جميع الروايات كامله

رواية شرسه ولكن الفصل الحادي والثلاثون والثاني والثلاثون والثالث والثلاثون والرابع والثلاثون والخامس والثلاثون بقلم لولو طارق 

رواية شرسه ولكن البارت الحادي والثلاثون والثاني والثلاثون والثالث والثلاثون والرابع والثلاثون والخامس والثلاثون بقلم لولو طارق 

رواية شرسه ولكن الفصل الحادي والثلاثون والثاني والثلاثون والثالث والثلاثون والرابع والثلاثون والخامس والثلاثون بقلم لولو طارق 

 شرسه ولكن ! 31 _32

************** 

اللَّهُمَّ إِنِّي أَسْأَلُكَ الْهُدَى وَالتُّقَى وَالْعَفَافَ وَالْغِنَى

اللَّهُمَّ أَصْلِحْ لِي دِينِي الَّذِي هُوَ عِصْمَةُ أَمْرِي، وَأَصْلِحْ لِي دُنْيَايَ الَّتِي فِيهَا مَعَاشِي، وَأَصْلِحْ لِي آخِرَتِي الَّتِي فِيهَا مَعَادِي وَاجْعَلِ الْحَيَاةَ زِيَادَةً لِي فِي كُلِّ خَيْرٍ، وَاجْعَلِ الْمَوْتَ رَاحَةً لِي مِنْ كُلِّ شَرٍّ

💗💗💗💙💙💙💙💙💚💚💚💚💚💚

سلوى بتنزل سيف براحه وصافى دخلت اول ما شافت سلوى وشها اتقلب .. 

صافى : انتى ايه جابك هنا وبتعملى ايه  يا سافله انتى 

سيف بتعب : صافى على الله اسمعك تتكلمى معاها بالاسلوب دا تانى .. فاهمه 

صافى : ليه يا باشا .. وبتشاور على سلوى من فوق لتحت : هى مين دى أصلا ..حتت بنت جربوعه لا شكل ولا منظر .. انا من اول يوم شوفتها فيه فى القسم قولت اكيد وراها حاجه .. وشدت سلوى من شعرها بغل .. انتى يا بت انتى .. مش منبه عليكى ما شوفش وشك تااانى .. سيف دا وبتشاور على سيف .. بتاعى ملكى فاهمه .. والا ما بتفهميش بالذوق 

سلوى بتتأوه جااامد وعيطت .. وبتحاول تسلك نفسها مش قادره .. 

صافى شدتها أكتر وسيف بيتحامل على نفسه جامد عايز يقوم مش قادر ابدا كل حاجه فى اللحظه دى خانته حتى صحته وعزيمته .. وبيبص لصافى بغل وبيكتم وجعه 

صافى رفعت ايديها ونزلت على وش سلوى بقلم جااامد وشديد مليان غل وكره

سيف بالم شديد : صافى انتى يا زفته قسما بالله لو قومتلك ها اقتلك غورى واخرجى برا حياتى واتألم بشده وكان سكينه اتغرزت فى صدره   

ساميه ونوجا دخلو على الصوت لان الصوت عالى وهما قريبن من الاوضه .. 

نوجا عيونها وسعت على اخرهم وبتبص لصافى وبتطلع شرار وخلاص ها تولع فيهم كلهم من غير تفكير ولا تفاهم .. راحت على صافى مسكتها من شعرها بايديها الاتنين وبصوتها كله... انتى مين عشان تعملى فى بنتى كدا 

صافى : اه .. الحقينى يا طنط ساميه 

نوجا بصت على وش سلوى وهى بتعيط وشافت اثر القلم الا خدته وسيف دافس وشه فى المخده صعب عليه نفسه ودموعه بتنزل بصمت .. منظره قدام سلوى ايه وهو مش قادر يدافع عنها حتى وهو الا حطها فى الموقف دا ..  نوجا شدت شعر صافى اكتر  .. انتى الا ضربتيها يابت .. 

صافى بغل : دى لازم تتربى وانا بربيها ادام انتى طلعتى ام أى كلام ما باين عليكى زى بنتك 

نوجا سابت شعرها .. فعلا انا معرفتش اربى وطلعت أم اى كلام عارفه ليه .. عشان بنتى ما قلعتش الا فى رجلها وصافى حطا ايديها الاتنين على وشها ومتابعه نوجا بعيونها وساميه حطت ايديها على بوئها ونوجا قلعت جزمتها .. وبدئت تضرب بيها صافى .. تعالى بقى .. وانتى قربى هنا وبتكلم سلوى بصرامه  اضربيها القلم الا ضربتهولك 

سلوى بتهز راسه وعيونها مليانه دموع بتنطرها زى المطر  وبتقول لاء .. وطلعت تجرى  على برا .. وصافى بتزعق فى ساميه .. انتى واقفه تتفرجى على الست البيئه دى وهى بتضربنى .. وساميه مصدومه وساكته ومش واخده بالها من سيف ولا حد واخد باله .. 

نوجا : الست البيئه الا قدامك بتقولك هى ما تسيبش حقها ولا حق بنتها لو انتى بنت مين .. وليكى امانه عندى عشان تحترمى نفسك وتبقى تلمى ايدك وتفكرى قبل ما تعملى اى حاجه .. وضربتها قلم سمع المستشفى  خرج من نفوخها خرجت ورا سلوى بنتها .. 

 والممرضين وناس ملمومه حوالين باب الاوضه ..صافى شالت الدبله والخاتم .. ورمتهم فى وش ساميه وبصوت عالى : انا ها اعرف اجيب حقى ازى .. هما دول الناس إلا يليقو بيكو فعلا .. وسابتها وخرجت .. 

ساميه فين وفين على ما فاقت وبتقعد بتقل والممرضه جريت على سيف وبتعدله وواحده زميلتها معاها .. ولقوه فاقد الوعى .. 

ساميه بعياط : سيف .. سيف ماله .. قولولى ماله .. والممرضه طلعت تجرى على برا .. والتانيه بتعدله وبتحاول تفوقه .. 

ابوه داخل يجرى وبيقول:  فى ايه ابنى ماله .. حد يرد عليااا 

سامه رمت نفسها فى حضنه وبتعيط بصوت مسموع  : سيف ها بيروح مننا يا خالد .. ياريتنى ما غصبته على حاجه ياريتنى .. انا السبب

خالد : فهمينى ماله وصافى مالها وكمان سلوى هما اتقابلو 

ساميه : انت ايه رجعك بيها دلوقتى ليه ياخالد

خالد : انا ماعرفش ان سلوى هنا طيب  فهمينى يا ساميه عشان اخد حذرى  .. نسيت المفتاح بتاع الشقه ورجعت من نص الطريق اعمل ايه وطلعت صافى تجيبه لما اصرت عليا 

ساميه بتبص على سيف والدكتور واقف بيحاول معاه .. والدكتور بنرفزه وعصبيه .. خرجهم كلهم برا .. انا منبه عليكم ماحدش يجهده .. وفعلا خرجوهم وساميه منهاره 

***************

نور بخنقه وهى نايمه بتردد الكلمه وبس : بابا .. بابا 

حازم حس بيها وفتح عيونه .. وبيفوقها من نومها  : نور .. نور 

نور فتحت عيونها بتقل وبصت لحازم ورجعت راسها على ايده تانى .. 

حازم بيمشى ايده على وش نور : كابوس  

نور بصوت هامس : كل يوم نفس الكابوس .. كل يوم    

حازم : خير ان شاء الله .. عشان انتى زعلانه مع ابوكى شكله مأثر فيكى قوى وبيهزر او يمكن ضميرك بيأنبك على عمايلك فيا 

نور رفعت راسها وابتسمت : هو انت خدت عليا والا بيتهيألى 

حازم لف ايده ولوى شفايفه  : على حسب انتى مش مضمونه 

نور هزت راسها وابتسمت : انا فعلا مش مضونه ايه رايك نعمل هدنه .. بس اصدقاء بردو يا معلم 

حازم ضحك ورفع ايده قرص خدودها براحه .. ونور مسكت ايده 

نور : ايه حكاية الحركه دى 

حازم باحراج : مش عارف غصب عنى ايدى بتسحب على الخدود خصوصا الاطفال .. بحب الخدود أعمل ايه وانتى بخدود 

نور :  انت جدع على فكره 

حازم رفع حاجب بتعجب : من أمتى 

نور : من زمان لما سامحتنى وسامحت ابويا اكتر من مره .. وكل ما ابقى عايزا اشكرك واعبرلك عن امتنانى واشجانى وحازم حط ايده على بوئها قفله .. نور بتلف بعيونها .. وبتهز راسها بمعنى ايه 

حازم : قلبتى على إمتنان واشجان .. قولت الحقك قبل ما تخرفى  وتخشى على قبلات حاره 

نور ضربته على ايده وهو ضحك من قلبه .. وهى كمان ضحكت 

نور : فصلتتى كنت ها اقولك كلمتين حلوين  بقالى كام يوم بحفظهم .. هاتقوم بقى والا عجبتك النومه 

حازم بأبتسامه جميله : لو عجبتنى ها تعملى ايه 

نور  : ولاحاجه خالص .. ها اقوم كدا بتعدى رجليها من فوقيه وحازم زق ايديها الا ناحيه السرير من جوا ووقعت عليه حاوط وسطها بايده ..  ولف بيها رجعها تانى مكانها .. بس مميل بجسمه كله عليها 

حازم : انتى نمتى وانا ما اعترضتش  .. وبما انك بقيت خلاص صاحبى .. فا عايز انام بقى 

نور : ايوا ايه علاقه الصحاب انك تنام ورامى الجته عليااا .. كدا مش صحاب كدا حاجه تانيه يا وحش 

حازم حط راسه على صدرها ورجله فوق رجلها : مليش فيه .. سيبينى بقى خلينى انام شويه وانا جعان وحالتى حاله 

نور ابتسمت وريحت جسمها : وانا كمان جعانه يا صاحبى اقوم اعمل أكل طيب 

حازم بياخد نفس وبيقول : توء .. خلينا .. مش عايزا تقولى حاجه 

نور خدت نفس ومن غير ما تفكر  : كان نفسى اسألك لو اكتشفت انى بخونك ها تعمل ايه 

حازم رفع راسه مره واحده وملامح وشه اتغيرت : دا سؤال عفوى والا ايه بالظبط 

نور : سؤال مش اكتر 

حازم بص فى عيونها  حتى لو جوازنا اتفاق واكتشفت كدا ممكن اقتلك ومش ها افكر ساعتها انا عملت ايه .. 

نور هزت راسها : طيب لو العكس انت خونتنى 

حازم ركز فى عيونها أكتر : الاجابه عندك لو اكتشفتى انى بخونك يا نور او بحب واحده تانيه ممكن تتصرفى .. ازاى 

نور سرحت : أمى ماتت 

حازم ضم حواجبه على بعض : ايه العلاقه .. الله يرحمها طبعا بس اشمعنا أمك 

نور  : هى ماتت .. فى كل الاحوال انت الخاين او أنا .. احنا إلا بنموت .. 

حازم فهم التلميح وكمل : كنتى بتحبيها 

نور : لا 

حازم كشر : فى حد ما بيحبش أمه 

نور : أنا .. ما بحبهاش عشان ظلمتنى 

حازم : فى ايه  

نور : فى كل حاجه .. الانسانه الوحيده إلا سمحت انى اعيش فى توب مش توبى هى أمى عشان خايفه على زعل ابويا .. والا سمحت تدمر صحتها وتتخلى عنى عشان ما تزعلش ابويا هى أمى .. والا سمحت للصدمه انها تقتلها بدال ما تقاوم ..وضحكت بس ها تقاوم ازاى وصحتها كانت يا دوب معيشها بالعافيه .. سابتنى أكمل واوجه مصيرها وكانها بتقولى شيلى الشيله من بعدى وكملى .. بتورينى ازاى ربنا بياخد حقها والمفروض انى اتفرج .. بس على مين .. ها اتفرج على مين .. قولى انت بقى ليه فى الحالتين  احنا إلا بننتهى ونموت 

حازم اتنهد جامد وريح راسها بايده ونزلها على دراعه التانى الا ناحيتها واتكلم بجديه : عشان انتووو الكيان 

نور : كيان 

حازم بتاكيد : ايوا .. انتو الكيان .. البنت باحساسها إلا كل وقت بيتغير وبيوصل لمراحل اى راجل زيي لايمكن يوصل لها لان مشاعرنا ممزوجه بالعنف  بتقلب عكس البنت او الست ... هى خانتنى ما يفكرش فى اى حاجه ورجولتى إلا طول الوقت المجتمع كله بياكدها ومسلطين الضوء عليها  تنقح عليا فا البطوله انى اخد حقى فى وقتها .. خلاص اتبرمجت على كدا غيرتى كاراجل  وكيانى انا اخون انتى لاء

نور : واحنا 

حازم :انتو مشاعركم والغريسه إلا ربنا أنعم عليكو بيها انك تكونى أم يعنى حنيه واحتواء ومشاعر مختفله 

نور بتسرع : ما انت بتكون اب 

حازم : فى فرق كبير .. انا التغيرات عندى كلها بتحصل بعد الجواز مره كل كام سنه  .. انما انتى كل لحظه من اول يوم ربنا ها يكرمك بقطعه منك تتخلق جواكى العاطفه عندك ها تبقى اقوووى بكتير .. برغم شراستك دى ها تتحولى لانسان ضعيف وطول الوقت خايف وبتفكرى ازى تحمى حته منك وبيتك  .. تعبك سهرك تربيتك كل دا بيحولك لانسان طول الوقت بيسامح حتى لو جوزك الا بيخونك .. بتكتمى جواكى ألمك وقهرك وبتغفرى الخيانه بس اثرها بيفضل جواكى وبيتراكم مع حاجات كتير لحد ما تموتى مقهوره .. مش دا الا انتى قاصداه انكم فى الحالتين انتو الا بتموتو  

نور : ايوا .. بنموت مقهورين يا مجانين وكل الاحوال انتو السبب ..ازاى الناس كلها بتغفر خيانتكم وما بتغفرش خيانتنا 

حازم لوى شفايفه وابتسم : الموضوع شغالك قوى كدا

نور : جدا بأى حق .. ربنا ومفيش اكبر ولا أعظم من ربنا  لما عاقب الست على خيانتها .. بردو عاقب الراجل نفس العقاب على خيانته .. ليه احنا بنبرر وما بنتقبلش خيانة الست زى الراجل 

حازم : ههههه انتى هربت منك على الاخر .. بس ها ارد عليكى واتعدلى بقى كدا وقعدها قدامه وربعت رجلها وهو كمان .. وحطت كوعها على رجليها وايديها على خدها ومبتسمه وبتقوله : اشجينى 

حازم شاور بصباعه : ها نتكلم بصراحه ولما اسئلك تردى عليااا 

نور : اوكى يا معلم 

حازم : انتى كا نور بتشوفى الست الا بتخون بأنهى نظره 

نور : بقرف منها 

حازم : والعكس الراجل 

نور هزت راسها : مش عارفه ..  عادى بس دا مايمنعش انى ببقى مش طايقه 

حازم : ليه انتى نفسك الاتنين مبصتلهمش بنفس  النظره 

نور : عشان انا اتربيت ان خيانة الست شئ لا يغتفر والراجل عادى .. وبتشاور عليه هووو راجل ومقطع السمكه وديلها 

حازم : انا كا راجل بقولك مش عادى .. بس مسألتيش نفسك فى يوم من الايام ليه ربنا اباح التعدد فى الزواج للراجل عكس الست 

نور هزت راسها وبترد بعفويه : عشان عينه فارغه وزاغيه 

حازم مسك ايديها امسكى فيها بقى واصبرى 

نور رفعت ايد من تحت ايده  وحطتها على ايد حازم الا ماسك ايديها بيها : مسكت اهووو هههههه 

حازم : هههه بصى يا ستى ربنا خلقنا احنا الاتنين وكل واحد له غريزه وشهوه .. انا كا راجل شهوتى بتختلف عن الست 180 درجه .. لا اكتفى بواحده فقد وعشان ربنا عارف احتياجتنا عدد لينا الجواز اكتر من واحده عشان أعصم نفسى من الغلط .. الا هو الخيانه وبما ان تلت تربع الرجاله بتخاف من ستاتها فا بتخون وفاكرين ان كدا اسهل من الجواز واحسن ومايعرفوش ان الذنب دا من الكبائر إلا ها تأثر على حياته كلها وبردو لاسباب تانيه كتير   .. انما الست او البنت وبيتكى بصباعه على صدر نور .. عكسنا شهوتها  بتبقى حب لشخص واحد هى عايزاه فقد  واخلاص عندها استعداد تكمل حياتها مع واحد من غير ما تزهق منه او حبها يقل ودا بقى على حسب معاملة الباشا الا وقعت فيه وبيشاور على نفسه .  انما لو طلعت عنيها زايغه يبقى دى حاله شاذه ومش طبيعيه وساعتها انتى وغيرك ها تشفوها بنظره سيئه وتحاسبيها اكتر بكتير من الراجل لدرجه انها توصل انها تبقى منبوذه   وصلت 

نور حطت ايديها على رجل حازم الاتنين وقربت عليه بوشها ورفعت حاجبها الاتنين وهى بتتكلم : مش مبرر ... لازم يكون النظره والعقاب واحد احنا مش حيوانات .. حتى الحيوانات لها قانون بيحكمها وعرف والخيانه لبعضهم بتوصل لحد الموت 

حازم : ايوا فعلا انا معاكى والاتنين عايزين الضرب بالجزمه ...او الضرب بالنار 

نور : هههههههههه انت خرجتنى من مود الخيانه 

حازم : ايوا الله يسترك وادخلى مود المطبخ .  ياله بقى  جعان .. 

نور قامت ونطت من على السرير وحازم رجع ايده ورا ضهره وفرد رجله وبياخد نفس وبيبص على نور وسرح فى كلامها .. معقول ابوها كان بيخون أمها ... وهى الايام بتفرجها على ايه ... مصيبه يا حازم لو إلا فى دماغك صح .. وقام راح وقف قدام المطبخ

نور : ادخل ساعدنى 

حازم من غير تفكير : دخل ووقف يعمل معاها ... جبتى كل الحاجات دى امتى 

نور : لازم التلاجه هنا تبقى مليانه عندى ما استغناش عنها انت عارف طبعا اننا شغالين بقالنا فتره كبيره جدا فى المشروع دا والحمد لله خلاص تكه ويخلص 

حازم : أهااااا .. انتى شاطره على فكره جدا .. بما اننا بقينا أصحاب

نور بغمزه : اصحاب تمام .. بس خد بالك اخر مره تنام جمبى 

حازم : هههههه انا ها اموت وانام جمبك ..يا بنتى فاضلك شنب وتبقى زيى اوعى تخافى على نفسك 

نور طلعت لسنها وبتكرمش وشها : أااااا ..وشالت قطعه من الخيار الا بتقعطه وكلتها .. وأكلت حازم  قطعه 

حازم مبتسم وباصص لها وسألها : انتى فعلا كنتى بتحبى الواد دا 

نور : ماسكه السكينه وبتقطع بانيه قطع صغيره زى الشاورما .. وبصل وفلفل وطمام .. يعنى كنت بحبه فى الاول بس بعد كدا اكتشفت انه ما يستاهلش 

حازم : إشمعنا 

نور : حاجات كتير واولهم انه خاين وابن ستين فى سبعين ... وانت حبيت وإلا انا قضيت على الحلم دا 

حازم سرح وابتسم ونور سابت السكينه وبصتله بغيظ بتحاول تداريه .. 

نور زقته : هااااى .. للدرجه كنت عاشق ولهان 

حازم قرب على ودنها : وتعبان .. اتعدل .. تعبتنى فوق ما تتخيلى 

نور : بدأت تسوى الشاورما البيتى الا بتعملها .. طيب احكيلى .. واحنا بنعمل الاكل وبتتريق ياعم التعبان 

حازم : كانت زميلتى فى الكليه .. حبتها من اول نظره .. مش قادر اقولك على انوثتها ورقتها واحترامها لنفسها ولغيرها ودا إلا شدنى لها قوووى 

نور : ولما هى قمبله موقوته كدا ماشيه على الارض ما اتجوزتهاش ليه 

حازم ضحك جامد ومسكها من خدها حركته المعتاده : كنا لسا صغيرين وانا بتعلم وهى كمان .. تلت سنين بنحب بعض وتليفونات وانتظار بالساعات .. وفى الاخر سافرت برا مصر وماعرفش عنها حاجه لحد اللحظه دى .. كنت متخيل اننا فى يوم ها نتلاقى تانى بس طلعت بضحك على نفسى واتجوزتك 

نور حست بخنقه من كلمته واتجوزتك بمعنى انه ادبست وقضيتى على احلامى  ابتسمت ابتسامه خفيفه : خلاص هانت كلها شهرين او لو عايز دلوقتى نتطلق .. عادى ودور عليها وارجع لها 

حازم ربع ايده وسرح : ادور فين ياريت اعرف عنها اى حاجه مش قادر اوصل لها ابدا .. عادى كبرى دماغك .. احنا زى ما احنا ها استعجل على ايه شايفها واقفه مستنيه 

نور قفلت البوتجاز وبتغرف فى طبق : على رأيك .. وكمان ما تقلقش هى لو عايزاك ها ترجعلك 

حازم : لو بقى دى زمانها اتجوزت وخلفت .. وبيمد ايده ياخد قطعه من الطبق وكلها .. تسلم ايدك 

نور : تسلم يا وحش .. قدامى ياله .. وشيل الصنيه 

حازم : ههههههه حاضر يا معلم .. وخرج وراها وبتاكل وسرحانه فى كلامه وفيه هو شخصيااا .. للدرجه دى كان بيحب وكمان قاعد مستنيها 

حازم بيشاور قدام وشها : هااااى وصلتى لحد فين 

نور انتبهتلو : معاك ها اروح فين .. وبتاكل ومدت ايديها بالقمه لحازم وهو مسك ايديها بايده الاتنين وابتسم وقرب كلها منها وفى نفس اللحظه اكلها بايده ... خلصو وقامو الاتنين شالو الطباق وغسلوها ورجعو كل واحد فى ايده مج شاى 

حازم : تعالى اقعدى جمبى هنا وحط المجات على الترابيزه وخدها تحت دراعه وقعدو 

نور : انت بتعوض غيان نجيه عنك فيا 

حازم : 😂😂😂 جدا انتى لسا شوفتى حاجه وقرص خدها تانى 

نور زقت ايده : يووووه بقى يا حازم بطل بقى 

حازم : انا نفسى اكلهم ليه كل الخدود دى 

نور : الله اكبر هما الا حيلتى .. انت ها تفرح لو خلفت بنت 

حازم هز راسه بنفى ووش نور اتقلب : توء مش ها اخلف بنت ها اخلف أميره برنسس عايشه عشان تدلع منى وبس وقرص خدها تانى واقرصها من خدودها الاتنين بكل الحب الا فى قلبى 

نور ابتسمت : بجد 

حازم بتاكيد : ايوا طبعا عارفه يعنى ايه تحت جناحك طير ضعيف وناعم وانتى بتدفيه بقلبك وكيانك قبل حضنك هى بنتى الطير دا 

نور اتنهدت : مش يمكن تتغير لما يبقى نفسك فى الولد 

حازم : انا اتربيت فى حضن امى والا ربتنى امى البنت الا اتجوزت وبقت ست عاشت وقضت بقيت حياتها ست وراجل وقفلت على حياتها ونفسها عشان تربى راجل وتحتويه ويوم ما اكبر وربنا يرزقنى ببنوته فيها من امها وجدتها اكسر بخاطرها توء احنا ربنا خلقنا عشان نجبر بخاطركم 

نور ابتسمت وسكتت وشربو الشاى مع بعض 

 ******************

مر اسبوع كامل على كل الا حصل وسلوى متجنبه الكل ومابتخرجش من اوضتها إلا للضروره .. ونوجا طول الوقت  تحيالها هى وورد ونجيه بس مفيش فايده .. ..  

أما سيف تعب جدا لان فى رصاصه لسا فى صدره استقرت فى مكان خطر وصعب يشيلوها إلا لما حالته تستقر .. وسوزى حكت لمامتها كل الا حصل ومامتها قالت لها كويس ان دا حصل عشان يخلصو من الجوازه بعد م عرفت حالة سيف الصحيه .. 

نور رجعت القاهره . وسابت حازم وبتراقب أحلام بنفسها وقررت تعمل تخليل DNA لمازن اخوها تتاكد اذا كان اخوها والا لاء ..كاونه بينقل كل اخبار هانى لحازم زى ما اتفق معاه .. أما محى  فا كل يوم يحاول يكلم أهله وحشوه قوووى بس رافضين الكلام معاه ومقاطعينه .. 

************* 

سيف نايم وساميه قدامه ودموعها ما بتنشفش ابدا 

ساميه : اروح اجبهالك يابنى 

سيف : لا يا أمى .. ومسك ايديها باسها .. سيبيها براحتها 

سامر : انت عنيد ليه.. الموقف ماكنش حلو بردو يا سيف .. ماما بتقول صافى ضربتها 

سيف عيونه لمعت واتخنق : ايوا ضربتها وانا ماعرفتش اعمل لها حاجه .. ها تجيبوها ليه بقى تتفرج عليا وانا بقيت زى زيى العاجز 

خالد : بعد الشر عنك .. ان شاء الله تعمل العمليه التانيه وتبقى زى الفل 

سيف باصص لهم كلهم : تفتكرو ها اقوم منها .. انا حاسس انى مش ها اقوم 

ساميه عيطت جاامد وبتكلم خالد وبتقوله : خليه يسكت وجع قلبى وتعبنى 

خالد : وحد الله 

سيف وكلهم : لا إله إلا الله 

خالد : عمرنا ما بينقصش منه ثانيه .. سيبها على ربك وما تفضلش تفكر كتير .. ان شاء الله تقوم وتبقى يابنى احسن من الاول وأشد 

سامر : عمرى ما شفتك كئيب وفاقد الامل كدا 

سيف اتنهد : هما ها يخلصونى أمتى .. انا تعبت من النومه دى 

خالد : بكرا ان شاء الله ها تدخل الصبح العمليات  

سيف فتح الدرج وطلع ورقه منه : خدى يا أمى دى امانه لو جرالى حاجه تديها لسلوى 

ساميه بنرفزه وعصبيه وعياط : انت كمان كتبت لها جواب متاكد انك خلاص .. انت بتعمل فيا كدا ليه حرام عليك يابنى انا الا ها اموت .. مبقتش متحمله 

سامر : اهدى يا ماما .. هو بيشوف غلاوته عندنا 

سيف ابتسم : كل الحب دا يا ساميه ومخبياه عنى .. وبص لخالد .. انا بحبكم أكتر من نفسى .. ومش عايز حد يزعل منى  

ساميه رمت راسها على صدر خالد وعيطت أكتر : لا انت مش ها تعمل العمليه انت كدا حلووو .. ما تنزلهوش عمليات يا خالد 

خالد : خلاص يا ساميه اهدى .. ياله قومى روحى كفايه عليكى كدا انا ها ابات معاه انهارده 

ساميه : لا يمكن اسيبه لايمكن .. انا ادخل البيت من غيره .. ابدا هو قبلى يا قلب أمك .. وحضنت راس سيف .. انت قبلى وبتبوس فيه بجنون لدرجه ان سامر عيط وقام خرج برا وخالد وسيف نفسه  عيط على عياطها .. 

خالد : كفايه يا ساميه ابنك بدء يتعب تانى ..

سيف عيونه إحمرت وبياخد نفسه بالعافيه .. وخالد داس على زرار فوق السرير والممرضه جاتله جرى .. اول ما شافت سيف .. خرجتهم وبعتت للدكتو

الدكتور بعد ما دخل لسيف .. طلع وخد فى وشه وطلب انهم بجهزو الطاقم الطبى للعمليات لانه لازم يدخلوه فورا .. وبدئو ينقلووو سيف إلا وشه ازرق جدا وبيعمللوه تنفس .. 

الدكتور فى اوضة العمليات بيجهزو سيف .. وبيكلم دكتور تانى .. لازم النفس يستقر الاول وبعدين جهز حقنة التخدير اللازمه 

دكتور التخدير : النفس بدء ينتظم وضربات القلب بترجع لوضعها الطبيعى وبتنتظم هى كمان .. بالظبط ربع ساعه ويكون جاهز للعمليه .. بس انت واثق ان قرار العمليه دلوقتى صح 

الدكتور : انا مضطر  حالته بتسوء أكتر ولو الطلقه اتحركت ملى ها تعمل نزيف ومشاكل تانيه كتير احنا فى غنى عنها .. ياله جهزتو 

التمريض : كله جاهز يا فندم  

***************

سلوى لابسه وورد لبست وبتجرى وراها .. ونوجا وقفت قدامها .. انتى راحه فين 

سلوى : ارجوكى يا ماما سيبينى سيف جراله حاجه 

نوجا : بتنجمى يا بنت نوجا .. مش ها تنزلى كفايه الا حصلك 

نجيه : يا نوجا سيبيها بقى البنت تعبانه خليها تتطمن عليه 

نوجا : مش من حقها 

ورد  : أما نوجا راح اروح معاها .. اتركيها الله يعطيكى  العافيه 

سلوى : يا ماما وسعى .. سيبينى بقى مش ها ياكل منى حته لما يقوم اعملى إلا انتى عايزاه .. كفايه بقى  واتفادت طريق نوجا وخرجت جرى وورد جريت وراها بتلحقها 

*************** 

كلهم واقفين قدام العملياات وعيونهم متعلقه بالباب أمتى سيف يخرج ويطمنو عليه .. قلق وتوتر ورهبة الموقف دمرت أعصابهم .. 

سلوى واقفه جمب ورد إلا طول الوقت ضماها فى حضنها والقلق باين على ملامحها .. وبتفكر يارب يا سيف تخرج بالسلامه .. الدنيا من غيرك وحشه قوووى .. اوعا تسيبنى لاول مره احس ان فى حد مهتم بيا وبيحبنى زيك .. لاول مره اخرج من عزلتى عشانك انت ... انا من غيرك ولا حاجه .. 

خالد رايح جاااى ما بيقعدش وساميه وصلت لمرحله انها خلاص مش قادره تقف على رجليها تانى .. محمود اول ما عرف انضم ليهم بهدوء ومن غير ولا كلمه وواقف جمب سامر إلا صعب عليه جدا ماكنش متخيل انه بيحب سيف قوى كدا لان طبعه طول الوقت فى حاله وبعيد عنه .. بطء .. بطء .. استنزاف للاعصاب عدى أكتر من 7 ساعات وهما  خلاص ... 

الدكتور خرج وكلهم جريو ناحيته .. لف راسه يمين وشمال وقال 

الدكتور : يعلم ربنا اننا عملنا إلا نقدر عليه ومفيش فى ايدينا أكتر من كدا .. ربنا يصبركم 

ساميه الكلمه نزلت عليها قسمتها نصين .. نص تايهه مش فاهم ونص مع ابنها حته منها ومن قلبها .. الرؤيه اصبحت مش واضحه والنفس صعب تاخده .. وخالد رمى راسه على الحيطه وعيط من قلبه وهو بينزل يستسلم لرجله إلا مابقتش قادره تشيله .. سامر بيبص لمحمود إلا بيعيط وبيكلمه بتوهان : انت بتعيط ليه يا محمود وبيشاور على جوا .. صاحبك جوا زمانه خارج انت بتفول عليه يالا وضربه بايده وبعصبيه بطل عياط انا مش عايز حد يعيط اخويا بخير وها يقوم منها انتووو مش عارفين سيف قدى .. 

سلوى جريت على اوضه العمليات ومهما يمنعو فيها مش قادرين ابدا عليها .. نايم على السرير وحواليه حاجات كتير ودم أكتر .. رفعت الملايه من على وشه وابتسمت اول ما شافته وبتمشى ايديها على وشه .. انت بخير اهوو  مش عايز تخرج ليه انا عارفه انك زعلان منى ودموعها بتتنطر زى الشلال ومفيش اه واحده بتقولها .. والممرضات إلا معاها جوا عيطو على منظرها وبيشدوها يطلعوها برا نطرت ايديهم وبصوت عالى سيبونى .. ليه كلكم مستكترينه عليااا .. ليه الدنيا بتعمل فيا كدا وبتشاور على نفسها انا مش وحشه والله انا محتاجه قوى  ورجعت بتمشى ايديها عل وشه انا بحبه وعايزا اكون معاااه صح .. طيب انت سامع ماما ساميه بتناديلك قوم ياله من الاوضه الكئيبه دى .. ماما ساميه بتناديلك وبتقولك تعالا فى حضنى يا سيف اوعا تسيبنى وبصريخ وفقدت عقلها تماما قوم قووووووم بطل تلعب باعصابى وتخوفنى 

💗💗💙💙💚💚

شرسه ولكن ! 32

*************** 

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيمَ وعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللّٰهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيدٌ

رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلا تَمْكُرْ عَلَيَّ، وَاهْدِنِي وَيَسِّرِ الْهُدَى لِي، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، لَكَ مُخْبِتًا إِلَيْكَ أَوَّاهًا مُنِيبًا، رَبِّ تَقَبَّلْ تَوْبَتِي وَاغْسِلْ حَوْبَتِي وَأَجِبْ دَعْوَتِي وَثَبِّتْ حُجَّتِي وَسَدِّدْ لِسَانِي وَاهْدِ قَلْبِي وَاسْلُلْ سَخِيمَةَ صَدْرِي

💗💗💗💗💙💙💙💙💙💚💚💚💚💚 

 

ساميه بتتحرك يمين وشمال براسها  فى الاوضه وبتقول لا .. لا خدونى معاه خدو روحى الاول 

خالد : ساميه .. يا ساميه قومى 

ساميه فتحت عيونها لقت سرير سيف فاضى وصرخت بعزم ما فيها : ابنى سيف ابنى هو فين يا خالد . سيف راح منى خلاص 

خالد : تفى من بوئك .. ربنا يحميه لشبابه .. سيف عمل العمليه وخرج بخير الحمد لله ربنا العالمين .. ساميه بترجع لورا وبتقعد وهى بتعيط وبتقول : احمدك واشكر فضلك يارب .. احمدك وأشكر فضلك يارب .. 

خالد : مالك يا ساميه فيكى ايه 

ساميه : كابوس انا كنت فى كابوس يارب ما تكتبها على حد وصبر كل مبتلى يارب .. يارب ما تحرمنى من ولادى ولا عزيز وغالى يارب وبصت لجوزها انا نمت أمتى 

خالد : مسكتى دماغك واحنا قدام العمليات جبتك هنااا وقعدتى وكنتى سرحانه قولتيلى غطينى ببطنية سيف وغطيتك ورفعتى رجلك على الكرسى دا عشان تريحى .. وبقاله 3 ساعات والحمد لله خرج .. ها يقعد فى العنايه ساعتين  احتياطى لحد ما تستقر حالته ويطلعوه يجيبوه اوضته تانى وكلمته وفايق وكويس وكلم سلوى وفرح انها جمبه ما زعلتش مننا  .. البنت جاتله ما اتأخرتش عنه وواقفه على رجليها ما قاعدتش 

ساميه عيطت أكتر وفضلت تحمد ربنا وبتقول لجوزها قومنى اصلى واشكر ربنا والله ما فاكره انى جيت ونمت عايزا  اشكره على كرمه بينااا وبعيالى .. يا مانت كريم وعظيم يارب كابوس وانزاح 

خالد مبتسم : الحمد لله .. تعالى نصلى انا وانتى ونخرج لاحبابه كل ما هو طيب 

ساميه : ايوا يا خالد شوف فى المستشفى حد محتاج فلوس او علاج هاتله فى ناس هنا غلابه كتير خصوصا العساكر .. 

خالد : عنيه يا ساميه .. عنيه .. وصلووو هما الاتنبن وبعد ما خلصو ساميه جريت تشوف سيف وتملى عيونها منه .. تمشى ايديها على وشه وتتطمن وتطمن قلبها ... وبتدعى .. ربنا يطمن قلب كل مجروح على ضناه او حبيبه ويشفى كل مريض ويقومو كلهم بألف سلامه وخير .. 

************* 

كاونه : بت يا عبير سيبينى اروح شغلى 

عبير : شغل ايه يا كاونه الا بقالك فيه كام اسبوع .. دا انت لا شغله ولا مشغله .. راجل عوطلى ومطلع عينى  وعين عيالك وبخيل وايحه 

كاونه : يخربت لسانك يا وليه .. بقولك شغل وبحلال ربنا .. والله يابت صدقينى .. ها تروق وتحلى بس ابعدى بوش أمك من قدامى وبيزق وشها 

عبير قلبت وشها وشفايفها : مالو وشى يا كاونه بقاش عجبك يا حيلتها 

كاونه : بيلخبط وشها بايده : عجبنى اهووو انا قولت حاجه يا عبيررر .. وسعى بقا وليه واكلها قطر 

ياسمينه : أباااا .. أبااااا .. عيلاء عايز حاجه حلوه 

كاونه طلع جنيه من جيبه : خدى يابت روحى عند صلاح البقال هاتى كل الا نفسه فيه عيلاء اوعى تخلى نفسه فى حاجه 

عبير : حيكم يا راجل .. هو الجنيه بقى يجيب حاجه 

كاونه : ايوا يا عبير كيش شيبشى  يابت .. وكل ما لذا وطاب دا جنيه يا وليه حته واحده وبص لبنته .. وهاتيلك انتى كمان يا ياسمينه اوعى تبخلى على نفسك يابت اطلعى نزيهه لابوكى 

عبير : وانا يا راجل 

كاونه بيشاور على عبير : وأمك يابت وماسك الفلوس الا كانت فى جيبه فى ايده 

عبير : طب هات طيب عشان تجبلى 

كاونه تنح وتخن صوته : ماهى معاها جنيه يا وليه 

عبير نتشت الا فى ايده وطلعت تجرى دخلت الاوضه وقفلت على نفسها 

عبير : روح الشغل يا ايحه يا تلقيحه  .. راجل ما بتجيش غير بالسرقه 

كاونه : كدا يا عبير .. أل عبير أل .. دا انتى خريف اعصار يا وليه وبيلف حواليا منفضنى اول باول  .. وزق بنته غورى من قدامى أمك لهفت الا معايا بنت المدايقه ...  وخرج على برا ..وبيضحك .. فاكرانى اهبل الوليه المجنونه .. رميت لها الفتافتيت بالحداقه وخليت فى الجيب التانى البهرايز وليه حراميه بعابير فى بعضها وبيطلع الفلوس من جيبه نتشتهم لانها واقفه وراه من غير صوت وضربته على دماغه وقفلت باب البيت .. كاونه بيضرب على راسه .. يالهوى .  افتحى يا بت .. طيب هاتى نصهم وخدى نصهم ها اركب ازاى يابنت المبقعه 

عبير فتحت الشباك ورمتله 10 جنيه وبتقوله خد ياكش يطمر .. وقفلت الشباك بسرعه .. كاونه وطى خدها وماشى يكلم نفسه ما انت غبى حبكت تطلعهم قدام البيت اهى قفشتك ياله ان شاء الله ها تفرج 

*****************

نوجا : يعنى يرضيكى عمايلهم كلهم كدا يا نجيه البنات مابقتش تسمع كلمه 

نجيه : معلش يا نوجا .. انتى قولتى بلسانك اهووو بنات وعايزا تفرح 

نوجا : تفرح بالأدب والاصول انما كدا لاء 

نجيه : انتى محباكها قوى .. الواد يا قلب أمه تعبان وحالته وحشه ها يعمل ايه لبنتك 

نوجا : والبت بنت ال.... الا ضربتها .. انا بنتى تنضرب وتقولى انتى ماعرفتيش تربيها دا ضوفر بنتى برقبتها 

نجيه : امه حكتلك على حاجه وماخبتش عليكى .. اعذريهم .. وانتى خدتى حقك وحق بنتك تالت ومتلت .. خلاص بقى اهدى .. ايه رايك اقوم اعمل كوبايتين شاااى عشان أعدل دماغك 

نوجا : قومى ياله ربنا يسترها أما اشوف نور راحت فين هى التانيه ولا حس ولا خبر 

نجيه : راحت تشوف شغلها .. ماتقلقيش عليها 

بعد وقت كبير 

************ 

نور : اتاخرت ليه يا كاونه 

كاونه : معلش يا ست نور الوليه مراتى الله يسامحها نفضتنى 

نور طلعت من شنطتها فلوس : خد دول الف جنيه من الا اتفقنا عليهم 

كاونه بضحكه : ياخد عدوينك و الكلاب النجسه الا حواليكى انتى وابوكى   

نور : تعيش يا كاونه بص بقى عشان مش عايزا غلطه 

كاونه : انتى مش ها تقولى لحازم باشا بردو قبل ما نعمل اى حاجه  .. يزعل يا ست نور ودا جوزك 

نور : لا خرج حازم من الموضوع دا .. انت انقله اخبار هانى زى ما اتفق معاك وبس ... انما دى حاجه تخصنى لوحدى انا استجدعتك لما عرفت ان حازم وثق فيك وكمان ظبط هانى قبل كدا قولت مفيش غيرك 

كاونه : إلا يريحك ها اروح انا بقى عشان العيال بلغتنى انه خرج   

نور : تمام .. مش عايزا غلطه ولا حد يحس بيك 

كاونه : عنيه اوعى تقلقى 

نور : والله ما قلقانه غير من ثقتك دى يا كاونه 

كاونه : عيب يا ست نور .. 

نور : انت جدع يا كاونه بس ركز 

كاونه : عنيه حاضر بالاذن .. وسابها ومشى .. وهى راحت معمل تحاليل بعد ما راحت لاخوها المدرسه واتصرفت وخدت منه عينه من شعره وهى بتمشى ايديها على شعره بطريقه عشوائيه وسريعه جدا وشدت شده خفيفه خرجت كام شعره فى ايديها .. وراحت لابوها بحجه انها عايزا تصالحه وفضلت ترخم عليه وتبوسه من راسه ونتشت شعره هههههه .. وابوها اتنرفز عليها وهى بتضحك وفى النهايه اتصالحووو وتم الا هى عايزاه .. ودتهم معمل على حسابها .  وحان معاد استلام النتيجه .. راحه وهى خايفه على ابوها وطول الطريق بتدعى ان مازن يطلع اخوها ..  استلمت النتيجه وعرفت إلا فيها وكملت طريقها للمستشفى إلا فيها سيف بعد ما عرفت ان سلوى هناااك هى وورد .. 

*************

سيف رجعوه اوضته تانى .. والاوضه مليانه بشر .. اخوه وصاحبه ومحمود وساميه وخالد وورد وسلوى .. كلهم بيطمنو عليه غير الناس الا بتزوره وتمشى .. 

الممرضه : يا جماعه ما ينفعش العدد دا كله هنا 

الشباب رفعت ايديها : احنا ها نمشى اطمنا على الباشا وماشين

سيف ابتسم وهز راسه هزه خفيفه ..  واخوه وصاحبه ومحمود مشيووو .. والممرضه خرجت .. 

ساميه : خالد تعالا نروح نشرب حاجه فى الكافيتريا .. وحطت ايديها على ضهر ورد تيجى معانا 

ورد بصت لسلوى : شوى إصغيره يا سلوتى وراح اجيكى 

سلوى هزت راسها باحراج : حاضر .. وسابوهم كلهم وخرجو .. وسلوى قربت وقعدت على الكرسى الا قدام سيف وبأبتسامه ورقه فظيعه ونادره : حمدالله على السلامه يا سيف 

سيف باصص لها وساكت ما نطقش بكلمه 

سلوى باحراج بتشاور على الباب : اخرج انا مدايقك 

سيف بصوت ضعيف : مين الا دايق التانى .. اسف يا سلوى 

سلوى : على ايه 

سيف : على كل حاجه .. دايقتك وخبيت عنك انى خاطب وتجاوز صافى معاكى على كل حاجه . 

سلوى : حصل خير .. المهم انت دى اهم حاجه 

سيف : يعنى مش زعلانه منى  

سلوى هزت راسها بطيبه : لاء .. مابعرفش ازعل من حد .. حتى صافى انا عذراها .. بس صعب عليا نفسى وانى اظهر فى عيون الا حواليا بخطفك من خطيبتك 

سيف : انتى خطيبتى مش هى وانتى إلا ليكى الحق .. ادعيلى اقوم وابقى زى الاول وان شاء الله اول خطوه ها اعملها هو انى اخطبك رسمى واكتب كتابى عليكى ... وابتسم عشان مش عايز أغضب ربنا لانك بتجرينى لحاجات مش تمام .. واديكى شايفه اهووو .. بين الموت والحيا شعره واحده

سلوى بتشاور على نفسها : والله ما قصدى .. ما بعملش حاجه وكمان انا استغفرت ربنا وقولتله يسماحنى ويسامحك 

سيف ضحك وحط ايده على صدره : شوفتى بتجرينى برقتك وطيبتك دى لحاجات انا ماسك نفسى عنها بالعافيه .. نفسى اخدك فى حضنى 

نور دخلت وبصوت عالى : الله .. الله .. انت قايم من العمليه تحب فيها سعتك 

سيف : ههههههه .. بص لسلوى إلا اتحرجت جدا .. شوفتى اهو اتفهمنا غلط .. نور اتفضلى 

نور دخلت وزقت سلوى فى رجليها وقربت على سيف : حمدالله على السلامه يا وحش 

سيف : الله يسلمك يا نور .. ايه دا تعبتى نفسك ليه

نور : عد الجمايل .. وكدا وبتحط الشيكولاته جمبه .. تمام قوى وعملنا الا علينا وزياده .. ينفع اخد البنيه دى عشان خالتى ها تعمل جنايه وها نشرف كلنا عند سعتك فى القسم 

سيف : ماشى بس امانه عليك يا وحش ماحد يقرب لها 

نور بتميل براسها : عيب عليك وربنا .. دا احنا ها ننضرب ضرب جماعى ..قومى يا ست النحنوحه 

سيف : ههههههههههه .. انتى فظيعه .  وبص لسلوى خلى بالك على نفسك .. تليفونك اشتغل 

سلوى : ايوا .. ممكن ما اعرفش اجيلك تانى 

سيف : انا ها اجيلك ان شاء الله اول ما اخرج 

نور : لا انا مليش حمل على كدا انت وهى .. قدامى يا قطه 

سيف بغمزه خفيفه : ها توحشينى 

سلوى ماشيه جمب نور وعيونها متعلقه بسيف وبتعمله بااااى ... وراحو لورد وسلمو على ساميه وخالد ومشيو مع بعض.. 

سلوى : نور انا مش مصدقه نفسى .. الحمد لله على كل حاجه حصلت ويارب يقوم بالسلامه 

نور بتخن صوتها : يارب عشان نخلص .. جو النحنحه دا بيخنقنى 

ورد : هههههههه .. اتركيها لحالها البنيه ... ما راح تتكرر ها الايام 

نور : وردتى .. اعملى حسابك حالا ها نروح سنتر كبير جدا لجهاز العرايس ونتفق على كل الا انتى محتاجاه لشقتك 

ورد بزعل : بيكفى خيتى .. رميت كل ها الحمل عليكى وعلى أما نوجا . مابدى شى راح نبتدى انا ومحى ونجيب كل يا إلا نفسنا فيه واحده واحده بيكتر  خيرك  الله 

نور وقفت بالعربيه ولفت لورد : ايه دا .. ايه دا .. ايه الكلام إلا ملوش اى لازمه دا .. انا خليتك سيبتى اهلك وقولتلك انك أختى .. واختى يعنى ملزومه منى .. ما تقلقيش عليااا خير ربنا معايا كتير قوى وبأمر الله لو احتاجتى مليون جنيه ها ارميهم تحت رجلك 

سلوى ابتسمت : وانا يا نور 

نور : اخرك عشر تلاف جنيه وعم النحنوح هو الا يتكفل بيكى 

سلوى : 😂😂 اى حاجه تيجى منك 

ورد : نور خيتى .. جطعه من جلبى ما راح اخد شى .. ريحيلى حالك واتركى شجاكى لنفسك ما حدا بيستحجه غيرك 

نور : بما انك بتتكلمى معايا رسمى .. عارفه انا جهزت كام عروسه .. رفعت ايديها طبعا ما تعرفوش فاكرنى جاحده اخرى امسك السجاره وانفخ فيها .. انتى عندى اغلى من كل الا ساعدتهم .. ورد انا مليش اخوات بنات .. بس انتى وسلوى اخواتى ومش متخيله حياتى من غيركم .. اختى وحطى تحت اختى 100 خط .. انا مش ها أخلى محى فى يوم من الايام يعايرك ويقولك انا إلا عملت ها تدخلى وجهازك كله زيك زى اى بنت عندنا جاهز وكامل وخلاص مش عايزا ربع كلمه زياده 

سلوى قاعده جمب ورد حضنتها جااامد : كلنا جمبك وأهلك اوعى تخجلى او تتكسفى مننا ابدا 

ورد دموعها نزلت وبادلت سلوى الحضن : ربى ما يحرمنى من ها الجلوب الطيبه ويجدرنى ارد كل شى واكتر .. 

نور ابتسمت ودورت العربيه وساقتها وورد قامت نص قومه وحضنت راسها وباستها من خدودها .. ونور باستها هى كمان .. راحو السنتر والبنات اتفاجئت بنوحا ونجيه هناااك .. فضلو يحضنو فى بعض كتير وبعد كدا ورد انطلقت زيها زى اى بنت بتنقى وتختار وتلف فى المكان بفرحه رهيبه متملكه منها .. نور ماشيه معاها واخده دور الاب .. حاسين برجولتها الواضحه فى التعامل وكميه الناس الا عارفها فى المكان كبير .. مدير السنتر استقبلها بنفسه وبقى يطلع لها كل ما هو مميز فى الشكل والخامه ..حتى السعر هى غير اى حد .. بعد وقت كبير جدا خلصووو ونور واقفه مع مدير السنتر .. 

تامر : اى حاجه تانيه يا ست نور 

نور : تسلم يا تامر .. بص بقى يا باشااا .. المبلغ كله ها يكون عندك بكرا بإذن الله دى حاجه 

تامر : تمام 

نور : الحاجه بقى كلها عايزها تفضل عندك لحد ما الشقه تخلص نيجى نشيلها مره واحده 

تامر : مقدور عليها ها انزلهم المخزن بس ها تدفعى ايجار 

نور : هههههه عنيه يا وحش من جنيه لعشره انت تأمر 

تامر : انا ها اغلبك يا بنت حمدى .. ياله عشان الناس هنجت منك مش واخدين على الممرمطه 

نور  رفعت ايديها وسلمت زى الرجاله : طيب اتكل انا اشوف وشك بخير .. ما تنساش الوصل بعدم استلم الاجهزه والمفروشات 

تامر : حافظ وفاهم ما تقلقيش بالسلامه ياله .. 

نور : قدامى 

نجيه : انا مش قادره اروح حته تانيه 

نوجا : انا عايزا أكل يا بت 

نور : عنيه يا خالتى طلبت المطعم ومجهز الترابيزه وبيجهز الاكل 

نوجا : ها ناكل ايه  

نور : هو فى غيره حبيبى قلبى جمبرى وسمك سنجرى ها اضبطكم 

ورد وسلوى بفرحه : هيه 

نوجا : جاتكو نيله الا يشوفكو دا يقول ما بتدقوش الاكل  

نجيه شدت نوجا : ياله هادم اللذات 

نوجا : ههههههه تصدقى 

نور شدت البنات : ياله يا قدرى منك لها .. ومشيووو مبسوطين جدا اتغدو وخلصو الغدا وروحو وهما تعبانين  ومهدودين ماعدا نور الا تقريبا جسمها واخد على أكتر من كدا .. بعد لحظات جالها تليفون من كاونه 

نور : هااا عملت ايه 

كاونه : كله تمام زى ما اتفقناا معادنا بكرا بقى 

نور : اكيد بعد ما تنفذ الباقى 

كاونه  : اول ما اخلص انا والرجاله ها اكلمك على طول 

نور : تمام ياله سلام دلوقتى .. ودخلت البلكونه .. فضلت ماسكه تليفونها ومتردده تتصل عليه والا لاء .. عيونها ابتسمت زى شفايفها اول ما شافت نمرته وردت 

نور : فينك من اسبوع من ساعة ما نزلت لا حس ولا خبر انا قولت اتخطفت 

حازم ابتسم : تصدقى نفس تفكيرى وقولت اطمن ليكون صح 

نور : هو ايه بقى 

حازم : اتخطفتى 

نور : هههههه ما تقلقش عليا..  محى عامل ايه 

حازم بتريقه : مش عايزا تعرفى محمود وعماد عاملين ايه بالمره 

نور : هههه لا كفايه محى ..اخبار الشغل ايه 

حازم : تمام مش ناقصه غيرك 

نور : يومين تلاته وها تلاقينى فوق دماغكم بالمطلوب 

حازم : مش عايز شقلبظات فوق العربيه 

نور : دى احلى حاجه متعه يابنى 

حازم : لا بطليها الله يسترك 

نور بأبتسامه : ماشى .. بتعمل ايه 

حازم : ولا حاجه خلصنا شغل واكل وترويق وخناق والحمد لله 

نور بمكر : وكلمتنى ليه .

حازم : ها اكلمك ليه يعنى يا نور بتصل على ماما ما بتردش قولت اطمن عليها منك هى لسا زى ما هى 

نور نفخت بديق : هى كويسه الحمد لله بس نايمه .. ياله بقى عشان عايزا اريح سلام .. وقفلت 

حازم : اه يا مجنونه يا غداره ورمى التليفون ونام جمب محى الا فاكر انه نايم 

محى : هى إلا مجنونه وغداره والا البعيد ما بيحسش اعمى القلب 

حازم : انت صاحى يالا 

محى : اخخخخخخ تششش 

حازم داس على دماغه بايده : اتخمد وزقه وريح نفسه عليه وعمال يضربه على وشه ومحى بيضحك .. وبيزقه وبدئو يضربو بعض بهزار 

محى : يابنى فكها على البنيه يخربيت تناحتك 

حازم ضحك : مش لما هى تفكها الاول الهانم مسكالى صاحبى ونتطلق 

محى : جر رجلها ما بتعرفش يادى المصيبه 

حازم ضربه على بوئه : ياخى لمه انت فاكر الناس كلها زيك 

محى : مالى وربنا انا عسل بس فاهمنى غلط اسحلب وادحلب ووقعها بقى وخلصنا وهات كائن حى غير معلوم ولا معروف 

حازم : 😂😂😂 انا الا ها اجيب كائن حى غير معروف  وانت 

محى بيهز ايده : انا ها اجيب كائنات حى غير معروفه ولا مفهومه واهمهم اتحشم يا محى .

الاتنين 😂😂😂😂

****************

عدى اليوم وكل الامور تمام وابتدى يوم جديد بعد الضهر  .. 

كاونه واقف برا الفيلا منتظر خروج أحلام .. وفعلا لحظات وخرجت وهو ماشى وراها ومعاه اتنين رجاله .. وصلت الشقه وطلعت وبعد لحظات كان كاونه والرجاله إلا معاااه داخلين وراها وزقوها جوا الشقه ودخلووو 

احلام بصريخ : ايه فى ايه . بصت على الانتريه لقت هانى متكتف وجمبه واحد ضخم جدا .. 

كاونه : اترزى هنااا  ما اسمعش صوتك 

احلام بصت لهانى : فى ايه ومين دول 

هانى بنرفزه : اقعدى وانتى ساكته 

احلام قعدت بخوف  ولحظات وجرس الباب رن كاونه فتح وكانت نور .. واحلام بصت لها وبتبلع ريقها بصعوبه وهانى بيبص لها بغيظ 

💗💗💙💙💚💚💚

بقلم : لبنى طارق 

💗💗💙💙💚💚

شرسه ولكن ! 33 

*************

سبحان الله وبحمده وسبحان الله العظيم 

الله أكبر .والحمدلله .. ولا حول ولا قوة إلا بالله العلى العظيم 

أستغفر الله العلى العظيم وأتوب إليه 

💗💗💗💗💙💙💙💙💙💚💚💚

أحلام باصه لنور وساكته ووشها إحمر جدا .. وهانى مليان غيظ وغل من ناحيتها .. ونفسه يقوم من التكتيفه إلا متكتفها من باليل مش قادر 

نور قربت على أحلام وبتضربها على وشها بايديها براحه وابتسامه على وشها مش مفهوم المغزى منها ايه .. 

أحلام بتزق ايد نور جامد ولسا ها تقوم واحد من الرجاله مسكها من كتفها قعدها بالعنف 

نور : ايه يا أحلام انتى لسا عندك عين تقفى قدامى وتقاوحى 

أحلام بكل بجاحه : ايوا ها أواح واقف فى وشك .. انتى فاكره كدا انك كسرتى عينى .. بسيطه يا بنت حمدى .. ها اصوت واقول خطفانى وجايبنى فى شقه ما اعرفهاش مع حبيبها لما انا ظبطهم مع بعض  وبتبص لهانى عشان تخلص مننا احنا الاتنين بعد ما خانته مع حازم وظبطوها فى حضنه قبل كدا ودلوقتى بتخون حازم  .. بسيطه 

نور قربت منها ورفعت ايديها وبعزم ما فيها ادتها بالقلم والقلم سمع فى كل الشقه واحلام بتحاول تقوم والرجاله مسكاها .. نقلت نظرها لهانى : وانت يا سبع البرومبه مش ها تقول زيها 

هانى : قسما بالله يا نور لادفعك تمن إلا بتعمليه غالى  

نور ضحكت بصوت عالى وبتشاور على نفسها : انا بخاف وبترعب خصوصا منك هههههههههه .. انت راجل هوزء يا هانى وندل مايتخفش منك يتخاف عليك .. عشان الخاينين الا فى طبعهم الخيانه بيقعو بسرعه خصوصا لو مصممين عليها .. وبصت لأحلام .. ربنا بيدينا فرصه واتنين وتلاته وعشره لحد ما خلاص انت إلا بتكتب نهايتك بايدك باصرارك على الغلط وانتو كاتبتو نهايتكم وعلى ايدى ..

أحلام : مش ها تعرفى تعملى حاجه ايه يثبت كلامك ها تصورينا قولتلك انا اتخطفت واتغصبت على اى حاجه . 

نور قربت عليها وبهمس جمب ودنها وهانى بيبص لها بخوف بيحاول يداريه : انا زى ضلك من يوم فرحى على حازم .. فاكره اليوم دا ووقفت وبصوت عالى وحاد نوعا ما وبتبص لهم والشرار طالع من عنيها .. مكلماتك مع الوس.... دا وبتشاور على هانى ومقابلاتكم واحضانكم الزباله كلها هنااااا وبتشاور على جيبها .. حتى تحليل الDNA بتاع مازن فى جيبى ودا إلا غفرلك عندى وخلانى اعمل الا ها اعمله دلوقتى ووطت صوتها والفضيحه تفضل بيناااا  ورفعت ايديها فى الهوا إلا إذا عندكم كلام تااانى .. 

أحلام بصت لهانى لما نور جابت سيرة التحليل بخوف واتكلمت 

أحلام : انتى كدابه 

هانى : لو معاكى دليل طلعيه مايبقاش تهديد وخلاص 

نور طلعت صور لهم وهما فى اوضة النوم ورمتها فى وشهم .. وطلعت تليفونها وبتسمعهم مكلمات بينهم بعد الفرح .. ومن ضمن المكلمات ازاى يخلصو من حمدى فى اسرع وقت ..  وابتسمت ... ايه رايكم فى نداله أكتر من كدا .. وقربت على أحلام .. نفسى اعرف ليه عملك ايه ابويااا دا بيتمانلك الرضا ترضى .. فضلك عليااا عايز يجيب حته من السما ويحطها تحت رجلك 

أحلام بحقد وغل تجاه نور : انتى السبب .. ليه ابقى انا ف سنك وإتجوز راجل كركوب رجله والقبر وانتى عايشه حياتك .. ليه انتى يبقى عندك فلوس والكل بيتمناكى حتى الزفت دا وبتبص لهانى   وابوكى حطك تحت دراعه وانا خلصو منى عشان الفلوس وعيشتهم ترتاح وانتى ابوكى ماسك فيكى بايده وسنانه .. بيحبك حب ماشفتوش قبل كدا .. بيفضلنى اناااا  وبضحكة استهزاء هاهه . دا بينام جمبى ولسانه ما بيبطلش كلام عنك .. ومن يوم ما بعدتى عنه لاول مره من يوم جوازى احس انه مكسور وتايه ... والا غاظنى أكتر يوم فرحك متجوزه شاب بيتمناه اى بنت بس تطول ضفره وهو واقف يعيط ويلوم نفسه ولما قولتله بتعيط ليه بنتك مبسوط .. قالى لاء .. بنتى عمرها ما كانت مبسوطه ياريتنى موت ولا كنت عملت فيها كدا .. تخيلى اتمنى الموت عشانك ولما قولتله انت عملت ايه يا راجل .. قالى ما جهزتهاش ورفعت راسها قدام جوزها بس والله لاعوضها عن دا كله .. وبصوت عالى .. يعوضك عن ايه والدنيااا كلها تحت رجلك .. واشمعنا أهلى عملو فيااا كدا .. واتفاجئ انه جايب المحامى تانى يوم وعايز يكتبلك نص ثروته بيع وشرا.. لولا انى اتدخلت ومنعته ليه ان شاء الله فيكى ايه عشان كل حاجه تبقى بتحبك وتحت أمرك  

نور قلبها وجعها على ابوها .. ياه لو كانو عملو فيه حاجه كانت تموت وراه .. برغم كل حاجه بس بتحبه وبتعشق التراب إلا بيمشى عليه .. ابوها وها يفضل ابوها مهما كانت قساوتهم عمرهم ما يهونوووو علينا ابدا دا ربنا سامح فى حقه فى الدنيااا واجله للاخره وقال لو كافرين مأمورين بطاعتهم ادام مش فى معصيه مأمورين ببرهم ياااااه حبهم مختلف عن الدنيا بحالها مهما كانو   .. شاورت على نفسها : انا ذنبى ايه يا احلام اهلك باعوكى بالرخيص لليدفع أكتر لا انا ليا ذنب ولا ابويا له ذنب .. بس انتى ست عينك فارغه وغبيه . لو كنتى راميتى كل حاجه ورا ضهرك وبصيتى للفى ايدك  ان الحمد لله ربنا عوضك عن الحياه إلا كنتى عيشاها براجل يحبك وعندك عيل منه ومن صلبه وحافظتى عليه وعلى بيتك ابويا دا لو بيمشى على عكاز ها تحبيه ويملى عيونك .. مش كل الا بيبرق قدامك دهب يا احلام .. ساعات كتير بيطلعووو فالصووو وتشاور على هانى .. او دهب بس مهما كان قربك انتى منه  مش طايلاه وبعيده كل البعد عنه فا ليه تحنسى نفسك وتفضلى طول الوقت باصه عليه .. تعرفى كتير حاولت أقرب منك وانسى انك مرات ابويااا بس انتى كنتى مصممه على انك تبقى مرات أب 

هانى : أستنى انتى وهى يعنى ايه ابنها من صلبه 

نور ضحكت : لها تفسير تانى.. انا شكيت فيها بعد ما طلعت ست زباله الحقيقه .. وعملت تحليل DNA لابويا ومازن وطلع الحمد لله ابنه وبهمس جمب ودن احلام عشان عمرى ما اتمنى الزعل لابويا كنت عارفه انها سحابه سودا وها تعدى وبتشاور على احلام واهى خلاص ها تغور 

هانى بيبص لأحلام : وكل الفتره دى بتوهمينى انه ابنى انا 

احلام : لازم اوهمك امال تعلقنى وتهرب فاكرنى هبله زى ما جبت رجلى اجيب رجلك 

نور بصت لهم بقرف  : كنت متاكده ان علاقتكم ببعض قديمه وطول الوقت بشك فى تصرفاتك بس انا غبيه .. ما اتوقعتش ابدا انها توصل للحقاره دى ابدا . طلعت ورقه من جيبها ..وقربت على أحلام.. أمضى

أحلام : ايه دا عايزانى أمضى على ايه 

نور : حاجه بسيطه فى مقابل انى مش ها افضحك لانك كدا  او كدا ها تخسرى كل حاجه .. فا الخساره تبقى على الاقل طلعتى منها وانتى شاريه نفسك وسمعتك وسمعة أهلك .. وعشان تبقى عارفه انا عملت كدا عشان خاطر ابوياا .. وعشان خاطر مازن اخويااا عمرى ما ها ارضى ابدا يعيش وراسه فى الارض وبعار أمه ..  يكبر ويفهم ان امه اتنازلت عنه عشان جوازه وبتشاور على العقد الا فى ايديها احسن ما يكون البسبب خيانتها لابوه ويعيش مذلول فى حاجه هو ملوش ذنب فيها وعشان حب ابويا ما يقلش من ناحيته او يكرهه بسببك 

أحلام بجحود : هاتى .. فاكرانى ها ازعل وانا اعيش فى عز شبابى وعلى كتفى مسئوليه عيل ليه .. 

نور بصت لها بقرف : اه من قلبك الا عليه غشاوه وحقد  بقولك ايه مش بس كدا .. كل جنيه معاكى لابويااا ها ترجعيه .. الشقه الا انتوو  فيها دى بتاعت مين 

هانى بخوف : دى شقتى من عرقى وتعبى 

نور : تعب ايه يا حافى .. قصدك من الفلوس الا كانت بتغرف منها وتديلك 

احلام : عايزا الواد خوديه انما فلوس لاء .. دى تمن رميتى فى حضن ابوكى طول السنين دى 

نور : يابجحتك بت .ومسكتها من شعرها وشدتها بغل وبتضربها بالقلام على وشها : صونتيه يابت .. صونتى العشره والا مرميه فى حضن الزباله دا كل ما يخللك الجووو  ... أمضى هنااا 

أحلام بعياط : مش ها امضى مش ها اضيع حياتى الا فاتت هدر ..

نور زقتها وقعتها وبتنادى : كاونه ظبطلى الاتنين دول انت والرجاله 

واربعه طول بعرض بيقربو عليهم .. هانى صرخ 

هانى : لا انا ها اعملك الا انتى عايزاه .. عايزا ايه 

نور : أمضى التنازل عن الشقه دى ليااا وانا ها ارجع فلوسها بمعرفتى لابويااا ... واه حسابك الا فى البنك إلا وصل لاتنين مليون ها تكتبلى شيك بالمبلغ هنااا 

هانى بعياط وبيضرب على راسه : بس انا كنت شغال وبعمل فلوس 

نور : فلوس منين بقى .. اه كنت ها انسى العربيه بتاعتك ها تتنازل عنها ليااا بردو 

أحلام : يا ابن لكل.... بقى انت عندك دا كله وانا زى الغبيه بحولك فلوس كل اسبوع وعاملنى مغفله .. انا الا غلطانه 

هانى : كنتى بتدينى من جيبك .. ونور قعدت على الكرسى حاطه رجل على رجل وبتتفرج عليهم الاتنين .

احلام : يعنى كنت بتستغفلنى يا هانى 

هانى : ارتاحى ياختى اهى جايه تاخد الجمل بما حمل 

نور : خلصتووو والا لسااا .. أمضى وهات مفاتيح الشقه والعربيه 

هانى بيعيط جااامد وبيرفع راسه وبيقول لاء .. كاونه جه من وراه لما نور غمزتله وضرب هااانى ضربه جااامده على راسه .. وضربه وراها ضربه .. صرخ وقال خلاص ها أمضى .. وفعلا مضى .  

نور : وانتى ها تخلصى والا اخلى الرجاله تروقك .. لا وانتى بتحبى الرجاله 

احلام مبرقه وبتبص لنور بغيظ رهيب ونور رمت قدامها العقود والقلم .. فضلت شويه وكاونه قام بالواجب معاها .. فا مضت وهى بتعيط وطلعت بطاقتها وكتب الرقم القومى زى هانى 

نور : كاونه هاتلى التليفونات وكل حاجه معاهم 

كاونه جاب لها كل حاجه وبعدها طردو هانى بعد ما هددته ان اى حركة غدر منه ها تقدم كل حاجه للنيابه ويتم القبض عليه ونفس الكلام لأحلام .. 

نور بتفرك فى ايديها : بصى بقى يا ست أحلام .. انتى ها تخرجى من هنااا الاتنين دول وبتشاور على اتنين من رجالتها .. ها يبقووو وراكى .. تروحى تتخانقى مع ابويااا خناقه كبيره وتديلووو بقى كل القرف الا جواكى ضحكت فرصه كدا تطلعيه وتديله دول ورق التنازل عن مازن وعن حقوقك كامله .. وتقوليله انك عايزا اطلق  عشان تشوفى حياتك تمام 

أحلام : ولو مرضيش 

نور : ها اخليه يرضى وبغمزه بطريقتى لو عايزا تجربيها بس انتى واهلك مش لوحدك  .. تمام 

أحلام شدت الورقتين وخرجت تنفذ وهى مجبوره على كدا .. كان نفسها تطلع كسابنه بأملاك حمدى وتعيش على كيفها بس نور حطمت كل أحلامها .. وصلت الفيلااا .. واول ما شافت مازن جاى يجرى عليها وحمدى مسكت مازن ضربته جامد ووقعته على الارض .. 

حمدى بيقومه وبيمسد عليه : فى ايه يا احلام 

احلام بصوتها كله : فى انى قرفت منك ومن عيشتك ... كل يوم بيعدى علياا وانا معاك بقول خلاص ها تغور ولازق فى الدنيااا مابتغورش 

حمدى بصدمه : اطلع فوق يا مازن .  

مازن بعياط : لا خلينى معاك لماما تضربك زيى 

حمدى : ما تخفش يا حبيبى .. وطلعه ومسكها من دراعها بعنف  .. اتجننتى والا حصلك ايه 

احلام نطرت ايديها : فى انى فوقت طلقنى يا راجل انت 

حمدى بعند : مش ها اطلقك 

احلام بتهديد وهمى : يبقى ها اموت نفسى والمحروس ابنك الا بتترجاه من الدنياا 

حمدى : ها تقتلى ابنك .. دا ابنك قبل ما يكون ابنى 

احلام : ماهو ابنى دا سبب كسرتى ورميتى مع راجل كركوب زيك .. فرق بينى وبينك 30 سنه .  مش كفايه عليك كدا .. غور بابنك وسيبنى اشوف حياتى بقى قرفت منك

حمدى بصدمه اكبر : كنتى فين يا احلام 

احلام : مطرح ما كنت .. اتفضل وطلعت الورقتين إلا اول ما حمدى قراهم  

حمدى : انتى كمان مجهزه نفسك

احلام : ايوا .. قولت ايه والا اروح ارفع عليك قضيه واخد الواد وابهدلك فى المحاكم 

حمدى : انتى طالق .. طالق .. طالق وجرها على برا بغيظ بعد ما ضربها  غورى ومشيت احلام بعد ما نفذت المطلوب وهى بتعيط ... 

نور بتتكلم فى التليفون  : ها يا كاونه  تم 

كاونه : كله تمام وغارت بلا راجعه بنت المبقعه 

نور : خلى واحد من الحرس يدخل لابويااا عشان يطمن عليه 

كاونه : امرك .. ها تيجى 

نور اتنهدت : لا ها اروح على شقه حازم عشان متاكده ان ابويا ها يجيب اخويا ويجيلى .. ياله سلام وقفلت . اتنهدت وعيطت من قلبها قهر على وجع على سوء اختيار من ابوها كل شئ بيألمها وبس  .. اتحركت على شقتها وشالت الاوراق والوصولات الا مضاها هانى واحلام..وقاعده منتظره ابوها ..بس خلف توقعها وما راحش لهااا ..والحرس بلغها انه مخرجش من الفيلا ورافض حد يدخله فضلت كل شويه تكلمهم وتتطمن عليه وهما يطمنوها ماحبتش تروح فى الوقت دا ليحس بحاجه 

***************** 

مر اسبوع وحمدى رافض يكلم حد حتى نور .. وحاولت معاه اكتر من مره وماقدرتش عليه واضطرت تسافر عشان شغلها .. اما سيف اتحسن جدا بعد العمليه وخرج من المستشفى بس ها يقعد وقت كبير فى البيت لحد ما يسترد صحته تانى وجروحه تلتئم .. محى شغال ما بيضيعش وقت نهائى   ..  وبيثبت للكل انه مهندس شاطر عايز يخلص ويطير لوردته يتجوزها ويتم إلا نفسه فيه ..أما حازم طول الوقت فى حيره بسبب كلام محى وجذب انتبهاه لنور طول الوقت .. وكمان كاونه إلا صارحه بكل إلا حصل وقرر انه يفضل جمبها لحد ما تثق فيه وتتكلم بدون حواجز بينهم  

************** 

حازم بعد الشغل بيبات مع نور فى شقتها عشان محدش يتكلم فى حقهم .. 

نور : حازم .. خد ودى الاكل دا للشباب يتغدو 

حازم ابتسم : يا جاحده محشى هما ناقصين تقل هما تقال من غير حاجه 

نور : هههههه .. معلش محرومين بردو .. ياله وخد الفرخه دى كمان 

حازم : كمان انتى مرواقهم على الاخر طب وانا 

نور : ها استناك عشان ناكل سوا .. 

حازم : ثوانى وجايلك وراح ودا الاكل ورجع مكملش دقيقه .. وقف يغرف مع نور الاكل بعد ما قلع التيشرت وصدره عريان ... نور بتصب الشوربه الطبق فلت من ايديها نزل الحله وطرطش حازم .. 

حازم نط وبيرجع لورا وبيتوجع .. وبيقول اه 

نور: اسفه والله بدون قصد .. تعالا ومسكته من دراعه على الحنفيه وبتغسل المكان إلا جه عليه الشوربه بايديها .. وجابت ملح 

حازم : بتعملى ايه 

نور : اى حرق لازم تشطفه وهو مبلول حط عليه ملح فى ساعتها مش ها يسيب اثر وها يخف بسرعه جدا 

حازم : بجد 

نور هزت راسها : جد جدا .. وبتاخد نفس وبتبص له اقف ثابت بقى 

حازم بأبتسامه مرواغه : تمام يا فندم .. وهى بتحط الملح على جسمه بيقرب عليها وهى بترجع لورا .. وكل ما يقرب ترجع لحد ما لزقت فى الحيطه الا جمب الحوض .. وحازم بيقرب بوشه عليها وحاوط وسطها بايده .. واتكلم بصوت واطى وهادى .. نور بصيلى 

نور باصه لتحت وبتهز راسها بمعنى لاء 

حازم : رفع راسها بايده واتكلم بدون احراج : انتى خايفه من قربى ليكى .. احنا اتفقنا اننا نبقى اصحاب  .. بس إظاهر انك لسا مش واثقه فيااا .. حابب افهمك عن قرب مش مجرد شقه بتجمعنا وبتدارينا بحياطنها وصوحبيه كدابه  

نور بتوتر شديد من قربه واحساسها بالألم من كلامه إلا بيثبت لها انه مش حاسس شعورها تجاهه الا كل يوم بيتولد من جديد حطت ايديها على صدره : حازم ياله عشان ناكل 

حازم حط ايده على ايديها : مصممه تعملى فرق بينا 

نور : ارجوك اوعا ... ونزلت من تحت ايده وراحت تغرف الاكل وهى ساكته .. وهو كمل معاها وخرجو ياكلو مع بعض .. وطول ما هو قاعد بياكلها بايده 

نور : ههههه ايه يابنى هو انا صغيره منا باكل 

حازم : لا خدى على كدا امى لو فاكرانى ها تقولك انى لازم أكلها بايدى وبما اننا خدنا على بعض يبقى تسمعى الكلام .. 

نور بابتسامه مليانه حب : ماشى .. وقربت بشفايفها عل  صوابعه وكلت من ايده بفرحه وتعويض عن كل الا فاتها .. مسك خدها بايده النضيفه وهو مبسوط ..ونور حاسه باحراج على مشاعر غريبه لاول مره تحسها .. خلصو وغسلو المواعين مع بعض .. وحازم رمى نفسه على الكنبه 

نور : ها تنام 

حازم : لاء .. ها افتح الفيس بما ان الشبكه هنا فى الحته دى حلوه 

نور : الله يسهلو .. انا داخله 

حازم : اوكى .. وفتح ومندمج قوى .. وكل فتره نور تخرج تلاقيه زى ماهووو حتى ما بيبصلهاش ولا ينكشها زى ما بيعمل ..اتجننت ونفسها تعرف فى ايه ومبتسم ليه ..ماشيه من ورا الكنبه لانها مش لازقها فى الحيطه وبترفع راسها جااامد وبتبص بجنب عنيها فى تليفونه .. لقته بيتكلم مع حد ماسنجر .  واتجننت أكتر .. راحه جايه .. راحه جايه .. حازم متابع فى صمت وسبب ابتسامته هى وحركاتها.. لف وشه على التليفون بجسمه بحيث انها ما تشوفش حاجه .. 

نور خرجت من الاوضه تانى .. واول ماشافته كدا بتحسبه نام .. لقت نور التليفون منور وباين من جمب وشه .. وراحت عليه بمكر وبتمد ايديها تجيبه براحه .. حازم عضها عضه خفيفه وضحك وهى نطرت ايديها ... اه 

حازم : بتعملى ايه 

نور بتديق عنيها وبتقرب على شاشة التليفون وبتضحك : ابدا بحسبك نمت قولت اشيل التليفون عشان ما يأثرش عليك .. ايه دا  والحرق عمل ايه 

حازم ضحك : خف خلاص ..انا صاحى وقاعد عليه مانمتش 

نور نتشته : طيب هات احطه على الشاحن زمانه خلص شحن من كتر الرغى 

حازم بيهز راسه وخد التليفون تانى : توء .. توء .. توء.. دا خاص بياا وانا إلا اتعامل معاه شكرا لخدماتك .. 

نور بابتسامه صفرا : ههههه تمام يا وحش افتكر ان انت إلا قولت .. احسن تنسااا وتقولى يا نور ها اقولك نعم .. تعالى حطى تليفونى على الشاحن .. ها اقولك حاضر وبتمد ايديها تاخد التليفون وحازم مش قادر يسيطر على نفسه من الضحك ..

حازم خبى التليفون وراه : ماتحاوليش

نور : مش لسا قايلى حطيه على الشاحن انت بترجع فى كلامك ليه 

حازم بيكمل ضحك : انتى الا قولتى مش انا 

نور بتعجب مزيف : وربنا 

حازم : وربنا .. ياله روحى نامى 

نور قامت وكل شويه تبصله وتضحك ضحكه مصطنعه .. ودخلت استخبت ورا باب الاوضه وبتراقبه .. حازم ساب التليفون ودخل الحمام وواقف يراقبها .. خرجت بتتسحب على طراطيف صوابعها .. وبتوطى تجيب التليفون حازم قرب عليها بسرعه .. وهى رمت نفسها على التليفون وعملت نفسها نايمه .. اخخخخ تشششش 

حازم : نور بطلى جنان وقومى نامى جوا 

نور بتفتح عنيها بالعافيه وبنوم مصطنع وبتتاوب : ايه دا ايه جابك هنا 

حازم : قومى يا نور واعقلى 

نور : مش قادره .. مش قادره 

حازم شالها وهى ماسكه التليفون .. ونيمها على السرير جوا ..وبيمد ايده ياخد تليفونه وهى متبته فيه ..

حازم : سيبى التليفون نفسى اعرف عايزا منه ايه 

نور :  مش دا تليفونى 

حازم : ههههههه .. لا 

نور طيب ولفت بجسمها وبتفتح التليفون .. وهو طلع جمبها ورمى جسمه عليها وراسه بقت ناحيتها .. وبيناغشها بمناخيره : مش ها تبطلى جنان 

نور بابتسامه : لاء .. 

حازم مسك ايديها الا فيها التليفون .. وقرب من شافيفها وبيقول لها : عايزا ايه وانا اعمله .. 

نور بتوهان : هاااا 

حازم : لفه جسمه قدامها .. وشدها لحضنه وبايد واحده حاوط وسطها قربها منه أكتر .. والتهم شفايفها .. بعد عنها ماكملش ثانيه مش عايز يطاوع نفسه .. بس رجع لحضنها ولشفايفها من تااانى .. وايده بتضمها بشوق هى حاسه فى كل لمسه منه ..

نور بضعف ومقاومه تكاد تكون معدومه : حازم 

حازم بيبوس راقبتها وجمب ودنها وبيقول لها هششش .. اسكتى وسيبينى مش قادر ابعد عنك 

جرس الباب رن وخبط شديد فوقهم .. ونور اتنفضت من مكانها  وبتحاول تلم فى نفسها بتاخد نفسها وبتغرس ايديها بين خصلات شعرها ترجعها لورا .. وحازم نظره عليها وقلبه بيدق بعنف .. واخيرا قااام .. واول ما فتح لقى محى وبيضحك 

حازم : ايه الغتاته دى يالا ايه جابك دلوقتى 

محى بغمزه : انت وشك بتجرى فيه الدمويه كدا ليه كنت فى سبق 

حازم : عايز ايه يا محى 

محى رفع الطبق : شويه محشى إحيات عيالك ولاد المفاجيع كلو الاكل وانا نقنقت ومكسوف بقالى ساعتين اجى 

حازم شد الطبق ودخل 

محى بيضحك : اكيد جيت فى وقت غلط ههه والله باين على وشه عقبالى يارب مع الا تتشك فى لسانها اتحشم يا محى   .. حازم اداله الطبق ومحى خده ومشى وهو قعد برا على الكنبه مادخلش لنور تانى .. حس بالاحراج من نفسه  وانه اكيد دايقها .. 

نور فضلت قاعده على السرير .. ولما حازم ما 

دخلش لها نامت وعيطت وهى بتدارى دموعها .. وبتلوم نفسها انها استجابت معاه .. اكيد لسا بيحب زميلته وبيدور عليها عشان يرجع لها وانتى فارضه نفسك عليه .. والا طمنها ونامت ان تليفونه معاها .. هههههههه ستات بردو 😜😜😜 

******************

نوجا : يا سلوى .. يا ورد.. بتعملو ايه جوا يابت منك لها 

سلوى : جايه يا ماما .. 

ورد : حاضر أما نوجا بنمشط شعرنا وراح نجى 

نجيه :  حازم وحشنى هو ونور .. خصوصا حازم عايزا اطمنه علياا واقوله انى بقيت كويسه 

نوجا : لما يرجع بالسلامه طمنيه 

نجيه : أمتى بس طول المره دى 

نوجا : نور قالتلى بيعملو الجزء الاخير فى الكوبرى .. ها يطولو شويه بس ها ينزلو مش ها يرجعو تانى غير على تسليم الكوبرى 

سلوى خرجت هى وورد وبيضحكووو .. 

نوجا : مش سامعه منك لها .. حد يروح يفتح 

سلوى جريت على الباب : حاضر جايه وبتفتح اتفاجئت وجريت على جوا تانى 

💗💗💗💙💙💚💚

بقلم : لبنى طارق 

💗💗💙💙💚💚

 اكثرو فيها من ذكر الرسول 😍😍😍😍

شرسه ولكن ! 34 

*************

اللَّهُمَّ لَكَ أَسْلَمْتُ وَبِكَ آمَنْتُ، وَعَلَيْكَ تَوَكَّلْتُ وَإِلَيْكَ أَنَبْتُ وَبِكَ خَاصَمْتُ، اللَّهُمَّ إِنِّي أَعُوذُ بِعِزَّتِكَ لَا إِلَهَ إِلَّا أَنْتَ أَنْ تُضِلَّنيِ، أَنْتَ الْحَيُّ الَّذِي لَا يَمُوتُ وَالْجِنُّ وَالْإِنْسُ يَمُوتُونَ

 اللَّهُمَّ إِنِّي أَعُوذُ بِكَ مِنَ الْعَجْزِ وَالْكَسَلِ، وَالْجُبْنِ وَالْبُخْلِ، وَالْهَرَمِ وَعَذَابِ الْقَبْرِ، اللَّهُمَّ آتِ نَفْسِي تَقْوَاهَا وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا، اللَّهُمَّ إنِِّي أَعُوذُ بِكَ مِنْ عِلْمٍ لَا يَنْفَعُ، وَمِنْ قَلْبٍ لَا يَخْشَعُ، وَمِنْ نَفْسٍ لَا تَشْبَعُ، وَمِنْ دَعْوَةٍ لَا يُسْتَجَابُ لَهَا

💗💗💗💗💙💙💙💙💙💚💚💚💚💚

نوجا : مين يا سلوى 

سلوى جريت على جوا وما قالتش لحد اتفضل وسيف بص لاهله وضحك .. 

نوجا قااامت : اهلا اتفضلووو .. يا اهلا 

سيف قدم عليها وسلم وفى ايده بوكيه ورد كبير وشكله تحفه جدا .. ومامته معاها علبه شيكولاته .. وبابه علبه جاتوه كبيره .. وسامر فى ايده شنطه وداخلين ورا بعض ... وسلوى وورد واقفين على باب الاوضه وباصين عليهم واحد واحد وهما داخلين 

ورد بتكتم الضحكه وبتوطى براسها : عريس هاد والا سارى هندى بيمشى هيك وهيك وبتتمايل وبيده ايشيا وهدايا كتير 

سلوى كانت ها تضحك بصوت عالى وورد كتمت ضحكتها وحطت ايديها على بوئها  .. اكتمى هاى نوجا راح تشغل مركوبها على جلب امه يبجى رصاصه غدر ومركوب نوجا وبتكمل  والله خيتى ناجصهم فيل ويرفعك بالزلوم وبتكمل هاى الليله 

سلوى بتضحك وبتبص على الحاجه  : ايه كل دا .. طيب مش يقولى انه جاى .. هى دى المفاجأه إلا قالى عليها .. يا حبيبى يا سيف 

ورد شدت الايشرب الا على راس سلوى ورابطه فيونكه  : لا والاحلى من هيك إذا  نضرك يا جلبى وانتى جامطه راسك كيف هدية محى ههههههه 

سلوى بهمس : انا اتحرجت قوى يا ورد.. افتكرت نور رجعت وراحه بالمكى ماوس الا انا لابساااه بكل فخر واتفاجئ بيهم فى وشى 

نجيه قربت عليهم وزقتهم جوا : ايه موقفكم كدا .. مش تغيرى وتطلعى عشان عريسك وقربت مسكت راس سلوى وحضنتها وباستها من خدودها ..

سلوى بفرحه : مش عارفه البس ايه يا طنط انا متلخبطه 

نجيه : تعالى وانا اختارلك .. وورد وراهم 

ورد : خاله جيبلها بطوط راح يليج عليها ها المخبله سلوتى 

نجيه : هههههههه .. كفايه لعب اطفال فى حياتها دى ها تتخطب كمان شويه وتتجوز .. يعنى كبرت .. يعنى كل الهدوم دى تديها لعيله صغيره 

سلوى مدت شفايفها لقدام : انا بقلب عليهم مصر عشان اجيب شخصيات الكرتون الا بحبها وانتو تقولوى اديها لعيله صغيره 

ورد : هههههه بكرا تجرى ورا سيف ونشوفكم كيف الجط والفار وماراح تحتاجى لهلبس 

نجيه : خلصى ياله البسى الطقم دا بسرعه .. واطلعى قدمى حاجه ساقعه ..وسابتهم وخرجت .. 

نوجا قاعده : نورتونا 

كلهم : بنورك 

نوجا : عامل ايه يا سيف دلوقتى 

سيف : الحمد لله بتحسن وماشى حالى 

نوجا : خسيت قوووى يا حبيبى 

سيف : ها اعمل ايه يا نوجا .. نصيبى كدا والحمد لله انى قومت منها تانى 

ساميه بتاخد نفسها : الحمد لله كنا فين وبقينا فين 

خالد : بصى بقى يا ست نوجا .. احنا جاين نتقدم لسلوى انهارده  عشان ملوش لزوم نفضل مأجلين الموضوع اكتر من كدا .. اول ما سيف قدر يقف على رجله صمم اننا نيجى مش قادر يستنى 

نوجا : وخطيبته 

سامر : فسخت الخطوبه .. وبيهزر والراجل رجع لعقله قدامكم 

سيف زقه فى رجله .. نوجا اقفلى القديم عشان خاطرى انا جاى وبقولك سلوى اول واخر واحده بالنسبه ليا ان شاء الله .. ومفيش غيرها فى حياتى 

ساميه : ها يا ست نوجا 

نوجا بابتسامه : ها اقول ايه .. طيب اخد  رأى البنت 

ساميه : انتى عارفه رايها ناديها خلينا نقرى الفاتحه ونلبسها الدبل 

نوجا : بصى يا حبيبتى الاصول أصول .. انا بنتى لها أعمام وخلان ولازم يحضرو ويوافقووو .. وبما انهم بعيد عنى وخدت رايهم ووافقووو لما انتى كلمتنى وبلغتينى انك ها تزورينى فى اى وقت .. فا دا ما يمنعش ان ابووو نور معانا هنااا وهو راجلنا ولازم يبقى موجود 

سيف كشر : وها تأجلى عشان ابو نور 

نوجا : لا اهو احنا قاعدين مع بعض شويه اكون كلمته ويجى وتطلب سلوى منه وكلامك يبقى مع راجلنا

خالد : عداكى العيب واحنا عشان خاطر سلوى وسيف نستنى .. وفعلا اتصلت على حمدى واول ما عرف .. فرح ان نوجا لجئت له وبتكبر بيه وببنتها قدام الناس.. عدى وقت وحمدى جاى هو وابنه وظاهر على وشه الحزن .. مازن دخل جوا  بعد ما سلم عليهم وقعد واتكلم معاهم .. اتكلم بجديه .. 

سيف : نقرى الفاتحه بقى 

حمدى : مش قبل ما نعرف انت ها تجيب ايه لبنتنا واحنا ها نجيب لها ايه يابنى 

خالد : مش ها نختلف الا تقدرو تجيبوه هاتوه .. واحنا كمان مش ها نقصر ..

حمدى : بنتنا ها نجهزها احسن واغلى جهاز وانت كمان ها تجيب أحسن حاجه لها هى سلوى واحده الا عندنا .. كل الأجهزه من الابره للصاروخ علينا وطبعا حاجات العروسه المفروشات وخلافه بردو احسن واغلى حاجه .. الباقى كله عليك وباختيارها هى تفرش شقتها على ذوقها يعنى مفيش يوم تقول اصلى جبت أصل ماما جابت 

سيف : هز راسه .. طيب وبالنسبه للشقه انا خلصتها وسوبر لوكس .. فى اعتراض على حاجه 

حمدى : سلوى تروح تتفرج عليها فى حاجه معجبتهاش ها اغيرها و بما انك انت عملتها عنيه ليكم .. فى كلام تانى 

خالد : عداك العيب يا حج يا حمدى .. والا انت عايزه كله ها يتم .. 

ساميه : نادى العروسه بقى .. وسلوى طالعه بالحاجه الساقعه وبتترعش .. حطتها على الترابيزه ومسلمتش على حد .. وورد طلعت وراها .. وهى الا قدمت 

نوجا : قومى سلمى 

سلوى برعشه واحراج : لاء ما هما شافونى 

سيف موطى راسه ورافع عيونه بيبص لها من تحت لتحت  

نوجا : قومى .. 

سلوى قامت وبتسلم عليهم كلهم وعدت سيف وما سلمتش 

سيف ضحك : طب وانا مش محسوب 

نوجا : بعد الجواز ابقى سلم 

كلهم : 😂😂 

سيف : طيب ما اتفقناش الفرح أمتى 

حمدى : انت ها تكون جاهز على أمتى 

سيف : عفشى ها اجيبه كله جاهز  

ساميه : وان شاء الله الموضوع مش ها ياخد وقت 

سامر : يبقى تلات اربع شهور  وماما وسلوى وطنط ينزلو يختارو السجاد والساتير من هنااا عشان يفضيلو بقى يا جدعان 

نوجا : هههه لا تلاته اربعه ايه بنتى قدامها شويه لسا ها اجهزها  وقدامنا وقت .. 

حمدى : بعد اذنك يا نوجا .. خلاص اتفقنا على شهر 7 تمام 

سلوى باعتراض : لاء يا عمووو صيف لاء  

سيف نسى كل الا حواليه : ليه يا سلوى 

سلوى : يا سيف اصل الصيف خنقه وحر وحاجه كدا  ارف سورى 

سيف : يابنتى فى اختراع اسمه تكيف  .. وابتسم مش ها تحسى بحررر .. ها اعليه ونروق 

سلوى : لا ها ابرد منه 

سيف : ها ومكملش لقاهم كلهم بيبصلوه ويبصووو لسلوى .. انا بفهمها بس .. وابتسم وبص لتحت باحراج .. 

نوجا : خلاص على خيرة الله والا يشوفه الحج حمدى انا موافقه عليه 

حمدى رفع ايده : الفاتحه للنبى ربنا يجعلها فاتحه خير عليكم ..  ورفعو ايديهم كلهم وقرو الفاتحه .. والزغاريط ملت المكان ..

سيف ممكن وبيطلع الدبل 

حمدى : قربى يا سلوى جمب خطيبك 

سلوى قربت باحراج وقعدت جمبه .. ومدت ايديها .. وهو بفرحه وسعاده عكس الا كان فيها مع صافى بيلبسها دبلتها ..وخاتم رقيق على شكل قلب جواه قلب صغير بفص .. وطلع دبلته .. وبيديهلها .. ولبستهالو والابتسامه على وشها .. 

ورد : لولولولولولولوولوى 

سامر : ماما مين دى الا مع سلوى 

ساميه : ماعرفش بابنى تلاقيها قريبتها.. بس لهجتها غريبه اصلى قعدت معاها قبل كدا بس كانت ساكته 

سامر : طيب ما تشوفى كدا ويبقى الفرح فرحتين 

ساميه : ههههههه .. مش دلوقتى اصبر لما نخلص اخوك وبعدين نبقى نسأل سلوى عليها والا سيف اكيد عارف 

سامر : عيونها يا ماما جباره بنت اللذينه .. والا ضحكتها تهبل 

خالد : لم نفسك مش وقت بصبصتك 

سامر : والله نيتى سليمه يا حج 

خالد : انت ربنا يسلمنا منك ةمن نيتك 

ساميه رفعت ايديها : يارب 

سلوى دخلت اوضتها واتصلت على نور فرحتها بكل الا حصل وخصوصا  ابوها لما وقفت واتفق لها  وقفلت معاها قضو وقتهم وحمدى مشى واهل سيف وهو فضل مع عروسته ... بعد وقت نزل تحت وهى نزلت وقفت معااااه 

 💓💓💓

سيف : بهمس صوتك راح فين مش عايزا تتكلمى  طيب اغنيلك بس دى ها تكون اول مره اغنى فيها وهاتكون ليكى  احممم احممم

سكر محلى محطوط عليه كعبك محنى والعود عليه القيمه وتجينى تلاقينى لسا بخيرى مش ها تبقى لغيرى ايوه انا غيرى مفيش

سلوى : صوتك جميل 

سيف : الاجمل لو انتى شاركتينى وقولتيلى اغنيه تخصنى انا لوحدى 

سلوى ابتسمت : مش بحفظ اغانى بس فى اغنيه بحبها قوى بتاعت عم حزومبل ممكن تحكيلى حكاية البلبل 

سيف ضحك بصوت عالى جدا : ايوا يابنتى ممكن احكيلك قربى 

سلوى قربت بوشها : نعم 

سيف مسكها من وشها وضم شفايفه قوى : خراشى على المطيع يا ناس انتى ها تجننينى معاكى وقرب عليها بدرجه كبيره وحاوطها بايده انا لازم أمشى عشان نوجا ممكن تنزل تقتلنى 

سلوى باحراج وكسوف اتنهدت : ماشى خلاص 

نوجا : مالها القاعده فوق مش احسن من واقفه السلالم  

سلوى بارتباك ونزلت من تحت ايد سيف : ماما انا مليش دعوه والله هووو وجريت على فوووق 

سيف ابتسم ومسك مناخيره بحركه سريعه : طيب يا نوجا تأمرى باى حاجه 

نوجا : الامر لله يا حضرة الظابط 

سيف مد ايده سلم عليها ومشى على طول ونوجا طارت على السلم دخلت بتدور على سلوى وورد اول ما شافت نوجا نطت دخلت جوا الاوضه وبتخبط على وشها براحه 

ورد : خبى حالك راح تتجتلى اما نوجا الشر بيطج من عيونها يا مخبله 

سلوى بخوف : خبينى ياورد حطى عليا هدوم كمان ونوجا ورا ورد ماسكه الشبشب ضربت ورد وورد حطت ايديها مكان الضربه وبتدعكها 

ورد : ليش اما نوجا العجاب جماعى بتك هاااى جدامك  وبتشاور على سلوى جوا الدولاب وقربت على وش نوجا ربيها ماراح اجولك لاااه ربنا على المفترى 

نوجا مسكتها من ودنها : انا مفتريه ياأم لسانين انا 

ورد بنفى : لاه أما نوجا لاه انتى جويه ومفتريه وابتسمت حبوبه كتير كتير والله 

نوجا بجنون : لا يا قلبى لا يا ضناياااا انا قردوده انا يا بت الفك المفترس الا ها يربيكووو وضربت ورد وجابت سلوى نامت فوقيها وبتضربها وبتقرصها من خدودها  ... واقفه تتسامرى يابنت نوجا والبيه حاضنك ان ما توبتك من عرق الهبل الا انتى فيه ما ابقاش نوجا 

سلوى : اعااا والله ماحضنى دا كان حاضن الحيطه 

نوجا : يا مصيبتى حتى الحيطان ما عتقهاش احجبك واحجب الحيطان معاكى ها تفوقى لنفسك والا يقربلك تديله على سداخه والا لاء يابت 

ورد قاعده جمبها على الارض وبتشد سلوى : جولتلك اعطيه على سباخه من شان نرتاح ليش ما بتعطيه السباخ كتير والله 

نوجا رفعت ايديها لفوق : يعطيكى ربنا من عنده يا فارسانى وسابتهم وخرجت وهى بتبرطم 

ورد : تجيله يدك اما نوجا وبصت لسلوى استرى حالك انتى وهالسيف والله استويت بيكفى 

سلوى 😂😂😂😂 ماما على طول فاهمه غلط هو يعنى ايه سداخوووو دى ياورد

ورد بتفكير  : والله بعرف ما تفكرى هى راح تحل هاللغز وتعطى سيف سباخه وبنعرف ايش بتقصد بتعرفيها ما بتريح حالها راح تعطينا  كلنا حتى محى ياحلبى ما بيهمها 

سلوى وطت راسها وضحكت قوووى وورد كمان 

سلوى : يالهوووى يا ورد انا خلعت بأعجوبه الحمد لله 

***********

حازم مراقب نور من بعيد ولاحظ انها مسهمه  : مالك واقفه كدا ليه 

نور بابتسامه : سيف خطب سلوى ولبسها الدبل 

حازم : بجد والله سيف دا جدع ويستاهل كل خير .. سلوى بنوته جميله ورقيقه ومحترمه 

نور هزت راسها ودخلت من البلكونه وهى ساكته .. وحازم دخل وراها ..

حازم : نور انتى لسا زعلانه منى .. من الوقت الا قربت منك فيه وانتى بعيده عنى 

نور : عادى يا حازم .. كبر دماغك .. قولى لقيت البنت الا بتحبها والا لسا 

حازم ضم حواجبه : بنت .. مين دى 

نور شاورت بصباعها : زميلة الكليه ايه لحقت تنسا 

حازم افتكر : اه .. منا قولتلك قلبت عليها الدنيااا واظاهر مفيش أمل 

نور بدون مقدمات : حازم انا عايزا أطلق الوضع دا مش عاجبنى .. 

حازم : ولا عاجبنى انا كمان .. بس انتى شايفه انها حاجه كويسه بعد شهر ونص نطلق .. وكمان فى وقت ما هما بيفرحوو  بسلوى و ورد يبقى حرام عليكى .. انا عارف انى قربت منك اكتر من مره بس دا غصب عنى يا نور .. مش بمزاجى .. اتنين فى شقه واحده قريبين من بعض جدا .. لازم واكيد ها يحصل اى حاجه بينهم .. 

نور خدت نفس : المشكله مش فى الا بيحصل وطلعت علبه السجاير وحازم مسكها 

حازم : ارجوكى بلاااش 

نور : ليه بلاااش اذا كان السجاره هى الوحيده الا فاهمانى وبتاخد وتدى معايا .. 

حازم : انا قدامك وبحاول أفهمك بس انتى غريبه مزاجك دايما متقلب .. مش عارفه انتى عايزا ايه 

نور شدت العلبه وطلعت السجاره ولعتها .. خدت اول نفس : وانت عارف انت عايز ايه 

حازم قعد على الكرسى ونور على الكنبه ورفعت رجليها عليها .. 

حازم : انا عايز اعيش كويس وابقى مميز فى شغلى .. نفسى أمى ترجعلى من تانى .. ابتسم تعرفى انى بغير منك بسبب حبها ليكى 

نور ابتسمت : جاحد اصلى 

حازم بيلف ايده : شويه .. انتى خطفتيها منى .. حتى بطلت تسئل عليا ولازم تكلمك وبعدين تكلمنى 

نور بتطلع نفس من سجارتها وبترفع راسها لفوق وحازم باصص عليها 

حازم : انا بتخنق منك لما بتعملى كدا بحسك محى 

نور : هههههههه عادى يا بشمهندس .. عادى 

حازم : ايه عادى الا انتى مسكاها انهارده .. احكيلى عن طفولتك يا نور 

نور : ليه ها تقلب لدكتور نفسى وتعالجتى من هرمون الذكوره الا باين على شكلى ولبسى 

حازم : ها احاول .. وقام خد السجاره طفاها وريح كتفها بايده بحيث تنام وبيفرد رجليها خالص .. جاب كرسى عادى وطفى النور وساب نور البلكونه بحيث يعمل نور هادى وبسيط ..

نور ضحكت بصوت عالى وحازم معاها 

نور : لا دكتور اصلى 

حازم حط رجل على رجل : ياله قولى الا فى قلبك 

نور : موافقه بس بشرط 

حازم بجديه : ايه هووو 

نور : انا ها احكى واقول الا فى قلبى وانت بعدى وتنام مكانى 

حازم : اما اشوف انتى ها تحكى بجد والا بتشتغلينى 

نور عدلت جسمها وبصت للسقف : لا بجد .. ياله بسم الله .. وبتاخد نفس .. بصى يا دكتور 

حازم : ايوا يا بنتى صدعى الدكتور 

نور : تقريبااا كدا وانا عندى 6 سنين وواعيه لكل حاجه بس مش فاهمه ايه بيحصل .. امى كانت عامله زى سلوى بنتى خالتى .. نسخه منها طيبه بدرجه الهبل .. طول الوقت خايفه ومرعوبه ان جوزها الا بتحبه بجنون يتجوز عليها نفسيتها ادمرت خصوصا ان اهل ابويااا .. جدى وجدتى كانو بيعاملوها وحش .. امى يا حازم تقريبا كدا كانت بتحمل كل ما تقوم بالسلامه من الحمل الا قلبه .. جسمها ضعف جدا جدا جدا شايفنى كدا هى كانت ارفع منى بكتير .. والانمياا  دايما فى الطالع النسبه بتزيد والارهاق الشديد بيبان عليها من أقل مجهود .. اتجوزت ابوياا وهو فى اول طريقه ماكنش وصل لوضعه دا .. وقفت جمبه لحد عمرها ما بخلتش بيه ضحت بنفسها وسابتنى عشان ترضيه .. بس هو عمره ما رضى .. بصت له .. عارف ليه 

حازم : ليه 

نور : عشان ست هبله .. إلا تتنازل عشان راجل هبله .. مش بس كدا .. انت طول الوقت بتتريق علياا بس مسألتش نفسك مين السبب انى اكون كدا 

حازم : سألت وفهمت باينه وواضحه 

نور هزت راسها : لا .. محدش فاهم .. كان ممكن ارجع لطبيعتى بعد وفاه امى الا صممت اكون ضهر ابويا وسنده بعد ما فقدت الامل انها تجيبله الواد .. بس انا إلا اختارت انى أكمل بعد ما شوفت فى عيونها كل الندم والتمنى انى اكون ولد اكتر من ابويااا وتقريبا كدا كانت طول الوقت بتسأل نفسها يعنى الوحيد الا عاش من ولادى تبقى بنت دايما بشوف الكلام دا فى عيونها وافعالها .. فى يوم حضنتى وعيطت من قلبها وقالت كلام وجع قلبى وعلم جوايااا  .. ياريتك ولد ماكنتش اتعذبت كدا .. عيطت على عياطها وقولتها انتى زعلانه عشان انا بنت .. مسكتنى من وشى وقالتلى ها تفضلى طول حياتك تتعذبى لو فضلتى بنت كان شعرى طول لحد هنااا وشاورت على رقباتها والدموع لمعت فى عيونها .. جابت المقص وقصته كله وقالتلى مش لازم تبقى بنت ابدا عايزاكى قويه محدش يعرف يكسرك 

حازم بمرار : ليه القسوه دى 

نور كانت باصه للسقف لفت بوشها له مره واحده : مش قسوه .. خوف امى عاشت خايفه وماتت خايفه .. كرهت ضعفها .. كرهت انها مابتقدرش تاخد حقها .. بقيت انا اقص شعرى بايدى لو طول سنتى واحد ووقفت لابويااا وعرفته انى ارجل من اى راجل ممكن يجيبه .. بس كنت غلطانه عشان هو عايز اسمه الا يفضل مش عايز السند عايز الا يورثه من بعده ثروه وأسم 

حازم : ليه ظلمتى نفسك كدا 

نور : مش بايدى .. ساعات الظروف بتبقى اقوى منك بتقسمك نصين .. نص مع حلمك الضايع الا بقى شبه السراب  ونص مع الحقيقه تفضل مشتت بينهم مش عارف تختار .. ويوم ما تقرر تختار تجبرك على ظرف اقوى يخليك تخضع له وتسلم 

حازم : وانا كنت الظرف الاقوى 

نور دموعها هزمتها ونزلت : انت الظرف الصعب .. والاقوى ابويااا .. كان بيتفنن ازاى يحطمنى من يوم ما دخل احلام بيته  وهو فاكر انه كدا بيخدمنى وبيحبنى .. تخيل مين الا اتفق وقرى فاتحه سلوى .. عيطت أكتر : ابويااا .. اتفق على احسن جهاز وازاى سلوى تكون مرفوع راسها .. عرفت ان الظروف دايما بتتحداك انها تكسرك مهما كانت قوتك وعزيمتك طول الوقت بتغظيك وتفقع مرارتك 

حازم مسح دموعها بايده وقرب على خدودها باسها بوسه طويله اتعدل وبيمشى ايده على وشها : انا جمبك ومفيش ظروف هاتكسرك طول ما انا فى ضهرك ..

نور اتعدلت وبتوه على الموضوع : دورك اتفضل على  كنبة الاعتراف اللذيذه دى 

حازم اتقبل وقام خد مكانها : ها عايزا تعرفى ايه 

نور : الباشا اتربى ازاى 

حازم : هههههه كنت عيل عفريت وماحدش بيستحملنى غير أمى غتت 

نور : هههههه باين عليك 

حازم : ابويا مات وانا صغير بس كان منفصل عن أمى .. رفضتت الجواز وطول الوقت شايفها قويه وواعيه .. عمى الا جهز شقتنااا .. بيحبنى قوى فوق ما تتخيلى هو الوحيد الا طول الوقت كان بيسئل عليااا يشوفنى محتاج حاجه الصراحه عوضنى عن عدم وجود ابويا 

نور : اطلقو ليه 

حازم لف براسه لها : ها تصدقينى لو قولتلك انى ما اعرفش لحد انهارده  ايه سبب طلاقهم 

نور : معقول 

حازم : ما يغركيش حب نجيه دا .. قويه جدا وكتومه بدرجه تنسيكى الموضوع من اساسه.. وطول الوقت ما بسمعش غير احلى كلام على ابويا ..خلتنى كل لحظه اتمنى انى اعيش معاه 

نور : وعمك ماقالش ليك اى حاجه 

حازم : عمى لما سألته قالى ان اوبويا كان بيحب أمى جدا . بس ماحدش يعرف عنهم اى حاجه  والسبب بردو ماحدش يعرفه .. بس اظن انى اتربيت بحب وفى بيئه صحيه ربنتى على الاصول والعيب والغلط نزعت الكره او الخلاف الا بينها وبين ابويا وربتنى على حبه قبل حبها هى 

نور : ايه اكتر حاجه دايقتك فى حياتك 

حازم : هههههههه وبيشاور عليها انتى .. ومسك ايديها .. بهزر انتى فى المرتبه التانيه .. المرتبه الاولى صاحب عمرى رامز ..يوم ما اتخلى عنى لما اتحبست فاكره 

نور : فاكره 

حازم خد نفس : اتخيلت اى حاجه فى الدنيااا غير ان رامز يتخلى عنى سابنى فى محنتى وابتسم والغريب انه هاجمنى لما صوارنا انا وانتى نزلت على الفيس .. كتب عنى .. لما تفتكر انك عاشرت انسان محترم .. ويطلع حرامى ومن غير شرف ولا ضمير .. تخيلى صاحب عمرك يتقلب ضدك ويبقى بالسوء دا .. معقول بعد السنين دى يبقى سوء اختيار 

نور : لاء النفوس بتتغير عادى .. والشده بتين المعادن .. ليه زعلان عليه 

حازم : مازعلتش فى حياتى على اى حاجه اكتر ما زعلت من ندالته .. عايشين مع بعض واكلين شاربين اى حاجه بيحتاجها كنت ببقى سداد وفى ضهره .. هو بقى مع اول محنه ليا واختبار حقيقى له وقع 

نور : أقرب منك فى شده واعملك صاحبى ولا أقرب منك فى فرح وارجع واقول مع اول كرب طاح بى  اختيارك لصاحبك هو الا فى ديقتك قبل الفرح تلاقيه ضهره بضهرك 

حازم : ههههههههه ايه ياعم دا منين المثل الجبار دا 

نور بغرور مزيف : لسا حالا مألفاه 

حازم : ما تألفيش  تانى 

نور : بجد مش نافع 

حازم : خالص يا ماما .. دمرتى الامثال 

نور : وانا ايه فى حياتك 

حازم بص لها بنص عين  : فى الاول ماكنتش طايقك .. بس بعد كدا اتعودت عليكى وحبيت بسطتك رفع صباعه بتنبيه دا مايمنعش انى نفسى اغير فيكى كتير .. ماقولتليش انتى عايزا تغيرى فيا ايه 

نور ؛ حكمك على الناس السريع .. الا هو اسرع من البرق خد نفسك وبعدين احكم مش كل حاجه المظاهر الحياه من برا غير جوا 

حازم : صح معاكى حق .. وايه تانى .

نور : انت بارد يا حازم .. راجل كدا غتت 

حازم تنح وبيديق عينه : ايه يانور 

نور : اكدب .. انت عايزنى اكدب واقول انك لذيذ وكول وتتحب ويا خلاثى ومسكت خدوده جميل يا ناس  تخنت صوتها لا طبعااا .. 

حازم : طيب قومى كفايه عليكى كدا 

نور : ههههههههه انت الا نايم يا وحش 

حازم اتعدل وبيهشها بايده : اتكلى وقلع التيشرت وبينام تانى على الكنبه دكتوره فاشله

نور بغمزه : هههههه لا انت الا خربتها بفهمك للطب النفسى ورفعت ايد وبتعمل باى .. تصبح على خير يا زومى 

حازم : زومك .. انتى خليتى فيها زومك .. روحى الله يسهلك ونور ضحكتها واصله لحد عنده وهى فى اوضتها  فردت جسمها على السرير ولسا ها تروح فى النوم .. سمعت حازم بيتكلم مع حد قامت تتسحب وبتبص عليه لقته واقف مع محى .. دخلت تانى مكانها .. 

حازم : فى ايه يا ابو دماغ مصفحها ماتعبتش من الزن الا طول النهار فى دماغنا وعايز تنام 

محى : حازم انت قاعد هنا ليه انا اتخنقت من الاتنين الا معايااا .. يابنى ها تفضل موقفنى كدا 

حازم : ادخل على البلكونه وما تعملش صوت عشان نور نايمه 

محى دخل على البلكونه على طول وحازم دخله ومعاه كرسى فى ايده غير الاجوه وقعدو قدام بعض .. 

محى : انا مخنوق ياحازم 

حازم : مالك يالا مخنوق من ايه يا عريس 

محى : ماهو دا الا خناقنى .. ابويا وامى واختى قلبهم ما رقش عليا خالص بالعكس دا مش طايقنى 

حازم : لما ننزل من هنا روح لهم 

محى : روحت قبل ما اجى ومفيش حد فيهم قابلنى .. والا مدايقنى اكتر احساسى انى بستغل ورد ومش ها اقدر اعمل الا كنت ها اعمله مع اى واحده تانيه 

حازم : قولتلك اعرض على نور انها تاخد مقاولة شقتك وتوفرلك الخامات بسعر بسيط وخامه نضيفه مش ها تتاخر عنك 

محى مسك ايده الاتنين وبيتكا عليهم وملامح وشه بان عليها الديق : لا يا حازم انا فكرت فى الموضوع دا ويبقى عيب عليا لو فكرت استغل نور هى كمان .. انا ها اعمل الشقه بايدى وبراحتى وها اوفر اجرة الصنايعيه .. 

حازم : يابنى مش ها تطلعها زى الصنايعى الا دا شغلته .. انا معاك زى ما اتفقنا بس مش ها نعرف نعملها زيهم بردو .. فى مثل بيقولك اديى العيش لخبازه وانت مش خبازه يا محى 

محى : ها اعمل الا اقدر عليه انت ناسى ان لسا فى اجهزه وعفش وبلاوى سودا .. انا ما اقدرش اطلبها من ورد لا عادتهم بتسمح ان البنت تجيب حاجه ولا حتى ظروفها .. وابتسم بوجع .. كان نفسى يبقى معايا اكتر من كدا بكتير عشان اجيب كل حاجه ماخليش فى نفسها حاجه .. بس اظاهر ان أمى وابويا قررو يعلمونى الادب بمساعدتهم ليااا والفلوس الا كانو ها يدوهلى عشان اجهز نفسى 

حازم : انا لو منك اتجوز على حصيره وكنبه ولا أمد ايدى اخد فلوس من اهلى .😍. صحيح هما الاب والام بس بردو لازم اتعب واعرف قيمة الا ها اتجوزها  وما اديش فرصه لحد فى يوم من الايام يقولى انا ساعدتك والا دا من فلوسى .. ها اقولك على حاجه ..  انا من وانا صغير كنت شغال عند عمى فى المعرض بشيل واحط زيى زى الصنايعيه امى كانت مؤمنه انى مش ها ابقى راجل ولا اعرف قيمة القرش غير لما اشتغل واصرف على نفسى كل اجازه ليا لازم ابقى فى الورشه .. وعمى كان دايما يدينى اجرتى ويقولى دى نص الاجره عشان يوم ما تفكر تتجوز انا الا ها افرش شقتك كلها ودا وعد منى .. وفعلا صدق  .. فى يوم كنت قاعد بتغدى عشان انزل الورشه تانى وامى كان قدامها فلوس كتير بتعدهم .. قولتلها وانا بشتغل ليه لما انتى معاكى فلوس كتير .. قالتلى عشان الا يقبل ان اهله يصرفو عليه وعنده صحه وعافيه وقادر يجيب القرش يبقى مش راجل وما يسواش فى عين الكل .. المفروض انت الا تشيل همى مش انا الا اشيل همك .. انا ربيتك وكبرت وقادر تروح مدرستك وترجع لوحدك يعنى مش محتاجلى امسك ايدك واوديك واجيبك يبقى تشيل هم نفسك عشان الهم دا لو تقيل عليك انهارده بكرا ها يخف ويبقى خوف الريشه وتتعلم ما تمدش ايدك لحد عشان انت مكفى نفسك .. 

محى : ههههههههه انا ابويا وامى العكس .. طول الوقت احنا كبرناك وصرفنا عليك وعلى تعليمك لحد ما بقيت مهندس .. احنا حرمنا نفسنا عشان خاطرك وانت بتعمل وبتسوى .. هى دى جزاءنا عندك 

حازم : ما اختلافناش كتير يا محى .. ودا حقهم وحق امى انا كمان لان التربيه مش فلوس بس .. لا دا حرق دم وأعصاب وقلق لما ربنا يكرمنا بحتت عيل ها نفهم ونعرف .. اهلك لهم الحق عليك طول حياتك وواجب طاعتك ليهم بس مش على حساب سعادتك وحياتك .. يعنى تفضل تودهم وتتمنى لهم الرضا .. ادام ما بتعصيش ربنااا .. 

محى : ايوا .. ايوا بس ازاى اقنعهم بورد محسسنى انى جايب لهم واحده من العصر الحجرى  .. وبتنط فى الغابه زى القرود وناكشه شعرها زى عبير مرات كاونه 

حازم : 😂😂😂😂 ... يابنى مع الوقت ها يتقبلوها وخصوصا لما ربنا يكرمك بعيل منها 

محى : يارب 

حازم : قررت ايه نقول لنور وتبطل هى ها تاخد حق شغلها 

محى : لا ها تفهم غلط 

نور : لا يا سيدى مش ها افهم غلط 

محى وحازم : 😶😶

نور : ههههههه الفضول قتلنى وشدنى للتسنط خصوصا لما سمعتك بتتكلم على ورد .. بطمن على اختى يا جدع 

محى : اعتبرى نفسك ماسمعتش حاجه 

نور : معاك كام يا محى 

محى : هااا 

نور : انجز معاك كام ومش ها اسمى عليك ها اخد حق الرجاله والخامه ها اجيبهالك بنص تمنها الا فى السوق وانا ها اخرج منها ومش ها اعتبرها مقاوله ..  

محى : بنص تمنها ازاى يعنى 

نور : دا شغلى يابنى .. انت بتستقل بينااا .. ولو عايزا اخد خامة شغلك كلها ببلاش ها اخدها انت عارف انا بتعامل مع الناس دى بفلوس اد ايه .. شكلك غلبان يا محى .. انا بس مش ها اخلى تاجر يستغفلك ولا مقاول .. ولا عمال يعنى ما عملتش حاجه 

محى : لا كدا يبقى انتى بتعملى كتير قوى .. 

نور بصرامه : معاك كام انجز 

محى : حاليا 50 الف وداخل جمعيه مع واحده جاراتنا واخر الشهر دا ها اقبض 50 زيهم 

نور : شقتك نظامها ايه 

محى : تلت اوض وصاله كبيره وحمام ومطبخ كبار بردو وعلى المحاره 

نور : امممممم .. ماشى يا محى .. مبدئيا ها اخد ال50 الف ولو احتاجت فلوس تانى ها اقولك 

محى : لايمكن يكفووو انتى عارفه يعنى ايه تشطيب شقه وكمان انا مش عايزها اى كلام 

نور : عارفه يامحى عارفه .  تجهز الفلوس ومفتاح الشقه وها اخدك فى يوم وننزل مع بعص تشوف ايه الا انت عايزه 

محى بفرحه : الف شكر يا نور .. شكرا يا حازم 

حازم هز راسه وساكت ومحى انسحب ومشى ونور قعدت قدامه .. 

نور : مالك كدا واكل سد الحنك 

حازم : كلامى مش ها يعجبك فا ملوش لازمه بعد اذنك وقام وسابها ودخل نام على الكنبه .. 

نور شدت المخده من على راسه : انا بكلمك عملت ايه عشان تعمل كدا 

حازم بص لها بشر وشد المخده واتكلم بأسلوب اول مره يتكلم بيه : أخفى من قدامى 

💗💗💙💙💚💚

بقلم : لبنى طارق 

💗💗💙💙💚💚

يارب تعجبكم والاقى على الحلقات الباقيه الصغنتته تفاعل كبير ورايكم عليهم 

صلو على النبى الأمين محمد رسول العالمين

شرسه ولكن ! 35 

**************

اللَّهُمَّ أنَْتَ رَبيِّ لَا إلِهََ إلَِّا أنَتَ، خَلَقْتنَيِ وَأنََا عَبدُْكَ، وَأنََا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ بِذَنْبِي فَاغْفِرْ لِي فَإِنَّهُ لَا يَغْفِرُ الذُّنُوبَ إِلَّا أَنْتَ

💗💗💗💗💙💙💙💙💚💚💚💚💚💚

نور قربت على حازم وشدته : فى ايه وليه زعلت كدا عملتلك ايه مش فاهمه وبتبص على نفسها مش شايفه حاجه خارجه لبسها تمام 

حازم اتعدل : انتى للدرجه دى مش حاسه انتى عملتى ايه 

نور تنحت وبتحاول تفتكر : وربنا ما عملت حاجه ولا فاكره انى عملت حاجه تدايقك وبعصبيه .. ثم كمان فى حاجه زعلتك منى ماتعملش زى العيال الصغيره وتتقمص منى .. قولى على طول يا نور كذا كذا 

حازم : نور لازم تفهمى ان فى فرق ان انتى بنت وحره .. وان انتى متجوزه ومعاكى راجل وشاور بايده يسكتها .. حتى لو جوازنا مجرد وقت .. عيب لما ابقى انا وواحد صاحبى جوا والمفروض انك نايمه .. الاقيكى واقفه تتسنطى علينا دا عيب وعيب قوى لأى حد وكمان تدخلى وتتكلمى وتتفقى ومش معتبرانى موجود اصلا 

نور خدت نفس : اولا انا ما بتسنطش على حد ..قمت ذوقيا يا استاذ حازم عشان اسألكو تشربو ايه ولما لقيت الكلام على ورد فضولى خلانى اقف اسمع الحوار بينكم من باب انى بطمن قلبى من ناحيه محى مش اكتر لانه ها يتكلم معاك من غير مايتحرج من حاجه .. اما الاتفاقات فا دا شغل .. بالنسبه ليااا شغل وحط تحت كلمه شغل 100 خط انا مع اى حد كدا  وصلت يعنى انت برا شغلى ودى حاجه ما تدايقش 

حازم هز راسه بفقدان أمل : اه وصلت يا سعة الباشا .. تصبحى على خير ويارب تفرقى فى الذوقيات وايه يصح وايه ما يصحش .. وبينام .. نور قامت من قدامه وبتتريق عليه  ودخلت الاوضه ورزعت الباب .. وطول ما هى على السرير .. ها يعلمنى الادب من اول وجديد ماكنوش تلت شهور عومى وبتلوم نفسها .. ماهو انتى كمان عمرك ما كنتى حشاريه كدا مش ليه انا مركزه معاااه وطول الوقت عندى فضول بيكلم مين وبيعمل ايه اووووف وحطت راسها على المخده ونامت 

************* 

صافى : خطبها يا ماما خطبها 

منيره : فى داهيه هو وهى كبرى دماغك هو لا أول ولا اخر الا يجيلك 

صافى : يعنى انضرب واتهان والموضوع يعدى كدا عادى انتى شايفه ان كدا صح 

منيره : انتى هبله يابت انتى انا مش كلمت المستشفى والدكتور الا عمل له العمليه قبل ما تروحى وقالنا لو عاش لايمكن يرجع بصحته زى الاول ها تاخديه تدفنى شبابك معاااه ها تستحملى يبقى جمبك وطول الوقت تعبان 

صافى : متاغظه قوى يا ماما من الست البيئه وبلدى قووووى هى وبنتها ثم كمان انا بحب سيف وانتى عارفه 

منيره : وهو ما بيحبكيش وكدا كدا كنا ها نفسخ الخطوبه لما عرفنا حالته الصحيه يبقى خلاص انسى وقربت عليهاوبتلعب فى شعرها وعيشى حياتك ياقلبى عيشى العمر ما بيتكررش مرتين وضحكت يعنى فسح وخروج ومحدش يخنقك سيف دا كان ها يخنقك ياله باب واتقفل 

سلوى : خلاص ياماما بس دا ما يمنعش انى عايزا اضربها هى وأمها 

منيره : انتى قولتى انهم بيئه اوعى تنزلى لمستواهم ابدا فاهمه 

سلوى : فاهمه فاهمه وبفرحه ايه دا كريم بيتصل بيااا كدا ها نخرج وقامت جرى بترد على التليفون ومامتها ابتسامتها من هنا لهنا 

***********

مر اسبوع اخر ونور سافرت القاهره . عشان تبارك لسلوى وتبقى جمبها وتشتغل فى شقة محى وتتطمن على ابوها  ومحى وحازم مكملين شغل لان المشروع فى اخره ووقت صعب ينزلو فيه اجازات ..

........................... 

نوجا بعد الغدا .. تعالى يا نور انتى والبنات عشان تشوفو كنت بشيل لكم ايه من وانتو صغيرين  وانا حامل فى سلوى ..

نور : انا عمرى ما شفت عندك حاجه يا خالتى 

نوجا : عشان شيلاهم تحت السرير ماليه السرير كله وفوق الدولاب وجه وقتهم .. مش نجيه كانت صبرت عشان تتفرج معانا مش عارفه انا بلد ايه الا سافرت لها 

سلوى بفرحه : جايبه ايه يا ماما 

نوجا : كل حاجه من اول قمصان النوم لحد المعلاق 

ورد : أما نوجا هاى والله اد حالها وبتفكر لجدام كتيررر كتير  

نور بتهز ايديها : ربنا يستر .. ياله يا خالتى ابهرينى خشى عليااا 

نوجا  بتشاور بايديها بفرحه : تعالو تعالو ..  ودخلو وراها ورفعو مولل السرير ولاول مره يشوفو كراتين كراتين كراتين وشنطه سفر كبيره جدا .. البنات طلعوهم وحطوهم فى الارض برا وبيفتحو الشنطه

نوجا بتفرد ايديها : ايدك انتى وهى ..  انا الا ها اطلع من زمان مستنيه  اللحظه دى .. اهئ اهئ اهئ .. كبرتو وبقيتو عرايس وخلاص ها تلبسو الهدوم وبتقول بحماس الا مكنتوش تحلمو انكو تلبسوها فى يوم من الايام .. ورفعت الجزء الا فوق بتاع الشنطه ونور وسلوى بصو للهدوم وتنحو وورد مبتسمه .. 

نور قاعده على روكابها وقعت على الهدوم كأن أغمى عليها وبتقول ... يالهوى هدوم من ايام فحت البحر 

نوجا ضربتها وقومتها : قومى يا زفته .. فحت بحر لما يلهفك  ..انا ذوقى كله كان ذوق ممثلين وكنت بجيب من اغلى المحلات انزه نفسى أومال  وبتقلب فى الشنطه بصى يا بت يا نور. والله اول ما عرفت ان امك حامل فيكى شيلت القميص بتاعى بتاع الصباحيه وقولت محدش يلبسه غيرك 

نور ديقت عنيها : ها تنصبى يا نوجا .. صباحية ايه دا انا اكبر من سلوى بسنه واحده 

نوجا : ههههههه منا اتجوزت من هنا وامك كانت حامل فيكى وعلى وش ولاده .. وانا حملت فى سلوى بنتى حبيبتى .. بصى بصى وبتفرد القميص  لونه ازرق وله روب ازق كله ريش ورريشه كبير .. 

نور بتعيط عياط مصطنع وسلوى بتضحك بصوت عالى وورد فرحانه بالريش وعماله تحسس عليه

ورد : هاى فروج أما نوجا والا شووو هاد والله راح نطير 

نور : ريش يا نوجا .. انا ها البس ريش وكمان ملبوس قبل كدا وفردت ايديها .. يالهوى اسود .. يالهوى اسود بتعملو فينا كدا 

نوجا : والله خساره فيكى .. خديه انتى يا سلوى 

سلوى : لا يا ماما و وربنا ما يحصل ابدا وبتزق ايد أمها 

نوجا : اسفوخس عليكو عيال ما اتربتوش.. وبصت لورد وابتسمت .. هو مقاسك ولايق على وردتى وبتبوسها بوسه على الهوا  امووووه 

ورد بضحكه وفرحه : امووووه اما نوجا ..  ايه والله بيجنن أما نوجا إعطينى اياااه حبيته كتيررر

نور : عينى عليك يا محى وعلى جرالك .. كان مستخبيلك ابو الريش وطلع من القفص 

سلوى : 😂😂😂 .. حرام عليكى يا ماما ..

نوجا : اخرسى انتى .. خدى يابت سيبك من العيال دى عيال مش وش دلع ... ورفعت شورت جيشى بايديها جينز وضحكت .. دا بقى ياما جنن شباب الحته وبتلف بايديها يالهوى يالهوى البسه من هنا وطابور عرسان قدام البيت كنا بنهشهم مش بنمشيهم ايام ياله دوام الحال من المحال 

نور : اه يا منحرفه كنت بتلبسى بوكسر جدى لما كان فى الجيش  وبتخرجى بيه يا نوجا 

سلوى وورد : 😂😂😂😂😂

نوجا : بوكسر ايه يا بت .. دا شورت كان غالى وبنت مين تلبسه انما ايه اخر ألاجه 

نور : هههههههه نوجا انتى لما هدومك وعاينها وبتقولى بجهزكوووو .. كفايه يا نوحا ارحمينا اتنفخنا  .. ثم كمان هدوم ايه الا بتجهزوها وعيالكو صغيره دا كل يوم فى جديد 

ورد نتشت الشورت : عجبنى كتير اما نوجا راح وجف عرسان لمحى حبيب الجلب من شان يشعوط هيك 

نوحا باستها : حبيبتى .. انتى يا بت ها تشعوطى الواد محى وتجننيه سيبك من الهبل دول 

نوجا بابتسامه شدت بنطلون جينز ورفعته : اوعو تقولو عارفين دا ايه 

نور : الفيل فى المنديل 😂😂 

نوجا : قربتى توصلى .. دا بقى بنطلون رجل الفيل .. خدى يا سلوى دا سيف ها يتبسط والله لو شافك بيه 

سلوى : ماما لمى شنطه الحيوانات والطيور دى وخوشى على الا بعده 

نوجا : اسفوخش  وابتسمت وبصت لنور 

نور : وربنا ما انتى ما مكمله انا ممكن انام فى رجل واحده وانيم حازم جمبى 

نوجا بصوت عالى: اتنين اسفوخس  خدى يا ورد وربنا ماهو راجع 

 بصى خدى الشنطه مش خساره فيكى وزقت الشنطه عند ورد   ... تعالو .  شوفوالطباق والحلل 

سلوى : لا يا ماما كدا كفايه احنا خدنا فكره قبل كدا عن العينات 

نوجا : والله ابدا لازم تفرحووو .. دا حاجات من الا هى بصو .. بصو وبتفتح كرتونه فيها حلل المونيوم .. شايفين الجمال .. شايفين التقل 

نور إحولت بعيونها : احنا شايفين المرار .. اه يارب ارحمنا يارب .. يا خالتى ايش حال خدتك واحنا بنجهز ورد .. ماشوفتيش الجرانيت والتيفال والاركوبال ..  والاستلس  وغيرهم الا شكلهم يهبل 

نوجا : كل دا جمب دول وبتشاور على الحلل خيش وقش دول الاصل يابت .. طيب بصى المعلاق والشوك والسكاكين كلها السنبله اغلى نوع .. عارفين المصفه دى وشدتها من الكارتونه ونور وسلوى متنحين .. بتاعت أمى .. جدتكم ياااااه كانت مصفه ولا كل المصافى 

نور قربت على ودن سلوى وبهمس : أمك هربانه من المتحف المصرى واتحداكى لو ما لاقينا فى الكارتونه الا مقفوله جمبها دى أمنحتوب التانى وجمبه اخوه راااع الا هو جدى

سلوى بصت لها وعامل المفأجاه على وشها 

نور بتهز راسها بتاكيد  : صدقينى .. اصبرى التقيل جاى 

نوجا : بصووو بقى التحف والانتيكات بتاعت زمان وحلاوة زمان .. وقول للزمان ارجع يا زمااان 

نور ضحكت بصوت عالى وبصت لسلوى : مش بقولك هربانه من المتحف 

ورد : 😂😂😂 أما نوجا .. ايش فى هالكرتون هاى يا الاوراكى 

نوجا : ههههههههه دى بقى سنين عمرى الا فاتت تتلخص فى الكارتونه دى وشدتها قدامها 

نور : ايه يا خالتى فيها هدوم ابو سلوى 

نوجا هزت راسها يمين وشمال : لا دى فيها ابو سلوى نفسه .. والتلات بنات بصووو لبعض وتنحوو  اكتر 

نور : انتى دفناه فى الكارتونه يا جباره بركاتك يا قويه  .. طيب مش مهم اى حاجه .. ازاى ابو سلوى كان محزوك كدا فى  نفسه افتحى يا خالتى عايزا اشوف دخل جوا ازاى افتحى 

نوجا : جاتك الهبل اكتر ما انتى هبله يا بنت اختى ... كارتونه ايه الا ابو سلوى فيها  .. وابتسمت .. دا فستان فرحى غسلاه ومطبقاااه  وحطاه فى كيسه 

سلوى تنحت  : كيسه 

نوجا : اه كيسه بلاستك .. ايامى وحياتى كلها مع ابوكى تتلخص فى الفستان دا وبتشاور عليه .. وقولت لازم اشيله لبنتى حبيبتى  

سلوى بتشاور بايديها : لا يا ماما لاء .. الفستان على سيف هو ملزوم يجيبه .  بعد اذنك بقى اصلى اتخنقت من الاوضه دى تحسى فعلا يا نور انها صابتها لعنة الفراعنه  

نوجا مدت ايديها لقدام : بت .. خدى يا بت .. انتى يا نيله .  انتى الخسرانه وبصت لنور وضحكت 

نور : ايه بقى .. انا خلاص اتوكست .. قصدى اتجوزت يعنى انا برا اللعبه 

نوجا : نفسى يا نور نفسى اشوفه عليكى البسيه وفكرينى بالا مضى والله يابت يا نور كنت فراشه طايره كدا طير فى الفستان هو أكمنى تخنت كام سنتى مش مكتوبلى اشوفه عليكووو 

نور : يفتح الله وابتسمت ومسكت ورد الا باصه للفستان ومبتسمه .. اهه هى فى غيبوبه ها تحقق كل احلامك ..وسابتها وخرجت 

نوجا : بت يا نور .. انتى يا مصيبه كدا ماااشى .. ومسكت الفستان بايديها وضحكت .. انتى مفيش غيرك حبيبه قلبى دايما الاخير ربه كريم ورفعت ايديها ياكريم على الكل يارب قولتى ايه يا وردتى ها تعيدى الزمن الجميل 

ورد بفرحه هزت راسها ونتشت الفستان وطلعت تجرى وهى بتقول : ايه راح احجج كل احلامك أما نوجا ..ونعيد الزمانات يا إلا فاتت هلا 

نوجا حطت ايديها على دقنها : بت يا ورد .. انتى يا بت .. خربيتك البت اتجننت .. وضحكت ما استحملتش لا جمال ولا حلاوة حاجتى 

نور وسلوى فى الصاله وبيضحكووو بصوت عالى وورد واخده الفستان وبتجرى على الاوضه شافوها وضحكووو اكتر  وجريو وراها عشان يقنوعها ان الفستان موضه قديمه

نور : هاتى وربنا ها يجيلك آحلى منه 

ورد بضحكه وحطاااه على صدرها وبتلف : بريد البسه هلا فرحانه كتير كتير هاد مو متل يا إلا عنا 

سلوى : فى احلى منه مليون مره دا دقه قديمه نوجا ضربتها بالشبشب 

نوجا : انا فساتنى دقه قديمه يابنت القديمه وضحكت لورد البسى يا قبى البسى يا حبة عينى تصدقى انا مليش غير ورد 

ورد قعلت الجلبيه ولبست الفستااان وبينزلوه من على الوسط مش راضى ينزل ابدا أتحشرت فيه 

ورد بخنقه : اتحشرت لحجونى يا خلج هاد فستان والا ماسورة مااى 

نوجا بتلوى شفايفها ونور وسلوى بيقلعوها الفستان بالعافيه 

نور : يادى النيله اتحشرتى وارتحتى فى حد بيمشى ورا ام الفساتين دى 

ورد بتاخد نفس بعد ما قلعت الفستان : ايش هاد والله زنجت 

نوجا : لازم تتزنقى بنات اخر زمن بكروش احنا عينى علينا وعلى جمالنا الوسط كان ولا سط كمانجه والعود 

نور بتعمل حركه الحقنه بايديها : مرسوم على سرنجه 

سلوى : 😂😂😂 

نوجا : اما اخرج قبل ما يجيلى خنقه وادور فيكو الضرب وانتو كبرتو عيب اختشو وخرجت  والبنات قضو بقيت الوقت هما ونوجا ضحك وهزار 

*****************

محمود مع سيف فى بيته فى اوضته .

محمود : مش فاهم بردو هى كانت فين طول ما انت فى المستشفى 

سيف : ها تفرق يا محمود اهم حاجه انى خلصت من الخطوبه وخلاص 

محمود : اه تفرق انت سلبى ليه كدا ..ادينى مبرر تبقى انت فى المستشفى بين الحيااا والموت ودى جايه بعد ما انت ما فوفت ليه وعشان ايه كانت فين 

سيف : بتقول كانت فى الساحل ومامتها تعبت هناك وكانت معاها بردو فى المستشفى وزعلت اننا ما بنسئلش وقفلت تليفونها خالص واول ما نزلو مصر وعرفت الخبر جت جرى 

محمود : اه بجد وانت صدقتها 

سيف : ولا ربع كلمه من قالتها دخلت عليااا .. صافى كويسه وكل حاجه ... بس عندها استعداد تنسا أهلها لمجرد فسحه ومفيش مانع اصدقاء وكله على كله 

محمود ضحك : ولما تشوفه قوله .. على العموم مبروك وبيلف صباعه فى الهوا للمره التانيه على التوالى 

سيف : يباركلك يا وحش .. عقبالك 

محمود : ادعيلى يابنى عايزا ضربه كدا أئمن بيها مستقبلى واتجوز واعيش بقى .. وشكلها كدا يا سيف قربت 

سيف : محمود بلاش الحرام 

محمود : بذمتك يا جدع فين الحرام وانا بأمن مستقبلى انت مش شايف الا بيحصل حواليك انت الا محبكها وعايش فى الدور 

سيف : محمود اتقى ربنا احنا كان بينا وبين الموت شعره ما تمشيش ورا دماغك وعيش على قدك 

محمود : قدى .. هو فين دا قولى شايف بعيونك كمية الحقد الا الناس بتحقده علينا وانا مرتبى اصلا ما بيكفيش لاخر الشهر وكفايه عليا الظابط راح الظابط جه .. ها نعيش منين وازاى طيب انت اهلك الله يسهلك شقه جهزوها ووضوبها والا بتحتاجه هما فى ضهرك انما انا 

سيف : الشقه انا موضبها من المرتب الا مش عجبك والمكافأت  .. حتى العربيه جبتها قسط والحمد لله سدت قسطها كله .. كل شئ فى اوانه حلو 

محمود : هى عربيتك دى وسط البهوات تبقى عربيه .. مش شايف الواد كريم والا محمد والا والا .. مش بقولك محبكها 

سيف : دى عربيه ودول عربيات والفرق كبير فى الرضااا .. قولى انت ها ابقى مبسوط وانا بدخل الحرام حياتى او جنيه مش بتاعى .. اعقل يابنى وبيخبطه على دراعه انت لسا ما قمتش منها .. رصاصة الموت دخلت جسمك وجسمى وربنا واحده الا نجانا وبيدينا الفرصه نكمل 

محمود : فكك منى يا سيف .. بقولك ياغبى شكلها قربت ..

سيف : ربنا يهديك ويبعدك عن الحرام يا محمود 

محمود : يارب يا اخويااا ونلاقى كنز على باب الا ها يعيشنا يا فقرى .. ها تتنيل أمتى 

سيف ابتسم :  فى شهر 7 ان شاء الله 

محمود : يسهلووووو ..مبروك يا شقى ها تلعب فى عداد عمرك قريب 

سيف : 😂😂😂 .. مش مهم المهم انها تبقى معايا ونلعب زى ما نلعب بقى .. ياااه يالا .. الحب احلى حاجه فى الدنيا والاحلى منه اختيارك 

محمود : الشهاده لله ومن خبرتى المتواضعه .. انت وقعت واقف فى واحده خام ها تشكلها على كيفك 

سيف : الله اكبر .. ايه يابنى راشق عينك فى حياتى ليه كدا .. ياناس يا شر كفايه قرر 

محمود : 😂😂😂 جاتك نيله انا متنيل زيك بس الفرق ان دى ها تدلعنى  

سيف : قوم يالا من هنااا انت ضعت 

محمود : كان بودى اقول خام زى سلوتك بس ازاى وهى مطلقه قبل كدا .. والمشكله انى بعشقها بنت اللذينه 

سيف : ربنا يباركلك فيها يا حبيبى ويكرمك فيها كلهم زى الفل مطلقه بنت بنوت اهم حاجه النفسيه تبقى مرتاحه وهى تبقى تمام ومخلصه عارفه ربنا 

محمود : حبيبى اهووو كدا خليك معايا على الخط .. ها اقوم انا عشان اتاخرت عليها ونازله رن 

سيف : ماشى .. خلى بالك على نفسك وارمى افكارك فى اقرب سله تقابلك

محمود : 😂😂😂 ماشى يا شيخنا 

***************

مازن : بابا نفسى اشوف ماما 

حمدى : هى مش عايزاك ولا عايزا تشوفك 

مازن عيط : بس هى وحشتنى 

حمدى بعصبيه لاول مره عليه : امك دى تنساها خالص فاهم .. اتنازلت عنك ورمتك 

مازن عيط اكتر وسكت وحمدى خده فى حضنه 

حمدى : ما تزعلش منى يا حبيبى بس هى مش عايزاك وانت خلاص كبرت وبقيت راجل يعنى انسى ..عايزك تبقى زى نور 

مازن : هى نور امها سابتها 

حمدى بحزن : سابتها بس مش بمزاجها كانت بتحب نور وبتخاف عليهامن الهوا الطاير 

مازن عيط : وليه ماما بتكرهنى 

حمدى : بكرا تفوق وتعرف قيمتك مش عايزك تزعل ابدا .. الطباخ جهز الاكل وحطه على السفره ونده لهم .. حمدى خد مازن وقعده على رجله وبيأكله بايده .. وابتسم اول ما شاف نور قدامه .. قدمى وقولى بسم الله 

نور بتحاول تدارى حزنها وقعدت تانى وبتاكل رغم انها واكله عشان ما تزعلش ابوها .. حطت ايديها على راس مازن : حبيبى عامل ايه 

مازن ابتسم : الحمد لله .. مش ها تقعدى معانا يا نور 

 نور بصت لابوها : كان نفسى يا مازن باشا بس للاسف انا متجوزه ومجبوره اقعد فى شقه جوزى 

حمدى ساب الاكل ونزل مازن ولسا ها يقوم نور مسكت ايده .. كمل أكلك 

حمدى : الحمد لله يابنتى .. كلى انتى وأكلى اخوكى 

نور : مش ها اكل من غيرك ... اقعد 

حمدى قعد وبياكل وكل شويه يمد ايده بأكل لنور وياكل مازن ويأكل نور .. ونور مبسوطه وفرحانه بقرب ابوها منها تانى .. معقول مفيش احلام كانت كابوس فى حياتها وغار 

حمدى : عامله ايه مع جوزك 

نور بتاكل لقمه : الحمد لله كويسه .. حازم طلع عكس ما كنت متخيله 

حمدى : طيب الحمد لله ... على فكره انا حافظ حقك والا نفسك فيه ها اعمله 

نور : يا حج انسى .. انا بخير والدنيا ماشيه ما تقلقش عليااا .. انا مش محتاجه فلوس الحمد لله ..

حمدى باستفسار : جبتى كل الفلوس الا معاكى منين 

نور : من اللحظه الا شربت فيها الصنعه والشغل وانا طول الوقت اشتغل ليك واشتغل لحسابى واشيل فلوسى ..كبرتلك شغلك وكبرت انا كمان بفضل الله 

حمدى ضحك : بنت حمدى ما يتخافش عليكى 

نور : افتكرت انى سرقتك طبعا 

حمدى هز راسه بنفى : لو عندك اد الا عندى مرتين لايمكن اشك فيكى ابدا .. انتى زى امك عندك امانه ونضيفه 

نور ابتسمت وبصت لمازن الا قاعد زعلان  : مالك يا مازن 

مازن : خدينى اقعد معاكى يا نور والا انتى ما بتحبنيش عشان كنت بكدب واقول لباب كلام كدب عليكى زى ما ماما بتقولى 

نور قربته عليها وحضنته جااامد : انت اخوياا وحبيبى وعمرى ما اكرهك ابدا .. وبصت لابوها .. ممكن يجى يقعد معايا 

حمدى بترجى غير ظاهر : ماتقعدى انتى معانا ادام  جوزك مش هنا

نور ابتسمت : للاسف مش ها ينفع .. اصل حازم جاى بكرا ان شاء الله ولازم اروق الشقه 

حمدى بدون سابق انذار : حبتيه يا نور 

نور بصت لابوها كتير وساكته ما بتتكلمش 

حمدى : للدرجه دى سؤالى صعب 

نور بصوت محشرج : لاء مش صعب بس انا مفيش فى ايدى احب او أكره .. هو مغصوب عليااا واتخنقت فى الكلام .. بيعاملنى كويس وراجل اى بنت تتمناه وفردت ايديها وشبكتهم تانى بس مش بايدى احبه عشان كله كان غلط من الاول 

حمدى بالهفه ووجع : قربى يا نور واكسبيه مش سهل يابنتى تلاقى راجل فى الزمن دا يحترمك ويقدرك ..زى ما تعلمتى طول عمرك اى مناقصه تدخليها لازم تخرجى منها  انتى كسبانه 

نور : بس هو مش مناقصه .. هو بنى ادم وانا لايمكن ها اجبره عليااا انا عندى كرامه يا بابا .. انسانه من لحم ودم الا عايزنى لازم يشترى خاطرى ويكسب قلبى ويجرى ورايا مش انا الا اجرى وراه 

حمدى : دا جوزك يابنتى .. امك كانت بتتمانلى الرضا أرضا .. 

نور بعصبيه وتحول غير طبيعى : وانت رضيت .. لاء .. فضلت تبيع وتشترى فيها مفيش يوم حسيت بيها ولا بواجعها ولا قلبها الا كل دقيق بينزف حزن وقهر .. انا مش زى أمى ولا ها اكون زيها أكرملى اموت ولا اتهان ولا حد يتحكم فيا ويخلينى بيعه وشروه عشان بحبه .. 

حمدى : كدا يا بنتى كتر خيرك .. بس يكون فى معلومك انا ماكنتش وحش مع أمك قوى كدا 

نور بهجوم : عملتلها نص الا عملته لأحلام 

حمدى : اه عملت .. انتى ما شفتيش ولا توعى على الكلام دا .. فى بداية جوازنا كنا مبسوطين وحلوين .. يابنتى الدنيا دايما بتتغير واحنا بنتغير بسبب حاجات كتير اولهم الاهل .. انتى ما تعرفيش يعنى ايه شاب وحيد أمه وابوه وماعندوش ولد يشيل أسمه من بعده دى حاجه كبيره مفيش اى أم واب يقبلوها على ابنهم قطعتى ذكره من الدنيااا من بعده  صدقينى ساعات الدنياا ما بتسبش ليكى اى اختيار غير انك تجرحى الا قدامك من غير قصد 

نور بعياط وصوت عالى وصدمه لحمدى : وكان حبك لنوجا من غير قصد 

حمدى وشه اتقلب مره واحده ونبرة صوته اتغيرت وبيقرب على نور ومازن باصص لهم الاتنين بخوف 

💗💗💙💚💚

بقلم : لبنى طارق 

💗💗💙💙💚💚💚

اللهم صلى على حبيبك محمد وعلى أهله وأصحابه أجمعين ❤❤

لتكملة الروايه اضغطوا هنا

تعديل المقال