رواية شهد الفصل السادس والسابع والثامن والتاسع والعاشر بقلم يارا عبد السلام

 رواية شهد الفصل السادس والسابع والثامن والتاسع والعاشر بقلم يارا عبد السلام 

رواية شهد البارت السادس والسابع والثامن والتاسع والعاشر بقلم يارا عبد السلام 

رواية شهد الفصل السادس والسابع والثامن والتاسع والعاشر بقلم يارا عبد السلام 

البارت_السادس

وقال:انتى طالق يا أجمل حاجه حصلتلي في حياتي...

شهد بدموع اكتر وصدمه:فارس انت هتسيبني لوحدي هواجههم لوحدى انت مستوعب انت قولت اي انت حكمت عليا بالاعدام انت طلعتني انا المذنبه...

فارس:مش هقدر اكمل معاكى يا شهد مش هقدر اشوف دموعك وانا مش عارف اعمل حاجه ارجوكى قدري موقفي

_موقفك!!ماشي يا فارس امشي مش عوزا اشوف وشك تاني ربنا يسامحك ربنا يسامحك 

وفضلت تبكى ودموعها بتزيد كل ما تتخيل اللي هيحصل فيها من أهلها والناس صرخات من الالم والوجع اللي حاسه بيه مشكلتها انها مش قويه مش هتقدر تقف لوحدها قصادهم هى فعلا بقت لوحدها

فارس قلبه وجعه عليها كان مفكر أن اللي عمله دا لمصلحتها ميعرفش أنه كدا بيدبحها بدم بارد ..

معتز كان واقف برا وشايف كل اللي بيحصل كان عاوز يقتل اخوه لانه السبب في كل اللي بيحصل دا وكل اللي عانت منه البنت دي هوا صدقها لما شاف وضع اهلها وطمع امها مش عاوز يسيبها مع الوحوش البريه دي لكن هياخدها منهم ازاي وبصفته اي 

اقسم بداخله أنه لو كان مكان اخوه مكنش هيسيبها ابدا ولا هيخلى دمعه تنزل من عينيها المشكله أن اخوه ضعيف ومش قادر يحمى نفسه حتى حب اي اللي يخليك تقف مش عارف تعمل حاجه لحبيبك حب اي اللي يخليك تشوف دموعه وتمشي بكل برود انك تتخلى عنه في اكتر وقت محتاجك فيه فين الحب لما تستغله فين الحب لما متعرفش تحميه وتكون سنده وتكون مصدر امان ليه فين الحب 

فارس خرج من الأوضه ولسه هيمشي معتز مسكه:رايح فين

فارس بدموع:ماشي مش قادر اشوفها بتنهار قصاد عيني كدا

معتز بسخريه:انت متأكد انك اتجوزتها علشان بتحبها ولا علشان هى بتحبك 

فارس:ارجوك يا معتز انا مش عاوز اتكلم في الموضوع دا دلوقتي انا تعبان

معتز بعصبية:لو متكلمناش دلوقتي هنتكلم امتى قولى انت عملت عملتك وجاي بكل بساطه تسيبها وتمشي انت شايف أن دا صح

_ايوا انا كان لازم اسيبها لانى ضعيف يا معتز ومقدرتش احميها انا حتى مقدرتش أخدها في حضنى وهى منهاره جوا انا كنت عايش معاها اسعد ايام حياتى مكتشفتش انى ضعيف غير دلوقتي ارجوك يا معتز سامحنى وساعدها هى محتاجه المساعده وانا مش هقدر اديهالها

_كنت مفكر انك هتتسلى شويه وتمشي من غير ما تدفع حق اللي عملته دا وحق الذنب اللي أذنبته هى اه غلطت بس انت عليك اكبر غلط 

فارس بص في الأرض ومش عارف يتكلم معتز اخوه الكبير وبيعتبره زي أبوه اللي لو كان عايش مكنش هيسمح بالمهزله دي تحصل..

معتز:امشي يا فارس امشي بس لسه عقابك جاى روح عند امك اشبع بحضنها علشان متسألنيش عن اللي هعمله فيك..

يلا امشي

فارس مشي وهوا مخنوق وروح البيت وهوا متعصب من نفسه...

معتز فضل واقف مكانه بيراقبها وبيراقب حركاتها اهلها مشيوا وسابوها وقالو طالما جوزها يقعد جنبها احنا ملناش دعوه بيها ..

حس وقتها أن فعلا الأهل مش كلام وخلاص الأهل حنيه وسند وان شهد لو كانت شافت الحنيه والسند مكنتش عمرها هتعمل حاجه زي دى ...

دخل عليها وهوا بيقدم خطوه وبيرجع التانيه مش عارف يقولها اي ولا يواسيها ازاي هوا مقدر الجرح اللي عايشاه وأقسم داخله أن ينتقم من اخوه لكن بطريقته الخاصه..

قرب من سريرها اللي كانت دافنه راسها فيه وبتبكى:شهد

مردتش عليه وفضلت تبكى زي الاطفال

حس بوجعها وقلبه وجعه على وجعها اول مره يحس بالشفقه تجاه حد اول مره قلبه يوجعه على حد طول عمره ملقب بالأسد الجارح معندهوش قلب حتى لما كان متجوز مكنش حاسس باي احساس ناحيتها ولما صدق أن جت الفرصه أنه يطلقها لانه ضد أي علاقه بتتبني على غش..

_شهد ممكن تبصيلي

بصتله وصرخت:هوا لي عمل معايا كدا لى بيحصل معايا كدا لي سابني في اكتر وقت محتجاله فيه انت مش قولتلي هتساعدني فين مساعدتك دي فين أنا عوزا اموت انا كرهت نفسي بسببكوا لى سابني قولى لي لي 

هوا اكتر واحد عارف بالي كنت بمر بيه اكتر واحد كان بيطبطب عليا ويقولى معلش لي مقاليش معلش دلوقتي لى موقفش جنبي ..

معتز:ممكن تهدى وانا لسه عند وعدى هساعدك وهجيبلك حقك متقلقيش ومتخافيش طول منا في ضهرك 

_انا بقاش ليا ضهر انا وقعت وانهارت وكلو بقى يدبح فيا واهلى سابوني

_انا مش هسيبك وهجيبلك حقك اوثقي فيا مرة واحده

_هصدقك ازاي انت ملكش ذنب في اللي بيحصل دا

_حقك متصدقيش بس انا طالب منك تهدى وتثقي فيا ومش هخذلك

سكتت وبصتله

_خايفه تطلع زي اخوك

_قولتلك جربي وثقى فيا مش عاوز حاجه تانيه

سكتت ومسحت دموعها:انت بتساعدنى ليه وعاوز منى اي

_اممممم يمكن علشان ننفذ اتفاقنا انا محتاج طفل وانتى محتاجه حمايه يعني متعادلين

_ومين قالك انى هوافق

_هتوافقي بمزاجك مش غصب عنك لانك محتجانى اكتر منا محتاجلك

_ازاي

_انتى محتاجه أن سمعتك متبقاش على كل لسان ومحتاجه حمايه وامان واهلك يحترموكى

وانا هوفرلك كل دا مقابل الشرط دا بس انك تتجوزيني سنه وتجبيلي طفل بس 

_امممم يعني بتساعدني علشان مصلحتك

_والله الدنيا فرص 

_وانت عاوز الطفل في اي مع انك عندك استعداد تتجوز وتخلف عادي

_امممم حاجه متخصكيش ومتسأليش كتير دا اتفاق يا اه يا لا واتحملى نتيجه رفضك بقى

_تمام انا موافقه

_تمام هتخرجى من هنا بكره وهتروحى بيت أهلك ومتقلقيش محدش هيمس شعره منك وبعدها هاجى اتقدملك بعد ما عدتك تخلص ونتجوز 

_وو فارس هوا مش اخوك

معتز بعصبية:قولتلك متسأليش كتير انا اللي هتصرف مش انتى 

شهد بخوف:حاضر حاضر...

شهد تاني يوم خرجت من المستشفى ومعتز وصلها البيت 

شهد طلعت البيت

معتز في العربيه:نسيت الادويه بتاعتها هطلعهالها

شهد خبطت عالباب وامها فتحتهلها والكل كان ساكت بصت لابوها اللي قام وقف قدامها 

_انا مش قادر اتصور اي البجاحه دي انتى ليكي عين تيجي هنا بعد اللي عملتيه وراسنا اللي بقت في الطين بسببك

شهد بدموع:يا بابا انا

الاب رفع ايده وضربها بالقلم :اخرسى مش عاوز اسمع صوتك

شهد:ارجوك اسمعنى

لسه هيرفع ايده تاني لقى اللي ماسكها

الاب بخوف:انت

#شهد

#البارت_السابع

الاب بخوف:انت!

معتز كان واقف قدامه مثل الأسد الجارح اللي هينقض على فريسته 

الاب بتردد وخوف:انا انا مكنتش هعملها حاجه صدقني

شهد استغربت نبرة صوت ابوها مش هى دي النبره اللي كان بيكلمها بيها من شويه للدرجادي معتز متسبب في خوف كل اللي حواليه ...

معتز. بعصبية شديده:انا قولتلك اي واتفقت معاك على اي بصلهم كلهم انا قولت محدش يرمش بعينه معاها بس قولت كدا ولا مقولتش 

بزعيق:ها

الام بتردد وخوف من أنه ينقض اتفاقه معهم :معلش يا اخويا انا اسفالك اوعدك يا اخويا محدش هييجي ناحيتها تاني بس اهم حاجه انت متزعلش 

شهد بصتلها باستغراب وبصت لمعتز بخوف واستغراب والف سؤال بيدور في بالها يا تري معتز عمل معاهم اي ولى هم خايفين منه كدا اكيد في سبب ورا كل دا

معتز:لو الموقف دا اتكرر تاني انا هضطر انى اسحب الاتفاق اللي بينا ودا اخر تحذير ليكوا محدش يجي ناحيتها لحد ما تبقى مراتى مفهوم

الاب والام بذعر:مفهوم يا اخويا مفهوم

اخوات شهد كانوا واقفين مش فاهمين حاجه مين الشخص اللي الكل خايف منه دا واي الاتفاق اللي بينهم وجواز اي !؟

معتز بص لابوها:انا بقول كلامى مره واللي بيعارضه يستحمل اللي يجراله انا هسيبك المره دي علشان انت لسه متعرفنيش

الاب:شششكرا ششششكرا يا باشا 

معتز مسك ايد شهد حست برعشه في جسمها غريبه مستغربه كل اللي بيحصل حواليها وردة فعل اهلها من معتز وكمان عصبيته

معتز يصلها :تعالى عاوز اتكلم معاكى 

دخلو جوا في البلكونه

شهد سحبت أيدها من ايده وهوا اتعصب بس حاول ميبينش دا :ممكن تفهمني اي اللي بيحصل دا واي سبب خوف أهلى منك للدرجادي

معتز بهدوء:بكل بساطه عملت معاهم اتفاقيه 

_اي !!ازاى 

_امممم انى اتجوزك وامنع أن اي حد يتكلم عليكي كلمه وكمان في مقابل مادى بس للاسف اهلك طلعوا طماعين من الناحيه دي بس انا خدتها كتعويض عن اللي عمله اخويا 

_هوا انا للدرجادي بقيت رخيصه !!؟سلعه عاملين تشتروا وتبيعوا فيا انت شويه واخوك شويه انتو عاوزين مني اى بس العيب مش عليكي العيب على أهلى اللي مخلوش ليا عين اتكلم ولا كرامه

_بصى افتكري زي ما تفتكري اعتبريها صفقه وبعدها هتاخدي حريتك وتعيشي زي مانتى عوزا بس ياريت تعشيها صح علشان انتى اللي هتخسري وجامد اووي 

المهم لو حد كلمك أو اتعرضلك اظن انك معاكى رقمى اتصلي بيا في اي وقت وانا هكون جنبك مش عاوزك تخافى انتى دلوقتي بقيتي تخصيني ومحدش بيقدر يجي ناحية حاجه تخصني انتى فاهمه

شهد اول مره يتقالها الكلام دا حتى فارس عمره ما طمنها كدا حست ولأول مره انها اختارت غلط وان فعلا فارس مكنش ولا هيكون الشخص المناسب ليها..

شهد من غير كلام :حاضر

معتز بص في عينيها لاول مره حس بقلبه وهوا بيعلن الحرب عليه تجاهل الفكره وقال:يلا عوزا حاجه

شهد حست انها ولاول مره بالأمان :لا شكرا

معتز خرج ورسم على وشه قناع الجمود وبصلهم:لو اللي حصل دا اتكرر تاني انا مش هحذر انا هنفذ ...

الام:لا يخويا متقلقش دى بنتنا بردك يا اختى هوا في أغلى من شهد!!

شهد بصتلها باستغراب حست أن أمها حرارتها مرتفعه فابتسمت معتز بصلها لاول مره يشوف ابتسامتها قد اي هى جميله وسط كل الشوك اللي حواليها!

خرج من البيت وهوا مقرر يعلم اخوه درس عمره ما ينساه..

في بيت عريق كان في صوت كسر جاي من غرفة أحدهم

دخلت ساره باستغراب

_في اي يا فارس مالك بتكسر في كل حاجه لى في اي

فارس بعصبية:انتى مالك ملكيش دعوة بيا

_ازاي يا فارس انا مراتك وليا الحق انى اعرف مالك في اي 

فارس:مراتى!!

انتى بجد مصدقه الكلمه دي وعارفه معناها!!انتى بجد مصدقه انك مراتى ..

_ايوا يا فارس امال بقالنا تلات سنين مع بعض بنعمل اي

_قصدك تلات سنين سجن عشتهم معاكي تلات سنين عذاب تلات سنين. محستش فيهم باي حاجه كل اللي همك نفسك وبس وشغلك ومكانتك بين صحابك والشوبنج والخروج وبس دا كل اللي همك سألتي نفسك مره انا نفسي في اي عاوز اي بحب اي بكره اي فكرتى مره تحسسيني انى جوزك فعلا وليا حقوق عليكي فكرتي تحضريلي العشا مره وتستنيني ونتعشى سوا فكرتي تقربي مني ومن قلبي جواز اي اللي من غير مشاعر دا وكل تفكيرك انك عوزا تخلفى عوزا تجيبي طفل يعاني من اهمالك زي منا بعاني عوزا تجيبي طفل يتعذب في الدنيا دي بسببك ازاي عوزا تجيبي طفل وانتى اصلا منجحتيش انك تكونى زوجه 

كمل بدموع:انتى كنتي السبب في انى اخونك 

ساره بصدمه:اي!

_ايوا خنتك واتجوزت عليكي وكانت اجمل حاجه حصلتلي في حياتي والنهارده خسرت ابني بسببى 

_ابنك!

_هه مالك مصدومه كدا على فكره هى كانت هتكون ام افضل منك لأنها كان افضل زوجه في الدنيا وكانت اجمل حاجه في حياتي وكانت هى السبب في اني استحملك السنين دي لانى مكنتش شايف غيرها قدامى لكن انا بعدت عنها علشان انا جبان ومقدرتش احميها ..

ساره بعصبية:خلاص مش عوزا اسمع منك حاجه تاني كفايه

فارس قرب منها بعصبية:لا مش كفايه لازم تشربي من نفس الكاس اللي انا شربت منه وتحسي بنفس الاحساس اللي حسيته وتعرفى انك عمرك ما كنتى زوجه ولا عمرك هتكونى ام 

ساره:كانت البنت اللي اغمى عليها في الشركه مش كدا 

انطق مش كدا

فارس بزعيق:ايوا هى شهد اللي خسرت كل حاجه بسببي وبسبب انانيتي شهد اللي محستش معاها غير بالسعاده وبس كنت بحكيلها كل اللي مزعلنى وكانت هى بتسمعنى وبس وبتحضني وبتطبطب عليا عمرها ما زهقت ولا ملت منى كانت زوجه زوجه بحق وحقيقي مش زيك مزيفه ..

ساره دموعها نزلت حست بالاهانه أن جوزها خانها مع واحده زي دي ساره عمرها ما هتتنازل عن كبرياءها هى متربيه على كدا وعمرها مهتقول انا غلطانه وتغير من نفسها علشان جوزها لا هى ساره هانم ازاي تتنازل عن كبرياءها

ساره:طلقني يا فارس 

فارس اتنهد:انا دلوقتي مش خايف ولا منك ولا من ابوكى ولا من معتز ..

انتى طالق يا ساره بس ياريت تحاولى تتغيري لأن مفيش حد هيقبل بيكي وانتى كدا ....

معتز دخل البيت بعصبية

وبدأ ينادى

_فارس فارس 

الكل اتجمع على صوته وحسو أن في حاجه حصلت خصوصا بعد الزعيق والخناقه اللي كانت بين ساره وفارس 

نيره ودي اختهم الصغيره:في اي يا معتز..

معتز:فين فارس

_ففوق

معتز طلع وسمع كل كلام فارس وساره وحس قد اي اخوه كان تعبان وهوا مكنش جنبه ولا عرف باللي جواه هوا وشهد مظلومين  في كل اللي حصل هى عيلتها وهوا مراته...

دخل عليهم وساره شافته

_معتز شوفت اللي اخوك عمله شوفت انا لازم اقول لبابي

معتز بغضب:قوليلو وعاوزك تقوليله انى هفضي الشراكه معاه مش عاوز شراكه مبنيه على اتفاق

ساره بصتله بغضب ومشيت:انا هوريكوو.

فارس قرب من معتز:معتز انا

معتز بمقاطعه:جهز شنطك علشان هتسافر

_اي!

#شهد

#البارت_الثامن

معتز بمقاطعه:جهز شنطك علشان هتسافر

_اي!لي وهسافر فين

_متقلقش مش هتسافر بعيد هتمسك فرع الشركه اللي في اسكندريه

_اي!اسكندريه انت ناسي أن كليتك كانت هناك وحياتك كانت هناك انت كدا كدا كنت عاوز تعيش هناك واهى جاتلك الفرصه

_بس انا مش عاوز اسافر انت اكتر واحد عارف انى مبقتش عاوز اروح هناك انا خسرت كل حاجه هناك انت لي بتعمل معايا كدا

معتز بغضب:علشان تفوق لنفسك يا فارس انت مكنتش كدا عمرك ما كنت ضعيف ولا عمرك كنت بالوضع دا علشان كدا لازم تروح هناك علشان تواجه نفسك احنا غلطنا مره لما جوزناك غصب عنك انا افتكرتك نسيت لكن انت حياتك زمان لسه مأثره عليك علشان كدا لازم تواجه لازم 

فارس بضعف:مش هقدر يا معتز مش هقدر انت اكتر واحد عارف اللي مريت بيه هى ماتت قدام عنيا ومعرفتش احميها ودلوقتي معرفتش احمى شهد انا مستاهلش الحب دا مستاهلهوش

_انت محبتش شهد يا فارس انت شوفت فيها نور وبس انت لازم تتقبل فكرة أن نور ماتت خلاص 

فارس بدموع:كانت اجمل حاجه في حياتى وشهد كانت فرصه تانيه انى افوق وكانت معايا دائما لكن انا كنت لتاني مره ضعيف ضعيف اوووي الاتنين انا اللي اتخليت عنهم بضعفى انا عاوز اموت علشان ارتاح واروحلها 

معتز قرب منه وخده في حضنه:انسى يا فارس وابدا من جديد انا متأكد أن قدامك فرصه انك تتغير بس لازم تواجه ضعفك دا وتبقى قد انك تحمى اللي بتحبهم والا انت هتخسر كل حاجه

فارس :ارجوك يا معتز انا مش عاوز اسافر انا عاوز اموت طالما مش قادر اكون سند وحمايه للى بحبهم طول عمري نفسي اكون زيك بس مقدرتش شهد انت اللي حميتها مش انا مع أن انا اللى كان لازم اعمل كدا ومتأكد انك لو كنت معايا ساعت نور كنت هتحميها برضو انا ضعيف

معتز بعصبية:انت مش ضعيف فوق بقى انت مش ضعيف انت هتكون احسن مع الوقت صدقني بس لازم تواجه نفسك علشان تبقى اقوى وسيب اي حاجه تأذيك وابدا من جديد انا متأكد انك هتقدر 

فارس:تفتكر 

_اه اكيد يلا جهز نفسك علشان هوصلك بنفسي 

_شكرا شكرا يا معتز على وقوفك جنبي السنين دي كلها انت احسن اب واحسن اخ 

معتز ابتسمله وخرج 

وفضلت الكلمه دي ترن في ودنه:انت احسن اب واحسن اخ غمض عينيه واتنهد بخنقه

*ممكن تكون الفتره دي سبب في تغيير حاجات كتير ومسارات اكبر 

يارب 

نيره قربت من معتز:في اي يا أبيه ساره لمت هدومها ومشيت لي

معتز خدها في حضنه:مفيش يا روحى مشكله بسيطه وأبيه فارس نهاها

_ازاي

_طلقها

نيره بفرحه:اخيرا

معتز باستغراب:اي اخيرا دي للدرجادي كانت مضايقاكي

_جدا كانت متكبره وشايفه نفسها مش عارفه على اي يلا خليها تروح تحكى لاصحابها على اليوم المميز دا أو يمكن تعمل حفلة طلاق وتقول اهئ اهئ اهئ ربنا يعوضني بقى

معتز ضحك على أخته الصغيره اللي ماليه عليهم البيت حيويه وضحك هي مهما حصل بتفضل تضحك وتهزر ودا اجمل حاجه فيها..

فارس نزل كمان شويه وكان في ايده شنطة السفر

نيره جريت عليه:انت رايح فين يا أبيه

_مسافر يا حبيبتي في شغل

نيرة حضنته:متستاهلكش يا أبيه والله هى خسرتك

معتز:نيره!ماما صاحيه

_ايوا يا أبيه جوا

بص لفارس وفارس هز رأسه ودخل يودع أمه ممكن مش هيشوفها تاني لانه خد على نفسه عهد أنه مش هيرجع الا لما هوا يحس أنه يستاهل الحب ويستاهل يكون موجود وسطهم وأنه يكون زي معتز ويعرف يتحمل المسئوليه

دخل على الامه الجليسه المصابه بالشلل منذ وفاة أبوه نتيجة الصدمه من يراها الان لا يقول انها هذه المرأه المتعجرفه التى لم يعجبها أحد لكن الان اصبحت اضعف مما تكون ...

*لما ربنا بياخد مننا حاجه بيكون في حكمه في كدا لازم أننا نؤمن بيها ونبقى متأكدين وعندنا يقين ان ربنا هيعوضنا لكن ساعات ربنا بياخد حاجه بنحبها علشان يعاقبنا على غلطات كتير احنا عملناها فسواء كدا او كدا لازم نرجع ليه ونطلب منه الرحمه والمغفره والصبر✨

فارس دخل على أمه قرب منها وباس ايديها 

_انا مسافر يا امى واحتمال اغيب فتره كبيره خلى بالك من نفسك ومن ادويتك وهبقى اتطمن عليكي دائما من معتز ونيره اتمنى لما ارجع الاقيكي في احسن حال وترجعى زي الاول حضنها وباس جبينها وخرج وهى عينيها كلها دموع فارس مهما كان شاب طايش بس هوا ابنها وهوا اكتر واحد في اخواته شبه أبوه علشان كدا هوا الأقرب لقلبها..

عند ساره راحت لابوها وهى متعصبه

_انا يطلقني يا بابي علشان الجربوعه اللي كان يعرفها وقال اي كانت حامل منه انا يسيبني علشان دى 

_يبنتى أهدى وانا هتصرف متزعليش نفسك انتى بس. يا حبيبة بابي

_لا انا مش هاهدى الا لما اعرف مين البنت دي واي حكايتها

_انتى عارفه يا حبيبتي انى مش بحب اشوفك متضايقه فعلشان كدا سيبي الموضوع دا عليا وانا هحله ولو عوزا فارس تاني هجيبهولك راكع ولا تزعلي نفسك اهم حاجه دموعك دى متنزلش على خدك انتى عارفه اي حاجه بتشاوري عليها بتحصل

_طيب اعرفلى مين البت دي دلوقتي

_طيب وانا اعرف اسمها منين

_من المستشفى اللي تبعنا هى كانت هناك من يومين

_ماشي هتصل بيهم واعرف اسمها

اتصل بالمستشفى وعرف اسمها وبعدها اتصل بحد من رجالته واعطاه اسمها وقاله يجيب كل المعلومات عنها

بعد نص ساعه كان عارف كل حاجه عنها وعن عيلتها

_عندى ليكي خبر

_اي يا بابي

أداها ورقه اللي فيها المعلومات عن شهد

_اووووه بالسرعه دي شكرا يا بابي 

_رايحه فين

_رايحه اخد حقى باي

عند شهد كانت قاعده في الاوضه بتاعتها سرحانه في اللي بيحصلها غصب عنها عقلها بيعمل مقارنه بين فارس ومعتز الاتنين مختلفين تماما عن بعض خايفه من اللي جاي وازاي هتكون مع معتز وفارس موجود ولى معتز عاوز يتجوزها لحد دلوقتي مش عارفه توصل لجواب ...

عند فارس ومعتز كانو ماشيين بالعربيه والصمت كان سيد الموقف مفيش كلام يتقال

معتز قطع الصمت بجملته:انا هتجوز شهد

فارس بصدمه:اي!!

#شهد

#البارت_التاسع

معتز قطع الصمت بجملته:انا هتجوز شهد

فارس بصدمه:اي!!انت بتقول اي يا معتز ازاي شهد!

انت انت مستوعب بتقول اي شهد دي كانت مراتى

معتز بجديه:كانت !!وانت معرفتش تحافظ عليها ولا اتمسكت بيها لحظه انت عارف لو كنت شوفت في عينك أن فعلا بتحبها وعاوزها ومصمم عليها عمري مكنت فكرت في كدا ولا عمري كنت وقفت قدامك وكنت أنا اللى هساعدك لكن انت عملت عكس كدا سيبتها في المستشفي بتموت وروحت طلقتها سبت اهلها يهينوها ولا سألت فيها اتخليت عنها في اكتر وقت هى محتجاك فيه فين بقى كلامك دا

فارس سكت مش عارف يتكلم كلام معتز كله صح بس 

متوصلش أنه يتجوزها

_طيب هى موافقه 

_اه

الرد نزل على فارس كالصاعقه..

فارس:انت عاوز تعمل اي بالظبط يا معتز اي اللي في دماغك انا مش فاهمك انت عاوز تساعدنى ولا تخلى حالتى تسوء 

_بالعكس انا بساعدك وهتفهم اللى حصل دا كله بعدين وهتيحي انت بنفسك تباركلى على الجواز انا عمري ما اعمل حاجه تأذيك وانت اكتر واحد عارف كدا كويس انا مستعد اعمل اي حاجه في الدنيا علشان اشوفك انت واختك مرتاحين بس انا برضو محتاج ارتاح 

_اشمعنا هى اشمعنا شهد فيها اي زياده عن البنات 

_شوفت انت حتى مش عارف مميزاتها ولا عارف اللي هى بتمر بيه انت كنت واخدها كمخدة تشكى عليها همومك وترتاح من الضغوطات معاها ،اما انا عاوزها كزوجه قدام الناس كلها حياتك معاها كانت في الضلمه أما أنا هخليها في النور

_انا مش فاهم انت عاوز توصللى اي ولا عاوز تعمل اي بس انا مش هسامحك يا اخويا على اللي بتعمله دا انت بتكسرني وبتقولى بساعدك فين المساعده دي 

معتز وقف قدام الشركه وبكل برود طلع مفتاح واداه لفارس 

_مفتاح الشقه ومفتاح عربيتك هتلاقيها في الجراج 

فارس بصله بذهول من بروده ونزل من العربيه بكل عصبيه ودخل الشركه

معتز بص على أثره*انا مش بكسرك يا فارس انا بعالجك يارب تفوق من اللي انت فيه دا قبل فوات الاوان

انا عارف ان اللي انا بعمله دا غلط لكن انا بساعدك مش بظلمك انت اغلى حاجه في حياتي ومستعد اعمل اي حاجه علشان اشوفك مرتاح...

في بيت شهد

كانت قاعده كانت قاعده بتفكر فى حياتها بعد كدا هتبقى عامله ازاي خصوصا مع واحد زي معتز!!!

سمعت الباب بيخبط وهى كانت في الاوضه 

الام دخلت عليها:قومى يختى صحبتك جايه تشوفك

_صحبتي مين

سارة:انا يا شوشو

شهد بصدمه:انتى 

ساره:ممكن يا طنط تسيبني انا وشوشو لوحدنا شويه 

الام:ماشي وخرجت

ساره:انتى مفكره أنى مش هعرف اوصلك تبقى غلطانه

شهد:وانتى مفكره أن اللى انتى جايه تعمليه دا هيخليني اعيط مثلا عاوزه اى

ساره قعدت على الكرسي:كل خير 

شهد:انا معرفكيش علشان يكون في بينا حاجه

_اممممم ازاي متعرفينيش وانتى كنتي متجوزه جوزي يا حيه يا خطافة الرجاله 

شهد بعصبية:الزمى حدودك انتى في بيتي متخلينيش اتصرف معاكى تصرف تاني انا مكنتش اعرف ان فارس متجوز

_يا عيني كمان مكنتيش عارفه تؤ تؤ تؤ صعبتي عليا كل اللي اقدر اقولهولك انك طلعتي واحده رخيصه واهو اتسلى بيكي شويه ولما عرف انك حامل سابك لأن فارس طول عمره بيهرب من المسئوليه ومسيره يرجعلى لانه بيحبنى انا 

شهد:ماشي وانتى جيالى انا لى دلوقتي عوزانى اساعدك يرجعلك على فكره انا عارفه هوا بيحب اي وبيكره اي ممكن اساعدك لو حابه 

_مش عارفه هوا اتجوزك على اي 

_ولى متقوليش أنه حب يغير علشان مل منك !ولا اي

ساره بعصبية:انتي واحده حقيره وزباله وانا هعلمك ازاي تتكلمى مع اسيادك

_تصدقى خوفتيني تؤ يا ساره يا حبيبتي زعلت عليكي والله كنتي مغفله وجايه تطلعى الطاقه السلبيه اللي جواكى عليا يلا يا حبيبتي امشي من هنا علشان مساويش وشك بالاسفلت

_انتى وقحة وانا هعلمك ازاي تتكلمى باحترام معايا هخليكي تندمى عاليوم اللي خدتى فيه حاجه مش بتاعتك

_يا حرام انتى حالتك صعبه اقعدى اجيبلك لمون ولا حاجه تهدى اعصابك علشان شكلك يا عيني مصدومه يلا يا حبيبتي امشي من هنا علشان مبلغش واقول انك اتهجمتي عليا في بيتي

ساره قامت بعصبية:ماشي يا جربوعه انا هوريكى 

شهد :اتفضلي يا مدام ساره اشربي بق لمون..

هههههههههههه

وبعدين قعدت مكانها بضعف 

*الحمد لله انى قدرت اتماسك قدامها لآخر لحظه يارب ساعدنى واحميني من الناس دي...

معتز رجع البيت بليل كان تعبان ومصدع طلع الأوضه بتاعته ورمى نفسه عالسرير بارهاق وغمض عينيه بتعب 

ومرت قدامه جميع الاحداث اللي مر بيها افتكر أبوه

_يا تري يا بابا اللي بعمله دا صح ولا غلط لو انت كنت هنا كنت انت اللي هتساعدني مشيت وسيبتلي مسئوليه كبيره تعبت 

مر اسبوع وفارس بدأ شغل ومكلمش معتز ولا مره وبدأ يهتم بالشغل

كان قاعد على مكتبه

_ها يا محمد نزلت إعلان عن وظيفة السكرتيره

_ايوا يا فندم وفي بنات بدأت تقدم و

سمعوا صوت برا وصوت فوضى كبير

فارس:اي الصوت دا يا محمد

_اصل يا فندم

_في اي

_اصل ااااا

وفجأة الباب اتفتح وظهرت منه فتاة في مقتبل العمر 

فارس رفع رأسه بعصبيه على الشخص الهمجي دا .

فارس بصدمه:نور!!

#شهد

#البارت_العاشر

فارس بصدمه:نور!!

البنت بصتله باستغراب وبعدين فكرته أنه بيمدحها

البنت بثقه:ايوا منا فعلا نور 

لسه فارس هيتكلم 

قالت:انا فعلا النور اللي هينور الشركه دى 

وبدأت تتكلم بهيام وسعاده:اكيد انتو حبيتو دخلتى دي وحبيتوني وهتعينونى هنا صح 

قربت من فارس اللي كانت حالته لا تختلف عن حالة محمد اللي واقف مصدوم برضو 

قالت:قد اي انت مدير وسيم خلاص انا موافقه 

فارس باستغراب:موافقه على اي

بصتله بحاجب مرفوع:يعنى اتجوزك يعنى اكيد موافقه اكون السكرتيره بتاعتك انت مش هتلاقى احسن منى بعرف اعمل شاي وقهوه ونسكافيه وبرتب المكتب وبظبط المواعيد وكل حاجه اصلي كنت شغاله سكرتيره عند دكتور قبل كدا بس يلا الله يرحمه ااااه كان راجل طيب والله كان دائما بيقولى انتى طيبة يبت يا بسمة يلا واهو مات و

بصت لفارس اللي كان باصصلها بذهول من كلامها وطريقتها اللي بتختلف تماما عن نور اللي كانت هاديه ومش بتتكلم الا لما حد يكلمها لكن هذه الفتاة اخذت تتحدث وتتحدث منذ أن دخلت عليه ...

_ها وافقت عليا صح شكلك وافقت متخافش انا معايا مؤهلات عاليه

فارس:معاكى اي

بسمه بسعاده وفخر:معايا دبلوم تجاره 

فارس:اي!انتى مفكره نفسك جايه تشتغلي في محل فول وطعميه احنا عاوزين لغات 

بسمه:ايوا منا فاهمه انا بعرف اتكلم تركى 

فارس:تركي!!

_ايوا دانا لهلوبه

فارس مكنش مستوعب كلامها 

فارس:طيب قوليلي جمله بالتركي

بسمه بثقه:احم غثان بيك لا تتركني هيك

محمد بدأ يضحك عليها وفارس ابتسم

فارس:دا تركى !

_ايوا دانا طول النهار بتفرج عليه وبفهمهم علشان تعرف بس أنى لغات ها بقى هتشغلني عندك دانت هتكسب فيا ثواب دانا بجري على يتامى

فارس:وحسنه قليلة تمنع بلاوي كتيره 

انتى جايه تشحتى هنا

_تؤ تؤ يباشا احنا بنشتغل بكرامتنا وبنجيب القرش بعرق جيبينا امال 

دانا حتى قلبي طيب بس الدنيا اللي جايه عليا ..

لسه هتصعب على فارس

قربت منه:ها هتعيني ولا لا يا حليوة انت

فارس بصلها بقرف وبعد عنها وتجنب أنه يبصلها لأنها بتفكره بحبيبته اللي ماتت من اربع سنين ،غمض عينه واتنفس بصعوبه مش عارف ازاي هيكون معاها في نفس المكان ويفتكر نور دائما بسببها !

بص لمحمد:شوفلها اي شغل في البوفيه

وقرب منه:مش عاوز اشوفها قدامى ابدا مفهوم

محمد هز رأسه 

وبص لبسمه اللي كانت واقفه بتبص حواليها عالمكان بانبهار :تعالى معايا

بسمه بفرحه:هتشغلني

_ايوا 

سقفت بايديها وصفرت:نجحت يا امى اخيرا

فارس :لا لا كدا كتير انا كدا اتأكدت انها مش نور استحاله ...

عند معتز كان في مكتبه بيشتغل بقاله اسبوع مكلمش فارس ودا قلقه بس ابتسم لما افتكر السبب اللي خلاه يبعت فارس على اسكندريه

#باااااك

من تلات شهور كان معتز في اسكندريه بيشوف شغل في الشركه وخلصه وقرر أنه يتمشى عالبحر شويه وهوا قاعد وسرحان سمع صوت مزعج بيزعق وبيتخانق

بص على مصدر الصوت بانزعاج وشاف بنت واقفه مع واحد وبتتخانق

بسمه:انت مبتزهقش قولتلك مش هاجى معاك هى عافيه 

_انتى ناسيه انك خطيبتي

_كنت خطيبتك كنت دلوقتي كل اللي بينا انتهى يلا اتفضل امشي من هنا احسن الم عليك الناس

معتز سمع الكلام وقام

الرجل قرب يمسك أيدها

بسمه بعدته عنها :اياك تقربلي انت فاهم الزم حدودك

_طيب تعالى نقعد نتكلم

_مفيش كلام بينا وبطل تلحقني في كل مكان زي الضفدع كدا

كتك البلا وانت بومه

لسه هيقرب منها تاني لقى اللي مسك ايده

معتز:هى مش قالتلك امشي بالذوق لازم تمشي بالعافيه 

وضربه بالبونيه في وشه

بسمه سقفت وصفرت :الله عليك يا حبيب والديك والله انت جدع 

معتز بصلها باستغراب وبعدين كلم الراجل تاني:خليك عندك كرامه ومتقربلهاش تاني والا انا اللي هكون موجود ومش هحلك ...

الراجل خاف ومشي 

بسمه:شكرا شكرا جدا يا استاذ

معتز بصلها ودقق في ملامحها عرف انها شبه نور جدا لولا أنه حاضر جنازتها بنفسه كان صدق نفسه

_اسمك اي

_اسمي بسمه 

_اممممم بسمه 

تحبي تشتغلي

بسمه بفرحه:بجد فين

_عندي

_عندك!!هشتغل اي لامؤاخذا

_هههههه لا متخافيش انا عندى شركات وممكن تشتغلى في واحده فيهم لكن انا عاوزك في شغل تاني..

بسمه بصوت واطي:اي فاتح كباريه وعاوزني امسك الاداره

_هههههه لا محتاجك في عمل وطني

_ازاي

_هتساعدى مريض

_مريض!مش فاهمه انا مش ممرضه حتى

_هوا مش مريض بمعنى الكلمه هوا حصله في حياته صدمه لحد دلوقتي مأثره عليه ومش عارف يمارس حياته بسببها فأنتى اللي هتساعديه لانك شبه حبيبته اللي ماتت قدام عينيه ومعرفش ينقذها

بسمه بصتله بتأثر:يعيني قلبي اتقطع عليه خلاص انا جاهزه تساعده في اي وقت

_مش دلوقتي لما هحتاجك هعوزك وهقولك كل اللي مطلوب منك 

وطلع من جيبه مبلغ واداهولها:دا يعتبر عربون للشغل

اتفقنا

_اتفقنا...

#انتهى

*اكيد دلوقتي بسمه وصلت الشركه بالجنان بتاعها هههههههه يا تري كان شكل فارس اي لما شافها ...

لازم اساعدك يا فارس لازم تفوق...

افتكر شهد اللي بقاله اسبوع مشافهاش لكن بيعرف اخبارها من الحرس اللي بيراقبوها...

اتنهد بتعب وغمض عينه بارهاق

جاله تليفون

ابتسم لما شاف الاسم

_ابو أحميد وحشتنى

اي دا بجد جاي النهارده طيب هستناك في المطار سلام ...

*احمد يبقى ابن عم معتز وصديقه كان مسافر امريكا بيزور أهله اللي مقيمين هناك لكن هوا حابب أنه يعيش مع ولاد عمه ويشتغل معاهم لأنهم الأقرب ليه ومتربيين معاه...

عند ساره 

كانت قاعده مع سالي طليقة معتز 

سالى باستهزاء:احنا الاتنين دلوقتي بقينا مطلقات هههههههه ولاد الدمنهوري خلصو مننا احنا الاتنين والله شاطرين

ساره بعصبية:سالى!

فارس مسابنيش فارس بعد عنى فتره وهيرجع هوا كدا كدا بيحبني

_كان غيرك اشطر انا قولت نفس الجمله دي ساعت ما معتز طلقنى برضو انتى بتتكلمى مع ولاد الدمنهوري لو واحده خرجت من حياتهم استحاله ترجع تاني بمعنى أصح عندهم كرامه وبزياده

ساره:انا معملتش اللي انتى عملتيه يا سالي انتى ضحكتي على معتز وخنتيه واتهمتيه أنه عقيم وزورتى اوراق وعملتى مصايب احمدي ربنا أنه اكتفى بطلاقك

_سارة!

_هه اي يا سولى زعلتى ولا اي 

سالي بعصبية:انا ماشيه

ومشيت وسابتها

ساره:مفكره نفسك هتقهريني وهسكتلك

وافتكرت شهد:لسه حسابك معايا يا جربوعه

بسمه كانت واقفه تشتغل وتغنى وفرحانه كل اللي بيشوفها بيضحك عليها وعلى طريقتها..

بسمه في نفسها:لازم الاقى حجه أكلمه بيها أو ادخل بيها مكتبه

بصت على القهوه:اه شكلك انتى اللي هتساعديني

وبدأت تعمل فنجان قهوه:ماشي يا معتز بيه حسابك معايا مقولتليش أن اخوك حليوه وقمر كدا يووووه ركزي يا بسمه ركزي في شغلك وفي اللي جايه تعمليه انتى جايه تعملى عمل وطنى على رأي معتز بيه هه..

خدت القهوه وطلعت الاسانسير وراحت ناحية مكتبه

لسه هتخبط الباب ،الباب اتفتح وهى اتخضت

فارس:انتى اي الي جابك هنا...

حست برعشه في جسمها واتخضت والصينيه وقعت منها عالارض و.....

يتبع