انا عايز اتجوزك على طول ها اشطب الشقه بالفلوس إلا معايااا لانى عايز اعملها على نضافه مش اى كلام .. وبراحتنا نجيب حاجه فى حاجه .. يعنى ممكن اخد اوضتى الا عند اهلى ونعيش عليها فى الاول 

سلوى : اسفه لتدخلى يا محى .. بس انت مستعجل ليه براحتك على الاقل سنه تكون جهزت نفسك وهى كمان احنا مش ها نسيب ورد كل الا بتتمناه ها يتعمل  

محى : المشكله يا سلوى أهلى .. ها يعملو المستحيل عشان يبعدو ورد عنى  وكمان اهلها مش ساكتين صحيح محدش عمل مشاكل معانا بس متراقبين منهم 24 ساعه.. وانا مش متخيل ابدا ولا ها اقدر ابعد إلا لو هى مش عايزانى .. انا عارف ان مفيش بنت ها تقبل بالكلام دا بس والله كل الا نفسها فيه ها اعمله واحنا مع بعض  فيها ايه لما نبنى حياتنا مع بعض ونتحمل مع بعض 

ورد : موافجه يا محى .. اى شى راح يجربنى وما يبعدنى عنك .. يبجى توفر مصارى الشبكه هاى ونعمل بيها اى إيشى فى شجتنا 

محى : لا الشبكة دى فرحتك .. وسيبى الباقى على ربنااا .. ياله نجيب الشبكه 

ورد بحماس قامت هى وسلوى وجابو شبكه لورد دبله وخاتم واسوره .. ومحى جاب دبلته وطلب يكتب عليهم التاريخ .. بس التاريخ إلا اتقابلو فيه اول مره ودى كانت فكرة ورد من كتر ما هو مميز عندها ما نسيتش اليوم ولا تاريخه .. وصلو عند نجيه ونوجا وطمنوهم على نور وحازم ... وفرحو بالشبكه .. ومحى اتفق يكتب كتابه فى دار الافتاااا قبل ما يسافر اخر الاسبوع مع حازم .... 

*******************

اليوم كان طويل ومرهق... وسيف بيفوق ويفقد الوعى تانى .. وكل ما يفوق يسئل على سلوى او يردد اسمها .. وامه وابوه حسو بالندم لما عرفو انهم فارضين صافى  زياده عن اللزوم عليه .. وقرور بعد ما هى طنشت ومسألتش عليه حتى .. انهم يفسخو الخطوبه ...

*****************

أحلام وصلت لمكان بتقابل عاشقها فيه 

عاشقها : اتاخرتى يعنى 

أحلام : على ما عرفت اخلع منه .. اتفضل 20 الف وخف فى المصاريف شويه انا مش ملاحقه 

عاشقها : هاتى يا احلام هو انا بصرفهم عليااا .. ها تعملى ايه تانى مع بنته .  اهى اتجوزت وارتاحت وعايشه مبسوطه 

أحلام : اه .. انت ها تقولى .. بص سيبك من البت دى انا زهقت منها واهى غارت بعيد عنى 

عاشقها : ها تعملى ايه يعنى 

أحلام : ها أقتل حمدى واخلص منه .. الراجل متبت فى الدنياااا وصحته بتقوى أكتر .. وبعد جواز بنته تحس انه رجع شباب 

عاشقها : يخربيتك .. قتل ايه وزفت ايه فوف دماغك 

أحلام : قدامك حل تانى .. انا اتخنقت يا اطلق 

عاشقها : لا طلاق ايه .. ثم كمان انا معاكى .  يعنى هو موجود زى قلته 

أحلام : يا سلاااااام يا اخويااا .. ها افضل عايشه فى الحرام .. انا عايزا اخلف واعيش حياتى 

عاشقها : وبروح امك القتل هو إلا حلال 

احلام : اعمل ايه طيب ..  ادينى حل .. اريد حلا 

عاشقها : ما انتى معاكى ابنك مازن ناقصك ايه 

احلام : ابنناااا .. ابنننا ... اوعا تنسا ابدا .. وابنك لازم يتربى فى حضنك انت مش حضن الراجل البووو دا 

عاشقها : احلام اتمسى ... ابننا عايش حياه ابوه ماكنش يحلم بيها ..فا اسكتى 

أحلام بزعيق : لا مش ها اسكت .. انت مكبر دماغك وانامش عاجبنى الوضع 

عاشقها : ايه المطلوب منى 

أحلام : تساعدنى نخلص منه 

عاشقها : ايدك على مليون جنيه يا حلوه .

احلام بشهقه وقلبت شفايفها : ليه يا حبيبى 

عاشقها : امال فاكره ايه .. بس الا ها اعرض عليه يرضى يوافق 

أحلام : واجيبهم منين 

عاشقها : انتى ها تعمليهم عليااا .. انتى على قلبك مش اقل من خمسه مليون وماخفى كان اعظم 

احلام بصتله : انت طماع بشكل 

عاشقها : مش اكتر منك .. ثم كمان انتى ها تدفعى حاجه من جيبك ما كله من جيب اللطخ إلا انتى متجوازه 

**************

حازم بيفرش فى الارض .. وبيقلع التيشرت ومدد جسمه ونور خارجه من الحمام بالبرنس ..معديه من عند رجله وهو متابعها بعيونه .. زقت رجله برجلها .. ممكن ما تنامش بالعرض ولم رجلك  

حازم رفع رجله على الحيطه الا جمب الباب وعمل حاجز على الباب انها تعدى .. 

نور : ودا اسمه ايه 

حازم : أسمه ادب وأسلوب للنقاش معاكى 

نور : وحيات طنط 

حازم : اعتذرى يا نور وعدى 

نور باستغراب : أعتذر عن ايه يا بشمهندس 

حازم : عن أسلوبك الصبح .. قبل ما تتاكدى من حاجه و خليتى منظرنا مش حلووو قدام ضيوفك وضيوفى .  وعن اسلوبك دلوقتى وكل يوم .. وخلى فى احترام فى الكلام بيناااا .. يعنى حركه انك تزوقينى برجلك دلوقتى ماعجبتنيش 

نور ربعت ايديها : دا اسلوبى ودى طريقتى ..  وانا مش مجبره اتعامل على هواااك عشان انت يا حازم مجرد ظرف طارق ومؤقت فى حياتى .. فا ياريت ما تعيش دور الزوج عليااا والاوامر لانى بكره الاسلوب دا فوق ما تتخيل ... ودلوقت ضربته برجلها تانى .. شيل رجلك وما تنمش بالعرض تانى 

حازم : اوك انا موافق ومش معترض على كلامك بيشاور بايده وسايب رجله زى ما هى .. عدى 

نور بعصبيه : يا سلام .. اطير من فوق رجلك والا اسحف من تحتها .

حازم ببرود : الا يريحك دا اسلوبى وطريقتى زيك بالظبط ومش مطلوب منى اغيرها عشان انتى ظرف مؤقت فى حياتى ... يا حياتى وبيتكا على الكلمه 

نور قربت بعنف شديد وبتشد رجله ..  كان هو اتعدل ولف ايده على وسطها وقعها وبقت قاعده على رجله ... وببرود اكتر 

حازم : ليه العنف انا راجل واشد منك بكتيررر 

نور بعصبيه شديده : انت بارد ... وتنح .. وكتله من التلج 

حازم ابتسم ورفع حواجبه الاتنين : عادى .. رايك ولازم احترمه 

نور وهى لسا قاعده على رجله وفارده رجليها قدامها : انت عايز توصلنى لفين .. هااا 

حازم : بيخبط بصباعه على صدرها مع كل كلمه : عايزك تتعلمى ازاى تتعاملى من الناس .. انسى حياتك فى الشغل وافتكرى انك بنت .. افصلى يا نور ما تعرفيش تفصلى 

نور هزت راسها بمعنى لا : للاسف يا حازم ما بعرفش .. انا من وانا اد كدا ورافعه ايديه فوق بعض كانها صغيره ... وانا كدا تركبيتى كدا 

حازم مسك خدها بايده قرصه قرصه خفيفه : انتى نور .. اتخلقتى بنت .. انثى يعنى تركيبتك غير كدا 

نور ميلت راسها : وانت اتخلقت راجل .. تفرق عنى صح 

حازم : دا كلام ربنا ولا أفرق عنك 

نور رفعت ايديها الاتنين : اللهم لا أعتراض 

حازم بيحاول يستفز مشاعرها ويخرج البنت الا عايشه اسيره جواها : ممكن اسألك سؤال 

نور : شكل القاعده ها تطول .. اتفضل 

حازم : أمتى حسيتى انك تشبهى البنات او فيكى منهم حاجه .. امتى كان عندك احساس ومشاعر والا دا مش متوفر فيكى للاسف دايما 

نور لفت ايد حوالين رقبة حازم وهو بص على ايديها بطرف عينه ولمت رجلها وميلت على حازم  وقربت بوشها من وشه ... وبهمس وهى بتلعب فى رقبته بايديها التانيه .. تحب تعرف دلوقتى امتى كان عندى مشاعر واحساس  واشبه البنات .. وقربت من ودنه قوووى ... والا ها تقول توء مش ها ينفع .. 

حازم بتوتر شديد بيحاول يداريه بيشيل ايديها ينزلها .. ومسكها بين ايديه 

نور بغمزه : ايه خايف .. طيب خايف منى والا خايف تقرب يا زومى .. قربت شفايفها من شفايفه .. وبتتكلم وصوت انفاسها وانفاسه عيلى وهو بيتكا على ايديه من غير ما يحس .. انفاسهم اختلطت ببعض ونور مصممه تهد فكرته تماما الا مصمم عليها .. ياله متردد ليه انا مراتك وملكك وبين ايدك ومحسوبه على البنات لسا مش زى ما انت متخيل 

حازم غمض عيونه : نور ابعدى وبلاش اسلوبك دا 

نور : لا .. فتح عيونك وواجهنى .. شوف نور الا انت مش عايز تشوفها ولا تحسها وفعلا حازم بيقرب وبيستجيب معاها  .. ومره واحده صوت قلم رن فى المكان كله وحازم فتح عيونه وهو فى صدمه شلت تفكيره وكلامه 

💙💙💗💗💚💚

بقلم : لبنى طارق 

💙💙💗💗💚💚💚

صلو على حبيبى وحبيبكم رسول الله 😍😘😘😘😘

شرسه ولكن ! 28 

************

أستغفر الله العلى العظيم وأتوب اليه 

رَبِّ اغْفِرْ لِي خَطِيئَتِي وَجَهْلِي وَإِسْرَافِي فِي أَمْرِي كُلِّهِ وَمَا أَنْتَ أَعْلَمُ بِهِ مِنِّي، اللَّهُمَّ اغْفِرْ لِي خَطَايَايَ وَعَمْدِي وَجَهْلِي وَهَزْلِي، وَكُلُّ ذَلِكَ عِنْدِي، اللَّهُمَّ اغْفِرْ لِي مَا قَدَّمْتُ وَمَا أَخَّرْتُ وَمَا أَسْرَرْتُ وَمَا أَعْلَنْتُ أَنْتَ الْمُقَدِّمُ وَأَنْتَ الْمُؤَخِّرُ وَأَنْتَ عَلَى كُلِّ شَيْءٍ قَدِيرٌ.

💙💙💙💙💗💗💗💗💗💗💚💚💚💚

نور : لا .. فتح عيونك وواجهنى .. شوف نور الا انت مش عايز تشوفها ولا تحسها وفعلا حازم بيقرب وبيستجيب معاها  .. ومره واحده صوت قلم رن فى المكان كله وحازم فتح عيونه وهو فى صدمه شلت تفكيره وكلامه

نور حاطه ايديها على خدها وعيونها فى عيون حازم  ودموعها بتلمع ... ابتسمت وهى بتكلمه وجواها بركان عايز ينفجر فيه ... 

نور بصوت واطى : تعرف انك ما تفرقش حاجه عن ابويااا .. اوعا تفتكر ان القلم او الضرب هو الوجع الحقيقى الا ممكن يفوقنا او يأثر فينا لا غلطان الوجع الحقيقى هو الأثر الا بيفضل جواك من ناااس فاكر إنهم اقرب ما ليك زى ابويا طول عمره لما بعمل حاجه ما تعجبوش لازم يمد ايده عليااا ويضربنى زيك دلوقت  .. أعمل الا بيعجبه بيهمشنى ويحسسنى انه واجب عليااا عشان هو السبب وله الفضل عليا فى كل حاجه .. كنت بزعل قوووى لما الاقيه بيعامل أمى وحش .. بتقهر عليها وانا طول الوقت شايفها مكسوره لمجرد انها ما جابتش ولد .. هيئو ليا ان الولد هو كل حاجه فى الدنياا من غيره ابتسمت ودموعها اتنطرت من عيونها .. الدنيا تخرب  من كتر ما كرهت الضعف واستسلام أمى لظروفها ما صدقت قالتلى خليكى ضهر وسند ابوكى  انتى ابنه وهزت راسها .. ايوا ابنه .. رفعت ايديها وبتمسح دموعها فى كم البرنس .. وبقيت ضهره وسنده وارجل من رجاله محسوبه علينااا وبس .. واهووو كبرت وفردت ايديها .. كبرت وكنت فاهمه ان خلاص ابويا ها يبقى حاجه تانيه فى معاملته .. ما خلاص بيعامل راجله الا شايل مسئوليته ومسئولية شغله وعيطت بقهر وجع حازم وندمه  .. بس للاسف طلع طبع وحق مكتسب وعلت صوتها حاجه بسيطه ..طول ما ليك سلطه على الا حواليك لازم تحكم وتتحكم وتفرض سيطرتك غصب مش بالرضااا .. بقيت اشوف ابويا فى كل راجل .. وكنت متخيله ان ممكن نظرتى فيكو ها تتغير فى يوم .. بس لاء  عارف ليه .. قربت بوشها عليه .. عشان انتووو طينه واحده عشان احنا دايما ستات ولازم طول الوقت نبقى مكسورين قدامكم .. عشان انتووو الهمجيه فى دمكووو وحب السلطه والسيطره مترسخه جوا عقولكم وبتقوم من على رجله .. حازم شدها عليه بقوته ولف ايده حوالين رقبتها .. وضم راسها لصدره .. 

حازم : أنا اسف .. ما قدرتش اتقبل ان انك تبقى بالجراءه دى ابدا لو مش عارفك كنتى نزلتى من نظرى .. الا عملته دا انا لا يمكن أعمله ابدا والله .. انا مش همجى ولا بعرف أمد ايدى على واحده مهما كانت .. ياريت تفهمينى وتحاولى تشيل كل الحواجز الا مخليكى طول الوقت بتتعاملى معايااا بعدوانيه وبعند انا مش ابوكى ولا كل الرجاله كل واحد له ظروفه وتفكيره 

نور : ابعد عنى وشيل ايدك وانسا يكون فى تعامل بيناا تانى .. وقامت من جمبه دخلت اوضتها وقفلت على نفسها لاول مره من يوم ما اتجوزت .. قلعت البرنس واتنرفزت وهى بتفك الحزام لانه اتعقد فى بعضه .. واخيرا قلعته ولبست برمودا .. ونامت على 

السرير .. بتتقلب يمين وشمال بعصبيه .. وحازم قاعد مكانه وبقى حاسس بهم كبير على قلبه ... وتفكيره سرح ايه موقفه من نور بالظبط وليه بيتعامل معاها بالاسلوب دا ما يسيبها براحتها هى ما بتفرضش عليه حاجه .. هو كمان مش من حقه يفرض عليها حاجه  . ريح ضهره وهو ساكت ومحاولش يقوم يصالحها ..دايما بيوصلو لنقطة الصفر وطريق مسدود مع بعض  نامووو وكلهم راحو فى النوم ... 

نور صحيت فى معادها لقت فرشة حازم متشاله ومتطبقه .. حطت ايديها على راسها وبتقول : راح فين دا على الصبح .. داخله الحمام .. سمعت خرفشه فى المطبخ .. دخلت لقته قاعد جوا عامل فطار وسايب فطارها وكوباية شاى فى ايده بيشربها .. ما صبحتش عليه ودخلت المطبخ وهو خرج برا  مسك تليفونه وبيفتح الفيس وبيقلب فيه .. ونور طلعت واستغربت انه متجنبها خالص ما بيحاولش يرخم حتى  دخلت الاوضه وطلعت اسدالها وصلت وقعدت شويه على المصليه بتدعى .. وخلصت وقامت دخلت المطبخ وعملت فطار غير الا حازم سايبه .. فطرت وطالعه قدامه وفتحت التلفزيون وهى ماسكه مج فيه نسكافيه وقعدت على الكنبه التانيه وحطت رجلها على الترابيزة ومن وقت للتانى تبص على حازم بطرف عنيها وها تتجنن من هدوئه ما بيحاولش ينكشها .. علت التلفزيون وبردو حازم ساكت .. ومن وقت للتانى بيبتسم على البوستات الا بيقرها .. وهى ها تتجنن عايزا تعرف ماله وبيضحك على ايه  معقول اتغير من باليل للصبح وبالسرعه دى .. قامت مره واحده وبصوت عالى ..

نور : انا رايحه لماما نجيه ونوجااا 

حازم من غير ما يبصلها : إلا يريحك أعمليه 

نور رفعت حاجب : من أمتى !

حازم : من دانهارده 

نور : اه يارب تفضل كدا على طول 

حازم سكت وما ردش وما رفعش عيونه عن التليفون .. دخلت اوضتها تانى ولبست وهى ها تفرقع ومش عارفه هى مدايقه ليه .. وطالعه لابسه لبس ديق جدا .. جدا وانتظرت عشان يعلق او يقول ايه الا انتى لابساه دا .. بس هو ولا هوو هنا .. نزلت ورزعت الباب وحازم نزل التليفون من على عيونه ونفخ بديق وبيتكلم بصوت مسموع 

حازم : وانا ها افضل طول ما انا هنااا محطوط على الصامت لا كدا العيشه ها تخنق .. واتصل على محى .. 

محى : زومى ايه الا مصحيك دلوقتى يا شقاوه 

حازم : تعالا اقعد معايا نور راحت عند ماما 

محى : جايلك والا اقولك تعالا انت عشان تقترح ها اعمل ايه فى شقتى عشان خلاص ها نتجوز انا وورد وجبت الشبكه 

حازم بفرحه : مبروك يا حبيبى ومن غير تفكير  جايلك .. ياله سلام 

وخلص هو كمان ونزل وبيركب عربيته لقى كاونه فى وشه .. 

كاونه بابتسامه : صباحوووو  يا بشمهندز يا عررررريس 

حازم : صباحوووو يا كاونه  

كاونه : كنت جايلك اقعد معاك .. بس شكلك مش فاضى 

حازم : اركب طيب 

كاونه من غير تفكير ضحك وراح ركب جمب حازم .. وبيحسس على كل حاجه فى العربيه بفرحه 

حازم طلع بالعربيه : ايه يا كاونه عاجبتك 

كاونه رفع ايده : يباركله يارب ويزيده 

حازم : مين 

كاونه : صاحبها الا هووو انت .. مبروك يا عررررريس 

حازم ضحك من قلبه : يباركلك يارب .. ايه جايبك على الصبح كدا 

كاونه : لقيتك نسيتنى .. فين التاتوه والفراخ .. يرضيك اقعد على لحم بطنى من ساعتها .. كنت جايلك تانى يوم .. قولت لا عيب يا واد يا كاونه.. لسا المهندز عريس وبيتشقلبلو فى يومين عسل قبل ما يدخل على البصل وسنينه 

حازم : هههههههه كلك مفهوميه يا كاونه 

كاونه : لا دا انا اعجبك 

حازم : ماشى .. يا سيدى احلى جاتوه وفرخه مشويه وانت ماشى ها يبقو فى ايدك عشان الواجب الا عملته معايا يوم الفرح 

كاونه : فرختين عشان عبيرر بتحبها 

حازم : هههههه عبير مين 

كاونه : مراتى .. البت عبيررر .. لسانها يتبرى منه الجان 

حازم : عنيه ليك ولعبير بس بقولك ايه ما تاخدش على كدا .. اعمل حسابك مفيش اى شئ من غير شغل 

كاونه : ما انا مش نافع فى شغلانه على رأى عبير 

حازم ضربه على رجله : ها تنفع ما تقلقش .. بقولك ايه بما انك فاضى .. فاكر الواد الا خدته عندك 

كاونه : هو دا يتنسى .. أؤمر اروح أظبطه 

حازم : لا يا كاونه انسى شغل البلطجه .. كل إلا محتاجه الواد دا ما يغبش عن عينك وتحركاته كلها تبقى عندى اول بأول 

كاونه : انت تأمر وانا أنفذ  ... بس شاكك فى ايه 

حازم بص لكاونه ورجع بص للطريق تانى : مش ضامنه يا كاونه ممكن يعمل حاجه كدا والا كدا تضرنى او تضر مراتى .. وطبعا حقك محفوظ يعنى اعتبرها شغلنتك دلوقتى لحد ما أشغلك فى أى مكان 

كاونه : ماشى يا بشمهندز يا سكره انت والله .. هو انت رايح فين سعتك 

حازم : رايح لمحى 

كاونه بصوت عالى وبيضحك : محى حبيبى والله 

حازم ضحك بصوت عالى : شكلكووو كدا ها تعمرو مع بعض .. وبعدين بص على التيشرت الا كاونه لابسه .. هو مش دا تيشرت الا .. انا شوفته قبل كدا

كاونه بضحكه مسك التيشرت : بتاع الواد الا ما يتسمى الا عايزنى أراقبه سعتك .. حسيت انه عليا أحلى خدته خساره فى جدت أمه 

حازم : 😂😂😂😂 وهو روح بايه 

كاونه : صعب عليا فا خدت الفلنه بتاعته ورفع التيشرت اهه..  واديته فلنه من عندى يكش يطمر فى أمه

حازم : 😂😂 شكلك أصيل يا كاونه وها تظبطنا كلنا  ..  ووصل عند محى   

محى فتح باب الشقه الا فيها كنبه عاديه قديمه بينام عليها ..حازم دخل ولسا ها يقفل كاونه زق الباب .. محى تنح وفضل واقف محجز على كاونه مش عايز يدخله 

محى : ايه جابك الله يقطعك 

كاونه بضحكه : حازم باشااا يا جدع .. وانت وحشتنى وسع كدا وبيزق محى  

محى : وحش لما يلهفك يا كمان نانه ويريحنا منك وبصوت عالى .. جاى تقلبنى يا كمان نانه ريح نفسك انا على المحاره 

حازم بيضحك  وهو واقف وراه وشد محى دخله جوا .. وكاونه دخل وقفل الباب .. 

محى : اتجننت يا حازم جايبه معاك 

حازم بغمزه : خلاص يا محى كاونه جدع 

محى : جدع ايه وزفت ايه دا مشى الواد بالباس الله يخربيته هو التانى دا قطع قلبى وربنا ... خد كمية تهزيق وضرب لو حمار كان زمانه نهق 

كاونه : 😂😂😂 الجو كان حر يمشى مصيف والا مشيتى 

حازم بص لكاونه: 😂😂😂😂 انت عملت كدا يالا 

كاونه : لازم يتوجب معاااه مش دايقك يا باشا 

حازم : تقوم تمشيه بهدومه الداخليه  يا كاونه 

محى بيلوى شفايفه : هدومه الداخليه وبس .. ياعينى عليه لابسه فنله جايله لحد ركبته تحس انه وقع جواها  وواخده خمسين طلقه متغربله لو طالعه من بوء كلب مش ها تطلع كدا وربنا 

حازم بيضحك بصوت عالى وبيخبط على رجله جااامد وبيشاور بصباعه وكاونه بيضحك معاااه : انت بجد.

كاونه : دى فتحات تهويه مراتى بتعملهالى .. انت عارف الفلنه دى جديده عندى بقالها 10 سنين بس كنت جايبها من واد باشا بيه فى نفسه وربنا .. دا اصلى ماركت سعتك 

محى بيعيط وبيتهز بكتفه جااامد وبيبص لحازم : دا طلع بيثبت الناس وبياخد فنلاتهم من عشر سنين  وكمان طلعت ماركت .. وبصله بنص عين لما خد باله انه لابس هدوم هانى .. يا بجاحتك يا جدع جاى بهدوم الواد .. مش عيب تمشى كدا 

كاونه بيبص على بطنه : مالها عشان  محزوكه عليااا شويه بس جايه بالملى 

محى وطى براسه وحط ايده على كرش كاونه من تحت   : وبالنسبه لل واقع منك دا .. ايه موقفه من الحياه 

كاونه : هو واقف على كدا ومش راضى يدخل جوا وبيبص لحازم الا مفصلش ضحك .. اجبره سعتك واعمله أمع (قمع)

حازم بيهز راسه بنفى : لا اوعا إلا الأمع وحط ايده على كتف محى .. وشده .. لمها بقى وبطل بواخه بطل تحرجه 

محى بهمس : دا جبله يا حازم ما بيحسش .. ويادى المصيبه لو شوفت ياسمينه والا عبير مراته ... وبيعيط تانى .. دى مش عبير يا حازم ابدا ابدا 

حازم بضحكه لدرجه ان وشه إحمر وبصوت رايح  : امال ايه 

محى : كنافه شعر وبيلف ايده فى الهوا كانه بيعمل كنافه أعاصير وبتلف فى المنطقه 

حازم : هههههه اتجننت يا محى .. فى حاجه اسمها كنافه شعر واعاصير  

كاونه ضحك جااامد عشان عارف محى يقصد ايه 

محى : يا حازم .. الستات بيبان وشها الاول وفرد ايده مره واحده لفوق ..  دى باين شعرها وواقف ظنهار بيحرس كمان نانه والدار برج حمام على راسها مش شعر  وكتير كتير كتير وبينطر ايده كانه هايش تحس ان سلوك شعرها ملمسه مع بعض ومع الجووو

كاونه :  هو انا حببنى وجابنى على بوذى غير شعر عبير .. كنت اعرفها من وسط الف والله يا بشمهندز اهى دى الا يوم ما تعمل حاجه ما تعرفش تتخفى وبيضرب ايده على بعض تتعكش وربنا 

محى بيخبط على ايده : لازم تعرفها ان مكنش دى تتعرف مين ها يتعرف وبص لحازم تانى  دى عيله دمار شامل يابنى .. عارف لقيت عيل زقرد كدا غريب الاطوار زى ابوه .. هو ماشى فى ناحيه ورجله فى ناحيه .. وداخل عليه ما بيمشيش يا حازم .. لا شوفت البلى وانت بتشوطه .. هو زيه بالظبط .. تخيل بينادى ابنه بيقوله ايه 

حازم بيضحك : ايه واخلص 

محى : الناس بتنادى الاسم الطبيعى علاء  عادى وحلووو اهووو .. دا بجعورة أمه تعالا يا عيلاااااء يا حبيبى بابه .. دا بابه بذمة الا جابوك دا قتال قتله ... وطول ما الواد قاعد على رجله كأنه مبرمجه على التف ملى وش الواد  هانى ما بتعديش الثانيه وابنه يبص للواد بصة مرات الاب واسفوخس طالعه من بوئه وبيعيط   غربلووو الواد يا حازم لو انا كان زمانى انتحرت 

حازم بيحاول يوقف ضحك وشده وقعدو مع بعض وبيقوله افصل بقى  .. ومحى قاعد متوتر وكل ما كاونه يتحرك يحلق عليه 

كاونه : ها اقولك حاجه يا بشمهندز 

محى : صدع البشمهندز .. 

كاونه حط ايده على صدره : محسوبك صاحب صاحبه وما يعضش الأيد إلا تتمدله .. انما إلا تتمد عليه يأكلها .. اوعا تخاف منى انا زى اخوك ومقامك محفوظ 

حازم بيخبط محى فى رجله : طبعا يا كاونه .. بس عشان تبقى عارف هو محى كدا بيحب يهزر ويضحك عادى يعنى 

محى : كاونه  انا مرعوب منك يا راجل .. خايف تطلع الاقى الحيطان الا حيلتى فى جيبك اوعا تزعل 

كاونه : عيب عليك .. لو مش صاحب و حبيبى كدهون كت خدتها .. بس خلاص فكها بقى 

محى : ماشى يا كاونه .. وبص لحازم .. تعالا افرجك على الشقه .. وقام وبيتفرج على الشقه هو وكاونه .. محتاجه مصاريف جامده صح 

حازم : طبعا بابنى عشان تشطبها تشطيب لوكس ها تعدى طبعااا .. 

محى : انا مش معااايااا غير يا يدوب حق التشطيب ومش ها يكفى يا حازم اقترح عليااا اعمل ايه يعنى انا ممكن اوفر حق الصنايعيه واركب السراميك انا .. عندى خبره وعارف بس محتاج حد معايااا 

كاونه : انا معاك واخدمك بعنيه 

محى ابتسم : شكلى ها استجدعك والا ايه 

حازم : يا سيدى وانا كمان معاك .. وايد على ايد بتساعد .. 

محى : لا يا حازم مش للدرجه دى يعنى ها أستغلك .. وكمان كاونه انا ها اديله حق تعبه واهو شغل له 

حازم : محى اتفقنا اننا اصحاب يعنى على الحلوه والمره سوا .. ها تعمل ايه فى العفش 

محى : الصراحه يا حازم انا اقترحت على ورد انى احاول اجيب اوضتى القديمه ونتجوز عليها وربنا يفرجها واجيب حاجه فى حاجه 

حازم : طيب ايه رايك لو جبتلك العفش كله بسعره وقسط 

محى بأنتباه : ازاى يعنى 

حازم : من عند عمى .. مش ها اخليه ياخد منك جنيه زياده ويقسط لك هو بيطلع قسط عادى 

محى مسك وش حازم وباسه : حبيبى يا ابو الحازيم ياعسل .. انت وقعتلى من السمااا ربنا بعتك ليااا نجده 

كاونه : ياعينى وانا فاكر ان انتووو عايشين حياتكووو واحنا الا فقره ومش معانا صحيح يا ولاد الفقر بيلعب علينا كلنا والهدوم بتدارى بلاوى يا جدع 

محى : شوفت المهزله يا حازم ادينى صعبت على كمان نانه 

حازم : 😂😂😂😂 ... ها تشتغل من أمتى 

محى : الاجازه الجايه ان شاء الله 

حازم : انت ناسى يالا ان نور مقاول يعنى ها تظبطلك سعر الخامات وها تخدمك بردو 

محى : اه صح .. يا فرج الله وبص لكاونه .. شكلك حلو علياا والا ايه يا زفت انت 

كاونه : هههههههه محسوبك قدمه خير منين ما خطى 

محى : ربنا يستر  

**************** 

سيف استرد وعيه بس تعبان .. بيبص لهم وهما حواليه ابوه وأمه واخوه ومحمود .. بس صافى مش موجوده .. 

ساميه : حمدالله على السلامه يا حبيبى 

سيف بضعف وتعب : الله يسلمك يا أمى .. عاملين ايه 

خالد بيمسح دموعه : انت الا عامل ايه .. خلعت قلوبنا كلناا 

سيف ابتسم ابتسامه خفيفه : الحمد لله بخير  اطمن يا حبيبى .. وبص لسامر مالك 

سامر ابتسم : ها اكون مالى يا فقرى .. ما تقوم بقى 

محمود : عجبته النومه 

سيف : سلامتك يا وحش .. حد من العساكر والناس جراله حاجه 

محمود : كلهم بخير ومنتظرين رجوعك بالسلامه .. اصابات خفيفه واصابه واحده خطر والحمد لله بقى تمام دلوقتى 

سيف بيلف راسه وبيتوجع وبيقول : الحمد لله .. رجع بصلهم تانى .. هو تليفونى فين 

كلهم بصووو لبعض وابتسمووو .

سامر بغمزه : ليه يا قلبى 

سيف ابتسم : ها اشوفه وحشنى اشمعنا هووو

ساميه فتحت شنطتها وطلعت التليفون : بسرعه عشان ممنوع هنااا .. مشحون ما تقلقش 

سيف خد التليفون والابتسامه على شفايفه  وبيرفعه بشويش عند وشه لان الحركه بتتعبه جدا..  وبعدين بصلهم .. انتو ها تفضلو واقفين اتفضلو ريحو شويه ولا تشغلو نفسكم بيا

خالد لاول مره يضحك من يوم ما سيف دخل المستشفى .. وزقهم  وهما واقفين مش راضين يخرجووو .. 

خالد : اعمل لهم ايه 

سيف فتح التليفون وبعت رساله لسلوى وحشتينى وقفله تانى وناوله لوالدته .. ابقى ادخليلى بيه تانى .. هما ها يخرجونى امتا قوللهم عايز أمشى 

محمود : تمشى مره واحده اهدى على  نفسك 

سامر : وانت عايز تخرج ليه بقى وبرخامه خطيبتك واحشتك 

سيف بان على ملامحه انه ادايق وسكت .. وساميه غيرت الموضوع .. خلاص يا حبيبى ها ادخلهولك ما تقلقش  

الممرضه : يا جماعه ما ينفعش كدا دى عنايه وفى ناس تانيه تعبانه وهو لازم يرتاح غلط عليه كتر الكلام 

خالد : خلاص احنا خارجين  ووطى على راس سيف باسها واخوه كذلك ومحمود وخرجوو  .. 

ساميه : ثانيه بس وخارجه 

الممرضه : بسرعه من فضلك وسابتها ومشيت 

ساميه طلعت التليفون تانى : خد كلمها دى كانت ها تموت عليك خليها تسمع صوتك 

سيف اتخنق : مش ها اكلمها 

ساميه ابتسمت : مش صافى يا حبيبى  انا قصدى على سلوى كل يوم كانت هنااا جمبك بس مجاتش انهارده 

سيف عيونه ضحكت قبل شفايفه : بجد يا امى 

ساميه : ايوااا خد ياله قبل ما الشويش عطيه يرجع تانى 

سيف خد التليفون وفعلا اتصل عليها بس تليفونها مقفول .. وبخيبة أمل رجع التليفون تانى .. مقفول .  بصى دا الباسورد بتاعى وعرفه لمامته  ابقى طمنيها انتى .. ودا رقمها  

ساميه ابتسمت لانه مسجلها s&s : حاضر يا حبيبى ولسا ها تخرج 

سيف : وصافى يا ماما فسختى الخطوبه زى ما قولتلك 

ساميه : زى ما انا دبستك فيها .. ها أحلك منها سيبها على الله  وباسته وخرجت 

*****************

مر اكتر من اسبوع ومحى كتب كتابه على ورد واتفق مع عم حازم الا رحب بيه وعمل الواجب وزياده عشان خاطر حازم .. وسافرو مع بعض والامور بينه وبين نور متوتره زى ما هى والاتنين متجنبين بعض ... وسيف نقلوه اوضه عاديه بعد ما اتحسن وزعلان جدا ان سلوى تليفونها مقفول وماجتش زارته من يوم ما فاق ولا سمع صوتها حتى حازم ومحى لما بيزروه ماعرفش منهم ايه السبب ..  ومامته طول الوقت بتصبره وتقوله يمكن ظروف عندها .. وطلب منها تروح تشوفها وتطمنه عليها .. 

أما فوزيه والدة محى من ساعة ما عرفت ان محى كتب كتابه وهى مش مبطله عياط وخناق معاهم كلهم وعايزا تروح لورد .. ومحمود مانعها .. 

سلوى بقى أمها عرفت موضوع سيف وخدت منها التليفون ومنعتها من الخروج نهائى .. وزعلت من ورد ونور وواخده منهم موقف جامد بعد ما سمعت سلوى وهى بتكلم نور عشان امها تنزلها وتقدر تشوف سيف .. ونجيه بتحاول تهدى المواضيع بينهم بس نوجا رافضه اى كلام 

******************

نور : وبعدين معاكى يا نوجا ها تفضلى زعلانه مننا كتير .. والله بنتك مؤدبه ومتربيه انتى مش واثقه فيها والا ايه 

نوجا بتشاور على نفسها : بقى انا بتستغفلونى وتقوليلى متربيه ومؤدبه فين الادب والتربيه وانتو التلاته .. التلت بهوات يبقو قاعدين مرصوصين جمب بعض وعنيهم منكم وانتو كمان عنيكو منهم .. دى تربيه .. لا وبنتى الا على نيتها سلوى .  سلوى بتكدب على أمها  ليه وعشان ايه  .. ولما هو بيحبها زى ما بتقول ماجاش البيت من بابه ليه .. روحى يا نور عشان قلبى شال منكم حتى شبشبى شال منكم

ورد قربت عليها وباست دماغها : أما نوجا بيكفى ما راح أجدر على زعلك أكتر من هيك ... لا تزعلى وتجهرينا والله ما بتتكرر

نوجا زقتها وبعصبيه : انتو ها تغورو من وشى والا اقوم اقطعكم انتوو التلاته ما طلعوش عفاريتى 

نجيه : خلاص يا نوجا بقى البنات غلبو معاكى .. نور واتجوزت حازم وورد اتجوزت محى .. وسلوى ان شاء الله سيف يقوم بالسلامه يجى يتقدم لها 

نوجا : لا وبتبص لسلوى الا واقفه على باب الاوضه مكسوره .. بنتى اناها اجوزها لليستاهل مش واحد بتجرى وراه هنا وهنا والله اعلم كانت بتعمل ايه من ورايا 

سلوى عيطت ودخلت الاوضه 

نور : يا خالتى حرام عليكى كفايه بقى .. انتى راضيه بوضعها دا يعنى .. فيها ايه لما حبت اجرمت والا اذنبت .. ليه انتووو بتعملو كل حاجه وبتحرموها علينا نفسى افهم هو احنا مش زيكم لينا خياتنا ومشاعرنا 

نوجا قامت : عشان جربتها يا ست نور خايفه بنتى تجربها وتعيش نفس حياتى والقرف الا شوفته بس انتو ها تعرفو ايه والا ها تفهموو  ازاى وكل حاجه بتعميكم عن الحقيقه وبتشاور على اوضة بنتها لو اتجوزته و مسك ايديها والا سبل لها وخدهم الشوق فى لمسات والا كلام بكرا يعيارها بعد ما يتجوزها بكل دا ويفقد الثقه فيها ويخنق عليها فى الراحه والجايه.. ولو نطقت وقالتلو كنت بحبك وانت الا عملت ها يقول لها لو محترمه كنتى حافظتى على نفسك معايا .. ويوم تانى ويقول لها زى ما عملتى معايا اكيد عملتى مع غيرى .. فهمتى يا ست نور  يا إلا واقفه تحاسبينى على  خوفى على بنتى 

نور : يا خالتى صوابعك مش زى بعضها انا صعبان عليا سلوى .. حرام كفايه عليها كدا خنقه وحبسه .. يا نوجا الا عايز يعمل الغلط ها يعمله لو محبوس جوا الاوضه .. سبيها تتحمل اختيارها زى ما انا بتحمل 

نجيه : ممكن تهدو انتو الاتنين .. لا انتى كلامك صح وبصت لنور ولا انتى خوفك الزياده عن اللزوم صح .. روحى يا نور دلوقتى 

نور  انا مسافره ومش عايزا اسافر وسلوى مقهوره وورد زعلانه كدا .. احنا ملناش غير ربنا ثم انتووو يا نوجا ابويا مقاطعنى حتى مجاش باركلى وخدنى فى حضنه .. انا مقطوعه من شجره وابويا على وش الدنيا .. انتى كمان ها تعملى زيه 

نوجا : روحيله يا نور .. انا خالتك انما هو ابوكى .. مين يابنتى الا بيتنازل لمين انتى الا بتتنازلى مش هو 

نور : بعد دا كله .. ليه 

نجيه : عشان ابوكى يا نور والا ملوش خير فى أهله ملوش خير فى حد يابنتى .. ابوكى لو كتلة شر ها يفضل ابوكى وواجب عليكى طاعته ادام مش فى الشر 

نور : خلاص مش موضعنا .. وقربت على نوجا حضنتها جااامد وباستها .. عشان خاطرى يا نوجا .. ادخلى لهم و خدى سلوى وورد فى حضنك .. وقربت من نجيه حضنتها وباستها وشالت الشنطه الا فى الارض ... انا ماشيه 

نجيه : ما سافرتيش مع جوزك امبارح ليه 

نور ابتسمت : جوزى .. اصل انا لازم اعدى على التجار وامشى مع العربيات بعد ما اتمم على كل المطلوب..  اشوف وشكم على خيرر .. وعلت صوتها اخرجى من ام الاوضه وصالحى امك بطلى خوف وجبن .. ياله ياورد انتى كمان ..واتوكلت على الله ومشيت ... راكبه فى كابينه عربيه تريلا كبيره جدا .. وبتولع السجاره  وتعزم على السواق الا بيشاركها وبيشرب زيها طول الطريق ... وفكرها كله مع حازم الا متجاهلها تماما .. ومأثر  فيها انه ما حاولش حتى يصالحها من ساعة ما مد ايده عليها وضربها وبتلوم نفسها على جرئتها الزياده وابتسمت وبينها وبين نفسها : انا جبت الجراءه والا عملته دا منين خروبيت التخلف  .. تليفونها رن ورفعت حاجب اول ما شافت رقمه وردت بتحفظ 

💙💙💗💗💚💚

بقلم: لبنى طارق 

💙💗💚💚💚💚

 اوعوووو تنسو صلو على النبى الأمين محمد رسول العالمين  😍😍😍😍

شرسه ولكن ! 29 

**************

سبحان الله وبحمده  وسبحان الله العظيم 

الله أكبر ..ولله الحمد 

لا حول ولا قوة إلا بالله العلى العظيم

💙💙💙💙💗💗💗💗💚💚💚💚💚💚

نور بترد ببرود : نعم عايز ايه 

هانى : هههههه مبروك يا عروسه لعبتيها صح تعلقينى بيكى وتلفى على غيرى وانا طبعا المغفل 

نور : اه وبعدين يا استاذ مغفل 

هانى : بعدين دا بتاعى يا نور لو فاكره انك ممكن تتهنى بيوم واحد بعد الا عملتيه معايا يبقى بتحلمى 

نور : انت أهبل يالا .. فاكرنى ها أخاف من تهديدك واترعش 

هانى : ها تخافى وتترعشى لما تلاقى حياتك اتقلبت جحيم على أيد العبد لله 

نور بهمس هو سامعه : أعلى من فى خيلك اركبه وانا ازقك يا هانى على اقرب حيطه تخبط راسك فيها 

هانى : قسما بالله يا نور لادفعك انتى والحيوان جوزك تمن الا انتى عملتيه وهو كمان .. جايبلى بلطجيه وفاكرنى كدا خوفت وخلاص سلمت وها اسيبك كدا عادى .. دا فى الحلم 

نور ضحكت بصوت عالى وبمكر  : ايه دا حازم علم عليك .. طيب روح يا بابا شوفلك حته ناشفه اقعد فيها عشان ما تتعورش 

هانى بغيظ : من امتى الكره دا كله .. معنى كدا كنتى بتلعبى بحبى ليكى 

نور : لو فاكرنى هبله يبقى انت انسان ساذج .. مين دا الا كان بيحبنى انت .. ما انكرش انى كنت ها اصدقك فى الاول .. بس لما لاقيتك بتمثل واتاكدت  قولت امثل انا كمان وارد ليك القلم عشره يا مغفل .. بس حازم جوزى هااا سامع جوزى علم عليك ولسا 

هانى : هههههههه ولما انتى حلوه كدا وبتفهمى ما واجهتنيش ليه 

نور : بص يا هانى .. انت من الناس العزاز إلا ضمتهم فى اللسته عندى .. وقريب قوووى انت وهما ها  ارجعكم للمكان المناسب والا يليق بيكم ما تستعجلش انا بحب ألعب على رواقه وها افجائك 

هانى : منتظر بشوق 

نور : طيب بالسلامه يا أمور وجهز نفسك عشان نهايتك قربت وقفلت فى وشه وعيونها اتقلبت وملتها الغل .. ولعت سجاره بعصبيه وبتنفخ بديق ... وسرحت ورجعت ليوم فرحها .. 

فلااااش باك 

********* 

بعد ما رقصو سلو وحازم شاف هانى راح قعد هو ونور الاول 

حازم : انتى سرحانه فى ايه الناس مركزه معاكى 

نور كشرت وشها وبصت لحازم : هو انا ممكن اروح الحمام 

حازم : اكيد بس ها تعملى ايه فى الفستان دا مش ها تعرفى تدخلى الحمام 

نور : انا ها اتصرف بس اخلع ازاى 

حازم : تخلعى .. نور تعالى عشان عايز اروح لمحى  ومسك ايديها ومشى بيها لاخر الصاله .. وبيسلمو على كل الناس ونور سابتهم وكملت .. دخلت ورا ستاره وكملت لطرقه كبيره .. وقفت واستخبت ورا الحيطه لسلم داخلى .. وبتبص على هانى قبل ما كاونه ياخده هو ومحى وكان بيستعد يروح لنور ومره واحده اختفى ونور متابعه هو ومرات ابوها الا دخلت نفس المكان ودا خلاها تشك فى حاجه   وبتتاكد هو الا شايفه دا صح والا غلط معقول .. احلام وهانى  

هانى : اتجننتى يا احلام دا وقته افردى حد شافنا 

احلام : محدش ها يشوفنا اسكت بقى .. ها تعمل ايه 

هانى : ها ابارك للعروسه والعريس واهنيهم 

أحلام : ايه الحب وجعك قوى وبينقح عليك 

هانى : حب ايه انتى هبله .. انتى الحب كله .  فى مثل بيقولك العيار إلا ما يصبش يدوش.. وانا بقى قررت اروشهم وادوشهم  فهمتى 

أحلام : اروش وانا معاك وفى ضهرك .. ايه رايك نتقابل بكرا 

هانى بغمزه : مستنيكى وهاتى القميص الزهرى معاكى اصله كان يجنن عليكى .. 

أحلام ضحكت بمرقعه : عنيه 

نور انسحبت ورجعت تانى وهى مصدومه ومش مصدقه ايه لم هانى على احلام ازاى وأمتى ومعقول وقاحتها توصل للخيانه ليه .. ابويا بيعمل فيها ايه دا باع بنته واشتراها هى ... حتى طلباتها أوامر .. رجعت قعدت مكانها وهى ها تتجنن ومتابعه حازم ومحى وسيف وكاونه الا استغربت لمته على حازم ومحى وسيف وركزت معاهم جدا وخدت بالها من محى وكاونه وهما بياخدو هانى وابتسمت نص ابتسامه وكملت يومها عادى جدا من غير ما تحسس اى حد باى حاجه 

**************  

نور بغل وبينها وبين نفسها : قسما بالله لادفعكم التمن غالى يا ولاد...... وها تشوفوو  .. طلعت تليفونها وبتتصل  ايوا .. عملت ايه 

مجهول : كله تمام وصوارهم جاهزه والمكان الا بيتقابلو فيه 

نور : تمام .. عينك عليهم وخلى بالك على ابويا أهم حاجه اوعا يغيب عن عين الواد التانى عايزاه يبقى زى ضله جوا الفيلا وبرا مش اتعين  فى الحراسه 

مجهول : ايوا .. وبقى حارس شخصى له بعد ما الحراس اقنعوه زى ما اتفقنا 

نور : تمام .. وبتاكد عليه عايزهم زى ضلك منين ما تروح اوعى تخلينى اندم انى لجئتلك 

مجهول : حاضر  وقفل .. رفعت رجليها على طبلوه العربيه والسواق بصلها ؛ ناويتى 

نور : لسا شويه يا حسين .. ابويا ممكن يروح فيها 

حسين : هو السبب يا نور مش بدال ما تفكر تخلص منه انتى بتنجديه بيصرف فلوسه وبيضيع الا باقى من حياته عليها وعلى الكلب الا معاها 

نور : الصبر .. الصبر  .. انا مش عارفه اعمل معاك ايه يا حسين 

حسين : ما تعمليش ابدا يا نور .. انا بقالى 15 سنه معاكى من وانتى صغيره وابوكى بيرميكى من شغلانه للتانيه .. كنتى متعلقه فى  رقبتى عشان انا اصغر واحد فى الموجدين واعتبرتينى أخوكى الكبير واخوكى بيقولك هو فى ضهرك العربيه دى ياما ولسا بتلف بيكى 

نور ابتسمت وبتسأله بغباوه وفضول : هو انت كدا  مع نشوى مراتك .. جدع واى حاجه تطلبها بتعملها .. وعلت صوتها قول الصراحه من غير كدب يا حسين 

حسين ضحك بصوت عالى : الصراحه مش قوووى .. دايما الراجل ومراته بيبقى بينهم عشم وكسل 

نور : بمعنى ايه 

حسين : يعنى ممكن ما اتاخرش عنك فى حاجه واجرى اعملها بهمه ونشاط وعلى قلبى زى العسل زى ما بيقولو ..  انما مراتى بدلع عليها .. تعبان اريح واطنش مره ومره لاء.. ممكن ازعق فيها اقول لها لاء .. ودا مش كره ولا قلة اهتمام ابدا والله لو طولت حته من السما ها أحطها تحت رجليها بس عارف ان مفيش حد ها يتحملنى ولا يشيلنى غيرها وهى عارفه كدا بردو .. عشان كدا مره انا ادلع ومره هى .. عشم وكسل  

نور هزت راسها بشرود : هو كسل ورخامه يا حسين بتتوفر لينا جوا البيوت اكتر .. اه لو اتعكست الصوره ها تبقى أجمل بكتير .. ها تبقو فى عيونا حاجه تانيه 

حسين : بكرا تفهمى كلامى لما انتى وجوزك توصلو لمرحله قرب من بعض كبيره وكانك بتتعاملى مع نفسك لا فى حدود ولا خوف 

نور بصت على الطريق وحازم مش مفارق عيونها .. بتستجدعه جدا بس معاها قاسى بدرجه كبيره خصوصا فى نقده الا على الفاضى والمليان وحكمه عليها من غير ما يعرفها ... خلاص داخلين على موقع الشغل .. ونور نزلت وطلعت فوق العربيه وواقفه وقفتها والابتسامه على وشها .. 

عماد بيصفر حازم وحازم بصله 

عماد بصوت عالى : حرمك المصون وصلت مش ها تقابلها 

حازم ادايق من طريقه عماد ونظره راح على طول لنور .. وادايق أكتر .. كتم غيظه وبيحاول يكمل شغله ... 

نور بتلقائيها عيونها بتدور على حازم واخيرا شافته .. واقف بيشتغل ورغم ان عيونهم اتقابلت ما ادهاش أى اهتمام ودا دايقها جدا .. نزلت ونطت اخر حته من العربيه .. وحسين قدامها 

حسين : روحيلوو وانا ها اتعامل انا مع الرجاله .

نور : اروح لمين 

حسين : جوزك .. اوعى تدى فرصه لحد يفرح فيكى يابنت حمدى .. ونصحيه اخ لاخته بعد الا حصل والكلام الكتيررر .. لازم انتوو  الاتنين تثبتو للناس انك انتى مش مجبوره عليه ولا هو مجبور عليكى 

نور قربت من حسين وانفجرت فيه وبصوت واطى  : ولو مجبوره يا حسين .. وهو مجبور لا انا ولا هو عملنا حاجه وانت عارف الا حصل كويس ومين السبب ها نضحك على بعض ايه نسيت سامى 

حسين وقف قدامها وربع ايده وبص على حازم الا بيبص عليهم من الوقت للتانى بس كرامته مناعه يقرب او يتكلم معاها : انا لو اتدبست تدبيسه زى دى انا أمسك بايدى وسنانى فيه وادبسه فيا أكتر 

نور ابتسمت وبتمسح دموعها : ليه رميه قوى كدا انا والا ما استهلش الباشا 

حسين : يتقطع لسان الا يقول عليكى كدا .. وغمز لها هو زيك بالظبط بصى عليه وركزى نفسه يجى يقف وسطنا انا وانتى ويقولى ايه الا موقفك مع مراتى كدا 

نور : بيتهئ لك .. دا الود وده يطلقنى انهارده ويخلص منى .. ياله سيبك منه خلينا نخلص عشان ها ارجع معاك 

حسين : اشمعنا اول مره يعنى مش ها تسلمى وتباشرى وادام جايبه عربيتك يبقى ناويه تقعدى 

نور هزت راسها : لا .. ها اسلم وانسحب انا مخنوقه وعشان اشوف المصيبه الا أسمها مرات ابويا .. مش مرتحالاها ابدا يا حسين 

حسين : طيب ياله .. ورجع ركب العربيه واتحرك بيها لقدام .. ونور واقفه بتشاور لباقى العربيات بايديها  وتدخل وراه .. وبتنادى عليها بعلو صوتها .. بتحرك ايديها تجاه اليمين 

نور : يا خليل .. خش من اليمين وقرب منه .. قرب يابنى .. 

خليل بيشاور لها انه سمعها وبيقرب فعلاااا .. وهى بتجرى جمب العربيات .. وحازم بينفض ايده وبيقرب يبص عليها .. خوف ورهبه غير طبيعيه اتملكووو منه لما اختفت ورا العربيات .. شافها وهى طالعه تجرى قدام العربيه الا راكبها حسين .. وبتعمل علامات معينه بايديها .. وهو متجاوب معاها وبينفذ .. وقفت قدام العربيه ورافعه ايديها الاتنين وبتمشيهم فى الهوا عكس بعض بمعنى اقف .. وحازم كان ها ينط يجبها من شعرها من كتر خوفه وجرائتها المتناهيه ..  العربيات بتقرب عليها وهى واقفه فى وشهم بثات وكانها بتتنحر ..

حازم رجع تانى مكانه بعد ما اطمن انها فى الامان .. وهى متابعه العمال وشغلهم .. فضلت واقفه فتره كبيره جدا على رجليها ما قعدتش ولا ريحت .. 

محى قرب على حازم : انت ما بتكلمش نور 

حازم : لا عادى .. ليه يعنى 

محى : من اللحظه الا وصلت فيها لا قربت عليها ولا هى قربت .. وكمان الاكل .. مش ها تاكل لقمه وتعزم عليها العيال جابت السندوتشات 

حازم بتهرب : هاتلى سندوتش وابعت لها واحد انا مش فاضى وانا وهى متفقين فى الشغل كل واحد يفضل فى  حاله 

محى : ليه ها تعضووو بعض 

حازم بخنقه : محى مش ناقصك .. روح انا مش عايز أكل 

محى : لا ها اجبلك ما تقفلش وشك عليا .. ونزل .. جاب ساندوتش وراح لنور .. رفضت تماما .. وولعت سجاره وبتشربها .. راح لحازم الا مراقب الموقف .. وخد منه ساندوتش نور وساندوتشه واضطر ينزل لها بعد ما وقفت ورا عربيه نقل كبيره والعمال كلهم واقفين يأكلو مع بعض 

نور واقفه بتمسح عراقها وعيونها مزغلاله جدا .. ركنت ضهرها على العربيه .. وبتحاول تقف مش قادره .. حازم قرب منها  ومد ايده على طول بالساندوتش 

نور بتحاوا تتعدل وبتبص له ولايده .. وخدت نفس وكانها بتسحبه بالعافيه وحست ان الدنيا لفت بيها ونطقت اخيرا وهى بتقول : حازم اناااااا ووقعت عليه ..حازم نطر السندوشات من ايده ومسكها بين ايديه .. شالها وراح على عربيتها الا واحد من العمال الا معاها كان سايقها طول الطريق لانها ما بتستغناش عنها فى الشغل .. ولما بتتعب بتركب مع حسين وواحد من العمال بيكمل بيها لحد الشغل كان فيها المفتاح .. وشغل العربيه وطلع بيها من المكان تحت نظرات الكل .. والهمس والضحك اشتغل والا يقول حامل والا يقول عروسه وبتتدلع .. طول الطريق وقف مرتين  بيحاول يفوقها بس بتفوق وترجع تانى 

حازم وصل لسكنهم .. وطلع بيها طلع المفتاح من شنتطتها الا لابسها كروس .. وفتح ودخل الشقه .. ريحها على السرير  وطلع برا قفل الباب وعمل ميه بسكر وراح لها وبيشربها وهو بيعدل راسها ..

حازم بعد ما نور شربت بوء : كملى الكوبايه 

نور بعياط : مش قادره .. مش عايزه 

حازم بزعل : مالك يا نور فيكى ايه نور رمت راسها لورا ونزلت على المخده بتقل رهيب وكانها حمل  وبتعيط بصوت مسموع ... قرب منها بحنيه وخوف عليها وبيمسح دموعها بايده .. وبيمشى ايده على وشها .. هشششش اهدى وقوليلى ايه مزعلك كدا  

نور بتدارى وشها فى المخده وبتعيط من قلبها وبتقول بصوت مقطع مفيش  

حازم شالها بين ايديه ودخلها الحمام : خدى شاور وانا ها اجبلك هدوم من جوا .. وسايبها وراح اوضتها وجاب لها طقم بيتى كامل وفوطه راح لها تانى لقاها زى ما هى ... ايه اساعدك 

نور بتعب خدت الهدوم من ايده وقفلت الباب عليها ...  وحازم راح شقته هو وزمايله خد شاور سريع ولبس تيشرت وبنطلون ورش عليه  برفن  .. وراح لنور لقاها لسا جوا .. خبط .. نور 

نور : ايوا

حازم : انتى كويسه 

نور : اه .. وفتحت وخرجت وهى حاسه بالاحراج لانه جايب لها كاش مايوه قصير جدا.. وحماله  حطت الفوطه على كتفها .. حازم قرب بأبتسامه ومسك الفوطه و مابصش على جسمها  وحط الفوطه على شعرها وبينشفه كويس جدا وكانها بنته .. وخدها تحت دراعه.. 

حازم : تعالى .. ودخل اوضتها وهى مستسلمه ... وقعدها على السرير جاب فرشة الشعر وسرح لها  زى ما نجيع بتعمل  وبيجيب أوصتها يمين وشمال ..  حلو كدا 

نور مسكت ايده : كفايه يا حازم سيبنى لوحدى لو سمحت انا بقيت كويسه خلاص 

حازم : حاضر ها اسيبك .. بس فطرتى 

نور : لاء ومليش نفس للاكل مش عايزا سيبنى لو سمحت 

حازم قعد جمبها وخد نفس واتنهد جااامد : مش جايلى قلب أسيبك ومش عارف اسيبك ورفع كتافه الاتنين  ومش فاهم ليه 

نور رفعت راسها وبصت له بعيون بتترجاه ومكسوره . كلها حزن .. حازم بتلقائيه وعفويه رفع ايده بيمسح عيونها من الدموع  واتكلم بشرود : ليه كل الحزن دا فى عيونك .. انا اسف لو انا السبب .. كنت مكسوف من نفسى ومش قادر اعتذر او اقرب .. عيونهم  اتقلبت فى لحظه كلها صفااا واعتراف باحتياجه الغير مباشر .. انتى عنيده وشرسه لدرجه تعابتنى وجبرتنى اعاملك عكس اسلوبى .. سند اورته على قورتها .. ومسك وشها بين ايديه .. وبصوت مهزوز ... نور انتى سمعانى .. حسا باالا عايز اقوله .. حرك ايده على وشها وغمض عيونه .. قرب من شفايفها وكانه فى حلم جديد وغريب عليه .. اول مره يحاول او يجرب شوق ولهفه من نوع خاص  .. باسها برقه وخووووف .. واتجرء وباسها تانى لما لاقها ما بتقاومش .. حضنها وبيعصر فيها بين ضلوعه واللحظه اتقلب لشوق غير طبيعى ومشاعر من حازم اول مره تطلع بالشكل دا .. دفن راسه فى راقبتها وبيبوسها وفى لحظه جسم نور اتنفض وفاقت من صدمتها واستسلامها .. وبدئت تقاومه وتبعده عنها .. وبقوتها اول ما رفع وشه وكانها متعمده تاخد حقها .. وضربت حازم قلم جااامد وحازم اتجمد مكانه وعيونه اتقلبت لجمر ومش مستوعب فعلا عملت كدا والا بيتهئ له .. لتانى مره يا نور تمدى ايدك عليااا وتكسرى كل الا ممكن يتبنى بينا فى يوم من الايام انا حاولت  .. قام من قدامها من غير رد فعل وهى عيطت بصوت مسموع ونامت على السرير وبتضرب بايديها  ... اما حازم حس انه آهان نفسه لما فكر يقرب منها ويزيل كل الحواجز .. راح الشقه بعد ما قفل شقة نور عليها ..  ودخل اوضته .. وقعد على السرير .. وهو شارد فى الاحصل وعيونه بتلمع بدموع لاول مره .. حاسس انه مغلوب على أمره ومش حقه اى حاجه .. ولازم الدنيااا تديلو بدال القلم عشره لو فكر يصلح او يقرب من حد .. ليه نصيبه مع اصحابه دايما وحش ..صاحب عمره سابه واتخلى عنه ووصلو كلام انه ما يشرفوش يبقى صاحب واحد حرامى حتى لو صاحب عمرى والكلام بيوصله من زمايله وهو مقسوم من جواه شرخ كبير لما تبقى مناظر الصديق هو الا يقف فى ضهرك وتلاقيه هوالا بيطعنك  ويوم ما يتجوز يتجوز وهو مجبور ولما حب يقرب وجرب يزيل الحواجز هى بايديها  بتقطع كل الا ممكن يقربهم   فى يوم من الايام .. لحظات بسيطه واصحابه رجعو محى دخل عليه .. 

محى : فى ايه يابنى .. نور واخده فى وشها بالعربيه 

حازم كان ها يتعدل اول ما عرف انها مشيت .. بس رجع تانى وبصله : مفيش يا محى كانت تعبانه شويه ودلوقتى بقت كويسه .. ما تشغلش بالك 

محى قعد جمبه : على فكره انا ما بحبش اتطفل على حد والله .. بس انت وهى صعبانين عليااا 

حازم : حبيبى ما تشغلش بالك انا ونور مجرد وقت عشان نحفظ سمعتها قدام الناس 

محى : انت مقتنع بكلامك 

حازم : جدا ودا الا ها يحصل .

محى : وتتحسب عليك وعليها جوازه 

حازم : كدا كدا هى اتحسبت عليا والموضوع انتهى .. 

محى : طيب قرب منها وبطل تفكيرك وشروطك الغريبه العجيبه فى زمنا دا واتنازل كل وقت وكل زمن الناس اخلاقها وطباعها بتختلف وبعد كدا غيرها براحتك بس باحتوائك وقربك لها 

حازم : شروط ايه يا محى انها تعيش عيشه البنات تبقى شروط .. امال لو قولت لها تعالى انتى بتصلى والا لاء .. ومش محجبه ليه ... وواقفه تتكلمى مع كل راجل شويه ليه ..  وليل نهار فى وسط عمال وصحرا ليه .. ها تقول ايه .. محى اسكت مش انا الا اجبر حد انه يتغير .. لان نور يوم ما ها تتغير ها يبقى لنفسها قبل ما يكون ليا والا تبقى غبيه .. هى طريقها غير طريقى .. قوم يابنى وكبر دماغك 

محى بقلة حيله وفقدان أمل انهم يقربو من بعض .. وقام  

****************

نوجا : اهلا بيكى .. بس انا والله ما اتشرفش بيكى قبل كدا ولا سلوى جابت سيرتك 

ساميه : انا مامة الرا ئد سيف خالد 

نوجا  : اه قولتيلى. وانتى عايزا سلوى فى ايه 

سامه عيطت وطلعت منديل : ابنى تعبان جدا يا ست نوجااا ونفسه يشوفها .. انا عارفه ان طلبى ما يصحش .. بس اعمل ايه لازم احاول اخفف عنه .. انا أم واحب اشوف ابنى مرتاح ومبسوط 

نوجا : بصى يا حبيبتى قلبى عندك والا حصل لابنك زعلنا كلنا .. بس يشوف سلوى بمناسبة ايه وعشان ايه 

ساميه : انا وانتى ستات وفاهمين وعارفين ان المشاعر والحب مش بايدينا ... ابنى بيحب بنتك .. وبنتك بتحبه .. ومش عيب لو راحت شافته واطمنت عليه وهو كمان .. دا اكتر وقت زى ما بيقولو فيه ان الغريق بيتعلق بقشايه ..سيف حالته خطيره جدا برغم انهم نقلوه من العنايه لاوضه .. بس تعبان .. 

نوجا : يعنى واخده بنتى قشايه وعايزنى اتعاطف معاكى واقولك خدى بنتى اهه .. اسف والله طلبك من عندى 

ساميه : يا ست نوجا انتى فهمتى غلط .. انا مقصدش ان سلوى قشايه نحتاجها دلوقتى ونرميها بعدين ..وبتفرك فى ايديها لان نوجا طبعها طلع صعب جدا .. بصى انا دبست ابنى فى خطوبه .. وقصت لنوجا كل الا حصل  ... بس يا نوجا دا كل الا حصل .. لو ماكنش الا حصل حصل انا كنت اتقدمت لسلوى على طول .. وانا عارفه ان لو اتقدمت لها دلوقتى لايمكن انتى ها توافقى ..  اصبرى هى مسئله وقت 

سلوى  جوا ماسكه فى نجيه : عشان خاطرى يا طنط نجيه .. ارجوكى ناديها واقنعيها والله سيف مش وحش 

نجيه : امك دماغها صاعبه يا سلوى .. مش بعيد بعد الا سمعته تتربس دماغها أكتر 

ورد : راح تجدرى  عليها يا خاله .. اما نوجا بتشترى خاطرك .. ارجوكى البنيه راح تنجلط وهى جاعده هيك 

نجيه : قامت وبتنادى على نوجا قبل ما ترد على ساميه ... 

نوجا : نعم يا نجيه 

نجيه : ملكيش حق عصرتى الست  وطلعتى عنيها كفايه بقى يا نوجا ما هى صريحه معاكى اهه 

نوجا : يعنى انتى عايزانى اوافق اديها بنتى تقابل ابنها .. وبعصبيه مكتومه .. قورنى انا يا نجيه قورنى 

سلوى بعياط : والله يا ماما ما ها اعمل حاجه غلط 

نوجا برقت : انتى تسكتى خالص 

ورد : اما نوجا .. ما تجفلى مخك هيك  بكفايه طرشجنا من زرابينك هاااى ههههههه 

نوجا مسكت ودن ورد : طرشقتى منى يا بت عارفه الست الغريبه دى لو مش موجوده كنت عملت فيكى ايه 

ورد رافعه صباعها وبتتوجع : لاه اما نوجا .. ماقصداش يا إلا فهمتيه .. طرشجنا من تجفيل مخك هيك يعنى بجصد 

نوجا بتتبرق وبتشهق وبترجع برسها لورا .. وورد رافعه ايديها عند وشها : يخربيتك 

نجيه : نوجا الست برا عيب كدا ... طيب ايه رايك تروحى معاها ومره وما تتكررش .. تانى 

ورد بتسرع : لاه .. اما نوجا لاه .. بتروحى انتى يا خاله .. من شان انتى طيوبه 

سلوى ضربت ورد على راسها وشدتها 

نوجا : تصدقى عجبتنى الفكره وها اروح انا معاها عند فيكى يا ورد يا أم لسانين  البسى يا بت 

سلوى جريت بفرحه وباست نجيه .. وبتلبس وطلعت قالت لساميه وساميه فرحت جدا .. ومنتظره يخلصووو ... بعد وقت نزلو مع بعض ورايحين المستشفى مع بعض .. نوجا ماشيه زى العسكرى وماسكه ايد سلوى .. وساميه رايحه على الاوضه بفرحه غير طبيعيه .. وبتفتح باب الاوضه اتفاجئت بصافى قاعده جوا جمب سيف وقفلت الباب بشويش و بخضه  وواقفه متنحه 

نوجا : فى ايه يا حبيبتى مش ها ندخل 

💙💙💗💗💗💚💚💚

بقلم : لبنى طارق 

💙💙💗💗💚💚💚

تفاعل كبير ورايكم يا حلوووووين يا عسليتى منك لها لها لها 

صلو على النبى الأمين محمد رسول العالمين ❤❤❤

شرسه ولكن ! 30 

************** 

اللَّهُمَّ أنَْتَ رَبيِّ لَا إلِهََ إلَِّا أنَتَ، خَلَقْتنَيِ وَأنََا عَبدُْكَ، وَأنََا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ بِذَنْبِي فَاغْفِرْ لِي فَإِنَّهُ لَا يَغْفِرُ الذُّنُوبَ إِلَّا أَنْتَ

لا حول ولا قوة إلا بالله العلى العظيم 

لا حول ولا قوة إلا بالله العلى العظيم

لا حول ولا قوة إلا بالله العلى العظيم

💙💙💙💙💗💗💗💗💗💚💚💚💚💚

نوجا رجعت لورا وبأستفسار ... ايه ابنك مش جوا 

ساميه بأرتباك : هااا .. اه شكلى غلطت فى الاوضه والا ايه .. تعالى .. ومشيت بيهم لقدام وعامله نفسها بتدور على الاوضه .. 

نوجا بتشد ايد سلوى وبهمس  : ايه الست دى ..تاهت من ابنها .. امال ها تعمل ايه معاكى 

سلوى بنفس الهمس  : ممكن يكونو نقلوه يا ماما 

ساميه وصلت بيهم لمكان فيه استراحه  : طيب استأذنك يا نوجا ريحو هنا وانا ها اروح اسئل عليه 

نوجا قعدت وساميه ماشيه سلوى قامت جريت وراها وهى بتبص لمامتها بخوف

سلوى بهمس : طنط مالك 

ساميه : خاطيبته معاه فى الاوضه وامك لو شافتها ها تبقى مصيبه 

سلوى كشرت وشها وحست بنغزه فى قلبها : طيب اخد ماما واروح واتحججى لها بأى حاجه وبتلاقئيه مدت شفايفها وعيونها لمعت بالدموع انا مش زعلانه 

ساميه مسكت ايد سلوى بايد وبالايد التانيه مسكت شفايفها  وابتسمت : لا خليكى انا ها أمشى صافى  او اخلى حد يشغلها فى اى حاجه لحد ما سيف يشوفك .. اتفقنا .. ومسكت شفايفها تانى ابتسمى بقى ما تزعليش بكرا يبقى كله زى الفل  وسايبتها وراحت على الاوضه فتحت ودخلت .. وكانت صافى  قاعده وخالد 

ساميه من غير نفس : اهلا يا صافى عاش من شافك 

صافى  قامت  وبتحضنها : طنط والله غصب عنى .. انا قولت لسيف كل حاجه  

ساميه : طيب يا حبيبتى .. خالد . اه صحيح انا نسيت خالص اعدى على البيت اجيب هدوم لسيف وليا  .. معلش تاخد صافى عشان تجيب هدومى  وانت هات لسيف كام غيار كدا وروح دول غشان مش نضاف  

خالد : لا خلى البنت  وانا ها ارح لوحدى 

ساميه بتسرع وصوت عالى سيف استغربه او حس وراه حاجه : لا عشان تساعدك انت ما تعرفش بردو كل حاجه

صافى : خلاص يا عمو .. انا عندى خبره  فى الحاجات دى عنك .. ياله ومسكت ايد خالد ومشيو سوا ... وساميه جريت جابت سلوى ونوجا وداخله على سيف 

نوجا بصت على الاوضه باستغراب  : الله مش هى دى الاوضه 

ساميه ضحكت : اه .. اصلى رجعت تانى اتاكد اتاريه كان فى الحمام وكان عنده ضيوف اول مره اشوفهم 

نوجا : طيب .. وماسكه سلوى زى العيال الصغيره من ايديها  ودخلو لسيف إلا اول ما شافها ابتسم وفرح جدا جدا 

نوجا : الف سلامه عليك يا سيف 

سيف باحراج : الله يسلمك ياطنط 

نوجا : انا جيت اعمل الواجب عشان دخلت بيتنا وبتاكد على  الكلمه وكلت معانا عيش وملح .. 

سيف فهم تلقيح كلامها : وانا صاين العيش والملح الا بينااا وبيبص لسلوى الا أمها مواقفها وراها وهى بتقبرب بوشها تبصله وباين عليها التوتروالقلق .. 

ساميه مش عارفه تعمل ايه عشان سيف وسلوى فا فكرت فى فكره : سلوى يا بنتى ناولينى كوباية الميه الا جمب سيف دى 

نوجا بمكر : انا ها اناولهالك 

سلوى سابت ايديها من ايد نوجا : لا يا ماما اتفضلى انتى اقعدى هنا  ..انا ها اجيبها ووقفت قدام سيف وضهرها لنوجا وبتبص له ومبتسمه وقلبها خلاص ها يخرج من مكانه فرحه متلخبطه بكل حاجه حبة حبشتكانات كدا غريبه قلق وتوتر ممزوجين بالسعاده ونظرات بيحاولو يخطفوها من كل الا حواليهم .. وهو مركز معاها ومش واخد باله من الا بيحصل .. مدت ايديها عشان تجيب الكوبايه ومركزه مع سيف  الكوبايه طارت على سيف غرقته وخبطته فى راسه 

سيف بشهقه لان جسمه دافى : ححححح واترعش رعشه خفيفه 

ساميه ضربت على صدرها : قلب أمك خدت الكوبايه على صدرك  

سلوى بارتباك بتنفض الميه الا على صدره وبتبص لامها ولساميه  : انا اسفه والله ما قصدى 

سيف اتألم جامد من سلوى ومسك ايديها وبيتكا عليها وبيقول : اه يا سلوى وبيطول فيها بصوت هادى  ووشه إحمر جدا جدا ااااااااه

نوجا اول ما شافت ايده فى ايديها وبيقول اه يا سلوى : انتوو  بتنيلو ايه وانا واقفه 

سلوى : والله ما انا يا ماما .. دا هووو الا ماسك ايدى .. وبتنفض ايديها من ايده ... خلاص يا سيف ماما واقفه عيب احنا مش لوحدنا 

سيف تنح لسلوى .. عارفها ساذجه بس ساعات تودى فى داهيه  

نوجا شهقت وضربت على صدرها : وانتى وهو لوحدك يا بنت نوجا بتعملو كدا 

سيف بوجع : لا يا طنط .. انا تعبت فجأه ومسكت ايديها من الوجع 

نوجا مدت ايديها : تعبت امسك ايدى مالها كبيره فى السن معلش ماهى زى ايد أمك  .. والا سلوى عندها ايد واحنا عندنا بلوظه 

ساميه : خلاص يا نوجا حصل خير .. اعدليه معايااا يا سلوى اغيرله التيشرت عشان الجرح  وكانها كبت ميه مغليه على نوجا وكملت عليها 

نوجا بتخبط على صدرها : يالهوى .. يالهوى .  يالهوى .. انتى بتغيرله كمان يا بت 

سلوى مبرقه وبتقول : لا والله ..  والله لاء ماغيرتلوش يا ماما 

ساميه : يوووواه متاخذنيش يا نوجا .. قصدى انتى يا حبيبتى .. اخرجى انتى يا سلوى  .. وسلوى خرجت وسيف ادايق جدا حاسس بالحصار الغير طبيعى ومش عارف يعمل ايه ومش من حقه حتى يتكلم .. ونوجا بتعدل سيف قدام ساميه وهو بيحاول يكتم ألمه بس خلاص من قادر .. من كتر من بيكتم فى نفسه انفجر بصوت عالى : اه .. اه .. 

ساميه : سلامتك من الأه يابنى يا حبيبى 

نوجا صعب عليها سيف جدا .. وكان جسمه دافى ومن الوجع ركن راسه على ايديها بتلقائيه وبعفويه مشت ايديها التانيه على راسه : معلش يا سيف .. استحمل منهم لله عدومات الانسانيه يابنى 

سيف بيحاول يتعدل معاهم عشان يقلع التيشرت واخيرا قلعه وساميه نشفت صدره براحه من الميه  واتكدت ان اللازقه الا على صدره ما فكتش  ..  لبسته تيشرت تانى .. ونيموه براحه جدا ..

سيف بصوت طالع بالعافيه : شكرا 

نوجا : الشكر لله رب العالمين انه نجاك انت وزمايلك والناس الغلابه يا بنى .. وقعدت قدامه  وساميه طلعت جابت سلوى 

ساميه : استأذنك يا نوحا تيجى معايااا 

نوجا قااامت ومسكت ايد سلوى وحطتها تحت دراعها وبتشدها : قوى قوى يا حبيبتى 

ساميه ابتسمت : سبيها ما تخافيش عليها .. كان سيف من الوجع مغمض عيونه .. بصى وشاورت بدماغها . نايم 

نوجا : خلاص اخدها عشان ما تزعجوش بنتى وعارفها مزعجه 

ساميه : تعالى بس وسلكت ايد سلوى .. خلى قلبك كبير يا نوجا الواد ما بيقدرش يشرب كوبايه ميه لوحده ... وخرجو مع بعض 

نوجا بتهز ايديها الاتنبن : الخوف ليشربوها سوا اسألينى انا رجاله ملهاش أمان 

ساميه ضحكت من قلبها وارتاحت لها ولسلوى اكتر واكتر .. وفهمت طلب ابنها وليه بيحبها كدا .. كفايه عفويتها ونقائها الا بين فيها 

*****************

أحلام راحه جايه .. راحه جايه .. وبعدين نزلت على تحت وخرجت على الجنينه واول ما حمدى دخل وقرب عليها 

أحلام : انت اتاخرت ليه يا حمدى 

حمدى : اعمل ايه يعنى ظروف شغلى واقفه ليه كدا 

أحلام : اصل ماما كلمتنى من شويه وصوتها تعبان ومنى اختى قلقتنى اكتر  فا استنيتك عشان نروح لها مع بعض 

حمدى : ومازن فين 

أحلام : فوق بيذاكر .. سيبه يذاكر

حمدى : لا هاتيه معانا مانعرفش ظروفنا ايه 

احلام : ما تسيبه يا حمدى بيذاكر ها يجراله ايه نبه على الحرس ياخدو بالهم منه وخلاص 

حمدى باصرار : لا .. هاتى الواد معانا مش ها اسيبه 

احلام : ياااه عليك راجل وعلى دماغك الا زى الحجر .. وطلعت جابت ابنها إلا اول ما شاف ابوه جرى عليه وحضنه .. وحمدى حضنه بحب وشوق غير طبيعى زى ما يكون بقاله كتير ما شافهوش 

احلام : امى ها تموت وانت بتحب فى ابنك 

حمدى : ياله يا باشااا نلحق تيتا 

مازن : ياله يا احلى اب .. ومشيو مع بعض .  

احلام وهى فى العربيه : من امتى بتلف والحراسه حواليك 

حمدى : اهو شكل ومنظر يا احلام .. ثم كمان مدايقينك فى ايه ماشين ورانا بالعربيه .. انتى زعلانه ليه 

احلام : وايه يزعلتى ان شاء الله .. ووصلت عند أمها .. وجريت عليها فى اوضتها ..

مالك يا ماما جرالك ايه البت منى قلقتنى عليكى وبتغمز بعنيها 

أمها : بتهز راسها هزه بسيطه اول ما حمدى دخل عليهم .. واتنحنح وفهمت بنتها : ابدا ضغطى نزل شويه .. انا مش كلمتك وقولتلك كويسه 

أحلام : كلمت منى اختى وقلقتنى قالتلى ماما من الصبح ما قمتش قولت لاء اكيد فى حاجه كبيره 

حمدى : الف سلامه يا أم أحلام .. الحمد لله الموضوع طلع بسيط احلام حسستنى انك بتفرفرى 

روحيه : ههههههه هى احلام كدا يا حج حمدى غاويه تكبر كل حاجه .. بس ياله الحمد لله 

حمدى : الحمد لله .. طيب اسيب انا احلام معاكى واروح انا ومازن اصلى تعبان وعايز اريح 

روحيه : الييت بيتك ادخل ريح هنا يا حج 

حمدى بيخبط على صدره خبطات خفيفه : تعيشى .. معلش عمرى ما ارتحت غير فى فرشتى 

احلام : خلاص سيب مازن معايا وروح انت .. بس استنى اغديك الاول 

حمدى : لا يا ستى خليكى مع امك وانا ها اخد مازن ونتغدى انا  وهو برا وينام فى حضنى الليله 

مازن : اه يا بابا .. خلى ماما توافق نفسى انام فى حضنك 

حمدى حط ايده على راس مازن وهزها جاامد بحب .. طلباتك اوامر يا ضهر ابوك وسنده 

روحيه بتضحك : مين قدك يا سى مازن .. ياريت ابويا كان حبنى كدا كنت ها ابقى حاجه تانيه 

مازن حضن وسط ابوه بايده وسند براسه عليه واتكلم بطفوليه : انا مفيش زى بابا يا تيتا 

احلام : ههههه... عملت للواد غسيل مخ يا حمدى.. عليه العوض.. 

حمدى : ياله بالاذن احنا .. تامرى بحاجه يا حجه روحيه 

روحيه : تسلم وتعيش يا حج حمدى .. وسابهم ونزل .. وروحيه اتعدلت .. فى ايه يا منيله انتى وتعب ايه 

احلام : عايزا افك يومين يا أما زهقت واتخنقت من الراجل وعشته السودا .

روحيه : هى فين العيشه السودا يا بنت روحيه .. انتى متنغنه فى العز وطلباتك اوامر .. والراجل مش عارف يريضيكى ازاى .. وبنته اهى اتزاحت فى ايه تانى 

احلام : بنته .. شوفتى عريس بنته والا مشوفتيش ... شوفتى الهنا والحب الا هى عايشه فيه .. ال وانا بقول اتكسرت واتفضحت وسط الناس .. وبتخبط على رجليها بغل .. طلع بيحبها وهى بتحبه وبتلعب بالواد التانى بنت ال..... اسكتى يا أما أسكتى على حظى الهباب 

روحيه : انتى بنت ...... نمروده كل واحد بياخد نصيبه .. يغرك يا بت الصور مش كل حاجه يا بنت بطنى تشوفيها تبقى حقيقه .. البيوت وبابنها وراها بلاوى 

أحلام : اه صح .. انتى ها تقولى مش بعتينى عشان الفلوس وخلصنا  وقامت سابت أمها ودخلت اوضتها وخرجت اختها منها .. وبتكلم هانى .. ايوا .. لا مشى طلع البيه ممشى وراه حراسه .. انا عند امى يا هانى ها نعمل ايه والا نجر رجله ازاى بعيد عن البيت .. اه انا هنا لوحدى هو خد الواد و روح .. طيب فكر ورد علياا.. واليومين دول ننفذ  انا مش طايقه نفسى ولا طيقاه .. ماشى سلام 

**************  

نور مشيت بعربيتها وهى منهاره من كل حاجه يا دوب مسافه قصيره والعربيه وقفت .. تدور فيها ما بتدورش  .. بصت على عداد البنزين لقته فاضى .. نزلت وبتجيب جركن من الاحطياطى الا معاها تمون بيه العربيه لقتهم فاضين ..ضربت الجراكن بايديها بعصبيه و قفلت العربيه كويس ورجعت تانى الاستراحه مشى .. طلعت على طول فى وشها اتفاجئت بحازم قاعد على السلم وراسه بين ايديه ..كان هربان من محى ونظرات المهندسين الا معاه .. فتحت باب الشقه وهو رفع راسه وبصلها وهى كمان قام دخل شقته وقفل الباب ... وهى دخلت وقفلت بابها بغل وضربته برجلها .. وقعدت وراه وبتعيط ..حازم خرج تانى فى ساعتها لان زمايله لسا صاحين .. وقعد مكانه وهو باصص على شقه نور وسامع عياطها .. تعب ونفسيته تعبت ومش عارف يتصرف ازاى .. معقول ماعندوش كرامه عشان يدخل لها .. الموضوع مأثر فيه قوى خصوصا ان المره دى مش زى المره الا فاتت .. المره دى هى مراته .. شرعا وقانونا مراته .. فضل مكانه ما اتحركش وراسه رجعت لمكانها بين ايديه  وحزن غير طبيعى سكن ملامحه وقلبه وبيعصر فيه عصر .. حاسس بشئ غريب بيسحب على وشه ..رفع راسه اتفاجئ بنور واقفه قدامه وبتمشى ايديها على وشه .. عيونه ما نزلتش من عليها بيلومها ومش قادر ينطق يقول هو حاسس بايه ناحيتها ... بس عيونه نطقت ووصلت لنور احساسه لدرجه انها غمضت عيونها لحظه ودموعها نزلت منها .. 

نور : انا اسفه والله اسفه على كل حاجه 

حازم مسك ايديها نزلها .. وبيهز راسه بمعنى لاء : ادخلى يا نور واقفلى على نفسك 

نور : لا يا حازم مش ها اسيبك زعلان منى 

عماد ومحمود فتحو الباب .. وضحكو بصوت عالى ..  ونور بتلف وشها عكسهم عشان ما يشفوش دموعها ..

حازم قام وخدها تحت دراعه ودخل شقتها وقفل الباب فى وشهم 

عماد : الله يسهلووو .. دى كدا هاصت 

محمود : شوفت يالا .. دا عايشين دور العرسان بجد 

محى زقهم الاتنين ونزل فيهم ضرب لاول مره ..

محى : دانتوو كرهتونى فى ام الجواز بتناحتكم دى يالا منك له .. انتو مالكم ومالهم .  بطلو بقى يا بشر يخربيت تطفلكم  وقفل الباب ..

************* 

نور اتنهدت وبصوت مكسور : مابقتش عارفه اعيش ..  ما تبقاش  انت كمان حمل علياا .. انا حياتى صاعبه قوى واصعب ما فيها انت يا حازم .. 

حازم بعصبيه : انا يا نور اصعب حاجه فى حياتك .. انا .. ليه عملتلك ايه او بعملك ايه .. من يوم ما شفتك وانا بدخل فى مصيبه اخرج منها ادخل غيرها .. كفايه بقى تمثلى دور المظلومه على طول ... ثم كمان مش انتى خدتى حقك وردتى القلم وخلصنا .. عايزا ايه تانى ..

نور : والله ما كان قصدى .. انا اسفه .. انا عارفه انك من يوم ما شفتنى ماشوفتش يوم حلووو .. وعيطت أكتر .. اذا كان انا ما بشوفش حلو ازاى انت ها تشوفه معايا .. انا انسانه منحوسه مكانى مش هنا .. مكانى مع أمى وجمبها .. المفروض القبر كان ضمنا جمب بعض لاننا مصير وعيشه واحده .. وبتشاور على نفسها .. انا ليه عايشه .. ليه قولى انت يمكن تكون عارف 

حازم لما لقاها فقدت عقلها وناقمه على كل حاجه .. شدها بقوه دخلها زى الاطفال جوا حضنه وساكت وما بيتكلمش ..

نور بضعف واستسلام : استحملنى يا حازم ..اوعا انت كمان تزهق منى .  خلى الفتره الا بتجمعنا مع بعض ذكرى جميله تفتكرنى بيها 

حازم بيضمها أكتر وهى بادلته الحضن : هشش اسكتى يا نور وكفايه بقى حزن وبكى ..  

نور بتحرك راسها على صدره : يعنى ممكن افرح .. ممكن 

حازم : أكيد ها تفرحى ومش ها تفتكرى الايام دى تانى .. بس لازم انتى يكون عندك استعداد تفرحى 

نور : انا عايزا انام .. نفسى انام مرتاحه 

حازم شالها بين ايديه .  ودخلها السرير ونيمها . ولسا ها يقوم مسكت دراعه وبتقوله خليك جمبى اوعا تسيبنى .. حازم نام جمبها وخدها فى حضنه مستغرب حالها ووضعها .. وبيفكر ليه لما بتبقى حزينه بتتقلب لطفله وافعال اطفال .. قرر يكون جمبها وبس ويحسسها بالامان يمكن تسترد الا ضاع منها من زمن وتفوق لنفسها .. 

حازم ضم نور كلها له .. وبيمشى ايده على ضهرها بطريقه عشوائيه .. وحط راسه على راسها .. وراح فى النوم زيها واكتر .. وكانهم منتظرين لحظه تجمعهم ينسو كل الا وجاعهم او بيجرحهم هربو الاتنين من بعض ومع بعض 

***********

ورد : خاله نجيه .. تفتكرى محى راح يحبنى و يتمسك فينى كيف ما بشوف رجدى اباظك  وشاديك 

نجيه : هههههههه شاديه واباظه  يا ورد  

ورد : ايه هاى البسكوته عاتدوب تدوب خاله نجيه .. ازاى اصير زيها هيك واغنى واجول .. محى يا محى جتلك اهووو .. ولا يا محى بصلى هنا اهوووو .. جتلك من جمب البيت .. من جمب البيت .. اول ما شوفتك يا محى اتخضيت .. ايوا اتخضيت .. محى يا محى .. جتلك اهووو

نجيه بتسقف وبتضحك جاامد  ورد قامت وهى بتضحك وبتحيها وحطا رجل عكس رجل 

نجيه : انتى غلبتى شاديه ..  عايزا ايه تانى بقى .. انتى ها تهوسى محى يا ورد 

ورد : لا يا خاله هو مهوس خلجة ربنا  .. بس ها احبه ادوب دوب يا خاله .. اه ميتا الايام تجرى وياخدنى هالمحى حبيب الجلب والروح لبيتنا 

نجيه : ربنا يسعدكم كلكم يارب ويطمنا عليكم  .. ونور وحازم هما كمان 

ورد : ايه والله هادول  يا جلبى عليهم وعلى حظهم المعفر  .. ما بيلحجو يفرحو متل الخلج .. اسكتى يا خاله مش ولدك طلع سكير وبيشرب عصير جصب كتيررر 

نجيه : هههههههههه .. كدا انا بسكر زى ابنى  بالظبط 

ورد : عينى .  ياعينى أل وانا إلا زعلانه  عليه طلعتى كيف ابنك يا خاله .. وبصت لتليفونها اخيرا رنيت يا محى بعد اذنك يا خاله جبل ما يجفل الرنه 

نجيه : اوعى تنسى غنيله الاغنيه ها تعجبه 

ورد  : هههههه حاضر من عنيااا.. وبترد .. كيفك يا محى 

محى : وحش قوى من غيرك يا ورد وحشتينى يابت 

ورد بأبتسامه وصوت رقيق : اتحشم يا محى 

محى : جاتك خابطه فى نفوخك يا ورد 

ورد : لاه ما تتحمش جوى إجده جيبها خابطه خابطه  مالك يا محى جلبت ليه 

محى : وحشتينى يا بت والاوضه فاضيه والسما هاديه وجمبى ناديه 

ورد قلبت وشها : ناديه مين هاى يا إلا جمبك .. راح اجتلك يا محى واشرب من دماتك بالماجور 

محى بيزعق : ليه ها تشربى دم تنين .  انا بنى ادم يا ورد ..  وناديه مين دى كمان 

ورد : انت جولت جمبى ناديه .. تنشك هالناديه هى واهلها يا محى 

محى : تتشك تتقلب فى ترعه .. انا مالى..انا قصدى عايزك هاديه ..  جت معايا جمبى ناديه 

ورد برقه : ايه جولتلى  اتوحشتك جد إيش 

محى ؛ اد الماجور يا ام ماجور 

ورد : خلاص يا محى .. نحنا اتصالحنا بيكفى يطير الزعلات وياجى الفرحات 

محى بمكر : لا لسااا .. هاتى بوسه الاول 

ورد شهقت جااامد لدرجة ان محى برق : اه يا سكير .. يا ابووو عجل تخين يا جليل الادب 

محى : مالك قلبتى ليه .. هو انا لو سكير ها اقولك هاتى بوسه بس انا ممكن اعمل كارثه  .. بقولك عايز بوسه قوليلى خد وخلصنا انا جوزك 

ورد : بتفكرنى ايش يا محى ... عم افرق بوسات هيك وبتعمل اموو .. اموووه ..اموووه . امووه .. فاكرنى هاااى جليلة الادبات 

محى : الله يا ورد .. بوستك تجنن يا قلبى .. خدى انتى كمان بوسات .. اموووه.. اموووه ..اموووه .

ورد : اه من مكرك يا ميكير 

محى : ميكير .. مكيس .. المهم انى سمعت صوتك ونكشتك يا قلب محى .. وحشتينى يا بت وحشتنى .. بتذاكرى والا لاء 

ورد ابتسمت : ايه يا محى من شان اصير داكتوره كابيره كد هالدنيا كلها وما تصير تتخجل منى جدام أهلك  وزمولاتك .. 

محى : انا دلقتى بفتخر بيكى وبعد كدا ها افتخر بيكى ومايهمنيش حد .. الا يهمنى انتى وبس  .. تعليمك يخصك  وها يفيد  انتى وبس 

ورد : سلوى جالتلى عيالنا راح يحتاجونى متعلمه .. انا ما  راح أخجلك واخجل عيالى .. راح احبهم كتير يا محى واهتم فيهم .. راح يكونو جطعه من جلبى 

محى بفرحه :  وانا فين دورى فى قلبك كدا شوفينى موجود والا اتبخرت 

ورد بدون تفكير : انت كل جلبى ان شالله بشوفك من احسن الخلج وتكبر يا محى بينتهم وما يحوجك لحدا 

محى : الله يا ورد .. الله .. بحبك يابنت اللذينه .. بحبك 

ورد بتضحك : بتخجلنى يا محى كتير .. تعرف انى غنيتلك متل شاديك 

محى بيدعك فى راسه : مين شاديك دا واحد عندكو فى الشارع 

ورد : لاه شاديك يا إلا ها تحب اباظك 

محى : هو انا فهمت شاديك لما ها افهم اباظك .. واحده واحده وقوليلى مين 

ورد : رجدى اباظك وشاديك يا محى فى حدا ما بيعرفهم اذا كان ورد الا هى انى وبتشاور على نفسها عرفتهم كيف جولى 

محى بيعيط عياط مصطنع : ياريتك ما عرفتيهم .. من يوم ما قعدتى قدام التلفزيون وهو كل دماغك .. وشاديك  كانت بتغى ايه وانتى ها تغنيلى إيه

ورد بحماس :  .. محى يا محى جتلك اهووو .. ولا يا محى بصلى هنا اهوووو .. جتلك من جمب البيت .. من جمب البيت .. اول ما شوفتك يا محى اتخضيت .. ايوا اتخضيت .. محى يا محى .. جيتلك اهووو 

محى : هههههههههههههههه .. شوفتينى والا شوفتى عفريت .. وفى ست محترمه تقول لجوزها ولا يا محى شردتينى انتى وشاديك 

ورد بزعل : ما عجبتك ها الغنيه ماراح جولها تانى 

محى : لهوووى خلاص انا عشقتها .. ما تشوفى حاجه لوديع اصله دماغ 

ورد : بيكفى هيك ما راح اغنيلك غنيه تانيه 

محى :  والله جميله منك .. بس بقولك ايه اوعى تغنى لحد غيرى 

ورد بفرحه : غنيتها للخاله نجيه وسلوى ونور 

محى بيمد ايده لقدام : كفايه ما تكمليش  وانا اخر واحد .. حبيبتى انا لازم اقفل التران جايه ترخم عليااا .. وقفل وعمل نفسه نايم  

ورد ديقت عنيها وبتبص للتليفون وبتكلمه : جفلت الرنه بوشى والله ما راح عديهالك واجفلها بوشك يا محى وما راح أكلمك كيف بتعمل فينى هيك 

************** 

سعفان : راح نجعد متكتفين هيك بدى اروح اجرجهم واجبهم هوووون هما بيعرفو وينها وبيفرد ايده على وسها اتشجت الصحرا وبلعت المخلوجه 

كبير القبيله : هدى يا والدى  ها دول ما إلهم ذنب بشعر ان بتنا ورد صار إلها مكروه الله ينجيها 

سعفان : كيف يا شيخ تجول هيك ها دول وبيشد الحصانين الا مربطونى قدامه ما حصل فيهم شى وورد ما تجدر تستغنى عن عنتر وريحانه انت بتعرفها مطيوره هالمخلوجه وكتير تتكلم عن اهل المدن وكيف وكيف بيعيشو ونحنا مدفونين هووون انت بتعرف يا شيخ 

كبير القبيله : ايه بعرف بتنا مربايه زين يا سعفان وماتعمل فينا شى بيصغرنا ويجل من جيماتنا جصاد هادول ... الصبيه يا والدى بحالهم  ولا بان عليهم شى 

سعفان : والله ما راح اتركهم يا بتيجى حيه يا ميته يا شيخ ومشى من قدامه واهل القبيله ساكتين مش قادرين يتكلمو او يتصرفو من غير اذن كبيرهم فى نفس الوقت حاسين بالحزن لان ورد بنتهم كلهم من بعد موت ابوها وامها 

*********

سلوى قعدت قدام سيف إلا اول ما خرجووو فتح عيونه .. ووشه أحمر  جدا 

سلوى : انت تعبان 

سيف بأبتسامه : لا خلاص خفيت لما شفتك 

سلوى بنفس ابتسامته الجميله : الف سلامه عليك .. انا كنت ها اموت 

سيف : ولما انتى تموتى انا اعيش لمين .. وحشتينى قوى .. مش عارفه  تخلعى وتيجى لوحدك 

سلوى : ماما عرفت كل حاجه وواخده التليفون ومناعنى من الخروج 

سيف : عرفت لما لاقتها جايه معاكى ومع ماما .. وجسمه اترعش .. سلوى غطينى 

سلوى قامت وبتغطيه وبتطبط عليه : حاسس بايه 

سيف : جسمى مزفزف جدا .. شكلى كدا سخنت تانى 

سلوى حطت ايديها على اورته ونزلتها على خده وسيف لف بوشه وطبع بوسه طويله على ايديها .. شدت ايديها براحه وباحراج  . انت سخن قوى 

سيف : افتحى الدرج دا وهاتى برشامه تنزل الحراره ها تلاقى عندك نوعين وفى مسكن كمان هاتى واحده 

سلوى فتحت الدرج وجابت ميه وقربت وبتعدل سيف نص عدله وبتشربه وتديله البرشام .. خد البرشام وسند براسه عليها .. وسلوى بتنيمه براحه .. صافى دخلت عليهم 

💙💙💗💗💚💚

بقلم : لبنى طارق 

💙💙💗💗💚💚

 

صلو على رسولنا وحبايبنا محمد رسول الله ❤❤

لتكملة الروايه اضغطوا هنا

تعديل المقال