 |
حب_و_عذاب
الاول والثاني والثالث والرابع والخامس
بقلم آيه السيد
كامله على مدونة النجم المتوهج للروايات
*الشخصيات
ريم حسن خليفه/ بنت محجبه وبشرتها بيضه وعيونها بني وملامحها هاديه شبهه ملامح الأطفال وعندها ٢٣ سنه وعلا هي البيست بتاعتها وبتشتغل صحفيه تحت التدريب في جريده كبيره وعايشه مع اخوها ووالدتها ووالدها
زين سيف النصر /بشرته قمحيه وعيونه عسلي وعنده دقن خفيفه وشعره اسود وجسمه رياضي
عنده ٢٦ سنه وهو ظابط برتبه رائد وبيلقب بالفهد وهنعرف ليه في الروايه وعايش مع والدته لان والده استشهد في الحرب
علا عبدالحميد/بنت محجبه بشرتها بيضه وعيونها زرقه شبه لون البحر صاحبه ريم من وهما صغيرين وعندها ٢٣ سنه وبتشتغل مع ريم في نفس الجريده وعايشه مع والدها ووالدتها وعندها اخت اكبر منها اسمها جني وبتحب محمد اخو ريم
محمد حسن خليفه/اخو ريم وعنده ٢٦ سنه هو وزين أصحاب جدا واكتر من اخوات
بشرته قمحيه وعيونه سوده وشعره اسود وعنده دقن وبيحب حنان جارته وبيشتغل ظابط
حنان محسن /بنت محجبه وبشرتها بيضه وعيونها خضرا وعندها غمازة بتبان لما بتضحك وبتحب محمد جدا وعندها ٢٢ سنه وهي تبقا جارة محمد من زمان
فارس/بشرته قمحيه وعيونه سوده وشعره اسود وبيشتغل ظابط مع زين ومحمد .... بس فاسد وبيكرة زين جدا وبتاع بنات وكل يوم مع واحده
مرفت /والده زين وعندها ٤٥ سنه وربه منزل
هيام /والده ريم وعندها ٤٣ سنه
حسن خليفه/والد ريم وعنده ٥٥ سنه وبيشتغل موظف
وباقي الشخصيات هتظهر ان شاء الله أثناء عرض الروايه
اتمني الروايه تعجبكم💙💙
بقلمي :آية السيد ✍️
حب_و_عذاب
البارت الاول 💙
يبنتي قومي بقا تليفونك بقاله ساعه بيرن مش معقول كده كل يوم تروحي الشغل متأخر
ريم /حاضر يا ماما قايمه اهوه.... ومسكت موبايلها ترد
ريم بنوم وهي بترد علي التليفون
ريم/الو....
علا/ايوة يبنتي انتي فين يلا اتاخرنا والله شكلنا هنطرد بسببك
ريم/يابنتي قولي صباح الخير او اي حاجه فيه حد يفتح في حد زي الراديو كده
علا بعصبيه/والله وليكي نفس تهزري قومي بقا يبنتي اخلصي هنتاخر
ريم /خلاص ياختي قايمه أهوه
علا/يلا مستنياكي
ريم /اشطا يا زميلي
علا/زميلك يبنتي انتي بنت علفكره
ريم /اهوه نتأخر بقا عشان مش عاجبك كلامي
علا بعصبيه خفيفه/خلاص ياستي انا اسفه اخلصي بقا
ريم بضحك/حاضر اقفلي بقا
علا/ماشي يا اختي سلام
ريم/سلام
هيام(والده ريم) /والله علا صاحبتك دي ربنا يكون في عونها انها مستحملاكي
ريم بضحك/ليه بس دا انا حتي عسل
هيام /اه يا اختي عسل اسود... اخلصي بقا هتتاخري
ريم /ههههههه ايه الحب دا يا ماما
هيام/اخلصي يبت بقا علي ما احضر الفطار
ريم/حاضر.... هي الساعه كام
هيام /الساعه سبعه ونص
ريم بخضه/يا نهار اسود دا انا اتاخرت اوي
وجرت بسرعه علي الحمام اتوضت وصلت ولبست هدومها
هيام/مش هتاكلي اي حاجه قبل ما تنزلي
ريم وهي بتجري علي الباب/لا هبقا اكل في الشغل عشان متنفخش ادعيلي بقا
ونزلت جري علي السلم
هيام /ربنا معاكي يا بنتي
____________________
هيام راحت اوضه محمد عشان تصحيه هو كمان بس هو كان صاحي بدري
هيام خبطت وسمعت صوت محمد بيقولها تدخل
هيام بابتسامه /صباح الخير يا حبيبي
محمد بابتسامه /صباح الفل يا أمي
هيام /عامل ايه النهارده يا حبيبي
محمد /الحمد لله بخير يا حبيبتي طول ما انتي بخير
هيام /يا واد يا بكاش
محمد بضحك/ليه بس دا انتي الحته اللي في الشمال
هيام بغمزة/انا بردوا ولا حنان
محمد بضحك/طول عمرك فهماني يا ام محمد
هيام ضحكت علي ابنها /طب يلا عشان تفطر يا حبيبي قبل ما تروح الشغل
محمد /لا انا هبقا افطر في الشغل مع زين وباس ايدها
هيام /ماشي يا حبيبي
محمد بابتسامه /مش عاوزة حاجه يا حبيبتي
هيام بحب /سلامتك يا حبيبي وخد بالك من نفسك
محمد/حاضر يا حبيبتي يلا سلام
وسابها ونزل وهو نازل علي السلم قابل حنان
محمد فضل يبصلها وهي اتكسفت وبصت في الارض
محمد بهيام/ازيك يا انسه حنان
حنان بكثوف /الحمد لله يا استاذ محمد.... انت عامل ايه
محمد بهيام وهو شايف كسوفها/الحمد لله بخير طول ما انتي بخير
حنان مكنتش عارفه تقول ايه بس اخيرا اتكلمت
حنان/طيب عن اذنك عشان اتاخرت علي الشغل
محمد/اه طبعا اتفضلي
وحنان نزلت ومحمد فضل باصص في اثرها ومبتسم وبعدين نزل هو كمان عشان شغله
______________
في مكان آخر في شقه جميله جدا
يعيش ذالك الوسيم زين سيف النصر
مرفت (والده زين)كانت بتجهز الفطار
زين/صباح الفل يا قمري
مرفت بابتسامه /صباح الخير يا حبيبي.... يلا عشان تفطر
زين بابتسامه /هبقا افطر في الشغل يا حبيبتي
مرفت بحزن/طيب... يعني هفطر لوحدي
زين /خلاص يا حبيبتي هعمل سندوتش عشان متزعليش
مرفت بابتسامه/ماشي يا حبيبي بالهنا
زين بابتسامه /الله يهنيكي يا قلبي
وزين اكل وباس ايد والدته ونزل راح الشغل
مرفت بدعاء /ربنا يوفقك يابني ويوقفلك ولاد الحلال ويبعد عنك ولاد الحرام يا رب
________________
في الشارع
علا كانت واقفه تستنا ريم وريم جت من وراها براحه
ريم/قربت منها بالراحه وفجأه.... بخخخخخخخ
علا بخضه/ اعععععع والله حرام عليكي يا ريم مش هتبطلي حركاتك دي بقا هتقطعيني الخلف
ريم بضحك /ههههههه تعرفي عني كده
علا بعصبيه خفيفه /لا وبعدين انتي اتاخرت كده ليه.... ما بدري يا ست هانم
ريم بضحك/يبنتي الناس المهمه دايما بتروح متأخر
علا وهي بترفع حاجبها/يا شيخه
ريم/اه تخيلي
علا/طب يلا يا اختي بدل ما نطرد
ريم /طب اصبري طيب اعدل طرحتي عشان حاسه انها مش مظبوطه
علا بنفاذ صبر/حلوة يبنتي يلا بقا
ريم /اهدي بقا متسربعه علي ايه
وراحت ناحيه عربيه واقفه وفضلت تعدل الطرحه بتاعتها
علا بضحك/تخيلي بقا يكون فيها حد وتحبوا بعض وتتجوزوا
ريم بثقه/اكيد يعني محدش موجود وبعدين اللي بتقولي عليه دا بيحصل في الافلام مش في أرض الواقع.... وب
ولسه بتكمل كلامها وفجأه ازاز العربيه نزل
الشخص بخبث وابتسامه جذابه/عادي وممكن يحصل في الواقع عادي
ريم واقفه مصدومه هي وعلا
ريم بعصبيه/نعم.... علي فكره انت انسان مش محترم
وبعدين شدت علا اللي واقفه مصدومه ومشت
الشخص /لا مزه جامده وضحك
وساق العربيه ومشي
#يتبع
بقلمي:آية السيد ✍️
اتمني تقولوا رايكم في الروايه واكملها ولا لا
#حب_و_عذاب
البارت الثاني💙
ريم سحبت علا بغيظ من اللي حصل وكانت متعصبه من الكائن البارد اللي هي قابلته
علا كانت ماشيه وراها ولسه مصدومه وبعدين فاقت من صدمتها دي وفضلت تضحك
علا بضحك علي ريم /ههههههههههههه هموت والله يا ريمو شكلك كان مسخره اوي هههههههه
ريم بغيظ/والله عجبتك اوي
علا ومش قادره تمسك نفسها من الضحك/ههههههه اوي بصراحه
ريم بعصبيه/والله طب خفي بقى ومتتكلميش معايا
علا وهديت شويه/الله وانا مالي يا لمبي...... مش انا حذرتك وانتي فضلتي تقولي لا أصل عمر الكلام دا ما هيحصل واصل دا شغل افلام وروايات
ريم بغيظ/ وانا اش عرفني ان ممكن يحصل كده في الحقيقه وبعدين ما انا طول عمري بظبط الطرحه في مرايه العربيات عمرها ما حصلت
علا بضحك/ههههههههههه والله يا ريم كل ما افتكر شكلك اول ما الراجل دا نزل الشباك بتاع العربيه وانتي واقفه مصدومه ومبرقه بموت من الضحك هههههههه
ريم بغيظ /يا سلام يا اختي وما هو اللي مش محترم لا وكمان عكنن عليا من اول اليوم
علا بضحك /لا بس الواد ايه مز
ريم بلامبالاه /مز ايه بس اقولها ايه تقولي ايه
علا باستفزاز/بزمتك مش مز
ريم /يا شيخه بلا قرف داهيه فيكي وفيه وبعدين انجزي بقا هنتاخر بسببك
علا وقفت وفتحت بوقها من الصدمه /نعم
ريم /نعم الله عليكي
علا/وعلي والديكي يا اختي وبعدين تعالي هنا مين اللي هياخر مين هااااا... دا علي اساس ان انا اللي صاحيه متأخر ولا انا اللي بتخانق مع الناس في الشارع
ريم بضحك علي صاحبتها/اهدي يا جعفر مش كده بهزر معاك
علا بغيظ / طب يلا يا اختي بدل ما نترفد بسببك واصلا رئيس التحرير بيتلكك
ريم /يلا
وبعدين ريم وعلا راحوا الجريده
____________________________
زين نزل وركب عربيته وراح القسم
......... في القسم........
دخل زين القسم بملامح جاده ووجهه يُخيل لمن يراه انه لم يبتسم طوال حياته وبمجرد دخوله أدي جميع العساكر التحيه العسكريه
وبعد كده دخل المكتب
العسكري /حمد لله علي السلامه يا فندم
زين بجديه/محمد باشا وصل
العسكري /لسه يا فندم
زين /وشريف باشا
العسكري /وصل من شويه يا فندم
زين بجديه /طب خليه يجيلي فورا ولما محمد باشا ياجي خليه يجيلي
العسكري بإيمائه/عن اذنك يا فندم
وخرج العسكري وقفل الباب وراه وزين رجع براسه علي الكرسي واتنهد وغمض عينه وفضل يفكر في حياته وافتكر والده اللي استشهد من عشرين سنه واخر لقاء بينهم
___________________________فلاش باااااااك من عشرين سنه
زين كان عنده وقتها ست سنين وكان فيه حرب وقتها
صابر (والد زين) /اسمعني كويس يا زين.... انت دلوقتي راجل البيت في غيابي خلي بالك من والدتك ومن نفسك كويس ومتزعلهاش يا حبيبي واسمع كلامها
زين بايمائه/حاضر يابابا متخافش انا هخلي بالي من ماما كويس وسمع الكلام ومش هزعلها ابدا ابدا
صابر بايمائه وابتسامه /وانا متأكد انك راجل يا حبيبي وانك هتقدر تخلي بالك من والدتك ومن نفسك وبعدين حضنه
صابر عيونه دمعت وبعد عن زين ومسح دموعه وبعدين ودع مرفت مراته
صابر بحب /خلي بالكم علي نفسكم يا حبيبتي هتوحشوني اوي
مرفت بدموع /وانت كمان يا حبيبي هتوحشنا اوي.... خلي بالك من نفسك واحنا هستناك زي كل مره واكيد ان شاء الله هترجع سالم غانم
صابر بحب /ان شاء الله يا حبيبتي وبعدين حضنها وحضن زين
وبعدين ودعهم وسابهم ونزل
ومرفت حضنت زين وعيطت
زين /متعيطيش يا ماما بابا اكيد هياجي تاني
مرفت /ان شاء الله يا حبيبي
________________بااااااااااك
زين بحزن/ربنا يرحمك يا بابا ويكتبك مع الشهداء يا رب العالمين
زين فاق من شروده علي صوت خبط علي الباب
زين بأمر وملامحه رجعت جد تاني /ادخل
الباب اتفتح ودخل شريف
"شريف عز الدين /عنده ٢٥ سنه...... بشرته بيضه وعيونه خضرا وشعره بني وعنده عضلات وجسمه رياضي وعنده غمازة..... هو ومحمد وزين أقرب تلاته لبعض..... و التلاته علاقتهم اكتر من الأخوات وبيحب زين ومحمد جدا"
شريف بابتسامه جذابه /صباح الخير يا زين
زين بابتسامه عكس ما كان عليه /صباح النور...... ها عامل ايه
شريف بمرح /الحمد لله... انت
وقاطعه صوت خبط علي الباب
زين ورجع لجديته تاني /ادخل
محمد دخل
محمد بمرح /ايه يا جدعان مش ناويين تفطروا ولا ايه
زين بضحك /ايه يبني مفيش ازيكم ولا أي حاجه حتي
شريف بضحك /دايما كده هامك علي بطنك
محمد /بقولكوا ايه انا مش فاضيلكم وبعدين انا جاي وناوي افطر شاورما
زين بضحك/ههههه يخربيت فيه حد بيفطر شاورما
محمد /الله اكبر افضلوا نقوت عليا بقا........ يا ساتر
وزين وشريف فضلوا يضحكوا عليه
________________________
حنان وصلت الشركه اللي هي بتشتغل سكرتيرة فيها
و دخلت الشركه وسلمت علي صاحبتها
حنان بابتسامه جذابه /صباح الخير يا هنود
هند بحب /صباح الفل يا قلبي.... كويس انك جيتي المدير الحمد لله لسه مجاش
حنان بثقه /عيب عليكي يا بنتي انا مواعيدي كلها مظبوطه
هند بضحك /بصراحه في دي عندك حق ومقدرش اتكلم
وفضلوا يتكلموا سوا وبعدين حنان سرحت في محمد اللي خاطف قلبها
هند لاحظت شرود حنان
هند باستغراب/حنون انتي. يبنتي روحتي فين
حنان بانتباه/هااا معاكي اهوه
هند بغمزة /اللي واخد عقلك
حنان كانت لسه هنتكلم بس قاطعها صوت شخص
الشخص/انسه حنان المدير عاوزك حالا وشكله متعصب جدا
حنان بخوف /حاضر هروح اهوه
وبعدين دخلت المكتب
حنان بتوتر /نعم يا فندم...... حضرتك طلبتني
الشخص /.............
#يتبع
بقلمي :آية السيد ✍️
اتمني البارت يعجبكم وحابه اعرف رائيكم فيها واكملها ولا لا
واذا حابين أكملها نتفق علي معاد ثابت انزلها فيه 💙
#حب_و_عذاب
البارت الثالث
الشخص (زميل حنان) /انسه حنان المدير عاوزك بسرعه وشكله متعصب جدا
حنان بخوف لأنها عارفه شخصيه المدير كويس عارفه اد ايه هو شخص عصبي /حاضر هروح ليه حالا
وبعدين حنان راحت للمدير وخبطت ودخلت لما سمعت صوته
المدير/ ادخل
حنان بتوتر /حضرتك طلبتني
المدير بعصبيه /ورق الزفت الصفقه الجديده فين انا مش لاقيه واضح ان الهانم مش شايفه شغلها كويس ومش فايقه بس غير للكلام
حنان بخوف /حضرتك هو موجود مع ياسين بيه عشان يراجعه
رحيم (المدير) وبدأ يهدا/ماشي روحي انتي وابعتي لي ياسين فورا
حنان خرجت من المكتب ودموعها نزلت و هند شافتها كده واتخضت وبعدينوقربت منها وحضنتها وحاولت تهديها
هند بهدوء/هشششش اهدي بس يا حبيبتي مالك
حنان بعياط /ه.... هو زعقلي و. و وانا مغلطش في حاجه والله
هند /معلشي يا حبيبتي بس زمانه كان متعصب تعالي اقعدي بس واهدي
وراحت حنان معاها وهديت شويه وبعدين مسحت دموعها وراحت عشان تبلغ ياسين بأوامر رحيم
____________________
حنان كانت بتخبط علي الباب وسمعت صوت ياسين من جوه
ياسين /اتفضل
حنان وبتحاول تخلي صوتها طبيعي /استاذ ياسين الاستاذ رحيم عاوز حضرتك في مكتبه دلوقتي وعاوز ورق الصفقه الجديده
ياسين حس ان صوتها مش طبيعي /ماشي يا حنان
وكانت حنان هتخرج بس وقفها صوت ياسين
ياسين بتساؤل/انسه حنان
حنان بصت ليه تاني/نعم
ياسين /انتي كويسه
حنان عيونها دمعت بس مسحت دموعها بسرعه /اه...... عن اذنك وخرجت
ياسين بتساؤل/شكلك مش طبيعي شكل رحيم عمل مصيبه من مصايبه انا عارفه غبي
أما الحق اروح اشوفه انا كمان عاوز ايه بدل ما يعمل مني بطاطس محمره
_____________________
داخل مكتب المدير
رحيم كان متعصب من نفسه لانه زعقلها
قلبه /انت غبي والله ايه اللي انت عملته دا وبعدين انت اكتر واحد عارف انها شايفه شغلها كويس وأنها مش مأثره في اي حاجه فيه
عقله/ماشي بس ورق الصفقه دي مهم وانا مبحبش الغلط
قلبه /تصدق انك غبي وهي ذنبها ايه الورق موجود مع ياسين مش معاها وبعدين ازاي قدرت تزعقلها.... وازاي ماشوفتش نظرة الخوف اللي كانت في عيونها انت بجد غبي
"رحيم الجرحي /عنده 30 سنه جسمه رياضي بشرته بيضه وعيونه خضرا وشعره اسود وصاحب اكبر شركه استراد وتصدير موجوده في مصر وله اخت اسمها وعد وصاحب عمره الوحيد وهو ياسين الألفي"
"ياسين الألفي /عنده 28 سنه هو ورحيم أصحاب من زمان وهو بيعتبر رحيم عائلته لان ابوة وأمه ماتوا وهو صغير........ طويل وبشرته قمحيه وعيونه سوده وشعره اسود وعنده غمازة "
رحيم فاق من شروده علي صوت خبط الباب
رحيم بامر/ادخل
ياسين بمرح /ايه لحقت اوحشك ما انا لسه سايبك امبارح
رحيم بعصبيه /انت هتستعبط يا ياسين فين ورق الزفت الصفقه
ياسين /اهوه يا عم بالراحه متزقش
رحيم بعصبيه /اظن انت اكتر واحد عارف اهميه الثقه دي
ياسين /عارف يا سيدي والورق خلاص أتراجع ناقص امضتك انت.. وبعدين انت عملت ايه في حنان
رحيم رفع وشه ناحيه ياسين وقلبه دق اول لما سمع اسمها
رحيم /عملت ايه
ياسين /يبني عليا انا دا انا عارفك وعارف طبعك كويس دي البت وشها احمر من العياط
رحيم قلبه وجعه عليها
رحيم ببرود عكس اللي جواه /مفيش ويلا روح علي مكتبك وانا همضي الورق
ياسين سابه وخرج وراح مكتبه
رحيم فضل يفكر في كلامه وحس بوجع في قلبه لانه كان السبب في نزول دموعها وفضل يلعن نفسه وبعدين قرر يعمل حاجه
_____________________
في الجريده
علا وريم وصلوا وكل واحده قعدت علي مكتبها وسلموا طبعا علي اصحابهم
مي (صاحبتهم في الشغل) /ايه يا جدعان اتاخرتوا كده ليه
علا بضحك /كله منها بس تعرفي حصل حته موقف ايه مسخره وبصت لريم اللي كانت متغاظه منها وعلا فضلت تضحك
مي بتساؤل /موقف ايه
علا بضحك /هحكيلك
وحكت علا لمي كل حاجه حصلت معاهم من اول ما قابلوا الشاب لغايه دلوقتي
مي بضحك /هههههههه يخربيتك يا ريم
ريم بغيظ /والله انتوا أصحاب عرر اصلا انا راحه اكلم الواد محمد مشفتوش النهارده ونزلت قبله
علا قلبها دق لما سمعت اسمه
ريم راحت بعيد ورنت علي محمد
_______________________
في مكان آخر وتحديدا في قسم الشرطه
محمد بضحك وهو بياكل /لا واضح ان محدش بيفطر شاورما خالص
شريف بمرح /قلبك ابيض بقا
محمد وهو بيرفع حاجبه /قلبي ابيض ايه دا انتوا طالبين 2 بيتزا كبير و3شاورما وناوين تكلموا المحل وتطلبوا اكل تاني
زين /الله يا عم الاكل اللي حلو نعمل ايه يعني
محمد بضحك /ماشي يا اخويا بس متتريقوش عليا تاني بقا
شريف بضحك/ربنا يسهل بس هات بقا السندوتش دا كده وخد السندوتش من محمد
محمد / اه يبن ال...... والله لاردهالك يا شريف الكلب
وفضلوا يضحكوا وبعدين خلصوا وكل واحد راح مكتبه
ومحمد تليفونه اتبدل بتليفون زين لانه شبهه
زين كان قاعد بيراجع الورق اللي قدامه وفجأه التليفون رن
زين رد من غير ما يبص علي الاسم وكل نظرة علي الورق
ريم بضحك /ازيك يا حمصه عامل ايه
زين بضحك واستغرب /نعم..... حمصه مين
ريم باستغراب لان دا مش صوت اخوها/انت مين وتليفون محمد بيعمل ايه معاك انت حرامي صح
زين وهو بيرفع حاجبه /بت انتي اتلمي واتكلمي بأدب.
ريم بعصبيه /ياسلام وانت بقا اللي هتعلمني ازاي اتكلم يا حرامي يا مهزء انت
زين بعصبيه قفل السكه في وشها ورمي التليفون علي المكتب وحاول يهدي نفيه
وفاق علي صوت الباب
زين /ادخل
محمد بضحك /زين احنا شكلنا بدلنا التليفونات سوا
زين بهدوء /اه خود يا... يا حمصه
محمد وهو بيرفع حاجبه /انت عرفت الاسم دا منين.... دا مفيش حد غيرها هي اللي بتقوله
زين /التليفون رن وانا رديت من غير ما اشوف واللي اتكلمت بني ادمه مجنونه قال ايه مفكراني حرامي
محمد بضحك /معلشي هي بتهب منها كده علطول
زين بتساؤل /هي مين دي
محمد /اختي ريم..... يلا هروح انا بقا اكلمها المجنونه دي
___________________
في الجريده
ريم بعدت التليفون عن ودنها بعصبيه /اه يا حيوان بتقفل التليفون في وشي يعني حرامي وكمان مهزء
علا بتساؤل/ريم انتي بتكلمي نفسك
ريم /والنبي سبيني في حالي يا علا
علا باستغراب /فيه ايه بس مالك
ريم بغضب/هقولك و حكت لها كل اللي حصل في المكالمه
علا بضحك /انتي فيه ايه النهارده دا تاني راجل تتخانقي معاه
ريم بغضب /ما هما اللي كائنات متطفله
علا فضلت تضحك علي ريم
___________________
في مكان آخر شبهه مهجور
الشخص1 /كل حاجه جاهزة للعمليه
الشخص 2/اه ومستنيين الاشاره
الشخص 1/ ماشي خليكوا جاهزين ولما يجي الوقت هديكم الاشاره
الشخص 2/ماشي
#يتبع
بقلمي :آية السيد ✍️
اتمني البارت يعجبكم ومستنيه رائيكم جدا 💙
واذا حابين أكملها ولا لا😊
متابعه💙
#حب_و_عذاب
البارت الرابع
في مكان آخر شبهه مهجور
الشخص1 /كل حاجه جاهزة للعمليه
الشخص 2/اه ومستنيين الاشاره
الشخص 1/ ماشي خليكوا جاهزين ولما يجي الوقت هديكم الاشاره
الشخص 2/ماشي
وبعدين الشخص 2 سأبه ومشي
الشخص 1 /لو العمليه دي اتنفذت يبقا اتفتح لينا طاقه القدر
______________________
في مكان آخر وخاصه في السجل المدني
يدخل حسن (والد ريم) وبيسلم علي أصحابه
حسن/صباح الخير
الاستاذ ابراهيم ودا يبقا صديقه /صباح النور ازيك يا ابو علي
حسن /الحمد لله كله تمام
ابراهيم /يا رب دايما
حسن /والنبي يا عم زكريا اعملي شاي
عم زكريا /حاضر يا بيه
وبدأوا شغل هما الاتنين
______________________
أمام قسم الشرطه
ينزل من سيارته الفخمه بكل غرور وتكبر
فارس بتكبر للسايس /امسح العربيه كويس وخد بالك منها واوعي انها تتجرح لان وقتها هقتلك
السايس بخوف لانه عارف اد ايه فارس مؤذي ويقدر يعملها بكل دم بارد /ح.. حاضر
فارس /يلا شوف شغلك
دخل فارس القسم والعساكر بيادوا ليه التحيه العسكريه
فارس دخل مكتبه ومده علي العسكري
فارس بصوت عالي /انت يا زفت
العسكري بخوف /اوامرك يا فارس بيه اؤمرني
فارس /هاتلي القهوة بتاعتي بسرعه وهاتلي كام مسجون كده نتسلي عليه
العسكري /تحت امرك يا فارس بيه
والعسكري بيخرج وفارس بيفكر في البنت اللي شافها الصبح واد ايه هي جميله
فارس لنفسه /جامده يخربيتك بس شرسه وانا بحب النوع وكمل بخبث... اعرف بس انتي مين وساعتها هتبقي بتاعتي وبتاعتي انا وبس وابتسم بخبث
________________________
في شركه الجرحي
رحيم كان قاعد يفكر في اللي حصل وازاي هو اتعصب علي حنان ونظرة الخوف اللي كانت في عنيها بتوجع قلبه وكمان كلام ياسين
وكان عمال يفكر يعمل ايه وحسم قرارة
رحيم مسك تليفون المكتب وطلب السكرتاريه
حنان وصوتها متغير بسبب عياطها/الو
رحيم قلبه وجعه لما سمع صوتها كده
رحيم /تعالي علي مكتبي حالا
حنان /حاضر يا فندم
وقفلت معاه
وبعدين خبطت ودخلت لما سمعت صوته بإذن الدخول
حنان كانت واقفه خايفه منه وباصه في الارض
رحيم قام من مكانه وراح ناحيتها وكل لما يتقدم خطوة هي بترجع ورا خطوة تانيه
رحيم حس اد ايه هي خايفه منه
رحيم بصوت حاول يخليه حنين/ بصي يا حنان.... بصراحه انا
حنان رفعت وشها ليه ومستنيه انه يكمل كلامه
رحيم بهدوء /انا اسف علي الكلام اللي قلته انا عارف اني غلطت لما زعقتلك بس انتي عارفه الصفقه دي مهمه اد ايه
حنان افتكرت كلامه ودموعها بدأت تنزل تاني وصوت شحتفتها بدا يعلي
حنان بشحتفه/انا.. وو.. والله معملتش.. حاجه... انت...
رحيم مقدرشي يستحمل منظرها دا وبدون سابق أنظار اخدها في حضنه وهي كأنها كانت محتاجه اشاره عشان تعيط اكتر
حنان فضلت تعيط اكتر ورحيم بيضمها ليه اكتر وهي حضنته هي كمان
رحيم بحنيه /هششششش اهدي خلاص والله انا اسف
حنان بدأت تهدي وبعدت عنه وبتمسح دموعها بايدها شبه الاطفال
رحيم /انا اسف علي اللي حصل دا بس...
حنان قاطعت كلامه
حنان /حصل خير.... حضرتك عاوز حاجه
رحيم /لا اتفضلي
حنان وهي باصه في الارض /عن اذنك
وحنان خرجت ورحيم فضل باصص عليها لغايه لما خرجت
رحيم /أمته هتعرفي بقا يا حنان اني بحبك وان قلبي مدقش لغيرك ولا عمره هيدق لحد غيرك
______________________
حنان خرجت من المكتب وكانت مكسوفه جدا من اللي حصل واتضايقت من نفسها ان دا حصل لأنها بتحب محمد جدا وحست انها كده خانته وان اللي حصل دا مكنش لازم يحصل من الاول
وبعدين راحت مكتبها وكانت حاسه بالذنب بس حاولت تنسي وفضلت تستغفر وكملت شغلها
___________________
في مكتب زين
كان قاعد وبيشوف ورق القضيه وسمع صوت الباب
زين بأمر /ادخل
العسكري وهو بيادي التحيه العسكريه /تمام يا فندم
زين /ها فيه حاجه
العسكري باحترام /سياده اللواء طالبك في المكتب يا فندم
زين /طب روح انتي وانا جاي
العسكري وهو بيادي التحيه /تمام يا فندم
____________________
في غرفه سياده اللواء
زين خبط علي الباب
الشخص في الداخل /ادخل
زين دخل وادي التحيه
وشاف محمد وشريف وفارس وفهم ان فيه عمليه جديده
سياده اللواء /اتفضل يا زين اقعد ولا اقول يا فهد
زين /طالما حضرتك قولت فهد يبقا فيه عمليه كبيرة المرة دي
سياده اللواء بايمائه /بالظبط يا زين والعمليه المره دي كبيرة وانا اخترتكم انتوا الاربعه بالذات لأنكم من اكفأ الظباط هنا
ودلوقتي هقولكم تفاصيل العمليه
الكل كان قاعد منتبه كويس
اللواء كان بيعرض ليهم صور الناس المستهدفه في العمليه
اللواء/دا يبقا عدنان ابو اليزيد اكبر تاجر مخدرات موجود في السوق وطبعا احنا رصدينه من فتره وعندنا معلومات اكيده انه بيدبر لعمليه جديده واحنا هتبقى مهمتنا اننا نجيبه بأي تمن وطبعا هو مش هيبقي في العمليه دي لوحده.. لا... دا هيبقا معاه ناس كتير اوي من المهربين ولازم نمسكهم متلبسين وكده عرفتم ايه هي المهمه وهتعرفوا المعاد والمكان قبل العمليه مباشرتا لان عندنا معلومات انه عنده جواسيس في الداخليه عشان كده فشلنا في كذا محاوله قبل كده
زين /تمام يا فندم ان شاء الله هنعمل كل حاجه في ايدنا
اللواء /وانا متأكد من كده
وكمل كلامه /شدوا حيلكم يا رجاله احنا معتمدين علي الله وعليكم وعاوزكم تجهزوا نفسكم
محمد/ان شاء الله يا فندم
شريف /هنجيبه مهما كان التمن يا فندم
فارس /هجيبه وتبقي نهايته علي ايدي.
الكل استأذن وخرج
اللواء /استنا انت يا زين
فارس بص علي زين بحقد وبعدين خرج
الكل خرج وزين قفل الباب ورجع للواء تاني
زين /تحت امرك يا فندم
يوسف (اللواء) /خد بالك من نفسك كويس يا زين انت وصيه الغالي ليا
زين بابتسامه مطمئنه /اتطمن يا فندم واكيد حضرتك عارف الفهد كويس
يوسف بحب /اكيد يبني
زين /عن اذنك يا فندم عشان اجهز للعمليه
يوسف /ماشي يا زين
وزين اجي التحيه وخرج
"يوسف البحيري /يبقا لواء في الداخليه وكان صاحب والد زين المقرب ويعرف زين من وهو صغير ويعتبر هو اللي مربيه"
__________________
عدنان/اجهزوا عشان خلاص العمليه هتتنفذ
الراجل بإيمائه /كل حاجه جاهزة ومستنيين الاشاره
عدنان/وايه اخبار عيونا اللي في الداخليه
الراجل /كله تمام والداخليه محدش يعرف أي حاجه
عدنان /كده بقا نشتغل علي نضيف
#يتبع
بقلمي :آية السيد ✍️
اتمني الروايه تعجبكم ومستنيه رائيكم في التعليقات💙
واذا حابين أكملها 💙
متابعه 💙
#حب_و_عذاب
البارت الخامس
في جريده السلام
كانت ريم قاعده وبتلم حاجتها
ريم بتعب/ها يا علا خلصتي
علا بتنهيده /اه يا قلبي خلصت اهوه
ريم /طب يلا بينا
علا /يلا يا جميل
ونزلوا هما الاتنين سوا
ريم /بقولك ايه انا عاوزة اكلم الواد محمد
علا /مش انتي بعد ما قفلتي مع الراجل اللي كلمك دا بتحاولي تتصلي بيه كام مغلق
ريم /ما دا اللي مخوفني
علا وبنحاول تطمنها بس هي كمان خايفه
علا/ان شاء الله خير يا حبيبتي زمانه مشغول بس
ريم ان شاء الله خير
ومشيوا وكل واحده وصلت بيتهم
____________________
في بيت ريم
ريم دخلت البيت وفضلت تنده علي والدتها
ريم بمرح /يا ماما... يا هدهد.... انتي يا ست يا مخلفاني
هيام /ايه يبنت الهبله فيه ايه
ريم بضحك /اموت واعرف بتشتموا نفسكوا ليه
هيام /معلشي اصلي معرفتش اربي
ريم /تؤتؤتؤ متقولش كده يا جميل.... بقولك ايه يا هدهد
هيام /ها يا اختي
ريم /انا هموت من الجوع.... معندكوش اكل والنبي
هيام /طب يلا يا اختي غيري وصلي وتعالي عشان تتغدي
ريم وهي تتجه نحو غرفتها /طول عمرك حبيبتي يا هدهد
هيام /ايوة يا اختي كلي بعقلي حلاوة
ريم بضحك /حلاوة بالقشطه
هيام بنفاذ صبر /يارب صبرني
ريم /والنبي دا انا عثل
وطبعا في الحاله دي مكنش فيه رد غير ابو ورده (الشبشب)
ريم جريت بسرعه
ريم بضحك/ومجتش ومجتش
هيام بعصبيه /ربنا يهديكي يا ريم
وبعدين راحت المطبخ تعمل الاكل
ريم دخلت اوضتها وغيرت هدومها وصلت وبعدين سمعت صوت الباب وراحت تفتح
_______________________
في شركه الجرحي
رحيم وياسين كانوا قاعدين مع بعض وبيتناقشوا في ورق الصفقه الجديده وفجأه الباب اتفتح
رحيم بص ناحيه الباب وابتسم لما لقاها
وياسين فضل يبص عليها بهيام
وعد /انا اسفه جدا مكنتش اعرف ان عندك حد يا رحيم
رحيم بابتسامه /تعالي يا حبيبتي
وبعدين بص علي ياسين اللي كان لسه متنح
رحيم وهو رافع حاجبه /ياسين... ياسين... انت يبني
ياسين بانتباه /هاااا
رحيم /ها ايه بس روحت فين
ياسين باحراج /ابدا موجود اهوه
رحيم /ماشي يا اخويا روح انت وبعدين نكمل كلامنا
ياسين /ماشي
وخرج ياسين وراح علي مكتبه وكان بيجهز حاجته عشان يمشي وكل تفكيره في اللي خطفت قلبه من سنين ولسه بتخطفه في كل مرة بيشوفها فيها
"وعد الجرحي/اخت رحيم الوحيده بنت محجبه وبشرتها قمحيه وعيونها شبهه القهوه وقصيره وعندها غمازة وخريجه حقوق ومعاها دكتوراه وبتشتغل مع رحيم في الشركه وهي اللي ماسكه المعاملات القانونيه للشركه وهي كمان معجبه بياسين بس مش بتبين له.... هي تعرف ياسين من زمان لانه هو ورحيم أصحاب من زمان"
رحيم بحب /عامله ايه يا حبيبتي
وعد بابتسامه /الحمد لله يا حبيبي.... انت نزلت النهارده بدري
رحيم /اه يا حبيبتي كان فيه ورق مهم مكنتش لاقيه وكان لازم اجيبه عشان الصفقه الجديده
وعد /ماشي يا حبيبي... مش عاوز حاجه..... انا همشي انا بقي
رحيم /سلامتك يا روحي... وانا شويه وهخلص الشغل اللي في أيدي وهاجي
وعد /ماشي يا حبيبي... سلام
وسابته وخرجت من الشركه وبعدين رحيم رن علي السكرتاريه
رحيم /تعالي حالا يا حنان
حنان /حاضر
حنان كانت مكثوفه تشوفه وخصوصا بعد اللي حصل
حنان دخلت له بعد ما سمعت صوته بإذن ليها تدخل
رحيم /انتي لسه مروحتش ليه
حنان /كان فيه شغل بخلصه
رحيم /طاب اتفضلي انتي وابقي خلصيه بكره
حنان /بس
رحيم/مفيش بس اتفضلي
حنان /حاضر
وخرجت من الشركه هي كمان وروحت وكذالك رحيم
_______________________
في القسم
محمد/ها يا زين هتمشي
زين /اه ماشي دلوقتي..... أمال فين شريف
وفجأه سمعوا صوته
شريف بمرح /مين بقا اللي بيجيب في سيرتي
محمد بضحك /هو انت دايما كده بتاجي علي السيره
شريف بضحك /هههههههه طول عمري بركه
زين /يلا مش عاوزين حاجه
محمد /سلامتك... يلا انا ماشي انا كمان
شريف /وانا يعني اللي بن البطه السوده.... انا كمان ماشي.
وهما التلاته خرجوا مو القسم
_____________________
في منزل ريم
الباب خبط وريم راحت تفتح لقت ابوها علي الباب
ريم بابتسامه /حمدا لله علي السلامه يا بابا
حسن بحب/الله يسلمك يبنتي
ودخل وجهزوا الغذا واكلوا وبعدين ريم عملت قهوة واخدت الهاند فري والروايه بتاعتها (روايه عشق الزين) وطلعت البلكونه
ريم حطت الهاند فري في ودنها وشغلت اغنيه ام كلثوم وانسجمت في الروايه
____________________
زين وصل البيت
زين بحب /يا ماما... انتي فين يا حبيبتي
مرفت بحب/انا هنا يا زين
زين /عامله ايه يا ست الكل
مرفت/الحمد لله يا حبيبي بخير طول ما انت بخير.....و كملت كلامها هقوم اعملك الاكل
زين /اه والله يا ماما دا انا واقع من الجوع
مرفت قامت وجهزت الاكل واكلت هي وزين وبعدين زين دخل اوضته
وفضل يشوف ورق القضيه
________________________
محمد وصل البيت وسلم علي والدته ووالده وبعدين دخل لريم الاوضه
محمد دخل ولقي ريم منسجمه ومش مركزه
محمد بزعيق وهو بيهز ريم جامد /الحقي يا ريم البيت بيولع
ريم بخضه قامت وبصت حوليها وبعدين استوعبت انه هزار من محمد
ريم بخضه وعصبيه /والله انت بارد فيه حد يعمل كده قطعتني الخلف ياخي
محمد بضحك علي منظرها/مش ممكن يا ريم كنتي لازم تشوفي منظرك كان مسخره هههههههه
ريم بغيظ /والله يا محمد الكلب لاوريك
محمد بيحاول يبطل ضحك /بس قوليلي الجميل كان بيقرأ ايه
ريم /بقرا اكتر روايه بحبها روايه عشق الزين
محمد /اشمعنا يعني
ريم /عشان البطل اسمه زين وبيحب البطله جدا
محمد /يعني عشان البطل اسمه زين بتقرائيها
ريم /وانت مالك انت يا بارد..وبعدين مين الحيوان اللي رد عليا دا
محمد /حيوان
ريم /اه حيوان ومشفش بربع جنيه تربيه كمان ومردتش عليا تاني ليه لما رنيت عليك
محمد /دا زين صاحبي ورد لان التليفونات اتدلت بالغلط ومكنش فيه وقت ارد عليكي
ريم بصدمه /انت قولت ايه
محمد باستغراب /مكنتش فاضي ارد
ريم وهو بتقاطع كلامه /لا لا مش دا اللي قبله
محمد وهو بيرفع حاجبه /زين صاحبي هو..
ريم قاطعت كلامه
ريم بابتسامه بلهاء /هو اسمه زين
محمد /اه
ريم /الله شبهه الروايه
محمد كان لسه هيتكلم بس قاطعه صوت والدته
هيام /يلا يا محمد الاكل جاهز
محمد /حاضر ياماما
وخرج عشان يتغدا وساب ريم اللي تاهت في اسم زين من كتر عشها ليه
__________________
في مكان مهجور
عدنان بخبث /يلا اتأكد أن كل حاجه جهزت عشان خلاص العمليه هتتنفذ ومعندناش وقت نضيعه
الراجل بايمائه/كله تمام ومستنين... بس المعاد أمته
عدنان /هيبقا بكره بعد العشاء في الصحراء
الراجل /تمام
_________________
ومر اليوم علي أبطالنا وكل واحد رجع بيته
__________تاني يوم في الداخليه
كان فيه اجتماع
اللواء /احنا جالنا معلومات ان العمليه خلاص هتتنفذ النهارده بعد صلاه العشاء
زين بسخريه /لا مسلمين اوي
اللواء بجديه /احنا هحاول نهجم عليهم متلبسين عشان ميبقاش عندهم فرصه المرادي انهم ينفوا التهم عنهم وزين ومحمد وشريف وفارس كانوا قاعدين بيسمعوا باهتمام واللواء بيشرح الخطه
اللواء بعد انتهاء شرح الخطه بص لزين ووجه له الكلام/العمليه دي انت المسؤل عنها يا فهد
زين بثقه/اتطمن يا فندم ان شاء الله المهمه هتخلص بدون خساير
اللواء يوسف/وانا واثق من دا يا فهد عشان كده اخترتك انت
زين /اتمني اكون عند حسن ظنك يا فندم
فارس بغل وحقد بينه وبين نفسه /فيك ايه يا زين احسن مني..... بس يلا اكيد هياجي الوقت اللي انا هبقا فيه رقم واحد في الداخليه وهقدر اتخلص منك
والكل قام عشان يجهز
____________________
بعد العشاء.....
في الصحراء
عدنان كان واقف وسط عربياته والحراسه بتاعته ومستني الناس اللي هتجيب ليهم البضاعه
عدنان للراجل بتاعه/آمنت المكان كويس
الراجل /كله تمام
وفجأه فيه نور قوي ظهر من بعيد وبعدين ظهرت عربيات ومليان رجاله
نزل اكتر من شخص من العربيات دي
عدنان /فين البضاعه
الراجل 1/موجوده بس نشوف الفلوس الأول
عدنان بسخريه /مفيش ثقه
الراجل 2/اجنا تجار مخدرات ثقه ايه دي اللي بينا دا انا مش بثق في نفسي
عدنان بص الرجاله بتاعته بمعني هاتوا الفلوس
وبدأ في تسليم البضاعه وفجأه سمعوا صوت ضرب نار
#يتبع
بقلمي :آية السيد ✍️
اتمني البارت يعجبكم ومستنيه رائيكم في التعليقات 💙
واذا حابين أكملها يا ريت تشجعوني 💙
تكملة الرواية من هنا 👇👇👇👇👇👇
تعليقات
إرسال تعليق