 |
القطه التي روضت الفهد
كاااامله
المقدمه والفصل الاول
بقلم ترمين هاني
كامله على مدونة النجم المتوهج للروايات
🌹🌹
المقدمة :
قطتى
عرفينى طريق النور
خدينى معاكى للجنه
متسبنيش ف الضلمه وحيد
علمينى صلاتي وديني
عرفينى معنى الحب
ففى عيونك نور شديني ليكى زى المجنون
نور الهدى والقرآن
اللى منه من زمان محروم
خد بايدى وقوينى فحبك هو نجاتي من طريق كله ذنوب
معرفش هكون انا ازاى لو من غيرك أنا أكون
اوعى تسيبينى انا طريقى كله غيوم
حبينى واحتوينى فأنتى ملاك فى وسط الضلمة نور
واعملى المستحيل اللى عمره فى يوم مايكون
كونى القطه اللى قدرت تروض الفهد في يوم
..............................
( الشخصيات )
"فهد"
شاب جذاب جدا ، ووسيم ايضا ،طويل القامة، ذو شعر كثيف مائل الى اللون البني، والعيون الخضراء الساحرة، والجسد الرياضي ، فهو جذاب جدا لدرجه ان البنات هى اللى بتروح تكلمه و بيتمنوا انه يبصلهم بس وده خلاه كل يوم مع واحده شكل غير السجائر والخمر وغيره كل اللى يجى ف دماغكم من فساد بيشتغل طيار يعنى فى كل بلد ليه حكايه شكل مع بنت مختلفه ساب بيت والدته واستقر لوحده وخصوصا لما اتجوزت بعد ما ابوه ما اتوفى وبرغم ان جوزها اللى هى اتجوزته توفي إلا أنه مرضيش يروح يقعد معاها ومن ساعتها وهو قليل لما بيكلمها
"رجاء"
والدة فهد سيدة مجتمع راقي ، صعبه جدا في تعاملاتها فهي صارمه وقويه وﻻ يبان عليها كبر سنها واهم حاجه عندها الفلوس والمكسب فقط
"يوسف"
اخو فهد الكبير وهو المسؤول عن الشركه اللى والدته ورثتها من جوزها بعد ما مات ومتجوز من ندى ولسه ربنا مرزقهومش بأطفال
"ندى"
بنوته هاديه ، وعسولة ، وطيبة جدا ، وهي تمتاز بملامحها الهادئة ، والبشرة القمحية ، و العيون العسلي الساحرة ، والشعر الناعم ولكنها تغطية بحجابها وهي تحب تعمل خير كثيرا من ملاجئ ومستشفيات وغيره والمشكله الوحيده عندها يوسف انو مش عايز يسيب الفيلا الخاصة بوالدته ويقعد ف شقه لوحده وبتدعى ربنا ان يرزقها بطفل ينور حياتها
"شهد"
اخت ندى بنوته فى تانيه كليه هندسه ذات عيون خضراء صافيه وجميله جدا ورقيقه واقل حاجه بتأثر فيها حساسه جدا وبتحب الشعر والعزف والرسم جدا وكل حلمها أن تعيش قصة حب زى الافلام وحد يهتم بيها ويحسسها انها محور حياته
"شمس"
بنوته ف تانيه كليه هندسه صاحبة شهد وهي تمتاز بالجمال الشرقي الهادئ، والبشرة البيضاء،والعيون العسلى الساحره ،والشعر الناعم المائل إلى اللون الأسود ولكنها تغطية بحجابها ، وهي كل حلمها أن تنجح في مجالها حتى تساعد اخوها في مصاريف المنزل وهى من أسرة فقيرة نوعا ما
"قطه"
بنوته رقيقة جدا وشرسة في نفس الوقت دمها خفيف وقت اللزوم بس في الجد حدث ولا حرج محدش يعرف يوقفها ، وهى تمتاز بملامحها الهادئة والرقيقة،والبشرة البيضاء وعيونها السوداء الجميلة بشكل ساحر، والشعر الناعم المائل إلى اللون البنى ولكنها تغطية بحجابها الذي يزيدها جمال على جمالها
وبكدا خلصنا الشخصيات وباقي الشخصيات هعرفها ف الروايه ان شاء الله
ملحوظه.....لايوجد بطل وبطله محددين لهذه الرواية فكل بنت فى هذه الروايه سترود فهدها،،،
***************************************
الفصل الاول
ندخل الى غرفة غاية في الجمال ذات ذوق راقي في قصر غاية في الجمال من يراه يعرف مدى ثراء من يعيشون به يقف شاب أمام المرآة يضبط بدلته السوداء الأنيقة وبعد أن تأكد من جمال مظهره ينزل ويتجه نحو السفره
الشاب بابتسامه : صباح الخير
رجاء : صباح النور يا يوسف اومال مراتك فين ؟
يوسف لنفسه بضيق .....ارحميها شويه بقا اى دا
رجاء بجدية : يوسف بكلمك
يوسف بابتسامه صفره قائلا :
- نازله ورايا
رجاء بلا مبالاه : طيب
ندى بابتسامه وهي تدخل عليهم قائله :
صباح الخير ياماما
رجاء وهى تنظر لها بغضب : اهلا كل دا نوم يااختى انتى فاكره نفسك فين ؟؟!
ندى وهي تحاول الحفاظ على ابتسامتها ولنفسها
صبرنى يارب احنا لسه بنقول ياهادى
ثم قالت بصوت مرتفع نوعا ما :
- معلش مش هتتكرر تانى ياحماتى
رجاء بغضب : اى حماتى دى انا يتقلى حماتى اى لغة الحوارى دى😡
ندى وهى تجز على أسنانها بغضب : اومال اقول لحضرتك اى😬
رجاء بغرور : تقولى رجاء هانم فاهمه ولا لا
ندى لنفسها بغضب : انا شكلى هعمل جناية النهارده هى مالها عامله كدا ليه هو عشان عاشت في فيلا بقا هتنسى نفسها ولا اى ؟؟!
يوسف بتساؤل وهو يحاول تشتيت انتباهها عن ندى قائلا :
اومال فهد فين !؟ -
في نفس الوقت في الأعلى
وفى إحدى غرف الفيلا وتكون غرفه في غاية الجمال ذات ذوق راقى جدا يقف شاب أمام المرآة يظبط ملابسه الأنيقة ويقف يتأمل نفسه فيها فكان يرتدى ملابسه الخاصة بشركة الطيران وبعد أن تأكد من جمال مظهره نظر نظرة غرور وثقة لنفسه في المرآة ثم اخذ مفاتيحه والكاب الخاص به ونزل الدرج بسرعة شديدة وتوجه نحو السفرة و...........
- انا اهو يامعلم اخبارك ايه ياباشا -
يقولها فهد بمرح من خلفه وهو يتجه نحوهم.................
يوسف يوقف ويلتفت له ويحتضنه قائلا :
واحشنى يا واطى مش تيجى تقعد معانا بقا بدل مهو يوم وعشرين لا كدا
فهد بضحك واستهزاء وهو يبادله الحضن ويربت على ظهره برفق : ههههههههه كويس والله انى باجى
يوم ثم نظر لندى قائلا بابتسامة ومرح :
ازيك يا ندوش اخبارك ياعسل
ندى بضحك : حلوه اهو وبمرح وغمزه..... والله انت اللى بتعمل جو للبيت دا
فهد وهو يعدل قميصه بفخر وغرور : احم احم طبعا يابنتى انا ليا وضعي برضو
يوسف بغيظ : يخربيت الغرور انا عارف البنات بيعجبهم فيك اى ؟!
فهد وهو يغمز بطرف عينيه : ابقى اسألهم
يوسف بضحك : ياريت والله
ندى وهي تضربه بغيظ قائلة بحدة :
نعم بتقول حاجه يا يوسف ؟!
يوسف بابتسامه وقد تدارك خطأه : لا ياحبيبتى وانا اقدر
ندى برفعة حاجب و نصف عين : اه بحسب
فهد بضحك : هههههه ياعينى على الرجاله وقال عايزني اتجوز قال انهبلت انا مثلا
رجاء بضيق : واى اللى ميخلكش تتجوز بقى وتيجي تعيش معانا وتستقر هنا بدل السهر والبنات ولا فاكرنى معرفش اللى بتعمله ؟!
فهد بنص عين : انتي عارفه انا مش قاعد معاكى ليه هه وبلاش اتكلم كتير كفايه اوى اللى حصل
رجاء بتوتر وشك انه يعرف شئ عن ما حدث : براحتك زى ماتحب
فهد بضحك وهو يستعد للمغادرة : بالظبط كده اهى براحتك دى اللى انا عايز اسمعها يلا اشوفك بعدين سلاموز
يوسف وهو يمسكه من يده : استنى هنا رايح فين ؟؟
فهد بضحك : هههههههه رايح فين اي هشوف نفسى شويه بدل الكآبة دى وكمان هسافر النهارده معنديش وقت سلام
وخرج ركب سيارته وشغل مزيكا عالية وانطلق بسرعة شديدة وهى يغنى معها
-------------------------------------------------------
في بيت بسيط ولكنه مرتب بشكل منظم ويغلفه الراحه والسكينه والحب والسعادة فى إحدى المناطق العشوائية ندخل إحدى الغرف يوجد فتاه نائمه كالملاك على الفراش دخلت أشعة الشمس تداعب عينيها بقوة حانية رفعت بطانيتها بانزعاج لتختبئ أسفلها من تلك الأشعة المتسللة بخبث كامن فى ازعاجها ثم مرت ثواني ليعلو صوت منبهها , رفعت بطانيتها بهدوء ثم جلست و اغلقت المنبه
ثم نامت مره ولم تمر عدة دقائق حتى دخل عليها
أدهم وهو يزيح الغطاء عن وجهها ويضربها بالوساده على معدتها قائلا :
قومى يلا يابت عشان كليتك
-------------------------
" أدهم "
شاب خريج كلية الهندسة والده توفي منذ زمن وأصبح هو المسئول عن أخته ووالدته وهو شاب متدين يحافظ على جميع صلواته فى المسجد ويخشى الله فى كل تصرفاته ويعمل فى إحدى المولات التجارية حتى يصرف على اخته ووالدته وكل ما يهمه في الحياة هو سعادتهم فقط حتى لو على حساب نفسه
----------------------------
شمس وهى تنهض وتمسك معدتها بألم : اااااه
امسك هو أنفها قائلا :
صباح الخير ياكسلانه يالا قومى يابت عشان تفطرى وتروحى كليتك
شمس وهي تلقي عليه الوساده بغضب : انت غبى فى حد يصحى حد كدا ؟!!
ثم قالت وهي ترفع البطانيه عليها مرة أخرى : امشى ياض من هنا وخد الباب فى ايدك و ملكش دعوه بيا
ماشى
أدهم بغيظ : هتقومى ولا اشيلك هيلا هوب وتحت الدش عدل وانتى عارفانى مجنون واعملها
شمس وهي تعتدل في جلستها بسرعه :
- احم انا قمت خلاص اهو انت تشاور بس يا ادهم باشا واحنا نقوم على طول انت لسه هتتعب نفسك وتتكلم والجو دا لا طبعا مقامك اكبر من كدا بكتير ولنفسها بغيظ......يمهل ولا يهمل 😂😉
أدهم بثقة قائلا : ناس تخاف متختشيش انا هطلع خمس دقايق و تكونى خلصتى وطلعتي والا
شمس مقاطعة اياه : من غير والا انا فى ديلك علطول
أدهم وهو يخرج من الغرفه : ماشى اما نشوف
شمس وهى تنظر لطيفه بترقب حتى خرج من الغرفه واغلق الباب
شمس وهي تتمدد على الفراش مرة أخرى ولنفسها بتذكر......اممم هو انا وقفت ف الحلم لغاية فين اه لما جه يكلمنى هييييح بقى يا سلام لو الاقيه فى الحقيقه كده هنقضيها احلام بقى بس ولا ايه يالا نكمل نوم بقى
أدهم بصوت عالى من الخارج : شمس
شمس قامت منتوره من السرير بفزع قائله : خلاص خلاص جايه اهو وبصوت خافت : ماشى يا ادهم ليك يوم؟!
ثم قامت ودخلت المرحاض اعزكم الله لتتوضأ ثم صلت فرضها ولبست ملابس بسيطه لكن جميله تدل على
ذوقها الجميل ثم ذهبت للمطبخ و..................
شمس بمرح وهي تنظر لوالدتها : صباح الخير يا رورو ياعسل انت اومال فين الواد أدهم ؟!
رانيا بحنيه : صباح الخير يا حببتى ادهم فطر ومشى راح شغله انتى ماشية دلوقتى ولا ايه ؟!
-----------------------------
السيدة رانيا محمود وهى والدة شمس وأدهم وهى سيده طيبه القلب وربة منزل وكل ما يهمها هو سعادة أبنائها وزوجها كان يعمل في إحدى الوظائف الحكومية وعندما توفى قامت بتربيتهم تربية حسنة وتعليمهم أفضل تعليم حتى أنها رفضت الزواج من بعده لتتفرغ لهم ، وعلى الرغم من أنهم أسرة ميسورة الحال إلا أنهم يتميزون كباقي الأسر المصرية بالبساطة والتواضع ،،،
-----------------------------
شمس لنفسها بغيظ : ماشى ماشى اما يجى هوريه
ثم قالت وهي تنظر لوالدتها :
- اي نعم اني متأخره وبشده وعندى دكتور اى زى العسل بيقولك ايه بقى
وبتقليد وتريقة وهي تضخم صوتها حتى يكون شبيه لصوت الدكتور :
رايحه فين يا انسه انا مش قولت محدش هيدخل ورايا يلا اطلعي برا
رانيا بضحك شديد لطريقة تقليدها : ههههههههههههه يخرب عقلك
شمس وهي تقبل رأس والدتها بحب : ههههههه سلام بقى ادعيلى اروح قبل ما يجى
رانيا : ربنا معاكى يابنتى يارب
وذهبت شمس لكليتها بنشاط حتى تبدأ يومها الدراسى
----------------------------------------------------------
فى منزل بالدور الخامس شقه انيقه نوعا ما ويبدو على أساسها الرقي تتكون من ثلاث غرف للنوم بالإضافة إلى غرفة الضيوف ندخل إلى غرفة ذات ذوق هادئ ومن يراها يدرك انها غرفة بنوته هادئه ورومانسيه من كثرة لوحاتها وهي تكون غرفة شهد
شهد تقف أمام المرآة تظبط ملابسها لتتأكد من مظهرها الجذاب ثم خرجت لتتوجه نحو المطبخ ببطء
شهد بمرح : بخخخخخ قفشتك بتعملى اى هه اعترفى
إيمان بخضه وهى تضع يدها على قلبها وتنظر لها بغضب : يخربيتك يا جزمه خضتينى
---------------------------------
السيدة إيمان محمد وهي والدة شهد سيدة منزل درجه اولى اهم حاجه عندها الطبيخ والغسيل فقط ولا تهتم
بأبنائها لا تعلم ان اولادها أصبحوا شباب ويحتاجون منها الاهتمام والتدخل فى أمور حياتهم
----------------------------------
شهد بضحك وغمزه : هههههههه لا شكلك عجزتى ياامونه لالالالا كده الحج هيبص برا بقى ومحدش
هيقدر يلومه
ايمان وهي تضربها بغيظ : بس يازفته اخرسى ويالا هش من هنا بدل ما تضربى
خالد اخوه شهد وهو يدخل عليهم : ههههههههه ف اى على الصبح مالك بماما يابت انتى
------------------------
خالد......اخو شهد وهو شاب مستهتر وفى كلية الشرطة يصاحب العديد من الفتيات و يعلقهم به ثم يكسر
قلوبهم بلارحمه وهو طويل القامة ذات عيون عسلية وقمحاوى البشره
---------------------------------
شهد باستهزاء وغيظ : صحى النوم يا اخويا لسه صاحى اه ماانت طول الليل رغى ف التليفون وعلى النت ومقضيها
خالد وهو يهم بضربها : ههههههه انتى مالك يا جزمه انا اصحى براحتى انا ظابط هنا هو اى حد ولا اى
شهد بمرح وغمزه وهى تؤدى التحية العسكرية : تمام يافندم اخلع انا بقى قبل ما اخد غرامه ولا حاجه
وجريت................
خالد : أى البت المجنونه دى
ثم نظر لوالدته بفضول قائلا :
نفسى افهم اتوحمتى عليها ف اى -
شهد من خلفه بمرح :
- هههههههههه اتوحمت على شوكولاته طبعا زى اللى كانت ف اوضتك كدا وكان جمبها جواب فيه
خالد وهو يجرى عليها ويكتم بوقها وبا تحذير : شغل فيه شغل
شهد وهي تحاول التحدث : امممممم اممممممم
خالد : اى عايزه تتكلمى
شهد وهي تهز راسها بأيوه : اممممممممممم
خالد : لا خليكى زى الصرصار المقلوب كدا عشان تبطلى تفتنى عليا تانى
شهد عضته في يده وطلعت تجرى😂🏃♀️🏃♀️
خالد بغضب : اه يابت الجزمة
ايمان وهى تضربه على قفاه : بتقول اى ياحيوان ؟!!
خالد وهو يضع يده على قفاه : لا ياحبيبتى ولا حاجه انا كدا فطرت سكى على الفطار بقا وخرج
ايمان بغيظ : صبرنى يارب على المجانين اللي انا قاعده معاهم دول
-----------------------------------------------------------------
وفى النادى
فهد يقف وحواليه بنات كتير وبيهزر معاهم
أدهم بغيظ وضيق........يعنى هتسافر تانى انت مبتزهقش ؟!!
( أدهم أخو شمس ويكون صاحب فهد ايضا )
فهد بضحك :
- ههههههه وانت ايه اللى مضايقك الله انا حر وبعدين انا زى الطير مينفعش أفضل في مكان واحد كده اموت على طول
نانسى وهى تقترب منه بدلع :
ازيك يا بيبى وحشنى كتير
فهد وهو ينظر لها ببتسامه خبيثه :
- اهلا بالقمر انتى اكتر طبعا
أدهم وهو يشده للخارج :
- تعالى قدامي يلا
فهد بضيق : الله يحرقك عايز اى يازفت ؟!!
أدهم : عايزك اخلص وشدو من وسط البنات وخرج
فهد بزهق : ها عايز اى ؟
أدهم بغضب : هو اى اللى عايز اى اى الاستهتار اللى انت فيه دا هه هتفضل كده لامتى
فهد ضحك وقال :
- هههههههههه والله مش عارف على حسب البنات هتخلص امتى
ادهم بحده : انا بتكلم جد كل يوم بنت شكل اى مبتزهقش
فهد بضحك : لا والله خالص وبعدين هو انا بجبر واحدة على حاجه مهو بمزاجهم وبعدين بقولك ايه انا
مش فاضى لى وجع الدماغ دا انا مسافر اظبط نفسى شويه و ناوى اخد طيارتي الخاصه ما تيجى معايا
ادهم بغيظ وغضب :
- تصدق انا غلطان انى واقف معاك اصلا انا ماشى
فهد بقهقهة : هههههههههه طيب استنى بس هقولك ولكن أدهم لم يعطى له اى اهميه
فهد لنفسه باستغراب : مالو دا طيب ربنا يشفى اما اروح بقا المطار عشان الحق اسافر وركب سيارته
واتجه للمطار
--------------------------------------------
في الكليه
شمس وهى تنظر للمدرج المغلق أمامها
شمس لنفسها وهي ترجع للخلف :
- ياحزن الحزن طيب ادخل ازاى بقى دلوقت والدكتور دا بيموت اصلا يعنى لو شخط ممكن يحصله حاجة ويدبسونى فيها اه مهو انا ف كليه غريبه😏😂
-- اى دا يا آنسة ما تحاسبى في حد بيمشى بظهره كدا --
يقولها شاب من خلفها
شمس وهى تنظر له بلامبالاه لترى شاب طويل القامة ذات عيون بنية ساحره ثم غضت بصرها بسرعة
وقالت :
آسفه جدا يا حضرة مخدتش بالى
الشخص باستهزاء : طيب ابقى بصى قدامك بعد كدا وسابها ومشى
شمس لنفسها باستهزاء وتريقه :
- ابقى بصى قدامك بعد كده مين الأهبل دا و باستغراب.......ايه دا دا دخل المدرج بتاعنا ؟!!
وذهبت لترى
الشخص وهو يدخل المدرج بثقة ثم تقدم ليقف على المنصة ويقول بصوت مرتفع :
صباح الخير ياشباب
الكل : صباح النور يادكتور
شمس باستغراب وهي تنظر للمدرج لتتأكد منه :
- دكتور ؟!!!🙄🤔
الدكتور وهو ينظر لها بتساؤل : انتى ف المدرج دا يا انسه ؟!!
شمس وهى على باب المدرج : هه ثم نظرت رأت زمايلها جالسون فقالت : اه اه هنا
الدكتور : طيب اتفضلى ادخلى
شمس دخلت وقعدت جمب شهد بهدوء
الدكتور : انا دكتور مازن هديكو بدل دكتور مدحت لانه تعبان تمام
الكل : تمام
شمس لنفسها : اممم تعبان من الدعا اللى كنت بدعيه عليه الدكاتره دول ربنا ينتقم منهم والله على اللى
بيعملوه فينا ده اما نشوف بقى هدعيلك ولا هدعى عليك ياعم انت😂🤔
مازن بحزم : انتى يا انسه
شمس وهى تفوق من سرحانها : انا ؟!!
مازن : ايوا انتى انا كنت بقول اى ؟؟
شمس بمرح وضحك : ههههههههه معرفش يعنى هو حضرتك عارف انا كنت بقول اى لنفسى من شويه😂😏
المدرج كله : ههههههههههههههههههههههههههههه
شهد لنفسها : الله يخربيتك الدكتور لسه جديد مش حملك
مازن بغضب : .......................
--------------------------------------------
تكملة الرواية من هنا 👇👇👇👇👇👇
تعليقات
إرسال تعليق