سواقة_التاكس
(نصفي_الاخر)
بقلم يارا عبد السلام البارت_الاول
كامله على مدونة النجم المتوهج للروايات
البارت الاول
_اصحي يلا يا ياسمين هتتأخري على جامعتك
استيقظت ياسمين بنعاس على صوت اختها الحنون(افنان)
اللي بتعتبرها زي امها وحياتها كلها لأن امهم ماتت بعد ما ولدت اخوها الصغير فارس اللي هوا في تالته ثانوي دلوقتي
*افنان هى اسطى على تاكسى عندها ٢٥سنه اكبر اخواتها وهى المسئوله عنهم
ياسمين وهى بتفرك في عينيها:بالله عليكي يا شيخه سبيني انام شويه
افنان بعصبية :قومى يلا يبت علشان مش فضيالك ورايا شغل وعوزا الحق اكل عيشي
ياسمين يزهق:حاضر قايمه اهو ياريتني ما كنت دخلت الجامعه ولا زفت
افنان بعصبيه وهى تمسكها من قفاها زي الحراميه:امال كنتي عوزا تخشي اي يا روح امك
_ما كنتش عوزا اخش حاجه كنت عوزا اتجوز واقعد في البيت احسن من الهم دا
افنان بصتلها بصه كلها شر وكأنها هاتاكلها
ياسمين بخوف:أهدى أهدى يا وحش
_خمس دقائق وتكونى جاهزة علشان اوصلك في طريقي
_حاضر
افنان خرجت من الاوضه وياسمين نفخت بضيق وقامت من مكانها ودخلت الحمام اتوضت وصلت ولبست فستان هادي وكان بيزين راسها الخمار ولبست الجزمه وخرجت لأختها اللي كانت لابسه بنطلون جينز وكان عليه تيشرت رجالى وعلى راسها كاب علشان الحر ..لأنها طول النهار بتشتغل على العربيه اللي لسه شارياها من سنتين ..
ياسمين :انا جاهزة
افنان بتقييم:المره الجايه تطولى الخمار شويه ماشي
ياسمين :حاضر
افنان ابتسمتلها بحنان وبصت لاخوها اللي كان اصغر منها بسبع سنوات
افنان: فارس متنساش دروسك واقعد ذاكر علشان السنه دي اصعب سنه دي تالته ثانوي وانا مش هقبل باقل من ٩٥٪
فارس يصلها بثقه:متقلقيش يا افنان وفرك ايده بتوتر
بس وبصلها اصل
افنان:في اي يا حبيبي
_كنت محتاج مصاريف الدروس علشان احنا في أول الشهر
_تصدق انى فعلا نسيت استنى
دخلت الأوضه بتاعتها وجابت فلوس اللي كانت محتفظه بيها علشان تدفع قسط العربيه وبصت لايديها بقلة حيله
*انا لازم اشتغل اليومين دول كويس علشان الحق اجمع الفلوس بتاعت القسط
_خد يا حبيبي وبعد كدا متتكسفش انك تطلب حاجه انت ابني مش اخويا بس
ياسمين بضيق:هوا ابنك وانا اي
افنان قربت عليها بحنان وابتسامه صافيه:انتى روحي وبنتى
ياسمين ابتسمت ليها بانتصار افنان خدتها ومشيوا
نزلت تحت ووقفت قدام العربيه بتاعتها اللي كانت عربيه سوداء وبها خطوط بيضاء تدعى (التاكسى) وبدأت تصبح على كل اللي يقابلها في الحارة
ياسمين ندهت على رنا اللي كانت معاها في نفس الكليه (كلية العلوم)
رنا نزلت وهى بتاكل كعادتها
ياسمين بغيظ:اهو دا اللى انتى فالحه فيه ياريته باين عليكي
رنا وهى بتاكل السندوتش:قري بقى قري
وبصت لأفنان
_صباح الخير يا اسطا
_صباح الفل يا قلب الاسطا يلا علشان اوصلكوا والحق شغلى
البنات ركبوا معاها وهى دورت العربيه ومشيت
وهى ماشيه شافت (محمد)حب طفولتها واللي بيشتغل ميكانيكي في نفس الحارة..
لكن عرفت أنه هيتجوز الخميس الجاي
اتنهدت بتعب ومشيت...
ووصلتهم الكليه
نزلوا منها ومشيت من قدامهم بعد ما حيوها
دخلو البنتين وكان في بنات واقفه بتضحك
ووقفوا ياسمين:تؤ يا عيني انتى سايبه اختك شغاله سواقه وانتى جايه تتعلمى هنا روحى يا بنتى اركبي معاها وقولى تاكس تاكس
ياسمين حاولت تتحكم في أعصابها
_دا غير كدا لبسها شبه الولاد وانتى عملالنا فيها شيخه اختك دي لوكال اووي
ياسمين بغيظ:اختى اللي مش عجباكي دي بألف راجل مش بميه وانتى هتعرفي اي بتاعت بابى ومامى انتى عن الجدعنه والسعى انك تكسبي رزق حلال علشان تصرفي على اخواتك روحي يا حبيبتي اقعدى في الكافتيريا اطلبي الكوفي بتاعك ومتشغليش بالك بالناس اللوكال دي اللي هم ضفرهم احسن منك ومن عينتك اللي بقت عال عالمجتمع
يلا يا رنا
ميرا بعد ما ياسمين مشيت:انا البت الجربوعه دي تكلمنى انا كدا طيب والله لاوريكي يا تربية الحواري انتي...
_تاكس تاكس
وقفت للشاب اللي كان واقف على الطريق والي كانت العربيه بتاعته عطلانه
_اتفضل يا استاذ
عُدى بصلها باستغراب لما لقاها بنت وسايقه تاكس
*معقول تكون بنت وسايقه تاكس عادي كدا انا مش يشوفهم الا في الافلام بس وابتسم بسخريه
_ايوا هنا
عُدى نزل واداها الفلوس ولسه على صدمته
وكان واقف قدام الشركه اللي شغال فيها
ودخل وهوا برضو مستغرب
عدى دخل وطلع عند ريان اللي كان قاعد بيشتغل عالصفقه الجديده (ريان شاب جاد جدا فى عمله لكن مستهتر في حياته ورافض الاستقرار )
وقاطعه صوت صاحبه عدى وداخل يضحك
_عندى ليك خبر
ريان باستغراب :ارغي
عدى:احنا شكلنا هنقعد في البيت قريب والستات هي اللي هتمسك الشغل والحياة العمليه
ريان :والله ازاي يعني ما تظبط يبني
_اصلك ما شوفتش البنت اللي ركبت معاها الصبح زي الولد بالظبط اللي فرقها عنهم صوتها بس صوتها مش باين على شخصيتها لانه رقيق وناعم ياااه
ريان:انت بتعاكس راجل زيك يا خى
_يبني اصلك مشوفتهاش انت تحس شكلها من الكاب واللبس راجل لكن صوتها وملامحها غير كدا خالص شكلها وراها حكايه كبيره
_طيب يلا يا اخويا روح شوف شغلك وبطل رغي قال سواقه تاكس قال
اليوم خلص وأفنان كانت مروحه بليل الساعه 10بليل كانت سرحانه في اللي حصلها زمان وفي اللي مرت بيه ...
وهوب العربيه بتاعتها اتخبطت من ورا بسبب عربيه تانيه
افنان نزلت وهي مخضوضه
_ينهار ابيض العربيه دي لسه عليها اقساط وبصت لسواق العربيه التانيه
_انت يا استاذ مش تحاسب يرضيك اللي حصل في العربيه دا انت اعمى
ريان قاطعها وبصلها باستغراب من شكلها :انتى مجنونه انتى اللي فرملتي مره واحده وطالما مش قد السواقه متسوقيش يا شاطره
افنان:انا بعرف اسوق احسن منك عالاقل انا جايباها من عرق جبيني مش زيك بابي ومامى اللي جابوهالك
ريان بعصبية:بت انتى احترمي نفسك وانتى الواحد مش عارفلك ملامح سواء كنتي بنت ولا ولد
افنان:وانت مالك انت انت هطلعلي رخصه انا مش عارفه اي البلاوي دي
_المهم تيجي معايا وتصلحلي العربيه
ريان يصلها ببصه ذات معنى:طيب ماتيجي معايا البيت وانا هصلحهالك واديكي عليها بوسه
افنان بصتله بغيظ وهوب ضربته بالقلم
و.....
تعليقات
إرسال تعليق