الزهرة المفترسة › البارت الحادي والثلاثون حتي البارت الخامس والثلاثون بقلم ديدي كامله على مدونة النجم المتوهج للروايات

 الزهرة المفترسة › 
البارت الحادي والثلاثون حتي البارت الخامس والثلاثون
بقلم ديدي
كامله على مدونة النجم المتوهج للروايات 

دلفت لين الي مكتب هشام

هشام:هااا..لقيتي الحل..

لين بمكر:طبعا..بس استني..

وبصوت عالي..تاني ياهشام..اللي فيك فيك..

هشام بدهشه:ايه يابت المهفوفه ده..انا كلمتك..

لين وهي تغمز له و تكمل بصوت

عالي غاضب:ايوة..هتاخد الصفقة لوحدك..

هشام لمجاراتها وبصوت عالي:

يووووووه..تاني..انتي مالك..ايوة هاخدها..

لين بتوعد:يبقي انت الجاني علي روحك..

هشام بعصبية:متهددنيش يالين..وغوري

بقي بدل ما اطلع عفاريتي عليكي..

لين بغضب وهي ترحل:ماشي ياهشام..

استلقي وعدك بقي..ووريني هتاخد الصفقة ازاي..

>>>>>>>>>>>>>>>>>>>>>>>>>>>>

ليتصل احدهم بالسمان..

الموظف:ايوة ياباشا..عرفت ومولعة..

كالعادة هشام بيه هياخدها لنفسه..

محسن بإبتسامة:يبقي ضمنا الصفقة..

توشكر يازوق..عدي عليا بعد الصفقة وخد مكافأتك..

الموظف:تسلم ياباشا..انا في الخدمة..

>>>>>>>>>>>>>>>>>>>>>>>>

اتصلت لين بالسمان..

لين: ايوة يامحسن..

محسن بضحكة: اهلا اهلا بالحبايب..غبتي عني كتير..

لين بعصبية: اسمع يامحسن هبعتلك الورق

وتبعتلي الشيك بس المرادي تلاته مليون..

محسن بعدم رضا: ايه يالين ده ضعف المرة اللي فاتت..

لين بمكر: ماهي اضعاف المرة اللي فاتت.. وبعدين

هشام حاطط ملف لو فكرت للصبح مش هتعرف توصله..

محسن بتوجس: طب وليه..

لين بضحكة: متقلقش يا سمان هي اول

مرة..وبعدين انت مش بتثق فيا ولا ايه..

محسن: وانا اقدر ده انتي جلابه الخير ليا..

لين بإبتسامه ماكرة: طبعا..ده انت

غالي عندي..يلا الصبح الشيك يبقي عندي..

محسن: لأ ده انا هبعته الوقتي ومعاها هديه كمان..

لين بضحكة: اوك..هنتظر في المكتب..

محسن: نص ساعة والمرسال

يجي يوصل العموله وتديله الملف..

لين بإبتسامه: اوك.. سلام..

هشام بإعجاب وهو يحتضن لين

من الخلف: استاذة ياقلبي..

لين بوجه ماكر: تلميذتك ياحبيبي..

هشام بإعجاب: لااااا..التلميذ اللي اتفوق

علي استاذه..ده انتي ابليس يتعلم منك..

لين برفعة حاجب وهي تنظر اليه: طيب

اختفي ياابليس.. علشان المرسال زمانه جاي..

هشام وهو يدلف من مكتبها: انا ماشي..

لين بإبتسامه: اوك يااتش..

وبعد مدة يأتي المرسال ويعطيها الشيك وعلبه..

وتعطيه الملف..وتفتح العلبه بعد رحيله لتجدها سوار الماس رقيق..

لين بإبتسامه: مقبوله منك ياسمان.. وصفقة الهنا.. وترحل..

>>>>>>>>>>>>>>>>>>>>>>>

نور بتساؤل:مالك يامازن..كنت متعصب ليه..لما كان شوقي هنا..

مازن بضيق:مفيش يا نور..مشاكل في الشغل..

نور:مشاكل ايه يامازن..قولي يمكن اقدر اساعدك..

مازن وهو يزفر:متشغليش بالك..ديه

شحنة ادويه..بس زودوا السعر شويه..

نور بأبتسامة:معلش يا حبيبي..ربنا يقويك..

مازن بحب:ويخليكي ليا ياحبيبتي..

>>>>>>>>>>>>>>>>>>>>>>>>>

في اليوم التالي يربح هشام الصفقة وسط

دهشه الجميع ويفاجئ السمان بإختلاف الارقام..

هشام بتشفي: معلش يا محسن تعيش وتاخد غيرها..ومتشكرين

ع الشيك هدية مقبوله.. ليهوي السمان علي اقرب كرسي..

ويتفاجئ كاظم بفوز هشام

كاظم بعدم تصديق: انا مش مصدق كسبتها ازاي..

هشام بضحكة وهو يشير الي لين: الفضل لمراتي..

الزهرة المفترسة › 
البارت الحادي والثلاثون حتي البارت الخامس والثلاثون

كاظم بغيظ: انا قولت وراكم حاجة..

لين بتعجب: ايه ياجد..زعلان ليه.. معلش تعيش

وتاخد غيرها يلا الصفقة بقت لينا..ههههه..

كاظم بحدة: بتلعبوا عليا..

هشام بمكر: الله مش انت اللي

كنت عايزنا نبقي مع بعض..

كاظم بتهكم: وانتو لما تتحدوا تيجي

علي دماغي..انتو بتتجمعوا غير في المصايب..

لين بضحكة: معلش الضربه شديدة..ولهشام شفت..

هشام وهو يغمز: لها حبيبتي..

>>>>>>>>>>>>>>>>>>>>>>>>>>>>

صافي بضحكة:ايه ياسمسم..انت هتفضل

مخليني معاك علي طول في كل حته..

سامي برفعة حاجب:ايوة عندك مانع..مش هسيبك ياصافي..

صافي بحب:وانا عمري ما هبعد عنك يا سامي..

بس مش كدة..خليني ابعد شويه..خليك تشتاقلي..

سامي ضاحكا:وحد قالك اني مش

بشتاقلك ياصافي..طب ده انا...

صافي بترقب:انت ايه..قول..

سامي بخبث:لااااااااا..هقولك بعدين..

يلا بقي..خليني اشوف شغلي..

صافي بإبتسامه:اوك..

>>>>>>>>>>>>>>>>>>>>>>>>>>>>>

كانت لين جالسة مع هشام..بعد ان

ربحوا الصفقة من محسن السمان..

هشام بضحكة: ايوة بقي يالينو..هو ده الكلام..

لين بضحكة ودلع: ايوة يا اتش.. بس ايه رأيك..

هشام: ده انتي جبارة.. خازوق هيطلع من عينه..

لين بثقة: ياحبيبي كيد الحريم.. ده انا لين..زمانه

بيلف حوالين نفسه بعد ما عرف ان ارقام الصفقة كلها غلط..

هشام بضحكة: ايوة بس انتي ازاي خلتيه يصدق ان ده صح..

لين بإبتسامة ماكرة: كله بفضل

الصفقة الاولانيه اللي خليته كسبها..

هشام بغيظ: انتي بتفكريني بيها..

لين بغمزة: طب بزمتك ديه ولا الاولي..

ديه متجيش في صفقة النهاردة حاجة..

هشام: في ديه عندك حق..

ديه هنكسب من وراها ملايين..

لين وبغمزة: ولينا احنا بس يااتش..

هشام وهو يضحك بصوت عالي: بس انا

خايف علي كاظم.. ده ممكن يتشل فيها..

لين بمكر: وليه يعني مش هو اللي قال تدخلها قدامه..

وتشوف اذا كنت هتخسر قدامه ولا هتكسبها..

كان فاكر انك مش هتعرف تاخدها.. بس جيتلي..

هشام وهو يمسك انف لين وبضحكة: انا عارفك

مادام حطيتي مناخيرك في حاجة مش هتسبيها..

لين بضحكة: امال يااتش ده انا لين المغربي..

هشام بفخر: طبعا مش مراتي.. بس سيبك

الموضوع ده عايز نتحتفل بيه.. وبغمزة.. ايه رأيك..

لين بتفكير وهي تلف خصله شعرها علي اصبعها: سيبني افكر..

هشام بضحكة: تفكري في ايه بالظبط

يلا يابت..ده انا عايز ارقص من فرحتي..

لين بضحكة:هههههههه.. طب ماتقوم ترقص ....

هشام بغمزة: طب ينفع وانتي موجودة.. نسيتي زي العسل..

لتضحك لين بصوت عالي وبدلع:هههههه.. انت لسه فاكر..

هشام: اوعي ده انا هستغل الليلة وانت ملعلع كدة

ياعسل.. وبغمزة.. ايه رأيك اشغلك حاجة ياجميل..

لين: شغل الليلة مش هحرمك من حاجة يااتش.. علشان

مزاجي رايق.. وانت برضو مقصرتش وعملت شغل عالي..

هشام: ايوة انا عايزك تعوضي اللي عملتيه فيا..

ويسرع لتشغيل اغنية.. ايوة لمايا دياب..

هشام: ايوة يالينو ياشربات..

لنتركهم مع اغنيتهم..وملناش دعوة باللي هيحصل بعد كدة..

دول عالم قليلة ادب..احم احم منور يااتش مش عليك..

انا علي اللي وراك بلاش تتعصب عليا..انا ماشية من هنا..

ونسمع احنا الاغنية..

اصل البنات شربات وانا بنت يا واد عسل

في الماشية و في الحركات ضربو بيا المثل

اللي بايع عماراته واللي طلق مراته

واللي محرم على نفسو من بعد الستات

اصل البنات شربات وانا بنت يا واد عسل

في الماشية و في الحركات ضربو بيا المثل

ايوة

عينك تجي كدا و لا كدا وقعه مهببة يا حبيبي عليك

عاملين طوابير واقفين ليه كتيير

وتروح لفين انت يا مسكين

اللي بايع عماراته واللي طلق مراته

واللي محرم على نفسو من بعد الستات

اصل البنات شربات وانا بنت يا واد عسل

في الماشية و في الحركات ضربو بيا المثل

ايوة

>>>>>>>>>>>>>>>>>>>>>>>>>>>>

كوثر بغل وهي تتصنت عليهم:ااااخ ياناري...قاعدين وبيضحكوا

وبيغنوا ويرقصوا كمان..لاااا ده كتير..مش قادرة اتحمل..

كاظم بحدة:كوثر..بتعملي ايه عندك..

كوثر بتعلثم:هه..انا..مفيش..انا كنت بس معديه..

الزهرة المفترسة › 
البارت الحادي والثلاثون حتي البارت الخامس والثلاثون

كاظم بنظرات متوعدة:غوري علي اوضتك احسنلك..وسيبي

هشام ولين..جاتك الهم..مش هتبطلي عادتك السودة في التصنيت..

كوثر بغيظ:وانا كنت عملت ايه..ماصوتهم اللي عالي بالاغاني..

كاظم بغضب:ملكيش دعوة..ان شالله حتي يعملوا

فرح..كان بيت ابوكي ياختي..غوري جاتك البلا..

لترحل كوثر بغل الي غرفتها وهي تتمتم:ربنا ياخدك يالين..

كاظم بتنهيدة:ربنا يهدي الامور مابينكم..وبضحكة..شكل

رجوعكم هيجي علي دماغي..بس كله يهون لما تبقوا كويسين..

>>>>>>>>>>>>>>>>>>>>>>>>>>>>

نور لنفسها:انا مخنوقة..انا حاسه اني

بخدع مازن..انا لازم اقوله..بس لين حذرتني..

مازن بتساؤل:مالك ياحبيبتي..

نور:هه..ابدا ياحبيبي..سلامتك..

مازن بإبتسامه:امال سرحانه في ايه..

نور:ابدا..مازن هو انا لو خبيت

عليك حاجة ممكن تعمل ايه..

مازن بترقب:ليه..انتي مخبيه عني حاجة يانور..

نور وهي تبتلع ريقها:لا..انا بقول افرض..

مازن وهو ينظر اليها:نور..انا مبحبش الكدب..

انا اللي يخدعني..ولا يكدب عليا..مش برحمه..

نور بتوتر:اه ياحبيبي..عارفة..

مازن بإبتسامه:انا بحبك اوي يانور..مقدرش ابعد عنك..

نور وهي تحتضنه وبقلق:وانا كمان ياحبيبي..بحبك اوي..

مازن بإبتسامه وحب:ربنا يخليكي ليا..وبتحذير..

بس اوعي يانور تكدبي عليا..هتشوفي وش تاني..

نور بخوف: ان شاء الله ياحبيبي..ولنفسها ربنا يستر..

>>>>>>>>>>>>>>>>>>>>>>>>>

في الشركة..

لين بصوت عالي حاد:ملك..انتي ياهبابه..

ملك بسرعة:نعم يافندم..

لين بقرف:ايه ساعة علشان تيجي

انطرشتي ياختي..ولا كنت بتتنحنحي مع حد..

ملك بضيق:لا يافندم..انا جيت اول ما حضرتك ندهتي عليا..

لين بتعوج:بقولك ايه..عايزاكي تعملي تقرير عن شركة (...)للدهان..

ملك:ليه يافندم..

لين بحدة:وانتي مال اهلك..انتي

تعملي اللي اقولك عليه وبس سامعة..

ملك:حاضر يافندم..

لين بتساؤل:الا قوليلي..هشام بيه في مكتبه..

ملك:لا يا فندم..خرج من ساعتين..

لين وهي تتمتم بغيظ:طبعا..ماهي

سايبه..يروح ويجي علي راحته..

ملك:حاجة تاني يا فندم..

لين :لا..وبلهجة آمرة التقرير يكون عندي الصبح سامعة..

ملك:حاضر..

لين بقرف:يلا علي مكتبك ياختي..

ملك وهي تتمتم بضيق:ليه حق هشام بيه يطفش منك..وليه سو..

>>>>>>>>>>>>>>>>>>>>>>>>>>

الزهرة المفترسة › 

البارت الثاني و الثلاثون..

ذهبت لين الي سامي..

سامي بضيق:خير يالين..جاية ليه..

لين بتعجب:الله..ايه ياسامي...مش عايزني اجي ولا ايه..

سامي بتعوج:لأ مش القصد..بس انتي مش بتجيبي الا البلاوي..

لين بضحكة معاتبه:هههههههه..اخص عليك..

انا برضو..وبعدين انا سمعت حاجة كدة..

سامي بترقب قلق:خير..قولي استر ..

لين بضحكة:سمعت انك هتجوز ياسمسم..

بس متقوليش..وانا اللي معرفاك عليها..

سامي وهو يضيق عينيه:لين عايزة ايه بالظبط..

لين بمسكنه: ولا حاجة ياسمسم..انا جايه ابارك بس..

صافي:سامي انا كنت....لين..

لين بإبتسامه جانبية:اهلا بالحلوة...مبروك..

صافي وهي تنظر الي سامي: الله يبارك فيكي..بس علي ايه..

لين بضحكة:سامي هيبقي يقولك..مش كده ياسمسم..

وبغمزة..ومتقلقش..الفستان عليا..سلام..وتهم بالرحيل..

ولكن تلتفت..سامي الا بالحق هشام فين..

سامي بضيق:معرفش يالين..

لين بعدم اهتمام: طيب..اشوفك بعدين..سلام ياعروسه..

صافي بتساؤل:تقصد ايه ياسامي..

سامي وهو يزفر في ضيق:متخديش في بالك..ديه دماغها طاقة..

>>>>>>>>>>>>>>>>>>>>>>>>>>>>>>>>>>>>>

كان هشام يقضي ليله مع فتاه ما.. ليتفاجئ

هشام بمن يطرق عليهم الباب بقوة..ثم يكسر

ليجد امامه بوليس الاداب ويأخذونه هو وتلك الفتاه و..

في القسم..

هشام بغضب: اقدر اعرف ايه اللي بيحصل انا هنا ليه..

الضابط بحدة: نعم ياروح امك.. مش عارف اش حال

لو مكناش جايبينك ملفوف بملايه انت والبت اللي معاك..

هشام بعصبية: انت عارف انت بتكلم مين..

الضابط بغضب: هو كل واحد معاه قرشين.. ولا

مسنود من حد هيتنطط عليا.. اخرس ياض احسنلك..

الزهرة المفترسة › 
البارت الحادي والثلاثون حتي البارت الخامس والثلاثون

هشام بغضب وهو يتمتم: بس اخرج من

هنا يابن ال... واعرفك انت بتكلم مين..

ليأمر الضابط العسكري بإلقاء هشام في الحجز..

>>>>>>>>>>>>>>>>>>>>>>

في اليوم التالي علم كاظم ولين بحبس هشام..

كاظم بغضب: ازاي يعني يتحبس من

امبارح ومقلتليش ليه.. انا عايزه يطلع حالا..

المحامي: ياباشا ده ممسوك متلبس مع البت..

كاظم بعصبية: مش مشكلتي.. امال محامي

وبتاخد علي قلبك قد كدة ليه.. طلعه يا فوزي..

المحامي: هحاول ياباشا بس مش هيطلع فورا..

كاظم بلهجة آمرة: اعمل قرد يافوزى..

وطلع هشام من غير مشاكل.. فاهم..

المحامي: حاضر ياباشا..

لين بتساؤل: مالك ياجدي متعصب ليه..

كاظم بضيق: هشام محبوس..

لين بدهشه: ايه ده بجد.. طب وليه..

كاظم بضيق شديد: قفشوه مع

واحدة من اياهم في شقة..

لين بتعوج: اهااا..طيب..

كاظم بحدة: انتي باردة ليه.. بقولك

جوزك محبوس وانتي ولا كإن...

لين ببرود وتعوج: يعني انتي بتقولي انه

محبوس ظلم.. ماهو من ديله العوج ورمرمته..

كاظم بعصبية: ماهو لوكنتي انتي مريحاه..

وواخدة بالك منه مكنش بص برا ياختي..

لين بإستنكار: الله انت هتجيب اللوم عليا ده هو

اللي عينه فارغه.. انا مالي.. ده انت ست الكل

يتمناني هو بس اللي عينه زايغة..

كاظم بحنق: عليا برضو.. بت يالين اول ماهشام

يطلع من الحبس انا هربيكم انتو الاتنين من اول وجديد..

لين بتعوج: طيب اسيبك انا.. واشوفك

بعدين لما يبقي يطلع منها.. ده إن طلع..

كاظم بغضب: رايحة فين.. هتخرجي وجوزك محبوس..

لين بعتاب: وديه تيجي برضو ياجدي.. ده انا هروح اجيب

عيش وحلاوة وكام علبه سجاير واروح بيهم لإتش القسم..

كاظم بغيظ: انتي بتتريقي يابت..

لين: طيب استني.. وبصوت عالي.. يالهووووي.. ياخرابي

مكنش يومك ياسبعي.. يامصيبتي السودا اروح فين من بعدك..

ده كان مهنني ومستتني.. ومدلعني يالهوووووي..

عينيه ديه متبصش لبرا ابدااااا.. وتكمل لكاظم..

استني اروح اجيب شويه تراب من الجنينه واحطهم علي دماغي..

لتأتي كوثر مسرعة وبفرحة: مالك يالين بتصوتي ليه حد ماتلك..

لين برفعة حاجب وسخريه وتمثيل بكاء: اهئ اهئ ..هشام..ياكوثر..

كوثر بخضة: ماله ..وبضربه علي صدرها وصوت عالي.. مااااااات..

كاظم بحدة: موته لما تشيلك.. بعد الشر..

كوثر بتعوج: امال ايه بتولول ليه..

لين بحزن مصطنع: لا ياختي محبوس ادآب..

كوثر : ناااااااااعم.. ادآب.. وبغل لنفسها.. بقي هو

مقضيها برا مع ديه وديه ويجي لحد عندي ويقولي

مرات جدي ومقدرش المسك.. ماشي ياهشام..

لين وهي تضيق عيناها: مالك يا كوثر.. اتكتمي ليه..

كوثر بتعوج: ابدا.. وانتي بتولولي عليه من امته..

ده انتي تلاقيكي ماصدقتي تخلصي منه..

لين وهي تخرج من الفيلا وبعتاب: اخص عليكي..

معقوله انا فرحانه في اتش.. انا رايحاله القسم..

>>>>>>>>>>>>>>>>>>>>>>>>>>>>>

عند سامي..

احد رجاله:سامي بيه..هشام باشا اتحبس..

سامي بعيون جاحظة وصدمة:ايييييه..طب ليه و في ايه..

الرجل وهو يلوي شفتيه:ادآب يا باشا..

سامي بتعوج:ادآب..طيب..روح انت..ولنفسه..برضو ياهشام..

وبنظرات ضيقة..بس مش عارف ليه شاكك في حد كدة..

صافي:مالك ياسمسم..

سامي:ابدا يا صافي..هشام محبوس اداب..

صافي:هههههه..هو مش هيبطل بقي..

سامي بتعوج:اللي فيه داء عمره ما

يبطله..انا هبقي ازوره واشوفه..

>>>>>>>>>>>>>>>>>>>>>>>>>>>>>

لتذهب لين الي القسم وتطلب الاذن لزيارة هشام..

الضابط لهشام بتعوج: بقي ديه مراتك.. وانت رايح

لواحدة تانيه بلا وكسه تصدق انك راجل معندكش نظر..

لين ببكاء مصطنع ورقة متناهية: شكرا ياحضرة الظابط

علي زوقك.. بس ده غلطي انا.. انا مش مريحاه..

الضابط بتهكم: مش مريحاه.. بلا نيله ده كفايه

البصة في وشك القمر ده بالدنيا..

لين بصوت ناعم: ميرسي.. بس اعمل ايه حظي كدة..

الضابظ لهشام بغيظ: تصدق انا هنفخك.. بقي

سايب الغزال ده.. ورايح للقردة اللي كانت معاك..

لين برقه: معلش بقي بلاش

تعمله حاجة علشان خاطري..

الضابط: انت تؤمر ياقمر..

هشام بغيظ: مااجيب لمون واقف

اضلل عليكم.. ولا نخليها بيرا احسن..

الضابط بحدة: اخرس يالا.. وهو يخرج

من الغرفه.. عشر دقايق وراجع.. سلام ياقمر..

الزهرة المفترسة › 
البارت الحادي والثلاثون حتي البارت الخامس والثلاثون

لين وهي تودعه بيداها بدلال: اشوفك بعدين..

لينظر الظابط الي هشام بغيظ واشمئزاز ويتمتم:

جاتني نيله في حظي الهباب متجوز صول..

ومش عاجب.. وانت متجوز غزال وعينك زايغة..

ويغلق الباب في غضب..

لينطلق هشام بغضب الي لين ويمسك ذراعها:

قرني انا واقف.. وانتي شغاله مع ابن ال... ده..

لين بدلع: ااااي.. دراعي ياهشام بالراحة..

هشام بعصبية: ده انا عايز ادفنك واخد فيكي تأبيدة..

لين بضحكة: طب مش لما تطلع من ديه الاول يا اتش..

وبغمزة.. بس عجبتك المزة المرادي..ولا اهي رقاصة زي كل مرة..

وانت طبااااال ياحبيبي..علي رأي المثل.. دق الطاسة..تجيلك الف رقاصة..

هشام بحدة وضيق: بقولك ايه انا مش ناقصك..

لين بدلع: ليه يا اتش بس.. معلش انا عارفة انك

ملحقتش تكمل معاها..هههههه.. كبسوا عليك علي طول..

هشام بعيون مشتعله: اوعي تكوني انتي اللي ..

لين بابتسامة: اكيد يااتش.. انا وطنيه واحب

اساعد الشرطه..وبساعد في القضاء علي الرزيلة..

هشام بغضب وهو يمسكها: يابنت ال... بقي انتي تعملي كدة..ليه..

لين بتذمر وهي تزم شفتيها: الله مش انت اللي كنت عايز كده..

هشام بعصبية:وحياه امك..انا قلتلك تبلغي عني..

لين بهدوء ودلال وهي تتلمس وجهه:مش بالضبط..بس انت مش

قلتلي قبل كده..اي واحده ست المفروض لو عرفت ان جوزها بيخونها..

ترجعه ليها او تقتله.. انا عملت كده..مقتلتكش..بس عايزة اصلح حالك يااتش..

هشام بغضب:لا والله..تحبسيني وبكده

تصلحيني..ده انا هطلع عين اللي جابوكي..

لين ببرود مستفز:ايه يااتش..شكل التخشيبه مضايقاك..

لااااا..المفروض تتعود..ده انت مطول فيها..ومتقلقش..انا جايبالك

عيش وحلاوة ومنستش السجاير..وبهمس وهي تلمس وجهه..

ده انت غالي عندي اوووي..ده انت جوزي ياحبيبي..

هشام بغل:ده انا هربيكي يالين لما اطلع من هنا..اصبري عليا..

ليدلف الضابط ويكمل:الزياره انتهت ياخويا..وللعسكري خده ع الحجز..

هشام بغل:ماشي..وللين بلهجة آمرة..يلا ياختي من هنا..

ومش عايز اشوف وش اللي خلفوكي..سامعة..يلا انجري..

لين بإبتسامة مستفزة:امرك ياحبيبي..متقلقش..انا هقوملك اكبر

محامي..وهطلعك منها..مش هسيبك..انا عارفة انها نزوه وغلطة..

الضابط بغيظ:كمان عايزة تتطلعيه..ياريت كل الستات زيك..ااااه ياني..

هشام وهو يكور يديه غيظا:غوري..انا هوريكي..ليأخذه العسكري..

لين بدلع:ميرسي ياحضرة الظابط علي زوقك..

ومعلش مش هوصيك..خد بالك منه..

الضابط:امرك يا قمر..مع انه ميستهلش ضفرك..

لين وهي تغادر وبرقه:ميرسي لزوقك يافندم..وتخرج

وبإنتصار وعلي شفتيها ابتسامه نصر..ولنفسها..

ابقي وريني هتطلع منها ازاي يااتش..

سلوكي يعتمد علي الشخص المقابل..استطيع

ان اكون الملاك البرئ..وايضا استطيع ان ادرس الشياطين..

انا بشماته :هههههههه..ايه يااتش..انت اصلا مبتفهمش..ماغنينا

وقولنا عينك تجي كدة ولا تجي كدة وقعة مهببه ياحياتي عليك..

هههههه..البس يامعلم..ده انا هروقك..ايوة فرحانه فيك يااتش..

هشام بغل:يابنت ال..... بقي كدة بتخليها تحبسني..

انا:احم احم...اكيد يابرنس..علشان تتربي...هههه..

حاسب بس البراغيت في التخشيبة..يلا باي باي يااتش..ههههه..

هشام:خدي يابت..طلعيني..انتي هترميني كدة..

انا:ايوة..خليك علشان تتربي..اروح اشوف

انا الظابط العسليه اللي هناك ده..ههههه..

هشام بتوعد:وحياة امي لهوريكي..انا غلطان

اني ممسكتكيش لما كنتي هناك..انا عارفك..خلتيها

تديني دور الحنيه علشان تلبسني في الحيط..ماااااشي..

انا بغرور:طبعاااا..يلا باي يا اتش..

>>>>>>>>>>>>>>>>>>>>>>>>

كاظم في الهاتف..

كاظم:ايوة ياسي ممدوح..ابنك محبوس

ادآب..من رمرمته ومشيه الزباله..

ممدوح بقلق:طب هنعمل ايه ياعمي...هنسيبه كدة..

كاظم بضيق:لا طبعا..مش هسيبه..انا

ورايا حاجة غير تصليح بلاويه..هخرجه..

ممدوح:ماشي يا عمي..بس ابقي طمني..

كاظم:طيب ياخويا..سلام..اااخ منك ياهشام

امته هتعقل بقي..بس تطلع وانا هربيك..

ممدوح:ابنك ياصفاء اتمسك اداب..

صفاء:يالهوي..ادآب..ليه..

ممدوح بتهكم:مش عارفة ليه ياختي..من مشيه البطال..

صفاء بغل:كله منها ..ربنا ينتقم منها..لو كانت مريحاه مكنش

عمل كدة..اااااخ ياناري لو اطول زماره رقبتها اخنقها بإيدي..

ممدوح بتعوج:لما نشوف هيعمل ايه..

>>>>>>>>>>>>>>>>>>>>>>>>

كوثر بغيظ في الهاتف:ايوة...لأ مش هقدر اجي اليومين دول..

المتصل:..................

كوثر:مشاكل حصلت في البيت مش هينفع اخرج..

المتصل:.............

كوثر بغل:حفيد كاظم هشام..محبوس..

المتصل:...............

كوثر بحقد:ايوة جوز زفته..ادآب..

المتصل:.............

الزهرة المفترسة › 
البارت الحادي والثلاثون حتي البارت الخامس والثلاثون

كوثر بتغنج:لأ..مش مضايقة ولا حاجة..بعدين انت عندي وبتظبطني..

المتصل:...........

كوثر بضحكة ركيعة:ههههههههه..اشوفك بعدين...سلام..

>>>>>>>>>>>>>>>>>>>>>>>

الزهرة المفترسة › 

البارت الثالث والثلاثون

كوثر بغيظ في الهاتف:ايوة...لأ مش هقدر اجي اليومين دول..

المتصل:..................

كوثر:مشاكل حصلت في البيت مش هينفع اخرج..

المتصل:.............

كوثر بغل:حفيد كاظم هشام..محبوس..

المتصل:...............

كوثر بحقد:ايوة جوز زفته..ادآب..

المتصل:.............

كوثر بتغنج:لأ..مش مضايقة ولا حاجة..بعدين انت عندي وبتظبطني..

المتصل:...........

كوثر بضحكة ركيعة:ههههههههه..اشوفك بعدين...سلام..

>>>>>>>>>>>>>>>>>>>>>>>>>>>>

في الحجز

هشام لنفسه بغيظ:كدة يالين..بقي تفقعيني المقلب ده..

اتاريكي مدياني الدلع والحب..وانتي بترقديلي خازوق..

وحياه امي ماهسيبك..اطلع من هنا وانا اوريكي..

لا وببجاحتها جايه تزورني..وقال ايه مش انت اللي قولتلي

اغير عليك..وبغل..وجيبالي سجاير هو انا بشرب سجاير بسببها..

وحياه امك ماشي يابنت المغربي..بقي انا تعملي فيا كدة..

وبضحكة..بس وربنا مجنونه..وبرفعة حاجب وتفكير.. شكلها كده

هتلين والحياه تبقي اشطة..ويتجهم مرة اخري ويكمل بتوعد..

بس مش هعديهالك..هوريكي يالين..عماله تدلعي مع الظابط ابن ال...

وانا هتشل وابن ال... ماصدق يغني عليكي وربنا لولا اني كنت

ماسك نفسي بالعافيه كنت قتلته..بس اطلع واوريكي وهوريه...

>>>>>>>>>>>>>>>>>>>>>>>>>>>

استطاع المحامي اخراج هشام بعد عدة ايام وذلك

عن طريق احضار اوراق تثبت ان تلك الفتاه

كانت زوجته وتم اطلاق سراح هشام بكفاله..

بعد ان خرج هشام وذهب الي الفيلا اسرع الي لين..

هشام وبصوت جهوري غاضب:لييييييين..وحياه امك ماهسيبك..

لتركض لين مبتعده وبضحكه مستفزة:حمدلله

علي سلامتك يااتش..انت طلعت منها..

هشام بغضب وهو يحاول الامساك بها:ايه كنتي فاكراني

مش هطلع..لا ده انا هربيكي..انا هدخل فيكي اللومان..

لين بإستفزاز وهي تركض من امامه:

شكل الحبسة عجبتك.. وعايز ترجع ليها..

هشام بغضب وهو يركض خلفها:يابنت ال...تعالي هنا..

كاظم بغضب:ايه..انت لحقت تطلع.. عملتلك ايه

لين..مش كفاية راحتلك القسم وزارتك..

لين بمسكنه:قوله ياجدي..انا...

هشام بعصبيه:انا هقتلها..بقي انا تخليني

اترمي في التخشيبه ..وكمان ظابط ابن...

يشتمني..وعماله تتمايصي معاه..بصي

انا هقتلك وارجع هناك اقتله..

كاظم بعدم فهم:انت بتقول ايه مالها لين..

هشام بغيظ:هي اللي بلغت عني..

>>>>>>>>>>>>>>>>>>>>>>>>>

سامي بضحكة:وربنا كنت حاسس بكدة..

صافي بدهشة:مش معقوله تبلغ عنه..طب ليه..

سامي:دماغها ضاربه..توقعي منها اي حاجة..

صافي:بس مش للدرجادي..افرض مكنش طلع منها..

سامي بترقب:لااااا..مش ابن المغربي اللي يفضل في

الحبس..بس اصبري..هيروقوا بعض..هشام ولين يامغيث..

>>>>>>>>>>>>>>>>>>>>>>>>>>>>>>

كاظم بدهشه:ايه..انتي اللي بلغتي

عنه..وبغضب.. ليه..انتي بتستهبلي..

لين بتبرير:الله مش هو اللي قالي

عايزك تغيري عليا..اهو..غلطش انا..

كاظم بغضب:تغيري عليه تسجنيه..لييين..انا..

هشام بغيظ:سيبني عليها بقي

ياجدي..انا هطلع علي جتتها البلا..

لين بتقزز:ابعد عني..اكيد انت اتمليت براعيت وحشرات..

ياااااااااي..انت المفروض تتنقع في البانيو سنه..

هشام وهو يجذ علي اسنانه غضبا:انا هوريكي البراغيت ديه..

كاظم بصرامه:بسسسس..انت وهي..ويلا من هنا بقي..

لين بتعجب:نروح فين..

كاظم بنفاذ صبر:بصوا انا تعبت منكم انتو الاتنين..

يلا علي شقتكم ومش عايز اشوف خلقتكم هنا..

وان شالله تولعوا في بعض..

هشام بتذمر:وانا مالي مش هي اللي بلغت عني..

كاظم بحنق:ماهو من عمايلك وسرمحتك ورا النسوان..

وانتي ياختي لو كنتي زي النسوان مكنش عمل كدة..يلا برا..

هشام بإستنكار:قصدك ايه ياجدي..انت بتطردنا..

الزهرة المفترسة › 
البارت الحادي والثلاثون حتي البارت الخامس والثلاثون

كاظم بنفاذ صبر: ايوة.. وهو يدفعهم للخارج..

ويلا برا بيتي ياولاد المجانين..ويغلق الباب في وجههم..

لين وهي تدق الباب بعتاب:افتح ياجدي عيب كده..

هشام:طب نتفاهم..مينفعش..

لين بقلة حيلة:هنعمل ايه يااتش

الوقتي..الراجل اتجنن وطردنا..

هشام بغل وهو يمسك لين من ياقه فستانها:

ماهو كله منك..ده انا هنفخك الوقتي..

لين وهي تبعد يده بقرف:ابعد كده..اووف..

ده انت عايز تتنقع.. وبجدية..وبعدين استني

مش وقت خناق..احنا هنسيب كاظم لكوثر..

هشام وهو يضيق عينيه وبإنتباه:قصدك ايه..اهاااا..عندك حق..كوثر

ممكن تاكل بعقله حلاوة ونطلع من المولد بلا حمص..طب هنعمل ايه..

لين بقرف:اول حاجة نعملها انك تستحمي يااتش..

هشام بغيظ:اتلمي احسنلك..استني..ليدق الباب..

كاظم:يانعم..انا قلت مش هتدخلوا..

هشام بحيرة:طب هنروح فين ياجدي طيب..

ليلقي مفاتيح في وجهه ويكمل:علي شقتكم ياخويا..

انا صلحتها..ولبسكم هيوصلكم لهناك..وعربيه

واحده ليكم..مشفش وشكم هنا تاني..

لين:طب والشغل ياجدي..

كاظم:ملوش دعوة ..تعالوا الشركه..بس قسما عظما

ان مااتعدلتوا لاقطع عنكم المصروف..ويغلق الباب في عنف..

هشام وهو يلوي شفتيه بتهكم: المصروف ..

ايه المعامله ديه..ديه التخشيبة كانت ارحم..

لين بقرف وهي تمسكه من ياقه قميصه

باطراف اصابعها وتاخذ المفاتيح:يلا تعالي معايا..

ليركبوا السيارة ويذهبوا الي شقتهم..

>>>>>>>>>>>>>>>>>>>>>>>>>>>>

كاظم بتفكير:مفيش غير ده يمكن تتعدلوا شويه..خليكم مع

بعض في شقتكم..بس ياخوفي تقتلوا بعض..ربنا يستر..

>>>>>>>>>>>>>>>>>>>>>>>>

ذهبت نور الي الفيلا لزيارة لين..

نور:ازيك يام جميل عامله ايه..

ام جميل:الحمد الله يابنتي..انتي اخبارك ايه..

نور بإبتسامه:زي الفل..امال لين فين..

ليأتيها صوت كوثر بتعوج:مش هنا..مشيت من الفيلا..

نور بدهشة:ايه..مشيت راحت فين..وليه..

كوثر وهي تلوك علكة في فمها:ابدا كاظم طردها هي

وهشام..وراحوا علي شقتهم..عايزاها روحليها هناك..

نور بعدم تصديق:مش ممكن..طب ليه..

كوثر بحدة:معرفش..اسئلي اختك..انا مش فاضية..

لترحل نور وتكمل بتعجب:هشام

ولين..وراحوا شقتهم..مش ممكن..

لتتصل بلين..وتخبرها بصحة الامر..

لين بضحكة:ايوة يانور في شقتي..

نور بدهشة:طب ازاي..انتي وهو..

لين بضحكة:متستغربيش كدة..ايوة..

نور:بس هي مش ولعت..مش ولعتي فيها يالين..

لين وهي تلوي شفتيها:جدي صلحها واحنا فيها الوقتي..

لتسمع صوت هشام بإستغاثة:حرام عليكي

اديلي اربع ساعات منقوع لغايه مابوشت..

لين ضاحكة بقوة:ههههههه..سلام

دلوقتي يانور..اشوف اتش بدل ما يدوب..

نور بعيون متعجبه:وكمان تشوفيه..لااااا..انا مش مصدقة..

هشام بتوسل:مش كفايه كدة..الرحمة

حلوة..ده ناقص تجيبي كلور وترشيني بيه..

لين بضحكة:مش علشان تنضف..يلا يلا..كلها

ساعتين وتكمل ست ساعات..ومتنساش الديتول..

هشام بوجه باكي:ربنا ع المفتري..

هههههههههههههههه..مش قولتلك احذر من

البراغيت..هههه..اشرب يامعلم..كلها شويه وتنضف ..

>>>>>>>>>>>>>>>>>>>>>>>>>>>>

كانت لين نائمه لتستيقظ مفزوعة

علي يد هشام وهي تلمس وجنتاها..

لين بخضة:انت.. يااخي..خضتني..

جاتك البلا صحتني من احلي نومه..

هشام بضيق: ياشيخة لمي لسانك ده

شويه..حتي وانتي لسه صاحيه من النوم..

لين برفعة حاجب وترقب:عايز ايه ياهشام..

هشام بمسكنة:ايه يالين..ماتفكيها بقي..راعي

اني لسه طالع من حبس..ومنقوع ست ساعات..

لين بضحكة: اهااااا..مش انت اللي

طلبت كده يااتش..وبعدين انا بنفذ اوامرك..

هشام بسهتنه: طب ماتحني عليا يالينو

بقي حرام عليكي..ده انا غلبان ويتيم..

لين ضاحكة بقوة:ههههه..يتيم..امال

امك وابوك اللي في المزرعة دول ايه..

هشام بتعوج:مايتحسبوش..

انا يتيم..حني عليا واكسبي فيا ثواب..

لين بشرود:فعلا مايتحسبوش..

ههههه..يعني انا يتيمه برضو يااتش..

هشام بضحكة:ايوة يالينو..انا وانتي ايتام..

تعالي نلم يتمنا علي بعض واشكيلك وتشكيلي..

لتضحك لين ضحكه عالية وهي تحيط رقبة

هشام بذراعيها:تصدق عندك حق..انت صح..

هشام بغمزة:ايوة بقي يالينو..خليكي

معايا..وبهمس..ده احنا هنشكي للصبح..

تباً لك أيتها المشاعر المتمردة ، تجعليني

أتصرف على العكس تماماً مما يمليه على عقلي..

>>>>>>>>>>>>>>>>>>>>>>>>>>>>>>>>

الزهرة المفترسة › 
البارت الحادي والثلاثون حتي البارت الخامس والثلاثون

مازن:ايه يانوري..مالك متنحة من ساعة ماجيتي..

نور:مفيش..بس اصل لين وهشام مشيوا من الفيلا..

مازن:ليه..

نور:معرفش..بس لين اكدتلي..

وكمان قاعدين في شقتهم..

مازن بضحكة وديه فيها ايه..عادي..

نور:اصلك مش فاهم..لين وهشام..وهدنه..مش ممكن..

>>>>>>>>>>>>>>>>>>>>>>>>>>>>

هشام:بصي ياقمر احنا هنعمل هدنه انا وانتي..

لين بتعجب:يعني ايه يااتش..

هشام:يعني انا وانت يالينو هنكون

زوجين حلوين..من غير عفرته..

لين بضحكة:ازاي يعني..

هشام:يعني زي الناس...من

غير مقالب ولا طوله لسان يالين..

لين برفعة حاجب:اهاااا..زوجه لسي السيد ياهشام..

هشام بتنهيدة:مش سي السيد يالين..ارحميني شويه..

لين:طيب انا موافقه..بس انت من

غير ضرب ولا سرمحة ولعب بديلك..

هشام:موافق..بس مفيش شغل ليكي..

لين بإعتراض وحدة:نااااعم..ليه ان شاء الله..

هشام:انا راجل البيت..

وهشتغل..وانتي تقعدي تراعيني..

لين بغيظ:وكاظم هيوافق..

هشام بجدية:ملكيش دعوة بكاظم..هااا..قولتي ايه..

لين بتفكير:ماشي..بس لو مقدرتش

ع الشغل ياهشام..وبوظته انا هرجع..

هشام بغرور وثقة:موافق..

يبقي هتفضلي في البيت علي طول..

لين بمكر:مادام مفيش شغل..مفيش مصارعة ليك..

هشام بإعتراض:اييييه..لااااا..كله الا كدة..

لين برفعة حاجب وترقب:ده اللي عندي..هااااااا..قولت ايه..

هشام وهو يلوي شفتيه بضيق:ماشي..موافق..

لين بعيون متوعدة:هنشوف ياحبيبي..بس هتقدر تتحمل..

هشام:نجرب ياقلبي..

لين بتحذير:بس قسما برب العزة ياهشام ان خنتني لاوريك الويل..

>>>>>>>>>>>>>>>>>>>>>>>>>>>>>

الزهرة المفترسة › 

البارت الرابع و الثلاثون..

في الفيلا

كوثر بضيق: انت مشيتهم ليه ياكاظم..

كاظم: ملكيش دعوة.. وبعدين ده هيقربهم من بعض..

كوثر بغيظ لنفسها: يقربهم..يافرحتي..

ولكاظم.. طب مش خايف يعملوا في نفسهم حاجة..

كاظم بتنهيدة: لأ..متقلقيش.. انا

حاسس انهم هيبقوا كويسين المرادي..

كوثر بغل: كويسين..اخ ياني.. وبضيق.. طيب ياكاظم..

>>>>>>>>>>>>>>>>>>>>>>>>>>>>>>>>>>>>>

في الهاتف..

دعاء بعدم تصديق:بجد يانور..يعني رجعوا لبعض..

نور بضحكة:ايوة ياماما..انا كلمت لين وقالتلي..

دعاء:ربنا يستر..وهشام يتعدل..

نور بإبتسامه:لأ متقلقيش..المرادي هيبقي كويس..انا حاسه بكدة..

دعاء:طيب يانور..خلي بالك من نفسك..وسلميلي علي اختك..

نور:حاضر ياماما..سلام..

دعاء بتنهيدة:سلام ياحبيبتي..ولنفسها..

ربنا يهديك ياهشام ومتعملش فيها حاجة تانية..

عامر :ماله هشام..

دعاء:ابدا اصله هو ولين رجعوا شقتهم..

عامر بتهكم:والله..يعني ربنا هد بنتك وعقلت..

دعاء بضيق:ربنا يهدي ياعامر..وتتركه وترحل..

عامر:علي الله تتنيل وتفهم ..

>>>>>>>>>>>>>>>>>>>>>

ذهبت كوثر لمقابله سعد..

كوثر بدلع:هاي يابيبي..

(بيبي بنت الجربانه بتقول بيبي..ماشي

ياربايه الموالد انا هوريكي..صبرك عليا)نرجع لقصتنا..

سعد:اهلا بالحلوة..وحشتيني يابت..ايه الغيبة الطويله ديه..

كوثر بتغنج:مفيش..بس مشاكل كاظم احفاده..

سعد بتهكم:اهااا..والكوهنه اخباره ايه معاكي..

كوهنه يامعفن..ده تاج راسك..انا هوريكم..

كوثر بتعوج:زفت..والوقتي طرد احفاده..

سعد بإستغراب:وانتي ايه اللي مضايقك..

كوثر:انت مش فاهم..دول لو رجعوا لبعض..وخلفوا..مش هطول مليم..

سعد:اهاااااا..يبقي انتي ياحلوة تخلي كاظم يأمنلك مستقبلك..

كوثر:ازاي يعني..

سعد:زي الناس..بحبه دلع..تقوليله..وبغمزة..وانتي استاذة..

كوثر:فهمتك..

سعد وهو يقترب منها:والوقتي

سيبك من ده كله..وحشتيني يابت..

كوثر بدلع:وانت كمان ياسعد..

الهي تولعوا انتي وهو قال وحشتيني قابلك عزرائيل يابعيدة..

>>>>>>>>>>>>>>>>>>>>>>>>>>

في الشركه..

كاظم:ايه ياهشام امال لين فين..

هشام بإبتسامه جانبية:في البيت..

كاظم بتعجب:بتعمل ايه في البيت..هتيجي امته..

هشام بضحكة:مش هتيجي..ومش هتشتغل تاني..

كاظم بدهشة:ليه..انت عملت فيها ايه..

هشام بضحكة:معملتش ياجدي..

اتفقنا انها تقعد في البيت وانا اشتغل..

كاظم بعدم تصديق:مش ممكن..وهي وافقت..

هشام:ايوة..اصل اتفقنا علي شويه حاجات كدة..

كاظم:طب والشغل..هتقدر عليه لوحدك..

هشام:متشغلش بالك ياجدي..انا سداد..

كاظم:طيب..اما نشوف..ده انا بشوف العجب

معاكم..ولنفسه..ربنا يهديكم علي بعض..

والنعمه انت راجل عسليه..

>>>>>>>>>>>>>>>>>>>>>>>>>>>>>>

الزهرة المفترسة › 
البارت الحادي والثلاثون حتي البارت الخامس والثلاثون

سامي :هههههه..طيب ياخويا..اما نشوف هتقدر ولا لأ..سلام..

صافي بتعجب:مالك ياسامي..بتضحك علي ايه..

سامي بضحكة:كنت بكلم هشام

علشان النادي..قالي بطل لعب..وهيستقر..

صافي بإبتسامة:ليه..اشمعنه..

سامي بعدم تصديق:اصله هو ولين

رجعوا لبعض..وخلته يبطل لعب..

صافي :عبالك ياسامي لما تبطل انت كمان..

سامي :لااااااا..ده انا بقيت من المؤسسين..مينفعش ابطل..

يلا يلا..تعالي ناكل جعان..وبضحكة..اما نشوف يااتش هتتحمل لحد فين..

>>>>>>>>>>>>>>>>>>>>>>>>>>

كوثر بدلال: ايه ياكاظومي..انت مش هتأمنلي مستقبلي..

كاظم: يعني ايه..

كوثر بدلع: يعني تكتبلي حاجة انت عارف

لين ممكن تعمل فيا ايه..لو جرالك حاجة..

كاظم بحدة: قصدك ايه..انتي بتفولي عليا ياوليه..

كوثر بسرعة: مش قصدي ياكاظم..بس انت

عارف انا مليش غيرك..ولين هترميني في الشارع..

وانت حتي مش كاتبلي في الوصيه حاجة..

كاظم برفعة حاجب: ومش هكتب ياكوثر..كفايه

عليكي اللي بدهولك..واللي بتخنسريه من ورايا..

كوثر بتعوج: بخنسره من وراك..انت بتديني ايه يعني..

كاظم بتهكم: متبقيش طماعة ومتنسيش نفسك..انتي كنتي

لاقيه اللضه ودلوقتي عايشة في فيلا..احمدي ربك.. واسكتي..

كوثر بغل لنفسها: احمد ربي..فاكرني هطلع من المولد

بلا حمص.. لاااا.. ده انا اللي هاخد ده كله وهتشوفوا..

(لاااااااا..هو فعلا هيأمنك مستقبلك..بس هيشتريلك تربه

علشان تدفني فيها..نهايتك سودة يازباله..متخافيش..الترب كتيييير)

>>>>>>>>>>>>>>>>>>>>>>>>>>>>>>>>>

سامي بضحكة:يعني جيت يابرنس..

خير..شكل لين زهقتك من اولها..

ليجد من خلفه صوت لين:ليه ياجناب الكومانده هعمله ايه..

هشام بضحكه:البس يامعلم..مليش دعوة..

سامي بتوجس :انتي جايه معاه..خير..شكل وراكم مصيبة..

هشام :لا مصيبة ولا حاجة..وبإبتسامه..احنا

الوقتي زوجين حلوين..ولفتاه تمر امامه..حلاوتك ياابيض..

لين برفعة حاحب:هشااااام..انت هتستهبل ياحيلتها..

سامي بضحكة:البس..انت اللي هتتروق يامعلم..

هشام بتعوج:معلش..اصل ديل الكلب عمره مايتعدل..

لين وهي تضربه بغل:لأ..هيتعدل علي ايدي..

ولسامي...امال فين الحلوة ياسمسم..

سامي بترقب:ليه..ناويه علي ايه..

لين بدلع:وانت مالك..ده كلام ستات..

هشام بسهتنه:اموت انا فيه..خديني في ايدك..فينها ياض..

سامي للين:عندك فوق ياختي..ويجر هشام

من ذراعه مكملا..تعالي انت معايا ياحبيب..

لين:طويب..انا طالعة ليها فوق..وانت ياجناب الكومانده المهم..

عينك علي اتش..لو بص كدة ولا كدة روقه..انا بديك الاذن اهو..

سامي بضحكة:عينيا..انتي تؤمري يالينو..

هشام بغيظ:يلا ياختي من هنا..وانت

ياخويا لينو مين..اتلم احسنلك..

سامي بضحكة:ايه..انتي بتغيري يابيضة..

بس تعالي قولي عملت ايه في التخشيبة..

لين ضاحكة بشدة:هههههه..بلاش تفكره

بالسيرة ديه..علشان ياعيني اتنقع..

سامي:شكلك اتروقت يامعلم..يلا بينا بقي..

وانتي يا جلابه البلاوي شوفي هتعملي ايه..وترحل من امامهم..

ويكمل سامي لهشام بجديه..اتش الحموله قربت توصل..

هشام بإبتسامه جانبيه: يعني وقت الحساب ازف ياسمسم..

سامي بعيون متوعدة مشتعله:ايوة..وهتوصي بيها..

>>>>>>>>>>>>>>>>>>>>>>>>>>>>>>>

مازن بضيق:يعني ايه ياشوقي..

ازاي يعني الشحنة مش هيبعتوها..

شوقي:ده اللي قالوه..

مازن بعصبية:طب هنعمل ايه..والعرابين اللي اخدناها..

شوقي:مفيش حل غير انك تسافر بنفسك وتشوف صرفة..

مازن بغيظ:كله من صافي الزفت..

هي اللي كانت بتعرف تتعامل معاهم..

شوقي وهو يمط شفتيه:مش عارف بقي..

اختفت مرة واحدة..حتي تليفونها مقفول..

مازن بضيق:طيب روح انت ياشوقي وانا هشوف هعمل ايه..

شوقي:طيب..اشوفك بعدين يادك..

>>>>>>>>>>>>>>>>>>

في منزل ممدوح..

ممدوح:شفتي كاظم قالي ايه..لين وهشام رجعوا لبعض..

صفاء بخضة:ايه...مش ممكن..طب ليه..

ممدوح:ايه اللي ليه..رجعوا..وده كويس..احنا كنا عايزين كدة..

صفاء بغيظ:عايزين كدة..لا طبعا..ده انا

كنت عايزاه يطلقها..واجوزه غيرها..ولا حتي عليها..

ممدوح:اسكتي بقي شويه..وهدي اللعب..مش عايز كاظم يقلب علينا..

صفاء بغل وتوعد:لااااا...مش ههنيها بت دعاء..ولا هسيبها

تاخد ابني..وبعدين ديه تطفش بلد..وهشام مش هيتحملها..اما نشوف..

(ههههههه..رجعتله ياحيزبونه..والحياة هتبقي ميه فل واربعتاشر..وموتي بغيظك)

>>>>>>>>>>>>>>>>>>>>>>>>

الزهرة المفترسة › 
البارت الحادي والثلاثون حتي البارت الخامس والثلاثون

كاظم في الهاتف...

كاظم:ايوة ياعامر خير..

عامر:صحيح ياعمي لين وهشام رجعوا لبعض..انت رجعتهم..

كاظم:ايوة..رجعوا..ربنا يهدي الامور مابينهم..

عامر:كويس..قول لهشام يشد عليها علشان تتعدل..

كاظم بعصبية:انت مالك يشد ولا يرخي..

حاطتها في دماغك ليه..هي لين ديه مش بنتك برضو..

عامر بحدة:بنتي بس انت مدلعها ياعمي..

لو كنت شديت عليها كانت اتعدلت..

كاظم بغضب:خلاص انا مدلعها ومسئول عنها ملكش دعوة بيها..

لين ديه بنتي انا يا عامر..غور جاتك الهم..اب بالاسم بس..

عامر لنفسه بغضب:انت اللي مفرعنها..

لو كنت انا مكانك كان زماني كسرتها وعدلتها..

كاظم بضيق:جاتك الهم..فعلا ماتستهلش ان تكون لين بنتك..

(حبيبي ياجدو..ايوة اديله علي دماغ اللي خلفوه

الراجل الواطي ده..انت اللي فيهم ياجد..ربنا يديك الصحة)..

>>>>>>>>>>>>>>>>>>>>>>>>

امتثلت لين لكلام هشام وهو ايضا..واستقر بهم الحال..وبعد فترة..

عاد هشام من الشركه وفي المساء

ذهب للنوم..لتوقظه لين بعد منتصف الليل..

لين: قوم ياهشام اصحي..

هشام بنوم: هممم.. عايزة ايه..

لين بملل: زهقانه ومش قادرة انام..

هشام بصوت ناعس: وانا اعملك ايه..

لين بحدة: يعني ايه.. قوم اقعد معايا انا زهقت..

هشام: روحي اتصلي بأختك وارغي معاها..

لين بإستنكار: الساعة 2 بالليل اختي نايمة..

هشام وهو يجذ علي اسنانه: وانا

برضو نايم..اخفي بقي بدل ماارنك..

لين بتذكير: انت قولت هدنه ياهشام

من غير ضرب وتبقي كويس معايا..

هشام بنفاذ صبر: يعني عايزة ايه..

لين: اصحي اقعد معايا انا طول النهار لوحدي..

هشام وقد اعتدل وجلس علي الفراش

وبضيق: خير اديني صحيت ايه المطلوب..

لين وهي تهز كتفها: مش عارفة..

هشام وهو يكور قبضتي يديه وبعصبية:

مش عارفة..امال مصحياني ليه..

لين: تقعد معايا مش جوزي.. بقولك ايه ماتيجي نخرج..

هشام وهو يشاور بيديه وبنفاذ صبر:

تعالي يالين قربي اقولك حاجة..

لين بتوجس: عايز ايه..

هشام: قربي ماتخافيش..

لين بعد ان اقتربت منه ليجذبها ويثبتها ويكمل

بعصبيه.. افطسك الوقتي يعني انا اعمل فيكي ايه..

لين بتذمر: الله وانت ايه اللي مضايقك مانتا بتحب السهر

وكنت تتمني تقعد معايا... الوقتي لما بقيت معاك بقيت مش عايز..

هشام بغيظ: اسهر لما اكون نايم كويس ومش ورايا شغل الصبح..

لين: مانتا اللي مقعدني هنا..اعملك ايه رجعني الشغل..

هشام وهو يضيق عينيه: بقي عامله ده كله

علشان تقرفيني.. ماشي يالين انا بقي هقعد معاكي..

لين: بجد طب اوعي خليني اقعد..

هشام وقد ابتعد عنها بغيظ: ماشي..

لين: استني نتفرج ع التلفزيون..

هشام وهو يهز قدمه بعصبية

وبإبتسامه صفراء: حاضر اتفضلي..

وتشعل التلفاز ويجلس بجوارها هشام

وكلما اغمض عينيه تلكزه لين وتوقظه..حتي الصباح..

لين وهي تلكزه وتفتح عيناه بإصابع يديها:

ايه ده انت نمت..لا اصحي..قوم..

هشام بوجه باكي :صاحي..

ارحمي عينيا هتخرميها..

ويذهب هشام الي الشركة مستيقظا..

كاظم: مالك ياحيلتها..

هشام بضيق: مفيش..

كاظم بضحكة: يبقي لين مظبطاك..

رجعها الشركة وارحم نفسك..

هشام بإصرار: لأ..مش هترجع..

كاظم: براحتك انت الخسران..

..>>>>>>>>>>>>>>>>>>>>>>>>>>>>>

الزهرة المفترسة › 

البارت الخامس والثلاثون

يذهب هشام الي الشركة مستيقظا..

كاظم: مالك ياحيلتها..

هشام بضيق: مفيش..

كاظم بضحكة: يبقي لين مظبطاك..

رجعها الشركة وارحم نفسك..

هشام بإصرار: لأ..مش هترجع..

كاظم: براحتك انت الخسران..

..>>>>>>>>>>>>>>>>>>>>>>>>>>>>>

ذهبت نور لزياره لين..

نور ضاحكة:ههههه..حرام عليكي ياشيخة..بطلي افترا..

لين بتذمر:اعمله ايه..مانا قاعدة

في البيت طول الوقت..وهو برا..زهقت..

نور :بس مش كده..ماهو زيك..

وبيعمل اللي انتي عايزاه اهو..

لين بضيق:انا مش متعوده علي

القعاد في البيت يانور..وبعدين شغلي..

نور:لين..اهدي شويه..مانا برضو قاعدة في البيت..

لين:طيب..قوليلي بقي..انتي

اخبارك ايه..ومازن عامل معاكي ايه..

نور بحب:مازن مش مخليني محتاجة حاجة ابدا..

دايما بيعمل اللي يسعدني..بيفكرني بيكي..

لين بتذمر و اقتضاب:يعني ايه..هيخليكي تنسيني..

نور بضحكة:ايه ده..انتي بتغيري ولا ايه..انا اقدر برضو..

لين بإبتسامة:انتي حبيبتي يانوري..ربنا يسعدك دايما..

وبتحذير..لو مازن ضايقك قوليلي..وانا اطلعلك عينه..

نور ضاحكة:هههه..لأ كفايه عليكي هشام..جوزي مش حملك ياستي..

لين بضحكة:هشام..ده انا هخليه هو اللي يرجعني الشغل بنفسه..

نور وهي تهز رأسها بقلة حيله:ااااه منك..عمرك ماهتبطلي جنان..

>>>>>>>>>>>>>>>>>>>>>>>>>>>>>

الزهرة المفترسة › 
البارت الحادي والثلاثون حتي البارت الخامس والثلاثون

هشام بضحكة: مستعدة يالينو..

لين بتساؤل: لأيه يا اتش..

هشام ضاحكا: ههههه.. سامي هيتجوز صافي الليلة..

لين برفعة حاجب مبتسمة: ايه ده بجد..بسرعة كدة..

هشام: ايوة.. جهز نفسك ياجميل..

في المساء يذهبا الي سامي..

هشام ضاحكا: مبروك ياعريس..

سامي بإبتسامة: الله يبارك فيك

يااتش..عبال عيالك يامعلم..

هشام بغمزة: وعيالك ياسمسم..

لين: الله امال العروسة فين ياسامي..

سامي: جوا يالين..وبتساؤل.. بس ايه اللي في ايدك ده..

لين بضحكة: فستان العروسة..مش وعدك انه عليا..

هشام ضاحكا: وانت عارف

لينو تحب توفي بوعدها..

لين: انا داخله جوا..

هشام: متغبيش ياقلبي..

لين ضاحكة: ركز مع سامي يااتش..

هشام برفعة حاجب وهو يتابعها:

وانا اقدر اركز مع غيرك الوقتي..

ليلكزه سامي: ايه ياعم اهدي شويه

الليلة كتب كتابي وفرحي..ركز معايا..

هشام: خلاص ياسيدي..

متقلقش انا مجهز كل حاجة.. تعالي يلا..

في الداخل..

لين: اهلا بالعروسة اتفضلي..

صافي: ايه ده..

لين: الفستان يلا البسيه..

صافي بإبتسامة: شكرا يالين..

لين بإبتسامة: العفو..لولا انك كنتي بتضايقي نور..

وانا اللي يلعب معاها مش برحمه.. بس خلاص

بقيتي مننا وعلينا..مبروك عليكي سمسم..

لتدمع عينا صافي وتحتضن لين وتكمل: انا بشكر الظروف اللي

رميتني في سكتك علشان تعرفيني بسامي انا بحبه اوي..

لين ضاحكة وهي تبعدها: ههههه..طب يلا

ياعروسه وبطلي عياط عريسك مستنيكي علي نار..

لتنتهي من ارتداء فستانها وتخرج اليهم..

هشام لاكزا سامي: مش وقت تتنيح

ياسمسم يلا هات عروستك علشان نكتب الكتاب..

سامي: هه..حاضر..

ويذهب الي صافي ويمسك بيدها

ويجلسون لكتابه الكتاب..وبعد انتهائه..

هشام: مبروك ياحلوين..

سامي: الله يبارك فيك يااتش..

لين بضحكة: عبال البكاري.. ولهشام مش يلا..

هشام: علي فين..

لين: متبقاش رخم..ويلا سيبهم مع بعض..

هشام ببرود: وايه يعني ماهيكونوا

مع بعض علي طول..خلينا شويه..

لين بضيق: بطل رزاله بقي..ويلا..ولسامي ..

ايه ياسمسم مش تقول لهشام يمشي بقي..

سامي بغيظ: معلش اصله رخم ومعندوش نظر..

هشام برفعة حاجب: بقي كدة ياجناب الكوماندة..ماشي..

لين وهي تدفعه: ايوة يلا..

هشام ضاحكا وهو يخرج وبغمزة:

ومتقلقش هاخد الباب في ايدي..

سامي بضحكة: سلام يارخم.. ولصافي مبروك ياقلبي..

صافي بحب: الله يبارك فيك ياسمسم..

سامي: اخيرا اتجوزنا..

صافي بإبتسامة: ايوة..

سامي بجدية: بصي بقي من اولها انا راجل

احب مراتي تسمع الكلام.. يعني..

صافي بتساؤل: يعني ايه..

سامي بضحكة: يعني مفيش طلوع من البيت من غير ماكون

معاكي.. وعايزك علي طول تكوني بتضحكي..انا راجل محبش النكد..

صافي بضحكة: حاضر..اي اوامر تانيه..

سامي بحب: لأ..

صافي: وانا كمان عندي شرط..

سامي برفعة حاجب: الله.. من اولها..

صافي بضحكة: ايوة.. عايزاك توعدني انك هتفضل معايا..

وتحافظ علي نفسك علشاني ياسامي.. انا بحبك ومش عايزة اخسرك ابدا..

سامي بإبتسامة دافئة: متقلقيش..

هفضل معاكي.. ويقترب منها ويقبلها..

ونتركهم معا..

>>>>>>>>>>>>>>>>>>>>>>>>>>>>>>>>

في منزل نور..

مازن:نور..انا هسافر بعد اسبوع..

نور:ليه يامازن فيه حاجة..

مازن:لا..بس مشاكل في الشغل..

ولازم اسافر علشان احلها بنفسي..

نور بحزن:طب وانا يامازن..

مازن بإبتسامه:وانا اقدر اسيبك

برضو ياقلبي..هتسافري معايا..

نور بفرحة:بجد يامازن..يارب يخليك ليا..انا بحبك اووووي..

مازن وهو يحتضنها بحب:انا مقدرش ابعد

عنك يانوري..ده انتي خلاص بقيتي حياتي..مقدرش..

نور بسعادة:وانت كمان يامازن..

مازن بضحكة:يلا بقي..جهزي كل حاجة علشان

هنسافر..وكمان هفسحك هناك..انا عندي كام نور..

نور بضحكة: نور واحد..واتنين ..وتلاته..

مازن بضحكة:وعندي نوري..يلا بقي..

انا هجهز الاوراق..وانتي شوفي هتحتاجي ايه..

نور بحب:مش هحتاج حاجة طول مانتا معايا..

>>>>>>>>>>>>>>>>>>>>>>

صفاء بغيظ:بقي كدة..لاااااا..انا مش هستحمل..

ممدوح وهو يلوي شفتيه:مالك ياوليه

عمالة تهري وتنكتي في نفسك ليه..

صفاء بغيظ:يعني عاجبك اللي حاصل ده..

هشام رجع للزفته..وعايزني ابقي مبسوطه..

ممدوح:طبعا..يرجعوا ويجيبوا عيل..والحياة تبقي فل..

صفاء بغل:تجيب عيل..لاااااا..مش ممكن..

ده انا مش عايزاها تفضل معاه..تجيب عيل..

ممدوح:مالك..مش انتي اللي كنتي عماله تولولي

وتقولي عايزه عيل..لما رجعوا دلوقتي مش عاجبك..

صفاء بغيظ:كنت بقول كدة علشان افرس امها..

واخلي هشام يطلقها..لكن دلوقتي..هتشل..

ممدوح بضيق:بقولك ايه..لمي الليله بقي..مش

ناقصين كاظم يقلب علينا..البت رجعت وخلصنا..

صفاء بتوعد:وفكرك هسيبها..مش

هسيب هشام ليها ابدا تاخده مني..

>>>>>>>>>>>>>>>>>>>>>>

الزهرة المفترسة › 
البارت الحادي والثلاثون حتي البارت الخامس والثلاثون

ذهبت لين الي نور في منزلها..

نور:حبيبتي يا لينو..انا اصلا كنت هزورك..

لين بضحكة:ايوة..طبقتي خديهم بالصوت لايغلبوكي..

ايه يابت..مش بتسألي عليا..شكل مازن خلاكي تنسيني..

نور:ابدا والله..بس اصل احنا مسافرين بعد يومين..

لين بتساؤل:مسافرين فين..وليه..

نور:مازن عنده شغل في المانيا..

وهياخدني معاه..مش هيسبني..

لين بإبتسامه:كويس..بس هتطولي

يانور..انتي عارفة انتي بتوحشيني اوي..

نور:وانتي كمان يالينو..بس مش

عارفة..هيخلص شغل ونرجع علي طول..

لين:طيب..وبضحكة..ايه بيتكم مفيهوش حاجة تتشرب ولا ايه..

نور:ايه ..لا طبعا تحبي تشربي ايه..

لين ضاحكة:يعني هشرب ايه..بيرا سخنة..

اعمليلي قهوة يانوري..وتعالي نرغي مع بعض شويه..

نور بضحكة:امرك يالينو..ثواني وجاية..

>>>>>>>>>>>>>>>>>>>>>>>

بعد ان ذهب هشام ولين الي شقتهم واجبرها

علي المكوث بها وعدم ذهابها للشركة..لذلك قررت

ان تجعله يعدل عن رأيه ولكن بطريقتها الخاصة..

استيقظ هشام من النوم وكانت لين لاتزال نائمة..

نهض واخذ حماما وفتح دولابه ليتفاجئ بإختفاء كل ملابسه..

هشام بتعجب: الله الهدوم راحت فين..ماكانت هنا امبارح..

ليفتح جميع دلف الدولاب ولا يجد ملابسه..

ويكمل.. بسم الله الرحمن الرحيم.. اختفت فين ديه..

لتستيقظ لين وتنظر له وترفع حاجبها وتهز رأسها بمعني مالك..

هشام بتساؤل: هدومي راحت فين مش لاقيها..

لين بإبتسامة ماكرة: ايه ده بجد..

هشام بحيرة: لأ.. راحت فين.. ايه نقلتيهم في حته ..

لين ببرود: لأ الهدوم موجودة..

هشام بتساؤل: موجودة فين..

لين ببرود: في الحمام التاني..

هشام بتعجب: وبتعمل ايه هناك..

لتنهض لين وتكمل: تعالي ورايا..

ليذهب خلفها ويدلف الي الحمام لتجحظ

عيناه ويفرغ فاهه من الصدمه ويكمل..

هشام: اييييه ده..

لين ببرود: هدومك يااتش مش كنت بتدور عليها..

هشام بعصبية: وبتعمل ايه في البانيو وغرقانه مايه..

لين وهي تهز كتفيها وببرود: ابدا لقيتهم

مش نضاف.. فقلت ارقدهم في المايه ينضفوا..

هشام بعصبية وهو يقلب في ملابسه: وحياه امك مش نضاف..

من امته ده.. وبغضب.. يانهارك مش فايت.. ايه اللي هببتيه ده..

بوظتي اللبس وعيناه تقدح شررا.. اللبس باظ.. حاطة

البدل الغاليه والقمصان والبنطلونات وكل اللبس مع بعضه..

لين وهي تشير خلفه: لأ والباقي في الغساله

والحوض البانيو ماكفاش اللبس كله..

هشام بغضب جارف: ده انا اللي هغسلك وانشرك النهاردة يا لين..

نهار ابوكي مش فايت تعالي هنا.. بوظتي لبسي كله

يامفترية مخلتيش حتي قميص وبنطلون.. اعمل فيكي ايه..

لين بتذمر: ايه مش انت قلت انك عايزني

اهتم بيك وبحاجتك اديني بهتم اعملك ايه..

هشام بعصبية: انتي بتستهبلي بتبوظي هدومي وتقولي اهتمام..

انزل ازاي انا الوقتي.. اروح ام الشركة ازاي.. اروح بالبيجامه..

لين ببرود: لأ ما البيجامات كمان في طبق

تحت حوض الحمام انت مشفتهمش ولا ايه..

هشام بغضب: كمان.. امال سبتيلي ايه ان شاء الله.. هقعد كدة بالبرنس..

>>>>>>>>>>>>>>>>>>>>>>>>>>>>>>>>>>>

يتبع