 |
الحلقه الاولي والتانيه والتالته والرابعه والخامسة
كامله على مدونة النجم المتوهج للروايات
ﺍﻟﺤﻠﻘﺔ 1
ﺍﻭﻝ ﻳﻮﻡ ﻓﻲ ﺍﻟﺪﺭﺍﺳﻪ ﻓﻲ ﻛﻠﻴﻪ ﺍﻟﻬﻨﺪﺳﻪ ﻗﺴﻢ ﺍﻟﺤﺎﺳﺒﺎﺕ ﻭﺗﻜﻨﻮﻟﻮﺟﻴﺎ ﺍﻟﻤﻌﻠﻮﻣﺎﺕ ﻳﺪﺧﻠﻮﻥ ﺍﻟﻄﻠﺒﻪ ﻭﺍﻟﻄﺎﻟﺒﺎﺕ ﺍﻟﻲ ﺣﺪﻳﻘﻪ ﺍﻟﻜﻠﻴﻪ ﻭﻳﺬﻫﺒﻮﻥ ﺍﻟﻲ ﻣﻜﺎﻥ ﺍﻟﺠﺪﻭﻝ ﻟﻴﻌﺮﻓﻮﻥ ﺍﻣﺎﻛﻦ ﻣﺤﻀﺎﺭﺗﻬﻢ
ﺗﺪﺧﻞ ﺍﻟﻲ ﺍﻟﻜﻠﻴﻪ ﻋﺎﺑﺴﻪ ﺍﻟﻮﺟﻪ ﺗﺮﺗﺪﻱ ﺑﻨﻄﺎﻝ ﻣﻦ ﺍﻟﺠﻴﻨﺰ ﻭﺗﻲ ﺷﻴﺮﺕ ﺑﻴﻨﻚ ﻭﺗﺮﺗﺪﻱ ﺣﺠﺎﺑﻬﺎ ﻭﻛﻮﺗﺸﻲ ﺑﻴﻨﻚ ﺣﺎﻣﻠﻪ ﻉ ﻳﺪﻫﺎ ﺣﻘﻴﺒﻪ ﺍﻟﻼﺏ ﺗﻮﺏ ﺍﻟﺨﺎﺹ ﺑﻬﺎ
ﺍﻳﻤﺎﻥ : ﺻﺒﺎﺡ ﺍﻟﺨﻴﺮ ﻳﺎ ﻫﻤﻮﺱ
ﻫﻤﺲ : ﺻﺒﺎﺡ ﺍﻟﻨﻮﺭ
ﺍﻳﻤﺎﻥ : ﺍﻳﻪ ﻳﺎ ﺑﻨﺘﻲ ﺍﻧﺘﻲ ﻉ ﻃﻮﻝ ﻛﺪﻩ ﺿﺎﺭﺑﻪ ﺑﻮﺯ ﺩﻩ ﺍﺣﻨﺎ ﺣﺘﻲ ﻟﺴﻪ ﻓﻲ ﺍﻭﻝ ﻳﻮﻡ
ﻫﻤﺲ : ﺑﺼﻲ ﺍﻧﺎ ﻣﻨﻤﺘﺶ ﺑﻘﺎﻟﻲ 48 ﺳﺎﻋﻪ ﻭﺑﺠﺪ ﻣﺶ ﺭﺍﻳﻘﻪ ﻫﻮ ﻓﻴﻦ ﺍﻟﺰﻓﺖ ﺍﻟﺠﺪﻭﻝ
ﺍﻳﻤﺎﻥ : ﻓﻲ ﻣﻜﺎﻧﻪ ﻳﻌﻨﻲ ﻫﻴﻜﻮﻥ ﻓﻴﻦ
ﻫﻤﺲ : ﻋﻨﺪﻧﺎ ﺣﺎﺟﺔ ﺍﻧﻬﺎﺭﺩﺓ ﻭﻻ ﺍﺭﻭﺡ ﺍﻧﺎﻡ ﺍﺣﺴﻦ
ﺍﻳﻤﺎﻥ : ﻻﺀ ﻋﻨﺪﻧﺎ ﺳﻜﺸﻦ ﻛﻤﺎﻥ ﺳﺎﻋﻪ
ﻫﻤﺲ : ﻃﻴﺐ ﻫﺮﻭﺡ ﺍﺟﻴﺒﻠﻲ ﻋﺼﻴﺮﻣﻦ ﺍﻟﻜﺎﻓﻴﺘﻴﺮﻳﺎ
ﺍﻳﻤﺎﻥ : ﻃﺐ ﻣﺎ ﺗﺠﻴﺒﻠﻲ ﻣﻌﺎﻛﻲ
ﻫﻤﺲ : ﺍﻟﻠﻲ ﻋﺎﻳﺰ ﺣﺎﺟﺔ ﻳﺮﻭﺡ ﻳﺠﻴﺒﻬﺎ
ﺍﻳﻤﺎﻥ : ﻳﺎﻋﻮﺯ ﺑﺎﻟﻠﻪ
ﻫﻤﺲ : ﺍﻥ ﻛﺎﻥ ﻋﺎﺟﺒﻚ ﺑﻘﻲ
ﺍﻳﻤﺎﻥ : ﻃﻴﺐ ﺧﻼﺹ ﺧﻼﺹ
ﺫﻫﺒﺖ ﻫﻤﺲ ﺍﻟﻲ ﺍﻟﻜﺎﻓﻴﺘﻴﺮﻳﺎ ﻭﻃﻠﺒﺖ ﻭﺍﺣﺪ ﻣﻦ ﻋﺼﻴﺮ ﺍﻟﻤﺎﻧﺠﻮ ﻭﻛﺎﻥ ﻫﻨﺎﻙ ﻓﺘﺎﻩ ﺍﺧﺮﻱ ﺁﺗﻴﻪ ﺑﻌﺪﻫﺎ ﻭﻃﻠﺒﺖ ﻋﺼﻴﺮ ﻣﻦ ﺍﻟﻌﺎﻣﻞ ﻭﺍﻋﻄﺎﻫﺎ ﺍﻟﻌﺎﻣﻞ ﺍﻟﻌﺼﻴﺮ ﺍﻭﻻ
ﻫﻤﺲ : ﻳﻌﻨﻲ ﺍﻧﺎ ﺟﺎﻳﻪ ﻗﺒﻠﻬﺎ ﺗﺪﻳﻬﺎ ﻫﻲ ﻭﺍﻧﺎ ﻻﺀ ﻟﻴﻪ ﺍﻥ ﺷﺎﺀ ﺍﻟﻠﻪ
ﺍﻟﻌﺎﻣﻞ : ﻋﺎﺩﻱ ﻳﻌﻨﻲ ﻳﺎ ﺍﻧﺴﻪ ﺍﻳﻪ ﺍﻟﻤﺸﻜﻠﻪ
ﻫﻤﺲ : ﻻﺀ ﺑﻘﻲ ﻣﺸﻜﻠﻪ ﻭﺍﺗﻔﻀﻞ ﺍﻋﻤﻠﻲ ﻭﺍﺣﺪ ﺑﺴﺮﻋﻪ ﺍﻧﺎ ﻣﺶ ﻓﺎﺿﻴﺎﻟﻚ
ﺍﻟﻌﺎﻣﻞ : ﻃﻴﺐ ﻃﻴﺐ ﺑﺎﻟﺮﺍﺣﺔ ﺑﺲ
ﻫﻤﺲ : ﺑﺎﻟﺮﺍﺣﺔ ﻣﺶ ﺑﺎﻟﺮﺍﺣﺔ ﻣﺎﻟﻜﺶ ﺩﻋﻮﻩ ﻳﻼ ﺍﺧﻠﺺ
ﺍﺧﺪﺕ ﻫﻤﺲ ﻛﻮﺏ ﺍﻟﻌﺼﻴﺮ ﻭﻫﻲ ﻣﺘﻌﺼﺒﻪ ﻭﻻ ﺗﺮﻱ ﺍﻣﺎﻣﻬﺎ ﻭ ﻛﺎﻥ ﻫﻨﺎﻙ ﺷﺎﺏ ﻳﻘﻮﻡ ﺑﺮﻛﻦ ﻋﺮﺑﻴﺘﻪ ﻭﻟﻢ ﺗﺄﺧﺬ ﺑﺎﻟﻬﺎ ﻓﻔﺘﺢ ﻫﻮ ﺑﺎﺏ ﺍﻟﻌﺮﺑﻴﻪ ﻭﺧﺒﻂ ﺑﻬﺎ ﻭﺍﺫ ﻓﺠﺄﺓ ﻳﻘﻊ ﺍﻟﻌﺼﻴﺮ ﻉ ﻗﺪﻣﻴﻬﺎ
ﻫﻤﺲ : ﻣﺶ ﺗﻔﺘﺢ ﻳﺎ ﺍﻋﻤﻲ ﻣﺎﻫﻮ ﺍﺻﻼ ﺣﻤﺎﺭ ﺍﻟﻠﻲ ﺭﻛﺒﻚ ﻋﺮﺑﻴﻪ ﺍﻳﻪ ﺍﻟﻨﺎﺱ ﺍﻟﺤﻤﺎﺭﺓ ﺩﻱ ﺍﻧﺎ ﻣﺶ ﻓﺎﻫﻤﻪ ﻭﺍﻟﻠﻪ ﻉ ﺍﻟﺼﺒﺢ ﺍﻳﻪ ﺍﻻﺭﻑ ﺩﻩ ﺍﻟﻮﺍﺣﺪ ﺍﺻﻄﺒﺢ ﺑﻮﺵ ﻣﻴﻦ ﻉ ﺍﻟﺼﺒﺢ
ﺍﻟﺸﺨﺺ : ﺧﻼﺹ ﻳﺎ ﺍﻧﺴﻪ ﺍﻳﻪ ﻣﺎﺳﻮﺭﺓ ﺷﺘﺎﻳﻢ ﺍﺗﻔﺘﺤﺖ
ﻫﻤﺲ : ﻳﻌﻨﻲ ﻏﻠﻄﺎﻥ ﻭﻛﻤﺎﻥ ﺑﺘﻘﺎﻭﺡ
ﺍﻟﺸﺨﺺ : ﺍﻧﺘﻲ ﺍﺩﻳﺘﻴﻨﻲ ﻓﺮﺻﻪ ﺣﺘﻲ ﺍﻋﺘﺬﺭﻟﻚ ﺍﻳﻪ ﺩﻩ
ﻫﻤﺲ : ﻭﻣﻴﻦ ﻗﺎﻟﻚ ﺍﺻﻼﺍ ﺍﻧﻲ ﻫﻘﺒﻞ ﺍﻋﺘﺬﺍﺭﻙ
ﺍﻟﺸﺨﺺ : ﻭﺍﻧﺎ ﺍﺻﻼ ﻣﺶ ﻫﻌﺘﺬﺭ ﻻﻧﻚ ﻣﺘﺴﺘﺎﻫﻠﻴﺶ
ﻫﻤﺲ : ﺍﻧﺖ ﻗﻠﻴﻞ ﺍﻻﺩﺏ ﻭﺗﺮﻛﺘﻪ ﻭﺫﻫﺒﺖ
ﺍﻟﺸﺨﺺ : ﺍﻳﻪ ﺍﻟﺒﺖ ﺩﻱ ﺍﻧﺎ ﻣﺶ ﻓﺎﻫﻢ ﻭﺍﻟﻠﻪ ﻫﻤﺎ ﺍﻟﺒﻨﺎﺕ ﻣﺎﻟﻬﻢ ﺍﺗﻐﻴﺮﻭ ﻛﺪﻩ ﻟﻴﻪ ﻻﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ
ﺫﻫﺒﺖ ﻫﻤﺲ ﺑﻌﺼﺒﻴﻪ ﺷﺪﻳﺪﺓ ﻭﻛﺎﻧﺖ ﺗﻘﻔﺰ ﺍﻣﺎﻣﻬﺎ ﻋﻔﺎﺭﻳﺖ ﺍﻟﻌﺎﻟﻢ ﺍﺟﻤﻊ ﻭﻗﺎﺑﻠﺖ ﺯﻣﻴﻠﻬﺎ ﻋﻤﺮﻭ
ﻋﻤﺮﻭ : ﺻﺒﺎﺡ ﺍﻟﺨﻴﺮ ﻳﺎ ﻫﻤﺲ
ﻫﻤﺲ : ﺍﻫﻮ ﺻﺒﺎﺡ ﻭﺧﻼﺹ ﻳﺎ ﻧﻌﻢ
ﻋﻤﺮﻭ : ﺍﻳﻪ ﻳﺎ ﻫﻤﺲ ﺟﺎﻱ ﺍﻗﻮﻟﻚ ﻛﻞ ﺳﻨﻪ ﻭﺍﻧﺘﻲ ﻃﻴﺒﻪ
ﻫﻤﺲ : ﺍﻳﻪ ﺍﻟﻤﻨﺎﺳﺒﻪ
ﻋﻤﺮﻭ : ﺑﺪﺍﻳﺔ ﺍﻟﺪﺭﺍﺳﻪ ﻭﻛﻞ ﺳﻨﻪ ﻭﺍﻧﺘﻲ ﻃﻴﺒﻪ
ﻫﻤﺲ : ﻣﺎﺷﻲ ﺷﻜﺮﺍ ﺑﻌﺪ ﺍﺫﻧﻚ
ﻋﻤﺮﻭ : ﻫﻤﺲ ﺍﻧﺎ ﻛﻨﺖ ﻋﺎﻳﺰ ﺍﺗﻜﻠﻤﻲ ﻣﻌﺎﻛﻲ
ﻫﻤﺲ : ﻋﻤﺮﻭ ﺍﻧﺎ ﻣﺶ ﻓﺎﻳﻘﺎﻟﻚ ﺑﺎﻟﻠﻪ ﻋﻠﻴﻚ ﺳﻴﺒﻨﻲ
ﺫﻫﺒﺖ ﻫﻤﺲ ﺍﻟﻲ ﺍﻳﻤﺎﻥ
ﻫﻤﺲ : ﺑﺎﻗﻲ ﺍﺩ ﺍﻳﻪ ﻉ ﺍﻟﺰﻓﺖ ﺍﻟﺴﻴﻜﺸﻦ
ﺍﻳﻤﺎﻥ : ﻳﻼ ﻫﻨﻄﻠﻊ ﺍﻟﻤﺪﺭﺝ
ﻃﻠﻌﺖ ﻫﻤﺲ ﻣﻊ ﺯﻣﻼﺋﻬﺎ ﺍﻟﻲ ﺍﻟﻤﺪﺭﺝ ﻓﺘﺤﺖ ﺍﻟﻼﺏ ﺗﻮﺏ ﺍﻟﺨﺎﺹ ﺑﻬﺎ ﻟﺘﻜﻤﻞ ﻋﻤﻠﻬﺎ ﻓﻬﻤﺲ ﺗﻌﻤﻞ ﻓﻲ ﺗﻄﻮﻳﺮ ﺍﻟﻤﻮﺍﻗﻊ ﺍﻻﻟﻜﺘﺮﻭﻧﻴﻪ ﻭﺗﻌﻤﻞ ﻓﻲ ﺷﺮﻛﺔ ﺗﺼﻤﻴﻢ ﻣﻮﺍﻗﻊ ﻛﺒﻴﺮﺓ
ﺩﺧﻞ ﺍﻟﻤﻌﻴﺪ ﺍﻟﺬﻱ ﺳﻴﺪﺭﺱ ﻟﻬﻢ ﺍﻟﻤﺎﺩﺓ ﻭﻟﻢ ﺗﺄﺧﺬ ﺑﺎﻟﻬﺎ ﻣﻨﻪ ﺗﻤﺎﻣﺎ ﻭﻛﺎﻧﺖ ﻣﺸﻐﻮﻟﻪ ﺑﺎﻟﺘﺼﻤﻴﻢ ﺍﻟﺬﻱ ﻓﻲ ﻳﺪﻫﺎ
ﺍﻳﻤﺎﻥ : ﻫﻤﺲ .. ﻫﻤﺲ
ﻫﻤﺲ ﺑﺼﻮﺕ ﻋﺎﻟﻲ : ﻋﺎﻳﺰﺓ ﺍﻳﻪ
ﺍﻳﻤﺎﻥ : ﺍﻟﻤﻌﻴﺪ ﺩﺧﻞ ﻭﺍﻧﺘﻲ ﻣﺶ ﻭﺍﺧﺪﺓ ﺑﺎﻟﻚ
ﺍﻏﻠﻘﺖ ﻫﻤﺲ ﺍﻟﻼﺏ ﺗﻮﺏ ﻭﻧﻈﺮﺕ ﺍﻟﻲ ﺍﻟﻤﻌﻴﺪ : ﻳﺎﻟﻬﻮﻭﻭﻭﻭﻭﻭﻭﻭﻭﻭﻭﻭﻱ
المتمرده
ﺍﻟﺤﻠﻘﺔ 2
ﻧﻈﺮﺕ ﻫﻤﺲ ﺍﻟﻲ ﺍﻟﻤﻌﻴﺪ ﺑﻌﺪ ﺍﻥ ﺍﻏﻠﻘﺖ ﺣﺎﺳﺒﻬﺎ ﺍﻟﺸﺨﺼﻲ ﻭﺻﺪﻣﺖ ﻋﻨﺪﻣﺎ ﺭﺃﺗﻪ ﻻﻧﻪ ﻛﺎﻥ ﻧﻔﺲ ﺍﻟﺸﺎﺏ ﺍﻟﺬﻱ ﺍﻭﻗﻊ ﻋﻠﻴﻬﺎ ﻛﻮﺏ ﺍﻟﻌﺼﻴﺮ
ﺍﻟﻤﻌﻴﺪ ﻭﻭﻗﻌﺖ ﻋﻴﻨﻪ ﻉ ﻫﻤﺲ : ﻧﻨﺘﺒﻪ ﻣﻊ ﺑﻌﺾ ﺷﻮﻳﺔ ﺑﻘﻲ ﻭﻧﺒﻄﻞ ﻛﻼﻡ ﺍﻧﺎ ﻣﺴﺘﺮ ﻫﻴﺜﻢ ﻫﺪﺭﺳﻠﻜﻢ ﻣﺎﺩﺓ ﺍﻟﺸﺒﻜﺎﺕ ﺍﻟﺴﻨﻪ ﺩﻱ ﻭﺍﺗﻤﻨﻲ ﺍﻧﻬﺎ ﺗﻜﻮﻥ ﺳﻨﻪ ﻛﻮﻳﺴﻪ ﻭﺍﻋﺘﻘﺪ ﺍﻧﻜﻢ ﻛﺒﺎﺭ ﺑﻤﺎ ﻓﻴﻪ ﺍﻟﻜﻔﺎﻳﻪ ﻳﻌﻨﻲ ﻋﺎﻳﺰ ﺍﻟﺘﺰﺍﻡ ﻭﺍﺣﺘﺮﺍﻡ ﻓﻲ ﺍﻟﻤﺤﺎﺿﺮﺓ ﺗﻤﺎﻡ ﻭﺍﻱ ﺣﺎﺟﺔ ﺗﺤﺘﺎﺟﻮﻫﺎ ﺍﻧﺎ ﻣﻮﺟﻮﺩ ﻣﻌﺎﻛﻢ ﻓﻲ ﺍﻱ ﻭﻗﺖ ﻭﺑﺮﻩ ﺍﻟﻤﺤﺎﺿﺮﺓ ﺍﺣﻨﺎ ﺍﺻﺤﺎﺏ ﻣﻤﻜﻦ ﺑﻘﻲ ﻧﺘﻌﺮﻑ ﻉ ﺑﻌﺾ
ﺑﺪﺃ ﺍﻟﺠﻤﻴﻊ ﻓﻲ ﺗﻌﺮﻳﻒ ﺍﻧﻔﺴﻬﻢ ﺣﺘﻲ ﺟﺎﺀ ﺍﻟﺪﻭﺭ ﻉ ﻫﻤﺲ
ﻫﻴﺜﻢ ﻭﻫﻮ ﻳﻨﻈﺮ ﺍﻟﻲ ﻫﻤﺲ ﺑﺘﺤﺪﻱ : ﺍﻟﺪﻭﺭ ﻋﻠﻴﻜﻲ ﻳﺎ ﺍﻧﺴﻪ
ﻫﻤﺲ ﺑﺤﺪﺓ : ﺍﻧﺎ ﻫﻤﺲ
ﻫﻴﺜﻢ ﺑﺎﺳﺘﻐﺮﺍﺏ : ﻫﻤﺲ ﻭﻗﺎﻝ ﺑﺼﻮﺕ ﻫﺎﻣﺲ ﻻ ﻳﺴﻤﻌﻪ ﺳﻮﺍﻩ ﻳﺎﻟﻬﻮﻱ ﺍﺳﻢ ﻣﺶ ﻉ ﻣﺴﻤﻲ ﺧﺎﻟﺺ ﺩﻩ ﺍﻧﺘﻲ ﻳﺴﻤﻮﻛﻲ ﺯﻋﺎﺑﻴﺐ ﺑﺮﻕ ﺭﻋﺪ ﻟﻜﻦ ﻫﻤﺲ ﺩﻱ ﻣﺴﺘﺤﻴﻞ ﻭ ﺑﺼﻮﺕ ﻋﺎﻟﻲ ﻣﺎﺷﻲ ﻳﺎ ﻫﻤﺲ
ﻧﺮﺟﻊ ﺑﻘﻲ ﻟﻤﺤﺎﺿﺮﺗﻨﺎ ﺍﻧﻬﺎﺭﺩﺓ ﻫﻴﻜﻮﻥ ﺑﺲ ﻣﻘﺪﻣﺔ ﻋﻦ ﺍﻟﺸﺒﻜﺎﺕ ﻭﺑﺪﺃ ﻓﻲ ﺍﻟﺸﺮﺡ
ﻋﻤﺮﻭ ﻳﺠﻠﺲ ﺧﻠﻒ ﻫﻤﺲ ﻣﻨﺎﺩﻳﺎ ﻟﻬﺎ : ﻫﻤﺲ ﻫﻤﺲ
ﻫﻤﺲ ﺑﺼﻮﺕ ﻣﻨﺨﻔﺾ : ﻋﺎﻳﺰ ﺍﻳﻪ ﻣﻦ ﺯﻓﺘﻪ
ﻋﻤﺮﻭ : ﻳﺎ ﻫﻤﺲ ﺍﺩﻳﻨﻲ ﻓﺮﺻﻪ ﺑﺲ ﺍﻗﺮﺏ ﻣﻨﻚ
ﻫﻤﺲ ﺑﻨﻔﺲ ﺍﻟﻨﺒﺮﺓ : ﺍﻧﺖ ﻣﻌﻨﺪﻛﺶ ﺩﻡ ﺍﺣﻨﺎ ﻓﻲ ﻣﺤﺎﺿﺮﺓ
ﻋﻤﺮﻭ : ﻣﺎﻫﻮ ﺍﻧﺘﻲ ﻣﺶ ﻣﺪﻳﺎﻧﻲ ﻓﺮﺻﻪ ﺍﻛﻠﻤﻚ ﺑﺮﻩ ﺍﻟﻤﺤﺎﺿﺮﺓ ﻳﺒﻘﻲ ﺍﻛﻠﻤﻚ ﺟﻮﺓ ﺍﻟﻤﺤﺎﺿﺮﺓ
ﻫﻤﺲ ﺑﺼﻮﺕ ﻋﺎﻟﻲ : ﻳﺎ ﺍﺑﻨﻲ ﺣﻞ ﻋﻨﻲ ﺑﻘﻲ ﺍﻧﺖ ﺍﻳﻪ ﻣﺒﺘﺰﻫﻘﺶ ﻭﺍﻟﻠﻪ ﺍﻧﺖ ﺍﻧﺴﺎﻥ ﻏﺮﻳﺐ
ﻫﻴﺜﻢ ﻣﻨﺘﺒﻬﺎ ﻟﺼﻮﺕ ﻫﻤﺲ ﺍﻟﻌﺎﻟﻲ : ﻓﻲ ﺍﻳﻪ ﻓﻲ ﺍﻳﻪ .. ﺍﻳﻪ ﻳﺎ ﺍﻧﺴﻪ ﻓﻲ ﺍﻳﻪ ﺍﺣﻨﺎ ﻓﻲ ﻣﺤﺎﺿﺮﺓ ﻣﺶ ﻓﻲ ﺍﻟﺸﺎﺭﻉ ﻉ ﻓﻜﺮﺓ ﻭﻻ ﻓﻲ ﻧﺎﺩﻱ ﺍﺗﻔﻀﻠﻲ ﺍﻧﺘﻲ ﻭﺍﻟﺒﻴﻪ ﺍﻟﻠﻲ ﻭﺭﺍﻛﻲ ﺑﺮﻩ ﺍﻟﻤﺤﺎﺿﺮﺓ ﻭﺗﺴﺘﻨﻮﻧﻲ ﺑﺮﻩ
ﻫﻤﺲ ﻭﻫﻲ ﺗﻘﻮﻡ ﺑﻠﻢ ﺍﺷﻴﺎﺋﻬﺎ : ﻋﺠﺒﻚ ﻛﺪﻩ ﺟﺒﺘﻠﻨﺎ ﺍﻟﻜﻼﻡ ﻛﺘﻚ ﺍﻻﺭﻑ ﻉ ﺷﻜﻠﻚ
ﻋﻤﺮﻭ : ﻣﺼﺪﻭﻡ ﺟﺪﺍ ﻭﻣﺶ ﺑﻴﺘﻜﻠﻢ
ﻫﻴﺜﻢ ﺑﺰﻋﻴﻖ : ﻗﻮﻟﺖ ﺑﺮﻩ
ﺧﺮﺟﺖ ﻫﻤﺲ ﻭﻋﻤﺮﻭ ﺍﻟﻲ ﺍﻟﺨﺎﺭﺝ ﻭﻇﻠﻮ ﻣﻨﺘﻈﺮﻳﻦ ﺧﺮﻭﺝ ﻫﻴﺜﻢ
ﻫﻤﺲ : ﻋﺠﺒﻚ ﻛﺪﻩ ﻳﺎ ﺑﻨﻲ ﺍﺩﻡ ﺍﻭﻝ ﻳﻮﻡ ﻓﻲ ﺍﻟﻜﻠﻴﻪ ﺗﻘﻠﺐ ﺑﻤﺸﺎﻛﻞ
ﻋﻤﺮﻭ : ﻳﺎ ﻫﻤﺲ
ﻫﻤﺲ : ﺑﻼ ﻫﻤﺲ ﺑﻼﺍ ﺯﻓﺖ ﻭﻳﺎﺭﻳﺖ ﺑﻘﻲ ﻣﺘﻜﻠﻤﻨﻴﺶ ﺗﺎﻧﻲ ﻟﺤﺴﻦ ﻭﺭﺑﻨﺎ ﺍﻃﻴﻦ ﻋﻴﺸﺘﻚ ﻛﺘﻚ ﺍﻻﺭﻑ
ﻋﻤﺮﻭ : ﻣﺎ ﺗﺘﻜﻠﻤﻲ ﻋﺪﻝ ﺍﻧﺘﻲ ﻣﺤﺪﺵ ﻣﺎﻟﻲ ﻋﻴﻨﻚ ﻭﻻ ﺍﻳﻪ
ﻫﻤﺲ ﺑﺼﻮﺕ ﻋﺎﻟﻲ ﺟﺪﺍ : ﺍﻧﺖ ﻳﺎ ﺯﻓﺖ ﺍﻧﺖ ﺍﻧﺖ ﻣﺘﺘﻜﻠﻤﺶ ﻣﻌﺎﻳﺎ ﺗﺎﻧﻲ ﺍﻧﺖ ﻓﺎﻫﻢ ﻭﻻ ﻻﺀ ﻏﻮﺭ ﻣﻦ ﻭﺷﻲ
ﺧﺮﺝ ﻫﻴﺜﻢ ﻉ ﺻﻮﺕ ﻫﻤﺲ ﻭﻗﺎﻝ ﻟﻬﺎ ﺑﻌﺼﺒﻴﻪ : ﻓﻲ ﺍﻳﻪ ﺍﺣﻨﺎ ﻓﻲ ﺟﺎﻣﻌﻪ ﺻﻮﺗﻚ ﺩﻩ ﻣﻴﻨﻔﻌﺶ ﺍﻧﺎ ﻣﺶ ﻋﺎﺭﻑ ﺍﺷﺘﻐﻞ ﺍﻧﺘﻲ ﺍﻳﻪ ﻣﺤﺪﺵ ﻋﻠﻤﻚ ﻳﻌﻨﻲ ﺍﻳﻪ ﺻﻮﺕ ﻭﺍﻃﻲ
ﻫﻤﺲ : ﺍﻟﻠﻬﻢ ﻃﻮﻟﻚ ﻳﺎ ﺭﻭﺡ
ﻫﻴﺜﻢ : ﺍﻳﻪ ﻫﺘﻌﻤﻠﻲ ﺍﻳﻪ ﺍﻗﻔﻲ ﺑﻌﻴﺪ ﻭﻣﺴﻤﻌﺶ ﺻﻮﺗﻚ ﻓﺎﻫﻤﺔ
ﻫﻤﺲ ﺑﻐﻀﺐ ﻭﻧﻈﺮﺍﺕ ﻣﻠﻴﺎﻧﻪ ﺍﺣﺘﻘﺎﺭ : ﻣﺎﺷﻲ
ﺍﻧﺘﻬﺖ ﺍﻟﻤﺤﺎﺿﺮﺓ ﻭﻛﺎﻥ ﻫﻴﺜﻢ ﻳﺠﻤﻊ ﺍﺷﻴﺎﺋﺔ ﻭﺍﻟﺒﻨﺎﺕ ﺧﺮﺟﺖ ﻟﻬﻤﺲ
ﺍﻳﻤﺎﻥ : ﺍﻳﻪ ﻳﺎ ﺑﻨﺘﻲ ﺍﻟﻠﻲ ﺍﻧﺘﻲ ﻋﻤﻠﺘﻴﻪ ﺩﻩ ﺣﺪ ﻳﺘﻜﻠﻢ ﻣﻊ ﺍﻟﻤﺴﺘﺮ ﻛﺪﻩ
ﻫﻤﺲ ﺑﻐﻀﺐ : ﻣﺴﺘﺮ ﻉ ﻧﻔﺴﻪ ﻣﺶ ﻋﻠﻴﺎ ﺍﻧﺎ ﻟﺴﻪ ﻣﺘﺨﻠﻘﺶ ﺍﻟﻠﻲ ﻳﻌﻠﻲ ﺻﻮﺗﻪ ﻋﻠﻴﺎ ﻭﺑﻌﺪﻳﻦ ﺍﻳﻪ ﺣﺘﻪ ﺍﻟﺒﺘﺎﻉ ﺍﻟﻠﻲ ﺍﻧﺘﻮﺍ ﺧﺎﻳﻔﻴﻦ ﻣﻨﻪ ﺩﻩ ﺑﻼ ﺍﺭﻑ ﻛﻠﻬﻢ ﺍﺷﻜﺎﻝ ﺯﺑﺎﻟﻪ
ﺳﺎﺭﺓ : ﻋﻴﺐ ﻳﺎ ﻫﻤﺲ ﺍﻟﻜﻼﻡ ﺩﻩ ﻣﻬﻤﺎ ﻛﺎﻥ ﺩﻩ ﺍﻟﻤﺴﺘﺮ ﺑﺮﺿﻪ
ﻫﻤﺲ : ﺑﻼ ﻣﺴﺘﺮ ﺑﻼ ﺯﻓﺖ ﻭﻫﻨﺎ ﻛﺎﻥ ﺫﺍﻫﺒﺎ ﻫﻴﺜﻢ ﻭﺳﻤﻊ ﺟﻤﻠﺘﻬﺎ ﺍﻻﺧﻴﺮﺓ
ﺍﻳﻤﺎﻥ ﻭﺳﺎﺭﺓ ﺑﺼﺪﻣﺔ : ﻫﺎﺍﺍﺍﺍﺍﺍﺍﺍﺍﺍﺍﺍﻩ ﺷﻮﻓﺘﻲ ﺯﻣﺎﻧﻪ ﺳﻤﻌﻚ
ﻫﻤﺲ : ﻣﺎ ﻳﺴﻤﻊ ﺍﻧﺎ ﻣﺒﺨﺎﻓﺶ ﻉ ﻓﻜﺮﺓ
ﻫﻴﺜﻢ : ﻫﻤﺲ ﺗﻌﺎﻟﻲ ﻣﻜﺘﺒﻲ
ﻫﻤﺲ ﺑﺼﻮﺕ ﻭﺍﻃﻲ : ﻛﺘﻚ ﺍﻻﺭﻑ
ﺫﻫﺒﺖ ﻫﻤﺲ ﺍﻟﻲ ﻣﻜﺘﺐ ﻫﻴﺜﻢ
ﻫﻤﺲ : ﻧﻌﻢ
ﻫﻴﺜﻢ : ﻣﻤﻜﻦ ﺍﻓﻬﻢ ﺍﻳﻪ ﺍﻟﻠﻲ ﺣﺼﻞ ﻓﻲ ﺍﻟﻤﺤﺎﺿﺮﺓ ﺩﻩ
ﻫﻤﺲ ﺑﺎﺳﺘﻬﺒﺎﻝ : ﺍﻳﻪ ﺍﻟﻠﻲ ﺣﺼﻞ
ﻫﻴﺜﻢ : ﻳﻌﻨﻲ ﺗﺰﻋﻘﻲ ﻓﻲ ﻭﺳﻂ ﺍﻟﻤﺤﺎﺿﺮﺓ ﻭﺩﻩ ﻋﺎﺩﻱ ﻭﺗﺰﻋﻘﻲ ﻟﺰﻣﻴﻠﻚ ﺣﺪ ﻳﻘﻮﻝ ﻟﺰﻣﻴﻠﻪ ﺍﻟﻜﻼﻡ ﺍﻟﻠﻲ ﺍﻧﺘﻲ ﻗﻮﻟﺘﻴﻪ ﺩﻩ ﻭﺳﻂ ﺍﻟﻤﺤﺎﺿﺮﺓ ﻭﺍﻟﻤﺴﺘﺮ ﻭﺍﻗﻒ ﻭﻣﺶ ﻋﻤﻼﻟﻪ ﺍﻱ ﺍﺣﺘﺮﺍﻡ
ﻫﻤﺲ : ﻣﺎ ﻫﻮ ﺍﻧﺴﺎﻥ ﻣﺶ ﻣﺤﺘﺮﻡ ﺍﺻﻼ ﻭﻳﺴﺘﺎﻫﻞ ﺑﺼﺮﺍﺣﺔ ﺍﻛﺘﺮ ﻣﻦ ﻛﺪﻩ
ﻫﻴﺜﻢ : ﻻﺀ ﺍﻧﺘﻲ ﺑﺠﺪ ﺍﻟﻜﻼﻡ ﻣﻴﻨﻔﻌﺶ ﻣﻌﺎﻛﻲ ﺩﻩ ﺍﻭﻝ ﻭﺍﺧﺮ ﺗﺤﺬﻳﺮ ﻟﻴﻜﻲ ﻳﺎ ﻫﻤﺲ ﺍﻧﺎ ﻫﺴﺎﻣﺤﻚ ﺍﻟﻤﺮﺓ ﺩﻱ ﻋﻠﺸﺎﻥ ﺍﻭﻝ ﻣﺤﺎﺿﺮﺓ ﺍﺗﻔﻀﻠﻲ ﺭﻭﺣﻲ ﺷﻮﻓﻲ ﺍﻧﺘﻲ ﺭﺍﺣﺔ ﻓﻴﻦ
ﺗﺮﻛﺘﻪ ﻫﻤﺲ ﻭﺫﻫﺒﺖ ﻭﺑﻌﺪ ﺍﻥ ﺧﺮﺟﺖ ﻣﻦ ﻣﻜﺘﺒﻪ ﻭﺟﺪﺕ ﺳﺎﺭﺓ ﻭﺍﻳﻤﺎﻥ ﻓﻲ ﺍﻧﺘﻈﺎﺭﻫﺎ
ﺳﺎﺭﺓ ﻭﺍﻳﻤﺎﻥ : ﻫﻤﺲ ﻋﻤﻠﺘﻲ ﺍﻳﻪ
ﻫﻤﺲ : ﺑﺖ ﺍﻧﺘﻲ ﻭﻫﻲ ﺣﻠﻮ ﻋﻦ ﺩﻣﺎﻏﻲ ﺍﻧﺎ ﻣﺶ ﻧﺎﻗﺼﺎﻛﻢ ﻭﺭﺑﻨﺎ ﺍﻃﻠﻊ ﻋﻠﻴﻜﻢ ﻛﻞ ﺍﻟﻠﻲ ﺷﻮﻓﺘﻮ
ﺳﺎﺭﺓ : ﺧﻼﺹ ﺧﻼﺹ ﺭﻭﺣﻲ ﺍﺗﺸﻄﺮﻱ ﻉ ﺍﻟﻠﻲ ﻃﺮﺩﻙ ﻣﻦ ﺍﻟﻤﺤﺎﺿﺮﺓ
ﻧﻈﺮﺕ ﻟﻬﻢ ﻫﻤﺲ ﻧﻈﺮﺍﺕ ﺍﺣﺘﻘﺎﺭ ﻭﺗﺮﻛﺘﻬﻢ ﻭﺫﻫﺒﺖ
ﻫﻤﺲ ﺑﺘﺤﺪﻱ : ﻳﺎ ﺍﻧﺎ ﻳﺎ ﺍﻧﺖ ﻫﻴﺜﻢ
ﻋﺎﺩﺕ ﻫﻤﺲ ﺍﻟﻲ ﺍﻟﻤﻨﺰﻝ ﻭﻭﺟﺪﺕ ﻭﺍﻟﺪﺗﻬﺎ ﺟﺎﻟﺴﻪ ﺍﻣﺎﻡ ﺍﻟﺘﻠﻴﻔﻴﺰﻳﻮﻥ
ﻟﻴﻠﻲ " ﺍﻻﻡ " : ﺍﺯﻳﻚ ﻳﺎ ﻫﻤﻮﺳﻪ
ﻫﻤﺲ : ﺗﻤﺎﻡ ﻳﺎ ﻣﺎﻣﺎ ﺍﻧﺎ ﻫﺪﺧﻞ ﺍﻧﺎﻡ ﻭﻣﺘﺼﺤﻨﻴﺶ ﺍﻧﺎ ﻟﻤﺎ ﺍﻋﻮﺯ ﺍﺻﺤﻲ ﻫﺼﺤﻲ
ﺍﻻﻡ : ﻣﺶ ﻫﺘﺎﻛﻠﻲ
ﻫﻤﺲ : ﻻﺀ ﻣﺶ ﻫﺎﻛﻮﻝ ﻣﺎﻟﻴﺶ ﻧﻔﺲ
ﺍﻻﻡ : ﺍﻧﺘﻲ ﻛﻞ ﻳﻮﻡ ﻛﺪﻩ ﻣﻔﻴﺶ ﺍﻛﻞ ﻳﺎ ﺑﻨﺘﻲ ﺣﺮﺍﻡ ﻋﻠﻴﻜﻲ ﻧﻔﺴﻚ ﺍﻧﺘﻲ ﺍﻳﻪ ﻣﺒﺘﺘﻌﺒﻴﺶ ﻣﻦ ﻗﻠﻪ ﺍﻻﻛﻞ
ﻫﻤﺲ : ﻟﻤﺎ ﺍﺟﻮﻉ ﻫﺒﻘﻲ ﺍﻛﻮﻝ ﻳﺎ ﻣﺎﻣﺎ ﺍﻧﺎ ﺗﻌﺒﺎﻧﻪ ﻭﻋﺎﻳﺰﺓ ﺍﻧﺎﻡ
ﺍﻻﻡ : ﻟﻤﺎ ﺗﺠﻮﻋﻲ ﺩﻩ ﺍﻟﻠﻲ ﻫﻮ ﺍﻣﺘﻲ ﺍﻥ ﺷﺎﺀ ﺍﻟﻠﻪ ﻭﻓﻲ ﺍﻻﺧﺮ ﺗﻘﻮﻣﻲ ﺗﺎﻛﻠﻲ ﻛﻴﺲ ﺷﻴﺒﺴﻲ ﻭﺗﻨﺎﻣﻲ ﺻﺢ
ﻫﻤﺲ : ﻳﻮﻭﻭﻭﻭﻭﻭﻭﻭﻭﻭﻭﻩ ﺑﻘﻲ ﻳﺎ ﻣﺎﻣﺎ ﻣﺶ ﻫﻨﺨﻠﺺ ﻣﻦ ﺍﻟﻤﻮﺍﻝ ﺩﻩ
ﺍﻻﻡ : ﺍﻋﻤﻠﻲ ﺍﻟﻠﻲ ﺍﻧﺘﻲ ﻋﺎﻳﺰﺍﻩ ﺍﻧﺘﻲ ﺣﺮﺓ
ﻫﻤﺲ : ﺍﻧﺎ ﺩﺍﺧﻠﻪ ﺍﻧﺎﻡ " ﺣﺎﺟﺔ ﺗﻘﺮﻑ ﻫﻼﻗﻴﻬﺎ ﻣﻨﻜﻢ ﻭﻻ ﻣﻦ ﺳﻲ ﺯﻓﺖ ﻫﻴﺜﻢ ﻭﻻ ﻣﻦ ﺍﻟﺤﻴﻮﺍﻥ ﻋﻤﺮﻭ "
ﺩﺧﻠﺖ ﻫﻤﺲ ﻏﺮﻓﺘﻬﺎ ﻟﻜﻲ ﺗﻨﺎﻡ ﻭﻏﻄﺖ ﻓﻲ ﺛﺒﺎﺕ ﻋﻤﻴﻖ ﻭﻓﻲ ﺍﻟﻠﻴﻞ ﺟﺎﺀﺕ ﺍﺧﺘﻬﺎ ﻟﺘﻔﻴﻘﻬﺎ
ﻫﺎﻟﻪ : ﺑﺖ ﻳﺎ ﻫﻤﺲ ﻳﺎ ﻫﻤﻤﻤﻤﻤﻤﻤﻤﻤﻤﺲ ﺍﻧﺘﻲ ﻳﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺑﺖ
ﻫﻤﺲ ﺑﻨﻮﻡ : ﻫﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻩ
ﻫﺎﻟﻪ : ﻗﻮﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻣﻲ
ﻫﻤﺲ : ﻳﻼ ﻳﺎ ﺟﺰﻣﺔ ﻣﻦ ﻫﻨﺎ ﻭﻣﺶ ﻋﺎﻳﺰﺓ ﺍﺷﻮﻑ ﻭﺷﻚ ﺗﺎﻧﻲ
ﻫﺎﻟﻪ : ﻗﻮﻣﻲ ﺑﻘﻲ ﻭﺑﻄﻠﻲ ﻏﻼﺳﻪ
ﻫﻤﺲ : ﺍﻣﺸﻲ ﻳﺎﺍﺍﺍﺍﺍﺍﺍﺍﺍﺍﺍﺍﺍﺑﺖ ﻣﻦ ﻫﻨﺎﺍﺍﺍﺍﺍﺍﺍﺍﺍﺍ ﺍﻣﺸﻯﻯﻯﻯﻯﻯﻯﻯﻰ
ﺍﻻﻡ : ﻓﻲ ﺍﻳﻪ ﺍﻧﺘﻲ ﻭﻫﻲ
ﻫﻤﺲ : ﺍﺭﺣﻤﻮﻭﻭﻭﻭﻭﻭﻭﻭﻭﻭﻭﻧﻲ ﺑﻘﻲ ﻋﺎﺍﺍﺍﺍﺍﺍﺍﺍﺍﻳﺰﺓ ﺍﻧﺎﺍﺍﺍﺍﺍﺍﺍﺍﺍﺍﺍﺍ
ﺍﺍﺍﺍﺍﺍﺍﺍﺍﺍﻡ
ﻫﺎﻟﻪ : ﻳﺎ ﺷﻴﺨﺔ ﻧﺎﻣﺖ ﻋﻠﻴﻜﻲ ﺣﻴﻄﺔ ﻗﻮﻣﻲ ﻳﺎﺑﺖ ﺍﻟﺴﺎﻋﻪ 10 ﺑﺎﻟﻠﻴﻞ
ﻫﻤﺲ ﻣﺨﻀﻮﺿﻪ : ﻳﺎﻟﻬﻮﻭﻭﻭﻭﻭﻭﻭﻭﻭﻱ ﺍﻟﺸﻐﻞ ﺍﻟﻼﺏ ﻓﻴﻦ
ﻫﺎﻟﻪ : ﻳﺎ ﻣﺠﻨﻮﻭﻭﻭﻭﻭﻭﻭﻭﻭﻭﻭﻭﻭﻭﻭﻧﻪ ﻗﻮﻣﻲ ﻳﺎﺑﺖ ﺍﺗﻔﺮﺟﻲ ﻉ ﺍﻟﺤﺎﺟﺎﺕ ﺍﻟﻠﻲ ﺟﺒﺘﻬﺎ
ﻫﻤﺲ : ﺣﺎﺟﺎﺕ ﺗﺎﻓﻬﻪ ﺯﻳﻚ ﺍﻛﻴﺪ
ﻫﺎﻟﻪ : ﻗﻮﻣﻲ ﺑﻘﻲ ﻭﺑﻄﻠﻲ ﺭﺧﺎﻣﻪ
ﻫﻤﺲ : ﻫﺎ ﺍﺭﻏﻲ ﻭﻭﺭﻳﻨﻲ
ﻫﺎﻟﻪ ﻭﻫﻲ ﺗﻔﺮﺟﻬﺎ ﺍﻻﺷﻴﺎﺀ ﺍﻟﺘﻲ ﺍﺷﺘﺮﺗﻬﺎ ﻭﻛﺎﻧﺖ ﻋﺒﺎﺭﺓ ﻋﻦ ﻟﺒﺲ ﺷﻴﻚ ﻣﻜﻮﻥ ﻣﻦ ﺑﺪﻳﻬﺎﺕ ﻭﺟﻴﺒﺎﺕ ﻭﻓﺴﺎﺗﻴﻦ ﻭﺷﻮﺯﺍﺕ ﻛﻌﺐ ﻋﺎﻟﻲ ﻫﺎﻟﻪ ﻓﻲ ﺍﻭﻟﻲ ﺟﺎﻣﻌﻪ ﻛﻠﻴﻪ ﺍﻟﺘﺠﺎﺭﺓ ﺷﺨﺼﻴﻪ ﻣﺮﺣﺔ ﻭﻋﺴﻮﻟﻪ ﺟﺪﺍ ﻋﻜﺲ ﻫﻤﺲ ﺗﻤﺎﻣﺎ ﻭﻣﺤﺒﻮﺑﻪ ﻣﻦ ﺍﻟﺠﻤﻴﻊ
ﻫﻤﺲ : ﺍﻳﻪ ﺍﻟﻠﻲ ﺍﻧﺘﻲ ﺟﺎﻳﺒﺎﻩ ﺩﻩ
ﻫﺎﻟﻪ : ﺣﻠﻮ ﺻﺢ
ﻫﻤﺲ : ﺍﻳﻪ ﺍﻻﺭﻑ ﺩﻩ ﺍﻟﺤﺎﺟﺎﺕ ﺩﻱ ﻫﺘﻠﺒﺴﻴﻬﺎ ﻭﺍﻧﺘﻲ ﺭﺍﺣﺔ ﺍﻟﺠﺎﻣﻌﻪ ﻭﻻ ﺍﻟﻜﺒﺎﺭﻳﻪ
ﻫﺎﻟﻪ : ﺧﻠﻴﻜﻲ ﻓﻲ ﺑﻨﺎﻃﻴﻠﻚ ﻭﺗﺸﻴﺮﺗﺎﺗﻚ
ﻫﻤﺲ : ﻣﺎﻫﻮ ﺍﻧﺎ ﻣﺶ ﺗﺎﻓﻬﻪ ﺯﻳﻚ ﺭﺍﺣﺔ ﺍﻋﻤﻞ ﻋﺮﺽ ﺍﺯﻳﺎﺀ ﻭﻏﻮﺭﻱ ﺑﻘﻲ ﻣﻦ ﻭﺷﻲ
ﻫﺎﻟﻪ : ﺍﺣﺴﻦ ﺑﺮﺿﻪ ﺍﻟﻤﻔﺮﻭﺽ ﻛﻨﺘﻲ ﺗﺒﻘﻲ ﻭﻟﺪ ﻫﻮ ﺩﻩ ﻣﻨﻈﺮ ﺑﻨﺖ
ﻫﻤﺲ : ﻏﻮﻭﻭﻭﻭﻭﻭﻭﻭﻭﻭﺭﻱ ﻳﺎﺍﺍﺍﺍﺍﺍﺍﺍﺍﺍﺍﺍﺏﺕ
ﻓﺎﻗﺖ ﻫﻤﺲ ﻣﻦ ﻧﻮﻣﻬﺎ ﻭﺫﻫﺒﺖ ﺍﻟﻲ ﺍﻟﻤﺮﺣﺎﺽ ﻟﺘﻐﺴﻞ ﻭﺟﻬﻬﺎ ﻣﻦ ﺍﺛﺮ ﺍﻟﻨﻮﻡ ﻭﻓﺘﺤﺖ ﺣﺎﺳﻮﺑﻬﺎ ﺍﻟﺸﺨﺼﻲ ﻭﺟﻠﺴﺖ ﺍﻣﺎﻣﻪ ﺣﺘﻲ ﺍﻟﺼﺒﺎﺡ
المتمرده
ﺍﻟﺤﻠﻘﺔ 3
ﻓﻲ ﺍﻟﻴﻮﻡ ﺍﻟﺘﺎﻟﻲ ﺫﻫﺒﺖ ﻫﻤﺲ ﺍﻟﻲ ﺍﻟﺠﺎﻣﻌﻪ ﻭﻛﺎﻧﺖ ﻓﻲ ﻣﻨﺘﻬﻲ ﺍﻟﻬﺪﻭﺀ
ﻫﻤﺲ : ﺻﺒﺎﺡ ﺍﻟﺨﻴﺮ
ﺍﻳﻤﺎﻥ ﻭﺳﺎﺭﺓ ﻭﻳﻨﻈﺮﻭﻥ ﺍﻟﻲ ﺑﻌﻀﻬﻢ ﺑﺄﺳﺘﻐﺮﺍﺏ : ﺻﺒﺎﺡ ﺍﻟﻨﻮﺭ ﻳﺎ ﺭﻭﺍﻗﻨﻚ
ﻫﻤﺲ : ﺍﻧﺘﻮﺍ ﻫﺘﻘﻮﺭﻭ ﺍﻳﻪ ﺍﻟﻌﻴﺎﻝ ﺍﻟﻔﻘﺮ ﺩﻱ
ﺍﻳﻤﺎﻥ : ﻻ ﻭﺍﻟﻠﻪ ﺭﺍﻳﻘﻪ ﺍﻧﺘﻲ ﺍﻧﻬﺎﺭﺩﺓ ﻓﻲ ﺍﻳﻪ ﺧﻴﺮ
ﻫﻤﺲ : ﻳﺎﺳﻴﺘﻲ ﺍﻧﺎ ﺣﺮﺓ ﺍﻳﻪ ﺍﻟﺒﺖ ﺩﻱ ﻋﻨﺪﻧﺎ ﺍﻳﻪ ﺍﻧﻬﺎﺭﺩﺓ
ﺳﺎﺭﺓ : ﻋﻨﺪﻧﺎ ﻣﺤﺎﺿﺮﺗﻴﻦ ﻭﺍﻟﻤﺤﺎﺿﺮﺓ ﺍﻻﻭﻟﻲ ﻗﺮﺑﺖ ﺗﺒﺪﺃ
ﻫﻤﺲ : ﻃﺐ ﻳﻼ ﻭﻻ ﻣﺶ ﻫﺘﻄﻠﻌﻮﺍ
ﺍﻟﺒﻨﺎﺕ : ﻻﺀ ﻫﻨﻄﻠﻊ ﻳﻼ
ﺻﻌﺪﺕ ﻫﻤﺲ ﺍﻟﻲ ﺍﻟﻤﺪﺭﺝ ﻭﻛﺎﻧﺖ ﺗﺴﻴﺮ ﺑﻬﺪﻭﺀ ﻭﺗﺪﻧﺪﻥ
ﺍﻧﺎﺍﺍﺍ ﺑﻌﺸﻘﻚ ﺍﻧﺎﺍﺍﺍ
ﺃﻧﺎ ﻛــﻠــﻲ ﻟــﻜـ
ﺃﻧﺎﺍﺍ
ﻳﺎﺍ ﻣﻦ ﻣﻠﻚ ﺭﻭﻭﺣﻲ ﺑﻬﻮﺍﺍﺍﻩ
ﺭﻭﻭﻭﺣﻲ ﺑﻬﻮﺍﺍﺍﻩ
ﺍﻷﻣﺮ ﻟــﻜـ ﻃﻮﻭﻝ ﺍﻟﺤﻴﺎﺍﺓ
ﻃﻮﻭﻝ ﺍﻟﺤﻴﺎﺍﺍﺓ
ﺍﻟﻤﺎﺍﺿﻲ
ﻟــﻜـ
ﻭﺑﻜـﺮﺁ
ﻟــﻜـ
ﻭﺑﻌــﺪﻫـ
ﻟــﻜـ
ﺃﻧﺎ ﻓﻲ ﺳﻬﺎﺍﺍﺩﻱ
ﻭﻓﻲ ﻣﻨﺎﺍﺍﻣﻲ
ﺑﻨﺪﺩﺩﻫﻚ
ﻭﺑﺴــﺄﻟــﻜـ
ﺁ ﺁ ﺁ ﺁ ﺁ ﻫـ
ﺑﺘﺤـﺒــﻨـــﻲ ﻭﻻ ﺍﻟﻬـــﻮﻯ ﻋـﻤــﺮﻫـ ﻣـﺂ ﺯﺁﺭﻛـ
ﺑـﺘـﺤــﺒــﻨـــﻲ ﻭﻻ ﺍﻧﻜــﺘــﺒـ ﻉ ﺍﻟــﻘــﻠـــﺐ ﻧــﺂﺭﻛـ
ﻗــــﻮﻭﻭﻭﻝ
ﻗـــــــﻮﻭﻭﻭﻝ
ﻗـــــــﻮﻭﻭﻭﻝ ﻳــﺂ ﻣـــــﻼﺁﻛــٍ
ﻛﺎﻥ ﺍﻳﻤﺎﻥ ﻭﺳﺎﺭﺓ ﻳﻨﻈﺮﻭﻥ ﺍﻟﻲ ﺑﻌﺾ ﻭﻳﻀﺤﻜﻮﻥ ﻋﻠﻴﻬﺎ ﻭﻫﻲ ﻟﻢ ﺗﺒﺎﻟﻲ ﺑﻬﻢ ﻭﻛﺎﻧﺖ ﺳﺎﺭﺓ ﻣﺴﺘﻐﺮﺑﻪ ﺟﺪﺍ ﻣﻦ ﻃﺮﻳﻘﻪ ﻫﻤﺲ ﻭﻛﺎﻥ ﻫﻤﺲ ﻭﺍﻳﻤﺎﻥ ﻳﺘﺤﺪﺛﻮﻥ ﺑﺎﻻﺷﺎﺭﺓ ﻛﺎﻧﺖ ﺳﺎﺭﺓ ﺗﺸﺎﻭﺭ ﻋﻠﻲ ﻫﻤﺲ ﻛﺄﻧﻬﺎ ﺗﻘﻮﻝ ﻫﻲ ﻣﺎﻟﻬﺎ ﺍﻣﺎ ﺍﻳﻤﺎﻥ ﻓﻜﺎﻧﺖ ﺗﻤﻂ ﺷﻔﺘﻴﻬﺎ ﺍﻟﻲ ﺍﻻﻣﺎﻡ ﻛﺄﻧﻬﺎ ﺗﻘﻮﻝ ﻣﻌﺮﻓﺶ
ﻭﻋﻨﺪﻣﺎ ﻛﺎﻧﺖ ﻫﻤﺲ ﺗﺴﻴﺮ ﺭﺃﻫﺎ ﻫﻴﺜﻢ ﻓﻲ ﺍﻟﻜﻮﺭﻳﺪﻭﺭ ﻭﻟﻜﻨﺎ ﻟﻢ ﺗﺄﺧﺬ ﺑﺎﻟﻬﺎ ﻣﻨﻪ ﻭﺳﻤﻊ ﺟﺰﺀ ﻣﻦ ﺩﻧﺪﻧﺘﻬﺎ
ﻧﻈﺮ ﻟﻬﺎ ﻫﻴﺜﻢ ﺑﺎﺳﺘﻐﺮﺍﺏ ﻭﻗﺎﻝ ﻓﻲ ﺳﺮﺓ : ﻭﺍﻟﻠﻪ ﻣﺠﻨﻮﻧﻪ
ﺫﻫﺐ ﻫﻴﺜﻢ ﺍﻟﻲ ﻣﻜﺘﺒﻪ ﻭﻭﺟﺪ ﻋﻼﺀ ﺯﻣﻴﻠﻪ
ﻋﻼﺀ : ﺑﺘﻀﺤﻚ ﻉ ﺍﻳﻪ
ﻫﻴﺜﻢ : ﻃﺎﻟﺒﻪ ﻋﻨﺪﻱ ﺑﻤﻴﺖ ﺣﺎﻝ ﺍﻣﺒﺎﺭﺡ ﻛﺎﻧﺖ ﻋﺒﺎﺭﺓ ﻋﻦ ﺍﻧﻬﺎ ﺑﺮﻛﺎﻥ ﻭﺍﻧﻬﺎﺭﺩﺓ ﻣﻴﻪ ﺑﺎﺭﺩﺓ
ﻋﻼﺀ : ﺩﻱ ﺍﺳﻤﻬﺎ ﺍﻳﻪ ﺩﻱ
ﻫﻴﺜﻢ : ﺍﺳﻤﻬﺎ ﻫﻤﺲ
ﻋﻼﺀ : ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻬﻬﻬﻬﻪ ﺍﻧﺖ ﻭﻗﻌﺖ ﻣﻊ ﻫﻤﺲ
ﻫﻴﺜﻢ : ﺍﻧﺖ ﺗﻌﺮﻓﻬﺎ
ﻋﻼﺀ : ﻫﻤﺲ ﺩﻱ ﺭﻣﺰ ﻣﻦ ﺭﻣﻮﺯ ﺍﻟﻜﻠﻴﻪ ﻳﺎ ﺍﺑﻨﻲ ﻣﻔﻴﺶ ﺣﺪ ﻣﻴﻌﺮﻓﻬﺎﺵ ﺍﻧﺖ ﺑﺲ ﻋﻠﺸﺎﻥ ﺟﺪﻳﺪ
ﻫﻴﺜﻢ : ﻟﻴﻪ ﻳﻌﻨﻲ ﺭﻣﺰ ﻣﻦ ﺭﻣﻮﺯ ﺍﻟﻜﻠﻴﻪ
ﻋﻼﺀ : ﺍﻧﺴﺎﻧﻪ ﻋﺠﻴﺒﻪ ﻣﺘﻔﻬﻤﻬﺎﺵ ﺍﺫﺍ ﻛﻨﺖ ﻃﻴﺒﻪ ﻭﻻ ﺷﺮﻳﺮﺓ ﻭﻻ ﻋﻨﺪﻳﻪ ﻭﻻ ﻣﺴﺘﺒﺪﺓ ﻭﻻ ﺭﻗﻴﻘﻪ ﻣﺘﻔﻬﻤﺶ ﺗﻼﻗﻴﻬﺎ ﻛﺪﻩ ﺑﺤﺎﻻﺕ ﺑﻴﺒﻘﻲ ﻉ ﺣﺴﺐ ﺍﻟﻤﻮﺩ ﺑﺘﺎﻋﻬﺎ ﺑﺲ ﺍﻟﻠﻲ ﺍﻋﺮﻓﻪ ﺑﺠﺪ ﻋﻨﻬﺎ ﺍﻧﻬﺎ ﺍﺟﺪﻉ ﺑﻨﺖ ﻓﻲ ﺍﻟﻜﻠﻴﻪ
ﻫﻴﺜﻢ : ﺍﺟﺪﻉ ﺑﻨﺖ ﺍﺯﺍﻱ
ﻋﻼﺀ : ﺍﻃﻠﺐ ﻣﻨﻬﺎ ﺣﺎﺟﺔ ﻣﺘﺘﺄﺧﺮﺵ ﺗﻼﻗﻴﻬﺎ ﺟﻤﺒﻚ ﻛﺪﻩ ﻓﻲ ﻭﻗﺖ ﺍﻟﺸﺪﺓ ﺗﺴﺎﻋﺪ ﺍﻟﻨﺎﺱ ﺑﺴﻬﻮﻟﻪ ﺑﺲ ﻟﻤﺎ ﺗﻘﻠﺐ ﻣﺎﻗﻮﻟﻜﺶ
ﻫﻴﺜﻢ : ﺍﻳﻪ ﺍﻟﺒﺖ ﺍﻟﻐﺮﻳﺒﻪ ﺩﻱ
ﻋﻼﺀ : ﻣﺶ ﺑﻘﻮﻟﻚ ﺗﺮﻛﻴﺒﻪ ﻏﺮﻳﺒﻪ ﻭﻓﺮﻳﺪﺓ ﻣﻦ ﻧﻮﻋﻬﺎ ﺑﺲ ﺣﺎﻭﻝ ﺗﻜﺴﺒﻬﺎ ﻫﻤﺲ ﻣﺶ ﺑﺘﻴﺠﻲ ﺑﺎﻟﻌﻨﺪ ﻋﺎﻳﺰﺓ ﺍﻟﻠﻲ ﻳﻔﻬﻤﻬﺎ ﻭﻳﻌﺮﻑ ﻳﺘﻌﺎﻣﻞ ﻣﻌﺎﻫﺎ ﺻﺢ
ﻫﻴﺜﻢ : ﻭﺍﻧﺖ ﻋﺮﻓﺖ ﻋﻨﻬﺎ ﻛﻞ ﺍﻟﻜﻼﻡ ﺩﻩ ﺍﻣﺘﻲ
ﻋﻼﺀ : ﺍﻧﺎ ﺩﺭﺳﺖ ﻟﻬﻤﺲ ﺳﻨﺘﻴﻦ ﻭﺭﺍ ﺑﻌﺾ ﻭﻋﺮﻓﺖ ﻋﻨﻬﺎ ﺍﻏﻠﺐ ﺍﻟﺤﺎﺟﺎﺕ ﺗﻘﺪﺭ ﺗﻘﻮﻝ ﺷﺪﺗﻨﻲ ﺑﺘﺼﺮﻓﺎﺗﻬﺎ ﻓﻘﺮﺭﺕ ﺍﻓﻬﻤﻬﺎ ﻭﻓﻬﻤﺘﻬﺎ
ﻫﻴﺜﻢ : ﺣﺒﻴﺘﻬﺎ
ﻋﻼﺀ : ﻻ ﻳﺎ ﺍﺑﻨﻲ ﺣﺐ ﺍﻳﻪ ﺑﺲ ﻋﺎﺭﻑ ﻟﻤﺎ ﺑﺘﻼﻗﻲ ﺍﻟﻠﻲ ﻗﺪﺍﻣﻚ ﻏﺮﻳﺐ ﺑﻴﺒﻘﻲ ﻋﻨﺪﻙ ﻓﻀﻮﻝ ﺗﻔﻬﻤﻪ ﻫﻮ ﺩﻩ ﺍﻟﻠﻲ ﺍﻧﺎ ﻋﻤﻠﺘﻪ ﺍﻟﻔﻀﻮﻝ ﻟﻴﺲ ﺍﻻ
ﻫﻴﺜﻢ : ﺍﺍﺍﺍﺍﺍﺍﺍﺍﺍﺍﺍﺍﺍﻩ ﺗﻤﺎﻡ ﺗﻤﺎﻡ
ﻛﺎﻧﺖ ﻫﻤﺲ ﺟﺎﻟﺴﻪ ﻓﻲ ﺍﻟﻤﺪﺭﺝ ﻭﻛﺎﻧﺖ ﻓﻲ ﻗﻤﺔ ﺗﺮﻛﻴﺰﻫﺎ ﻓﻲ ﻛﻞ ﻛﻠﻤﺔ ﺗﻘﺎﻝ ﻭﻛﺎﻧﺖ ﺗﺪﻭﻥ ﻛﻞ ﻣﺎ ﻳﻘﻮﻟﻪ ﺍﻟﺪﻛﺘﻮﺭ ﻭﺑﻌﺪ ﺍﻧﺘﻬﺎﺀ ﺍﻟﻤﺤﺎﺿﺮﺓ
ﻫﻤﺲ : ﻫﻲ ﺍﻟﻤﺤﺎﺿﺮﺓ ﺍﻟﺘﺎﻧﻴﻪ ﺍﻣﺘﻲ
ﺍﻳﻤﺎﻥ : ﻛﻤﺎﻥ ﺳﺎﻋﺘﻴﻦ
ﻫﻤﺲ : ﺍﻧﺎ ﻣﺶ ﻓﺎﻫﻤﺔ ﻫﻤﺎ ﻟﻴﻪ ﺑﻴﺒﻌﺪﻭﺍ ﺑﻴﻦ ﺍﻟﻤﺤﺎﺿﺮﺍﺕ ﻛﺪﻩ ﻫﻮ ﺍﺣﻨﺎ ﻓﺎﺿﻴﻴﻦ
ﺳﺎﺭﺓ : ﻳﻌﻨﻲ ﻭﺭﺍﻧﺎ ﺍﻳﻪ
ﻫﻤﺲ : ﺍﻧﺘﻲ ﻭﺍﺣﺪﺓ ﻓﺎﺿﻴﻪ ﺍﻧﺎ ﻭﺭﺍﻳﺎ ﺷﻐﻞ
ﺳﺎﺭﺓ : ﺍﻳﻮﺓ ﻳﺎﻋﻢ ﻣﺤﺪﺵ ﻗﺪﻙ
ﻫﻤﺲ : ﺍﻧﺎ ﻫﺮﻭﺡ ﺍﻗﻌﺪ ﻓﻲ ﺍﻟﺠﻨﻴﻨﻪ ﺍﺧﻠﺺ ﺍﻟﺸﻐﻞ ﺍﻟﻠﻲ ﻭﺭﺍﻳﺎ
ﺫﻫﺒﺖ ﻫﻤﺲ ﺍﻟﻲ ﺣﺪﻳﻘﻪ ﺍﻟﻜﻠﻴﻪ ﻭﻓﺘﺤﺖ ﺍﻟﻼﺏ ﻉ ﺍﻏﻨﻴﻪ ﺗﺸﺒﻬﻠﻲ
ﺑﻴﻘﻮﻟﻮﺍ ﻋﻠﻴﻚ ﺗﺸﺒﻬﻠﻲ
ﺃﻛﺘﺮ ﻣﻦ ﻧﺎﺳﻲ ﻭﺃﻫﻠﻲ
ﺃﺗﺎﺭﻳﻨﻲ ﺑﺪﻭﺏ ﻓﻲ ﻣﻼﻣﺤﻚ ﺃﻧﺎ ﻣﻦ ﻳﻮﻡ ﺣﺒﻚ ﻣﺎ ﻧﺪﻫﻠﻲ
ﻋﻠﺸﺎﻥ ﻓﻲ ﺍﻟﺤﺐ ﺑﻘﻴﻨﺎ ﺃﺟﻤﻞ ﺭﻭﺣﻴﻦ ﻋﺎﺷﻘﻴﻦ
ﺍﻟﻨﺎﺱ ﺑﻴﻘﻮﻟﻮ ﻋﻠﻴﻨﺎ ﺭﻭﺡ ﻭﺍﺣﺪﺓ ﻣﺶ ﺭﻭﺣﻴﻦ
ﻭﻋﺸﺎﻥ ﻣﺎ ﺃﻧﺎ ﺑﺎﻋﺸﻖ ﻗﻠﺒﻚ
ﺑﻘﻰ ﻗﻠﺒﻲ ﺑﻴﺸﺒﻪ ﻗﻠﺒﻚ
ﻭﺍﺣﺘﺎﺭﻭ ﺍﻟﻨﺎﺱ ﻭﺃﻧﺎ ﺟﻨﺒﻚ ﻣﻴﻦ ﻓﻴﻨﺎ ﺑﻴﺸﺒﻪ ﻣﻴﻦ
ﻃﻴﺒﺔ ﻗﻠﺒﻚ ﻳﺎ ﺣﺒﻴﺒﻲ ﺧﻠﺘﻨﻲ ﻃﺎﻳﺮﺓ ﺑﻴﻚ
ﻭﻋﻴﻨﻴﺎ ﻋﻠﻴﻚ ﻳﺎ ﺣﺒﻴﺒﻲ
ﻣﻄﺮﺡ ﻣﺎ ﺗﺮﻭﺡ ﺗﻨﺎﺩﻳﻚ
ﺑﺎﺗﻜﻠﻢ ﺯﻱ ﻛﻼﻣﻚ
ﻭﺑﺴﻠﻢ ﺯﻱ ﺳﻼﻣﻚ
ﻭﺑﺎﻋﻠﻢ ﻗﻠﺒﻲ ﺣﻨﺎﻧﻚ
ﻭﺑﺸﻮﻑ ﺍﻟﻨﺎﺱ ﺑﻌﻴﻨﻴﻚ
ﻭﺑﺪﺃﺕ ﺗﻌﻤﻞ ﻉ ﺣﺎﺳﻮﺑﻬﺎ ﺍﻟﺨﺎﺹ
ﻛﺎﻥ ﻫﻴﺜﻢ ﻳﺴﻴﺮ ﺍﻟﻲ ﺧﺎﺭﺝ ﺍﻟﻜﻠﻴﻪ ﻭﻟﻜﻨﻪ ﻟﻤﺤﻬﺎ ﺍﻗﺘﺮﺏ ﻣﻨﻬﺎ ﻭﺭﺁﻫﺎ ﺗﻌﻤﻞ ﻉ ﺍﻟﺤﺎﺳﺐ ﺍﻟﺸﺨﺼﻲ ﺍﻋﺘﻘﺪ ﺍﻧﻬﺎ ﺗﺬﻛﺮ ﺍﻗﺘﺮﺏ ﻣﻨﻬﺎ ﻭﻇﻞ ﻭﺍﻗﻔﺎ
ﻛﺎﻧﺖ ﻫﺎﻣﺲ ﺟﺎﻟﺴﻪ ﺗﻌﻤﻞ ﻭﺍﺫ ﻋﻤﺮﻭ ﺟﺎﺀ ﻣﻦ ﺧﻠﻔﻬﺎ
ﻋﻤﺮﻭ : ﻫﻤﺲ ﺍﺯﻳﻚ
ﻫﻤﺲ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻳﺎﺭﺏ
ﻋﻤﺮﻭ : ﻳﺎ ﻫﻤﺲ ﺍﻧﺘﻲ ﻟﻴﻪ ﻉ ﻃﻮﻝ ﻛﺪﻩ ﻣﺼﺪﺭﺍﻟﻲ ﺍﻟﻮﺵ ﺍﻟﺨﺸﺐ
ﻫﻤﺲ : ﻋﻠﺸﺎﻥ ﺍﻧﺖ ﻣﺒﺘﺰﻫﻘﺶ
ﻋﻤﺮﻭ : ﺍﺗﻨﺎ ﻧﻔﺴﻲ ﺍﻗﺮﺏ ﻣﻨﻚ ﻭﺗﻌﺮﻓﻴﻨﻲ
ﻫﻤﺲ : ﺑﺺ ﻳﺎ ﻋﻤﺮﻭ ﺍﺭﺗﺒﺎﻁ ﺻﺤﻮﺑﻴﻪ ﺍﻧﺎ ﻣﺎﻟﻴﺶ ﻓﻲ ﺍﻟﻜﻼﻡ ﺍﻟﻔﺎﺭﻍ ﺑﺘﺎﻉ ﺍﻟﺒﻨﺎﺕ ﺍﻟﻬﺒﻠﻪ ﺩﻱ ﻣﺎﺷﻲ
ﻋﻤﺮﻭ : ﻳﺎ ﻫﻤﺲ ﺑﺲ ﺍﻧﺎ ﻧﻔﺴﻲ ﺍﻧﻨﺎ ﻧﻘﺮﺏ ﻣﻦ ﺑﻌﺾ ﻭﻧﺒﻘﻲ ﺍﺻﺤﺎﺏ
ﻫﻤﺲ : ﻳﺎ ﻋﻤﺮﻭ ﺍﻧﺎ ﻣﺎﻟﻴﺶ ﻛﻼﻡ ﻣﻊ ﺷﺒﺎﺏ ﺍﺻﻼ ﻭﺍﻧﺖ ﻋﺎﺭﻑ ﻛﺪﻩ ﻛﻮﻳﺲ ﻭﻣﺶ ﻫﺘﻮﺻﻞ ﻟﺤﺎﺟﺔ
ﻋﻤﺮﻭ : ﻳﺎ ﻫﻤﺲ ﺑﺲ ﺍﺩﻳﻨﻲ ﻓﺮﺻﻪ
ﻫﻤﺲ : ﻳﺎ ﺍﺑﻨﻲ ﺍﺩﻳﻚ ﻓﺮﺻﻪ ﺍﺯﺍﻱ ﻭﺍﻧﺎ ﺭﺍﻓﻀﻪ ﺍﻟﻤﻮﺿﻮﻉ ﺍﺻﻼ ﺑﻌﺪ ﺍﺫﻧﻚ ﻳﺎ ﻋﻤﺮﻭ
ﻛﺎﻥ ﻫﻴﺜﻢ ﻣﺎﺯﺍﻝ ﻭﺍﻗﻔﺎ ﻭﻣﺴﺘﻤﻌﺎ ﺍﻟﻲ ﺣﺪﻳﺜﻬﻢ ﻭﺍﺳﺘﻐﺮﺏ ﻣﻦ ﺍﺳﻠﻮﺏ ﺗﻔﻜﻴﺮﻫﺎ " ﻣﻌﻘﻮﻝ ﻓﻲ ﺑﻨﺖ ﺍﻻﻳﺎﻡ ﺩﻱ ﺗﺮﻓﺾ ﺍﻧﻬﺎ ﺗﺘﻌﺮﻑ ﻉ ﺷﺎﺏ ﻣﻌﻘﻮﻝ ﺩﻩ ﻳﺤﺼﻞ ﻓﻲ ﺍﻟﺰﻣﻦ ﺩﻩ ﻓﻌﻼ ﺍﻧﺴﺎﻧﻪ ﻏﺮﻳﺒﻪ ﻓﻲ ﻃﺒﺎﻋﻬﺎ ﻭﻓﻲ ﻛﻞ ﺣﺎﺟﺔ "
ﻣﺮﺕ ﺍﻻﻳﺎﻡ ﻭﻛﺎﻧﺖ ﻫﻤﺲ ﻟﻴﺲ ﻟﻬﺎ ﻋﻤﻞ ﺳﻮﻱ ﺍﻟﻜﻠﻴﻪ ﻭﻛﺎﻧﺖ ﺗﻌﻮﺩ ﻣﻦ ﺍﻟﻜﻠﻴﻪ ﺗﺴﺘﻘﻞ ﺑﻐﺮﻓﺘﻬﺎ ﺍﻣﺎﻡ ﺣﺎﺳﺒﻬﺎ ﺍﻟﺸﺨﺼﻲ ﻟﻼﻧﺘﻬﺎﺀ ﻣﻦ ﻋﻤﻠﻬﺎ ﻓﻬﻲ ﺷﺨﺼﻴﻪ ﺍﻧﻄﻮﺍﺋﻴﻪ ﻻ ﺗﺤﺐ ﺍﻟﻜﻼﻡ ﺍﻟﻜﺜﻴﺮ ﺣﻴﺎﺗﻬﺎ ﻫﻮ ﺷﻐﻠﻬﺎ ﻭﺑﺎﻟﺮﻏﻢ ﻣﻦ ﺫﻟﻚ ﻓﻬﻲ ﺍﻧﺴﺎﻧﻪ ﻣﺘﻔﻮﻗﻪ ﻓﻲ ﺩﺭﺍﺳﺘﻬﺎ
ﺍﻟﻴﻮﻡ ﻫﻮ ﻣﻴﻌﺎﺩ ﺍﻟﺴﻴﻜﺸﻦ ﺍﻻﺳﺒﻮﻋﻲ ﻟﻬﻴﺜﻢ
ﺩﺧﻞ ﻫﻴﺜﻢ ﺍﻟﻘﺎﻋﻪ ﻟﻴﻌﻄﻲ ﺍﻟﻤﺤﺎﺿﺮﺓ ﻭﺟﺪ ﻫﻤﺲ ﻣﻨﺸﻐﻠﻪ ﺑﺎﻟﻼﺏ ﺗﻮﺏ ﺍﻟﺨﺎﺹ ﺑﻬﺎ ﻭﺣﺐ ﺍﻥ ﻳﻠﻔﺖ ﺍﻧﺘﺒﺎﻫﻬﺎ
ﻫﻴﺜﻢ ﺑﺼﻮﺕ ﻋﺎﻟﻲ : ﺻﺒﺎﺡ ﺍﻟﺨﻴﻴﻴﻴﻴﻴﻴﻴﻴﻴﻴﺮ
ﻫﻤﺲ ﺍﻧﺘﺒﻬﺖ ﻭﺍﻏﻠﻘﺖ ﺍﻟﻼﺏ : ﺻﺒﺎﺡ ﺍﻟﻨﻮﺭ
ﻫﻴﺜﻢ : ﺍﻧﻬﺎﺭﺩﺓ ﻫﻨﺘﻜﻠﻢ ﻋﻦ ﺣﺎﺟﺎﺕ ﺟﺪﻳﺪﺓ ﻭﻫﻲ ﺍﻧﻮﺍﻉ ﺍﻟﺸﺒﻜﺎﺕ ﻃﺒﻌﺎ ﺍﻧﺘﻮﺍ ﺍﺧﺪﺗﻮ ﺍﻟﻤﻮﺿﻮﻉ ﺩﻩ ﻗﺒﻞ ﻛﺪﻩ ﺍﻟﺴﻨﻴﻦ ﺍﻟﻠﻲ ﻓﺎﺗﺖ ﺑﺲ ﺍﻟﺴﻨﻪ ﺩﻱ ﻫﻨﺘﻌﺮﻑ ﻋﻠﻴﻬﺎ ﺑﺎﻟﺘﻔﺼﻴﻞ ﻭﺗﻮﺳﻊ ﺍﻛﺒﺮ ﻻﻧﻜﻢ ﺧﻼﺹ ﻛﺒﺮﺗﻮ ﻭﺑﺪﺃ ﻫﻴﺜﻢ ﻓﻲ ﺍﻟﺸﺮﺡ ﻭﻛﺎﻧﺖ ﻫﻤﺲ ﻣﻠﺘﺰﻣﺔ ﺟﺪﺍ ﻭﻛﺎﻧﺖ ﺑﺘﺤﺎﻭﻝ ﺗﻀﻐﻂ ﻉ ﻧﻔﺴﻬﺎ ﻋﻠﺸﺎﻥ ﺗﺒﻴﻨﻠﻪ ﺍﻧﻬﺎ ﻣﺶ ﺯﻱ ﻣﺎﻫﻮ ﻓﺎﻛﺮ ﺑﻌﺪ ﻣﺎ ﺧﻠﺺ ﺷﺮﺡ
ﻫﻴﺜﻢ : ﻣﻴﻦ ﻳﻘﺪﺭ ﻳﻘﻮﻟﻲ ﺍﻳﻪ ﻫﻲ ﺍﻧﻮﺍﻉ ﺍﻟﺸﺒﻜﺎﺕ ﻭﺍﻧﻮﺍﻉ ﺗﻮﺻﻴﻠﻬﺎ ؟؟
ﻫﻤﺲ : ﺍﻧﺎ ﻳﺎ ﻣﺴﺘﺮ
ﻫﻴﺜﻢ : ﻃﻴﺐ ﻗﻮﻣﻲ ﻳﺎ ﻫﻤﺲ ﻗﻮﻟﻲ
ﻫﻤﺲ ﺑﺪﺃﺕ ﺗﺠﺎﻭﺏ ﻉ ﺍﻟﺴﺆﺍﻝ ﺑﻄﺮﻳﻘﻪ ﺳﻬﻠﻪ ﺟﺪﺍ ﻭﻣﻌﻠﻮﻣﺎﺕ ﻗﻴﻤﺔ ﺟﺪﺍ ﺟﺪﺍ ﻭﺍﺿﺎﻓﺖ ﺍﺷﻴﺎﺀ ﻟﻢ ﺗﺸﺮﺡ ﺑﻌﺪ
ﻫﻴﺜﻢ ﻭﻫﻮ ﻓﺮﺡ ﺑﺘﻔﻮﻗﻬﺎ : ﺗﻤﺎﻡ ﻳﺎ ﻫﻤﺲ ﻫﺎ ﻣﻴﻦ ﻳﻌﺮﻑ ﻳﻘﻮﻟﻲ ﺑﺎﺳﻠﻮﺏ ﺗﺎﻧﻲ
ﻫﻨﺎ ﻛﺜﻴﺮ ﻣﻦ ﺍﻟﻄﻼﺏ ﺟﺎﻭﺑﻮ ﻭﻟﻜﻦ ﻟﻢ ﻳﺴﺘﻄﻊ ﺍﺣﺪ ﺍﻥ ﻳﻮﺻﻞ ﻟﻪ ﺍﻻﺟﺎﺑﻪ ﺑﻄﺮﻳﻘﻪ ﻣﺜﻞ ﻫﻤﺲ
ﻋﺎﺩ ﻫﻴﺜﻢ ﺍﻟﻲ ﺷﺮﺡ ﺍﻟﻤﺤﺎﺿﺮﺓ ﺣﺘﻲ ﺍﻧﺘﻬﺎﺀ ﻣﻮﻋﺪ ﺍﻟﻤﺤﺎﺿﺮﺓ
ﻫﻴﺜﻢ : ﺍﻧﺎ ﻫﻄﻠﺐ ﻣﻨﻜﻢ ﺑﺤﺚ ﻣﺒﺪﺋﻲ ﻛﺪﻩ ﺗﺘﻜﻠﻤﻮ ﻓﻴﻪ ﻋﻦ ﺑﺮﻭﺗﻮﻛﻮﻻﺕ ﺍﻟﺸﺒﻜﺎﺕ .. ﺣﺪ ﻋﺎﻳﺰ ﻳﺴﺘﻔﺴﺮ ﻋﻦ ﺣﺎﺟﺔ .. ﻟﻮ ﺍﺣﺘﺠﺘﻮﺍ ﺍﻱ ﺣﺎﺟﺔ ﻫﺘﻼﻗﻮﻧﻲ ﻣﻮﺟﻮﺩ ﻃﻮﻝ ﺍﻻﺳﺒﻮﻉ ﻓﻲ ﻣﻜﺘﺒﻲ .. ﻭﺍﻟﺒﺤﺚ ﻫﺴﺘﻠﻤﻮ ﺍﻻﺳﺒﻮﻉ ﺍﻟﻠﻲ ﺟﺎﻱ ﺗﻤﺎﻡ ﻛﺪﻩ
ﺍﻟﻜﻞ : ﺗﻤﺎﻡ ﻳﺎ ﻣﺴﺘﺮ
ﺫﻫﺐ ﻫﻴﺜﻢ ﺍﻟﻲ ﻣﻜﺘﺒﻪ ﻭﻫﺒﻄﺖ ﻫﻤﺲ ﺍﻟﻲ ﺣﺪﻳﻘﻪ ﺍﻟﻜﻠﻴﻪ ﻟﺘﻜﻤﻞ ﻋﻤﻠﻬﺎ ﺛﻢ ﺫﻫﺒﺖ ﺍﻟﻲ ﺍﻟﻤﻨﺰﻝ
ﻫﺎﻟﻪ : ﺍﻧﺘﻲ ﻣﺎﻟﻚ ﺟﺎﻳﻪ ﻣﺘﺄﺧﺮ ﻟﻴﻪ ﻛﺪﻩ
ﻫﻤﺲ : ﻛﺎﻥ ﻋﻨﺪﻱ ﻣﺤﺎﺿﺮﺓ ﻫﻮ ﺍﻧﺎ ﻓﺎﺷﻠﻪ ﺯﻳﻚ
ﻫﺎﻟﻪ : ﻳﺎ ﺑﻨﺘﻲ ﻋﻴﺸﻲ ﻭﻟﺨﺼﻲ ﻓﻲ ﺍﻻﺧﺮ
ﻫﻤﺲ : ﺑﺲ ﻳﺎ ﻓﺎﺷﻠﻪ ﻳﺎ ﺑﺘﺎﻋﻪ ﺍﻟﺘﺠﺎﺭﺓ
ﻫﺎﻟﻪ : ﻳﺎ ﺍﺧﺘﻲ ﺍﻫﻲ ﻛﻠﻬﺎ ﻛﻠﻴﺎﺕ ﻭﻓﻲ ﺍﻻﺧﺮ ﻫﺘﺠﻮﺯ ﻭﺍﻗﻌﺪ ﻓﻲ ﺍﻟﺒﻴﺖ
ﻫﻤﺲ : ﺗﺎﻓﻬﻪ ﻭﺳﻄﺤﻴﻪ ﻻﺯﻡ ﻳﻜﻮﻥ ﻟﻴﻜﻲ ﻛﻴﺎﻥ ﻣﺴﺘﻘﻞ ﻋﻠﺸﺎﻥ ﻣﺤﺪﺵ ﻳﺘﺤﻜﻢ ﻓﻴﻜﻲ
ﻫﺎﻟﻪ : ﺳﺒﺘﻠﻚ ﺍﻻﺳﺘﻘﻼﻟﻴﻪ ﻳﺎ ﺍﺧﺘﻲ ﺍﻧﺎ ﻫﺮﻭﺡ ﺍﻛﻮﻝ ﻣﺶ ﻫﺘﺎﻛﻠﻲ
ﻫﻤﺲ : ﻻﺀ ﻣﺶ ﻋﺎﻳﺰﺓ ﺍﻧﺎ ﻭﺭﺍﻳﺎ ﺷﻐﻞ ﻛﺘﻴﺮ
ﺩﺧﻠﺖ ﻫﻤﺲ ﺍﻟﻲ ﺍﻟﻤﻄﺒﺦ ﻭﺍﺣﻀﺮﺕ ﻟﻨﻔﺴﻬﺎ ﻛﻮﺑﺎ ﻣﻦ ﺍﻟﻌﺼﻴﺮﻭﻇﻠﺖ ﺟﺎﻟﺴﻪ ﺍﻣﺎﻡ ﺍﻟﻼﺏ ﺗﻮﺏ ﺣﺘﻲ ﺍﻧﺘﻬﺖ ﻣﻦ ﺍﻟﻌﻤﻞ ﺛﻢ ﺍﺣﻀﺮﺕ ﻣﻮﺿﻮﻉ ﺍﻟﺒﺤﺚ ﻟﻜﻲ ﺗﻔﻜﺮ ﻛﻴﻒ ﺗﻘﻮﻡ ﺑﻌﻤﻞ ﺍﻟﺒﺤﺚ ﻋﻠﻲ ﺍﻛﻤﻞ ﻭﺟﻪ ﺍﺧﺮﺟﺖ ﻫﻤﺲ ﻣﺠﻤﻮﻋﻪ ﻣﻦ ﺍﻟﻤﺮﺍﺟﻊ ﺍﻟﻌﺮﺑﻴﻪ ﻭﺍﻻﺟﻨﺒﻴﻪ ﺍﻟﺘﻲ ﺳﺘﺴﺎﻋﺪﻫﺎ ﻓﻲ ﻋﻤﻞ ﺍﻟﺒﺤﺚ ﺍﻟﻤﻄﻠﻮﺏ ﻣﻨﻬﺎ ﻭﺩﺧﻠﺖ ﻋﻠﻴﻬﺎ ﺍﻣﻬﺎ ﻭﻫﻲ ﺗﺬﺍﻛﺮ
ﺍﻻﻡ : ﻫﻤﺲ ﺍﻧﺘﻲ ﻳﺎ ﺣﺒﻴﺒﺘﻲ ﻣﺶ ﺑﺘﺎﻛﻠﻲ ﺧﺎﻟﺺ ﺍﻧﺘﻲ ﻣﺶ ﺷﺎﻳﻔﻪ ﺍﻧﺘﻲ ﻋﺎﻣﻠﻪ ﺍﺯﺍﻱ ﻳﺎ ﺣﺒﻴﺒﺘﻲ
ﻫﻤﺲ : ﻳﺎ ﻣﺎﻣﺎ ﻭﺍﻟﻠﻪ ﻣﺎ ﺑﻴﺒﻘﻲ ﻟﻴﺎ ﻧﻔﺲ ﺍﻧﺎ ﺑﺎﻛﻮﻝ ﺍﻱ ﺣﺎﺟﺔ ﻓﻲ ﺍﻟﻜﻠﻴﻪ ﻭﻣﻌﺪﺗﻲ ﺑﺘﻘﻔﻞ ﺍﻋﻤﻞ ﺍﻳﻪ ﻃﻴﺐ
ﺍﻻﻡ : ﻳﺎ ﺑﻨﺘﻲ ﻛﺪﻩ ﻣﺶ ﻫﻴﻨﻔﻊ ﺩﻩ ﻣﺤﺪﺵ ﻫﻴﺒﺼﻠﻚ ﺑﻤﻨﻈﺮﻙ ﺩﻩ
ﻫﻤﺲ : ﺍﺣﺴﻦ ﻭﻫﻤﺎ ﻳﺒﺼﻮﻟﻲ ﻟﻴﻪ ﺍﺻﻼ
ﺍﻻﻡ : ﺍﻧﺘﻲ ﻣﺶ ﺷﺎﻳﻔﻪ ﺍﺧﺘﻚ ﻋﺎﻣﻠﻪ ﺍﻳﻪ ﻓﻲ ﻧﻔﺴﻬﺎ ﻭﺍﻫﻲ ﺍﻟﺼﻐﻴﺮﻩ ﻭﺍﻧﺘﻲ ﻣﺶ ﻣﻬﺘﻤﻴﻪ ﺑﻨﻔﺴﻚ ﺧﺎﻟﺺ ﺍﻧﺎ ﺣﺎﺳﻪ ﺍﻧﻲ ﺟﺎﻳﺒﻪ ﻭﻟﺪﻳﻦ ﺍﻧﺘﻲ ﻭﺍﺧﻮﻛﻲ
ﻫﻤﺲ : ﻳﺎ ﻣﺎﻣﺎ ﺩﻱ ﻛﻠﻬﺎ ﺷﻜﻠﻴﺎﺕ ﻓﺎﺭﻏﻪ ﻭﺍﻧﺎ ﻣﺶ ﻓﺎﺿﻴﻪ ﻟﻠﺘﻔﺎﻫﺎﺕ ﺩﻱ ﻳﺎ ﺣﺒﻴﺒﺘﻲ ﺍﻧﺎ ﻭﺭﺍﻳﺎ ﺣﺎﺟﺎﺕ ﺍﻫﻢ ﻭﻣﺴﺘﻘﺒﻞ ﻣﺶ ﺑﻔﻜﺮ ﻏﻴﺮ ﻓﻴﻬﻢ
ﺍﻻﻡ : ﺍﻧﺎ ﻏﻠﺒﺖ ﻣﻨﻚ ﻭﻣﺒﻘﺘﺶ ﻋﺎﺭﻓﻪ ﺍﺗﺼﺮﻑ ﻣﻌﺎﻛﻲ ﻛﻞ ﺣﺎﺟﺔ ﻓﻴﻜﻲ ﻣﺶ ﻋﺠﺒﺎﻧﻲ ﻻ ﻟﺒﺴﻚ ﻭﻻ ﺷﻜﻠﻚ ﻭﻻ ﺍﻱ ﺣﺎﺟﺔ ﺧﺎﻟﺺ
ﻫﻤﺲ : ﻳﺎ ﻣﺎﻣﺎ ﻳﻌﻨﻲ ﺍﻋﻤﻞ ﺍﻳﻪ ﺍﻧﺎ ﻳﻌﻨﻲ ﺍﻧﺎ ﺩﻱ ﻃﺒﻴﻌﺘﻲ ﻟﻴﻪ ﺍﻏﻴﺮﻫﺎ
ﺍﻻﻡ : ﺍﻧﺎ ﺯﻫﻘﺖ ﻣﻨﻚ ﻭﺳﺎﺑﺘﻬﺎ ﻭﻣﺸﻴﺖ
ﻫﻤﺲ : ﻳﺎﺭﺏ ﺍﺭﺣﻤﻨﻲ ﺑﻘﻲ ﺍﻧﺎ ﺯﻫﻘﺖ ﻳﻌﻨﻲ ﺍﻋﻤﻞ ﺍﻳﻪ ﺍﻧﺎ ﻳﻌﻨﻲ ﻻﺯﻡ ﺍﺣﻂ ﻛﻴﻠﻮ ﻣﻜﻴﺎﺝ ﻓﻲ ﻭﺷﻲ ﻭﺍﻟﺒﺲ ﻣﻔﺘﺢ ﻭﺿﻴﻖ ﻋﻠﺸﺎﻥ ﺍﻋﺠﺒﻬﻢ ﺩﻩ ﺍﻳﻪ ﺍﻻﺭﻑ ﺩﻩ ﺍﻧﺎ ﻛﺪﻩ ﺑﻘﻲ ﻭﺍﻟﻠﻲ ﻣﺶ ﻋﺎﺟﺒﻪ ﻳﺨﺒﻂ ﺩﻣﺎﻏﻪ ﻓﻲ ﺍﻟﺤﻴﻂ ﻫﻤﺎ ﻫﻴﻌﺼﺒﻮﻧﻲ ﻟﻴﻪ
ﻋﺎﺩﺕ ﻫﻤﺲ ﺍﻟﻲ ﻣﺬﺍﻛﺮﺗﻬﺎ ﻭﺑﺪﺃﺕ ﺗﺪﺧﻞ ﻓﻲ ﻣﻮﺩ ﺍﻟﻤﺬﺍﻛﺮﺓ ﻣﻦ ﺟﺪﻳﺪ
ﻓﻲ ﺍﻟﻴﻮﻡ ﺍﻟﺘﺎﻟﻲ ﺫﻫﺒﺖ ﻫﻤﺲ ﺍﻟﻲ ﺍﻟﻜﻠﻴﻪ ﻭﺣﻀﺮﺕ ﺍﻟﻤﺤﺎﺿﺮﺍﺕ ﻭﺑﻌﺪ ﺍﻧﺘﻬﺎﺀ ﺍﻟﻤﺤﺎﺿﺮﺍﺕ ﻫﺒﻄﺖ ﺍﻟﻲ ﺍﻻﺳﻔﻞ ﻭﻭﺟﺪﺕ ﺍﻳﻤﺎﻥ ﻭﺳﺎﺭﺓ
ﺳﺎﺭﺓ : ﺍﻟﺒﺤﺚ ﺍﻟﻠﻲ ﻃﺎﻟﺒﻪ ﻣﺴﺘﺮ ﻫﻴﺜﻢ ﺩﻩ ﺭﺧﻢ ﺍﻭﻱ ﻭﺍﻟﻤﺎﺩﺓ ﺑﺘﺎﻋﺘﻪ ﻏﻠﺴﻪ ﺟﺪﺍ
ﻫﻤﺲ : ﺑﺎﻟﻌﻜﺲ ﺍﻟﺒﺤﺚ ﺳﻬﻞ ﺟﺪﺍ ﻭﻣﻤﻜﻦ ﻛﻤﺎﻥ ﺗﺒﺘﻜﺮﻱ ﻓﻴﻪ ﺑﺲ ﺍﻧﺘﻮﺍ ﺍﻟﻠﻲ ﻣﺶ ﻋﺎﻳﺰﻳﻦ ﺗﺘﻌﺒﻮ ﻭﺍﻟﻤﺎﺩﺓ ﻟﺬﻳﺬﻩ ﺟﺪﺍ
ﺍﻳﻤﺎﻥ : ﻳﺎﺑﻨﺘﻲ ﺍﻧﺘﻲ ﻭﺍﺣﺪﺓ ﺩﺣﻴﺤﺔ
ﻫﻤﺲ : ﻣﺶ ﺑﺎﻟﺪﺡ ﻉ ﻓﻜﺮﺓ ﺑﺲ ﺭﻛﺰﻱ ﻭﺍﻧﺘﻲ ﻫﺘﺠﻴﺒﻲ ﻣﺮﺍﺟﻊ ﻛﺘﻴﺮ ﺍﻭﻱ ﺑﺲ ﺩﻭﺭﻱ
ﺍﻳﻤﺎﻥ : ﻃﻴﺐ ﻣﺎ ﺗﺠﻴﺒﻲ ﺍﺳﺎﻣﻲ ﻣﺮﺍﺟﻊ
ﻫﻤﺲ : ﺩﻭﺭﻱ ﻛﻮﻳﺲ ﻭﺍﻧﺘﻲ ﺗﻼﻗﻲ ﺍﻟﻠﻲ ﺑﻴﺠﻲ ﺑﺴﻬﻮﻟﻪ ﺑﻴﺮﻭﺡ ﺑﺴﻬﻮﻟﻪ ﻳﻼ ﺳﻼﻡ ﺍﻧﺎ
ﺍﻳﻤﺎﻥ ﻭﺳﺎﺭﺓ : ﺳﻼﻡ
ﺍﻳﻤﺎﻥ : ﺍﻟﺒﺖ ﺩﻱ ﻭﺍﺗﻴﻪ
ﺳﺎﺭﺓ : ﺍﻭﻱ ﺍﻭﻱ ﺑﺲ ﻧﻌﻤﻞ ﺍﻳﻪ ﺑﺘﻈﺒﻄﻨﺎ ﺍﺧﺮ ﺍﻟﺴﻨﻪ ﻳﻼ ﺍﻫﻲ ﻛﻠﻬﺎ ﺳﻨﻪ ﻭﻣﺶ ﻫﻨﻌﺮﻓﻬﺎ ﺗﺎﻧﻲ
ﺍﻳﻤﺎﻥ : ﺑﺲ ﻉ ﻓﻜﺮﺓ ﻫﻤﺲ ﺟﺪﻋﻪ ﺑﺲ ﻣﺸﻜﻠﺘﻬﺎ ﻣﺶ ﺑﺘﺪﻱ ﺗﻌﺒﻬﺎ ﻟﺤﺪ
ﺳﺎﺭﺓ : ﻣﺎﺷﻲ ﺍﻓﻀﻠﻲ ﺣﺎﻣﻴﻠﻬﺎ ﺍﻧﺎ ﻣﺎﺷﻴﻪ
ﻛﺎﻧﺖ ﻫﻤﺲ ﻓﻲ ﻃﺮﻳﻘﻬﺎ ﺍﻟﻲ ﺍﻟﺨﺮﻭﺝ ﻣﻦ ﺍﻟﻜﻠﻴﻪ ﻭﻟﻜﻦ ﻟﻔﺖ ﺍﻧﺘﺒﺎﻫﻬﺎ ﻣﻨﻈﺮ ﺑﻨﺖ ﻭﻭﻟﺪ ﻭﻛﺎﻥ ﺍﻟﻮﻟﺪ ﻳﻀﺮﺏ ﺍﻟﺒﻨﺖ ﻉ ﻭﺟﻬﻬﺎ ﺑﺎﻟﻜﻒ
ﺭﻛﻀﺖ ﻫﻤﺲ ﺍﻟﻴﻬﻢ ﻭﺑﺼﻮﺕ ﻋﺎﻟﻲ : ﺍﻧﺖ ﺍﺗﺠﻨﻨﺖ ﺍﻧﺖ ﺍﺯﺍﻱ ﺗﻤﺪ ﺍﻳﺪﻙ ﻋﻠﻴﻬﺎ
ﺍﻟﻮﻟﺪ : ﻭﺍﻧﺘﻲ ﻣﺎﻟﻚ ﺍﻧﺘﻲ ﺣﺪ ﺍﺷﺘﻜﺎﻟﻚ ﺍﻧﺎ ﺣﺮ ﺍﻋﻤﻞ ﺍﻟﻠﻲ ﺍﻧﺎ ﻋﺎﻳﺰﺓ
ﻫﻤﺲ : ﻻﺀ ﻃﺒﻌﺎ ﻣﺶ ﺣﺮ ﺍﻧﺖ ﺍﺻﻼ ﻣﺶ ﺭﺍﺟﻞ ﻋﻠﺸﺎﻥ ﺗﻤﺪ ﺍﻳﺪﻙ ﻋﻠﻴﻬﺎ
ﺍﻟﻮﻟﺪ : ﺍﻧﺎ ﺭﺍﺟﻞ ﻏﺼﺐ ﻋﻨﻚ
ﻫﻤﺲ : ﻭﺍﺿﺢ ﺍﻭﻱ ﺍﻟﺮﺟﻮﻟﻪ ﺑﺼﺮﺍﺣﺔ ﺍﻧﺖ ﻟﻮ ﺭﺍﺟﻞ ﺑﺼﺤﻴﺢ ﻣﻜﻨﺘﺶ ﻣﺪﻳﺖ ﺍﻳﺪﻙ ﻋﻠﻴﻬﺎ ﺑﺲ ﻟﻼﺳﻒ ﺍﻧﺖ ﺍﺻﻼ ﻋﻴﻞ ﻭﻳﻼ ﺍﺗﻔﻀﻞ ﺍﻣﺸﻲ ﻣﻦ ﻫﻨﺎ ﺑﺪﻝ ﻣﺎ ﺍﻧﺎﺩﻳﻠﻚ ﺍﻻﻣﻦ
ﺍﻟﻮﻟﺪ : ﻣﺎﺷﻲ ﻭﺍﻟﻠﻪ ﻻ ﺗﺸﻮﻓﻲ ﻭﺍﻟﻠﻪ ﻻﺭﺑﻴﻜﻲ
ﻫﻤﺲ : ﻳﺎ ﺷﻴﺦ ﺭﻭﺡ ﺭﺑﻲ ﻧﻔﺴﻚ ﺍﻻﻭﻝ ﺑﻼ ﻗﻠﻪ ﺍﺩﺏ
ﻛﺎﻥ ﻫﻴﺜﻢ ﻭﺍﻗﻔﺎ ﻣﻦ ﺑﻌﻴﺪ ﻣﺘﺎﺑﻌﺎ ﺍﻟﻤﻮﻗﻒ ﻭﺍﻗﺘﺮﺏ ﻣﻨﻬﻢ ﻭﻋﻨﺪﻣﺎ ﺍﻗﺘﺮﺏ ﺳﻤﻊ ﻫﺬﺍ ﺍﻟﺤﻮﺍﺭ
ﻫﻤﺲ : ﻣﻌﻠﺶ ﺍﻧﻲ ﺍﺩﺧﻠﺖ ﺑﺲ ﺑﺼﺮﺍﺣﺔ ﺍﺗﺤﺮﻕ ﺩﻣﻲ ﻟﻤﺎ ﻻﻗﻴﺘﻪ ﺑﻴﻤﺪ ﺍﻳﺪﻩ ﻋﻠﻴﻜﻲ
ﺍﻟﺒﻨﺖ : ﺍﻧﺎ ﻣﺘﺸﻜﺮﺓ ﻟﻴﻜﻲ ﺍﻭﻱ
ﻫﻤﺲ : ﺍﻧﺘﻲ ﺍﺳﻤﻚ ﺍﻳﻪ
ﺍﻟﺒﻨﺖ : ﻣﻠﻚ
ﻫﻤﺲ : ﻋﺎﺷﺖ ﺍﻻﺳﺎﻣﻲ ﻳﺎ ﻣﻠﻚ ﻭﺍﻧﺎ ﻫﻤﺲ ﺑﺲ ﺍﻟﺤﻴﻮﺍﻥ ﺩﻩ ﻛﺎﻥ ﺑﻴﻀﺮﺑﻚ ﻟﻴﻪ ﻫﻮ ﺍﺻﻼ ﻳﻘﺮﺑﻠﻚ ﺍﻳﻪ
ﻣﻠﻚ : ﺧﻄﻴﺒﻲ
ﻫﻤﺲ : ﻳﺎﻟﻬﻮﻱ ﻭﺍﺯﺍﻱ ﺍﺻﻼ ﻳﻤﺪ ﺍﻳﺪﻩ ﻛﺪﻩ ﻋﻠﻴﻜﻲ ﻭﺍﻧﺘﻲ ﺳﻜﺘﺎﻟﻪ
ﻣﻠﻚ : ﻋﻠﺸﺎﻥ ﺑﺤﺒﻪ
ﻫﻤﺲ : ﺑﺲ ﺍﻟﺤﺐ ﻣﺶ ﺑﻴﻬﻴﻦ ﺍﻟﻜﺮﺍﻣﺔ ﻟﻮ ﺑﻴﺤﺒﻚ ﻫﻴﺤﺎﻓﻆ ﻋﻠﻴﻜﻲ ﻣﺶ ﻳﻬﻴﻨﻚ ﻗﺪﺍﻡ ﺍﺻﺤﺎﺑﻚ
ﻣﻠﻚ : ﻣﺶ ﻋﺎﺭﻓﻪ ﺍﻋﻤﻞ ﺍﻳﻪ
ﻫﻤﺲ : ﺍﻧﺘﻲ ﺍﻟﻠﻲ ﻏﻠﻄﺎﻧﻪ ﻣﻦ ﺍﻟﺒﺪﺍﻳﻪ ﺍﻟﻤﻔﺮﻭﺽ ﺗﻌﻤﻠﻲ ﻟﻨﻔﺴﻚ ﻛﻴﺎﻥ ﻣﻊ ﺧﻄﻴﺒﻚ ﻭﻣﺘﺴﻤﺤﻠﻴﻬﻮﺵ ﺍﻧﻪ ﻳﻬﻴﻨﻚ ﻛﺪﻩ ﺍﻟﺤﺐ ﻗﻮﺓ ﻣﺶ ﺿﻌﻒ
ﻣﻠﻚ : ﺍﻧﺎ ﺗﻌﺒﺎﻧﻪ ﺍﻭﻱ ﻭﺑﺪﺃﺕ ﺗﻌﻴﻂ
ﻫﻤﺲ ﺍﺧﺪﺗﻬﺎ ﻓﻲ ﺣﻀﻨﻬﺎ ﻭﻗﺎﻟﺖ ﻟﻬﺎ : ﻣﺘﻌﻴﻄﻴﺶ ﺍﺻﻼ ﻣﻴﺴﺘﺎﻫﻠﺶ ﺩﻣﻮﻋﻚ ﻣﻌﻠﺶ ﻳﺎ ﺣﺒﻴﺒﺘﻲ
ﻣﻠﻚ : ﺍﻧﺘﻲ ﻃﻴﺒﻪ ﺍﻭﻱ ﻳﺎ ﻫﻤﺲ
ﻫﻤﺲ : ﻳﺎ ﺣﺒﻴﺒﺘﻲ ﺩﻩ ﺍﻗﻞ ﺣﺎﺟﺔ ﻳﻼ ﺍﻣﺴﺤﻲ ﺩﻣﻮﻋﻚ ﺑﻘﻲ ﻭﺍﺣﻨﺎ ﺧﻼﺹ ﺑﻴﻘﻨﺎ ﺍﺻﺤﺎﺏ ﻟﻮ ﺍﺣﺘﺎﺟﺘﻲ ﺣﺎﺟﺔ ﺍﻧﺎ ﻣﻮﺟﻮﺩﺓ
ﻣﻠﻚ : ﺍﻭﻙ ﻳﺎ ﻫﻤﺲ ﻭﻣﻴﺮﺳﻲ ﺍﻭﻱ
ﻫﻤﺲ : ﺍﻟﻌﻔﻮ ﻳﺎ ﺣﺒﻴﺒﺘﻲ ﺑﻌﺪ ﺍﺫﻧﻚ
ﻣﻠﻚ : ﺍﺗﻔﻀﻠﻲ
ﻫﻴﺜﻢ ﻭﺍﻗﻒ ﻭﻣﺘﺎﺑﻊ ﺍﻟﺤﻮﺍﺭ ﻭﺑﻌﺪ ﺍﻥ ﺫﻫﺒﺖ : " ﻳﺎﺍﺍﺍﺍﺍﺍﺍﺍﺍﺍﻩ ﺍﻧﺎ ﻋﻤﺮﻱ ﻣﺎ ﺷﻮﻓﺖ ﺑﻨﺖ ﺑﺎﻟﻘﻮﺓ ﻭﺍﻟﻄﻴﺒﻪ ﺩﻱ ﻣﻊ ﺑﻌﺾ ﺩﻩ ﺍﻟﻮﺍﺩ ﺧﺎﻑ ﻣﻨﻬﺎ ﻭﻣﺸﻲ ﻃﻠﻌﺘﻲ ﺑﻤﻴﺖ ﺭﺍﺟﻞ ﻳﺎ ﻫﻤﺲ ﻭﻫﺸﻮﻑ ﺍﻳﻪ ﺗﺎﻧﻲ ﻓﻲ ﺍﻟﻜﻠﻴﻪ ﺍﻟﻌﺠﻴﺒﻪ ﺩﻱ
المتمرده
ﺍﻟﺤﻠﻘﺔ 4
ﻣﺮﺕ ﺍﻻﻳﺎﻡ ﺣﺘﻲ ﺟﺎﺀ ﻣﻮﻋﺪ ﺍﻟﺴﻴﻜﺸﻦ ﺍﻟﺨﺎﺹ ﺑﻬﻴﺜﻢ
ﻫﻴﺜﻢ : ﻫﺎ ﻳﺎ ﺷﺒﺎﺏ ﻋﻤﻠﺘﻮﺍ ﺍﻟﺒﺤﺚ ﻭﻻ ﻛﺴﻠﺘﻮ
ﻣﺠﻤﻮﻋﻪ ﻣﻦ ﺍﻟﺸﺒﺎﺏ : ﺑﺼﺮﺍﺣﺔ ﻳﺎ ﻣﺴﺘﺮ ﺍﻟﺒﺤﺚ ﻛﺎﻥ ﺭﺧﻢ ﺍﻭﻱ ﻭﺣﻀﺮﺗﻚ ﻃﺎﻟﺐ ﺟﺰﺋﻴﻪ ﺻﻌﺒﻪ ﺟﺪﺍ
ﻫﻴﺜﻢ : ﻓﻲ ﺍﻟﻤﻨﻬﺞ ﻭﻻ ﻣﺶ ﻓﻲ ﺍﻟﻤﻨﻬﺞ
ﺍﻟﺸﺒﺎﺏ : ﻓﻲ ﺍﻟﻤﻨﻬﺞ ﻳﺎ ﻣﺴﺘﺮ ﺑﺲ ﺟﺰﺋﻴﻪ ﺭﺧﻤﻪ ﻳﻌﻨﻲ
ﻫﻴﺜﻢ : ﻫﺎﺧﻮﺩ ﻣﻨﻜﻢ ﺍﻟﺒﺤﺚ ﺍﻻﺳﺒﻮﻉ ﺍﻟﻠﻲ ﺟﺎﻱ ﻣﻴﻦ ﺍﻟﻠﻲ ﺑﺤﺜﻪ ﺟﺎﻫﺰ ﺩﻟﻮﻗﺘﻲ
ﻫﻤﺲ : ﺍﻧﺎ ﻳﺎ ﻣﺴﺘﺮ
ﻫﻴﺜﻢ : ﻃﻴﺐ ﻛﻮﻳﺲ ﻭﻣﻴﻦ ﺗﺎﻧﻲ
ﻣﺠﻤﻮﻋﻪ ﺑﻨﺎﺕ ﻉ ﺷﺒﺎﺏ : ﺍﺣﻨﺎ ﻛﻤﺎﻥ ﻳﺎ ﻣﺴﺘﺮ
ﻫﻴﺜﻢ : ﻃﻴﺐ ﻳﺎ ﺷﺒﺎﺏ ﺗﺠﻴﺒﻮﻟﻲ ﺍﺑﺤﺎﺛﻜﻢ ﺑﻌﺪ ﺍﻟﻤﺤﺎﺿﺮﺓ ﺍﻟﻤﻜﺘﺐ ﻋﻠﺸﺎﻥ ﻫﺘﺘﻘﻴﻢ ﻭﻟﻴﻜﻢ ﺩﺭﺟﺎﺕ ﻋﻠﻴﻬﺎ
ﺑﺪﺃ ﻫﻴﺜﻢ ﻓﻲ ﺍﻟﺸﺮﺡ ﻭﻛﺎﻧﺖ ﻫﻤﺲ ﻣﻨﺘﺒﻬﻪ ﺟﺪﺍ ﻟﻜﻞ ﻛﻠﻤﺔ ﻳﻘﻮﻟﻬﺎ ﻭﺑﻌﺪ ﺍﻧﺘﻬﺎﺀ ﺍﻟﻤﺤﺎﺿﺮﺓ
ﺫﻫﺒﺖ ﻫﻤﺲ ﻫﻲ ﻭﻣﺠﻤﻮﻋﻪ ﻣﻦ ﺍﻟﺬﻳﻦ ﺳﻴﻘﺪﻣﻮﻥ ﺍﺑﺤﺎﺛﻬﻤﺎﻟﻲ ﻣﻜﺘﺐ ﻫﻴﺜﻢ ﻭﺗﻨﺎﻝ ﻫﻴﺜﻢ ﻣﻨﻬﻢ ﺍﺑﺤﺎﺛﻬﻢ ﻣﺎﻋﺪﺍ ﺑﺤﺚ ﻫﻤﺲ
ﻫﻤﺲ ﺑﺰﻫﻖ : ﺍﻟﺒﺤﺚ ﺑﺘﺎﻋﻲ
ﻫﻴﺜﻢ : ﻃﻴﺐ ﺧﻠﻴﻪ ﻣﻌﺎﻛﻲ ﺩﻟﻮﻗﺘﻲ ﺍﻗﻌﺪﻱ ﻭﺍﻗﻔﻪ ﻟﻴﻪ
ﻫﻤﺲ : ﻋﺎﻳﺰﺓ ﺍﻣﺸﻲ
ﻫﻴﺜﻢ ﺑﻌﻨﺪ : ﻳﻌﻨﻲ ﻭﺭﺍﻛﻲ ﺍﻳﻪ ﺍﺳﺘﻨﻲ ﺑﺲ ﺍﺧﻠﺺ ﺍﻟﻠﻲ ﻓﻲ ﺍﻳﺪﻱ
ﻫﻤﺲ : ﻭﺭﺍﻳﺎ ﺷﻐﻞ ﻭﺍﻟﻠﻪ ﻭﻣﺶ ﻣﺴﺘﻌﺪﻩ ﺍﻋﻄﻞ ﻧﻔﺴﻲ ﻛﺘﻴﺮ
ﻫﻴﺜﻢ : ﺑﺲ ﺩﻩ ﻣﺴﺘﻘﺒﻠﻚ
ﻫﻤﺲ ﺑﺘﺤﺪﻱ : ﻭﺷﻐﻠﻲ ﺑﺮﺿﻪ ﻣﺴﺘﻘﺒﻠﻲ
ﻫﻴﺜﻢ : ﻃﺐ ﺣﻄﻲ ﺍﻟﺒﺤﺚ ﻭﺍﺗﻔﻀﻠﻲ ﺍﻧﺘﻲ
ﻫﻤﺲ ﺑﺼﻮﺕ ﻫﺎﻣﺲ : ﻣﺎﻛﺎﻥ ﻣﻦ ﺍﻻﻭﻝ ﺩﻩ ﺍﻳﻪ ﺍﻟﺮﺧﺎﻣﺔ ﺩﻱ
ﻫﻴﺜﻢ ﻭﻫﻮ ﻳﻨﻈﺮ ﻟﻬﺎ : ﺑﺘﻘﻮﻟﻲ ﺣﺎﺟﺔ
ﻫﻤﺲ ﺑﺠﺰ ﻉ ﺍﺳﻨﺎﻧﻬﺎ : ﻻﺀ ﺧﺎﻟﺺ
ﻫﻴﺜﻢ ﻳﻀﺤﻚ ﺑﺨﺒﺚ : ﻃﻴﺐ ﺭﻭﺣﻲ ﺍﻧﺘﻲ ﻋﻠﺸﺎﻥ ﻣﺶ ﻓﺎﺿﻲ
ﻫﻤﺲ : ﺑﻌﺪ ﺍﺫﻧﻚ
ﻛﺎﻧﺖ ﺗﻬﻢ ﺑﺎﻟﺨﺮﻭﺝ ﺍﻻ ﺍﻥ ﺩﺧﻞ ﻋﻠﻴﻬﻢ ﻣﺴﺘﺮ ﻋﻼﺀ
ﻋﻼﺀ : ﺍﺯﻳﻚ ﻳﺎ ﻫﻤﺲ
ﻫﻤﺲ : ﺍﻟﺤﻤﺪ ﻟﻠﻪ ﻳﺎ ﻣﺴﺘﺮ ﻋﻼﺀ ﺍﺯﻳﻚ ﺍﻧﺖ
ﻋﻼﺀ : ﺍﻟﺤﻤﺪ ﻟﻠﻪ ﺗﻤﺎﻡ ﺍﻳﻪ ﻣﺒﻘﺘﻴﺶ ﺑﺘﺴﺄﻟﻲ ﻫﻮ ﺧﻼﺹ ﻋﻠﺸﺎﻥ ﻣﺒﻘﺘﺶ ﺑﺪﻳﻜﻲ ﻭﻻ ﺍﻳﻪ
ﻫﻤﺲ : ﻻﺀ ﺍﺯﺍﻱ ﺑﻘﻲ ﺣﻀﺮﺗﻚ ﻋﺎﺭﻑ ﺍﻟﺪﺭﺍﺳﻪ ﻭﺍﻟﺸﻐﻞ ﻭﻛﺪﻩ ﺑﺲ ﻫﻮ ﻟﻴﻪ ﺣﻀﺮﺗﻚ ﻣﺒﻘﺘﺶ ﺑﺘﺪﻳﻨﺎ
ﻋﻼﺀ : ﻳﻼ ﺭﺑﻨﺎ ﻣﻌﺎﻛﻲ ﺍﻳﻪ ﻫﻮ ﻣﺴﺘﺮ ﻫﻴﺜﻢ ﻣﺶ ﻋﺎﺟﺒﻚ ﻭﻻ ﺍﻳﻪ
ﻫﻤﺲ : ﻻﺀ ﻣﺶ ﻗﺼﺪﻱ ﻳﻌﻨﻲ ﺑﺲ ﺍﺣﻨﺎ ﺍﺗﻌﻮﺩﻧﺎ ﻋﻠﻲ ﺣﻀﺮﺗﻚ
ﻋﻼﺀ : ﺍﻧﺎ ﻳﺎﺳﻴﺘﻲ ﺍﺗﻨﻘﻠﺖ ﺟﺎﻣﻌﻪ ﺗﺎﻧﻴﻪ ﻫﺪﺭﺱ ﻓﻴﻬﺎ
ﻫﻤﺲ : ﺑﺎﻟﺘﻮﻓﻴﻖ ﺍﻥ ﺷﺎﺀ ﺍﻟﻠﻪ
ﻋﻼﺀ : ﺑﺄﺫﻥ ﺍﻟﻠﻪ ﻣﺶ ﻣﺤﺘﺎﺟﺔ ﺣﺎﺟﺔ
ﻫﻤﺲ : ﻣﻴﺮﺳﻲ ﺳﻼﻣﺘﻚ ﺑﻌﺪ ﺍﺫﻧﻚ
ﻋﻼﺀ : ﺍﺗﻔﻀﻠﻲ
ﺑﻌﺪ ﺧﺮﻭﺝ ﻫﻤﺲ
ﻫﻴﺜﻢ : ﻫﻮ ﺍﻳﻪ ﺍﻟﻨﻈﺎﻡ ﺑﻘﻲ
ﻋﻼﺀ : ﻧﻈﺎﻡ ﺍﻳﻪ ﻳﺎ ﺍﺑﻨﻲ
ﻫﻴﺜﻢ : ﺍﺯﻳﻚ ﻳﺎ ﻫﻤﺲ ﻭﺣﺎﺟﺎﺕ ﻛﺪﻩ
ﻋﻼﺀ : ﻳﺎ ﺍﺑﻨﻲ ﺩﻱ ﻫﻤﺲ
ﻫﻴﺜﻢ : ﻫﻤﺲ ﺩﻱ ﻣﺎﻣﺘﻚ ﻣﺜﻼ ﺍﻳﻪ ﻳﺎ ﺍﺑﻨﻲ ﺩﻱ ﻫﻤﺲ ﻳﻌﻨﻲ
ﻋﻼﺀ : ﺍﻳﻪ ﻳﺎ ﻫﻴﺜﻮﻡ ﺍﻧﺖ ﺑﺘﻐﻴﺮ ﻭﻻ ﺍﻳﻪ
ﻫﻴﺜﻢ : ﺍﻏﻴﺮ ﺍﻳﻪ ﻳﺎ ﻣﺘﺨﻠﻒ ﺍﻧﺖ ﺍﻧﺎ ﺑﺴﺄﻝ ﻋﻠﻴﻚ
ﻋﻼﺀ : ﻳﺎ ﺍﺑﻨﻲ ﻫﻤﺲ ﺩﻱ ﻟﻴﻬﺎ ﺟﻤﻴﻞ ﻛﺪﻩ ﻓﻲ ﺭﻗﺒﺘﻲ ﺩﻱ ﺳﺎﻋﺪﺗﻨﻲ ﻓﻲ ﺍﻟﺒﺤﺚ ﺑﺘﺎﻉ ﺍﻟﻤﺎﺟﻴﺴﺘﻴﺮ ﺑﺘﺎﻋﻲ ﺑﺠﺪ ﻛﺎﻥ ﻟﻴﻬﺎ ﻓﻀﻞ ﻛﺒﻴﺮ ﺟﺪﺍ
ﻫﻴﺜﻢ ﺑﺎﺳﺘﻐﺮﺍﺏ : ﻫﻤﺴﺴﺴﺲ
ﻋﻼﺀ : ﺍﻳﻮﺓ ﻫﻤﺴﺴﺲ
ﻫﻴﺜﻢ : ﻏﺮﻳﺒﻪ
ﻋﻼﺀ : ﺑﻜﺮﺓ ﺗﻌﺮﻑ ﻫﻤﺲ ﺑﺲ ﺑﺮﺿﻪ ﻣﺎ ﺍﻋﺘﻘﺪﺵ ﺍﻧﻚ ﺗﻔﻬﻤﻬﺎ ﺻﺢ ﻳﻼ ﺍﻧﺎ ﻫﺴﻴﺒﻚ ﻋﻠﺸﺎﻥ ﺧﺪﺕ ﻭﻗﺖ ﺍﻛﺘﺮ ﻣﻨﻮﻗﺘﻚ ﺑﺼﺮﺍﺣﺔ ﺳﺴﻼ ﻡ
ﻫﻴﺜﻢ : ﺳﻼﻡ " ﻳﺎﺗﺮﻱ ﻫﻌﺮﻑ ﻋﻨﻚ ﺍﻳﻪ ﺗﺎﻧﻲ ﻳﺎ ﺳﺖ ﻫﻤﺲ .. ﺑﺲ ﺍﻳﻪ ﺍﻟﻠﻲ ﻣﺨﻠﻲ ﻋﻼﺀ ﻃﺎﻟﻊ ﺑﻴﻜﻲ ﺍﻟﺴﻤﺎ ﻛﺪﻩ .. ﻟﻤﺎ ﻧﺸﻮﻑ ﺑﺤﺜﻚ ﻳﺎ ﺳﺖ ﻫﻤﺲ ﻋﺎﻣﻞ ﺍﺯﺍﻱ "
ﺍﺧﺮﺝ ﻫﻴﺜﻢ ﺑﺤﺚ ﻫﻤﺲ ﻣﻦ ﻭﺳﻂ ﺍﻻﺑﺤﺎﺙ ﺍﻟﺘﻲ ﺍﻣﺎﻣﺔ ﻭﺑﺪﺃ ﻳﻘﺮﺀﺍﻩ ﺑﺘﺄﻧﻲ ﻛﺎﻥ ﻳﻘﺮﺀﺍﻩ ﻭﻣﺰﻫﻮﻻ ﻣﻦ ﻗﻴﻤﺔ ﺍﻟﺒﺤﺚ ﻭﺷﻜﻠﺔ ﻭﺍﺳﻠﻮﺑﻪ ﻭﺗﻨﺴﻴﻘﻪ ﻟﻢ ﻳﻜﻦ ﻳﻘﺮﺀ ﺑﺤﺚ ﻋﺎﺩﻱ ﺑﻞ ﻛﺎﻥ ﻳﻘﺮﺃ ﺭﺳﺎﻟﻪ ﻻﻧﻬﺎ ﻣﻠﺊ ﺑﺎﻟﻤﻌﻠﻮﻣﺎﺕ ﺍﻟﻘﻴﻤﺔ ﻭﺍﻟﻤﺮﺍﺟﻊ ﺍﻟﻜﺜﻴﺮﺓ ﻭﻛﺎﻥ ﻣﺒﻬﻮﺭﺍ ﺑﺘﻔﻮﻗﻬﺎ ﺭﻏﻢ ﻟﺴﺎﻧﻬﺎ ﺍﻟﺠﺒﺎﺭ ﻭﻛﺎﻥ ﺟﺎﻟﺴﺎ ﻉ ﻣﻜﺘﺒﻪ ﻣﺼﺪﻭﻡ ﺑﻤﺎ ﻳﺤﻮﻳﻪ ﺍﻟﺒﺤﺚ ﻣﻦ ﻣﻌﻠﻮﻣﺎﺕ
ﻫﻴﺜﻢ : " ﺍﻧﺎ ﺣﺎﺳﺲ ﺍﻧﻚ ﻏﺮﻳﺒﻪ ﺍﻭﻱ ﻳﺎ ﻫﻤﺲ ﻓﻲ ﻛﻞ ﺣﺎﺟﺔ ﻓﻲ ﺗﺼﺮﻓﺎﺗﻚ ﺣﺎﺳﻚ ﺍﻟﺸﺨﺺ ﻭﻧﻘﻴﺪﺓ ﻗﻮﻳﻪ ﺑﺲ ﻃﻴﺒﻪ .. ﻋﺼﺒﻴﻪ ﺑﺲ ﻋﻠﻴﻜﻲ ﻭﻗﺖ ﺑﺘﺒﻘﻲ ﻧﺴﻤﺔ .. ﺣﺎﺳﺲ ﺍﻧﻲ ﻧﻔﺴﻲ ﺍﻋﺮﻓﻚ ﻣﺶ ﻋﺎﺭﻑ ﻟﻴﻪ ﺟﻮﺍﻳﺎ ﻓﻀﻮﻝ ﺍﻋﺮﻑ ﻫﻤﺲ ﺍﻟﻠﻲ ﺟﻮﺍﻛﻲ "
ﻣﺮﺕ ﺍﻻﻳﺎﻡ ﻭﻛﺎﻧﺖ ﺍﻻﻳﺎﻡ ﻋﺎﺩﻳﻪ ﻟﻢ ﻳﻜﻦ ﻓﻴﻬﺎ ﺷﺊ ﻳﺬﻛﺮ ﻓﻬﻤﺲ ﻣﻨﻄﻮﻳﻪ ﺟﺪﺍ ﻟﻴﺲ ﻟﺪﻳﻬﺎ ﻓﻲ ﺣﻴﺎﺗﻬﺎ ﺳﻮﻱ ﻋﻤﻠﻬﺎ ﻭﺩﺭﺍﺳﺘﻬﺎ ﻛﺎﻧﺖ ﺗﺬﻫﺐ ﻛﻞ ﻳﻮﻡ ﺍﻟﻲ ﺍﻟﺠﺎﻣﻌﻪ ﺛﻢ ﺗﻌﻮﺩ ﺍﻟﻲ ﺍﻟﻤﻨﺰﻝ ﻟﺘﺒﺎﺷﺮ ﻋﻤﻠﻬﺎ ﻉ ﺍﻟﺤﺎﺳﻮﺏ ﺍﻟﺸﺨﺼﻲ ﺣﺘﻲ ﺍﻥ ﺟﺎﺀ ﻳﻮﻡ ﺍﻟﺴﻴﻜﺸﻦ ﺍﻟﺨﺎﺹ ﺑﻬﻴﺜﻢ
ﻫﻴﺜﻢ : ﻫﺎ ﻳﺎ ﺟﻤﺎﻋﻪ ﻣﻴﻦ ﺟﺎﺏ ﺍﻟﺒﺤﺚ ﺑﺘﺎﻋﻪ ﺍﻧﺎ ﻗﺮﻳﺖ ﺑﺤﺚ ﻭﻣﻘﺮﻳﺘﺶ ﺯﻳﻪ ﻭﻃﺒﻌﺎ ﻣﺶ ﻫﻘﺪﺭ ﺍﻗﻴﻢ ﺍﻻﺑﺤﺎﺙ ﺍﻻ ﻟﻤﺎ ﺍﺷﻮﻑ ﺍﻻﺑﺤﺎﺙ ﺍﻟﺘﺎﻧﻴﻪ ﻣﻴﻦ ﺟﺎﺏ ﺑﺤﺜﻪ
ﺑﺪﺃ ﻫﻴﺜﻢ ﻳﺘﻄﻠﻊ ﺍﻟﻲ ﺍﻟﻄﻼﺏ ﻟﻴﺮﻱ ﻣﻦ ﻓﻴﻬﻢ ﺍﻧﻬﻲ ﺑﺤﺜﻪ ﻭﻟﻜﻨﺔ ﻟﻢ ﻳﺠﺪ ﺍﺣﺪ ﺳﻮﻱ ﺍﻟﺬﻳﻦ ﻗﺪﻣﻮﺓ ﻓﻘﻂ
ﻫﻴﺜﻢ : ﺩﻩ ﺍﺳﻤﻴﻪ ﺍﻳﻪ ﺩﻩ ﺍﺳﺘﻬﺒﺎﻝ ﻭﻻ ﺍﺳﺘﻌﺒﺎﻁ ﻓﻴﻦ ﺍﻻﺑﺤﺎﺙ ﻳﺎ ﺍﺳﺎﺗﺬﻩ
ﻣﺠﻤﻮﻋﻪ ﻣﻦ ﺍﻟﺸﺒﺎﺏ : ﻳﺎ ﻣﺴﺘﺮ ﺍﻟﺒﺤﺚ ﺭﺧﻢ
ﻫﻴﺜﻢ : ﺍﻣﺎﻝ ﺯﻣﺎﻳﻠﻚ ﻋﺎﻣﻠﻴﻨﻪ ﺍﺯﺍﻱ ﻛﻞ ﺍﻟﻠﻲ ﻣﺠﺎﺑﺶ ﺑﺤﺜﻪ ﻣﺎﻟﻮﺵ ﺩﺭﺟﺎﺕ ﺍﻋﻤﺎﻝ ﺳﻨﻪ ﻋﻨﺪﻱ ﻭﺍﻟﺘﻘﻴﻴﻢ ﻓﻲ ﺍﻻﺑﺤﺎﺙ ﺍﻻﺳﺒﻮﻉ ﺍﻟﻠﻲ ﺟﺎﻱ ﻭﻓﻴﻪ ﺑﺤﺚ ﺗﺎﻧﻲ ﻭﻫﻴﺘﺴﻠﻢ ﺍﻻﺳﺒﻮﻉ ﺍﻟﻠﻲ ﺟﺎﻱ ﻭﺍﻟﻠﻲ ﻣﺶ ﻫﻴﺠﻴﺐ ﺍﻟﺒﺤﺚ ﺑﺘﺎﻋﻪ ﻳﻌﺮﻑ ﺍﻧﻪ ﻫﻴﺸﻴﻞ ﺍﻟﻤﺎﺩﺓ ﻣﻔﻬﻮﻡ ﻭﻻ ﻻﺀ ﻭﺍﻟﺒﺤﺚ ﺍﻟﺠﺪﻳﺪ ﻋﻦ ﺍﻟﻨﻤﻮﺫﺝ ﺍﻟﻘﻴﺎﺳﻲ ﻟﻠﺸﺒﻜﺎﺕ
ﻫﻤﺲ ﻣﻘﺎﻃﻌﻪ : ﻃﻴﺐ ﺍﺣﻨﺎ ﻋﻤﻠﻨﺎ ﺍﻟﺒﺤﺚ ﺍﻟﻠﻲ ﻓﺎﺕ ﻫﻨﻌﻤﻞ ﺩﻩ ﻛﻤﺎﻥ
ﻫﻴﺜﻢ : ﺍﻳﻮﺓ ﻃﺒﻌﺎ
ﻫﻤﺲ : ﺍﻭﻙ " ﻣﺎﻫﻮ ﺍﺣﻨﺎ ﻓﻀﻴﻨﻠﻚ ﺑﺎﺑﺤﺎﺛﻚ ﺩﻱ ﻛﻤﺎﻥ "
ﻛﻤﻞ ﻫﻴﺜﻢ ﺷﺮﺡ ﺍﻟﻤﺤﺎﺿﺮﺓ ﻭﺗﺮﻛﻬﻢ ﻭﺫﻫﺐ
ﺫﻫﺒﺖ ﻫﻤﺲ ﻭﻛﺎﻧﺖ ﻗﺮﻳﺒﻪ ﻣﻦ ﻣﻜﺘﺐ ﻫﻴﺜﻢ
ﻋﻤﺮﻭ : ﺍﺯﻳﻚ ﻳﺎ ﻫﻤﺲ
ﻫﻤﺲ : ﺗﻤﺎﻡ ﻳﺎ ﻋﻤﺮﻭ ﺧﻴﺮ
ﻋﻤﺮﻭ : ﻛﻨﺖ ﺑﺲ ﻋﺎﻳﺰﻙ ﺗﺴﺎﻋﺪﻳﻨﻲ ﻓﻲ ﺍﻟﺒﺤﺚ ﻣﻤﻜﻦ
ﻫﻤﺲ : ﻻﺀ ﻣﺶ ﻣﻤﻜﻦ ﺍﻧﺎ ﻣﺶ ﺑﺴﺎﻋﺪ ﺣﺪ ﻓﻲ ﺍﺑﺤﺎﺙ ﺑﻌﺪ ﺍﺫﻧﻚ
ﻋﻤﺮﻭ : ﻳﺎ ﻫﻤﺲ ﺍﺳﺘﻨﻲ ﺑﺲ ﻳﺎ ﻫﻤﺲ
ﺧﺮﺝ ﻫﻴﺜﻢ ﻣﻦ ﻣﻜﺘﺒﻪ ﻉ ﺻﻮﺕ ﻋﻤﺮﻭ ﻭﻭﺟﺪﻩ ﻳﺮﻛﺾ ﻭﺭﺍﺀ ﻫﻤﺲ
ﻫﻴﺜﻢ : " ﺍﻧﺎ ﻣﺶ ﻋﺎﺭﻑ ﻫﻲ ﺳﻜﺘﺎﻟﻪ ﺍﺯﺍﻱ ﺩﻩ ﺳﺒﺤﺎﻥ ﺍﻟﻠﻪ "
ﻫﻤﺲ : ﻳﺎ ﺍﺑﻨﻲ ﺍﻧﺖ ﻣﺒﺘﻔﻬﻤﺶ ﻣﺒﺘﺤﺴﺶ ﺑﻘﻮﻟﻚ ﻣﺒﺴﺎﻋﺪﺵ ﺣﺪ ﻭﺳﻴﺒﻨﻲ ﺑﻘﻲ ﺍﻧﺎ ﻣﺶ ﻓﻀﻴﺎﻟﻚ ﺩﻩ ﺍﻳﻪ ﺍﻟﻐﺒﺎﺀ ﺩﻩ ﺛﻢ ﺗﺮﻛﺘﻪ ﻭﺫﻫﺒﺖ
المتمرده
ﺍﻟﺤﻠﻘﺔ 5
ﺑﺪﺃﺕ ﻫﻤﺲ ﻓﻲ ﺍﻟﺒﺤﺚ ﺍﻟﺠﺪﻳﺪ ﻭﻛﺎﻥ ﻻ ﻳﺨﺘﻠﻒ ﺷﻴﺌﺎ ﻓﻲ ﺭﻭﻋﺘﻪ ﻋﻦ ﺍﻟﺒﺤﺚ ﺍﻟﺴﺎﺑﻖ ﻭﻗﺪﻣﺘﻪ ﻟﻪ ﻭﻛﺎﻥ ﺍﻓﻀﻞ ﻣﻤﺎ ﺳﺒﻖ
ﻓﻲ ﺳﻴﻜﺸﻦ ﻫﻴﺜﻢ
ﻫﻴﺜﻢ : ﻓﻲ ﺍﻟﺒﺤﺚ ﺍﻻﻭﻝ ﺍﻟﻠﻲ ﻃﻠﺒﺘﻪ ﻣﻨﻜﻢ ﻛﺎﻧﺖ ﺍﻻﺑﺤﺎﺙ ﻣﺶ ﺍﺩ ﻛﺪﻩ ﻭﻣﻌﺠﺒﻨﻴﺶ ﻣﻨﻬﺎ ﻏﻴﺮ ﺑﺤﺚ ﻭﺍﺣﺪ ﻭﻫﻮ ﺑﺘﺎﻉ ﺯﻣﻴﻠﺘﻜﻢ ﻫﻤﺲ ﺑﺲ ﻟﻤﺎ ﺍﻻﺑﺤﺎﺙ ﺍﻟﺘﺎﻧﻴﻪ ﺟﺖ ﻓﻲ ﺍﻟﻤﻮﺿﻮﻉ ﺍﻟﺘﺎﻧﻲ ﺍﻟﺒﺤﺚ ﺍﻻﻭﻝ ﻉ ﺍﻟﺒﺤﺜﻴﻦ ﺍﻟﻤﻄﻠﻮﺑﻴﻦ ﻛﺎﻥ ﺑﺮﺿﻪ ﺑﺘﺎﻉ ﻫﻤﺲ ﺍﻧﺎ ﺑﺤﻴﻜﻲ ﻳﺎ ﻫﻤﺲ ﺑﺠﺪ ﻉ ﺍﺳﻠﻮﺑﻚ ﻭﺗﻔﻮﻗﻚ ﻭﻳﺎﺭﻳﺖ ﺗﺴﺘﻤﺮﻱ ﻛﺪﻩ ﺍﻟﻒ ﻣﺒﺮﻭﻙ ﻭﺩﺭﺟﺎﺗﻚ ﻫﺘﺎﺧﺪﻳﻬﺎ ﻛﺎﻣﻠﻪ
ﻫﻤﺲ ﺑﻜﺴﻮﻑ : ﻣﺘﺸﻜﺮﺓ ﻳﺎ ﻣﺴﺘﺮ
ﻫﻴﺜﻢ : ﺍﻟﻌﻔﻮ
ﺑﺪﺃ ﻫﻴﺜﻢ ﻓﻲ ﺍﻟﺸﺮﺡ ﻭﺑﻌﺪ ﺍﻧﺘﻬﺎﺀ ﺍﻟﻤﺤﺎﺿﺮﺓ
ﻫﻴﺜﻢ : ﺍﻩ ﻳﺎ ﺷﺒﺎﺏ ﺍﻟﻘﺴﻢ ﻫﻨﺎ ﻣﻄﻠﻊ ﺭﺣﻠﻪ ﻟﺸﺮﻡ ﺍﺳﺒﻮﻉ ﺍﻟﻠﻲ ﻳﺤﺐ ﻳﺸﺘﺮﻙ ﻳﺮﻭﺡ ﺭﻋﺎﻳﻪ ﺍﻟﺸﺒﺎﺏ ﻭﻛﺎﻥ ﻳﻨﻈﺮ ﺍﻟﻲ ﻫﻤﺲ ﻭﻫﻮ ﻳﺘﻜﻠﻢ ﻋﻦ ﺍﻟﺮﺣﻠﻪ
ﺑﻌﺪ ﺍﻧﺘﻬﺎﺀ ﺍﻟﻤﺤﺎﺿﺮﺓ
ﺍﻳﻤﺎﻥ : ﻫﻤﻮﺱ ﻫﺘﺮﻭﺣﻲ
ﻫﻤﺲ : ﺍﻩ ﻫﺴﺄﻝ ﻣﺎﻣﺎ ﺑﺲ ﺍﻻﻭﻝ ﻭﺍﺷﻮﻑ ﺭﺃﻳﻬﺎ ﺍﻳﻪ ﻻﻧﻲ ﺯﻫﻘﺎﻧﻪ ﻭﻋﺎﻳﺰﺓ ﺍﻏﻴﺮ ﺟﻮ
ﺍﻳﻤﺎﻥ : ﺍﺷﻄﻪ ﻳﺒﻘﻲ ﻫﻨﺮﻭﺡ ﺑﻘﻲ ﻛﻠﻨﺎ
ﻫﻤﺲ : ﻃﻴﺐ ﻫﺮﻭﺡ ﺍﺟﻴﺐ ﻋﺼﻴﺮ ﻣﻦ ﺍﻟﻜﺎﻓﻴﺘﺮﻳﺎ ﻭﺍﺟﻲ
ﺍﻳﻤﺎﻥ : ﻣﺎﺷﻲ
ﺫﻫﺒﺖ ﻫﻤﺲ ﺍﻟﻲ ﺍﻟﻜﺎﻓﻴﺘﻴﺮﻳﺎ ﻭﻭﺟﺪﺕ ﻣﻠﻚ ﻫﻨﺎﻙ ﻣﻠﻚ
ﻫﻤﺲ : ﻣﻠﻚ ﺍﺯﻳﻚ
ﻣﻠﻚ : ﻫﻤﺲ ﺍﺯﻳﻚ ﻋﺎﻣﻠﻪ ﺍﻳﻪ
ﻫﻤﺲ : ﺍﻟﺤﻤﺪ ﻟﻠﻪ ﺍﻧﺘﻲ ﺍﺧﺒﺎﺭﻙ ﺍﻳﻪ
ﻣﻠﻚ : ﺍﻫﻮ ﻣﺎﺷﻲ ﺍﻟﺤﺎﻝ
ﻫﻤﺲ : ﻋﺎﻣﻠﻪ ﺍﻳﻪ ﻣﻊ ﺧﻄﻴﺒﻚ
ﻣﻠﻚ : ﻭﺍﻟﻠﻪ ﺍﺗﻜﻠﻤﺖ ﻣﻌﺎﻩ ﻭﻗﻌﺪ ﻳﻘﻮﻟﻲ ﺍﻧﺎ ﻣﺶ ﻫﻌﻤﻞ ﻛﺪﻩ ﺗﺎﻧﻲ ﺑﺲ ﺍﻟﻤﺸﻜﻠﻪ ﺍﻧﻪ ﺑﻴﻘﻮﻟﻲ ﻛﺪﻩ ﻭﻳﺮﺟﻊ ﻳﻌﻤﻞ ﺑﺮﺿﻪ
ﻫﻤﺲ : ﻻﺯﻡ ﺗﻌﻤﻠﻲ ﻟﻨﻔﺴﻚ ﻛﺮﺍﻣﻪ ﻭﻛﺒﺮﻳﺎﺀ ﻋﻠﺸﺎﻥ ﻳﺤﺘﺮﻣﻚ ﻭﻳﻘﺪﺭﻙ ﺑﻌﺪ ﻛﺪﻩ
ﻣﻠﻚ : ﻭﺍﻟﻠﻪ ﻳﺎ ﻫﻤﺲ ﺍﻧﺎ ﻗﻮﻟﺘﻠﻪ ﻟﻮ ﺍﺗﻌﻤﻠﺖ ﺗﺎﻧﻲ ﻫﻴﻜﻮﻥ ﺍﺧﺮ ﺍﻟﻠﻲ ﻣﺎ ﺑﻴﻨﺎ ﺑﺲ ﺍﻟﻤﺸﻜﻠﻪ ﺍﻥ ﻫﻮ ﻛﻤﺎﻥ ﺑﻴﺤﺒﻨﻲ ﺑﺲ ﻋﺼﺒﻲ ﺯﻳﺎﺩﺓ ﻋﻦ ﺍﻟﻠﺰﻭﻡ
ﻫﻤﺲ : ﺣﺎﻭﻟﻲ ﺗﻤﺘﺼﻲ ﻏﻀﺒﻪ ﻭﻣﺘﺪﻳﻬﻮﺵ ﻓﺮﺻﻪ ﻳﻐﻠﻂ ﻓﻴﻜﻲ
ﻣﻠﻚ : ﺍﻥ ﺷﺎﺀ ﺍﻟﻠﻪ ﻳﺎ ﺣﺒﻴﺒﺘﻲ ﻭﺍﻟﻠﻪ ﺍﻧﺘﻲ ﺍﺟﺪﻉ ﻭﺍﺣﺪﺓ ﺷﻮﻓﺘﻬﺎ
ﻫﻤﺲ : ﺭﺑﻨﺎ ﻳﺨﻠﻴﻜﻲ ﻳﺎ ﻗﻤﺮ ﺍﻧﺎ ﻫﺴﺘﺄﺫﻥ ﻭﻟﻮ ﺍﺣﺘﺠﺘﻲ ﺣﺎﺟﺔ ﺍﻟﺠﻨﻴﻨﻪ ﻗﻌﺪﺗﻲ ﺍﻟﻤﻔﻀﻠﻪ
ﻣﻠﻚ : ﺍﻛﻴﺪ ﺍﻥ ﺷﺎﺀ ﺍﻟﻠﻪ ﻳﺎ ﺣﺒﻴﺒﺘﻲ ﺳﻼﻡ
ﻫﻤﺲ : ﺳﻼﻡ
ﺗﻨﺎﻭﻟﺖ ﻫﻤﺲ ﺍﻟﻌﺼﻴﺮ ﺍﻟﻤﻔﻀﻞ ﻟﻬﺎ ﻭﻫﻮ ﻋﺼﻴﺮ ﺍﻟﻤﺎﻧﺠﺎ ﻭﺫﻫﺒﺖ ﻭﻫﻲ ﻓﻲ ﻃﺮﻳﻘﻬﺎ ﺍﻟﻲ ﺍﻟﺤﺪﻳﻘﻪ ﺍﺻﺪﻣﺖ ﺑﺸﺎﺏ
ﻫﻤﺲ : ﻣﺶ ﺗﻔﺘﺢ ﻳﺎ ﺣﻴﻮﺍﻥ
ﻫﻴﺜﻢ ﺑﺼﺪﻣﺔ : ﺣﻴﻮﺍﻥ
ﻫﻤﺲ : ﻣﺴﺘﺮ ﻫﻴﺜﻢ
ﻫﻴﺜﻢ : ﻫﻮ ﺍﻧﺘﻲ ﻉ ﻃﻮﻝ ﻛﺪﻩ ﻟﺴﺎﻧﻚ ﺩﻩ ﺳﺎﺑﻘﻚ
ﻫﻤﺲ : ﻣﺎﻫﻮ ﺍﻧﺖ ﺍﻟﻠﻲ ﺧﺒﻂ ﻓﻴﺎ
ﻫﻴﺜﻢ : ﺍﺩﻱ ﻟﻠﻨﺎﺱ ﻓﺮﺻﻪ ﺗﻌﺘﺬﺭ ﻳﻌﻨﻲ ﻣﺶ ﻉ ﻃﻮﻝ ﻛﺪﻩ ﺍﻧﺘﻲ ﺍﻳﻪ
ﻫﻤﺲ ﺑﺼﻮﺕ ﻋﺎﻟﻲ : ﻳﻌﻨﻲ ﺍﻋﻤﻞ ﺍﻳﻪ ﺍﻧﺎ ﻳﻌﻨﻲ ﻣﺎﻫﻮ
ﻫﻴﺜﻢ ﻣﻘﺎﻃﻊ : ﺻﻮﻭﻭﻭﻭﻭﻭﻭﺗﻚ ﻣﻴﻌﻼﺵ ﺍﻧﺘﻲ ﻓﺎﻫﻤﺔ ﻭﻭﺭﺍﻳﺎ ﻉ ﻣﻜﺘﺒﻲ ﻋﻠﺸﺎﻥ ﻋﺎﻳﺰﻙ
ﺫﻫﺒﺖ ﻫﻤﺲ ﺧﻠﻒ ﻫﻴﺜﻢ ﺍﻟﻲ ﻣﻜﺘﺒﻪ
ﻫﻴﺜﻢ : ﺍﻗﻌﺪﻱ
ﻫﻤﺲ : ﻧﻌﻢ
ﻫﻴﺜﻢ : ﻗﻮﻟﺖ ﺍﻗﻌﺪﻱ
ﺟﻠﺴﺖ ﻫﻤﺲ ﻭﻇﻞ ﺍﻟﺼﻤﺖ ﻫﻮ ﺳﻴﺪ ﺍﻟﻤﻜﺎﻥ
ﻫﻴﺜﻢ : ﺍﻋﻤﻞ ﻓﻴﻜﻲ ﺍﻳﻪ ﻃﻴﺐ
ﻫﻤﺲ : ﻫﺘﻌﻤﻞ ﻓﻴﺎ ﺍﻳﻪ
ﻫﻴﺜﻢ : ﻫﻮ ﺍﻧﺘﻲ ﻣﺶ ﺑﺘﺤﺴﻲ ﺑﻨﻔﺴﻚ ﻣﺶ ﺑﺘﺤﺴﻲ ﺑﺼﻮﺗﻚ ﻋﺎﻣﻞ ﺍﺯﺍﻱ
ﻫﻤﺲ : ﺍﻧﺎ ﻛﺪﻩ ﻋﺼﺒﻴﻪ ﺍﻋﻤﻞ ﺍﻳﻪ ﻳﻌﻨﻲ
ﻫﻴﺜﻢ : ﻣﻔﻴﺶ ﺣﺎﺟﺔ ﺍﺳﻤﻬﺎ ﻋﺼﺒﻴﻪ ﻓﻲ ﺣﺎﺟﺔ ﺍﺳﻤﻬﺎ ﻧﺤﺘﺮﻡ ﺍﻟﻠﻲ ﻗﺪﻣﻨﺎ ﻣﺶ ﻭﺍﺣﺪ ﺧﺒﻂ ﻓﻴﻨﺎ ﻧﻔﺘﺢ ﻣﺎﺳﻮﺭﺓ ﺷﺘﺎﻳﻢ ﻫﻲ
ﻫﻤﺲ : ﻃﻴﺐ ﺧﻼﺹ
ﻫﻴﺜﻢ : ﺍﻧﺘﻲ ﺑﺘﺎﺧﺪﻳﻨﻲ ﻉ ﺍﺩ ﻋﻘﻠﻲ
ﻫﻤﺲ : ﻻﺀ
ﻫﻴﺜﻢ : ﻣﺎﺷﻲ ﻳﺎ ﻫﻤﺲ ﺍﻟﻤﻬﻢ ﺍﺑﺤﺎﺛﻚ ﺑﺠﺪ ﺣﻠﻮﺓ ﻳﺎﺭﻳﺖ ﻟﺴﺎﻧﻚ ﻳﺒﻘﻲ ﻛﻮﻳﺲ ﺯﻱ ﺩﺭﺍﺳﺘﻚ ﻛﺪﻩ
ﻫﻤﺲ : ﺍﻥ ﺷﺎﺀ ﺍﻟﻠﻪ
ﻫﻴﺜﻢ : ﻳﻼ ﺭﻭﺣﻲ ﺷﻮﻓﻲ ﺍﻧﺘﻲ ﺭﺍﺣﺔ ﻓﻴﻦ
ﻫﻤﺲ : ﻣﺎﺷﻲ ﺳﻼﻡ
ﻭﻫﻲ ﺗﻬﻢ ﺑﺎﻻﻧﺼﺮﺍﻑ ﺍﻭﻗﻔﻬﺎ ﻫﻴﺜﻢ ﻗﺎﺋﻼ : ﺻﺤﻴﺢ ﺍﻧﺘﻲ ﻫﺘﺮﻭﺣﻲ ﺍﻟﺮﺣﻠﻪ
ﻫﻤﺲ ﻭﻫﻲ ﺗﻠﺘﻔﺖ ﻟﻪ : ﺍﻩ ﻫﺮﻭﺡ
ﻫﻴﺜﻢ : ﺍﻩ ﻫﺮﻭﺡ ﺍﻧﺘﻲ ﻟﺤﻘﺘﻲ ﺍﺳﺘﺄﺫﻧﺘﻲ
ﻫﻤﺲ : ﻭﺍﺳﺘﺄﺫﻥ ﻟﻴﻪ ﺍﻧﺎ ﺑﺎﺧﺪ ﻗﺮﺍﺭﺍﺗﻲ ﻣﻦ ﻧﻔﺴﻲ
ﻫﻴﺜﻢ : ﺍﻣﺸﻲ ﻳﺎ ﻫﻤﺲ ﺍﻣﺸﻲ
ﺫﻫﺒﺖ ﻫﻤﺲ ﻭﻋﺎﺩﺕ ﺍﻟﻲ ﺍﻟﻤﻨﺰﻝ ﻭﺍﺑﻠﻐﺖ ﻭﺍﻟﺪﺗﻬﺎ ﺍﻥ ﻫﻨﺎﻙ ﺭﺣﻠﻪ ﺍﻟﻲ ﺷﺮﻡ ﻟﻤﺪﺓ ﺍﺳﺒﻮﻉ
ﺍﻻﻡ : ﻣﺎﺷﻲ ﻳﺎ ﺣﺒﻴﺒﺘﻲ ﺍﻃﻠﻌﻲ ﺍﻫﻮ ﺗﻐﻴﺮﻱ ﺍﻟﺠﻮ ﺍﻟﻜﺌﻴﺐ ﺍﻟﻠﻲ ﺍﻧﺘﻲ ﻣﻌﻴﺸﻪ ﻧﻔﺴﻚ ﻓﻴﻪ ﺩﻩ ﺑﺲ ﻫﻨﻨﺰﻝ ﻧﺠﻴﺐ ﻟﺒﺲ ﻟﻠﺮﺣﻠﻪ
ﻫﻤﺲ : ﻟﺒﺲ ﻟﻴﻪ ﻳﺎ ﻣﺎﻣﺎ ﻣﺎ ﺍﻧﺎ ﻋﻨﺪﻱ ﻟﺒﺲ
ﺍﻻﻡ : ﻫﻮ ﺍﻻﺭﻑ ﺍﻟﻠﻲ ﺍﻧﺘﻲ ﺑﺘﻠﺒﺴﻴﻪ ﺩﻩ ﺍﺳﻤﺔ ﻟﺒﺲ
ﻫﻤﺲ : ﻣﺎﻟﻪ ﻟﺒﺴﻲ
ﺍﻻﻡ : ﺯﻱ ﺍﻟﺰﻓﺖ ﻃﺒﻌﺎ ﻳﺎ ﺑﻨﺘﻲ ﺍﻧﺘﻲ ﺑﻨﺖ ﻻﺯﻡ ﺗﻬﺘﻤﻲ ﺑﻨﻔﺴﻚ ﺷﻮﻳﻪ ﺍﻧﺎ ﺑﺪﺃﺕ ﺍﺷﻚ ﺍﻧﻚ ﺑﻨﺖ ﺍﺻﻼ
ﻫﻤﺲ : ﻳﻌﻨﻲ ﺍﻋﻤﻞ ﺍﻳﻪ
ﺍﻻﻡ : ﻳﻌﻨﻲ ﻧﺮﻭﺡ ﻧﺠﻴﺐ ﻟﺒﺲ ﻭﺍﻧﺎ ﺍﻟﻠﻲ ﻫﺤﻀﺮﻟﻚ ﺍﻟﺸﻨﻄﺔ ﻋﻠﺸﺎﻥ ﻣﺘﺤﻄﻴﺶ ﺣﺎﺟﺎﺕ ﻣﻌﻔﻨﻪ ﻣﻦ ﺍﻟﻠﻲ ﺍﻧﺘﻲ ﺑﻠﺘﻠﺒﺴﻴﻬﺎ ﺩﻱ
ﻫﻤﺲ : ﻳﺎ ﻣﺎﻣﺎ ﻭﻟﺰﻣﺘﻪ ﺍﻳﻪ ﺍﻟﻠﺒﺲ
ﺍﻻﻡ : ﻭﺍﻧﺘﻲ ﻟﻴﻪ ﺗﺒﻘﻲ ﻣﻌﻔﻨﻪ ﻭﺳﻂ ﺍﺻﺤﺎﺑﻚ ﺍﻧﺎ ﻗﻮﻟﺖ ﻳﺎﻟﻠﺒﺲ ﻳﺎ ﺍﻟﺮﺣﻠﻪ
ﻫﻤﺲ : ﻳﺒﻘﻲ ﻫﻨﺰﻝ ﺍﺟﻴﺐ ﺍﻟﻠﺒﺲ
ﺍﻻﻡ : ﺍﻳﻮﻥ ﻛﺪﻩ
ﻫﺎﻟﻪ : ﻣﻴﻦ ﺩﻩ ﺍﻟﻠﻲ ﻫﻴﺠﻴﺐ ﻟﺒﺲ
ﺍﻻﻡ : ﻫﻤﺲ
ﻫﺎﻟﻪ : ﻟﻮﻟﻮﻟﻮﻟﻮﻭﻭﻭﻭﻭﻭﻭﻭﻭﻟﻲ ﺍﺧﻴﺮﺍ ﻫﺘﻨﻀﻔﻲ
ﻫﻤﺲ : ﻟﻴﻪ ﻫﻮ ﺍﻧﺎ ﻛﻨﺖ ﻣﻌﻔﻨﻪ
ﻫﺎﻟﻪ : ﺩﻩ ﺍﻧﺘﻲ ﺟﺮﺑﺎﻧﻪ ﻣﺶ ﻣﻌﻔﻨﻪ ﺑﺲ ﺍﺑﻘﻲ ﺧﺪﻱ ﻣﻌﺎﻛﻲ ﺣﺪ ﺑﻴﻔﻬﻢ ﻓﻲ ﺍﻟﺰﻭﺀ
ﻫﻤﺲ : ﻳﻼ ﻳﺎ ﺑﺖ ﻏﻮﺭﻱ ﻣﻦ ﻫﻨﺎ
ﺍﻻﻡ : ﻫﻲ ﺍﻟﺮﺣﻠﻪ ﺍﻣﺘﻲ ﻳﺎ ﻫﻤﺲ
ﻫﻤﺲ : ﺍﻻﺳﺒﻮﻉ ﺍﻟﺠﺎﻱ
ﻫﺎﻟﻪ : ﻭﻛﻤﺎﻥ ﺭﺣﻠﻠﻠﻠﻠﻠﻠﻪ ﺧﻴﺎﺍﺍﺍﺍﺍﺍﺍﺍﺍﺍﺍﺍﻧﺔ ﻣﺎ ﺗﺨﺪﻳﻨﻲ ﻣﻌﺎﻛﻲ
ﻫﻤﺲ : ﻫﻮ ﺍﻧﺎ ﻫﻌﻴﻞ ﻭﻻ ﺍﻳﻪ ﺍﻟﺮﺣﻠﻪ ﻟﻠﻘﺴﻢ ﺑﺘﺎﻋﻨﺎ ﺑﺲ
ﻫﺎﻟﻪ : ﻓﻴﻦ ﻓﻴﻦ
ﻫﻤﺲ : ﺷﺮﻡ
ﻫﺎﻟﻪ : ﺍﻟﻠﻪ ﻭﺍﻟﻨﺒﻲ ﺍﺟﻲ ﻣﻌﺎﻛﻲ
ﻫﻤﺲ : ﻣﺶ ﻫﻴﻨﻔﻊ ﻭﺍﻟﻠﻪ ﻳﺎ ﻫﺎﻟﻪ
ﺍﻻﻡ : ﻳﻼ ﺍﺟﻬﺰﻭﺍ ﻋﻠﺸﺎﻥ ﻫﻨﻨﺰﻝ ﻧﺠﻴﺐ ﻟﺒﺲ ﻟﻴﻜﻢ
ﻫﺎﻟﻪ : ﻫﻴﻴﻴﻴﻴﻴﻴﻴﻴﻴﻴﻴﻴﻲﻳﻴﻴﻴﻴﻴﻴﻴﻴﻴﻴﻴﻴﻴﻲﻳﻴﻪ ﺗﻌﻴﺶ ﻣﺎﻣﺎ ﺗﻌﻴﻴﻴﻴﻴﻴﻴﻴﻴﻴﻴﻴﻲﻳﻴﻴﺶ
ﺫﻫﺒﺖ ﻫﺎﻟﻪ ﻣﻊ ﻫﻤﺲ ﻭﻭﺍﻟﺪﺗﻬﺎ ﻭﺍﺷﺘﺮﻭﺍ ﺑﺲ ﻭﻓﻲ ﺍﻟﻴﻮﻡ ﺍﻟﺘﺎﻟﻲ ﺫﻫﺒﺖ ﻫﻤﺲ ﺍﻟﻲ ﺭﻋﺎﻳﻪ ﺍﻟﺸﺒﺎﺏ ﻟﺘﺴﺠﻞ ﺍﺳﻤﻬﺎ ﻭﺗﺪﻓﻊ ﺍﺷﺘﺮﺍﻙ ﺍﻟﺮﺣﻠﻪ ﻭﻣﺮﺕ ﺍﻻﻳﺎﻡ ﻋﺎﺩﻳﻪ ﺣﺘﻲ ﻳﻮﻡ ﺍﻟﺮﺣﻠﻪ
تعليقات
إرسال تعليق