 |
قلوب ارهقها نبضها
البارت السادس والثلاثين حتي البارت الاربعون
بقلم ترمين قدري
كامله على مدونة النجم المتوهج للروايات
٣٦البارت السادس والثلاثون
مسك تفتكري حعرف اعيش من تاني
ندي / بتحدي اه حتعرفي تعيشي من تاني و حتوريهم انك ضد الكسر قومي يا مسك مش واخده عليكي انك ضعيفة كده
و ريهم يا مسك أن الضربه مموتتكيش صنعت منك جبروت قوت قلبك
مسك / يارب اعرف يارب يا ندي ادعيلي يا ندى
ندي / بقوة لازم تعرفي مش بمزاجك علشان تعرفي تعيشي تعالي ندور علي شغل الاول نشوف تقدري تعملي ايه ولازم تنجحي يا مسك مش بمزاجك لازم تنجحي
مسك/ ياريت ياندي اقدر فارس و بيجاد وحشوني قوي بعدهم طول قوي
ندي/ ربنا أن شاء الله يقرب البعيد يا حببتي ويجمع شملكم من جديد يا حبيبتي
سافرت ندي و ماجد واخدو معاهم لوجين ورجعت مسك لبيت اختها مرة أخري
بدأت مسك تتأقلم مع الوضع وتبحث عن عمل وكل ده تحت عين بيجاد متابعها خطوه بخطوه وفر لها شغل محترم في بنك عن طريق اعلان في جريده عن وظائف خالية و كان الإعلان مقصد ليها بشهادتها و اشتغلت في أكبر بنوك اسكندريه
فلا بااااك
مسك /انا تعبت يا عطر من كتر ما يدور علي شغل بصراحة حاجة صعبه لو ما كنتش جايبة امتياز كانوا عملوا ايه بجد حاحة تزهق
عطر / بوهن شديد عندك حق يا مسك معلش اصبري اكيد حتلاقي اممم
انتبهت مسك أن عطر تعبانه
مسك /مالك يا عطر في ايه لونك مخطوف كده وشكلك مش علي بعضة انتي عيانه طايب حاسة بأية
عطر / مش عارفه يا مسك شكلي اخدت دور برد جامد معدتي وجعاني ومافيش حاجة بتثبت فيها
مسك عيونها لمعت وقلت بابتسامة
مسك /لتكوني حامل يا عطر دي اعراض حمل والله هي اعراضه
عطر التفتت لمسك ونظرت لها نظره عدم تصديق
عطر / لاء استحالة لاء لاء بصي يا مسك مش عاوزة اعشم نفسي علي فاضي علشان انا تعبت قوي كل شهر وانا بعشم نفسي
مسك / بس المرادي غير انا حاسة قوي انك حامل يا عطر ان شاء الله حامل يا قلب اختك من جوا
عطر سهمت وسرحت بعيد يا تري ايه احساس محمد قطعتها مسك وقلت بلهفة
مسك / انا نزله اجيب اختبار حمل و راجعه مش حتاخر عليكي
عطر /بلاش يا مسك انا خايفة بجد لا يكون مش حمل
مسك/ سمي الله كده وان شاء الله كله خير
نزلت مسك وجابت اختبار وفعلا دخلت عطر جربت
طلعت عطر وعلي وشها ابتسامة غريبة وعلامات عدم تصديق
مسك / بضحكة احلفي حصل صح حصل وكتاب الله شكلة حصل الف مبروووك يا حببتي
عطر / حصل يا مسك انا حامل مش مصدقة الف حمد وشكر ليك اللهم لك الحمد يارب
قطع كلامهم رنين جرس الباب
جرت مسك تفتح كانت مروة وهند
مروة كانت خلاص قربت تولد دخلت مروة وهند
هند/بنات ليكم عندي خبرين احلي من بعض
مسك/استحالة مش احلي من الخبر اللي عندنا
مروة الله لا شوقتوني قولوا بقا انا عماله اتحايل عليها طول طريق تقولي ايه اللي عندها مش راضية واهو مسك كمان عندها خبر يلا بقا عاوزين نفرح بقا انطقوااا
مسك /عطر حامل
هند / بصره انا كمان حامل
مروة الله مشاء الله يارب زيد ايه جمال ده
مسك/ طايب يا هند ده خبر فين التاني بقا
هند/ حظروا ايه ممكن يكون
مروة قولي بقا ما تبقيش رحمة بقا
هند خلاص خلاص حقول لقيت شغل لمسك
قامت مسك من مكانها انتفضت وقالت بلهفة
مسك احلفي بالله عليكي بجد يا هند لقيتي فعلا شغل ليا فين وايه
هند/ بصي كده الاعلان ده انا حاسيتك فية
وطبعا ماجد هو اللي بعت هند بلجريده
قرت مسك مطلوب موظف للشغل في بنك كبير بمرتب مغري للعمل مدير حسابات بشرط الحصول علي درخة الامتياز
مسك /معقول هو في كده ده اكنه متفصل عليا بس لاء استحالة يقبلوني يعني حيسيبوا ناس دي كلها و يختاروني انا لا لاء متعقلش خالص
عطر /روحي جربي يا مسك مش حتخصري حاجة علشان مترجعيش تندمي بعد كده
مسك ماشي ححرب بس ادعولي
و فعلا لبست مسك ملابس مرتبه و راحت وقبلت في الوظيفة وأصبحت مديرة الحسابات في اكبر بنوك اسكندريه.
باااااك
اشتغلت مسك بجد واجتهاد وثبتت نفسها في مجالها وأصبحت محبوبه من كل رؤساءها
ولدت مروة وجابت بنوته جميلة سمتها ملك وكانت فرحة مسك بيها مش سيعها كانت بتشوف ابنها في كل طفل بيتولد
وفي المستشفى وقفت مسك بجانب مروة لأن عطر و هند الحمل تاعبهم وبالأخص عطر كانت حامل في توام
مسك / حمدالله على السلامه يا رورو جبتي عروسة زي القمر مشاء الله عليها
مروة /ربنا يخليكي يا مسك انتي لو اختي شقيقة مش حتعملي اللي بتعمله معايا
مسك اتصدقي انا كده ازعل هو انا مش اختك يا مروة
مروة ربنا يعلم يا مسك انا بعتبرك اكتر من اخت
مسك بشحن /مافيش اخبار عن بيجاد يا مروة وحشني قوي قوي بجد خلاصة معدتش قادرة اصبر اكتر من كده بجد مش قادرة
قطع كلامهم خبط علي الباب ودخلت ندي تحمل لوجين
و فور أن لمحتها مسك جرت اخدت لوجين منها
مسك/بنتي حببتي وحشتيني وضمتها لحضنها
و كانت غافلة علي دخل وراها
رفعت عينيها علي صوت بيقول بسخرية
الله الله انتي زي القطط بقا بسبع ارواح أن قلت حتتكسري بعد اللي حصلك
رفعت مسك عينيها علي صاحبة الصوت وما كانت سوا فاطمة
أعطت مسك لوجين لندي والتفت لفاطمة
مسك وهي رافعة رأسها لفوق /و انكسر ليه انا اقوي من أن انكسر انا ضربتك قوتني مش كسرتني و لو قصدك علي بني هو في مكان احسن علي الاقل في حضن أبوة و ليتعلم في بلاد برا حعوز ايه اكتر من كده وانا شغاله في مركز كبير الحمد الله الرك علي مش ليعرفوا يفكوا الخط و لسة قاعدين زي ما هما ورا الجاموسه
ضحكت مروة هه هههههههههههه اه بطني يخربيت عقلك يا مسك اه
فاطمة/ بغيظ انتي متعرفيش أن انا ممكن بالفيديو اللي معايا ممكن افضحك علي النت
مسك /طظ بليه و اشربي مايته طظ يا فاطمة نزليه علي الاقل حبقي ترند واخد فلوس كمان ايه مش بتتفرجي علي التيك توك انا بقي حبقي نجمة التيك توك و اوهو كله قالع محدش حيفرق مين عن مين
وفجاءة انفتح الباب ودخل اشجان
اشجان / مسك مش معقوله ازيك يا حببتي
مسك / مسك ماما حمد الله على سلامتك ازيك وحشتني اخبارك ايه
اشجان تعالي في حضني يا حببتي انتي عاملة ايه حقك علينا معرفتش اقف جمبك حقك عليا يا بنتي
مسك / ولا يهمك يا امي الحمد لله على ربنا عاوزة هو اللي كان وانا صابرة ومحتسبة وان شاء الله خير من عند ربنا
اشجان ربنا يديكي اللي انتي عوزاه يا حببتي
التفت اشجان لمروة
اشجان / حمد الله على سلامتك يا قلب امك
مروة الله يسلمك يا امي
اشجان / فين عروستنا بقا عاوزة اشوفها
مروة دلوقتي حيجبوها بغيرواها هدومها
فاطمة/قربت من سرير حمد الله على سلامتك يا مروة عقبال عوده
مروة /تسلمي يا ام فرح عقبال ما تفرحي ببناتك
فاطمة/في حياتك يا مروة اصل الضنا غالي قوي علي القلب ولا ايه يا مسك يووووووو بنسي وانتي حتعرفي معزه الضنا منين الله يكون في عونك انتي حتي ملحقتيش ترضعيه ربنا يصبرك بقا
مسك وقد تحملت علي نفسها فوق المستطاع
مسك / حسبي الله ونعم الوكيل فيكي ربنا أن شاء الله حيقعد هولك يا فاطمة
التفت مسك لمروة
مسك بعصبية / مروة انا حنزل اقعد تحت في كافتريا لحد ما ضيوفك يمشوا
اشجان /انا مش ماشية يا مسك لو حابه يا حببتي تروحي ترتاحي انا حقعد معاها
مسك /لاء انا حستني تحت يا ماما ولو احتاجتي حاجة خلي مروة ترن عليا و لسة حاتخرج فتح الباب و دخلت هند و عطر
تنحت مسك وبصت لمروه وبرقوا لبعض
اتفاجاءت عطر و شها لون اول ما شافت مرة
دخلت هند بعشم مش معقول ماما اشجان ازيك
اشجان /ها اه يا بنتي ازيك
فاطمة / هو مافيش حد يعرفني علي السنيورة اللي عارفة العيله كلها و انا معرفهاش
التفت هند لصاحبة الصوت ولسة حتعرفها بنفسها
مسك /تعالي ياهند سلمي علي مروة و اعرفك دي فاطمة
التفت هند لفاطمة و بصتلها بدقة
هند / ااه و الله جد اهلا
فاطمة /بردو معرفتش مين سنيورة
فتح الباب ودخل ماجد و امجد ويوسف
..البارت السابع والثلاثون
مسك /تعالي ياهند سلمي علي مروة و اعرفك دي فاطمة
التفت هند لفاطمة و بصتلها بدقة وقرف
هند / ااه و الله جد اهلا مدام
فاطمة /بردو معرفتش مين سنيورة تكون مين و عرفاكم قوي كده ازاي
فتح الباب ودخل ماجد و امجد ويوسف
دخل ماجد و وقف مكانه ما بينطقش خالص و كأنه اتحول لتمثال
مسك /التفتت لمروة حمد الله على سلامتك يا قمر حبيبك كلهم حو ليكي استأذن انا بقا علشان النفس هنا بقا كتير و يهتف
ثم التفت لعطر و هند وقال لهم
مسك /بسرعة يلا يا بنات اتاخرنا يلا بسرعه
فاطمة/بصوت حاد بردو محدش عرفني مين الأستاذة
مسك / بقرف شيء ما يخصكيش اصلا مش لازم تعرفي كل حاجة يا ساتر
تحبي ابعتلك عنوانها تلبسيها مصيبة هيا كمان و بصتلها من فوق لتحت بقرف وسابتها ومشت ولكن رجعت يظهرها و شدتها من هدومها قدام الكل وقالت لها بعصبية وقرف
مسك /, اوعي تكوني فاكرة سكاتي عنك ده ضعف مني لا ابدا اقسم بالله أنا كافيلة بعشرة زيك و لو علي فيديو طظ مش فارق معايا بس انا عاملة حساب للناس اللي سمعتها حتروح معايا وأ ولهم ابني بس وغلاوة المرار اللي انتي عيشتهولي لامرر ايامك كلها يا فاطمة بس الصبر حلو افوقلك
وبصت ليهم كلهم وقالت بصوت عالي وزي ما فرحتكم عليا والكل سكت أنا كمان حفرجكم عليها و اياك حد يتكلم والايام دول و الدنيا سلف ودين وانا مش النوع الي بيسيب حقي واسألي عواطف كنت بعمل فيها ايه كل ده وهي شدها من هدومها وفجاءة شدتها بقوة جبتها علي الارض بحركه غير متوقعة
وقعت فاطمة علي الارض و هي بتصرخ من الالم الوقوع و المفجاءة و بصتلها بقرف و مشت
طلعت مسك من الاوضة وهي في قمة. غضبها و وش هند متغير لونه شي و كأنها إصابة بحاله فزع
عطر /صلو علي النبي يا جماعة و استعدوا بالله وتعالوا نشرب حاجة في أي حته خلينا نهدي
مسك / علية افضل الصلاة والسلام شوفتم بجاحتها بنت ال.. انا ما شوفت كده قبل كده هو في كده دي اللي تقتل القتيل و ما يرفلهاش جفن
عطر /وغلاوة اختك اهدي بقي كفياكي اعاصبك بقا
و عند فاطمة قامت وقفت و بكل حقد وغلاوة امي يا مسك الكلب لا ندمج علي اليوم اللي اتولدي فيه و حيات بناتي لتشوفي
والتفت ماجد اللي كان مش قادر يمسك نفسه من الضحك
و انت يا استاذ شايف مراتك بتضرب و تتهان من حتة خدامة وواقف تتفرج عليها ايه كان ناقص تصقفلها ولا ايه بس و رحمة امي ورحمة امي كمان مرة لحندمها علي اليوم ده
ماجد/ما خلصنا بقي يا فاطمة ده اقل حاجة مسك عملتها معاكي قصاد اللي انتي عملته فيها
فاطمة والله جد يعني اضرب واتهان و يتمسح بكرامتي الأرض و تقولي أقل واجب الله في سماه ما يحصل
مروة انهدي بقا يافاطمة انتي ما فيش حاجة بتهدك
يوسف /حببتي ارتاحي انتي علشان ما تتعبيش ثم التفت اللي فاطمة اظن ياجماعة احنا في مستشفي و الكلام ده ميصحش هنا احنا حولينا ناس مريضة
وانت يا ماجد خد مراتك و شوفوا اي مكان تتحاسبوا فيه بعيد عن هنا معلش يا ماجد متزعلش مني
فاطمة عندك حق يلا يا ماجد وديني البيت اللي انت قاعد فيه خلينا نتحاسب لوحدينا علي القديم والجديد مش كفيا ما بتجيش تشوف عيالك خالص و رمينا كده
نزل الكلام زي الصاعقة علي ماجد و كأنه مقلوب عليه مايه ساقعه
ماجد /بس انا قاعد مع صحابي في شقة واحده يعني ما ينفعش تقعدي معانا هناك
انتي مقولتيش ليه انك جايه كنت اجرتلك شقة تقعدي فيها
فاطمة/ ليه هو انا لازم اخد الاذن علشان اجي اشوفك و لا ايه في ايه يا ماجد طريقتك مش عحباني و شكلك كده مش علي بعضك خير في ايه
اشجان / ما بعد هالك بقي يا فاطمة ما تجببها لبر واسكتي شويه اعملي حتي اعتبار لجوزك
فاطمة /في ايه يا حماتي بتكلم أنا وجوزي بلاش كمان اتكلم معاه و لا حرام اتكلم
ماجد/ما توطي صوتك ده و اتكلمي باحترام مع الكل في ايه
فاطمة بصوت عالي /انا محترمة غصب عن الكل
ندي جابت اخرها و ما قدرتش تمسك نفسها
ندي بعصبية /ااايه ااايه في ايه محدش خالص مالي عينك شايطة في الكل متعرفيش
تسكتي شوية واخده كل واحد بالدور ايه محور الكون وعاوزة الدنيا تلف من حولك انتي حته فلاحة جاهله لا رحتي ولا جيتي جاية من ورا الجاموسه زي ما بيقولوا و عاوزة تعملي لنفسك اماثل لا بقا انزلي علي الارض وعيشي معانا شوية انتي اتفه من أن. حد يعملك اعتبار انتي ولا حاجة
امجد/اهدي يا ندي بقي علشان خاطر البتت اللي علي ايدك
وقت ندي ايده بعصبية و قالت و هي في قمة غضبها
ندي / انا بعمل كل ده علشان خاطر البت دي متتعرضش لظلم في يوم من الايام زي اللي مسك اتعرضتله و كلكم ساكتة حته واحده ملهاش قيمة متحكمة فيكم ليه انا نفسي افهم ليه ساكتم عن حق اخوكم ليه كسرتوا ليه
امجد/ علشان بابا يا ندي علشان صورة بابا قدام بيجاد انتي ناسية إن بابا مشترك معاها
ندي /لا مش ناسية زي منا مش ناسية إن في ام اتحرمت من ابنها انا مش عارفه قلوبكم دي ايه
يوسف معلش انا بعتذر منكم كلكم بس مروة تعبانه و عاوزة ترتاح ممكن تحلوا مشاكلكم بعيد عن هنا مروة سابتلكم الدنيا كلها و مشت
ماجد/عندك حق يا صاحبي و بنعتذر منك و بص لفاطمة اتفضلي قدامي يلا اخلصي
فاطمة ماشت معاها عنيها بتستحلف الكل و قالت في نفسها اللي راح قوم واللي جاي قوم تاني خالص استقبلوا بقا اللي جاي
أخدها ماجد وراح بيها كافية و قال لها بقرف
ماجد/ عاوزة ايه. يا فاطمة هاتي اخرك علشان انا معدتش خلاص عندي طاقة استحمل اي حاجة
فاطمة بغيط لا تشكر يا جوزي حقي انا حعرف اجيبه كويس قوي ولازم يعرفوا أن فاطمة ما بتهزرش و فرصتها و القبر
ماجد بدون اهتمام تهزري بقا ولا متهزريش انا قرفت
ثم التفت له وقالت
فاطمة/الاا صحيح هي مين البت اللي كانت مع مسك و اختها واضح انها عارفاكم كلهم و بتقول لمك يا ماما كله مين دي
ماجد /تغير لون وشه معرفش و انا اش عرفني بيها و انا كمان حعرف صحايهم انتي بقيتي لا تحتملي بتشكي حتى في صوابع ايدك يا ساتر
رن هاتفه وكانت رقم امجد
ماجد/أيوة يا امجد خير
امجد/ تعالي انا جبتلكم الشقة اللي كنت قاعد فيها انا وندي هاتها و تعالوا
التفت ليها ماجد اتفضلي يلا قومي امجد جبلنا شقه
فاطمة/ ودي لحق يجبها أمتي احنا لسة سيبنهم
ماجد/ دي شقته كان قاعد فيها هو ندي لما كانوا هنا
فاطمة/ وكمان عندهم شقة الله الله و لسة حانشوف العجب خليك انت محلك سر و الكل بيتحرك من حواليك و متنساش أن بيجاد عنده ولد يعني حيقش الجمل بما حمل
ماجد/ يا ساتر عليكي يا ساتر بومة اتفضلي قدامي بقا
ماشت فاطمة و عينيها كلها تفكير
وصلوا شقة بصت حوليها يعني مش قد كده كنت فاكرها احسن من كده بس القصد بقا اهو يومين بطول وعرض نقضيهم ونخلص
ماجد/أنا نازل اجيب اكل البيت بيتك
فاطمة/ امال ندي حتقعد فين اوعا تقول حاتيجي تقعد تقرفني هنا كمان بقا
ماجد لا اطمني ندي حتقعد عند مسك علشان لوجين. انا نازل بقا يا ساتر
نزل ماجد وأول حاجة عملها اتصل بهند
ماجد/طمنيني عنك يا حببتي انتي كويسة
هند/ اطمن يا حبيبي انا كويسة خليك في الي عندك انا مع مسك و عطر و ندي جيلنا متقلقش عليا
ماجد/ ربنا يخليكي ليا يا نور عنيا و يباركلي فيكي يا رب يا قلبي
هند/ ويخليك ليا يا حبيبي يلا بقا سلام وخالي بالك من نفسك ومن النونو يا قلبي
وصلت ندي عند مسك و هند و اول ما شافتهم انفجروا ضحك
ندي /يالهوي يا مسك لو تشوفي شكلها و هي متكومة علي الارض بجد مسخره ضحكت ضحك و لا ما تشوفيش وش ماجد و هو كاتم الضحك
بس خالي بالك دي سموية و مش حتسيب حقها خدي بالك بقا منها الفطره الجاية علشان فاطمة مش حتسكت
مسك /طظ بقا اعلي ما في خليها تركبه حتعمل فيا اكتر من كده خلاص معدتش عندي حاجة اخاف عليها
و عند فاطمة ماسكت التليفون
فاطمة بغل و حقد /الو أيوة يا يابا تقدر دلوقتي تعمل اللي انت عاوزه و خد راحتك وانتقم منهم زي ما انت عاوز
والدها/ انتي بتكلمي جد يا بت يعني اعمل اللي اتفقنا عليه فكري كويس يا فاطمة لأن بعد كده ما فيهاش رجعه المصيبة حاتكبر و خدي بالك انتي مش حتوقعي البت بنت كلاف البهايم لوحديها ده انتي حتوقعيهم كلتهم شغلهم حيضرر خالي بالك
فاطمة / وانا اعمل حساب ليهم ليه يا كش يولعوا في بعض المهم اشفي غليلي من بنت كلاف البهايم دي
والدها /تمام يا فاطمة اعتبريه حصل والبت فضحتها في كل حتة
قاعدت مسك و ندي و عطر يضحكوا و نسوا الوقت لحد ما امجد اتصل بندي
ندي /بغضب الوا يا ماجد نعم
ماجد/انتم فين يا ندي علشان أجلكم
ندي /احنا قاعدين في كافتريا علي بحر وانا حروح ايات مع هند علشان ما تقعدتش لوحدها
امجد/ ماشي يا هند
فجاءه صرخت مسك يا لهوي بالهوي بالهوي
عطر / قامت من مكانها مفزوعة و ندي سابت تليفون وجرت عليها والكل تنح قدام شاشة موبيل مسك
الثامن والثلاثون
فجاءه صرخت مسك يا لهوي بالهوي بالهوي
عطر / قامت من مكانها مفزوعة و ندي سابت تليفون وجرت عليها والكل تنح قدام شاشة موبيل مسك
ندي /ينهار اسود ينهار اسود وهو في كده استغفر الله العظيم استغفر الله العظيم حسبي الله ونعم الوكيل
عطر/ يالهوي اتفضحنا يا مسك اتفضحنا خلاص و محمد حنقوله ايه وجيران و اهلنا في البلد خلاص اتفضحنا وعملوا الفديو ده ازاي اصلا اللي يشوفه ميصدقش أنه مش انتي
امجد /الو الوا ندي في ايه عندكم بيحصل الو ردي عليا يا ندي بقا ايه صوات ده مسك مالها ايه اللي حصل
ندي / بفزع واضح امجد افتح النت بسرعة وشوف المحترمة مرات اخوك عملت ايه
امجد/, اوعي تقولي عملتها اوعي يا ندي تقولي عملتها
ندي / يارتها كانت نزلت الصور زي ما تصورت المصيبة أنها عامل فيديو كامل كأنهم كانوا مع بعض بجد و نزلته علي كل المواقع الي مش تمام مسك ضاعت خلاص
امجد / بنت الشياطين بس ده مش شغلها ده اكيد شغل ابوها اقفلي وخليكي جنب مسك اوعي تسبيها وانا ححاول اتصرف و اشوف يمكن اقدر امسحه
وفجاءة قامت مسك تجري بأقصي سرعة عندها وسابتهم
الكل بينادي عليها مش لحقنها وقفت تاكسي وعلي بيت ندي وفي طريقها نزلت اشترت شيء من صيدلية وركب التي التاكسي تاني
وصلت مسك وغضب الدنيا عميها
خبطتت علي الباب بكل كفوفها
فتحت فاطمة مفزوعة افتكرته ماجد المفجاءة شلت تفكرها و لسة حاتتكلم جابتها مسك من شعرها و قلعت جزمتها و قاعدته فوقها بكل غيظ و ضربتها علي راسها بالجزمة ضرب مبرح و خرجت من شنطتها ماكنه حلاقة اشترتها من صيدلية و حلقت شعرها كله زيرو تحت صراخ فاطمة. مش قادرة تتخلص من مسك
مسك / بغصبة يحرق بلد بقا انا استحملت القرف و الذل و البعد عن ابني علشان أحافظ عليه وعلي سمعت بيجاد و انتي تضيعي كل ده بضغطه علي زرار في موبايل
و غلاوة ابني ما حسيبك انتهت مسك من حلق شعر فاطمة كله مع دخول ماجد يجري علي صوت الصوات و هو لايعلم شيء ولكن منظر فاطمة و الدم نازل من راسها و شعرها متنطور في كل مكان
ماجد / يالهوي ايه اللي بيحصل هنا ده مسك اهدي بقا كفايا حتروح في ايدك
مسك /يارتها ياشيخ تغور و تريحنا منها ومن شرها
ماجد /بس بقا يا مسك بزياده خلاص كفايا كده
دخلوا التلات بنات مسرعين علي صوات
حطتت ندي اديها علي بوقها من هو المنظر وشكل فاطمة
قامت مسك من عليها وشغلت موبايل وصورتها بمنظرها ده
فاطمة رفعت راسها لقت شعرها كله جمبها قاعدت تصوت. وتلطم علي منظرها والدم نازل من راسها علي وشها
ماجد./ مسك ليه عملتي كده ليه يا مسك
مسك / بصوت قوي نعم يا ماجد خير هو ايه اللي ليه عاوز تعرف ليه افتح النت علي موبايلك وانت حتعرف ليه عاوز تعرف ليه شوف ابن اخوك اللي تحرم من حضن أمه و مكفهاش كده لاء كسرت نفسة العمر كله و ضيعت سمعة اخوك و ضيعني و ضيعت شرفي و شغلي و كرامتي ونفسي
عاوز تعرف تاني ليه ولا كفايا بس لو عاوز تعرف اعرفك يا ماجد
فجاءة رن تليفون ماجد وكان بيحاد اتشل مكانه مش عارف يعمل ايه
فتح التليفون مجبر
سمع صوت بيجاد بيزعق بهستريا
بيحاد / عملتها مراتك يا ماجد كسرت مسك تاني وغلاوة جرح مسك و شرفها و سمعتها و شرفي اللي راح ما حخليها تتهنا يوم
ماجد / بيجاد انت بتقول ايه مش فاهم
التفت مسك علي اسم بيجاد
وقالت بلهفة ده بيحاد صح اسمع صوته ونبي و شدت التليفون منه
ونطقت كلمة واحدهد
مسك بقهر شديد/ بيجاد
وقع قلب بيجاد منه و اذدات نبضات قلب بيجاد و بداء قلبها يرتعش عشقا لها
فهي تمس قلبه بمجرد نبره من صوتها
بيجاد ،/ مسك مسكي يا عشقي و نبضي
مسك / بيجاد انا بموت الحقني سمعتي راحت خلاص اياك تنزل مصر خالص أو تفكر تنزل فارس قوله إن انا خلاص مت قله امك ماتت اوعي تحكيلواو عني يا بيجاد بس قله أن انا كتب يحبه كان نفسي اضمة قوي لصدري يا بيجاد واشم حته رحته اوعي تنزله مصر تاني وغلاوة مسك عندك اوعي انزل مصر كفايا أن أعرف اخبار ابني منك و تبعتلي صورة اول باول ده كفايا عليا عندي ابعد عنه ولا يعيش بعاري العمر كله سامعني يا بيجاد اوعي تقوله أن انا عايشة
بيحاد / وغلاوتك يا نبض بيجاد لحتشوفي حعمل ايه في كل الي اذاكي لا حاخد بطارك منهم واحد واحد
أقوي يا مسك كده و انا حعمل المستحيل و امسح كل ده من علي مواقع.
مسك/سمعت قلتلك ايه يا بيجاد
و فجاءة سمعت مسك صوت بكاء ابنها
مسك/ و دموعها تجري علي وجهها ده صوته يا بيجاد قرب تليفون خاليني اسمع فتح بيجاد فيديو نزلت دموع مسك علي و شلال
تمعنت مسك النظر لابنها واشبعت عينيها منه وقالت بصوت مخنوق
مسك/ اتحكم عليك يا حبيبي تعيش يتيم الام وامك لسة عايشة يا قلب امك مقطع في قلبي يا حبيبي بجد قلبي واجعني عليك
ثم التفت لبيجاد اللي كان بيشبع منها وقالت بصوت قوي
بيحاد حلفت بالله اوعي تجيب فارس وتنزل فارس لو نزل حيفضل مكسور انا اللي بقولك اوعي تنزل
بيحاد طايب منا ممكن اخدك تيجي تعيش معانا هنا
مسك ويبقي عملنا ايه ما هي هي فارس لازم بعرف اني ميته اكرمله
قفلت الخط وانهارت في عياط و حوليها البنات بيواسوها
وبكل غل قامت فاطمة هجمت علي مسك و قاعدت تضرب فيها بغل شدها ماجد من عليها
وفجاءة وبدون مقدمات و بصوت رج اركان المكان
ماجد/فاطمة انتي طالق طالق طالق بتلاته
انصدمت فاطمة كانت غير متوقع أن ماجد يعمل كده اخر حاجة كانت متوقعا أن ماجد يطلقها
شد ماجد هند لحضنه تحت نظرات فاطمة. الغير مصدقه أن ماجد طلقها وكمان متجوز عليها ومراته حامل
ماجد / و اتفضلي يا فاطمة برا البيت حالا علي بيت ابوكي وبناتي انا حعرف اجبهم لحضني
فاطمة /ده بعيد عن شنبك يا ماجد انت تنسي انك خلفت مني بنات من اصله
ماجد/ هو انا اتجننت علشان اسيبلك البنات تسسمي أفكارهم وشدها من هدومها ورماها برا
فاطمة. انا في بلد غريب حرجع البلد ازاي يا ولد الأصول
ماجد./دي مشكلتك مش مشكلتي اللي تعرف تخطط وترسم و تهد حيات الناس مش حتغلب في بلد غريبة يا فاطمة انتي علاقتي بيكي انتهت اول ما رميت عليكي يمين طلاق
زقها وقفل الباب
عطر/مسك وانتي حتعملي ايه في الفضيحة دي
رفعت مسك أيدها من علي وشها والتفت ليها
مسك / خبطت علي رأسها ياديها الاتنين مش عارفه مش عارفه انا هاين عليا نفسي
حضنتها عطر لاء اوعي تقولي كده استغفري الله ده اختيار من ربنا وبلاء و احنا قدها انتي قدها يا مسك
مسك استغفر الله العظيم يارب سامحني مش قادرة ياااااارب اختيارك جامد عليا قوي خايفة ما اكونش قده الصبر من عندك يارب يارب
حضنتها عطر جامد
رن هاتف عطر وكان محمد
عطر/الوا ايوا يامحمد
محمد /بغضب عطر انتم فين وفين مسك
عطر/ اصل. احنا انا
محمد /اخلصي انا عرفت كل حاحة مسك فين
عطر /احنا عند في شقة ندي
محمد /انا جايلكم مين عندكم من رجاله
عطر /مافيش غير ماجد بس
محمد /ادهولي حالا
عطر مدت اديها بلنليفون لماجد
عطر/ ماجد محمد عاوز يكلمك
ماجد/ايوا يا محمد خير
محمد / هو عاد في خير ما خلاص بقولك ايه يا ماجد.اتصل با امجد و تعالي نقعد نشوف حا نحلها ازاي
ماجد/ ماشي يا محمد علي متوصل يكون امجد جه
وصل امجد مع محمد وكانوا في قمة الغضب
دخلوا كانت مسك منهارة بشده
محمد قرب من مسك و اخدها في حضنة و قال لها مش عاوز اشوف دمعة منك مسك بنت عمي واختي و صدقتي عاوزها ترفع راسها مافيش حاجة في الدنيا تكسرها فين مسك القوية اللي كانت بتقويني انا وعطر مسك اللي حاربت علشان تكمل تعلمها مسك اللي كانت بتقف قدام عواطف و تاخد حقها بالقوة
مسك / بحرقة وقهر قدروا عليا يا محمد و كسروني خلاص ما عندتش قادره ارفع راسي تاني ظهري اتكسر ولسة ابويا و مراته لما يعرفوا ولا شغلي حروح شغلي ازاي و حاسيبه بعد النجاح ده كله اللي حققته مش عارفه اعمل ايه حد فيكم يحلها من عنده حد يقولي اعمل ايه انا بجد بضيع بنهار حياتي خلصت اقسم بالله خلصت
امجد / قرب منهم وقال مسك يوسف. لسة مكلمني دلوقتي ليقول أنه كلم شرطة الانترنيت وعمل بلاغ و هو كمان عنده وسطه كبيرة. في داخليه كلمه و حكاله الموضوع كله وان شاء الله في ظرف كام يوم حيكون الفديو اتمسح خالص من النت و كمان حيعرفوا مين اللي عمل كده و ان شاء الله يمسكوا متقلقيش يا مرات الغالي بيحاد مش هنا بس احنا كلنا مكانه
روحت مسك مع عطر ومحمد وعلي وجهها علامات إلقهر ولكن ابتسمت فور تذكرها بيجاد وفارس وشكل فارس وهو بيعيط و صوته لسه بيرن في اذنها
دخلت مسك اوضتها و هي مشتاقة تشوف ابنها تاني ولسة ما كملتش لقت تليفونها بيرن نت ابتسمت
فتحت النت شافت بيجاد بيلصلها بشوق وحب
مسك /بيجاد انت عرفت حسابي ازاي
بيجاد/ يا بنت قلبي اللي بيحب بيعرف كل حاجة عن حبيبه ما بالك بقت بالعاشق الولهان في حبك انا بحبك قوي يا مسكي. كنت حا تجنن لما حاسيت انك بضيعي مني يا قلبي و يا نبضي
مسك / بحب و اشتياق حاسيت بأية لما عرفت أن انا مت
بيجاد / تصدقي لو قلتلك مزعلتش علشان قلبي كان رافض أنه يصدق وكل شوية شكي يزيد وخصوصا لما دخلت الاوضة و لقيت علامات انا وانتي بس اللي نفهمها حاسيت انك عاوزه توصلي رسالة بس كان كل همي ابعد فارس عن هنا خالص وبعدين ابقي انزل اشوف ايه حكايتك
لحد ما كلمت ماجد و حكالي كل حاجة حصلتلك يا بنت قلبي ونبض حبي بس وغلاتك لا اجبلك حقك وحيات كل دمعة نزلت منك يا مسك وحيات كل لحظة حزن عشتيها لاخليهم يقولوا أن الله حق وبرافوا عليكي علي عملتيه مع فاطمة تستاهل بنت ال...
مسك/ بشوف بيجاد انت واحشني قوي يا حبيبي بجد كل حاجة وحشتني فيك
بيجاد/ وانتي كمان يا مسكي وعشقي حضنك واحشني قوي و همسك و ريحتك كل حاجة فيكي
مسك /ااااه يا بيجاد لو تعرف انا محتجالك جمبي دلوقتي اد اية أنا حاسة أن الدنيا اضيف من خرم الابره في عيوني بجد بموت حرفيا حاسة أن مش عارفه اتنفس خالص
مرت الايام وبدأت مسك تسترجع نفسها شوية بشوية و بدا الفديو يختفي تدريجيا من النت وليس مطلقا مازل علي بعض المواقع
اتصل بيها ماجد وقلها بفرحة
ماجد/ مسك اخيرا وصلوا للعمل كده
مسك /بجد. يا ماجد مين فاطمة
ماجد/ فاطمة هي ليها يد في كده بس هي أضعف من كده دي بتفك الخط بالعافية
مسك /امال مين اللي عملها
ماجد/ابوها هو سبب كل البلاوي دي واخير اتقبض عليه واتسجن في داهية
مسك / الحمد لله ولسة ربنا حيوريني فيهم اكتر من كده ربنا يمهل و لا يهمل
ماجد/ انا كل اللي شاغلني بناتي مش عارف أحدهم من فاطمة لسة
مسك ربنا يرجعهم لحضنك أن شاء الله قريب يا ماجد انت قلبك طيب كفايا انك استحملتها كل السنين دي المفروض يعملولك تمثال علي قوة التحمل
ماجد /ماشي يا ام فارس الواد بيجاد بيكلمك
مسك اه الحمد لله و فارس مشاء الله عليه بيكبر كل يوم
وفجاءة سمعت صوات عطر بتولد
الفصل التاسع والثلاثون
ماجد /ماشي يا ام فارس الواد بيجاد بيكلمك ولا مقصر. معاكي قولي لي علشان أشد ودانه
مسك/ اه الحمد لله و فارس مشاء الله عليه بيكبر كل يوم حبه والحمد لله المربية واخده بالها منه كويس و بتحبة
ماجد/ ربنا يباركلك فيه يا مسك وتفرحي بيه ويقرب البعيد
مسك / ويباركلك في بناتك يا ماجد و يصلح الحال
ماجد./ خلاص خلصت يا مسك الحال مش حينفع يتصلح
خلاص انتهت
وفجاءة سمعت صوات عطر بتولد
مسك/ اده دي عطر استر يارب سلام دلوقتي يا ماجد حروح اشوف مالها لتكون حتولد ده معادها
ماجد./ماشي يا مسك بس ابقي طمتيني علي عطر
قفلت مسك الخط وجرت تشوف عطر بسرعة
مسك / بلهفة و قلق خير في ايه يا عطر مالك
عطر اللحقيني يا مسك حموت مش قادرة شكلي بولد ااااه فين محمد يا مسك مش قادرة اااه انا موت
مسك/ بعد شر عنك يا حببتي أن شاء الله تقومي بسلامة و ما حدش يربي عيالك غيرك و تفرحي بيهم أن شاء الله
عطر / اااه مش قادرة اتصلي بمحمد بموووووت ااااه يا مسك اللحقيني محمد فين محمد
جرت مسك علي تليفون مسرعة
مسك بخوف الو أيوة يا محمد انت فين
محمد / خير في ايه حصل يا مسك وآية صوت الصوات ده عطر مالها
مسك اللحقني يا محمد عطر بتولد وانا مش عارفه أو عمل ايه هي تعبانة قوي و انا لوحدي و خايفة
محمد/ مسك اتصلي بسرعة بالاسعاف وانا حاجلكم علي مستشفي مشواري بعيد علي ما اجي و نرجع علي المستشفي وقت كبير وهي تعبانة مش حاتستحمل
مسك/ تمام يا محمد. طايب اقفل انت و انا حبقي اطمنك عملت ايه
اتصلت مسك بالاسعاف و جهزت عطر و وصلوا المستشفى تحت صراخ عطر متواصل
مسكت عطر ايد مسك قبل ما تخش غرفة العمليات
عطر /مسك لو جرالي حاجة اللي في بطني امانه في رقبتك انتي اللي تربيهم و احكلهم عني يا مسك كتير و قوللهم أن انا حبتهم من قبل ما تشوفهم
مسك / بدموع بس بقي يا عطر هو انتي اول واحده تولد ولا ايه بطلي شغل دراما بتاعك ده سمي الله كده
جري محمد عليهم بسرعة و خوف
محمد / بلهفة و فزع ماسك ايد عطر كويس أن انا لا حقتك يا حببتي قبل ما تخشي. ربنا يقومك بسلامة يا حبيبتي انا قلبي معاكي
عطر / محمد خالي بالك من عيال ولو جرالي حاجة ادعيلي أو عا تنساني أو تتجوز حطلع عفريته انططك فاهم
مسك / عطر انتي في ايه ولا ايه بس
دخلت عطر أوضة العمليات و انتظارها مسك و محمد في الخارج و القلق مسيطر عليهم بشده
فجاءة مسك لمحت ماجد بيجري بخوف وقلق شديد واضح علية
مسك / ماجد ماجد وجرت عليه بسرعة
مسك / في ايه يا ماجد مالك ايه حصل و اية اللي جابك ووشك عامل كده ليه لونه مخطوف خالص
ماجد / هند هند يا مسك بتروح مني تعبانه قوي
مسك / بخضه في ايه مالها. حصل ايه يا ماجد
ماجد/ بتولد تحت بعد ما قفلت معاكي سمعتها بتصوت هي كمان تقوليش ظبطنها سوا
مسك /تمام ربنا يقومها بسلامة فين مشكلة عطر كمان بتولد يارب يقومهم بسلامة هي كمان
ماجد /بدموع هند بتموت مني نزفت كتير ومش قادرين يسيطروا علي نزيف يا مسك انا حموت لو جرلها حاجة ادعليها يا مسك ادعيلها و نبي انا اول مرة احس اني عاجز مش قادر اعمل حاجة مخي واقف خلاص
مسك /و انت ايه اللي خلاك تسبها دلوقتي لوحدها ليه
ماجد/ لا مامتها معاها وانا طالع اجبلها دم لأنها محتاجة نقل دم بسرعة
مسك و البيي اخبار ايه
ماجد /الحمد لله كويسة في حضانه دلوقتي
فضلت مسك علي حيرة بين الاطمئنان على هند و انتظار حروح عطر من غرفة العمليات
نزلت مسك بسرعة تطمن علي هند و كانت حاله ولدتها لا يرثي لها قربت مسك عليها
مسك /طنط ازيك ايه الاخبار عاملة طمنيني علي هند.
والدت هند / باستغراب مسك انتي ايه اللي جابك ومين اللي قالك أن هند بتولد يا حببتي
مسك/عطر فوق بتولد هي كمان و شوفت ماجد فوق وهو اللي قالي أن هند بتولد
ولدت هند / ربنا يقومهم بسلامة يارب يا بنتي
مسك /و هند عملة ايه دلوقتي طمنيني عليها
ولدت هند/ ادعلها يا مسك ادعلها بالله عليكي احسن حموت عليها بنتي بتروح مني يا مسك و مش عارفه اعملها حاجة
طبطبت مسك علي كتفها بحنان وقالت لها
مسك/ان شاء الله خير يا طنط ربنا حيقومها بسلامة
نزل ماجد ومعه اكياس الدم
ماجد / مسك عطر خرجت اطلعها بسرعة
مسك بجد و هي كويسة يا ماجد
ماجد اه الحمد لله اطلعي بس لتكون محتجالك وانا هنا جنب هند متقلقش
طلعت مسك لقت عطر خرجت وبدأت تفوق و محمد جانبها
دخلت مسك و علي و شها ابتسام
مسك /حمد الله على سلامتك يا قمر والف مبروووك العريس والعروسة
عطر/ انتي كنتي فين يا مسك لما طلعت ما كنتيش واقفة مع محمد رحتي فين
مسك اصل هند بتولد تحت هي كمان
عطر/ بتعب شديد بجد وهي عاملة ايه ولدت ولا لسة
مسك / الحمد لله كويسة اهتمي انتي بس بنفسك و التفت لمحمد ها مقلتش بقا حتسموا الاولاد ايه
محمد بص لعطر ومسك أيدها
محمد/ البنت عطر حتسميها اما بقي الباشا الصغير أنا اللي حا سمية احنا كنا متفقين علي كده
مسك/ أيوة بردو يعني اسمهم ايه ماقلتوش
عطر/ بصوت واطي متعب انا حاسمي البنت مسك
محمد/ وانا حا سمي الولد حمزة
التفت مسك لعطر و قالت لها بفرحه
مسك/ عطر انتي حا تسمي بنتك علي اسمي ياااه
عطر/ هو انا عندي اغلى من اسمك علشان اسمي بنتي عليه دي بنتك يا مسك كمان احنا أن شاء الله تكبرها سوا
مسك /ربنا يباركلك فيها يا حبيبتي و تفرحي بيها و يجعل حظها اجمل من حظنا
محمد/ حلو قوي. كده حمزة و مسك الله ربنا يبارك
ثم قال محمد مبتسما
عارفين انا شفت الأولاد البت حتة من مسك نفس العيون بلظبط ويارب تطلع نفس الروح بتاعتك يا مسك
مسك ربنا يخليلك و يجعل نصبها في الطيب
ثم التفت اللي عطر وقالت لها
مسك / عطر انا اطمنت عليكي حنزل اطمن علي هند شوية واطلع
عطر ماشي يا قلبي و ابقي طمتيني عليها يا مسك
مسك و هي خارجه حاضر يا عطر
نزلت مسك لقت ماجد قاعد حاطت ايده علي راسه ولم ينطق و ولدت هند دموعا سبقتها
مسك بخضه في ايه ايه حصل هند كويسة حد ينطق هند جرلها حاخة تتكلموا
ولدت هند / ادعلها يا مسك دكتور طلع وقال لو مقدرتش يسيطروا علي نزيف حيصتءصلوا الرحم ااااه يا بنتي
مسك/ ان شاء الله خير ان شاء اذكرو الله و ادعولها هي محتاجة دعواتك دلوقتي احنا مافيش في ايدينا غير دعاء وان شاء الله ربنا كريم أن شاء الله
قاعدت مسك جامب ماجد وقلبها من القلق يكادو يقف
وبعد مده كم الزمن خرج الطبيب وعلي وجه ابتسامة رضا
الدكتور / الحمد الله ربنا كرمكم و قدرنا تسيطر على نزيف حمد الله على سلامتها وسلامة العروسة الصغنونه
ماجد \ الخمد لله الحمد لله يارب يا ما انت كريم يارب
مسك/ حضنت ولدت هند الف حمدالله على سلامتها الحمد لله
مر اسبوع علي ولدتهم و الحمد أصبحو بصحة جيده
مسك \ احنا عاوزين نفرح بقا عاوزين نعمل سبوع كده
كفابا مروة كسروا فرحتها و ما عرفتش تعمل سبوع
ماجد / اتصدقي بالله يا مسك انا كنت لسه بفكر في كده ايه رايكم نعمل سبوع مجمع
مسك الله عليك يا ماجد هو ده الكلام و انا ليكم عليا اعمالكم حته سبوع ما حصلش ولا عمرة حا يحصل
رن تليفونها عينيها لمعت من فرحة
ماجد اااه شكله الواد بيجاد جه في وقته هاتي بقا اكلمة احسن واحشني
مسك يا دمك التقيل ما هو لو كان عاوزك كان اتصل بيك انت
محمد/ اجري ردي احسن يزهق و يقفل و متلاقيش حد يكلمك بعد كده
مسك \ اه شكلكم استلمتوني اخلص مكانا و ارجعلكم
جرت مسك علي الاوضة وفتحت الاتصال
بيجاد مسك غمضي عينك عاوز افرجك علي حاجة
مسك /في ايه يا بيجاد قول بقي
بيجاد/ لا مش حاقول غير ما تغمضي عينك الاول
مسك /ماشي يا عم بيجو لما نشوف اخرتها معاك
غمضت مسك عينها وسمعت صوت بيجاد فتحي يا قلب بيجو
فتحت مسك عينها وشهقت بفرحة فارس طلع اول سنه ليه
دمعت عيون مسك من الفرحة ابنها طلع اول سنة قد ايه كان نفسها تكون معاه وهو ليعمل كل اول خطوة في حياته
بيجاد /مسك اوعي تعيطي يا حببتي اوعي أن شاء الله كل حاخة حتتصلح
مسك/ مافيش حاجة حتتصلح يا بيجاد اوعي تجيب فارس و تيجي اوعي علشان مصلحته احنا بنحارب علشان مصلحة ابننا لازم يتربي بعيد عن هنا اوعدني يا بيجاد/ انا كفايا عليا قوي اطمن عليه من بعيد وطول ما هو كويس انا كويسة انا كمان
بيحاد/ مسك هو انا قلتلك أن بحبك و بعشقك
مسك / لا خالص بقا طايب هو انا قلتلك انك نبضي
بيجاد /بحبك قوي يا مسك ربنا يباركلي فيكي يا حبيبتي
مسك روح بقا علشان قاعدين بنحضر علشان حنعمل سبوع جماعي أن شاء الله
بيحاد /اوعي تنسي تعملي لفارس هو كمان متعملهوس سبوع
مسك/ الله بحد أنا حعمله احلي واجمل سبىع ده فارس باشا
بيحاد وصلي تليفون لماجد عاوز. اكلم معاه
مسك / حاضر. من عيوني يا حبيبي
خرجت مسك وهي تحمل مويلل و وشا احمر
مسك وهي بتمد ايدها ماجد خد إيجاد عاوزك
بيجاد ميجو مبروك ما حالك يا حبيبي ربنا يباركلك فيها و حمد الله على سلامت مراتك هو اسم عروسة ايه
ماجد / سمتها نور علشان تبقي النور اللي ينور عتمتنا
بيحاد ربنا يباركلك فيها و تخويها المهم يا ميجو اعملو حساب فارس باشا معاكم في السبوع هو كمان.
ماجد يا سلام الأستاذ فارس هو عريس السبوع
قفل ماجد مع بيجاد وبدأو في تحضير السبوع
نزلت ندي و مسك اشتروا كل حاجات و مستلزمات السبوع
. الاربعون
قفل ماجد مع بيجاد وبدأو في تحضير السبوع
نزلت ندي و مسك اشتروا كل حاجات و مستلزمات السبوع
الحمص و المغات و الالعاب والتحف والشمع و كل ما يلزم السبوع من اداوت
وبعد اسبوع الكل متجمع في بيت عطر نظرا لظروفها أنها معاها تواؤم
بحضرو اسبوع الجماعي و الكل بيشتغل بحب و ضحك من القلب
الكل مشغول في لف الحمص و المكسرات
مروة / بصوا بقا انا بنوتي عاوزة كل حمص بتاعها علشكل بروبانزل مليش دعوة
هند / يا سلام ياختي منا كمان معايا بنت انا حعمل حاجتها علي سندريلا
عطر / اجري منك ليها انا اللي اقش انا حعمل حاجة مختلفة خالص عنكم
نظرت ندي لمسك و عينيها دمعت علي حالها
كل ده و مسك قاعده. وسطهم وقلبها بيتقطع علي فراق ابنها ولكن علي وجهها ابتسامة رضا و لكن قلبها بيبكي من الداخل
دخل ماجد عليهم ما عادته بدوشته و خفة دنة وفي أيده مليانه اكياس
ماجد. /يا اهل الدار انا جيب و جعان حتاكلوني ولا الف وارجع تاني بالكياس اللي معايا اعملها عارفني مجنون
محمد / بضحك اهلا فيلسوف زمانك مش حاسس انك جاي بدري شوية ايه يا ماجد التأخير ده انا قايلك بنفسي متااخرش ورانا شغل كتير
ماجد. /حنبدا غلط بقي والله اخد كياس اللي جايبها وامشي و مش حتشوفوا مني حاجة
امجد /بتحلمي طبعا هو دخلوا حمام زي خروج تعالي فرجني جبت ايه اصل انا عارف زوقك شبهك
فتح امجد كياس واتفاجاء من جمال الحاجة
امجد./بجد ماجد مشاء الله انت كلفت نفسك قوي أنت جايب كل علب الحمص فاضيات بجد ليه يا بنى تكلفة دي
ماجد /عيب عليك يا امجد احنا عندنا كام فارس بيجاد يلا خلي الفرح يخش بتنا بقي شبعنا حزن حد يشغل اغاني عاوز اهيص بقي
التفت مسك علي الاسم فارس وقامت تتفرج على حاجة
مسك / ماجد انت قلت الحاجة دي لفارس صح
ماجد./ طبعا فارس حاجته مختلفة كلها فضيات اصلي ده فارس باشا ولا اية
أدمعت عيون مسك لا إرادي عنها وهي تنظر الحاجة
ماجد./ مسك حاخد الحاجة وامشي لو عيطي انا سايب ساعة رهن لسة مافعتش حقها
امجد /بضحك هههههههههههه حتفضل طول عمرك عيل يا
اخويا الكبير مش حاتعقل بقا
ماجد / واللي عقلوا اخدوا ايه و الله انا اللي مخوفني اني اكبر اني ابطل هزار انا لما صدقت لقيت نفسي و نسيت القرف اللي كنت عايشة ربنا اكرمني بحبيبت قلبي هند وبعتلها بوسه علي الهوا
دخلت مروة عليهم وشافت الحاجات
مروة /الله الله تحفة فضيات دي يا ماجد بجد زوقك جامد. جدا روعة قوي اول مرة تجيب حاجة زوقها عالي شكل البت هند صنعت معجزات معاك
ماجد. / يووو شبه اخوكي يا مفعوصة بقيتوا شبه بعض انا حطير حروح أجيب امك من محطة القطر علشان تحضر السبوع معانا
مروة / و بابا برده لسه مش موافق صح أنه يجي يحضر
ماجد / مرضيش يجي معاها مع انها اتحايلت عليه قوي بس انتي عارفة ابوكي لما يصمم علي حاجة يلا السلامة. بقا
حمشي انا علشان متاخرش عليها اشتغوا كلكم خلينا نخلص
خرج ماجد متوجه علي محطة القطر
الكل جالس علي سفره شغال بجد ونشاط
قامت عطر دخلت المطبخ دخل وراها محمد يتسحب
شد محمد عطر اللي صدره فجاءة خضها من المفجاءة هو قمر. بيطلع بنهار انتي احلوتي كده ليه يا عطري و اخد شفايها في قبله طويله انفصلوا بيها عن عالم
فاقوا علي صوت سماح مسك ومروة
عطر / مش تكحوا ولا تعملوا منظر في حد يخش كده ينسحب
مسك/ نخش فين يا موكوسة ده مطبخ مش اوضة نوم يا شموله
مروة /بقا احنا طالع بوزنا برا وعمالين ننفخ في باللونات لما اتنفختا وانتم هنا نزلين حب في بعض هنا ياختي
مسك / اتفضلوا اخرجوا ساعدونا تعبنا وكفايا نحنحة بقي منك ليها
محمد /يابوي عليكي يا مسك فصلان الواحد ميعرفش يقول كلمتين حلوين لمراته حببتيه ام عياله ولا ايه
مسك /يلا بقي تعالو مافيش وقت.حماتي علي وصول و احنا لسة ورانا شغل
خرجت مسك والتفت وقالت
مسك / امجد صحيح حجزت القاعة اللي حنعمل فيها السبوع ولا لسة
امجد/ اه يا مسك لسة قافل مع يوسف وأكد الحجز خلاص
مسك / تمام الله ينور عليكم حروح اكمل شغل
وأثناء الشغل اتصل عليها بيجاد
اخدت مسك تليفون ودخلت جوا
بيجاد/ الو أيوة يا قلب وعقل وكيان بيجاد وحشتيني يا حبيبتي وحشتيني قوي قوي وحشني حضنك و ريحته
مسك / بس بقا يا بيجو بتكسف والله
بيجاد/ طمنيني عليكي يا حبيبتي الواد ماجد جاب ايه لسبوع فارس باشا
مسك / واوو. بجد يا بيجو ماجد جاب لفارس شوية حاجات تهبل والأجمل أنها مختلفة عن الباقي بصراحة حاجة محترم.
بيجاد / طبعا لازم تكون مختلفه ده فارس الباشا فارس هو زي اي حد كده
مسك / هو فين مش سامعه صوته بتضرب مسك عينها لقيته بداء يحبي علي الارض
مسك بيجاد هو بداء يحبي الله مشاء الله تبارك الله
سمعت مسك صوت مروة وندي بينادوا عليها
مسك يلا بقي سلام البنات مش حييطبوا ينادو عليا رخمين قوي
بيجاد./ بغمزة من عينه سيبك منهم وخليكي معايا شوية ملحقتش اشبع منك انتي وحشاني قوي
مسك / ياريت يا حبيبي بس بجد روانا شغل كتير
بيجاد/ ماشي سماح المرادي بس اعملي حسابك يا قلبي من جوا يا قلب بيجاد من جوا المرة الجاية مش حاسيبك روحي بقا شوفي بتعملي ايه احسن تلاقيهم فوق راسك دلوقتي
طلعت مسك وعلي وشها ابتسامة حلوة
ندي الله الله كل واحده تخش قوضة تطلع هيمانه علي نفسها قوي كده اوعدنا يارب لما نخش نطلع كده
مسك / كوبا بقا يا ندي لما صدقت أن بيجاد في حضني
وبليل اتجمع الكل علي حب و موده والكل نسي الزعل والقسوة وكأن المواليد الجديد ه بشرة خير وامل الكل العيله
وصلت اشجان مع ماجد اللي بيت عطر
دخلت اشجان وعلي و شها ابتسامة رضا
اشجان/ بسم الله مشاء الله ربنا يزيد و يبارك ايه الجمال ده يا ولاد بصراحه عاملين حاجات فوق الوصف جميلة قوي
قام محمد وقفت و بكل شجاعة
محمد /. بااس ممكن لاحظة يا جماعة اولا انتم شرفتوني في بيتي المتواضع واحب تشكركم كلكم علي تعبكم علشان يطلع سبوع بشكل ده لان ده سبوع اولادنا كلهم ولازم نعلمهم انهم كلهم ايد واحدة مايفرقوش بعض ولا فلوس و الزوجة تفرقهم عن بعض ده بس
و حابب اقول حاحة لاجمل حاجة حصلتلي ححببت قلبي وعمري ونور وعطري في دنيا طريقي احب اقولها
بحبببك يا عطر قلبي وعمري كله
ابتسمت عطر خجلا من كلام.
مروة قربت من امها وبصوت منخفض
مروة / ماما بابا بردو مغيرش رأية ويجي يفرح بينا ويشوف اولادنا
اشجان يعني انتي تايه عن ابوكي ودماغة
امجد./ بس خالي بالكم ابوكم مش في حالته الطبيعية وبكره تقولوا امجد قال
ماجد / طبيعي ده ملحوظ جدا و انا حفضل ورا الموضوع ده مش حتسكت بجد بابا مش طبيعي خالص
اشجان حسبي الله ونعم الوكيل في اللي كان السبب
التفت لها مروة/ ماما انتي عارفه ايه اللي في بابا وساكته صح
اشجان / طبعا من ساعة ما بداء يتغير بس مقدرش اتكلم
ماجد/ في ايه فاهمينا طايب علشان لو في علاج نلحق
اشجان من الاخر ابوكم ماعملو عمل
مروة / ايه يا ماما كلام ده طبعا لا مافيش حاجه كده طبعا
اشجان بس يا مروة انتي متعرفيش حاجة
امجد/ وتفتكري مين يكون اللي عملها
اشجان / سؤالك غريب يا ماجد معروفه طبعا
ماجد / اكيد الشيطان اللي كنت متجوزها مافيش غيرها
قامت اشجان يحصره ودخلت كلمت محمود
اشجان / الو يا محمود ايه مش مشتاق لاحفادك قلبك لسه محنش تشوفهم
محمود/ اشجان متدخليش نفسك احسلك
انتظروني في حلقة قادمة من قلوب ارهقها نبضها
