جميع الروايات كامله

خادمة_الصقر

البارت الحادي عشر والثاني عشر 

يوستينا_سامي

كامله على مدونة النجم المتوهج للروايات 

11

نغم باعجاب /  الله هو انتي اسمك قمر  على فكره ده اسم علي مسمي جدا

قمر بخجل / شكرا ليكي يا استاذة ده من زوق حضرتك.. هو انتي اسمك ايه 

نغم بفخر  / انا واعوذ بالله من قوله  انا... اسمي نغم حلو مش كدة ، انا عارفة والله منغير ما تشكري 

......صقر ضحك و نغم اتصدمت من ضحكه و ابتسامته اللي اترسمت علي وشه في وجود قمر 

صقر / سيبك منها يا  قمر دي مجنو.نه ، المهم انت ايه اخبارك بقالي كتير ما شفتكيش .

قمر بحزن / وانا كمان بقالي كثير قوي ما شفتكش يا صقر بيه ، يعني لولا الفرح كان زماني ما شفتكش خالص. 

صقر بابتسامه / ما تقوليش كده انا ما باجيش الصعيد غير لما بسال عليكي واطمئن عليكي على فكره ، اخبار والدتك ايه .

.....قمر ما تكلمتش وصقر  كذلك و فضلوا بيبصوا لبعض  ونغم كانت واقفه مصدومه وخب.طت كريم في كتفه

نغم بصوت واطي لكريم /  هو ايه اللي بيحصل ده 

كريم .. صقر الحديدي طلع بيسبل ده مش انسان إلي 

كريم بصوت عالي / ايه يا قمر هو صقر بس اللي هتسلمي عليه يعني ولا ايه,  ما انا موجود ولا انا شفاف مثلا 

قمر بابتسامه عزبه /  ازاي بس يا كريم باشا  هو انا اقدر برضوو ، ازي حضرتك وازاي عساف بيه ما شفتوش

كريم/  لا حقيقي عساف قاعد فوق مح.تل الاوضه ، 

صحيح انا سمعت انك اتخطبتي لعزمي الف مبروك 

قمر اتغيرت ملامحها للحزن والزعل 

وقالت بصوت مكسور / اه عزمي  ابن ناس و كويس معايا 

انا مضطرة امشي ، بس لو عوزتوا  مني حاجة ابعتولي و انا عينيا ليكم ... بعد اذنكوا

صقر بصوت موجوع/  مبروك يا قمر باذن الله ربنا يسعدك معاه ، انا ما كنتش اعرف موضوع الخطوبه ده بس في فرحك اعتقد ان انا ممكن ابقى وكيلك كمان  لو تحبي 

قمر بحزن/ تشكر يا صقر بيه..

....و مشيت قمر و هي ملامحها توحي بالعياط و الوجع 

و كانها بتجري قبل ما دموعها تخونها و تنزل قدامهم

صقر بص لكريم و نغم / احم .. كريم انا هدخل انام بقي ، و انتي يا نغم خلي بالك من معاذ احسن يصحى علشان لو قام وما لقيكيش جنبه ممكن يعيط

  ...ودخل صقر الدوار ونغم فضلك تبص ناحيه كريم بصدمه وفجاه مسكته من هدومه و اتكلمت بعصبيه

نغم /  باقولك ايه بقى انتم ليه غامضين كده  انتم ايه حكايتكم بالضبط انا مليش في الغموض ده 

كريم فضل يضحك جامد ومسك يد نغم وبعدها عنه وقال لها / يا بنتي انتي المفروض اصلا ما تشتغليش هنا. .. لان البيت ده بكل اللي فيه حياتهم غامضه وعمرك ما هتفهمي اي حاجه يلا تصبح على خير يا نغم 

وكريم سابها ودخل الدوار برده علشان ينام

 نغم في سرها / معقول في ناس كدة ، طب طلاما كلهم غمضين اومال انا هتعامل مع مين .. حتي عساف اللي كنت فكراه عبيط طلع برضو غامض ..

.......وفضلت نغم فتره طويله بتفكر في الجنينه وبعدها قررت تطلع تنام وعدى اليوم بهدوء في الصعيد وكل واحد فيهم ملتزم اوضته ..

____________________________________________

بليل في الفيلا صقر الحديدي ...

والده نغم /  ما خلاص بقى يا عزه ما حصلش حاجه لكل ده يا بنتي جاسر  خب*طك بالعربيه واعتذرلك

يبقي ايه لازمة المحاضر

جاسر/  سيبيها يا طنط انا عارف الشوو  اللي بتحاول تعمله دوت،  باقولك يا بنت انتي لو  فاكره نفسك هتخوفيني 

فانا ما باخافش وانا اصلا لازم اطلع اجهز الشنطه عشان انا مسافر ومش فاضيلك 

عزة / ياض انا ممكن ابط*حك بحاجة بلاش تستفزني كدة و انت بارد كمان 

والده نغم / وبعدين معاكي بقى يا عزه مش كده يا بنتي هو انت جايه تزوريني وتعملي مشكله

سماح/  اهدي بس يا حاجه ده سوء تفاهم بينهم واكيد هيتصلح

 جاسر بعد اذنك كفايه كلام واطلع خذ الشنطه اللي عايزه تاخذها وسافر يا ابني ربنا معك 

جاسر / حاضر يا طنط انا هاطلع اخذ الشنطه واقصر الشر علشان انا اصلا ما عنديش دماغ

 سماح بحنين وحب /  جاسر عشان خاطري يا ابني ابق سلملي على خالد وقله جدتك نفسها تشوفك قوي ..ووحشتها 

بدات سماح تعيط و جاسر قرب منها / طب ليه بس بتعيطي صدقيني هو كويس وبعدين ما انتي عارفه خالد راكب دماغي ورفض يرجع يعيش مع صقر

سماح/  عارفه يا ابني اللي فيها وقلبي موجو*ع عليهم هما الاثنين ربنا يهدي سرهم على الاقل عشان معاذ يتربى ما بين ابوه عمه .. اطلع يا ابني شوف وراك ايه 

.....وفعلا طلع جاسر وجهز الشنطه ونزل وخرج بره الفيلا بس لقى عزة مستنية حاجة تركبها ..

جاسر /  على فكره انت لو فضلتي  هنا لحد بكره واقفه مكانك مش هتلاقي عربيه توصلك تحبي اعمل فيكي معروف و اوصلك

عزة عصبيه / ايه تعمل فيا معروف دي هو انا باشحت منك وبعدين مالكش دعوه انا بقى عايزه اقف هنا لحد ثاني يوم الصبح 

جاسر / يلا يكشي هتو.لعي بجا.ز انا غلطان اصلا ان انا بعبر  امثالك 

وفعلا سبها جاسر ومشي وعزة كانت واقفه متغاظه جدا و زعقتله / اتفووووو بجد ..

......عزه ما كانتش لاقيه فعلا المواصلات و اضطرت تطلع بره وتمشي كثير لحد ما لقت عربيه توصلها اما جاسر فكان في طريقه للصعيد 

____________________________________________

......ثاني يوم الصبح تجمعوا كلهم على السفره علشان يفطروا وكان جاسر قاعد جنب عساف وجنبهم معاذ ونغم .. والحديدي قاعد على راس السفره وجنبه حفيده صقر الحديدي اما خالد كان رافض يقعد معاهم 

الحديدي / هو خالد برده مش عايز يجي يقعد معنا

ما تدخل انت يا عساف حاول تقنعه يجي بس يفطر

عساف بابتسامه / والله حاولت كثير قوي بس خالد زي ما احنا عارفين رخم وما بيرضاش يسمع كلام حد

و هو اصلا في الجنينة 

نغم بحب استطلاع /  طب انا ممكن اروح انادي عليه انا اصلا كده كده فطرت تيجي معايا يا  معاذ 

معاذ /  اه اجيء معاكي يلا بينا

..... وفعلا خرجوا الجنينه علشان يدوروا على خالد بس خالد كان قاعد جنب اسطبل الخيل 

نغم / ايه يا عم بقالي كتير بدور عليك .. مختفي ليه كدة ،هو احنا مش كان بينا كلام برضوو 

خالد ابتسم / كلام ايه بس يا شيخة اتلهي... يا زيزو وحشتني اوي , جيت ليه مش المفروض تقعد تفطر 

معاذ/  ما انا فطرت يا خالد  و اكلت كل الاكل بتاعي حتى اسال نغم ...انا جيت اقعد معاك علشان وحشتني 

نغم وهي بتقلد صوت معاذ / وانا كمان والله اكلت كل الاكل بتاعي وجيت اقعد معاك صح يا معاذ

خالد ضحك جامد من قلبه على طريقه نغم و بصلها  باعجاب /  انتي مش طبيعيه على فكره انتي كان المفروض تمثلي مش تشتغلي مربيه في حضانه

نغم /  طبعا ما انا باكلم واحد فنان قولي بقى

 ليه ما اشتغلتش الحاجه اللي انت بتحبها وما حاولتش مع باباك علشان تبقى شيف مشهور 

خالد باس معاذ من راسه وقال له / حبيبي روح العب هنام و اتفرج علي الاحصنه ما تخافش انا واقف اتفرج عليك ..

...و مشي معاذ يتفرج علي الخيل ..

خالد/ السؤال ده تساليه لصقر الحديدي اللي انت جايه معاه ، قوليله ايه اللي وقف في حياه خالد وفي طريق مستقبله .. يمكن يجاوبك 

نغم بضحك. / انا لو فضلت اهاتي من هنا لبكره مع صقر ده مش هيرد عليا اصلا وبعدين انا جيت اتكلم معاك عشان حسيتك طيب وشبهي ، وممكن نبقى اصحاب 

خالد وجع / بس انا مش بصاحب يا نغم واي احد من طرف صقر انا باكر.هه وبك.ره اني اشوفه قدامي

 الوحيد اللي مستحمل وجوده هو معاذ لانه مولود على يدي وباعتبر نفسي ابوه 

نغم / يعني انت بتحب معاذ،  طب بذمتك واللي بيحب حد يحاول يق.تل ابوه و ييتمه ..

في اللحظه دي خالد مقدرش يسيطر علي نفسه و مسك نغم من رقب.تها بغيظ وقال لها / انت عارفه لو ما بعدتيش عني انا ممكن اعمل فيكي ايه 

و فاجأه اتكلم بصوت عالي اوي خض نغم / عارفة ولا لاااااء

نغم بخضة و دموع / انا همشي من هنا .. و ماليش دعوة بيك و الله بس سيبني .. معاذ لو شافك و انت كدة هيخاف منك  

خالد بعد عنها وقال لها/  اوعي تتكلمي معايا تاني  علشان قسما بربي هاز.علك اوي .. غوري من وشي 

نغم جريت بعيد عن خالد حتى سابت معاذ وجريت على الدوار وكانت بتنهج جامد وقبلت عساف في وشها ..

عساف حس من الزعر اللي مرسوم علي وسهل ان في حاجه مش طبيعيه /مالك وشك مخطو.ف ليه كدة ، انتي كويسه 

نغم دمعت بصدمه و خوف /  انا عايزه ارجع مصر  حالا يا عساف ، خالد ده مجنو.ن انتم ازاي سايبينه عايش معاكم كده ...ده كان عايز يمو.تني 

عساف مسك يديها علشان يطمنها/  طب اهدي ما تتكلميش دلوقت واهدي...  تعالي نقعد بره 

نغم بخوف /  لا بره مين تعال نخش جوه خالد قاعد بره ،  وانا كنت باقول على صقر انه هولاكوو ده طلع ملاك بالنسبة للمجنون التاني..

_____________________________________________

في اوضة خالد

خالد دخل الاوضه وقفل الباب على نفسه وقعد على السرير وحط راسه بين يده 

خالد/  هو انا كنت ناقصك يا نغم وناقص فضلك ..

وبص ناحيه الدرج وراح فتحه وطلع منه مسد.سه وبدا يبص له ويتامل فيه وافتكر اللي حصل من حوالي سنتين

فلاش باك. .

في فيلا صقر الحديدي خالد كان يومها حصل خنا.قه بيني وبين صقر جامده جدا ورجع الفيلا وهو مصمم ان هو يق.تله

__________________________________________

 في اوضه صقر الحديدي 😱

خالد دخل وكان ماسك المسد.س في يده وقرب من صقر واو.جهه على وشه وهو نايم في السرير لكن

 فجاه صقر ضر.به برجله وز.قه بعيد عنه وولع النور

صقر بصدمه /  خالد 😱 انت اللي كنت موجه مسد.سك في وشي ، انت ازاي يعني... قولي  انت في حد حاول ياذ.يني وانا نائم وانت د.فعت عني خالد رد عليا انا باكلمك .. انت كنت عايز تمو.تني انا 

خالد بدموعه وكره في عينيه / ويا ريتني قدرت لو كان زمانك نايم بجد يا صقر كنت ارتحت منك للابد

 بس انت طول عمرك كده تعبان وانت صاحب وانت نايم 

صقر بوجع بدا يضحك بهستيريه / انت داخل تقتل.ني وانا اللي فاكر انك حرا.مي اتاريك  اخويا 

وبدا يضحك جامد / اه يابا لو كنت عايش،  تعال شوف ابنك بيعمل ايه ، ابوك لو كان عايش كان فرح بيك.اوي 

. ...... هو ايه المفروض اعمل فيك ايه خالد

 اخذ المسد،س من يدك وامو.تك به ولا هاحبسك

 وفجاه  صقر ز.ق خالد جامد و اتكلم بصوت عالي اوي / انا عملتلك ايه يا اخي علشان اشوف كل السواد ده في عينيك 

انا اخوووووك !! 

هو انت فاكر انك لما تخل.ص مني هتنساني بالعكس انت كل ما تبص في المرايه هتفتكرني لان انا مش بس اخوك انا توامك ..  وانت ليه بتعمل فيا كده ليه 

بااااااااااك 😭

فاق خالد من ذكرياته وكانت دموعه ماليه وشه وماسك المسد.س بغل وبيكلم نفسه /  انا اللي عملتلك ايه عشان تن.هي حياتي بالشكل ده وتدمر.ني وتاخذ كل حاجه وانا اخسر كل حاجه.... ليه يا اخويا

استوووب .

هو ليه فعلاااا 🤣🤣🤣 انا عيطت جامد اوي في البارت ده

وياريت رايكوااا اوووووي 💪💪❤️

#خادمة_الصقر

#يوستينا_سامي 

12

في مكتب صقر الحديد في الدوار عساف كان قاعد هو ونغم ..

عساف بضحك/  والله يا ستي خالد مش هيخش هنا لان ده مكتب صقر اصلا  ولو دخل هنا مش هيعملك حاجه طول ما انا موجود قولي بقى ايه اللي حصل

نغم بخوف /  عساف بطل تضحك انا مرعوبه من خالد ده بجد ، ده مش طبيعي بص انا هاقولك اللي حصل بالضبط علشان تحكم بالعدل .

....وبدات نغم تحكي لعساف وهي مقتنعه انها مش غلطانه لكنها فاقت على احد بيضر.بها على قفا.ها بالقل.م ..

نغم بوجع / ايه الغباء ده في حد يعمل كده برده انا ما بحبش حد يهزر معايا با.يده يا عم 

عساف وهو بير.مي عليها الورق اللي موجود علي المكتب

و بحده يقولها /  غبا.ء وكمان بتقولي ما عملتيش حاجه امال لو كنت عملتي ..  انتي ليه تفكيرك صعب اوي كدة 

تعالي يا بنت انت رايحه فين ، وانا اللي كنت فاكر نفسي غبي 

.تعال يابا شوف ان ابنك ملك العالم في الذكاء ... تعال يا بنت و ربنا لاديكي بالرو.سية 

نغم / روسية ايه يا عم هو انا الشحاا.ت مبروك 

باقولك ايه اقعد كده وفهمني انا عملت ايه غلط عشان انا بجد مش فاهمه

عساف بدا يخبط على راسه / يا نهار اسود وكمان مش فاهمه..  طب بذمتك انتي يا قاد.ره في حد في الدنيا يروح يقول لاحد هو انت قت.لت اخوك  ..انتي غبيه يا نغم

نغم /  الله يا عساف ما انا قلت ان  انا و هو بقينا اصحاب خلاص واكيد هيفتح قلبه يقولي

عساف بضحك  /  لا والنبي بقيتوا  اصحاب من ساعه واحده شفتيها يا نغم حرام عليكي ..

 بس انا فاهم انتي عملت كده ليه ، طريقه كلام خالد البسيطه واللذيذه خليتك تفتكري ان خالد دوت ابن خالتك ... بس يا نغم نصيحه مني خالد صعب جدا في التعامل ومش اي حد يقدر يكسبه 

قعد عساف علي  الكرسي بعد ما كان بيجري وراء نغم بتعب ونغم قربت منه بحذر وقالتله / طب ايه اللي وصلني كده يا عساف بجد خالد  ده طيب قوي 

او كان طيب قبل ما يحاول يخنق.ني يا عم ..اسكت ده انا اترعبت والله العظيم ، معقول في حد يغدر مرة واحدة كدة 

عساف بحزن/  خالد غدار قوي بس هو معذور انت عارفه والد صقر كان بيحبهم قوي بس طول الوقت كان شايف ان خالد غلط و ان انسب تعامل معاه  مش بالعقل لكن بمد الايد ..

علشان كده خالد طلع عن.يف في كل حاجة عكس صقر تماما .. يعني انا بصراحه ما افتكرش ان صقر مد ايده على بنت عكس خالد عمل مواقف كثير قوي

نغم قعدت على الكرسي جنب عساف وهي حزينه/ وهو باباه كان بيضر.بوا جامد 

عساف بضحك / والله انا افتكر مره و احنا في ثانوي   خالد من كثر ما كان بيتضر..ب من ابوه كان مقرر ان هو ين..ط من الشباك عشان مش عايز يضر..ب ثاني

بس ما يغركيش خالد كان بيعمل كل مصيبه والثانيه انقح من اللي قبلها 

نغم/ عساف بجد جاتكوا القر.ف والله ..انا جالي حموضة من كتر النكد اللي انتوا فيه .

عساف ضحك / ده أنتي كدة متعرفيش حاجة خالص 

بس شوفتي انا فرفوش ازاي 

_________________________________________

في اوضة كريم ..

كريم /  يا سلام يعني انا عشان ما ردتش عليكي ابقي كده مش مهتم وشخص ندم .. وبعدين يا ياسو  ما انا قلتلك يعني انا من ساعه ما هروح  الصعيد هابقى مشغول

ياسمين بهزار/  ايوه اعترف انت مهتم  بشغلك واصحابك ما هما اهم مني انا . عموما يا استاذ كريم الاهتمام ما بيتطلبش والمبدا ما بيتجزاش 

كريم /  ايه يا ست حيلك هو انت حافظه كام كلمه جايه تقوليهوملي .. و بعدين وحشتيني اوووي

ياسمين بصدمه / بجد ولا بتقول اي كلام علشان تضحك عليا .. واد يا كريم انا عندي سؤال هو انت شخص كويس ولا وحش بس بامانة 

كريم بضحك/  طب والله العظيم نغم بتكلمني انا بجد مش مصدق طريقتك في الكلام بتبقى شبهها ازاي كده 

ياسمين/ نععععععم ..مين نغم دي بقي يا سي كريم 

____________________________________________

في الجنينه

نغم كانت بتلعب هي و معاذ الكوره و عساف قاعد علي التربيزة و بيقلب في الموبيل 

نغم / انت يا عم عساف ما تيجي تلعب معنا بدل الاكتئاب اللي انت قاعد فيها .

عساف / نغم خليكي في حالك بدل ما اقوملك او اجيلك خالد ، وبعدين مش كفايه مقعداني قدامك عشان بس حضرتك خائفه تقعدي لوحدك هنا 

والله محسساني ان خالد ده مجر.م مثلا وانت شخصيه مهمه وهو جاي يختا.لك

نغم قربت منه و اتكلمت بصوت واطي عشان معاذ ما يسمعش / والله يا عساف مهد.دني ان هو لو شافني هيز.علني وانا بصراحه مش عارفه مقدار زعلي هيبقى قد ايه ..فخليك موجود الله يكرمك 

عساف/  طب يلا روحي كملي لعب يلا 

نغم / طب مش ناوي تقولي انت كنت مضايق ليه امبارح وصقر وكريم كانوا خائفين عليك ليه

 عساف/  اقسم بالله يا نغم لو ما فيش قدامي لاحد.ف عليكي اي حاجه ..و انا اصلا مش طايقك 

نغم / اخويا شقي  حبيبي كفائة ..عيب الطفل بيتفرج علينا خلينا محتضرين انا هكمل لعب .

______________________________________________

في اوضه عاصم الحديدي 

صقر / ما تقلقش يا جدي كل اللي اتفقنا عليه اتجهز

 الزينه اتعلق وجاسر كلمني وقالي ان هو في الطريق هو بس عدى على الشركه ثاني بعد ما كان جاي عشان حصلت لخبطه وده اللي اخره

الحديدي / طب والعجول يا صقر جهزوا ولا لسه 

العزومات هتجهز من بليل يا ابني ،  انا اللي يهمني ان الفقراء ياكلوا ، دول غلابه يا ابني و بيستنوا الولايم دي بشتياق 

صقر ببتسامة / ربنا يحببك فيك خلقه يا عمدة 

عموما ما تقلقش انا مش بس خليتهم يجهزوا ثلاث عجول لا دول خمس عجول .. و علشان الناس تنبسط و محدش ما ياخدش نايبة 

الحديدي/ بفرح اوي يا صقر لما بترجع تقعد معايا في الدوار ... بذمتك مش هنا احسن من مصر و قرفها 

صقر / الاتنين حلوين .. انا هسيبك اروح اشوف ايه الدنيا برا 

الحديدي / استنى انا عايز اتكلم معك في موضوع مهم واعرف منك ناوي ترجع حق اخوك امتى ؟ 

صقر بتركيز / شكلي كدة مش ناوي !! 

___________________________________________

خالد كان في الاسطبل بيركب الخيل بتاعه و عساف راحله .

عساف بضحك /  طب انا عايز اتكلم معاك وعلشان تسمحلي اني اتكلم معاك يبقي لازم اطلع لمستواك وار.كب خيل زيك مش كده

خالد ضحك / صح ..نقي واحد انا هر.كب فارس و انت شوف تاخد اني حصان 

عساف / اما انت غلس صحيح ما انت عارف كويس قوي انا باحب فارس وهو كمان بيحبني 

خالد بارهاق /  ايوه كان بيحبك بس لما طولت في غيابك هو نسيك ، مش كده يا فارس

عساف ابتسم / هاعتبرها علامة علي  الكلام اللي انت عايز تقوله بس لازم تفهم حاجه يا خالد ان انا موجود في مصر علشان شغلي وعلشان خاطر ابويا مش لخاطر صقر .

خالد /عارف يا عساف بس غصب عنك البعاد بيقسي القلوب ، يلا ما تغيرش الموضوع تر.كب اني خيل 

وعساف نقي سلطان و بداوا يتحركوا بالحصنة .

عساف وهو بيضحك/  تفتكر صقر لو شافني وانا را.كب سلطان هيعمل ايه ما انت عارف ان هو عشقه 

خالد ضحك جامد من قلبه/  صقر اصلا بيخاف ير.كب حصنه لحد دلوقت عشان رجله اتك.سرت وهو صغير بس بيحبه من بعيد لبعيد .. فمش هيعملك حاجة متخفش

عساف /  وانت بقى ما بتحب السلطان ليه علشان تبع صقر ولا عشان حاجه ثانيه

خالد / علشان كذا  سبب يمكن عشان بقي تبع  صقر ويمكن لانه اخذ من صفات صقر و بقى غدا.ر مالوش عزيز ومهما تاكله و بتاخذ بالك منه هيو.قعك من عليه مش بعيد ير.فسك كمان و كانه عدو.ك

عساف/ خالد فاكر لما كنا بنطلع بالخيل من ورا ابوك و نفضل نغني مع بعض .. تيجي نعمل كدة و نروح مكانا القديم 

خالد بفرحة / ياريت .يلاااا

هو فعلا يتحركوا بالحصنه وراحوا مكان كانوا متعودين يروحوه وهما  صغيرين

____________________________________________

في مكتب الحديدي

الحديدي بحده / انت كدة بتقوي الكر.ه بينكم يا ابني و بتسمح للشي.طان يتدخل اكتر من الازم 

صقر ضحك بتريقه /  هو انت فاكر يا جدي ان خالد لسه هيسمح للشي.طان يدخل ما بيننا ، انت عارف لو خالد اخذ نصيبه في الورث زي ما انت عايز

 هيعمل ايه ؟  مش بعيد يبيعوا لاعدا.ئي في السوق عشان يكسر.ني و يو.قع اسم ابوه اللي عاش طول عمره يبنيه ،  انا نازل يا جدي .. بعد اذنك 

و نزل صقر ..و الحديدي قعد حزين / ربنا يهدي العدا.وة دي ، بدل ما انا اللي اتصرف بمعرفتي 

____________________________________________

في المكان اللي متعودين يقعدوا فيه خالد و عساف 🏞️

عساف/ الله بجد ، الواحد بدا يحس انه بياخد نفسه 

خالد غني اي حاجة انا بحب صوتك جدا 

خالد سرح شوية و قال / و اشمعنا انا مستقصداني و جاية ليه دايما عليا ....

 اشمعنا انا ده انتي بقيتي بتفرحي في دموع عينيا ...

 حطاني في دماغك زيادة عن اللزوم ..

 كرها.ني ليه  معرفش انا للدرجة ..

كرها.ني ليه ،معرفش انا للدرجة دي ..

عساف بدا يشاركه في الاغنية / دورت فيكي علي الامان محستوش ..

 الكل بيداري في حقيقته ورا الوشوش ..

 مبقتش عارف مين معايا و مين عليا ..

احنا في الزمان الكل فيه مبيرحموش ..

خالد بحزن /  عيني خلصت من الدموع مبقتش ببكي ... اكمني متعودتش اني لحد اشكي ...

 لو حد قالي عامل ايه بضحك في سري ...

ما انا لو كان يفيدني بحاجة كنت هقول و اشكي ...

عساف / و اشمعنا اناااا ..مستقصداني و جاية ليه دايما عليااا ..  اشمعنا انا ده انتي بقيتي بتفرحي في دموع عينيا 

عساف نزل من علي الحصان حط ايده علي وشه و بدا يعيط بوجع و خالد راح ورا و حط ايده علي كتفه.

خالد / والله نور متستهلش دموعك دي 

 انا عارف انك سمعت الكلام ده كثير من كذا حد

 وعارف كمان انك بتحبها بقالك  اكثر من خمس سنين بس والله يا عساف ما تستاهلك ولا يوسف نفسه يستاهل انك تحزن عليه 

عساف/  انا مش زعلان عليهم انا زعلان على نفسي على حبي اللي ضاع 😭

 و طاقتي  ومجهودي اللي بقالي خمس سنين بديهم لغيري وفي الاخر اشوف على فيسبوك بوست بيعلنوا عن فرحهم بعد شهر تفتكر بيحبوا بعض اصلا ولا بيعملوا كده عشان يغيظوني 

خالد / صدقني سواء فعلا بيحبوا بعض او لاء 

 انت اللي كسبان عساف  انت ضابط وناجح وابن ناس 

انت فيك كل المواصفات ان اي واحده تحبك واللي يخلي نور تفضل معاك خمس سنين بحالهم ده اكبر دليل ان انت مفكش ولا عيب وهما  اللي غدارين

وبدا خالد وعساف يتكلموا مع بعض شويه لحد ما عساف هدي من كلام خالد وحس ان في جزء من طاقته رجعت له وقرروا يرجعوا ثاني الدوار عشان الوليمه لما تبدا

____________________________________________

في الجنينة ..

صقر نزل لقي نغم و معاذ بيلعبوا 

صقر بحده / معاذ .. نغم كفاية لعب برا كدة ..لان الرجالة هتشتغل هناا و الناس هتبدا تتلم ..يلا ادخلوا جواااا 

نغم / ايه الرخامة دي .. ده الجو برا حلو اوي 

ما تسيبنا شوية واحنا اول ما نلاقي زحمة هندخل 

صقر بعصبية/ مش بتعرفي انتي ابدا تقولي حاضر علي حاجة لازم يبقي فيه مبدا اعتراض عندك 

جاسر وصل و شافهم بيتخانقوا / باااس يا ابني مالك 

اهدي كدة .. نغم صح ، ازيك عاملة ايه

نغم بزعل / اهو اديني كويسة .. و بعدين بقولك ايه يا صقر بيه انا مش بحب حد يزعقلي تماما ..و بعدين انا معملتش حاجة لده كله

خالد / ايه مالك يا نغم صوتك عالي ليه 

نغم بخضة / ياماا .. لا انا معلتش صوتي ولا حاجة 

انت بس تلاقيك كان بيتهيلك .. مش كدة يا معاذ 

خالد بجمود / طيب ادخلي جوا علشان الوقت اتاخر و الناس هتبدا تيجي يلاااا .. و جهزي معاذ لانه هيقعد معانا برا 

نغم بقلق / ايوة طبعاا .. تعالي يا معاذ ندخل بسرعة 

و فعلا دخلت و صقر كان متغاظ اوي ..

صقر / هي شغالة عند مين بالضبط ، دي انتي مستفزة فعلا ..

و دخل صقر يغير هدومه و لبس العباية و طلع قعد  مع الناس و خالد و عساف و كريم كمان و معاهم معاذ ..

لكن في الوقت ده جاسر دخل اوضة صقر و هو بيتسحب ..

جاسر فتح الخزنة و بدا يطلع في ورق مهم لحد مالقه الورقة اللي هو محتاجها / اخيرا ..

و طلع موبايله و رن علي نانسي/ لقيتها يا نانسي

و فاجأه و هو بيتكلم سمع صوت حد برا عند الباب 

تفتكروا ايه اللي هيحصل ..

و شكرا 💐💜

تكملة الرواية من هنا

تعديل المقال