رواية أحببت مصارع الفصل الاول والتاني والتالت والرابع بقلم يوستينا سامي
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
رواية أحببت مصارع البارت الاول والتاني والتالت والرابع بقلم يوستينا سامي
 |
رواية أحببت مصارع الفصل الاول والتاني والتالت والرابع بقلم يوستينا سامي
احببت_مصارع
(1)
فهد بيجري في الاوضة: لا والنبي والنبي
ابراهيم بدهشة : لا ايه يا فهد يا ابني حرام عليك ده انا بقولك شوفها يابني شوفهاااااا
فهد : لا يا بابا ولله مش عايز .بص مش حابب ومش فاضي وبعدين حرام عليك رايح تجيب لابنك حبيبك مدربة مصارعة اتجوزها ليه قالولك عليا جمس بوند ده انا تافه ده انا بخاف من الكلاب ...وطلع يجري من الاوضة.
ابراهيم بحدة نزل وراه :طب ايه رايك بقي انك هتتجوزها يعني هتتجوزها يمكن تسترجل كدة شوية
فهد بصوت عالي شوفت ..شوفت كنت لسه فوق بتقولي من ثانية شوفها بس دلوقتي جوزتهالي انا عارف اني هتدبس
ابراهيم: يوووه يا فهد بطل لعب عيال يا ابني انت مش صغير وبعدين خلاص انا اخدت قرار هنسافر يوم الجمعة الجاية اسكندرية خلاأص سامع وسابه وطلع اوضته
فهد : يالهووي ....لا يالهوووي بجد... انا فهد اتجوز وكمان راجل 😂😳لا يا ربي كدة كتيير اووي ...يوسف هو مافيش غير يوسف يمكن يهجرني برا مصر يهربني من ابويا
رد بقي يا يوسف
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
في بيت يوسف كان نايم (ويوسف يبقي ابن عم فهد بس ضابط )
يوسف بنوم: الوووو
فهد: يوسف الحقني والنبي
يوسف بخضة: ايه ابوك جراله حاجة
فهد بصدمة: اكيد جراره يا يوسف اكيد
يوسف قام بسرعة من السرير: اكيد ايه يا بني ادم أنت
عمي ماله يا بني
فهد :ابويا اتجنن يا يوسف وعايز يجوزني واحد صاحبه
يوسف بصدمة: مين معايا
فهد: انت نايم ولا ايه لا والنبي فووق كدة وصحصح معايا
يوسف :فهد انت كويس ولا شارب حاجة يا حبيبي .يجوزك واحد صاحبه ازاي ..اكيد تقصد بنت واحد صاحبه
فهد: لا هو ابن واحد صاحبه ..صدقني يا يوسف وانقذني
يوسف بدهشة ةولاااه انت بتشرب ايه بالضبط .الدماغ دي مش طبيعية
فهد :لا ولله بص انا هحكيلك بس لما اجيلك ..انت في البيت صح
يوسف بخنقة :أيوة في الزفت يا زفت
فهد: قشطة وانا جاي سلااام
يوسف :ماشي مستنيك
$_____________________________$$
في اسكندرية
هنا :يوووه يا ماما انا مش فاهمة بقي عايزاني افضي اوضتي علشان الضيوف واصلا في اوضه للضيوف واوضة عمر
منال: يا حبيبتي ما الاوضة واحدة واوضة اخوكي كمان مش هتكفي فاقعدي انت و نور في أوضة واحدة
هنا: ليه بقي انتوا هتجيبوا كام واحد يعني وكمان هيقعدوا قد ايه يا ماما
منال: بقولك ايه انا معرفش ابوكي هو الي عازم وبعدين كمان الي هيقعدوا في اوضتك رجالة فشيلي كل هدومك
هنا :كمااان رجالة .....رجالة ..مناال
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
منال بصدمة: منال في عينيك يا بت اتلمي
هنا : رجالة مين يا نولا الي جايين بيتنا هااااا اعترفي
منال: يووه ما انا قولتك صحاب ابوكي يا هنا
هنا :صحاب ابويا ايه الي هيقعدوا في بيتنا وفي اوضتي كمان ماينزلوا في اي فندق او شقة
منال :معرفش يا هنا لما ابوكي يرجع يا حبيتي افهمي منه براحتك بلا وجع قلب
هنا :يوووه ولله الموضوع مش مريحني خالص
عمر هو الواد عمر وفعلا راحت اوضته ولاقته نايم ولعت النور انت يا بني يا عمر حاولت تصحيه بكل الطرق بس مافيش فايدة فجات في دماغها فكره ..قوم يا عمر فريدة بترن عليك
عمر بدهشة نط من علي السرير :بجد فريدة
هنا :اه يا واطي يا كلب بقي عمالة اصحي فيك بقالي ساعة وفي الاخر تصحي لما تعرف أن فريدة بتتصل
عمر مسك الموبيل: يعني بتحوري عليا يا غبية
هنا: ولله مافي حد غبي غيرك
عمر مسكها من قفاها :يا ماما تعالي خدي بنت من الشارع لاني هرميها من البلكونة
هنا :بس يا عمر بقي بدل ما ازعلك علي ايديك دي
قولي بقي ايه موضوع الضيوف دول
عمر بفهم: أه فهمت جاية تستجوبيني يعني
هنا :عمر اخلص مش ناقصة مين دوووول
عمر: ولله دول ولله اعلم عرسااان
هنا بصدمة: نعععععم
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
___________________________&&
في بيت يوسف
يوسف: يا بني حرام عليك بقالك ساعة عمال تلف حواليا ارحم امي بقي ولله دوخت
فهد :اعمل ايه يا يوسف ...فكر بقي أبويا انجنن ولله
يوسف :تعمل ايه في ايه يا حيوان هو انت لسه حكيت حاجة يا غبي ما تترزع بقي واحكيلي لله
فهد: اهو قعدت بدأ يحكيلوا كل حاجة
يوسف ......
فهد: ايه يا يوسف ساكت ليه ماتتكلم
وفجاه يوسف انفجر من الضحك 😂😂😂
ولله ما قادر ...هتتجوز يا بيضة انت. وكمان مصارع يا عيني
فهد: انت بتتريقي يا يوسف الكلب انت ..الباب بيخبط
باترا مين جاااي كمان ماهي كملت
يوسف بضحك: قوم افتح هههههههه
فهد :يا اخي ده انت مستفز يا بارد وفعلا فتح الباب
ادهم الحقني والنبي من يوسف
ادهم :ايه في ايه ..يوسف مالك بتضحك ايه كدة ..انتوا بتعملوا ايه
يوسف: ههههه الحق فهد ههههه
فهد بعصبية :ولله هسيبكوا وامشي بجد
يوسف :لا ولله خلاص بجد انا هتكلم معاه بس هههههههه
ادهم: لا والنبي انت وهو افهم ..بدأ فهد يحكي وبدأ ادهم يضحك
فهد لا بقي ولله لاسيبكوا وامشي جاتكوا القرف
وجاي يفتح الباب ...كانت مفاجاااه 😳😂
#احببت_مصارع
(2)
فهد بحدة : ولله لاسيبكوا وامشي جاتكوا القرف ..وجاي يفتح الباب لقه أبوه قدامه
فهد بخضة : يامااا
ابراهيم بدهشة: ايه ياض مالك
فهد: مالي هو الي بتعمله في ابنك ده طبيعي يعني يا حج
يوسف :عمي ادخل واقف ليه كدة علي الباب
ابراهيم: ولله يا يوسف انا مش واقف الأستاذ الي واقفلي علي الباب مش فاهم ليه
ادهم: طب ادخل يا عمو اتفضل وانت مالك مبلم ليه كدة
ابراهيم : دخل قد وهو بيبص علي فهد الي واقف عمال ينفخ
بصوا بقي انتوا التلاتة انتوا مسافرين معايا من الاخر
يوسف: مسافرين فين بس يا عمي انا عندي شغل ومينفعش اسيب شغلي دلوقتي وفاجاه كدة
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
ادهم: وانا كمان مينفعش امشي دلوقتي انا عندي مستشفي شغال عليها ومكتبي (مهندس معماري)
ابراهيم :بصوا بقي انتوا هتيجوا معانا يوم الجمعة الجاية الموضوع منتهي بالنسبة لياااااا
.فهد بص ليوسف الي كان هيطق: .ههههههههه
يوسف بغل :بتضحك علي ايه يا مستفز يا بارد
فهد بضحك : من بعض ما عندكم هههههه
ابراهيم بدهشة : مالوا الواد ده ..بص يا يوسف بخصوص شغلك انا كلمت سيادة اللواء وهو قالي مافيش مشكلة انت اصلا مش بتاخد إجازات خالص
يوسف بحزن :واخدها ليه معنديش حد محتاجها لا ام ولا اب ولا اخت ولا حبيبة
ادهم: اممم لله جرا ايه يا عم الكئيب ماتهدي علينا كدة ...علفكرة بقي يا عمو انا موافق جدا علي موضوع اسكندرية ده علي الاقل نغير جووو
فهد بصوت واطي للدعم : نغير جو ايه يا غبي انت
ابراهيم: وانت يا يوسف موافق
يوسف :انا مش شايف أن ليا لأزمة اصلا يا عمي علشان اجي معاكم صدقني
ابراهيم: يوسف الموضوع خلص انت جاي معانا خلاص بقي
يوسف :حاضر يا عمي ...حاضر
ادهم :خلاص بقي انا هكلم اوتيل انما ايه....
ابراهيم: لا لاا انا مظبط كل حاجة متخافوش
يوسف: حجزت يعني في اوتيل ولا شقة ولا ايه
ابراهيم :ملكوش دعوة.. يلا بقي انا لازم امشي ورايا شغل كتير
وانت يا عم فهد ارجع البيت جهز نفسك هااااه علشان السفر الجمعة . ..شوف سبحانك يارب من ساعة ماسبت البيت ومشيت كنت عارف انك رايح ليوسف
بجد ساعات بحسدكوا علي صداقتكم بس اقول ايه ربنا يخليكوا لبعض يارب وفعلا مشي ابراهيم
يوسف: انا قايم اجهز ورايا شغل
فهد : وانا كمان هو انا يعني الي عاطل انا هطلع علي الشركة
ادهم :بقول ايه ..انا مش مرتاح
فهد بتريقة :لا يا راجل حرام عليك دي خروجة جامدة اووي
ده احنا هنغير جووو ده انت يا اخي مستفز بجد
ادهم: انت فهمت ايه يا ابني انا شاكك أن الشقة الي اخدها أو الاوتيل مش بيطلوا علي البحر
يوسف هههههههه
فهد :اه يا ابن ال... ولله ماهسيبك يا ادهم ولله لاضربك
يوسف لبس :طيب يلا باااي عايز ارجع الاقي جثة حد سلاااام وفعلا سابهم وهما بيتخنقوا مع بعض
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️$$
اسكندرية 🌹
هنا مسكت عمر من التيشيرت .عريس لمين يلا عريس مين
عمر: اوعي شيلي ايديك دي وبعدين انا مالي انا اصلا بالحوار ده .ده ابوكي هو الي جايبهم
هنا: وطلاما انت عارف يا العمر الكلب ماقلتش ليه
عمر :يا بت لمي ام لسانك ده بقي وبعدين انا لسه عارف امبارح وبعدين بابا قالي اوعي نور تعرف
هنا: يا نهار زي وشك يا اخي دي نور هتولع في البيت
روح منك لله يا عمر يا ابن ام عمر
عمر :جرا ايه يا غبية انا ماااالي لله ..وبعدين اطمني نور مش بتعمل حاجة غير لما تبقي مقتنعة بيها مليون المئة ومحدش هيفرد رأيه عليهااا اطمني يا اختي وسيبيني اغير علشان انزل
هنا بتفكير :تفتكر ابوك مش عاملها فخ
عمر بعصبية: معرفش وقولت اطلعي برااااا
هنا برخامة: انا بفكر اكلم نور ...اهااا اي يا عم مالك
عمر مسكها من قفاها ورماها قدام الباب وقفل الباب في وشها
______________________&&
في النادي
المدرب: عاش يا نور براافووو بجد برااافو. استوووب
برافو يا نور كنت هايلة النهاردة وكل يوم الصراحة
نور :ميرسي يا كابتن بعد اذنك
وراحت تغير هدومهااا
شمس :اخيرا خلصتي يا نور حرام عليكي ده انا اتسلقت
نور بضحك : حقك عليا ولله بصي هغير بسرعة واجي تمام
شمس :ماشي بسرعة ..لا بسرعة
شاب :شمس هاي ازيك
شمس بخنقة: أه أه كويسة
شاب: اممم واقفة لوحدك ليه يعني
شمس : ...وانت مالك يا سامر
سامر :مافيش ولله بس بطمن علي صحبتك المعقدة
شمس : ماتحترم نفسك هو مافيش حد مالي عينك ولا ايه يا عم الدبدوووب انت
سامر: هههه ايه هي لحقت تنطح عليكي ده انت كنت من امريكا
شمس: ولاااا ملكش دعوة لا بيا ولا بنور سامع
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
سامر: يا شمس هفهمك لحد امتي انا معجب بيكي بجد
فاجأه حد بيخبط علي كتفه
سامر :ايييه ..انت
نور ببرود : تفتكر انا ممكن اعمل فيك ايه لما اشوفك بترخم علي صحبتي يا سامر
سامر: لا يا نور مسمهاش برخم علي صحبتك اسمها بحاول ارجع البنت الي بحبها لياااا تفرق كتييير
شمس :يلا يا نور يلاااااا سيبك منه
نور كانت لسه هتتحرك بس رجعت تاني بحركة مفاجاه رفعت رجليها وضربته برجليها في بوقه
سامر: يا بنت....
شمس بخضة: ايه ده بس يا نور يلا بسرعة يللا
سامر وهو ماسك بقه الي اتفاجاه أنه كله دم :ولله يا نور لاوريكي يا انا يا انت ولله لاربيكي يا نور
______________________________
في العربية
شمس: ليه كدة يا نور ليه بس
نور :مقدرتش امشي منغير ما اعمل كدة يا شمس
شمس بعصبية :مينفعش يا نور افهمي بقه كل الي في النادي بيخاف منك والباقي بيتريق عليكي ليه بتعملي مشاكل يا نور فكرك سامر هيسكت اكيد لاااء يعني
نور :كفاية يا شمس وبعدين لا سامر ولا الف من عينته يهزوني
شمس بحدة :يلا يا نور اطلعي بالعربية يلااااا
___________________________________&&
في القسم
علي: وده بقي الي مزعلك يا يوسف انك مسافر ده انا ولله هموت واسافر
يوسف: لا يا علي مش دي المشكلة .. عمي شكله عايز يغفلنا احنا التلاتة ....
علي :يغفلكوا ايه بس وبعدين حتي لو شايف لكل واحد عروسة ايه المشكلة
يوسف: المشكلة اني عمري ما هكرر غلطة اسلام تاني
علي :يا ساتر يارب عليك يا يوسف ..لله يرحمك يا اسلام
___________________________________$$
في التليفون
ابراهيم :انا مش فاهم خايف من ايه يا عادل بس
عادل :يا ابراهيم افهم فكرة اني أجبر نور علي حاجة دي صعبة اووي وحاسس أن انا وانت اتسرعنا في موضوع يوم الجمعة دي
ابراهيم :انا بجد مش مصدق مش انت الي قولت انك نفسك تفرح بيها وبعريسها وتشيل عيالها
عادل :اه يا ابراهيم بس بمزاجها مش بالاتفقات والخطط
ابراهيم: وده هيحصل ازاي طول ما هي قافلة علي نفسها بس يا عادل
عادل :خلاص يا ابراهيم الغي كل حاجة سامحني انا مش هقدر سلااام
ابراهيم: سلاام
وفجاه خبط جامد اووي في بيت عادل
هنا بخضة : ايه ده مين الي بيخبط كدة
نور خرجت من اوضتها :ايه ده يا جماعة ده مين الهمجي الي بيخبط كدة انا هفرجه
عادل : بس انا هفتح وفجاه دخل بوليس وأمن
عادل بتوتر: ايه ده في ايه يا فندم
الضابط :حضرتك والد الانسة نور عادل حسني .
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
عادل بتوتر وهو بيبص لبنته : أيوة يا فندم خير في ايه
الضابط : بنتك مرفوع عليها قضية
منال: يالهووووي قضية ازااي
عادل بصدم:ة قضية بنتي انا لييييه يا فندم
فاجأه دخل والد سامر :مش عارف ليه يا استاذ عادل
عادل :مدحت😳 لا ولله ما اعرف في ايه يا نور
مدحت: بقي دي نور اومال لو ضالمة هتبقي ايه يا اخي
بقي بنتك انت تضرب ابني اناااا ليه مخلف بلطجي ايه مشروع مجرم هو انتوا فاكرينها سايبة طب ايه رايك بقي أن بنتك هتبااات في القسم النهاردة
عادل 😳😳😳
٣،٤
#احببت_مصارع
(3)
عادل 😳😳😳
قسم ايه بس يا مدحت خلينا نتفاهم ارجوك
مدحت :نتفاهم وهي بنتك تعرف اتفاهم ولا الأدب ولا حتي الاصول بقي تضرب راجل في النادي ولا علشان هو مرديش يضربها ويكسرلها عضمها
نور بعصبية :يكسر مين يا عم انت .ابنك ده افعصه بصباعي
عادل بحدة :اخرسي يا نور ..اخرسي خالص .
مدحت بغل: طب وحياه ابوكي الي واقف ده لاحبسك يا نور
عادل: يا مدحت متدخلش العيال في الموضوع
الضابط :لو سمحت يا استاذ عادل احنا لازم ناخد آنسة نور معانا علشان المحضر
منال بانهيار : لاااا بنتي لاااااا وبدأت تحضن في نور
الضابط: يا فندم لو سمحت بسرعة بدل مانخدها بهدوم البيت
مدحت بتريقة : يلا يا حبيبتي ابوكي
عادل بخوف وكسرة :غيري هدومك يا نور وانت يا عمر كلم المحامي يلااا
منال: يلا ايه هيخدوها يا عادل هيخدوا بنتي
نور كانت واقفة مصدومة: اهدي يا ماما انا راجعة صدقيني
وفعلا غيرت نور هدومها وعمر ووالدها ونزلوا مع الضباط
ومنال وهنا كانوا مقهورين في البيت
في القسم
الضابط انا هسيبكوا تتفاهموا وياريت تتفاهموا ده سوء تفاهم.... بعد اذنكوا
عادل قولي الي يرضيك وانا تحت امرك
مدحت حط رجل علي رجل عايزني أتنازل عن المحضر يبقي تعمل الي هقول عليه بالحرف الواحد
عادل وانا موافق يا مدحت .
مدحت بنتك تعتذر لابني في النادي كله ومش بس كدة تقطع علاقتها بالاسمها شمس دي وتمشي من الناس وقبل ما تمشي هتعملنا شووو حلوو كدة
عادل بصدمة شوو ايه
مدحت تنكس شعرها في النادي وتغني ..ولا انت فاكر أن شكل بنتك اهم من شكل ابني وكرامته
عادل بصدمة لا طبعا مش موافق انت بتقول ايه .
مدحت يبقي خلاص حبيبة بابا تتحبس
عادل ماشي يا مدحت ماشي
وخرج برا
نور بابا ايه الي حصل
عادل اكتفي ببصة تحذير ليها ومشي وسابهااا
عادل الوو يا ابراهيم الحقني عندي كارثة
ابراهيم بخضة ايه الي حصل بس مالك
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
عادل بدأ يحكيلوا كل حاجة
ابراهيم يا نهار اسووود ..متخفش يا عادل انا هتصرف
عادل ارجوك كلمني ابن اخوك
ابراهيم في سره لا مينفعش يوسف يدخل خالص
متقلقش يا ابراهيم انا هكلمك محمد باشا اقفل دلوقتي
وفعلا ابراهيم كلم سيادة اللواء وتتواصل مع حد من معارف مدحت ووافق مدحت انه يتنازل بالعافية بس نور كتبت محضر عدم التعرض .
____________________________&&&
وبعد حوالي اكتر من اربع ساعات رجعوا البيت
منال بفرحة نور حبيبتي ..انت كويسة طمنيني
عمر بهزار اه طبعا كويسة وقمر كماان
عادل بعصبية بس يا منال سيبيها
منال اهدي بس يا عادل اهدي
عادل اهدي... انا برضوا الي اهدي ماتهدي هي
ايه يا شيخة حرام عليكي .ليه كدة ليبيه تدخلينا قسم .
انت عايزة تعملي فيا ايه تاااني حرام عليكي بقي
نور انا معملتش حاجة
عادل اخرسي وضربها بالقلم 😳
هنا يالهووي ..اهدي يا بابا والنبي
عادل اخرسي خالص ..واضح أن انا الي دلعتك اووي من النهاردة مافيش نادي ولا تدريب ولا نزول من البيت ويا انا يا انت يا نوور
ودخل اوضته
عادل الوو يا ابراهيم انا مستنيكوا يوم الجمعة
__________________________&&
في القاهرة
في بيت يوسف
فهد شوووط ياابن ....
ادهم ما انا بشووك اهوووو
فهد مش انت يا غبي
يوسف بقول ايه اقفلوا الأرق ده واطلعوا برااا يلا
علي ههههههههه كبسة
فهد بقولك ياض انا واحد داخل علي جواز يعني خنقة ومحتاج ادلع بقي
ادهم اوباااا ناوي علي ايه يا نمس
فهد ناوي العب بنك الحظ بعد الدور ده
علي ههههههههههه
ادهم ده كل الي نفسك تعمله
يوسف ههههه ياااه قد ايه انت جميل
علي بقول ايه انا جعان حد ياكل
يوسف اه اناااا بس مش عازم
فهد انا عااازم
علي ويوسف وادهم بصوا بصدمة
علي بقي انت يا جلدة يا معفن هتعزمنااا
فهد مش بقولكوا لازم ادلع
يوسف لا يا جماعة ده موضوع البنت المصارع دي جامد اووي
فهد صح فكرتني يا يوسف بالله عليك يا اخي علمني اي حركة الي انت عارفهم يعني علشان احمي نفسي
علي هههههههه مش قادر ولله
يوسف حاضر يا خالتي حاضر
ادهم بضحك طب العب العب
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
_____________________________
في اسكندرية
هنا اهدي بقي يا نور مش كدة
نور ولله لاسيبله البيت وامشي
عمر مالي بقي يا نور عيب الكلام ده لله ..بيت ايه الي تسيبيه ما تهدي كدة وقولي هديت
نور اهدي ازاي وهو عايز يقضي علي مستقبلي
منال مستقبل ايه يا بنت بطني. رايحة تضربي الراجل في النادي ..ايه خلاص مبقاش ليكي كبير
نور اومال اسيبه يحس أنه كسرني
عمر مايخص ولا يغوز في ستين داهية بقي
تقدري تقولي شكل ابوكي وهو بيترجااه أنه يتنازل وهو كان عامل ازاي ...حرام عليكي بقي
هنا خلاص بقي سيبوها تنام شوية
منال عندك حق يا هنا ..ترتاحي يا نور بس يكون في علمك أن الموضوع مش هيعدي بالساهل
وفعلا كلهم خرجوا ...
نور في سرها ياااه عمري ما فكرت غير فيك معرفش ليه
برغم اني معرفكش وفات اكتر من ٨ سنين بس منسيتكش
واخدت المخدة في حضنها ونامت
_______________________________&&
وفعلا فااات يومين وجيه يوم الجمعة
قرروا أنهم يتحركوا من بيت يوسف وفعلا يوسف وفهد في عربية وإبراهيم وادهم في عربية واتجهوا للإسكندرية
في بيت عادل
عادل بصوا بقي ابرهيم صاحبي وهيبقي شريكي يعني اوعوا حد فيكوا يزعلوا أو يبصلوا حتي
نور وبناته اسمهم ايه
عادل يصلها ومردش عليها (مخاصمهااا)
نور افففف بقي ..عمر
عمر بتوتر نعم
نور اسمهم ايه
عمر ولا أعرف ولله حاجة
نور طيب انا رايحة اكلم شمس
منال وانا هقوم اجهز الغداء للضيوف ..يا عادل انت ازاي ماتقولش لنور
عادل لا خليها تتفاجاه احسن
وفعلا بعد حوالي أربع ساعات اتفاجاه بالباب بيرن
عادل احم يا بنات يلا تعالوا يلا يا عمر
منال يلا اهوو انا جاهزة
عادل فتح الباب ابراهيم حمدالله علي السلامة اتفضل اتفضوااااااا
عادل 😳😳😳
انا عيد ميلادي كان امبارح سوري علي التاخير 🎈🎉❤️🥳
#احببت_مصارع
(4)
عادل اتفضلوا.. اتفضل يا ابراهيم
طبعا كلهم بلا استثناااااااء اتفاجوا
نور اتفاجات أنهم ولاد كتير وهنا وعمر اتفجوا من احجامهم
هنا بصوت واطي :واد يا عمر
عمر: ايه
هنا :هي دي الرجالة بجد
عمر: لا دول مش رجالة ده ابوكي جايب دولاب جديد
هنا بصوت واطي: لا وانت الصادق تلاتة مش واحد
عادل اتفاجاه أنهم شباب زي الورد: اتفضوا يا اهلا وسهلا
ادهم بصوت واطي :مين دول
يوسف: مش بقولك حاسس بمصيبة وانت تقولي يا لطيف
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
فهد بيقرب من ادهم ويوسف : انا هموت وادخل الحمام
ادهم ضحك بصوت عالي وكلهم بصوا عليه
ادهم بحرج: انا اسف ..
عادل: اسف علي ايه بس ضحكنا معاك
ادهم :وليه ما اضحك لوحدي وبلاش فضايح
عادل وإبراهيم ضحكوا
ابراهيم: اعرفك ده يوسف ابن اخويا وده ادهم برضوا ابن اعز صاحب ليا يعني ابن اخويا ...... وسكت
فهد :اي ده وانا
ابراهيم بضحك: ده فهد ابني الصغير
فهد بصدمة: ايه ده هو انت عندك ابن كبير وانا معرفش
عادل :هههههههه لا هو اكيد يقصد يوسف صح
ابراهيم :ايوه ..كلهم عيالي
عادل: ربنا يخليهم ليك اعرفك دي هنا اخر العنقود
ودي نور بنتي الكبيرة البكرية ..وده ..
فهد بغباء: ودي بنتك المصارع بس متنكرة صح
كلهم ضحكوا جامد ماعدا نور وعادل
وخصوصا أن عمر فعلا شبه نور وكمان كان لابسة طاقية علي رأسه
نور تضايقت اوي من تشبيه وقامت وقفت :لا يا عسسل انا نور الي بلعب مصارعة ..وسابتهم ومشيت
فهد بحرج :ولله ما اعرف هي طلعت كدة انا اسف بجد مكنتش متخيل انها بنوتة كدة
(توضيح نور فعلا قمورة اووي بيضاء وشعرها بني فاتح بس علطول لاماااه وعيونها عسلي صافي)
هنا بتضحك بصوت واطي
منال :طبعا بنت وست البنات كمااان
يوسف :هو ميقصدش ولله هو بس غبي شوية
ابراهيم بحدة :قوم راضي بخاطرهااا يا استاذ
فهد بتوتر: أيوة طبعا هي فين يا عمي
هنا :هي في البلكونة تعالي معايا
فهد :اوك
ابراهيم بحرج: انا اسف اوي يا عادل ولله
عادل: ولا يهمك محصلش حاجة هو مكنش يقصد
عمر بصوت واطي: متقلقش يا عمو دي نور هتربيه
___________________________&&&
في البلكونة
هنا :نور فهد عايز يعتذرلك
نور لفت بمنتهي الحدة :انت ايه الي جابك ورايا يا بني ادم انت
فهد اتحرج اوي :انا اسف ولله مقصدش الي قلته حقك عليااااا
نور: لا يا حلو انت انت تقصد وتقصد اوي كمان ..بقولك ايه يلاا انت تتجنبني خالص سامع ولا كانك شايفني اصلااااا
فاجأه جيه يوسف مع عمرو وادهم
يوسف: بصي انا مقدر انك زعلتي بس هو ميقصدتش وجيه واتاسف فعيب انك تكلميه كدة وهو في بيتك حتي
نور: وانت مالك انت ايه دخلك في النص ولا هو اخرس ميعرفش ياخد حقه وانت المساعد بتاعه
هنا بحرج: نوور
نور: اخرسي انت خالص
عمر :بس يا نور عيب كدة ميصحش
نور :لا يصح داخل ولا كانك شاروخان في نفسك كدة وواثق اووي من نفسك فاكرني هخاف منك مثلا ولا هعملك اعتبار
عمر بحدة: نووور بس
يوسف ببرود مصاحب بحدة: لا يا عمر سيبها واضح انها مفروسة اووي وكلام فهد جيه في الحتة الصح .بصي يا بت انت انا يوسف المنشاوي الي عمر ما في راجل عينه اترفعت فيااا...... يكون في علمك انا بالذات مبعرفش اخد حد علي قد دماغه بس اقدر اكسر دماغه عادي
بدأ يوسف يقرب منها برغم أنهم كانوا موجودين في البلكونة بس محدش فاهم هو عايز ايه وبدأت نور تتوتر وترجع لورا
يوسف مسكها من كتفها علشان تثبت وقالها :علفكرة انا عديت كل الكلام الي قولتيه بمزاجي لكن المرة الجاية برغم اني واثق أن مافيش مرة جاية .انا هزعلك وسابها وخرج وفهد وادهم خرجوا وراه
نور واقفة مصدوومة مش من الكلام الي هو قاله لااا ازاي تقف متعرفش ترد عليه .حست أن عينيه جامدة وقاسية برغم أنه كان هادي حست انها خافت فرفضت الفكرة
نور بصوت عالي: ازاي يكلمني كدة ازاي
عمر :انت الي محترمتيش حد كالعادة. وسابها وخرج
ونور خرجت راحت اوضتهاااا
____________________________________&&
بعدها بحوالي نصف ساعة
منال :يلا يا جماعة الغداء جاهر يلا يا حبيبي قوم
يلا يا هنا اندهي نور
نور: انا جيت يا ماما وقررت تقعد علي الكرسي الي جنب يوسف علشان تحسسه انها مش خايفة منه أو حاجة ويوسف كان فرحان أنها شخصية جامدة
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
فهد بخنقة: بابا انا مش جعان معلش ممكن تقولي عنوان الشقة وانا هروح
ابراهيم اتوتر اووي لانه مكنش قائل ليهم
عادل فهم نظرة ابراهيم :.عمر خد فهد ودخل شنطته الاوضة خليه يريح شوية ولما يصحي يتغدا
فهد: أوضة ايه يا عمو شكرا انا هروح
ابراهيم: لا ماهوو عمك عادل مستضيفنا هنااا
في اللحظة دي يوسف فضل يكح
ونور عملت نفسها مش شايفاه اصلا يكشي يمووت
منال: اصم لله يا حبيبي اتفضل ماية
يوسف :شكرا يا طنط ..نقعد فين يا عمي ميصحش وماينفعش اصلا
عادل: لا ينفع طبعا ولله واوضة فاضية موجودة واوضة عمر كماان
ابراهيم: ولله تعبناك يا عادل يلا يا فهد ادخل بقي
فهد بغل: لا انا هنزل اتمشي شوية وراجع
عمر: طب عارف الطريق احسن تتوه
فهد: لا متخفش باي
وفعلا اتغدوا ويوسف دخل يقف في البلكونة يشرب سجارة وفااااجاه سمع صوت زعيق بره جامد فخرج
عادل: لا يا نور ولا ادخلي علي اوضتك
نور: لا يا بابا كدة كتير انا لازم انزل وأروح بكرة النادي
عادل: لا يا نور افرضي شوفتيه ..انا مش عايز مشاكل بقي كفاية الي حصل
نور: يا بابا انت كدة بتظلمني ولله
ابراهيم: اهدواا بقي ...اهدي يا عادل
يوسف: هو في ايه بس يا عمو
ابراهيم: مافيش نور عايزة تروح النادي وباباها رافض علشان في حد هناك في مشاكل بينهم
يوسف :طب ايه المشكلة ما عمر يروح معاها
عادل: المشكلة مش في الولد بس في نور كمان وكفاية اوووي الي حصل بجد
يوسف :خلاص يا عمو انا هوديها بكرة النادي وكدة كدة انا بروح الجيم كل يوم
ابراهيم: طب ولله فكرة وعمر يروح معاهم
نور: لا طبعااا
عادل: لا ليه دي فكرة حلوة وانا موافق
يوسف بص لنور ببصة تحدي ورخامة وسأبها ودخل البلكونة تاني ونور دخلت وراه
نور: انت يا بني ادم انت انا مش عايزاك معايا سامع ولا لااء
يوسف :لا مش سامع وسيبيني في حالي بقي بلاش صداع بقي اففف
نور بغل: انت بارد ومستفز جاية تخرج بس يوسف مسك ايديها جامد وشدها ليه
يوسف: لسانك ده بعون لله هقطعهولك بت انت انا لا بخاف من حد أو بعمل اعتبار لحد فخافي مني والاخر مرة هقولهم لسانك الي فرحانة ليه ده هقصهولك .. سامعة
نور زفت ايديه: شكلي انا الي هعيشك اسبوع نكد وهم ويا انا يا يوسف يا منشاوي يا انت ..ولله لاندمك علي كلامك ده
وسابته وخرجت
________________________________&&
في الشارع فهد كان بيتمشي مش عايز يرجع ويشوف نور تاني بس حصلت قدامه حاجة مفاجاه
شاف بنت واقفة عند سور البحر في حتة ضالمة وعمالة تعيط
بنت بدموع وقهرة : يارب سامحني ارجووك انا عارفة اني غلط بس غصب عني ولله وفاجاه وبدون مقدمات لقاها بترمي نفسها في البحر بس فهد جري ولحق رجليها وهي علي السور ونزلها
بنت بعصبية وخضة : انت مين وعايز مني ايه يا اخي
فهد بعصبية: انت غبية وحمارة رايحة تنتحري ..ايه الغبااااء ده
بنت : وانت مالك انت مش وأصي عليا غور بقي
فهد : لا طبعا تعالي هنااا انا مش هسيبك
بنت : عايز ايه مني سيبني
وفعلا اخدها علي العربية وركبت معاه
بنت : عايز اي مني تاني ماتسيبني في حالي بقي
فهد : فهميني ليه عايزة تنتحري وانا ولله هساعدك
بنت: انا مينفعش احكيلك .فضلت تعيط جامد
فهد بحزن: طب بصي جربي حتي تحكيلي ولله ممكن اساعدك
بنت: انا ابويا قبض فلوس عليا علشان يبعني الي ييدفع اكتر. وطلع حظي في بلطجي ..وفضلت تعيط
فهد كان مصدوم بس جمع نفسه : طب بصي اهدي اهدي ..ليه رايك اهربك
بنت مسحت دموعها : تهربني ازاي .
فهد : انا هنا لفترة حوالي أسبوع وبعد كدة هنزل مصر
بنت: مصر وهتخدني معاك ..بس الاسبوع ده اقعدوا فين
فهد: خلاص انا هتصرف اهدي بقي
وفعلا فهد اتصرف ...ياترا ازاااي ؟!!
ورجع البيت لقه عادل وإبراهيم ومنال بيلعبوا كوتشينه وعمر وادهم بيلعبوا بلاستيشن ويوسف واقف في البلكونة هو ونور
منال: يا حبيبي اعملك بقي تتغدي يلا غير هدومك
فهد: تمام يا طنط ودخل يقف في البلكونة شوية
بس لقه نور رجعت تاني و بتزعق مع يوسف
فهد : في ايه يا يوسف
يوسف: بتاخد السيجارة مني وترميها علي الأرض انت عبيطة يا بت انت
نور ببرود : بقولك ايه احترم نفسك .. اه عندنا حساسية
يوسف: ده انت باردة صحيح وملزقة انت الي جاية جنبي يا باردة
نور :ده بيتي يا كابتن انت وبعدين لو في حد مأزق يبقي انت ولله انت الي قاعد في بيتنا
فهد بعصبية :بيتنا ...بيتنا مابراحة لحسن يتشدلك عضلة يا كابتن
يوسف: هههه ولله عندك حق دي حتي مش هيبقي ليها لأزمة والناس يا حرام هيتكاتروا عليها
نور بحدة وعصبية: انت مستفز وغبي كمااان
يوسف مسك ايد نور جامد اووي.: لآخر مرة بلاش تختبري صبري
نور بدأ يظهر علامات الألم علي وشها : سيب ايدي سيبهااااا
فهد : يوسف بس ...بقولك بس سيبها
يوسف : اهووو علشان فهد بس يا نونو
نور جريت علي اوضتهاااا بس فاجأه سمعوا صوت صوييييييت
ياترا ايه الي حصل ؟!!
❤️💙❤️💙❤️💙❤️💙❤️💙❤️💙
الصفحه الرئيسيه للروايات الكامله اضغطوا هنا
❤️💙❤️💙❤️💙❤️💙❤️
