حبيتك_رغم_فرق_السن بقلمي_امل_السيد الفصل....الاول كامله على مدونة النجم المتوهج للروايات

 حبيتك_رغم_فرق_السن

بقلمي_امل_السيد

الفصل....الاول

كامله على مدونة النجم المتوهج للروايات 

ف كليه.....الاقتصاد

بنتين واقفين يتحدثوا 

رنا::ايه يا بنتي مش نخش المحاضره ولا ايه 

ريم::بصراحه يا رنا ماليش مزاج خالص

رنا::ليه يا بنتي امتحانات قربت ماينفعش كده تشدي حيله شويه نعدي من السنه دي على خير

ريم::مش عارفه ماليش مزاج لاي حاجه باقول لك روحي انتي هابقى انقلها منك لما تخلصي اوكي 

رنا::انتي حره يا ريم مش عارفه هتفضلي لغايه امتى كده يا بنتي احنا في القرن ال21 الناس بتطور وانتي زي ما انتى كده مش هتغيري خالص بقي 

ريم::روحي شوفي انتي وراك ايه مش ناقصين فلسفه على الصبح كفايه اللي بنشوفه 

رنا::هو انا اطول اصلا ابقى كده طب ياريت اطلع الاولى حتى لكن انا فاشله عادي 

ريم::امشي يا رنا مش ناقصه جنان على الصبح مش ناقصه خنقه بقى وحياه ابوكي طالما انت فاشله واقفه معي ليه كده مش يا بت لا تعديني 

رنا بتبتسم::باقولك ايه يا ريمو ما تحضري انتي المحاضره دي وانا هابقى احضر الباقي اوعدك والله 

ريم بتقشيره::والله الولد ده ما انا مرتاحه له ما اعرفش بتحبيه على ايه جاتو نيله في شكله معفن رخم 

رنا::احمد قمر بس انتي بس اللي مش مديه له سكه كده مش عارفه مش طايقاه ليه مع ان لو تكلمت معه هتحبيه 

ريم::وانا مالي وماله هو انا هتجوزه خليني باللي انا فيه عن اذنك تاخرت علي المحاضره بكره تندمي يا روح قلبي وترجعي تعيطي بكره تقولي ريم قالت ويا ريتني كنت سمعت كلامها سيبك منه سلام انا نتقابل بعد المحاضره 

احمد::على فين يا انسه ريم اذا حضرت الشياطين ذهبت الملائكه ولا ايه 

ريم:: الناس بتسلم الاول وعليكم السلام انا هامشي يا رنا 

رنا::هههه احرجتك على فكره يا احمد بعد كده ابقى اقول سلام عشان ما تتكسفش بعد كده 

احمد::هيا صاحبتك دي مش طايقاني ليه كل ما تشوفني كانها شفت عفريت هي ما لها دي 

وانا عملت لها حاجه 

رنا::انت مالك ومالها بقي انت مركز معه كده ليه ركز معايا ولا ايه ما بقتش تحبني زي زمان 

احمد:: انا لا خالص ما انا مركز اهو ركز اكتر من كده اروح فين 

رنا::على فكره انت بخيل اوي يعني انا خليت ريم تحضر المحاضره بدالي علشان نخرج مع بعض وانت مش معبرني خالص انا هاروح احضر المحاضره احسن 

احمد::حابه تروحي فين يا ستي 

جوه المحاضره 

ريم::ممكن ادخل يا دكتور 

الدكتور::اكيد اتفضلي يا انسه ريم 

ريم باسف:: انا اسفه على التاخير والله مش هتتكرر تاني

الدكتور::يا رب تكون اخر مره ما تتعتش 

ريم::اوعدك يا دكتور تكون اخر مره اوعدك هتكون اخر مره

الدكتور::اوكي اتفضلي يلا نرجع لمرجوعنا احنا كنا بنقول ايه

اه نسيت اعرفكم عن نفسي انا اسمي ريم هاني عندي 19 سنه في تانيه كليه اقتصاد بابا ميت عندي اخ اسمه محمود هو متجوز وعنده ولد وبنت ماما في دار مسنين علشان مرات اخويا ما بتحبهاش اه صح وعندي رنا هي صاحبتي من وانا صغير هي معي برده كليه اقتصاد ما عنديش غيرها هي صاحبتي الوحيده وكل حياتي وبر اسراري.

المحاضره خلصت ورجعت البيت زي كل يوم انضرب ونشتم باعمل كل شغل البيت بس برده ما فيش فائده بس انا اعمل ايه هم اللي ما بيحبنيش بالذات مرات اخويا دائما بتضربني وطبعا هتقولوا ليه ما بترديش عليها علشان ما عنديش حته اروحها هاكل منين مين هيصرف على علشان كده متحمله وساكته كل حاجه بتحصل 

هند::بت يا ريم تاخرتي ليه مش قلت لك متتاخريش لكن انت مصممه تكسري كلامي 

ريم::كان عندي محاضره زياده والله

هند::طب يلا روحي اعملي الغداء زمان اخوكي جاي هو يتصرف معكي انا خلاص تعبت منك ومن تصرفاتك 

ريم:: حاضر حاجه تانيه يا هند

هند::قلتلك مئه مره اسمي ابله هند فاهمه ولا مش فاهمه

ريم:: فاهمه اسفه ابله هند

هند: و بتردي على كمان لما اخوكي يجي خليه يربيكي عشان بعد كده تكلميني بي ادب 

ريم:: هو انا عملت حاجه عشان كل ده 

هند::امشي نجري اعملي الغداء مش هيكون يومك كويس يلا غوري

كان شاب يدخل من الباب 

محمود::ايه صوتك عالي ليه 

هند بتمثيل::شايف اختك يا محمود بترد علي وما عملتش الغداء و جايه متاخره كمان شوف كانت مع مين ولا كانت بتعمل ايه وجئت تعلى صوتها على انا خايفه على مصلحتها 

ريم شهقت وحطت يديها على شفايفها::

والله قلتلك عندي محاضرات زياده مش اكتر من كده انتي ظلماني والله حسبي الله ونعم الوكيل فيكي يا شيخه على اللي بتعملي في

هند::شايف يا محمود بتكدبني والله ما انا قاعده لك فيها هاخد عيالي وامشي وبتدعي على كمان ما انا مليش حد يجيب لي حقي

محمود::انا هاجيب لك حقك انا مراتي مش كدابه وبتخاف عليكي لكن انت مش همك حد انا اعرفك ازاي تكذبي مراتي كده 

ريم مسكني من شعري لدرجه انه كان يتقطع في يده فضل يضرب في عشان يرضي مراته بس محسش بوجعى منها لله البعيده حسبي الله ونعم الوكيل فيها يا رب خلصني منهم على خير وانتقم منها بحق ما انا مظلومه 

هند:: عقابك علي اللي انتي عملتيه مش هتاكلي النهارده امشي غوري علي اوضه ما تطلعش منها مش عايزن اشوف وشك النهارده خالص امشي غور يلا من وشي اوف عيشه تقهر واحد مش عارف يعمل ايه منك يا شيخه

طلعت دخلت اوضتي فضلت هاعيط وتمنيت لو عيطت في حضن امي واقول لها ابنك اعمل في ايه فضلت اعيط لغايه عيني ما راحت في النوم قمت الصبح اتوضيت وصليت نزلت نظفت الشقه وحضرت الفطور ورحت على كليتي دي الحاجه الوحيده اللي بتنسيني همي اكون مبسوطه وسط الناس وانسى كل حاجه كانت مضايقاني او وجعاني الجو بره بيكون مختلف قوي وسط الناس 

رنا::صباح العسل يا ريمو وحشتيني جدا

ريم::صباح النور يا رنا 

رنا::مين عامل في وشك كده اوعي يكون السبب الحربايه اللي عندكم 

ريم::هيكون مين يعني ما انتي عارفه ما فيش غيرها هي اللي مسود عيشتي 

رنا::اوعى يكون محمود والزفته هند 

ريم:: هيكون مين غيرهم يعني يا رنا انسى بقى ربنا قادر على كل شيء 

رنا::طب يلا اتاخرت على المحاضره قبل الدكتور ما يخش ويهزقنا ويمسح بينا بلاط الجامعه كلها هنكون فرجه 

ريم ضحكت::هههه يلا بينا 

جوه المحاضره

رنا بتاخد نفس:: الحمد لله لسه ما جاش 

ريم: طب اسكتي اهو جاء 

رنا::نفسي كده يعملها ويغيب 

الدكتور صباح الخير

الكل صباح النور 

الدكتور وقفنا عند امبارح 

خلصنا المحاضره وطلعنا رحت اقعد على الكافيه ورنا راح تشوف الملزق اقصد اللي اسمه احمد ما اعرفش بتحبوا على ايه بس مو علينا ما ليش دعوه كل واحد بيحب اللي شبهه انا مش بغلط في صاحبتي خالص طلعت اذاكر شويه في المحاضره اللي انا اخذتها من شويه بجد الدكتور ده شرح مبسط وجميل اقرا شويه على ما رنا تيجي 

اوف انا زهقت بقى لها نصف ساعه ما جيتش انا هاقوم امشي لا هقعد شويه على ما تيجي عشان ما تزعلش لكن تفاجئت بشخص واقف قدامي غير كل توقعاتي 

ممكن اقعد معكي انسه ريم دقيقه بس عايزك في موضوع لو تسمحي لي بعد اذنك 

ريم انا كنت متردده جدا خايفه حد يشوفني ويروح يقول لمحمود اخويا بس قلت ممكن يكون في حاجه مهمه:: اكيد اتفضل يا دكتور ادهم تشرب ايه 

ادهم::ما لهوش لزوم كنت عاوزه اتكلم معكي في موضوع ايه يعني هو ببساطه كده الموضوع انا مش عارف ابدا منين بالظبط

ريم انا مش عارفه ليه توترت لان اول مره اقعد قدام شاب او اتكلم معه بس حاسه احساس غريب اول مره احسه بس دكتور ادهم كبير مش قوي يعني: اكيد يا دكتور اتفضل الموضوع مش محتاج ده كله تفضل تكلم هو الموضوع مهم للدرجه دي 

ادهم: احم طبعا انا اعرفك من سنتين انتي انسانه مؤدبه ومحترمه و اخلاقك عاليه لو فضلت اتكلم مش هاقدر اوصفك ابدا 

ريم كنت بدعي من جوه قلبي ان رنا تيجي باسرع وقت ونمشي لان انا مش عارفه اتكلم او اقول ايه::ده من ذوق حضرتك انك تقول على الكلام الحلو ده شكرا يا دكتور

ادهم:: طب ممكن يا انسه ريم متقاطعنيش سيبيني اكمل كلام الاخر وبعدين تكلمي 

ريم شكل الموضوع مهم قوي فعلا بس هو عايزني في ايه يمكن يكون في مسابقه وعايزني ادخل فيها لا طبعا في غيري كتير طيب هيكون ايه يعني يخرب بيتك يا رنا تاخرت كده ليه هقتلك يا رنا لما تيجي لو كنا مشينا ما كنتش قعدت كده انا جوايا خوف رهيب بس انا بصراحه نفسي اعرف ايه الموضوع اللي عاوزني فيه قررت اللي انا ما اتكلمش خالص واسيبه يتكلم

::اتفضل يا دكتور انا اسفه انقطعت حضرتك 

ادهم:: باختصار يا ريم حضرتك محترمه جدا وده اللي شجعني اني اجي النهارده اطلب يدك تقبلي تقبلي تتزوجيني 

ريم انصدمت....................

تكملة الرواية من هنا