 |
حبيبي عبر الزمن
الحلقة السابعة والتامنه
كامله على مدونة النجم المتوهج للروايات
🌺🌺🌺🌺🌺
فى صباح اليوم التالي استيقظت ميرال على أشعة الشمس تداعب عيونها ونظرت حوليها لقت كينان نايم بهدوء على الكرسي بجوارها ففرحت بشدة لاهتمامة بيها ولكن فى لحظة تذكرت كل شي وأخذت دموعها تنزل بسرعة على وشها وكتمت صوت شهقاتها ولكن استيقظ كينان على الصوت وقام بسرعة واخذها بين احضانه وفضل يهدي فيها الى ان هدئت وستكانت فبعد عنها
كينان : خلاص اهدي بلاش عياط
ميرال بدموع : والله معملت حاجة هو الى مسك أيدي
كينان بهدوء : عملك ايه
ميرال : انا كنت خارجة من الحمام لقيته واقف جيت أبعد مسكني وفضل يكلم بس انا مش فاكره بس حاول يبوسني وانا مقدرتش ابعده فصوت وانت جيت
كينان بغضب : وانى هبلة اذاي تسمحيله تقرب منك ويلمس جسمك انتى اخرك تنزلى دمعتين خلاص انتى غبية ولا فرحانه بلمسته ليكي كفايه عياط
دخل مالك يجري على صوت كينان العالي وعندما دخل الغرفة وجد كينان كافهد الثائر وميرال تبكي وترتعش بشده فتوجه إليها ومسح دموعها
مالك بعصبية : كينان انت اتجننت انت مش شايف حالتها حرام عليك كل ده علشان ايه انت عارف انها طفلة ومش بتفهم وانا قولتلك براحة عليها لكن اذاي كينان بيه لازم يادي أوامر يعلي صوته والبت ولا تهمك حرام عليك انت مش شايف منظرها
نظر كينان على ميرال وجدها تحضن نفسها بشده فى وضع الجنين وتدفن وشها وتبكي بشدة وجسدها يرتعش فتوجه إليها واخذ يمسح على شعرها بهدوء و سحبها من ايدها واخذها بين احضانة وفضل تبكي بشده وهى تمسك في قميصة الى ان هدئت بعد وقت طويل
كينان : خلاص هديتي
ميرال بصوت ضعيف : اسفة بس انا معرفش حاجة من العالم بتاعكم انا اسفة
كينان : انا الى اسف وانت انظف من العالم ده وانا هفضل احافظ عليكم من كل الناس انتى طفلتي الجميلة
ميرال : يعني انت مش هتزعقلي تاني ولا هتضربني
كينان : عمري مهعمل كده ماشي طفلتي
ميرال : ماشي
مالك : كينان الطيارة بالليل وانا جهزت كل حاجة هنخرج ونرجع الفندق وبالليل نرجع مصر
كينان : جيبت الهدوم
مالك : ايوه ديه هدومك وديه هدوم ميرال
كينان : انا هدخل البس بعد كده انتى ماشي
ميرال : ماشي
دخل كينان ولبس ملابس كاجول وخرج
دخلت ميرال الى الحمام وأخذت دش ولبست هوت شورت وبلوزه سوداء بكتف واحد وتركت لشعرها الحرية ووضعت النظارة على شعرها وخرجت
انصدم كينان من منظر ميرال الجميل والرقيق وكانت صغيرة بس فى منتهي الأنوثة
كينان : ايه ده
ميرال : فى ايه
كينان : اه اللبس ده
ميرال وهى تلف : حلو مش كده صح
كينان بتنهيدة : هو عاجبك اوي كده
ميرال بفرحة : ايوة بصراحة كان نفسي البسه اوي من اول مشفته عند آسيا
كينان : مين آسيا
ميرال بحزن : اخت الراجل اللى كنت شغاله عنده
كينان : يعني كل الهدوم اللي بتلبسيها بتاعت الناس ديه
ميرال بحزن : اكيد ملك و يوسف يوم مكنت بهرب من هناك جابولى شنطتين ملينين هدوم و جذم كتير ولما جيت عندك ولقيت الهدوم اتصلت على ملك وقالتلي هما عندهم هدوم كتير محدش هيلاحظ الهدوم ديه فطمنت
كينان : طيب يالا نروح
ذهب كينان الى شركة جو وترك ميرال فى الاسفل مع الحرس وصعد هو الى الاعلى وبعد حوالى نصف ساعة نزل كينان إليها واخذها ومشيو وتوجهو الى محل الايس كريم وجبلها واحد كبير وجاب لنفسه كوب قهوه
فضلت ميرال تاكل الايس كريم بستمتاع وتلزز تحت نظرات كينان السعيدة والمسرورة بفرحة طفلته الجميلة التى سوف يعلمها كل شئ فى الحياة وسوف يكون الأستاذ و الاب و الاخ و الحبيب و العشيق لم ينتبه كينان لميرال التى تتكلم معه وهو ينظر لها فقط
ميرال : كينان كينان كيننننننننننان
كينان : في ايه مالك
ميرال : مالك انت سرحان في ايه
كينان : مفيش خلصتي علشان نرجع الفندق
ميرال : ايوه يالا بس انت عملت ايه فى الشركة
كينان : بلاش تشغلي راسك الصغننه ديه يالا
وصلو الى الفندق وصعدو الى الجناح ودخلت ميرال وجلست على الكرسي وغمضت عيونها ونامت مكانها دخل كينان من البلكونة بعد ان عمل اتصال ووجدها كذالك فضحك على تلك الطفلة وقام بحملها بهدوء ووضعها على السرير وقلعها الصندل وغطاها وخرج
🌹🌹🌹🌹🌹🌹🌹🌹🌹🌹🌹🌹
بعد مرور ساعتين استيقظ كينان واخذ دش ولبس وتوجه الى غرفة ميرال ووجدها نايمة فقرب منها ولمس على شعرها بهدوء وباس خدها فبتدت ميرال فى الصحيان وفتحت عيونها ووجدت كينان يجلس بجوارها
كينان : يالا ادام صحيتي قومي خدي دش ولبسي
ميرال : خلاص هنرجع مصر
كينان : ايوة فاضل ساعتين على الطيارة متنميش تانى
ميرال : لا خلاص صحيت
توجهت ميرال الى الحمام وأخذت دش ولبست وصلت وخرجت لكينان
اخذ كينان ايديها وخرج وشاور للحرس بأخذ الشنط ونزلو الى الاسفل وتوجهو الى المطار وصعدو الطيارة وبعد حوالى 3 ساعات عادو الى أرض الوطن سالمين توجهو الى الفيلا وذهب مالك الى الفيلا وعندما دخلو توجه كل شخص الى غرفتة ونامو بارهاق شديد
🌹🌹🌹🌹🌹🌹🌹🌹🌹🌹🌹🌹
مر حوالى أسبوع
🌹🌹🌹🌹🌹🌹
- تقدم مالك الى نور ورحبت عائلتها بشده بيه وحددو الخطوبة بعد العيد ولكن رفض مالك وطلب منهم جعلها زواج على طول لانه يعيش بمفرده ويرغب فى الاستقرار فوافقت عائلة نور على ذلك
- تعرفت ميرال على مريم خطيبه أدهم وحبتها بشدة
- واصبحت مريم و نور و ميرال أصدقاء بشده
- أخذ كينان ميرال وتوجهو الى إحدى المولات الكبري وشتري لها الكثير من الملابس الخاصة بالخروج و البيت و الأحذية و الشنط والإكسسوارات و المكياج
- كما حدد أدهم جوازه من صغيرتة مريم فى نفس يوم مالك فسعدت مريم كثيرا بالخبر لانها تعشقه بشده وهو كل شي فى حياتها
🌹🌹🌹🌹🌹🌹🌹🌹🌹🌹🌹
عاد كينان الى الفيلا ووجد ميرال تجلس امام التليفزيون تتابع المسلسل التركي حب أعمي وكانت تبكى بشدة فتوجة إليها بسرعة
كينان بخوف : مالك بتعيطي ليه
ميرال بدموع : مات خلاص
كينان : هو مين الا مات
ميرال : كمال مات مات والحقير امير هو السبب انا عارفة كل حاجة
كينان : تحبي نبلغ البوليس عليه متخفيش انا معاكي
ميرال : بوليس محدش يقدر عليه
كينان بهدوء : هو موته ليه
ميرال : علشان ميتجوز نيهان
كينان وهو يقلع جاكت البدلة : انتى بتتكلمي على المسلسل صح
ميرال ببراءة : ايوه طبعا هو انا اعرف حد
كينان وهو يخلع حزام البنطلون : يعنى كل ده علشان المسلسل
ميرال بتاكيد : شور
كينان : وانتى بقي زعلانة على كمال صح
ميرال برومانسية : ده بوراك اوزجيفيت موز كده وحاجة جامدة ده عليه كميه إحساس ولا شعره جميل ولا عيونه جذابة ولا حلاوته بصراحة حاجة كده من الاخر جامدة ذي الكتاب مقال
كينان : طيب تعالى بقي يا بقرة بقي الدموع ديه علشان المسلسل انا بقي هخليها حقيقية
جريت ميرال بسرعة من أمامه وهو يجري خلفها ولكن لم يمسكها ودخلت اوضتها وقفلت عليها وأخذت تضحك بصوت عالى
كينان بغيظ : اضحكي اوي دلوقتي بس اول ممسكك هرنك علقة موت وصعد الى غرفته
كينان لنفسه : ااااااااه بقي عمله مناحه علشان بطل المسلسل في ايه حلو دانا احلى واجمل منه بس شكلها عوزة نظارة قال بوراك ايه بلا نيله بنات مايصه
بعد فترة نزل المطبخ ولقاها عملت الاكل وقاعدة قدام الاكل
جلس كينان يأكل من غير ميتكلم وبعد الاكل توجه إلى المكتب وهى ذهبت خلفة
ميرال : فين ريموت التليفزيون
كينان : لا رد
ميرال : الفيلم هيبتدي ونبي هاته
كينان : اقعدي يا بت خدي الملف ده راجعيه
ميرال وهي تخبط فى الأرض : حرام بقي الفيلم جديد وعوزة أتفرج عليه
كينان بصوت عالى : انتى نسيتي نفسك ولا ايه
ميرال بحزن : عند حضرتك حق فعلا نسيت نفسي تامر بحاجة حضرتك
كينان : خدي الملف ده رجعيه
جلست ميرال تراجع الملف وهو ينظر ليها وكان زعلان انه علي صوته عليها رجع كينان يراجع الملف
مر أكثر من 3 ساعات قد أنهي كينان الملف الذي أمامه ونظر على ميرال وجدها تحتضن الملف وتنام مثل الأطفال فضحك عليها وقام بحملها وتوجه الى غرفتها ووضعها على السرير وشاهد بعض الدموع متعلقة فى رومشها فنحني وقام بتقبيل عيونها وبعد ذلك استقام في الوقفة وخرج وصعد الى غرفته ونام بعد صراع مع ضميرة
🌹🌹🌹🌹🌹🌹🌹🌹🌹🌹🌹
حبيبي عبر الزمن
الحلقة الثامنة
🌹🌹🌹🌹🌹
فى صباح اليوم التالى استيقظت ميرال مبكرا وأخذت دش وصعدت الى الأعلى حتى تيقظ كينان وذهبت جهزت الحمام وجهزت ملابسة
قام كينان وجلس على السرير ونظر ليها وجدها تنظر إلى الارض ولم ترفع عيونها فتنهد وتوجه الى الحمام
رتبت ميرال الغرفة ونزلت جهزت فطاره وعلى السفرة وتوجهت إلى المطبخ وجلست الى حين انتهائه من القطار
نزل كينان ولم يجدها فتوجه إلى المطبخ ووجدها تجلس على الكرسي فجلس على الكرسي المقابل ليها
كينان : صباح الخير
ميرال بأدب : صباح الخير يا فندم
كينان : ميرال انا اسف بلاش تزعلي مني
ميرال : لا عادي يا فندم حضرتك عندك حق
كينان : ميرال خلاص انا اتخنقت وانتي عماله تتغزلي فى الولد ده
ميرال : كل الناس بتتغزل فيه مش انا لوحدي علشان هو حلو وقمر
كينان : علي فكرة انا احلي منه
ميرال : هنكدب بقي هو احلي
كينان بنرفزة : قومي يا بت اجهزى هنروح الشركة
ميرال : مليش دعوة
كينان : خلاص انا كنت هجيب ليكي ايس كريم بس شكلك مش عوزة
ميرال بسرعة : حالا هلبس بس تجيب الأيس كريم
كينان بضحكة : خلاص هجبلك روحى يالا اجهزى
توجهت ميرال الى غرفتها ولبست بنطلون ابيض وبدي ابيض وجاكت روز وجذمة وشنطة نفس لون الجاكت ورشت عطرها
نظرت ميرال الى المرايا وضحكت
ميرال : شكرا كينان ربنا يخليك للكل
وخرجت وتوجهت إلى السفرة ووقفت أمامه
كينان : يالا تعالى افطري معايا
ميرال : مليش نفس دلوقتي افطر حضرتك
كينان : خلاص انا كمان مليش نفس تعالى نشيل الاكل
حمل كينان وميرال الاطباق ووضعوهم فى الثلاجة و خرجو الى الشركة
🌹🌹🌹🌹🌹🌹🌹🌹🌹🌹🌹🌹
فى الصعيد
🌹🌹🌹🌹
نزل الحاج محمد الى الاسفل وتجمع جميع أفراد العيلة على السفرة وبعد الانتهاء توجه الحاج الى المندرة
( المندرة : غرفة كبيرة يتجمع بها الرجال بعيدا عن النساء لمناقشة مشاكل البلد )
ذهب جمال الى الحاج محمد
جمال : صباح الخير يا جدي
الحاج : يسعد صباحك يا ابني
جمال : كنت عاوز طلب منك
الحاج : قول يا بني خير
جمال : كنت عاوز اطلب ايد ليلي منك
الحاج : اسمعني يا جمال انت كل يوم والتاني صايع مع اصحابك ومش بتشتغل لو بتحبها بجد
جمال بسرعة : والله بحبها يا جدي
الحاج بحكمه : ماشي هتصرف عليها اذاي ومنين مش لازم تشتغل الأول
جمال : عندك حق طيب ساعدني وانا هكون عند حسن ظنك
الحاج : ماشي بعد أسبوع فى شحنة خضرا وفاكهة هتطلع بحري تقدر تطلع بيها
جمال بفرحة : هقدر طبعا انا جمال عبدون حفيدك
الحاج بضحكة : ان شاله يا رب وانت حفيدي الحلو الراجل يالا روح على الارض وباشر الفلاحين بس اعمل حسابك اوعي تزعل حد منهم لولاهم مكنش عندنا الأراضي والخير ده كله
جمال وهو يبوس ايده : ربنا يخليك لينا يا رب
الحاج : ولو عاوز تروح تشتغل مع كينان انا موافق
جمال بسرعة : لا كينان مين انا عاوز اشتغل هنا حتى هنا حلو اوي
الحاج : يالا يا بقره شوف شغلك علشان مخصمش منك مرتبك
جمال : حاضر يا عسل
غادر جمال الى الارض وفرح الحاج محمد على رجوع حفيده للطريق المستقيم
🌹🌹🌹🌹🌹🌹🌹🌹🌹
جمال عبدون : شاب فى 26 سنة خريج كليه زراعة ابن عم كينان يحب ليلي ابنه عمه بشده
🌹🌹🌹🌹🌹🌹🌹🌹
ليلي عبدون : فتاة جميلة وايه من الجمال تبلغ 22 عام ابنه عم كينان و جمال تدرس فى كليه فنون جميلة بوبونيرة البيت يعشقها الجميع
🌹🌹🌹🌹🌹🌹🌹🌹🌹🌹🌹🌹🌹🌹
اتصل الحاج محمد على كينان
الحاج محمد : صباح الخير يا ولدي
كينان : صباح النور يا حاج اخبارك ايه
الحاج : الحمد لله يا ولدي ايه مش ناوي تيجي تحضر العيد معانا
كينان بضحكة : اذاي بس انت عاوز امي تقتلني لو مجتش طبعا هاجي
الحاج : عندك حق ديه ممكن تقتلك هتيجي امتي
كينان : يومين كده بس مش هاجى لوحدى هجيب معايا شخص
الحاج : ينور ويانس ضيفك ضفنا
كينان : يبقي على خير الله يومين وهكون عندك هخلص بس الورق الى ورايا هنا علشان اجازة العيد
الحاج : عملت ايه فى صفقة ايطاليا
كينان : رفضها ولما هاجي هحكيلك
الحاج : على خير يا بني هستناك
كينان : سلام يا جدى
الحاج : سلام يا ولدي
أقفل الحاج محمد مع كينان وقام توجه الى المنزل من الداخل ونده على الخدامه
الحاج : ام السعد يا ام السعد
ام السعد : أمرني يا كبير
الحاج : ابعتيلي ام كينان و ام مصطفي
ام السعد : امرك يا حاج
ذهبت ام السعد الى ام كينان و ام مصطفي وبلغتهم فخرجت الامراتان وتوجهو الى الحاج محمد
ام مصطفي : تحت امرك يا عمي خير
الحاج محمد : خير يا بنتي جهزو اوضة كينان وجهزو اوضة تانية
ام كينان : هو قرب يجي بالسلامة
الحاج محمد : كلها يومين وهيجي
ام مصطفي : طيب والاوضة التانية لمين
الحاج محمد : فى ضيف جاي معاه
ام كينان : حاضر يا عمي هنجهز كل حاجة
قطع كلامهم نزول بنت جميله تجري على السلم ورمت نفسها بين أحضان الحاج محمد
البنت : جدوووووووووو حبيبي
الحاج : قلب جدك وروحه
البنت : انا زعلانة منك ومخصماك بس ها يا حمادة
راجل : احترمي نفسك يا ليلي ايه حمادة ديه
ليلي : عندك حق مينفعش أقوله حمادة هقوله دودي ماشي كده
الراجل : ايوة كده صح
الحاج : انت هتقسم عليا انت و بنتك يا عمار
عمار : وانا مالى يا حاج انت مدلعها انت و كينان ملهاش دعوة بقي
ليلي : ايوه هو مدلعني وكمان انا مخاصمة كينو
الحاج بضحكة : لو سمعك بتقولي كينو ديه هيولع فيكي
ليلي بغرور : ولا هيقدر يعمل حاجة انا فى حمايتك اصلا
عمار : لما نشوف ياك متقلبيش قطة قدامه
ليلي بفخر : انا ليلي عبدون مبقلبش قطة انا بوبونية عيلة عبدون
الحاج محمد : واحلى بوبونية كمان
ليلي : هخلع انا بقي اروح المرسم
ام مصطفي : نفسي تعملي شغل البيت
ليلي : وانا مالي
ام مصطفي : ولما تتجوزي هتعملي اكل اذاي
ليلي بضحكة : النت يا مامي بيعلم الكل سلام بقي عوزة اخلص المشروع
( حتى امي بتطبخ من النت والنعمة اساليني انا )
وخرجت تجري الى المرسم الذي عمله لها كينان تحت اعتراض عمها صلاح بعد إكمال تعلمها ولكن وقف كينان لهم وفعل لها كل شيء
🌹🌹🌹🌹🌹🌹🌹🌹🌹
في القاهرة
🌹🌹🌹🌹🌹
قف لكينان مع جده ووجد ميرال تجلس امامه وتلعب فى التليفون
كينان : يا طفله
ميرال : نعم
كينان : جهزي نفسك هنسافر الصعيد
ميرال : ليه شغل ليك
كينان : لا هنقضي العيد مع اهلي هناك
ميرال بحزن : طيب انا هروح ليه انا هفضل فى البيت متخفش مليش مكان اروحو
كينان : انا قولت كلمة هتيجي معايا مفهوم
ميرال : ولو سالوك انا مين هتقول ايه
كينان : هقول مساعدتي الشخصية مش انتى بتسعدينى فى كل حاجة بتهتمي باكلي و شربي وهدومي وحياتي و شغلي كمان يعني مش هنكدب على حد
ميرال : حاضر
🌹🌹🌹🌹🌹🌹🌹🌹🌹🌹
مر يومين دون احداث وتجهز كينان وميرال للسفر الى الصعيد لمقابلة عائلة عبدون
سافر كينان بالعربيات ولم يسافر بالطائرة ونطلق كينان فى الصباح وبعد مرور عده ساعات وصلو الى الصعيد على مشارف الفجر وكانت ميرال تنام وتضع دماغها على كتفه الى ان وصلو فقام بهدوء بحملها وذهب الى الغرفة التى امام غرفته ووضعها بهدوء ونزل حذائها وشغل المكيف ووضع عليها إحدى المفارش وتركها وتوجه الى غرفته وابدل ملابسه ونام
🌹🌹🌹🌹🌹🌹🌹🌹🌹🌹🌹🌹🌹
ما موقف العائلة من ميرال ؟
