 |
حب_و_عذاب
بقلم آيه السيد
البارت السادس والسابع والثامن والتاسع والعاشر
كامله على مدونة النجم المتوهج للروايات
كانوا واقفين في الصحراء وبيسلموا البضاعه وفجأه سمعوا صوت ضرب نار
زين /محمد انت روح من الناحيه دي وانت يا شريف من هنا وانت يا فارس تعالي معايا
يلا بسرعه والكل بدا يتحرك وطبعا فارس كان متدايق من زين جدا
فارس لنفسه /كلها دقايق يا زين واخلص منك واقفل موضوعك دا للأبد
بدا ضرب النار يزيد وزين كان بيضرب كل اللي ياجي قدامه وكذالك الكل وتقريبا كانوا كلهم خلاص ماتو وزين قدر يمسك عدنان واللي معاه
زين بقسوه /وقعت يا عدنان والمرادي مفيش مخرج
عدنان بضحكه خبيثه /هههههههه مشكلتك انك واثق في نفسك يا... يا فهد
زين بابتسامه /طالما عرفت لقب فهد يبقا اكيد عارف انا ليه اخدته
عدنان بسخريه /طبعا بس دلوقتي يا حرام اللقب هيضيع بعد اللي هيحصل
زين كان واقف وباصص لعدنان اللي متكتف ومكنش واخد باله من اللي كان واقف مترصد ليه
كان فيه قناص واقف بعيد وموجه السلاح بتاعه ناحيه زين
محمد لمح القناص ونده بسرعه علي زين
محمد بزعيق وهو بيقرب منه /زززززززين حااااسب
محمد قدر يزق زين بعيد
زين وقع علي الارض ومحمد كمان
زين اخد باله من القناص وضرب عليه وقتله وبعدين بص علي محمد لقاه مرمي علي الارض
زين جري بسرعه علي محمد
زين بخوف /محمد... محمد رد عليا وبص لقي دم وبص مكان الدم لقاه عند قلبه
محمد بانفاس متقطعه والم / كده خلاص يا صاحبي خلصت لحد كده
زين بعصبيه /بس انت عبيط ايه اللي انت بتقوله دا.... اسعااااااااف بسرعه
محمد /اانت. ع... عارف اني كنت بطلبها..... اشهد ان لا اله.. الا الله م.. حمد رسول الله
محمد اغمي عليه
زين بصراخ/اسعااااااااااااااف بسرعه
بعد شويه الإسعاف جت واخدت محمد و اتنقل علي المستشفى
عدنان بضحك وخبث /هههههههه كده خلصنا من واحد الدور جاي عليكم صحيح انك المقصود بس مش مشكله دورك جاي يا زين
زين قرب منه بعصبيه وراح خبطه بالبوكس في وشه وفضل يضرب فيه جامد وخلاص كان هيموت في ايده
شريف جري عليه بسرعه وبعده عن عدنان عشان ميموتوش
زين بعصبيه /اوعي يا شريففففف
شريف وهو بيبعد زين /ايه اللي انت بتعمله دا يا زين فوق
زين بعصبيه /انا هقتله بن ال******
شريف بزعيق /فوق يا زين انت من أمته وانت زيه
وطبعا فارس كان بيتفرج علي عصبيه زين وشكله وهو كده ومبسوط
رغم انه زعل ان زين ممتش بس علي الاقل عصبيته دي ممكن تبقا السبب في سجنه وفي دمار حياته
____________________
في بيت ريم
والده ريم كانت نايمه وقامت مفزوعه من النوم
هيام /محماااااااااد
حسن /بسم الله فيه ايه يا هيام
هيام والدموع بتنزل من عينها /ابني ابني محمد مش كويس هو فيه حاجه
حسن وبيحاول يهديها /اهدي بس ان شاء الله خير وكل حاجه هتبقى كويسه
هيام بدموع /ابني مش كويس انا متأكده
ريم سمعت صوت والدتها وجرت علي الاوضه بتاعتها
ريم بخضه من حاله والدتها /فيه ايه يا ماما
هيام بدموع اكتر /محمد يبنتي قلبي واجعني عليه حاولي ترني عليه كده
ريم /بس هو في الشغل
هيام بدموع /عشان خاطري يبنتي جربي
ريم بخوف /حاضر
ولسه ريم هتقوم وفجأه التليفون رن
ريم جرت بسرعه علي التليفون وردت
ريم بزعيق/ايههههههه
_____________________
زين قدر يتحكم في عصبيته شويه وبعدين أفراد الشرطه خدت عدنان وودته علي القسم وزين ركب عربيه الشرطه وراح المستشفى اللي فيها محمد
وشريف فضل هناك هو وفارس عشان يقفلوا كل حاجه والجثث اللي موجوده هناك
زين وصل المستشفى
زين بعصبيه ولهفه علي محمد اللي بيعتبرة اخوه الصغير /لو سمحتي فيه مريض ده هنا دلوقتي هو فين
الممرضه بعمليه /في اوضه العمليات اللي في آخر الطرقه دي
زين سابها وجري بسرعه وفضل واقف قدام الاوضه
وبعد شويه قرر انه يتصل بأهل محمد
ويعرفهم اللي حصل
_______________
ريم اتصدمت من اللي سمعته وامها جرت عليها ووقفت جنبها هي وابوها
ريم بعصبيه ودموعها بدأت تنزل /انت بتقول ايه
الشخص بخبث /اخوكي محمد في المستشفى دلوقتي وبيموت والسبب في دا هو زين سيف النصر
ريم بعياط /لا لا انت اكيد كداب
الشخص بابتسامه نصر /انا مش بكدب ودا عنوان المستشفى لو عاوزة تتأكدي
وقفل الخط وريم قعدت علي الارض وفضلت تعيط
حسن بقلق /فيه ايه يبنتي ومين دا
ريم بعياط اكتر /محمااا محمد اضرب بالنار وهو في المستشفى في المستشفى اههه
هيام بصراخ /ابنيييي
وفضلت تعيط جامد وريم هي كمان بتعيط وبحاول تهدي والدتها
الجيران اجتمعوا علي صوت هيام اللي هز العماره
________________
في شقه حنان
كانوا نايمين وضحوا علي صوت صريخ
حنان قامت جرت علي الباب والدتها وولادها كانوا صحوا هما كمان
حنان بخوف /هو فيه ايه
والدت حنان /متخافيش يا حبيبتي
والد حنان / ربنا يجيب العواقب سليمه
وخرجوا بره ولقوا سكان العماره واقفين قدام باب بيت ريم
حنان والدتها دخلوا الشقه ولقوا ريم ووالجتها عماله تعيط
والده حنان /فيه ايه يا هيام
هيام اترمت في حضنها وفضلت تعيط
هيام بشحتفه /اب.... ابني وفضلت تعيط اكتر
وحنان حضنت ريم وكانت بتعيط هي كمان لأنها بتحب محمد جدا وحاولت تهديها وبعدين كلهم لبسوا وراحوا المستشفى
___________________
زين كان قاعد قدام الاوضه ولسه هيرن وفجأه سمع صوت شريف
شريف وهو يتجهه ناحيه زين
شريف بقلق /ها يا زين فيه جديد
زين بحزن /لا لسه.... هو لسه في العمليات ومحدش راضي يقول حاجه
شريف وهو يريت علي كتفه /ان شاء الله خير يا زين محمد قوي وهيعدي منها
زين بحزن /يا رب
شريف بتساؤل /انت كلمت اهل محمد
زين /لسه كنت هرن
شريف /طيب كويس
زين باستغراب /هو ايه دا
شريف بشرح /الوقت متأخر نقلقهم ولما نطمن علي محمد نكلمهم
زين بتفهم /معاك حق
______________________
في اوضه العمليات
الدكتور /بسرعه لازم نحاول نطلع الرصاصه والا هنفقد المريض
الممرضه /ضربات القلب بتقل يا دكتور
الدكتور/بسرعه هاتي حقنه ادرينالين
الممرضه/حاضر
_______________
حسن وهيام وريم وحنان وابو حنان وامها وصلوا المستشفى وسالوا علي الاوضه اللي فيها محمد والممرضه عرفتهم طريقها
هيام جرت ناحيه الاوضه وفضلت تصرخ باسم محمد
زين وشريف لما شفوهم اتصدموا لان محدش فيهم كلمهم
هيام بعياط /ابني فين يبني ابوس ايدك ابني فين
زين وهو بيحاول يهديها /اهدي يا أمي هو لسه في العمليات
حسن /طب الدكاترة قالوا ايه
زين باسف /للأسف محدش بيقول حاجه
ريم كان واقفه وعماله تعيط بشكل هستيري وحنان حضناها وهي كمان بتعيط
زين لما شافها قلبها وجعه وهو نفسه ميعرفش ايه السبب
كل اللي كان عارفه ان دموعها عامله زي مايه النار اللي بتكوي قلبه
هيام فضلت تعيط علي ابنها بهستيريه وافتكرت ازاي ودعهم
_________ فلاش بااااااك
محمد وهو بيبوس ايد امه /هتوحشيني اوي يا ماما
هيام بدموع /يبني بطل تقول الكلام دا بقا وان شاء ترجع سالم غانم
محمد وهو بيمسح دموعها /يا رب يا أمي ادعي
هيام /دعيالك يبني
وبعدين دخل يسلم علي ريم
محمد قومها من علي السرير واحضنها /خدي بالك من نفسك يا قلبي
ريم بخوف /فيه ايه يا عم انت مالك كده
محمد /تمام اهوه يا روحي بس خدي بالك من نفسك
ريم /حاضر يا حبيبي
وبعدين راح سلم علي ابوة وخرج وهو نازل من علي السلم قابل حنان وابتسم ليها ومشي
___________بااااااك
بعد شويه وقت
الدكتور خرج من اوضه العمليات
الدكتور/....
#يتبع
بقلمي :آية السيد ✍️
اتمني البارت يعجبكم وبجد اتمني الاقي تفاعل عليه 💙💙
ومستنيه رائيكم في الكومنتات 💙
ومحتاجه تشجيعكم عشان اكمل 💙💙
#حب_و_عذاب
البارت السابع
الكل كان واقف قدام اوضه العمليات
ريم اللي كانت عماله تعيط في حضن حنان وهيام اللي هتموت من خوفها علي ابنها ووالدته حنان وشريف وزين ووالد حنان
وفجأه الباب اتفتح والدكتور خرج والكل جري عليه
حسن بقلق /طمني يا دكتور
هيام /ابوس ايدك ابني فيه ايه
الدكتور بعمليه /لو سمحتوا المريض حالته حرجه واحنا بنعمل اللي علينا عن اذنكم
الدكتور سابهم ومشي وهيام وقعت في الارض وفضلت تعيط جامد زين قرب منها وحاول يهديها
وريم اللي كانت تقريبا منهاره وهي في حضن حنان
حسن /اللهم اني لا أسألك رد القضاء ولكن أسألك اللطف فيه
زين كان لسه قاعد جنب هيام وبحاول يهديها
زين بصوت هادئ عكس ما بداخله /متخافيش يا أمي ان شاء الله هيكون كويس محمد ابنك راجل واكيد كل حاجه هتبقي بخير وكويسه
هيام /يا رب يا زين
ريم اول لما سمعت اسم زين انتفضت من حضن حنان وراحت ناحيته
ريم /انت زين سيف النصر
زين وقف قصادها وبعدك فهم /ايوة
ريم بعصبيه /انت ايه يا اخي جبروت معندكش دم.... يعني بعد ما تكون السبب انه موجود دلوقتي بين الحيا والموت جاي وعامل نفسك قال ايه بتواسينا انت ايه جبله
زين كان واقف قصادها ومصدوم من اللي بيسمعه
ريم بعصبيه /يعني اخويا بين الحيا والموت وانت واقف بكل برود
حسن بزعيق /ريم فيه ايه وايه اللي انتي بتقوليه دا
ريم /بقول الحقيقه
حسن بعدم فهم /حقيقه ايه
ريم بعصبيه/حقيقه ان الاستاذ دا هو السبب في حاله اخويا دلوقتي.
زين كان واقف مصدوم من اللي بيسمعه هو عارف انه اللي كان مقصود بس كمان هو مكنش عاوز محمد يتاذي
حسن بعدم تصديق /ايه الكلام دا يا ريم انتي بتقولي ايه
ريم بعصبيه ودموعها بتنزل /ايوة اللي بلغني ان محمد في المستشفى دي هو نفسه اللي قالي ان محمد هنا بسبب زين سيف النصر وبصت لزين
زين كان واقف مصدوم ومش عارف يقول ايه
______________________
في القسم....
الظابط /ها يا عدنان
عدنان بسخريه /ها ايه بس ياباشا
الظابط /مش هتقول علي اسماء اللي هربوا
عدنان بسخريه /وانت مفكر يعني اني مكن اتكلم
الظابط بعصبيه /وانت فاكر انهم هيخرجوك... ههههه... خلاص اللعبه خلصت
عدنان بثقه /بس اللي انتوا عاوزينه لسه بره
الظابط بعدم فهم /نعم
عدنان بسخريه /وانت مفكر أن الزعيم حد يعرف يمكسه ولا يعرف يوصله اساسا
الظابط بغضب /نعم امال انت ايه
عدنان /انا حيالله واحد من رجالته
__________________
في مكان ما
كان الزعيم واقف ومدي ضهره للرجاله بتاعته
الزعيم بضحك/هههههههه هههههههه
الزعيم بخبث/مشكله الحكومه انها مفكرة نفسها ذكيه
احد رجاله /بس انت يا زعيم اثبت ليهم اد ايه هما اغبيه
الزعيم /ولسه دي مجرد البدايه مش اكتر..... وبعدين فيه حاجه مهمه ولازم تعملها
الرجل باحترام /اؤمرني
الزعيم /عدنان بقا كارت محروق ومعدتش له لازمه
الرجل بإيمائه وقد فهم مقصده /اللي تؤمر بيه
__________________
في المستشفى
الكل كان واقف مصدوم من اللي ريم بتقوله بس الصدمه الأكبر كانت من نصيب زين اللي مش قادر يستوعب كلامهما دا
وفجأه الباب اتفتح والدكتور خرج وكان معاه اكتر من دكتور تانين
حسن /طمنا يا بني
الدكتور بطمئنه /الحمد لله قدرنا نخرج الرصاصه وهو دلوقتي بخير بس هنحطه في اوضه تانيه لغايه ما يفوق..... عن اذنكم
وبعدين الممرضين خرجوا بيزقوا السرير اللي محمد نامي عليه
الكل راح ناحيته وفضلوا ماشيين جنب السرير لغايه ما يوصوا الاوضه
الممرضين نقلوة علي السرير الثابت اللي في الاوضه والكل كان مستني بره عشان لما محمد يفوق
ومحدش بيتكلم مع التاني
زين لسه مصدوم من اللي حصل وم قادر يستوعب اللي ريم قالته
بعد عده ساعات
الممرضه /المريض فاق ولو حابين تشفوه بس متتاخروش
هيام بإيمائه ودموعها بتنزل /حاضر ودخلت الاوضه والكل دخل
_____________
في الاوضه
محمد كان متمدد علي السرير ومتركب له محاليل
هيام دخلت ودموعها نزلت بمجرذ ما شافت ابنها كده
هيام راحت ناحيته ومسكت ايده وباستها
هيام بعياط /حمد لله علي سلامتك يبني
محمد بتعب /الله يسلمك يا رب يا امي
حسن بتعب /حمد الله على السلامة يا محمد
محمد /الله يسلمك يا بابا
عز (والد حنان) /حمد لله عل سلامتك يبني
هبه (والدتها) /الف حمد لله علي سلامتك يبني
محمد بابتسامه وعيونه ناحيه حنان /الله يسلمكم يا جماعه وبعدين دا جرح صغير
شريف بابتسامه /حمد الله على السلامة يا صاحبي
محمد بابتسامه /الله يسلمك يا شريف
محمد وهو بيدور بعيونه علي زين
محمد بتساؤل /هو زين مش هنا
الكل فضل يبص لبعضه وفجأه الباب فتح
___&&&&&___
وزين جه يدخل بس وقفته ايد ريم
زين بعدم فهم /ممكن افهم انتي ماسكه ايدي ليه
ريم بعصبيه /يخربيت بجحتك يا اخي انت ايه تقتل القتيل وتمشي في جنازته
زين بعصبيه /علي فكره انتي مش طبيعيه
وسابها ومشي
ريم فتحت بسرعه ودخلت وجرت ناحيه محمد اللي علي السرير وحضنته وفضلت تعيط
ريم بعياط /كنت هخسرك وكنت خايف اوي
محمد بابتسامه مطمئنه /قولتاك قبل كده متخافيش اديني اهوه بخير ومفيش اي حاجه
ريم بدموع /بس انت ومقدرش تكمل كلامها..
محمد حضنها وفضل يهديها وبعدين ريم هديت وبعدت عنه
محمد لشريف /امال فين زين
الكل بص لريم
ريم ببرود /مشيته
محمد /نعم؟؟؟؟؟
#يتبع
بقلمي :آية السيد ✍️
اسفه علي التأخير جدا
اتمني تعجبكم ومستنيه رائيكم فيها 💙
أكملها ولا لا 💙
#حب_و_عذاب
البارت الثامن
محمد بعصبيه /ازاي تعملي كده يا ريم
ريم بعصبيه ودموع /هو ايه اللي ازاي يا محمد عاوزني اعرف انه السبب في اللي حصلك دا واسكت ليه ولى عاوزني اروح اشكرة
محمد وبدأ يحس بالم بسبب جرحه/انت.... انتي... اهه
هيام بخوف/اهدي يبني عشان خاطري جرحك لسه مفتوح
حسن /اهدي يا محمد انت لسه خارج من العمليات مبقلكش كام ساعه
محمد اتجاهل كل اللي حواليه وكمل بعصبيه
محمد /اللي انتي مشتيه دا عارفه هو عمل ايه عشاني
ريم كانت باصه لمحمد ومستغربه انه بيدافع عنه
محمد بغضب من اللي عملته اخته /عارفه هو عمل عشاني ايه... طب عارفه هو انقذ حياتي كام مرة... طب عارفه انك كان هيموت بسبب قبل كده
شهقت ريم بصدمه مما تسمعه وفضلت باصه لمحمد وساكته
متردي ساكته ليه..... اللي انتي مشتيه دا او بمعني أصح طردتيه دا انا لو اديته عمري كله هيفضل قليل عليه ومش هقدر اوفيه حقه وعلي فكرة بقا زين اتصاب اكتر من مرة عشان يحميني ويمكن كان جرحه أخطر بكتير من جرحي دلوقتي.... ها فهمتي بقا انا ليه بدافع عنه ولا عاوزة حاجه تانيه..... انا اصلا مش فاهم انتي ازاي عملتي كده انتي عمرك ما كنتي كده يا ريم ولا اتعاملتي مع حد بالطريقه الوحشه دي
ريم عيونها دمعت وبدأت تعيط
ريم بصوت مخنوق من العياط /يعن.... يعني عاوزني اعمل ايه لما الاقي.... الاقي حد بيتصل عليا وبيقولي انك بين الحيا والموت وان واحد اسمه زين هو السبب في اللي حصلك
عارف انا حسيت بايه.... لم.... لمجرد بس التفكير اني ممكن اخسرك... عارف كان ايه احساسي لما اعرف ان اخويا وضهري بين الحيا والموت
الكل كان بيبص علي ريم ومحمد بتعاطف
محمد مقدرش يستحمل منظر اخته المنهاره قدامه كده حتي لو غلطت بس مهما كان ميقدرش يشوف دموعها
محمد اخدها في حضنه وهي فضلت تعيط اكتر وتتشحتف
محمد بحنان وهو بيهديها /هششششش بس اهدي يا حبيبتي انا اسف والله مش قصدي انا اسف بس خلاص اهدي
ريم بعدت عنه وبصتله
ريم بصوت مرتعش /ان... انا اسفه انا عارفه ان اللي انا عملته غلط بس صدقني وقتها مكنتش عارفه اتصرف ازاي كل إلى كنت بفكر فيه هو أني ممكن مشوفكش تاني
واترمت في حضن محمد تاني ورجعت تعيط اكتر
محمد بص لوالده ووالدته اللي كانوا بيبصوا ليهم بتعاطف
وحنان اللي كانت واقفه ودموعها بتنزل مش عارفه إذا كانت بتنزل عشان ريم ولا عشان محمد حب عمرها
وشريف اللي كان متابع رد فعل محمد علي اللي عملته اخته وعرف اد ايه محمد بيحب زين
محمد بحنان وهو بيبعدها عنه /طيب انتي كده اعتذرتي مني وانا قبلت اعتذارك بس فيه حد تاني لازم تعتذري منه لأنك غلطتي في حقه
ريم بإيمائه /ح.. حاضر
محمد حضنها تاني هديت
محمد /شريف رن علي زين
شريف بإيمائه /حاضر
_________________________
زين نزل من المستشفى وراح قعد في كافتيريا المستشفى
وعمال يفكر في كلام ريم وكان متضايق منها ومن كلامها بس أداها عذرها لان احساس انك تفقد حد عزيز عليك مش سهل
وافتكر والده
وافتكر كل حاجه وكل لحظه عاشها معاها وافتكر يوم وفاته
________________فلاش باك
من عشرين سنه
كان زين قاعد مع والدته وفجأه الباب خبط
زين /خليكي يا ماما انا اللي هفتح
زين فتح الباب وكان ظابط
الظابط /السلام عليكم ورحمة الله وبركاته
زين /وعليكم السلام ورحمة الله وبركاته
مرفت من جوه /مين يا زين
زين /ظابط يا ماما
مرفت قلبها وجعها وخافت وراحت بسرعه ناحيه الباب
الظابط /حضرتك مدام مرفت صابر
مرفت /ايوه انا خير
الظابط /بصراحه العقيد صابر اتصاب النهارده ووو
مرفت ودموعها بدأت تنزل /ووايه
الظابط /ربنا يرحمه ويكتبه مع الشهداء
مرفت صرخت جامد وقعدت علي الارض وفضلت تعيط وزين حضنها وكان بيعيط هو كمان
فها هو طفل يبلغ السادسه من عمرة ويفقد من هو الضهر والسند
________________ بااااااك
زين فاق من شردوه علي صوت موبايله اللي مبطلش رن ومسح دموعه اللي نزلت بدون ارادته
زين وصوته متغير /الو
شريف /ايوة يا زين انت فين تعالي بسرعه
زين /انا تحت في الكافتيريا... وكمل كلامه بخوف محمد حصله حاجه
شريف /تعالي يا زين بسرعه وأما تيجي هتفهم
زين مستناش لحظه واحده وخرج من الكافتيريا وراح ناحيه الاوضه اللي فيها محمد
زين فتح الباب فجأه ودخل جري علي محمد
زين بلهفه وخوف /محمد... انت. انت كويس صح
محمد هز راسه بايوة
زين راح حاضنه بسرعه
زين بتنهيده /الحمد لله
وبعدين بص لشريف بغضب
شريف بخوف مصطنع /انا مليش دعوه هو اللي قالي اعمل انا برئ يا باشا
زين بص بغضب لمحمد
زين /والله انتوا يعني أطفال عشان تعملوا كده و...
قاطعه صوت ريم /اسفه
زين بص وراه ولقاها واقفه باصه في الارض وعماله تفرك في ايدها من التوتر
ريم بتوتر /انا... انا اسفه علي اللي حصل.... مكنش قصدي
زين بتفهم /مفيش داعي للاعتذار انا مقدر موقفك كويس
ريم بابتسامه /شكرا
_____________________
في مكان ما
الزعيم /اللي انا طلبته اتنفذ
الراجل /كله تمام يا يا زعيم
الزعيم /ومحمد ايه اخباره
الراجل /بقا كويس
الزعيم بسخريه /واضح انه اتعدي من زين وبقا عامل زيه بقا زي القطط بسبع أرواح
الراجل /تحب نخلص يا زعيم
الزعيم /هيحصل بس مش دلوقتي.... احنا الوقتي عندنا شغل اهم
_____________________
في القسم
الظابط /يا عسكري امين
العسكري /ايوة يا فندم
الظابط /هاتلي عدنان من الحبس الانفرادي
العسكري باحترام وهو يُردي التحيه /تحت امرك يا فندم
وخرج العسكري امين وراح ناحيه الزنزانه وفتح الباب
واتصدم من اللي شافه وراح بسرعه للظابط تاني
العسكري امين بصراخ /الحقنا يا فندم
الظابط بعصبيه /ايه فيه ايه
العسكري /المسجون اللي كان في الحبس
الظابط /ماله
العسكري /روحت عشان اجيبه و كان شانق نفسه
الظابط /انت بتقول ايه
وخرج بسرعه راح ناحيه الزنزانه واتصدم لما شاف عندنا شانق نفسه
الظابط بصرامه /اتصل علي الطب الشرعي فورا
العسكري بإيمائه /تحت امرك يا فندم
وبعدين الظابط رن علي زين
______________________
زين كان قاعد مع عائله محمد وعائلته حنان في الاوضه وفجأه تليفونه رن
زين /الو
الظابط /الو يا زين بيه
زين /ها فيه اخبار
الظاابط/ بصراحه يا فندم المسجون روحنا ليه لقناه شانق نفسه
زين بعصبيه افزعت كل اللي في الاوضه /نعممم
زين بعصبيه /يا ولاد ال***
#يتبع
بقلمي :آية السيد ✍️
البارت طويل زي ما طلبتم... اتمني تعجبكم ومستنيه رائيكم 💙
واكملها ولا لا 💙
ومتابعه ليا💙
#حب_و_عذاب
البارت التاسع
زين كان قاعد مع عائله محمد وعائلته حنان في الاوضه وفجأه تليفونه رن
زين /الو
الظابط /الو يا زين بيه
زين /ها فيه اخبار
الظاابط بتوتر/ بصراحه يا فندم المسجون اللي اسمه عدنان روحنا ليه لقناه شانق نفسه
زين بعصبيه افزعت كل اللي في الاوضه /نعممم
زين بعصبيه /يا ولاد ال***
كل اللي كان موجود في الاوضه بصوا لزين بصدمه وملامح وشه اللي اتغيرت 180 درجه
شريف قرب ناحيه زين
شريف /فيه ايه يا زين
زين بعصبيه /عدنان انتحر
شريف ومحمد في صوت واحد /ايه
والكل كان مستغرب لان محدش يعرف مين عدنان غير محمد وشريف وزين
زين بعصبيه /انا لازم امشي دلوقتي عن اذنكم وبعدين بص لمحمد هبقا اعدي عليك بليل
محمد بتفهم /ماشي يا زين وابقي طمني
زين /ماشي
شريف /يلا يا زين
زين /يلا
وبعدين والد حنان هو كمان استأذن عشان يمشوا
والد حنان /طيب نستأذن احنا بقا عشان محمد يرتاح
حسن /مش عارف اقولك ايه والله علي اللي عملته معانا
والد حنان /متقولش كده احنا جيران من سنين
والده حنان /مش عاوزه حاجه يا هيام
هيام بحب /تسلميلي يا حبيبتي
حنان سلمت علي ريم وبعدين حضنت هيام واتكلمت
حنان /هتعوزي حاجه يا طنط
هيام بابتسامه /تسلمي يا حبيبتي
وحنان بصت علي محمد قبل ما تخرج وقلبها دق لما لقيته هو كمان بيبص عليها وقطع نظراتهم ريم
ريم بنحنحه وهي بتخبط حنان في كتفها /احم احم نحن هنا
حنان /هااا
ريم /ها ايه دا مصر كلها بتتفرج علي الحلو... بس تعرفي معاكي حق اخويا مز ويتعاكس بردوا
حنان بخجل /بس بقا يا ريم ايه اللي بتقوليه دا
ريم بخبث /هو انا قولت حاجه بردوا
حنان بعصبيه خفيفه /وبعدين معاكي بقا يا ريم
ريم /وانا مالي يا لمبي هو انا عملت حاجه
حنان /يوة انت ماشيه سلام
وبعدين عائله حنان روحت بيتهم
ريم وهي بتبص لهيام /روحي يا ماما انتي وبابا ارتاحوا شويه وبعدين تعالوا وانا هفضل مع محمد دا مس خلاص قربت تطلع
هيام /لا... روحي انتي وانا هفضل مع ابني
ريم /يا ماما يا حبيبتي انتي تعبتي اوي ومحمد الحمد لله بقا كويس وانا هفضل معاه لو احتاج حاجه وبعدين احنا هنا تقريبا من 6 ساعات
هيام كانت هتعترض بس محمد اتكلم
محمد /ايه دا ريم اول مرة تقولي حاجه صح
ريم بعصبيه /لا والله
محمد /ما علينا بس فعلا يا ماما روحي ارتاحوا انتوا وانا خلاص بقيت كويس والبت ريم تفضل معايا
ريم /بت لما تبتك
حسن /محمد وريم معاهم حق يا هيام يلا بينا ونبقا نجيله تاني
هيام بقله حيله /ماشي يبني..... مش عاوز حاجه
محمد بابتسامه /سلامتك يا حبيبتي
وبعدين خرجوا وفضلت ريم مع محمد
__________________________
زين وشريف خرجوا من المستشفى وركبوا العربيه
زين كان بيسوق بسرعه وكان متعصب جدا
شريف بخوف من سرعته /زين... زين
زين بعصبيه وهو مركز علي الطريق/عاوز ايه
شريف /يبني هدي السرعه شويه هو حد قالك اني مستغني عن عمري بعدين احنا كده مش هنلحق حتي نوصل القسم يازين
زين مش بيرد
شريف بعصبيه /انت يبني
زين بعصبيه وهو بيبصله/تعرف تسكت بقا شويه
شريف بخوف لانه عارف عصبيه زين /حاضر هو انا قولت حاجه ما انا ساكت اهوه
شريف بينه وبين نفسه /هو يوم باين.... اشهد ان لا اله الا الله محمد رسول الله
بعد فتره وصلوا هما الاتنين القسم وزين نزل من العربيه بعصبيه ودخل القسم
وبمجرد دخوله كل العساكر عملوا التحيه العسكريه ليه
زين راح هو وشريف بسرعه ناحيه الزنزانه اللي كان فيها عدنان
وبمجرد ما الظابط شافهم راح ناحيتهم
الظابط /اهلا يا زين باشا
زين بعصبيه /انت لسه هتسلم اللي حصل دا حصل ازاي ممكن افهم
الظابط بخوف / ه...هو
زين بنفاذ صبر وزعيق/انت لسه هتهته... اخلص
الظابط بخوف اكبر فهو الفهد /احنا سمحنا ليه بزياره وووو
زين بعصبيه /نعم يا روح امك
زين مسكه من قميصه وكمل بغضب حارق وعيون كالجحيم /انت عارف انت بتقول ايه واللي اللي انت عملته دا ايه عقوبته
شريف حاول يبعد زين وفعلا نجح في كده
الظابط بخوف من غضبه الحارق /ان.... انا
زين بعصبيه /اللي انت سمحت ليه بالزياره دا تاجر مخدرات ولسه بيتحقق معاه ازاي تسمحله بالزياره... وكمل عصبيه اكبر / انت متحول علي التحقيق فورا وهتتعاقب علي اللي عملته دا
وسابه ومشي وشريف راح وراه
زين دخل مكتبه بغضب حارق وملامحها تحولت للغضب التام وتحولت عيونه فأصبحت كالجحيم
شريف وبيحاول يهدي لانه عارف غضب زين /زين
زين مردش عليه
شريف /ممكن تهدي عشان نعرف نفكر
زين بعصبيه /دا يعتبر كان الأمل لينا عشان نعرف مين هو الزفت الزعيم
شريف /ممكن تهدي وخلينا نفكر بالعقل
_______________________
في جراج شركه رحيم
وعد وهي بتنزل من العربيه عشان تروح الشركه اتفاجات بشاب بيمسك ايدها
الشاب/وعد
وعد بصدمه /انت؟
الشاب /وعد ممكن تسمعيني
وعد بعصبيه /انت مجنون...انت ازاي تمسك ايدي....
الشاب /وعد عشان خاطري انا بحبك
وعد بعصبيه /وانا مش بحبك هو الحب العافيه يا اخي
الشاب /وعد عشان خاطري والله بح....
ولم يكمل كلامه ووقع علي الارض بسبب البوكس اللي اخده في وشه
وعد اتصدمت من اللي حصل وبصت للشخص بصدمه
_____________________
كان ياسين بينزل من عربيته عشان يدخل الشركه بس شاف وعد وهي جايه بعربيتها
فقرر انه يشوفها لغايه لما تدخل الشركه
ياسين كان مراقبه وكانها الماسه خايف حد يشوفها
وبعدين لقي شاب بيحاول يقرب منها
ياسين اتعصب جدا وضغط علي عجله السواقه من غضبه ومحسش بنفسه غير وهو واقف بين وعد والشاب دا وقام ضاربه بالبوكس في وشه خلاه يقع علي الارض
الشاب بالم /اه... انت مجنون
ياسين بعصبيه جحيميه /انت هتشوف المجنون دا هيعمل ايه لو بس حاولت تلمسها تاني
الشاب /وانت بقا مين عشان تقولي المسها ولا لا
ياسين بعصبيه /خطيبها عندك مانع
وعد اتصدمت لما سمعته بتقول كده وفضلت متنحه
الشاب بصدمه /خ.... خطيبها
ياسين ببعض البرود /ايه عندك مانع
الشاب بصدمه وهو بيبص لوعد /ال.. الكلام دا بجد يا وعد
وعد بصت علي ياسين ومعرفتش ترد تقول ايه وبدأت تتوتر
ياسين حس انها مش هتعرف ترد فقرر يرد هو
ياسين /ايوة بجد ولو مستغني عن حياتك ابقي فكر بس تقرب لوعد تاني وشوف ايه اللي هيحصلك فاهم ولا لا
ياسين مستناش رده وسحب وعد اللي واقفه مصدومه من ايدها وراح ناحيه الشركه
الشاب بتوعد بعد ما مشوا /ماشي يا وعد انا هوريكي وهعرفك ازاي تحبي غيري
__________________________
في شركه رحيم
رحيم وصل الشركه ودخل مكتبه واتصدم لما ملقاش حنان موجوده في مكتبها
رحيم دخل مكتبه وفضل يفكر في حنان و يا ترا هي فين وبعدين قرر يطلبها في المكتب
رحيم مسك التليفون وقرر يطلب مكتب السكرتاريه
رحيم /الو
هند /ايوة يا رحيم بيه
رحيم بأمر /ابعتيلي حنان فورا
هند بتلعثم /ب.... بصراحه
رحيم بنفاذ صبر /اخلصي
هند بخوف /حنان استأذنت النهارده لأنها تعبانه شويه
رحيم بخوف /مالها
هند /ابدا هي اتصلت وقالت إنها تعبانه وأنها مش هتعرف تيجي النهارده وطلبت اجازة.
رحيم /ماشي
رحيم قفل معاها وهو كل تفكير في حنان وخوفه عليها زاد وخصوصا بعد ما عرف انها تعبانه
وفجأه قام من مكانه وقرر يعمل حاجه
__________________________
قدام الشركه
ياسين سحب ايد وعد وهي كانت ماشيه وراه ومش مركزة في اي حاجه
وفجأه وقف قدام بوابه الشركه
ياسين /وعد
وعد رفعت وشها ناحيته /نعم
ياسين /انا اسف علي الكلام اللي قولته هناك و
وعد بحزن /ولا يهمك... حصل خير
ياسين بتساؤل /هو انا ممكن اسالك سؤال
وعد /ايوة
ياسين مسح علي شعره وبعدين اتكلم /هو... هو مين دا
وعد /.....
ياسين بتوتر /انا مش قصدي حاجه بس..
وعد وهي بتقاطعه /هحكيلك بس مش هنا..... ممكن نتقابل في الكافيه في استراحه الغدا
ياسين بإيمائه /اكيد
وعيد /عن اذنك عشان اتاخرت
ياسين /اتفضلي
_______________________
في شقه حنان
حنان وصلت البيت هي ووالدها ووالدتها واخدت دش ولأنها منمتش من امبارح قررت تاخد اجازة وترتاح شويه وخصوصا بعد اللي حصل لحبيبها واتصلت علي هند صاحبتها
حنان /الو يا هنود
هند بمرح /ايه يبنتي فينك خرجتي ولا لسه
حنان /لا انا مش هاجي النهارده
هند بقلق /فيه ايه يا حنان
حنان حكت لهند كل حاجه حصلت مع بمحمد وانه كان في المستشفى
هند بتفهم لأنها عارفه ان حنان بتحب محمد/خلاص يا حبيبتي ارتاحي انتي النهارده وانا هطلبلك اجازة
حنان بامتنان /شكرا يا هند مش عارفه اقولك ايه
هند بحب /عيب اما تقولي كده احنا اخوات ومفيش بينا الكلام ده
حنان /ربنا يديمك في حياتي يا قلبي
هند /ويديمك ليا يا قلبي.... يلا بقا روحي ارتاحي انتي واشوفك بكره في الشغل
حنان /ماشي يا قلبي.... سلام
هند /سلام
حنان قفلت مع هند وراحت المطبخ تجهز اكل
وبعد فتره سمعت الباب بيخبط
لبست اسدالها بتاع الصلاه وراحت تفتح
حنان بصدمه /انت؟؟؟؟؟؟؟؟؟؟
#يتبع
بقلمي :آية السيد ✍️
البارت طويل زي ما طلبتم اتمني انه يعجبكم 💙
ومستنيه رائيكم فيه 💙
واكملها ولا لا 💙
#متابعه💙
#حب_و_عذاب
البارت العاشر
في بيت حنان
حنان سمعت الباب بيخبط
لبست اسدالها بتاع الصلاه وراحت تفتح
حنان بصدمه /انت؟؟؟؟؟؟؟؟؟؟
الشخص بضحك / مالك يبنتي اتصدمتي كده ليه
حنان /عاوز ايه يا بارد
الشخص/ وانتي مالك انتي يا كلب البحر
حنان كانت لسه هترد بس قاطعها صوت ابوها
محسن (والد حنان) /مين يا حنان
حنان /دا سليم يا بابا
محسن راح ناحيه الباب عشان يرحب بيه
محسن بابتسامه /اتفضل يابني
سليم /يزيد فضلك يا عمي
وبعدين دخلوا قعدوا في الصالون وحنان راحت الاوضه تنده لوالدتها عشان تسلم علي سليم
محسن /ازيك يا سليم يبني
سليم باحترام /الحمد لله يا عمي... انت اخبارك ايه
محسن /الحمد لله يبني
سليم بابتسامه / انا جاي اخد جني عشان نخرج انا وهي نغير جو
محسن بابتسامه /طبعا يبني دي مراتك
محسن بصوت عالي /حنان يا حنان
حنان /ايوة يا بابا
محسن /اندهي لجني يا حبيبتي
حنان /حاضر يا بابا
وحنان راحت تنده لجنى
"سليم صالح /بن خالت حنان شاب عنده 25 سنه عيونه سوده وبشرته قمحيه وعنده دقن وشعره اسود وجسمه رياضي وبيشتغل مهندس وبيحب جني بنت خالته ومكتوب كتابهم وهو وحنان دايما بيتخانقوا سوا بس هو بيحبها وبيعاملها زي اخته الصغيره وهي معتراه اخوها لأنها معندهاش اخوات ولاد ودايما بيحب يهزر معاها "
" جني محسن /اخت حنان الكبيره وبنت خالت سليم وعندها 23 سنه ومحجبه وبشرتها بيضه وعيونها عسلي وعندها غمازات وتبقا مرات سليم"
حنان دخلت الاوضه عشان تنده لجني اللي كانت بتلبس الكوتش بتاعها
حنان وهي تمثل الصدمه /ايه دا ايه دا بنتنا قمر يا اخواتي
جني بضحك علي اختها /هههههه طول عمرك بكاشه
حنان بضحك /لا يا اسطي والله دي الحقيقه
جني /بجد يا حنان شكلي حلو
حنان بابتسامه /قمرين يا اخواتي
جني / حبيبتي تسلميلي يا قلبي.... يلا سبيني بقا اطلع يا سليم حبيبي
حنان /والله مش عارفه انتي مستحمله الكائن البارد دا ازاي
جني بضحك /ههههههه... طول عمرك انتي وسليم ناقر ونقير
حنان /ما بصراحه جوزك بارد اوي.
جني /بس بقي يبت انتي هتشتمي زوجي وقرة عيني قدامي كمان
حنان /طب يلا بقا يبت من هنا انتي والبارد اللي بره
جني بضحك /هههههههه ماشي يا اختي
والدت حنان كانت خرجت عشان تسلم علي سليم
ريهام(والده حنان) /ايه النور دا
سليم بابتسامه /دا نورك يا حبيبتي
ريهام /عامل ايه يا حبيبي
سليم /الحمد لله والله كله تمام انتي عامله ايه
ريهام بحب / الحمد لله يا حبيبي
وفضلوا يتكلموا سوا
_____________________
في شركة الجرحي
رحيم خرج من مكتبه وراح عند مكتب شئون العملا
واول لما دخل الكل اتصدم لما شافه
رحيم بأمر /عاوز كل المعلومات اللي تخص الانسه حنان محسن
الموظف باحترام /تحت امرك يا فندم
كل اللي كان في المكتب كان مصدوم لان رحيم اول مره ينزل مكتب شئون العمل
بعد عشر دقايق
الموظف باحترام /اتفضل يا رحيم بيه
رحيم اخد الملف من ايده وخرج وراح مكتبه تاني
رحيم دخل المكتب وقفل الباب وراح قعد علي الكرسي وبدأ يشوف الملف بتاع حنان
واللي كان موجود فيه عنوانها ورقم تليفونها
رحيم فضل يفكر لغايه ما قرر هيعمل ايه
_____________________
في المستشفى في اوضه محمد
محمد كان نايم وريم ماسكه موبايلها بتلعب فيه وبعدين موبايلها رن
ريم اخدت الموبايل وبعدت شويه عشان محمد
ريم بصوت واطي عشان محمد ميصحاش/الو
علا باستغراب /الو يا ريم
ريم /ايوة يا علا معاكي
علا /فيه ايه يبنتي انتي موطيه صوتك كده ليه ومجتيش ليه بقالي ساعه واقفه في الشارع... انتي مش بتردي ليه
ريم بعصبيه وصوت عالي /يا اختي اتهدي بقا عشان اعرف اتزفت وانطق
علا /ها يستي اخلصي
ريم /انا مش هعرف اجي الشغل النهارده لاني في المستشفى
علا بخضه /م... مستفي ايه.... مالك يبنتي انتي كويسه
ريم /يا ستي اهدي بقا انا زي الفل اهوه مفيش حاجه
علا باستغراب /امال بتعملي ايه في المستشفى
ريم بتنهيده/محمد اتضرب بالنار وهو في الشغل وهو دلوقتي في المستشفى وانا معاه
علا حست بوجع في قلبها لما سمعت الكلام دا ودموعها نزلت
علا بصوت مخنوق /ط..... طب هو كويس
ريم /اه الحمد لله بقا أحسن
علا بتنهيده /الحمد لله
ريم /معلشي بقا يا علا اطلبي ليا اجازة النهارده... لاني مش هقدر اجي
علا /ماشي يا حبيبتي ولا يهمك... مش عاوزة حاجة
ريم /سلامتك يا روحي
علا /سلام
ريم قفلت مع علا وبعدين بصت لقت محمد صاحي
ريم باستغرا ب /انت صحيت
محمد /اه.... كنتي بتكلمي مين
ريم /دي البت علا...... وبعدين انت صحيت ازاي دا انا كنت قاعده بعيد عشان الصوت
محمد بتريقه/لا واضح باماره اللي كانت بتزعق من شويه
ريم بضحك /معلشي بقا يا اسطي
محمد /يا اسطي... فيه بنت تقول لاخوها يا اسطي
ريم /مش انا قولت
محمد /اه
ريم بضحك /خلاص يبقا فيه
محمد بضحك /ماشي يا لمضه
ريم بضحك /طلقني.... لو مش عاجبك طلقني
وفضلوا هما الاتنين يضحكوا وريم كانت مبسوطه ان محمد بقا أحسن
_______________________
في شركه الجرحي
رحيم كان قاعد علي مكتبه وماسك الموبايل وبعدين اتصل بمحل ورد
رحيم /الو
الشخص /ايوة يا فندم اتفضل
رحيم /عاوز بوكيه ورد شيك
الشخص /طيب ممكن العنوان واذا حابب تكتب كارت مع الورد
رحيم مسك الملف /العنوان يبقا.......
وعاوز اكتب في الكارت.......
الشخص باحترام /اوامرك يا باشا
رحيم قفل معاه وابتسم وهو لسه بيفكر في حنان
________________________
في القسم
زين كان قاعد في مكتبه وبيفكر في القضيه وموت عدنان ويا ترا مين هو الزعيم
وفاق من شروده علي صوت خبط علي الباب
زين بأمر /ادخل
دخل العسكري وادي التحيه /زين بيه الظرف دا جه لحضرتك
زين باستغرا ب/ ظرف ايه دا
العسكري باحترام /فيه واحد جه وقالي اديه لحضرتك
زين بأمر /ماشي روح انت
العسكري ادي زين الظرف وخرج
زين فتح الظروف وكانت الصدمه
زين بزعيق /اه يبن ال*******
______________________
في بيت محسن والد حنان
ريهام ومحسن كانوا قاعدين مع سليم وفجأه جني دخلت
جني بكسوف /السلام عليكم
الكل /وعليكم السلام
سليم فضل باصص ليها بحب وهي اتكسفت وبصت في الارض
سليم قام راح ليها ووقف قدامها
سليم بهيام/ايه القمر دا
جني بكسوف /بجد يا سليم
سليم بحب /بجد يا قلب سليم
حنان بضحك /نحن هنا
سليم بضحك /ماشي يا لمضه انا كده كده واخد مراتي وماشي
سليم /يلا مش عاوزين حاجه
محسن /سلامتك يبني... وخلي بالك من جني
سليم بحب وهو ينظر لجني /دي في عيوني
ريهام /ربنا يسعدكم يا حبيبي
سليم /تسلميلي يا حبيبتي... سلام بقا عشان منتاخرش
محسن /مع السلامة يا بني
سليم مسك ايد جني وراح يفتح الباب ولقي عامل التوصيل في وشه
عامل التوصيل /دا منزل الاستاذه حنان محسن
سليم وجني كانوا مستغربين
سليم /ايوة اتفضل
العامل /الورد دا عشانها
سليم رفع حاجبه /من مين
العامل /فيه كارت مع الورد
سليم /ماشي
العامل/ ممكن تمضي هنا
سليم مسك القلم ومضي والعامل مشي
حنان كانت راحه اوضتها وشافت سليم وجني لسه بره
حنان باستغراب /انتوا لسه هنا
وبعدين شافت الورد في ايد سليم
حنان بمرح /الله ايه الورد الحلو دا والله يبني شكل فيه احتمال اغير وجهه نظري فيك
سليم /دا ليكي علي فكرة
حنان باستغراب /ليا انا من مين
سليم /فيه عامل جابه وقال فيه كارت
حنان مسكت الورد ولقت فعلا كارت جواه
حنان فتحته وقرات بصوت /الف سلامه عليكي يا معذبة قلبي
سليم وجني بصوا علي حنان باستغراب
سليم /مين اللي باعت الورد
حنان /مش عارفه مش مكتوب غير كده
جني بمرح /شكل الصناره غمزت ولا ايه
حنان /اكيد واحد بيستظرف
سليم بعدم اقتناع /ماشي يلا مش عاوزه حاجه
حنان /لا
وخرج هو وجني
وحنان دخلت اوضتها واخدت الورد وفضلت تفكر يا ترا الكلام دا مين اللي باعته
______________________
في شركة الجرحي
ياسين كان قاعد في مكتبه ومستني وقت الغذا ياجي بسرعه لانه عاوز يفهم مين دا وايه علاقته بوعد
ياسين في نفسه /معقوله بتحبه
وبعدين كمل بنفي /لا لا مستحيل هي مكنتش طيقاه وكمان اتعاملت معاه وحش
وكمل بعصبيه يوة بقا هو الوقت ماله بيمشي ببطء كده ليه
وبعدين رجع دماغه علي الكرسي وحاول ميفكرش في حاجه
بعد مده في استراحه الغدا
ياسين خرج من الشركه وراح الكافيه اللي جنب الشركه عشان يقابل وعد زي ما اتفقوا
ياسين دخل وقعد علي التربيزة
وبعد شويه شاف وعد داخله الكافيه
وعد شافته وقربت منه وقعدت قصاده
وعد كانت متوترة ومش عارفه تتكلم وبتفرك في ايدها
ياسين لاحظ دا وحاول يهدي ترترها شويه
ياسين بمرح /تحبي تشربي اي يا وعد
وعد قهوه
ياسين نده علي الجرسون و طلب ليهم اتنين عصير
وعد بصت ليه ورفعت حاجبها باستغراب
ياسين بمرح /العصير مفيد اكتر وكمل كلامه... ها يا وعد انا سامعك
وعد /الشخص دا يبقا....
#يتبع
بقلمي :آية السيد ✍️
رأيكم فيها يهمني 💙
بجد اتمني الروايه تعجبكم... واذا حابين أكملها ولا لا💙
تكملة الرواية من هنا 👇👇👇👇👇👇
تعليقات
إرسال تعليق