 |
خادمة_الصقر
بقلم/ يوستينا سامي 🙏💥
البارت التالت حتي البارت السابع
كامله على مدونة النجم المتوهج للروايات
بارت 3
في فيلا
الحرس / عايزه تقابل مين صقر الحديدي كده حاف يا بنتي انت عارفه انت جايه تقابلي مين
ده اسمه صقر باشا
نغم/ اللهم طولك يا روح طيب ممكن اقابل صقر باشا حديدي بيه في موضوع مهم .. ها حلو كدة يا عن الحج
الحرس فضلوا يضحكوا جامد / واضح بقى ان دم'ك خفيف بس نصيحه مني ما تهزريش معاه عشان هو ما بيحبش استظراف
نغم / شكرا يا اخويا علي النصيحة لكن
من غير ما تقولي هو باين عليه ان دمه ثقيل وبعدين يلا بقى خش قوله ان نغم عايزة تقابله
الحرس بضحك / ده لو وافق اصلا انك تدخلي الفيلا .
توضيح 💥💥
مين هو صقر الحديدي ؟ .. ده رجل اعمال كبير عنده تقريبا 32 سنه مراته متو'فيه وعند ولد اسمه معاذ
اما نغم فهي :- عندها 23 سنه متخرجه من كليه تجاره وشخصيه بتحب الحياه والفكاهه
باقي الابطال هنعرفهم بالتدريج 🍀💜
____________________________________________
صقر كان قاعد في مكتبه هو و كريم بيشتغلوا .
كريم / لا ما هو انت اكيد يعني لازم تسافر الصعيد حتى لو خالد موجود هناك ، صقر جدك هيضايق قوي لو انت ما سافرتش ما تنساش انك انت حفيده البكري .
صقر / يا كريم باقولك مش قادر اشوف خالد
واديك شايف معاذ لسه متعلق به قوي وبيعاقبني ان هو خرج من حياتنا وما يعرفش اللي هو كان عايز يعمله فيا .
كريم بحزن/ حاول تنسى خالد بكل اللي عمله صقر صدقيني ...
و فجاه الدادة دخلت المكتب / مساء الخير يا صقر باشا . الحرس بلغني ان في واحدة اسمها نغم تقريبا عايزة تقابلك واقفة برا
كريم اتصدمت / نغم معقوول ، دي جر'يئة أوي انها تيجي هنا برجليها علفكرة ، صقر انت مش هتوافق تقابلها صح .
صقر ابتسم / روحي يا دادة هاتيها للمكتب و قوليلي اني وافقت اقابلها ..
و فعلا الدادة خرجت برا الاوضة و كريم كان واقف
كريم / طيب واضح ان اللي جاي مش خير ، انا أفضل اني استاذن علشان ورايا شغل ..
صقر / اقف هنا يا'ض انت هتفضل معايا لحد ما نشوف جاية ليه ، احسن انا بقي حقيقي مش ناويلها علي خير , و بعدين البت دي لسانها طويل و ممكن اتغا'بي عليها كمان .
.....و فعلا بعد دقايق دخلت نغم مع. الدادة …
نغم كانت في صدمة من شكل المكتب و من شكل الفيلا عموما لكنها فاقت علي صوت
صقر/ ايه هتفضلي تبصي حواليكي كدة كتتير ولا ايه ، انا مش فاضيلك و عندي شغل مهم فياريت تنجزي بدل ما ..
نغم قاطعته في الكلام / ما براحة علي نفسك كدة يا صقر باشا ده انا جاية ليك برجليا علشان اعتذرلك علي اللي عملته في حقك
و اقولك اللي ما يعرفك يجهلك ..وانا فعلا مكنتش اعرف اي حاجة عنك لكن دلوقتي عرفت .
صقر / والله ، بقولك ايه يا بتاعة انتي انا مش بحب الرغي الكتير ..انتي جاية هنا بعد ما والدتك تعبت اوي و نقلتيها في المستشفي
و طبعا لانك مش لاقية شغل بسبب سلوكك اللي زي الز'فت ده و حتي لو لقيتي مش هيبقي بنفس الفلوس ، فجيتي ليااا علشان اسامحك و اشغلك هناا
هاااا صح اللي بقوله ولا لااء .
نغم ضحكت / وربنا صح .. لا وانا اللي كنت فكراك مش بتفهم و غبي لا بس بصراحة فوقت توقعاتي و طلعت ماشاءالله نبيه و ذكي .
كريم ضحك / انتي يا بنتي حاولي تقفلي بوقك ده .انتي كل ما تتكلمي بتغل'طي يخربيت فقر'ك .
صقر / لا سيبها يا كريم ، اصل عقلها محدود و لحد دلوقتي هي مش عارفة انا مين و ممكن لو قلبت اعمل فيها ايه .. عموما يا انسة نغم العرض انتهي خلاص
نغم/ يعني ايه بس العرض انتهي ، هو احنا كنا اتفقنا اصلا يا صقر باشا و بعدين انت ليه نرفوز كدة ده حتي الكلام اخد و عطا .. ما تقوله حاجة يا كريم
صقر / يعني انا مش عايزك عندي في بيتي لان بصراحة كدة من ساعة ما شوفت طريقة كلامك و سلوكك بيئة و انا خفت علي ابني احسن يبقي شبهك
و بصراحة كدة شكلك عدوي .. و انا ابقي لازم يبقي اسلوبه راقي ده ابن صقر الحديدي
نغم بصوت واطي / اللهي تو' لع ما يعرفه يطفووك يا اخي و لو حد يط'فيك يو'لع معاك
صقر / ايه ..انتي اتكلمتي قولتي ايه دلوقتي يا بت انتي
نغم / ماقولتش حاجة .. بص يا صقر باشا انا مستعدة اتحط تحت المراقبة طول الوقت ولو حد لاحظ ان اسلوبي مش كويس او مش لائق ممكن تمشوني
عادي بس علي الاقل ادوني فرصة … و بعدين اعتقد انك عرفت ظروفي و عرفت انا محتاجة ازاي للفلوس دي فخلي عندك قلب و بلاش جحو'د .
صقر لف و اداها ظهره / قولها يا كريم ان المقابلة انتهت و ياريت ما تقربش تماما من معاذ ابني لاني عايزه ينساها
نغم بصت لكريم بكسره و خرجت برا المكتب …
لكن وقفت علي باب المكتب / طب اللهي تصحي الصبح تلاقي رجلك مكان قفا'ك يا قادر يا كريم
و بعدين مين صقر الحديدي يعني .. انسان باسم حيو'ان
....و خرجت نغم من المكتب و صقر اتغاظ اوي
و كريم كالعادة بيضحك
صقر / ايه يا كريم هتفضل تضحك كدة كتير ، دي انسانة عشوائية .
كريم / بس انت عارف كويس لو معاذ صحي و لقاها لسه مش موجودة مش هياكل و هيفضل يعيط
و خد بالك ان بعد كدة مش هيثق في كلامك
صقر اتكلم مع كريم …و كريم سمع كلامه و خرج يجري ورا نغم ..
_____________________________________________
في القس'م .
عساف بعصبية / يعني ببساطه كده ببعد ما اعمل كل التحر'يات عنه ويطلع عيني في الاخر يسلم القضيه لطارق بالسهوله دي ، انا مش فاهم ايه اللي حصل
زميل عساف اسامه / عادي يعني يا عساف دي مش حاجه جديده، كثير جدا بنشتغل في قواضي و غيرنا هما اللي بينفذوها
عساف / لا انت فاهم غلط يا اسامه
انا مش زعلان علي القضية في دا'هيه ...انا زعلان اني هاضطر اروح وانا كنت عامل حسابي ابات بره البيت بالشهر بيقولك ايه ما تاخدني ابات عندك
أسامة بضحك / طالما فيها ابات عندك يبقى ابوه جابلك عروسه . عموما البيت موجود في اي وقت حضره الضابط
____________________________________________
في الجنينة 🍀
كريم / انسة نغم ..يا ستي استني هو بتجري كده ليه
نغم / عايزين ايه تاني ما انتوا مشتوني خلاص مش الحديدي برضو قال المقابلة انتهت ، اللهي المكتب اللي قاعد فيه ده يو'لع و ما يلقووش حد يطف'يه والحديدي ده بالذات يسيح و مايلقووش ليه قطع غيار ..
كريم بضحك / يا بنتي كفاية بقي لسانك ده هيوديكي في دا'هية والله ، و بعدين انتي بتدعي ان المكتب يو'لع ما انا ببقي قاعد فيه اكتر من الحديدي نفسه يا مفتر'ية .
نغم بضحك / لا انت شكلك غلباان عكس هو'لاكو اللي جوا ده ، بس قولي انت اكيد مستحيل تبقي اخوه اصل بصراحة انت لذيذ و بتضحك كدة زينا لكن هو حاطط التكشيره هدف للحياه
كريم بضحك/ لا يا ستي انا مش اخووه انا صاحبه اوي بس يعتبر زي اخوه .. بس المهم انا كنت جاي اقولك اني هحاول اقنعه انك تشتغلي هنا يعني علشان صعبتي عليااا و خدي ده كمان
نغم بفرحة / و ايه ده كمان يا كريم باشا
كريم / دلوقتي بقيت باشا يا نغم .. عموما ده تليفون و سجلتلك فيه رقمي يعني علشان لو حبيت اتواصل معاكي ، لاني عارف ان تليفون اتك'سر
نغم / اه فعلا اهوو بسبب هولا'كو برضو .. بس التليفون ده انا هرجعهولك اول ما تشغلني هنا علطول علشان انا مش بحب اخد حاجة من حد
كريم / اعتبريها هدية بمناسبة الشغل الجديد و بعدين انتي باذن الله هتشتغلي هنا خلال يومين مش اكتر .. ها تحبي اجي اوصلك للبيت علشان الوقت اتاخر
نغم / لا شكرا جدا يا كريم يا عسل انت .. والله انا ما عارفة اشكرك ازاي بس باذن الله ربنا هيكرمك يا كريم ... سلام عليكم
......و فعلا مشيت نغم ، و كريم فضل واقف مبسوط من طريقة كلامها و اسلوبها ،و بعد كدة اخد عربيته و مشي هو كمان .
___________________________________________
...خرجت .نغم من الفيلا و هي ماسكة التليفون و مبسوطة بيه اوي و سجلت رقم صحبتها و اتجهت للمستشفي تاني ..
في المستشفي. 🏥
نغم / عزة كويس انك لسه مامشتيش .. انا مبسوطة اوي
عزة / امشي ازاي بس و اسيب مامتك لوحدها بس فرحيني و قوليلي ان صقر ده وافق انه يشغلك عنده بقي و سامحك
نغم / اهو انتي اول ما فكرتيني بالحديدي ده انا حزنت تاني، و بعدين اللي زي استاذ هولاكو ده مايعرفش يسامح اصلا ، لان ببساطة كدة معندوش قل'ب اصلا .. بس فكك برضوو بصي الموبيل ده بجد تحفة .
عزة / الله ده جميل اوي يا نغم لا و غالي اوي كمان .. بس تعالي هنا انتي جبتيه منين هو انتي لاقية تكلي اصلا علشان تجيبي موبيل
نغم / ايه يا عزة انتي عايزة تفضحيني ما تخدي ميكرفون احسن و قولي للمستشفي كلها .. و بعدين انا اكيت مجبتوش انا اخدته … بصي انا هحكيلك كل اللي حصل .
و فعلا بدات نغم تحكي كل حاجة لعزة ..
نغم / بس و لقيت صاحبه ده بيجري و بيديني الموبيل ده بيقولي علشان لو حبيت اكلمك و قالي كمان انه هيقنع صقر انه يشغلني عنده
عزة / طب الحمدلله .. ده ربنا بيحبك والله يا نغم ان صاحبه ده كان موجود بس المهم بقي انك تحتر'مي نفسك و تلمي لسانك ده شوية علشان مايحصلش مشاكل تاني
نغم / والله ده انا هحط لسلني في بوقي و مش هتكلم ابدا و هحاول ابقي مؤ'دبة .. بس ركزي انا قولت هحاول يعني مش اكيد
____________________________________________
في الفيلا عند صقر ..
صقر كان قاعد في اوضته و لابس تيشرت كت
بيفكر في اللي حصل من اول اليوم . و بدا يفتكر اللي قاله لكريم في المكتب ..
فلاش باااااك
في المكتب .
كريم/ ايه اللي انت بتعمله ده يا صقر
صقر / اسمع يا كريم انا بعمل كدة علشان ار'بيها علي طريقة كلامها بس اكيد مش همشيها مش بس علشان معاذ لكن عشان ظروفها المادية كمان ..
و قرب صقر من الدرج المكتب و خرج تليفون / خد اديها ده و قولها انك هتحاول تقنعني انها تشتغل هنا . كريم اوعي تقولها ان انا اللي قولتلك تعمل كدة فااهم
كريم اتصدم / اكيد مش هقوله بس حقيقي انت جدع اوي ، اصبر اروح الحقها قبل ما تخرج من الفيلا ..
فاق صقر من ذكرياته ..
صقر / هو انا بفكر ليه اصلا ، انا عملت كل ده علشان معاذ بس مش اكتر لكن هي اصلا مش فارقة معايا لا هي و ظروفها ..
وفاجاه لقه تليفونه بيرن ../ الوو يا نانسي ..خير
نانسي تبقي خطيبة صقر و شريكة معاه في شركة من شركاته / خير ..يعني طول اليوم مش بترد عليا و اكلمك تكنسل و جاي كدة بكل بساطة تقولي خير
صقر بحده / هو انتي بتزعقيلي ولا ايه يا نانسي
انتي اتهبلتي ولا ايه ؟ .. و بعدين المفروض تكوني فاهمة اني لو مردش عليكي ، يعني كنت مشغول طول الوقت .واكيد انا مش محتاج افهمك حاجة زي دي لانك صاحبة شركة كبيرة
عموما انا اصلا تعبان و ماليش مزاج اتكلم و محتاج انام دلوقتي ….تصحبي على خير يا نانسي
نانسي / الووو صقر انا اسفة انا والله مقصدش ازعق ..الووووو
لكن صقر اصلا كان قفل السكة في وشها ..
______________________________________________
في بيت عساف 🏩
..عساف بدا يتسحب في البيت ويدخل بالراحه علشان والده ما يصحوش لكن فجاه ابوه ولع نور الاوضه عليه على
عساف بخضة / استغفر الله العظيم يارب.. هو انت يا حاج عايز تجيب اجلي يعني ، عايزني اقطع الخل'ف علشان ترتاح
والده ماسك الحز'ام / لا انا عايز ار'بيك
عساف بتوتر / هو الحزا'م ده رايح فين يا حج
لا بقولك ايه . انا عايز تستهدي بالله كدة و ......
فجاااه. .
#خادمة_الصقر ❤️❤️💐
#يوستينا_سامي✍️💥
بارت 4
في اوضة عساف 🏩
عساف / انا عايزك تستهدي بالله و تصلي في قلبك كدة علشان العصبية غلط عليك ، دي فيها مو.ته يا حاج
ابوه/ طب و لازمتها ايه يا حاج و انت بتفول علي ابوك
بقي انا يلا انبه عليك تيجي علشان الضيوف . تقوم قافل موبيلك و تختفي فاكرني مش هوصلك
عساف و هو بيجري بعيد عن الحزام / لا بقي علفكرة انا اللي جيت لوحدي و محدش جابني ، و بعدين هو انت ليه مش مقتنع اني كبرت .. و ربنا يا حاج انا قربت من 30
ابوه. / يا جز.مة ما ده سبب ادعي اني اخليك تتجوز
الله يرحمك يا سمر جبتيلي عيل مت..خلف و مشيتي
و سبتيني اربيه لوحدي
عساف. / الله يرحمك يا غالية ، اهو انا الوحيد اللي متاكد ان امي في الجنة و نعيمها.. مش هقولك لأن عندها ابن زي
لااا علشان انا مش بحب اتكلم عن اعمالي .. لكن علشان كانت عايشة معاك كتير اوي يا حاج لحد ما الو.لية ربنا افتكرهااا
ابوه اتصدم و جري ورا / اه يا ابن الك.لب تصدق انك حلال فيك الحزا.م
عساف و هو بيجري الحزا.م جيه علي دراعه فصل يصر.خ / طب والله كده ظ.لم و حرا.م ، بقي فيه واحد ظا.بط في الد.خلية يبقي عمال يجري و يتنطط كدة زي القرود اللي في السرك
ابوه / اه يا عساف.. و اقولك كمان انا تعبت منك
اطلع برا البيت خالص . و رحمة ا.مك ما انت بايت في البيت النهاردة روح لصقر بتاعك ده .. و قوله ابويا طردني
....ابوه اخده من دراعه و طلعه برا باب الشقة و قفل الباب و طلع نام
عساف و هو برا الشقة / يا حاج بطل هزارك ده ..افتح الله يهديك الجيران هتسمعني ، طب و ربنا شكلي بقي وحش اوي .. يا عزمي افتح
..... لكن والده برضو رفض انه يفتحله و عساف كان محرج جدا لكن راح بيت كريم و دخل لانه كان معاه نسخة من المفتاح .
______________________________
في اوضة نانسي خطيبة صقر 💫
نانسي بغيظ / بقي كدة يا صقر بتقفل السكة في وشي .. ماشي
والدة نانسي (عزيزة ) / ما انتي اللي غب.ية اللي زي صقر ده
ما يتخدش بالقفش كدة يا حبيبتي .. صقر ده بيجي بالحنية و الحب ..افهمي بقي علشان ما تضيعهوش من ايدك يا عبي.طة
نانسي / حب هو اللي زي صقر ده يعرف حاجة اسمها حب اصلا .. انتي عارفة انا ساعات كتير بحس ان من ساعة ما مراته ما.تت هو شال قلبه تماما و ما بقاش بيحب حد غير ابنه.. بس برضو مهما حصل عمره ما هيضيع مني
و بعدين الكلام ده كان قبل ما انا و هو نتخطب .. بس عارفة بقي للمشكلة في مين ..في ابنه معاذ بحاول اقرب منه بس هو مش بيطيقني خالص
عزيزة / لا بقولك ايه معاذ ده بالذات لازم تقربي منه ، اذا كان انتي لسه قايلة ان صقر مش بيحب حد غيره
يبقي انتي لازم تخلي معاذ يحبك و يتعلق بيكي كمان علشان تعرفي توصلي لقلب صقر
نانسي / هحاول اعمل كدة فعلا احسن معاذ ده نسخة مصغره من صقر ، ذكي اوي زي ابوه برغم صغر سنه
بس انا بقي هخليه يحبني بطريقتي الخاصة ..
___________________________________
تاني يوم الصبح …
في المستشفي.
ام نغم / يا حبيبتي انا مش قادرة اكل كفاية كدة يا نغم بقي ، وبعدين هو انتي هتفضلي جمبي كدة لحد امتي هو انتي مش وراكي شغل برضو
نغم بضحك / شغل ايه بس يا حبيبتي صلي في قلبك ما انا اترفدت منه بقالي يومين تقريبا
امها بصدمة / ايه اترفدتي يا نغم ..يبقي اكيد عشان موضوع التاخير ده . طب ازاي تخبي عليا و ما تقوليش .
نغم / يا حبيبتي يعني كنتي عايزاني اقلقك علي الفاضي و بعدين انا قولتلك دلوقتي علشان انا لقيت شغل حلوو اوي
فاكرة راجل اعمال كبير اوي اللي جالي بنفسه البيت و فضل يتحايل عليا يجي ساعة كدة اني ابقي مربية لابنه
امها ضحكت / اه طبعا ..اللي اتهزق ده و مشي البيت
مش كده .. و طبعا كلمك تاني يتحايل عليكي مش كدة
نغم / طبعاا .. هو انتي فاكرة بنتك قليلة يا حاجة ولا ايه
امها فضلت تضحك / والله يا نغم كل ما تتكلمي بتفكريني بابوكي الله يرحمه كان شبهك فشار كدة برضوو.
عموما هو شكله فعلا راجل ابن ناس بس انا مش عايزاكي تتبهدلي يا حبيبتي
نغم / يا ماما ما تقوليش كدة .. هي شغلانة زي اي شغلانة
و بعدين ابنه بيمو.ت فياا و انا كمان متعلقة بيه جدا .. انتي عارفة بقي انه كان بيعيط جامد لما مشيت ..
و فاجاه و هما قاعدين الباب خبط و دخل اتنين بودي
جارد و كانوا نفس اللي جووم الشقة ..
نغم / اهلا بالدولابيت فكراكم طبعا .. انتوا باعتكم صقر باشا مش كدة
كريم دخل الاوضة / برضو دواليب متغيرتيش يا نغم ابدا .
بص كريم لوالدة نغم / مساء الخير يا طنط .. اخبار صحتك ايه دلوقتي ..اتمني تكوني اتحسنتي
والدة نغم / انا تمام يا استاذ تسلم .. بس معلش يعني هو في ايه ، انتوا جايين ليه هي نغم عملتلكوا حاجة كفا الله الشر .. والله هي لسانها طويل شوية لكن غلبانة اوي
كريم ضحك / هي نغم اه مصيبة بس ماتخفيش هي معملتش اي حاجة .. انا بس جاي اخدها علشان تستلم شغلها الجديد
علفكرة انا كلمت الدكتور اللي متابع حالة حضرتك و قال ان لازم تقعدي في المستشفي يومين و انا وصيت ان في ممرضة تبقي معاكي طول الوقت لحد ما نغم ترجع من الشغل
نغم بفرحة/ بجد ..ميرسي اوي يا استاذ كريم بجد انا مش عارفة اقولك ايه ..
كريم / لا ماتقوليش حاجة ..بس ياريت نتحرك دلوقتي علشان صقر مستنيكي في الشركة .. بعد اذنك طبعا يا طنط ..
امها / اتفضلوا يا ابني .. روحي يا نغم ربنا يكرمك و يفتح في وشك كل الابواب المقفوله يارب
و فعلا نغم استاذنت من مامتها علشان تمشي بعد ما اتطمنت عليها ووصت الممرضة تاخد بالها منها ..
____________________________
في العربية ..
كريم و نغم قاعدين ورا … و السواق هو اللي سايق العربية
نغم بفرحة/ استاذ كريم ..انا بجد مش عارفة اشكر حضرتك ازاي .. انت ربنا بعتك ليا من السما
كريم / نغم كفاية رغي .احنا من ساعة ما طلعنا من المستشفي و انتي عمالة تشكريني لدرجة اني صدعت والله
وانا عندي كمان ساعة اجتماع مهم ..فارجوكي كفاية كلام
نغم / الحق عليا بجد .. طب بقولك ايه هو هولاكو ده وافق اني اشتغل عنده ازاي
كريم / نغم ..اولا اسمه صقر باشا و بجد اتكلمي عدل و باحترام لانه عندهوش مبدا الهزار ده في حياته .. ولازم تعرفي ان لو في موظف حاول بس انه يهزر بيترفد في ساعتها
ثانيا بقي انا اقنعته انك تروحي الشركة تطلبي منه تاني انك تشتغلي عنده و هو باذن الله هيوافق بس تتكلمي باحترام....اتفاقنااااا
نغم / خلاص اتفقنا هو انا غبية يعني .. و عموما شكرا برضووو ، بس الظاهر بقي ان صقر ده شخص عصبي جدا
كريم في سره / لا البنت دي غبية و هتتعبني انا عارف ،كان عندك حق يا صقر بجد ..
وفعلا كريم اخذها وراحوا الشركه عند صقر وبرده نغم تفاجات من شكل الشركة ..
______________________________
في الشركة ..
نغم / يا خبر اسود بقى معقول الشريكه دي كلها بتاعه عم هولاكو لا ده غني بقى وابن ناس وانا ما كنتش واخذه بالي
كريم/ يا بنتي بس ..ممكن احد من اللي شغالين في الشركة يسمعك تبقى مشكله
نغم / يعني انت مش شايف شكل الشركة ده اكيد غني اوووي
كريم / اعوذ بالله من عينيكي ... يا بنتي قولي مشاء الله الشركة هتو.لع من قرك ده
بص كريم للسكرتيره نرمين وقال لها / نرمين صقر باشا جوه في المكتب ولا لسه مجاش
نرمين باستغراب من شكل نغم / ايوه يا فندم جوه من حوالي ساعة بس معاه انسه نانسي وقالي ماحدش يخش عليا
كريم / خلاص مافيش مشكلة هنقعد نستنى جوه في المكتب بتاعي .. واول ما نانسي تخرج ابقي قوليلي .. تمام
وفعلا كريم اخذ نغم وقعدوا في المكتب شويه ..
______________________________
في مكتب صقر ..
صقر قاعد ماسك اللاب توب وبيشتغل عليه ومش بيدي اي اهتمام لنانسي
نانسي كانت لابسة فستان عريان اوي و شكلها حلوو
نانسي / وبعدين يا صقر انا بقالي كثير قاعده جنبك عشان احاول اتكلم معاك.. وانت مشغول
معقول مش قادر تسيب اللابتوب خمس دقائق بس اتكلم معك وبعد كده كمل شغلك
صقر / لثاني مره يا نانسي بتعلي صوتك عليا وانا قلتلك قبل كده حسك عينك ترفعي صوتك وانت بتكلميني ، و بعدين انا وافتكرت انك هتتكلمي في حاجه مهمه طلعتي جايه تكلميني في السفر
نانسي / انا بقولك كلام فارغ .. يا صقر ده انا جايه اقولك ان عيد ميلادك اخر الشهر وانا عايزه احتفل معاك لوحدنا
بره مصر ايه المشكله يعني . انا نفسي نخرج و نتفسح زي اي اتنين مخطوبين يا حبيبي
صقر / بس انا مش زي اي حد انا صقر الحديدي لازم قبل ما تقوليلي الكلام التافه ده تبقي عارفة مكانة خطيبك كويس
نانسي باقولك ايه . اتفضلي روحي عشان انا عندي الاجتماع مهم قوي ولازم احضره
نانسي … / ماشي يا صقر ..انا همشي بس ابقي خليك فاكر اللي انت بتعمله معايا ده
و برضو افتكر اني بحاول بكل الطرق اني اقربك مني و اخليك سعيد
و خرجت نانسي من المكتب .. و شافت كريم و معاه نغم
____________________________________________
قدام مكتب صقر
كريم / ازيك يا نانسي .. ايه المفاجاه الحلوو دي
مكنتش اعرف انك جاية النهاردة الشركة
نانسي / ما انا مش جاية علشان شغل .انا جاية اتكلم مع صقر شوية ، بقولك يا كريم ابقي حاول تقنعه اننا نسافر يعني في عيد ميلاده علشان نحتفل بدل الخنقة دي
كريم / انا اسف يا نانسي. . انتي عارفة اني مش بدخل تماما في اي حاجة تخصك انتي و صقر
يعني ده طلب صقر .. علشان هو مش بيحب حد يتدخل في حياته الخاصة
نانسي بتريقة / انت هتقولي برضو يا كريم
و بدات تبص لنغم بقرف / اي البتاعة دي . لا ده انت مستواك قل خالص .. معقول كريم يصاحب دي
نغم / يصاحب مين يا بت انتي ، ليه هو انتي فاكراني زيك مثلا ولا ايه .. و بعدين مالك يا اختي بتتكلمي بتناكة ليه كدة
اومال لو مكنتيش شبه العروسة اللعبة باللي انتي عملاه في نفسك ده
كريم بحدة / بس يا نغم ، اللي انتي بتعمليه ده الموظفين بدات تتفرج علينا
نانسي / موظفين ايه و بتاع ايه .. ولا انت عايزني اتهز.ء من واحدة بي.ئة بالمنظر ده و اسكت كمان
و بعدين انتي متعرفيش اصلا تبقي شبهي
نغم قاطعتها في الكلام / ولا عايزة يا حبيبتي ابقي شبهك
ده كل اللي انتي عملاه في نفسك ده صناعي .. يعني نفخ واللي احنا عارفين ده
كريم فضل يضحك جامد علي كلام نغم و نانسي اتعصبت منه / انت بتضحك يا كريم بدل ما تهز.قها ..طب بقولك ايه البنت دي لازم تخرج من الشركة دي حالا بدل ما انادي الامن هما اللي ير.موها برا الشركة زي الك.لبة
نغم كانت لسه هترد بس كريم زعق و قال
كريم / ممكن بس بقي كفاية خناق لحد كدة … و بعدين يا نانسي نغم دي اصلا مش تبعي انا دي تبع صقر .. دي المربية الجديدة اللي هتقعد مع معاذ
نانسي / انت بتقول ايه يا كريم انت اتجننت اكيد .. مربية ايه دي هي نفسها محتاجة تتر.بي ..ولا انت مش شايف سلوكها و طريقتها .. ولا طريقة لبسها و شكلها ييع بجد
نغم / انا يعع …. واومال لما الناس تشوفك انتي هيعملوا ايه
اكيد هيغم عليهم علطول من شكلك … و بعدين بقولك ايه يا بتاعة انتي .انا بصراحة متعودتش اني اسيب حد غل.ط فيااا تعاليلي بقي
و فعلا نغم قربت من نانسي ووقع.تها علي الارض و بدات تضر.بها و نانسي مكنتش عارفة تد.افع عن نفسها
كريم / يخربيتك يا نغم ..اوعي سيبيها بسرعة ده لو صقر خرج و شافك هتبقي مصيبة …اوعي يا نغم سيبيها بطلي جنان
نغم / لا والله ما هسيبها ..انا بقي هعرفها ان الله حق
و اخليها بعد كدة لما تشوفني تضر.بلي تعظيم سلام
كريم / يا بنتي فوقي لنفسك دي تبقي خطيبة صقر …
و في اللحظة دي خر صقر من المكتب و هو متعصب من الصوت العالي / ايه ده ..ايه اللي بيحصل هنا ده
ازاي في صوت خناااق …
صقر اتصدم اول ما شاف نانسي علي الارض و نغم بتضر.بها ..
صقر قوم نانسي من علي الارض / ايه ده ايه اللي بيحصل هنااا ده ..انتوا كنتوا بتضر..بوا بعض و انت يا كريم واقف تتفرج عليهم و ساكت
كريم / لا ده كان سؤء تفاهم يا صقر و هيتحل يعني
نانسي حضنت صقر و بدات تعيط / شوفت يا حبيبي عملت فيا ايه ، بقي انا يا صقر اضر.ب كدة بالمنظر
انا نانسي كل الموظفين يشوفوني و انا بتضر..ب من واحدة زي دي .. يرضيك برضووو
صقر / طب اهدي يا نانسي و تعالي ادخلي المكتب اقعدي علشان ترتاحي و انت يا كريم ادخل معاها ..
نغم بخوف من بصه صقر مسكت ايد كريم قبل ما يتحرك / استني يا كريم انت هتروح فين .. و وتسيبني مع هولاكو ده لوحدي ولا ايه
كريم / ما انا عمال اقولك اتلمي و سكتي انتي متعرفيش دي مين و انتي مصممة انك تضر.بيها البسي بقي
نغم / وربنا ما اعرف انها تبعه .. و النبي اتصرف يا كريم ،انت اكيد مش هتسيبني معاه لوحدي .. طب اقولك انا مستعدة امشي و اسيب الشغل
صقر بحده / ايه يا كريم .. هو انا هفضل مستنيك تدخل ولا ايه.. ما يالا خد نانسي و استناني في المكتب
.....و فعلا كريم اخد نانسي اللي كانت بتعيط و دخلوا المكتب و اتبقي صقر و نغم
تفتكروا ممكن يحصل ايه ما بينهم ؟؟؟؟
#خادمة_الصقر
#يوستينا_سامي
5
...وفعلا دخل كريم و معاه نانسي المكتب بتاعه
صقر بحدة. / انتي واقفة زي التمثال ليه كدة ، اتفضلي قدامي علي المكتب بتاعي ، عشان نتكلم جوه كفايه فضائح قدام الموظفين لحد كده
...وفعلا دخلوا المكتب بتاع صقر ..صقر بيبص لنغم و هي مش عايزة تبصله و باصة الناحية التانية
في مكتب صقر 💫
....نغم بتبص لصقر مستنية اي رد فعله منه و استنت فوق الخمس دقايق و صقر بيبصلها و مش بيتكلم
نغم / لا انا جو التشويق و السسبنس ده مش بحبه
انجز عايز مني حاج ة و لا اروح لكريم مكتبه .
انت شكلك مش عايز حاجة سلام عليكم
صقر بحده./ استني مكانك ، انا مسمحتلكيش تخرجي من المكتب
....و بدا يقرب صقر من نغم و هي تبعد خطوة خطوة
لحد ما لقت نفسها واقفة ووراها حيطة و صقر كان بيبصلها بغد.ر
نغم بقلق / هو انت في حد مزعلك في حاجة ، غريبة اصل شكلك مكشر ، طب سيبك من السؤال ده
انت زانقني في الحيطة ليه كدا ، طب ما انا ممكن اديك بالد.ماغ حالا دلوقتي و اروح فيك في داهية
صقر بعد عنها لما لاحظ قربه / انتي عايزة تديني انا بالد.ماغ ، انتي معمولة من ايه بالظبط .. ايه مالكيش كبير انا مش فاهم انتي ازاي مش خايفة مني
احسن اذيكي
...نغم بصتله و سكتت و بصت في الارض علي عكس توقعات صقر تماما
.صقر استغرب / ايه هتفضلي لحد امتي باصة في الأرض ، الهانم محرجة مثلا من اللي هي عملته في الشركة قدام الموظفين ..
بذمتك انتي مش مكسوفة من نفسك ينفع تعملي كدة قدام الموظفين هو انت فاكره نفسك فين في الحارة بتاعتك
نغم خرجت عن صمتها / لا واضح علشان انا حاولت امسك لساني عنك شوية انت هتزيد فيها
ما تتكلم حلو يا جدع انت مخلاص عرفت انك راجل اعمال و معاك عربية غالية اوي اوي كنت بشوفها مع النجوم ، بس برضو انا مسمحلكش تكلمني كدة .. و بعدين الملزقة اللي اسمها نانسي دي هي اللي غلطت فياا
صقر ابتسم تلقائي / عربية غالية اووي دي اللي بهرتك يعني في كل اللي شوفتيه عندي ..
و بعدين انتي غبية لانك كان ممكن بسهولة تيجي تقوليلي كل حاجة
نغم بحده / انا مش غبية علفكرة و برضو انا اخدت حقي بس و اسال كريم هي قالتلي ايه و اتريقت عليااا و بعدين وانا بقي لامو.خده كدة لازم اخد حقي بنفسي يا هندسة .
صقر / لاموخذة ..و حقي هو احنا فين يا بنتي و بعدين انتي المفروض كنتي شغالة في حضانة و مع اطفال يعني مخك المفروض يبقي كبير و عاقلة
و انا بقي من ساعة ما شوفتك مش لاقي فيكي المواصفات دي ..
طب بذمتك قوليلي اسلمك ابني ازاي و انا مطمن
انه يتعلم الاد.ب و الخلا.ق و انتي الفا.ظك كدة
نغم بعصبية / يسلام يا صقر ما الاطفال اكيد مش هيقلوا ادبهم عليا و يتريقوا علي شكلي و لبسي
زي ما ست كخة دي عملت
صقر ابتسم و قالها / صقر .. انتي اخدتي عليا بسرعة اوي
نغم احرجت / احم ..انا اسفة انا طلعت مني تلقائي والله مقصدش حاجة ، بس انا لما بتوتر بتكلم منغير ما اخد بالي
صقر. / خلاص حصل خير .. عموما لولا ان معاذ مش عايز يروح الحضانة ولا عايز ياكل ولا حتي يشرب
كان ممكن يبقي تصرفي مختلف ، لكن دلوقتي انا مضطر اني اوافق انك تشتغلي ..
نغم بفرحة / بجد . انا متشكرة اوي يا صقر باشا والله
بس هنعمل ايه مع نانسي دي .
صقر / متشكرنيش لاني مش طايقك اصلا ..بس هحاول استحملك علشان ابني ، اما نانسي انا هتصرف معاها . خليكي هنا هنادي كريم يوصلك
و فعلا خرج صقر من المكتب ..
و نغم كانت بتكلم نفسها / قال مش طايقني ده عينه عليا اصلا بس الواد بيكابر ،طبعا هيقدر يقاوم حلاوتي دي فين
______________________________________
في مكتب كريم ..
كريم و نانسي كانوا بيتكلموا ..
صقر دخل المكتب / كريم .. نغم مستنياك في المكتب بتاعي وصلها الفيلا ..و من النهاردة خلي السواق معاها و اي مكان تروحه يبقي معاها
كريم ضحك / طيب يا صقر حاضر . انا هوديها الفيلا و هروح اقابل عساف في البنك .. يلا سلام يا نانسي
و فعلا خرج كريم و اخد نغم و خرجوا من الشركة ..
______________________________________
في الشارع قدام الشركة 🍀
نغم / تصدق بقى يا كيمو ان انا تفاجئت ان صقر ده فعلا محترم وابن ناس ، و جدع كمان
كريم بضحك / كيموو ..خلتيني كيمو كمان يا نغم
عموما هو فعلا صقر محترم وعمره ما بيجيء على حد ضعيف ، بس ايه اللي خلاكي يعني تصفي من ناحيته كده غريبه ……..هو انتم كلمتوا في ايه بقي
نغم / وانت مالك يا استاذ ، دي امور خاصة بيني و بين مديري في الشغل .. بس اقولك سر بقي نانسي دي بجد عقربة و مش بتحبه و بكرة تقول نغم قالت .
كريم / نغم بطلي كلام كتير و لماضة و اركبي العربية يلا علشان نلحق نروح الفيلا لان ورايا شغل كتيير ..
و فعلا ركبوا العربية ..
______________________________________
في العربية 🚘
السواق كان بيسوق و كريم و نغم راكبين ورا
نغم / طب ماقلتليش برضوو .. هما مخطوبين مصالح و شغل صح ولا بيحبوا بعض ، اصله شكله مش بيحبها اصلا
كريم / نغم ملكيش دعوة . دي حياته الشخصية و بعدين انا متعودتش اتكلم في حاجات متخصنيش .
نغم / هو انت قلبت رخم ليه كدة 😡
و بعدين هو انت ليه محسسني اني هبلغ عنك ده حوار بيني و بينك… يعني عادي مجرد فضول
كريم / يووه بقي ، يا بنتي بطلي تدخلي في اللي مالكيش فيه بقي . عم مسعد دي نغم مربية معاذ الجديدة لو راحت اي مشوار انت اللي هتوصلها خد بالك
عم مسعد السواق / حاضر يا كريم بيه …
و فعلا بعد نص ساعة تقريبا و صلوا الفيلاا …
______________________________________
في القسم .
اللواء / انا فخور بيكم جدا حقيقي وحوش ، و خصوصا انت يا عساف كنت متاكد انك هتقدر تنفذ المهمة و بسرعة كمان
طارق / اشمعنا عساف يعني يا فندم . ما كلنا كنا معاه في نفس المهمة
اللواء / انا قولت كلكوا يا طارق ، بس عساف هو اللي كان بيقودكوا في المهمة دي
عساف / معلش يا فندم هو طارق كدة حقود شوية
بعد اذنك يا فندم
و خرج عساف من مكتب اللواء و راح مكتبه لقه اسامة
اسامة و هو بيحضنه / يا عساف يا اسد ..ايه يا ابني الجمدان ده اللواء مبهور بيك
عساف / عيب عليك يا ابني ، بس برضو طارق الغل بياكلوا عمره ما هيتغير ، بس انت عيل واط.ي كدة برضو تتخلي عني امبارح اهو ابويا عمل معايا الواجب و زيادة
اسامة بضحك / طب والله امي رجعت من السفر فاجاه ، بس احكيلي اللي حصل .
و بدا عساف يحكيلوا و أسامة عمال يضحك
______________________________________
في اوضة معاذ
كريم دخل الاول و لقه معاذ قاعد علي السرير
كريم / معاذ تخيل انا جبتلك ايه معايا ، جبتلك مفاجاه كبيرة اووي و هتعجبك جدا
معاذ / لا بجد ، بس انا مش عايز لعب اصلا
و لا عايز اقابل حد لا انت يا كيكو ولا بابي كمان
كريم / بقي كدة يا زيزو ..طيب ادخلي يا مفاجاه
و فعلا دخلت نغم الاوضة .. و معاذ اول ما شافها جري عليها / نغووم وحشتيني اوووي
نغم وطت علي ركبتها و حضنته / انت وحشتني اوي اوي فوق ما تتخيل .بس انا زعلانة منك جدا مش احنا كان في بينا عهد انك متعيطش ابدا ولا تزعل حد منك يا معاذ
معاذ / ايوة كان بينا عهد و انا بوظته علشان انتي وحشتيني
و ميس عزة قالتلي انك مش هترجعي تاني و انا زعلت جامد خالص
نغم / يا روحي .. بس خلاص انا هبقي معاك هنا كل يوووم
و مش هسيبك تاني ابدا ، مش كدة برضو يا اونكل كيكوو ..
و قربت من كريم و اتكلمت بتريقة /
لا وانت كنت زعلان اوي علشان قلتلك يا كيموو
وانا اللي افتكرت انك بقي مش بتحب حد يدلعك اصلا
كريم ضحك / هيبتي راحت قدامك اوي يا نغم مش كدة عجبك يا سي معاذ اديك جبتلي الكلام اهووو
و بعدين تعالي هنا يا معاذ انت مش المفروض برضو تيجي تشكرني وتبوسني ولا ايه
معاذ / ايوة صح ..
و فعلا جري معاذ باسه و حضنه لكن رجع تاني وقف جمب نغم .. و كريم استاذن علشان يروح الشغل
_____________________________________
في الشركة ..
نانسي / والله وببساطة كدة بعد ما ضر.بتني قدام الموظفين كلهم حضرتك تسامحها و تشغلها عندك كمان ..هو انا للدرجة دي ماليش مكانة عندك يا صقر
صقر/ لوسمحتي يا نانسي اهدي ، وبعدين انتي ليكي مكانة عندي و كبيره كمان .. بس انا ابني نفسيته وحشة جدا و متعلق بيها جدا فكان لازم افكر فيه هو الاول لأنه طفل ومحروم من كل حاجة مهمة واولهم امه
نانسي/ طب ما انا هبقي زي امه يا صقر ..اخس عليك ليه بتقول كدة
صقر / قصر الكلام انا وضحتلك الفكرة
علشان متزعليش مني و بعدين عايزك تعرفي انك خطيبة صقر الحديدي يعني كرامتك من كرامتي
نانسي قربت منه و حضنته / كنت عارفة ان عمرك ما يهون عليك زعلي و علشان معاذ انا مستعدة اضحي باي حاجة
بس نفسي تحقق طلبي و نروح نتغدي برا انا وانت
صقر / خلاص وانا موافق يا نانسي .. اول ما اخلص الاجتماع نروح نتغدي في اي مكان تختاريه كمان
وفعلا وافقت نانسي واستنيت صقر في المكتب بتاعه لحد ما خلص الاجتماع وراحوا اتغدوا في مطعم كبير ..
______________________________________
في مكتب عساف
اسامة / طب كريم محسش بيك و انت في الشقة بتاعته و نايم جمبه كمان
عساف / محسش بيا ده فضحني و سمع العماره كلها صوتناا . استني احكيلك ..
بدا عساف يفتكر اللي حصل ..
فلاش باااك. .
في اوضة كريم
عساف كان نايم جمبه و فاجاه كريم بيتقلب و حضن عساف و هو نايم
عساف بستغراب / ايه ده يا عم انت .. اوعي ايديك يا ابني .. لا بقولك ايه مش علشان نايم هعديلك عمايلك دي
فز.ق ايده جامد و كريم فاق / ايه ده .. بسم الله
انت حرامي يا لااا
...و مسك كريم عساف من رقب.ته و الجو كان ضلمة
عساف / اوعي يا ابن الهب.له و الحرامي هينام في حضنك ليه يعني ناقص حنان .. اوعي
..وولع عساف النور و كريم شافه
كريم بخضة / اتفووو عليك يا اخي .و علي اليوم اللي عرفتك فيه و قعت قلبي ، انت ايه اللي جابك هنااا يا حيوا.ن انت
عساف / اكيد مش حب فيك يعني. ابويا طردني من البيت ، كمل نومك يا عم و انا هروح اوضة تانية
احسن انت مش تمام في نومك بصراحة
كريم رمي عليه المخده / غوور في داهية يا اخي.
باااااك
عساف بضحك / شوفت ابويا عمل فيا ايه .. خلاني انام في حضن كريم تقريبا
اسامة بضحك / كريم ده عسسسل .. و انت عيل رزل ما كنت نمت في اي اوضة تانية يا بايخ
____________________________________
في الشارع كريم كان لسه خارج من البنك و رايح علشان يركب عربيته لكن اتفاجاه ....
#خادمة_الصقر
#يوستينا_سامي
6
في الشارع كريم كان لسه خارج من البنك و رايح علشان يركب عربيته لكن اتفاجاه ببنت سانده علي العربية و بتتكلم في التليفون و هي بتعيط ..
ياسمين بعياط / شوفتي يا علا عمل فيا ايه ، يعني بعد ما حبيته و خليت خالي يشغله معاه كمان ، راح خطب واحدة تاني و لما سالتو ..ما انكرشي
و خبطت ياسمين علي العربية كريم جامد بايديها
كريم كان مصدوم من حركتها و ضحك / طب ما ده كدة انسان كويس و كفاية انه مش كداب و صارحك انه خطب واحد تانية ،ده تتجوزيه و انتي مغمضة
ياسمين قفلت التليفون و هي مستغربية / انت مين يا بني ادم انت ، و ازاي تتدخل في الحوار بتاعي انا و صاحبتي بالمنظر ده .. دي اسمها قلة ذووق
كريم بضحك / لا وانتي الصادقة .. ازاي تقعدي علي العربية بتاعتي بالمنظر ده، انتي عارفة العربية دي بكام .
لا و كمان منفعلة و بتخبطي عليها .. طب هو ضحك عليكي ...انا مال اهلي 🙃
ياسمين/ ايه قلة الذوق دي يا استاذ انت .. و بعدين انا مكنتش اعرف ان دي عربيتك اصلا و اكيد مكنتش اقصد اني اخبطهالك .. و علفكرة بقي انا ممكن ادفعلك اي مبلغ تعويض .
كريم ضحك / يا ستي تعويض ليه يعني ..انتي كبرتي الموضوع اوي ، بس نصيحة بقي من اخ يا .....صحيح انتي اسمك ايه
ياسمين / ياسمين فهمي .. هاا كمل كلامك .
كريم / ماشي ياسمين .. بصي نصيحة بقي اوعي تزعلي علي راجل و تعيطي اوي كدة .. ليه بقي لان مافيش حد يستاهل اصلا ان واحده بجمالك ده تعيط علشانه ، اوعي بقي من قدام العربية علشان انا ورايا مشوار مهم لازم اعمله .. سلام يا ياسوو
ياسمين / طب هو انت اسمك ايه انا معرفتش علفكرة
كريم/ امم .. انا اسمي كريم
تحبي اوصلك في الطريقي ، يعني لو حابه
ياسمين / لو مش هتعبك يبقي ياريت لان هنا التكسيات قليلة اوي .. و انا مشواري بعيد شوية
كريم ابتسم / بس بشرط متعيطيش تاني علي الولد ده .. و متكلميش صاحبتك اللي عمالة تسخنك دي
ياسمين ضحكت / .. خلاص اتفاقناا
و فعلا كريم اخد ياسمين و مشي بس ياسمين كانت مصدومة من جرائته و خفة دمه ..
تفتكروا ياسمين دي عبيطة ؟ ولا وراها حاجة ؟
___________________________________
في القسم عند عساف
عساف بحده / ايه الصوت اللي برا ده .
والده / انا جيت مخصوص علشان اتكلم معاك و نتفاهم هنا بالذوق و الادب
عساف بتوتر / بالذوق والادب الاثنين هنا في مكتبي طيب، روح يا عسكري يجيب كوبايتين ليمون وما تتاخرش
خرج العسكري و عساف بص لابوه بقلق
عساف / يا نعم ... جاي مكتبي هنا ليه بعد ما طردتني امبارح من البيت .
والده / انا مش جاي اتكلم معاك في موضوع جوازك
عساف براحة/ طب الحمد لله كده احنا وصلنا لنقطه كويس يا حاج
والده / لان انا اصلا مقرر ان فرحك بعد شهر دي حاجه مفروغ منها.... انا جاي اسالك عن الفلوس اللي كانت في الخزنه بتاعتي راحت فين
عساف بتوتر / اه الفلوس اللي في الخزنه فهمتك
هو انت مش قلتلي برضو وقت ما تعوز اي حاجه خذ من الخزنه وانا عملت كده اخذت من عندك
....والده حد.ف عليه التليفون اللي كان علي المكتب
و عساف نزل تحت المكتب بخوف
والده/ تقوم واخذ ٣٠٠ الف جنيه من الخزنه يا كل.ب ده انا كنت مطلعهم من البنك عشان فرحك و تجهيزات
عساف خرج من تحت المكتب بحذر
وقاله / شفت انا قلبي كان حاسس على فكره بقى انت اب ماحدش يثق فيه ابدا، وبعدين ده انا اخذتهم سلف عشان صقر كان محتاجهم
والده / نعم.. بقى عايز تفهمني ان صقر الحديدي اخذ منك انت 300 الف جنيه سلف
عساف / ما هو صقر كده بيبان غني وسط الناس كلها لكن معنا احنا فقير يا عيني عليه ، طب ده حتي لسه مدفعش قسط الحضانة بتاع معاذ
والده / لا والله ، تصدق صعب عليا اوي .. طيب يا عساف انا بقى هاكلم صقر الحديدي واعرف منه اذا كنت كذاب ولا مش كذاب و ما ترجعش البيت النهارده
و خرج والده من المكتب و هو متعصب اوي و عساف متغاظ / طب ما انا اكيد مكنتش هرجع يعني
اما اب غريب فعلاا
العسكري / الليمون يا فندم .
عساف/ رجعهم يا ابني وهاتلي مكانهم القهوه وياريت تكون ساده
___________________________________
قدام بيت ياسمين ..
كريم / اهوو اديني وصلتك قدام بيتك اعتقد ان انا كده عملت اللي عليا وزياده كمان ، عدي بقي الجمايل يا استاذة ياسمين
ياسمين/ يا سلام طب ما انت اخرتني برده .. علشان تعرف قد ايه انا مضحية
كريم بضحك / ياه ده انت فعلا شخصية عظيمة و عملتي فيا خدمة كبيره جدا . طب ايه ناوي تطلعي بيتك ولا هتفضلي قاعده معايا في عربيه كدة
ياسمين / لا طبعا هطلع .. كريم انا بجد متشكره قوي مش بس عشان ما وصلتني لا عشان انا فعلا كنت متضايقه كده وخليتني افك و اضحك من قلبي
كريم / يا ستي ما تشكرنيش احنا بقينا صحاب وبعدين اول ما تبقي زعلانه او في واحد يخد.عك ثاني هتلاقيه موجود .. انا في الخدمة
يلا سلام يا قمر .
ياسمين / كريم .. هو انت عندك اخوات ولا وحيد
وفعلا مشي كريم بالعربيه وياسمين كانت فرحانه قوي باليوم وانها اتعرفت عليه وطلعت البيت
واول ما طلعت قعدت تدور عليه على فيسبوك وفعلا لقيته عملتله صداقه
____________________________________
في اوضة معاذ 🛖
نغم كانت نائمة علي سرير معاذ براحة
نغم / بس انت ليه ما قولتليش ليه انك قاعد في بيت كبير اوي كدة .. و عندك ناس كتيير بتحبك يا زيزو
معاذ / هما فين دوول .. بابا طول الوقت في الشغل
و كريم اللي بحب اقعد معاه بابا بيخده معاه الشغل برضوو ... و خالد سافر من بدري و مجاش تاني و انا بفضل انا قاعد لوحدي مع لعبي كدة
نغم / طب ما تحت فيه جنينة حلوة اوي ..و بسين كماان ليه مش بتنزله و تقعد تعوم براحتك لحد ما تزهق
معاذ / علشان مش بعرف اعوم و بابا خايف عليا اتعلم العوم و هو مش فاضي علشان ينزل معايا
نغم / ابوك ده غريب اوي يا زيزو و بصراحة كدة بيخوفني اوي الله يكون في عونك .. بس انت عارف بقي لو البسين ده عندنا احنا و ربنا ما كنت اطلع منه اصلااا
وفجاه الباب خبط و دخلت جده صقر .. سماح و كانت ست كبيره في السن بس طيبة جدا ..
سماح / ازيك يا حبيبتي عاملة ايه ..انا سماح جده صقر نورتي البيت ..انا صقر حكالي عنك و. معاذ كمان
نغم / ازاي حضرتك يا فندم . و يارب يعني يكون اللي صقر باشا قاله يطلع كويس
معاذ / ايوة يا تيتة .. هي دي ميس نغووم
كريم اقنعها انها تيجي تقعد معايا علطووووول
سماح / بس انتي طلعتي صغيره خالص ، و انا افتكرتك كبيره
نغم / والله يا مدام سماح انا سني كبير بس طولي مش مساعدني اقوله للناس
سماح فضلت تضحك / لا انتي جميلة خالص يا نغم و شكلي هحبك اوي ، تعالوا ننزل نقعد في الجنينة في الهواء
و فعلا نزلوا كلهم و نغم كل شوية تنبهر اكتر ..
____________________________________
قدام المطعم 🛤️
نانسي. / بجد يا صقر انت مش متخيل انا ببقي مبسوطة ازاي وانا معاك ، بس ياريت تتكرر كتير لانك بتوحشني اوي
صقر ابتسم / حاضر اوعدك اننا نخرج تاني . بس يلا اروحك علشان الوقت اتاخر اوي ..و
نانسي / خلاص حاضر يلا بينا بس بقولك عملت ايه في الطلب بتاعي
صقر بحزن / هفكر و اقولك يا نانسي
وفعلا كلم صقر كريم وقاله يجيب عساف معاه وهو جاي ويحصلوا علي الفيلا .
تفتكروا نانسي عايزة ايه من صقر ؟؟
____________________________________
في الجنينة ..
معاذ كان بيلعب بالكوره مع نغم
وسماح جده صقر قاعده قريب منهم
سماح / يعني انت ما حبتيش قبل كده خالص يا نغم
نغم وهي بتلاعب معاذ / لا والله ابدا يعني ما فيش حد بيكمل معايا … لكن مره وانا في تانية جامعه اتعرفت على واحد و كنا اصحاب بس ما قدرش يستحملني فسيبنا بعض بادب كده واحترام
معاذ ماسك الكورة / يا نغم ركزي بقي معايا مش مع تيتة
نغم / حاضر والله ..
....كريم دخل الفيلا و معاه عساف ..
عساف اول ما شاف نغم انبهر من جمالها و قرب و مسك الكورة
عساف / علفكرة انا ممكن اشارك في اللعب عادي حتى انا كمان باعرف العب كورة كويس قوي جربوني .
كريم / يا ابني قول مساء الخير الاول طيب قبل هزارك ده .. ازيك يا طنط سماح عاملة ايه النهاردة
سماح / انا الحمدلله يا كريم ، وانت يا عساف بقالك فتره يا ابني مختفي و مش بتيجي خالص ..
عساف / غصب عني والله يا طنط ، ابويا مطلع عيني و طاردني من البيت ولا ايه كريم ..
كريم / خلاص بقي متفكرنيش ، ما ابوك يطردك و انا اللي البس فيك عندي
عساف / اه اومال صحاب علي الفاضي ، المهم مش تعرفني علي القمر اللي بيلعب مع معاذ
كريم بصوت واطي / عساف لم نفسك و بطل مشاكل ، بعدين انت اصلا عارفها دي نغم الميس بتاعة معاذ اللي احنا قولناك عليها
عساف / اه افتكرت طبعا مش كنت تقول كده يا كريم ، والله معاذ ده طلع بيفهم وعنده حق
طبعا كان لازم يعيط ويقلب الدنيا علشان مش هيشوف القمر ده تاني
نغم ابتسمت تلقائي / ميرسي جدا على ذوقك يا استاذ عساف و كلامك الأوفر ده
عساف قرب من نغم و مسك ايديها / طب والله ابدا
انا مش بافور انتي فعلا قمر جدا ، ولا انتي معندكيش مر.ايات في البيت
نغم بكسوف / باقولك ايه يا كريم انا ممكن اخذ معاذ وادخل جوه يعني عشان ما اعطلكوش عن الشغل بتاعك
كريم / لا يا نغم خليكي احنا كده كدة هنخش نستنى صقر في المكتب ...يلا يا عساف
عساف / طب طلاما صقر لسه موصلش ما نقعد هنا شويه حتى نلعب مع معاذ احسن ده وحشني قوي
ولا ايه يا معاذ هو انا موحشتكش ..
معاذ / لا بصراحة موحشتنيش خالص .. و بعدين ملكش دعوة بنغم ..علشان دي صاحبتي انا
كريم فضل يضحك جامد و نغم ابتسمت لكن حاولت انها بتصنع الجدية وقالت / معاذ عيب كده و ما ينفعش تقول لحد كده في وشه قول من وراه عادي .. و خصوصا لو حد دمه تقيل
كريم / يا لهوي على الكسفه يلا بقى نخش المكتب قبل ما صقر يوصل ويكمل عليك يلا قدامي بعد اذنكم يا جماعه
عساف / ايه البت الغلسة .. علفكرة انا اصلا مكنتش فاضي علشان العب معاكوا و مش بحب الكورة
من وانا صغير .. و انت يا معاذ انا مخاصمك
وفعلا كريم وعساه دخلوا المكتب ومعاذ ونغم كانوا عاملين يضحكوا في الجنينه .
سماح / مالكيش حق يا نغم احرجتيني يا بنتي هو فعلا عساف بيعاكس البنات وقليل الذوق شوية بس والله دمه خفيف اوي
نغم بضحك / والله ما كنتش اقصد بجد طريقته بتضحكي قوي بتفكرني بنفس الولد اللي انا و هو سيبنا بعض ..
في اللحظة دي دخل صقر الفيلا وقال / هو مين ده اللي طريقته بتضحك اوي كدة و بيفكر بصاحبك زمان يعني
معاذ جري علي صقر و حضنه / بابي انا عرفت ان انت اللي خليت نغم تيجي انا بحبك اوي و اكلت كتير على فكره حتى اسال نغم وهاروح بكره كمان الحضانه
صقر / عشان انت جدع وشاطر جدا وانا هاعملك كل اللي انت عايز…. برافو عليك يا معاذ
و بص صقر نغم بقرف / شكرا ليكي انتي كمان
جدتي هو حد سال عليا
سماح / اه عساف وكريم جم ومستنينك في المكتب
اسكت عساف فضل يرخم على نغم قوله ما يهزرش معاها ثاني
صقر / و يعني هي سكتت مثلا هي فعلا قصيره بس لسانها طويل جدا عموما انا هتصرف معاه
و انتي يا نغم ابقي تعالي المكتب علشان عايزك في موضوع
.....وفعلا دخل صقر الفيلا وكمان سماح جدته
ونغم قعدت جنب معاذ على الارض في الجنينه وقالت / ابوك ده رخم رخامة يا ساتر يارب ، انا مش عارفة ازاي طايقه
معاذ ضحك/ هو انت ما عندكيش بابا زي صقر كدة
نغم / لا ما عنديش بابا بس انا عندي ماما وبادعي كل يوم لربنا انه يخليها ليا .. عايزاك انت كمان تعمل كدة يا معاذ تصلي كل يوم تدعي ان ربنا يخليلك بابا
نغم في سرها/ بس متتكش علي الدعوة دي اوي
معاذ قرب من نغم و حضنها اوي / حاضر وهاصلي واقول ربنا يخليلي نغم كمان …
وفجاه وهم قاعدين في جنينه سمعوا حد بيز.عق جامد في الفيلا فمعاذ نغم بصوا لبعض
نغم / تفتكر مين اللي بيزعق كدة جوااة ، اكيد ابوك الكشري تعالي نروح نتفرج عليهم من بعيد.
تفتكروا مين اللي كان بيزعق ؟؟
ميرسي بجد 💐❤️❤️💫
#خادمة_الصقر
# يوستينا_سامي
7
وفعلا دخلوا الفيلا عشان يشوفوا الصوت العالي ده جاي منين و كانوا بيتسحوا هما الاتنين
في مكتب صقر في الفيلا 💫
صقر/ هو انت فاكر اللي انت بتقوله ده مبرر المفروض اقتنع بيه يعني بسبب مشاكلك مع يوسف تعمل كدة و تخسرنا صفقة بالملايين دي ، انت غبي
كريم / طب ممكن تهدي يا صقر لو سمحت ، اكيد حل حاجة ليها حل ، بس بالعقل
صقر بعصبية / عقل و ده عنده ذره عقل اصلا
ده بني ادم عنده مخ هيفهم ان مشاكله الشخصية المفروض ما يربطهاش بشغلي و بعدين انا مالي و مالك يا عساف تتخا.نق مع يوسف و لا تو.لعوا حتي
عساف بزعل / عندك حق يا صقر بيه ، بس انا معرفتش اتحكم في غضبي و اخدتي الجلا.لة و قولت صقر صاحب عمري عمره ما هيشتغل مع اكتر واحد اذاني . بس انت عندك حق ، و بعتذرلك تاني
..عساف لمح معاذ و نغم موجودين في المكب فبص لصقر
عساف / اعتقد ان من الافضل ان نبقي نكمل كلامنا في المكتب يا صقر بعد اذنكم
....وخرج عساف من المكتب وهو حزين اوي علي رد فعل صقر و معاذ خرج وراه و مريم بص لصقر بعصبية
كريم / كان ممكن نتكلم باسلوب كويس اكتر يا صقر ، عساف كان محتاج منك الدعم و انك تقف جمبه زي اخوه ده بيساعدك في شغل ليك كتير منغير حتي مقابل بس علشان صداقتنا
خرج كريم من الاوضة و ساب صقر قاعد زعلان
نغم واقفه بتبص لصقر اللي قاعده على المكتب وهو متضايق وقربت ناحيته
نغم / على فكره عادي انك تعتذرله وخصوصا انك كنت قليل الذوق اوي معاه ، لا و انا اللي كنت فكراك رخم معايا انا بس ،طلع محدش طايقك يا راجل .
صقر اتصدم من كلامها و قام من الكرسي بتاعه و كان فرق الطول واضح جدا و مسك ايدها بغل
صقر / انتي بتدخلي ليه نفسك في اي حاجة تخصني و بتعدي حدودك معايا اوي ، اوعي تنسي نفسك انت هنا مجرد حد بيشتغل بفلوس وهيمشي بعد كده اظن كلامي واضح
نغم / اوعي ايديك دي ،و تصدق بقى ان انا غلطانه اني حاولت اهون عليك واني احاول اهديك اصلا
انت واحد مغرور و مش هترتاح الا لما اديك دعوة تجيبك الارض ، اصلك متعرفش انا مبروكة قد ايه
صقر بغل / طب غوري من قدامي لاني ثانية و هنسي انك بنت و انا اللي ههد الاوضة دي علي دماغك
بصتله نغم بقرف و خرجت من الاوضة بتجري
_____________________________________
في الجنينة 🏞️
معاذ / وحياتي يا عساف متزعلش من بابا ده بيحبك خالص
عساف ببتسامة / انا عارف والله يا زيزو و بعدين متقلقش انا و بابا عمرنا ما نتخاصم ابدا بس انا لازم امشي علشان عندي شغل مهم
كريم / طب انت هتيجي معايا البيت علشان تبات معايا صح .و متقلقش المره دي هتنام في اوضة لوحدك ، علشان ميحصلش زي اخر مرة
عساف بضحك / لا انا كنت بهزر معاك ، انا رايح المكتب عندي قضية مهمة هسهر عليها انا و اسامة
نغم / عسوفة ، انت زعلت من كورمبو اللي جوا ده
علفمرة بقي انا لو منك احط كلامه ده في اقرب
بلا.عة
كريم بحده / نغم . معاذ واقف
نغم / ايوة صح .. طب معاذ ادخل جوا يا حبيبي علشان هشتم علي بابا ، و مينفعش تبقي واقف
......معاذ سمع كلامها و دخل جوا الفيلا فعلا مع الدادة بتاعته و كريم و عساف اتصدموا
عساف بضحك / انني مستحيل تبقي مربية علفكرة
واد يا كريم ابقي ابعتلي اسمها بالكامل انا لازم اعمل عنها تحريات .. يلا باي
كريم بغيظ / قدامي علشان اوصلك يا اوس المصايب
يلاا
و فعلا نغم راحت مع كريم علشان يوصلها
___________________________________
في المكتب عند صقر كان قاعد مضايق اوي من كلام نغم
صقر بغيظ / لا هو انا ايه اللي مخليكي اصبر عليها و علي قلة اد.بها بالشكل ده ، لا و كمان مش برد عليها
بقي انا اللي ببصة واحدة بسكت اهم رجال الاعمال
هي تهزقني بالمنظر ده .
و فاجاه صقر لقه الباب بيتفتح و بتدخل جدته ..
سماح / ايه يا حبيبي لقيتك تاخرت قوي فقلت اجي اتكلم معاك.. بصراحه نغم البنت اللي انت جايبها عشان خاطر معاذ بنوته عسوله قوي وجميله جدا
صقر / مين دي اللي عسوله دي بت في غاية قلة الادب بجد و شكلها كدة بتنكش علشان ارفدهاا والله شكلي هعملها بجد و همشيها .
سماح / انت اتجننت يا صقر ده ابنك كان زعل اوي
ده متعلق بنغم بطريقة مش طبيعية
ده احنا ما صدقنا انه يضحك و يتعامل زي باقي الاطفال
صقر/ بصراحة يا جدتي انا وجودها بقي مضايقاني اوي و معصباني جدا بطريقتها الغريبة اوي دي
سماح / طريقتها جميلة اوي و هي دمها شربات انت بس شيلها من دماغك و ماتتعملشي معاها خالص ..
و خرجت سماح و سابت صقر قاعد في المكتب .
_____________________________________
في العربيه 🚘
كريم / يسلام بقي بعد كل الي انتي قولتيه لصقر ده
مستغربة هو زعلك ليه و طردك ،نغم انا فقدت الامل فيكي بجد و كشفت راسي و دعيت عليكي
نغم بضحك / الله يعني انت مشوفتش طريقته مع عساف ..طب وربنا الواد عساف قطع قلبي بجد
كان نفسي كدة اروح اضرب صقر بالشلو.ت من كتر غيظي
كريم صرخ بغيظ / يالهوووي ، انتي مالك يا باردة
اتنين صحاب بيتخانقوا ايه دخلك يا حشرية
نغم ضحت علي طريقته / وربنا انت سكر يا كريم
بس برضوو صاحبك قليل الذوق و انا بشتكيلك منه
اهوو ، علشان لو لقيتوني و.لعت فيه تبقوا عرفتوا السبب
كريم / ماشي يا ستي ، عموما انا عايزك تفرفشي كدة علشان اقولك اللي حصل معايا النهاردة ، انا اتعرفت علي بنت زي القمر و مجنونة شبهك كدة
نغم سقفت / يا كيمووو يا جامد لا ده انت تحكيلي كل حاجة بالتفاصيل بقي
و فعلا بدا كريم يحكي اللي حصل النهاردة و طريقة تعرفه علي ياسمين و نغم كانت مستمتعة اوي بحواره ..
نغم / انا قلت برده ان انت بني ادم مش سهل احكي ، ياسمين دي بقي شكلها حلوو. اوي ولا عادية
كريم / بصراحه يا نغم هي حلوه قوي و بزياده كمام ومجنونه وضحكتني جامد الصبح
بس بيني وبينك انا ماليش في موضوع الجواز ده خالص علشان مخك مايروحش بعيد
نغم / يا ساتر يا رب تصدق انك قفلتني اصلا ، و بعدين ملكش في الجواز ليه مكسل تشتري بدلة
و بعدين حوار الجواز يتوقف علي شكلها ، معاك صورة ليها
كريم/ لا معيش صوره ليها واتفضلي بقى انزلي
احنا بقالنا نصف ساعه واقفين قدام المستشفى ممكن تنزلي بقي وبطلي ام فضولك ده
نغم بعصبية / ده برده هيقولي فضول زي هولاكو التاني اذا كان انت نفسك اللي حكيتي عن ست ياسمين و عن احساسيك يا كيمو ، جاي دلوقتي تقولي خليكي في حالك صحيح عالم معندهاش د.م
وفعلا نزلت نغم من عربيه كريم وراحت المستشفى لكن نتفاجئت اول ما دخلت اوضه في المستشفى بوجود عزه قاعده مستنياها بقالها فوق ساعه …
__________________________________
في المستشفي ..
نغم اتفجاه ان مامتها نامت..
نغم جريت على عزه وحضنتها / وحشتيني قوي يا زوزه انا عارفه اني اتاخرت عليكي بس غصب عني حصل والله حصل الف حوار النهارده ..
عزه / والله لسه واخذه بالك انك تاخرتي يا باردة
واضح ان صقر باشا هيخدك مننا
نغم / اسكتي ما تقوليس اسمه قدامي احسن النهارده والله كنت هاسيب الشغل ومسكت نفسي على اخر لحظه
....وفعلا بدات نغم تحكي لعزه كل حاجه حصلت من اول اليوم وكمان حكيتلها على موقف كريم مع البنوته اللي اتعرف عليها …
عزة / اما انتي بنت ما عندكيش ريحه د.م صحيح
انت مالك بتتخانق مع اصحابه ولا ما يتخانقش ما تخليكي في حالك يا فضوليه انتي
نغم / الله بقولك عساف صعب عليا و هو كان واقف زي الكتكوت المبلول كدة و صقر عمال يديله في الكلام زي السم
نغم / مبلول يا معف.نة ، بقولك ايه انا لازم امشي دلوقتي هبقي اكلمك باي
وفعلا مشيت عزه ونغم فضلت بايته مع مامتها في المستشفى
___________________________________
في مكتب عساف
عساف كان بيفتكر كلام صقر معاه و كان زعلان اوي
و بدا يفتكر اللي حصل .
فلاش باااك 🥱
في مكتب عساف .. استاذن يوسف و دخل مكتب عساف علشان ينتظره
عساف دخل مكتبه و اتفاجاه / يوسف .. اهلا
ده القسم نور اوي ، خير ايه سبب الزيارة الحلوة دي
يوسف ببتسامة / عادي يعني ، انت عارف كويس ان مخي مش صغير و مش بزعل من اي موقف تعمله
بعتبك زي اخويا الصغير
عساف بضحك / يا راجل قول كلم غير ده .
عساف كشر / انجز يا يوسف انا مش فاضيلك اعتقد انك اكتر واحد عارف شغلي و عارف ان وقتي ثمين اوي
يوسف / كنت جاي اكلمك عن الصفقة عايزك تحدد ميعاد مع صقر ، اصل انا عرفت انك بقيت تشتغل معاه واضح ان شغلك لوحده يا حضره الظابط مش مكفي
عساف بغل خبط ايده في المكتب / اطلع برا يا يوسف و مافيش صفقات بينك و بينا من النهاردة.
عساف كان عارف ان اللي عمله غلط بس هو غصب عنه استفز من كلامه
( ما بصراحة يوسف بارد اوي 🤣🤣😡)
__________________________________
تاني يوم الصبح .. في الفيلا 🗻
كانوا قاعدين كلهم علي السفره و صقر نزل
صقر اول ما شاف نغم قاعده كشر / صباح الخير
نغم بصوت واطي / اهو صباح ، بعد اذنكوا يا جماعة انا رايحة اقعد في الجنينة لحد ما معاذ يخلص فطاره
سماح / لا طبعا اقعدي كلي معانا يا حبيبتي ، ده تلاقيكي مفطرتيش اصلا .
نغم / كان علي عيني والله ، و انا ماليش نفس اكل
او تقدري تقولي نفسي اتسدت و بعدين انا متعودتش اقعد علي سفره مع ناس مش بحبها و مش باطيقها ..
صقر بعصبية / استغفر الله العظيم يارب ، هو انتي جاية تقولي شكل للبيع .. بقولك ايه يا بت انتي اطلعي برا دلوقتي بدل ما ارتكب فيكي جنا.ية
نغم قعدت علي السره وبدات تلعب حواجبها لصقر علشان تستفزه و كريم كان عمال يضحك
نغم / انا مش ماشية و هفطر كمان .. يلا يا معاذ كل
و فعلا نغم قعدت و بدات تفطر لوحدها و غي الوقت ده الباب خبط و حد من الشغالين فتح .. ووصلت نانسي ..
سماح اول ما شافتها قالت لكريم بصوت واطي / ايه الي جاب البت الازقة دي هناا ، هي لازم يعيني تنطلنا في كل مكان
كريم بضحك/ ما هي خطيبة صقر يعني عادي تيجي
كل شوية ، انتي مش طايقاها ليه دي حتة رخمة والله
سماح ضحت / اسكت بدل ما نغم تسمعنا و تسيح
نانسي بغرور/ صباح الخير .. لا ده انا واضح ان حماتي بتحبني اوي علشان جيت بدري علي الفطار .
سماح / الله يرحمها الغالية كانت مش بتطيقك والله
و عندها حق فعلا .
صقر. / احم .. تعالي يا حبيبتي اقعدي افطري معنا
كويس انك جيتي انا كنت لسه هكلمك علشان .
نانسي. قاطعته / يا بيبي انا بحس بيك من قبل ما تتكلم اصلا ، علشان قلبي بيحس بقلبك و بعدين انا كلمت كتير و انت مردتش قلقت عليك مو.ت .
نغم بضحك / ايه جو العشق الممنوع ده ، هما هيفضلوا كدة كتير ولا ايه .. احنا معانا عيال صغيره هنا .
كريم ضحك/ لا متقلقيش اكيد المسلسل ده مافيهوش مشا.هد خار.جة .
نغم / لا يا عم انا قلقانة احسن الواد مرارته تت.فق
مش اكتر والله . و بعدين انا قولون عندي عصبي
نانسي / افندم انتي بتقوولي ايه يا بتاعة انتي .. و بعدين هو انتي بتقعدي تفطري معاهم عادي كدة ، في ايه يا صقر هو اي حد كدة يقعد ياكل …ايه هتساوي نفسها معانا
نغم / اللهم طولك روح .. يا بنتي اتقي شري احسنلك
ده انا ممكن اقوم ابلعك اصلا عادي .. فمتخلنيش اقوم اتغدي بيكي دلوقتي و انا لسه مفطرتش و ده ممكن يتعب معدتي
كريم. / ايه ده بس بس ، قوم يا معاذ علشان انت اتاخرت علي الحضانة اوي ..
و فعلا كريم اخد معاذ خرج من الفيلا علشان يوديه للسواق واول ما خرج معاذ
صقر بص لنغم / ايه طريقه الكلام اللي انت بتتكلمي بها دي انتي مش واخذه بالك ان معاذ كان واقف و الكلام ده مينفعش قدام طفل ..
سماح / في ايه يا صقر يعني نغم غلطت انها اتكلمت قدام معاذ ونانسي ما غلطتش انها تتكلم باسلوب مش كويس مع نغم
احكم بالعدل يا ابن الحديدي ..وبعدين خطيبتك لازم تعرف ان البيت ده مش بيتها يعني ملهاش حكم فيه ولا لها حكم علينا مين يقعد ياكل معنا ومين لا ..
تعالي يا نغم نطلع نقعد في الجنينه مع بعض وانا هاقول لاحد من الخدامين يجيبلنا الفطار بره
نغم بصت لنانسي بتناكه وقالت / والله هي طنط انا نفسي افطر حتى انا نفسي مفتوحه قوي النهارده يلا بينا نطلع نقعد في الجنينة ده حتي الجو هنا بقي حر اووووي اوووي
و فعلا خرجوا للجنينة ..
نانسي. / عجبك طريقه الكلام اللي جدتك بتكلمني بيها دي هي ليه معتبراني عدوتها كده بالمنظر ده اومال لو ما كنتش خطيبه حفيدها وهابقى مراته قريب اوي.
صقر / والله انا حذرتك الف مره انك تكلمي حلو باسلوب محترم لكن انت مصممه تتعاملي بغرور مع كل الناس ، علشان كدة جدتي مش بتحبك .
نانسي / اه وانا عشان اخليها تحبني يبقى اتعامل مع الناس اللي جايه من الشارع بحب و لذاذة مش كدة ، بقولك ايه يا صقر موضوع نغم ده انا عايزاك تتصرف و تخلصه في اسرع وقت …. انا لا مرتاحله لوجودها ولا طريقتها المستفزه دي
صقر بعصبيه. / طريقتها دي مستفزاني انا شخصيا
يا نانسي و ساكت ..فاسكتي انتي كمان زي و بلاش تضغطي عليا انا علي اخري . و استني ادخل اغير هدومي علشان اروح المصنع الاول
___________________________________
في الجنينة ..
كريم و سماح و نغم كانوا قاعدين ..
نغم / بس يا طنط دي كل الحكاية ..و من ساعه ما شافتني وهي بقى كرها.ني ومش بتحبني اطلاقا وقعدت تقول كلام ما عجبنيش لحد ما ضر.بتها في الشركه
سماح بصدمة / ضر.بتيها في الشركه يا نغم قدام الموظفين لا ده انتي طلعتي جباره بس جدعه والله احسن البت دي شايفة نفسها اوووي … الله يرحمها ريهام والله ماكانت تتخير عن نانسي دي ابدا ..
كريم بضحك/ انت مش عارفه ريهام دي تبقي والدة معاذ الله يرحمها بس كانت شبه نانسي كده بالضبط في كل تصرفتها و تناكتها
نغم/ هو عم هلاكووو ده مش بينقي غير الناس الوحشه ويتجوزها ده غريب قوي ، بس من واقع خبرتي احب اقولك انه معندوش قلب اصلا
صقر بحده / مين ده با بت اللي معندوش قلب
نغم اتخضت/ ايه يا عم هو انت بتطلع منين كل شوية و بعدين انا بقول هولاكو ، انت هولاكو
صقر/ ماشي يا نغم ، بس خدي بالك لان كاسك اتملي معايا اوي ، و اعملي حسابك كمان انك هتيجي معايا انا و معاذ الصعيد و السفر هيبقي النهاردة بليل
..و سابها و مشي منغير ما يعرف رايها حتي
نغم بستغراب / ايه البني ادم اللي بيقول قرارات و بيجري لوحده ده ، هو انتوا مخلفين انسان اللي يا طنط
سماح / معلش اقعدي و انا هفهمك حوار السفر ده
كريم بضحك/ وانا مضطر امشي وعموما ما تقلقيش والدتك هتجيء تقعد في الفيلا مع طنط سماح بعد اذنكم
_____________________________________
في الصعيد.
في ارض زراعية ظهر واحد طويل و عريض و يعتبر نسخة من صقر في الشكل و قال بصوت عالي / محدش يجيب سيرته تاني ، مافيش عمده غيري انااا و اظن كلامي واضح و مسموع
الجد عاصم الحديدي / خاااالد ، تعالي ورايا و حالا
خلصت 🤣💥
مين خاااالد ده ؟؟؟ و تفتكروا ايه هيحصل
عايزة توقعااات كتير و كومنتات كتيير و هل الرواية بتحلوو و لا بترخم
