 |
قلوب ارهقها نبضها
بقلم نرمين قدري
الفصل الواحد و الثلاثون حتي الخامس والثلاثون
كامله على مدونة النجم المتوهج للروايات
مسك /اده ايه اللي بيحصل هنا مين ده و ازاي يخش عليا وانا كده
هو ايه الي بيحصل ده و هي في حاله عدم استيعاب دمغها مش عارفه تجمع
وفجأة سمعت فاطمة بتصوت و بتلم البيت عليها وهي بالوضع ده وكأنها قاصدة كده
دخل محمود ووضع كرسي وحطه أمام السرير وقاعد وحط قدم فوق قدم
مسك /حضرت العمده واللهي ما عملت حاجة انا لسة والده يعني ما ينفعش اعمل حاجة من اصله تعقل دي
محمود / بعجرفه مليش في الراجل مظبوط في الاوضة بتاعتك وعلي سريرك والناس ليها صور محدش حيسال بقي ولده ولا حامل ولا ايه الناس ليها اللي بتشوفه و لا ايه يا متعلمة يا بتاعة الجماعات الناس بتموت في الفضايح
سحبت مسك الغطا عليها وغطت به جسدها وقامت من السرير
مسك بصوت مبحوح من البكي/ حرام عليك احب علي رجلك أبوسها اناشرف وسمعة ابنك انا مراته بتعمل كده ليه انا غلبانه واهلي غلابة مش حمل فضيحة حرام عليك انا عندي ابن حيفضلوا يعيروا بيا العمر كله .
ده حفيدك ليه تخلي في حياته وصمة عار زي دي
محمود/ ماشي يا مسك الصور دي حا تختفي وكأنها محصلتش بس بشرط تنفذي كل شروطي
مسك / وانا موافقة لو عاوزني اوطي علي رجلك ابوسها انا موافقة ابوس رجل فاطمة بردو موافقة ايه يرضيك وانا أعملة حقكم عليا جزمتكم فوق راسي حشتغل خدامة هنا العمر كله بس ابوس ايديكم سبوني اربي ابني
ضحكت فاطمة بغل / هههههههههههه البت دي شكلها هبله يابا الحاج بقا احنا عاملين الفضيحة دي كلها علشان
تبوس علي رجلينا
محمود/ بصي يا مسك انا حعتبر اللي حصل ما حصلش بس ما شوفش وشك هنا تاني تنسي خالص انك انجوزتي وخلفتي
مسك/ لا ابني كله الا ابني انا مستعده اموت لكن اسيب ابني لا حرام عليك انا ملحقتش حتى ارضعه ولا اشم رحته حرام عليك انا حتى ما شلتهوش في حضني
فاطمة/ اخلصي بقي من جو مسلسلات ده التركي الفاكس ده ويلا بقي البسي حاجة عليكي بدل ما تمشي كده وتبقي فضيحة بجد يا بنت كلاف البهايم
مسك بعياط هستيري/ علشان خاطر ربنا اخد ابني ووعد مش حتشوفوتي تاني خالص بلاش تحرموني من ابني وعد حاخده و حاختفي من البلد كلها
محمود/ مسك متصعبهاش علي نفسك اكتر من كده و يلا قبل محد يصحي علشان لو حد شم خبر انتي اللي حتخسري العمر كله
مسك / منا مش ماشية من هنا غير وابني معايا و اللي عاوزين تعملوا اعملوا
محمود/ سهلة يا مسك دقيقة ويكون الفديو راح لبيجاد وهو لما يرجع حيتصرف معاكي
مسك /بيجاد مش حيصدكم بيجاد عارفني كويس
فاطمة / متقصري في يومك ده و اخلصي يا اما انا حبعت الفديو لا بويا نص ساعة بس و تلاقي البلد كلها عرفت فضحتك و تقعدي اشرحي لكل واحد انك ولده جديد
مسك / انتم بتعملوا معايا كده ليه انا عملت اية مش زمبي و اللهي العظيم ما زمبي أن ابويا راجل علي قد حاله مش انا اللي اخترت أن أبويا يكون كده حرام بقا تقول الله اتقوا الله
ركعت مسك في الأرض
مسك/ احب علي رجلك يا عمده خليني اخد ابني و امشي واللهي واللهي ما حا خلي بيجاد يعرف لي طريق
محمود/ بسخرية ما انتي بردو مش حتخلي بيجاد يعرفلك طريق وانا مش بهدد انا بنفذ علي طول يا مسك انتي حاتمشي من هنا و مش عاوز المحلك خيال خالص وبصوت عالي يلا بقي اخلصي مش حتقدي اليل كله تنوحي
مسك /حاضر بس اطلعوا برا لحد ما اللبس
مسحت مسك دموعها بضهر أيدها و لبست لبسها وجمعت شوية حاجات ليها و اخدت حاجات من ريحة بيجاد و السلوبيت اللي كان ابنها لبسة في المشفي شمت رحتة و حطتة في شنطة و بذاكاء بدأت تعمل لبيجاد علامات علشان يعرف انها هي
اخدت نص القلب اللي عليه أسمة واسمها وتركت النص التاني و بدأت تكتب حرف اسمها علي كل حاجة تخص بيجاد
اخدت دهبها و مبلغ مادي كان تركه لها بيجاد فاهي ما تعرفش بكره مخبي لها ايه
اخدت كل الاوراق الخاص بها و قسيمة زوجها وشهادة التخرج و شهاده ميلاد ابنها
واخدت صورة بيجاد وصور لفرحهم وبدأت تبص للغرفة ودموعها سبقها و جواها قهر يهد جبال
واااااه وعلي ملهوش ضهر وسند وااااه علي الدنيا
خرجت مسك تسحب قدمها بخزي و خذلان وكان الدنيا كلها خذلتها
نظرة فاطمة ليها بشماته وقالت / افتشها يابا الحاج لتكون سرقت الدهب اللي جايبة بيجاد ليها
محمود/ لا يا فاطمة سبهولها ومد ايده بشيك في مبلغ مادي كبير خدي ده تعويض علشان تعرفي تعيشي بيه
بصت ليه مسك و نطقت بكلمة واحدة حسبي الله ونعم الوكيل يمهل ولا يهمل فوضت امري لله علية خلاص الحق
مسك بقهر و دموع / وفر فلوسك يا حاج ياللي حجيت بيت الله
أنا مش عاوز منك فلوس بس ابني امانه عندك حافظ عليها ومشت وهي بتردد حسبي الله ونعم الوكيل
طلعت ندي من غرفتها مسرع ما قدرتش تقف تسمع كل ده دون أن تدخل وتعمل حاجة
اتفاجاءت فاطمة أن ندي صاحية وسمعت كلامهم كله
ندي /وبصوت عالي مسك استني
التفت لها مسك بقهر وكلمة واحده نطقتها ابني يا ندي امانه في رقبتك ليوم الدين اوعي يقولوا حاجة وحشة عني
ابني يا يا ندى ابني خالي بالك علية رضعيه مع بتك اوعي يحس أنه يتيم يا ندي طبطبي علية و شمي رحته علطول عرفية بيا واحكيلوا اد ايه انا حبيته وكان نفسي اضمه لحضني
وبيجاد بالله عليكي يا ندي اوعي تخليه يحزن عليا وقوليلو أن انا بحبه من كل قلبي ولا عمري حاحب غيرة
ندي دمعها مش عارفه تسيطر عليها وجرت علي سلم حضنت مسك جامد ندي لا اله الا الله في حفظ الله وابنك في عنيا ما تخافيش يا مسك
مسك محمد رسول الله وحسبنا الله ونعم الوكيل حسبنا الله ونعم الوكيل
مشت مسك وجرت علي مستشفي علي امل تلاقي ابنها في الحضانة دخلت مسرعة الحضانة
مسك بلهفة / ابني فين ابني فين وديتوا ابني فين
ممرضة/ جده الصبح جه نقلوا مستشفي تانبة ملناش الحق نمنعة
لفت مسك علي كل المشافي ملاقتش اثر لابنها
وفي السريا ندي بصوت عالي صحي البيت كله
ندي/ يرضي مين ده انتم لو كفار مش حتعملوا اللي عملتوا ده ابيلس نفسه ما يخطرش علي بالله كده
امجد/في ايه يا ندي بتعيطي كده ليه وصوتك عالي قوي
ندي / اقسم بالله بيجاد يرجع ويستلم ابنه واكون سايبة البيت ده مش حقعد فيه ولا دقيقه واحده اخاف علي نفسي منكم انتم شياطين الانس استحالة يكون اللي جواكم ده قلب اكيد صخر صوان
جاء محمود من خلفها و قال/ بطولك حا تسيبي البيت بطولك من غير بنتك زي مسك ما طلعت احنا محدش بيربي عيالنا غيرنا عاوزة تمشي الباب يفوت جمل انا مش ببكي علي حد أنا المهم عندي احفادي يكونوا جنبي
امجد / هو في ايه لكل ده ومسك مشت راحت فين حد يرد عليا
محمود / عقل مراتك يا امجد وبلاش تخليها تزن علي خربها واللي حقول علية هو اللي حيحصل بيجاد لما يرجع حنقوا أن مسك جلها حمي نفاس وماتت في داهية
خبطت اشجان علي صدرها يالهوي انتم عملتوا ايه في البيت مسك فين عملتوا فيها ايه انطقوا
فاطمة / حتكون عملنا ايه نضفنا البيت من القرف اللي كان فيه اهي غارت في داهية لا ترجعها
بصت لها ندي وقلت بقهر حسبي الله ونعم الوكيل فيكي عندك بنتين يا فاطمة وربنا علية خلاص الحقوق
دخل الغفير وعلي ايده فارس ابن مسك بيصرخ بشده
الغفير/ يا جناب العمده الولد مش راضي يسكت خالص
جرت ندي عليه وضمته لصدرها وجرت علي فوق ترضعه استكان الولد في حضنها ونام نيمته ندي جنب بنتها و طبطبت علية بحنان شديد
دخل امجد ومعاه اشجان وقفل الباب وراه اترمت ندي فى حضنه وانفجرت في بكاء بطريقه هستريا
امجد/ ممكن تهدي كده واحكيلي ايه اللي حصل ممكن
ندي / انا كالعاده لوچين مش بتنيمني خالص اقعدت طول الليل احاول انيمها وبعد ما نامت اخيرا قلت انزل اعمل حاحة سخنة أشربها ولسة بفتح باب الاوضة لقيت فاطمة و معها واحد شكله غريب مش من اهل البلد حطيت و دني علي باب و كنت فاتحة نص فاتحة صغيرة وسمعت
فاطمة/ اخلص مد شوية قبل ما حد يصحي
الشخص المجهول / حاضر اهو يا ست فاطمة وراكي علطول
فاطمة/ طبعا عارف حتعمل ايه كويس صح
دخلوا غرفة مسك براحة وكانت نايمة من
التعب وما حستش بيهم
دخلت فاطمة صورتها كام صوره
وكان وراهم العمده من بيعيد متابع كل حاجة يعنى يا امجد كل حاجة تمت بمعرفة بباك
و حكت له كل حاحة حصلت في غرفة مسك لحد ما طلعت بشنطة هدمها
كل ده واشجان ساكتة مش بتنطق ودموعها علي خدها
فتح امجد باب الغرفة ونزل تحت لقي و لده قاعد بمفرده
قال امجد
امجد/ بعصبية ليه ليه يا ابويا تركب نفسك الزمب الكبير قوي ده انت مش حمله ليه وحنقول ايه لببحاد خرستنا كلنا محدش فينا حيجرء يقوله الحقيقة ظلمت بيحاد ومسك ونفسك قبل الكل محدش فينا حيقدر يقوله ابوك خربلك بيتك كله ده علشان مراتك فقيرة يا بيجاد مش من حقها تعيش
ليه يا ابويا ليه فاهمني عملت كل ده ليه ناقصنا احنا ايه ده حتي الدين بتاعنا بيقول خذوهم فقره يغنيكم الله
محمو/ امجد انت بتعلي صوتك عليا انت اتجننت
امجد/ مش بعلي صوتي انا عاوز رد مقنع بالي عملته ده
محمود/ بصراحة فاطمة اقنعتني أن ابن بيحاد لو اتربي بعيد عن أمه حيبقي احسن
قطع كلامه بزمتك انت مصدق كلام ده هات اي عيلة في حضانه واحكيلوا و شوف رده عليك انت جبتلنا ابليس في البيت قاعد معانا شيطان رجيم اسمة فاطمة فيرس خبيث دخل البيت ومش عاوز يطلع
وعند مسك استقلت اول عربية نزله اسكندريه و ركبت فيها وقد وهن التعب منها لسة ولده بقالها يوم ومرتاحتش وصلت مسك اسكندرية الفجر ذهبت علي منزل اختها وتركت الباب بشده
استيقظت عطر ومحمد علي صوت الجرس
جري محمد يفتح اترمت مسك في حضنه و غابت عن الوعي
الثاني والثلاثون
وعند مسك استقلت اول عربية نزله اسكندريه و ركبت فيها وقد وهن التعب منها لسة ولده بقالها يوم ومرتاحتش وصلت مسك اسكندرية الفجر ذهبت علي منزل اختها وتركت الباب بشده
استيقظت عطر ومحمد علي صوت الجرس
جري محمد يفتح اترمت مسك في حضنه و غابت عن الوعي
محمد بخضة/ مسك مسك مالك في ايه الحقيني يا عطر تعالي بسرعة.مسك الحقي يا عطر مسك سخنة مولعة
جرت عطر بخضة في ايه يا محمد و خبطت علي صدرها يالهوي دي مسك مالها يا محمد اختي فيها ايه مسك ردي عليا
اسعاف هات إسعاف مسك بتموت يامحمد حرارتها عاليه قوي
اتصل محمد بالاسعاف وحضرت سيارة الإسعاف وحملت مسك علي مشفي بعد الفحص الدقيق
خرج الدكتور وعلي وشه علامات لا تفسر
جرت عليه عطر مسك مالها اختي فيها ايه اختي ماتت قول
محمد / عطر اهدي بقا خلينا نسمع الدكتور حيقول ايه اهدي يا عطر
دكتور/ مبدأيا الحالة مطمنش المدام عندها حمي نفاس و الحاله دخلت في غيبوبة. وربنا العالم حتفوق منها أمتي كل اللي هي محتجاه منكم دعوتك لها دلوقتي هي تعتبر بين ايدين ربنا و مافيش في ايدينا غير الانتظار ربنا كريم
عطر/ لاء لاء اوعي تقول كده مسك حتقوم انا عارفة اختي قوية و حتوقوم منها وجرت علي محمد
اختي يا محمد مسك بضيع مني ااااه يا قلب اختك يا حصرت قلبي عليكي ياختي
محمد بزعيق وقد بدأ يفقد أعصابه/ ممكن تهدي بقا علشان نعرف ايه اللي وصل اختك للحاله دي وفين ابنها اللي ولدته
عطر / بالهوي ليكون مات وعلشان كده اختي انهارت يا حببتي ربنا يصبرك
محمد / بعصبية اتصلي بمروه حالا تيجي علشان توصل للبلد ونعرف ايه اللي حصل هناك واختك ايه اللي وصلها لكده
ماسكت عطر التليفون بيد مرتعشة واتصلت بمروة
فاق كلا من مروة و يوسف علي صوت تليفون
يوسف / مين اللي بيتصل بدري كده خير يارب استرها
مروة / بخضة دي عطر استر يارب الو أيوة يا عطر خير ايه اللي حصل
عطر / مروة اللحقيني بسرعة مسك بتموت مني تعالي بسرعة يا مروة
قامت مروة منتفضة من مكانها
مروة/ انتي بتقولي ايه ملها مسك و اية اللي جابها عندك في ايه يا عطر انا مش فاهمة يا عطر. الو الو الو ياعطر ردي عليا ملها مسك
سحب يوسف التليفون منها وقال
الو ايو يا عطر في ايه الو الو
رد محمد / الو ايوا يا يوسف بقولك ايه هات مروة وماجد وتعالوا علي مستشفي السلامه بسرعة مسك بتموت
يوسف / لا حول ولا قوه الا بالله ربع ساعة. ونكون عندك
قفل
يوسف / وهو بيتصل بماجد غيري هدومك بسرعة مافيش وقت وقطع كلامة
الو/ ايو يا ماجد
ماجد/ قام مخضوض في ايه يا يوسف مروة كويسة
يوسف / البس وانزل استننا في عربية بسرعة مسك نقلوها علي مستشفي بتموت الحالة حرجه جدا
ماجد/ بخضة ايه مين اللي بتموت انت بتقول ايه و مسك ايه اللي جابها من البلد في وقت زي ده فاهمني يا يوسف
يوسف / انا معرفش حاجة كل اللي اعرفه انها في مستشفى السلامة في حالة خطر
هند/ مسك مالها يا ماجد قولي مسك مالها
قفل ماجد الخط استرها يارب استرها يارب البسي بسرعة يا هند لازم ننزل حالا
جهزوا جميعا وكانوا تحت في اقل من ربع ساعة والقلق حيموتهم
جري يوسف للعربية مسرعا علي المستشفى دخلوا كلهم لقوا عطر قاعدة في الأرض و الدموع ملياه وشها و باصه في فراغ كأنها مش شايفة حد قدمها
مروة / عطر في ايه فاهميني ايه اللي حصل مسك مالها وايه اللي جابها
وعطر كأنها في عالم تاني. منفصل عنهم روحها بتروح منها جزء منها مفتقداه مسك تؤم روحها و حياتها كلها بتروحو منها
شريط طويل يمر أمام عطر حياتها هي و مسك سوا
محمد/ معلش حد منكم يكلم البلد ويعرف ايه اللي حصل وابن مسك راح فين
مروة/ هي جات من غير ابنها استرها يارب ما يكونش حصل للولد حاجة
هند/ ليكون الولد حصله حاجة وده اللي خله مسك في الحاله دي
اتصل ماجد بامجد رد امجد بصوت مخنوق من العياط
امجد/ ايوا يا ماجد
ماجد/ في ايه عندكم يا امجد ايه اللي حصل ومسك ايه اللي وصلها الحاله دي
امجد/ مسك وصلت عندكم الحمدلله
خطفت ندي سماعة من امجد و بانهيار غدرو بيها يا ماجد مراتك غدرت بيها مراتك شيطانه مش بني آدم معندناش الدين ولا قلب ولا مله من اصله مرات يا ماجد حسبي الله ونعم الوكيل حسبنا الله ونعم الوكيل فيها خد عيالك منها و الحقهم قبل ما تسمم افاكرهم
ماجد/ اهدي بس فهموني ايه اللي حصل ووصل مسك لكده و ايه علاقة فاطمة. بالي حصل
ندى/ هي مسك فين اكلمها وبعدين احكيلك
ماجد/ مسك جالها حمي نفاس ودخلت في غيبوبة وحالتها حرجة وربنا وحده العالم حتقوم أمتي هي في عناية المركزه ممنوع عنها زيارة
ندي / أقسم بالله ويمين اتحاسب علية لو مسك جرالها حاجة لأكون رايحة مبلغة عن ابوك ومراتك
خطف منها امجد التلفون وبزعيق ممكن بقي ماسمعش صوتك وخليني اتكلم اتفضلي
صوته صحي الاولاد لوجين و فارس
جرت ندي علي فارس قبل بنتها و أعطته صدرها يرضع الاول و بعدين لوجين
دمعت عيون امجد من هول المنظر
ماجد/ الو الو رحتم فين بس يا امجد.الو
رد امجد بعيون مدمعة وصوت مخنوق وقص علي ماجد كل شيئ بالتفصيل لحد ما مسك خرجت من السريا و تهديد ابو لهم
قفل ماجد الخط و خبط بيده الاثنين علي راسه وجلس في الإرض يبكي كيف الاطفال و ينهنه
هند / بفزع ماجد ايه اللي حصل وقعت قلبي الله يكرمك في ايه ابن مسك مات صح علشان كده مسك دخلت في غيبوبة الواد مات قول
مروة انطق بقا يا ماجد ايه الي حصل الولد مات بجد قلبي حيقوف
رفع ماجد عينه في عين مروة حاولت مروة تقرأ نظرات ماجد وكلام مسك بيرن في اذنها حاولت تترجم نظراته مع كلام مسك عن والدها وبدأت تستشف الموضوع ونزلت الدموع من عينيها لا إرادي
مروة/ اوعا تقول إن بابا السبب اوعي تقولها أنهم اخدو ابنها و رموها اوعي يا ماجد لا متقولهاش أنهم قدروا يعملوا كده فيها
ماجد/ هز ماجد رأسه بابا و الشيطانه اللي أنا متجوزها السبب وقص عليم كل ما حدث مروة بقت تمشي زي مجنونه في ممرات المشفي تخبط علي رأسها وهند جلست مكانها في صمت تام ويوسف غير مصدق لما يحدث و عطر بقت تولوا علي حظ اختها
محمد قد حاب آخره وفار الدم في عروبة و تملكت منه العصيبة و الغضب اللي ابعد حد و قال وهو يخرج من المشفي بسرعة محدش يلومي علي حيحصل انا حرجع ابن مسك وشرفها
خرج يوسف و ماجد وراه بسرعه كي لا بتهور
ماسكه يوسف / ممكن تهدا علشان نعرف حتعمل ايه دلوقتي احنا في كذا مصيبة
ماجد/ يوسف عنده حق اهدي يا محمد علشان نعرف حتعمل ايه الفديو ده لو تنتشر محدش حيصدق أن بنت عمك مظلومة الناس في بلدنا بتحب الفضائح
محمد / بس مسك لسه ولده ومحدش حيصدق كلام فارغ ده عنها
يوسف / معلش يا محمد هو احنا لما بتشوف فيديو علي نت بنعرف ايه حالة صاحبة دلوقتي اهو فيديو بيتنشر وخلاص الناس ليها اللي شيفاه و احنا في مجتمع بيعشق الفضائح و متنساش إن مسك عندها ولد حيشيل و صمة اللي حصل العمر كله
ماجد/ و ابو فاطمة مراتي راجل قادر وايده طويله ممكن بخلي الفديو ده ينتشر باسرع من البرق وده مش في مصلحت مسك ولا ابنها دلوقتي
اهم حاجة نطمن علي مسك وابنها في حضن ندي متقلقوش عليه
و مع ظهور الشمس رن هاتف امجد وكان المتصل بيجاد
أمجد بصوت مخنوق ومش عارف يقوله ايه يقوله الحقيقة ويخسروا ابوهم كلهم للابد ولا يقول إن مسك ماتت
رد امجد علي بيجاد الو أيوة يا بيجاد
بيحاد/ في ايه يا امجد مسك من امبارح مش بترد عليا الواد جراله حاجة خير طمني ونبي عليهم
امجد/ لاء فارس بخير و نايم في حضن ندي
بيجاد/ وينام في حضن ندي ليه هي فين مسك يا امجد
امجد/ بدموع علي وشه البقاء لله يا بيحاد
قام بيجاد وقف وبصوت شبه الرعد ايه ااايه انت بتقول ايه مسك فين مراتي فين يا امجد مسك مين اللي ماتت انت بتقول ايه رد عليا
لم يقدر امجد أن يرد على اخية واغلق الخط و دموعة علي وجهه
بيجاد بقي يخبط راسه في الحيط يارب يارب مسك ماتت يارب لاء و بقي زي مجنون مش عرفة يعمل ايه
بيجاد مستحيل لا لا بيكدبوا مسك عايشة قلبي بيقولي عايشة مسك لو ماتت انا كنت اول واحد حيحس علشان روحي كانت راحت معاها لا بيكدبوا استحالة اااااه اااااااه يا مسك اااااه لا قلبي حيوقف استحالة تكون ماتت اه يا بنت قلبي وعمري اااه يامسك حرقتي قلبي عليكي يا حببتي
و عند امجد وندي
ندي/ بردو عملت اللي انت عاوز. يا امجد من انهاردة انسي أن انا مراتك انا حرمتك علي نفسي انت خلاص ما عدتش جوزي من هنا ورايح
امجد/ انتي مجنونه ايه اللي بتقوليه ده بس يا ندى بس متصعبهاش اكتر من كده
ندى/ تعرف أننا مشتركين معاهم في جريمة بتاعتهم بيحاد لما يعرف الحقيقة و حيعرفها في يوم من الأيام لا يمكن يسمحك ابدا و لمت شنطتها انا استحاله اقعد هنا دقيقة واخده اخاف علي نفسي معاك معدتش حاسة بالأمان هنا واخدت الطفلين وخرجت
جري وراها امجد بحرقة
امجد/ استني بس علي فين يا ندي استني
نزلت ندي قمة غضبها لقت محمود في وشها
محمود / علي فين العزم يا مرات ابني
ندي / بجمود رايحة بيت ابويا ارتاح يومين
محمود / وماله حقك بيت ابوكي وحقك تزورية في اي وقت بس بطولك لوحدك يعني
حضنت ندي الطفلين وقالت / مش فاهمة ازي بطولي
محمود / يعني حتخرجي من هنا زي ما دخلتي بطولك
ندي / وعيالي انا استحاله اسبهم هنا استحاله اخليهم يتعلموا الكره انا عاوزه اطلعهم بني ادمين مش وحوش
محمود/ والله محدش قالك سبيهم انتي اللي عاوزه تمشيى واحنا مش بنقعد حد عندنا غصب عنه
نظرت ندي لامجد الذي لا يقدر أن ينطق أمام ولدها واخدت الطفلين وطلعت مرة أخري علي فوق
نظر امجد لولاده نظرة قهر و ظلم
دخلت ندي الغرفه ووضعت الصغار علي سرير و أغلقت الباب
دخل امجد عليها وقال/ مش قلتلك بابا مش حا يسمح بكده انا عارفه
ردت ندي في غضب / امجد كل اللي بيني و بينك هي لوجين فا من فضلك بس علشان متنزلش من نظري اكتر من كده
وفي هذه. الأثناء استقل بيجاد اول طائره ونزل مصر
الكل عند مسك اتلخم في حالتها ونسوا اللي في البلد لقد كانت حالات مسك تسؤ كل يوم عن اليوم اللي قبله
والكل واقف في المستشفى لا يغادرها مع الدعاء المستمر بالشفاء
وصل بيجاد البلد ولاحظ لا يوجد اي علامات الحزن مما أثار الشك فيه
دخل بيجاد السريا وايضا لا يوجد علامات العزا
وقف يكلم نفسة هو في ايه بالظبط لا انا كده بدأت اتوغوش
وفي هذا الأثناء خرجت الدكتور يعلن عن توقف قلب مسك ووضعها تحت جهاز الصدمات الكهربائية
اتصل بيجاد بمحمد وفور فتح الخط صوتت عطر علي مسك بنواح شديد
جري عليها محمد دون أن يغلق الخط و سمع عطر وهي تولول بموت مسك
عطر / بتتنطط مسك مات مسك ماتت اختي مات يا ناااس اطيب قلب راحت ااااه يامسك اااه يا حرقت قلب اختك يا ختي
أغلق بيجاد التليفون دون الاستماع للمزيد فور خروج الدكتور يعلن عن اشتغال القلب مرة تانية مما زاد في هدوء عطر ولكنها فقدت الوعي انشغل الكل بعطر وتناسوا اتصال بيجاد
وعند بيجاد في سرايا دخل كانت اشجان جالسة ووضعه يدها علي خدها
بيجاد/ ماما فين مسك
رفعت اشجان عينيها ناحية الصوت وقالت/ بيجاد يا قلب امك تعالي يا حبيبي
دخل علية محمود و قد كشر عن أنيابه
محمد / انت ايه اللي خلاك تسيب شغلك وتنزل أنت عارف الشغل اللي انت سبته ده بكام
بيجاد/ نعم هو ده كل اللي يهمك شغل بكام انا مراتي ماتت
محمود / ما في داهية مطرح ما راحت ايه الجنازة حرا و الميت كلب في ايه ما هي غرات
في طلعت فاطمة من المطبخ بتغني بصوت عالي و بتضحك
وقف بيجاد مزبهل / وبصوت عالي هز أرجاء البيت انتم بجد مصدقين نفسكم بجد انتم بتحسوا زينا يعني انتم بني ادمين من لحم ودم عادي
وقف علي السلم فوق ندي وأمجد ينظرون بحسره
رفع بيجاد عينه لاعلي وقال ابني فين أوعو تكونوا سيبينو معاهم اوعي يا ندي
ندي/ ابنك عندي في حضني يا بيجاد
طلع بيجاد بسرعة وزق الباب ودخل فارس حته من مسك واخد لون و العيون
جلس بيجاد قرفصاء وهو ينظر في وجه فارس ودموع نازلة علي وشه مد ايده واخد فارس ودخل اوضة بتاعتة
نظر للاوضة بحسرة و دموعه لم تتوقف حضن ابنه بشدة ووضعة علي سرير وقام بجمع اغراضه واغراض مسك
لاحظ علامات غريبه وحرف مسك في كل شيء
واختفاء اشياء ذات معنى لا يفهما سوي مسك وبيجاد فقط
بداء الشك يلعب في دماغه ولكن اتصاله بعطر أكد موت مسك لا العقل ولا القلب مقتنعين بموت مسك
لاحظ اختفاء دهب مسك و الفلوس اللي كان سيبها و اختفاء بعض من الأوراق و كل أوراق مسك
بيجاد / لا كده في حاجة غلط المهم ابعد انا وابني عن هنا باي طريقة وبعدين اشوف ايه حكاية مسك بس اكون بعيد خالص عن هنا علشان ابني
ومع اول ضوء الفجر خبط علي ندي وعطها فارس ووصي. عليه
ذهب بيجاد رواح اضاف ابنه علي الباسبور و استعد للسفر وهو راجع فقد تليفونه دون أن يشعر أنه وقع منه
رجع بيجاد و اخد فارس والكل مازال نايم وترك البيت والبلد بأكملها
الثالث والثلاثون
٣٣
ومع اول ضوء الفجر خبط علي ندي وعطها فارس ووصي. عليه
ذهب بيجاد رواح اضاف ابنه علي الباسبور و استعد للسفر وهو راجع فقد تليفونه دون أن يشعر أنه وقع منه
رجع بيجاد و اخد فارس والكل مازال نايم وترك البيت والبلد بأكملها
وطول الطريق في الطائرة حاضن ابنه وكأنه يشمك راحة مسك فيه ودمعة قد فقد السيطرة عليها
وشريط ذكريات يمر امامة و ضحكتها و شقوتها
ولكن عقله غير مستوعب موتها
قال بيجاد في نفسة
بيحاد/ لا في حاجة غلط بتحصل منين ماتت و منين الإشارات اللي في الاوضة مسك سيبالي علامات انا بس اللي عارفها يا تري ايه اللي حصلك يابنت قلبي سامحيني يا مسك كان لازم ابعد علشان ابننا يتربي بعيد عن جو الكره اخاف علية لو سبته في وسطهم يطلع شيطان زيهم ابنك امانه يا حببتي وعد مني حافظ عليه يا حتة من قلبي اطمن علية وعلى مستقبله وانزل ادور علي حكايتك وغلاوتك في قلبي ما خليهم يتهموا لحظه
قلبي بيقولي انك عايشة و اللهي يا مسك انتي عايشه في قلبي عايشة جوابا العمر كله يا بنت قلبي وعمري وحياتي
وصل ماجد ومروة السريا وعلى وجههم علامات حزن ممزوجة بغضب شديد
دخل ماجد بكل ما يملكة من غضب وراءة مروة تقدم رجل و تأخرها خايفه من بطش والدها
نزلت فاطمة علي السلم وقالت بسخرية
فاطمة/. ياهلا يا هلا بالحبيب و الله ليكم واحشه لسه فاكر يا ماجد انك ليك ست وعيال تسال عنهم عارف انت بقتلك اد ايه ما جتش ولا اتصلت حتي تطمن على البنات
ماجد ببنظى لها نظرات كره ومازال صامت عن الكلام
ثم أكملت بسخرية واضحة
و اهلا بست البنات عروستنا القمر نورتي و شرفتي
مروة/ يقرف جرا ايه يا فاطمة انتي حترحبي بيا في بين ابويا و لا ايه ده بيتي يعني انا اللي ارحب بيكي هنا
فاطمة/ هههههههههههه لا يا قطة ده كان زمان قبل ما تفضحي ابوكي
مروة/ قطع لسانك انا اتجوزت مافضحتش ابويا و جوزي استلمتي من راجل مش من شارع ولا جوزني علشان صفقة ولا اني تخليص حق و مش طايق يبص في وشي جوزي بيحبني مش شبهك الكل ببكرهك
كل ده و ماجد صامت لا يتكلم و لكن الغضب سيطر علي كل تفكبره
قربت فاطمة منهم و بتتكلم بكل ثقة
فاطمة / وضحي كلامك يا مروة مين دي اللي متجوز تخليص حق مش فاهمة
مروة لسه حا تتكلم ولكنها شهقت من اللي حصل فجاءة رفع ماجد يده و بعزم ما في نزل على وجه فاطمة مما جعلها تفقد توازنها
صادف ننزول ندي من فوق
ندي/ يلمهل و لا يهمل تسلم ايدك يا ماجد راجل بجد.تسلم ايدك كمان مرة
قال يفرغون ايه فرعنك ملقتش حد يردني ومراتك و فاطمة اتفرعنت قوي كانت في جره وخرجت لبره
قامت فاطمة من الأرض وقالت بغضب.
فاطمة: / والله ما حعدهالك يا ماجد حوصل الموضوع لابويا و هو اللي حايقفلك ووريني بقا حتصد قدام ابويا ازاي
ماجد بكل ثقة /طظ يا فاطمة طظ كمان يا فاطمة مهما يعمل ابوكي مش حيوصل للاحتراف بتاعك ثم مسكها من شعرها
تموتي البت و تتهميها في شرفها و تاخدوا منها ابنها ايه الجبروت ده كله ايه ابيلس جنبك تلميذ جايبة الشر ده منين اقسم بالله انا خايف علي عيالي منك خايف تزرعي جواهم الكره ده كله
جاءت اشجان تجري علي صوت فاطمة وهي تصرخ من ماجد وهو ينزع شعرها بيده
دخلت اشجان لمحت مروة سابت فاطمة وجرت علي مروه
اشجان / بنتي حببتي وحشتيني موت يا قلب امك
حضنت مروة أمها و اترمت عليها وعينيها فيها كتير من الدموع
كل ده تحت صراخ فاطمة و مازل ماجد يشد شعرها بقوة
جاء محمود و امجد جري علي صوت صراخ
محمود / ممكن اعرف ايه اللي بيحصل هنا وايه صوات ده
ترك ماجد فاطمة وزقها وقعت علي الأرض
ماجد / ايه ابويا ايه يا حاج ياللي حاجيت بين الله ياللي كنت بتلمنا حوليك و توصينا علي بعض ايه اللي حصلك و خلاك كده .
في ايه يا ابويا في ايه انت كنت السند و الضهر لينا ليه تعمل فيما كلنا كده ليه تكسر قلب بيجاد بسكينة تلمة ليه يا ابويا تحرم طفل رضيع من لبن امه وحنانها ليه كل ده علشان الفلوس بنعل ابوها تحت رجليها ولا لحظة كسر واحد في عيون حد مننا يا ابويا انت كسرت جوانا كل مشاعر حلوة قولبنا بقت تنزف من البكا حرام عليك البت اللي مرمية في مستشفى بين حيا والموت دخلت في غيبوبة و يا عالم حتفوفة منها ولا ايه
اديني سبب واحد علي انت عملته وانا وعد مني حقف معاك بس اديني سبب مقنع مسك عملتلك ايه زمبها أن أبوها فقير ايه زمبها هي افهم
اوعي تكون فاكر لما توسخ شرفها انك بتوسخه لوحده لا انت بتوسخ معاه سمعة ابنك و تاريخ حفيدك اللي شايل اسمك مش سمعتها هي بس
محمود/ ايه علي اخر الزمن حتحسبوني اعمل ايه و معملش ايه لا فوقوا يا ولاد محمود انا لسة بصحتي
نطقت مروة / وانت يا بوبا مش خايف أهل جوزي يعملوا فيا زي ما عملت في مسك ما هي الدنيا كده تدين تدان وربك يمهل ولا يهمل
فاطمة/ في ايه كلكم حامين كده علي راي المثل الجنازة حارة و الميت كلب عاملين اماثل لبيت كلاف البهايم ولا كأنها بنت سلطان
ردت ندي بقهر/ بنت كلاف البهايم بس الضوفر اللي بطيره من رجليها برقبتك يا شيطان رجيم
فاطمة/ ما تفوقي لنفسك ياندي و اتعظي من اللي حصل لمسك و عيشي وربي بنتك
امجد/ ده علي اساس انها متجوز سوسن وانتي اللي بتتحكمي فيها لا يا فاطمة فوقي لنفسك اتعديتي حدودك اكتر من اللازم و كفايا بقا كده بجد الواحد مبقاش طابق يعيش في البيت ده انا كمان حاخد مراتي و انزل اعبش مع اخواتي
محمود/ خلصنا كلمة زياده في موضوع ده قدام بيجاد مش حيحصل كويس والكل حيمشي وانا بعمل كل ده لمين
ماجد / لنفسك يا ابويا بتعمل كل ده لنفسك علشان الناس تقول إن العمده بقي اكبر واحد في البلد مش علشان انت لو بتعمل علشان ما كنتش جوزتني فاطمة وانا مس بطقها ولا بحبها من اصله لكن انت صممت عليها ما همكش انت المهم الصفقات و الشغل اللي بينك وبين ابوها غير كده طظ
مروة / هو بيجاد هنا من امتي انا حطلع اشوفه
اشجان اه يا حبيب / وصل امبارح بليل متأخر وزمانه نايم
ندي ( هههههههههههه هههههههههههه هههههههههههه هههههههههههه هههههههههههه هو مين اللي نايم صحوا النوم اصحو بيجاد بح طار فوق في سما
مروة/ يعني ايه ياندي مش فاهمة
ندى/ بيجاد اخد فارس وسافر الفجر
خبطت اشجان علي صدرها يالهوي ابني سافر من غير ما احضنه ولا اودعه انا حتي ما شلتش حفيدي ولا شفته
ندي/ وخدو الكبيرة كمان بيجاد مش راجع تاني يا حاج محمود اه لا اتجوز بنت كلاف البهايم ولا بنت السلطان سبهالكم خضرا مختصره اشربوها بقا
ماجد/ سافر ازي قبل ما يعرف أن مراته عايشة م انا لازم أكلمه وافهمة كده ميرضيش ربنا ابن يتيتم وأمه عايشه
ندي / كان غيرك اشطر يا ماجد انا من الصبح بحاول و تليفونه مقفول.
مروة / ممكن يكون لسه في الطائرة موصلش
التفت محمود لمروه وقال بصوت حاد
محمود/ انتي ايه اللي دخلك هنا مش انا قلت اعتبرتك مايته ايه اللي جابك هنا تاني مش انتي اللي اخترتي
مروة / بحزن انا جيت علشان بيجاد غير كده ما كنتش حاتشوفني تاني انا لما صدقت خرخت من هنا
ندي / بقهر وهي تنظر لجوزها عقبالي يارب لما اخرج انا كمان من سجن ده ومش طايقه اعيش هنا
وصل بيجاد المانيا واستقر فيها
وبعد مرور أسبوع من وقت اللي حدث
و في المشفي بداء مسك تستعيد وعيها تدريجيا ببطيء
وفتحت عينيها وال كلمة نطقت بيها ف ا. ررس ب ب يجاادد اه
عطر/ مسك مسك انا عطر يا حببتي سمعاني يا قلب اختك
مسك /ب بيجااد ف ا رس. هماا ففف ي ن
عطر/ اهدي ياحبيبتي ابنك بخير وهو مع بيجاد متقلقش
ابتسمت مسك شبه ابتسامة. خفيفة فى سماعها أن فارس مع بيجاد
الرابع والثلاثون
مسك /ب بيجااد ف ا رس. هماا ففف ي ن
عطر/ اهدي ياحبيبتي ابنك بخير وهو مع بيجاد متقلقش
ابتسمت مسك شبه ابتسامة. خفيفة بعد سماعها أن فارس مع بيجاد
نظرت لها مسك نظرة استعطاف و استفهام
فهمت عطر أنها بتسال علي فارس ربطت علي رأسها تطمأنها وقالت لها في حنان شديد
عطر/ اطمني يا حببتي ابنك بخير. هو دلوقتي في أمن مكان هو في حضن بيجاد متقلقش علية
تعلقت عين مسك لعطر كأنها بتحلفها أنه صح فارس مع بيجاد
عطر فاهمت اختها وقالت واللهي العظيم ابنك مع بيجاد
نظرت لها مسك نظرات استفهام وقالت بصوت ضعيف متقطع
مسك /ف ي ن ب ي جاااد
عطر / سكتت مش عارفه ترد تقولها ايه نقذها من موقفها دخول مروة عليهم
دخلت مروة مبتسمة وقالت لها
مروة/ حمدالله على السلامه يا قمر كل ده علشان تعرفي غلاوتك عندنا و لا ايه يلا بقي يا ست مسك فوقي كده علشان تنوري وسطينا تاني
نظرت لها مسك نظرة استفهام ايضا وعينها تسال عن بيجاد
نظرت مروة لعطر ومش لاقين رد علي مسك
لاحظت مسك نظرات اللتي بنهم وشعرت أن في الأمر شيء مخفي
وعند بيجاد في المانيا احضر مربية لفارس لكي ترعاه وعقله شغال فيما حدث و كل همه يتواصل مع إخوانه علشان يعرف ايه اللي حصل مع مسك لأن عقله رافض تماما حكاية موتها المفجاءة
ومع مرور الأيام بدأت حالت مسك تتحسن وكل يوم سؤالها علي بيجاد وفارس يزيد و كالعاده لم تتلقي رد منهم
اللي أن تحسنت حالتها وخرجت من المشفي
بمساعده محمد زوج عطر
دخلت مسك البيت عند عطر وعينيها تبحث يمين ويسار علي ابنها و تنسط السمع يمكن تسمع صوته
قامت مسك واقفت وسالت عطر ومروة وهند
مسك ببطئ/ممكن بقا واحده فيكم تقولي بيجاد وفارس فين بقالي شهر بسال عنهم ومحدش راضي يجاوبني أو يرد عليا و كل الي بتعملوا تفضلوا تبصوا لبعض وبس
انا حاسة أن في حاجة انا مش عارفها
مروة/مسك اهدي كده شوية وتعالي حفهمك اية اللي حصل بس تعالي اقعدي هنا
فجاءة دق جرس الباب التفت كلا منهما وسألت مروة عطر
مروة /عطر انتي مستنية حد ولا ايه
عطر باستغراب / لا خالص مش عارفه يا تري مين انا حتي محمد راح علي شغلة و مش راجع دلوقتي حقوم افتح مين
قامت عطر فتحت اتفجاءة بندي وأمجد وعلي يده ابنتهما
دخلت ندي تجري تبحث عن مسك
ندي / بصوت عالي مسك انتي فين
التفت مسك اللي صوت ندي ابتسمت مسك
جرت ندي عليها تحتضنها وقالت والدموع تتساقط من عينها بغزارة
ندي / حمدالله على سلامتك وحقك عليا لاء حقك علينا كلنا
محدش فينا عرف يدافع عنك و يرد غيبتك كلنا اشتركنا في الجريمة دي محدش فينا بريء مش فاطمة بس اللي موتتك زنبك و زنب ابنك في رقبتنا كلنا ليوم الدين
محدش معصوم من ذنبك يا مسك
مسك التفتت تبحث عن عطر كي تفسر لها كلام ندي ولكن عطر لم تقدر علي مواجهة اختها بالحقيقة
قالت مسك / ندي انا مش فاهمة بصراحة هو فيه اي و ايه اللي بتتكلمي عنه و هو فين بيجاد وفارس اكيد بيجاد لما عرف اللي حصلي عاتب ولده صح ياندى بيجاد زعل عليا صح ندي اتكلمي انت لسة بردو مقلتيش فين بيجاد
.
قامت ندي وقفت و نظرت لمروة وعطر وقالت في عتاب
ندي/انتم لحد دلوقتي محدش قالها اللي حصل انا كنت فاكرة أنها عارفة علشان كده بتكلم معاها بعشم
قالت عطر بحزن / مقلناش ليها حاجة لسة يا ندي لسة طالعين من المستشفي ملحقتش اقعد معاها علشان افهمها ايه. الي حصل بالظبط
قطعت كلامهم مسك وقالت هو. ممكن حد يفهمني في ايه ويرد علي سؤالي هو فين ابني و بيجاد
قالت ندي وقد كانت اشجعهم
ندي / بصي يا مسك بيجاد اخد فارس و سافر بيه علي المانيا
مسك /ماشي وبعدين حيراجعوا امتي مش فاهمة وبيجاد ازاي يسافر وانا في الحاله دي
هو اكيد ميعرفش ان انا تعبانه استحالة بيجاد يعرف أن انا تعبانه و يسبني كده من غير ما يكون جنبي
امجد/لاء ما هو فعلا بيجاد ميعرفش انك تعبانه خالص
استعجبت مسك علي كلامه
مسك / يعني ايه بيجاد ما يعرفش أن انا تعبان بيجاد لو عرف مش حايسبني لحظة هو في ايه في حاجة بين السطور بحاول أقرها بس مش عارفة اجمع
عطر / بصوت مخنوق بيجاد ميعرفش انك عايشة اصلا يا مسك
بيجاد فاكرك انك ميته يا مسك قالوا إنك حاتلك حمي نفاس و موتي فيها
مسك /هههههههههههه لا متقولش أن بيحاد خالت عليه التمثيليه اللي عملوها وما حولش يتصل بيكم يتأكد
عطر/للاسف حاول يكلمنا لكن الظروف كلها جمعت علي انك ميته
مسك/ ازاي مش فاهمة وضحي يا عطر كلامك
عطر /بيحاد اتصل علشان يتأكد في الوقت اللي خرج دكتور وقال إن قلبك وقف ساعتها كلنا ما كناش حاسين بتعمل ايه فا بيجاد سمع الصوات و النواح ف اتاكد من موتك
ندي/ بيجاد كان كل همة فارس كان خايف عليه قوي من قاعده في سرايا وكان عنده شك في موضوع موتك
بيجاد اخد فارس هاجر المانيا وفقدوا الاتصال بيه محدش فينا عارف يتواصل معاه
مسك / بحسرة شديده لاء لاء اكيد بتهزرو صح ده مقلب علشان تختبرو صبري وتعروفوا معزتي عند بيجاد بس مقلب بايخ جدا
التفت مسك لهم تبحث في عينيهم عن اجابه لكل كلامها ولكنها لم تجد أي اجابه أو استفسار. كلهم كانو ببيصوا عليها بحزن وحسرة
مسك /ااايه بتبصوا عليا كده إليه ابني فين و بيجاد فين
امجد/ممكن تهدي شوية يا مسك انتي لسة خارجة من المستشفي والزعل وحش علشانك
مسك/ محدش ليه دعوة بصحتي انا روحي راحت مني ابني وجوزي مع بعض الصبر يارب اصبر
امجد/, احنا ما قدمناش حاجة غير نصبر لما هو يتصل بينا لكن احنا ما تعرفش له طريق اصبري يا مسك اصبري
خبطت مسك علي راسها يعني بيجاد فاكر ان انا ميته خلاص
بيجاد لازم يعرف سامعين لازم يعرف أن انا لسة عايشة ولازم يعرف أيوة وفاطمة عملت فيا ايه
اتصرفوا و شوفوا حتوصله له ازاي أن انا لسة عايشة ازاي
بكت بنت ندي علي يد ماجد
انتفضت مسك علي صوت بكاء وصدرها بداء يحن
دمعت عينها بشده
لاحظت ندي ما تشعر به مسك اخذت البنت من يد ماجد
واعطتها لمسك وقالت لها
ندي/انا مديونه ليكي يا مسك انا رضعت فارس لما كان قاعد معايا جه عليكي الدور علشان ترضعي لوجين
هما خلاص بقوا اخوات في الرضاعة رسمي يلا بقا علشان نثبتها من الناحيتين
ابتسمت مسك وبدأت تطعم الصغير من حليبها
وفي السريا
اشجان تنظر حولها السرايا فاضية عليها بعد ما كانت كلها حياه
اتحصرت اشجان و افتكرت شقاوة اولادها حوليها وازي محمود كان مضلل عليهم
مستغربة اشجان قوي من موقف جوزها وقد ايه أنه متغير جدا وكأنه اتبدل بشخص آخر. غيرة
قالت اشجان في نفسها انا شكه أن محمود مش طبيعي استحاله يعمل كل ده وهو في وعيه لا الحكايه كده ما يا تسكتش عليها محمود ما كنش بيستحمل الهوا علي أولاده ايه اللي حصل بس لتكون فاطمة عملتهله حاجة
تعملها بنت الابلسه و الله تعملها
دخلت فاطمة عليها و عنيها فيها فرحة أن البيت فضا عليها وأنها بقت ست البيت لوحدها
قالت فاطمة /ايه يا ماما تأكلي دلوقتي و لا نستنا
نظرت لها اشجان باحتقار وقالت لها حد الله بيني وبينك يا مرات ابني حسبي الله ونعم الوكيل فيكي زي ما فرقتي البيت كله عن بعضة منك لله يا فاطمة
فاطمة بغل / ولسة انتم ما شفتوش مني حاجة لسة ح فرجكم فاطمة حانعمل ايه
اشجان / انا بس نفسي اعرف حاجة واحده انتي بتعملي كده ليه مع أن من ساعة ما دخلتي هنا و كلنا كنا بنعملك واحده مننا
فاطمة/بحقد بعمل كده ولسة حعمل علشان بكرهكم كلكم عارفه يعني ايه بكرهكم انتم السبب في موت اغلي انسان علي قلبي انتم اللي موتوا الشخص الوحيد اللي قلبي دق ليه
اشجان /و احنا اية دخلنا بس وهو مين ده اللي مات أنا مش فاهماكي
فاطمة /انا قبل ما اتجوز ابنك كنت بحب واحد
و كنا مبسوطين صحيح كان علي قده بس الفقر في عيلتنا وصمة عار ابويا عمره ما سأل انا عاوزة ايه المهم هو يكون عاوز ايه
اتقدم ماجد علشان يتجوزني وكان بردو مش بيحبني و العمده هو اللي اثر عليه و غصب عليا هو كمان
رحت لابويا و ترجيته اتجوز اللي بحبه و قلتله انا مش بحب ماجد و مش حتجوز غير اللي قلبي اختاره
لكن المصالح بتتصالح وكان في شغل مشترك بين العمده و ابويا وكنت مجبره اكون كبش فداء من ساعتها حلفت أن ما حاخلي حد متهني في البيت ده زي ما فرحتي انكسرت لا زم الكل يتكسر
ثم قربت من اشجان وبصوت كله حقد تفتكري ابويا رد عليا وقالي ايه لما قلتله انا حتجوزة واعيش معاه علي قده
قالي بمنتهي القسوة انتي عاوزاني احط ايدي في ايد شغيل عندنا
انتي اكيد اتجننني أو جري لمخك حاجة يا فاطمة انتي بينت كبير البلد ازاي عقلك صورلك أن ممكن اوافق تتجوزي حد بالمستوي ده حب ايه وكلام فارغ ايه
وقالت فاطمة / و انا قلتلك بس انا مش حتجوز. غيرة
تعرفي عمل ايه يا حماتي قتله اه ابويا قتل اللي بحبه علشان فقير
وجات مسك و فكرتني بكل اللي حصل معايا هي فقيرة و بيجاد غني و أنهم صمموا واتجوزا و انا ما عرفتش اتجوز اللي بحبه علشان فقير. شريط ذكريات بقي يمشي قدامي كل ما اشوف مسك متهنية و مبسوطة وانا لاء بقا بنت كلاف البهايم تعيش مع اللي بتحبه و انا بنت أسياد البلد تتجوز غصب من واحد مش بطيقه حلفت بالله ما اخليها تتهنه ولسة لو سمعت أن بيجاد خيوصلها اقسم بالله لافضحها بالفيديو اللي معايا ووريني بقا ابنك المصون حيرفع راسه تاني ازاي
نظرت لها فاطمة نظره خوف وقالت لها انتي لا يمكن تكوني بني آدم زينا انتي اكيد شيطان اعوذ بالله منك ومن شرك يا شيخه ربنا يكفينا شرك
وعند بيجاد ليحاول يتواصل مع شركات اللي تبعهم علشان يعرف ارقام اخواته وفعلا عرف يبجبهم واتصل لماجد
الفصل الخامس والثلاثون
٣٥
نظرت لها اشجان نظره خوف وقالت لها انتي لا يمكن تكوني بني آدم زينا انتي اكيد شيطان اعوذ بالله منك ومن شرك يا شيخه ربنا يكفينا شرك حسبي الله ونعم الوكيل
انتي ازاي يتربي عيالك بتزرعي جواهم ايه
ايه كمية الكره اللي جواكي دي وليه تاخدي مسك بذنب اللي عمله فيكي ابوكي حرام عليكي اتقي الله انت ترضي حد ياخد منك عيالك ترضيها علي نفسك
فاطمة / وليه انا اعيش تعيسة و هي عندها كل حاجة اتجوزت اللي بتحبه وغني وحبها وغم ظروفها وانا بس لما فكرت اتجوز واحد أقل الكل واقف ضدي
وعند بيجاد بيحاول يتواصل مع شركات اللي تبعهم علشان يعرف ارقام اخواته وفعلا عرف يبجبهم واتصل لماجد
ماجد قاعد مع هند بيتكلموا علي حال اللي وصلت له مسك وكانت حالتها صعبة جدا صعبانه علي الاكل طول نهار قاعده لوحدها وكأنها فقدت النطق وشهيتها للحياه
ماجد/ و اللهي يا هند صعبانه عليا قوي بجد حالها يصعب على الكافر تتحرم من ابنها و زوجها في يوم واحد ايه الذنب اللي ارتكبته غلبانه دي
هند / بحزن شديد وعيون دامعتين اد ايه قطعت قلبي لما اخدت بنت ندي ترضعها بقت دموعها نزله علي وشها منظر يقطع القلب منها لله اللي كانت السبب حسبي الله ونعم الوكيل فيها
ماجد /خلاص يا هند استهدي بالله وان شاء الله تتحل من عند ربنا كله خير
تلفون امجد رن كان المتصل فاطمة
اتغير شكل امجد و اكفهر لونه ورد ببرد
الو خير عاوزة ايه مش لاقيه حد تاني تخربي عليه خير قولي اللي عندك بقا
فاطمة بغل / لتكون فاكر أنا بتصل علشان وحشتني ولا علشان سواد عيونك انا بتصل علشان تبلغ الشملوله مرات اخوك أن الڤديوا بتاعها عند ابويا منظر مني امر أنه ينشره قلها لو فكرت مجرد تفكير ترجع لبيجاد أو تسافرله أو أي حركة مش تمام مترجعش تعيط
ماجد/ انتي جنسك ايه يا ساتر متسبيها فحالها بقا يا شيخة واتقي الله بقا احنا عندنا بنات خافي عليهم يا فاطمة خافي علي بنانك ربنا يمهل ولا يهمل
فاطمة/ الفيديو في الحفظ والصون طول ما هي بعيده عن بيجاد بس لو عرفت أنها كلمت بيحاد لو بيجاد عرف انها عايشة أو حتي يا ماجد رجع اخدها معاه
تاني يوم كل مواقع التواصل الاجتماعي حيكون عليها فديو السندريلا بتاعتكم
و ما قلكش الفديو يجنن وهي بقميص النوم الاحمر واووو
حيجمع مشاهدات محصلتش احتمال يبقي ترند واللى ما يشتري يتفرج و ريني بقي ختعرفوا ترفعوا راسكم تاني في البلد ولا مع شركاءكم في الشغل ازاي
ماجد/ انتي ازاي كده بجد مستحملة نفسك ازاي انا بقرف من نفسي كل ما افتكر أن انا كنت عايش معاكي تحت سقف واحد انا نفسي افهم مسك عملتلك ايه علشان تدمريها بشكل ده ليه يا فاطمة اشمعنا مسك ولا علشان أهلها غلابه محدش حيقدر يقف معاها بس هي معاها اللي احسن من الكل هي معاها ربنا
فاطمة/ بسخرية مصتنعة أعصر علي نفسك لمونه يا خويا و انت ما تقرفش مني ولو عاوز تعرف انا بكره مسك كده ليه حقولك علشان بتفكرني بخبتي و فشلي
سلام يا ميجو و انا خلاص قلت اخر كلام وخالي بالك أنا مش بهدد انا بنفذ علي طول
اه صحيح بناتك بيسلموا عليك
قفل ماجد مع فاطمة والتفت لهند بوجة شديد الغضب
هند / هي عاوزه . ايه يا ماجد منك وايه اللي قالتوا ليك و خلاك تتعصب قوي كده و وشك ما يتفصرش خير يا حبيبي
ماجد/ بغضب شديد جدااا بجد دي بني آدم مريض مش طبيعيه خالص بجد مش طبيعية لا يمكن تكون زينا اعوذه بالله منها دي شيطان ماشي علي الارض شيطان هو في كده في كده انا لازم اخد بناتي منها قبل ما تسمم عقولهم بمرضها وتزرع جواهم الكره
هند / خلاص يا حبيبي اهدي بقي خلاص خلصنا منها
خلينا نفكر براحة حل نعمل ايه مع البنت الغلبانه دي الله وحده بس هو عالم بحالها
ماجد / بحرن انا لا يمكن اهدي غير بعد ما لم شمل بيجاد و مراته تاني و ابنهم يتربي وسطهم ربنا يقدرني و ألاقي حل
رن هاتف ماجد للمرة الثانية وكان المتصل بيجاد
هند / هي فاطمة بردو مش حا نخلص منها بقولك ايه
ما تردش عليها سبها ترن
ماجد/ مسك ماجد التليفون لا استني كده ده رقم غريب و شكله من برا ربنا بستر شكله بيجاد هو اللي بيتصل
.
ماجد / رد ماجد بخوف الوا مين معايا
بيجاد/ ايوا يا ماجد
قام ماجد وقف وقال في دهشة بيجاد انت فين و ابنك عامل ايه ايه يا بني كل ده ما تطمنتناش عليك ليه انت رحت ألمانيا و لا رحت فين وتليفونك مقفول ليه طمني بقا
بيجاد / بجدية ماجد انت ممكن تسبلي فرصة اتتكلم لو سمحت يعني انا اصلا بطلع الكلام بالعافية لا عندي طاقة ولا جهد ارد علي اي سؤال مش قادر بمعنى الكلمة
انا بس عاوز سؤال واحد و بعد كده مش حتكلم
ماجد/ بلع ريقة بصوت مسموع و كأنه عارف هو عاوز يسأل عن ايه خير يا اخويا عاوز اية
بيحاد/ هي كلمة واحده بس وغلاوة بناتك بتقول الحق كفايا اللي انا فيه انت اصلا لو تشوف شكلي اصعب عليك
نزلت دموع ماجد علي حال اخية بعد تفكير عميق و قبل ما بيجاد ان يسأله حسم الأمر و بقوة
قال ماجد عايشة يا بيجاد ما ممتش بس عيشة ميته مش ده اللي عاوز تسالني علية اه مسك عايشة و كلنا مذنبين علشان موقفناش معاها وسبت فاطمة و ابوك يلعبوا بينا كلنا و يخرصونا و فعلا قدروا ونجحوا
بيجاد / بدموع ولهفه في كلام مسك عايشة يا ماجد صح هي عايشة قولي و الله احلف بالله يا خويا أن مسك عايشة اقسم بالله كنت حاسس قلبي قالي انها عايشة ه
ماجد/ هون علي نفسك يا اخويا مراتك عايشة بس من غير روح حالتها تصعب علي اااكافر مسك عانت كتير
بيجاد بس في حاجة غريبة حصلت اليوم اللي رجعت في اتصلت بحمد علشان اساله عن مسك لأن قلبي ما كنش مصدق وانا بكلمة سمعت عطر بتصوت جامد و بتقول مسك ماتتش و صواتها كان جامد
ماجد/ لا مسك قلبها وقف يا بيجاد و حاولوا ينشطوا
نغزه جت في قلب بيجاد لما سمع بتوقف قلب مسك
بيجاد/ و هي عامله ايه يا ماجد طمن قلبي عليها ونبي حتجنن واخدها في حضني واطمنها
ماجد/ عايشة ميته اللي يفرقها عن الموتا نفس داخل وطالع بس غير كده لاء مش بتاكل ولا بتكلم حد من الاخر فقدت الرغبة في حياته
نزلت دموع بيجاد قهر علي بنت قلبه ونبضه حزين علي كل لحظة الم عاشتها حيتجنن و يضمها لحضنه يطبط علي جراحها بقلبه
امجد. / بيجاد تصل بيها ورد لها روحها مسك تستاهل تتحب
ثم تذكر ماجد شيء و قال مسرعا
لاء لاء بيجاد انت سامعني الو أيوة يا بيجاد
رفع بيجاد التليفون مره اخرى على أذنه
قال ماجد بلاش تتصل لمسك و تعرفها انك عرفت انها عائشة
بيحاد/ باستغراب ليه افهم هو ايه اللي حصل و ليه قالوا انها ماتت انا محتار ومش فاهم حاجة رسيني علي بر يا ماجد عملوا فيها ايه وصلوها لكده اكيد عملوا حاجة كبيرة الي يخلو مسك تسكت وتسيب ابنها بسهوله دي
ماجد/ علي ما سمعت من ندي مسك كانت متمسكة بابنها لابعد حد بس ابوك و سلطاته بقا الله يسامحهم
بيحاد / احكيلي كل حاجة بالتفصيل و ما تنسوش حرف من اول ما دخلت مسك تولد لحد ما سفرت برا
قص علية ماجد كل القصة من اولها اللي اخرها وقد ايه الظلم اللي اتعرضتله في غيابه وقد ايه عاشت قهر
لعن بيجاد اليوم اللي ساب مراته وسافر فيه
احمرت عين بيجاد من كثره الغضب و بلذات بعد ما سمع كلام فاطمة عن مسك وتهديدها لو عرفت أن مسك علي اتصال بيجاد
قال بيجاد / انا بقي اللي حا تجنن و اعرف فاطمة بتعمل مع مسك كده ليه
قطع ماجد كلامة الغيرة يا حبيبي بدمر وفاطمة كانت بتغير موت من مسك
بيجاد/ غيره ايه و زفت ايه الي يخليها تعمل كده و ابويا ايه اللي حصله عمره ما كان كده
ماجد/ هو ده اللي محيرني ابوك عمره ما كان كده في حاجة غلط مش طبيعي. بص يا بيجاد انا شاك في حاحة بس يارب بخيب ظني
بيجاد / باهتمام خير يا ماجد قلقتني في ايه ممكن يكون حصل الابوك خلاه بقي كده كأنه مغيب عن الوعي وحد بيحركة بخيوط
ماجد./ سيب انت موضوع ابوك دلوقتي لحد
ما تأكد منه شوف انت بس حا تعمل ايه مع مسك البت مدمرة بمعني الكلمة يا بيجاد حتسبها كده ولا حتعمل ايه وخالي بالك فاطمة ما بتهظرش و حتنفذ اللي قالت عليه
بيجاد / والله منا عارف يا ماجد الأمر بقي صعب و فاطمة مش بتهدد فاطمة بتتكلم جد انا لازم ابعد فترة عن مسك عاف انها حتكون صعبه بس علشان مصلحة مسك و فارس انا ممكن اضرهم من غير ما اعرف و فاطمة تنشر الفديو وتبقي فضيحة لفارس العمر كله
ماجد./ عندك حق بس مسك لازم تعرف انك عرفت انها عائشة دي حتتجن عليك يا بيجاد بعدك عنها وعن ابنها حيجننها بجد حالتها صعب قوي
عارف يا بيجاد لما بتمسك لوجين بنت امجد شكلها يقطع القلب بجد بتصعب عليا قوي مش بتسبها من حضنها
بيجاد/ شوية كده يا ماجد الموضوع يهدأ ولازم فاطمة. تقتنع بحزن مسك فلازم مسك تبقي طبيعية و ميبانش عليها انها علبة بس قولي هي مسك قاعده عند عطر لسةد
ماجد/ و انا هنا من ناحيتي ححاول اشوف الفديو ده فين واحاول امسحة لاء مسك دلوقتي قاعده مع ندي وأمجد شوبة علشان هي و ندي بيرضعوا لوجين
وعند مسك ماسكة من امبارح ايد لوجين وكأنها صنم لا يتحرك و مفتحة عينيها و باصة السقف بدون أن تتكلم
دخلت عليها ندي وقالت لها بعطف
ندى/ مسك كفايا بقا حزن لحد كده شوفي انتي ناوية علي ايه لازم ترسمي مستقبلك علشان تعرفي تكملي وعلشان اليوم اللي حيرجع فيه فارس يفتخر بأن امه عملت المستحيل علشان تكبر و يبقي هو فخور بيها
نزلت مسك عينيها من علي السقف وبصت لندي
مسك / تتفتكري يا ندي لسة فيا حيل اعمل حاجة خلاص انا انكسرت يا ندي مش حعرف اقوم تاني انتهيت
ندي/ لاء يا مسك لاء اوعي تشمتيهم فيكي الضربه اللي ما تموتش تصنع جبروت ولازم تكوني قوية و قدها وتثبتي الكل انك قويه و اوعي تبيني نفطة ضعفك لحد قومي من تاني حتي لو وقعتي تقومي وتقهري باسك دوري علي شغل و اشتغلي و اكبري اعملي شغل خاص بيكي .
مسك تفتكري حعرف اعيش من تاني
ندي / بتحدي اه حتعرفي تعيشي من تاني و حتوريهم انك ضد الكسر
الي إلقاء في حلقة قادمة من قلوب ارهقها نبضها ملكة القلم نرمين قدري
