 |
فرصة حياه
الفصل الحادي عشرون حتي الفصل السادس والعشرين والاخير
بعد ان اخذ ادم الشيكولاتة والعصير من ليلى قسم الشيكولاتة كما فعلت ليلى من قبل واعطها نصفها وفتح علبة العصير واعطها لها كي تشرب منها اخذت ليلى علبة العصير وشربت منها
ادم..ما تشربيش العصير كله سبيلي شوية
ليلى شربت نصف العصير واعطته العلبة
اخذ ادم العلبة من يدها وشرب منها حتى انتهى العصير
نظرت له ليلى بحب ..قولتلي عايزني في موضوع مهم
ادم..ليلى انا كنت عايز اكلم احمد ومحمد الاول بس حبيت اعرف رأيك الاول
ليلى تنظر له وهي تائهة في عيونه هل ما فهمته صحيح
ادم..ليلى انا عايز اتقدملك قولتي ايه
ابتسمت ليلى ابتسامة رائعة وعيونها تلمع من الفرح كادت ترد عليه ولكن قاطعها دخول السكرتيرة بعد ان طرقت على الباب
السكرتيرة..ادم بيه مدام رانيا برا عندها ميعاد مع حضرتك
بلع ادم لعابه بصعوبة فهذه السيدة قد تخرب بيته قبل ان يعمر
ادم..خليها تتفضل وقال في سره..ربنا يستر
ثواني ودخلت سيدة تخطت عقدها الرابع تلبس جيب سوداء قصيرة تصل فوق الركبة ضيقة للغاية وبلوزة قصيرة عريانة الاكتاف ضيقة جدا من على الصدر لتبرزه اكثر والكثير من مساحيق التجميل وحذاء ذو كعب عالي وتمشي مثل عارضات الازياء **منك لله احنا مصدقنا**
وقف ادم لاستقبالها
كانت ليلى على مكتبها تعمل بجد كما تفعل عند دخول اي عميل ل ادم لكن ما ان سمعت صوت حذاءها رفعت رأسها وما ان رأتها وان ادم يقف لاستقبالها احمرت عيناها من شدة الغضب فالغيرة تأكل قلبها ونظرت له نظرة قاتلة
خاف ادم من نظرتها فهذه النظرة لاتبشر بخير قال لنفسه..الله يخرب بيتك انتي ايه اللي جابك دا انا مصدقت قولتلها
سلم ادم على السيدة
ادم..اهلا اهلا مدام رانيا عاملة ايه
رانيا بدلع..اهلا بيك ياادم بيه انا بخير طول ما انت بخير
تقدمت ليلى وجلست على الكرسي المقابل لكرسي السيدة نظرت رانيا ل ليلى ونظرت ل ادم
ادم اشار ناحية ليلى..دي البشمهندسة ....
قاطعته ليلى..سكينة
كاد ادم ان ينفجر من الضحك لكنه تمالك نفسه بصعوبة
رانيا..اسمك سكينة
ليلى بأبتسامة صفراء..ايوة
رانيا..ياحرام
ليلى..مش بس كدا ومرات اخويا رايا
رانيا..يعيني على اخوكي الله يكون في عونه ازاي متحمل
ادم يخفي ضحكته..حضرتك تعرفيه محمد محمود اصحاب شركة الهادي جروب
رانيا..محمد دا كيوت خالص براحة عليه الا محمد
ليلى بنفس الابتسامة..دا في عنينا
ادم لنفسه..الله يرحمك يامحمد لما تقول ل مراتك
طوال المقابلة وليلى تود قتل تلك السيدة وقتل ادم حقا هو لا يتجاوب معها لكن وجوده معها في مكان واحد يستحق عليه القتل وماذا كان يفعل وحده معها احمرت عيونها اكثر وزاد غضبها اكثر من كثرة دلع تلك السيدة عليه
ادم لاحظ شكل ليلى وهو في غاية السعادة لانها غيرانة عليه الهذا الحد تحبه انتهت المقابلة اخيرا وخرجت السيدة نظر ادم ل ليلى وجدها مازالت على حالتها وتوجهت الى مكتبها دون اي كلمة
ادم..ليلى
ليلى..اممممم
ادم يمسك ضحكته..انتي ليه قولتي لمدام رانيا ان اسمك سكينة
التفتت له ونظرت له نظرة مشتعلة
ليلى..عشان تخاف تقرب من حاجة بتاعتي
ادم وهو يمثل انه لا يفهم..بس هي مقربتش من اي حاجة بتاعتك
ليلى بغضب..انت شايف كدا
قام من على مكتبه واقترب منها ادم..انا مش شايف غيرك على فكرة انتي مقولتليش ايه رأيك في الموضوع اللي كنا بنتكلم فيه قبل ماتيجي الحيزبونة دي قطعت علينا منها لله (ايوةكدا الحق نفسك كان زمانك كفتة😂😂😂)
ضحكت ليلى وتغير وجهها
ادم..ها ياليلى انا عايز اعرف ردك من غير ضغط من اي حد
ابتسمت ليلى وهزت رأسها بمعنى نعم
ادم..افهم من كدا انك موافقة
ليلى وجهها احمر من الخجل فهي تعشق كل شئ فيه حتى غضبه وتريد ان تقول له كم هي تحبه ولكن لا يطاوعها لسانها
ابتسم ادم لها يااااه واخيرا تحقق حلم السنين
ليلى..طب انا همشي
ادم نزل معها كي يوصلها مثل كل يوم وعندما ركبت سيارتها نظر لها ادم نظرة حب
ادم..سوقي بشويش ومتجريش عشان خاطري وحياة........
قاطعته ليلى..وحياة ادم
لم يصدق ما سمعه قلبه يكاد يطير من مكانه
اوصلها لبيتها ورحل
دخلت ليلى البيت بفرحة كبيرة
ليلى..السلام عليكم
محمد/هالة..وعليكم السلام
هالة..ايه يابنتي التأخير دا كله اول مرة تعمليها
نظرت ليلى بخبث ل محمد..ابدا ياستي كان عندنا مقابلة مع مدام رانيا
بلع محمد لعابه وقال لنفسه..نهار اسوح كدا الله يرحمني
هالة لاحظت توتر محمد..مالك يامحمد من ساعة ما سمعت اسم الست دي وانت مش على بعضك
محمد..ابدا وانا مالي هي كانت عند ادم ولا عندي
انا هقوم اشوف العيال
تحرك محمد من الصالة وقبل ان يدخل غرفة العيال سمع ليلى وهي تحكي لهالة على طلب ادم وانها تحبه وحكت على مدام رانيا
هالة..ياحبيبتي انا فرحانة اوي عشانك ربنا يسعدك بس محمد اخوكي ده
ليلى..الهانم تقولي دا كيوت بالراحة عليه
هالة..يامين يطولني رقبتها وانتي قولتلها ايه
ليلى..متخفيش وراكي رجالة قولتليها انا سكينة وانت رايا
هالة بضحك..ايوة شاطرة
اما عند محمد
اتصل محمد ب ادم
محمد..السلام عليكم عامل ايه
ادم...وعليكم السلام الحمد لله بخير انت عامل ايه
محمد..بخير الحمد لله ادم انا عايز اقبلك دلوقتي
ادم..في حاجة يامحمد
محمد..لما اشوفك
ادم..تعرف كافتريا.....نص ساعة واكون عندك
محمد..ايوة عارفها تمام مع السلامة
ادم..مع السلامة
في الكافتريا
دخل محمد وجد ادم في انتظاره ويبدو عليه القلق
فهو متوقع ان ليلى حكت لزوجته وهي حكت له وهو جاء كي يقول له اين اهلك وابعد عن ليلى
تقدم محمد من الطاولة
محمد..السلام عليكم
ادم..وعليكم السلام
جلس كلا من محمد وادم
محمد..عامل ايه وادهم عامل ايه
ادم..بخير الحمد لله احمد عامل ايه واسر ومدام منى
محمد..الحمد لله اسر هيعمل العملية بكرة ومنى عملت العملية امبارح
ادم..ربنا يشفيهم ويرجعو بالسلامة
محمد..يارب .....ادم انا عايز اسألك سؤال مهم وارجوك تقول الحقيقة
ادم بخوف ..اسأل وانا اوعدك هقول الحقيقة
محمد..انت ليه عايز تتجوز ليلى
استغرب ادم من السؤال ليس هذا السؤال الذي توقعه
ادم..عايز اتجوزها عشان ....خجل ادم ان يقول بحبها فسكت
محمد..ياريت متكنش عايز تتجوزها عشان صعبان عليك اللي حصلها
ادم..لأ انا عايز اتجوزها عشان بحبها انا مش هخبي عليك انت صاحبي وانا لايمكن اعمل كدا فيها
محمد..بصراحة انا خوفت يكون مجرد انها صعبانة عليك وتتصدم انك مش بتحبها
ادم بفرح..يعني هي بتحبني زي ما بحبها
محمد..ياض عيب عليك انا اخوها بردوا احترمني شوية
ادم..انت صاحبي واخويا
محمد..ايوة ياسيدي بتحبك اوي كمان هي قالت كدا ل هالة
وقف ادم واحتضن محمد ..حبيبي ياابو محمود
محمد..بس ياعم الناس هتفهمنا غلط
ضحكا الاثنين
محمد رافعا حاجبه..استنى هنا كدا بردو تدبسني مع رايا وسكينة وتقول لمدام زفت ان ليلى اختي
ادم..ايوة اومال اتقتل لوحدي دا ليلى شافتها واتحولت تصدق خوفت
محمد..تقوم تدبسني منك لله هروح ازاي دا انا سايبهم بيرسمو في الخطة
ادم بضحك..ربنا معاك
محمد..بكرة انت وادهم معزومين على الغدا عندنا
ادم..مفيش داعي
محمد..لأ دا مش حبا فيك عشان لما تيجي بكرة ومتلاقنيش تبلغ عنهم دي ممكن تجامل هالة صحبتها عادي
ادم..طب ياسيدي الله يرحمك
رجع محمد المنزل وجد.....
الفصل الثاني والعشرين
في منزل ادم
دخل ادم يكاد يطير من الفرحة كان ادهم في انتظاره وما ان رأه
ادم بفرح وضحكة تملاء وجهه ..السلام عليكم
ادهم بأستغراب..وعليكم السلام ونظر له ورفع حاجبه وقال غريبة
ادم..هي ايه اللي غريبة
ادهم..ابدا دا انت اليوم اللي يبكون فيه مقابلة مع مدام حيزبونة بتكون مش طايق نفسك دا انا خوفت ادخلك انهاردة لما السكرتيرة قالتلي انها جوا 😉😉ايه بقى اللي مغير حالك كدا
تذكر ادم ما قالته ليلى ل مدام رانيا عن كون اسمها سكينة لتخاف منها وتبعد عنه
ادهم..انت ياعم روحت فين
ادم بضحك..ابدا اصل سكينة كانت موجودة معنا في مقابلة مدام رانيا وعلمتها الادب
ادهم بعدم فهم..سكينة مين انت سخن ووضع يده على جبهة اخيه
ادم..اصلك مش عارف اللي حصل انهاردة
ادهم..طب عرفني ياخويا
ادم حكى له عن طلبه ل ليلى وحكى له على ما فعلته عندما رأت مدام رانيا واسمها سكينة وان مرات محمد رايا وحكى على مقابلة محمد له في الكافتريا
ادهم من الفرحة قفز سريعا واحتضن اخوه
ادهم..يا حبيبي يا ادم الف مبروك انا فرحان اوي يااااااه اخيرا وكمان طلعت بتحبك مش قولتلك نظرتها ليك غريبة وانت مصدقتش
ادم..الله يبارك فيك أهي نظرتها دي اللي مجنناني ونفسي اسألها
ادهم..طب ما تسألها مش خلاص بقينا حبايب هيييييح
ادم..في ايه ياض ما تلم نفسك شوية بس اكيد هسألها
نظر ادهم ل ادم نظرة طويلة
ادم..بتبصلي كدا ليه
ادهم..اول مرة اشوف الفرحة في عينك بالشكل دا ربنا يسعدك
ادم..يارب ويسعدك انت كمان وتلاقي بنت الحلال
لم يرد ادهم واكتفى بأبتسامة حزينة
اراد ادم ان يغير الموضوع
ادم..اه صحيح محمد عزمنا بكرة على الغدا انا وانت
ابتسم ادهم ابتسامة خبيثة وتذكر مدام رانيا وقال لنفسه..والله لأربيك انت والتاني اصبرو عليا
****
رجع محمد الى البيت يتلفت حول نفسه يحدد مكان ليلى وهالة دخل وجاءت هالة من خلفه
هالة..حمد لله على السلامة كنت فين ونزلت من غير ماتقول
اتخض محمد وقفز في مكانه لقد ارعبته
محمد..عااااا حرام عليكي ليلى فين
هالة رافعة حاجبها..ليلى في المطبخ بتحضر العشا وبعدين ايه دخل ليلى انا بسألك كنت فين
محمد..كنت بقابل ادم
هالة بأستغراب..ادم
محمد..انا سمعت ليلى وهي بتحكيلك عشان كدا اتصلت ب ادم وحكى لها ما حدث بينهم
هالة..ربنا يسعدها بس استنى هنا ايه حكاية مدام زفت دي
محمد..والله مافي حاجة ادم كان بيهزر وعموما هو جاي بكرة على الغدا ابقي اسأليه
جاءت ليلى ومعها الطعام ووضعته على السفرة
ليلى..هو مين اللي جاي بكرة على الغدا
محمد😉..ادم وادهم معزومين على الغدا
ليلى بفرحة..قوليلي ياهالة اعمل ايه على الغدا بكرة
محمد بسخرية..ياستي عشينا الاول
ليلى..اه صحيح السفرة جاهزة
محمد..طب يالا ياختي نأكل
في الصباح
اتصلت ليلى على ادم تطلب منه اجازة اليوم فهي تود ان تصنع الطعام بيدها
لبلى..السلام عليكم
ادم..وعليكم السلام انتي فين انا تحت البيت في العربية مستنيكي
ليلى..معلش انا اسفة هو ممكن اخد انهاردة اجازة
ادم بقلق..ليه مالك حاسة بيه(والنبي انا لو ارتكبت جريمة اعرف ان انت السبب😝😝)
ليلى..لأ انا كويسة بس عايزة اطبخ الغدا بنفسي تحب حاجة معينة اعملها لك
ادم بحب.. اي حاجة منك حلوة تحبي أجي اساعدك
ضحكت ليلى بصوت عالي..لأ شكرا اتفضل بقى شوف اللي وارك ومتتأخرش
ادم..حاضر هو انا اقدر اتأخر مع السلامة يا........
ليلى..يا ايه (وانا اللي كنت فاكرك مأدبة يانوسة بصوت اللمبي😂😂😂)
ادم..بعدين اقولك
خرجت هالة من غرفتها وجدت ليلى
هالة..صباح الخير ايه اللي مصحيكي بدري كدا مش قولتي مش رايحة الشغل
ليلى..ايوة مش رايحة واخدت اجازة هو البيه لسه نايم
هالة..ايوة ياستي صحيته مرضيش وقالي جهزي الفطار الاول وبعدين صحيني
ليلى..عمتا انا جهزت الفطار روحي صحيه
هالة..حاضر
ذهبت هالة كي توقظ محمد
على المائدة
ليلى..انا كتبت الحاجات اللي عايزاها في ورقة تجبهم قبل ما تروح الشركة
محمد..حاضر ياستي
ذهب محمد لاحضار الطلبات وقامت هالة باخذ الاطباق من على السفرة اما ليلى بدأت في تحضير الغدا
احضر محمد كل الطلبات وذهب الى الشركة
بعد كثير من الوقت رجع محمد وجد كل شئ جاهز
محمد..السلام عليكم
ليلى/هالة..وعليكم السلام
محمد..سيدي ياسيدي ايه دا كله محشي وبامية وفراخ ومكرونة بشاميل وبانيه وكفتة والحلو كنافة كمان يابختك يا عم ادم بيضالك في القفص
خجلت ليلى من كلام اخيها ولم ترد
هالة..الله بقى يامحمد ماتكسفهاش ويالا غير هدومك الناس على وصول
محمد..حاضر
بعد قليل دق جرس الباب ليلى قلبها يكاد يخرج من مكانه وامسكت يد هالة
هالة..في ايه يابت اتقلي شوية
ليلى..مش قادرة حاسة هيغمى عليا
هالة..اه شكل الحب ولع في الدرة ياسعدية
في هذا الوقت فتح محمد الباب وجد ادم يحمل باقة ورد رائعة وادهم علبة شيكولاتة فاخرة
سلم محمد عليهم
محمد..اهلا اهلا اتفضلو
ادم /ادهم..اهلا بيك عامل ايه
محمد..انا كويس ياخويا انتو عاملين ايه
ادم/ادهم..الحمد لله بخير
مد ادهم الشيكولاتة ل محمد ومد ادم باقة الورد وتراجع في حركته بسرعة
محمد..في ايه يابني مالك
ادهم بضحك..اصل الورد مش ليك ياعسل
محمد نظر ل ادم..ماشي يا خويا
دخلوا وجلسو في الصالون دخلت هالة وسلمت عليهم ورحبت بهم ودخلت ليلى لبسة فستان بسيط من اللون عسلي يبرز لون عينيها وحجاب رائع انيق سلمت على ادم وتوقف الزمن بدون كلام نظرات ابلغ من مئات الكلمات هييييح
محمد..ما خلاص ياعم الطعم
ادهم نكز ادم كي ينتبه
مد ادم باقة الورد ل ليلى..اتفضلي
ليلى بخجل..شكرا
لم تنتبه ليلى ل ادهم
ادهم..انت يا ختي هو انا شفاف ولا ايه
ليلى بأحراج سلمت على ادهم..اسفة مخدتش بالي
ادهم بضحك..ولا يهمك يا قمر
نكزه ادم..اتلم
حضرت ليلى وهالة السفرة ونادو عليهم تجمعوا على السفرة محمد يجلس بين هالة وليلى وادم مقابل ليلى وبجانبه ادهم
ادهم..ايه الاكل الحلو دا
ليلى..بالهنا والشفا
ادم..ليه تعبتي نفسك وعملتي كل دا كان كفاية صنف ولا اتنين
ادهم..ياعم سبني اتغذى
ضحك الجميع
محمد..بالهنا والشفا
ادهم بأبتسامة خبيثة..قوليلي يا ليلى انتي شوفتي مدام رانيا امبارح
سعل كلا من محمد وادم اما وهالة وليلى نظرت كلا منهم نظرة لا تبشر بخير
محمد في سره..الله يخرب بيتك ياادهم
ادم في سره..منك لله يااخي
ليلى بغيظ..اه شوفتها
ادهم بنفس الخبث..وايه رأيك فيها ولا ايه رأيك في لبسها
ليلى بغضب..عملة زي عروسة المولد ولبسها مستفز جدا
ادهم..عندك حق ونظر ل هالة ما انتي ما شوفتيش الفستان الاحمر اللي كانت لبساه في المقابلة مع محمد ونظر ل محمد صح يامحمد مش كانت من يومين تقريبا
محمد بصوت واطي..مش فاكر مركزتش انا مالي لبسة احمر لا اخضر
هالة وليلى كلا منهم نكزت محمد من ناحية
وهالة داست على قدمه بغل
محمد ل ادهم..اااه ياعم كل بقى وبطل كلام
ادهم..حاضر خلاص انا غلطان مش هتكلم ولا هقول على الفستان الاسود اللي كانت لبساه في المقابلة اللي فاتت مع ادم
نظرت ليلى نظرة قاتلة ل ادم
ادم..يابني ما تأكل واسكت شوية
ادهم نظرة ل هالة..بس بصراحة يا مدام هالة محمد مش بيطول معها هي نص ساعة بس
وضعت هالة كف يدها اسفل ذقنها ونظرت لمحمد الذي وضع رأسه بالقرب من طبقه ويأكل في صمت
ادهم ل ليلى..لكن ادم لأ هي ساعة الا ربع
امسكت ليلى السكينة 🔪بطريقة مضحكة
ادهم..اظن كدا انا عملت اللي عليا اكل بقى اه صحيح بما انكم رايا وسكينة انا معنديش مانع اكون حسب الله انا في الخدمة
ضحك الجميع على ادهم
اكملو اكلهم وقام ادم لغسل يده وقامت هالة بجمع السفرة وقام محمد ايضا تبقى ليلى وادهم
ادهم..ليلى
ليلى..نعم
ادهم..على فكرة انا كنت بهزر ادم بيحبك اوي وعمره ماحب غيرك ومدام زفت دي محدش بيطقها بس شركتها ممتازة وعميلة كويسة
ليلى..ايوة بس ادم امبارح كان سعيد وكل شوية يبتسم
ادهم..اكيد سعيد عشان حس بغيرتك عليه وانك بتحبيه زي ما بيحبك
ليلى..بجد ياادهم
ادهم..ايوة والله انا في كل مقابلة بكون معه وبيكون عصبي جدا عشان تخلص بسرعة وتمشي
ليلى..شكرا ياادهم ربنا يخليك ليا
دخل ادم في هذه اللحظة
ادهم..ولا يهمك يا قمر
ادم..ربنا يخليك ليا ولا يهمك يا قمر انت ياحج محمااااا
جاء محمد مسرعا..في ايه
حكى له ادم ما سمعه من باب المرح
محمد..انتو اسرة مع بعضيكم وبعدين دي سكينة ودا حسب الله وانت هتعيش معهم انا رأي خاف على نفسك وامشي جنب الحيط
نظر ت ليلى وادهم.🤨🤨 ل ادم
ادم..تصدق عندك حق ان خوفت
ضحك الجميع
واحضرت ليلى وهالة الفاكهة والكنافة والعصير
ادم..اخبار احمد ايه
محمد..اسر عمل العملية انهاردة الصبح والدكتور قال ان العملية نجحت بس هيفضل في العناية المركزة تحت الملاحظة اما منى كويسة
ادم..طب الحمد لله مقالوش راجعين امتى
نظر له محمد بنص عين..احتمال سنة ولا اتنين
ادم بفزع..ايييييه
محمد..مالك ماتتقل شوية اسبوعين ياعم وبعدين هيجي يتابع مع دكتور هنا
ادم..اه قول كدا
خلص اليوم بمنتهى المرح واللحظات السعيدة
رحل ادم وادهم وهم سعداء اخييييرا دق الفرح بابهم
ركبوا السيارة ولم ينتبهوا لمن يراقبهم.............
الفصل الثالث والعشرين
وصل ادم وادهم الى منزلهم ودخلو واغلق ادم الباب
وصلت السيارة التي كانت تراقبهم ونزل منها السائق واخرج هاتفه واجرى مكالمة
السائق..السلام عليكم يابا الحاج
المجهول..وعليكم السلام ياولدي عملتوه اييه
السائق..نحنا وراهم من وين ما طلعو من دارهم لعند رجعو في الليل تؤمرنا بحاجة يابا الحاج
المجهول..لأه ياولدي خليك اتبعهم زين ومتهملهمش واصل فهمتني عاد
السائق..ايوة فهمت يابا الحاج
( طبعا انا دمرت الصعيدي معلش )
مر أسبوعين وحياة هادئة
في صباح احد الايام
في شركة العدوي
دخل ادم تتبعه ليلى العادة القى التحية على السكرتيرة عزة ووقفت ليلى تتحدث معها قليلا دخل ادم مكتبه
ليلى..صباح الخير
عزة ..صباح الورد عاملة ايه
ليلى..الحمد لله بخير انتي عاملة ايه وابنك عامل ايه سألت عنك امبارح قالولي انك استئذنتي عشان ابنك عيان الف سلامة عليه
عزة..الله يسلمك الحمد لله بقى كويس
لبلى..طب الحمد لله ادخل انا اشوف شغلي واسيبك تشوفي شغلك
عزة ماشي يا حبيبتي
دخلت ليلى المكتب بعد ان طرقت الباب وجدت ادم غير منتبه وكأنه في عالم اخر لم يشعر بوجودها
فهو يفكر بتلك السيارة التي تراقبه واليوم لفت انتباه السيارة كانت قريبة منه وان السائق نظر له وكأنه يريده ان يرأه وليس مثل السابق يراقبه من بعيد شعر بالخوف على ليلى وعلى ادهم لا يدري ماذا يفعل
ليلى..السلام عليكم
لم يرد ادم ولم ينتبه
طرقت ليلى على المكتب باصابعها
ادم انتبه..ها ايوة ياليلى
ليلى باستغراب..مالك ياادم من ساعة ما وصلنا الشركة وانت متغير في ايه
ادم..انا عايز اقولك حاجة مهمة وعايزك تفكري كويس واي قرار هتأخديه......
قاطعته ليلى..ادم في ايه انت قلقتني اوي
ادم..انا هقولك حاجة عمري ما قولتها لحد ومحدش يعرفها غير ادهم
وبدأ يشعر بأختناق صوته
ليلى..ادم ما فيش داعي تقول حاجة لو دا هيضيقك
ادم..لأ انا لما هقولك هرتاح وانت لازم تفكري
بدأ ادم يحكي لها عن قصة ابوه وامه وهروبهم من بلدهم وان ابوه ابن كبير عائلة العدوي وامه بنت كبير عيلة القناوي وانهم هربوا برا مصر وعاشوا سنين طويلة ورجعوا على اسكندرية وان ابوه فتح شركة وبدأ يكبرها وتوفت والدته وبعدها بسنتين توفى والده وانه اراد التقدم لخطبتها من قبل لكنه خاف عليها وحكى عن السيارة التي تراقبهم وان اكيد العائلتين عرفوا مكانهم وانهم يسعوا لأخذ الثأئر
امتلاءت عيون ادم بالدموع..انا مش هتحمل اني اخسرك او اخسر ادهم
ليلى اشفقت عليه كيف لهم ان يعيشوا مثل هذه الحياة مطاردين خائفين
نظرت ليلى ل ادم ودموعها تنساب على وجهها..بس انا مش هبعد عنك
ادم..ياليلى ارجوكي بلاش تندفعي برأيك وفكري
ليلى..انا اهون عندي اموت جنبك ولا اني اعيش بعيد عنك انت مش عارف انت ايه بالنسبة ليا وارجوك بلاش نتكلم في الموضوع ده
اراد ادم ان يرد عليها
قاطعته ليلى..لو سمحت عشان خاطري
رن هاتف ليلى برقم احمد
نظرت ليلى ل ادم دا احمد
ليلى بفرح..السلام عليكم عامل ايه ومنى واسر عاملين ايه
احمد..وعليكم السلام احنا ياستي كويسين الحمد لله انتي عاملة ايه
ليلى..الحمد لله بخير ليه ما قولتش عشان نستقبلك في المطار
احمد..انا قولت ل محمد وهو جاه خدنا من المطار
ليلى..ماشي يامحمد لما اشوفك
احمد..لأ انا اللي قولتله كنت عايز اعملك مفاجئة
ليلى..دي احلى مفاجئة انا جاية على طول سلام
احمد..مع السلامة
اغلقت ليلى الهاتف ونظرت الى ادم
ليلى..معلش انا مضطرة امشي زي ما سمعت احمد وصل بالسلامة
ادم..حمد لله على سلامتهم
ليلى..الله يسلمك
وقف ادم ..طب يالا عشان اوصلك
ليلى..خليك انت همشي لوحدي
ادم..لأ هوصلك
ليلى..ادم ممكن ما تفكرش في اي حاجة واللي مكتبله حاجة هيشوفها دا قدر
نظر لها ادم كم احتاج ان تأخذه في حضنها مثل طفل صغير هو فعلا يحتاجها بجانبه ولا يريد ان تبعد عنه ولكن اراد ان يعطيها حق الاختيار فمن حقها ان تعرف ماهي مقدمة عليه ومن حقها ان تقبل او ترفض كلماتها وتمسكها به مثل الماء البارد في يوم شديد الحرارة كم أرتاح قلبه
ليلى شعرت بالخجل من نظرة ..ادم مش نمشي بقى
ادم..يالا
اوصلها ادم ورحل
في بيت احمد
دق جرس الباب فتح احمد
صرخت ليلى..حمد لله على السلامة يا ابيه واحتضنته بشدة
احمد..الله يسلمك انتي عاملة ايه
ليلى..بخير الحمد لله
دخلت ليلى تجري ..السلام عليكم
وجدت منى واقفة لاستقباله
ليلى..منى حبيبتي حمد لله على السلامة عاملة ايه
احتضنتها منى بشدة ..الله يسلمك يا قلبي إنتي عاملة ايه ما شاء الله عيني عليكي باردة ايه الحلاوة دي
ضحكت ليلى على كلام منى ودخلت لتطمئن على اسر وجلست مع محمد وهالة واحمد ومنى وبعد قليل وقفت ليلى..انا هروح اعمل الغدا
هالة ..استني خديني معاكي
منى..استني انتي وهي خدوني معاكم واقتربت من هالة وليلى انا حاسة ان ليلى فيها حاجة غريبة صح
ضحكت ليلى
هالة..طول عمرك اروبة
منى..طب قولولي بسرعة
دخلو المطبخ يصنعو الطعام ويتحدثون على ادم وليلى
فرحت منى بشدة ل ليلى فهي فعلا تستاهل كل خير
منى..الف مبروك يا حبيبتي ربنا يسعدك
ام عند محمد واحمد
حكى محمد ل احمد على طلب ادم ل ليلى وانه ينتظر عودته حتى يتمم كل شئ
احمد..انت متأكد ان ليلى موافقة
محمد..ايوة هي قالت ل هالة
احمد..على بركة الله انا فاضي في اي وقت الميعاد اللي يحدده بلغني به
محمد..حاضر ربنا يخليك لينا وتفرح بأسر
احمد..ويخليك وتفرح بأولادك
*****
في السيارة عند ادم اتصلت السكرتيرة اكثر من مرة على ادم
ادم..السلام عليكم
عزة..وعليكم السلام حضرتك فين ياادم بيه
ادم..في حاجة
عزة..ايوة يافندم في واحد مصر يقابلك وانا قولتله ان حضرتك مش موجود بس هو فضل قاعد وقالي هقابله يعني هقابله
ادم بخوف..شكله ايه
عزة..راجل كبير في السن شكله عمدة او حاجة زي كدا مش عارفة
ادم وقد تملك منه الخوف..انا جاي حالا
دخل ادم وقلبه واقع بين قدميه ويحاول ان يتماسك
نظر لشخص الذي ينتظره وكأنه ينظر لوالده فهو نسخة منه
ادم..السلام عليكم
الرجل/عزة..وعليكم السلام
ادم اتفضل معايا
دخل الرجل معه الى المكتب
ادم..مين حضرتك وعايز ايه
الرجل..انا سعد العدوي
ادم..معلش سعد العدوي مين
سعد..اخو أسعد العدوي بوك
وقعت تلك الكلمات كالحجر على رأس ادم
في نفس الوقت جاء ادهم يسأل السكرتيرة على ادم
ادهم..مدام عزة ادم رجع
عزة..ايوة ياادهم بيه رجع ومعه واحد جوا
ادهم..واحد مين
عزة..مش عارفة مرضيش يقول اسمه شكله عمدة وهيبة كدا
دخل ادهم جري لمكتب ادم دون اذن
ادهم..في ايه ومين دا
سعد..واه داخل اكده من غير سلام
ادهم..انا بسألك انت مين وعايز ايه
سعد..تحشم ياولد واتكلم بأدب اني عمك ياعني في مجام بوك
ادم بهدوء عكس ما بداخله..حضرتك اكيد في سوء تفاهم انا مليش عم
سعد..واه بتتنكر لهلك ياولدي بوك علمك اكده
ادهم..لو سمحت ممكن تتفضل بقى وكفاية لحد كدا
سعد بغضب..انت عتردني ياولد فطنة
اسكتت الصدمة ادم وادهم
سعد..اسمعني زين انت وياه اني مش جاي اضركم لأه اني جاي لموصلحتكم بص ياولدي منك ليه اني عمكم خو بوكم ورايدكم تردوا لهلكم بوك ياولدي غولط غلطة كبيرة جوي لمن هورب هو وفطنة لكن برضو هو عمل حاجة زينة انه اتجوزها قبل ما يهمل البلد ويمشي ياولدي ودا اللي شفعله من الجتل هو ويها واني طول السنين اللي عدت عحاول مع هلها عشان يسامحو ياولدي اني لفيت عليهم مصر كلتها عدور عليهم لكن مالجيت لهم اثر لحد ماادليت سكندرية وعرفت طريج الشركة وسألت عليكم وعرفت انكم عيال خوي الله يرحمه واني جاي دلوك عشان اجولكم لزمن تدفعو تمن غلطة بوكم
ادم بندفاع..انا مستعد ادفع المبلغ اللي هما عايزينه
سعد بصوت عالي..انت اتخبلت ولأه ايه فلوس ايه عتتكلم عنها انت ناسي عتكلم على مين امك كانت بنت مين الشرف ياولدي ملهوش تمن غير الدم
ادهم..حضرتك مش قولت ان ابويا عمل حاجة كويسة لما اتجوزها قبل ما يسيب البلد ودا شفعله من القتل ليه دلوقتي بتقول ان الشرف تمنه الدم
سعد..اني برد على كلام خوك الماسخ اللي بلا عازة ده
ادم..انا اسف انا قصدي مستعد لتمن اللي هما عايزينه
سعد..ايوة اكده اتعدل والحكاية ملهاش غير حل واحد انك تتجوز بنت كبير عيلة الجناوي يادم ياولدي
ادم بصدمة..مش ممكن
سعد ..ليه مش ممكن انت منعدكش اختيار لزمن تتجوزها.......
الفصل الرابع والعشرين
انصدم ادهم من كلام عمه ولا يعرف ماذا يفعل لكي ينقذ اخاه ف ادم يحب ليلى من زمان ولن يقدر ان يتزوح غيرها ولو كان يقدر لفعل ففكر في نفسه انه لن يتزوج من يحب لانها تزوجت بالفعل وتذكر انه سأل صديقتها يوم نتيجة السنة الرابعة لماذا لم تأتي لمعرفة النتيجة وكانت اجابتها انها عروس قد تزوجت بعد الامتحانات مباشرة لذلك قرر ان يحل هو المشكلة
ادهم..عمي لو سمحت
سعد فاتحا ذراعيه ل ادهم..اخيرا سمعتها تعالا ياولدي
احتضنه ادهم بشدة فوجد فيه رائحة والده
ادهم..هو لازم ادم هو اللي يتجوز بنت عيلة القناوي
سعد..ايوة ياولدي هو الكبير
ادم..انت قصدك ايه
ادهم لم ينظر ل ادم واكمل وهو ينظر ل عمه..ياعمي ادم متكلم على وحدة اهلها ناس كويسيين والبنت مؤدبة جدا ومحجبة ومحترمة وهو كلم اخوها وكان مستني اخوها الكبير كان مسافر لان ابنه كان بيعمل عملية كبيرة في القلب عشان يتمم كل حاجة فأنا ممكن اتجوزها ايه رأيك ياعمي
ادم..انت بتقول ايه
لم يرد ادهم
ادهم لعمه..قولت ايه
سعد..ياولدي انت وخوك واحد ماداد خوك عطى كلمة نحنا صعايدة لايمكن نردو في كلمتنا واصل
ادهم احتضن عمه..حبيبي يا عمي
سعد..ربنا يسعدكم ياولدي
خلاص ياادم انت عتمشي لناس متا عشان اجي معاك ياولدي ما تروحش لحالك انت مش مجطوع من سجرة انت عيلتك تسد عين السمس
ادم..حاضر ياعمي هاخد ميعاد واكلم حضرتك
سعد..مالك ياولدي مش فرحان
ادم..لأ فرحان
سعد..طيب ياولدي دا رجمي خد موعد وكلمني طوالي
ادم..حاضر
خرج سعد من المكتب
ادم بعصبية..ايه اللي انت عملته دا
ادهم..هو دا الحل الوحيد واهو عمك قالها انا وانت واحد فين المشكلة
ادم..انت عارف العروسة دي ممكن تكون مين
ادهم..يعني هتكون مين
ادم بصوت عالي ..ممكن تكون اخت فاطمة او بنت عمها هتقدر تتحمل
ادهم..اولا فاطمة اتجوزت خلاص ليه نعيش كلنا متعذبين على الاقل واحد فينا يأخد الانسانة اللي حبها وبعدين دي فرصة عشان نصلح غلطة ابوك وامك ارجوك ياادم خلينا نعيش حياتنا زي بقية الناس وبعدين ممكن تكون كويسة واحبها
ادم..انا مش عارف انت ازاي تفكر كدا
ادهم..اومال عايزني افكر ازاي ها تتجوزها انت وتسيب ليلى هتقدر تسبها هتقدر تعيش مع غيرها
ادم..ايوة مش هقدر بس انت هتقدر تشوف فاطمة مع جوزها
ادهم..انا مش هشوف حد انا هأخد العروسة وهنعيش هنا يالا بقى اتصل على محمد وحدد معه ميعاد خلينا نفرح
ادم بيأس ..حاضر هتصل عليه
ادهم احتضن اخيه..مبروك يا حبيبي افرد وشك دا انا هجوزك ولا هعذبك
اتصل ادم ب محمد
ادم..السلام عليكم
محمد..وعليكم السلام عامل ايه
ادم..الحمد لله بخير انت عامل ايه
محمد..بخير الحمد لله
ادم..كنت عايز احدد موعد مع احمد عشان اطلب ليلى
محمد..شوف الميعاد اللي يناسبك
ادم..ايه رأيك بكرة الساعة ٨
محمد..دا انت مستعجل اوي
ادم..لو الوقت مش مناسب عادي قولي انت على ميعاد
محمد..لأ انا بهزر معاك خلاص بكرة الساعة ٨عند احمد في البيت
ادم..ماشي ياصاحبي سلام
محمد..مع السلامة
عند محمد
اتصل محمد على احمد واخبره بموعد الزيارة
خرج محمد الى الصالة وجد ليلى وهالة
محمد بمرح ..هالة بكرة رايحين عند احمد عشان في ضيوف جاين ل احمد
هالة..ضيوف مين
محمد..هو انا مقولتش ان الضيوف هما ادم وادهم
ليلى..بجد يامحمد ادم رايح ل احمد
محمد قبل جبينها ..مبروك ياحبيبتي
هالة..الف مبروك يا قلبي
في اليوم التالي
في منزل احمد
الكل مستعد لاستقبال الضيوف
لبست ليلى فستان من اللون الوردي وعليه حجاب انيق ومكياج هادي خفيف يظهر جمالها كان كل شئ جاهز
دق جرس الباب فتح احمد الباب وسلم على ادم
ادم..السلام عليكم حمد لله على السلامة
احمد..وعليكم السلام الله يسلمك عامل ايه
ادم..الحمد لله بخير
سلم احمد على ادهم واستغرب من وجود سعد فهو لايعرفه
ادم..اقدملك عمي سعد العدوي
مد احمد يده سلم عليه ..اهلا وسهلا اتشرفت بعرفة حضرتك اتفضل
سعد..اهلا بيك ياولدي الشرف لينا
دخلو وجلسو في الصالون
دخل محمد وسلم عليهم ورحب بهم وادم عرفه على عمه ورحب به محمد
ودخلت منى وهالة وسلمو عليهم
سعد..اومال عروستنا فين
هالة..ثانية واحدة ياعمي هكلمها
ماهي الا ثواني وجاءت ليلى
دخلت ليلى وسلمت على ادم وتاه معها
سعد..تحشم ياولدي تعالي هنا جنبي ياجمر
اقتربت ليلى منه
ادم..عمي سعد العدوي
سلمت ليلى عليه ..اهلا بيك ياعمي
سعد..اهلا بيك يابنتي ما شاء الله انتي اسمك ايه
ابتسمت ليلى..ليلى
سعد ل احمد..شوف ياولدي نحنا جينا نطلب يد اختك لولدي ادم
احمد..على بركة الله ياحج دا يشرفني
سعد..ادم ياولدي جول تكلم
ادم..بصراحة انا مش عايز خطوبة احنا نتجوز على طول ودا طبعا بعد اذنكم
نظر احمد ل ليلى ومحمد وجدهم سعداء
احمد..على بركة الله امتى تحب نحدد ميعاد الفرح عشان نجهز كل حاجة
ادم..لا الفيلا جاهزة حتى هدومها انا هجبها لو سمحتوا طبعا
احمد نظر ل ليلى ..ايه رأيك
ابتسمت ليلى
ادم..خلاص الفرح الخميس اللي جاي ها قولتوا ايه
محمد..خدها معاك دلوقتي وخلاص
ضحك الجميع
اخرج سعد من جيبه علبة واعطها ل ادم بها اسورة ثقيلة من الذهب الخالص
سعد..لبس عروستك دي بتاعت ستك ام بوك
اخذها ادم ولبسها ل ليلى وكان ادم احضر لها خاتم رائع البسها اياه انتبه ادم لسلسة في رقبة ليلى وهي السلسة التي اهداها لها اقترب منها
ادم..فكرة حلوة انك لبستيها انهاردة
ابتسمت ليلى..على فكرة انا لبسها من يوم ما خرجت من المستشفى
سعد..تحشم ياولد منك ليها عتتودودو على ايه
تحرك ادهم بجانبهم
ادهم..لو انت سكينة دا الخط نهدا بقى شوية
محمد..خلاص انا هحجز القاعة واطبع الكروت واوزعهم
ادهم..خلي المهمة دي عليا
محمد..خليك انت مع ادم
قرأوا الفاتحة ورحلوا
في يوم الفرح
في قاعة احد الفنادق الشهيرة بالاسكندرية يقام عرس ليلى وادم
تم حجز غرفةلتجهيز العروسة لبست ليلى فستان اشبه بفستان الاميرات وحجاب انيق ومكياج خفيف رائع
دخل احمد كي يأخد العروس ويوصلها الى عريسها ولكن هذه المرة هي في قمة سعادتها
احمد..قبل جبينها الف مبروك
ليلى ..الله يبارك فيك
اخذها ونزل الى اسفل
كان ادم يقف اسفل الدرج يلبس حلته السوداء الانيقة يبدوا كأمراء القصص
مد احمد يد ليلى التي كان يمسكها ل ادم امسك يدها وقبلها بحب
ادم..ايه الجمال دا كله انا عايز اخبيكي عن عيون الناس
ليلى..انت كمان شكلك حلو اوي
بدات الرقصة الاولى اخذها ادم واحتضنها بشدة وهو يرقص معها
جاء ادهم اليهم
ادهم..انت ياعم الفرح كله صعايدة ومسلحين اعمل اللي انت عايزه في بيتك
جلس ادم وليلى وجاء سعد كي يبارك لهم
سعد..الف مبروك ربنا يسعدكم
ليلى/ادم..الله يبارك فيك ياعمي
سعد يكلم ادم ..هو سبوع ياولدي واتجي انت ومرتك وخوك فاهم ياولدي
ادم..حاضر ياعمي
سعد. تسلم ياولدي عاود لعروستك دلوك
انتهى الفرح ركبت ليلى مع ادم وانطلقوا
ليلى..بس دا مش طريق البيت
ادم..هخطفك قولتي ايه ........
الفصل الخامس والعشرين
وقف ادم بالسيارة امام منزلها القديم نظرت له ليلى
ليلى..احنا ايه اللي جابنا هنا انا عارفة انك بعته مدام عزة قالتلي
ادم..كنت عايز اخد رأيك فيه قبل ما اسلمه لصاحبته
نظرت له ليلى وكأنها تذكرت شئ مهم..اوعى تكون بعته لمدام زفت دي
ادم بضحك..لأ متخفيش مش هي
نزلا من السيارة وفتح ادم باب البيت ودخل هو وليلى
ليلى..بس احنا دخلنا بيت الناس من غير استئذان
ادم..لأ ياستي انا لسة ماسلمتهوش ليها
امسك ادم يد ليلى بكل حب وتجول هو وهي داخل البيت
ليلى..انت سيبت كل حاجة زي ما هي ليه
ادم..ياستي كل حاجة حالتها كويسة جدا فقلت ليه نخسر حاجات جميلة زي دي فجبت العمال ولمعوا العفش وحطيت شوية تحف ايه رأيك
ليلى..جميل اوي دا كأن كل حاجة جديدة فعلا
ادم..تحبي تشوفي الدور التاني
ليلى بفرح..ياريت يادومي
ادم..لأ وحياة الغالين عندك انا ماسك نفسي بالعافية خفي عليا شوية
ليلى احمر وجهها خجلا وهزت رأسها بمعنى نعم
صعد ادم وليلى ودخل غرقتها فوجدت سرير اخر نفس شكل سريرها
ليلى..ليه عملت سرير تاني
ادم..اصل جوز صاحبة البيت عايز يخلف بنتين احنا مالنا
ليلى..بس عارف الاوضة شكلها احلى بالسريرين
دخلا غرفة محمد واحمد كما هي لم يتغير شئ سوى بعض الديكورات
ادم..دي اوضة الأولاد
ليلى..بس اوضة البنات احلى
ادم..اكيد طبعا
دخلو غرفة النوم الرئيسية وجدتها رائعة
ليلى..الله ياادم دي بقت حلوة اوي روعة انت ذوقك جميل اوي
ادم بغرور..ما انا عارف ان ذوقي حلو والدليل على كدا ان حبيتك خجلت ليلى من كلامه اكمل وقال.. بس قوليلي ايه رأيك هيعجب الست صاحبة البيت
ليلى..اكيد هيعجبها دا جميل اوي
اخرج ادم ورقة من جيبه ومدها لها نظرت ليلى للورقة
ليلى..ايه دا
ادم..اتفضلي وانتي تعرفي
اخذت ليلى الورقة وفتحتها وقرأتها وادمعت عيونها
ليلى..معقولة ياادم انت بعت بالبيت ليا انا
ادم..ايوة طبعا انا لا يمكن اسمح لحد انه يعيش فيه غيرك انتي
تعلقت ليلى في رقبة ادم
ليلى..حبيبي ياادم
ادم..طلما فيها حبيبي ياادم تعالي
اجلسها على السرير وجلس امامها على كرسي
ادم..ليلى في سؤال نفسي اسأله ليكي وهجنن واعرف اجابته
ليلى..سؤال ايه اسأل
ادم...نفسي اعرف سر نظرتك ليا
خجلت ليلى من نفسها لقد انتبه لها وكيف ستجيب على سؤاله
ادم..عشان خاطري نفسي اعرف
ليلى..احمم مش عارفة لو قولتلك هتقول عني ايه
ادم..صدقيني اجبتك مش هتغير اي حاجة جوايا من ناحيتك بس جوبي
ليلى حكت له بخجل عن صاحب العيون الخضراء وكيف كان يتبعها من غير كلام او حتى حاول التقرب منها
ادم يكاد يطير من الفرحة وهو يستمع لها فكما كانت حبه الاول كان هو حبها الاول
ادم..طب لما هو بيمشي وراكي من بعيد عرفتي ازاي لون عنيه
ليلى بخجل وخوف من ردة فعله...في يوم وانا مروحة من المدرسة وقعت على ركبتي ومش قادرة اقوم لقيت ايد بتساعدني رفعت راسي لقيته قدامي وكانت اول مرة اشوفه من قريب وقالي انتي كويسة ولما روحت لقيت قدام البيت بوكس هدايا جميل فيه.....
قاطعها ادم...شيكولاتة وعصير
ليلى ببلاهة..ايوة شيكولاتة وع....
انتبهت ليلى لكلماته وكاد قلبها يتوقف من شدة فرحتها ونظرت له ..انت يا ادم
ادم..ايوة ياعيون ادم
ليلى..انا كان قلبي حاسس انه انت بس مقدرتش اسألك
احتضنها ادم بشدة فهو يروي عطش السنين
ادم..تحبي تفضلي هنا ولا نمشي
ليلى..بس انا معنديش هدوم هنا
ادم..لأ ياقلبي عندك انا جبتلك هدوم يارب ذوقي يعجبك
ليلى..ياحبيبي يادومي
ادم..طلما حبيبي ودومي يبقى قومي غيري هدومك عشان نصلي
قامت ليلى ابدلت ملابسها وتوصأت ولبست اسدال الصلاة
وكما هو الحال مع ادم
جاءت ليلى بخجل وحياء
صلى بها ركعتين وبعد انتهاء الصلاة وضع يده على رأسها ودعا بدعاء الزواج وبعد ان انتهى رفع اسدال الصلاة عنها فسقط شعرها البني الناعم الطويل يصل لنهاية ظهرها
ادم..بس الله ماشاء الله ربنا يحفظك ليا ياعمري
(اظن كدا نسبهم كفاية كدا واكتفي بأغنية أم كلثوم الف ليلة وليلة هييييييح😍😍)
في الصباح
استيقظت ليلى وجدت ادم ينظر لها بحب
ليلى..صباح الخير بتبصلي كدا ليه
ادم..صباح الورد اقولك ومتضحكيش عليا
ليلى بحب..لأ مش هضحك
ادم..مش مصدق نفسي انك فعلا جنبي ومراتي وحبيبتي انا حلمت باللحظة دي كتير وخايف اكون بحلم
ليلى..بس انت احلى حقيقة في حياتي
(نسبهم شوية 😍😍
في المساء جاء احمد ومنى واسر ومحمد وهالة والعيال وادهم فتح لهم ادم وسلم عليهم ورحب بهم
فهم كانو يعرفوا بفاجئة ادم ل ليلى ولم يخبرها احد وادم اخبر ليلى انهم سوف يأتواهنا للمباركة حضرت ليلى كل شئ لاستقبال الضيوف بمساعدة ادم
(مش هقول ساعدها ازاي 😂😂😂)
ودخلو وجلسوا في الصالون وجاءت ليلى الفرحة تغمرها سلمت عليهم جميعا
محمد..ماشاء الله البيت جميل اوي ربنا يبارك لكم فيه
ليلى/ادم...امين
نظرت هالة ومنى ل ليلى. تعالي يا ليلى نجيب العصير والحلويات
في المطبخ
هالة..ماشاء الله عيني عليكي باردة ربنا يسعدك الفرحة بتنط من عينك
ليلى..اصل مش هتصدقي ادم طلع صاحب العيون الخضراء
هالة بصوت...وااااو احتضنها بشدة
منى..في ايه انا مش فاهمة حاجة مين صاحب العيون الخضراء
حكت لها ليلى القصة كلها
منى..ياحبيبتي انتي تستاهلي كل خير ربنا يسعدك والله انا فرحانة اوي عشانك
اما عند الشباب
ادهم/محمد..ايه ياادم الحلاوة دي دا انت وشك منور على رأي اللمبي تحس فضله اتنين فولت وينور
ادم..الله اكبر في عينك انت وهو
محمد/ادهم..قول قول متكسفش هي البت عملت فيك ايه
ادم..ماتلم نفسك ياض منك ليه وبعدين يا اهبل دي اختك أنت وهو
محمد/ادهم..طب يعني محدش غريب احكي بقى
أحمد يضحك على محمد وادهم من غير تعليق
ادم ل احمد..انت ياعم ما تشوف حل في جوز المجانين دول
احمد..هو عمك فين
في نفس الوقت دق جرس الباب فتح ادم كان سعد ومعه سيدتان سلم ادم عليهم ورحب بهم
سعد..الف مبروك يا ولدي دي توبجى عمتك مجيدة ياولدي ودي سالمة مرتي
سلم عليهم ادم و قبل يدهم فرحت به السيدتان نادى ادم ل ادهم كي يعرفه على عمته ومرات عمه فليس من الجيد ان يعرفهم عليه امام احمد ومحمد
سلم عليهم ادهم وفعل كما فعل اخيه
مجيدة..ربي يحفظكم ياولدي انت وخوك
سالمة..دول تربية الغالية بنت الاصول
دخلوا وسلموا على احمد ومحمد وجاءت ليلى وهالة ومنى وعرفهم على مجيدة وسالمة
اقتربت مجيدة من ليلى..بسم الله ماشاء الله يازين ماخترت ياولدي ربي يبارك لك فيها
سالمة..ربي يحفظكم ياولدي انت ويها يتخاف عليكم ملعين
قدمت مجيدة ل ليلى علبة بها كردان صعيدي من الذهب
ابتسمت لها ليلى ..الله دا جميل اوي انا ممكن البسه
مجيدة..ايوة يابتي تعالا ياادم ياولدي لبس مرتك هدية الصبحية
البسها ادم الكردان كم هو سعيد من تصرف ليلى مع عمته لو كانت واحدة غيرها لقالت لها دا موضة قديمة وانا لا يمكن البسه
كم يعشقها
مال ادم على اذن محمد وادهم ..ياعني اتخرستوا دلوقتي
ادهم/محمد..دا لو اتكلمنا هيقول بتتكلموا على شرف ولد خوي ويطلع مسدسه ويدينا طلقتين في دماغنا عادي جدا ونكزو ادم مانت لو قولت وريحتنا
مر وقت جميل ورحل الجميع واخرهم سعد والسيدتان
سعد..اوعاك تنسى ياولدي يوم الخميس الجاي لازمن تاجوا انت ومرتك وخوك
ادم..حاضر يا عمي
اغلق ادم الباب(الاسبوع كله ملناش دعوة بيهم )
في يوم السفر
جهزت ليلى حقيبة السفر واحضر ادهم حقيبته
وسافروا بالسيارة ف ليلى هي من اصرت على السفر بالسيارة لانها لم تزور هذه الاماكن من قبل وتود رؤيتها
في الصعيد
كان الكل في استقبالهم ناس كثيرة وزينة واضواء وذبائح
استقبلهم سعد وعرفهم على عائلتهم وجلس ادم وادهم خارج المنزل مع الرجال ودخلت ليلى مع الستات داخل المنزل
في الصباح ذهب سعد وادهم وادم ليرى ادهم العروس
في منزل كبير عائلة القناوي نجد رجل يدعى منير تخطى العقد السادس من عمره لكن يبدو عليه القوة والهيبة سلم عليهم ورحب بهم جلسوا جميعا في هدوء
منير بصوت عالي...هاتي العروسة ياام سليم
دخلت فتاة ترتدي فستان غامق اللون عليه حجاب انيق
منير ل ادهم..تعال يا ولدي شوف عروستك
رفع ادهم عيونه ونظر اليها ولم يقل شئ ولم يفعل شئ سوى انه خرج يجري من المنزل كالمجنون وادم وراءه
منير بغضب شديد من تصرف ادهم ..يوبجى ولد خوك هو اللي اختار.....
الفصل السادس والعشرين(الاخير)
بعد ان رحل سعد العدوي خلف ابناء اخيه يود قتل ادهم
منير وقد استشاط غضبا..والله لاندمك على عملتك دي ياواد فطنة ومبجاش خالك ان ما ربيتك من اول وجديد
دخل سليم(ابن منير الكبير ٣٦سنة طبيب ويكره العادات السيئة )
سليم..ايه اللي حوصل يابوي مالك
حكى له منير ما فعله ادهم
سليم..اني جولتلك ان الجواز بالرضا يابوي مش بالغصبنية اني مرضتش تجوز ولد عمي عشان هي مش رايداه تجوم انت يابوي رايد تجوزها لواحد مش رايدها
انتبه سليم لأخته التي تشاور له ان يأتي اليها
سليم..طب اهدأ انت يابوي واني عشوف الحكاية ايه
منير وقد هدأ قليلا..طيب يا ولدي اني عطلع ارتاح شوية
ذهب سليم لعند اخته وجدها تبكي فهو لها اخ وصديق وكاتم اسرارها ولاتخفي عنه شئ لان سليم يكره خوف البنات من ابيها واخيها وهو يرى ان البنت يجب ان تشعر ان ابوها واخوها هما الامان والسند لها لذلك فهو صديق فاطمة اخته لايريد ان تخفي عليه شئ وهو على استعداد ان يقف بجانبها ولا يفعل كما فعل ابيه مع عمته فاطمة
سليم.. مالك عتبكي ليه
فاطمة..هو يا سليم هو
سليم..هو مين
فاطمة..ادهم ياسليم انا خايفة عليه
فاطمة كانت بتحكي لاخيها عن ادهم ونظراته لها وعن شعورها تجاهه
سليم..ولما هو ادهم هرب ليه
فاطمة..هو كان وشه في الارض واول ما رفع وشه وشافني حسيته هيبكي حسيته خايف عليا والنبي يا سليم كلم يوي
سليم..حاضر ياستي عكلمه
ذهب سليم لعند والده وطرق الباب ودخل
سليم..بوي رايدك في موضوع مهم
منير..في ايه جول ياولدي
حكى سليم عن ادهم وانه يعرف فاطمة وكان زميلها في الجامعة خاف ان يظهر انه يعرفها فيعرضها للخطر وهو خابر انك واعر يابوي
منير..اللي عتحكي صوح ياسليم ياولدي
سليم..ايوة يابوي عشان اكده رايدك تصبر يابوي فاطمة رايداه مش عايزين نكررو اللي حوصل مع عمتي فطنة
منير..اللي تشوفه ياولدي
في هذا الوقت كان ادم يجري وراء ادهم الذي يجري في الشارع مثل المجنون الى ان امسكه ادم
ادم..استنى هنا ايه اللي عملته دا مش انت اللي قولت هقدر اتجوز وعادي ايه اللي جرالك انت فاهم انت عملت ايه انت احرجت البنت واهنت الراجل في بيته
ادهم لم يسمع ولا كلمة مما قاله ادم لكنه تكلم بلا وعي
ادهم..هي يا ادم فاطمة ياادم
اسكتت الصدمة ادم في هذا الوقت لحق بهم سعد وهو مسيطر عليه الغضب ما ان وصل فيهم
سعد..ايه اللي هببته دا ياولدي حرام عليك اللي جاعد اصلح فيه من سنين خربته في لحظة
ادم..اهدأ بس ياعمي تعالا معايا وانا هفهمك كل حاجة
اخذ ادم عمه وحكى له القصة وان ادهم تفاجئ بها وخاف عليها من ابيها
ادم..لو ينفع تكلم الحاج منير وتفهمه
سعد..ياولدي منير يوبجى خالك
ادم بفرح..خالي ليه ماقولتليش واحنا عنده
سعد..وهو خوك عطى لحد فرصة
ادم..ايوة صح طيب كلمه وانا اروحله واستسمحه واعتذر لفاطمة
سعد..حاضر ياولدي عكلمه وافهمه الجصة كلها
ادم احتضن عمه..ربنا يخليك لينا ياعمي
سعد..ويخليك ياولدي
رجع ادم وسعد للبيت وجد ادهم يجلس مع ليلى في الحديقة يحكي لها ما حدث
ليلى..حرام عليك هي اكيد فهمت انك مش عايزها وابوها هيعمل ايه
ادهم..والله ياليلى اول ماشوفتها خوفت ومكنتش مصدق واتلخبط ومعرفتش اعمل ايه
سعد ..تجوم تجري كيف العيال لصغار
ادهم..ياعمي انا....
سعد قاطعه..عرفت ياولدي اني عروح اكلم منير خالك وعشوف رده
ادهم..خالي يعني فاطمة بنت خالي ونظر ل ادم مش قولتلك انها نسخة من امك اهي طلعت عمنها
سعد..تحشم ياولد
تركهم سعد وذهب كي يتصل ب منير ويعتذر له
ليلى تضحك على ادهم
ادم..تعالي ياليلى عايزك
وقفت ليلى كي تذهب معه
ادهم..استنى ياعم انت وهي مش هتتحركوا من هنا الإ لما الحكاية تتحل مش انت عايش في العسل وانا اولع
ادم..ماهو اللي حصل دا من غباءك تستاهل
ليلى..معلش ياادم خلينا معه لما نعرف عمي سعد عمل ايه
وبعد قليل خرج سعد الى الحديقة
سعد..اني كلمته وشرحتله الجصة كلها وفهمته غباءك دا ليه
ادهم..طب وهو قال ايه
سعد..عطنا موعد بكرة وعارف لو عملت حاجة تانية اني اللي عطخك بيدي
ادم..لأ ياعمي انا اللي هعملها
ليلى..معلش ياجماعة هو عرف غلطه وعموما انا وعمتي مجيدة وعمتي سالمة هنروح معاكم
في اليوم التالي
في منزل منير
استقبلهم منير وما ان رأه ادهم قفز واحتضنه بشدة..حبيبي ياخالي
منير..حبيبي ياواد اختي
ادم احتضن خاله..احنا اسفين ياخالي سامحنا
منير..حوصل خير ياولدي
سلم منير على سعد
رحب منير بالسيدات وجاءت ام سليم واجلستهم في صالة المنزل اما الرجال جلسوا في غرفة مقابلة لهم
جاءت فاطمة وسلمت عليهم وجلست بالقرب من ليلى
مجيدة..دي توبجى سلفتك يافطنة مرت ادم سلفك الكبير ولازمن تبجوا كويسين مع بعضكم عشان الرجالة ترتاح
ليلى..طبعا ياعمتي انا حبيت فاطمة اوي واكيد هنكون اصحاب صح يافاطمة
ابتسمت فاطمة..انا كمان حبيتك اوي
اتفق الرجال على كل شئ وفجأة دخل سليم نظر ل فاطمة وجدها في منتهى السعادة لكن اراد ان يلقن هذا الاحمق درسا
سليم..السلام عليكم
الجميع..وعليكم السلام
سليم..اني مش موافج على الجوازة دي
ادم..طب مش نتعرف الاول ونتفاهم
سليم..اني سليم منير الجناوي اخو فطنة
قفز ادهم واقفا ناحية سليم واحتضنه بشدة..حبيبي ياابن خالي
استغرب سليم من ردة فعل ادهم ووجد نفسه يحتضنه هو الاخر بشدة..كيفك ياواد عمتي
عرف ان ادهم قلبه ابيض وما يفعله يكون بتلقائية دون تفكير
ضحك الجميع على تصرفات ادهم
سلم سليم على ادم وتعرفوا اكثر على بعض ومنير وسعد قرروا ان العرس في البلد
في يوم العرس
يقام عرس كبير بحديقة بيت سعد العدوي الكثير من الناس وادم وادهم يلبسوا اللبس الصعيدي ويرقص ادم بالعصا مع عمه ورقص مع سليم فرحة كبيرة تعم الكل فهو ليس عرس فقط بل لم الشمل وانتهت الليلة كما بدأت بفرحة كبيرة
في غرفة ادم
ليلى لم ترى ادم طوال اليوم لان البيت كان به الكثير من النساء كانت في انتظاره دخل ادم بهذا الشكل وقفت ليلى
ليلى..الله يادومي شكلك حلو اوي في اللبس دا
ادم..عجبك
ليلى..اوي بس في صعيدي بالجلبية بعيون خضرا وحلوة كدا
ادم وهو يخلع عمامته..دا انتي بتعكسيني بقى
ليلى احمر وجهها و.....
(نسبهم شوية😍😍)
في غرفة ادهم
دخل ادهم وجد فاطمة في انتظاره بقستان الفرح الرائع ومكياجها الهادي الجميل
ادهم..ياااااه اخيرا يا فاطمة انا مش مصدق نفسي
فاطمة..ما انت كنت هتخرب الدنيا
ادهم..والله خوفت عليكي بس عارفة انا فرحان اوي انك بنت خالي وبحبك اوي اوي يافاطمة
خجلت فاطمة من كلامه
ادهم..بقولك ايه يا طمطم قومي غيري هدومك واتوضي عشان نصلي عشان عندي كلام كتير اوي عايز اقوله ليكي
فاطمة..حاضر ياادهومي
ادهم بفرحة ..انتي قولتي ادهومك صح
فاطمة..ايوة وعايزة اقولك انا كنت حاسة بيك وانا كمان.....
ادهم..والنبي تقوليها انتي كمان ايه
فاطمة..بحبك اوي ياادهومي
ادهم..بحبك وادهومي طب قومي بسرعة يافاطمة الله يرضى عليكي
دخلت فاطمة الحمام
اخذ ادهم يتجول في الغرفة بطريقة مضحكة قال لنفسه..اهدأ يااهبل انا احسن حاجة اغير انا كمان
خرجت فاطمة وهي لبسة اسدال الصلاة ودخل ادهم الحمام وتوضأ وصلى بها ركعتين وبعد انتهاء الصلاة وضع يده على رأسها ودعا بدعاء الزواج وبعد ان انتهى رفع اسدال الصلاة عنها فسقط شعرها الاسود الطويل نظر لها مطولا فهو لم يتخيل ان يراها بهذا اللبس (وطبعا مش هقول لبسة ايه ونسيبهم كتير مش شوية😍😍😍😍)
مرة اسبوع والحياة رائعة وقرر ادم العودة اعطاهم عمهم ورثهم كاملا واعطاهم منير ورثهم كاملا وطلب منهم يزورهم كل فترة
ساق ادم السيارة وبجانبه ادهم وفي الخلف ليلى تتحدث هي وفاطمة التي اصبحت صديقتها
نظر ادم ل ادهم..ياخوفي يبقوا رايا وسكينة ونروح فيها انا وانت
ادهم..لأ ياعم اتكلم عن نفسك انت ناسي اني حسب الله
اكملوا طريقهم بكلام وضحك الى ان وصلو لبيت ادم وادهم
ادم..يالا ياخويا خد مراتك وشنطك وانزل
ادهم..هو انت مش نازل معنا
ادم..لأ دا بيتك انت وفاطمة وانا وليلى هنعيش في البيت التاني عشان كل واحد يأخد راحته
**بعد عشر سنوات
-ادم وليلى انجبو اسعد ومحمود فاطمة وهدى
-ادهم وفاطمة انجبوا اسعد ومنير وفريدة ولبنا
في بيت ادم
كانت ليلى عزمة الكل على الغداء وبعد ان تغدو جلس الكبار يتحدثوا ف هالة ومنى تعرفوا على فاطمة واصبح بينهم صداقة وجلس احمد ومحمد وادهم يتحدثوا ولكن ادم كان يراقب الصغار وهم يلعبوا وجد ان اسر ابن احمد يلعب مع فاطمة ابنته ويعطي لها الشيكولاتة
وان محمود ابن محمد يلعب مع هدى ابنته وهي تعطيه الحلوى
دخل ادم الى المطبخ ف ليلى تعد المشروبات
ادم..انتي ياست تعالي شوفي عيال اخواتك بتعمل ايه
ليلى بخضة..بيعملوا ايه
ادم حكى لها
ضحكت ليلى..طيب ما هو من يوم ما بناتك اتولدو واسر ومحمود قاعدين جنبهم بيلعبوهم وعمرهم ما زعلوهم ايه الجديد
ادم..لأ بناتي مش هيجوزوا الا ولاد عمهم أدهم
ليلى..ادم انت بتتكلم بجد
ادم..ماهو اسعد ومحمود دايما مع بنات عمهم وبيلعبوهم اشمعنا بناتك
ليلى وقد فاض بها الكيل..اولا دول اطفال يعني بيتصرفوا بتلقائية ثانيا ياصاحب العيون الخضرا القلب محدش يقدر يتحكم فيه ثالثا ودا الاهم ان ولاد اخوك مش معبرين بناتك اصلا
اقترب منها واحتضنها من الخلف
ادم..انتي زعلتي ولا ايه انا كنت بهزر معاكي وكل واحد ونصيبه
بعد عدة سنوات اخرى
يعمل كلا من محمود واسر في شركة مع احمد ومحمد
اما اسعد ابن ادهم ومنير ومحمود يعملوا في شركة ادم وادهم
اما هدى بنت محمد وفاطمة بنت ادم يعملان مع ليلى وهالة في مكتب هندسي خاص بهم
اما هدى بنت ادم و لبنا وفريدة بنات ادهم يعملوا في المستشفى العدوي التي انشأها ادم ويديرها اسعد ابنه
في قاعة احد الفنادق الشهيرة بالاسكندرية يقام عرس ابناء ليلى وادم فهو اسعد ايام حياتهم فهم ثمرة حبهم
يجلس كل عريس مع عروسته
*اسعد ابن ادم مع فريدة بنت ادهم
*محمود ابن ادم مع لبنا بنت ادهم
*اسر ابن احمد مع فاطمة بنت ادم
*محمود ابن محمد مع هدى بنت ادم
جلس ادم بجانب ليلى
ادم..عارفة ياليلى الحياة دي غريبة اوي
نظرت له ليلى بحب وامسكت يده
اكمل ادم..كل واحد ليه لما فرصة لما تجيله لازم يتمسك بيها ومضعش منه لانها ممكن تكون فرصة حياة .......انتهت
لو عجبتكم الرواية ياريت تقولوا رأيكم في الكومنتات
تعليقات
إرسال تعليق