 |
خادمة_الصقر
البارت الثامن والتاسع والعاشر
بقلم يوستينا سامي
كامله على مدونة النجم المتوهج للروايات
8
في الصعيد
في مكتب عاصم الحديدي
الحديدي / انا عايز اعرف ايه السو.اد اللي قلبك ده
ناحية اخوك ، اومال لو مكنتوش تؤام يا ابني
خالد / جدي سبق و قولت لحضرتك انه مش اخويا
و تؤا.مي ما.ت من زمن و دلوقتي انا عايش في الدنيا دي لوحدي
الحديدي/ حر.ام عليك بقي يا خالد ، صقر عمره ما عملك حاجة تخليك تك.ره بالشكل ده
عموما انت حر علشان انا غلبت معاك ، بس عايزك تعرف كويس اوي ، ان انا حفيدي الكبير لسه عايش علي وش الدنيا و هو العمدة من بعدي مش انت .
....و خرج الحديدي من المكتب برا و ساب خالد موجو.ع من كل كلمة جده قالهاله
خالد قعد علي الكرسي يفتكر/ لو لسه مصمم ان صقر
عايش ، يبقي لازم يمو.ت بجد
_______________________________________________
في الشركة .. في مكتب صقر 💺
عساف دخل و هو مرهق اوي لانه كان بايت في المكتب و في ايديه ملف و حطه قدام صقر
عساف/ اتفضل الملف ده في كل المعلومات عن صفقة يوسف و شركة الانجليزية و انا اديت نرمين السكرتيره رقم السكرتاريه عند يوسف .. كدة انا عملت كل المطلوب مني ولا لسه في حاجة
صقر بحده/ اه لسه فيه حاجات
قرب صقر من عساف و حضنه و بدا يضحك بصوت عالي و قاله / بصراحة قولت اخد بنصيحة نغم و اعتذرلك و مبقاش قليل الذوق ، انت متستهلش مني كدة وعارف ان اللي حصل ده كان غصب عنك حقيقي حقك عليا .. بس انت مش عارف انا بقالي يومين في ايه
عساف حط ايده علي كتف صقر / اينعم انا عمري ما كنت اتوقع رد فعلك ده بس برضو مزعلتش منك يا صقر ،يا عبيط انت اخويا .
صقر ز.ق ايده من عليه / انت اخدت عليا اوي
و بعدين و حياه ابوك متجبش سيره الاخوه دي ، احس انا حقيقي كر.هتها
عساف / صحيح فكرتني .. طمني الله يسترك هو ابويا كلمك يا صقر ، احسن ده حا.لف انه يفضل وراك لحد ما يعرف حقيقة الحوار
صقر / اه باباك كلمني بس انا مردتش ارد ، بصراحة خوفت اتهزق علشان اللي عملته فيك . هو ايه اللي حصل
عساف/ انا هقولك اللي حصل
و بدا عساف يحكي لصقر كل حاجة ..
______________________________________
في الشارع ..
كريم / اعتقد ان انا مش حارمك من حاجه اهو وادي العصير اللي انت بتحبيه ..عزمتك عليه بس انت ما رديتيش على سؤالي على فكره .. و عمالة تتهربي
ياسمين / عارف اكثر حاجه باكرهها في حياتي يا كريم هي ايه… هي الكذب عشان كده عمري ما حبيت اني اكذب على حد ولا ان حد يكذب عليا بس للاسف انا عملت معاك كده من اول ما شوفتك
كريم ابتسم وقال لها / كذبتي عليا انا يا بنتي ده انا لسه عارفك امبارح لحقتي
عموما اتكلمي انا سامعك ايه اللي انتي قولتيه ليا كان كذب..
ياسمين / بصراحه كده بقى من غير مقدمات ..انا اصلا
وفجاه موبايل بتاعه رن
كريم بص لياسمين قالها / معلش يا ياسمين هناجل دلوقت اعترافك لحد ما ارد على جاسر لان النهارده عندنا اجتماع مهم ممكن يكون عايز حاجه في الورق
....و رد كريم علي جاسر و ملامح وشه كانت بتتغير و ياسمين بدات تلاحظ ان فيه حاجة حصلت
و لعدها قفل كريم التليفون و قرب من ياسمين
كريم / يلا يا ياسو اركبي العربية علشان الوقت اتاخر اوي و انا لازم اوصلك حالا
ياسمين/ لا بس انا لسه ما اعترفتلكش الاعتراف اللي انا قلتلك عليه….و بصراحه بقى انا مش هاعرف اروح ولا انام غير لما اقولك عليه عشان اخلص ضميري
كريم بضحك / يسلام .طب اركبي و نتكلم في العربية واحنا ماشيين ..
ياسمين / لا احنا هنتمشي في الشارع شوية .
...و فعلا مسكت ايده و بدوا يتمشوا في الشارع ..و فات اكتر من ربع ساعة و ياسمين برضو لسه ساكته ..
كريم / لا كدة كتير اوي يا بنتي بقالنا فتره من الزمن ساكتين يلا قولي بقي اعترافك اللي مش مخليكي تعرفي تنامي
ياسمين بتوتر / بصي انا مش عارفه انت هتعرف تسامحني ولا لا بس لازم تعرف اني عملت كده صدقني غصب عني
بص يا كريم انا اول مره شفتك فيها قدام البنك ما كانش اول مره انا اعرفك تقريبا من حوالي سنه ونصف انا شغاله في البنك اللي انت بتتعامل معاه ..و حاولت اكتر من مرة اتكلم معك بس انت ما كنتش بتاخد بالك
وما كنتش مهتم باي حاجه غير بشغلك وطبعا عرفت من كلام الناس عنك ان انت مش بتحب ترتبط وانا ما كنتش عارفه اعمل ايه فكرت استناك بره البنك واعمل نفسي مش عارفاك يمكن لفت نظرك وتتكلم معايا وفعلا ده اللي حصل
كريم مكنش مصدق اللي هو بيسمعه و فضل يضحك جامد/ بقي انتي عملتي كدة بس علشان تتكلمي معايا ، انتي بجد مجنونة يا ياسمين ..و طبعا حوار الواد اللي خا.نك ده اي كلام مش كدة .. انتي حقيقي مجنونة
ياسمين / ما انا ما جاش في دماغي فكره غير دي وبصراحه خفت تحر.جني وبعد ما تعرفت عليك قلت لازم اقولك على الحقيقه عشان انا متعودتش اكدب ..هااا مسامحني يا كريم
كريم / طبعا مسامحك يا مجنونة .. انت عندك حق انا كنت مهتم بالشغل زيادة عن اللزوم تقريبا كدة صقر اثر عليا .
باقولك ايه انت ما عرفتنيش علي اهلك مين يعني ابوكي عايش ولا لا … مامتك مين ، كده يعني مش لازم اعرف انا داخل علي عيلة ازاي
ياسمين ابتسمت وفرحت جدا من كلام كريم وخصوصا ان هي فهمت قصده و اتمشوا مع بعض لغاية للعربيه وبعدها كريم موصلها البيت وكانوا لغايه السعاده هما الاثنين..
____________________________________________
في المكتب عند عساف و صقر
صقر بحد.ه مسك عساف من هدومه / نعم يا اخويا بقي انا هاخد منك انت فلووس ، ده انت شح.ات ياض ، انت بتستهبل يا عساف
عساف/ طب حط نفسك مكاني .. انا كان لازم اتصرف ما هو انا لو كنت قولتله اني انا اللي اخدت الفلوس كان فرج عليا القسم كله .. و كان زمانها في المسامح كريم
صقر / تقوم تلبسني انا ،ما انا كنت ناقصك اصلي ، هو انت اخدت المبلغ ده ليه اصلا يا عم
عساف / بص بصراحة منغير تسيح دخلته مقدم في شقة و لا انت عجبك اللي ابويا كل شوية يعملوا فيا
يا صقر ده انا بيت في الشارع اكتر ما بيت في اوضتي
صقر بضحك / طب يا غبي هتعمل ايه لو اصر انه ياخد المبلغ ، اصل مهما فات شهر او اتنين كدة كدة المبلغ هيرجع.
عساف / والله يا صقر لو فضل فاكر و ما تلهاش في موضوع تاني ، ابقي ادفعلوا الفلوس بقي ، اعتقد انك معاك سيولة مش كدة
صقر بحده / ادفع لمين يلا .. و انا مال ا.مي اصلا
عساف بحده / مش انت اللي استلفت الفلوس ده انت غريب اوي علفكرة
صقر ضحك / يلا يا بغل اطلع براا .. انا مش ناقصك
كفاية اني هسافر الصعيد و انا مش مستعد اطلاقا ، عساف ما تيجي معايا
عساف/ اجي معاك معنديش مانع بس بشرط ابقي هات نغم معانا اللهي تنستر يا شيخ
صقر بحده / نغم ليه يعني
_____________________________________________
في الفيلا
نغم / صقر مين ده اللي ممكن يتغير بس يا مدام سماح ، ده شخص بيتخا.نق مع ذباب وشه ..طب كلميني عن واحد زي كريم طول بعرض بيمشي يهد الارض او واحد زي عسوفه بخفة دمه
سماح بضحك / عسوفه ، انتي عندك علم ان عساف ده ظابط
نغم بانبهار / واو عساف ظابط ده بجد ، يعني كمان الواحد هيمشي بسلطة و قيمة في المجتمع , والله الواحد ما محتاج حاجة تاني من الدنيا
سماح/ هو انتي فعلا معجبة بعساف مش بصقر .
نغم / صقر لا طبعااا طب بذمتك انتي ده يتحب من اني زاوية ، انا علشان احب انسان لازم التمس فيه صفات جيدة و صقر الله يباركله عنده كله سئ بس
سماح بحزن / ده انا افتكرتك انتي طوق النجاه اللي ممكن ينقذ صقر من اللي اسمها نانسي دي .
بس عموما ربنا يفرحك يا حبيبتي و لو فعلا ليكي نصيب مع عساف يبقي انا اكيد هفرحلك
______________________________________________
في المكتب
عساف / ايه يا عم انت الصدمة دي ، مالها نغم يعني
طب دي حتة سكر ، بقولك ايه انا عايز اتعرف عليها
و عايزك تبقي الوسيط
صقر بصدمة / نغم يا عساف معقول مستواك يكون تدني بالمنظر ده ، نغم بجد ييع
عساف بستغراب / ايه يا عم اللغة العربية اللي نطرت في وشي دي ، و بعدين لو انت بتتكلم عن المستوي الاجتماعي انا مش بيفرق معايا و انت عارف كدة كويس
صقر بستفزاز / انت هتقولي ، ده انت مش بتعمل حاجة في حياتك غير انك بتدخل ايديك في الزب.الة و تطلع ناس
عساف اضايق اوي من كلام صقر و خصوصا ان المرة دي صقر داس علي الجر.ح اوي و قاله بهزار
عساف / طب علي الاقل انا بنضفهم قبلها يا صقر مش زيك .. بتاخدهم بقر.فهم ، انا مضطر امشي علشان عندي شغل .. شوف هتسافر الساعة كام و قولي .
... خرج عساف من المكتب و صقر قعد علي كرسيه يفكر في كلام عساف .
فات اليوم و صقر بدا يجهز كل اوراقه للسفر
____________________________________________
في الفيلا ..
نغم واقفة تضحك مع عساف و كريم ..
نغم / مقلتناش يا كيموو اخبار ست الحسن و الجمال ايه ، كدة برضو متجيش تحكيلي ده انا ماما
كريم/ ده انتي فتانة بشكل يا بت .
عساف بضحك / الله ده في حوار هنا بينكم و انا عايز اعرفه حالا
صقر كان نازل علي السلم و شافهم واقفين مع بعض بيهزروا استفز جدا ..
صقر / ايه هنفضل طول الليل نهزر ،احنا ورانا سفر
علفكره احنا كلنا هنسافر بعربية واحدة .. انا مش حابب يبقي كذا عربية
عساف / اشطا . ده كدة هتبقي الذ والله
و بص لنغم / ده احنا هنم نم يا نغوووم
كريم ضحك / طب و جاسر يا ابني خلاص كدة اتنسي يا عيني عليه
صقر / لا لازم حد فيها يقعد في الشركة بكره فهو هيبقي مكاني و بكره بليل هيجي ،يلا هاتوا معاذ و انا هحصلكوا علي العربية
نغم بصوت واطي / هاتوا معاذ و يلا ، شغالين عندوا احنا
بني ادم غريب اوي
عساف بضحك / والله معاكي حق يا اختي ، ده بعاملنا باحتقار اوي و خصوصا انا و انتي .
و ركب عساف جمب نغم و معاذ في الكنبة اللي ورا
و كريم قعد جمب صقر اللي قرر يسوق هو
و العربية التانية كانت للحرس .
___________________________________________
في الصعيد 🍀
الحديدي بفرحة قفل التليفون مع صقر
و خرج من اوضته / يا عزيزة .. انتي يا بت يا عزيزة
عزيزة / ايوة يا ابا الحج ، خير عايز مني حاجة
الحديدي بسعادة / صقر الحديدي جاي ، جهزي اوضته و اوض الضيوف .. و قولي لمسعد يبدا في تعليق الانوار علشان الفرح
خالد كان واقف و سمع كلام جده و حس بكره شديد
خالد بكره / انت اللي جيت لقدرك يا اخوي
تفتكروا خالد ممكن يعمل حاجة في صقر 😡😭
#خادمة_الصقر
9
في العربية 🚘
معاذ كان نايم علي رجل نغم و كان في صمت في العربية و نغم و عساف بيبصوا لبعض بملل
عساف / لا والنبي يا صقر معلش ، انت ممكن تنزلني هنا قي الصحرا و انا هركب مع اي حد بدل الملل اللي مالوش معني ده بصراحة
صقر بصله في المراية بحده / عساف اخرس شوية
بس اقسمك بالله اوقف العربية و انزلك بجد في الهوو ده .
عساف بحرج. / انا كنت بحاول بس بعبر عن راي يعني ، يا ريتني كنت جيت بعربيتي احسن .
نغم / خلاص يا عساف سيبك منه ، واد يا كريم قولي
عملت ايه مع ياسوو بقي و حركات
صقر بصدمة / واد يا كريم .. هي قالت واد مش كدة
كريم بخوف/ انا بصراحة مسمعتهاش قالت حاجة
بس ماتركزشي معانا
...لف كريم علشان يتكلم معاهم و هو مبتسم و صقر كان سايق و هو مصدوم من اللي بيحصل
كريم / بصي بقي و منغير لف و دوران انا شكلي حبيتها بجد يا نغم ، طلعت عاملة كل التمثيلية دي علشان تتعرف عليا و هي اصلا موظفة في البنك
عساف / يا بنت اللعيبة بجد ياسمين دي طلعت مص.يبة و شكلها بتحبك بجد
كريم بضحك / انت ليه محسسني انك عارف الموضوع علفكره انا حكيت لنغم بس يا ناصح
عساف/ لا يا ناصح برضووو .. ما نغم حكيتلي انا كمان ..😂
صقر بضحك/ طب و ربنا انا كمان عارف الحكاية لانها حكت لمعاذ و هو قالي
كريم بصدمة. / اومال لو مكنش سر روحي الله يخر.ب بيتك يا نغم يا بنت ام نغم
صقر / طب ممكن تاخد نصيحتي بقي ، فكك منها و من اي واحدة اصلا و خليك كدة عايش برنس منغير صداع
نغم./ حلو سمعنا رايه يا كريم و طبعا عارفين مكانه فين .
صقر بعصبية/ ايه يا اختي .. راي مكانه فين بقي
نغم بخوف / هيكون فين يعني في سلة القما.مة
ما هو اكيد مش هناخد بكلام ناس معقدة يعني علي اخر الزمن ، و بعد اذن حضرتك طالما كلام في المشاعر متدخلش
صقر بعصبية / طيب انا بقي اللي مش عايز اسمع صوتك تاني.. احسن والله ار.ميكي في قرب سلة قما.مة نقابلها و انا اصلا مش طايقك . و انت يا عساف الكلام ليك برضووو
....و فعلا فضلوا ساكتين طول الطريق و نغم نامت بتعب و كانت حاضنة معاذ و شكلهم كان جميل اوي
لحد ما وصلوا صقر العمده عاصم الحديدي
و نزل صقر من العربية و معاه كريم و عساف
___________________________________
في العربية
معاذ/ يا نغم ، قومي بقي كلهم دخلوا البيت عند جدو وانتي ليه نايمة
نغم / خلاص يا معاذ فوقت اهووو .. هما دخلوا البيت ، الله ده شكلوا حلو اوي
و نزلت هي و معاذ من العربية و معاذ جري يسلم علي الفلاحين لانهم عارفينه ..
....نغم كانت واقفة بتتاوب بنوم و شافت قدامها شاب طويل و عريض لابس جلابيه و اول ما لف لقته صقر اتفاجات بشكله في الجلابية ..
نغم قربت منه و خب.طته في كتفه بهزار / تصدق بجد شكلك جميل اوي في العباية .. شكلك عمدة بجد
خالد بستغراب / افندم ..
نغم / يوووه هو انت مش هتبطل غرورك ده ، علفكره انا جاية اشكرك فيك يعني المفروض تقولي علي الاقل شكرا ، و لا انت زعلان من الكلام اللي انا قلته من شوية .. انت عارف اني دبش و بهزر
خالد ضحك غصب عنه / انتي فظيعة بجد .. و عموما هبطل غرور علشان خاطر عيونك العسلي دي
نغم اتصدمت من كلامه / انا اول مره اشوفك بتضحك كدة . ضحكتك حلوة بجد بس انت ليه بتتكلم بالسلوب ده .. ص**
....فاجاه معاذ جري علي خالد بحب
معاذ بفرحة/ خالد وحشتني اوي اوي اوي ، لسه مش بتيجي الفيلا عندنا..انا كان نفسي اشوفك اوي
نغم اتصدمت و برقت جامد / خالد مين .يالهووي
....و خرج عساف للجنينة و قرب و مد ايده لخالد
عساف/ ايه ناوي تسلم عليا ، ولا هتعملني عد.و ليك
خالد ابتسم و سلم عليه و حضنه / وحشتني يا حضرت الضابط ... عاش من شافك ، مين جيه معاك
نغم بقلق / عسااف ..مين ده ، هو ده نسخة صقر مش كدة ... هو صقر الحديدي ربنا بيكره فعمل منه عفريت صح
خالد ابتسم/ انتي بجد مين ، انتي مش طبيعية ابدا
ايه كمية اللذاذة دي .. عساف مين دي
وفجاه خرج صقر من الدوار و معاه جده ..
صقر / نغم يلا خدي معاذ خليه يغير و يرتاح شوية علشان بليل في سهر و عزومات و لازم يبقي فايق
نغم عمالة تبص عليهم لاحظت ان في اختلافات طفيفة بينهم زي لون العين .. صقر لون عينه عسلي
لكن خالد لون عينيه بني .. و اختلافات تانية
لكن بسيطة اوي
صقر بحده / نغم انتي سمعاني .. انا بكلمك يا بنتي
يلا خدي معاذ و ادخلوا جواا
نغم بتركيز / اه ..وحاضر تعالي يا زيزو ، بعد اذنك يا استاذ .. وربنا ما فاكرة اسمك
...و اخدت معاذ و دخلت الدوار فعلا و خالد كان واقف يضحك عليها و كان اول مرة يبتسم من فتره طويلة
الحديدي/ ايه يا خالد مش هترحب باخوك ، طب علي الاقل قوله حمدلله علي السلامة
خالد / و اقوله ليه انا اصلا مش شايفه قدامي
سبق و قولتلك يا جدي انا اخويا م.ات بالنسبة ليا
الحديدي / كفاية كلامك ده بقي ، انت قا.سي ليه كدة
ابوك لو كان عايش ، كان ربا.ك من اول جديد علي كلامك ده .
خالد / ابويا لو عايش و صقر مش قريب منه عمره ما كان غض.ب علياا و عمل فيا اللي عمله ده
بس هقول ايه ابويا شبه صقر نفس الج.حود
صقر بحده / انا ممكن ام.د ايدي عليك حالا بس علشان افوقك لنفسك و اعرفك انت بتتكلم مع مين
ولو مش عارف اقولك .. انا صقر الحديدي اللي بكلمه واحدة منه تد.خل الس.جن و تعيش عمرك كله هناك .
خالد ضحك/ بتهد.دني يا صقر ، لا واضح انها غابت منك اوي و نسيت انا مين يا ابن ابويا انا خالد الحديدي .. اللي عملك عقدة من و انت لسه طفل
ولا نسيت .
سابه خالد و دخل الدوار و كان حاسس بالانتصار الشديد اما صقر فكان حزين و بيحس ان كل ما بيشوف خالد بيفقد السيطرة علي نفسه.
_____________________________________
في الشركة صقر .
....جاسر كان قاعد في مكتب صقر بيشتغل بس اتفاجاه بحد بيفتح الباب و اتفاجاه بنانسي
جاسر / ازيك يا نانسي .. غريبة محدش بلغني انك عايزة تدخلي المكتب .
نانسي / ليه هو انت ناسي ان ده مكتب خطيبي ولا ايه ، يعني ادخله وقت ما احب كمان
جاسر ببتسامة استفزاز / والله .. و صقر عنده علم بالكلام ده ، ما تنجزي يا نانسي و تقولي انتي عايزة ايه.. لان ببساطة كدة لسه متخلقش اللي يدخل مكتب صقر منغير ما يخبط
نانسي / طب بص بقي منغير لف و دوران يا جاسر انا عايزة اعمل معاك ديل بس لو حد عرف بيه صدقني
انت مش هيبقي ليك وجود في الحياه تاني
جاسر ابتسم/ يارب هو انا مش قولتلك قبل كدة اني مش بتهدد ، انجزي يا نانسي
نانسي / انا عايزة اخلص من خالد للابد و عايزاك تساعدني ..
جاسر بصلها بتركيز ....
تفتكروا ايه هيبقي رد فعله ؟؟
______________________________________
في الصعيد 🍀
اغلبهم كانوا نايمين و نغم كانت صاحية و قررت تنزل تقعد برا الدوار ..
نغم كانت بتتفرج علي شكل الاراضي الزراعيه و مبهورة / الله قد ايه المكان هنا جميل و مريح
خالد و هو واقف جمبها / و بيبقي احلي وقت الفجرية علفكره ، انتي تبع صقر مش كدة
نغم / بقي انت خالد .. سمعت اسمك كتير اوي بس عمري ما اعرفت انك اخو صقر و كمان التؤام
بس ازاي مش عايش مع اخوك
خالد ببتسامة / انتي اسمك نغم صح. اسمك حلو
عارفة يا نغم انا حاولت قد ايه اعيش معاهم في نفس البيت .. كتير اوي و كل مرة بفشل
نغم باعجاب / عارف ياريت صقر كان اسلوبه زيك كدة .. هادي و لذيذ
..خالد فضل يضحك جامدو نغم استغربت اوي
خالد / تعرفي ان عمر ما حد قالي الكلمة دي .. طول عمرهم بيقولولي ازاي مبقتش زي صقر .. دايما شايفينه هو الاحسن في كل حاجة ، بقولك ايه انا جعان اوي.. تعالي ناكل
نغم/ انا طباخة ماهرة علفكرة .. يلا بينا علي المطبخ
___________________________________
في اوضة كريم و عساف .
كريم بيصحي عساف / انت يا زفت بطل فرك بقي
انا مش عارف انام منك
عساف بنوم / لو مضايق قوم نام علي الكنبة و متو.جعش دماغي
كريم / هو بيت اه.لك ياض . عساف اظبط في نومتك بدل ما والله ار.ميك من علي السرير
عساف برضو فضل يتحرك في السرير بطريقة استفزت كريم و هو اتغاظ و ز.قه جامد من علي السرير..
عساف و.قع علي الارض بو.جع / اعاا ، ايه الغباء ده في حد يعمل كدة
كريم / روح بقي نام علي الكنبة ..جاتك اللهم في نومتك ، الله يكون في عون اللي هتتجوزك والله
و عساف بيبص علي الكرسي لقه موبيل كريم بيرن برقم ياسمين فخط.ف الموبيل بسرعة من كريم .
كريم بعصبية / عسااف متهزرش معايا و هات التليفون بدل ما اك.سر دماغك .
عساف بضحك/ وربنا لو لمسحت شعرة واحد مني لا.تبلي عليك و ا.حبسك
و اخد عساف الموبيل و جري علي الحمام و قفل الباب عليه ..
___________________________________
في المطبخ ..
خالد واقع بيتفرج علي نغم و هي بتطبخ
نغم / بذمتك يا خالد و انا عارفة انك عندك ضمير و هتقول الحقيقة كلها
خالد بضحك/ يا بنتي عارفه ايه ده انتي لسه شايفاني النهارده ، عموما بسم الله ما شاء الله عليكي الاكل عمال يتحرق بقاله نصف ساعه .
نغم / انت بتتكلم جد اصل انا اول مرة اعمل نجريسكو دي
خالد / لا يبقي تقفي انتي جمبي و اتعلمي بقي اصول الاكل يا ماما
.... وفعلا نغم وقفت جنب خالد وتفاجئت ان هو بيطبخ باحترافيه كبيره جدا وكانه متعلم الطبخ من زمان .
___________________________________
في اوضة عساف و كريم ..
قدام باب الحمام
كريم / افتح يلا و خليك جدع و انا هتكلم و افتح المايك
عساف / وربنا لا.ذل اهلك علشان تبقي تز.قني من علي السرير كويس .. و خليها ترن كدة و محدش هيعبرها و اقولك كمان هبع.تلها ماسدج اهز.قها فيها كمان
كريم / ورحمة ابويا لو مفتحتش الباب لاكسره عليك يا عساف و انت حر بقي ..
عساف / حلووو كس.ر الباب يا عم فاندام
خلي صقر يجي يك.سر دماغك الحلوة دي ... بقولك ايه علشان اجيبلك ناهية الحوار
انت زي الشاطر هتطلع برا الاوضة كدة و تبقي تنام في حضن صقر علشان تاخد الموبيل
كريم / وربنا هسمع كل كلامك بس متردش عليها ولا تعمل حركة من حركاتك المتخ.لفة دي
عساف / تمام عموما انا اخذت رقم تليفونها احتياطي علشان لو فكرت تضايقني هفض.حك معاها
وفعلا كريم وافق يخرج من الاوضة و عساف اداله تليفونه و قفل الباب عليه و نام و هو مكنش معاك رقم ياسمين اصلا بس حب ينام في الاوضة لوحده
____________________________________
في المطبخ ..
خالد / خدي الاكل اهووو ..و دوقي و قوليلي رايك
...نغم اخدت الطبق و فضلت تضحك جامد و خالد استغرب اوي ..
خالد / اي يا بت انتي بتضحكي كدة ليه ..في ايه
نغم بضحك / انا بجد مش مصدقة .. انت عارف انا متخيلاك صقر .. فتخيل صقر واقف قدامي بجلابية و بيضحك و كمان بيطبخ .. يعني قمة الضحك ..
خالد ابتسم و بص و لقه .. / يا ساتر يارب. انت ايه اللي جابك انت بتيحي علي الريحة
استووووووب.
تفتكروا مين اللي جيه 😱🤣🍀
#خادمة_الصقر
#يوستينا_سامي
10
خالد / اي يا ابني انت بتيجي علي الريحة
كريم بتكشيره / اعمل ايه بقى عساف الغبي ده طردني من الاوضه ، وبعدين ايه الحركات دي بس
مين اللي عامل الاكل الجامد ده
نغم بصت لخالد احراج / اكيد انا يعني امال مين اللي هيعرف يطبخ في البيت غيري
خالد بضحك / باقولك ايه ماتفشريش
انا اللي عامل الاكل وبعدين كريم عارف كويس قوي ان انا باعرف اطبخ ، و تعالي هنا صحيح انتي ازاي كنتي عايزة نجريسكو بالطريقة دي هو اي عكك
نغم/ انا كدة ماشية علي قاعدة عكك و ربك يفك ..و بعدين انا غلطانه اصلا ان انا حاولت استر عليك ، و اكلك مفيهوش ملح و محروق مش كدة يا كريم
كريم كان بياكل و مش مركز تماما في كلامهم / امم الاكل تحفة بجد يا خالد ... فنان يا ابني والله .
نغم باحراج / ماشي يا كريم على فكره ده بيجاملك يا بابا عشان انتم اصحاب مش اكثر ، وبعدين انت ما قلتليش صحيح انت اتعلمت الطبخ فين .
يوتيوب بقى وحركات دي .
خالد / يوتيوب ايه يا جاهله انا عشت في ايطاليا فتره طويله وكنت حابب الاكل الايطالي و اتعلمته شويه شويه لقيت نفسي بتعلم اغلب الاكل و كان نفسي ابقي شيف
نغم بيعجاب/ ايه ده الله طب ليه ما قدمتش يا خالد اعتقد انك كنت هتنجح على فكره ،انت شكلك فعلا فنان
خالد بحزن / ابويا رفض بشده وقال انا ابني ما يشتغلش طباخ واخذها اهانه للعيله
و لانه كان عارف اني بحب الاكل والتجديد رفض كمان اني افتح مطعم عشان ما تعلقش بالهوايه دي اكثر من كده
نغم بحب استطلاع/ طب وصقر برده بيحب الطبخ وكده ولا ليه هوايه ثانيه
خالد بحزن و دموع مكتومة ساب طبق الاكل على السفره وقال بتريقة / صقر ما عندوش غير هوايه واحده وهي انه يك.سر احلام اللي حواليه
علفكرة انا مش جعان .. تصبحي على خير
......وخرج خالد من المطبخ ونغم كانت واقفه مصدومه وبصت لكريم اللي ما زال بياكل في الطبق
خبطته في كتفه بغيظ
نغم / كفايه الطبق خلص ، ايه الفجع ده وبعدين خالد قفش ليه كده ومشي
كريم بابتسامه/ تصدقي يا نغم عمري ما شفت حد غشيم زيك ، مش بتنقي غير الكلام اللي بيو.جع وبتقوليه
نغم / بس انا ماقلتش حاجة بجد يا كريم ، و واخدة بالي من لساني كويس اوي مع خالد بالذات لانه جميل اوي
كريم بضحك/ لا ده واضح ان الصناره غمزت
بس غريبة برغم ان صقر و خالد نفس الشكل الا انك مش بتطيقي صقر و بتطيقي خالد
نغم بكسوف / حقيقي يخالد بني ادم قوي وشكله طيب كده مش زي اخينا الثاني اللي مش بتكلم غير لما بيزعق
كريم ضحك جامد / خالد طيب 😂😂
اه يامااا خالد حاول قبل كدة يق.تل صقر علفكره
نغم / نععععععم 😱
_____________________________________
في الاوضة عند عساف 🤍
عساف مكانش جايله نوم وقرر يمسك موبايله يقلب فيه
عساف بملل / القعده هنا بقت مملة قوي ، ده لسه اول يوم وزهقت افف بجد ، بس علي الاقل مافيش حد بيتخا.نق معايا
....وبدا يقلب في الموبايل وفجاه ملامح وشه اتغيرت اول ما شاف بوست معين بدات ايده تتر.عش بخوف وسايب الموبايل من يده
عساف حط ايديه علي راسه وغمض عينيه با.لم وحزن / معقول الي شفته ده .. اكيد كذب
معقول تكون دي لعبه منهم علشان يوج.عوني ؟
للدرجة دي مشاعري لعبة !
لا . لا اكيد في حاجه غلط انا هكلم عمر اساله ..
بس رجع عساف ساب الموبيل و بدا يعيط جامد بحرقة / اكيد لو سالته هيفرح فيا وهيعرف ان هما نجحوا ان هم يو.جعوني ويستف.زوني
مسح عساف دموعه بيده اللي لسه بتترعش و قام من علي السرير بتحدي / بس ما عاش ولا كان يدوس علي عساف او يو.جعه .
...و قام عساف و دخل الحمام ياخد شاور علشان يهدي توتر اعصابه ..
_____________________________________
في المطبخ ..
نغم بحده / انت هتسكت بعد المصيبه الي قلتها دلوقت دي خالد ازاي عمل كدة ما تفهمني
كريم / لا مش هافهمك وخليكي في حالك دي كانت مشاكل بينهم واديكي شايفه الحمد لله لحد دلوقتي مش بيتكلموا مع بعض
نغم / و ربنا انت بارد بجد...و هات بقي الطبق ده
انا اصلا هابقى اسال خالد وهو يحكي ليا على كل حاجه لاننا بقينا اصحاب وخلاص
.......ومسك كريم موبايله وفجاه ملامح وشه اتغيرت وساب الموبايل وبدا يبص لنغم بنظرات هي ما فهمتهاش
نغم بستغراب / مالك يا عم وشك قلب ليه كدة
كريم / انا لازم اقول صقر دلوقتي
و جري كريم و نغم راحت وراه و دخل اوضة صقر .
________________________________
في اوضة صقر .
......صقر كان قاعد بتيشرت كت و دي كانت اول مرة نغم تشوفه بشكل مش رسمي .. و كان بيتكلم في التليفون..
كريم / صقر ..الحق فيه
صقر شاورله بايده و كمل كلامه في التليفون / طيب يا عمو.. صدقني انا هظبط كل حاجة و هطمنك ...سلام
قفل صقر التليفون و بص ناحية نغم اللي كانت لابسة البجامة اطفال / اي في حد يدخل اوضة حد تاني بالشكل ده يا انسة نغم
نغم بحرج / انا جاية مع كريم ..ملكش دعوة بيااا
كريم / صقر مش وقته ..انت شوفت البوست اللي لسه نازل من ساعتين
صقر بتريقة / شوفت .. ده يوسف نفسه كلمني
و عزمني ، انا عايز اعرف احنا المفروض نعمل ايه مع عساف دلوقتي لان ابوه ليه برضو قافل و خايف عليه
نغم / طب فهموني الليلة و انا هقولكوا والله .. ثقوا فيا
صقر / البت دي بتعمل ايه هنا .. هو انتي ليه داخلة بودنك في اي حوار ، هو انتي جاسوسة يا بت
كريم / صقر .. ركز معايا اناااا
انا معرفش هنعمل ايه مع عساف بس لازم نطلع له دلوقتي ..يلاااا
نغم / ايوة يلا بينا.. احنا لازم نطلعله كلنا مرة واحدة
علشان انا همو.ت و اعرف ايه الحوار
صقر مسكها من قفاها / اطلعي اوضك بيجامة سندريلا اللي لبساها دي
نغم / اوعي سيب قفايا يا عم انت ..انا طالعة . يعني
طالعة فكك مني ..يلا يا كريم فين اوضة عساف
هجوووم
و فعلا طلعوا هما التلاتة الاوضة وفتحوا الباب و اتفاجواااا.....
____________________________________
في مطعم كبير ..
جاسر كان بياكل هو و نانسي ..
جاسر و هو بياكل / و انا لما اساعدك في مو.ت خالد هستفاد ايه .. ولا حاجة مش كدة ، اسمعي بقي يا نانسي انا عايزك تعرفي حاجة واحدة بس
نانسي / ايه هي يا جاسر ..و اتمني انك تكون عملي
و ماتقوليش انه ابن عمك و الكلام الفارغ ده
جاسر بتريقة / ابن عمي ..ههههه
نانسي انا من مصلحتي ان الاتنين يمو.توا مش واحد
فاحنا هدفنا مختلف تماما
نانسي مدت ايديها / و انا موافقة ، بس اللي هنقدر عليه دلوقتي هو خالد ، صدقني يا جاسر عمرنا ما هنقدر علي صقر الحديدي الا و هو ضعيف
و اعتقد ان معاذ اكبر سلاح لينا
جاسر بضحك / لا مش معاذ .. انا عارف مين كويس اوي هو نقطة ضعفه بس مبدئيا كدة احنا اتفقنااا .
انا مضطر امشي بقي ..واه شكرا علي الغداء
.....و مشي جاسر و ركب عربيته علشان يروح الفيلا عند صقر يجيب حاجات لكن و هو سايق العربية و كان قرب علي الفيلا مسك تليفونه شاف نفس البوست / يا نهار اسووود ، يا عيني عليك يا عساف
...و فاجاه فاق جاسر علب صوت بواحدة كان هيخب.طهاا... نزل من العربية بسرعة و هو متوتر .
جاسر / انا اسف قوي انتي كويسه انا فعلا ما شفتكيش
عزه / ما شفتنيش ليه بقى يا حنين ح.شره انا مش كدة .. طبعا ما الاغنية اللي زيك حقهم يعملوا فينا اللي هما عايزينه
جاسر / اه انتي مجنونه بقي. باقولك يا بنت انتي هو انا خب. طتك ولا لا عشان لو خبط.تك اروح اعا.لجك ومش عايز رغي
عزه / يعني كمان عايز تخب.طني وما اتكلمش اما انت بجح صحيح ، لعلمك بقى انا كنت داخله فيلا صقر الحديدي وهو بقى هيجيبلي حقي منك
جاسر/ لا والنبي انتي داخله عند صقر الحديدي طيب ماشي ابقي اشتكيله وقوليله جاسر ابن عمك خبطني بالعربيه سلام يا قطه ...
____________________________________
في اوضة عند عساف ..
عساف ضحك اول ما شاف صقر وكريم ونغم داخلين زي حراميه / انتم داخلين كده ليه وبعدين ايه اللي لم الشامي علي المغربي .. غريبه دي شوية
خالد بضحك / هي الصراحه غريبه اوي بقولك يا كيمو انا داخل اوضتي ،لو عوزتني انا موجود تحت
عساف بضحك / و انت لو عوزتني انا موجود فوق يا عسل 😂
خالد / يا اخي اتفووو علي ده إفيه ، انا نازل .. اوعي
..و نزل خالد من الأوضة ، و كريم بيبص لعساف باستغراب ..
عساف بضحك / ايه عم مالك متنح ليه كدة .. كريم انت لو ناوي تستندل و تمد ايديك عليا ، احب اقولك أن رقم ياسمين لسه معايا و صقر موجود. و انا في حمايته
صقر بدأ يحس من رعشة ايد عساف أنه عرف بس بيقاوم / بقولك مش ابوك كلمي و هزقني بسبب حوار الفلوس و صمم أنه ياخد المبلغ .. شوفت آخره عمايل السودة
عساف ضحك جامد لان صقر بيكدب / ابويا راجل كبير بقي متخدش علي كلامه ، بس يكون في علمك
دعوته مستجابة فادفع الفلوس احسنك ..
نغم / عساف هو انت كويس. . اصلهم قلقوني عليك اوي بسبب حوار البوست
كريم بصوت عالي علشان يغلوش / نغم ..ايه أيه يا ماما .. اه يمكن قصدها علي طبخة خالد اللي لسه طبخها برااا . صح يانغووم
عساف بضحك / طيب انا محتاج انام لاني مصدع اوي .. و بجد انا محرج اقولك اطلعوا برا .. بس
يلا برا انت و هي ..يلا صقر باشا حصلهم بعد اذنك
و فعلا خرج صقر و كريم و نغم و نزلوا قعدوا في الجنينة. 🍀
نغم / لا انا فضولي هيموتني .. كريم يلا زي الشاطر احكي اللي حصل
كريم/ بصي يا ستي كل الحكاية أن عساف
صقر بحده / انت اهبل يلااا .. انت عايز تقلها تقوم مصر كلها عارفة مشكلته ..دي مش بيتبل في بقها فولة ..
نغم / يا اخي اخرج منها بقي.. ده انت بايخ اوي
كريم صاحبي و هيقولي علي كل حاجة
كريم / مش وقته يا نغم هقولك بعدين والله .. المهم يا صقر ان عساف لسه معرفش مش كدة
صقر / بالعكس ده عارف .. و عارف جدا كمان
انا حاسس بيه
و فاجأه و هما بيتكلموا قربت منهم بنت شكلها حلو اوي من الصعيد ..
صقر ببتسامة / قمر ...
نغم باستغراب / هو فين ده .. الله مين البنوتة القمر دي.
استوووووب هو فعلا مين البنوتة دي ؟؟؟
عندي سؤال بجد .. هل ممكن الأهالي تكون السبب في دف.ن مواهب عيالها زي ما حصل مع خالد
و هل ده السبب الوحيد اللي خلي في عداوة بين خالد و ابوه و صقر ؟؟؟؟
