رواية العنيد_والمجنونة
بقلمى مارينا_عبود
البارت التالت حتي البارت العاشر
كامله على مدونة النجم المتوهج للروايات
٣/٤
عاااااا ايه قلة الأدب ديييه
مراد بضحك " قلة أدب ايه يابت أنتِ ايه جابكِ اوضتى
_ طيب استر نفسك بسرعه
مراد فضل يضحك " بت انا مش ناقص جنان يلاه اطلعى بره اوضتى
_ شلت ايدى من على عيونى وبصتله بغضب كان لابس الشورت وصدره عارى وبيبصلى ويضحك وده عصبنى اكتررر
_ أنتَ بنادم مستفز
بصلى ببرود " اممم عارف يلاه قولى ايه جابكِ اوضتى
_ أنتَ ليه وافقت على جوازنا
مراد بخبث" مزاجى
اتعصبت وعليت صوتى " هى لعبه
= وماله نخليها لعبه ولا أنتِ خايفه تخسرى
_ انا مبخفش انا خايفه عليك أنتَ
أنا بنت قمر وأنت ممكن توقع فى حبى
ضحك وفضل يقرب منى وانا برجع لورا
_ ايييه ده أنتَ بتقرب كده ليه
= خايفه
_ اتوترت من قربه لكن حاولت ابان هاديه" وانا اخاف ليييه
= اممم بقاا أنتِ من كل عقلك متوقعه انى ممكن اقع فى حبك
أنتِ
ليييه حد قلك انى مجنون ولا ايه
_ ياعم اتنيل أنتَ تطول اصلا
= ده ايه الثقه ديه
طب على فكره أنتِ إللى هتقعى فى حبى
ضحكت " وحضرتك فيكَ ايه يتحب
واحد عنيد ومغرور وشايف نفسك معرفش على ايه
ابتسم وفضل يلف حوليا " امممم انا وسيم وجميل وكل البنات مجنونه بيا أنتِ بس إللى واحده مجنونه وديما شايفه نفسك اقل منى
اتعصبت ومسكت كوبايه الميه ورميتها فى وشه
مراد بغضب " يا بنت المجانين
بصتله وانا بقلده" انا وسيم وجميل وكل البنات مجنونه بيا نينينى دنت هتشوف ايام سوده بس الصبر
رواية العنيد_والمجنونة
بقلمى مارينا_عبود
قولت كده وسبته وجريت على اوضتى
مراد بضحك" مجنونه وهتتعبنى
_______________
زين " يلاه انزلى واياكى المحك واقفه مع اى حد
تاليا بغيظ " حاضر
تاليا نزلت ودخلت الكليه وزين نزل وراها
____________
_ منصور انتَ ناوى على ايه
= قصدكِ ايه يا صفيه
صفيه بهدوء" يعنى ليه قررت تجوز احفادنا مراد وريتاا وأنت عارف انه من وقت ما مراد رجع من السفر وهما مش طايقين بعض
منصور ضحك وبصلها" مراد عنيد وريتاا مجنونه فاكره اليوم إللى اتولدت فيه ريتاا كان وقتها مراد عنده خمس سنين كان اول واحد شالها على ايديه وقتها هو بنفسه طلب انى اجوزهاله لما يكبر وانا وعدته انى اجوزهاله وانا عارف كويس انه مراد وريتاا هيحبوا بعض بعد جوازهم وصدقينى علاقتهم ببعض هتبقه قويه هما بس اتعودوا يبقوا زى القط والفار ومش هيتغيرو وأللى متاكد منه انه مراد بيحب ريتاا بس عناده وغروره مانعينه انه ينطق وكمان ريتاا مجنونه لكن بتحبه خلى واثقه فياا وهتعرفى انه قرارى ده هيبقه لمصلحتهم
صفيه بابتسامه" ربنا يكتبلهم الخير ويفرحنا بيهم
______________
_ طيب يا مراد اما وريتك
كنت رايحه جايه فى الاوضه بفكر اعمل ايه لحد ما قطع تفكيرى صوت الباب قومت بكل غضب وفتحته
_ نعممم فى حد يخبط كده
= الاه ما أنتِ دخلتى اوضتى بكل همجيه وأنا متكلمتش
_ هووف عاوز ايه يا مراد
مراد بخبث" جدى قال لازم آخدك علشان تختارى فستان الفرح تحبى تيجى ولا مش عاوزه لو مش عاوزه يبقه احسن برضوا علشان متعبش نفسى
بصتله بخبث" لااا طبعنا ازاى فى عروسه متخترش فستان فرحها اكيد يلاه بينا
مراد لنفسه" مراد جهز نفسك للمصيبه الجديده
بصتله بتركيز" سرحت فى ايه
ابتسملى بخبث " ولا أى حاجه هستناكى تحت متتاخريش علشان مش فاضيلك
قال كده وسابنى ومشى، قال مش فاضيلك قال شخص قليل ذوق
غيرت هدومى ونزلت لقيته واقف ساند على عربيته ولابس بدلته و نظارته الشمسيه يخرب بيت حلوته عامل زى أبطال الافلام ايه ده
_احم مراد من يومه قمر وكل البنات بتحبه ومعجبه بيه هو ناجح فى شغله وقدر فى وقت صغير يكبر شركة بابا وعمى وده مخليه شايف نفسه اووى وكمان عنيد اووى من الصعب حد يقدر يعارضه وأللى عاوزه لازم يحصل لكن للاسف أنا وهو عاملين زى القط والفار احنا مكناش كده لحد ما قرر يسافر علشان يكمل تعليمه بره وده غير حياتنا من بعد ما كنا اقرب اتنين بقينا بعيد اووى عن بعض وطول الوقت خناق وأللى اعرفه انه معتقدش اننا هنرجع زى الأول
مراد " أنتِ واقفه عندك كده ليه
_ قاطع تفكيرى صوته، قربت ووقفت قدامه " مفيش يلاه بينا
مراد بتنهيده " يلاه
ركبنا وهو بداء يسوق
______________
بعد وقت
= تاليا استنى
_ شادى لو سمحت سبنى فى حالى
شادى بهدوء" طيب لو سمحتى ادينى فرصه نتكلم بس
زين بغضب" تااااااااالياا
تاليا بصتله بخوف وو...
نهايه البارت الثالث
#
زين بغضب جحيمى" تااالياااا
تاليا التفت وبصتله برعب وزين قرب ووقف قدامها
شادى بتوتر" زين انا بس كنت ..
زين بغضب مكتوم" اقسم بالله لو شوفتك قريب منها تانى لخليك تندم على اليوم اللى جيت فيه الدنيا فااااهم قال اخر كلامه بزعيق وغضب
شادى بخوف" انا بس كنت بعتذرلها عن سوء التفاهم اللى حصل انا اسف مش هتتكرر
شادى مشى وزين بص لتاليا بغضب ومسك ايدها وطلع من الجامعة
تاليا بغضب" زييين سيب ايدى بتوجعنى
زين سابها وبصلها بصه ارعبتها " انا مش قولتلك متقفيش مع حد وكمل بزعيق" قووولت ولا مقولتش
رواية العنيد_والمجنونة
بقلمى مارينا_عبود
تاليا بخوف" انا معملتش حاجه صدقنى هو اللى وقف وحاول يكلمنى وبعدين مكنشى فيه داعى لكل ده
زين بهدوء مرعب" طيب اطلعى علشان مفقدش اعصابى
تاليا بصتله بخوف وركبت العربيه وزين اخد نفس وركب عربيته وبدأ يسوق
☆☆☆☆☆☆
وصلنا الاتيليه ودخلنا انا وهو وانا فضلت اتفرج
مسكت فستان بس كان مفتوح من الضهر كان حلو وسيمبل وكنت هلبسه بس ازاى لازم مراد يحشر نفسه ويعترض
مراد ببرود" انسى
التفت وبصتله بغيظ " هو انا اللى هختار ولا أنتَ
مراد بغضب وهمس" انا قولت اللى عندى الفستان ده مش هيتلبس واتفضلى اختارى غيره
بصتله بتحدى" بس انا مش هختار غير ده
مراد بعند " وانا قولت مش هيتلبس يا ريتاا وعدى يومكِ
اخدت نفس عميق علشان احاول اسيطر على غضبى" بس عاجبنى هو فرحك ولا فرحى ياعم
مراد بعناد وتحدى" اقسم بالله يا ريتاا لو مسمعتيش الكلام لندمك على اليوم اللى شوفتينى فيه يلااا اختارى غيره
دبدبت برجليه على الارض وبصتله بغيظ ولانه صوته كان عالى الناس بدأت تبص علينا سبته ودخلت قسم تانى وانا بدعى عليه فى سرى
مراد بهدوء" شوفى اللى يعجبك
مهتمتش لكلامه ودخلت علشان اختار وعينى تلقائى وقعت على فستان طويل وكان مقفول وعليه تاج كان شكله تحفه فضلت مركزه عليه لحد ما حسيت بأيده على كتفى التفت وبصتله
بصلى وهو بيرقص حواجبه " حلو
ابتسمت ومعرفش ليه عيونى وقتها كانت بتلمع ونسيت كل حاجة " حلووو اووى
ابتسم وهز راسه وهو بيشاورلى على غرفة القياس" ادخلى جربيه
طلبت من البنت اللى بتشتغل تطلعهولى وفعلا اخدته ودخلت علشان اجربه كان جميل اووى
طلعت لقيته ساند بكتفه على الباب وبيبص فى الفون واول ما شافنى ابتسم وشفت لمعه فى عنيه معرفتش سببها
قرب ومسك ايدى ولفنى حولين نفسى مرتين وهو بيبصلى بأعجاب
مراد بحب" حلو اووى واللى لبساه اجمل
بصتله بدهشه وانا فاتحه بوقى زى الهبلة" هاا
مراد بضحك" انا بقول يلاه بينا علشان عندى اجتماع مهم ولازم امشى
بصتله بغيظ وسبته ودخلت وانا سامعه صوت ضحكاته
غيرت الفستان وقررت اخده وبعد وقت خلصنا ورجعنا البيت
مراد " يلاه انزلى
مردتش عليه وسبته ودخلت
مراد ضحك وضرب كف بكف وهو بيردد كلمة مجنونة
☆☆☆☆☆☆☆
رواية العنيد_والمجنونة
بقلمى مارينا_عبود
سلمت على جدى وكنت طالعه اوضتى لكن سمعت صوت عياط جاى من اوضة تاليا بنت عمى
دخلت اوضتى حطيت الفستان ورجعتلها لقيتها ضامه نفسها وبتعيط
جريت عليها واخدتها فى حضنى " مالك يا حبيبتى بتعيطى ليه
تاليا بدموع" هو فيه غيره زين
اتنهدت وقعدت قصادها" امم قوليلى عملك ايه
تاليا مسحت دموعها وحكتلها اللى حصل فى الجامعه
- طيب اهدى مفيس داعى لكل ده أنت عارفه انه زين بيخاف عليكى وبعدين متنسيش شادى عمل ايه
= بس يا ريتاا هو بيتصرف معايا بطريقه مش كويسه طول الوقت متعصب
- اخدت نفس وقعدت جنبها وضميتها لحضنى وانا بهديها، انا عارفه انه زين ابن عمى بقاا عصبى اخر فترة خصوصا انه كلنا عارفين انه زين بيحب تاليا لكن تاليا كانت بتعتبره اخوها، وكمان كانت بتحب شادى زميلهم فى الجامعة، واليوم اللى قررت تقوله انها بتحبه
هو قابل حبها بالرفض ووقتها هانها قدام كل زمايلها اللى فى الجامعه، ويومها زين مستحملش وضربه وحصلت مشكلة كبيره بينهم رغم انهم كانوا اعز صحاب ومن وقتها وزين بقاا يتعامل مع تاليا ببرود لكن من جواه لسه بيحبها حقيقى الحب ده غريب اووى اتمنه انى مقعش فيه فى يوم
حاولت الطف الجو وفضلت اهزر معاها لحد ما هديت طلعت من الاوضه وانا ناويه اعمل مقلب حلو فى مراد المغرور واندمه على إللى حصل فى الاتيليه
☆☆☆☆☆☆☆
مراد بغيظ" يابنى مش ناوى تقولى ايه مضايقك ومخليك متعصب كده
زين بهدوء" مفيش يا مراد
مراد " طيب يلاه بينا نرجع البيت
زين بتعب" لا روح أنتَ انا رايح اسهر شويه مع صحابى
مراد بيأس" طيب بس متتاخرش
زين بابتسامة" حاضر
مراد ابتسم واخد مفاتيح عربيته وطلع من الشركه وركب عربيته ورجع البيت سلم على اهله وطلع اوضته بس فجاة....
نهاية البارت الرابع
مراد طلع اوضته وفتح الباب وفجاة الحبل اتفك وجرجل الميه وقع عليه
مراد بغضب " يااا بنت ال**** وحيات امك لعلمك الادب يا ريتا الكل"ب
- كنت واقفه وره الباب وحاطه ايدى على بوقى بحاول اكتم ضحكتى اتسحبت بسرعه وجريت على اوضتى وانا بضحك
بس وقفنى صوت جدى
بصتله وانا ببرطم بينى وبين نفسى" ياختى روحت فى داهية
جدى ابتسم وطلب منى اروحله اوضة مكتبه
هزيت راسى وروحت وراه دخلنا وقعدت قصاده
- ايه يا جدى فى ايه
جدى بصلى واتكلم بجدية" ريتااا أنتِ بتحبى مراد؟
اتوترت نبضات قلبى بقت عاليه ومعرفش ايه السبب
الجد بهدؤء" مالك يا ريتاا متردى على السؤال
اخدت نفس عميق وانا بحاول اجمع الكلام " عادى يا جدى هو ابن عمى بس بس يعنى ليه سؤالك
جدى ابتسم وهى بيطبطب على كتفى" لانه فرحك خلاص بكرة وانا مش حابب انى اجبرك على اى حاجه علشان كده بسالك لو انتِ مش موافقة على مراد انا ممكن اشوفلك عريس غيره وكمان اجوز مراد من بنت تانيه أنتِ ايه رأيك ؟
رواية العنيد_والمجنونة
بقلمى مارينا_عبود
بنت تانيه ؟
معرفش ليه اضايقت وحسيت بنار بتولع فى قلبى من مجرد الفكرة انه ممكن مراد يبقه لبنت تانيه
بس انا ليه مضايقه دلوقتى، قاطع تفكيرى صوت جدى
=اسمعينى يا بنتى انا عارف انه من وقت ما رجع مراد من السفر وانتوا علاقتكم مبقتش زى الاول، لكن افتكرى علاقتكم كانت ازاى قبل ودلوقتى بقت ازاى
انتوا كنتوا اقرب اتنين لبعض وانا عارف انكم من صغركم وانتوا بتحبوا بعض وبتكابرو لكن لاِمته هتفضلوا كده ؟
أنتِ لحد دلوقتى بتحبى مراد يا ريتاا ولسه يا بنتى قلبك متعلق بيه وعارف كويس انك مش هتستحملى تشوفى مراد مع بنت تانيه علشان كده انا اخدت قرار جوازكم
- ابتسمت واستاذنت وطلعت اوضتى او بمعنى تانى هربت انا مش عارفه حاجه جدى عنده حق انا ومراد كنا قريبين من بعض بس ده قبل ما يسافر دلوقتى مشاعرنا اتغيرت، وحياتنا كمان اتغيرت، مراد اتغير اووى مبقاش مراد صديق طفولتى بقاا حد تانى
انا مبقتش عارفه اخد قرار، فضلت افكر فى كلام جدى لحد ما نمت
☆☆☆☆☆☆☆☆
مراد غير هدومه وطلع لقه جده قاعد فى الاوضه
مراد بصله باستغراب وقعد قصاده " فى ايه يا جدى ايه اللى خلاك تيجى اوضتى فى الوقت ده كان ممكن تناديلى وانا اجيلك
منصور بجديه " قولى أنتَ عاوز تتجوز ريتاا علشان ترضينى ولا علشان أنتَ حابب تتجوزها ؟
مراد بضحك" ايه السؤال ده يا جدى
الجد بخبث" يعنى اصلى كنت بفكر لو انتَ مش حابب تتجوز ريتاا ومغصوب على الجوازة ديه فا في شخص كويس اووى متقدملها
مراد بغضب" نعممممم
الجد بخبث" يعنى انا شايف انه إنتَ مغصوب فا فكرت اوافق
مراد بغضب مكتوم " انتَ بتقول ايه يا جدى الفرح بكرة
الجد بخبث" عادى نلغيه المهم سعادتك
مراد بهدوء مرعب " حضرتك اللى بتقوله مستحيل وريتااا مش هتتجوز غيرى تمام
الجد بخبث" بس أنت مش بتحبها يا مراد وكده جوازكم هيبقه اجبارى
مراد بتسرع" ميين اللى قال كده ...
قصدى يعنى ريتاا بنت عمى واكيد انا مش هسيبها تتجوز غيرى
الجد بخبث"طيب يابنى فكر تانى وبكره قولى قرارك
مراد بتنهيده " تمام
منصور ابتسم بخبث وطلع ومراد اتعصب وفضل رايح جاى فى اوضته
مراد بغضب" مستحيل تكون لغيرى ريتاا اتخلقت ليا وبس ومن وقت ما جت الدنيا وانا حلفت انها مش هتكون لغيرى مستحييل ومسك الفازه ورماها فى الارض
☆☆☆☆☆☆☆☆☆☆
زين رجع البيت وطلع اوضة تالياا خبط عليها بس مفتحتش حس انها نامت فا قرر يروح اوضته ويتكلم معاها الصبح بس قبل ما يمشى تاليا فتحت الباب وهى بتبصله بعتاب
تاليا" نعممم بتخبط ليه فى الوقت ده
زين اتنهد تنهيده طويله وبصلها " انا اسف مكنشى قصدى ازعلك
تاليا بحزن" عادى محصلش حاجه
زين بهدوء" تاليا انا حذرتك كتيرر من شادى بس برضوا بتعاندى
تاليا بغيظ" بس انا مبقتش بكلمه ولا بقااا يفرق معايا، شادى كان صفحة قديمه وانتهت خلاص، وعموما انا موقفتش معاه هو اللى كان بيحاول يكلمنى وانا رفضت
زين بابتسامه" ماشى خلاص متزعليش
رواية العنيد_والمجنونة
بقلمى مارينا_عبود
تاليا بحزن " مش زعلانه بعد اذنك علشان عاوزه انام
زين باحراج " احم ماشى تصبحى على خير
تاليا بابتسامة " وانتَ بخير
زين راح اوضته وتاليا قفلت اوضتها وراحت نامت ومكنوش واخدين بالهم من جدهم اللى كان واقف ومتابع الحوار وابتسم بخبث وهو بينوى يعمل حاجه علشان يجمع الاتنين دول
☆☆☆☆☆☆☆☆
_ مييين المزعج اللى بيخبط من الصبح كده
قومت من على سريرى وروحت ناحية الباب وانا نايمة على نفسى فتحت لقيت مراد فى وشى وبيبصلى بغضب ياااختى انتهيت
استجمعت قوتى وبصتله بغضب" نعممم فى ايه على الصبح
بصلى بغضب للحظه كان هياكلنى" أنتِ بتفكرى تلغى جوزانا؟
_ نعممم
قولتها وانا مش فاهمه حاجه
مراد بغضب" ردى على سؤالى انتِ بتفكرى تلغى جوزانا
ضحكت" انتَ مجنون يابنى النهاردة فرحنا وتقولى الغى الجواز اكيد لا
مراد بفرحه حاول يخفيها " تمام جهزى نفسك وانزلى علشان الكل مستنينا
هزيت راسى وقفلت فى وشه وانا بضحك
مراد غمض عنيه وكور ايده بغضب وهو بيحاول يهدى عصبيته من جنانها " يا بنت ال""" ماشى
مراد نزل ووقف قدام جده اللى كان بيبصله بابتسامة " جدى انا قررت
منصور بهدوء" قررت ايه؟
مراد " انا هتجوز ريتاا ومتقلقش انا مش مجبور على الجواز
منصور ابتسم وقام حضنه " كنت متاكد
مراد ابتسم وريتاا نزلت وبدأو يفطرو
منصور " زين كل حاجه جاهزه؟
زين بابتسامة" ايوه يا جدى احنا خلصنا كل التجهيزات
منصور " تمام خلص وتعال علشان عاوزك فى مكتبى
زين " حاضر يا جدى
مراد خلص فطار وطلع فوق وريتاا طلعت وراه بدقائق
ريتااا طلعت اوضتها بس فجاة صرخت اول ما شافت ......
نهاية البارت الخامس 🖤
بدايه البارت السادس
_عاااااااا حيييه
كُنت وُاقفه بصرخ وانا شايفه الحيه على سريرى
رجعت كام خطوة لورا وفتحت الباب علشان اطلع لقيت مراد قدامى
=فى ايييه بتصرخى ليه
_ ح حيه حيه يا مراد على السرير
مراد مسك ايدى ودخل الاوضه كان عاوز يقرب بس انا مسكت ايده وبصتله بخوف وقلق
_ لا لا متقربش هى ممكن تأذيكَ
ابتسم وطبطب على ايدى إللى ماسكه فى ايده بقوة ومتبته فيه
_ متخفيش ديه صغيره اهدى
ساب ايدى وقرب من السرير بس انا مسكت دراعه وشديته لورا
= يا بنتى فى ايه اهدى شوية
_ عيونى دمعت وانا ببصله بخوف هى ممكن تأذيه، عقلى وقتها مكنشى بيفكر غير فيه وبس كنت مرعوبه خصوصا انى بخاف من الحيات والفيران اووى وعندى فوبيا حقيقى بترعب منهم
مراد وقف قدامى وضم وشى بين ايديه وهو بيبصلى بنظرات اطمئنان وثقه وكأنه بيطمنى بنظراته " اهدى متخفيش انا جنبكِ
اخدت نفس وهزيت راسى وهو سابنى وقرب مسك البطانيه ورماها عليها ومسكها وحدفها من من البلكونة
_ أنتَ مجنون أنتَ ازاى تمسكها كده افرض حصلك حاجه والحيه عضتك
ضحك وقرب منى وهو بيبصلى بخبث ونظرات انا عارفاها كويس " اممم خايفه عليا
اتوترت وبصيت الناحيه التأنيه وانا بتجنب النظر فى عنيه " لا هو بس لو عضتك كنت هتتسم ووقتها مكنتش هسامح نفسى لانى السبب
ضحك بصوت عالى " يعنى مش علشان خايفه عليا تو تو علشان مكنتيش هتسامحى نفسك ماشى هعديها يا زوجتى المصون
رواية العنيد_والمجنونة
بقلمى مارينا_عبود
اتنهدت تنهيده طويله واستجمعت قوتى وقربت منه وأنا بسأله"
هو أنتَ ازاى رميتها كده!
هى كده ممكن تأذى حد
ابتسم "متخفيش انا هنزل لعمى اسماعيل دلوقتى ونخلص عليها اكيد جاية من الجنينه هخليهم يرجعوا ينضفوها
_ طيب بس خلى بالك من نفسك
ضحك وغمزلى المشمحترم" عيونى يا زوجتى المصون قال كده وسابنى ومشى
حد قله قبل كده انه ضحكته قمر وهو قمرين
ايه إللى انا بقوله ده
________________
زين باحترام" ايوه يا جدى حضرتكَ طلبتنى
الجد بخبث " كنت عاوز اخد رأيكَ فى موضوع يا زين
زين بابتسامة" اكيد يا جدى اتفضل
الجد بخبث" بصراحة فى عريس متقدم ل تاليا
زين بغضب وصوت عالى" نعممممممم
الجد بصرامة" زين وطى صوتك وأنتَ بتتكلم معايا
زين بتنهيده" اسف يا جدى بس يعنى حضرتك اخدت رأي تاليا فى الموضوع
الجد بهدوء" لا لسه بس اكيد هتوافق أنتَ عارف تاليا مش هتقدر ترفضلى طلب بس أنا عاوزكَ أنتَ تكلمها فى الموضوع ده
زين بغضب مكتوم " تمام يا جدى هكلمها بعد اذنك
زين قال كده وسابه وطلع وهو فى كامل غضبه والجد ابتسم بانتصار لانه مفيش طريقة تانيه يخلى زين ينطق غير دي وهو عارف ومتأكد انه زين بنفسه هيجى ويطلب منه يتجوز تاليا
____________________
كنت واقفه قدام السرير وانا ببص لفستان الفرح ومش مصدقه انى هتجوز مراد ابن عمى سرحت وانا بفتكر ذكره بينا واحنا صغيرين
Flash Back
كنت قاعده على المرجيحه وزعلانه لحد ما لقيت حد بيحط ايده على كتفى وبدون تفكير نطقت اسمه
_ مراد
التفت وبصيت ورايا لقيته واقف ومبتسم كشرت ورجعت ابص قدامى وهو قرب وقعد جنبى
=عيون مراد قاعده زعلانه ليه
_ ملكش فيه وقوم من هناا انا مش عاوزه اكلمكَ
=ليه بقاا انا عملت ايه زعل اميرتى
_ أنتَ سبتنى وروحت تلعب مع البت شيرى
ضحك وبصلى " أممم واميرتى غيرانه
بصتله بغضب وغيره واضحه " مراد أنا حذرتك وقولتلك متكلمش البنت ديه وبعدين انت مرادى انا وبس ومش هسمح انه بنت تقربلك
ضحك وحضنى " متخفيش يا اميرتى مفيش بنت هتقدر تاخدنى منك وبعدين انا لما أكبر هتجوزكِ
بصتله بصدمه " بجد
=طبعنا أنتِ اميرتى انا وبس واوعدك انى لما اكبر مش هتكونى لغيرى
Back
ضحكت وانا بفتكر الذكرى ديه ورغم انه مر على الموقف ده سنين بس مراد مخلفش بوعده
بدأت اجهز نفسى لحد ما الميكب أرتست تيجى وانا بفكر ياتره ربنا مخبيلنا ايه وعلاقتى انا ومراد هتكون ازاى
_____________
فى اوضة تاليا
تاليا رجعت من الجامعة ودخلت اوضتها واتصدمت لما شافت ....
_ اااانت ايه جابك هنااا
البارت السابع
تاليا رجعت من الجامعة ودخلت اوضتها واتصدمت لما شافت زين قاعد على السرير وبيبصلها بغضب
_ أنتَ ايه جابكَ هنااا
زين قام وفضل يلف حوليها " جدى جايبلكِ عريس وقلى اخد رأيكِ فى الموضوع
تاليا بمرح" الله هو جدى ماشى يجوز فينا وخلاص
رواية العنيد_والمجنونة
بقلمى مارينا_عبود
زين بضيق" بت انا مش بهزر عموما انا هقوله انك رافضه
تاليا باستفزاز " ليه
قوله انى موافقه وممكن اقابله
زين بغضب" نعممممم ياختى
تاليا بسخرية" وحضرتك مضايق ليه
زين بغضب" وحياة امكِ يا تاليا لو فكرتى مجرد تفكير بس انك توافقى على العريس ده لتشوفى منى وش مش هيعجبك
تاليا بخبث" وحضرتك مضايق ليه
زين بغيظ " انا قولت إللى عندى وكمان جهزى نفسك علشان انا بعد جواز مراد وريتاا انا هطلب ايدكِ من جدى
قال كده وسابها فى صدمتها
_______________
كنت قاعده بجهز نفسى لحد ما دخلت تاليا وهى بتكلم نفسها
ضحكت ووقفت قدامها " تاليا أنتِ بتكلمى نفسكِ ؟
بصتلى وهى على نفس الحاله وكأنها فى عالم تانى " زين
ضحكت " ماله
= قرر يطلب ايدى من جدى
بصتلها لثوانى وانا بحاول استوعب " أنتِ بتتكلمى بجد
= صدقينى هو لسه قايلى الكلام ده من شويه
ضحكت وانا بتنتنط من الفرحة" عاااا أخير الجبل نطق
بصتلى بغيظ وضربتنى على كتفى " أنتِ مجنونه بقولك هيطلب ايدى من جدى
_ طيب ما دي حاجه تفرح
= لا ياختى ديه حاجه تقلق
ضحكت " بت انا مش ناقصه خلينا فى الورطه بتعتى وبعدين نشوف مشكلتكِ
تاليا بضحك" طيب يا قمر أنتِ يلاه علشان الميكب أرتست وصلت
_ فضلنا نضحك ونهزر والميكب أرتست جت وبدأت تجهزنا لكن انا كان كل تفكيرى فى إللى جاى وازاى هتكون حياتى مع مراد
_______________
ايه ياعم الجمدان ده
مراد ضحك وبصله" حبيبى عقبالك وتعقل
زين بضحك" لا منا خلاص ناوى أكمل نص دينى وإتجوز
مراد بابتسامه" وياتره مين سعيدة الحظ
زين بغرور " بنت عمكَ تاليا
مراد بضحك " كنت حاسس بس أنتَ كلمت جدك فى الموضوع
زين بهدوء" لا لسه نخلص من موضوع جوازك وهكلمه
مراد بغرور " طيب اخلص وهات جاكيت البدله لبسهولى
زين بضحك" ايه يا صحبى أنتَ صدقت انك عريس ولا ايه دنتَ من يومين مكنتش طايق نفسك علشان هتتجوزها
مراد بخبث" لا منا ناوى أعلمها الادب
زين لنفسه " وربنا خايف هى إللى تعلمكَ الادب
مراد بغيظ" زين أنتَ بتبرطم بتقول ايه
زين ضحك ومسك الجاكيت ولبسهوله" ولا أى حاجه مبروك يا حبيبى
مراد بصله وحضنه
مراد وزين مش بس ولاد عم هما صحاب وأقرب اتنين لبعض
زين بابتسامه " يلاه علشان تاخد عروستك لانه جدك والعيله كلها منتظراكم فى القاعه
مراد طلع وخبط على اوضة البنات وزين نزل ينتظرهم تحت
تاليا فتحت وهى لابسه فستان سواريه جميل اووى وحاطه ميكب خفيف يبين ملامحها
مراد " احم انتوا خلصتوا
تاليا بابتسامه " اه
مراد بخبث " طيب زين كان بيسأل عليكِ تقدرى تنزلى وتشوفيه وانا هجيب ريتاا واجى وراكم
تاليا ابتسمت وهزت رأسها بالموافقة
تاليا نزلت وزين كان واقف قدام العربيه اول ما شافها فضل متنح وبيبصلها بحب
تاليا بخجل من نظراته " احم مراد قلى انكَ بتسأل عليا
زين بدون وعى" هو أنتى قمر كده ازاى
تاليا وشها آحمر وحاولت تغير الموضوع " انا بقول يلاه بينا علشان منتاخرش
زين ضحك وفتحلها باب العربيه وهى ركبت وهو طلع جنبها وبدأ يسوق وكل شويه يبص عليها وده خلاها تتوتر
_________________
كنت واقفه قدام المرايه بعد ما الكل طلع وفجاة لقيته ورايا
التفت وبصتله كان بيبصلى بنظرات كلها حب زى زمان، عيونه كانت بتلمع بشكل غريب
يعنى معقوله يكون مراد بيحبنى
بس لو هو بيحبنى ليه متغير معايا؟ ليه بيعمل كل ده
اسئله كتيره كانت بتدور فى عقلى مش لاقيه ليها أجابه بس قاطع تفكيرى صوته وهو بيمدلى ايده
ابتسمت وحطيت ايدى فى ايده
= لازم اعترف انك طالعه قمر اوووى النهاردة
رواية العنيد_والمجنونة
بقلمى مارينا_عبود
ابتسمت بخجل وحسيت وشى قلب طماطم فا ضحك وقرب منى وهو بيهمس فى اذنى " انا بقول يلاه بينا بدل متحمرى اكتر من كده وانا مش مسئول عن إللى هيحصل
بصتله بصدمه وانا بحاول استوعب كلامه
اخدنى وروحنا على القاعه وما مرش وقت طويل وتم جوازى انا ومراد
كنت واقفه مبسوطه وانا شايفه العيله كلها بترقص مع بعض والفرحة فى عيون الكل وخصوصا جدى إللى كان بيرقص بكل حماس وكأنه رجع ل أيام شبابه ومراد إللى كان بيضحكَ مع زين وباقى صحابه وكل شويه يبصلى وانا تلقائى ابتسم
خلصنا ورجعنا البيت وسط فرحه الكل لكن الصدمه الكبيره لما لقيت بنت لابسه لبس ضيق ومفتوح وشكلها غريب وماسكه شنطه واول ما شافت مراد جريت عليه وحضنته وو......
_ دنتِ نهار ابوكِ اسووود
البارت الثامن
اتعصبت ومحستش بنفسى غير وانا بشدها من شعرها
دنتِ نهار ابوكِ اسود
أنتِ مين يابت
_ عاا مراد الحقنى من المجنونة ديه
الكل كان واقف بيضحك وانا التفت وبصيت لِمراد اللى كان بيحاول يكتم ضحكتة
بصتله بتهديد " مين السلوعة ديه وازاى تحضنك كده
مراد ضحك وقرب شال ايدى اللى ماسكه شعرها " ممكن بس تهدى علشان افهمك
جدى وقف قدامى وبصله بحده " متقول مين ديه يا ولد وازاى تحضنك قدامنا كده
مراد بصله باحترام " احم ديه شاهى يا جدى بنت عمى عاصم مش فاكرها
_ كملت هى حصلت تيجى هناا برجليها دنا هطلع عين اهلها السلعوة ديه
كنت بقول كده فى نفسى وانا ببصلها بوعيد وهى بتبصلى بخوف ومتخبيه وراء مراد
جدى ابتسم واعتذرلها على اللى عملتُه " معلش يا بنتى انا بعتذرلك عن تصرف ريتاا هى مكنشى قصدها
شاهى بابتسامة " عادى يا جدى محصلش حاجه
الجد بهدوء"طيب يا مراد يلاه خد عروستك واطلع على اوضتك
مراد بصلى وابتسم بخبث " عيونى يا جدى
بصتله بغيظ ولفيت وشى الناحية التانيه وثوانى ولقيته بيشلنى
_ عاااا يا حيو*ان نزلنى
الكل ضحك ومراد اخدنى وطلعنى اوضته واول ما وصلنا رَمانى على السرير
مراد بغيظ" يخرب بيتك دنتِ تقيله اووى
هو قال عنى تقيله عاااا مسكت المخدات وفضلت اضر*ب فيه
_ بقااا انا تقيله يا قليل الذوق هو فى حد عاقل يرمى عروسته بالشكل ده بس هقول ايه اتدبست فى واحد حما*ر مبيفهمش
ربع ايده ووقف قدامى " أنتِ قد كلامك ده
بصتله بغرور " ايوه طبعنا اومال خايفه منك
_ ايه ده أنتَ بتقرب كده ليه ايأك تفكر تقرب منى انا بحذرك اهو
فضلت ارجع لورا لحد ما لصقت فى الحيطة وهو وقف قدامى حاولت اتحرك بس كان بيمنعنى
=بقااا انا قليل ذوق وحما*ر
بصتله بقوة عكس خاالص الخوف اللى جوايا " اكدب يعنى
_يعنى مش بس مجنونة لا ولسانك طويل
=اذا كان عاجبك مش عاجبك طلقنى
ضحك بسخرية" لا اطلقك ايه بس دنا هطلع عين اهلك
قال اخر كلامه بز*عيق فا اتنفضت هو انا اه ابأن قوية لكن فى الحقيقة انا كتكوت ضعيف الجناح يا جماعة
_ ايه ده أنتَ بتز*عق كده ليه
=لا ولله مش عارفة ليه ممكن تفهمينى ايه إللى عملتيه تحت ده وازاى تعملى كده فى شاهى
_ اممم قول كده أنتَ متعصب علشان السِلعوة بتعتكَ
= وأنتِ زعلانه ليه
قولىِ الحقيقة أنتِ لسه بتغيرى منها
اتوترت " وانا اغير منها ليه
بصلى بخبث " أممم يمكن علشان الفكرة إللى أنتِ واخدها عنها من واحنا صغيرين لسة موجوده فى دماغك ولسه لحد دلوقتى فاكرة انها ممكن تاخدنى مِنك
اخدت نفس وبصتله بغضب انا عارفه هو عاوز يوصل ل أى " ده كان زمان يا بشمهندش لكن دلوقتى لا أنتَ ولا هى تفرقوا معايا
قرب منى اكتر وفضل مثبت عنيه فى عنيا وبيبصلى بتركيز وده خلانى اتوتر
= أنتِ بتكدبى يا ريتاال أنتِ لحد دلوقتى بتحبينى
_ ريتال محدش بيقولى اسمى غيره كلهم بيقولولى يا ريتااا لكن منكرش انه اسمى بيبقه حلو اووى يا جماعه لما هو بيقوله انا ايه إللى بهببه ده
_ ابتسمت بسخريه ومدتلوش اهتمام وروحت وقفت قدام الدولاب وطلعت بيجامة جميله من بتوعى وقبل ما ادخل الحمام علشان اغير الِتفت وبصِتلهُ بحزن وخذلان" أنتَ انانى يا مراد ومبتحبش غير نفسك ومتتوقعش فى يوم انى احبكَ او علاقتنا ترجع زى زمان أنتَ إللى اخترت تسافر وتسبنى علشان تكمل دراستكَ ورغم كده انا معترضتش او حاولت اقف فى وش مستقبلكَ وحتى لما رجعت أنتَ كنت مراد تانى غير إللى اعرفه شخص قا*سى، عنيد، مغرور مش شايف غير نفسه وبس معاملتكَ اتغيرت من اول يوم رجعت فيه مصر وُأنتَ اخترت تتجاهلنى وأنتَ عارف انى اكتر حاجه بكر*ها فى حياتى التجاهل لدرجة كنت بسأل نفسى الف مره انا عملت ايه علشان هو يعاملنى كده بس ملقتش اجابة وعلشان كده قررت انساكَ واطلعك من حياتى ولازم تعرف يا بشمهندش مراد مهران انكَ صفحة واتقفلت من زمان وجوازنا ده غصب علشان جدى
رواية العنيد_والمجنونة
بقلمى مارينا_عبود
لفيت وشى الناحيه التانية ومسحت دموعى وقبل مفتح باب الحمام كان مسك ايدى وشدنى لحضنه
زقيته وانا ببصله بغضب " انا حذرتكَ وقولتلك متقربش منى
= كل كلامك صح بس إللى متعرفهوش انى كنت مستنى بفارغ الصبر الدراسه تخلص علشان ارجع وأطُلب ايدكِ من جدى ويومها كنت مبسوط وقررت اكلمكِ واقولك انى راجع مصر بس قبلها جدى رن عليا وبلغنى بخطوبتكِ وانكِ موافقة وطلب منى انزل علشان احضر الخطوبة تقدرى تقوليلى كان هيبقه موقفك ايه لو حد كلمك وقلك انى هخطب غيرك وقتها مصدقتش وكلمت زين بس هو كمان اكِدلي انكِ هتتخطبى يومها قررت انى مرجعش واكُمل هناك وقطعت كل حاجه كانت تربطنى بيك حتى انى مكنتش طايق اسمع اسمكِ
أنتِ مستنيه ايه مِنى لما اشوفكِ اخترتى غيرى ردى عليا
كان بيتكلم بز*عيق وغضب باين على ملامحه ز*قيته بقوة وانا بضر*به على صدره وبطلع كل غضبى فيه "أنتَ واحد غبى، غبى يا مراد ومش بتفهم أنت ازاى فكرت ولو مجرد تفكير انى ممكن اكُون لحد غيرك ازاى فكرت فى كده
قاطعنى وهو بيهزنى بع*نف ودموع مكتومه فى عنيه رافضة تنزل " اومال تسمى خطوبتك ايه هاا أنتِ ازاى قادرة تكونى كده انا مبقتش فاهمكِ
ضحكت بسخريه ودموعى غرقت وشى " أنتَ عمرك ما هتقدر تفهمنى يا مراد عمرك
سبته ودخلت بس قبل ما ادخل بصتله بعتاب وحزن " و اه خطوبتى ديه كانت لعبة منى علشان اخليكَ تنزل مصر كنت فاكره انى لما اطلب من جدى وزين يقولولكَ كده هتنزل بسرعة علشان توقف الخطوبة وتوقف فى وشهم بس مكنتش اعرف انك واحد جبان وهتفكر كده وعلى فكرة انا حاولت اتواصل معاكَ اكتر من مره بس كان فونك مقفول ديما
دخلت الحمام ونزلت تحت الدوش وانا بعيط مش قادرة اصدق انه بسبب كدبة مِنى احنا وصلنا لهنا كنت فاكره انى بالطريقة ديه هخليه ينزل مصر ويسيب كل حاجه علشان بس يوقف خطوبتى بس مكنتش اعرف انه ثقته فيا قليلة اووى كده
_______________
مراد كان واقف مصدوم وبيحاول يستوعب كلامها
لعبة! يعنى كل ده لعبه
مراد بغضب " مستحيل اكيد بِتكدِب
مراد طلع وطلب من زين ينزل يقابله فى الجنينه
زين بحيرة" فى ايه؟ أنتَ ازاى تسيب عروستكَ وتنزل كده
مراد بحده " انا عاوز اعرف حاجه وحده ريتال اتخطبت لما كنت مسافر ولا لا
وخبر الخطوبه إللى أنتَ قولتلى عليه كان صح ولا كان كدبه منكم انطق يا زين
زين بتوتر " .....
مراد بصدمه
البارت التاسع
زين بحيرة" فى ايه؟ أنتَ ازاى تسيب عروستكَ وتنزل كده
مراد بحده " انا عاوز اعرف حاجه وحده ريتال اتخطبت لما كنت مسافر ولا لا
وخبر الخطوبه إللى أنتَ قولتلى عليه كان صح ولا كان كدبه منكم انطق يا زين
زين بتوتر وخوف ظاهر " احم بصراحه موضوع الخطوبه كان خطة بين ريتال وجدى
مراد بصدمه" خطة؟
زين بسرعة" ولله انا كُنت هقولك بس ...
وقبل ما يكمل مراد ضر*بة بالبو*كس وقعه فى الارض
مراد بغضب" انتوا دمرتونى وتقولى خطه وكُنت هقولك
مراد سابه وطلع اوضته
زين بوجع وهو واقع على الارض " اااه وانا مالى بس، مِنكِ لله يا ريتال أنتِ وجنانكِ
تاليا شافته وجريت عليه " زين مالك ايه عمل فيك كده
زين بوجع" اخوكِ ايده تقيلة اووى
تاليا بضحك " أنتَ عملتِله ايه وبعدين ازاى يسيب عروسته وينزل يقابلكَ
زين بغيظ" يخرب بيته هو وعروسته انا مال اهلى بجنانهم
تاليا بضحك" طب تعال معايا ندخل دلوقتى وبعدين قولى ايه إللى حصل علشان عندى فضول اووى اعرف
زين بغيظ" ياعم اوعى بقااا انتوا عيله كلها مجانين
رواية العنيد_والمجنونة
بقلمى مارينا_عبود
تاليا فضلت تضحك عليه
زين بغيظ" أنتِ بتضحكِ على ايه يابت
تاليا وهى تحاول كتم ضحكتها ولكنها لم تستطيع" شكلكَ يضحكَ اووى وفضلت تِضحك لكن وقفت ضحك لما لقت شاهى جريت على زين وهى بتبصله بقلق
شاهى بخوف" ايه ده زين ايه حصلك
زين كان هيتكلم بس تاليا سبقته" لا مفيش ياختى خليكِ بس فى حالكِ
زين بصلها بضحكه مكتومة
شاهى بغيظ" انا بكلم زين ياريت أنتِ متدخليش
تاليا بغضب وغيرة " لا دنتِ شكلك مش ناويه على خير وعاوزه تربية من جديد
وثوانى وكانت تاليا بتشدها من شعرها وتضر*ب فيها وزين قاعد على الارض و واقع على نفسه من الضحك
_______________
ريتال طلعت من الحمام لقت مراد نايم على السرير وعارى الصدر
ريتال بغضب " أنتَ يا بنادم
مراد ببرود " يا نعم
ريتال بغيظ من بروده" قوم الِبس حاجه
مراد باستفزاز" لا انا بحب انام كده
ريتال بغضب " ده لما كنت متنيل قاعد فى الاوضة لوحدك لكن دلوقتى فى ز*فته عايشة معاك فى نفس الاوضة ولازم تحترم ده
مراد ببرود اكبر" لا مهو الز*فتة ديه بقت مراتى ولازم تتعود على كده
ريتال بغيظ " متقولش عليا ز*فته
مراد بحيرة" الاه أنتِ إللى قولتى على نفسكِ كده انا جبت حاجه من عندى
ريتال بغضب" أنتَ واحد مستفز وقوم من على السرير عاوزه انام
مراد بضحكة سخرية" لا حضرتكِ ده سريرى عاوزه تنامى جنبى اتفضلى مش عاوزه نامى على الاريكة إللى قدامكِ ديه
ريتال بغضب" لا هتقوم يا مراد وأنتَ إللى هتنام على الاريكة انا مبعرفش انام عليها
مراد بعند" ميخصنيش أنتِ حابه تنامى جنبى تعالى مش عاوزه نامى على الاريكة من غير شوشرة علشان عاوز انام
ريتال بهمس" عنيد ومغرور وقليل ذوق
مراد باستفزاز " بطلى برطمة واقفلى النور
ريتال بصتله بغيظ واخدت فرشة وقفلت النور ونامت على الاريكة
مراد لنفسه " بقااا انا مجنونة زيكِ تعمل فيا خطة زى ديه، طيب مبقاش مراد مهران لو معلمتكيش الادب يا ريتال بس الصبر
________________
زين وقف ضحك وقام شال تاليا من فوق شاهى إللى كانت هتمو*ت فى ايدها
زين بغضب متصنع" تاليا كفايه بقااا
تاليا بغضب " سبنى عليها يا زين انا هربيها من اول وجديد
زين بصلها بصة ارعبتها وخلتها تُسكت والتفت لقه شاهى وشها مجروح وشعرها منكوش حاول يكتم ضحكته ومدله ايده
شاهى بغضب " زين هو كل بنات عيلتكم مجا*نين ؟
تاليا بغضب " انا هوريكِ مين المجانين يا بنت **
زين بضحكه مكتومة" تاليا قولتلك بس
زين بأسف" انا اسف يا شاهى على إللى حصل
شاهى بوجع " لا محصلش حاجه بعد اذنكم وسأبتهم ودخلت
زين بضحك" أنتِ اتجننتى يا تاليا ديه ضيفة تقول علينا ايه
تاليا بغيرة" أنتَ مش شايف كانت بتبصلك ازاى
زين بخبث" اممم والجميل غيران
تاليا بتوتر " لا طبعنا انا اغير من السلعوة ديه اكيد لا وسأبته ودخلت وهو فضل يضحك عليها
زين بضحك " شاهى مغلطتش بنات العيله كلهم مجانين
زين افتكر كلام جده عن عريس تاليا ودخل بسرعه يلحق جده قبل ما ينام
دخل اوضة المكتب لقه جده قاعد وبيقراء
زين لنفسه " بالله ما حد عاقل فى العيله ديه غير جدى
جده شافه وابتسم " تعال يا زين
زين ضحك ودخل قعد قصاده " احم كنت جاى وعاوز اتكلم مع حضرتك فى موضوع
منصور بخبث" تاليا مش كده
زين بهدوء " صح
منصور " قولى وافقة على العريس
زين بغضب مكتوم " لا يا جدى ت أنا جاى وطالب ايد تاليا مِنك
رواية العنيد_والمجنونة
بقلمى مارينا_عبود
منصور بابتسامه " أممم وهى موافقه
زين بابتسامه " هى تطول تتجوزنى اكيد موافقة
منصور بحب" خلاص الصبح هعلن عن خُطوبتك أنتَ وتأليا
زين ابتسم وقام حضنه " والعريس؟
منصور بضحك " عريس! انا جبت سيرة عريس
زين ضحك وعرف انه ديه خطة من جده علشان يطلب ايد تاليا
زين بضحك " ماشى يا جدى طلعت مش ساهل برضوا
الجد ضحك وضر*به بخفة على كتفه" طيب يلاه على أوضتك
زين ضحك وطلع على اوضته
______________
بعد وقت مراد اِتأكد انه ريتال نامت قام وحطها على السرير واخدها فى حضنه ورجع نااام
وفى صباااح يوم جديد
مراد قام على صوت صراخ ريتال
_ عاااااااااااااااا يا متمحر*ش
البارت العاشر
فتحت عنيا لقيتنى فى حضنه قومت وانا بصرخ
_ عاااااااا يا متمحر*ش
مراد قام مفزوع وفضل باصصلى بصدمه وانا بحاول اكتم ضحكتِ على شكله
مراد بصدمة" فى إيه بتصرخى كده ليه
اتعصبت ومسكت المخده وفضلت اضر*ب فيه " عاااا أنت عملت فيااا ايه يا كداب يا متمحر*ش
مراد قام ومسك ايديا وهو بيبصلى بذهول" متمحرش!
اقسم بالله انا مكدبتش لما قولت عليكِ مجنونة ايه الجنان ده على الصبح
بصِتله بغضب" انا كُنت نايمه على الاريكة ايه جابنى لحضنكَ
ضِحك وزقنى على السرير" أنتِ جيتى لوحدكِ
سكت شويه وانا بحاول استوعب" جيت لوحدى إزاى يعنى
انحنى بضهره وقرب وشه من وشى وهو بيبصلى بخبث" ما أنتِ طلعتى بتمشى وأنتِ نايمه
ضحكت بسخرية" لا ولله
مراد بضحك" هكدب عليكِ يعنى
قومت وبصتله بغيظ ورميت المخده فى وشه " أنتَ واحد كذاب وانا بكر*هكَ
= وانا بحبكِ
كنت ماشيه ووقفت ونبضات قلبى بقت سريعة بصتله وانا بحاول ادارى التوتر والرجفة إللى احتلت جس"مى" انا برضوا مكدبتش لما قولت عليك كذاب
ابتسم وبقاا يقرب منى
_ وربنا لو فكرت تقرب منى لند*مك
ابتسم بخبث" امم خايفه
_ لا طبعنا اخاف من ايه
قولتها وانا برجع لورا وبتصنع القوة لكن انا من جوايا همو*ت من الرعب انا اصلا بتوتر من قربه
مراد قرب وحاصرنى فى الحيطه وانا ببصله بتوتر وبحاول ابص فى كل الاتجاهات معادا عنيه
=قولى انكِ خايفه
_ بصتله بغضب " انا قولتكَ مش خايفه
ابتسم ورفع وشى وبقت عنيا متثبته على نظرة عنيه، نفس نظرت الحب إللى كنت بشوفه منه واحنا صغيرين وأللى بسبب غبائه وعناده وجنانى كل الحب إللى كان ما بينا انتهى وبقينا اغراب
اتنهدت وغمضت عنيا بحزن " مراد لو سمحت ابعد
= طيب فتحى عنيكِ الأول
اخدت نفس عميق ورجعت ابصله" ممكن تبعد
ابتسم وقرب همس فى اذنى " تعرفى انك بتبقى حلوه اووى وأنتِ مكسوفة ومتوترة كده
وشى آحمر ونبضات قلبى بقت سريعة اووى زقيته بقوة وجريت على الحمام وانا باخد نفسى حسبى الله فيك يا مراد يابن ام مراد عااا
كنت سامعه صوت ضحكته ابتسمت وحطيت ايدى على قلبى وقررت اعلمه درس
اخدت شاور وغيرت هدومى وطلعت وانا ببتسم بخبث
= ايه يا بنتى ساعة
ابتسمت بخبث " معلش يا مورى تقدر تتفضل
بصتله وانا بتابع ملامح وشه إللى اتحولت للصدمه حاولت اخبى ضحكتى على شكله
كان فاتح بوقه ومش بينطق وانا همو*ت واضحك
سبته فى صدمته وقعدت على السرير
التفت وبصلى بشك" أنتِ قولتى مورى! قولى الحقيقة يابت ناويه على ايه
قومت ووقفت قدامه ولفيت ايديا حولين رقبته وانا ببصلة ببرائه " لا خاالص انا بس فكرت انى ادى علاقتنا فرصه وكمان يعنى أنتَ جوزى وانا لازم اتكلم معاك بأحترام
مراد لنفسه " اكيد فى حاجه يارب انجدنى منها
ابتسمت بخبث" ولا أنتَ اى رأيك يا مورى
مراد بخبث" بالسهولة ديه
ابتسمت بحماس " طبعنا
رواية العنيد_والمجنونة
بقلمى مارينا_عبود
مراد بشك " أممم ماشى موافق بس وحياة امكِ لو عرفت انك ناوية على مصيبه جديده مش هر*حمكِ يا ريتاال
قال كده وسابنى ودخل الحمام وانا ضحكت بشر
______________
الجد بهدوء" هو مراد منزلش لحد دلوقتى
زين بضحك" لا يا جدى عريس جديد وكده وبص لتاليا وكمل" عقبالى انا كمان
تاليا اتكسفت ووشها آحمر
الجد لنفسه" ربنا يعديها على خير وميعملوش فى بعض حاجه
زين بتساءل" مالك يا جدى ؟
منصور بابتسامه " مفيش يابنى، المهم انا قررت انه زين هيخطب تاليا الاسبوع الجاى أى رأيك يا تاليا
تاليا بصت لزين بصدمه وهو غمزلها
تاليا كانت هتتكلم بس لقت شاهى نازله ابتسمت بخبث وبصت لجدها" موافقه طبعنا يا جدى
وبصت الناحيه التأنيه بخبث زين أخد باله من نظراتها وابتسم على غيرتها
وشاهى بصتلها بغضب
____________
مراد دخل الحمام وهو بيفكر فى كلام ريتال وفجاة ......
نهاية البارت العاشر
تعليقات
إرسال تعليق