حماتي أمرت جوزي يتجوز أخته ليلة دخلتي الحلقه الأولي بقلم / موني أحمد كامله على مدونة النجم المتوهج للروايات

حماتي أمرت جوزي يتجوز أخته ليلة دخلتي

 الحلقه الأولي

بقلم / موني أحمد 

كامله على مدونة النجم المتوهج للروايات 

ياسر :

معقولة يا أمي اللي بتقوليه ده أذاي عايزاني اتجوز أختي أنتي عارفه أني أنا بحب ريهام ومستحيل أتجوز حد غيرها أرجوكي بلاش يا أمي تكلميني في الموضوع ده تاني انا مبقتش عارف انام ولا أشتغل من كلامك ده طب الناس تقول أيه علينا لما أتجوز أختي

الأم

طب والناس مالها بينا هي كده كده الناس مبتبطلش كلام المهم لازم تنفذ وصيه أبوك الله يرحمه ألا وأذا هطلعك من الورث أنت عارف يا حبيبي كل حاجه بأسمي ومش هخليك تطول ولا مليم وكل حاجه هنقلها بأسم هدير أنت فاهم ولا لاء وبعدين يا خوي ريهام مين دي اللي عايز تتجوزها البت دي انا مش برتحلها ومبتنزليش من زور دي حيلتها حاجه بلا نيله دي جعانه وأهلها كلها جعانين مهي كانت مخطوبه لي ابن عمتها تقدر تقولي سابها ليه بلا هم من صغرك وانت تجري واره الفقر يا منيل

ياسر :

ابن عمتها مسبهاش هي اللي سبيته لأنها مش قبلا انا معرفش يا أمي هي ريهام مش عجباكي في أيه بس دي كويسه وطيبه اوي وغير كده بتحبك أوي أنتي وهدير معأني عارف ومتأكد أني حتي هدير بتعملها وحش وانا مش عايز افتح في الموضوع ده وساكت

الأم :

هي لحقت تقومك علينا الصفر دي انا عارفه أنها بتغير من هدير عشان هدير أحسن منها وبنت ناس ولي عند هدير لا هي ولا أهلها عندهم ربعه وتدخل هدير اول ما تسمع اسمها

هدير :

انا سمعه أسمي يا تري جايبين في سيرتي ليه

الأم :

كل خير يا حبيبتي تعالي طمنيني عليكي عامله أيه في دراستك

هدير :

الحمدلله ياماما كويسه بخير ممكن اعرف بقي شكلك مدايق ليه وكمان انا كنت سمعاكوا جايبين في سيرتي

ياسر :

انا خارج رايح لي ريهام وعملي حسابك يا أمي انا عازم ريهام وأهلها يوم الخميس وياريت بقا تعمليها كويس هي وأهلها انا مش عايز أحراج قدمهم كفايه اللي حصل اللي مره اللي فاتت لما كنا معزومين عندهم خلتوني في نص هدومي ياريت يا أمي تعملي اللي بقولك عليه عشان اللي انتي بتفكري في ده مش هيحصل صدقيني

الأم :

استنا يا واد انت يعني أيه تعزم مقصوفه الرقبه دي هي وأهلها هوه انتا جاي تعرفني بعد ما قولتلهم طب أيه رأيك بقا انا مش قعده يوم الخميس وبقي اتصرف انت لوحدك وانا هوريك يا ياسر يانا يهما

ياسر :

حرام عليكي اللي بتعملي فيه ده هوه انتي ليه بتعامليني كده هتخليني اسيبلك الدنيا كلها بسبب عمايلك دي والله ومشي ياسر وهوه مدايق اوي وراح عند خطيبته ريهام

ريهام :

خير يا ياسر مالك في أيه كل متجيلي تكون مدايق كده انا عايزه أعرف السبب ممكن تصريحني بعد أذنك

ياسر :

أبدا يا ريهام مفيش حاجه بس كنت عايز اقولك علي حاجه ومحرج منك بصراحه العزومه بتاعه يوم الخميس مش هينفع تيجو عندنا ممكن نأجلها بعد أذنك وياريت تقولي لي مامتك وبابكي عشان انا مكسوف جدا منهم

ريهام :

عادي علي فكره انا اصلا مكنتش عايزاه اروح العزومه دي بس انت اللي صممت بس عايزه اعرف حاجه وياريت تجوبني هي امك هي اللي قلتلك اني منجيش صح انا عارفه ومتأكده كويس الموضوع مش موضوع عزومه بس امك مش قبلاني ليه وليه مصممه انها نسيب بعض هي عايزه تجوزك حد من قرايبك ولا أحنا مش قد المقام

ياسر :

أيه اللي أنتي بتقولي ده مفيش حاجه من دي خالص بالعكس أمي بتحبك أوي بس الموضوع كله انها رايحه تعزي ناس قريبنا والموضوع ده جه فجأه ده حتي هي كانت عايزه تكلمك وانا قولتلها لاء انا هكلمك بلاش تظني فيها الظن ده يا حبيبتي

وفي بيت ياسر

الأم : عاجبك اللي احنا في ده ياما قولتلك أدلعي عليه عشان يغير تفكيره ويسيب الصفره اللي ماسك فيها دي وطريقه لبسك مش عجباني غيري من نفسك اللبسي لبس انسات كده هوه انا ياست يا كبيره اللي هقولك كده يا بت

هدير :

ماهو ياماما طول ماهو مش حططني في دماغه عمره ماهيفكر فيه انا واثقه ومتأكده اني بيحب ريهام هيحبني انا أذاي بس وعلي العموم يا ست الكل معنديش مانع هغير من نفسي أيدك علي قرشين بقا

الأم :

انتي مبتشبعيش فلوس اومال الفلوس اللي بدهالك دي بتصرفيها كلها في أيه عارفه يابت ياهدير لو حصل واتجوزتي ياسر انا هرتاح واطمن عليكم انتو الاتنين

هدير :

أنتي غلطانه يا ماما المفروض كنتي تخلي يعزمهم عادي ونحسسو أننا موافقين علي بيعملوا عشان بطريقتك كده هتخلي ريهام تخلي ذاي الخاتم في صباعها وأحنا اللي هنكون وحشين قدامو وواقفين في طريقه لحد مانمسك عليها أي حاجه ويعرف أنها بت مش تمام وانتي ناسيه أنها كانت مخطوبه لي قريبها ده قبل كده أيه رأيك بقا لو وفقتي تعزميهم بنفسك وطبعا في اليوم ده هيكون ياسر موجود انا هشتري خط جديد وابعتلها رسايل حب وحاجات ذاي كده وفي الوقت اللي هبعت في كده أنتي تنادي عليها تدخل معاكي المطبخ وطبعا في الوقت ده ياسر هيمسك التليفون ويشوف كل حاجه ويبقي كده ضربنا عصفورين بحجر أنتي جيبتي ياسر علي حجرك وفي نفس الوقت أكتشف حقيقه ريهام

الأم :

أها يا بت النصحه تصدقي طلعت عندك دماغ وبتفكري عني

وفي بيت ريهام

مامتها كانت قاعده مع ياسر

مامت ريهام :

بص يا حبيبي انا بنتي مش رميه أحنا شايفين أمك بتتنك علينا من غير أي سبب انا سكت كتير يا يسر عشان خاطرك لكن يابني لحد كده وكفايه اللي حصل منها أخر مره ومرضناش نحكيلك

ياسر :

ممكن أعرف حصل من أمي أيه

مامت ريهام :

يرضيك اخر مره تاخد بنتي وتفضل تفتش فيها شويه في شعرها وشويه جسمها وياريت عاجب دي فضلت تطلع عيوب فيها ومخلتلهاش حاجه انا كنت عايزه أحكيلك بس ريهام وعمك رفضوا وقولت عادي يمكن الست دقه قديمه منخدش ويوم منزلنا جبنا الدهب مدتش بنتي فرصه تنقي حاجه وكل شويه تاخد ريهام علي جنب وتقولها نقي حاجه خفيفه انتو لسه قدامكو عفش وهم ما يتلم وبنتي سمعت كلامها وقلتلها حاضر كل ده عشانك وعشان بتحبك لكن اللي أمك بتعمله ده عمايل تطفيش وانت لو شاري البت بصحيح يبقي تجبلها شقه بعيد من امك

ياسر :

ولما أمي عملت كل ده يا ريهام مجتيش وقولتيلي ليه

ريهام :

عشان مش عايزه أزعلك وتقول عليه بت نكديه ومن أولها بتقول امك عملت قولت خليني ساكته أحسن لحد ما قرب منها وحاول أخليها تحبني لكن للأسف أمك مش طيقاني انت لو بتحبني وعايزني فعلا اعمل ذاي ما ماما قلتلك وهتلي شقه بعيد من أمك

مامت ريهام :

انا مش بقول كده عشان متسكنش في بيت العيله بالعكس مكناش وفقنا من الأول بس بالطريقه اللي أمك بتعملها بيها دي أنا هكون قلقانه علي بنتي

ياسر :

مينفعش أعمل كده أنتو عارفين أني بعد بابا الله يرحمه أمي وأختي ملهمش غيري وصعب أني أنا أخد خطوه ذاي كده

مامت ريهام :

طلما بقا مش هتعرف تاخد خطوه ذاي دي يبقي أنا معنديش بنات للجواز ولما تعمل اللي انا قولتلك عليه ابقي تعالي واطلب بنتي

ياسر :

ليه كده بس يا طنط أنتي عارفه انا بحب ريهام قد ايه ولو طلبت أي حاجه انا ممكن انفذهلها بس حقيقي الطلب ده مينفعش صعب جدا بالنسبالي علي العموم أديني فرصه يومين وهرد علي حضرتك ومش ياسر وهوه مضايق اوي لأني عارف أني أمه هي السبب وراح يقعد مع واحد صاحبه

أمجد :

أيه يابني مالك بقالك فتره كده مش عجبني عالطول زعلان وسرحان طول الوقت ومبقتش بتيجي ذاي الأول هوه انت زعلان أنت وخطبتك ولا أيه

ياسر :

اها زعلان مع خطيبتي وأمي هي السبب الله يسامحها معرفش بتعمل معايا كده ليه تصدق طلعت بتعمل حاجات كتير من ورايا

أمجد :

أيه أمك طلعت بتحب واحد ولا أيه ولا عايزه تتجوز وهي في السن ده بتحصل كتير والله

ياسر :

انت هتستهبل ولا بتستعبط والله العظيم اقوم امشي أنا مش نقصك يا عم انت كمان

أمجد :

يا عم بهزر أقعد بس مالك أحكيلي في ايه وياسر مشي وروح علي البيت لأنه مكنش لي مزاج لا يضحك ولا يهزر مع حد

هدير :

أنت جيت يا ياسر أحضرلك الأكل

ياسر : لاء شكرا مش عايز ولو سمحتي سيبيني لوحدي مش عايز أتكلم مع حد بعد أذنك أخرجي

هدير :

أيه مالك في انا عملتلك أيه لكل ده الحق عليه اللي بقولك أجبلك تاكل

ياسر :

شكرا وانا مش عايز من وشك حاجه يابت أنتي فاهمه ولا لاء

الأم : أيه مالكم صوتكم عالي كده ليه

مالك ياسر بتزعق ليه هوه انت كل ماتيجي من عند السنيورة تزهق علينا ومش طايقنا انا عايزه أعرف هي البت دي عايزه ايه بالظبط

ياسر :

انا اللي عايز أعرف يا أمي أنتي ليه بتعملي كده مع ريهام ليه دايما بتحولي دايقيها ده حتي يوم منزلنا نجيب الدهب أنتي كنتي مصممه تنقي حاجات خفيفه وأي كلام أوعي تفتكري أنا مش عارف الكلام اللي حصل ده انا عارف قصدك كويس انتي بتعملي كل ده عشان تزهقيها صح

الأم :

أيوه يا حبيبي قول كمان وكمان مش قولتلك أنها بتسلط هي وأمها القرشانه متخلنيش اتصل عليهم وسمعهم أحلي كلام

ياسر :

علي فكره بقي يا أمي محدش بيسلطني هي مش دي حقيقه أنتي مش عيزاني أكمل مع ريهام

هدير :

دي لسه أمك كانت بتقول هنعمل أكل أيه يوم الخميس لخطبتك وأهلها

ياسر :

بجد يا أمي كنت بتفكري في كده فعلا

الأم :

اها يا خويا كنت بفكر في كده بس الظاهر كده انا كنت غلطانه

ياسر :

يعني يا أمي خلاص شيلتي الأفكار اللي كنتي مصممه عليها دي

الأم :

لاء ايه أها يا حبيبي انا يهمني سعادتك واللي انت عايزه هعملهولك اي نعم انا ساعات مبرتحش لي أهل خطبتك بس أعمل أيه هعصر علي نفسي لمونه عشان خاطر عيونك يا حبيبي

ياسر :

يا حبيبتي يا أمي ربنا يخليكي ليه ومنحرمش منك أبدا أنا عارف انك مش ههون عليكي أيه رأيك بقا تكلمي ريهام وأمها وعزميهم علي يوم الجمعه بنفسك عشان انا قولتلهم أنك رايحه عزا يوم الخميس

الأم :

ومالو يا حبيبي اتصلي بيها واتصل ياسر علي ريهام ومامته كانت مدايقه منو أوي في الوقت ده

ياسر :

الو عامله أيه يا ريهام اومال أمك فين ماما عايزه تكلمها

الأم :

أذايك يا ام ريهام عامله ايه يا حبيبتي هستناكي يوم الجمعه انتي وريهام والحج

وجه يوم العزومه وأهل ريهام جم وريهام طلعت مع ياسر يتفرجو علي الشقه

ياسر :

خلاص يا حبيبتي الشقه خلصت أهي وكل حاجه فيها تمام مبقاش فاضل غير العفش وأنك تنورييها

ريهام :

الله حقيقي الشقه تجنن والألوان روعه بس ربنا يهدي أمك علينا وتفضل كده عالطول بجد مستنيه اليوم اللي كون في معاك وكون مراتك بقولك أيه يلا ننزل عشان ماما وبابا

ياسر :

ليه خلينا شويه ده انا مصدقت سحبتك منهم انا مش عارفه اتكلم معاكي

الأم :

وطلعت مامت ياسر وفي الوقت ده ريهام اتحرجت منها جدا

الأم :

ايه قعدين لوحدكوا هنا ليه مستعجلين علي أيه أنت وهي مش قادرين تصبرو شهر كمان

ياسر :

في ايه يا أمي أيه اللي بتقولي ده انا كنت طالع أفرج ريهام علي ألوان الشقه وكنا نازلين عالطول

الأم :

كنت طالع تفرجها علي ألوان الشقه بردو المفروض يا حبيبتي مكنتيش تطلعي لوحدك أحترمي أبوكي اللي تحت بس أقول أيه بقا

ريهام :

ميصحش يا طنط اللي حضرتك بتقولي انتي عارفه أني محترمه وبابا بيثق في ياسر جدآ وبعدين احنا مرحناش مكان من وراكم أحنا في نفس البيت وحضرتك طلعتي لقتينا فاتحين الباب وواقفين بكل أحترام والعموم شكرا ليكي أوي

ياسر :

أيه يا جماعه في أيه أمي أكيد متقصدش حاجه انتي مكبره الموضوع كده ليه يا ريها

الأم : أنتي زعلتي يا حبيبتي انا مقصدش حاجه انا قلقانه لحسن أبوكي يتكلم معاكي العموم متزعليش يا حبيبتي حقك عليه

ياسر :

شوفتي بقي أمي متقصدش حاجه انتي بس حاسسه ذيادة عن اللزوم ونزلو علي تحت كلهم ومامت ياسر دخلت عند تكلم هدير بنتها

الأم :

فين اللي اتفقنا عليه مبعتيش الرساله ليه للمزغوده اللي بره

٤

هدير :

بعت يا ماما بس الرساله مرحتش انا بصيت علي تليفونها ولقيته مقفول

الأم :

انا غلطانه أني سمعت كلامك ومشيت وراكي وخلتيني أدخل الأشكال دي البيت طيب أنا هعرف شغلي كويس معاهم

الراوي : وفضلت الأم قاعده ومطلعتش لكن اهل ريهام كانو محرجين جدا

والد ريهام :

بقولك أيه يا ام ريهام يلا بينا احنا مش هنقل من نفسنا أكتر من كده بقالنا ٤ ساعات قعدين والست أمك مش عايزه تيجي تبص علينا وانت كل شويه تيجي تقولنا حجج فارغه يابني لما انت عارف أمك هتكون مقابلتها كده معانا جايبنا ليه

مامت ريهام :

والله عندك حق يا ابو ريهام أحنا غلطانين اللي جينا عجبك كده يا ست ريهام اللي بيحصلنا ده انا وأبوكي علي أخر الزمن أنتي اللي صممتي أننا نجي

ياسر :

بس في شقتين في البيت بأسمي والعداد كمان لكن بالنسبه للفلوس اللي في البنك أنا مش عايزه واشبعي بيها أنا هتجوز ريهام وهجبها تعيش هنا

الأم :

يعني أيه يا يسر انت بتوقف قدامي عشان خاطر مقصوفه الرقبه دي طب أعمل حسابك بقي لو صممت علي اللي في دماغك وجبتها هنا أنا هوريها النجوم في عز الضهر ومشي ياسر من قدامها

وفي بيت ريهام :

ريهام كانت عماله تعيط أنا عارفه أني مليش حظ واي حاجه أحبها وتعلق بيها تروح مني

مامت ريهام :

يعني عجبك يا ريهام اللي حماتك بتعمله اللي عملته معانا أنهارده ده غلط وغلط كبير ده حتي معملتش أحترام لي أبوكي وطلعتلنا ولا حد جه حطلنا كوبايه مايه

ريهام :

بس والله يا ماما ياسر ملهوش ذنب ياسر بيحبني بس أمي بقه الله يسامحها مش سايبه في حاله

مامت ريهام :

لاء لي ذنب المفروض يقول لي أمه غلط ولما عارف أني هتقبلنا المقبله اللي ذاي الزفت دي بيعزمنا ليه انا والله لو مكاني وبحبه بسبب أمه دي هغير رأي دي مش قبلنا ودايما بتحسسنا أني هما أحسن مننا علي أيه مش فاهمه ولا بنتهم هدير دي البت مبتكلمش معانا غير بالعين والحاجب كلامها أكبر من سنها

ريهام :

بس انا صعبان عليه ياسر يا ماما

مامت ريهام :

أسكتي بقا يا شيخه كل شويه صعبان عليه وامال أحنا مش صعبانين عليه ليه من اللي أمه عملاه فينا انت لو وفقتي تتجوزي أنتي حره بقا مليش دعوه باللي هيحصلك بعد كده وفي الوقت ده مامت ياسر كانت بترن الجرس

ولحد هنا خلصت حلقتنا وانتظروني في الجزء التاني

تكملة الرواية من هنا