بقلم مريم محمد
البارت الرابع عشر والخامس عشر
كامله على مدونة النجم المتوهج للروايات
فهد بحزن:معقولة كنت غبي لدرجة ان انا سبتها تمشي بالسهولة دي.. لا وكمان صدقت الكلـ"بة اللي خربت حياتي بس والله ما هسيبها هي والكلـ"ب التاني وهعلمهم ازاي يعملوا كدة
سيا:متحاولش تدور على رهف يا فهد عشان مش هتعرف مكانها إلا إذا كانت هي اللي حابة إنك تعرف مكانها... صدقني رهف مش هتقدر تسمع منك اي حاجة في الوقت ده
عشان لسة قلبها مكسـ"ور من اللي انت عملته فيها...رهف محتاجة وقت تكون بعيدة فيه عشان تهدي اعصابها ويمكن تحاول تنسى اللي فات
فهد بقلق:هي عاملة إيه يا سيا
نفسي اسمع صوتها اسمعه مرة واحدة بس عشان خاطري والنبي
سيا:هي كويسة يا فهد... بس بالنسبة لأنك تسمع صوتها دي انا مقدرش اساعدك فيها
حاول تتغير يا فهد عشان اقدر اساعدك مش عايزة اشوفك بتروح البا"ر ولا حتى بتزعق ولا اي حاجة من اللي انت بتعملها دي... وإلا صدقني مش هساعدك خالص!
فهد بصدق:اوعدك يا سيا أن انا هتغير وهحاسب كل واحد وجعها والمها وأول واحد هيتحاسب هو انا عشان أنا أكتر حد جر"حها
كنت المفروض اكون سندها وضهرها
واكون الإيد اللي تطبطب عليها مش تأذ'يها وتو"جعها
انا حاسس بندم عمري ما حسيت بيه قبل كدة يا سيا... حاسس ان انا عملت حاجة عمرها ما هتسامحني عليها حتى لو عملت إيه!
سيا:رهف مش وحشة كدة يا فهد
رهف إنسانة واكيد هتسامح لما تحس انك ندمان بجد واتغيرت عشانها وعشان حبك ليها
فهد:انا لازم امشي دلوقتي
سيا:ماشي يا فهد
خرج فهد من القصر واتجه إلى المخزن.. فتح المخزن وهو بيفتكر لخطة ما رهف قعدت تحكيله على اللي عمها كان بيعمله فيها هي ومامتها
فهد بصوت جحيمي:أهلا بالغاليين
والله مشرفين المكان بقالي كتير
مسمعتش صوتكم
عم رهف بتعب:سيبنا في حالنا بقى ابوس إيدك... إحنا حرمنا ومش هنعمل كدة تاني
فهد بسخرية:اعمل ايه بكلامك ده
كلامك ده هيرجع ضر"بك وفسو"تك على مراتي ولا ظلمك وحقد"ك على اخوك.. دايماً مكنتش بتسيب فرصة تعذبها فيها... كانت غايتك الضر"ب ومكنش بيهمك حد.. ما أبوها مات بقى وانت تعمل اللي انت عايزه
ومحدش هيقف في وشك ويقولك إيه اللي بتعمله ده
حسام بكر'ه:انت مش خلاص اتجوزتها عايز إيه تاني؟!
فهد قرب من حسام ونزل ضر"ب فيه
لحد ما وقع على الأرض ومكنش قادر يتحرك خالص
طبعاً مفيش حد من الحراس يقدر يبعد فهد... عشان عارفين هيعمل إيه
فهد بغضب:والله العظيم لأوريكم الم"ر يا كلا"ب زي ما كنتوا بتعملوا معاها وزيادة كمان
عند ميرنا ورامز
ميرنا ببكاء وحر'قة:طلقني يا رامز
طلقني عشان خاطرها... مش عارفة بيحبها على إيه... دي حتى سابته ومشيت وماخافتش منه
انا اللي كنت بعمله حساب على طول يعمل فيا كدة والله لأحرق قلبه عليها وهندمه على اللي عمله فيا ده
وأكملت قائلة بجنون:هحرق قلبه عليها.... هحرق قلبه عليها...وهخسره أغلى مايملك
وراحت ماسكة رامز من قميصه
بقوة:انت هتساعدني مش كدة!
هتساعدني انتقم منهم هما الأتنين
رامز بتوتر:طب انا مالي أبعدي إيدك عن هدومي!
ميرنا بصراخ:يعني هتساعدني ولا لأ
انت لازم تساعدني لازم تساعدني وإلا هقت'لك يا رامز هقت'لك يا رامز
رامز بخوف:طب اهدي طيب
انتي بتتكلمي كدة ليه
اهدي عشان مايحصلكيش حاجة!
ميرنا ببكاء:إذا مكنش ليا يبقى مستحيل يكون لغيري... واللي هيقرب منه هقت"له
وانت كمان يا رامز عايزاك تعرفلي مكان الزفتة دي عشان نلحق
نقت" لها
بسرعة قبل ما هو يوصلها
رامز:حاضر يا ميرنا
انا نازل اجبلك حاجة من الصيدلية
عشان تهدي شوية
ميرنا:طب بسرعة متتأخرش
رامز:حاضر
نزل رامز وكان لسة هيركب العربية
في بودي جاردات خدوه ودخلوه في عربية ومشيوا بسرعة
عند رهف في أمريكا
رهف بوجع:مش قادرة يا ماما انا في نص الشهر السابع ومش قادرة
والله
مامت رهف بحنان:معلش يا روحي استحملي شوية
رهف بدموع:مش قادرة يا ماما مش قااااادرة
وراحت صر"خت جامد
مامت رهف:الحقني يا هيثم بسرعة
الحقني اختك شكلها هتولد
هيثم طلع يجري بسرعة واخدوا رهف على مستشفى الدكتورة فريدة
بعد شوية
اول ما وصلوا على المستشفى كانت دكتورة فريدة مجهزة غرفة العمليات
داخل غرفة العمليات
دكتورة فريدة بحنان:حاولي تهدي
يا رهف....خدي نفس طويل وخرجيه بهدوء
فعلت رهف مثلما قالت لها الدكتورة فريدة
في الخارج كانت تقف مامت رهف وهيثم وياسر وسيا اللي سافرت
عشان تطمن على رهف
سيا:كدة برضو يا ياسر ابقى آخر من يعلم أن رهف هتولد النهاردة!
ياسر:صدقيني هي اللي طلبت أن محدش يعرف حاجة... عشان فهد ميعرفش يا سيا!
سيا:بنت ولا ولد؟!
ياسر بغيظ:وده وقته انتي كمان؟!
سيا:عايزة اعرف والنبي
ياسر:توام
سيا بفرحة:توأم؟!... الله أكبر
بسم الله ماشاء الله
بعد مرور بعض الوقت داخل غرفة العمليات
تخرج الدكتورة ومعاها طفلين
البنت على إيد والولد على إيد
مامت رهف بفرحة:بسم الله ماشاء الله... ربنا يبارك فيهم يارب
زي القمر يا حبايبي طالعين لمامتهم
الجميع بفرحة:رهف عاملة إيه يا دكتورة؟!
دكتورة فريدة بفرحة:بصراحة بقى هي تعبت جامد بس الحمدلله بقت بخير وتقدروا تتطمنوا عليها
اخد ياسر البنت وأذن لها في ودنها
وسيا كانت واقفة مبسوطة اوي
وهيثم اخد الولد وأذن له في ودنه
دخلوا عند رهف اللي كانت مبسوطة اوي
رهف بتعب:عايزة اشوف الولاد يا ماما
اقتربت مامت رهف وحطت الولاد جمبها
رهف بسعادة:تعبوني أوي بس زي القمر
سيا بضحك:زي ابوهم بقى؟!
ولما لاحظت اللي قالته بصت في الأرض
ياسر:انا آسف يا جماعة علي اللي قالته سيا هي بتحب تهزر كتير
رهف:لأ عادي مفيش حاجة
هيثم:هتسميهم إيه بقى يا رهف؟!
رهف بتفكير:البنت حور... والولد أدهم على اسم جدو الله يرحمه
سيا:أسماء جميلة جداً
اكتفت رهف بإبتسامة ولم تتحدث كثيراً
في المساء
ذهب تميم إلى المستشفى
تميم بإبتسامة:حمدالله على سلامتك يا رهف
رهف:الله يسلمك يا استاذ تميم
تميم:يلا بقى عشان الشركة مستنياكي ومستنية روحك الحلوة
رهف: قريب ان شاء الله
بعد مرور ثلاث شهور
في صباح يوم جديد
رهف وهي تقبل أطفالها بحب:سلام بقى يا حبايب ماما.. انا خارجة عشان الشغل
مامت رهف:وبعدين انتي هتسبيهم لوحدهم.. ما هما معاهم جدتهم اهو
رهف بإبتسامة:ربنا يخليكي ليا يا قلبي مش عارفة من غيرك كنت هتصرف ازاي!
مامت رهف:متقوليش كدة يا هبلة
وبعدين لو مربيتش عيالك هربي عيال مين!
رهف:ربنا يديكي الصحة يا ست الكل وتربي عيالهم
هيثم بضحك:ما تخلصوا بقى يا جماعة في فقرة الحب الممنوع دي
انا واحد عندي شغل وهترفد لو اتأخرت!
رهف:خلاص يا عم
بعد شوية
وصلت رهف الشركة
واتجهت إلى مكتبها مع مباركات الجميع لها
في المساء
تميم:مش عارف هينفع ولا لأ
بس انا هعمل صفقة بليل في مكان شيك يليق بالعميل وكنت محتاجك معايا يا رهف بما إنك السكرتيرة الخاصة
رهف:لأ عادي مفيش حاجة تمام
خرجت رهف وروحت البيت ولبست فستان مصنوع من الجلد باللون الكحلي مع وجود حزام به وارتداء حذاء ذات كعب عالي وبعض من الإكسسوارات التي لا تخرج صوت
كان شكلها حلو أوي
بعد شوية
وصل تميم أمام المنزل التي تقيم به رهف
نزلت رهف وهي متشيكة على الأخر
تميم مكنش مصدق اللي شايفه
تميم بتوهان:قمر
رهف:بتقول حاجة يا استاذ تميم
تميم:لأ بقول إننا اتأخرنا والعميل وصل قبلنا
رهف ركبت ورا
بعد شوية
وصلوا على مطعم راقي مشهور
صعدوا الدرج ووصلوا إلى قاعة الإجتماع
اول ما تميم فتح الباب
ودخلت رهف معاه
وشافت العميل رجليها ثبتت في الأرض
رهف بصدمة:فهدددددد؟؟!!
ياترى رهف هتتصرف ازاي إيه؟!
وفهد هيعمل إيه لما يشوفها!!!
البارت 15
رهف وقفت مكانها ومش قادرة تتحرك نهائي من شدة الصدمة
وقد تجمعت الدموع في عينيها ولم تستطيع إخفائها:فهددددد؟؟!!
تميم بإستغراب:رهف!
رهف:......
تميم:رهفففف؟!
رهف:نعم يا استاذ تميم
تميم:وقفتي ليه؟!
رهف دارت وشها بسرعة ومسحت دموعها:لأ مفيش حاجة اتفضل
دخلوا إلى قاعة الإجتماع
وقررت رهف أن ترتدي قناع القوة المزيف حتى تبان انها قوية وليست ضعيفة!
تميم بإبتسامة:أهلا يا فهد عامل ايه يا حبيبي؟!
فهد وهو لسة مخدش باله من رهف:الحمدلله بخير يا تميم
تميم:اعرفك رهف سكرتيرتي الخاصة
فهد حس ان ضربات قلبه بقت سريعة أوي اول ما سمع اسمها
فهد رفع وشه ليها شافها ثابتة
وكأنها متعرفوش
فهد:رهفففف...حبي....
رهف بمقاطعة:اهلا استاذ فهد
تميم بتساؤل:هو انتوا تعرفوا بعض ولا إيه؟!
رهف:لأ طبعاً انا اول مرة اشوفه!.
فهد اتصدم أوي من ردها
وقرر انه يتكلم معاها بعد ما الإجتماع يخلص
بعد شوية
بدأ الأجتماع تحت نظرات فهد لرهف
احد رجال الأعمال بإبتسامة:بصراحة مستر تميم السكرتيرة الخاصة فيك حلوة اوي.. وكمان شاطرة ومفيش منها اتنين
تميم بصله بغضب... ده غير فهد اللي كان عايز يقوم يضر"به. واللي يحصل يحصل
فهد بضيق:بلاش نخرج عن موضوعنا لو سمحت مستر جون
تميم:وانا رأيي كدة برضو!
جون بإحراج:تمام
وتمت الصفقة بين الشركتين
بعد شوية
خرجت رهف وتميم
ومعهم باقي رجال الأعمال
فهد:رهف
رهف سمعته بس مكانتش راضية تبصله
تميم:باين كدة فهد بينده عليكي يا رهف
رهف بسخرية:ما افتكرش
يلا بقى عشان أنا سايبة الولاد وبصراحة وحشوني
فهد قرب منهم ومسك إيد رهف
رهف شدت إيديها بقوة
أما تميم بص لفهد نظرة مش مفهومة
تميم:في حاجة ولا إيه يا فهد؟!
فهد:لأ مفيش بس كنت عايز اتكلم مع رهف شوية
رهف:عن إذن حضرتك مش فاضية
فهد:مش هأخرك هي دقيقة بالكتير أوي
رهف بنفاذ صبر:طب بسرعة لو سمحت
فهد:عن إذنك يا تميم عايز اتكلم معاها على إنفراد
تميم:حاضر
تميم خرج وهو متعجب من اللي بيحصل ده!
رهف بضيق:قبل ما تقول اي حاجة
انا عايزاك تعرف ان انا لا طايقا'ك ولا عايزة اشوفك ولا عايزة اسمعك من أساسه وكمان مش عايزة اسمع منك اي كلام
فهد قرب منها ومسك إيديها
رهف بعدت إيديه بعصبية:انت اتجننت ولا إيه... اوعي تقرب مني كدة تاني سامع... كل اللي فات ده ماضي وراح.. وأنت دلوقتي واحد غريب معرفكش
انا بقيت بكر'ه النفس اللي بتنفسه في نفس المكان اللي انت موجود فيه!
فهد:اضر'بيني وعاتبي واتخانقي
ولو حابة تمو"تيني يبقى احسن على الأقل همو"ت على إيد اكتر واحدة حبيتها في الدنيا دي كلها
رهف بسخرية:وياتري بقى قعدت قد إيه تحفظ في الكلمتين التافهين دول يا مستر فهد!
فهد:بلاش الطريقة دى يا رهف
لو سمحتي كلميني زي ما بكلمك
رهف:ما انا بكلمك زي ما بتكلمني
بصراحة بقى أنا مش فاضية للكلام الفاضي اللي عايز تتكلم فيه عشان أنا عندي اللي اهم منك بكتير!
قالت الكلام ده وخرجت وهي دموعها تكة ومش هتعرف تسيطر على نفسها
تميم:هنمشي ولا إيه؟!
رهف:اه
خرجت رهف ومشيت مع تميم
تحت نظرات فهد اللي متطمنش خالص
بعد شوية
رهف روحت وطلعت الشقة اللي ساكنة فيها
و اول ما دخلت جريت على مامتها وانهارت في البكاء بشدة
مامت رهف بخوف:مالك يا رهف
حد عملك حاجة؟!...
رهف بشهقات:ف.... فهد... فهد هنا يا ماما.. شوفته النهاردة في الإجتماع
بتاع الشغل مكنتش اعرف ان هو العميل بس اتفاجات لما دخلت الإجتماع وشوفته... ده غير أنه حاول يتكلم معايا اكتر من مرة
بس انا صديته بالكلام
وتميم شك أن إحنا نعرف بعض
مامت رهف:انا مش عايزاكي تخافي أو تفكري اي تفكير عبيط.. وهو مقدرش يقربلك وانا متأكدة من كدة
رهف بدموع:خايفة أوي يا ماما يكون عرف حاجة عن الولاد ويكون
جاي عشان ياخدهم مني.. ده لو حصل كدة انا همو"ت فيها!
مامت رهف:بعد الشر عليك يا حبيبتي... متقوليش كدة يا رهف
وبعدين هو لو بيحبك صحيح مستحيل يأذيكي
رهف بضحك:بيحبني ياااااه الكلمة دي انا بقيت بكر"هها أوي عشان كلها كدب وخداع.. وقليل أوي اللي يفهم معناها ويعمل بيها.
مامت رهف:طب قومي يا حبيبتي
وغيري هدومك وشوفي عيالك
وسيبيها على الله
رهف:ونعم بالله
دخلت اوضتها وغيرت لبسها
وشافت ولادها ونيمتهم
وفضلت سهرانة لحد ما عليها النوم ونامت
عند ميرنا ورامز
ميرنا:عرفت ان فهد سافر امبارح أمريكا عشان صفقة مع شركات تميم عمران الدمنهوري
رامز:أيوة عرفت... المهم بقى انتي
هتعملي إيه؟!
ميرنا بمكر:بكرة ان شاء الله نكون وصلنا أمريكا عشان مش فهد بس اللي هناك ده طلعت الهانم موجودة معاه
رامز:رهف في أمريكا؟!
ميرنا:اه.. وكمان شغالة في الشركة
اللي هو عمل فيها الصفقة يعني اكيد اتقابلوا!
رامز:إحنا لازم نتصرف بسرعة يا ميرنا
ميرنا:متقلقش بكرة ان شاء الله هنكون في أمريكا وهنتابع الأحداث حدث حدث وهنفذ خطتنا من غير وجع دماغ
رامز:تعجبني دماغك يا ميرنا
ميرنا:اومال إيه؟!
في صباح يوم جديد
استيقظت رهف وقامت أدت فرضها
وأكلت ولادها.. وجهزت الفطار
ودخلت جهزت نفسها عشان تروح الشغل
بعد شوية
خرجت رهف من البيت وذهبت إلى الشركة
وكان في حد بيراقبها من وقت ما خرجت من شقتها
دخلت المكتب
وتابعت الشغل وبدأت تشوف الملفات الجديدة
بعد مرور بعض الوقت
كانت واقفة بتظبط الملفات عشان
تبعتها لتميم يمضي عليها
وفجأة دخل فهد ومشى بهدوء وحضنها من ضهرها
رهف بخضة:يالهووووي
وكانت لسة هتصرخ فهد حط إيديه على بؤقها
رهف بعدته عنها وكانت خايفة حد يشوفهم
رهف بعصبية:انت ازاي تدخل كدة من غير ما تخبط على الباب
مش في باب الناس بتخبط عليه
ولا انت خلاص مبقتش عارف إيه اللي يصح وأيه اللي ميصحش
فهد بهدوء:عايز اتكلم معاكي
واعملي اللي انتي عايزاه بس من غير عصبية!
رهف:إحنا مفيش بينا كلام واتفضل اخرج من هنا عشان ما اطلبش الأمن!
فهد:الأمن
رهف:أيوة
فهد:بس انا مش هخرج يا رهف وهفضل هنا لحد ما تقبلي تتكلمي معايا وتديني فرصة اتكلم معاكي وادافع عن نفسي
رهف بصراخ:وانا مين اداني فرصة ادافع عن نفسي لما حضرتك اتهمتني في شرفي.. رد مين اداني فرصة
عشان أدى لواحد زيك فرصة متستحقهاش!
فهد بندم:لو سمحتي يا رهف حاولي تديني فرصة واحدة.. وانا هفهمك كل حاجة!
رهف بعصبية :مادام انت مش هتخرج انا اللي هخرج
وطلعت تجري بسرعة
وتميم سمع صوتها عشان جمب مكتبه
خرج من المكتب لقى فهد بيجري
جري وراه
رهف كانت مضايقة أوي ومش شايفة قدامها ودموعها غرقت وشها
أصبحت الرؤية مش واضحة قدامها
وكانت بتنزل على السلم بسرعة
رجليها اتزحلقت من ع السلم
ووقعت على السلم جابته من أوله لأخره
ووقعت غر"قانة في د"مها
تميم وفهد
بصدمة:رهففففففففففف؟؟!!
تكملة الرواية من هنا 👇👇👇👇👇👇
تعليقات
إرسال تعليق