سكريبت
_ الجاكيت بتاعي فين يا ماما
جيت من وراه = قصدك الجاكيت ده ؟
_ يخربيتك اقلعي يابت دا لسه جديد
= اخس عليك يا اسر دا هياكل مني حته ولايق عليا
_ لايق على مين يابت ماما يا ماماااااا
- اية يا واد في اية
هو انتي فاتحه دولابي صدقه يا ماما بتاخد الجاكيت بتاعي؟!!
- بنت اختي براحتها
بعتلها بوسه فالهوا
= انا مليش غير خالتو
وبعدين خد ياض انت لابس شرابي؟
_ م انتي لابسة جاكتي
= وانت لبست الكاب بتاعي قبل كدا
_ ما انتي مقلبه مني تي شيرت قبل كدا
= ماشي وربنا مهتاخده برضو هه
_ يابنتي اقلعي ونبي عندي معاد
= رايح لمزه؟
_ لاء
= رايح مناسبه؟
_ لاء !
رايح تطفح؟
_ لاء
= يبقي خلاص انا الى هخده
نفخ وبصلي بطرف عينه _ خليكي فاكرها
= حاضر عيني هفتكر
( انا ليلي 19 سنه ودا اسر ابن خالتي 21 سنه احنا فى بيت واحد حتي فنفس الدور فالعماره انا وحيده والدي مسافر بره بس بينزل اجازات واسر هو كمان وحيد بس باباه متوفي ويمكن دا سبب قربنا. )
.
.
.
_ انتي خارجه دلوقتي؟
= اه عايز اية
_ مفيش خروج
= نعم يا حبيبي
_ مش هتخرجي
= يخالتووووووو
_ فينا من كدا ماشي يخالتوووو
جت ماما وجت خالتو على صوتنا
- في اية مالكوا
= الاستاذ مش راضي يخرجني
- ليه يا اسر
- اية الى ليه عنده حق
= ثانيه كدا انتي امي ولا لقياني على بابا جامع
_ ايوا لقتك على باب جامع
= اسكت يلا
_ والله مهتنزلي
= بصي ابنك بصي لما افتح دماغه هيرتاح؟
- يا اسر سبها تنزل
_ انزلها يخالتو؟
- لاء
= يمامااااا
- الوقت اتأخر
بصلي وغاظني فا مثلت الزعل
_ خلاص هتنزلي بس بشرط
= خير
_ هاجي معاكي
= ما تلمي ابنك المهزق دا بقي
- بت عيب كدا متشتميش ابن خالتك
_ دا الى عندي بقي
= يعني انت عايز تيجي هاه؟
_ اه
= تمام اللبس ويلا بينا مستنيا
_ ايه؟
= ايه ؟ هتيجي معايا بس متبقاش تشتكي
راح لبس وفضلت مستنيا وانا برقدله على تقيل
_ يلا بينا هتروحي انهي مول
= المول الى فى (........)
_ دا بعيد اوي فى واحد هنا كويس
= لاء انا بحب اروح ده
* ودانى فعلا البعيد وبعد اربع ساعات لف فالمول *
_ كفااااااايااااااااااا
= الله يخربيتك اية
_ مش قادر رجلي اتشلت
= والله محدش قالك تيجي معايا
_ اهههه قولي كدا بتربيني وربنا لاعرفك
وقفت ابص على فستان
_ انا بكلمككككك
شيلت عيني اخيرا من على اجمل فستان شوفته = خلاص يلا نمشي
وفجأه ظهرت اسمج بني اادمه فالدنيا
* اية دا اسوو مش معقول
_ ازيك يا مريم
* الحمد الله انت عامل اية فينيك يابني
_ موجود اهو
بصتلي من فوق لتحت * ليلي مش كدا ؟
= اه مش كدا
* لسه مش بتسيبي اسو برضو وضحكت بمياعه
= افندم نعم.؟؟؟
اسر لقاني بطلع دخان فا شدني عشان نمشي
_ فرصه سعيده يا مريم
ركبنا العربية
فضلت طول الطريق ساكته..
_ بت
..........
يبنتي
..........
يزفتههه
ايييييييييه
_ مالك
= مفيش حاجه تعرف تسوق وانت ساكت
_ لاء ..... يبنتي بقي
= يا نعم
_ هي مريم دايقتك دي بتهزر علفكره دي طيبه جدا و
= ششششششش ايية هتقول فيها شعر
ابتسم: هو فى ناس بتغير ولا اية
= لا دا في ناس بتعبط
ضحك _ يشيخه
= لو عجباك اخطبهالك
_ بصراحه اه عجباني اوي
= طب متخطبها مستنى اية
_ ظبطيلي معاها طب
= متخرس بقي
ضحك بصوته كلة _ هوا اية ريحه الشياط دى انتى؟
= يا خفيف!
_ انزلي انزلي وصلنا مشفش وشك تانى
=انت رايح فين
قال بستفزاز_ هشوف مريم كدا
= خرجت ورزعت باب العربية
_ بفلوس دي ياماما
= يارب تتحرق
ضحك ومشي وانا طلعت وكنت متعصبه جدا
دخلت ورزعت باب الشقه جامد
- اية يا ليلي براحه عالباب يبنتي
= لامواخذه يا ماما
- اية جبتي اية
= مش حاجات كتير تعالي اوريكي
تاني يوم الصبح صحيت على زغاريط كتير وكنت منزعجه جدا خرجت من اوضتي لقيت خالتو وماما
: هو في اية الواحد مش عارف يتخمد اية عندكم فرح!!!
* باركيلي يا ليلي هنخطب لاسر انهارده
_ 2_ البارت التاني
تاني يوم الصبح صحيت على زغاريط كتير وكنت منزعجه جدا خرجت من اوضتي لقيت خالتو وماما
: هو في اية الواحد مش عارف يتخمد اية عندكم فرح!!!
* باركيلي يا ليلي هنخطب لاسر انهارده
اية دا اكيد خالتو بتهزر اية العبط دا
= بجد ؟
- اية يا ليلي مالك
= مفيش يا ماما ، وهو موافق يخالتو؟
* دا طاير من الفرحه
ابتسمت وانا مكسوره من جوه = ياتري مين بقي
* مريم زميتله
هه متوقع طبعا !
= ربنا يتممله بخير ودخلت اوضتي حاولت كتير انام معرفتش الساعه كانت 4
لبست واتشيكت وقررت انزل اقابل صحبتي من غير ما اقوله اللهي يتفلق وانا مالي
.
.
.
* وصلت الكافيه وطلبنا اكل *
( اه انا لما احزن باكل يجدعان)
_ بس ياستي دا الى حصل وبتقولي فرحان وبتاع
= يلهوي وهتعملي اية
_ مش عارفه بس لو بيحبها خلاص هعمل اي
= خلاص بتقولي خلاص عادي دا حب طفولتك يبنتي!
اتكلمت بخنقه_ اعمل اية يعني يا ملك
= تطفشيها
_ لا فكك خليه يشبع بيها انا هروح بقي
= لا خليكي شوية الساعه 8 لسه
_ لا كفايه كدا انا موبايلي هيفصل
= طب انتي تمام يعني؟
_ هنخيب ولا ايي انا كويسة يابنتي
= بجد؟
_ اه عيب عليكي
سبتها ومشيت كانت اكبر كدبه انا مدمره حرفيا حب طفولتي الى محبتش غيره هيخطب طب ازاى خايفه اشوفه عيني هتفضحني ويبان كل حاجه ليه يارب كدا متوقعتش اتكسر من اسر
فضلت اتمشي كتير اوي واتفرج على الشوارع والمحلات لحد ما تعبت وقعدت علي مصطبه فى شارع فاضي وعيوني دمعت مسكت وشي بأديا رجعت شعري لورا وكنت بحاول اهدا شوية
- انتي كويسة ؟
رفعت راسي لاقيته شاب ملامحه هاديه
مسحت دموعي = مفيش حاجه انا تمام
- تايهه
= تؤ
- طب الشارع دا مفهوش حد والوقت اتأخر الاحسن تقومي يعني
الوقت يلهوي !!!! ماما فتحت الفون لاقيته فصل ينهار اسود قومت فجأه = الساعه كام
_ الساعه 11 ونص
= ينهار اسود قعدت كل دا
_ طب تحبي تكلمي حد يخدك
كنت لسه هنطق اسمه اسر ! مليش غيره دايما بيلحقني بس خلاص دلوقتي لازم اتعود على عدم وجوده
اتنهدت = لاء
_ تحبي اوصلك
= لا لا شكرا همشي واركب اي حاجه
_ خليني اوصلك انا معايه عربيه
بصتله بتردد وكنت خايفه لاقيته فتح فونه : هطلبلك اوبر طيب
شوية ولاقيته بيشاور على نفسه وبيقول _ مقدمكيش اوبر غيري
ضحكت غصب عني لاقيته ابتسم
_ متخفيش هوصلك بسرعه
كنت مطمنه نوعا ما فا قولت= ماشي
وصلني وخليته يقف على اول الشارع
_ مش عارفه اقولك اية شكرا جدا بجد
ابتسملي وضحك = متبقيش تتأخري تاني
ضحكت ونزلت من العربيه واتفاجئت بأسر قدام البيت وغالبا باصصلي لا دا اكيد لاقيته جاي عليه بهمجيه شكله هيضرب ده ولا اية!!
_ انتي كنتي فين كل دا وازاى تنزلي من غير ما تقوليلي هو انتي اتجنني!!!!!!!
= في اية اتكلم براحه
_ براحه !!!! و مين الى نازله من عربيته ده هاه!!
احيه هو خد باله برضو ! وبعدين
اتكلم بزعيق وعصبيه وانا موتي وسمي الطريقه دي فا اتعصبت وزعقت انا كمان
= في اية هو انا لازم اخد اذن من سيادتك وبعدين ده اوبر! و ثانيه انت مالك اصلا ؟
_ اية الى مالي لا مالي ونص قافله موبايلك وسايبه الدينا تضرب وامك عماله تعيط عليكي
يلهوي ماما !
اتحركت نايحه البيت مسك ايدي جامد
_ لينا كلام ومش هعدي الموضوع ده يا ليلي فاهنه
= ايدي اوعيي أسر انت وجعتني اوعيي
ساب ايدي وطلعت جري على الشقة لقيت خالتو معاها
جريت عليها و حضنتي
* ليلي !!! انت كويسة كنتي فين كل دا ليه كدا تقلقينا
= اسفه يا ماما والله الموبايل فصل مني والله معرفتش اكلمك
* من امته وانتي بتقعدي كل دا بره
= انا اسفه غصب عني
- المهم انها بخير اطمني بقي اسر فين يا حبيبيتي
مردتش عليها فا عرفت اننا اتخنقنا
- هو زعقلك
عيني دمعت فا طبطبت عليا
- حقك عليا كان قلقان اوي عليكي
صح قلقان اوي الواد زي ما اكون مهمه عنده مثلا
= حصل خير يا خالتو انا مزعلتش
انا بكرهو بس
_ انا هدخل اوضتي يا ماما تصبحوا على خير
اترميت على السرير بتعب وفضلت افكر فالي حصل طب هو ليه زعلان كدا طبعا ماهو معتبرني اخته بقي هه
فتحت دولابي عشان اغير ولقيت الفستان الى عجبني فالمول.!
_3_البارت التالت والاخير
كنت مصدومه اي دا !
= ماما ماما يا ماما
- اية ياحبيبيتي
.= ماما مين جاب الفستان ده؟؟
- اسر
= نعم ليه
- عشان الخطوبه بكره قال انوه عجبك فا جابه تحضري بيه
جزيت على سناني ومحستش بنفسي غير وانا فى شقتهم الساعه واحده بليل عادي او مش عادي مش مهمممم
= لا يخالتو ابدا والله لادخل اديهوله !
كلمتني بهمس
- وطي صوتك بس هو متعصب لوحده وبعدين اعتبريه مني انا
= لاء والله لادخل فتحت اوضته لاقيته فالبلاكونه حطيت الفستان عالسرير ودخلتله
- انت رايح تجبلي فستان بتاع اية هاه
=.........
- لا رد عليا يحبيبي
=.........
- ماشي خليك ساكت انا همشي اتحركت خطوه ورجعت تاني وقولت بزعيق
- و واااااثق اوي اني هحضر خطوبتككككك والللللله ما هاجي ولا عايزه اعرفك هااااااااه غور جتك القرف ومتتعصبش عليا تاني ياض
بصلي بحده..
احم انا صوتي علي سيكا؟ لا كتير والجيران نايمه
- انا مكنش قصدي يعني
قرب عليا وهوا باصصلي
- في ايه؟
قرب اكتر
- ولا هنادي على خالتو
- قرب وانا لسه هصوت حط ايده على بوقي فضلت تايهه في عينه وهوا باصصلي ومفيش بينا اي مسافه
= انا بحبك
عيوني لمعت وبرقت من الخضه او المفاجئه او الصدمه كزا شعور شعور غريب!!!
خرجت من الاوضه وانا بجري لدرجه خبطت فى خالتو ومختش بالي وكملت لحد سريري واخيرا نمت ! نمت ايوا هربت فالنوم انا خايفه
معنديش استعداد اخوض التجربه بس انا .. انا بحبه
تاني يوم صحيت
- قومي قومي
= اية يا ماما في اية
- قومي عشان الخطوبه !
قولت بصدمه = اية هوا لسه هيخطب
- اية لسه هيخطب دي
= هاه؟ لا مفيش قعدت وانا متغاظه اوي !
اهه يغشاش يكداب يخاين بتقولي بحبك بليل وتخطب الصبح!! ببص جمبي لاقيت الفستان تاني!
و كان عليه ورقه فتحتها وكانت..
* انا جبتلك الفستان خلاص ممكن تلبسيه وتيجي الخطوبه وتكوني جمبي هتعبرها احلي هديه من اختي *
عيني دمعت وكنت عايزه اعيط او عيطت فعلا بس قررت ابطل انانيه هوا قالي بحبك وانا مردتش طبيعيي يحصل كدا عدا الوقت
لبست الفستان وفردت شعري ولميت شوية شعر من وراه وعملت قصه صغيره من الجمبين ولبست هليز اسود وشنطه سوده الفستان لونه كان اسود برضو وعليه شيفون بيلمع ابيض حطيت روج وماسكيرا بصيت فالمرايا وقررت اكون قويه
.. مشفتوش خالص كنت خايفه وايدي بتترعش خايفه اضعف وحبي يبان ماما طول الوقت بره بتجهز معاهم وبتلبس
الباب كان بيخبط فتحت لاقيته واقف قدامي!
قلبي فضل يدق جامد كان هيقف وهو شكله كان حلو اوي عيوني دمعت وللاسف نزلت
قرب ومسحهم وقال _ دي دموع الفرحه ولا اية
استوعبت الى بيحصل وبعدت ومسحت دموعي
= ايوا شكلك حلو اوي امال فين مريم
_ مريم مستنيا هناك راحت مع اخوها
= وانت هنا ليه
_ اصل ماما وخالتو مشيوا وجيت اخدك اوديكي يعني
= اه ماشي هنزل وراك
نزلنا سوا وركبنا العربية واخيرا وصلنا المكان كان حلو اوي وفي ورد على الترابيزات شايفه من برا
مد ايده وقالي انزلي اترددت بس مسكتها ونزلت من العربية و فضل ماسكها
_ شيل ايدك مريم ممكن تضايق
ضحك = خايفه على شعورها
_ اه
ضحك اكتر وانا لاحظت ان عيلتي موجوده
= هوا .. هوا فين مريم واخوها دول ؟
بعد خطوات بسيطه وابتسملي
_ مفيش مريم في ليلي
الحروف وقفت اتكلمت بالعافيه
= بس .. بس انت قولت انت قوليلي انوه ..أأ.
قرب ومسك ايدي وانا بصيت علي ايدي و تنحت _ انا قولتلك بحبك مكنتش مستني اسمع بتحبيني ولا لاء انا عارف
رفعت حاجبي _ اية الثقة دي ؟.
غمزلي_ البركه فى خالتو
طبعا هوا التفكير الثعباني دا منين اكيد امي
= كنت فكراكي امي والله ؟
_ جاهزه نبدء خطوبتنا بقي
= اية هو دا طب مش موافقه
_ مش بمزاجك انا عايزك وهاخدك
يلهوي حد ياخد قلب حد كدا !
= اسر بقولك اية
اتنهدت من لهجتي الجديه _ مش هسيبك حتي لو
قاطعته = اسر انا بحبك يلا بقي
_ اية ! بجد
= بصراحه لا عيني عالجاكيت بتاعك
_ ايه؟
= هتسبني اللبس هدومك
_ هتخدي الدولاب كله
= بحبك
_ احيه قوليها تاني!♡
= لا و المصحف مش هعرف اقول تاني خلاص
ضحك وحضني ولاقيته بيشلني ! _ انا انا ... مش مصدق
= نزلني بس وصدق على مهلك
نزلني وحضني تاني وانا تبت فيه وكنت فرحانه اوي
وتمت الخطوبه وبعدها اتجوزنا وبدأت احلي ايام حياتنا سوا
توته توته خلصت الحدوتة ..
رأيكم بقي ♥️
تفاعل 🥺♥️
